BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រុមជំនាញសិក្សាពី World Cup ថា មិនគួររៀបចំឱ្យមានការប្រកួតអំឡុងខែវិច្ឆិកា-ធ្នូទៀតឡើយ

បាល់ទាត់៖ សម្ព័ន្ធកីឡាករបាល់ទាត់ពិភពលោក FIFPRO បាននិយាយថា ការប្រកួតបាល់ទាត់ពិភពលោកមិនគួរត្រូវបានរៀបចំឡើងអំឡុងខែវិច្ឆិកាដល់ខែធ្នូទៀតទេ ស្របពេលការចូលនិវត្តន៍របស់ខ្សែការពារបារាំង Raphael Varane គួរជាករណីដែលគួរស្វែងយល់។ FIFPRO បានចេញផ្សាយពីការរំលឹកបាល់ទាត់ពិភពលោកឆ្នាំ២០២២ ជាមួយនឹងការស្ទង់មតិលើកីឡាករ ហើយបង្ហាញថា កីឡាករមានការភ័យខ្លាចមិនថាផ្លូវចិត្ត និងរាងកាយជុំវិញហានិភ័យដែលអាចបង្ករបួស។ Rafael Varane បានជួយបារាំងឈានដល់វគ្គផ្តាច់ព្រ័ត្រ World Cup បន្ទាប់មកបានប្រកាសនៅថ្ងៃទី៣ ខែកុម្ភៈពីការសំរេចចិត្តបញ្ចប់អាជីពពីក្រុមជម្រើសជាតិតាមរយៈកាលវិភាគប្រកួតដ៏មមាញឹក។ Varane មានពេលត្រឹមតែ ៨ថ្ងៃប៉ុណ្ណោះរវាងការប្រកួត World Cup វគ្គផ្តាច់ព្រ័ត្រ និងត្រលប់មកការប្រកួតនៅក្លិបអាជីព Manchester United។ កីឡាករបាល់ទាត់ពិភពលោកចំនួន ៦៤នាក់ត្រូវបានស្ទង់មតិ ហើយកង្វះនៃការរៀបចំ និងពេលវេលានៃការស្តារកំលាំងឡើងវិញ ហានិភ័យសុខភាពសុទ្ធតែត្រូវបានសង្កត់ធ្ងន់ មិនចង់ឱ្យមានការប្រកួតអំឡុងពេលវេលាបែបនេះកើតឡើងទៀត។ មានកីឡាករត្រឹម ១១ភាគរយប៉ុណ្ណោះដែលត្រូវបានស្ទង់មតិពេញចិត្ត នឹងពេលវេលាប្រកួតបាល់ទាត់ពិភពលោកខែវិច្ឆិកា/ធ្នូ។ ក្នុងចំណោមនោះដែរ ៨៦ភាគរយនៃកីឡាករចង់បានយ៉ាងហោចណាស់ ១៤ថ្ងៃនៃពេលវេលារៀបចំ, ៦១ភាគរយចង់បាន ១៤ ទៅ ២៨ ពេលវេលាសម្រាកក្រោយចប់ World Cup។ ការសិក្សាបានបង្ហាញដែរថា កីឡាករដែលមកពី Premier League លេងនៅ World Cup បានច្រើននាទីជាងគេគឺកីឡាករមកពី Manchester City ខណៈ Barcelona មានកីឡាករបានលេង World Cup ច្រើនជាងគេសរុប ១៧នាក់៕អត្ថបទ៖នាង សុភាវុធ

ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៩ ចាប់ផ្តើមថ្ងៃអាទិត្យនេះ

ប្រដាល់៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៩ ក្នុងប្រភេទទំងន់ ៥៧គីឡូក្រាម នឹងចាប់ផ្តើមជុំទី១ នៅថ្ងៃអាទិត្យចុងសប្តាហ៍នេះហើយ។ កីឡាករគុនខ្មែរ ៤រូប និងថៃបួនរូបត្រូវប្រកួតប្រជែងគ្នាលក្ខណៈវិលជុំសន្សំពិន្ទុ មុនទទួលបានកៅអីវគ្គពាក់កណ្តាលផ្តាច់ព្រ័ត្រ និងផ្តាច់ព្រ័ត្រ។ បន្ទាប់ពី ពេជ្រ សម្បត្តិ ដែលជាម្ចាស់ជើងឯកខ្សែក្រវាត់រដូវកាលទី៨ ឈានដល់រដូវកាលទី៩ ក៏នឹងមានវត្តមានសិស្សច្បងមកពីក្លិបចលនាយុវជន ១៥៧ គុនខ្មែរមួយរូបទៀតមកប្រកួតប្រជែងគឺ ពេជ្រ ប៊ុនសិទ្ធ ក៏ដូចជាវត្តមានរបស់កូនសិស្សលោក ធន់ សុភា មកពីសមាគមកីឡាប្រដាល់ក្រសួងការពារជាតិ ធន់ ផានិត ដែលជាអតីតបេក្ខភាពប្រកួតរដូវកាលទី៨ តែបានត្រឹមលេខ៣។ ក្រៅពីនោះក៏មានកីឡាករពីររូបទៀត សេក គឹមសាន្ត មកពីខេត្តសៀមរាបនៅក្លិបអង្គរជ័យ យោធភូមិភាគទី ៤ និងកីឡាករកំពស់ខ្ពស់ ហុង សុវណ្ណចាន់សុធី មកពីក្លិបបញ្ជាការដ្ឋានទ័ពពិសេស។ ងាកមកសមាភាពកីឡាករថៃរួមមានម្ចាស់មេដាយស៊ីហ្គេម ផេតផាកភូមិខួងក្រៀងក្រៃ អ៊ីនស៊ីណយណៃហ្វ៊ែតារី ថៈឡេងើន ប៉.អាវបាងសេរេ និង ឡាហ្វាន់ ត.ភិសនុឆ័យ។ រូបមន្តនៃការប្រកួតនោះគឺកីឡាករកម្ពុជា និងថៃនៅពូលផ្សេងគ្នា តែត្រូវប្រកួតគ្នាកម្ពុជាប៉ះថៃសរុបម្នាក់ ៤ប្រកួតដណ្តើមយកជ័យជំនះ ៣ពិន្ទុ និងអ្នកចាញ់ ១ពិន្ទុ គ្មានស្មើ។ កីឡាករដែលឈរលេខ ១ និងលេខ ២ ក្នុងពូលនីមួយៗនឹងឡើងវគ្គពាក់កណ្តាលផ្តាច់ព្រ័ត្រ តែកីឡាករក្នុងពូលនីមួយៗត្រូវជួបលេខ ១ និងលេខ ២ ពូលខ្លួនឯងនៅវគ្គនោះ មុនដល់វគ្គផ្តាច់ព្រ័ត្រដែលដាច់ខាតត្រូវតែកីឡាករកម្ពុជាជួបថៃ។ សម្រាប់ការប្រកួតសប្តាហទី១ ជុំទី១ ថ្ងៃអាទិត្យទី១២ នេះ ហុង សុវណ្ណចាន់សុធី ត្រូវជួបជាមួយអ៊ីនស៊ីណយ ណៃហ្វ៊ែតារី និងពេជ្រ ប៊ុនសិទ្ធ ជួបឡាហ្វាន់ ត.ភិសនុឆ័យ៕អត្ថបទ៖នាង សុភាវុធ

ងើបពីចាញ់ Liverpool បិសាចក្រហមយកឈ្នះ Real Betis ៤-១ នៅ Europa League

បាល់ទាត់៖ ក្រុមបិសាចក្រហម Manchester United បានត្រលប់មកយកឈ្នះ Real Betis ៤-១ នៅជើងទី១ វគ្គ ១៦ក្រុមចុងក្រោយ UEFA Europa League បន្ទាប់ពីបរាជ័យធ្ងន់ក ៧-០ នៅទឹកដី Liverpool ចុងសប្តាហ៍កន្លងទៅ។ ខ្សែប្រយុទ្ធអង់គ្លេស Marcus Rashford លេងបានត្រឹម ៦នាទីក៏រកគ្រាប់បាល់នាំមុខបានសំរេចឱ្យ Manchester United តែអតីតខ្សែប្រយុទ្ធ Newcastle, Ayoze Perez តាមស្មើវិញនៅនាទីទី៣២។ ឈានដល់វគ្គទី២ ក្រុមរបស់លោក Erik ten Hag មានប្រៀបខ្លាំងដោយរកបានបីគ្រាប់បន្ថែមដោយ Antony Bruno Fernandes និង Wout Weghorst។ ងាកមកក្រុមកំពូលតារាងនៅ Premier League កាំភ្លើងធំ Arsenal បានត្រឹមស្មើប៉ុណ្ណោះនៅទឹកដីព័រទុយហ្កាល់ Sporting Lisbon។ William Saliba ជាអ្នកតែតបញ្ចូលទីនាំមុខមុនឱ្យ Arsenal នៅនាទីទី២២ តែម្ចាស់ផ្ទះតាមស្មើវិញដោយ Goncalo Ignacio ក្នុងវគ្គទី១ នៅគ្រាប់នាំមុខវិញរបស់ Sporting Lisbon ដោយ Paulinho។ យ៉ាងណាក្តី Arsenal ក៏មានសំណាងបានគ្រាប់តាមស្មើវិញ ដោយបាល់ចូលទីខ្លួនឯងរបស់ខ្សែបម្រើជប៉ុន Hidemasa Morita។ លទ្ធផលផ្សេងទៀត Juventus ១-០ Freiburg, Union Berlin ៣-៣ Union Saint-Gilloise, Leverkusen ២-០ Ferencvarosi, Roma ១-០ Real Sociedad, Sevilla ២-០ Fenerbahce និង Shakhtar Donetsk ១-១ Feyenoord។ ការប្រកួតជើងទី២ នឹងធ្វើឡើងនៅថ្ងៃព្រហស្បតិ៍សប្តាហ៍ក្រោយ៕អត្ថបទ៖នាង សុភាវុធ

កម្ពុជាជួបម៉ាឡេស៊ីបញ្ចប់ពូល G នៃវគ្គជម្រុះ AFC U20 Woman's Asian Cup ល្ងាចនេះ

បាល់ទាត់៖ ក្រុមបាល់ទាត់ជម្រើសជាតិនារីអាយុក្រោម ២០ឆ្នាំកម្ពុជានឹងបន្ដជួបក្រុមជម្រើសជាតិនារីអាយុក្រោម ២០ឆ្នាំម៉ាឡេស៊ីនាវេលាម៉ោង ៤ល្ងាចថ្ងៃទី១០ ខែមីនានេះនៃវគ្គជម្រុះជុំទី១ ពានរង្វាន់បាល់ទាត់នារីប្រចាំទ្វីបអាស៊ីអាយុក្រោម ២០ឆ្នាំ ឆ្នាំ២០២៤ (AFC U20 Woman's Asian Cup 2024) នៅប្រទេសអ៊ុយបេគីស្ថាន ពូល G នៅកីឡដ្ឋាន Smart RSN របស់ក្លិបភ្នំពេញក្រោន។ នេះគឺជាជំនួបចុងក្រោយរបស់កម្ពុជា បន្ទាប់ពីប្រកួតដំបូងបានរងបរាជ័យក្រោមថ្វីជើងក្រុមភ្ញៀវមីយ៉ាន់ម៉ាដោយលទ្ធផល ២-០ កាលពីថ្ងៃពុធកន្លងទៅ។ ដូច្នេះជំនួបជាមួយម៉ាឡេស៊ីល្ងាចនេះគឺជាការប្រកួតដ៏សំខាន់សម្រាប់ក្រុមម្ចាស់ផ្ទះកម្ពុជា ដែលទាមទារឈ្នះដាច់ខាតដើម្បីមានឱកាសអ៊ុតកៅអីវគ្គបន្ដ ខណៈបើស្មើ ឬចាញ់ កម្ពុជានឹងអស់ឱកាសតែម្ដង។ គួរដឹងថា ក្នុងពូល G នៃវគ្គជម្រុះជុំទី១ ពានរង្វាន់បាល់ទាត់នារីប្រចាំទ្វីបអាស៊ីអាយុក្រោម ២០ឆ្នាំ ឆ្នាំ២០២៤ ដែលកម្ពុជាធ្វើម្ចាស់ផ្ទះនេះមានបេក្ខភាពប្រកួតប្រជែង ៣ក្រុមប៉ុណ្ណោះ រួមមានកម្ពុជា មីយ៉ាន់ម៉ា និងម៉ាឡេស៊ី។ បន្ទាប់ពីធ្វើការប្រកួត ១ជុំ ក្រុមមានពិន្ទុខ្ពស់ជាងគេនឹងទទួលបានកៅអីវគ្គជម្រុះជុំទី២ ខណៈបច្ចុប្បន្នគឺក្រុមជម្រើសជាតិនារី U20 មីយ៉ាន់ម៉ាកំពុងឈរកំពូលតារាង និងមាន ៣ពិន្ទុបណ្ដោះអាសន្ន៕អត្ថបទ៖ លី ឈុនឡា

ខេត្តកណ្ដាលប្រកាសរៀបចំជើងឯកបឋមសិក្សាឆ្នាំ២០២៣ លើ ៤ប្រភេទកីឡា

កណ្ដាល៖ មន្ទីរអប់រំ យុវជន និងកីឡាខេត្តកណ្ដាល បានប្រកាសរៀបចំការប្រកួតកីឡាសិស្សបឋមសិក្សាជ្រើសជើងឯកប្រចាំខេត្តឆ្នាំ២០២៣ រយៈពេល ១សប្ដាហ៍ចាប់ពីថ្ងៃទី១០ ដល់ថ្ងៃទី១៦ ខែមីនាខាងមុខ ដោយកំណត់កីឡា ៤ប្រភេទ រួមមានកីឡាបាល់ទាត់ បាល់ទះ បាល់បោះ និងកីឡាអត្តពលកម្ម។ លោក ពៅ វណ្ណា ប្រធានការិយាល័យកីឡាអប់រំកាយ និងកីឡាបានឲ្យដឹងថា ការប្រកួតនេះធ្វើឡើងដើម្បីចម្រាញ់បានធនធានកីឡាករ-កីឡាការិនីល្អៗត្រៀមចូលរួមប្រកួតជើងឯកបឋមសិក្សាថ្នាក់ជាតិនាពេលខាងមុខ។ ក្រៅពីកីឡា ៤ប្រភេទនេះ កីឡាផ្សេងៗក៏កំពុងត្រូវបានយកចិត្តទុកដាក់ពីថ្នាក់ដឹកនាំមន្ទីរ ក៏ដូចជារដ្ឋបាលខេត្ត ដើម្បីផ្ដល់ឱកាសឲ្យសិស្សានុសិស្សបានលេងកីឡា និងត្រៀមការប្រកួតនានាផងដែរ។ គួរដឹងថា ខេត្តកណ្ដាលតាមរយៈអង្គភាពជំនាញ គឺជាខេត្តមួយដែលបានជំរុញសកម្មភាពកីឡាយ៉ាងផុសផុល ទាំងក្របខណ្ឌក្នុងវិស័យអប់រំ មហាជន និងការប្រកួតផ្សេងៗ ហើយមានការចូលរួមយ៉ាងផុសផុលទៀតផង ជាក់ស្ដែងក្នុងការប្រកួតក្របខណ្ឌបឋមសិក្សាឆ្នាំនេះគឺមានក្រុមកីឡាមកពី ១១ក្រុង-ស្រុកចូលរួម រួមមានក្រុងតាខ្មៅ, ស្រុកស្អាង, ស្រុកកោះធំ, ស្រុកកណ្តាលស្ទឹង, ស្រុកអង្គស្នូល, ស្រុកពញ្ញាឮ, ស្រុកមុខកំពូល, ស្រុកខ្សាច់កណ្តាល, ស្រុកល្វាឯម, ស្រុកកៀនស្វាយ និងស្រុកលើដែកជាដើម៕អត្ថបទ៖ លី ឈុនឡា

តារាសម្តែងថ្មី ចាស់ បង្ហាញមោទនភាព និងប្តេជ្ញាធ្វើឱ្យបានល្អក្នុងការសម្តែងពិធីបើក-បិទស៊ីហ្គេម២០២៣

ស៊ីហ្គេម៖ ខណៈដែលការប្រកួតកីឡាស៊ីហ្គេមកាន់តែខិតជិតចូលមកដល់ គណៈកម្មការជំនាញនីមួយៗកាន់តែមមាញឹកបន្ថែមទៀត ដើម្បីប្រាកដថាអ្វីៗត្រៀមបានល្អសម្រាប់ការប្រកួត ពិសេសពិធីបើក-បិទនៃព្រឹត្តិការណ៍ដ៏ធំពីរឆ្នាំម្តងរបស់តំបន់អាស៊ីអាគ្នេយ៍។ ជាក់ស្តែងផ្នែកមួយនៃការត្រៀមសម្រាប់ពិធីបើក តារាសម្តែងទាំងជើងចាស់ និងជំនាន់ថ្មីបានជួបជុំហាត់សមនៅពហុកីឡដ្ឋានជាតិមរតកតេជោជាមួយភាពរីករាយ មោទនភាព និងការប្តេជ្ញាចិត្តខ្ពស់ក្នុងចំណែកដ៏សំខាន់នៃព្រឹត្តិការណ៍នេះ។ តារាភាពយន្តជើងចាស់ទទួលការគាំទ្រគ្រប់ជំនាន់ ទេព រិនដារ៉ូ បានបញ្ជាក់ថា លោកពិតជាមានមោទនភាពមែនទែនដែលបានចូលរួមកម្មវីធីនេះ ដែលធ្លាប់តែលឺ និងស្រម៉ៃ តែឥឡូវនេះជាការពិតដែលកើតឡើងនៅកម្ពុជា។ ចំណែកតារាជំនាន់ថ្មី អ៊ុន សុធា បានលើកឡើងដែរថា ជារួមខ្លួនបានត្រៀមជាស្រេចតាំងពីពេលដែលគណៈកម្មការជំនាញនៃ CAMSOC បានជ្រើសរើសលោកចូលរួមកម្មវិធីនេះ។ លោកបន្តថា នេះជាមុខមាត់របស់កម្ពុជាទៅកាន់ពិភពលោក។ រីឯនាដការីរបាំបុរាណ សុខគា គឹមលាង និងចាន់ ស្រីលក្ខណ៍ បានបង្ហាញការប្តេជ្ញាចិត្តយ៉ាងមុតមាំដើម្បីហាត់សម និងមោទនភាពក្រៃដែលបានចូលរួមកម្មវិធីនេះ។ គិតត្រឹមពេលនេះស៊ីហ្គេម ២០២៣ នៅសល់ពេលមិនដល់ពីរខែទៀតទេនឹងចូលមកដល់ ហើយអត្តពលិក ប្រតិភូ គ្រូបង្វឹក និងអ្នកគាំទ្រកីឡាក្នុងតំបន់អាស៊ានរាប់ម៉ឺននាក់ និងចូលមកព្រះរាជាណាចក្រកម្ពុជា។ ទោះបីជាកម្ពុជាជាស្ថាបនិកកីឡាអាស៊ីអាគ្នេយ៍ តែនេះជាលើកដំបូងដែលកម្ពុជាធ្វើជាម្ចាស់ផ្ទះក្នុងរយៈពេល ៦៤ឆ្នាំ៕

Andy Murray សង្ឃឹមថា អត្តពលិករុស្ស៊ីអាចប្រកួត Wimbledon ឆ្នាំនេះបាន

វាយកូនបាល់៖ អតីតកីឡាករវាយកូនបាល់លេខ ១ ពិភពលោក Andy Murray បានបង្ហាញក្តីរំពឹង និងសង្ឃឹមថា កីឡាករ-កីឡាការិនីរុស្ស៊ីនឹងអាចចូលរួមការប្រកួត Grand Slam, Wimbledon ឆ្នាំនេះបាន។ កីឡាករវាយកូនបាល់សញ្ជាតិស្កុតឡេនរូបនេះ ធ្លាប់បានបរិច្ចាគថវិកាផ្ទាល់ខ្លួនជាងកន្លះលានផោន នៃប្រាក់រង្វាន់ការប្រកួតរបស់ខ្លួនកាលពីឆ្នាំ២០២២ ដើម្បីជួយកុមារអ៊ុយក្រែនដែលរងគ្រោះដោយសារសង្គ្រាមឈ្លានពានរបស់រុស្ស៊ី។ Murray ក៏ធ្លាបបាននិយាយដែរកាលពីឆ្នាំមុន ពីការមិនគាំទ្រឱ្យមានការដាក់បម្រាមលើអត្តពលិករុស្ស៊ី និងបេឡារុសពីការចូលរួម Wimbledon។ Andy Murray លើកឡើងបែបនេះ អំឡុងពេលកំពុងស្ថិតនៅទឹកដីអាមេរិកត្រៀមការប្រកួតនៅកម្មវិធី Indian Wells ជុំទីមួយទល់នឹងកីឡាករអាហ្សង់ទីន Tomas Etcheverry នៅព្រឹកថ្ងៃសុក្រស្អែកនេះ។ រំលឹកថា Andy Murray ដែលឆ្លងផុតពីជុំទី៣ ឡើយរាល់ការចូលរួមការប្រកួតនៅ Indian Wells នេះរាប់តាំងពីឆ្នាំ២០១៥ តែបានឈានឡើងវគ្គផ្តាច់ព្រ័ត្រនៅទីក្រុង Doha ប្រទេសកាតានៃក្របខណ្ឌ ATP Tour លើកដំបូងកាលពីចុងខែមុន៕អត្ថបទ៖នាង សុភាវុធ

Moise Kean ក្លាយជាកីឡាករ Juventus ផ្លូវការផ្ទេរពី Everton តម្លៃ ២៨លានផោន

បាល់ទាត់៖ ខ្សែប្រយុទ្ធអ៊ីតាលី Moise Kean បានក្លាយជាកីឡាកររបស់ក្លិបសេះបង្កង់ Juventus ជាផ្លូវការហើយដោយផ្ទេរពី Everton ក្នុងតម្លៃ ២៥លានផោន។ កីឡាករវ័យ ២៣ឆ្នាំរូបនេះបាននៅជាមួយ Juventus រយៈពេល ២រដូវកាលមកហើយក្នុងកិច្ចសន្យាខ្ចី ដែលអមភ្ជាប់ជាមួយជម្រើសទិញផ្តាច់។ Moise Kean ដែលធ្លាប់បង្ហាញខ្លួន ១២ប្រកួតឱ្យក្រុមជម្រើសជាតិអ៊ីតាលីដែរនោះបានផ្លាស់ទៅកាន់ Everton ក្នុងតម្លៃ ២៥លានផោនកាលពីឆ្នាំ២០១៩ តែរកបានត្រឹម ៤គ្រាប់ប៉ុណ្ណោះក្នុងការបង្ហាញខ្លួន ៣៩លើក។ ក្រោយមក Kean ក៏បានចាកចេញពី Everton ក្នុងកិច្ចសន្យាខ្ចីនៅ Paris Saint Germain បង្ហាញខ្លួនបាន ៤១ប្រកួតរកបាន ១៧គ្រាប់ឈ្នះជើងឯក French Cup។ Moise Kean ក៏បានបន្តដំណើរមកកាន់ក្លិបអ៊ីតាលី Juventus កាលពីឆ្នាំ២០២១ បង្ហាញខ្លួនសរុបមកទល់ពេលនេះបាន ៧៤ប្រកួតរកបាន ១៣គ្រាប់ឈ្នះជើងឯក Serie A ២លើក និង Coppa Italia។កាលពីថ្ងៃអាទិត្យ Moise Kean ត្រូវបានអាជ្ញាកណ្តាលបណ្តេញក្រោយផ្លាស់ប្តូរចូលលេងបានត្រឹម ៤០វិនាទីក្នុងបរាជ័យរបស់ Juventus នៅទឹកដី Roma។ Juventus កំពុងឈរលេខ៨ នៅ Serie A បន្ទាប់ពីត្រូវបានសហព័ន្ធបាល់ទាត់អ៊ីតាលីដាក់ពិន័យកាត់ ១៥ពិន្ទុកាលពីខែមករា៕អត្ថបទ៖នាង សុភាវុធ

ផ្លូវការ Club Bruges បញ្ចប់តំណែងអ្នកចាត់ការ Scott Parker

បាល់ទាត់៖ ទីបំផុតក្លិបបាល់ទាត់ប៊ែលហ្ស៊ិក Club Bruges ពិតជាសម្រេចបញ្ចប់តំណែងអ្នកចាត់ការលោក Scott Parker មែនក្រោយដឹកនាំបានត្រឹម ៣ខែប៉ុណ្ណោះ។ អតីតអ្នកចាត់ការ Bournemouth និង Fulham រូបនេះបានដឹកនាំ Club Bruges ឈ្នះតែ ២ប្រកួតប៉ុណ្ណោះក្នុងចំណោម ១២ប្រកួតក្នុងតំណែង។ បុរសវ័យ ៤២ឆ្នាំសញ្ជាតិអង់គ្លេសរូបនេះចុងក្រោយបំផុតដឹកនាំ Club Bruges ចាញ់នៅផ្ទះ Benfica ៥-១ ធ្លាក់ពី UEFA Champions League ក្រោយចាញ់ក្រុមព័រទុយហ្កាល់សរុបទាំងពីរជើង ៧-១។ រំលឹកថាលោក Scott Parker ដែលធ្លាប់ដឹកនាំ Fulham ចន្លោះឆ្នាំ២០១៩ ដល់ ២០២១ នោះបានដឹកនាំ Bournemouth កាលពីដើមរដូវកាលនេះតែបានត្រឹម ៤ប្រកួតប៉ុណ្ណោះក៏ត្រូវបានដកតំណែង។ ក្រោយមកអតីតកីឡាករជម្រើសជាតិអង់គ្លេសរូបនេះ ត្រូវបានតែងតាំងឱ្យដឹកនាំ Club Bruges កាលពីថ្ងៃទី៣១ ខែធ្នូ។ ក្រុមជើងឯកលីគកំពូលប៊ែលហ្ស៊ិក ១៨សម័យ Club Bruges បច្ចុប្បន្នកំពុងឈរលេខ ៤ តាមពីក្រោយក្រុមកំពូលតារាង Genk ដល់ទៅ ២១ពិន្ទុ៕អត្ថបទ៖នាង សុភាវុធ

ក្រុមកង់រំពេបន្តជិះកង់ផ្លូវឆ្ងាយទៅខេត្តកំពតដើម្បីសុខភាព មិត្តភាព សាមគ្គីភាព និងរៃអង្គាសជួយមន្ទីរពេទ្យគន្ធបុប្ផា

ជិះកង់៖ ក្រុមអ្នកស្រលាញ់កីឡាទោចក្រយានមួយក្រុមមានឈ្មោះថា ក្រុមកង់រំពេបានបន្តរៀបចំកម្មវិធីជិះកង់ផ្លូវឆ្ងាយរបស់ខ្លួន ពីរាជធានីភ្នំពេញទៅកាន់ទីរួមខេត្តកំពតកាលពីព្រឹកព្រលឹមថ្ងៃទី០៨ មីនាម្សិលមិញ ខណៈក្រុមមួយនេះទើបតែបានធ្វើដំណើរលើកែបកង់ក្នុងចំងាយផ្លូវជាង ៣០០គីឡូម៉ែត្រទៅទីរួមខេត្តសៀមរាបកាលពីចុងខែកុម្ភៈកន្លងទៅ។ គោលដៅចម្បងរបស់ក្រុមកង់រំពេនៅតែរក្សាដដែល នោះគឺការបង្កើននូវអត្ថប្រយោជន៍សម្រាប់សុខភាព រឹតចំណងមិត្តភាព និងបង្ហាញពីសាមគ្គីភាពរបស់ក្រុមក្នុងការជិះរយៈចំងាយឆ្ងាយ ជាពិសេសការប្រមែប្រមូលថវិកាសប្បុរសធម៌ពីសមាជិកក្រុម និងសប្បុរសជនទាំងអស់ជួយដល់មន្ទីរពេទ្យគន្ធបុប្ផា និងជនជួបបញ្ហាខ្វះខាតផ្សេងៗ។ ឯកឧត្ដម វ៉ាន់ ពុទ្ធិពល អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុតំណាងក្រុមកង់រំពេបានឱ្យដឹងថា ដំណើរទៅកាន់ខេត្តកំពតនេះមានសមាជិកចូលរួមចំនួន ៥៩កង់លើចំងាយផ្លូវ ១៤០គីឡូម៉ែត្រតាមបណ្ដោយផ្លូវជាតិលេខ៣ បានចំណាយពេលប្រមាណ ៣ម៉ោងកន្លះ ដែលថេរវេលាធ្វើដំណើរនេះត្រូវបានឯកឧត្ដមបញ្ជាក់ថា ជាការបំបែកកំណត់ត្រាក្នុងការទៅដល់គោលដៅលឿនជាងគេ បើធៀបនឹងការជិះរបស់ក្រុមផ្សេងៗនាពេលកន្លងមក។ តំណាងក្រុមដដែលបន្តថា ការជិះកង់ទៅខេត្តកំពតចំថ្ងៃ ០៨ មីនា នេះក៏ជាការចូលរួមចំណែកអបអរសាទរដល់ខួបលើកទី ១១២ ទិវាអន្តរជាតិនារី ដែលក្នុងឆ្នាំ២០២៣ បានកំណត់ក្រោមមូលបទ “ស្ដ្រីរួមគ្នារក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល” ជាពិសេសប្រសាសន៍ដ៏ថ្លៃថ្លារបស់សម្ដេចតេជោនាយករដ្ឋមន្ត្រី ដែលលោកបានលើកឡើងថា ការជួយស្ដ្រីគឺជួយខ្លួនឯង។ គួររំឭកថា ក្រុមកង់នេះបានបង្កើតឡើងអំឡុងចុងឆ្នាំ២០២១ ដែលគិតមកទល់ពេលនេះមានអាយុកាលពុំទាន់ ២ឆ្នាំស្រួលបួលនោះទេ ប៉ុន្តែចំនុចគួរឱ្យកត់សម្គាល់គឺក្រុមកង់សុខភាពមួយនេះ ធ្វើដំណើររយៈចំងាយឆ្ងាយបានដល់ទៅជិត ២០លើករួចមកហើយ រួមមានការជិះកង់ទៅខេត្តសៀមរាប ទៅកាន់ខេត្តកំពត ជិះឡើងកំពូលភ្នំបូកគោ និងការជិះទៅកាន់ខេត្តព្រះសីហនុ មុនពេលផ្លូវល្បឿនលឿនសម្ពោធជាផ្លូវការទៀតផង។ បើតាមឯកឧត្ដម វ៉ាន់ ពុទ្ធិពល ក្រុមកង់រំពេប៉ងរៀបចំកម្មវិធីជិះកង់ទៅកាន់ទីរួមខេត្តបាត់ដំបង ក្នុងគោលដៅរួមចំណែកផ្សព្វផ្សាយពីស៊ីហ្គេម មុនព្រឹត្តិការណ៍ជាប្រវត្តិសាស្ត្រមួយនេះចូលមកដល់នាខែឧសភា៕

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមជំនាញសិក្សាពី World Cup ថា មិនគួររៀបចំឱ្យមានការប្រកួតអំឡុងខែវិច្ឆិកា-ធ្នូទៀតឡើយ

ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៩ ចាប់ផ្តើមថ្ងៃអាទិត្យនេះ

ងើបពីចាញ់ Liverpool បិសាចក្រហមយកឈ្នះ Real Betis ៤-១ នៅ Europa League

កម្ពុជាជួបម៉ាឡេស៊ីបញ្ចប់ពូល G នៃវគ្គជម្រុះ AFC U20 Woman's Asian Cup ល្ងាចនេះ

ខេត្តកណ្ដាលប្រកាសរៀបចំជើងឯកបឋមសិក្សាឆ្នាំ២០២៣ លើ ៤ប្រភេទកីឡា

តារាសម្តែងថ្មី ចាស់ បង្ហាញមោទនភាព និងប្តេជ្ញាធ្វើឱ្យបានល្អក្នុងការសម្តែងពិធីបើក-បិទស៊ីហ្គេម២០២៣

Andy Murray សង្ឃឹមថា អត្តពលិករុស្ស៊ីអាចប្រកួត Wimbledon ឆ្នាំនេះបាន

Moise Kean ក្លាយជាកីឡាករ Juventus ផ្លូវការផ្ទេរពី Everton តម្លៃ ២៨លានផោន

ផ្លូវការ Club Bruges បញ្ចប់តំណែងអ្នកចាត់ការ Scott Parker

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុម​ជំនាញ​សិក្សា​ពី World Cup ថា​ មិនគួរ​រៀបចំ​ឱ្យ​មាន​ការប្រកួត​អំឡុង​ខែ​វិច្ឆិកា​-​ធ្នូ​ទៀត​ឡើយ​

ប្រដាល់​គុន​ខ្មែរ “​ម្ចាស់​ជើងឯក​ខ្សែក្រវាត់​ខា​រ៉ា​បាវ​” រដូវ​កាល​ទី៩ ចាប់ផ្តើម​ថ្ងៃអាទិត្យ​នេះ

ងើប​ពី​ចាញ់ Liverpool បិសាច​ក្រហម​យកឈ្នះ Real Betis ៤-១ នៅ Europa League

កម្ពុជា​ជួប​ម៉ាឡេស៊ី​បញ្ចប់​ពូ​ល​ G ​នៃ​វគ្គ​ជម្រុះ​ AFC U20 Woman's Asian Cup ​ល្ងាច​នេះ​

ខេត្ត​កណ្ដាល​ប្រកាស​រៀបចំ​ជើងឯក​បឋមសិក្សាឆ្នាំ​២០២៣ លើ ៤​ប្រភេទ​កីឡា​

Andy Murray សង្ឃឹមថា ​អត្ត​ព​លិ​ក​រុស្ស៊ី​អាច​ប្រកួត Wimbledon ឆ្នាំនេះ​បាន​

Moise Kean ក្លាយជា​កីឡាករ Juventus ផ្លូវការ​ផ្ទេរ​ពី Everton តម្លៃ ២៨លាន​ផោន

ផ្លូវការ Club Bruges បញ្ចប់​តំណែង​អ្នកចាត់ការ Scott Parker

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមជំនាញសិក្សាពី World Cup ថា មិនគួររៀបចំឱ្យមានការប្រកួតអំឡុងខែវិច្ឆិកា-ធ្នូទៀតឡើយ

ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៩ ចាប់ផ្តើមថ្ងៃអាទិត្យនេះ

ងើបពីចាញ់ Liverpool បិសាចក្រហមយកឈ្នះ Real Betis ៤-១ នៅ Europa League

កម្ពុជាជួបម៉ាឡេស៊ីបញ្ចប់ពូល G នៃវគ្គជម្រុះ AFC U20 Woman's Asian Cup ល្ងាចនេះ

ខេត្តកណ្ដាលប្រកាសរៀបចំជើងឯកបឋមសិក្សាឆ្នាំ២០២៣ លើ ៤ប្រភេទកីឡា

Andy Murray សង្ឃឹមថា អត្តពលិករុស្ស៊ីអាចប្រកួត Wimbledon ឆ្នាំនេះបាន

Moise Kean ក្លាយជាកីឡាករ Juventus ផ្លូវការផ្ទេរពី Everton តម្លៃ ២៨លានផោន

ផ្លូវការ Club Bruges បញ្ចប់តំណែងអ្នកចាត់ការ Scott Parker