BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កីឡាករ-កីឡាការិនីវាយកូនបាល់នឹងទទួលបាន ២ម៉ឺនដុល្លារពីប្រធានសហព័ន្ធ បើឈ្នះមេដាយមាសស៊ីហ្គេម

វាយកូនបាល់៖ អ្នកឧកញ៉ា សៀ ឬទ្ធី ប្រធានសហព័ន្ធកីឡាវាយកូនបាល់កម្ពុជា បានប្រកាសផ្ដល់ប្រាក់រង្វាន់លើកទឹកចិត្តបន្ថែមចំនួន ២ម៉ឺនដុល្លារដល់កីឡាករ-កីឡាការិនីរបស់ខ្លួនណាដែលដណ្ដើមបានមេដាយមាស ក្នុងការប្រកួតកីឡាស៊ីហ្គេមឆ្នាំ២០២៣ នៅកម្ពុជា។ នេះបើតាមការបញ្ជាក់របស់លោក ទេព រិទ្ធីវិទ្ធ អគ្គលេខាធិការសហព័ន្ធ ក្រោយមហាសន្និបាតបញ្ចប់អាណត្តិទី៦ ឆ្នាំ២០១៨-២០២២ បន្ដអាណត្តិថ្មីទី៧ ឆ្នាំ២០២២-២០២៦ ស្របពេលគណៈកម្មាធិការប្រតិបត្តិបានបោះឆ្នោតគាំទ្រអ្នកឧកញ៉ា សៀ ឬទ្ធី បន្ដធ្វើជាប្រធានសហព័ន្ធបន្ដទៀតកាលពីថ្ងៃទី១៥ ខែមីនា ឆ្នាំ២០២៣ នៅទីស្នាក់ការសហព័ន្ធក្នុងពហុកីឡដ្ឋានជាតិ។ ពាក់ព័ន្ធកីឡាស៊ីហ្គេម អគ្គលេខាធិការសហព័ន្ធដដែលបានបញ្ជាក់ថា មកទល់ពេលនេះមានអត្តពលិក ៩ប្រទេសដែលបានចុះឈ្មោះចូលរួម លើកលែងប្រុយណេ និងទីម័រខាងកើតប៉ុណ្ណោះដែលពុំបានចុះឈ្មោះ។ រីឯកីឡាករ-កីឡាការិនីកម្ពុជាក្នុងនាមម្ចាស់ផ្ទះក៏បានត្រៀមខ្លួនរួចរាល់ផងដែរ ក្រោយការយកចិត្តទុកដាក់ខ្ពស់របស់សហព័ន្ធ ដើម្បីឆ្ពោះទៅរកភាពជោគជ័យក្នុងព្រឹត្តិការណ៍ប្រវត្តិសាស្ដ្រនេះ។ ទន្ទឹមជាមួយគ្នា ដើម្បីលើកទឹកចិត្ដដល់ការខិតខំប្រឹងប្រែងរបស់កីឡាករ-កីឡាការិនីខ្លួន សម្រាប់អ្នកដណ្ដើមបានមេដាយមាសស៊ីហ្គេម ក្រៅពីទទួលបានប្រាក់រង្វាន់រាជរដ្ឋាភិបាល និងសប្បុរសជននានា ប្រធានសហព័ន្ធអាណត្តិថ្មីអ្នកឧកញ៉ា សៀ ឬទ្ធី ក៏នឹងឧបត្ថម្ភថវិកាផ្ទាល់ខ្លួនចំនួន ២ម៉ឺនដុល្លារក្នុងមេដាយមាស ១គ្រឿងផងដែរ។ នេះបើតាមការបញ្ជាក់បន្ថែមរបស់លោក ទេព រិទ្ធីវិទ្ធ។ សូមបញ្ជាក់ថា សម្រាប់សមាសភាពគណៈកម្មាធិការប្រតិបត្តិសហព័ន្ធកីឡាវាយកូនបាល់កម្ពុជាអាណត្តិទី៧ ក្រៅពីអ្នកឧកញ៉ា សៀ ឬទ្ធី ជាប្រធាន និងលោក ទេព រិទ្ធីវិទ្ធ ជាអគ្គលេខាធិការ គឺមានឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍គឺជាប្រធានកិត្តិយសសហព័ន្ធ, លោកស្រី ស៊ុំ សុខា អនុប្រធាន, លោក ជា ពៅ អគ្គលេខាធិការរង, លោកស្រី ឯក ប៊ុនលក្ខិណា ជាអគ្គហេរញ្ញិក និងលោក ឈាន សុវណ្ណ អគ្គហេរញ្ញិករង ព្រមទាំងសមាជិក ៥រូបផ្សេងទៀត៕អត្ថបទ៖ លី ឈុនឡា

Antetokounmpo វិលពីរបួសវិញបោះបាន ៤៦ពិន្ទុឱ្យ Milwaukee Bucks ឈ្នះ Sacramento Kings

បាល់បោះ៖ កីឡាករបាល់បោះក្រិក Giannis Antetokounmpo បានត្រលប់ពីការសម្រាកដោយសាររបួសហើយ និងបានចូលលេងប្រកួតដំបូងឱ្យ Milwaukee Bucks ថ្ងៃអង្គារម្សិលមិញបោះបាន ៤៦ពិន្ទុម្នាក់ឯងយកឈ្នះ Sacramento Kings ១៣៣-១២៤។ អតីតម្ចាស់ជយលាភីកីឡាករឆ្នើមបំផុតប្រចាំឆ្នាំនៅ NBA ពីរលើករូបនេះបានអវត្តមាន ៣ប្រកួតមកហើយដោយសាររបួសកដៃ។ Milwaukee Bucks បានតាមពីក្រោយ ១៥ ពិន្ទុតែចាប់ពីវគ្គទី ៣ ទៅរកបានដល់ទៅ ៨០ ពិន្ទុ។ Brook Lopez បោះបាន ២៣ ពិន្ទុផងដែរ មុនពេលប៉ះទង្គិចឈ្លោះប្រកែកគ្នាជាមួយ Trey Lyles និងត្រូវបណ្តេញចេញពីការប្រកួតរៀងខ្លួន។ Milwaukee Bucks បន្តការនាំមុខនៅភាគខាងកើតប្រកួតឈ្នះ ៤៩ ចាញ់ ១៩ នៅពីលើ Boston Celtics ដែលចាញ់គួរឱ្យភ្ញាក់ផ្អើលក្រោមស្នាដៃ Houston Rockets ដែលឈរបាតតារាងភាគខាងលិចដោយលទ្ធផល ១១១-១០៩។ Jalen Green បោះបាន ២៨ ពិន្ទុ និង Jabari Smith Jr បោះបាន ២៤ ពិន្ទុជួយឱ្យ Rockets យកឈ្នះការប្រកួតនេះ បើទោះបីជា Jaylen Brown បោះបាន ៤៣ ពិន្ទុក៏មិនអាចជួយ Boston បាន។ លទ្ធផលផ្សេងទៀតមានដូចជា Golden State Warriors យកឈ្នះ Phoenix Suns ១២៣-១១២ ខណៈ Klay Thompson បោះបាន ៣៨ ពិន្ទុ និង Stephen Curry បោះបាន ២៣ ពិន្ទុ។ New York Knicks យកឈ្នះ Los Angeles Lakers ១១២-១០៨, Indiana Pacers ៩៧-១១៧ Detroit Pistons, Minnesota Tinberwolves ១៣៦-១១៥ Atlanta Hawks, Utah Jazz ១១៥-១១៩ Miami Heat និង Memphis Grizzlies ១០៤-៨៨ Dallas Mavericks៕អត្ថបទ៖នាង សុភាវុធ

Cameron Norrie និង Daniil Medvedev ឡើងវគ្គ ៨នាក់ចុងក្រោយ Indian Wells

វាយកូនបាល់៖ កីឡាករវាយកូនបាល់កំពូលរបស់អង់គ្លេស Cameron Norrie បានបន្តទំរង់លេងអស្ចារ្យរបស់ខ្លួនក្នុងឆ្នាំ២០២៣ នេះក្រោយឈានឡើងវគ្គ ៨នាក់ចុងក្រោយវាយកូនបាល់កម្មវិធី Indian Wells នៅសហរដ្ឋអាមេរិក។ កីឡាករវ័យ ២៧ឆ្នាំរូបនេះបានយកឈ្នះកីឡាកររុស្ស៊ី Andrey Rublev ដោយលទ្ធផល ២សិតផ្ទួនៗតែម្តង ៦-២ និង ៦-៤។ កីឡាករទាំងពីរធ្លាប់ជួបគ្នាម្តងកាលពីឆ្នាំ២០២២ វគ្គ ១៦នាក់ចុងក្រោយ Grand Slam, US Open ដែលនៅពេលនោះ Andrey Rublev យកឈ្នះ ៣សិតផ្ទួនៗ។ Cameron Norrie ដែលជាជើងឯកនៅ Indian Wells កាលពីឆ្នាំ២០២១ នឹងបន្តជួបជាមួយកីឡាករម្ចាស់ផ្ទះអាមេរិក Frances Tiafoe ដែលបានយកឈ្នះកីឡាករ Alejandro Tabilo។ ដោយឡែកថ្ងៃជាមួយគ្នាដែរអតីតកីឡាករលេខ ១ ពិភពលោករុស្ស៊ី Daniil Medvedev ក៏បានកក់កៅអីនៅវគ្គ ៨ នាក់ចុងក្រោយផងដែរ ក្រោយយកឈ្នះម្ចាស់មេដាយមាសអូឡាំពិកទីក្រុងតូក្យូសញ្ជាតិអាល្លឺម៉ង់ Alexander Zverev តានតឹង ៦-៧(៥-៧) ៧-៦(៧-៥) និង ៧-៥។ ជុំបន្ត Daniil Medvedev នឹងត្រូវជួបជាមួយកីឡាករអេស្ប៉ាញ Alejandro Davidovich Fokina៕អត្ថបទ៖នាង សុភាវុធ

ម៉ារ៉ុកប្រកាសផ្លូវការចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

បាល់ទាត់៖ ម៉ារ៉ុកប្រទេសនៅភាគខាងជើងទ្វីបអាហ្វ្រិក បានប្រកាសផ្លូវការពីការចូលរួមជាមួយអេស្ប៉ាញ និងព័រទុយហ្កាល់ក្នុងការដេញថ្លៃធ្វើម្ចាស់ផ្ទះបាល់ទាត់ពិភពលោកឆ្នាំ២០៣០ នេះបើតាមការបញ្ជាក់របស់ FIFA។ អេស្ប៉ាញ និងព័រទុយហ្កាល់ដំបូងឡើងមានគម្រោងដឹកដៃអ៊ុយក្រែនក្នុងការធ្វើម្ចាស់ផ្ទះ World Cup 2030 នេះ តែដោយសារសង្គ្រាមទល់នឹងរុស្ស៊ីគ្មានសញ្ញាណបញ្ចប់ ធ្វើឱ្យម៉ារ៉ុកឈានជើងចូល។ មិនមែនជាលើកដំបូងទេដែលម៉ារ៉ុកដាក់ដេញថ្លៃរៀបចំ World Cup ពោលគឺប្រទេសដែលមានព្រំប្រទល់ជាប់ទ្វីបអឺរ៉ុបមួយនេះធ្លាប់បរាជ័យកាលពីឆ្នាំ២០១០ ដែលបានទៅអាហ្វ្រិកខាងត្បូង។ ម៉ារ៉ុកបានធ្វើឱ្យពិភពលោកភ្ញាក់ផ្អើលនៅ World Cup 2022 នៅទឹកដីកាតាចុងឆ្នាំមុនដោយឡើងដល់វគ្គពាក់កណ្តាលផ្តាច់ព្រ័ត្រ ក្លាយជាក្រុមមកពីអាហ្វ្រិកទី ១ ធ្វើបានបែបនេះ បើទោះបីចាញ់ក្រូអាស៊ីបានត្រឹមលេខ ៤។ គិតមកទល់ពេលនេះបេក្ខភាពប្រជែងធ្វើម្ចាស់ផ្ទះ World Cup 2030 ផ្លូវការមានពីរហើយរួមមានអេស្ប៉ាញ-ព័រទុយហ្កាល់-ម៉ារ៉ុក និងបួនប្រទេសរួមគ្នានៅអាមេរិកឡាទីនរួមមាន អាហ្សង់ទីន-ប៉ារ៉ាហ្កាយ-ស៊ីលី-អ៊ុយរូហ្កាយ៕អត្ថបទ៖នាង សុភាវុធ

FIFA ផ្លាស់ប្តូរចិត្តត្រលប់មកប្រើប្រាស់រូបមន្តមួយពូល ៤ក្រុមវិញនៅ World Cup 2026

បាល់ទាត់៖ ការសម្រេចចិត្តផ្លាស់ប្តូររូបមន្តថ្មីមកប្រើប្រាស់រូបមន្តចាស់មួយពូល ៤ក្រុមនៅ World Cup 2026 ត្រូវបានប្រកាសដោយ FIFA ផ្លូវការហើយ។ ព្រឹត្តិការណ៍ World Cup 2026 នៅទឹកដីសហរដ្ឋអាមេរិក កាណាដា និងម៉ិកស៊ិកដែលមាន ៤៨ក្រុមចូលរួមលើកដំបូងនោះ ដំបូងឡើងត្រូវបាន FIFA ចង់បែងចែងពូលឱ្យមាន ១៦ពូលក្នុងមួយពូលមាន ៣ក្រុម។ តែក្រោយពីព្រឹត្តិការណ៍ World Cup ចុងក្រោយនៅកាតាចុងឆ្នាំមុន នៅពេលពូលមួយចំនួនមានភាពតានតឹង និងទាក់ទាញខ្លាំងនៅប្រកួតចុងក្រោយធ្វើឱ្យ FIFA ពិចារណាឡើងវិញ។ យោងតាមការផ្លាស់ប្តូរផែនការនេះដែរធ្វើឱ្យការប្រកួតសរុបក្នុងមួយព្រឹត្តិការណ៍ World Cup កើនឡើងពី ៨០ ទៅ ១០៤ប្រកួត និងមានវគ្គ ៣២ក្រុមចុងក្រោយលើកដំបូង។ FIFA បានបញ្ជាក់ថា ៤៨ក្រុមចែកជា ១២ពូលក្នុងមួយពូលមាន ៤ក្រុម ក្នុងនោះ ២ក្រុមលេខ ១ និងលេខ ២ ឡើងវគ្គបន្ត បូករួមទាំងក្រុមលេខ ៣ ល្អបំផុតសរុបចំនួន ៨ ក្នុងចំណោម ១២ពូលដើម្បីបង្គ្រប់វគ្គ ៣២ក្រុមចុងក្រោយ។ ការបន្ថែមវគ្គ ៣២ក្រុមចុងក្រោយនេះមានន័យថា ក្រុមជើងឯកត្រូវលេងសរុប ៨ប្រកួតដើម្បីក្លាយជាម្ចាស់ពាន។ World Cup 2026 វគ្គផ្តាច់ព្រ័ត្រនឹងត្រូវធ្វើឡើងនៅថ្ងៃអាទិត្យ ទី១៩ ខែកក្កដា ឆ្នាំ២០២៦។ រំលឹកថា World Cup ដែលមានសរុប ៣២ក្រុមនាពេលកន្លងមកត្រូវបានដំណើរការដំបូងនៅឆ្នាំ១៩៩៨៕អត្ថបទ៖នាង សុភាវុធ

ក្រុមកីឡាករលេងអុកអន្តរជាតិកំពុងមមាញឹកហ្វឹកហាត់ត្រៀមប្រកួតក្នុងព្រឹត្តិការណ៍អាស៊ានប៉ារ៉ាហ្គេម

កីឡាអុក៖ បច្ចុប្បន្នក្រុមកីឡាករលេងអុកអន្តរជាតិ ត្រៀមប្រកួតក្នុងព្រឹត្តិការណ៍អាស៊ានប៉ារ៉ាហ្គេមកំពុងមមាញឹកហ្វឹកហាត់ មុនការប្រកួតនឹងចូលមកដល់នៅអំឡុងខែមិថុនាខាងមុខនេះ។ នេះបើតាមប្រសាសន៍លោក ប៉ែន រ័ត្នធីណា គ្រូបង្រៀនអុកអន្តរជាតិបានផ្តល់បទសម្ភាសជាមួយ BTV កាលពីថ្ងៃទី១៤ ខែមីនា។ នៅក្នុងបទសម្ភាសនោះ លោកបានជំរុញលើកទឹកចិត្តដល់កីឡាករត្រូវគោរពតាមទ្រឹស្តីលេងអុកគឺគិតឱ្យយូរ មើលឱ្យឆ្ងាយ ហើយដើរកុំឱ្យដាច់គ្នា ដើម្បីទទួលបានជោគជ័យក្នុងពេលប្រកួត។ ក្រុមកីឡាករលេងអុកបានប្តេជ្ញាថា នឹងខិតខំប្រឹងប្រែងឱ្យអស់ពីសមត្ថភាពដណ្តើមយកមេដាយមាសជូនជាតិឱ្យបាន ក្នុងព្រឹត្តិការណ៍អាស៊ានប៉ារ៉ាហ្គេម។ តាមការគ្រោងទុក ប្រទេសកម្ពុជានឹងរៀបចំធ្វើជាម្ចាស់ផ្ទះព្រឹត្តិការណ៍កីឡាអាស៊ានប៉ារ៉ាហ្គេមលើកទី១២ ចាប់ផ្តើមពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ ដោយមានការប្រកួតកីឡាចំនួន ១៣ប្រភេទមានជាង ១០០វិញ្ញាសា៕ អត្ថបទ៖ ទូច សោភ័ណ

Man City ឈ្នះ Leipzig ៧-០ Haaland ស៊ុត ៥គ្រាប់ម្នាក់ឯងបំបែកកំណត់ត្រាមួយទៀតនៅ UCL

បាល់ទាត់៖ ខ្សែប្រយុទ្ធន័រវេស Erling Haaland បានក្លាយជាកីឡាកររបស់ Manchester City ដែលស៊ុតបញ្ចូលទីបានច្រើនបំផុតក្នុងមួយរដូវកាល ក្រោយយកបាន ៥គ្រាប់បំបែកកំណត់ត្រាមួយទៀតនៅ UEFA Champions League ក្នុងជ័យជំនះលើ Leipzig ៧-០ ឡើងវគ្គ ៨ក្រុមចុងក្រោយ។ តាំងពីផ្លាស់មកកាន់ Manchester City កាលពីរដូវក្តៅកន្លងមក Erling Haaland បានស៊ុតបញ្ចូលទីសរុប ៣៩គ្រាប់ហើយក្នុងការបង្ហាញខ្លួន ៣៦ប្រកួត។ ចំនួនគ្រាប់បាល់ ៣៩គ្រាប់នេះបានបំបែកកំណត់ត្រារបស់ Tommy Johnson ដែលមានអាយុកាល ៩៤ឆ្នាំទៅហើយ ខណៈដែល ៣៩គ្រាប់នេះនៅមិនទាន់ចប់រដូវកាលនៅឡើយ។ ស៊ុត ៥គ្រាប់ម្នាក់ឯងនៅ UCL ក្នុងមួយប្រកួត Erling Haaland តាមស្មើកំណត់ត្រារបស់ Lionel Messi ពេល Barcelona ឈ្នះ Leverkusen នៅឆ្នាំ២០១២ និង Luiz Adriano ពេល Shakhtar ឈ្នះ BATE Borisov នៅឆ្នាំ២០១៤។ Haaland នៅពេលនេះបានស៊ុតបញ្ចូលទីនៅ UCL សរុប ៣៣គ្រាប់ហើយក្នុងការបង្ហាញខ្លួន ២៥ប្រកួត ក្លាយជាកីឡាករក្មេងបំផុតដែលស៊ុតបានលើសពី ៣០គ្រាប់នៅ UCL ក្នុងវ័យ ២២ឆ្នាំ ២៣៦ថ្ងៃ ពោលគឺ ១១៦ថ្ងៃក្មេងជាងកំណត់ត្រាចាស់ដែលកាន់កាប់ដោយ Kylian Mbappe។ រដូវកាលនេះបើគិតតែនៅ UCL អតីតខ្សែប្រយុទ្ធ Dortmund ស៊ុតបញ្ចូលទីបាន ១០គ្រាប់ហើយច្រើនជាងកីឡាកររបស់ Manchester City ណាៗទាំងអស់។ លទ្ធផល ៧-០ នេះធ្វើឱ្យក្រុមរបស់លោក Pep Guardiola បន្តដំណើរទៅវគ្គ ៨ក្រុមចុងក្រោយដោយឈ្នះសរុបទាំងពីរជើង ៨-១។ មួយគូទៀតយប់មិញផងដែរ Porto ស្មើគ្នា ០-០ ទល់នឹង Inter Milan មានន័យថា Inter Milan ឡើងវគ្គបន្តជាមួយនឹងជ័យជំនះសរុបទាំងពីរជើង ១-០៕អត្ថបទ៖នាង សុភាវុធ

កីឡាអេឡិចត្រូនិកចាប់ដៃគូជាមួយអន្ដរជាតិរៀបចំពានរង្វាន់អាស៊ីអាគ្នេយ៍លើកដំបូងនៅកម្ពុជា

កីឡាអេឡិចត្រូនិក៖ សហព័ន្ធកីឡាអេឡិចត្រូនិកកម្ពុជាបានចុះអនុស្សរណៈយោគយល់គ្នា ជាមួយក្រុមហ៊ុន Moonton Games ស្តីពីកិច្ចសហប្រតិបត្តិការដើម្បីជំរុញអភិវឌ្ឍកីឡាអេឡិចត្រូនិកនៅកម្ពុជា ពិសេសត្រៀមរៀបចំការប្រកួតកីឡាអេឡិចត្រូនិកពានរង្វាន់អាស៊ីអាគ្នេយ៍ Mobile Legends Bang Bang Southeast Asia Cup ឬ MSC 2023 លើកដំបូងនៅកម្ពុជានាពេលខាងមុខ។ ការចុះហត្ថលេខាលើអនុស្សរណៈយោគយល់គ្នានេះ បានធ្វើឡើងក្រោមវត្តមានឯកឧត្តម ជា ច័ន្ទបរិបូណ៌ រដ្ឋលេខាធិការក្រសួងព័ត៌មាន និងជាប្រធានសហព័ន្ធ និងលោក Ray Ng ប្រធាន Esports Ecosystem នៃក្រុមហ៊ុន Moonton Games កាលពីថ្ងៃទី១៤ ខែមីនា ឆ្នាំ២០២៣ នៅក្រសួងព័ត៌មាន ហើយក៏មានការចូលរួមជាសក្ខីភាពពីតំណាងគណៈកម្មាធិការជាតិអូឡាំពិកកម្ពុជា និងក្រសួងអប់រំ យុវជន និងកីឡាផងដែរ។ ឯកឧត្តម ជា ច័ន្ទបរិបូរណ៍ រំពឹងភាពជាដៃគូជាមួយក្រុមហ៊ុនជំនាញអន្ដរជាតិនេះ នឹងរួមចំណែកបន្ថែមទៀតដល់ការអភិវឌ្ឍន៍វិស័យកីឡាអេឡិចត្រូនិកនៅកម្ពុជា តាមរយៈការរៀបចំព្រឹត្តិការណ៍អន្ដរជាតិនានាដែលគ្រោងនឹងរៀបចំនាពេលខាងមុខ។ ក្រឡេកមកចាប់អារម្មណ៍ការប្រកួតពានរង្វាន់អាស៊ីអាគ្នេយ៍ MSC ឆ្នាំ២០២៣ ដែលជាការប្រកួតលក្ខណៈអាជីព (Pro-Team) លើកដំបូងនៅកម្ពុជាគ្រោងនឹងធ្វើឡើងពីថ្ងៃទី១០ ដល់ថ្ងៃទី១៨ ខែមិថុនា ឆ្នាំ២០២៣ ខាងមុខដោយមានការចូលរួមពីក្រុមអាជីពចំនួន ១២ក្រុមមកពីកម្ពុជា ឥណ្ឌូនេស៊ី ម៉ាឡេស៊ី សិង្ហបុរី ហ្វីលីពីន វៀតណាម ឡាវ ថៃ អាមេរិកខាងជើង និងប្រទេសមជ្ឈិមបូព៌ា អាហ្វ្រិកខាងជើង និងទួរគី៕អត្ថបទ៖ លី ឈុនឡា

CAMSOC ទទួលបានដៃគូ ២បន្ថែមដើម្បីឧបត្ថម្ភគាំទ្រស៊ីហ្គេម-អាស៊ានប៉ារ៉ាហ្គេម ២០២៣

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ (CAMSOC-CAMAPGOC) បានចុះអនុស្សរណៈនៃការយោគយល់គ្នា(MOU) ជាមួយវិស័យឯកជនចំនួន ២ទៀតហើយ ដើម្បីចូលរួមឧបត្ថម្ភគាំទ្រដល់ព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមលើកដំបូងនៅកម្ពុជា គឺក្រុមហ៊ុនស្រាបៀរអាន់ឆ័រ និងក្រុមហ៊ុនសែលកាត។ ថ្លែងក្រោយពិធីចុះអនុស្សរណៈជាមួយដៃគូចលនូបត្ថម្ភទាំង ២ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC-CAMAPGOC នេះគឺជាការចូលរួម និងបំពេញបន្ថែមពីវិស័យឯកជនក្នុងការផ្គត់ផ្គង់លើការចំណាយផ្សេងៗ ជាមួយគណៈកម្មាធិការជាតិ CAMSOC-CAMAPGOC ដែលជាសេនាធិការរបស់រាជរដ្ឋាភិបាល ដើម្បីរៀបចំការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នាពេលដ៏ខ្លីខាងមុខ។ ឯកឧត្តមបន្ថែមថា ក្នុងនាមក្រុមហ៊ុនសាបៀរទី២ ដែលបានចូលរួមឧបត្ថម្ភគាំទ្រព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ អាន់ឆ័រ បានផ្ដល់ជាកញ្ចប់ផលិតផល និងថវិកាខ្ទង់លានដុល្លារ ខណៈសែលកាតដែលជាដៃគូចលនូបត្ថម្ភផ្ដាច់មុខលើផ្នែកទូរគមនាគមន៍បានឧបត្ថម្ភថវិកាខ្ទង់លានដុល្លារ ព្រមទាំងការផ្ដល់ស៊ីមកាតដែលភ្ជាប់ស្រាប់នូវប្រព័ន្ធ Internet Wi-Fi អាចប្រើប្រាស់បានដល់ប្រតិភូ និងអត្តពលិកប្រើប្រាស់កំឡុងការប្រកួតប្រមាណ ២ម៉ឺនស៊ីមទៀតផង។ គួរដឹងថា ការស្វែងរកដៃគូឧបត្ថម្ភគាំទ្រព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមត្រូវបានបែងចែកជា ៣កម្រិត ក្នុងនោះកម្រិតទី១ និងកម្រិតទី២ ដែលជាកម្រិតខ្ពស់បានបិទបញ្ចប់ការទទួលដៃគូឧបត្ថម្ភបន្ដហើយ នៅឡើយកម្រិតទី៣ ដែលជាកម្រិតស្វែងរកដៃគូឧបត្ថម្ភផ្នែកសម្ភារៈផ្សេងៗនៅតែបន្ដ ហើយក៏គ្រោងនឹងបញ្ចប់ក្នុងពេលឆាប់ៗនេះដែរ។ នេះបើតាមការបង្ហើបឲ្យដឹងពីឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជា៕ អត្ថបទ៖ លី ឈុនឡា

អេក្វាដ័រតែងតាំងអតីតគ្រូបង្វឹកកាតា Felix Sanchez ដឹកនាំក្រុមជម្រើសជាតិ

បាល់ទាត់៖ អតីតគ្រូបង្វឹកកាតាលោក Felix Sanchez ត្រូវបានប្រកាសតែងតាំងជាគ្រូបង្វឹកក្រុមជម្រើសជាតិអេក្វាដ័រកាលពីថ្ងៃចន្ទម្សិលមិញនៅទីក្រុង Quito ប្រទេសអេក្វាដ័រ។ លោក Sanchez ដែលដឹកនាំក្រុមកាតានៅ World Cup 2022 កន្លងទៅនោះបានមកជំនួសតំណែងបុរសសញ្ជាតិអាហ្សង់ទីន Gustavo Alfredo។ ក្រុមទាំងពីរអេក្វាដ័រ និងកាតាស្ថិតក្នុងពូលជាមួយគ្នានៅ World Cup 2022 កន្លងទៅតែធ្លាក់ត្រឹមវគ្គចែកពូលដូចគ្នា ពោលគឺអេក្វាដ័រឈរលេខ ៣ មាន ៤ ពិន្ទុ ឯកាតាចាញ់ទាំង ៣ប្រកួត។ បន្ទុករបស់លោក Felix Sanchez គឺត្រូវដឹកនាំក្រុមជម្រើសជាតិអេក្វាដ័រប្រកួតជំរុះ World Cup ក៏ដូចជា Copa America ឆ្នាំក្រោយដែលរៀបចំនៅសហរដ្ឋអាមេរិក។ តែថ្ងៃទី២៤ ខែមីនានេះអេក្វាដ័រនឹងត្រូវធ្វើដំណើរទៅទឹកដីអូស្ត្រាលីប្រកួតមិត្តភាពចំនួន ២ប្រកួតនៅទីនោះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាករ-កីឡាការិនីវាយកូនបាល់នឹងទទួលបាន ២ម៉ឺនដុល្លារពីប្រធានសហព័ន្ធ បើឈ្នះមេដាយមាសស៊ីហ្គេម

Antetokounmpo វិលពីរបួសវិញបោះបាន ៤៦ពិន្ទុឱ្យ Milwaukee Bucks ឈ្នះ Sacramento Kings

Cameron Norrie និង Daniil Medvedev ឡើងវគ្គ ៨នាក់ចុងក្រោយ Indian Wells

ម៉ារ៉ុកប្រកាសផ្លូវការចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

FIFA ផ្លាស់ប្តូរចិត្តត្រលប់មកប្រើប្រាស់រូបមន្តមួយពូល ៤ក្រុមវិញនៅ World Cup 2026

ក្រុមកីឡាករលេងអុកអន្តរជាតិកំពុងមមាញឹកហ្វឹកហាត់ត្រៀមប្រកួតក្នុងព្រឹត្តិការណ៍អាស៊ានប៉ារ៉ាហ្គេម

Man City ឈ្នះ Leipzig ៧-០ Haaland ស៊ុត ៥គ្រាប់ម្នាក់ឯងបំបែកកំណត់ត្រាមួយទៀតនៅ UCL

កីឡាអេឡិចត្រូនិកចាប់ដៃគូជាមួយអន្ដរជាតិរៀបចំពានរង្វាន់អាស៊ីអាគ្នេយ៍លើកដំបូងនៅកម្ពុជា

CAMSOC ទទួលបានដៃគូ ២បន្ថែមដើម្បីឧបត្ថម្ភគាំទ្រស៊ីហ្គេម-អាស៊ានប៉ារ៉ាហ្គេម ២០២៣

អេក្វាដ័រតែងតាំងអតីតគ្រូបង្វឹកកាតា Felix Sanchez ដឹកនាំក្រុមជម្រើសជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Antetokounmpo វិល​ពីរ​បួស​វិញ​បោះ​បាន ៤៦ពិន្ទុ​ឱ្យ Milwaukee Bucks ឈ្នះ Sacramento Kings

Cameron Norrie និង Daniil Medvedev ឡើង​វគ្គ ៨នាក់​ចុងក្រោយ Indian Wells

ម៉ា​រ៉ុ​ក​ប្រកាស​ផ្លូវការ​ចូលរួម​ជាមួយ​អេ​ស្ប៉ា​ញ និង​ព័រទុយហ្កាល់​ដេញថ្លៃ​ធ្វើ​ម្ចាស់ផ្ទះ World Cup 2030

FIFA ផ្លាស់ប្តូរ​ចិត្ត​ត្រលប់មក​ប្រើប្រាស់​រូបមន្ត​មួយ​ពូ​ល ៤ក្រុម​វិញ​នៅ World Cup 2026

Man City ឈ្នះ Leipzig ៧-០ Haaland ស៊ុត ៥គ្រាប់​ម្នាក់ឯង​បំបែក​កំណត់ត្រា​មួយទៀត​នៅ UCL

កីឡា​អេឡិចត្រូនិក​ចាប់​ដៃគូ​ជាមួយ​អន្ដរជាតិ​រៀបចំ​ពានរង្វាន់​អាស៊ីអាគ្នេយ៍​លើកដំបូង​នៅ​កម្ពុជា

CAMSOC ​ទទួលបាន​ដៃគូ ២​បន្ថែមដើម្បី​ឧបត្ថម្ភ​គាំទ្រ​ស៊ី​ហ្គេម​-​អាស៊ាន​ប៉ា​រ៉ា​ហ្គេម ២០២៣

អេ​ក្វា​ដ័​រតែង​តាំង​អតីត​គ្រូ​បង្វឹក​កាតា Felix Sanchez ដឹកនាំ​ក្រុម​ជម្រើស​ជាតិ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Antetokounmpo វិលពីរបួសវិញបោះបាន ៤៦ពិន្ទុឱ្យ Milwaukee Bucks ឈ្នះ Sacramento Kings

Cameron Norrie និង Daniil Medvedev ឡើងវគ្គ ៨នាក់ចុងក្រោយ Indian Wells

ម៉ារ៉ុកប្រកាសផ្លូវការចូលរួមជាមួយអេស្ប៉ាញ និងព័រទុយហ្កាល់ដេញថ្លៃធ្វើម្ចាស់ផ្ទះ World Cup 2030

FIFA ផ្លាស់ប្តូរចិត្តត្រលប់មកប្រើប្រាស់រូបមន្តមួយពូល ៤ក្រុមវិញនៅ World Cup 2026

Man City ឈ្នះ Leipzig ៧-០ Haaland ស៊ុត ៥គ្រាប់ម្នាក់ឯងបំបែកកំណត់ត្រាមួយទៀតនៅ UCL

កីឡាអេឡិចត្រូនិកចាប់ដៃគូជាមួយអន្ដរជាតិរៀបចំពានរង្វាន់អាស៊ីអាគ្នេយ៍លើកដំបូងនៅកម្ពុជា

CAMSOC ទទួលបានដៃគូ ២បន្ថែមដើម្បីឧបត្ថម្ភគាំទ្រស៊ីហ្គេម-អាស៊ានប៉ារ៉ាហ្គេម ២០២៣

អេក្វាដ័រតែងតាំងអតីតគ្រូបង្វឹកកាតា Felix Sanchez ដឹកនាំក្រុមជម្រើសជាតិ