BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Ronnie O’Sullivan Judd Trump និង John Higgins ឡើងវគ្គ ៣២នាក់ចុងក្រោយស្នូកឃ័រ Welsh Open

ស្នូកឃ័រ៖ កីឡាករស្នូកឃ័រលេខ ១ ពិភពលោក Ronnie O’Sullivan បានបន្តដំណើរឡើងវគ្គ ៣២នាក់ចុងក្រោយនៃការប្រកួតពានរង្វាន់ Welsh Open ក្រោយយកឈ្នះ Rod Lawler ៤-០ហ្វ្រេម។ មិនមែនជាការប្រកួតដ៏ល្អឡើយសម្រាប់ O’Sullivan ដែលខកខានឱកាសវាយបញ្ចូលឡូជាច្រើនលើក តែនៅតែអាចយកឈ្នះគូប្រកួត Rod Lawler បាន។ កីឡាករវ័យ ៤៧ឆ្នាំ Ronnie O’Sullivan នឹងបន្តទៅវគ្គ ៣២នាក់ចុងក្រោយដោយនឹងត្រូវជួបជាមួយកីឡាករវ័យ ១៨ឆ្នាំប៊ែលហ្ស៊ិក Ben Mertens។ ងាកមកការប្រកួតផ្សេងទៀត កីឡាករអង់គ្លេស Judd Trump ក៏បានបន្តដំណើរទៅមុខដែរក្រោយយកឈ្នះ Louis Heathcote ៤-២ហ្វ្រេម រួមដំណើរជាមួយនឹង Mark Allen និង John Higgins តែ Mark Selby ធ្លាក់ពីការប្រកួតហើយក្រោយចាញ់ Robert Milkins ស្របពេលដែលអ្នកការពារតំណែងជើងឯក Joe Perry ក៏ធ្លាក់ដែរដោយចាញ់ Robbie Williams ៤-១ហ្វ្រេម៕អត្ថបទ៖នាង សុភាវុធ

Dortmund បន្តឈ្នះ ៧ប្រកួតជាប់គ្នា ខណៈ Chelsea មានឱកាសតែគ្មានសំណាង

បាល់ទាត់៖ ក្រុមដែលកំពុងមានទម្រង់លេងល្អ Borussia Dortmund បានបន្តស្ថិតិឈ្នះ ៧ប្រកួតជាប់គ្នាក្រោយយកឈ្នះ Chelsea ១-០ ជើងទី១ វគ្គ ១៦ក្រុមចុងក្រោយ UEFA Champions League។ តោខៀវ Chelsea ដែលកំពុងមានសំពាធខ្លាំងធ្លាក់មកលើអ្នកចាត់ការ Graham Potter មានឱកាសជាច្រើនតែគ្មានសំណាងជាពិសេសឱកាសរបស់ Joao Felix ពីរលើកស៊ុតរំលងរបាទី និងស៊ុតបុករបាទី ក៏ដូចជាឱកាសរបស់ Reece James ស៊ុត Freekick សង្គ្រោះបានដោយអ្នកចាំទី និងឱកាសម្តងទៀតរបស់ James ដដែលជួយបានដោយអ្នកចាំទី។ ក្នុងពេលដែល Chelsea ព្យាយាមសម្រុកខ្លាំងរកគ្រាប់បាល់ Dortmund មានឱកាសវាយបកមួយលើក Karim Adeyemi ប្រើបច្ចេកទេសដ៏អស្ចារ្យរបស់ខ្លួនអូសបាល់ម្នាក់ឯងជាងពាក់កណ្តាលទី ញាក់ដាច់ Enzo Fernandez និងអ្នកចាំទី Kepa ស៊ុតបញ្ចូលទីគ្រាប់ជ័យជំនះបានសំរេចនៅនាទីទី៦៣។ Koulibali ស្ទើតែរកគ្រាប់បាល់តាមស្មើបានទៅហើយ តែសង្គ្រោះបានដោយខ្សែការពារ Emre Can នៅលើខ្សែបន្ទាត់។ ចប់ការប្រកួត Chelsea បានត្រឹមសោកស្តាយក្នុងបរាជ័យ ១-០ នេះ និងត្រូវរង់ចាំត្រលប់ទៅជើងទី២ ក្នុងទឹកដីរបស់ខ្លួនវិញនៅថ្ងៃទី៧ ខែមីនា។ ចំណែកមួយប្រកួតទៀតយប់មិញដែរ ក្រុមភ្ញៀវព័រទុយហ្កាល់ Benfica នៅតែបន្តធ្វើបានល្អនៅ UCL ក្រោយយកឈ្នះនៅទឹកដី Club Bruges ២-០ ដោយគ្រាប់បាល់របស់ Joao Mario និង David Neres នៅវគ្គទី២។ បរាជ័យនេះសម្រាប់ Club Bruges មានន័យថា លោក Scott Parker ដែលមកកាន់តំណែងកាលពីខែធ្នូនោះដឹកនាំក្រុមឈ្នះតែ ១ប្រកួតប៉ុណ្ណោះក្នុងចំណោម ៨ប្រកួតក្នុងតំណែង៕អត្ថបទ៖នាង សុភាវុធ

Manchester City ឈ្នះ Arsenal ឡើងឈរលេខ ១ នៅ Premier League លើកដំបូងតាំងពីខែវិច្ឆិកា

បាល់ទាត់៖ ទីបំផុតក្រុមការពារតំណែងជើងឯក Manchester City បានត្រលប់ឡើងមកឈរកំពូលតារាងនៅ English Premier League លើកដំបូងតាំងពីខែវិច្ឆិកា ក្រោយយកឈ្នះនៅទឹកដីកាំភ្លើងធំ Arsenal ៣-១។ បន្ទាប់ពីការនាំមុខមុនដោយ Manchester City នៅវគ្គទី១ ដោយ Kevin de Bruyne នាទីទី២៤ Arsenal ក៏តាមស្មើវិញនៅចុងវគ្គទី១ ដោយបាល់ ១១ ម៉ែត្ររបស់ Bukayo Saka ធ្វើឱ្យការប្រកួតកាន់តែល្អមើល។ បន្ទាប់ពីវគ្គទី១ ដែលគ្រប់គ្រងបាល់ច្រើនដោយ Arsenal ឈានដល់វគ្គទី២ Manchester City បានកែប្រែប្រព័ន្ធលេង និងមានឱកាសរកគ្រាប់បាល់នាំមុខម្តងទៀតក្រោយកំហុងរបស់ Gabriel ធ្វើឱ្យ Bernardo Silva និង Haaland បង្កើតឱកាសឱ្យ Jack Grealish ស៊ុតបញ្ចូលទីបានសម្រេចនៅនាទីទី៧២ មុនពេលដែល Erling Haaland បញ្ចប់ក្តីសង្ឃឹមរបស់ Arsenal នៅនាទីទី៨២។ ជ័យជំនះនេះធ្វើឱ្យ Manchester City ឡើងឈរកំពូលតារាងនៅ English Premier League ជាលើកដំបូងតាំងពីខែវិច្ឆិកាដោយគ្រាប់បាល់ចំណេញច្រើនជាងជាមួយនឹង ៥១ពិន្ទុស្មើជាមួយ Arsenal តែក្រុមរបស់ Mikel Arteta នៅសល់មួយប្រកួតក្នុងដៃ។ Arsenal នឹងត្រូវទៅទឹកដី Aston Villa ថ្ងៃសៅរ៍នេះ ខណៈ Manchester City ទៅទឹកដី Nottingham Forest៕អត្ថបទ៖នាង សុភាវុធ

ការព្យាបាលរបួសឥតគិតថ្លៃធ្វើឲ្យកីឡាករ-កីឡាការិនីកាន់តែមានទំនុកចិត្តត្រៀមស៊ីហ្គេម

ស៊ីហ្គេម៖ ការយកចិត្តទុកដាក់មើលថែ និងព្យាបាលដោយឥតគិតថ្លៃដល់កីឡាករ-កីឡាការិនីគឺជាចំណុចយុទ្ធសាស្ត្រសំខាន់ដើម្បីបង្កើនការហ្វឹកហាត់ និងគុណផលកីឡាកម្រិតខ្ពស់ ពិសេសដើម្បីត្រៀមការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ខាងមុខ។នេះបើតាមការបញ្ជាក់របស់ថ្នាក់ដឹកនាំ មន្ដ្រី និងគ្រូកីឡា បន្ទាប់ពីសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាឲ្យរដ្ឋមន្ដ្រីក្រសួងសុខាភិបាលរៀបចំគ្រែពី ១០០ ទៅ ២០០គ្រែនៅមន្ទីរពេទ្យជាតិ តេជោសន្ដិភាព សម្រាប់ព្យាបាលកីឡាករ-កីឡាការិនីដែលរងរបួសដោយសារការប្រកួត ដោយឥតគិតថ្លៃកាលថ្ងៃទី១៥ ខែកុម្ភៈ ឆ្នាំ២០២៣ ម្សិលមិញ។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ មានប្រសាសន៍ថា ការយកចិត្តទុកដាក់ដ៏ខ្ពង់ខ្ពស់នេះគឺជាការជំរុញ និងលើកទឹកចិត្តដ៏សំខាន់ដល់កីឡាករ-កីឡាការិនី ពិសេសក្នុងដំណាលកាលខិតជិតដល់ព្រឹត្តិការណ៍ជាប្រវត្តិសាស្ដ្រនាពេលខាងមុខ។ ដោយឡែកអតីតម្ចាស់មេដាយមាសស៊ីហ្គេម និងជាគ្រូបង្វឹកកីឡាចំបាប់ជម្រើសជាតិ លោកស្រី ចូវ សុធារ៉ា បានគូសបញ្ជាក់ថា នេះគឺជាការយកចិត្តទុកដាក់ដ៏ធំធេងសម្រាប់អ្នកកីឡាករ ដែលប្រឈមនឹងរបួសស្នាមនានា។ តាមរយៈនេះលោកស្រីរំពឹងថា កីឡាករ-កីឡាការិនីនឹងខិតខំហ្វឹកហាត់ដោយលែងព្រួយបារម្ភ ដើម្បីត្រៀមការប្រកួតនានា និងដណ្ដើមមេដាយជូនជាតិ។រីឯលោក ណយ ផាណា អគ្គលេខាធិការសហព័ន្ធ និងជាគ្រូបង្វឹកកីឡាកាយសម្ព័ន្ធជម្រើសជាតិកម្ពុជា បានលើកឡើងស្រដៀងគ្នាថា ការយកចិត្តទុកដាក់ដ៏ខ្ពង់ខ្ពស់នេះ សបញ្ជាក់ឲ្យឃើញពីការគិតគូរដ៏ច្បាស់លាស់របស់ប្រមុខរាជរដ្ឋាភិបាល ដើម្បីលើកកម្ពស់គុណផលកីឡាកម្រិតខ្ពស់ឆ្ពោះទៅរកឧត្តមភាពជូនជាតិ ពិសេសការប្រកួតកីឡស៊ីហ្គេមនាពេលខាងមុខ។ ជាមួយគ្នាដែរ លោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជាបានលើកឡើងថា ការយកចិត្តទុកដាក់របស់សម្ដេចតេជោនាយករដ្ឋមន្ដ្រី បានធ្វើឲ្យកីឡាករ-កីឡាការិនីមានភាពកក់ក្ដៅ និងឆន្ទៈខ្ពស់ ដើម្បីអភិវឌ្ឍន៍សមត្ថភាពឆ្ពោះទៅប្រកួតប្រជែងមេដាយជូនជាតិ។ ដូច្នេះចាប់ពីពេលនេះតទៅ កីឡាករ-កីឡាការិនីទាំងអស់នឹងហ្វឹកហាត់ដោយទំនុកចិត្តលែងព្រួយបារម្ភទៀតហើយ។សូមបញ្ជាក់ថា បន្ទាប់ពីសម្ដេចតេជោ ហ៊ុន សែន បានមើលឃើញពីទុក្ខលំបាករបស់កីឡាករ-កីឡាការិនីមួយចំនួន ក្នុងការព្យាបាលតាមមន្ទីរពេទ្យរដ្ឋ និងឯកជន រាប់ទាំងការចំណាយផង សម្ដេចតេជោនាយករដ្ឋមន្ដ្រី និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ក៏បានបញ្ជាឲ្យមានការរៀបចំកន្លែងព្យាបាលដោយឥតគិតថ្លៃដល់កីឡាករ-កីឡាការិនីមានរបួស ដើម្បីជាការជួយសម្រួលដល់ការខ្វះខាត និងការលំបាកផ្សេងៗផង ក៏ដូចជារួមចំណែកដល់ការត្រៀមលក្ខណៈសម្បត្ដិរបស់ក្រុមអត្តពលិកកម្ពុជា សម្រាប់ត្រៀមការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះនាពេលឆាប់ៗខាងមុខផង៕អត្ថបទ៖ លី ឈុនឡា

កីឡាករ-កីឡាការិនីការ៉ាតេប្ដេជ្ញាធ្វើឲ្យបានល្អនៅស៊ីហ្គេម ក្រោយទទួលបានការលើកទឹកចិត្តពីរាជរដ្ឋាភិបាល

ការ៉ាតេ៖ កីឡាករ-កីឡាការិនីការ៉ាតេជម្រើសជាតិកម្ពុជា បានប្ដេជ្ញានឹងខំប្រឹងធ្វើឲ្យបានល្អបំផុតនៅក្នុងការប្រកួតកីឡាស៊ីហ្គេមឆ្នាំ២០២៣ ខាងមុខ បន្ទាប់ពីពួកគេទទួលបានការប្រាក់រង្វាន់លើកទឹកចិត្តរបស់រាជរដ្ឋាភិបាលកម្ពុជា ចំពោះការដណ្ដើមបានមេដាយក្នុងការប្រកួតជើងឯកអាស៊ី និងជើងឯកអាស៊ីអាគ្នេយ៍កាលពីឆ្នាំ២០២១ និងឆ្នាំ២០២២ កន្លងទៅ។ ម្ចាស់មេដាយមាសជើងឯកអាស៊ីអាគ្នេយ៍ឆ្នាំ២០២២ កីឡាករ ស្រៀង វិរៈ និងកីឡាការិនី លឹម សុខវិច្ឆិកា ម្ចាស់មេដាយសំរឹទ្ធជើងឯកអាស៊ីឆ្នាំ២០២១ បានបញ្ជាក់ថា បច្ចុប្បន្នខ្លួនកំពុងត្រៀមខ្លួនបានល្អ បន្ទាប់ពីការខិតខំហ្វឹកហាត់ដោយយកទុកដាក់។ ដូច្នេះស្របពេលរាជរដ្ឋាភិបាលបានយកចិត្តទុកដាក់ និងផ្ដល់ប្រាក់រង្វាន់ បានធ្វើឲ្យពួកគេកាន់តែមានទំនុកចិត្តបន្ថែមទៀតសម្រាប់ការប្រកួតស៊ីហ្គេមនាពេលខាងមុខ។ សូមរំលឹកថា ថ្មីៗនេះតាមរយៈក្រសួងអប់រំ យុវជន និងកីឡា រាជរដ្ឋាភិបាលកម្ពុជាបានផ្ដល់រង្វាន់លើទឹកចិត្តសរុប ២៨៦លានរៀលដល់ជយលាភីកីឡាការ៉ាតេ នៃការប្រកួតអន្ដរជាតិចំនួន ២ព្រឹត្តិការណ៍គឺការប្រកួតកីឡាការ៉ាតេជ្រើសរើសជើងឯកអាស៊ីលើកទី១៧ ឆ្នាំ២០២១ នៅទីក្រុងអាល់ម៉ានី ប្រទេសកាហ្សាក់ស្ថាន ដែលដណ្ដើមបានមេដាយសំរឹទ្ធ ២គ្រឿង និងការប្រកួតកីឡាការ៉ាតេជ្រើសជើងឯកអាស៊ីអាគ្នេយ៍លើកទី៩ ឆ្នាំ២០២២ នៅរាជធានីភ្នំពេញ ដណ្ដើមបានមេដាយសរុប ៧គ្រឿងរួមមានមេដាយមាស ១ ប្រាក់ ១ និងសំរឹទ្ធ ៥៕អត្ថបទ៖ លី ឈុនឡា

Valencia តែងតាំងអតីតខ្សែបម្រើ Ruben Baraja ជាអ្នកចាត់ការថ្មី

បាល់ទាត់៖ ក្រុមដែលកំពុងដុនដាបនៅ La Liga, Valencia បានប្រកាសតែងតាំងអ្នកចាត់ការថ្មីដែលជាអតីតខ្សែបម្រើរបស់ខ្លួន Ruben Baraja ជំនួសតំណែងលោក Gennaro Gattuso ដែលត្រូវបានបណ្តេញចេញ។ បុរសវ័យ ៤៧ឆ្នាំរូបនេះបានក្លាយជាអ្នកចាត់ការទី១០ របស់ Valencia ក្នុងរយៈពេល ៩ឆ្នាំចុងក្រោយ បន្ទាប់ពីលោក Gennaro Gattuso ត្រូវដកតំណែងក្រោយដឹកនាំបានត្រឹម ៧ខែ។ Ruben Baraja ធ្លាប់ជាកីឡាកររបស់ Valencia ចន្លោះឆ្នាំ២០០០ ដល់ ២០១០ បង្ហាញខ្លួនសរុប ៣៦៤លើក និងធ្លាប់ជាប់ជម្រើសជាតិអេស្ប៉ាញ ៤៣លើកផងដែរ។ មុនទទួលបានតំណែងនៅ Valencia នេះ Baraja ក៏ធ្លាប់ដឹកនាំក្លិបមួយចំនួនដែរ តែនៅក្នុងទឹកដីអេស្ប៉ាញប៉ុណ្ណោះរួមមាន Elche, Rayo Vallecano, Sporting Gijon, Tenerife និង Real Zaragoza។ Valencia ដែលចាញ់ ៦ប្រកួតក្នុងចំណោម ៧ប្រកួតចុងក្រោយនៅក្នុងលីគនោះកំពុងឈរលេខ៣ រាប់ពីក្រោមមកវិញ៕អត្ថបទ៖នាង សុភាវុធ

ម្ចាស់ផ្ទះអាមេរិក កាណាដា និងម៉ិកស៊ិកទទួលបានកៅអីស្វ័យប្រវត្តិនៅ World Cup 2026

បាល់ទាត់៖ ក្រុមបាល់ទាត់ជម្រើសជាតិអាមេរិក កាណាដា និងម៉ិកស៊ិកនឹងទទួលបានកៅអីដោយស្វ័យប្រវត្តិនៅព្រឹត្តិការណ៍បាល់ទាត់ពិភពលោក FIFA World Cup 2026 ក្នុងនាមជាម្ចាស់ផ្ទះ។ ប្រទេសទាំងបីនេះទទួលបានសិទ្ធិរៀបចំ World Cup តាមរយៈការដាក់ដេញថ្លៃរួមគ្នា ហើយក៏ជាលើកដំបូងផងដែរដែល FIFA មានប្រទេសម្ចាស់ផ្ទះបីរួមគ្នារៀបចំ World Cup។ ព្រឹត្តិការណ៍ ៤ឆ្នាំម្តងនេះនឹងមានការពង្រីកឱ្យមានក្រុមចូលរួមពីធម្មតា ៣២ក្រុមទៅ ៤៨ក្រុមនៅឆ្នាំ២០២៦ ខាងមុខ ខណៈអាមេរិកកណ្តាល និងខាងជើងឯក CONCACAF នឹងទទួលបានកៅអី ៣ផ្សេងទៀតតាមរយៈការជម្រុះ។ ជាមួយគ្នានោះដែរ FIFA ក៏បានឱ្យដឹងដែរថា ប្រទេសម្ចាស់ផ្ទះ World Cup 2030 នឹងត្រូវប្រកាសនៅឆ្នាំក្រោយ ដែលរួមមានបេក្ខភាពមកពីអាមេរិកខាងត្បូង អ៊ុយរូហ្កាយ ប៉ារ៉ាហ្កាយ អាហ្សង់ទីន និងស៊ីលីរួមគ្នា អេស្ប៉ាញ-ព័រទុយហ្កាល់-អ៊ុយក្រែនរួមគ្នា និងបេក្ខភាពចុងក្រោយគឺម៉ារ៉ុក៕អត្ថបទ៖នាង សុភាវុធ

Dominic Dale ទំលាក់ Neil Robertson ស្រួលៗនៅការប្រកួតស្នូកឃ័រ Welsh Open

ស្នូកឃ័រ៖ កីឡាករស្នូកឃ័រលំដាប់លេខ៤ ពិភពលោក Neil Robertson បានធ្លាក់ចេញពីព្រឹត្តិការណ៍ Welsh Open គួរឱ្យភ្ញាក់ផ្អើលក្រោមស្នាដៃកីឡាករម្ចាស់ផ្ទះវែល Dominic Dale ៤-០ហ្វ្រេម។ បរាជ័យរបស់កីឡាករអូស្ត្រាលីក្រោមស្នាដៃកីឡាករលំដាប់លេខ៥៦ ពិភពលោក Dominic Dale ក៏បានន័យថា Neil Robertson នឹងត្រូវខកខានមិនអាចចូលរួមការប្រកួត Players Championship នៅសប្តាហ៍ក្រោយក្នុងនាមជាអ្នកការពារជើងឯកផងដែរ។ មិនត្រឹមតែ Neil Robertson កីឡាករម្ចាស់ផ្ទះមួយរូបទៀត Mark Williams ជើងឯកពិភព លោក ៣សម័យបានរងបរាជ័យក្រោមស្នាដៃកីឡាករមិត្តរួមជាតិ Jak Jones ៤-៣ហ្វ្រេម។ លទ្ធផលផ្សេងទៀត Ronnie O’Sullivan យកឈ្នះកីឡាករស្កុតឡែន Ross Muir ៤-៣ហ្វ្រេម ស្របពេលដែលអ្នកការពារតំណែងជើងឯក Joe Perry យកឈ្នះ Mark Joyce ៤-១ហ្វ្រេម និង Shaun Murphy យកឈ្នះកីឡាករចិន Peng Yisong៕អត្ថបទ៖នាង សុភាវុធ

កាតាបញ្ជូនផ្ទះចល័តប្រើនៅ World Cup ទៅជួយទួកគី និងស៊ីរីដែលរងគ្រោះដោយសាររញ្ជួយដី

បាល់ទាត់៖ កាតាដែលជាម្ចាស់ផ្ទះ World Cup 2022 កន្លងទៅ បានបញ្ជូនផ្ទះចល័តប្រមាណ ១ម៉ឺនទូកុងតឺន័រទៅឱ្យទួកគី និងស៊ីរីដែលកំពុងរងគ្រោះធ្ងន់ធ្ងរដោយសារគ្រោះរញ្ជួយដី។ មនុស្សប្រមាណ ៤ម៉ឺននាក់ត្រូវបានគេគិតថាបានបាត់បង់ជីវិត ក្នុងគ្រោះរញ្ជួយដីលើប្រទេសទាំងពីរកាលពីសប្តាហ៍មុន ស្របពេលមនុស្សប្រមាណ ១លាននាក់មិនមានទីជម្រកឡើយនៅទួកគី ហើយគេជឿថា មនុស្សច្រើនជាងនេះទៀតនៅស៊ីរីកំពុងគ្មានទីជម្រកផងដែរ។ សូមបញ្ជាក់ថា ផ្ទះចល័តនេះត្រូវបានដំឡើងនៅលើវាលខ្សាច់ដែលលាតសន្ធឹងជុំវិញរដ្ឋធានីដូហារបស់កាតា គឺប្រើប្រាស់សម្រាប់អ្នកគាំទ្រដែលមកទស្សនាបាល់ទាត់ពិភពលោក។ អ្នកគាំទ្របានចំណាយប្រាក់ប្រហែល ២០០ដុល្លារក្នុងមួយយប់ដើម្បីស្នាក់នៅក្នុងលំនៅឋាន ដែលជួយជៀសវាងការខ្វះខាតទីកន្លែងស្នាក់ដែលអាចកើតមាន ក្នុងអំឡុងពេលការប្រកួតពេញមួយខែដែលបានធ្វើឡើងនៅក្នុងខែវិច្ឆិកា និងខែធ្នូ៕អត្ថបទ៖នាង សុភាវុធ

កីឡាករអ៊ីតាលី Diego Ulissi ឈ្នះដំណាក់កាលទី៤ ប្រណាំងកង់នៅ Tour of Oman

ប្រណាំងកង់៖ កីឡាករអ៊ីតាលី Diego Ulissi បានប្រជែងឈ្នះដំណាក់កាលទី៤ នៃព្រឹត្តិការណ៍ប្រណាំងកង់ Tour of Oman តែកីឡាករអាមេរិក Matteo Jorgenson បន្តនាំមុខគេក្នុងតារាងរួម។ ដំណាក់កាលទី៤ ដែលមានចម្ងាយផ្លូវ ២០៤.៩គីឡូម៉ែត្រ Diego Ulissi ដែលជិះឱ្យក្រុម UAE Team Emirate បានមកដល់ទីព្រ័ត្រមុនគេប្រើពេល ៤ម៉ោង ៣៦នាទី ៤៨វិនាទី តាមពីក្រោយដោយកីឡាករបារាំង Axel Zingle និងកីឡាករហូឡង់ Ide Schelling ស្ថិតក្នុងថេរវេលាដូចគ្នា។ យ៉ាងណាក្តីក្រោយ ៤ដំណាក់កាលនេះ Matteo Jorgenson ដែលជិះឱ្យក្រុម Movistar បន្តនាំមុខគេក្នុងតារាងរួម នាំមុខអ្នកលេខ២ Diego Ulissi ៥វិនាទី។ សំរាប់ដំណាក់កាលទី៥ ថ្ងៃពុធនេះមានចម្ងាយផ្លូវ ១៥២.៥គីឡូម៉ែត្រ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ការវាយប្រហាររបស់រុស្ស៊ីលើទីក្រុងគីវសម្លាប់មនុស្សយ៉ាងតិច ៩នាក់ ខណៈក្រុមពន្លត់អគ្គិភ័យកំពុងពន្លត់អគារដែលខូចខាត

ប្រព័ន្ធផ្សព្វផ្សាយ៖ មនុស្ស ២នាក់បានស្លាប់ ក្នុងការវាយប្រហាររបស់ជនសកម្មប្រយុទ្ធនៅតំបន់កាស្មៀររបស់ឥណ្ឌា

ប្រធានាធិបតីលីបង់ព្រមានថា ការវាយប្រហាររបស់អ៊ីស្រាអែលកំពុងគំរាមកំហែងកិច្ចចរចាក្របខណ្ឌ មុនជំនួបនៅទីក្រុងរ៉ូម

ប្រមុខUN ៖ ផែនទីបង្ហាញផ្លូវនៃការរំសាយអាវុធនៅតំបន់ហ្កាហ្សា ត្រូវតែអនុវត្តតាម

UN៖ ការខូចខាតហេដ្ឋារចនាសម្ព័ន្ធនៅភាគខាងត្បូងលីបង់ ធ្វើឲ្យប៉ះពាល់ដល់ការវិលត្រឡប់របស់ប្រជាពលរដ្ឋ

វិស័យអប់រំបោះជំហានទៅមុខលើការបណ្ដុះយុវជនឱ្យខិតខំអភិវឌ្ឍជំនាញនិងការច្នៃប្រឌិតថ្មី

ក្រុមហ៊ូទី អះអាងថាបានបង្ខំឱ្យនាវាដឹកប្រេងអារ៉ាប៊ីសាអ៊ូឌីតចំនួន៨គ្រឿងផ្លាស់ប្តូរទិសដៅ

ទេសចរក្នុងស្រុកដាក់ផែនការទៅទស្សនាខេត្តសៀមរាប កំឡុងការបញ្ចុះតម្លៃសេវាស្នាក់រហូតដល់៥០%

រដ្ឋមន្រ្តីសុខាភិបាល «ការព្យាបាល និងស្ដារនីតិសម្បទាអ្នកញៀនគ្រឿងញៀន មិនមែនគ្រាន់តែជាការចូលរួមប្រយុទ្ធប្រឆាំងគ្រឿងញៀនប៉ុណ្ណោះទេ ប៉ុន្តែជាការចូលរួមអភិវឌ្ឍមូលធនមនុស្ស»

ជំនាញបច្ចេកទេសចំនួន៦ នៅវិទ្យាស្ថាន ITI ត្រូវនឹងទីផ្សារការងារទាំងពេលបច្ចុប្បន្ននិងអនាគត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Ronnie O’Sullivan Judd Trump និង John Higgins ឡើង​វគ្គ ៣២នាក់​ចុងក្រោយ​ស្នូកឃ័រ Welsh Open

Dortmund បន្ត​ឈ្នះ ៧ប្រកួត​ជាប់​គ្នា​ ខណៈ Chelsea មានឱកាស​តែ​គ្មាន​សំណាង​

Manchester City ឈ្នះ Arsenal ឡើងឈរ​លេខ ១ នៅ Premier League លើកដំបូង​តាំងពី​ខែវិច្ឆិកា​

ការ​ព្យាបាល​របួស​ឥត​គិត​ថ្លៃ​ធ្វើ​ឲ្យ​កីឡាករ​-​កីឡា​ការិនី​កាន់​តែ​មាន​ទំនុក​ចិត្ត​ត្រៀម​ស៊ី​ហ្គេម​

Valencia តែងតាំង​អតីត​ខ្សែបម្រើ Ruben Baraja ជា​អ្នកចាត់ការ​ថ្មី​

ម្ចាស់ផ្ទះ​អាមេរិក កាណាដា និង​ម៉ិ​ក​ស៊ិ​ក​ទទួល​បាន​កៅអី​ស្វ័យប្រវត្តិ​នៅ World Cup 2026

Dominic Dale ទំលាក់ Neil Robertson ស្រួលៗ​នៅ​ការប្រកួត​ស្នូកឃ័រ Welsh Open

កាតា​បញ្ជូន​ផ្ទះ​ចល័ត​ប្រើ​នៅ World Cup ទៅ​ជួយ​ទួកគី និង​ស៊ី​រី​ដែល​រងគ្រោះ​ដោយសារ​រញ្ជួយ​ដី

កីឡាករ​អ៊ីតាលី Diego Ulissi ឈ្នះ​ដំណាក់កាល​ទី​៤ ប្រណាំង​កង់​នៅ Tour of Oman