BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ទិវារត់ប្រណាំងស្ដ្រី និងកីឡា ៨មីនាមានអ្នកចូលរួមជាង ១,៥០០នាក់

រត់ប្រណាំង៖ ទិវារត់ប្រណាំងស្ដ្រី និងកីឡា ឬ Woman Run 10K ដែលរៀបចំដោយគណៈកម្មាធិការជាតិអូឡាំពិកកម្ពុជា សហការជាមួយក្រុមហ៊ុន សុវណ្ណាភូមិ ឡាយហ្វ៍ ដើម្បីអបអរសាទរទិវាសិទ្ធិនារីអន្ដរជាតិខួបលើកទី១១២ នៅថ្ងៃទី៨ ខែមីនា ឆ្នាំ២០២៣ បានប្រព្រឹត្តទៅយ៉ាងរលូនដោយមានអ្នកចូលរួមជាង ១,៥០០នាក់។ ថ្លែងក្នុងទិវារត់កម្សាន្ដនេះ ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជាបានបញ្ជាក់ថា ដោយសារកូវីដ-១៩ ព្រឹត្តិការណ៍នេះបានខកខានរៀបចំ ២ឆ្នាំមកហើយ តែបន្ទាប់ពីការរៀបចំលើកនេះ NOCC នឹងរៀបចំរៀងរាល់ឆ្នាំឡើងវិញ ដើម្បីជំរុញស្ដ្រីក្នុងវិស័យកីឡាផង និងអបអរសិទ្ធិនារីផង។ ទន្ទឹមជាមួយគ្នាលោកជំទាវ កុយ ពិសី ប្រធានគណៈកម្មការស្ដ្រី និងកីឡា អមគណៈកម្មាធិការជាតិអូឡាំពិកកម្ពុជា ក៏បានសម្ដែងនូវសេចក្ដីរីករាយដែលទិវារត់ប្រណាំងស្ដ្រី និងកីឡាបានត្រឡប់មកវិញ នឹងមានការចូលរួមយ៉ាងផុលផុសទាំងបុរស និងនារី ដែលបញ្ជាក់ឲ្យឃើញចលនាស្ដ្រីក្នុងវិស័យកីឡាកំពុងមានការរីកចម្រើនគួរឲ្យកត់សម្គាល់។ ដោយឡែកកីឡាករ-កីឡាការិនីចូលរួមរត់កម្សាន្ដក្នុងកម្មវិធីនេះក៏បានសម្ដែងការសប្បាយចិត្ត ចំពោះអាជ្ញាធរដែលរៀបចំឲ្យមានកម្មវិធីនេះឡើង ដើម្បីបង្កបរិយាកាសសប្បាយរីករាយដល់អ្នកចូលរួម ក្នុងការលើកកម្ពស់សុខុមាលភាពផង ពិសេសដើម្បីអបអរសាទរទិវាសិទ្ធិនារីអន្ដរជាតិ ៨មីនាតែម្ដង។ ជាមួយគ្នាលោក Lok Kah Meng តំណាងក្រុមហ៊ុនសុវណ្ណាភូមិឡាយហ្វ៍ បានបង្ហាញសេចក្ដីសោមនស្សរីករាយដែលបានចូលរួមសហការរៀបចំកម្មវិធីនេះឡើង ដើម្បីរួមចំណែកអភិវឌ្ឍវិស័យកីឡាជាតិ ក៏ដូចជាជំរុញស្ដ្រីក្នុងវិស័យកីឡាឲ្យកាន់តែរីកចម្រើន ស្របតាមចក្ខុវិស័យរបស់ក្រុមហ៊ុនដើម្បីលើកកម្ពស់សុខុមាលភាពប្រជាពលរដ្ឋកម្ពុជាផងដែរ៕អត្ថបទ៖ លី ឈុនឡា

Chelsea ឡើងវគ្គ ៨ក្រុមចុងក្រោយ UEFA Champions League ក្រោយឈ្នះ Dortmund

បាល់ទាត់៖ ក្រុមតោខៀវ Chelsea បានបន្តដំណើរឡើងវគ្គ ៨ក្រុមចុងក្រោយ UEFA Champions League ហើយក្រោយយកឈ្នះក្រុមភ្ញៀវ Dortmund ២-០ និងសរុបទាំងពីរជើង ២-១។ ក្រុមរបស់លោក Graham Potter មានរដូវកាលដ៏អាក្រក់មិនធ្លាប់មានដោយធ្លាក់ទៅដល់លំដាប់លេខ ១០ នៅ English Premier League មុនពេលឈ្នះ Leeds ចុងសប្តាហ៍កន្លងទៅ។ ការប្រកួតជើងទី១ នៅទឹកដីអាល្លឺម៉ង់ដែលម្ចាស់ផ្ទះឈ្នះ ១-០ នោះ ត្រលប់មកកាន់ទឹកដី Stamford Bridge តោខៀវ Chelsea ត្រូវរង់ចាំដល់ចុងវគ្គទី១ ទើប Raheem Sterling រកបានគ្រាប់នាំមុខមុននៅនាទីទី៤៣។ ឈានដល់វគ្គទី២ Chelsea មានឱកាសស៊ុតបាល់ ១១ម៉ែត្រក្រោយពេល VAR ពិនិត្យឃើញបាល់ប៉ះដៃរបស់ Marius Wolf ខណៈអ្នកទាត់សំរេចនោះគឺ Kai Havertz តែមិនបានសំរេច។ យ៉ាងណាក្តីអាជ្ញាកណ្តាលឱ្យទាត់ម្តងទៀតបន្ទាប់ពី VAR ពិនិត្យឃើញកីឡាករផ្សេងទៀតរត់ចូលប្រអប់មុនទាត់។ ម្តងទៀតនេះ Kai Havertz មិនភ្លាត់ឡើយដោយស៊ុតបញ្ចូលទីបានសំរេចទៅទិសដៅដដែល។ អ្នកចាត់ការ Chelsea លោក Graham Potter បានហៅជ័យជំនះនេះថា ជាការកាត់ក្តីអាជីពរបស់លោកនៅ Stamford Bridge ដោយលើកឡើងថា ប្រសិន Chelsea ធ្លាក់នឹងមានរឿងផ្សេងកើតឡើង។ ចំណែក Dortmund ដែលមានរដូវកាលដ៏អស្ចារ្យរបស់ខ្លួនដែរនោះកំពុងឈរលេខ២ នៅ Bundesliga ស្មើពិន្ទុគ្នាជាមួយ Bayern Munich ខណៈនេះជាបរាជ័យដំបូងប៉ុណ្ណោះសម្រាប់ពួកគេបន្ទាប់ឈ្នះ ១០ប្រកួតជាប់គ្នាមកហើយ៕អត្ថបទ៖នាង សុភាវុធ

UEFA ប្រកាសសងថ្លៃសំបុត្រដល់អ្នកគាំទ្រ Liverpool នៅវគ្គផ្តាច់ព្រ័ត្រ UCL ឆ្នាំមុន

បាល់ទាត់៖ សមាគមបាល់ទាត់ទ្វីបអឺរ៉ុប UEFA បានប្រកាសសងថ្លៃសំបុត្រទស្សនាការប្រកួតវគ្គផ្តាច់ព្រ័ត្រ UEFA Champions League រដូវកាលមុននៅទីក្រុងប៉ារីសដល់អ្នកគាំទ្រ Liverpool ទាំងអស់។ សេចក្តីសំរេចបែបនេះបន្ទាប់ពីការរិះគន់ និងឆ្លើយតបវិញរបស់ UEFA ស្មើនឹងការទទួលខុសត្រូវលើហេតុការណ៍ច្របូកច្របល់ មុនការប្រកួតវគ្គផ្តាច់ព្រ័ត្ររវាង Liverpool និង Real Madrid រដូវកាលមុន ដែលឈានដល់ការពន្យាពេលចាប់ផ្តើមប្រកួត។ អ្នកគាំទ្រត្រូវបានបង្ក្រាបដោយការបាញ់ឧស្ម័នបង្ហូរទឹកភ្នែកនៅខាងក្រៅកីឡដ្ឋាន Stade de France ទីក្រុងប៉ារីស មុនការប្រកួតចាប់ផ្តើម និងឈានដល់ការពន្យាពេល ៣៦នាទី។ បើតាមសេចក្តីប្រកាសរបស់ UEFA ថានឹងទទួលខុសត្រូវលើសំណងថ្លៃសំបុត្រទាំងស្រុងដល់អ្នកគាំទ្រ Liverpool ទាំងអស់សរុប ១៩,៦១៨នាក់។ UEFA និងអាជ្ញាធរបារាំងបានស្តីបន្ទោសលើអ្នកគាំទ្រដែលគ្មានសំបុត្រ ដែលបានបង្កភាពច្របូកច្របល់នៅខាងក្រៅកីឡដ្ឋាន៕អត្ថបទ៖នាង សុភាវុធ

ទស្សនិកជនអាចប្រើ Wi-Fi ដោយសេរីក្នុងពិធីបើក-បិទ និងការប្រកួតកីឡាស៊ីហ្គេមឆ្នាំ២០២៣

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ២០២៣ (CAMSOC-CAMAPGOC) ក្រោមកិច្ចសហការជាមួយក្រសួងប្រៃសណីយ៍ និងទូរគមនាគមន៍នឹងធ្វើការបំពាក់ប្រព័ន្ធ Wi-Fi ស្ទើរគ្រប់ទីកន្លែងក្នុងបរិវេណពហុកីឡដ្ឋានជាតិមរតកតេជោ ដើម្បីជំរុញការផ្សព្វផ្សាយព្រឹត្តិការណ៍ជាប្រវត្តិសាស្ដ្រនៅកម្ពុជានេះ ខណៈទស្សនិកជនក៏អាចប្រើប្រាស់បានដោយសេរីផងដែរ។ នេះបើតាមការលើកឡើងរបស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC-CAMAPGOC ក្រោយកិច្ចប្រជុំប្រចាំសប្ដាហ៍ដឹកនាំដោយឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងអនុប្រធានអចិន្ត្រៃយ៍ ជាមួយគណៈកម្មការពាក់ព័ន្ធ និងមានការចូលរួមពីតំណាងនិយ័តករទូរគមនាគមន៍កម្ពុជា ដើម្បីពិភាក្សាអំពីការរៀបចំការងារនេះនៅមជ្ឈមណ្ឌលប្រតិបត្តិការកីឡានៅថ្ងៃទី០៧ ខែមីនា ឆ្នាំ២០២៣។ ឯកឧត្តម វ៉ាត់ ចំរើន មានប្រសាសន៍ថា ដោយមានការជំរុញពីថ្នាក់ដឹកនាំការងាររៀបចំប្រព័ន្ធ Wi-Fi គឺជាផ្នែកមួយដែលត្រូវបានយកចិត្តទុកដាក់ និងរៀបចំបំពាក់ក្នុងបរិវេណពហុកីឡដ្ឋានជាតិមរតកតេជោ ទាំងក្នុងវិមានកីឡដ្ឋាន ភូមិកីឡា និងទីធ្លារសាធារណៈនានា ដែលអាចបម្រើឲ្យការងារស្នូលរបស់គណៈកម្មការជំនាញ និងប្រព័ន្ធផ្សព្វផ្សាយនានា រួមទាំងទស្សនិកជនក៏អាចប្រើប្រាស់បានដែរដើម្បីជំរុញការផ្សព្វផ្សាយ និងចែករំលែកពិធីបើក-បិទ ក៏ដូចជាការប្រកួតកីឡាស៊ីហ្គេម និងអាស៊ានប៉ារ៉ាហ្គេមឲ្យកាន់តែទូលំទូលាយ។ ក្រៅពីការបំពាក់នូវប្រព័ន្ធ Wi-Fi នៅក្នុងបរិវេណនៃពហុកីឡដ្ឋានជាតិមរតកតេជោ គណៈកម្មាធិការជាតិ CAMSOC ក៏កំពុងពិនិត្យរៀបចំនៅទីកន្លែង និងទីលានប្រកួតផ្សេងៗ ក៏ដូចជាតាមបណ្ដាខេត្តមួយចំនួនដែលមានរៀបចំការប្រកួត ដើម្បីផ្ដល់ភាពងាយស្រួលក្នុងការផ្សព្វផ្សាយពីព្រឹត្តិការណ៍ប្រវត្តិសាស្ដ្រ ដែលកម្ពុជារង់ចាំអស់រយៈពេល ៦៤ឆ្នាំនេះផងដែរ។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន៕អត្ថបទ៖ លី ឈុនឡា

ពានរង្វាន់បាល់ទាត់ឯកឧត្តមបណ្ឌិត ហ៊ុន ម៉ាណែត នៅស្រុកពញាក្រែកត្រូវបានបិទបញ្ចប់ហើយ

បាល់ទាត់៖ ព្រឹត្តិការណ៍ប្រកួតបាល់ទាត់ពានរង្វាន់ឯកឧត្តមបណ្ឌិត ហ៊ុន ម៉ាណែត ឆ្នាំ២០២៣ លើកទី២ នៅស្រុកពញាក្រែក ខេត្តត្បូងឃ្មុំ ត្រូវបានបិទបញ្ចប់កាលពីថ្ងៃទី៧ ខែមីនា ឆ្នាំ២០២៣។ ឯកឧត្តម នៅ សារី ប្រធានគណៈកម្មការរៀបចំការប្រកួតបាល់ទាត់ពានរង្វាន់ ឯកឧត្តម បណ្ឌិត ហ៊ុន ម៉ាណែត ឆ្នាំ២០២៣ លើកទី២ នៅស្រុកពញាក្រែក ខេត្តត្បូងឃ្មុំបានឲ្យដឹងថា ការប្រកួតពេលនេះគឺធ្វើឡើងក្នុងគោលបំណងធំៗគឺដើម្បីគាំទ្របេក្ខភាព ឯកឧត្តម បណ្ឌិត ហ៊ុន ម៉ាណែត ជានាយករដ្ឋមន្ត្រីនាពេលអនាគត និងគាំទ្រគោលនយោបាយឈ្នះឈ្នះរបស់សម្តេចតេជោ ហ៊ុន សែន ដែលនាំសន្តិភាពមកឲ្យប្រជាជនកម្ពុជា និងចូលរួមចំណែកលើកស្ទួយវិស័យកីឡាបាល់ទាត់នៅកម្ពុជាឲ្យរីកចម្រើន ខណៈក្នុងឆ្នាំ២០២៣ នេះកម្ពុជានឹងធ្វើម្ចាស់ផ្ទះស៊ីហ្គេមផងដែរ។ ឆ្លៀតឱកាសនោះដែរជាគណៈអធិបតីក្នុងពិធីបិទបញ្ចប់ព្រឹត្តិការណ៍ប្រកួតបាល់ទាត់ពានរង្វាន់ ឯកឧត្តមបណ្ឌិត ហ៊ុន ម៉ាណែត ឆ្នាំ២០២៣ លើកទី២ ឯកឧត្តម ឡា ឡៃ រដ្ឋលេខាធិការក្រសួងធម្មការ និងសាសនា និងជាសមាជិកប្រតិបត្តិសហព័ន្ធកីឡាបាល់ទាត់ជាតិកម្ពុជាបានថ្លែងថា កីឡានាំមកនូវសុខភាពល្អ ពង្រឹងសមត្ថភាព កាយសម្បទា ប្រាជ្ញាស្មារតី បង្កើនភាពក្លាហាន ដើម្បីឲ្យយុវជនជៀសឆ្ងាយពីគ្រឿងញៀន និងចូលរួមរក្សាសន្តិភាពកុំឲ្យបោះបង់។ គូសបញ្ជាក់ផងដែរថា ព្រឹត្តិការណ៍ប្រកួតបាល់ទាត់ពានរង្វាន់ ឯកឧត្តម បណ្ឌិត ហ៊ុន ម៉ាណែត ឆ្នាំ២០២៣ លើកទី២ នៅស្រុកពញាក្រែកនេះបានធ្វើឡើងចាប់ពីថ្ងៃទី១៩ ខែកុម្ភៈរហូតថ្ងៃទី៧ ខែមីនា ឆ្នាំ២០២៣នេះ រយៈពេល ១៧ថ្ងៃនៃការប្រកួត។ ហើយមានក្រុមកីឡាករសរុបទាំងអស់ ៤២ក្រុម ក្នុងនោះចែកជា ៥ផ្នែករួមមាន៖ បាល់ទាត់មហាជនមាន ២៦ក្រុម, បាល់ទាត់វ័យចំណាស់មាន ១៦ក្រុម, បាល់ទាត់អាយុ ១៨ឆ្នាំមាន ១០ក្រុម, បាល់ទាត់នារីមាន ២ក្រុម និងកីឡាប៉េតង់មាន ៨ក្រុមផងដែរ៕

អតីតខ្សែការពារ Spurs, Toby Alderweireld សម្រេចចិត្តចូលនិវត្តន៍ពីក្រុមជម្រើសជាតិប៊ែលហ្ស៊ិកហើយ

បាល់ទាត់៖ អតីតខ្សែបម្រើក្លិប Tottenham Hotspur, Toby Alderweireld បានសម្រេចចិត្តចូលនិវត្តន៍ពីក្រុមជម្រើសជាតិប៊ែលហ្ស៊ិកហើយនៅក្នុងវ័យ ៣៤ឆ្នាំ។ រយៈពេល ១៣ឆ្នាំតាំងពីត្រូវបានកោះហៅចូលលេងដំបូងឱ្យប៊ែលហ្ស៊ិក Alderweireld បង្ហាញខ្លួនបានសរុប ១២៧លើក និងជាសមាជិកក្រុមប៊ែលហ្ស៊ិកដែលយកឈ្នះប្រេស៊ីលឡើងវគ្គពាក់កណ្តាលផ្តាច់ព្រ័ត្រ World Cup 2018 នៅរុស្ស៊ីផងដែរ តែចុងក្រោយនៅ World Cup 2022 បានត្រឹមធ្លាក់នៅវគ្គវិលជុំក្នុងពូល។ ក្រោយពីការខកបំណងនៅ World Cup សមាជិកក្រុមប៊ែលហ្ស៊ិកដែលស្ថិតក្នុងរជ្ជកាលមាស បានសម្រេចចិត្តចូលនិវត្តន៍ជាបន្តបន្ទាប់ដូចជា Eden Hazard និងអ្នកចាត់ការ Roberto Martinez ជាដើម។ងាកមកអាជីពរបស់ Toby Alderweireld គេបានចាប់ផ្តើមអាជីពជាមួយ Ajax Amsterdam នៅឆ្នាំ២០០៨ មុនពេលចាកចេញទៅ Atletico Madrid នៅឆ្នាំ២០១៣ តែផ្លាស់ទៅ Southampton ក្នុងលក្ខខណ្ឌខ្ចី រួចបន្តទៅ Tottenham Hotspur នៅឆ្នាំ២០១៥ ដល់ឆ្នាំ២០២១។ បន្ទាប់ពីចាកចេញពីទីក្រុងឡុងដ៍ Alderweireld បានបន្តអាជីពនៅក្លិបកាតា Al-Duhail មុនពេលផ្លាស់មកកាន់ទឹកដីកំណើតជាមួយក្លិប Royal Antwerp នៅក្របខណ្ឌប៊ែលហ្ស៊ិកមកដល់បច្ចុប្បន្ន។ ជាមួយក្លិបអាជីព Toby Alderweireld ធ្លាប់ឈ្នះជើងឯកលីគកំពូលហូឡង់ ៣លើកជាមួយ Ajax ឈ្នះជើងឯក La Liga មួយលើកជាមួយ Atletico Madrid ក៏ដូចជាឡើងវគ្គផ្តាច់ព្រ័ត្រ UEFA Champions League ជាមួយ Atletico Madrid និង Spurs ផងដែរ៕អត្ថបទ៖នាង សុភាវុធ

ខ្សែប្រយុទ្ធ Napoli, Victor Osimhen ឈ្នះជ័យលាភីអត្តពលិកបរទេសឆ្នើមបំផុតនៅអ៊ីតាលី

បាល់ទាត់៖ ខ្សែប្រយុទ្ធរបស់ក្លិប Napoli, Victor Osimhen ត្រូវបានជ្រើសរើសជាអត្តពលិកបរទេសឆ្នើមបំផុតនៅអ៊ីតាលី បន្ទាប់ពីរដូវកាលដ៏អស្ចារ្យរបស់គេរដូវកាលនេះ។ ប្រសិនបើខ្សែប្រយុទ្ធនីហ្សេរីយ៉ារូបនេះពិតជាអាចជួយ Napoli គ្រងជើងឯកអ៊ីតាលី Serie A លើកដំបូងក្នុងរយៈពេល ៣០ឆ្នាំបានមែននោះ ច្បាស់ណាស់ថាគេនឹងក្លាយជាវីរៈបុរសរបស់ក្លិបដែលមានស្នាដៃដូចនឹង Diego Maradona។ Diego Maradona នៅតែជានិមិត្តរូបរបស់អ្នកគាំទ្រ Napoli នៅឡើយ បន្ទាប់ពីគាត់បានជួយ Napoli ឈ្នះជើងឯកលីគកំពូលអ៊ីតាលីតែពីរលើកគត់របស់ប្រវត្តិសាស្ត្រក្លិបនៅឆ្នាំ១៩៨៧ និង ១៩៩០ ហើយកីឡដ្ឋាន Napoli បច្ចុប្បន្នគឺមានឈ្មោះ Diego Maradona។ នៅសល់ ១៣ប្រកួតទៀតចប់រដូវកាល Napoli កំពុងកាន់ដល់ទៅ ១៥ពិន្ទុគំលាតពីក្រុមលេខ២ Inter Milan។ Victor Osimhen ដែលកំពុងលេងរដូវកាលទី៣ ឱ្យ Napoli ក្រោយចំណាយពេលនៅ Bundesliga ជាមួយ Wolfsburg និង Ligue1 ជាមួយ Lille នោះបានស៊ុតបញ្ចូលទី ១៩គ្រាប់ហើយនៅ Serie A រដូវកាលនេះ និងជាអ្នកស៊ុតបញ្ចូលទីច្រើនជាងគេផងដែរ៕អត្ថបទ៖នាង សុភាវុធ

ឃាត់ខ្លួនមនុស្ស ៧នាក់បន្ទាប់ពីមានអំពើហិង្សាអំឡុងការប្រកួតបាល់ទាត់លីគនៅទួកគី

បាល់ទាត់៖ នគរបាលបានឃាត់ខ្លួនមនុស្ស ៧នាក់ បន្ទាប់ពីមានអំពើហិង្សាអំឡុងការប្រកួតបាល់ទាត់លីគនៅប្រទេសទួកគី។ អំពើហិង្សានេះបានផ្ទុះឡើងនៅក្នុងការប្រកួតបាល់ទាត់ដោយប្រឆាំងនឹងក្រុមមកពីទីក្រុង Diyarbakir របស់ជនជាតិឃឺដ ហើយគណបក្សគាំទ្រឃឺដបានអំពាវនាវឱ្យមន្ត្រីលាលែងពីតំណែងជុំវិញ "ការរើសអើងជាតិសាសន៍ដោយចំហ" នៅក្នុងការប្រកួតនេះ។ ការិយាល័យអភិបាលខេត្ត Bursa ភាគពាយ័ព្យនៃប្រទេសទួរគីបាននិយាយថា មន្ត្រីសាធារណៈ ៣នាក់ត្រូវបានដកចេញពីតួនាទីរបស់ពួកគេដោយរង់ចាំការស៊ើបអង្កេត បន្ទាប់ពីមានបញ្ហានៅក្នុងការប្រកួតកាលពីថ្ងៃអាទិត្យរវាង Bursapor និង Amedspor។ ព្រះរាជអាជ្ញាបានបើកដំណើរការនីតិវិធីប្រឆាំងនឹងអ្នកដែលពាក់ព័ន្ធ នឹងការវាយដំនៅក្នុងបន្ទប់ផ្លាស់ប្តូរសម្លៀកបំពាក់ បន្ទាប់ពីការប្រកួត និងអ្នកពាក់ព័ន្ធក្នុងការលើកបដាអំឡុងពេលប្រកួត ហើយមកទល់ពេលនេះមនុស្ស ៧នាក់ត្រូវបានឃាត់ខ្លួន។ Amedspor ស្ថិតក្នុងលីគទី៣ ទួកគី និងកំពុងឈរលេខ៣ បន្ទាប់ពីចាញ់ ២-១ ក្នុងការប្រកួតកាលពីថ្ងៃអាទិត្យជាមួយក្រុម Bursaspor៕អត្ថបទ៖នាង សុភាវុធ

Novak Djokovic នៅតែមិនអាចចូលដីអាមេរិកបានដោយសាររឿងទិដ្ឋាការគ្មានវ៉ាក់សាំង

វាយកូនបាល់៖ កីឡាករវាយកូនបាល់លេខ ១ ពិភពលោក Novak Djokovic បានដកខ្លួនផ្លូវការពីព្រឹត្តិការណ៍វាយកូនបាល់ Indian Wells Masters ដោយសារតែបញ្ហាទិដ្ឋាការគ្មានវ៉ាក់សាំង។ កីឡាករវ័យ ៣៥ឆ្នាំជើងឯក Grand Slam ២២លើករូបនេះបានស្នើសុំទិដ្ឋាការពិសេសដើម្បីចូលទឹកដីអាមេរិក ដោយសារតែរូបគេមិនបានចាក់វ៉ាក់សាំងកូវីដ-១៩។ សហរដ្ឋអាមេរិកនៅតែតម្រូវឱ្យជនបរទេសចូលដីរបស់ខ្លួន ដោយភ្ជាប់ជាមួយលិខិតបញ្ជាក់ថាបានចាក់វ៉ាក់សាំង ហើយច្បាប់នេះត្រូវអនុម័តយ៉ាងហោចណាស់រហូតដល់ខែមេសា។ Djokovic ក៏បានអវត្តមានពីការប្រកួត Grand Slam, US Open ឆ្នាំមុនផងដែរដោយសារតែបញ្ហានេះ។ Indian Wells ជាកម្មវិធីធំជាងគេមួយក្នុងក្របខណ្ឌ ATP Masters 1000 បន្ទាប់ពីព្រឹត្តិការណ៍ Grand Slam ទាំង ៤ប្រចាំឆ្នាំ។ គណៈកម្មាធិការរៀបចំការប្រកួតកម្មវីធី Indian Wells Masters ក៏ធ្លាប់បានបង្ហាញក្តីសង្ឃឹមថា Djokovic នឹងអាចចូលរួមការប្រកួតតាមលក្ខខណ្ឌពិសេសណាមួយ។ រំលឹកថា Novak Djokovic ធ្លាប់បានបញ្ជាក់ច្បាស់ៗថា គេសុខចិត្តមិនចូលរួមការប្រកួតមិនថា កម្មវិធីធំប៉ុណ្ណាឡើយ ជាជាងចាក់វ៉ាក់សាំងកូវីដ-១៩។ កាលពីខែមករា ឆ្នាំ២០២២ Djokovic ត្រូវបានតម្រូវឱ្យចាកចេញពីព្រលានយន្តហោះទីក្រុង Melbourne ប្រទេសអូស្ត្រាលីដោយសារបញ្ហានេះ និងបានខកខានការប្រកួត Australian Open មុនពេលអនុញ្ញាតឱ្យចូលទឹកដីអូស្ត្រាលីវិញឆ្នាំនេះ និងបានឈ្នះជើងឯក Australian Open តែម្តងកាលពីចុងខែមករាកន្លងទៅ៕អត្ថបទ៖នាង សុភាវុធ

របួសកជើងរបស់ Neymar ត្រូវការវះកាត់ នឹងត្រូវអវត្តមានដល់ចប់រដូវកាល

បាល់ទាត់៖ ខ្សែប្រយុទ្ធ Paris Saint Germain, Neymar នឹងត្រូវអវត្តមានរហូតដល់ចប់រដូវកាល ដោយសាររបួសកជើងរបស់គេឈានដល់ការវះកាត់។ ខ្សែប្រយុទ្ធប្រេស៊ីលរូបនេះត្រូវបានសែងចេញពីទីលាន ក្រោយប៉ះទង្គិចកជើងខាងស្តាំអំឡុងការប្រកួតដែល PSG យកឈ្នះ Lille ៤-៣ កាលពីថ្ងៃទី១៩ ខែកុម្ភៈកន្លងទៅ។ ក្លិបបារាំងមួយនេះបានបញ្ជាក់ថា របួសកជើងរបស់ Neymar គឺប៉ះទៅលើកន្លែងចាស់ ដែលតម្រូវឱ្យមានការវះកាត់ដើម្បីកុំឱ្យធ្ងន់ធ្ងរជាងនេះ។ ជាមួយនឹងគ្នានឹងការវះកាត់ផងដែរ Neymar នឹងត្រូវសម្រាកយ៉ាងហោចណាស់ ៤ខែ។ រំលឹកថា Neymar បានរងរបួសជាច្រើនលើកមកហើយនៅផ្នែកជើងខាងស្តាំរបស់ខ្លួន ជាពិសេសគឺកជើងក្នុងរយៈពេលប៉ុន្មានឆ្នាំចុងក្រោយនេះ។ Neymar ក៏បានអវត្តមានពីរប្រកួតនៅ World Cup 2022 ឱ្យប្រេស៊ីលផងដែរ បន្ទាប់ពីរងរបួសពេលប្រេស៊ីលយកឈ្នះស៊ែបប្រកួតបើកឆាកក្នុងពូល។ កាលពីឆ្នាំ២០១៩ អតីតខ្សែប្រយុទ្ធ Barcelona រូបនេះក៏ធ្លាប់អវត្តមានពីការប្រកួត Copa America ដែរដោយសាររបួសកជើងស្តាំនេះ ហើយក៏បានអវត្តមានជាច្រើនសប្តាហ៍ផ្សេងទៀតកាលពីឆ្នាំ២០២១ ដោយសាររបួសចំនុចដដែល។ រដូវកាលនេះ Neymar បានស៊ុតបញ្ចូលទីសរុប ១៣គ្រាប់នៅ Ligue 1 និងប៉ះបញ្ជូន ១០លើកផងដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ទិវារត់ប្រណាំងស្ដ្រី និងកីឡា ៨មីនាមានអ្នកចូលរួមជាង ១,៥០០នាក់

Chelsea ឡើងវគ្គ ៨ក្រុមចុងក្រោយ UEFA Champions League ក្រោយឈ្នះ Dortmund

UEFA ប្រកាសសងថ្លៃសំបុត្រដល់អ្នកគាំទ្រ Liverpool នៅវគ្គផ្តាច់ព្រ័ត្រ UCL ឆ្នាំមុន

ទស្សនិកជនអាចប្រើ Wi-Fi ដោយសេរីក្នុងពិធីបើក-បិទ និងការប្រកួតកីឡាស៊ីហ្គេមឆ្នាំ២០២៣

ពានរង្វាន់បាល់ទាត់ឯកឧត្តមបណ្ឌិត ហ៊ុន ម៉ាណែត នៅស្រុកពញាក្រែកត្រូវបានបិទបញ្ចប់ហើយ

អតីតខ្សែការពារ Spurs, Toby Alderweireld សម្រេចចិត្តចូលនិវត្តន៍ពីក្រុមជម្រើសជាតិប៊ែលហ្ស៊ិកហើយ

ខ្សែប្រយុទ្ធ Napoli, Victor Osimhen ឈ្នះជ័យលាភីអត្តពលិកបរទេសឆ្នើមបំផុតនៅអ៊ីតាលី

ឃាត់ខ្លួនមនុស្ស ៧នាក់បន្ទាប់ពីមានអំពើហិង្សាអំឡុងការប្រកួតបាល់ទាត់លីគនៅទួកគី

Novak Djokovic នៅតែមិនអាចចូលដីអាមេរិកបានដោយសាររឿងទិដ្ឋាការគ្មានវ៉ាក់សាំង

របួសកជើងរបស់ Neymar ត្រូវការវះកាត់ នឹងត្រូវអវត្តមានដល់ចប់រដូវកាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ទិវា​រត់ប្រណាំង​ស្ដ្រី និង​កីឡា ៨​មីនា​មាន​អ្នកចូលរួម​ជាង ១,៥០០​នាក់​

Chelsea ឡើង​វគ្គ ៨ក្រុម​ចុងក្រោយ UEFA Champions League ក្រោយ​ឈ្នះ Dortmund

UEFA ប្រកាស​សង​ថ្លៃ​សំបុត្រ​ដល់​អ្នកគាំទ្រ Liverpool នៅ​វគ្គ​ផ្តាច់ព្រ័ត្រ UCL ឆ្នាំមុន​

ទស្សនិកជន​អាច​ប្រើ​ Wi-Fi ​ដោយ​សេរី​ក្នុង​ពិធី​បើក​-​បិទ និង​ការប្រកួត​កីឡា​ស៊ី​ហ្គេម​ឆ្នាំ​២០២៣

ពានរង្វាន់​បាល់ទាត់​ឯកឧត្តម​បណ្ឌិត ហ៊ុន ម៉ា​ណែ​ត នៅ​ស្រុក​ពញាក្រែក​ត្រូវ​បាន​បិទ​បញ្ចប់​ហើយ

អតីត​ខ្សែការពារ Spurs, Toby Alderweireld សម្រេចចិត្ត​ចូលនិវត្តន៍​ពី​ក្រុម​ជម្រើសជាតិ​ប៊ែ​ល​ហ្ស៊ិ​ក​ហើយ​

ខ្សែប្រយុទ្ធ Napoli, Victor Osimhen ឈ្នះ​ជ័យលាភី​អត្ត​ព​លិ​កប​រទេស​ឆ្នើម​បំផុត​នៅ​អ៊ីតាលី

ឃាត់ខ្លួនមនុស្ស ៧នាក់​បន្ទាប់ពី​មាន​អំពើ​ហិង្សា​អំឡុង​ការប្រកួត​បាល់ទាត់​លី​គ​នៅ​ទួ​ក​គី​

Novak Djokovic នៅតែ​មិនអាច​ចូល​ដី​អាមេរិក​បាន​ដោយសារ​រឿង​ទិដ្ឋាការ​គ្មាន​វ៉ាក់សាំង​

របួស​កជើង​របស់ Neymar ត្រូវការ​វះកាត់ នឹង​ត្រូវ​អវត្តមាន​ដល់​ចប់​រដូវ​កាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទិវារត់ប្រណាំងស្ដ្រី និងកីឡា ៨មីនាមានអ្នកចូលរួមជាង ១,៥០០នាក់

Chelsea ឡើងវគ្គ ៨ក្រុមចុងក្រោយ UEFA Champions League ក្រោយឈ្នះ Dortmund

UEFA ប្រកាសសងថ្លៃសំបុត្រដល់អ្នកគាំទ្រ Liverpool នៅវគ្គផ្តាច់ព្រ័ត្រ UCL ឆ្នាំមុន

ទស្សនិកជនអាចប្រើ Wi-Fi ដោយសេរីក្នុងពិធីបើក-បិទ និងការប្រកួតកីឡាស៊ីហ្គេមឆ្នាំ២០២៣

ពានរង្វាន់បាល់ទាត់ឯកឧត្តមបណ្ឌិត ហ៊ុន ម៉ាណែត នៅស្រុកពញាក្រែកត្រូវបានបិទបញ្ចប់ហើយ

អតីតខ្សែការពារ Spurs, Toby Alderweireld សម្រេចចិត្តចូលនិវត្តន៍ពីក្រុមជម្រើសជាតិប៊ែលហ្ស៊ិកហើយ

ខ្សែប្រយុទ្ធ Napoli, Victor Osimhen ឈ្នះជ័យលាភីអត្តពលិកបរទេសឆ្នើមបំផុតនៅអ៊ីតាលី

ឃាត់ខ្លួនមនុស្ស ៧នាក់បន្ទាប់ពីមានអំពើហិង្សាអំឡុងការប្រកួតបាល់ទាត់លីគនៅទួកគី

Novak Djokovic នៅតែមិនអាចចូលដីអាមេរិកបានដោយសាររឿងទិដ្ឋាការគ្មានវ៉ាក់សាំង

របួសកជើងរបស់ Neymar ត្រូវការវះកាត់ នឹងត្រូវអវត្តមានដល់ចប់រដូវកាល