BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

អត្តពលិក និងប្រតិភូជាង ៩០០០នាក់បានចុះឈ្មោះចូលរួមប្រកួតកីឡា SEA GAMES 2023

ស៊ីហ្គេម៖ គិតត្រឹមថ្ងៃទី៩ ខែមីនានេះមានកីឡាករ-កីឡាការិនី និងប្រតិភូអមដំណើរកីឡាករ-កីឡាការិនីមកពីបណ្តាប្រទេសចំនួន១១ នៅក្នុងតំបន់អាស៊ានប្រមាណជាង ៩០០០នាក់ក្នុងនោះមានកីឡាករ-កីឡាការិនីប្រកួតមានជិត ៥៥០០នាក់បានចុះឈ្មោះចូលរួមប្រកួតកីឡា SEA GAMES និងកីឡា ASEAN PARA GAMES២០២៣ នៅកម្ពុជា។ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ និងអាស៊ានប៉ារ៉ាហ្គេមឆ្នាំ២០២៣ CAMSOC ថ្លែងប្រាប់ BTV ថា កម្ពុជានៅមិនទាន់បិទប្រព័ន្ធចុះឈ្មោះទទួលកីឡាករ-កីឡាការិនីចូលរួមប្រកួតកីឡា SEA GAMES និង ASEAN PARA GAMES 2023 ទេ ហើយយើងរំពឹងថា នៅក្នុងព្រឹត្តិការណ៍ប្រកួតកីឡា SEA GAMES លើកទី៣២ ដែលកម្ពុជាធ្វើម្ចាស់ផ្ទះរៀបចំនេះនឹងមានកីឡាករ-កីឡាការិនីមកពីបណ្តាប្រទេសចំនួន១១ ចុះឈ្មោះចូលរួមប្រកួតកើនដល់ ៦០០០ ទៅ ៧០០០នាក់។ ឯកឧត្តម វ៉ាត់ ចំរើន បន្តថា ការប្រកួតកីឡា SEA GAMES ដែលកម្ពុជារៀបចំធ្វើម្ចាស់គឺបានរៀបចំវិញ្ញាសាប្រកួតចំនួន ៥០៨វិញ្ញាសា ក្នុងចំណោមប្រភេទកីឡាចំនួន ៣៦ បូករួមនឹងវិញ្ញាសាសំដែងមួយទៀតគឺ ៣៧ប្រភេទកីឡា ខណៈវិញ្ញាសាការប្រកួតដំបូងគេគឺវិញ្ញាសាបាល់ទាត់ ដែលនឹងចាប់ផ្តើមប្រកួតនៅថ្ងៃទី២៩ ខែមេសា ឆ្នាំ២០២៣។ ឯកឧត្តមបន្តថា នៅក្នុងចំណោមវិញ្ញាសាប្រកួតកីឡានោះ គឺមានវិញ្ញាសាមួយចំនួនរៀបចំនៅរាជធានីភ្នំពេញ ខ្លះប្រកួតនៅខេត្តសៀមរាប ខេត្តព្រះសីហនុ និងវិញ្ញាសាខ្លះទៀតរៀបចំប្រកួតនៅខេត្តកំពត និងកែប។ សូមបញ្ជាក់ថា នៅក្នុងដំណើរការរៀបចំព្រឹត្តិការណ៍ប្រកួតកីឡា SEA GAMES និង ASEAN PARA GAMES 2023 រាជរដ្ឋាភិបាលកម្ពុជាបានចំណាយថវិការៀបចំអស់ប្រមាណជាង ១០០លានដុល្លារអាមេរិក ដើម្បីអភិវឌ្ឍន៍ហេដ្ឋារចនាសម្ព័ន្ធកីឡា បង្កើនសមត្ថភាពកីឡាករ-កីឡាការិនីនៅកម្ពុជានៅគ្រប់សហព័ន្ធកីឡាចូលរួមប្រកួតផង និងការប្រើប្រាស់កម្លាំងមនុស្សធ្វើការងាររៀបចំប្រមាណជិត ១០០០០នាក់ ផ្តល់ការងារដោយប្រយោលរាប់ពាន់នាក់បន្ថែមទៀតផងដែរ៕អត្ថបទ៖ ស៊ុម សុខជា

បាល់ទាត់ពានរង្វាន់យុវជនខេត្តស្វាយរៀងដំណើរការប្រកួតហើយ

បាល់ទាត់៖ ដូចការគ្រោងទុកនៅថ្ងៃពុធ ទី០៨ ខែមីនា ឆ្នាំ២០២៣ ពានរង្វាន់បាល់ទាត់ស្វាយរៀងខាប់យុវជនអាយុក្រោម ១៥ឆ្នាំបានចាប់ផ្តើមដំណើរការប្រកួតវគ្គជំរុះក្នុងពូល នៅទីលានវិទ្យាល័យស្វាយរំពារ ស្រុកស្វាយទាប ខេត្តស្វាយរៀង។ សម្រាប់លទ្ធផលថ្ងៃបើកឆាកនេះ ពូល ក ក្រុមព្រះខ័នរាជស្វាយរៀង (U15) ចាញ់ RED BULL U15 ២ទល់នឹង៣ យុវជនសង្កាត់ស្វាយតឿ ស្មើសសយក ស្រុករមាសហែក ១ទល់នឹង១ និងគោព្រៃភូមិស្វាយធំ សសយក ស្រុករំដួល។ បាល់ទាត់ពានរង្វាន់យុវជនស្វាយរៀងអាយុក្រុម ១៥ឆ្នាំមាន ២១ក្រុមចូលរួមប្រកួតដោយបែងចែកជា ០៤ពូលរួមមាន៖ ពូល ក មាន ០៦ក្រុម ព្រះខ័នរាជស្វាយរៀង U15, RED BULL U15, យុវជនសង្កាត់ស្វាយតឿ, សសយក ស្រុករមាសហែក, គោព្រៃ ភូមិស្វាយធំ, សសយក ស្រុករំដួល។ ពូល ខ មាន ០៥ក្រុម ដារ៉ូពិទូ Sports FC, ភូមិហ៊ីង, MST FC, សសយក ស្រុកស្វាយជ្រំ, និងត្នោត FC។ ពូល គ មាន ០៥ក្រុម យុវជនគគីរសោម U15, UNITED SEZ U15, សសយក ស្រុកចន្ទ្រា, សសយក ស្រុកស្វាយទាប, និងសសយក ស្រុកកំពង់រោទិ៍ ចំនែក ពូល ឃ មាន ០៥ក្រុម សសយក ក្រុងស្វាយរៀង, យុវជនជីភូ, យុវជនសាមគ្គី U15, យុវជនចុងព្រែក, ពិសីព្រែកប្រសូត។ ការប្រកួតរៀបចំឡើងរៀងរាល់ថ្ងៃសៅរ៍ និងអាទិត្យ និងថ្ងៃឈប់សម្រាកបុណ្យជាតិ ដោយក្នុងមួយថ្ងៃធ្វើការប្រកួតចំនួន ០៣ប្រកួត គូទី១ ចាប់ផ្តើមវេលាម៉ោង ០៨ព្រឹក គូទី២ វេលាម៉ោង ២រសៀល និងគូទី៣ វេលាម៉ោង ០៤រសៀល។ ការប្រកួតជំរុះក្នុងពូលចាប់ផ្តើមនៅថ្ងៃ០៨ ខែមីនា ឆ្នាំ២០២៣ រហូតដល់ថ្ងៃ៣០ ខែមេសា ឆ្នាំ២០២៣ និងវគ្គខ្វែងធ្វើការប្រកួតថ្ងៃ០៦ ខែឧសភារហូតដល់ថ្ងៃ២១ ខែឧសភា ឆ្នាំ២០២៣។ ពានរង្វាន់បាល់ទាត់ស្វាយរៀងខាប់យុវជនអាយុក្រោម ១៥ឆ្នាំលើកទី១ ឆ្នាំ២០២៣ ត្រូវបានផ្តួចផ្តើមរៀបចំឡើងដោយឯកឧត្តម ឌី វិជ្ជា អនុប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្ពុជាខេត្តស្វាយរៀង៕ អត្ថបទ៖ គង់ ហួន

PSG និង Spurs ធ្លាក់ត្រឹមវគ្គ ១៦ក្រុមចុងក្រោយ UEFA Champions League

បាល់ទាត់៖ ក្តីសង្ឃឹមរបស់ក្រុមអ្នកមានបារាំង Paris Saint Germain ក្នុងការចង់ឈ្នះជើងឯកអឺរ៉ុប UEFA Champions League រដូវកាលនេះបានបញ្ចប់យប់មិញ ក្រោមស្នាដៃរបស់ក្រុមជើងឯកអាល្លឺម៉ង់ Bayern Munich។ ក្រុមជើងឯក ៦សម័យ Bayern Munich ចាប់ផ្តើមការប្រកួតវគ្គទី១ ព្យាយាមការពារគ្រាប់បាល់ចំណេញ ១គ្រាប់របស់ខ្លួន ស្របពេល PSG បង្កើតឱកាសប្រយុទ្ធជាច្រើនដោយ Lionel Messi និង Kylian Mbappe តែគ្មានសំណាង។ Eric Maxim Choupo-Moting និង Serge Gnabry រកបានម្នាក់មួយគ្រាប់នៅវគ្គទី២ ក្នុងជ័យជំនះ ២-០ របស់ Bayern Munich នៅជើងទី២ លើទឹកដីរបស់ខ្លួន និងសរុបទាំងពីរជើង ៣-០ បន្ទាប់ពីឈ្នះ ១-០ នៅទឹកដីបារាំងជើងទី១។ Paris Saint Germain នៅពេលនេះបានធ្លាក់ចេញពីក្របខណ្ឌ UEFA Champions League ត្រឹមវគ្គ ១៦ក្រុមចុងក្រោយប្រាំលើកហើយក្នុងចំណោម ៧រដូវកាលចុងក្រោយ ខណៈបរាជ័យលើកនេះក៏បានដាក់សំពាធទៅលើអ្នកចាត់ការបច្ចុប្បន្នលោក Christophe Galtier ផងដែរ។ ងាកមកមកគូទៀត ក្រុមអង់គ្លេស Tottenham Hotpsur បានធ្លាក់ត្រឹមវគ្គ ១៦ក្រុមនេះផងដែរក្រោយស្មើ AC Milan ០-០ នៅជើងទី២ ក្នុងទឹកដីរបស់ខ្លួន និងសរុបទាំងពីរជើងចាញ់ AC Milan ១-០។ មិនមែនជាការប្រកួតដ៏ល្អឡើយសំរាប់ Spurs ដែលត្រូវលេងប្រយុទ្ធរកគ្រាប់បាល់តាមស្មើ ផ្ទុយទៅវិញ AC Milan បានបង្កើតឱកាសរកគ្រាប់បាល់ ១៤លើកចំគោលដៅ ៣លើក ខណៈ Spurs មានឱកាស ៩លើកចំគោលដៅ ២លើក ខណៈខ្សែការពារអាហ្សង់ទីន Cristian Romero ត្រូវបានបណ្តេញចេញផងដែរនៅនាទីទី៧៨។ បរាជ័យនៅ UCL នេះដែរក៏បានដាក់សំពាធទៅលើអ្នកចាត់ការ Antonio Conte ផងដែរដែលទើបត្រលប់មកដឹកនាំក្រុមផ្ទាល់វិញ ក្រោយសម្រាកមួយរយៈដោយសារបញ្ហាសុខភាព។ ការប្រកួតវគ្គ ១៦ក្រុមបង្ហើយនឹងធ្វើឡើងនៅសប្តាហ៍ក្រោយ ខណៈការចាប់ឆ្នោតវគ្គបន្ទាប់នឹងធ្វើឡើងនៅថ្ងៃទី១៧ ខាងមុខនេះនៅទីក្រុង Nyon ប្រទេសស្វ៊ីស៕អត្ថបទ៖នាង សុភាវុធ

កីឡាការិនីមានពិការភាព៖ ពួកខ្ញុំពិការ តែមានលទ្ធភាពធ្វើរឿងគ្រប់យ៉ាង និងអាចប្រកួតតំណាងជាតិ

ប៉ារ៉ាអូឡាំពិក៖ ថ្ងៃទី៨ មីនា ឆ្នាំ២០២៣ ជាខួបអនុស្សាវរីយ៍លើកទី១១២ នៃទិវាអន្តរជាតិនារី។ ក្នុងទិវានេះដែរ ក្រុមកីឡាការិនីមានពិការភាពកម្ពុជាបានបង្ហាញការសាទរ និងលើកឡើងដោយភាពជឿជាក់ថា ពួកគាត់ជាស្ត្រីមានពិការភាព តែពួកគាត់មានលទ្ធភាពធ្វើរឿងគ្រប់យ៉ាង និងអាចក្លាយជាអត្តពលិកចូលរួមប្រកួតតំណាងជាតិថែមទៀតផង។ ក្រុមកីឡាការិនីមានពិការភាពរបស់កម្ពុជាប្រឆាំងដាច់ខាតជាមួយនឹងគំនិតដែលលើកឡើងថា ស្ត្រី ពិសេសស្ត្រីមានពិការភាពមានភាពទន់ខ្សោយ និងពុំអាចធ្វើអ្វីបាននោះទេ។ ឆ្លៀតក្នុងឱកាសខួបអនុស្សាវរីយ៍លើកទី១១២ នៃទិវាអន្តរជាតិនារីនេះ ពួកគាត់ខណៈកំពុងហ្វឹកហាត់យ៉ាងសកម្មជាប្រចាំថ្ងៃ សម្រាប់ការប្រកួតក្នុងព្រឹត្តិការណ៍អាស៊ានប៉ារ៉ាហ្គេមខាងមុខ លើកឡើងថា ពិការភាពពុំមែនជាឧបសគ្គនោះទេ។ ពួកគាត់មិនផ្ដេកផ្តួលលើពិការភាព ផ្ទុយទៅវិញពួកគាត់ប្រឹងប្រែង មានសមត្ថភាពធ្វើរឿងគ្រប់យ៉ាង អាចចិញ្ចឹមជីវិតដោយខ្លួនឯង ជាពិសេសក្លាយជាអត្តពលិកអាជីពធ្លាប់ចូលរួមប្រកួតទាំងក្នុងស្រុក និងក្រៅប្រទេសជាច្រើនដង ថែមទាំងបានជ័យលាភី ទទួលបានមេដាយមាសជូនជាតិកម្ពុជាថែមទៀតផង។ ក្នុងនាមជាស្ត្រីមានពិការភាព ពួកគាត់សូមលើកទឹកចិត្តជូនស្ត្រី ពិសេសស្ត្រីមានពិការភាពទាំងអស់ត្រូវពង្រឹងសមត្ថភាពខ្លួនឱ្យខ្លាំង និងជឿជាក់លើខ្លួនឯងថាអាចធ្វើវាបាន។ ពាក់ព័ន្ធនឹងរឿងនេះដែរ ឯកឧត្តម យី វាសនា អគ្គលេខាធិការនៃគណៈកម្មាធិការជាតិប៉ារ៉ាអូឡាំពិកកម្ពុជា ក៏បានកោតសសើរចំពោះសមត្ថភាព ក៏ដូចជាកិច្ចប្រឹងប្រែងរបស់អត្តពលិកជាស្ត្រីមានពិការភាព។ ឯកឧត្តមបញ្ជាក់ថា កន្លងទៅក្នុងការចូលរួមប្រកួតអាស៊ានប៉ារ៉ាហ្គេមក្នុងឆ្នាំ២០២២ នៅប្រទេសឥណ្ឌូនេស៊ី គឺកីឡាការិនីមានពិការភាព មានសមិទ្ធផលល្អជាងក្រុមកីឡាករជាបុរសទៅទៀត។ ឯកឧត្តមថា ក្រុមនារីបានទទួលមេដាយមិនដែលខានក្នុងព្រឹត្តិការណ៍អាស៊ានប៉ារ៉ាហ្គេម តួយ៉ាងក្នុងព្រឹត្តិការណ៍អាស៊ានប៉ារ៉ាហ្គេមលើកទី១១ នារីមានមេដាយមាស ៤គ្រឿង ច្រើនជាងក្រុមបុរសដែលមានមេដាយមាសតែ ៣គ្រឿង។ ឯកឧត្តមលើកឡើងដែរថា កីឡាការិនីគឺមានចំនួន ៥០នាក់ស្មើ១ភាគ៣ បើប្រៀបនឹងកីឡាករជាបុរស៕អត្ថបទ៖ គឹម ហុក

ប្រធានសហព័ន្ធវ៉ូវីណាម៖ កីឡាការិនីក្រៅពីការហ្វឹកហាត់ក៏អាចធ្វើការងារផ្ទះបានដែរ

វ៉ូវីណាម៖ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាបានមានប្រសាសន៍ថា កីឡាការិនីក្រៅពីផ្ដោតលើការហ្វឹកហាត់ ក៏ដូចជាការប្រកួតប្រជែងដណ្ដើមមេដាយ និងកិត្តិសយជូនជាតិ ពួកគេអាចធ្វើការងារផ្ទះបានដែរ មានន័យថាកីឡាការិនីមានភារកិច្ចច្រើនជាងកីឡាករទៀតផង។ ការលើកឡើងនេះ បន្ទាប់ពីប្រធានសហព័ន្ធរូបនេះបានធ្វើការជួបសំណេះសំណាល ជាមួយកីឡាការិនីវ៉ូវីណាមជម្រើសជាតិកម្ពុជា ដែលកំពុងខិតខំប្រឹងប្រែងហ្វឹកហាត់នៅមជ្ឈមណ្ឌលជាតិហ្វឹកហ្វឺនកីឡា ដើម្បីជំរុញ និងលើកទឹកចិត្តបន្ថែមត្រៀមការប្រកួតកីឡាស៊ីហ្គេមឆ្នាំ២០២៣ នៅកម្ពុជា ក្នុងឱកាសខួបលើកទី១១២ នៃទិវាសិទ្ធិនារីអន្ដរជាតិ ៨មីនាកាលពីម្សិលមិញ។ ឯកឧត្តមបានបង្ហាញការគោរពស្រលាញ់ និងកោតសរសើរចំពោះកីឡាការិនីរបស់ខ្លួន ក៏ដូចជាកីឡាការិនីនៃប្រភេទកីឡាផ្សេងៗដែលបានលះបង់ និងខិតខំប្រឹងប្រែងគ្រប់បែបយ៉ាងដើម្បីជាតិមាតុភូមិ។ ហេតុនេះ ឯកឧត្តមបានជំរុញ និងលើកទឹកចិត្តឲ្យមានការផ្ដល់តម្លៃខ្ពស់ដល់ស្ដ្រី ពិសេសកីឡាការិនី ដើម្បីផ្ដល់កម្លាំងចិត្តដល់ពួកគេឲ្យកាន់តែខិតខំប្រឹងប្រែង និងប្រជែងមេដាយជូនជាតិក្នុងការប្រកួតអន្ដរជាតិនានា។ ទន្ទឹមជាមួយការយកចិត្តទុកដាក់របស់ថ្នាក់ដឹកនាំសហព័ន្ធនេះដែរ កីឡាការិនីជម្រើសជាតិវ៉ូវីណាមកម្ពុជាបានសម្ដែងការសប្បាយចិត្ត និងមានភាពកក់ក្ដៅ ហើយពួកគេបានប្ដេជ្ញានឹងខិតខំប្រឹងប្រែងបន្ដទៀត ដើម្បីលើកមុខមាត់ប្រទេសជាតិតាមរយៈវិស័យកីឡា ពិសេសស្វែងរកមេដាយក្នុងការប្រកួតកីឡាស៊ីហ្គេមឆ្នាំ២០២៣ នាពេលឆាប់ៗខាងមុខ។ គួរដឹងថា បច្ចុប្បន្នរាជរដ្ឋាភិបាលបានយកចិត្តទុកដាក់ចំពោះស្ដ្រីលើគ្រប់វិស័យ ជាក់ស្ដែងក្នុងទិវាសិទ្ធិនារីអន្ដរជាតិឆ្នាំនេះ រាជរដ្ឋាភិបាលកម្ពុជាបានរៀបចំខួបលើកទី១១២ ក្រោមប្រធានបទ «ស្ត្រីរួមគ្នារក្សាសន្តិភាព ដើម្បីកិច្ចអភិវឌ្ឍ ក្នុងយុគសម័យឌីជីថល»។ ក្រឡេកមកវិស័យកីឡាវិញ ស្ដ្រីក៏កំពុងឈានមុខក្នុងការដណ្ដើមមេដាយមាស ក្នុងព្រឹត្តិការណ៍អន្ដរជាតិនានាជូនជាតិផងដែរ៕អត្ថបទ៖ លី ឈុនឡា

កម្ពុជាចាញ់មីយ៉ាន់ម៉ា ២-០ ក្នុងជំនួបបើកឆាកវគ្គជម្រុះ AFC U20 Woman's Asian Cup ពូល G

បាល់ទាត់៖ ក្រុមបាល់ទាត់ជម្រើសជាតិនារីអាយុក្រោម ២០ឆ្នាំកម្ពុជាបានរបូត ៣ពិន្ទុសម្រាប់ជំនួបបើកឆាកពូល G នៃវគ្គជម្រុះជុំទី១ ពានរង្វាន់បាល់ទាត់នារីប្រចាំទ្វីបអាស៊ីអាយុក្រោម ២០ឆ្នាំ ឆ្នាំ២០២៤ (AFC U20 Woman's Asian Cup 2024) នៅប្រទេសអ៊ុយបេគីស្ថាន បន្ទាប់ពីបរាជ័យក្រោមថ្វីជើងក្រុមភ្ញៀវមីយ៉ាន់ម៉ាដោយលទ្ធផល ២-០ កាលពីថ្ងៃទី៨ ខែមីនា ឆ្នាំ២០២៣ ម្សិលមិញនៅកីឡដ្ឋាន Smart RSN រាជធានីភ្នំពេញ។ការប្រកួតដំបូងដែលកម្ពុជាធ្វើម្ចាស់ផ្ទះនេះ វគ្គទី១ ក្រុមទាំងពីរបានព្យាយាមវាយសម្រុកគ្នាទៅវិញទៅមក តែមិនមានក្រុមណាអាចរកគ្រាប់បាល់ឡើយ។ ប៉ុន្ដែក្រោយចាប់ផ្ដើមវគ្គទី២ បានប្រមាណ ៥នាទី កីឡាករមីយ៉ាន់ម៉ា Sandar Lin ក៏រកបាន ១គ្រាប់មុននៅនាទី៥៥ មុនខ្សែការពារ សំរឹទ្ធ និមល ទាត់ផ្លាតចូលទីខ្លួនឯង (Own Goal) ១គ្រាប់ទៀតនៅនាទី៦៤ ដែលធ្វើឲ្យមីយ៉ាន់ម៉ានាំមុខ ២-០ ហើយបានរក្សាលទ្ធផលនេះដល់ចប់ការប្រកួតតែម្ដង។ការបរាជ័យនេះបានធ្វើឲ្យក្រុមជម្រើសជាតិនារីអាយុក្រោម ២០ឆ្នាំកម្ពុជានៅសល់ឱកាសតិចតួចប៉ុណ្ណោះដើម្បីប្រជែងកៅអីវគ្គបន្ដ ដ្បិតនៅសល់ ១ប្រកួតក្នុងដៃដោយត្រូវជួបក្រុមជម្រើសជាតិ U20 ម៉ាឡេស៊ីនាថ្ងៃទី១០ ខែមីនាស្អែកនេះ។ ការប្រកួតចុងក្រោយក្នុងពូល G ពិតជាសំខាន់សម្រាប់ម្ចាស់ផ្ទះកម្ពុជា ប្រសិនបើឈ្នះគឺកម្ពុជានឹងសល់ឱកាសអ៊ុតនៅការប្រកួតបញ្ចប់ពូលរវាងមីយ៉ាន់ម៉ា និងម៉ាឡេស៊ីនាថ្ងៃទី១២ ខែមីនា តែបើចាញ់កម្ពុជានឹងអស់ឱកាសតែម្ដង៕អត្ថបទ៖ លី ឈុនឡា

Jurgen Klinsmann ទៅដល់ទឹកដីកូរ៉េ មុនសន្និសីទព័ត៌មានផ្លូវការជាគ្រូបង្វឹកក្រុមជម្រើសជាតិ

បាល់ទាត់៖ អតីតអ្នកចាត់ការក្រុមជម្រើសជាតិអាល្លឺម៉ង់ និងអាមេរិកលោក Jurgen Klinsmann បានធ្វើដំណើរទៅដល់ទឹកដីកូរ៉េហើយ មុនសន្និសីទសារព័ត៌មានផ្លូវការតែងតាំងជាគ្រូបង្វឹកក្រុមជម្រើសជាតិកូរ៉េ ជាមួយនឹងកិច្ចសន្យារយៈពេល ៣ឆ្នាំកន្លះ។ បុរសវ័យ ៥៨ឆ្នាំដែលជាសមាជិកជ័យលាភីជើងឯកពិភពលោក ជាមួយក្រុមជម្រើសជាតិអាល្លឺម៉ង់នៅឆ្នាំ១៩៩០ នោះនឹងដឹកនាំក្រុមកូរ៉េដល់ World Cup 2026 ដែលនឹងរៀបចំឡើងនៅទឹកដីអាមេរិក ម៉ិកស៊ិក និងកាណាដា។ ផ្តល់កិច្ចសម្ភាសន៍នៅអាកាសយានដ្ឋាន និងត្រូវបានចោទសួរពីផែនការដឹកនាំក្រុមនោះ លោក Klinsmann ថា គោលរបស់លោកគ្មានអ្វីក្រៅពីដឹកនាំក្រុមឱ្យទទួលជ័យជំនះឡើយ។ ការងារដំបូងរបស់លោក Klinsmann គឺត្រូវដឹកនាំក្រុមកូរ៉េទទួលការប្រកួតមិត្តភាពទល់នឹងកូឡុំប៊ីនៅថ្ងៃទី២៤ ខែមីនាខាងមុខនៅទីក្រុង Ulsan។ Jurgen Klinsmann ដែលស៊ុតបញ្ចូលទី ៤៧គ្រាប់ក្នុងការបង្ហាញខ្លួនឱ្យអាល្លឺម៉ង់ ១០៨លើកបានមកបន្តតំណែងពីលោក Paulo Bento ដែលបានចាកចេញពីតំណែងក្រោយចំណាយពេល ៤ឆ្នាំដឹកនាំក្រុម បន្ទាប់ពីកូរ៉េធ្លាក់នៅវគ្គ ១៦ក្រុមចុងក្រោយ World Cup 2022 នៅកាតា។ អតីតអ្នកចាត់ការ Tottenham Hotspur រូបនេះនៅទំនេរពីអាជីពជាអ្នកចាត់ការរយៈពេលជាង ៣ឆ្នាំមកហើយ ដោយចុងក្រោយបំផុតគឺដឹកនាំក្លិបអាល្លឺម៉ង់ Hertha Berlin បានត្រឹម ១០សប្តាហ៍។ លោក Klinsmann ក៏ធ្លាប់ដឹកនាំក្រុមជម្រើសជាតិអាល្លឺម៉ង់ផងដែរ នៅពេលអាល្លឺម៉ង់ជាម្ចាស់ផ្ទះ World Cup 2006 ដោយបានទទួលចំណាត់ថ្នាក់លេខ៣ និងដឹកនាំអាមេរិកឡើងដល់វគ្គ ១៦ក្រុមចុងក្រោយ World Cup 2014 នៅប្រេស៊ីល៕អត្ថបទ៖នាង សុភាវុធ

អ៊ីតាលីបិទមិនលក់សំបុត្រឱ្យអ្នកគាំទ្រ Frankfurt ពេលទៅលេងទឹកដី Napoli ជើងទី២

បាល់ទាត់៖ អ្នកគាំទ្ររបស់ក្លិបអាល្លឺម៉ង់ Eintracht Frankfurt នឹងមិនត្រូវបានអនុញ្ញាតឱ្យចូលទស្សនាការប្រកួតជើងទី២ វគ្គ ១៦ក្រុមចុងក្រោយ UEFA Champions League នៅទឹកដី Napoli ឡើយនៅសប្តាហ៍ក្រោយ នេះបើតាមការសម្រេចពីក្រសួងមហាផ្ទៃអ៊ីតាលី។ Frankfurt ដែលចាញ់ក្នុងដីខ្លួនឯង ២-០ ជើងទី១ នោះរំពឹងថានឹងបញ្ជូនអ្នកគាំទ្ររបស់ខ្លួនមិនដល់ ៣០០០នាក់ផងសម្រាប់ការប្រកួតជើងទី២ នេះ។ ក្លិបអាល្លឺម៉ង់មិនទាន់បញ្ជាក់នៅឡើយពីជំហររបស់ខ្លួន ក្រោយការប្រកាសរបស់ក្រសួងមហាផ្ទៃអ៊ីតាលីបែបនេះ។ កាលពីប្រកួតជើងទី១ នៅអាល្លឺម៉ង់នោះ អ្នកគាំទ្រក្រុមទាំងពីរមានការប៉ះទង្គិចគ្នាមុនការប្រកួត ហើយនគរបាលមានសមត្ថកិច្ចបានព្រមានថា នឹងអាចមានហានិភ័យកើតឡើងអំឡុងការប្រកួត។ ក្រុមជើងឯក Europa League រដូវកាលមុន Frankfurt កំពុងរីករាយនឹងទម្រង់ល្អបំផុតរបស់ខ្លួនក្នុងមួយទសវត្សរ៍ចុងក្រោយនេះ ស្របពេលអ្នកគាំទ្រពួកគេក៏មានច្រើនដែរនៅពេលប្រកួតក្រៅដីម្តងៗ៕អត្ថបទ៖នាង សុភាវុធ

Scott Parker មិនច្បាស់ពីអនាគតរបស់ខ្លួនក្រោយ Club Bruges ចាញ់ Benfica ធ្លាក់ពី UCL

បាល់ទាត់៖ អ្នកចាត់ការក្លិបបាល់ទាត់ Club Bruges លោក Scott Parker បានបញ្ជាក់ពីភាពស្រពេចស្រពិលជុំវិញអនាគតរបស់ខ្លួន បន្ទាប់ពី Club Bruges ចាញ់ Benfica ធ្ងន់ក ៥-១ និងសរុបទាំងពីរជើង ៧-១ ធ្លាក់ពីក្របខណ្ឌ UEFA Champions League។ អតីតអ្នកចាត់ការ Fulham រូបនេះមានការលំបាកទៅហើយក្រោយចាញ់នៅជើងទីមួយ ២-០ ក្នុងទឹកដីខ្លួនឯង។ ត្រលប់មកជើងទី២ នេះទៀត Benfica ដែលកំពុងមានទំរង់ល្អរដូវកាលនេះរកបានប្រាំគ្រាប់ដោយ Rafael Silva, Joao Mario, David Neres និង Goncalo Ramos ពីរគ្រាប់ម្នាក់ឯងមុនពេលដែល Club Bruges តបបានមួយគ្រាប់ចុងម៉ោង។ លោក Scott Parker បាននិយាយក្រោយចប់ការប្រកួតថា ច្បាស់ណាស់លទ្ធផលបែបនេះនឹងធ្វើឱ្យគ្រប់គ្នាសួរថា Club Bruges ទៅមុខទៀតគិតបែបណា តែចម្លើយគឺមិនច្បាស់លាស់ មិនដឹងថាការប្រកួតក្នុងលីគនៅថ្ងៃអាទិត្យខាងមុខ រូបលោកជាអ្នកដឹកនាំរឺអត់។ លោក Scott Parker បានក្លាយជាអ្នកចាត់ការសញ្ជាតិអង់គ្លេសទី១ ដែលដឹកនាំក្រុមរបូត ៥គ្រាប់នៅ UCL ខណៈ Club Bruges នៅពេលនេះឈ្នះតែ ២ប្រកួតគត់តាំងពី Scott Parker ចូលកាន់តំណែងនៅចុងខែធ្នូ។ ដោយឡែកនេះជារដូវកាលទីពីរជាប់គ្នាសម្រាប់ Benfica ដែលឡើងវគ្គ ៨ក្រុមចុងក្រោយ UEFA Champions League វគ្គដែលពួកគេឡើងបានខ្ពស់បំផុត ខណៈរដូវកាលមុនចាញ់ Liverpool នៅវគ្គនេះ។ សូមបញ្ជាក់ថា តាំងពីក្របខណ្ឌអឺរ៉ុបផ្លាស់ប្តូរឈ្មោះមក UEFA Champions League, Benfica បានរងបរាជ័យទាំង ៥លើកនៅពេលឡើងដល់វគ្គ ៨ក្រុមចុងក្រោយ៕អត្ថបទ៖នាង សុភាវុធ

Mbappe៖ ការប្រកួតរវាង PSG និង Bayern Munich មិនអាចកាត់ក្តីអនាគតរបស់គេបានឡើយ

បាល់ទាត់៖ ខ្សែប្រយុទ្ធបារាំង Kylian Mbappe បាននិយាយថា អនាគតរបស់គេជាមួយ Paris Saint Germain នឹងមិនត្រូវកាត់ក្តីដោយការប្រកួតទល់នឹង Bayern Munich នៅជើងទី២ វគ្គ ១៦ក្រុមចុងក្រោយ UEFA Champions League បានឡើយ។ Bayern Munich បានយកឈ្នះជើងទី១ នៅទីក្រុងប៉ារីស ១-០ ដែលស៊ុតបញ្ចូលទីដោយ Kingsley Coman។ Kylian Mbappe បាននិយាយថា ប្រសិនបើគេគិតតែពី Champions League មិនគិតពីកិត្តិយសក្លិបប្រហែលជាគេចាកចេញយូរណាស់ហើយ បច្ចុប្បន្នគេរីករាយនៅ PSG និងស្រែកឃ្លានជ័យជំនះជានិច្ច។ រឿងរ៉ាវអនាគតរបស់ Mbappe តែង តែត្រូវបានលើកយកមកនិយាយមួយរយៈនេះ ស្របពេលដែល Real Madrid ជាគោលដៅចម្បងរបស់កីឡាករវ័យ ២៤ឆ្នាំរូបនេះ។ Mbappe ថ្មីៗនេះទើបបានក្លាយជាអ្នកស៊ុតបញ្ចូលទីច្រើនបំផុត ក្នុងប្រវត្តិសាស្ត្រក្លិបសរុប ២០១គ្រាប់។ PSG នឹងធ្វើដំណើរទៅទឹកដី Bayern Munich យប់នេះដោយមិនមានវត្តមាន Neymar ដែលមានរបួសកជើងត្រូវវះកាត់ ស្របពេលដែលប្រធានក្រុម Marquinhos និងខ្សែការពារ Nordi Mukiele ក៏នឹងអវត្តមានដូចគ្នា។ ដោយឡែកសម្រាប់ Bayern Munich មកទល់ពេលនេះរកបានជ័យជំនះទាំង ៧ប្រកួតនៅ UEFA Champions League រដូវកាលនេះដោយក្នុងនោះ ៦ប្រកួតបិទមិនឱ្យរបូតគ្រាប់បាល់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អត្តពលិក និងប្រតិភូជាង ៩០០០នាក់បានចុះឈ្មោះចូលរួមប្រកួតកីឡា SEA GAMES 2023

បាល់ទាត់ពានរង្វាន់យុវជនខេត្តស្វាយរៀងដំណើរការប្រកួតហើយ

PSG និង Spurs ធ្លាក់ត្រឹមវគ្គ ១៦ក្រុមចុងក្រោយ UEFA Champions League

កីឡាការិនីមានពិការភាព៖ ពួកខ្ញុំពិការ តែមានលទ្ធភាពធ្វើរឿងគ្រប់យ៉ាង និងអាចប្រកួតតំណាងជាតិ

ប្រធានសហព័ន្ធវ៉ូវីណាម៖ កីឡាការិនីក្រៅពីការហ្វឹកហាត់ក៏អាចធ្វើការងារផ្ទះបានដែរ

កម្ពុជាចាញ់មីយ៉ាន់ម៉ា ២-០ ក្នុងជំនួបបើកឆាកវគ្គជម្រុះ AFC U20 Woman's Asian Cup ពូល G

Jurgen Klinsmann ទៅដល់ទឹកដីកូរ៉េ មុនសន្និសីទព័ត៌មានផ្លូវការជាគ្រូបង្វឹកក្រុមជម្រើសជាតិ

អ៊ីតាលីបិទមិនលក់សំបុត្រឱ្យអ្នកគាំទ្រ Frankfurt ពេលទៅលេងទឹកដី Napoli ជើងទី២

Scott Parker មិនច្បាស់ពីអនាគតរបស់ខ្លួនក្រោយ Club Bruges ចាញ់ Benfica ធ្លាក់ពី UCL

Mbappe៖ ការប្រកួតរវាង PSG និង Bayern Munich មិនអាចកាត់ក្តីអនាគតរបស់គេបានឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អត្ត​ព​លិ​ក​ និង​ប្រតិភូ​ជាង​ ៩០០០​នាក់​បាន​ចុះឈ្មោះ​ចូលរួម​ប្រកួត​កីឡា​ SEA GAMES 2023

បាល់ទាត់​ពានរង្វាន់​យុវជន​ខេត្តស្វាយរៀង​ដំណើរការ​ប្រកួត​ហើយ​

PSG និង Spurs ធ្លាក់​ត្រឹម​វគ្គ ១៦ក្រុម​ចុងក្រោយ UEFA Champions League

កីឡាការិនី​មាន​ពិការភាព​៖ ពួក​ខ្ញុំ​ពិការ តែមាន​លទ្ធភាព​ធ្វើ​រឿង​គ្រប់យ៉ាង និង​អាច​ប្រកួត​តំណាង​ជាតិ​

ប្រធាន​សហព័ន្ធ​វ៉ូ​វី​ណា​ម​៖ កីឡាការិនី​ក្រៅពី​ការហ្វឹកហាត់​ក៏​អាចធ្វើ​ការងារ​ផ្ទះ​បានដែរ

កម្ពុជា​ចាញ់​មី​យ៉ាន់​ម៉ា ២-០ ក្នុងជំនួប​បើកឆាក​វគ្គ​ជម្រុះ​ AFC U20 Woman's Asian Cup ​ពូ​ល ​G

Jurgen Klinsmann ទៅដល់​ទឹកដី​កូរ៉េ​ មុន​សន្និសីទ​ព័ត៌មាន​ផ្លូវការ​ជា​គ្រូបង្វឹក​ក្រុម​ជម្រើសជាតិ​

អ៊ីតាលី​បិទ​មិន​លក់​សំបុត្រ​ឱ្យ​អ្នកគាំទ្រ Frankfurt ពេល​ទៅលេង​ទឹកដី Napoli ជើង​ទី២

Scott Parker មិន​ច្បាស់​ពី​អនាគត​របស់ខ្លួន​ក្រោយ Club Bruges ចាញ់ Benfica ធ្លាក់​ពី UCL

Mbappe៖ ការប្រកួត​រវាង PSG និង Bayern Munich មិនអាច​កាត់ក្តី​អនាគត​របស់គេ​បានឡើយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អត្តពលិក និងប្រតិភូជាង ៩០០០នាក់បានចុះឈ្មោះចូលរួមប្រកួតកីឡា SEA GAMES 2023

បាល់ទាត់ពានរង្វាន់យុវជនខេត្តស្វាយរៀងដំណើរការប្រកួតហើយ

PSG និង Spurs ធ្លាក់ត្រឹមវគ្គ ១៦ក្រុមចុងក្រោយ UEFA Champions League

កីឡាការិនីមានពិការភាព៖ ពួកខ្ញុំពិការ តែមានលទ្ធភាពធ្វើរឿងគ្រប់យ៉ាង និងអាចប្រកួតតំណាងជាតិ

ប្រធានសហព័ន្ធវ៉ូវីណាម៖ កីឡាការិនីក្រៅពីការហ្វឹកហាត់ក៏អាចធ្វើការងារផ្ទះបានដែរ

កម្ពុជាចាញ់មីយ៉ាន់ម៉ា ២-០ ក្នុងជំនួបបើកឆាកវគ្គជម្រុះ AFC U20 Woman's Asian Cup ពូល G

Jurgen Klinsmann ទៅដល់ទឹកដីកូរ៉េ មុនសន្និសីទព័ត៌មានផ្លូវការជាគ្រូបង្វឹកក្រុមជម្រើសជាតិ

អ៊ីតាលីបិទមិនលក់សំបុត្រឱ្យអ្នកគាំទ្រ Frankfurt ពេលទៅលេងទឹកដី Napoli ជើងទី២

Scott Parker មិនច្បាស់ពីអនាគតរបស់ខ្លួនក្រោយ Club Bruges ចាញ់ Benfica ធ្លាក់ពី UCL

Mbappe៖ ការប្រកួតរវាង PSG និង Bayern Munich មិនអាចកាត់ក្តីអនាគតរបស់គេបានឡើយ