BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ស្ថាបនិក Flying Bike Super Cross រីករាយជាមួយជោគជ័យនៃការរៀបចំឡើងវិញ

ប្រណាំងម៉ូតូ៖ ព្រឹត្តិការណ៍ប្រណាំងម៉ូតូហោះ Flying Bike Super Cross ឆ្នាំ២០២៣ បានបញ្ចប់ដោយជោគជ័យក្រោយខកខានរៀបចំអស់ជាច្រើនឆ្នាំ ខណៈស្ថាបនិកកម្មវិធីនេះបានសម្ដែងការសប្បាយចិត្ត ដែលការរៀបចំឡើងវិញនេះបានប្រព្រឹត្តទៅយ៉ាងរលូន នៅលើទីលានព្រែកលាបកាលពីចុងសប្ដាហ៍កន្លងទៅ។ លោក ព្រែ អ៊ីវកាត់ទ្រី អ្នករៀបចំការប្រកួតកីឡាម៉ូតូហោះនេះ បានសម្ដែងការភ្ញាក់ផ្អើលដែលការរៀបចំវិញ្ញាសា Super Cross ឡើងវិញទទួលបានការគាំទ្រ ហើយកីឡាករចូលរួមប្រកួតប្រជែងប្រកបដោយសុវត្ថិភាព មិនមានគ្រោះថ្នាក់អ្វីកើតឡើង។ តាមរយៈនេះ លោកបានប្ដេជ្ញានឹងព្យាយាមរៀបចំការប្រកួតឲ្យបានទៀងទាត់ ដើម្បីជំរុញការអភិវឌ្ឍវិស័យកីឡាមួយនេះឲ្យរីកចម្រើន ពិសេសលើការបណ្ដុះបណ្ដាលថ្នាលយុវជនតែម្ដង។ សម្រាប់ការប្រកួតកីឡាម៉ូតូហោះ Flying Bike Super Cross ឆ្នាំ២០២៣ នេះដែរបានរៀបចំការប្រកួតលើ ៥វិញ្ញាសា រួមមានវិញ្ញាសាកម្រិត Class A, B, C, VIP និងយុវជន។ តាមការគ្រោងទុកសម្រាប់ការប្រកួតបន្ទាប់ គឺគ្រោងនឹងរៀបចំនាចុងឆ្នាំ២០២៣ ខាងមុខ។ នេះបើតាមការបញ្ជាក់របស់លោក ព្រែ អ៊ីវកាត់ទ្រី៕អត្ថបទ៖ លី ឈុនឡា

ក្លិប Inter រៀបចំពានរង្វាន់ដើម្បីរួមចំណែកអភិវឌ្ឍន៍វិស័យកីឡាវាយសីកម្ពុជា

វាយសី៖ ក្លិបកីឡាវាយសី Inter សហការជាមួយ AS Badminton Planner បានរៀបចំពានរង្វាន់ប្រចាំក្លិបរបស់ខ្លួន ដើម្បីរួមចំណែកអភិវឌ្ឍន៍វិស័យកីឡាមួយនេះឲ្យកាន់តែរីកចម្រើន។ ការប្រកួតនេះបានធ្វើឡើងរយៈពេល ២ថ្ងៃកាលពីចុងសប្ដាហ៍កន្លងទៅដោយមានកីឡាករ-កីឡាការិនីមកពីបណ្ដាក្លិបជាច្រើនចូលរួម។ យោងតាមគណៈកម្មការរៀបចំការប្រកួតបានឲ្យដឹងថា ពានរង្វាន់ក្លិបកីឡាវាយសី Inter នេះរៀបចំឡើងក្នុងគោលបំណងរួមចំណែកបំផុសកីឡាវាយសីក្នុងប្រទេសកម្ពុជាឲ្យកាន់តែរីកចំរើន ពិសេសបង្កើននូវចំណងមិត្តភាព សាមគ្គីភាព ក៏ដូចជាលើកកម្ពស់សមត្ថភាពកីឡាករ-កីឡាការិនីឲ្យកាន់តែប្រសើរ តាមរយៈការប្រកួតផ្លាស់ប្ដូរបទពិសោធន៍ និងដកស្រង់បច្ចេកទេសគ្នាទៅវិញទៅមក។ ម្យ៉ាងការប្រកួតនេះក៏ដើម្បីបណ្ដុះផ្នត់គំនិតមហាជន ពិសេសយុវជនឲ្យចូលរួមលេងកីឡាវាយសីឲ្យកាន់តែច្រើន ចូលរួមក្នុងការអភិវឌ្ឍធនធានវ័យក្មេងឲ្យកាន់តែសម្បូរ សម្រាប់ចូលរួមប្រកួតប្រជែងក្នុងព្រឹត្តិការណ៍កីឡាថ្នាក់ជាតិ និងឈានឆ្ពោះទៅការប្រកួតលើឆាកអន្ដរជាតិឲ្យទទួលបានជោគជ័យផងដែរ។ គួរដឹងថា ការប្រកួតនេះមាន ៣វិញ្ញាសារួមមានវិញ្ញាសាវាយគូបុរស-នារីកម្រិត A និងវិញ្ញាសាវាយគូបុរសកម្រិត B។ ចំពោះលទ្ធផលបច្ចេកទេសនៃការប្រកួតវិញ្ញាសាវាយគូបុរសកម្រិត A លេខ១ បានទៅកីឡាករ អេង ឧត្តម និង លាង ភីណា មកពីក្លិបវាយសី XP, លេខ២ បានទៅកីឡាករ ហ៊ិន ពិនរិទ្ធ និង ហាក់ ភក្តី មកពីក្លិបវាយសីខេត្តមណ្ឌលគិរី និងលេខ៣ បានទៅកីឡាករ ទេព ពុទ្ធោ និង ឃឹម នរៈវឌ្ឍនា មកពីក្លិប T-Badminton Court៕អត្ថបទ លី ឈុនឡា

ក្រុមនានាត្រៀមរួចជាស្រេចសម្រាប់ការប្រកួតបាល់ទាត់ពានរង្វាន់សម្តេចតេជោ ២០២៣

បាល់ទាត់៖ មកដល់ពេលនេះក្រុមនៅតាមបណ្តាខេត្តនានាបានត្រៀមរួចរាល់ សម្រាប់ការប្រកួតកីឡាបាល់ទាត់ពានរង្វាន់សម្តេចអគ្គមហាសេនាបតីតេជោ ហ៊ុន សែន លើកទី១៧ ឆ្នាំ២០២៣ ខណៈការប្រកួតផ្លូវការចាប់ផ្តើមធ្វើឡើងចុងខែនេះ។ ក្រោយសិក្ខាសាលាស្តីពីការប្រកួតដែលធ្វើឡើងនៅថ្ងៃទី០៦ ខែមីនា ឆ្នាំ២០២៣ លោក លឹម ឆាវរ៉ាត់ អ្នកចាត់ខេត្តកំពតបានប្រាប់ឱ្យដឹងថា ក្រុមរបស់លោកត្រៀមរួចរាល់ដើម្បីប្រជែងជើងឯកដំណាក់កាលខេត្ត។ រដូវកាលនេះ ខេត្តកំពតស្ថិតនៅក្នុងពូល A ជាមួយខេត្តកែប កំពង់ស្ពឺ ខេត្តព្រះសីហនុ និងភ្នំពេញហ្កាឡាក់ស៊ី។ កំពតត្រូវបើកការប្រកួតថ្ងៃទី២៨ ដោយជួបខេត្តព្រះសីហនុ។ លោក អ៊ីវ សារី ប្រធានការិយាល័យកីឡាខេត្តត្បូងឃ្មុំបានរៀបរាប់ពីការជ្រើសរើសក្រុមដើម្បីតំណាងខេត្ត សម្រាប់ប្រកួតពានរង្វាន់សម្តេចលើកនេះ ហើយឆ្នាំនេះនឹងមានការប្រកួតប្រជែងយ៉ាងតានតឹងដោយក្រុមទាំងអស់សុទ្ធតែត្រៀមបានល្អ។ ឆ្នាំ២០២៣នេះ ខេត្តត្បូងឃ្មុំស្ថិតនៅក្នុងពូល B ជាមួយកំពង់ឆ្នាំង ស្វាយរៀង កំពង់ចាម និងខេត្តកណ្តាល ហើយត្បូងឃ្មុំបើកការប្រកួតដោយត្រូវជួបខេត្តកំពង់ចាមថ្ងៃទី២៩ ខែមីនាខាងមុខនេះ។ ចំនែកលោក អ៊ួន ឧត្តម អគ្គលេខាធិការរបស់ក្លិបរបស់ខេត្តរតនៈគីរី អធិរាជដំរីឥសាន្ត បានលើកឡើងដែរថា ដើម្បីបានក្រុមសម្រាប់ប្រកួតនានាពេលនេះ គឺឆ្លងកាត់ការធ្វើតេស្ត ហើយភាគច្រើនជាយុវជន។ ឆ្នាំនេះលោកសង្កេតឃើញថា ក្រុមទាំងអស់សុទ្ធតែក្រុមល្អៗ ហើយមិនងាយស្រួលក្នុងការយកឈ្នះនោះទេ។ អធិរាជដំរីឥសាន្តស្ថិតនៅពូល D ជាមួយក្រុមខេត្តព្រះវិហារ ខេត្តមណ្ឌលគីរី ខេត្តសៀមរាប និងខេត្តកំពង់ធំហើយ រតនៈគីរីត្រូវប្រកួតដំបូងជួបខេត្តសៀមរាបថ្ងៃទី០៥ ខែមេសា ឆ្នាំ២០២៣ខាងមុខ។ ឯពូល C មានខេត្តពោធិសាត់ បាត់ដំបង សូហ្វីយ៉ាប៉ៃលិន បន្ទាយមានជ័យ និងខេត្តឧត្តរមានជ័យ។ សូមជម្រាបជូនថា ពានរង្វាន់សម្តេចតេជោឆ្នាំ២០២៣ ពានថ្នាក់ខេត្តមាន ២០ក្រុមចូលរួមប្រកួត បែងចែកជា ៤ពូលមួយពូលមាន ៥ក្រុម ដំណើរការប្រកួតពីថ្ងៃទី២៨ ខែមីនាដល់ថ្ងៃទី៧ ខែតុលា ឆ្នាំ២០២៣៕

Red Bull គ្រប់គ្រងជ័យជំនះនៅបារ៉ែន តែ Alonso ទទួលការចាប់អារម្មណ៍ខ្លាំងជាងគេ

ប្រណាំងរថយន្ត៖ រដូវកាលថ្មី ២០២៣ Formula One ពិភពលោកបានចាប់ផ្តើមហើយចេញពីទីលានដំបូងនៅប្រទេសបារ៉ែន។ ក្រុមការពារតំណែងជើងឯកពិភពលោក Red Bull ក៏ដូចជាអ្នកការពារតំណែងជើងឯកពិភពលោក Max Verstappen នៅតែគ្រប់គ្រងជ័យជំនះនៅបារ៉ែនតាមរយៈការបញ្ចប់ទីលេខ ១ និងលេខ ២ ដោយមិត្តរួមក្រុម Sergio Perez។ អ្វីដែលជាការកត់សំគាល់នៅជុំដំបូងនេះគឺអតីតជើងឯកពិភពលោក Fernando Alonso បានធ្វើឱ្យមានការចាប់អារម្មណ៍ក្នុងការប្រកួតនៅបារ៉ែននេះជាមួយនឹងរថយន្ត Aston Martin របស់គេ។ កីឡាករវ័យ ៤១ឆ្នាំរូបនេះធ្វើបានលឿនជាងគេក្នុងពេលសាកល្បងកាលពីថ្ងៃសុក្រ តែធ្វើមិនបានល្អនៅពេលប្រណាំងយកទីចេញដំណើរនៅថ្ងៃសៅរ៍។ តែការប្រកួតម្សិលមិញ Alonso ដែលចេញពីលំដាប់ថ្នាក់លេខ ៧ បានវ៉ាជែងគូប្រកួតរហូតឡើងមកដល់លេខ ៣ នៅទីបញ្ចប់ដើម្បីឈរលើវេទិកាកិត្តិយសជាលើកដំបូងតាំងពីឆ្នាំ២០១៣ ពោលគឺ ១០ឆ្នាំមុន។ អតីតកីឡាកររបស់ក្រុម Renault រូបនេះបានវ៉ាផុតជើងឯកពិភពលោក ៧ សម័យ Lewis Hamilton ដែលជាការវ៉ាជែងដ៏ស្វិតស្វាញរវាងអ្នកបើកបរជើងចាស់ទាំងពីរនាក់ មុនពេលដែលវ៉ាផុត George Russell និងចុងក្រោយវ៉ាផុតកីឡាកររបស់ Ferrari, Carlos Sainz ដើម្បីបានចំណាត់ថ្នាក់លេខ ៣។ ចំណែកឯជើងឯករងឆ្នាំមុន Charles Leclerc បានត្រឹមខកបំណងប៉ុណ្ណោះ ដោយមិនអាចបញ្ចប់ការប្រកួតបានដោយសារបញ្ហាគ្រឿងម៉ាស៊ីន។ សម្រាប់ទីលានទី ២ បន្ទាប់ពីបារ៉ែននេះ Formula One នឹងបន្តដំណើរទៅប្រទេសអារ៉ាប៊ីសាអ៊ូឌីតនៅថ្ងៃទី២០ ខែមីនានេះ៕អត្ថបទ៖នាង សុភាវុធ

Daniil Medvedev ឈ្នះ Andrey Rublev គ្រងជើងឯក Dubai Tennis Championships

វាយកូនបាល់៖ កីឡាករវាយកូនបាល់រុស្ស៊ី Daniil Medvedev បានយកឈ្នះមិត្តរួមជាតិ Andrey Rublev នៅវគ្គផ្តាច់ព្រ័ត្រដើម្បីគ្រងជើងឯក Dubai Tennis Championships ចុងសប្តាហ៍កន្លងទៅ។ កីឡាករវ័យ ២៧ឆ្នាំ Medvedev បានយកឈ្នះអ្នកការពារតំណែងជើងឯក Rublev មិនប្រើពេលច្រើនឡើយជាមួយនឹងលទ្ធផល ២សិតផ្ទួនៗ ៦-២ និង ៦-២។ មុនឡើងមកដល់វគ្គផ្តាច់ព្រ័ត្រគ្រងជើងឯកនេះ Daniil Medvedev បានយកឈ្នះកីឡាករលេខ ១ ពិភពលោក Novak Djokovic នៅវគ្គពាក់កណ្តាលផ្តាច់ព្រ័ត្រ និងបានបញ្ចប់ស្ថិតិមិនចាញ់សោះក្នុងឆ្នាំ២០២៣ របស់កីឡាករស៊ែបជើងឯក Australian Open រូបនេះផងដែរ។ Daniil Medvedev ដែលធ្លាប់ឈរលេខ ១ ពិភពលោកដែរនោះក៏បានបន្តស្ថិតិប្រកួតមិនចាញ់ក្នុងឆ្នាំ២០២៣ ដល់ ១៤ប្រកួតផងដែរដើម្បីគ្រងជើងឯកក្នុងកម្មវិធីសរុប ១៨លើកក្នុងអាជីព។ ងាកទៅការប្រកួតវគ្គផ្តាច់ព្រ័ត្រកម្មវិធីផ្សេងទៀត កីឡាករអូស្ត្រាលី Alex de Minaur បានវាយបកយកឈ្នះកីឡាករអាមេរិក Tommy Paul ដើម្បីគ្រងជើងឯក Mexican Open។ Alex de Minaur បានយកឈ្នះដោយលទ្ធផល ២សិតទល់នឹង ១ ពិន្ទុ ៣-៦ ៦-៤ និង ៦-១ ដើម្បីគ្រងជើងឯកធំបំផុតក្នុងអាជីព និងជាជើកនៅក្នុងក្របខណ្ឌ ATP 500 លើកដំបូងក្នុងអាជីពផងដែរ៕អត្ថបទ៖នាង សុភាវុធ

Ko Jin-young ក្លាយជាកីឡាការិនីវាយកូនគោលដំបូងអាចការពារពាន HSBC World Championship បាន

វាយកូនគោល៖ កីឡាការិនីកូរ៉េ Ko Jin-young បានក្លាយជាកីឡាការិនីវាយកូនគោលដំបូងគេដែលអាចការពារជើងឯកពានរង្វាន់ HSBC World Championship បានបន្ទាប់ពីជ័យជំនះនៅសិង្ហបុរី។ កីឡាការិនីលំដាប់លេខ ៥ ពិភពលោករូបនេះដែលធ្លាប់មានបញ្ហារបួសកដៃ ដែលរំខានការប្រកួតជាច្រើនកាលពីឆ្នាំ២០២២ នោះធ្វើបាន ៣អាន់ឌើផានៅថ្ងៃចុងក្រោយ និងសរុបរួម ១៧អាន់ឌើផាដើម្បីគ្រងជើងឯកពានជើងឯកពិភពលោក HSBC World Championship នេះបាន។ អ្នកលេខ២ ក្នុងការប្រកួតបានទៅកីឡាការិនីលំដាប់លេខ២ ពិភពលោក Nelly Korda ដែលធ្វើបានសរុប ១៥អាន់ឌើផា និងតាមពីក្រោយដោយកីឡាការិនីជប៉ុន Ayaka Furue ដែលធ្វើបាន ១៤អាន់ឌើផាស្មើគ្នាជាមួយកីឡាការិនីអាមេរិក Danielle Kang និង Allisen Corpuz។ ក្នុងនាមជើងឯកនេះ Ko Jin-young ទទួលបានប្រាក់រង្វាន់ ២៧០,០០០ដុល្លារអាមេរិក៕អត្ថបទ៖នាង សុភាវុធ

ក្មេងប្រុសជនជាតិស៊ីរីម្នាក់សម្រេចក្តីស្រមៃជួបជាមួយ Cristiano Ronaldo

បាល់ទាត់៖ ក្មេងប្រុសជនជាតិស៊ីរីម្នាក់បានសម្រេចក្តីស្រមៃរបស់ខ្លួន ក្នុងការប៉ុនប៉ងជួបជាមួយនិមិត្តរូបរបស់ខ្លួនគឺកីឡាករខ្សែប្រយុទ្ធព័រទុយហ្កាល់ Cristiano Ronaldo។ Nabil Saeed ដែលជាក្មេងប្រុសម្នាក់ក្នុងចំណោមអ្នករងគ្រោះដោយសារគ្រោះរញ្ជួយដីនៅទួកគី និងស៊ីរីបានបង្ហាញវីដេអូខ្លីនៅបណ្តាញសង្គមកាលពីខែកុម្ភៈ ក្រោយពីត្រូវបានជួយសង្គ្រោះចេញពីគំនរអគារត្រូវសង្កត់ពីលើ ដោយនិយាយថាចង់ជួបមុខម្ចាស់ជ័យលាភី Ballon D’Or, Cristiano Ronaldo ផ្ទាល់។ ចុងសប្តាហ៍កន្លងទៅ Nabil Saeed ត្រូវបានអញ្ជើញមកទស្សនាការប្រកួតផ្ទាល់របស់ Al Nassr នៅប្រទេសអារ៉ាប៊ីសាអ៊ូឌីត អបអរជ័យជំនះរបស់ Al Nassr លើ Al Batin ៣-១ នៅក្របខណ្ឌ Saudi Pro League។ Nabil Saeed បាននិយាយថា គេស្ទើរតែមិនជឿភ្នែករបស់គេបានឃើញ Ronaldo ផ្ទាល់ និងនៅតែគិតថាគេកំពុងនៅក្នុងសុបិន្តនៅឡើយ។ សូមបញ្ជាក់ថា គ្រោះរញ្ជួយដីដ៏កំណាចកម្រិត ៧.៨រិចឆ្ទ័រនៅទួកគី និងស៊ីរីបានឆក់យកជីវិតមនុស្សប្រមាណ ៥០,០០០នាក់ដែលក្នុងនោះមានប្រមាណ ៥៩០០នាក់នៅស៊ីរី៕អត្ថបទ៖នាង សុភាវុធ

កីឡាអេឡិចត្រូនិករកឃើញបេក្ខភាពត្រៀមស៊ីហ្គេម ២វិញ្ញាសាទៀត

កីឡាអេឡិចត្រូនិក៖ សហព័ន្ធកីឡាអេឡិចត្រូនិកកម្ពុជាបានបញ្ចប់ ការប្រកួតដំណើរឆ្ពោះទៅស៊ីហ្គេមលើកទី៣២ ឬ Road To Sea Games 32nd ឆ្នាំ២០២៣ ហើយ ក្រោយរកឃើញបេក្ខភាពក្រុមជើងឯក ២វិញ្ញាសាទៀតរួមមានវិញ្ញាសា VALORANT និងវិញ្ញាសា WILD RIFT ដែលទើបបញ្ចប់ការប្រកួតវគ្គផ្ដាច់ព្រ័ត្រកាលពីចុងសប្ដាហ៍កន្លងទៅ។ សម្រាប់វិញ្ញាសា VALORANT គឺក្រុម AG E-Sports បានគ្រងតំណែងជើងឯក បន្ទាប់ពីយកឈ្នះក្រុម D-ROAR ក្នុងលទ្ធផល ៣-០ គ្រាដែលវិញ្ញាសា WILD RIFT គឺក្រុម Team Max បានគ្រងជើងឯក បន្ទាប់ពីពួកគេបានយកឈ្នះក្នុងជំនួបដ៏ស្វិតស្វាញលើក្រុម Anxiety Crew ដោយលទ្ធផល ៣-១។ លោក លន់ សាមឌី អគ្គលេខាធិការសហព័ន្ធបានបញ្ជាក់ថា បេក្ខភាពជើងឯកទាំង ២ក្រុមសុទ្ធតែមានសមត្ថភាព តែដើម្បីប្រាកដក្រុមណា ឬកីឡាករណាខ្លះនឹងទទួលបានឱកាសតំណាងលេងស៊ីហ្គេម ពួកគេត្រូវឆ្លងកាត់ការប្រកួត Pre-Sea Games មួយជាមុនសិនដែលគ្រោងធ្វើឡើងនាពេលឆាប់ៗខាងមុខ។ ដោយឡែកលោក ធី វ៉ាយ អគ្គនាយកក្រុមហ៊ុន T.Y Media ដែលចូលរួមសហការរៀបចំព្រឹត្តិការណ៍នេះ បានសម្ដែងសេចក្ដីរីករាយដែលការប្រកួតដំណើរឆ្ពោះទៅស៊ីហ្គេមឆ្នាំ២០២៣ បានបញ្ចប់ដោយរលូន និងមានការចូលរួមច្រើនពីកីឡាករ-កីឡាការិនី ក៏ដូចជាក្រុមកីឡាអេឡិចត្រូនិកកម្ពុជា។ តាមរយៈនេះលោករំពឹងថានឹងក្លាយជាផ្នែកមួយ ដើម្បីឆ្ពោះទៅរកភាពជោគជ័យក្នុងព្រឹត្តិការណ៍ជាប្រវត្តិសាស្ដ្រនាពេលខាងមុខ។ សូមបញ្ជាក់ថា សម្រាប់ស៊ីហ្គេមឆ្នាំ២០២៣ ក្នុងនាមម្ចាស់ផ្ទះ សហព័ន្ធកីឡាអេឡិចត្រូនិកកម្ពុជាបានកំណត់វិញ្ញាសាចំនួន ៩ ដាក់ក្នុងព្រឹត្តិការណ៍ប្រវត្តិសាស្ដ្រនេះ ពោលគឺក្រៅពីវិញ្ញាសាក្រុម VALORANT និងវិញ្ញាសាក្រុម WILD RIFT គឺមានវិញ្ញាសា AK2 ក្រុម និងឯកត្តជន, PUBG Mobile ក្រុម និងឯកត្តជន, Mobile Legends: Bang Bang ក្រុមបុរស និងក្រុមនារី និងវិញ្ញាសា Cross Fire ជាក្រុម៕អត្ថបទ៖ លី ឈុនឡា

ពានរង្វាន់ប៉េតង់វ័យចាស់ក្លិបសន្ដិភាពទទួលបានការគាំទ្រខ្លាំង

ប៉េតង់៖ ការប្រកួតកីឡាប៉េតង់ពានរង្វាន់វ័យចាស់ក្លិបសន្ដិភាពឆ្នាំ២០២៣ បានបញ្ចប់ដោយជោគជ័យ និងទទួលបានការគាំទ្រជាខ្លាំងពីសំណាក់ថ្នាក់ដឹកនាំ និងក្រុមចូលរួម រហូតមានការជំរុញឲ្យមានការរៀបចំការប្រកួតរៀងរាល់ឆ្នាំទៀតផង។ ពានរង្វាន់កីឡាប៉េតង់វ័យចាស់នេះរៀបចំដោយក្លិបកីឡាប៊ូល និងប៉េតង់សន្ដិភាពនៅទីលានវិទ្យាល័យព្រះស៊ីសុវត្ថិ រាជធានីភ្នំពេញកាលពីថ្ងៃទី០៥ ខែមីនា ឆ្នាំ២០២៣ ម្សិលមិញ ដោយមាន ៣២ក្រុមចូលរួមប្រកួតលើវិញ្ញាសា ៣នាក់ ទល់នឹង ៣នាក់។ ថ្លែងក្នុងពិធីបើកការប្រកួតនេះ ឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ ប្រធានគណៈកម្មាធិការជាតិអូឡាំពិកកម្ពុជា និងជាអនុប្រធានអចិន្ដ្រៃយ៍ នៃគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានកោតសរសើរ និងវាយតម្លៃខ្ពស់ ចំពោះការបង្កើតឲ្យមានក្លិបកីឡាប៊ូល និងប៉េតង់វ័យចាស់នេះឡើង ពិសេសការបង្កើតឲ្យមានពានរង្វាន់វ័យចាស់ផ្ទាល់តែម្ដង។ ឯកឧត្តមរដ្ឋមន្ដ្រីមានប្រសាសន៍ថា ការប្រកួតនេះគឺជាការរៀបចំដ៏ប្រពៃ ដើម្បីបង្កើតឱកាសជួបជុំលេងកីឡាដើម្បីសុខភាព មិត្តភាព សាមគ្គីភាព ហើយរួមចំណែកការពារសន្ដិភាព និងអភិវឌ្ឍន៍សង្គម ស្របតាមអនុសាសន៍ណែនាំរបស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ដែលជំរុញឲ្យប្រជាជនម្នាក់ត្រូវចេះលេងកីឡាមួយប្រភេទប្រចាំជីវិត ដើម្បីលើកកម្ពស់សុខុមាលភាពសង្គមផង ហើយក៏ដើម្បីអបអរសាទរព្រឹត្តិការណ៍ជាប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជាផងដែរ។ ឯកឧត្តមបណ្ឌិត សោម ចិន អ្នកតំណាងរាស្ដ្រខេត្តកំពត និងជាប្រធានក្លិបកីឡាប៊ូល និងប៉េតង់សន្ដិភាពមានប្រសាសន៍ថា ការរៀបចំពានរង្វាន់វ័យចាស់នេះផ្ដោតលើគោលបំណងសំខាន់ ៣ ទី១-បំផុសការប្រកួតកីឡាករវ័យ ៥០ឆ្នាំឡើង ទី២-រឹតចំណងមិត្តភាព សាមគ្គីភាព រវាងខេត្ត-ក្រុង ក្រសួង និងស្ថាប័នពាក់ព័ន្ធ និងទី៣-ធ្វើជាគំរូសម្រាប់ការបណ្ដុះបណ្ដាលថ្នាលបន្ដវេនឲ្យកាន់តែច្រើន និងចៀសឆ្ងាយពីគ្រឿងញៀន។ ចំពោះលទ្ធផលនៃការប្រកួតកីឡាប៉េតង់វ័យចាស់ក្លិបសន្ដិភាពឆ្នាំ២០២៣ នេះ គឺចំណាត់ថ្នាក់លេខ១ បានទៅក្លិបប៉េតង់វ័យចាស់ខេត្តកែប(១), លេខ២ បានទៅក្លិបខេត្តកំពត និងលេខ៣ ស្ទួនបានទៅក្លិបសន្ដិភាព(២) និងក្លិបខេត្តកែប(២)៕អត្ថបទ៖ លី ឈុនឡា

អាជ្ញាធរ Los Angeles ព្រមបង់ប្រាក់ ២៩លានដុល្លារដល់ភរិយា Kobe Bryant ជុំវិញរឿងរូបថតនៃឧបទ្ទវហេតុ

បាល់បោះ៖ អាជ្ញាធរក្រុង Los Angeles បានយល់ព្រមបង់ប្រាក់ឱ្យភរិយា Kobe Bryant ជិត ២៩លានដុល្លារអាមេរិក បន្ទាប់ពីអ្នកឆ្លើយតបដំបូងបានចែករំលែករូបថតដ៏គួរឱ្យរន្ធត់ នៃការធ្លាក់ឧទ្ធម្ភាគចក្រដែលបានសម្លាប់តារាឆ្នើមរបស់ NBA។ Bryant និងកូនស្រី Gianna និងមនុស្ស ៧នាក់ផ្សេងទៀតបានស្លាប់ នៅពេលដែលឧទ្ធម្ភាគចក្ររបស់ពួកគេបានបុកជ្រលងភ្នំក្បែរទីក្រុង Los Angeles កាលពីខែមករា ឆ្នាំ២០២០។ មន្ត្រីមានសមត្ថកិច្ច និងក្រុមពន្លត់អគ្គីភ័យដែលបានប្រញាប់ប្រញាល់ទៅកន្លែងកើតហេតុបានផ្តិតយករូបភាពនៃសាកសព រួមទាំងបំណែកសាកសពវីរៈបុរសបាល់បោះរបស់ក្លិប Los Angeles Lakers រួមជាមួយកូនស្រី។ ស្ត្រីមេម៉ាយដែលជាភរិយារបស់ Kobe Bryant អ្នកស្រី Vanessa បានប្តឹងទាមទារការខូចខាតផ្លូវចិត្តជុំវិញរូបភាពដ៏សោកសង្រេងទាំងអស់នោះ ដែលនាងខ្លាចថ្ងៃណាមួយនឹងបែកធ្លាយលើអ៊ីនធឺណិត។ នៅពេលនេះអាជ្ញាធរ Los Angeles បានយល់ព្រមបង់ប្រាក់ចំនួន ២៨.៨៥លានដុល្លារអាមេរិក ដើម្បីដោះស្រាយរាល់វិវាទដែលទាក់ទងនឹងការធ្លាក់យន្តហោះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ក្រសួងអេស្ប៉ាញ៖ ជនអន្តោប្រវេសន៍ជាង ២៥.០០០នាក់ បានវិលត្រឡប់ទៅម៉ារ៉ុកវិញពីដែនដី Ceuta

[UPDATE]ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

របាយការណ៍៖ ណាតូចង់ពង្រីកខែលការពារនុយក្លេអ៊ែរ នៅអឺរ៉ុប ក្នុងពេលមានការគំរាមកំហែងពីរុស្ស៊ី

មនុស្ស ២៥នាក់ស្លាប់ និង ៤៤នាក់រងរបួស ក្នុងគ្រោះថ្នាក់រថយន្តក្រុង នៅភាគខាងជើងអាល់ហ្សេរី

មន្រ្តី UN៖ អាមេរិកឡាទីន នឹងមើលឃើញបាតុភូតអែល នីញ៉ូដ៏ខ្លាំងកា្លបំផុត

អ្នកឡើងភ្នំ ១០នាក់ ដឹកនាំដោយអ្នកឡើងភ្នំដ៏ល្បីល្បាញម្នាក់របស់នេប៉ាល់ បាត់ខ្លួននៅលើភ្នំប៉ាគីស្ថាន

ភ្លើងឆេះព្រៃបំផ្លាញចម្ការផ្លែបឺរនៅអេស្ប៉ាញ និងគំរាមកំហែងដល់ការប្រមូលផលរយៈពេលច្រើនឆ្នាំ

BREAKING NEWS | ជនអន្តោប្រវេសន៍ប្រហែល ៦០.០០០នាក់ ចូលដែនដី Ceuta របស់អេស្ប៉ាញ ខណៈមានអ្នកស្លាប់ ៣៤នាក់

ជនប៉ាឡេស្ទីន មានមន្ទិលសង្ស័យ ក្រោយលោក Trump ប្រកាសកិច្ចព្រមព្រៀងរំសាយអាវុធក្រុមហាម៉ាស

កូរ៉េខាងត្បូងកត់ត្រាសីតុណ្ហភាពខ្ពស់បំផុតមិនធ្លាប់មាន ៤១,៤អង្សាសេ ខណៈរលកកម្ដៅកាន់តែខ្លាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ស្ថាបនិក Flying Bike Super Cross រីករាយជាមួយជោគជ័យនៃការរៀបចំឡើងវិញ

ក្លិប Inter រៀបចំពានរង្វាន់ដើម្បីរួមចំណែកអភិវឌ្ឍន៍វិស័យកីឡាវាយសីកម្ពុជា

ក្រុមនានាត្រៀមរួចជាស្រេចសម្រាប់ការប្រកួតបាល់ទាត់ពានរង្វាន់សម្តេចតេជោ ២០២៣

Red Bull គ្រប់គ្រងជ័យជំនះនៅបារ៉ែន តែ Alonso ទទួលការចាប់អារម្មណ៍ខ្លាំងជាងគេ

Daniil Medvedev ឈ្នះ Andrey Rublev គ្រងជើងឯក Dubai Tennis Championships

Ko Jin-young ក្លាយជាកីឡាការិនីវាយកូនគោលដំបូងអាចការពារពាន HSBC World Championship បាន

ក្មេងប្រុសជនជាតិស៊ីរីម្នាក់សម្រេចក្តីស្រមៃជួបជាមួយ Cristiano Ronaldo

កីឡាអេឡិចត្រូនិករកឃើញបេក្ខភាពត្រៀមស៊ីហ្គេម ២វិញ្ញាសាទៀត

ពានរង្វាន់ប៉េតង់វ័យចាស់ក្លិបសន្ដិភាពទទួលបានការគាំទ្រខ្លាំង

អាជ្ញាធរ Los Angeles ព្រមបង់ប្រាក់ ២៩លានដុល្លារដល់ភរិយា Kobe Bryant ជុំវិញរឿងរូបថតនៃឧបទ្ទវហេតុ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ស្ថាបនិក​ Flying Bike Super Cross ​រីករាយ​ជាមួយ​ជោគជ័យ​នៃ​ការរៀបចំ​ឡើងវិញ​

ក្លិប​ Inter ​រៀបចំ​ពានរង្វាន់ដើម្បី​រួមចំណែក​អភិវឌ្ឍន៍​វិស័យ​កីឡា​វាយ​សី​កម្ពុជា​

ក្រុម​នានា​ត្រៀម​រួចជាស្រេច​សម្រាប់​ការប្រកួត​បាល់ទាត់​ពាន​រង្វាន់​សម្តេច​តេ​ជោ ២០២៣

Red Bull គ្រប់គ្រង​ជ័យជំនះ​នៅ​បា​រ៉ែ​ន​ តែ Alonso ទទួល​ការចាប់អារម្មណ៍​ខ្លាំងជាងគេ​

Daniil Medvedev ឈ្នះ Andrey Rublev គ្រង​ជើងឯក Dubai Tennis Championships

Ko Jin-young ក្លាយជា​កីឡាការិនី​វាយកូនគោល​ដំបូង​អាច​ការពារ​ពាន HSBC World Championship បាន​

ក្មេងប្រុស​ជនជាតិ​ស៊ី​រី​ម្នាក់​សម្រេច​ក្តី​ស្រមៃ​ជួប​ជាមួយ Cristiano Ronaldo

កីឡា​អេឡិចត្រូនិក​រក​ឃើញ​បេក្ខភាព​ត្រៀម​ស៊ី​ហ្គេម ២​វិញ្ញាសា​ទៀត​

ពានរង្វាន់​ប៉េតង់​វ័យចាស់​ក្លិប​សន្ដិភាព​ទទួលបាន​ការគាំទ្រ​ខ្លាំង​

អាជ្ញាធរ Los Angeles ព្រម​បង់​ប្រាក់ ២៩​លាន​ដុល្លារ​ដល់​ភរិយា Kobe Bryant ជុំវិញ​រឿង​រូបថត​នៃ​ឧបទ្ទវហេតុ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្ថាបនិក Flying Bike Super Cross រីករាយជាមួយជោគជ័យនៃការរៀបចំឡើងវិញ

ក្លិប Inter រៀបចំពានរង្វាន់ដើម្បីរួមចំណែកអភិវឌ្ឍន៍វិស័យកីឡាវាយសីកម្ពុជា

ក្រុមនានាត្រៀមរួចជាស្រេចសម្រាប់ការប្រកួតបាល់ទាត់ពានរង្វាន់សម្តេចតេជោ ២០២៣

Red Bull គ្រប់គ្រងជ័យជំនះនៅបារ៉ែន តែ Alonso ទទួលការចាប់អារម្មណ៍ខ្លាំងជាងគេ

Daniil Medvedev ឈ្នះ Andrey Rublev គ្រងជើងឯក Dubai Tennis Championships

Ko Jin-young ក្លាយជាកីឡាការិនីវាយកូនគោលដំបូងអាចការពារពាន HSBC World Championship បាន

ក្មេងប្រុសជនជាតិស៊ីរីម្នាក់សម្រេចក្តីស្រមៃជួបជាមួយ Cristiano Ronaldo

កីឡាអេឡិចត្រូនិករកឃើញបេក្ខភាពត្រៀមស៊ីហ្គេម ២វិញ្ញាសាទៀត

ពានរង្វាន់ប៉េតង់វ័យចាស់ក្លិបសន្ដិភាពទទួលបានការគាំទ្រខ្លាំង

អាជ្ញាធរ Los Angeles ព្រមបង់ប្រាក់ ២៩លានដុល្លារដល់ភរិយា Kobe Bryant ជុំវិញរឿងរូបថតនៃឧបទ្ទវហេតុ