BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រឡាប់រថយន្តដឹកកីឡាករបាល់ទាត់នៅទួកគីសំណាងគ្មានអ្នកបាត់បង់ជីវិត

បាល់ទាត់៖ មានហេតុការណ៍គ្រោះថ្នាក់ចរាចរណ៍មួយ នៅប្រទេសទួកគីកាលពីចុងសប្តាហ៍កន្លងទៅនេះ គឺរថយន្តដឹកកីឡាករបាល់ទាត់នៃក្លិប Alanya Kestelspor តែសំណាងល្អមិនមានអ្នកណាបាត់បង់ជីវិតឡើយ។ ក្រុមដែលស្ថិតនៅក្នុងលីគទី៤ ទួកគីមួយនេះបានធ្វើដំណើរមកពីការប្រកួតដែលពួកគេឈ្នះ Ofspor ១-០ តែចៃដន្យអាក្រក់ក៏បានជួបហេតុការណ៍អកុសលនេះ ដែលបណ្តាលឱ្យរថយន្តក្រុងក្រឡាប់អូសលើផ្លូវ ១០០ម៉ែត្រ។ បើតាមការបញ្ជាក់របស់ប្រធានក្លិបឱ្យដឹងថា កីឡាករពីរនាក់មានរបួសត្រូវការវះកាត់ និងស្ថិតក្នុងស្ថានភាពត្រូវតាមដាន ស្របពេលដែលកីឡាករ ១១នាក់ផ្សេងទៀត រួមជាមួយគ្រូបង្វឹក និងជំនួយការគ្រូបង្វឹកសុទ្ធតែត្រូវបានដឹកទៅកាន់មន្ទីរពេទ្យ។ យ៉ាងណាក្តី ក្លិបក៏បានធូរស្រាលឡើងវិញដោយហេតុការណ៍អាក្រក់មួយនេះ មិនបានឆក់យកជីវិតនរណាម្នាក់នៅលើរថយន្តក្រុងនោះឡើយ។ ក្លិបបាល់ទាត់ជាច្រើននៅក្នុងប្រទេសទួកគី ដូចជាជើងឯកលីគកំពូល Trabzonspor និង Galatasaray ជាដើម សុទ្ធតែបានចេញសេចក្ដីថ្លែងការណ៍របស់ខ្លួនពីការសោកស្ដាយ និងជូនពរគ្រប់គ្នាឆាប់ជាសះស្បើយ។ Alanya Kestelspor ជាក្រុមបាល់ទាត់ដែលស្ថិតនៅលីគទី៤ ទួកគី និងកំពុងនាំមុខគេក្នុងតារាងផងដែរ៕អត្ថបទ៖នាង សុភាវុធ

Scottie Scheffler គ្រងជើងឯក Players Championship ត្រលប់មកឈរលេខ ១ ពិភពលោកវិញ

វាយកូនគោល៖ កីឡាករវាយកូនគោលអាមេរិក Scottie Scheffler នឹងត្រលប់មកឈរលេខ ១ ពិភពលោកវិញនៅថ្ងៃចន្ទនេះ បន្ទាប់ពីគ្រងជើងឯកកម្មវិធី Players Championship នៅថ្ងៃអាទិត្យម្សិលមិញ។ កីឡាករអាមេរិករូបនេះធ្វើបាន ៥ប៊ើឌីត្រឹមពាក់កណ្តាលផ្លូវ និងបានបញ្ចប់ថ្ងៃចុងក្រោយ ៣អាន់ឌើផា និងសរុបរួម ១៧អាន់ឌើផា។ Scottie Scheffler បានបញ្ចប់ការប្រកួតទាំងស្រុងដោយឈ្នះដាច់អ្នកលេខ ២ កីឡាករអង់គ្លេស Tyrrell Hatton ៥ស្ត្រូកឯណោះ ខណៈលេខ ៣ បានទៅកីឡាករន័រវេស Viktor Hovland និងកីឡាករអាមេរិក Tom Hoge។ ជើងឯក Players Championship នេះ Scottie Scheffler នឹងឡើងមកឈរលេខ ១ ពិភពលោកនៅថ្ងៃចន្ទនេះជំនួសកីឡាករអេស្ប៉ាញ Jon Rahm ដែលដកខ្លួនពីការប្រកួតដោយសារបញ្ហាសុខភាព។ ជ័យជំនះនេះធ្វើឱ្យ Scottie Scheffler ក្លាយជាកីឡាករទី៣ ប៉ុណ្ណោះដែលឈ្នះជើងឯក Players Championship និង Masters ក្នុងឆ្នាំតែមួយដូចគ្នានឹង Tiger Woods និង Jack Niklaus៕អត្ថបទ៖នាង សុភាវុធ

Arsenal បន្តនាំមុខដាច់ ៥ពិន្ទុនៅ Premier League ក្រោយឈ្នះនៅផ្ទះ Fulham

បាល់ទាត់៖ ក្រុមកំពូលតារាងកាំភ្លើងធំ Arsenal បានបន្តការនាំមុខដាច់ ៥ពិន្ទុនៅក្របខណ្ឌ English Premier League តាមរយៈជ័យជំនះនៅទឹកដី Fulham យប់មិញ ៣-០។ ក្រុមរបស់ Mikel Arteta បានឆ្លើយនឹងជ័យជំនះរបស់ Manchester City កាលពីថ្ងៃសៅរ៍ដែលបានយកឈ្នះនៅទឹកដី Crystal Palace បង្កើនពិន្ទុដេញតាម Arsenal។ កីឡាករចំនូលថ្មីរបស់ Arsenal, Leandro Trossard បានក្លាយជាតួអង្គសំខាន់ក្នុងជ័យជំនះរបស់ Arsenal ក្រោយពីបានបោះបញ្ជូនឱ្យមានគ្រាប់បាល់ទាំងបីរបស់ Arsenal ដែលសំរេចដោយ Gabriel, Martinelli និង Martin Odegaard។ ជ័យជំនះនេះធ្វើឱ្យ Arsenal បន្តនាំមុខដាច់ ៥ពិន្ទុពី Manchester City ក្រោយលេងបាន ២៧ប្រកួតដូចគ្នា។ ដោយឡែកការប្រកួតកាលពីយប់មិញផងដែរ Manchester United មិនអាចធ្វើអ្វីក្រុមភ្ញៀវ Southampton បានឡើយ បានត្រឹមបញ្ចប់ដោយលទ្ធផល ០-០។ ខ្សែបម្រើការពារប្រេស៊ីល Casemiro ត្រូវបានបណ្តេញចេញត្រឹមនាទីទី៣៤ ក្រោយទទួលបានកាតក្រហមតែម្តងតាមរយៈកំហុសលើ Carlos Alcaraz។ កាតក្រហមនេះ Casemiro នឹងត្រូវជាប់ពិន័យ ៣ប្រកួត ហើយ Manchester United ក៏នឹងប្តឹងតវ៉ាផងដែរ។ សរុបមក Casemiro នឹងត្រូវអវត្តមាន ៤ប្រកួតបូករួមទាំងកាតក្រហមនៅពេលជួប Crystal Palace ផងដែរ មានន័យថាគេនឹងអាចចូលលេងវិញបាននៅពេលជួប Nottingham Forest នៅថ្ងៃទី១៥ ខែមេសា។ Manchester United បន្តឈរលេខ៣ មាន ៥០ពិន្ទុពីលើក្រុមលេខ៤ Tottenham Hotspur ២ពិន្ទុតែ Manchester United នៅសល់មួយប្រកួតក្នុងដៃ៕អត្ថបទ៖នាង សុភាវុធ

ជើងខ្លាំងគុនខ្មែរ និងថៃ ៨រូបឡើងប្រកួតដណ្ដើមខ្សែក្រវាត់ភេសជ្ជៈខារ៉ាបាវទម្ងន់ ៥៧គីឡូក្រាម

ប្រដាល់៖ ស្ថានីយទូរទស្សន៍បាយ័នសហការជាមួយសហព័ន្ធកីឡាប្រដាល់គុនខ្មែរ បានប្រកាសបើកការប្រកួតថ្មីមួយទៀតហើយ គឺការប្រកួតកីឡាប្រដាល់គុនខ្មែរ ដណ្ដើមខ្សែក្រវាត់ភេសជ្ជៈខារ៉ាវបាវឆ្នាំ២០២៣ នៅលើសង្វៀនបាយ័នស្ទឹងមាន ដោយមានកីឡាករជើងខ្លាំងកម្ពុជា-ថៃ ៨រូបចូលរួមប្រកួតខ្សែក្រវាត់នេះក្នុងប្រភេទទម្ងន់ ៥៧គីឡូក្រាម។ ការប្រកួតគ្រោងធ្វើឡើងជាង ៣ខែរហូតដល់ថ្ងៃទី១៨ ខែមិថុនា ឆ្នាំ២០២៣ ខាងមុខ។ ថ្លែងក្នុងសន្និសីទការប្រកួតកាលពីល្ងាចថ្ងៃទី១២ ខែមីនាម្សិលមិញ លោក នាង ស៊ីវុត្ថា ប្រធានផ្គូផ្គង និងគ្រប់គ្រងកម្មវិធីប្រដាល់ទូរទស្សន៍បាយ័នបានសម្ដែងនូវសេចក្ដីរីករាយ និងថ្លែងអំណរគុណក្រុមហ៊ុនភេសជ្ជៈខារ៉ាបាវ ដែលគាំទ្រឲ្យមានកម្មវិធីនេះកើតឡើងជាថ្មី ជាមួយការរៀបចំដោយបើកជំហរ និងមានទស្សនិកជនចូលរួមទស្សនាធម្មតាឡើងវិញ បន្ទាប់ពីការប្រកួតបិទទ្វារជាង ២ឆ្នាំដោយសារជំងឺរាតត្បាតកូវីដ-១៩។ យ៉ាងណាមិញ ដើម្បីជំរុញឲ្យការប្រកួតប្រព្រឹត្តទៅដោយរលូន និងទទួលបានការគាំទ្រពីទស្សនិកជន លោកបានសំណូមពរដល់ថ្នាក់ដឹកនាំសហព័ន្ធ ត្រូវយកចិត្តទុកដាក់ខ្ពស់ លើការផ្ដល់ពិន្ទុរបស់មន្ដ្រីបច្ចេកទេស មានអាជ្ញាកណ្ដាល-ចៅក្រម ដើម្បីផ្ដល់ភាពយុត្តិធម៌ដល់កីឡាករផង និងអ្នកគាំទ្រផង ដ្បិតអ្នកគាំទ្រសម័យតេជោឆ្នាំ២០២៣ នេះចេះមើលប្រដាល់គ្រប់គ្នា ប្រសិនបើការដាក់ពិន្ទុខុសនឹងនាំឲ្យមានការរិះគន់មិនខាន។ ជាមួយគ្នាដែរ ឯកឧត្តម និន ភិរម្យ អនុប្រធានសហព័ន្ធបានអបអរសាទរ ចំពោះស្ថានីយទូរទស្សន៍បាយ័នដែលតែងរៀបចំនូវកម្មវិធី ក៏ដូចជាការប្រកួតដណ្ដើមខ្សែក្រវាត់ជាបន្ដបន្ទាប់ ជាក់ស្ដែងការប្រកួតដណ្ដើមខ្សែក្រវាត់ភេសជ្ជៈខារ៉ាបាវនេះ គឺជាការរួមចំណែកមួយដល់ការអភិវឌ្ឍវិស័យកីឡាប្រដាល់គុនខ្មែរ ក៏ដូចជាជំរុញការផ្សព្វផ្សាយក្បាច់គុនរបស់បុព្វបុរសខ្មែរនេះឲ្យកាន់តែរីកចម្រើន និងល្បីល្បាញលើឆាកអន្ដរជាតិ។ ក្នុងន័យនេះ ឯកឧត្តមបានទទួលយកនូវសំណូមពររបស់លោក នាង ស៊ីវុត្ថា ខណៈមុនការប្រកួតសហព័ន្ធបានបើកកិច្ចប្រជុំ និងក្រើនរំឭកដល់មន្ដ្រីបច្ចេកទេសរបស់ខ្លួនរួចរាល់ ក្នុងការធ្វើយ៉ាងត្រូវផ្ដល់ពិន្ទុដោយសុក្រឹត្យ និងយុត្ដិធម៌បំផុតសម្រាប់កីឡាករគ្រប់រូប ដើម្បីឲ្យកីឡាករទាំងអស់ទទួលយកដោយសេចក្ដីរីករាយ ក៏ដូចជាធ្វើឲ្យអ្នកគាំទ្រមានការគាំទ្ររាល់លទ្ធផលការប្រកួតនីមួយៗ ពិសេសក្នុងការប្រកួតដណ្ដើមខ្សែក្រវាត់នេះតែម្ដង។ សម្រាប់កីឡាករដែលត្រូវបានផ្គូផ្គងក្នុងកម្មវិធីប្រកួតកីឡាប្រដាល់គុនខ្មែរ ដណ្ដើមខ្សែក្រវាត់ភេសជ្ជៈខារ៉ាបាវនេះគឺមានកីឡាករកម្ពុជា ៤រូបដែលស្ថិតក្នុងពូល A រួមមានកីឡាករ ពេជ្រ ប៊ុនសិទ្ធ, ហុង សុវណ្ណចាន់សុធី, ធន់ ផានិត និងកីឡាករ សេក គឹមសាន្ដ។ រីឯ ៤រូបទៀតគឺកីឡាករថៃដែលស្ថិតក្នុងពូល B រួមមានកីឡាករ Thalagnern Por-Arwthalabangsare, Lafarm Tor-Pisannuchai, Petchparkphumi Knoungkraingkrai និងកីឡាករ Inssenoy Nicefairtary។ ឯកឧត្តម និន ភិរម្យ បានបញ្ជាក់ថា ចំពោះរូបមន្ដការប្រកួតនេះគឺប្លែកពីសព្វដង ដោយសហព័ន្ធ និងអ្នករៀបចំកម្មវិធីបានសម្រេចប្រើរូបមន្ដប្រកួតខ្វែងពូល មានន័យថា កីឡាករកម្ពុជាម្នាក់ត្រូវជួបកីឡាករថៃ ៤រូប ឬកីឡាករថៃម្នាក់ត្រូវជួបកីឡាករកម្ពុជា ៤រូប។ បន្ទាប់មកកីឡាករមានពិន្ទុខ្ពស់ជាងគេ ២រូបគឺកីឡាករលេខ១ ពូលA ត្រូវជួបលេខ២ ពូល A និងលេខ១ ពូល B ត្រូវជួបលេខ២ ពូល B ក្នុងវគ្គពាក់កណ្ដាលផ្ដាច់ព្រ័ត្រ ខណៈអ្នកឈ្នះត្រូវជួបគ្នានៅវគ្គផ្ដាច់ព្រ័ត្រដើម្បីដណ្ដើមខ្សែក្រវាត់ អមប្រាក់រង្វាន់ ៦ពាន់ដុល្លារ។ ក្រឡេកមកចាប់អារម្មណ៍លទ្ធផលការប្រកួតដំបូងចំនួន ២គូនៅថ្ងៃបើកឆាកកាលពីម្សិលមិញ កីឡាករកម្ពុជាសុទ្ធតែបានផ្ដួលកីឡាករថៃឲ្យបោះបង់ការប្រកួត រួមមានកីឡាករ ហុង សុវណ្ណចាន់សុធី ផ្ដួលកីឡាករ Inssenoy Nicefairtary ឲ្យបោះបង់ការប្រកួតត្រឹមទឹកទី២ ខណៈ ១គូទៀតគឺកីឡាករ ពេជ្រ ប៊ុនសិទ្ធ បានផ្ដួលកីឡាករ Lafarm Tor-Pisannuchai ឲ្យបោះបង់ការប្រកួតត្រឹមទឹកទី៣៕ អត្ថបទ៖ លី ឈុនឡា

ឯកឧត្តម សៅ សុខា បង្ហាញពីការត្រៀមស៊ីហ្គេម ខណៈសហព័ន្ធដាក់គោលដៅលើសពី Top-4

បាល់ទាត់៖ ឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានបង្ហាញពីមហិច្ឆតាក្នុងការប្រកួតស៊ីហ្គេមឆ្នាំ២០២៣ នៅកម្ពុជានាពេលខាងមុខ ដោយបានដាក់គោលដៅលើសពីវគ្គ ៤ក្រុមចុងក្រោយ(Top-4) ដើម្បីឲ្យស័ក្ដិសមនឹងការខិតខំប្រឹងប្រែង ក្នុងនាមម្ចាស់ផ្ទះព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ។ ថ្លែងប្រាប់អ្នកសារព័ត៌មានក្រោយបញ្ចប់មហាសន្និបាតលើកទី១៧ របស់សហព័ន្ធកាលពីចុងសប្ដាហ៍កន្លងទៅ ឯកឧត្តមបានគូសបញ្ជាក់ថា សហព័ន្ធបានត្រៀមស៊ីហ្គេមជាង ១០ឆ្នាំមកហើយ នៅឡើយរង់ចាំការប្រកួតមកដល់ប៉ុណ្ណោះ។ ទោះបីបាល់ទាត់កម្ពុជាដើរក្រោយបណ្ដាប្រទេសក្នុងតំបន់ ប៉ុន្ដែឯកឧត្តមមានសុទិដ្ឋិនិយមចំពោះការខិតខំប្រឹងប្រែងកន្លងមក ក៏នឹងការរៀបចំនូវយុទ្ធសាស្ដ្រផ្សេងៗ ដើម្បីសម្រេចគោលដៅក្នុងការប្រកួតដ៏អស្ចារ្យនេះ។ ពាក់ព័ន្ធនឹងក្រុមបាល់ទាត់ផ្នែកបុរសដែលកំពុងបោះជំរំហ្វឹកហាត់នៅថៃ ឯកឧត្តមបានសង្កត់ធ្ងន់ថា ទោះបីបំណងបញ្ជូនទៅហ្វឹកហាត់ និងប្រកួតជាច្រើននៅក្នុងតំបន់ ទ្វីប និងអឺរ៉ុបត្រូវខកខាន តែផ្អែកលើឆន្ទៈ និងការខិតខំប្រឹងប្រែង ពិសេសការប្ដេជ្ញាចិត្តរបស់សហព័ន្ធបានដាក់គោលដៅ នឹងដណ្ដើមឲ្យបានលទ្ធផលល្អលើសពីការឆ្លងផុតពូល ដែលដាក់ចេញដោយគណៈកម្មាធិការជាតិអូឡាំពិកកម្ពុជា។ ដូច្នេះអ្វីៗនឹងត្រូវរង់ចាំមើលការប្រកួតជាក់ស្ដែងមកដល់។ សូមបញ្ជាក់ថា បច្ចុប្បន្នក្រុមជម្រើសជាតិអាយុក្រោម ២២ឆ្នាំកម្ពុជាដែលជាក្រុមត្រៀមស៊ីហ្គេមកំពុងហ្វឹកហាត់នៅកោះសាម៉ុយ ប្រទេសថៃ ចាប់ពីថ្ងៃទី២៧ ខែកុម្ភៈដល់ថ្ងៃទី១៥ ខែមីនា។ បន្ទាប់មកពួកគេនឹងត្រូវចូលរួមប្រកួតពានរង្វាន់ Merlion Cup 2023 នៅសិង្ហបុរីពីថ្ងៃទី២៤-២៦ ខែមីនាខាងមុខ ដើម្បីពង្រឹងសមត្ថភាព និងបច្ចេកទេសត្រៀមការប្រកួតស៊ីហ្គេមនាពេលដ៏ខ្លីខាងមុខ។ ក្រឡេកមកការប្រកួតកីឡាស៊ីហ្គេមលើកទី៣២ នៅកម្ពុជាវិញ វិញ្ញាសាបាល់ទាត់នឹងត្រូវចាប់ផ្ដើមការប្រកួតមុនគេចាប់ពីថ្ងៃទី២៩ ខែមេសាតទៅ ពោលគឺមុនពិធីបើកការប្រកួតកីឡាស៊ីហ្គេមផ្លូវការ ដែលនឹងប្រព្រឹត្តទៅនាល្ងាចថ្ងៃទី០៥ ខែឧសភា ឆ្នាំ២០២៣ ខាងមុខ៕ អត្ថបទ៖ លី ឈុនឡា

CAMSOC បើកកិច្ចប្រជុំត្រៀមរៀបចំព្រះរាជពិធីសុំព្រះអគ្គិកីឡានៃព្រឹត្តិការណ៍ស៊ីហ្គេមនៅខេត្ដសៀមរាប

ស៊ីហ្គេម៖ CAMSOC-CAMAPGOC បានបើកកិច្ចប្រជុំពិភាក្សា និងចុះពិនិត្យទីតាំងប្រារព្ធព្រះរាជពិធីប្រោសព្រះរាជទានព្រះអគ្គិកីឡា ដែលធ្វើឡើងនៅថ្ងៃទី២១ ខែមីនាខាងមុខសម្រាប់ព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។ កិច្ចប្រជុំនេះធ្វើឡើងនៅសាលាខេត្តសៀមរាបកាលពីថ្ងៃទី១១ មីនា ឆ្នាំ២០២៣។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC-CAMAPGOC មានប្រសាសន៍ថា កិច្ចប្រជុំនាពេលនេះគឺដើម្បីជួបគ្នារវាងក្រុមការងារថ្នាក់ជាតិ និងក្រុមការងារថ្នាក់ខេត្តក្នុងការយកចិត្តទុកដាក់បន្ថែម និងបានពិភាក្សាលម្អិតឱ្យកាន់តែច្បាស់លាស់លើការងាររួម សម្រាប់ការរៀបចំនូវព្រះរាជពិធីប្រោសព្រះរាជទានព្រះអគ្គិកីឡា ដែលនឹងប្រារព្ធធ្វើនៅប្រាសាទអង្គរវត្តនាថ្ងៃទី២១ ខែមីនា ឆ្នាំ២០២៣ខាងមុខនេះ ក្រោមព្រះរាជាធិបតីភាពដ៏ខ្ពង់ខ្ពស់របស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដែលព្រះអង្គនឹងយាងក្នុងព្រះរាជពិធីប្រោសព្រះរាជទាន «ព្រះអគ្គិកីឡា» ដែលជាពេលវេលាដ៏ល្អ ព្រះអាទិត្យរះចំពីលើកណ្តាលកំពូលប្រាសាទអង្គរវត្ត ដើម្បីរៀបចំធ្វើជាភ្លើងគប់រត់នៅខេត្តសៀមរាប និងបណ្តាប្រទេសក្នុងតំបន់អាស៊ាន សម្រាប់ព្រឹត្តិការណ៍កីឡាស៊ីហ្គេមលើទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។ ឯកឧត្តមបានបន្ថែមថា ការជ្រើសរើសយកទីតាំងប្រាសាទអង្គរវត្ត សម្រាប់ប្រទាន «ព្រះអគ្គិកីឡា» ដែលជាភ្លើងអាទិទេពមកធ្វើជាភ្លើងគប់បែបនេះ គឺកម្ពុជាមានលំនាំដូចគ្នានឹងការទទួលរៀបចំធ្វើម្ចាស់ផ្ទះការប្រកួតកីឡា GANEFO ឆ្នាំ១៩៦៦ ដែលមានការរៀបចំយកភ្លើងអាទិទេពពីប្រាសាទអង្គរវត្តមកដែរ។ នេះជារបៀបរបបប្រពៃណី និងតាមគន្លងកីឡារបស់យើងក្នុងប្រវត្តិសាស្ត្រកម្ពុជា។ បើតាមគម្រោងបន្ទាប់ពីព្រះរាជពិធីសុំភ្លើងព្រះអគ្គិកីឡា នៅខេត្តសៀមរាបនាថ្ងៃទី២១ ខែមីនា ឆ្នាំ២០២៣ ខាងមុខនេះ គឺការរត់ភ្លើងគប់នឹងត្រូវធ្វើឡើងជាបន្តបន្ទាប់ ដោយចាប់ផ្តើមចេញពីខេត្តសៀមរាប ដោយនឹងរៀបចំការរត់ភ្លើងគប់នៅវង់តូចអង្គរ ១ជុំ រួចបន្តទៅកាន់បណ្តាប្រទេសនានា នៅក្នុងតំបន់អាស៊ីអាគ្នេយ៍ រួចបន្តរត់នៅជុំវិញបឹងទន្លេសាបរហូតដល់ថ្ងៃទី៥ ខែឧសភា ឆ្នាំ២០២៣ ជាថ្ងៃប្រារព្ធពិធីបើកជាផ្លូវការកីឡាស៊ីហ្គេមលើកទី៣២ ឆ្នាំ២០២៣តែម្តង នៅពហុកីឡដ្ឋានជាតិមរតកតេជោ រាជធានីភ្នំពេញ ហើយនេះជាព្រឹត្តិការណ៍ប្រវត្តិសាស្ត្រលើកដំបូងរបស់កម្ពុជា ក្រោយរង់ចាំអស់រយៈពេល ៦៤ឆ្នាំ។ ឯកឧត្តមអគ្គលេខាធិការក៏បានជំរុញ និងណែនាំបន្ថែមដល់អាជ្ញាធរខេត្ត ជាពិសេសកម្លាំងសមត្ថកិច្ចចម្រុះត្រូវយកចិត្តទុកដាក់ឲ្យបានខ្ពស់ក្នុងរៀបចំសន្តិសុខ សណ្ដាប់ធ្នាប់នៅមុន និងពេលចាប់ផ្ដើមពិធីជូនដល់ថ្នាក់ដឹកនាំ រួមនឹងសាធារណៈជនទូទៅ។ ជាមួយគ្នានោះ ឯកឧត្ដមបានលើកទឹកចិត្តដល់ពលរដ្ឋទូទៅរួមគ្នា តាមរយៈការរៀបចំតាមគេហដ្ឋានផ្ទាល់ខ្លួន ដោយមានចងបដា និងទង់ជាតិឲ្យបានច្រើនកោះករ ដើម្បីជួយលើកសោភ័ណភាព និងបង្ហាញពីមោទនាសម្រាប់កម្ពុជាបានធ្វើជាម្ចាស់ផ្ទះរៀបចំ នូវព្រឹត្តិការណ៍ប្រកួតកីឡាស៊ីហ្គេមលើទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលជាព្រឹត្តិការណ៍ជាប្រវត្តសាស្ត្រថ្មីរបស់កម្ពុជាផងដែរ៕ ដោយ៖ ឈិត សាវី

Richarlison រិះគន់លោក Antonio Conte ក្រោយ Spurs ធ្លាក់ពី UCL

បាល់ទាត់៖ ខ្សែប្រយុទ្ធ Tottenham Hotspurs, Richarlison បានធ្វើការរិះគន់អ្នកចាត់ការខ្លួនឯងលោក Antonio Conte ក្រោយ Spurs ធ្លាក់ត្រឹមវគ្គ ១៦ក្រុមចុងក្រោយ UEFA Champions League។ កីឡាករវ័យ ២៥ឆ្នាំរូបនេះមិនសប្បាយចិត្ត ចំពោះការសម្រេចចិត្តរបស់អ្នកចាត់ការអ៊ីតាលីរូបនេះ ដែលដាក់ឱ្យរូបគេនៅអង្គុយកៅអីបម្រុងនៅពេល Spurs ស្មើគ្នា ០-០ ទល់នឹងក្រុមភ្ញៀវ AC Milan តែធ្លាក់ក្រោយចាញ់កាលពីជើងទីមួយ ១-០។ Richarlison ដែលមកកាន់ Spurs ជាមួយនឹងតម្លៃផ្ទេរ ៦០លានផោននោះពុំសូវមានឱកាសលេងបាល់ពេញលេងឡើយ ក្រោមការដឹកនាំរបស់លោក Antonio Conte និងបានចូលលេងត្រឹម ២០នាទីចុងក្រោយប៉ុណ្ណោះពេលស្មើ AC Milan នោះ។ Richarlison បាននិយាយប្រាប់សារព័ត៌មាន TNT Sports ប្រេស៊ីលថា គេមិនយល់ថាមានរឿងអ្វីកើតឡើងសម្រាប់គេ ទោះបីមានទំរង់លេងបែបនេះក៏នៅតែមិនស្ថិតក្នុងជម្រើសដំបូង ហើយក៏មិនសប្បាយចិត្តនឹងយុទ្ធសាស្ត្រដឹកនាំរបស់លោក Conte ផងដែរ។ អតីតខ្សែប្រយុទ្ធ Everton ដែលស៊ុតបាន ៣គ្រាប់ឱ្យប្រេស៊ីលនៅ World Cup នោះរកបានត្រឹម ២គ្រាប់ប៉ុណ្ណោះឱ្យ Spurs រដូវកាលនេះ៕អត្ថបទ៖នាង សុភាវុធ

Marcelo ទទួលបានការស្វាគមន៍កក់ក្តៅពេលត្រលប់ទៅប្រកបអាជីពនៅទឹកដីកំណើតប្រេស៊ីលវិញ

បាល់ទាត់៖ អតីតខ្សែការពារ Real Madrid, Marcelo បានទទួលការស្វាគមន៍យ៉ាងកក់ក្តៅពីអ្នកគាំទ្រ ពេលត្រលប់ទៅដល់ទឹកដីកំណើតប្រេស៊ីលវិញ។ អ្នកគាំទ្រក្លិប Fluminense ដែលជាក្លិបអាជីពដំបូងរបស់ Marcelo មុនចាកចេញទៅ Real Madrid បានឈរចាំទទួលកីឡាករវ័យ ៣៤ឆ្នាំរូបនេះនៅអាកាសយានដ្ឋានអន្តរជាតិទីក្រុង Rio។ Marcelo បានចុះហត្ថលេខាលេងឱ្យ Fluminense រយៈពេល ២ឆ្នាំបន្ទាប់ពីចាកចេញពី Olympiakos មុនពេលកំណត់នៃកិច្ចសន្យា បន្ទាប់ពីលេងបាន ៩ប្រកួតរកបាន ៣គ្រប់ឱ្យក្លិបក្រិកមួយនេះ។ រំលឹកថា Marcelo បានមកកាន់ Real Madrid កាលពីខែមករា ឆ្នាំ២០០៧ ក្នុងវ័យ ១៩ឆ្នាំនៅពេលនោះផ្ទេរពីក្លិបប្រេស៊ីប Fluminense ហើយរយៈពេល ១៥ឆ្នាំកន្លង គេបានបង្ហាញខ្លួនលើសពី ៥០០ប្រកួតនៅ Real Madrid មិនត្រឹមតែឈ្នះពាន La Liga និង UCL ឡើយ គឺថែមទាំង FIFA Club World Cup ៤លើក, European Super Cup ៣លើក, Spanish Super Cup ៥លើក និង Copa del Rey ២លើក៕អត្ថបទ៖នាង សុភាវុធ

មន្ត្រីការប្រកួតបាល់ទាត់ឥណ្ឌូនេស៊ី ២នាក់ត្រូវកាត់ទោសឱ្យជាប់ពន្ធនាគារ

បាល់ទាត់៖ តុលាការឥណ្ឌូនេស៊ីបានសម្រេចកាត់ទោសមន្ត្រីការប្រកួតបាល់ទាត់ ២នាក់ឱ្យជាប់ពន្ធនាគាររយៈពេល ១ឆ្នាំកន្លះ បន្ទាប់ពីរកឃើញថាមានទោសពីបទធ្វេសប្រហែសលើការរត់ជាន់គ្នា នៅកីឡដ្ឋានបាល់ទាត់ដ៏សាហាវបំផុតរបស់ពិភពលោក។ ការប្រកួតរវាងក្រុម Arema FC និង Persebaya Surabaya ក្នុងខែតុលា ឆ្នាំ២០២២ នៅទីក្រុង Malang នៃរដ្ឋ Java បានបញ្ចប់ដោយភាពចលាចលដោយមានអ្នកទស្សនាចំនួន ១៣៥នាក់បានបាត់បង់ជីវិត ហើយជាច្រើននាក់ទៀតរងរបួស ខណៈដែលពួកគេបានភៀសខ្លួនចេញ បន្ទាប់ពីការបង្ក្រាប់របស់ប៉ូលីសដែលបានបាញ់ឧស្ម័នបង្ហូរទឹកភ្នែកទៅកាន់ហ្វូងមនុស្ស។ ចៅក្រមលោក Abu Achmad Shiddqi Hamsya បាននិយាយនៅតុលាការក្នុងទីក្រុង Surabaya ថាមន្ត្រីការប្រកួតម្នាក់ឈ្មោះ Abdul Haris ត្រូវបានគេរកឃើញថាមានទោស "ដោយសារតែការធ្វេសប្រហែសរបស់គាត់ដែលបណ្តាលឱ្យមនុស្សស្លាប់ និងរបួសយ៉ាងធ្ងន់ធ្ងរ"។ គាត់ត្រូវបានកាត់ទោសឱ្យជាប់ពន្ធនាគារមួយឆ្នាំកន្លះ។ ចៅក្រមក៏បានរកឃើញថា មន្ត្រីសន្តិសុខ Suko Sutrisno មានទោសពីបទធ្វេសប្រហែស ហើយបានកាត់ទោសគាត់ឱ្យជាប់ពន្ធនាគារមួយឆ្នាំ ហើយអ្នកទាំងពីរក៏ត្រូវហាមឃាត់មិនឲ្យធ្វើសកម្មភាពកីឡាបាល់ទាត់អស់មួយជីវិត។ ការស៊ើបអង្កេតរបស់គណៈកម្មាធិការសិទ្ធិមនុស្សរបស់ឥណ្ឌូនេស៊ី បានរកឃើញមូលហេតុចម្បងនៃការរត់ជាន់គ្នា គឺប៉ូលីសបានបាញ់ឧស្ម័នបង្ហូរទឹកភ្នែកទៅលើហ្វូងមនុស្សចំនួន ៤៥ជុំ ដែលទង្វើនេះត្រូវបាន FIFA ហាមឃាត់ និងមិនមែនជាវិធានការគ្រប់គ្រងហ្វូងមនុស្ស៕អត្ថបទ៖នាង សុភាវុធ

ជំនួបយក្សនៅលីគអារ៉ាប៊ីសាអ៊ូឌីត Al Nassr ចាញ់ Al Ittihad

បាល់ទាត់៖ ជំនួបយក្សរវាងក្រុមកំពូលតារាងទាំង២ នៅលីគកំពូលអារ៉ាប៊ីសាអ៊ូឌីត Saudi Pro League បានបញ្ចប់ទៅដោយ Al Ittihad យកឈ្នះ Al Nassr ១-០។ ការប្រកួតនៅទឹកដីរបស់ Al Ittihad កីឡដ្ឋាន King Abdullah Sports City ទីក្រុង Jeddah ក្រុមលេខ២ Al Ittihad មានឱកាសច្រើនក្នុងការរកគ្រាប់បាល់ តែគ្រាប់បាល់ជ័យជំនះតែ ១គ្រាប់គត់របស់ពួកគេត្រូវរង់ចាំដល់នាទីទី៨០ ឯណោះដែលសំរេចបានដោយខ្សែប្រយុទ្ធប្រេស៊ីល Romarinho។ Cristiano Ronaldo ដែលជាប្រធានក្រុម Al Nassr ស្ទើរតែរកបានគ្រាប់តាមស្មើវិញទៅហើយនៅចុងម៉ោង តែត្រូវជួយបានដោយអ្នកចាំទី Marcelo Grohe។ ជ័យជំនះនេះធ្វើឱ្យ Al Ittihad ឡើងឈរកំពូលតារាងវិញមាន ១ពិន្ទុពីលើ Al Nassr៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រឡាប់រថយន្តដឹកកីឡាករបាល់ទាត់នៅទួកគីសំណាងគ្មានអ្នកបាត់បង់ជីវិត

Scottie Scheffler គ្រងជើងឯក Players Championship ត្រលប់មកឈរលេខ ១ ពិភពលោកវិញ

Arsenal បន្តនាំមុខដាច់ ៥ពិន្ទុនៅ Premier League ក្រោយឈ្នះនៅផ្ទះ Fulham

ជើងខ្លាំងគុនខ្មែរ និងថៃ ៨រូបឡើងប្រកួតដណ្ដើមខ្សែក្រវាត់ភេសជ្ជៈខារ៉ាបាវទម្ងន់ ៥៧គីឡូក្រាម

ឯកឧត្តម សៅ សុខា បង្ហាញពីការត្រៀមស៊ីហ្គេម ខណៈសហព័ន្ធដាក់គោលដៅលើសពី Top-4

CAMSOC បើកកិច្ចប្រជុំត្រៀមរៀបចំព្រះរាជពិធីសុំព្រះអគ្គិកីឡានៃព្រឹត្តិការណ៍ស៊ីហ្គេមនៅខេត្ដសៀមរាប

Richarlison រិះគន់លោក Antonio Conte ក្រោយ Spurs ធ្លាក់ពី UCL

Marcelo ទទួលបានការស្វាគមន៍កក់ក្តៅពេលត្រលប់ទៅប្រកបអាជីពនៅទឹកដីកំណើតប្រេស៊ីលវិញ

មន្ត្រីការប្រកួតបាល់ទាត់ឥណ្ឌូនេស៊ី ២នាក់ត្រូវកាត់ទោសឱ្យជាប់ពន្ធនាគារ

ជំនួបយក្សនៅលីគអារ៉ាប៊ីសាអ៊ូឌីត Al Nassr ចាញ់ Al Ittihad

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រឡាប់​រថយន្ត​ដឹក​កីឡាករ​បាល់ទាត់​នៅ​ទួ​ក​គី​សំណាង​គ្មាន​អ្នក​បាត់បង់​ជីវិត​

Scottie Scheffler គ្រង​ជើងឯក Players Championship ត្រលប់​មកឈរ​លេខ ១ ពិភពលោក​វិញ

Arsenal បន្ត​នាំមុខ​ដាច់ ៥ពិន្ទុ​នៅ Premier League ក្រោយ​ឈ្នះ​នៅផ្ទះ Fulham

ឯកឧត្តម សៅ សុខា បង្ហាញ​ពី​ការត្រៀម​ស៊ី​ហ្គេម ខណៈ​សហព័ន្ធ​ដាក់​គោលដៅ​លើសពី​ Top-4

Richarlison រិះគន់​លោក Antonio Conte ក្រោយ Spurs ធ្លាក់​ពី UCL

Marcelo ទទួលបាន​ការស្វាគមន៍​កក់ក្តៅ​ពេល​ត្រលប់​ទៅ​ប្រកប​អាជីព​នៅ​ទឹកដី​កំណើត​ប្រេ​ស៊ី​ល​វិញ​

មន្ត្រី​ការប្រកួត​បាល់ទាត់​ឥណ្ឌូនេស៊ី ២​នាក់​ត្រូវ​កាត់ទោស​ឱ្យ​ជាប់ពន្ធនាគារ​

ជំនួប​យក្ស​នៅ​លី​គ​អារ៉ាប៊ីសាអ៊ូឌីត Al Nassr ចាញ់ Al Ittihad

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រឡាប់រថយន្តដឹកកីឡាករបាល់ទាត់នៅទួកគីសំណាងគ្មានអ្នកបាត់បង់ជីវិត

Scottie Scheffler គ្រងជើងឯក Players Championship ត្រលប់មកឈរលេខ ១ ពិភពលោកវិញ

Arsenal បន្តនាំមុខដាច់ ៥ពិន្ទុនៅ Premier League ក្រោយឈ្នះនៅផ្ទះ Fulham

ឯកឧត្តម សៅ សុខា បង្ហាញពីការត្រៀមស៊ីហ្គេម ខណៈសហព័ន្ធដាក់គោលដៅលើសពី Top-4

Richarlison រិះគន់លោក Antonio Conte ក្រោយ Spurs ធ្លាក់ពី UCL

Marcelo ទទួលបានការស្វាគមន៍កក់ក្តៅពេលត្រលប់ទៅប្រកបអាជីពនៅទឹកដីកំណើតប្រេស៊ីលវិញ

មន្ត្រីការប្រកួតបាល់ទាត់ឥណ្ឌូនេស៊ី ២នាក់ត្រូវកាត់ទោសឱ្យជាប់ពន្ធនាគារ

ជំនួបយក្សនៅលីគអារ៉ាប៊ីសាអ៊ូឌីត Al Nassr ចាញ់ Al Ittihad