BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

អ្នកការពារជើងឯក Iga Swiatek ដកខ្លួនពីការប្រកួតពានរង្វាន់ Miami Open

វាយកូនបាល់៖ កីឡាការិនីវាយកូនបាល់លេខ ១ ពិភពលោក Iga Swiatek បានសំរេចចិត្តដកខ្លួនមិនចូលរួមការប្រកួតកម្មវិធី Miami Open ដោយសាររបួសត្រគាក។ បើតាមការគ្រោងទុកកីឡាការិនីសញ្ជាតិប៉ូឡូញរូបនេះត្រូវមានកាលវិភាគប្រកួតជុំទី២ ជួបជាមួយកីឡាការិនីអាមេរិក Claire Liu នៅថ្ងៃព្រហស្បតិ៍នេះ។ Iga Swiatek បានបញ្ជាក់ថា នាងមានបញ្ហារបួសត្រគាកនេះតាំងពីការប្រកួតនៅវគ្គពាក់កណ្តាលផ្តាច់ព្រ័ត្រ Indian Wells ដែលចាញ់ Elena Rybakina។ របួសនេះដែរក៏បានធ្វើឱ្យ Swiatek កាន់តែបារម្ភពីលទ្ធភាពពីការចូលរួមការពារតំណែងជើងឯក Grand Slam, French Open ដែលនាងឈ្នះកីឡាការិនីអាមេរិក Coco Gauff នៅវគ្គផ្តាច់ព្រ័ត្រឆ្នាំមុន។ មុននឹងឈានដល់ French Open នៅថ្ងៃទី២៩ ខែឧសភានោះ ក៏នឹងមានព្រឹត្តិការណ៍សំខាន់ៗជាច្រើនផងដែររួមមាន WTA 500 Stuttgart Open និង WTA 1000 ពីរកម្មវិធី Madrid Open និង Italian Open ផងដែរ ដែលកម្មវិធីសំខាន់ៗទាំងនេះ Iga Swiatek ក៏អាចអវត្តមានផងដែរ៕អត្ថបទ៖នាង សុភាវុធ

Remco Evenepoel ឈ្នះដំណាក់កាលទី៣ ប្រណាំងកង់ Volta a Catalunya

ប្រណាំងកង់៖ ជើងឯកប្រណាំងកង់ពិភពលោកសញ្ជាតិប៊ែលហ្ស៊ិក Remco Evenepoel បានប្រជែងឈ្នះដំណាក់កាលទី៣ នៃព្រឹត្តិការណ៍ប្រណាំងកង់ Volta a Catalunya នៅប្រទេសអេស្ប៉ាញ។ ដំណាក់កាលទី៣ ដែលមានចំងាយផ្លូវ ១៨០.៥គីឡូម៉ែត្រកីឡាកររបស់ក្រុម Soudal-Quick Step រូបនេះបានប្រើល្បឿនខ្លួននៅចំនុច ៤.៥គីឡូម៉ែត្រចុងក្រោយ ដើម្បីប្រជែងឈ្នះក្នុងចំណោមកីឡាករ ៤០នាក់ដែលបូករួមទាំងអតីតជើងឯក Tour de France, Primoz Roglic ផងដែរដើម្បីមកដល់ទីព្រ័ត្រមុនគេប្រើពេល ៤ម៉ោង ៤០នាទី ៤៣វិនាទី តាមពីក្រោយដោយកីឡាករស្លូវេនី Primoz Roglic យឺតជាង ២វិនាទី និងលេខ៣ កីឡាករអ៊ីតាលី Giullo Ciccone យឺតជាង ១៣វិនាទី។ យ៉ាងណាក្តីក្រោយ ៣ដំណាក់កាលនេះកីឡាកររបស់ក្រុម Jumbo Visma, Primoz Roglic នៅតែបន្តនាំមុខគេដដែល និងតាមពីក្រោយដោយ Remco Evenepoel។ សំរាប់ដំណាក់កាលទី៤ ថ្ងៃព្រហស្បតិ៍នេះមានចំងាយផ្លូវ ១៨៨គីឡូម៉ែត្រ៕អត្ថបទ៖នាង សុភាវុធ

Mesut Ozil សម្រេចចិត្តចូលនិវត្តន៍ពីអាជីពកីឡាករបាល់ទាត់ហើយក្រោយចំណាយពេល ១៧ឆ្នាំ

បាល់ទាត់៖ អតីតខ្សែបម្រើក្រុមជម្រើសជាតិអាល្លឺម៉ង់ Mesut Ozil បានសម្រេចចិត្តចូលនិវត្តន៍ហើយនៅក្នុងវ័យ ៣៤ឆ្នាំ។ អតីតកីឡាកររបស់ Arsenal និង Real Madrid រូបនេះគឺជាសមាជិកសំខាន់របស់អាល្លឺម៉ង់ដែលឈ្នះជើងឯកពិភពលោក ២០១៤ នៅប្រេស៊ីល។ Ozil បានសម្រេចចិត្តចូលនិវត្តន៍ពីក្រុមជម្រើសជាតិអាល្លឺម៉ង់កាលពីឆ្នាំ២០១៨ ក្រោយវិវាទពាក់ព័ន្ធនឹងរឿងនយោបាយដោយសារតែរូបភាពសន្លឹកថតជាមួយប្រធានាធិបតីទួកគី Tayyip Erdogan និងក្រោយមកបានទទួលរងការរិះគន់ខ្លាំង។ Ozil បានបង្ហោះនៅលើបណ្តាញសង្គម Twitter ថា រយៈពេល ១៧ឆ្នាំកន្លងមកគេសូមអរគុណចំពោះការគាំទ្រ ចំពោះការលើកទឹកចិត្តរាល់បញ្ហាដែលកើតមាន តែរបួសញាំញីមួយរយៈចុងក្រោយជាដើមទងដែលឈានដល់ការសម្រេចចិត្តចូលនិវត្តន៍នេះ។ Mesut Ozil បានបង្ហាញខ្លួនសរុបឱ្យក្លិប និងក្រុមជម្រើសជាតិ ៦៤៥ប្រកួតរកបាន ១១៤គ្រាប់ និងបោះបញ្ជូន ២២២លើក។ ចាប់ផ្តើមអាជីពបាល់ទាត់ដំបូង Ozil ផ្តើមជាមួយ Schalke 04 មុនពេលផ្លាស់ទៅកាន់ Werder Bremen។ ទំរង់លេងល្អនៅទីនោះធ្វើឱ្យ Ozil ត្រូវបានកោះហៅចូលក្រុមជម្រើសជាតិអាល្លឺម៉ង់នៅឆ្នាំ២០០៥ និងឈានដល់ការបង្ហាញខ្លួននៅ World Cup 2010 អាហ្វ្រិកខាងត្បូងឡើងដល់វគ្គពាក់កណ្តាលផ្តាច់ព្រ័ត្រ។ ឆ្នាំ២០១៣ Ozil បានផ្លាស់ទៅកាន់ English Premier League ជាមួយក្រុមកាំភ្លើងធំ Arsenal លើកពាន FA Cup ម្តង និងស៊ុតបញ្ចូលទីនៅ Premier League បាន ៣៣គ្រាប់ និង ៥៩បាល់បញ្ជូន។ Ozil បានផ្លាស់ទៅកាន់ Fenerbahce នៅឆ្នាំ២០២១ ក្រោយ Arsenal រំលាយកិច្ចសន្យា មុនពេលផ្លាស់ទៅកាន់ Istanbul Basaksehir ជាក្លិបចុងក្រោយ៕អត្ថបទ៖នាង សុភាវុធ

រឿងទិញក្លិប Manchester United កាន់តែក្តៅ ក្រោយបេក្ខភាពទាំងពីរដាក់សំណើលើកទី២

បាល់ទាត់៖ ការប្រជែងគ្នាដើម្បីទិញក្លិបបិសាចក្រហម Manchester United កាន់តែក្តៅគគុក ខណៈដែលធនាគារកាតា Sheikh Jassim Bin Hamad Al Thani ត្រលប់មកវិញជាមួយនឹងការដេញថ្លៃលើកទី២ សម្រាប់ក្លិបយក្សអង់គ្លេស។មហាសេដ្ឋីអង់គ្លេស Jim Ratcliffe ក៏ត្រូវបានគេរំពឹងថានឹងធ្វើការផ្តល់ជូនសំណើជាលើកទី២ ដែរដើម្បីទិញក្លិបអង់គ្លេស ២០សម័យមកគ្រប់គ្រង។ ម្ចាស់ក្លឹប United ដែលជាគ្រួសារ Glazer ត្រូវបានគេរាយការណ៍ថាបានបង្កើតកំណត់ត្រាពិភពលោកតម្លៃ ៦ពាន់លានផោន (៧.៣ពាន់លានដុល្លារ) ក្លិបកីឡាដែលមានតម្លៃថ្លៃបំផុតលើលោក។ ការដេញថ្លៃរបស់ Sheikh Jassim សម្រាប់ការគ្រប់គ្រង ១០០ភាគរយនៃក្លឹបសន្យាថានឹងលុបបំណុល ៦២០លានដុល្លាររបស់ United និងវិនិយោគលើកីឡដ្ឋានថ្មី និងកន្លែងហ្វឹកហាត់បន្ថែមពីលើការគាំទ្រសម្រាប់ក្រុមបុរស និងក្រុមនារី។ស្ថាបនិកក្រុមហ៊ុន INEOS លោក Ratcliffe ដែលជាអ្នកគាំទ្រក្រុមបិសាចក្រហម Manchester United មានសុទិដ្ឋិនិយមក្នុងការវាយតម្លៃរបស់គាត់ ដោយទទូចថាគាត់នឹងមិនបង់ថ្លៃ "ឆោតល្ងង់" ក្នុងការដេញថ្លៃសម្រាប់ក្លឹបដ៏ល្បីល្បាញបំផុតមួយនៃកីឡាបាល់ទាត់នោះទេ។ Manchester United ដែលកំពុងដឹកនាំដោយ Erik ten Hag កំពុងឈរនៅលេខរៀងទី ៣ នៅ Premier League ឈានដល់វគ្គ ៨ក្រុមចុងក្រោយ UEFA Europa League និងជាម្ចាស់ពាន Carabao Cup ផងដែរ៕អត្ថបទ៖នាង សុភាវុធ

ក្រុមបាល់ទាត់ជម្រើសជាតិអាយុក្រោម ២២ឆ្នាំត្រៀមប្រកួតពាន Merlion នៅសិង្ហបុរី

បាល់ទាត់៖ ពេលនេះក្រុមបាល់ទាត់ជម្រើសជាតិកម្ពុជាអាយុក្រោម ២២ឆ្នាំកំពុងតែមមាញឹកហ្វឹកហាត់នៅប្រទេសសិង្ហបុរី ដើម្បីត្រៀមសម្រាប់ការប្រកួតពានរង្វាន់មិត្តភាពអន្តរជាតិ Merlion ដែលដំណើរការប្រកួតចាប់ពីថ្ងៃទី២៤ ខែមីនា ឆ្នាំ២០២៣នេះ។ការប្រកួតបាល់ទាត់ Merlion Cup គឺជាការប្រកួតបែបអញ្ជើញដែលរៀបចំជាប្រចាំឆ្នាំពីឆ្នាំ១៩៨២ ដល់១៩៨៦ ឆ្នាំ១៩៩២ ២០០៩ និង២០១៩។ ក្រុមដែលចូលរួមប្រកួតគឺជម្រើសជាតិ ក្រុមសម្រាប់ប្រកួតអូឡាំពិក និងក្លិបមួយចំនួន។ ថ្ងៃទី២៤ ខែមីនានេះ ក្រុមបាល់ទាត់យុវជនអាយុក្រោម ២២ឆ្នាំកម្ពុជាត្រូវជួបយុវជនអាយុក្រោម ២២ឆ្នាំម៉ាឡេស៊ី ខណៈដែលយុវជនម្ចាស់ផ្ទះសិង្ហបុរីត្រូវប្រកួតជាមួយយុវជនក្រុមជម្រើសហុងកុង។ ពីរថ្ងៃបន្ទាប់អ្នកឈ្នះនៃការប្រកួត នឹងជួបគ្នាដើម្បីសម្រេចម្ចាស់ពាន ចំនែកអ្នកចាញ់ប៉ះអ្នកចាញ់ដើម្បីដណ្តើមចំណាត់ថ្នាក់លេខ៣ និងលេខ៤។ ការប្រកួតនេះ BTV News ផ្សាយផ្ទាល់ពីប្រទេសសិង្ហបុរីជូនអ្នកគាំទ្របាល់កម្ពុជា៕

Arsenal នឹងជួបក្រុមតារាចម្រុះអាមេរិកដែលដឹកនាំដោយ Wayne Rooney

បាល់ទាត់៖ ក្រុមកំពុងនាំមុខគេនៅ Premier League កាំភ្លើងធំ Arsenal នឹងត្រូវជួបជាមួយក្រុមតារាចម្រុះនៃក្របខណ្ឌអាមេរិក Major League Soccer ដែលនឹងដឹកនាំដោយអតីតខ្សែប្រយុទ្ធ Manchester United, Wayne Rooney។ វានឹងជាការប្រកួតទី២ សម្រាប់ Arsenal ដែលត្រូវលេងទល់នឹងក្រុមតារាចម្រុះអាមេរិកដែលគ្រោងធ្វើឡើងនៅថ្ងៃទី១៩ ខែកក្កដានៅកីឡដ្ឋាន Audi របស់ក្រុម DC United នៅ Washington DC។ សម្រាប់ Wayne Rooney នឹងជាការបង្ហាញខ្លួនលើកទី៣ ដែលមានវត្តមាននៅការប្រកួត All Star បន្ទាប់ពីធ្លាប់ជាកីឡាករលេងទល់នឹង Atletico Madrid នៅឆ្នាំ២០១៩ និងជាសមាជិករបស់ Manchester United លេងទល់ All Star កាលពីឆ្នាំ២០១១៕អត្ថបទ៖នាង សុភាវុធ

ខ្សែការពារ Arsenal, Tomiyasu របួសជង្គង់ត្រូវអវត្តមានដល់ចប់រដូវកាល

បាល់ទាត់៖ ខ្សែការពារក្រុមកាំភ្លើងធំ Arsenal កីឡាករជប៉ុន Takehiro Tomiyasu នឹងត្រូវសម្រាករហូតដល់ចប់រដូវកាលនេះ បន្ទាប់ពីទទួលការវះកាត់ជង្គង់រួចរាល់ នេះបើតាមការបញ្ជាក់របស់ក្លិបដែលកំពុងនាំមុខគេនៅ English Premier League។ ខ្សែការពារស្លាបស្តាំជប៉ុនរូបនេះត្រូវបានផ្លាស់ប្តូរចេញអំឡុងការប្រកួត Europa League វគ្គ ១៦ក្រុមចុងក្រោយនៅពេល Arsenal ចាញ់ Sporting Lisbon។ អ្នកចាត់ការ Mikel Arteta ក៏បានបង្ហាញក្តីបារម្ភផងដែរជុំវិញបញ្ហារបួសរបស់ Tomiyasu ដែលលោកគិតថានឹងប៉ះពាល់ដល់កាលវិភាគប្រកួតរបស់ Arsenal ដែលនៅសល់។ Arsenal បានធ្លាក់ចេញពី Europa League ត្រឹមវគ្គ ១៦ក្រុមចុងក្រោយដោយបាល់ ១១ម៉ែត្រ តែពួកគេកំពុងនាំមុខគេនៅ Premier League នៅឡើយដោយនាំមុខដាច់ ៨ពិន្ទុពីក្រុមលេខ២ Manchester City។ Arsenal ក៏បាត់បង់ខ្សែការពារមួយរូបទៀតដែរគឺ William Saliba ដែលមានរបួសខ្នងក្នុងការប្រកួតទល់នឹង Sporting ផងដែរ៕អត្ថបទ៖នាង សុភាវុធ

ការប្រកួតកីឡាសិស្សមធ្យមសិក្សាជ្រើសរើសជើងឯកថ្នាក់ខេត្តសៀមរាបបញ្ចប់ដោយជោគជ័យ

សៀមរាប៖ ការប្រកួតកីឡាសិស្សមធ្យមសិក្សាជ្រើសរើសជើងឯកថ្នាក់ខេត្តប្រចាំឆ្នាំសិក្សា២០២២-២០២៣ ផ្នែកសិស្សមធ្យមសិក្សាលើប្រភេទកីឡាចំនួន ៦ប្រភេទបុរស-នារីត្រូវបានបញ្ចប់កាលពីល្ងាចថ្ងៃទី២២ ខែមីនា ឆ្នាំ២០២៣នេះ បន្ទាប់ពីបានចាប់ផ្តើមប្រកួតយ៉ាងស្វិតស្វាញអស់រយៈពេលមួយសប្ដាហ៍កន្លងមក។ លោក ជូន សុខវ៉ាន់ឌី ប្រធានការិយាល័យកីឡា និងជាគណៈកម្មការអនិន្ត្រៃយ៍រៀបចំការប្រកួត នៃមន្ទីរអប់រំយុវជន និងកីឡាខេត្តសៀមរាបលើកឡើងថា ការប្រកួតបានដំណើរការយ៉ាងរលូនចាប់ផ្ដើមពីថ្ងៃទី១៥ ខែមីនារហូតដល់ថ្ងៃបញ្ចប់នាថ្ងៃទី២២ ខែមីនា ឆ្នាំ២០២៣។ លោកបន្ដថា ក្រុមកីឡាករចូលរួមប្រកួតជ្រើសរើសជើងឯកប្រចាំឆ្នាំសិក្សា២០២២-២០២៣ មានចំនួន ១២ក្រុង-ស្រុក គ្រឹះស្ថានមធ្យមក្រោមឱវាទចំនួន៣ និងគ្រឹះស្ថានមធ្យមឯកជនចំនួន៧ផងដែរ។ លោកបន្ដថា ប្រភេទកីឡាមានចំនួន ៦ប្រភេទរួមមានប្រភេទកីឡាបាល់ទាត់ផ្នែកបុរស នារី ប្រភេទកីឡាបាល់ទះ បុរសនារី ប្រភេទកីឡាបាល់បោះ បុរសនារី ប្រភេទកីឡាអត្តពលកម្មបុរស-នារី ប្រភេទកីឡាប៊ូល និងប៉េតង់ ប្រភេទកីឡាតេក្វាន់ដូ ដែលមានកីឡាករ កីឡារិនីចូលរូមចំនួន ១២៦៤នាក់។ លោកបន្ថែមថា ឆ្លងតាមការប្រកួតយ៉ាងសកម្ម និងស្វិតស្វាញនៅលើទីលានប្រកួតទាំង ៦ប្រភេទកីឡាអស់រយៈពេលចំនួន ៧ថ្ងៃបានកត់សម្គាល់ឃើញថាក្រុមនីមួយៗមានបច្ចេកទេស និងទេពកោសល្យរបស់ខ្លួន ដែលបានចូលរួមប្រកួតប្រកបដោយទឹកចិត្តក្លៀវក្លា ដោយឈរលើស្មារតី គោរពវិន័យ បទបញ្ហាបច្ចេកទេស និងចេះស្រឡាញ់យោគយល់ អធ្យាស្រ័យគ្នា ហើយបានផ្សារភ្ជាប់យ៉ាងជិតស្និតនូវចំណងសាមគ្គីភាព ភាតរភាព ដែលជាគំរូមួយដ៍ល្អសម្រាប់អនាគតប្រទេសជាតិយើង។ លោក លី ប៊ុនណា ប្រធានមន្ទីរអប់រំយុវជន និងកីឡាខេត្ដសៀមរាប លោកបានកោតសរសើរខ្ពស់ចំពោះការរៀបចំការប្រកួតដ៍ស្វិតស្វាញនាពេលនេះ។ លោកបន្ដថា ការលេងកីឡាគឺមានសារៈប្រយោជន៍សម្រាប់មនុស្សគ្រប់វ័យ ក្នុងការទទួលបាននូវសុខភាពល្អទាំងផ្លូវ កាយផ្លូវចិត្ត និងជួយឱ្យជៀសផុតពីភាពអសកម្មផ្សេងៗក្នុងសង្គម។ មិនតែប៉ុណ្ណោះកីឡាបានរួមចំណែកកសាងធនធានមនុស្ស និងអភិវឌ្ឍសង្គមជាតិឱ្យសមស្របទៅតាមគោលនយោបាយ និងយុទ្ធសាស្ត្រចតុកោណតំណាក់កាលទី៤ របស់រាជរដ្ឋាភិបាលនៃព្រះរាជាណាចក្រកម្ពុជា។ ប្រទេសកម្ពុជាយើងនឹងទទួលធ្វើម្ចាស់ផ្ទះក្នុងការរៀបចំព្រឹត្តិការណ៍ស៊ីហ្គេមឆ្នាំ២០២៣ នាពេលមុខ ដូចនេះការលើកស្ទួយវិស័យកីឡាគឺជារឿងចាំបាច់ ព្រោះថា វិស័យអប់រំកាយ និងកីឡា ជាសមាសភាពមួយមិនអាចខ្វះបានក្នុងចំណោមសមាសភាគទាំងប្រាំនៃវិស័យអប់រំ សំដៅកសាងកាយសប្បទារឹងមាំ មានសុខភាពល្អ បង្កើតចំណងមិត្តភាព ភាតរភាព ឱ្យមាននិរន្តរភាព។ លោកបន្ថែមថា កីឡាសិស្សមធ្យមសិក្សាទាំងអស់ដែលបានចូលរួមក្នុងការប្រកួត ដោយឈរលើគោលការណ៍បទបញ្ជានៃការប្រកួតកីឡាបានល្អត្រឹមត្រូវ ក្នុងស្មារតីទទួលខុសត្រូវខ្ពស់ស្រលាញ់កីឡាពិតប្រាកដ ហើយបានទទួលលទ្ធផលបច្ចេកទេសរបស់ខ្លួន “មិនគិតតែពីឈ្នះ - ចាញ់ឡើយ“។ លោកបានអំពាវនាវដល់មន្ត្រីថ្នាក់ដឹកនាំគ្រប់ការិយាល័យ អប់រំយុវជន និងកីឡានៃរដ្ឋបាលក្រុង-ស្រុក គ្រប់គ្រឹះស្ថានសិក្សាសាធាណៈ និងឯកជនទូទាំងខេត្ត ឱ្យចូលរួមបំផុសសកម្មភាពកីឡាឱ្យបានទូលំទូលាយ ជាពិសេសសកម្មភាពអប់រំកាយ និងកីឡានៅតាមគ្រឹះស្ថានបឋមសិក្សា និងមធ្យមសិក្សាដើម្បីជាគោលដៅសម្រាប់មិត្តភាព សាមគ្គីភាព សុខុមាលភាព ទាំងផ្លូវកាយ - ផ្លូវបញ្ញាដល់សិស្សានុសិស្ស និងប្រជាជនកម្ពុជា៕

ព្រះអគ្គិជ័យកីឡាស៊ីហ្គេម និងអាស៊ានប៉ារ៉ាហ្គេម ២០២៣ ធ្វើដំណើរដល់ប្រទេសវៀតណាម

(ហាណូយ)៖ ដូចការគ្រោងទុក បន្ទាប់ពីចាកចេញព្រះរាជាណាចក្រកម្ពុជា ព្រះអគ្គិជ័យកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ បានធ្វើដំណើរដល់ទីក្រុងហាណូយ ប្រទេសវៀតណាម ដោយសុវត្ថិភាព នៅរាត្រីថ្ងៃទី២២ ខែមីនា ឆ្នាំ២០២៣។ប្រតិភូដំណើរអគ្គិជ័យកីឡា ដែលដឹកនាំដោយ ឯកឧត្តម ហោ សារុន រដ្ឋលេខាធិការក្រសួងទេសចរណ៍ អនុប្រធានគណៈកម្មការពិធីបើក-បិទស៊ីហ្គេម និងអាស៊ានប៉ារ៉ាហ្គេម និងជាបេសកជន ពិសេសដឹកនាំដង្ហែអគ្គិជ័យកីឡា និងភ្លើងគប់ ត្រូវទទួលស្វាគមន៍ដោយលោកជំទាវ ជា គឹមថា ឯកអគ្គរាជទូត ព្រះរាជាណាចក្រកម្ពុជា ប្រចាំនៅប្រទេសវៀតណាម និងមន្ត្រីជាន់ខ្ពស់កីឡាវៀតណាមជាច្រើនរូបទៀត។ បន្ទាប់មកអគ្គិជ័យកីឡា ត្រូវបានគណៈប្រតិភូដង្ហែ ទៅតម្កល់ទុកនៅស្ថានទូតព្រះរាជាណាចក្រកម្ពុជា ប្រចាំនៅសាធារណរដ្ឋសង្គមនិយមវៀតណាម ដើម្បីរង់ចាំដង្ហែ និងរត់ភ្លើងគប់ស៊ីហ្គេម អាស៊ានប៉ារ៉ាហ្គេម ២០២៣ នៅទីនោះនាថ្ងៃទី២៤ ខែមីនា ឆ្នាំ២០២៣។តាមកម្មវិធីព្រឹកថ្ងៃទី២៤ ខែមីនា អគ្គិជ័យកីឡា ក៏ដូចជាគប់ភ្លើង នឹងត្រូវដង្ហែ និងរត់ចេញពីស្ថានទូត ព្រះរាជាណាចក្រកម្ពុជា ជុំវិញបឹងអណ្តើក(Ho Goum) ចម្ងាយបីគីឡូម៉ែត្រ ដោយមានការចូលរួមពីកីឡាករ កីឡាការិនីល្បីៗរបស់វៀតណាម ហើយត្រឡប់យកមករក្សាទុកនៅស្ថានទូតជាថ្មី ដើម្បីរង់ចាំចេញដំណើរទៅកាន់ទីក្រុងម៉ានីល ប្រទេសហ្វីលីពីននៅថ្ងៃទី២៥ ខែមីនា ឆ្នាំ២០២៣។សូមជម្រាបជូនថា ព្រះអគ្គិជ័យកីឡាមានប្រវត្តិ និងខ្លឹមសារស៊ីជម្រៅជាប់ពាក់ព័ន្ធភ្លើងកីឡាអូឡាំពិក ដែលកាលពីប្រមាណជាង ២០០០ ឆ្នាំមុនគ.ស រៀងរាល់ការប្រារព្វពិធីប្រកួតកីឡាអូឡាំពិកបុរាណ នៅលើភ្នំអូឡាំព៉្យា ប្រទេសក្រិចបុរាណបានយកភ្លើងពីកម្តៅព្រះអាទិត្យ ដើម្បីបើកការប្រកួតកីឡាអូឡាំពិក រហូតដល់បច្ចុប្បន្ន ។ព្រះអគ្គិជ័យកីឡា មានអត្ថន័យជ្រាលជ្រៅ ស៊ីជម្រៅ ជានិមិត្តរូបនៃកម្លាំងថាមពលនៃជីវិតមនុស្សសត្វ និងជាសភាវៈធម៌ដ៏បរិសុទ្ធ ដែលផ្តល់នូវសេចក្តីសុខ សុភមង្គល និងសន្តិភាព ដល់មនុស្សជាតិទាំងអស់រស់នៅលើភពផែនដី តាមប្រធានបទ “កីឡានាំមកនូវសាមគ្គីភាព មិត្តភាព និងសន្តិភាព” ៕

Rafael Nadal ខ្ទាតពីចំណាត់ថ្នាក់ Top10 លើកដំបូងតាំងពីឆ្នាំ២០០៥

វាយកូនបាល់៖ កីឡាករអេស្ប៉ាញ Rafael Nadal បានខ្ទាតចេញពីចំណាត់ថ្នាក់ Top10 ពិភពលោកជាលើកដំបូងតាំងពីឆ្នាំ២០០៥ បន្ទាប់ពីអវត្តមានពីការប្រកួតនៅក្របខណ្ឌ ATP Masters 1000 នៅ Indian Wells។ Nadal បានបង្ខំចិត្តដកខ្លួនពីការប្រកួតនៅរដ្ឋ California ដែលខ្លួនធ្លាប់ឡើងដល់វគ្គផ្តាច់ព្រ័ត្រឆ្នាំមុន ដោយសារបន្តថែខ្លួនក្រោយជាពីរបួសត្រគាកដែលបណ្តាលឱ្យបរាជ័យការប្រកួតត្រឹមជុំទី២ នៅ Grand Slam, Australian Open កាលពីខែមករា។ ដោយមិនបានចូលលេងនៅកម្មវិធី Indian Wells រឺស្មើនឹងការខាតបង់ ៦០០ពិន្ទុនៅតារាង ATP World Ranking នោះ ធ្វើឱ្យ Nadal ធ្លាក់អស់ ៤ចំណាត់ថ្នាក់ពីលេខ ៩ ដល់លេខ ១៣ ពិភពលោក បញ្ចប់ការរក្សាខ្លួនក្នុងលំដាប់ Top10 រយៈពេល ៩១២សប្តាហ៍ ពោលគឺតាំងពីពេលកីឡាករលេខ ២ ពិភពលោកបច្ចុប្បន្នសញ្ជាតិអេស្ប៉ាញ Carlos Alcaraz មានវ័យមិនដល់ពីរឆ្នាំស្រួលបួលផង។ យ៉ាងណាក្តីគេមិនរំពឹងថា Nadal នៅក្រៅលំដាប់ Top10 យូរពេកឡើយ ខណៈដែលព្រឹត្តិការណ៍ Monte Carlo ខិតជិតចូលមកដល់ជាកម្មវិធីដែល Nadal ទទួលបានជោគជ័យបំផុតក្នុងអាជីពនៅលើទីលានដីក្រហម ក៏ដូចជា Grand Slam, French Open នៅពេលខាងមុខផងដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អ្នកការពារជើងឯក Iga Swiatek ដកខ្លួនពីការប្រកួតពានរង្វាន់ Miami Open

Remco Evenepoel ឈ្នះដំណាក់កាលទី៣ ប្រណាំងកង់ Volta a Catalunya

Mesut Ozil សម្រេចចិត្តចូលនិវត្តន៍ពីអាជីពកីឡាករបាល់ទាត់ហើយក្រោយចំណាយពេល ១៧ឆ្នាំ

រឿងទិញក្លិប Manchester United កាន់តែក្តៅ ក្រោយបេក្ខភាពទាំងពីរដាក់សំណើលើកទី២

ក្រុមបាល់ទាត់ជម្រើសជាតិអាយុក្រោម ២២ឆ្នាំត្រៀមប្រកួតពាន Merlion នៅសិង្ហបុរី

Arsenal នឹងជួបក្រុមតារាចម្រុះអាមេរិកដែលដឹកនាំដោយ Wayne Rooney

ខ្សែការពារ Arsenal, Tomiyasu របួសជង្គង់ត្រូវអវត្តមានដល់ចប់រដូវកាល

ការប្រកួតកីឡាសិស្សមធ្យមសិក្សាជ្រើសរើសជើងឯកថ្នាក់ខេត្តសៀមរាបបញ្ចប់ដោយជោគជ័យ

ព្រះអគ្គិជ័យកីឡាស៊ីហ្គេម និងអាស៊ានប៉ារ៉ាហ្គេម ២០២៣ ធ្វើដំណើរដល់ប្រទេសវៀតណាម

Rafael Nadal ខ្ទាតពីចំណាត់ថ្នាក់ Top10 លើកដំបូងតាំងពីឆ្នាំ២០០៥

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អ្នកការពារ​ជើងឯក Iga Swiatek ដកខ្លួន​ពី​ការប្រកួត​ពានរង្វាន់ Miami Open

Remco Evenepoel ឈ្នះ​ដំណាក់កាល​ទី៣ ប្រណាំង​កង់ Volta a Catalunya

Mesut Ozil សម្រេចចិត្ត​ចូលនិវត្តន៍​ពី​អាជីព​កីឡាករ​បាល់ទាត់​ហើយ​ក្រោយ​ចំណាយ​ពេល ១៧ឆ្នាំ​

រឿង​ទិញ​ក្លិប Manchester United កាន់តែ​ក្តៅ ក្រោយ​បេក្ខភាព​ទាំងពីរ​ដាក់​សំណើ​លើក​ទី២

ក្រុមបាល់ទាត់​ជម្រើសជាតិ​អាយុ​ក្រោម ​២២​ឆ្នាំ​ត្រៀម​ប្រកួត​ពាន Merlion នៅ​សិង្ហ​បុរី​

Arsenal នឹង​ជួប​ក្រុម​តារា​ចម្រុះ​អាមេរិក​ដែល​ដឹកនាំ​ដោយ Wayne Rooney

ខ្សែការពារ Arsenal, Tomiyasu របួស​ជង្គង់​ត្រូវ​អវត្តមាន​ដល់​ចប់​រដូវ​កាល

ការប្រកួត​កីឡា​សិស្ស​មធ្យមសិក្សា​ជ្រើសរើស​ជើងឯក​ថ្នាក់​ខេត្តសៀមរាប​បញ្ចប់​ដោយ​ជោគជ័យ​

ព្រះអគ្គិជ័យកីឡាស៊ីហ្គេម និងអាស៊ានប៉ារ៉ាហ្គេម ២០២៣ ធ្វើដំណើរដល់ប្រទេសវៀតណាម

Rafael Nadal ខ្ទាត​ពី​ចំណាត់ថ្នាក់ Top10 លើកដំបូង​តាំងពី​ឆ្នាំ២០០៥

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អ្នកការពារជើងឯក Iga Swiatek ដកខ្លួនពីការប្រកួតពានរង្វាន់ Miami Open

Remco Evenepoel ឈ្នះដំណាក់កាលទី៣ ប្រណាំងកង់ Volta a Catalunya

Mesut Ozil សម្រេចចិត្តចូលនិវត្តន៍ពីអាជីពកីឡាករបាល់ទាត់ហើយក្រោយចំណាយពេល ១៧ឆ្នាំ

រឿងទិញក្លិប Manchester United កាន់តែក្តៅ ក្រោយបេក្ខភាពទាំងពីរដាក់សំណើលើកទី២

ក្រុមបាល់ទាត់ជម្រើសជាតិអាយុក្រោម ២២ឆ្នាំត្រៀមប្រកួតពាន Merlion នៅសិង្ហបុរី

Arsenal នឹងជួបក្រុមតារាចម្រុះអាមេរិកដែលដឹកនាំដោយ Wayne Rooney

ខ្សែការពារ Arsenal, Tomiyasu របួសជង្គង់ត្រូវអវត្តមានដល់ចប់រដូវកាល

ការប្រកួតកីឡាសិស្សមធ្យមសិក្សាជ្រើសរើសជើងឯកថ្នាក់ខេត្តសៀមរាបបញ្ចប់ដោយជោគជ័យ

Rafael Nadal ខ្ទាតពីចំណាត់ថ្នាក់ Top10 លើកដំបូងតាំងពីឆ្នាំ២០០៥