BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

វគ្គ ៤ ក្រុម FA Cup Man City ជួប Sheffield United ខណៈ Brighton ជួប Man United

បាល់ទាត់៖ ក្រុមជើងឯក FA Cup ៦ សម័យ Manchester City នឹងត្រូវជួបជាមួយជើងឯក ៣ សម័យ Sheffield United នៅវគ្គពាក់កណ្តាលផ្តាច់ព្រ័ត្រ ខណៈក្រុមជើងឯក ១២ សម័យ Manchester United នឹងត្រូវជួបជាមួយ Brighton Hove & Albion បន្ទាប់ពីការចាប់ឆ្នោតយប់ថ្ងៃអាទិត្យម្សិលមិញ។ City បានឡើងទៅកាន់វគ្គពាក់កណ្តាលផ្តាច់ព្រ័ត្រតាមរយៈជ័យជំនះធំធេងលើ Burnley ៦-០ កាលពីថ្ងៃសៅរ៍ ដោយខ្សែប្រយុទ្ធន័រវេស Erling Haaland ស៊ុតបញ្ចូលទី ៣ គ្រាប់ម្នាក់ឯង។ ចំណែក Sheffield United ថ្ងៃអាទិត្យម្សិលមិញបានយកឈ្នះ Blackburn Rovers ៣-២ ដើម្បីឡើងវគ្គ ៤ ក្រុមចុងក្រោយលើកដំបូងតាំងពីឆ្នាំ២០១៤ ស្របពេលដែល Brighton យកឈ្នះដំណើរផ្សងព្រេងក្រុមមកពីលីគទី ៤ Grimsby តាមរយៈជ័យជំនះ ៥-០។ គូចុងក្រោយគេយប់មិញ បិសាចក្រហម Manchester United បានយកឈ្នះក្រុមដែលមានគ្នាតែ ៩ នាក់ Fulham ៣-១ បន្ទាប់ពី Fulham មានកីឡាករពីរនាក់ត្រូវបណ្តេញចេញរួមមាន Willian និង Mitrovic បើទោះជាពួកគេជាអ្នកនាំមុខមុននៅ Old Trafford ក៏ដោយ។ សម្រាប់វគ្គពាក់កណ្តាលផ្តាច់ព្រ័ត្រនឹងធ្វើនៅថ្ងៃទី២២ ខែមេសាខាងមុខ៕អត្ថបទ៖នាង សុភាវុធ

ឯកឧត្តម ហ៊ុន ម៉ានី៖ ការលេងកីឡានឹងជំរុញវិស័យកីឡាក្លាយជាចលនាជាតិដ៏រស់រវើកសម្រាប់យុវជន

បាល់ទាត់៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានចាត់ទុកសកម្មភាពយុវជនក្នុងវិស័យកីឡាគឺជាការរួមចំណែកបន្ថែមក្នុងការគាំទ្រ និងអភិវឌ្ឍន៍វិស័យកីឡាកម្ពុជា ដោយឈរលើស្មារតី “កីឡារស់ក្នុងសន្ដិភាព” និង “ប្រជាជនម្នាក់លេងកីឡាមួយប្រភេទប្រចាំជីវិត” ធ្វើយ៉ាងណាជំរុញវិស័យឲ្យក្លាយជាចលនាជាតិដ៏រស់រវើកមួយ សម្រាប់យុវជន និងប្រជាជនកម្ពុជា។ ការលើកឡើងនេះក្នុងពិធីបិទការប្រកួតកីឡាបាល់ទាត់ ដណ្ដើមពានរង្វាន់មិត្តភាពយុវជនអន្ដរក្រសួង-ស្ថាប័នលើកទី៨ ឆ្នាំ២០២៣ កាលពីចុងសប្ដាហ៍កន្លងទៅ ដោយក្រុមក្រសួងសាធារណការ និងដឹកជញ្ជូនបានគ្រងតំណែងជើងឯកលើកដំបូង បន្ទាប់ពីយកឈ្នះក្រុមក្រសួងសុខាភិបាលដោយលទ្ធផល ៤-៣ គ្រាដែលចំណាត់ថ្នាក់លេខ៣ បានទៅក្រុមក្រសួងសង្គមកិច្ច អតីតយុទ្ធជន និងយុវនីតិសម្បទា ក្រោយយកឈ្នះក្រសួងបរិស្ថាន ២-០។ ឯកឧត្តម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះគណៈកម្មការរៀបចំព្រឹត្តិការណ៍នេះ ដែលរៀបចំពានរង្វាន់មិត្តភាពអន្ដរក្រសួង-ស្ថាប័នឆ្នាំនេះដោយរលូន និងជោគជ័យ ក្រោយខកខានរៀបចំ ២ឆ្នាំដោយសារជំងឺរាតត្បាតកូវីដ-១៩។ ឯកឧត្តមក៏បានថ្លែងអំណរគ្រប់ក្រសួង-ស្ថាប័នដែលបានបញ្ជូនក្រុមមកចូលរួម និងគាំទ្រព្រឹត្តិការណ៍ដែលរៀបចំឡើងក្នុងគោលបំណងដើម្បីមិត្តភាព សាមគ្គីភាព និងពង្រីកកិច្ចសហប្រតិបត្តិការ និងបំផុសការលេងកីឡាក្នុងចំណោមមន្ដ្រីរាជការនេះ ដើម្បីជាគំរូ និងការរួមចំណែកមួយក្នុងវិស័យកីឡាជាតិ។ ប្រធានសហភាពសហព័ន្ធយុវជនកម្ពុជាដដែលបន្ថែមថា តាមរយៈការរៀបចំព្រឹត្តិការណ៍នេះក៏ភ្ជាប់ជាមួយការផ្សព្វផ្សាយ និងអបអរដំណើរឆ្ពោះទៅស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ផងដែរ។ ជាក់ស្ដែងដើម្បីជំរុញកិត្យានុភាពជាតិក្នុងការត្រៀមព្រឹត្តិការណ៍ជាប្រវត្តិសាស្ដ្រនេះ ស.ស.យ.ក បានរៀបចំនូវកម្មវិធីជាច្រើន ពិសេសយុទ្ធនាការ Beyond The Games ជាមួយយុទ្ធនាការបត់បេះដូង ១លានបេះដូង ដើម្បីឆ្ពោះទៅបំបែកឯកតកម្មពិភពលោកផង និងអបអរ ក៏ដូចជាផ្សព្វផ្សាយពីព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជាជាដើម៕ អត្ថបទ៖ លី ឈុនឡា

ស្រុកសំរោងបើកការប្រកួតកីឡាបាល់ទាល់មិត្តភាពពានរង្វាន់ឯកឧត្តមបណ្ឌិត ហ៊ុន ម៉ាណែត ផ្លូវការ

បាល់ទាល់៖ សម្រាប់ការប្រកួតកីឡាបាល់ទាត់មិត្តភាពពានរង្វាន់ឯកឧត្ដម បណ្ឌិត ហ៊ុន ម៉ាណែត បានចាប់ផ្ដើមជាផ្លូវការហើយ ដែលការប្រកួតនេះធ្វើនៅទីលានបាល់ទាត់សាលាបឋមសិក្សាបត់រកា ស្រុកសំរោង ខេត្តតាកែវ ដែលពិធីបើកអញ្ជើញចូលរួមដោយឯកឧត្តម ម៉ៅ ហាវណ្ណាល់ សហប្រធាន ៩ឃុំចុះជួយមូលដ្ឋានស្រុកសំរោង ក្នុងនោះឯកឧត្តមបានបញ្ជាក់ថា ការលេងកីឡាមាននៅគ្រប់ទីកន្លែងនឹងធ្វើឱ្យវិស័យកីឡាកម្ពុជាកាន់តែខ្លាំងទាំងឆាកជាតិ និងអន្តរជាតិ ហើយនេះជាសកម្មភាពស្វាគមន៍កីឡាស៊ីហ្គេម ដែលនឹងចូលមកដល់ឆាប់ៗនេះលើទឹកដីកម្ពុជា។ ឯកឧត្តម ពៅ ប៉ូលីណែល អនុប្រធានក្រុមការងារគណបក្សចុះមូលដ្ឋានស្រុកសំរោងបានប្រាប់ថា ការប្រកួតកីឡាបាល់ទាល់មិត្តភាពានរង្វាន់ឯកឧត្តមបណ្ឌិត ហ៊ុន ម៉ាណែត នៅថ្ងៃបើកឆាកគឺមានកីឡាករវ័យចាស់ជំនាន់ទសវត្សឆ្នាំ៦០ ចំនួន ២ក្រុមមកប្រកូតបើកឆាក ដើម្បីបង្ហាញឱ្យកីឡាករបានឃើញពីបច្ចេកទេស និងអត្ថន័យនៃការលេងកីឡា ដោយសារកីឡាករវ័យចាស់ខ្លះមានអាយុរហូតដល់វ័យជិត ៨០ឆ្នាំទៅហើយ ប៉ុន្តែនៅតែអាចលេងកីឡាបាន ដូចនេះតាមរយៈលេងកីឡានេះបានធ្វើឱ្យសុខភាពរឹងមាំ មានចំណងមិត្តភាព សាមគ្គីភាព ហើយនឹងធ្វើឱ្យវិស័យកីឡាកាន់តែរីកចម្រើន ពិសេសតាមរយៈលេងកីឡាបាល់ទាត់នេះ ជាសារបញ្ជាក់ប្រាប់ពលរដ្ឋឱ្យត្រៀមខ្លួនស្វាគមន៍កីឡាស៊ីហ្គេមដែលកម្ពុជាធ្វើម្ចាស់លើកទី១ ក្នុងប្រវត្តិសាស្ត្រនឹងឈានមកដល់ឆាប់ៗនេះ។ ចំណែកីឡាករវ័យចាស់ ២រូបបានប្រាប់ថា ពួកគាត់លេងបើកវគ្គនេះចង់បង្ហាញឱ្យកូនខ្មែរបានដឹងថា ការលេងកីឡា ពិតជាធ្វើឱ្យសុខភាពរឹងមាំ ដូចពួកគាត់ជាឧទាហរណ៍ស្រាប់ ហើយជាសកម្មភាពផ្ញើសារដល់យុវជនទាំងអស់ឱ្យស្រឡាញ់កីឡា កីឡាក្រៅពីធ្វើឱ្យសុខភាពរឹងមាំ នៅធ្វើឱ្យមនុស្សមានទំនាក់ទំនងល្អ ប្រាជ្ញាឈ្លៀសវៃ និងធ្វើឱ្យវិស័យកីឡាកម្ពុជាកាន់តែរីកចម្រើនផងដែរ។ សូមបញ្ជាក់ថា ការប្រកួតកីឡាបាល់ទាល់មិត្តភាពានរង្វាន់ឯកឧត្តមបណ្ឌិត ហ៊ុន ម៉ាណែត មានកីឡាករចំនួន ១០ក្រុម ដែលមកពី ១០វិទ្យាល័យក្នុងស្រុកសំរោង ដែលក្រុមទទួលបានចំណាត់ថ្នាក់លេខ១ ទទួលបានពានរង្វាន់ អមនឹងថវិកា ១២លានរៀល ហើយការប្រកួតនេះនឹងបញ្ចប់នៅថ្ងៃទី៩ ខែមេសា ឆ្នាំ២០២៣នេះ៕ អត្ថបទ៖ គង់ រ៉េន

សម្តេចប្រធាន CAMSOC៖ “ដើម្បីរួមចំណែកដល់ការត្រៀមខ្លួនបានល្អ ជៀសវាងដាច់ខាតការបង្កជម្លោះ”

ស៊ីហ្គេម៖ ដើម្បីរួមចំណែកដល់ការត្រៀមខ្លួនបានល្អក្នុងព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម និងជាជំនួយស្មារតី អនុវត្តការងារប្រកបដោយឆន្ទៈ និងស្មារតីទទួលខុសត្រូវខ្ពស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ បានដាក់ចេញនូវគោលការណ៍ប្រាំមួយចំនុច។ ការដាក់ចេញគោលការណ៍ដ៏មានសារៈសំខាន់ទាំងនេះ ធ្វើឡើងក្នុងសិក្ខាសាលាថ្នាក់ជាតិស្តីពីការត្រៀមរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ២០២៣ ថ្ងៃទី១៨ ខែមីនា ឆ្នាំ២០២៣ នៅក្រសួងការពារជាតិ។ ក្នុងនោះសម្តេចពិជ័យសេនាបានបញ្ជាក់ថា ជៀសវាងដាច់ខាតការបង្កជម្លោះ បង្កើតបញ្ហា ប្រឌិតបញ្ហា និងឈ្លោះប្រកែកគ្នាធ្វើឱ្យអាប់អ៊ូរបរិយាកាសការងារ បាត់បង់ទំនាក់ទំនងល្អ និងប៉ះពាល់កិត្តិយស ភាពថ្លៃថ្នូរ ប្រពៃណីជាតិ ដែលយើងទាំងអស់គ្នាទទួលអាណត្តិពីរាជរដ្ឋាភិបាល និងប្រជាជនទូទាំងប្រទេសជាង ១៦លាននាក់។ ខណៈនោះសម្តេចបានបញ្ជាក់បន្ថែមទៀតថា ត្រូវក្តាប់ព័ត៌មាន និងយល់ច្បាស់ពីកម្មវិធីនីមួយៗ ទីតាំងប្រារព្ធពិធី ដំណើរការកម្មវិធី និងខ្លឹមសារកម្មវិធីនីមួយៗឱ្យបានជាក់លាក់ច្បាស់លាស់ ឧទាហរណ៍ពិធីបើក ពិធីបិទ ថ្ងៃណា? ទីកន្លែងណា? ម៉ោងប៉ុន្មាន? អ្នកណាខ្លះចូលរួម? ជាដើម។ ចំនែកគោលការណ៍សំខាន់ៗផ្សេងទៀតដែលសម្តេចប្រធាន CAMSOC បានដាក់ចេញរួមមានត្រូវប្រើយន្តការ ទំនាក់ទំនងជាស្មារតីគ្រួសារ ស៊ីហ្គេមគឺការយោគយល់គ្នា ការឈឺឆ្អាលការងារគ្នា និងការរួមសាមគ្គីគ្នាធ្វើការជាក្រុម ដើម្បីបង្កើតសុខដុមនីយកម្មការងារឆ្ពោះទៅរកប្រសិទ្ធភាព និងការទទួលខុសត្រូវខ្ពស់។ អំពាវនាវឱ្យគ្រប់ភាគីពាក់ព័ន្ធនៅទីនេះមានការលះបង់កម្លាំងកាយចិត្ត ពេលវេលា និងធនធានផ្ទាល់ខ្លួនមួយចំនួន ដើម្បីជាតិផ្តោតស្មារតីអត់ធ្មត់ព្យាយាម និងខិតខំបំពេញការងារឱ្យទទួលបានជោគជ័យទាំងអស់គ្នា។ ចំនែកអ្នកស្មគ្រចិត្តដែលជាចលករមិនអាចខ្វះបានក្នុងព្រឹត្តិការណ៍នេះដែល CAMSOC បានចាត់ទុកថាជាកម្លាំងការងារមុតស្រួច ពិសេស និងសំខាន់ក្នុងដំណើរការបម្រើសេវាជូនភ្ញៀវជាតិ និងអន្តរជាតិគឺជាអ្នកជូរមុខក្នុងប្រតិបត្តិការបដិសណ្ឋារកិច្ចភ្ញៀវ។ សូមផ្តល់ស្នាមញញឹម រួសរាយរាក់ទាក់ ក្នុងការបដិសណ្ឋារកិច្ចដ៏កក់ក្តៅបំផុត ស័ក្តិសមជាប្រជាជនមួយមានអរិយធម៌ខ្ពង់ខ្ពស់ រុងរឿង និងស៊ីវិល័យជឿនលឿន ដែលនឹងផ្តល់គុណតម្លៃជាតិដល់ព្រឹត្តិការណ៍ពីរឆ្នាំម្តងនេះ។ សូមជម្រាបជូនថា នេះជាលើកទី១ ដែលគ្រប់ភាគីពាក់ព័ន្ធនៃព្រឹត្តិបត្តិការរៀបចំមកជួបគ្នា ក្នុងនោះរួមមានគណៈកម្មាធិការជាតិ CAMSOC, ក្រុមហ៊ុនឧបត្ថម្ភគាំទ្រ អ្នកស្មគ្រ័ចិត្ត អ្នកបម្រើការជាមគ្គុទេ្ទសក៍ L.O ដើម្បីទទួលបានព័ត៌មានសំខាន់ៗ ព័ត៌មានជាក់លាក់ និងព័ត៌មានផ្លូវការឈានទៅអភិវឌ្ឍប្រកបដោយប្រសិទ្ធភាព។ សូមជម្រាបជូនថា ការប្រកួតស៊ីហ្គេម២០៣ ដំណើរការប្រកួតពីថ្ងៃទី២៩ ខែមេសា ឆ្នាំ២០២៣ ដល់ថ្ងៃទី១៧ ខែឧសភា ខណៈពិធីបើកធ្វើឡើងនៅរសៀលថ្ងៃទី៥ ខែឧសភា ឆ្នាំ២០២៣។ ឯអាស៊ានប៉ារ៉ាហ្គេមដំណើរការប្រកួតពីថ្ងៃទី៣ ដល់ថ្ងៃទី៩ ខែមិថុនា៕

កីឡដ្ឋានស្ដង់ដារអន្ដរជាតិមួយទៀតត្រៀមបង្ហាញវត្តមានលើទឹកដីខេត្តសៀមរាប

បាល់ទាត់៖ កីឡដ្ឋានស្ដង់ដារអន្ដរជាតិថ្មីមួយទៀត ត្រៀមបង្ហាញវត្តមានលើទឹកដីអង្គរ ខេត្តសៀមរាប ក្រោមការសាងសង់ដោយក្លិបបាល់ទាត់អង្គរថាយហ្គឺរជាមួយដៃគូ បន្ទាប់ពីក្លិបបានស្វែងរកទីតាំងដីរួចរាល់។ លោក Akihiro Kato ប្រធានក្លិបបាល់ទាត់មានមូលដ្ឋាននៅខេត្តសៀមរាបមួយនេះ បានទម្លាយប្រាប់ក្រុមការងារ BTV-News ពេលនេះក្លិបបានរកទីតាំងរួចរាល់ហើយ ដើម្បីសាងសង់កីឡដ្ឋានផ្ទាល់ខ្លួនដែលមានផ្ទៃដីប្រមាណ ៥ម៉ឺនម៉ែត្រការ៉េ ហើយគ្រោងនឹងធ្វើការសាងសង់នាពេលខាងមុខរហូតដល់ខែសីហា ឆ្នាំ២០២៤ ទើបបញ្ចប់។ អ្វីដែលពិសេស ជាមួយគម្រោងសាងសង់កីឡដ្ឋានស្ដង់ដារនេះ បុរសជនជាតិជប៉ុនដដែលថាមិនត្រឹមតែផ្ដោតលើការប្រកួត និងការអភិវឌ្ឍធនធានយុវជននោះទេ តែលោកក៏រំពឹងថានឹងក្លាយជាកីឡដ្ឋានដំបូង ដែលក្រៅពីថ្ងៃប្រកួត មនុស្សអាចទៅលេងកម្សាន្ដ និងទទួលបាននូវសេវាផ្សេងៗផងដែរ។ គួរដឹងថា ក្លិបបាល់ទាត់អង្គរថាយហ្គឺរបានបង្កើតឡើងតាំងពីឆ្នាំ២០១៥ នៅរាជធានីភ្នំពេញ មុនប្ដូរមូលដ្ឋានទៅខេត្តសៀមរាបនៅឆ្នាំ២០១៧ រហូតមកដល់បច្ចុប្បន្ន ដោយប្រើប្រាស់កីឡដ្ឋានមួយចំនួនបម្រើឲ្យការប្រកួតរបស់ខ្លួន មុនក្លិបប្រកាសត្រៀមសាងសង់កីឡដ្ឋានផ្ទាល់ខ្លួននាពេលឆាប់ៗខាងមុខ។ នេះគឺជាដំណឹងល្អមួយសម្រាប់អ្នកគាំទ្រនៅខេត្តសៀមរាប តែលោក Akihiro Kato ពុំទាន់បញ្ជាក់លម្អិតពីទីតាំងត្រូវសាងសង់នោះទេ ដោយគ្រាន់តែអះអាងថា ធ្វើដំណើរប្រមាណ ១៥នាទីប៉ុណ្ណោះពីកណ្ដាលក្រុងសៀមរាប៕អត្ថបទ៖ លី ឈុនឡា

ផ្នែកពាក់ព័ន្ធត្រៀមរួចរាល់សម្រាប់ព្រះរាជពិធីប្រទានព្រះអគ្គិកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣

ស៊ីហ្គេម៖ គណៈកម្មាធិការជាតិរៀបចំការប្រកួតស៊ីហ្គេម និងអាស៊ានប៉ារ៉ាហ្គេម២០២៣ បានបន្ដពិភាក្សាគ្នាពីការប្រារព្ធព្រះរាជពិធីព្រះរាជប្រទានព្រះអគ្គិកីឡាដែលធ្វើឡើងនៅថ្ងៃទី២១ ខែមីនា នៃព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។ កិច្ចប្រជុំនេះធ្វើឡើងនៅសាលាខេត្តសៀមរាបនាថ្ងៃទី១៩ ខែមីនា ឆ្នាំ២០២៣នេះ ក្រោមអធិបតីភាពឯកឧត្ដម ថោង ខុន រដ្ឋមន្ដ្រីក្រសួងទេសចរណ៍ និងអនុប្រធានអចិន្ដ្រៃយ៍នៃគណកម្មាធិការជាតិ CAMSOC-CAMAPGOC។ ជាមួយគ្នានោះដែរ ប្រធានអង្គប្រជុំក៍បានណែនាំបន្ថែមដល់អាជ្ញាធរខេត្ត ជាពិសេសកម្លាំងសមត្ថកិច្ចចម្រុះត្រូវយកចិត្តទុកដាក់ឲ្យបានខ្ពស់ក្នុងរៀបចំសន្តិសុខ សណ្ដាប់ធ្នាប់រៀបរយជូនដល់ថ្នាក់ដឹកនាំ រួមនឹងសាធារណៈជនទូទៅ។ ជាមួយគ្នានោះ ឯកឧត្ដមបានលើកទឹកចិត្តដល់ប្រជាពលរដ្ឋទូទៅចូលរួមឲ្យបានទាំងអស់គ្នា តាមរយៈការរៀបចំតាមគេហដ្ឋានផ្ទាល់ខ្លួនដោយមានការចងបដា និងទង់ជាតិខ្មែរយើងឲ្យបានច្រើនកុះករ ដើម្បីជាការជួយលើកសោភ័ណ្ឌភាព និងបង្ហាញ់ពីមោទនភាពសម្រាប់កម្ពុជាបានធ្វើជាម្ចាស់ផ្ទះ រៀបចំនូវព្រឹត្តិការណ៍ប្រកួតកីឡាស៊ីហ្គេមលើទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលជាព្រឹត្តិការណ៍ជាប្រវត្តិសាស្ត្រ។ ស៊ីហ្គេម ២០២៣ ដែលដំណើរការប្រកួតពីថ្ងៃទី២៩ ខែមេសាដល់ថ្ងៃទី១៧ ខែឧសភា មាន ៣៦ប្រភេទកីឡា ខណៈអាស៊ានប៉ារ៉ាហ្គេមដែលដំណើរការប្រកួតពីថ្ងៃទី៣ ដល់ថ្ងៃទី៩ ខែមិថុនាខាងមុខមាន ១២ប្រភេទកីឡា៕

Joel Embiid បោះបាន ៣៨ពិន្ទុ ខណៈ Philadelphia យកឈ្នះ Cleveland ១១៨-១០៩

បាល់បោះ៖ ក្រុមបាល់បោះ Philadelphia 76ers រកបានជ័យជំនះ ៦ប្រកួតជាប់គ្នាហើយក្រោយយកឈ្នះ Cleveland Cavaliers ១១៨-១០៩ នៅក្របខណ្ឌបាល់បោះអាមេរិក NBA។ កីឡាករ Joel Embiid បោះម្នាក់ឯងបាន ៣៨ពិន្ទុក្នុងជ័យជំនះនេះដើម្បីជួយ Philadelphia បន្តឈរលេខ៣ នៅភាគខាងកើត Cleveland បន្តឈរលេខ៤។ Philadelphia ឆ្លងកាត់ការប្រកួត ៦៨លើកឈ្នះ ៤៦ ចាញ់ ២២ ខណៈ Cleveland ប្រកួត ៧២លើកឈ្នះ ៤៤ ចាញ់ ២៨។ ងាកមកក្រុមការពារជើងឯក Golden State Warrior បានរងបរាជ័យក្រោមស្នាដៃ Los Angeles Clippers ១៣៤-១២៦។ Stephen Curry បោះបាន ៥០ពិន្ទុម្នាក់ឯង តែនៅតែមិនអាចជួយ Golden State គេចពីបរាជ័យបាន។ Golden State បន្តឈរលេខ ៦ នៅភាគខាងលិចឈ្នះ ៣៦ ចាញ់ ៣៤ ខណៈ Los Angeles Clippers ឡើងមកលេខ ៥ ឈ្នះ ៣៧ ចាញ់ ៣៣។ ចំណែកឯ Miami Heat បានយកឈ្នះ Memphis Grizzlies ១៣៨-១១៩ ខណៈ Memphis មិនមានវត្តមាន Superstar របស់ខ្លួន Ja Morant ដែលត្រូវរងបម្រាម ៨ប្រកួតក្រោយបង្ហោះវីដេអូកាន់កាំភ្លើងក្នុងក្លិបរាត្រីនៅលើបណ្តាញសង្គម។ គូចុងក្រោយនេះ Los Angeles Lakers ដែលមិនមានវត្តមាន LeBron James បានរងបរាជ័យក្រោមស្នាដៃក្រុមបាតតារាង Houston Rockets ១១៤-១១០៕អត្ថបទ៖នាង សុភាវុធ

Rafael Nadal ចុះឈ្មោះប្រកួតកម្មវិធី Monte Carlo Masters ក្រោយសម្រាកមួយរយៈដោយសាររបួស

វាយកូនបាល់៖ កីឡាករវាយកូនបាល់អេស្ប៉ាញ Rafael Nadal បានចុះឈ្មោះរួចរាល់សម្រាប់ការប្រកួតកម្មវិធី Monte Carlo Masters នៅខែក្រោយនេះបន្ទាប់ពីសម្រាកមួយរយៈដោយសាររបួស។ កីឡាករវ័យ ៣៦ឆ្នាំរូបនេះបានដកខ្លួនមិនចូលរួមការប្រកួតព្រឹត្តិការណ៍វាយកូនបាល់នៅក្នុងក្របខណ្ឌ Masters 1000 នៅ Indian Wells និង Miami ការប្រកួតដ៏សំខាន់មួយដែលរាប់ពិន្ទុចូលក្នុងចំណាត់ថ្នាក់ពិភពលោក ATP World Ranking ក្នុងខែមីនានេះ។ Rafael Nadal បានអវត្តមានពីការប្រកួតតាំងពីចាញ់ត្រឹមជុំទី២ នៅ Australian Open កាលពីខែមករា។ ម្ចាស់ជើងឯក Grand Slam ២២លើករូបនេះត្រូវបានគេរំពឹងថានឹងអវត្តមានយ៉ាងហោចណាស់ ៦សប្តាហ៍ដោយសារបញ្ហាត្រគាកនៅពេលចាញ់ Mackenzie McDonald នៅពេលនោះ។ Monte Carlo Masters ជាការប្រកួតនៅលើទីលានដីក្រហម ខណៈ Rafael Nadal ធ្លាប់ឈ្នះជើងឯកនៅទីនោះ ១១លើក៕អត្ថបទ៖នាង សុភាវុធ

Iga Swiatek ឡើងវគ្គពាក់កណ្តាលផ្តាច់ព្រ័ត្រ Indian Wells ជួប Elena Rybakina

វាយកូនបាល់៖ កីឡាការិនីវាយកូនបាល់លំដាប់លេខ ១ ពិភពលោកបានបន្តដំណើរជោគជ័យរបស់ខ្លួនក្នុងឆ្នាំ២០២៣ នេះក្រោយឈានឡើងវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ Indian Wells នៅសហរដ្ឋអាមេរិក។ អ្នកការពារតំណែងជើងឯក Iga Swiatek មិនបានបង្ហាញសញ្ញាធ្លាក់ចុះសោះនៃទំរង់លេងរបស់ខ្លួន បន្ទាប់ពីយកឈ្នះកីឡាការិនីរ៉ូម៉ានី Sorana Cirstea ២សិតផ្ទួនៗ ៦-២ និង ៦-៣ មានន័យថា Swiatek មិនដែលចាញ់មួយសិតណាឡើយនៅ Indian Wells ឆ្នាំនេះ។ ជ័យជំនេះធ្វើឱ្យម្ចាស់ជើងឯកនៅទីក្រុង Doha កាលពីខែមុនរូបនេះ បន្តជួបជាមួយកីឡាការិនីជើងឯក Wimbledon, Elena Rybakina។ កីឡាការិនីកាហ្សាក់ស្ថានកាត់រុស្ស៊ី Rybakina ក៏ត្រូវធ្វើការងារធ្ងន់ផងដែរទំរាំយកឈ្នះគូប្រកួតសញ្ជាតិឆែក Karolina Muchova ដែលចំណាយពេលដល់ទៅ ៣សិត ៧-៦(៧-៤) ២-៦ និង ៦-៤ ពោលបើគិតតែសិតដំបូងចំណាយពេល ៧៦នាទី និង ២ម៉ោង ៤៥នាទីទំរាំរកចាញ់ឈ្នះឃើញ។ គូប្រកួតវគ្គពាក់កណ្តាលផ្តាច់ព្រ័ត្រមួយគូទៀតគឺកីឡាការិនីក្រិក Maria Sakkari នឹងត្រូវជួបជាមួយកីឡាការិនីបេឡារុស Aryna Sabalenka៕អត្ថបទ៖នាង សុភាវុធ

Julian Alvarez បន្តកិច្ចសន្យាថ្មីនៅជាមួយ Manchester City ដល់ឆ្នាំ២០២៨

បាល់ទាត់៖ ខ្សែប្រយុទ្ធអាហ្សង់ទីន Julian Alvarez នឹងបន្តនៅជាមួយក្រុមជើងឯក Premier League, Manchester City ដល់ឆ្នាំ២០២៨ បន្ទាប់ពីភាគីទាំងពីរឈានដល់កិច្ចសន្យាថ្មី។ កីឡាករវ័យ ២៨ឆ្នាំរូបនេះទទួលបានកិច្ចសន្យាថ្មីបន្ថែមលើកិច្ចសន្យាចាស់ដែលនឹងរក្សារូបគេនៅ Etihad Stadium ដល់ឆ្នាំ២០២៨ ដែលកិច្ចសន្យាក៏មានការតម្លើងប្រាក់ឈ្នួលផងដែរ តាមរយៈរដូវកាលដំបូងគួរកត់សំគាល់របស់ខ្លួននៅ City។ Julian Alvarez ដែលបានជួយក្រុមជម្រើសជាតិអាហ្សង់ទីនឈ្នះជើងឯកបាល់ទាត់ពិភពលោកនៅកាតានោះ បានស៊ុតបញ្ចូលទី ១០គ្រាប់ក្នុងការបង្ហាញខ្លួន ៣៣លើកក្នុងរដូវកាលដំបូងរបស់ខ្លួនជាមួយ Manchester City។ Julian Alvarez បានស៊ុតបញ្ចូលទី ៥៤គ្រាប់ ៣១បាល់បញ្ជូនក្នុងការបង្ហាញខ្លួន ១២២ប្រកួតជាមួយក្លិបចាស់ River Plate មុនពេលមកដល់ Manchester City កាលពីដើមរដូវកាល៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

វគ្គ ៤ ក្រុម FA Cup Man City ជួប Sheffield United ខណៈ Brighton ជួប Man United

ឯកឧត្តម ហ៊ុន ម៉ានី៖ ការលេងកីឡានឹងជំរុញវិស័យកីឡាក្លាយជាចលនាជាតិដ៏រស់រវើកសម្រាប់យុវជន

ស្រុកសំរោងបើកការប្រកួតកីឡាបាល់ទាល់មិត្តភាពពានរង្វាន់ឯកឧត្តមបណ្ឌិត ហ៊ុន ម៉ាណែត ផ្លូវការ

សម្តេចប្រធាន CAMSOC៖ “ដើម្បីរួមចំណែកដល់ការត្រៀមខ្លួនបានល្អ ជៀសវាងដាច់ខាតការបង្កជម្លោះ”

កីឡដ្ឋានស្ដង់ដារអន្ដរជាតិមួយទៀតត្រៀមបង្ហាញវត្តមានលើទឹកដីខេត្តសៀមរាប

Joel Embiid បោះបាន ៣៨ពិន្ទុ ខណៈ Philadelphia យកឈ្នះ Cleveland ១១៨-១០៩

Rafael Nadal ចុះឈ្មោះប្រកួតកម្មវិធី Monte Carlo Masters ក្រោយសម្រាកមួយរយៈដោយសាររបួស

Iga Swiatek ឡើងវគ្គពាក់កណ្តាលផ្តាច់ព្រ័ត្រ Indian Wells ជួប Elena Rybakina

Julian Alvarez បន្តកិច្ចសន្យាថ្មីនៅជាមួយ Manchester City ដល់ឆ្នាំ២០២៨

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

វគ្គ ៤ ក្រុម FA Cup Man City ជួប Sheffield United ខណៈ Brighton ជួប Man United

ឯកឧត្តម ហ៊ុន ម៉ា​នី​៖ ការ​លេង​កីឡា​នឹង​ជំរុញ​វិស័យ​កីឡា​ក្លាយ​ជា​ចលនា​ជាតិ​ដ៏​រស់​រវើក​សម្រាប់​យុវជន​

ស្រុក​សំរោង​បើក​ការប្រកួត​កីឡា​បាល់​ទាល់​មិត្តភាព​ពាន​រង្វាន់​ឯកឧត្តម​បណ្ឌិត ហ៊ុន ម៉ា​ណែ​ត ផ្លូវការ​

សម្តេច​ប្រធាន CAMSOC៖ “​ដើម្បី​រួមចំណែក​ដល់​ការត្រៀមខ្លួន​បានល្អ ជៀសវាង​ដាច់ខាត​ការ​បង្ក​ជម្លោះ​”

កីឡដ្ឋាន​ស្ដង់ដារ​អន្ដរជាតិ​មួយទៀត​ត្រៀម​បង្ហាញ​វត្តមាន​លើទឹក​ដី​ខេត្តសៀមរាប​

Joel Embiid បោះ​បាន ៣៨ពិន្ទុ ​ខណៈ Philadelphia យកឈ្នះ Cleveland ១១៨-១០៩

Rafael Nadal ចុះឈ្មោះ​ប្រកួត​កម្មវិធី Monte Carlo Masters ក្រោយ​សម្រាក​មួយរយៈ​ដោយសារ​របួស​

Iga Swiatek ឡើង​វគ្គ​ពាក់កណ្តាល​ផ្តាច់ព្រ័ត្រ Indian Wells ជួប Elena Rybakina

Julian Alvarez បន្ត​កិច្ចសន្យា​ថ្មី​នៅ​ជាមួយ Manchester City ដល់​ឆ្នាំ២០២៨

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឯកឧត្តម ហ៊ុន ម៉ានី៖ ការលេងកីឡានឹងជំរុញវិស័យកីឡាក្លាយជាចលនាជាតិដ៏រស់រវើកសម្រាប់យុវជន

ស្រុកសំរោងបើកការប្រកួតកីឡាបាល់ទាល់មិត្តភាពពានរង្វាន់ឯកឧត្តមបណ្ឌិត ហ៊ុន ម៉ាណែត ផ្លូវការ

សម្តេចប្រធាន CAMSOC៖ “ដើម្បីរួមចំណែកដល់ការត្រៀមខ្លួនបានល្អ ជៀសវាងដាច់ខាតការបង្កជម្លោះ”

កីឡដ្ឋានស្ដង់ដារអន្ដរជាតិមួយទៀតត្រៀមបង្ហាញវត្តមានលើទឹកដីខេត្តសៀមរាប

Joel Embiid បោះបាន ៣៨ពិន្ទុ ខណៈ Philadelphia យកឈ្នះ Cleveland ១១៨-១០៩

Rafael Nadal ចុះឈ្មោះប្រកួតកម្មវិធី Monte Carlo Masters ក្រោយសម្រាកមួយរយៈដោយសាររបួស

Iga Swiatek ឡើងវគ្គពាក់កណ្តាលផ្តាច់ព្រ័ត្រ Indian Wells ជួប Elena Rybakina

Julian Alvarez បន្តកិច្ចសន្យាថ្មីនៅជាមួយ Manchester City ដល់ឆ្នាំ២០២៨