BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រុមកំពុងស្រុតទម្រង់លេងខ្លាំង Chelsea ធ្វើដំណើរទៅទឹកដី Dortmund យប់នេះ

បាល់ទាត់៖ ក្រុមតោខៀវ Chelsea នឹងត្រូវប្រឈមជាមួយម្ចាស់ផ្ទះអាល្លឺម៉ង់ Borussia Dortmund រាត្រីនេះជើងទី១ វគ្គ ១៦ក្រុមចុងក្រោយ UEFA Champions League ជាមួយនឹងក្តីសង្ឃឹមថានឹងអាចកែប្រែទម្រង់លេងដ៏អាក្រក់មួយរយៈចុងក្រោយ។ ក្រុមរបស់លោក Graham Potter ឈ្នះតែ ២ប្រកួតប៉ុណ្ណោះក្នុងចំណោម ៨ប្រកួតចុងក្រោយនៅ Premier League ធ្លាក់ដល់លេខ ១០ ក្នុងតារាងតាមពីក្រោយក្រុមកំពូលតារាង Arsenal ដល់ទៅ ២០ពិន្ទុ។ Chelsea បានចំណាយលុយច្រើនសន្ធឹកសន្ធាប់ក្នុងពេលទីផ្សារទិញដូរកីឡាករកាលពីមករាកន្លងមក តែ UEFA អនុញ្ញាតឱ្យបញ្ចូលឈ្មោះកីឡាករថ្មីតែ ៣នាក់ប៉ុណ្ណោះនៅ Champions League នេះ។ លោក Graham Potter បានសំរេចជ្រើសរើសកីឡាករតម្លៃ ១០៦.៨លានផោន Enzo Fernandez ដែលទិញពី Benfica, ខ្សែបម្រើអ៊ុយក្រែន Mykhailo Mudryk និង Joao Felix។ ទោះបីជាទម្រង់លេងមិនល្អនៅ Premier League លោក Graham Potter ដែលទទួលតំណែងបន្តពីលោក Thomas Tuchel នោះបានដឹកនាំ Chelsea ស្មើមួយ និងឈ្នះ ៤ នៅវគ្គចែកពូល UCL។ ចំណែកគូប្រកួតយប់នេះ ក្រុមម្ចាស់ផ្ទះអាល្លឺម៉ង់ Borussia Dortmund ជាក្រុមកំពុងមានទម្រង់លេងល្អជាមួយនឹងជ័យជំនះ ៦ប្រកួតជាប់គ្នានៅក្នុងលីគឡើងមកឈរលេខ៣ ក្នុងតារាងតាមពីក្រោយ Bayern Munich តែ ៣ពិន្ទុប៉ុណ្ណោះ៕អត្ថបទ៖នាង សុភាវុធ

Bayern Munich និង AC Milan កាន់មួយគ្រាប់ចំណេញដូចគ្នានៅជើងទី១ វគ្គ ១៦ក្រុមចុងក្រោយ UCL

បាល់ទាត់៖ ក្រុមជើងឯកឆ្នាំ២០២០ Bayern Munich រកបានជ័យជំនះបានសំរេចក្នុងជើងទី១ វគ្គ ១៦ក្រុមចុងក្រោយ UEFA Champions League នៅទឹកដីបារាំងរបស់ Paris Saint Germain។ កីឡាករបារាំង Kingsley Coman គឺជាអ្នកស៊ុតគ្រាប់ជ័យជំនះតែមួយគ្រាប់គត់ឱ្យ Bayern Munich យកឈ្នះនាទីទី៥៣ ក្នុងវគ្គទី២ បន្ទាប់ពីការវាយសម្រុកជាច្រើនលើកនៅវគ្គទី១ តែមិនបានសំរេច។ នេះជាគ្រាប់ទី២ របស់ Coman ទៅលើអតីតក្លិបរបស់ខ្លួន បន្ទាប់ពីគ្រាប់ដំបូងធ្វើបាននៅឆ្នាំ២០២០ ជាគ្រាប់ជ័យជំនះឱ្យ Bayern Munich លើកពាននៅពេលនោះ។ ក្រុមម្ចាស់ផ្ទះមានឱកាសតិចតួច មុនពេលដែលកីឡាករបម្រុង Kylain Mbappe ផ្លាស់ប្តូរចូលអាចរកបានមួយគ្រាប់ តែអាជ្ញាកណ្តាលមិនឱ្យដោយអ្នកបញ្ជូនឈរក្នុងជំហរក្រៅល្បែង។ បរាជ័យនេះធ្វើឱ្យក្រុមជើងឯកបារាំងមួយនេះចាញ់ ៣ប្រកួតជាប់គ្នាហើយគ្រប់ក្របខណ្ឌ ផ្ទុយពី Bayern Munich បន្តមិនចាញ់សោះតាំងពីថ្ងៃទី១៧ ខែកញ្ញា។ ងាកមកមួយគូទៀត AC Milan បានយកឈ្នះក្រុមភ្ញៀវអង់គ្លេស Tottenham Hotspur ក្នុងលទ្ធផលតានតឹង ១-០ ដូចគ្នាធ្វើបានដោយ Brahim Diaz តាំងពីនាទីទី៧។ ទោះបីជាចាញ់មែន គេឃើញក្រុមរបស់លោក Antonio Conte មានប្រៀបក្នុងការប្រកួតនេះតាមរយៈការគ្រប់គ្រងបាល់ច្រើនជាង និងបង្កើតឱកាសច្រើនជាងតែគ្មានសំណាង។ ពីរគូនេះនឹងត្រលប់ទឹកដីគ្នានៅថ្ងៃទី៨ ខែមិនាខាងមុខ រួមមាន Bayern Munich ស្វាគមន៍ PSG នៅទីក្រុងមូនិច និង Tottenham Hotspur ស្វាគមន៍ AC Milan នៅទីក្រុងឡុងដ៍៕អត្ថបទ៖នាង សុភាវុធ

CAMSOC និងវិស័យឯកជនបង្កើតមូលនិធិមហាជន ដើម្បីគាំទ្រក្រុមកម្ពុជា

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ (CAMSOC-CAMAPGOC) បានសហការជាមួយវិស័យឯកជន បង្កើតមូលនិធិមហាជនដើម្បីកៀរគរថវិកាជួយដល់ “ក្រុមកម្ពុជា ឬ Team Cambodia” ពិសេសក្រុមជម្រើសជាតិកម្ពុជា ដែលកំពុងត្រៀមការប្រកួតក្នុងព្រឹត្តិការណ៍ជាប្រវត្តិសាស្ដ្រនាពេលឆាប់ៗខាងមុខ។ នេះបើតាមការបញ្ជាក់របស់ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិ CAMSOC-CAMAPGOC បន្ទាប់ពីកិច្ចសហការជាមួយក្រុមហ៊ុនឯកជន KhmerCare និងបានប្រកាសដាក់ឲ្យប្រើប្រាស់ផ្លូវការនូវកម្មវិធីវិធីកៀរគរមូលនិធិមហាជន (crowdfunding) កាលពីថ្ងៃទី១៤ ខែកុម្ភៈ ឆ្នាំ២០២៣ ម្សិលមិញនៅអគារវឌ្ឍនៈ។ ឯកឧត្តមបានគូសបញ្ជាក់ថា យុទ្ធនាការនេះធ្វើឡើងក្នុងគោលបំណងស្វែងរកថវិកា សម្រាប់គាំទ្រដល់កីឡាករ-កីឡាការិនី បន្ថែមលើការយកចិត្តទុកដាក់ខ្ពស់របស់រាជរដ្ឋាភិបាល។ កម្មវិធីសប្បុរសធម៌នេះបានកំណត់គោលដៅកៀរគរមូលនិធិឲ្យបាន ១លានដុល្លារ ដែលអាជីវករ សហគ្រាស និងប្រជាពលរដ្ឋ ទាំងក្នុង និងក្រៅប្រទេសសុទ្ធតែអាចចូលរួមបាន ទោះបីតិចក្ដីច្រើនក្ដី។ ប្រតិបត្តិករកីឡាកម្ពុជាដដែលបន្ដថា ការហ្វឹកហាត់កីឡាកម្រិតខ្ពស់គឺមានការលះបង់ខ្ពស់ ទាំងពេលវេលា ថវិកា និងញើសឈាមស្រស់ដើម្បីកិត្តិយសជាតិជាធំ។ ដូច្នេះការបង្កើតនូវមូលនិធិនេះ ពិតជាកត្ដារួមចំណែកមួយដ៏សំខាន់ក្នុងការជំរុញចិត្តសាស្ដ្រកីឡាករ-កីឡាការិនី លើការហ្វឹកហាត់ និងការប្រកួត ដើម្បីឆ្ពោះទៅដណ្ដើមមេដាយជូនជាតិ ក្រោមពាក្យស្លោក “កីឡារស់ក្នុងសន្ដិភាព”។ លោក Steven Path ស្ថាបនិក KhmerCare បានបញ្ជាក់ថា នេះគឺជាមូលនិធិមហាជនដ៏ធំជាងគេក្នុងប្រវត្តិកម្មវិធីសប្បុរសធម៌របស់ខ្លួន។ យ៉ាងណាលោកមានសុទិដ្ឋិនិយមក្នុងការកៀរគរថវិកា ដើម្បីជួយដល់អត្តពលិកកម្ពុជា ដោយផ្អែកលើបទពិសោធន៍នៃការរៃអង្គាសថវិកាជួយដល់កុមារកំព្រា អង្គការ និងលក្ខណៈបុគ្គលដោយជោគជ័យនាពេលកន្លងមក។ លោកថា ថវិកាទទួលបានពីកម្មវិធីបរិច្ចាគនេះនឹងត្រូវផ្ដល់ការគាំទ្រផ្នែកបរិក្ខារ សម្លៀកបំពាក់ ស្បែកជើង និងការហ្វឹកហាត់របស់ក្រុមកីឡាករជម្រើសជាតិកម្ពុជា ក៏ដូចជាការផ្ដល់ង្វាន់លើកទឹកចិត្តជាសាច់ប្រាក់ដល់កីឡាករ-កីឡាការិនីជយលាភីជាដើម។ គួរបញ្ជាក់ថា ការបរិច្ចាគ ឬការឧបត្ថម្ភដល់ក្រុមអត្តពលិកកម្ពុជា ធ្វើឡើងតាមរយៈផ្លែតហ្វមនៃកម្មវិធី KhmerCare ដែលប្រជាពលរដ្ឋគ្រប់រូបនេះអាចចូលរួមបានគ្រប់គ្នា និងគ្រប់ទីកន្លែង ហើយបច្ចុប្បន្នមានក្រុមហ៊ុនមួយចំនួនក៏បានឧបត្ថម្ភជាបណ្ដើរៗផងដែរ ជាក់ស្ដែងធនាគារ ABA បានឧបត្ថម្ភនូវទឹកប្រាក់ចំនួន ១៥ម៉ឺនដុល្លាររួចរាល់ផងដែរ៕អត្ថបទ៖ លី ឈុនឡា

ស៊ីហ្គេម ២០២៣៖ ម៉ាឡេស៊ីពេញចិត្តនឹងការរៀបចំ និងការត្រៀមធ្វើស៊ីហ្គេមរបស់កម្ពុជា

ស៊ីហ្គេម៖ ម៉ាឡេស៊ីពេញចិត្តនឹងការរៀបចំកន្លែងប្រកួតកីឡាស៊ីហ្គេម ២០២៣ ដែលកម្ពុជាធ្វើជាម្ចាស់ផ្ទះពីថ្ងៃទី៥ ដល់ថ្ងៃទី១៧ ខែឧសភាខាងមុខនេះ។ នាយបេសកកម្មស៊ីហ្គេមរបស់ម៉ាឡេស៊ីលោក Datuk Mohd Nasir Ali បាននិយាយថា ដំណើរទស្សនកិច្ចរបស់លោកមកភ្នំពេញថ្មីៗនេះបានបង្ហាញថា ការរៀបចំដំណើរការបានល្អ និងលឿន អាចនិយាយបានថារួចរាល់តាមគម្រោង ប៉ុន្តែភូមិកីឡានឹងត្រូវបញ្ចប់ឆាប់ៗនេះ។ លោកបន្តថា ភូមិកីឡាគឺនៅក្បែរពហុកីឡដ្ឋានជាតិមរតកតេជោ។ លោក Nasir បានប្រាប់អ្នកសារព័ត៌មាន ក្រោយកិច្ចប្រជុំគណៈកម្មការជ្រើសរើសកីឡាករសម្រាប់ស៊ីហ្គេមថា យើងពេញចិត្តការរៀបចំ ប៉ុន្តែព្រួយបារម្ភពីការដឹកជញ្ជួន (ចរាចរណ៍) និងម្ហូបហាលាល់សម្រាប់កីឡាករ។ លោកបានបង្ហាញថា ក្រុមកីឡាករជម្រើសជាតិម៉ាឡេស៊ីដែលចម្រុះជើងចាស់ និងកីឡាក្មេងអាចនាំមេដាយច្រើនជូនម៉ាឡេស៊ី។ ស៊ីហ្គេម ២០២១ នៅវៀតណាម ដែលលើកមកប្រកួតនៅឆ្នាំ២០២២ ម៉ាឡេស៊ីបញ្ចប់នៅចំណាត់ថ្នាក់លេខ៦ តារាងចំណាត់ថ្នាក់មេដាយ ក្នុងនោះមេដាយមាស៣៩ ប្រាក់៤៥ និងសំរឹទ្ធ៩០៕អត្ថបទ៖ គង់ ហួន

វត្តមានក្រុម U19 បារាំងបង្ហាញពីសក្ដានុពលវិស័យកីឡាបាល់ទះកម្ពុជាលើឆាកអន្ដរជាតិ

បាល់ទះ៖ ក្រុមបាល់ទះជម្រើសជាតិអាយុក្រោម ១៩ឆ្នាំបារាំងបានមកដល់កម្ពុជាហើយកាលពីថ្ងៃទី១៤ ខែកុម្ភៈម្សិលមិញ ដើម្បីត្រៀមប្រកួតមិត្តភាពអន្ដរជាតិជាមួយក្រុមជម្រើសជាតិកម្ពុជានាថ្ងៃទី១៩ និងថ្ងៃទី២២ ខែកុម្ភៈខាងមុខនៅវិមាននៃពហុកីឡដ្ឋានជាតិ។ ដំណើរមកដល់អាកាសយានដ្ឋានអន្ដរជាតិភ្នំពេញនេះ បានទទួលស្វាគមន៍យ៉ាងកក់ក្ដៅពីលោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា។ វត្តមានរបស់ក្រុមយុវជននៃប្រទេសមហាអំណាចវិស័យបាល់ទះពិភពលោកនេះ ត្រូវបានចាត់ទុកជាសញ្ញាណដ៏ល្អសម្រាប់វិស័យបាល់ទះកម្ពុជា ដើម្បីបង្ហាញពីសក្ដានុពលរបស់ខ្លួនលើឆាកអន្ដរជាតិ បន្ទាប់ពីក្រុមបាល់ទះជម្រើសជាតិកម្ពុជា បានបំបែកកំណត់ត្រាប្រវត្តិសាស្ដ្រឈ្នះមេដាយសំរឹទ្ធស៊ីហ្គេមលើកដំបូង ក៏ដូចជាការយកឈ្នះក្រុមជម្រើសជាតិគុយបាក្នុងជំនួបមិត្តភាពអន្ដរជាតិ និងការប្រកួតផ្សេងៗទៀត។ លោក Bertrand LEYS អនុប្រធានបច្ចេកទេសសហព័ន្ធកីឡាបាល់ទះបារាំង និងលោក Belmadi Slimane គ្រូបង្វឹកក្រុម U19 បារាំងបានសម្ដែងសេចក្ដីរីករាយជាខ្លាំង ក្រោយបានមកដល់កម្ពុជា ហើយលោករំពឹងថា ក្រៅពីការប្រកួតមិត្តភាព និងដកស្រង់បច្ចេកទេសរវាងក្រុមទាំងពីរ ក៏នឹងជំរុញទំនាក់ទំនងកាន់តែល្អប្រសើររវាងសហព័ន្ធកីឡាបាល់ទះបារាំង និងកម្ពុជា ហើយសង្ឃឹមថា វិស័យបាល់ទះកម្ពុជានឹងរីកចម្រើនកាន់តែខ្លាំងនាថ្ងៃអនាគតផងដែរ។ រីឯកីឡាករ Mathis Henno ក៏មិនខុសពីថ្នាក់ដឹកនាំ និងគ្រូបង្វឹកខ្លួនដែរ ដោយប្រធានក្រុម U19 បារាំងរូបនេះរំពឹងនឹងទទួលបានបទពិសោធន៍ថ្មីពីកម្ពុជា ក្រោយការប្រកួតមិត្តភាពអន្ដរជាតិនាពេលឆាប់ៗខាងមុខ។ ដោយឡែកលោកបណ្ឌិត អាំង សិរីពិសិដ្ឋ បានគូសបញ្ជាក់ថា នេះគឺជាកំណត់ត្រាថ្មីសម្រាប់វិស័យបាល់ទះកម្ពុជា ដែលអាចអញ្ជើញក្រុមលំដាប់កំពូលពិភពលោកមកធ្វើការប្រកួតមិត្តភាព។ ទោះបីជាកម្រិតក្រុម U19 ក៏ពិតមែន តែផ្អែកលើបទពិសោធន៍ ក្រុមយុវជនបារាំងក៏មិនចាញ់កីឡាករកម្ពុជាដែរ ដ្បិតពួកគេបានហ្វឹកហាត់តាំងពីអាយុខ្ទង់ ១២ឆ្នាំមកម្ល៉េះ។ ផ្អែកលើហេតុនេះលោកជឿជាក់ថា នឹងធ្វើឲ្យវិស័យបាល់ទះកម្ពុជាកាន់តែរីកច្រើន ពិសេសត្រៀមស៊ីហ្គេម និងធ្វើឲ្យពិភពលោកស្គាល់កាន់តែច្រើនផងដែរ។ គួរដឹងថា ជំនួបមិត្តភាពអន្ដរជាតិរវាងក្រុមបាល់ទះជម្រើសជាតិកម្ពុជា និងក្រុម U19 បារាំងគ្រោងធ្វើឡើង ២ជើងដោយជើងទី១ នឹងធ្វើការប្រកួតនាថ្ងៃទី១៩ ខែកុម្ភៈ និងជើងទី២ ប្រកួតនាថ្ងៃទី២២ ខែកុម្ភៈ ឆ្នាំ២០២៣ ខាងមុខនៅវិមាននៃពហុកីឡដ្ឋានជាតិ ដោយសំបុត្រចូលទស្សនាមានតម្លៃ ៨ពាន់រៀល។ ប៉ុន្ដែក្រៅពីការប្រកួតមិត្តភាពអន្ដរជាតិនេះ សហព័ន្ធក៏នឹងមានរៀបចំជំនួបមិត្តភាពអមរវាងក្រុមបញ្ជាការដ្ឋានអង្គរក្ស និងក្រុមរដ្ឋបាលរាជធានីភ្នំពេញផងដែរ៕ អត្ថបទ៖ លី ឈុនឡា

Ronnie O’Sullivan និងអ្នកការពារជើងឯក Joe Perry ឆ្លងផុតជុំទី១ ស្នូកឃ័រ Welsh Open

ស្នូកឃ័រ៖ កីឡាករស្នូកឃ័រលំដាប់លេខ ១ ពិភពលោក Ronnie O’Sullivan ហាក់មិនមានការលំបាកឡើយក្នុងការចាប់ផ្តើមព្រឹត្តិការណ៍ស្នូកឃ័រពានរង្វាន់ Welsh Open បន្ទាប់ពីយកឈ្នះកីឡាករមិត្តរួមជាតិអង់គ្លេស Oliver Lines នៅជុំដំបូង។ ជើងឯក Welsh Open ៤សម័យរូបនេះបានយកឈ្នះដោយលទ្ធផល ៤-០ហ្វ្រេមលើ Oliver Lines។ ជាមួយគ្នានោះដែរ អ្នកការពារតំណែងជើងឯក Joe Perry ក៏មិនមានបញ្ហាដែរនៅជុំដំបូងដោយបានយកឈ្នះ Mark King ៤-០ហ្វ្រេមដូចគ្នា។ លទ្ធផលផ្សេងទៀតមានដូចជា កីឡាករអង់គ្លេស Judd Trump, កីឡាករអៀកឡង់ខាងជើង Mark Allen និងកីឡាករស្កុតឡេន John Higgins សុទ្ធតែគ្មានបញ្ហា។ ចំណែកឯកីឡាករក្តីសង្ឃឹមម្ចាស់ផ្ទះជើងចាស់ Mark Williams បានយកឈ្នះមិត្តរួមជាតិ Michael White ៤-២ហ្វ្រេមផងដែរ ស្របពេលដែលអតីតជើងឯកពិភពលោក Mark Selby វាយបកយកឈ្នះ Jamie O’Neil ៤-២ហ្វ្រេមដូចគ្នា៕អត្ថបទ៖នាង សុភាវុធ

ក្រុមហ៊ុនវិនិយោគកាតានឹងដាក់សំណើទិញក្លិបបិសាចក្រហម Manchester United ក្នុងសប្តាហ៍នេះ

បាល់ទាត់៖ ក្រុមហ៊ុនវិនិយោគរបស់កាតានឹងដាក់សំណើទិញក្លិបបិសាចក្រហម Manchester United ក្នុងសប្តាហ៍នេះហើយ នេះបើតាមការចុះផ្សាយររបស់សារព័ត៌មាន Bloomberg។ សារព័ត៌មានដដែលបានចុះផ្សាយថា មិនត្រឹមតែក្រុមហ៊ុនវិនិយោគរបស់កាតាទេ បេក្ខភាពផ្សេងទៀតដែលមានបំណងទិញភាគហ៊ុនក្លិបបិសាចក្រហម Manchester United ត្រូវដាក់សំណើរបស់ខ្លួនមិនលើសពីថ្ងៃទី១៧ ខែកុម្ភៈនេះ ស្របពេលដែលម្ចាស់ភាគហ៊ុនគ្រួសារត្រកូល Glazers ទំនងជាព្រមលក់មិនក្រោម ៦ពាន់លានផោន។ ម្ចាស់ក្រុមហ៊ុន INEOS លោក Jim Ratcliffe បានប្រកាសពីគោលជំហររបស់ខ្លួន ក្នុងការទិញយកភាគហ៊ុននេះដែរកាលពីខែមុន បន្ទាប់ពីគ្រួសារ Glazers ប្រកាសលក់កាលពីខែវិច្ឆិកា។ កាលពីដើមខែនេះ កាសែត Daily Mail បានរាយការណ៍ថា វិនិយោគិនកាតាគ្រោងនឹងធ្វើការដេញថ្លៃដ៏ធំមួយ ដើម្បីទិញក្លឹប Manchester United ក្នុងក្របខ័ណ្ឌ Premier League។ របាយការណ៍របស់ Daily Mail បាននិយាយថា អ្នកវិនិយោគដែលចាប់អារម្មណ៍គឺដាច់ដោយឡែកពី QSI ដែលជាម្ចាស់ក្លិបបារាំង Paris St Germain ហើយប្រាក់នឹងបានមកពី "មូលនិធិបុគ្គល" ជាជាងមូលនិធិទ្រព្យសម្បត្តិអធិបតេយ្យ។ Manchester United ដែលកំពុងដឹកនាំដោយ Erik ten Hag កំពុងឈរនៅលេខរៀងទី៣ នៅ Premier League មាន ៤៦ពិន្ទុពីការប្រកួត ២៣ប្រកួត ២ពិន្ទុតាមពីក្រោយ Manchester City និង ៥ពិន្ទុពីក្រុមកំពូលតារាង Arsenal៕អត្ថបទ៖នាង សុភាវុធ

ខ្សែបម្រើក្រុមជម្រើសជាតិឆែក Jakub Jankto ប្រកាសថា ខ្លួនជាមនុស្សស្រលាញ់ភេទដូចគ្នា

បាល់ទាត់៖ ខ្សែបម្រើក្រុមជម្រើសជាតិនៃសាធារណរដ្ឋឆែក Jakub Jankto បានចេញមកប្រកាសថា ខ្លួនជាមនុស្សស្រលាញ់ភេទដូចគ្នា។ ការប្រកាសបែបនេះមានន័យថា កីឡាករវ័យ ២៧ឆ្នាំរូបនេះបានក្លាយជាកីឡាករបាល់ទាត់ជម្រើសជាតិបុរស ដែលកំពុងប្រកបអាជីពដំបូងគេដែលសារភាពថា ខ្លួនជាមនុស្សស្រលាញ់ភេទដូចគ្នា។ ខ្សែបម្រើរបស់ក្រុម Sparta Prague ដែលខ្ចីជើងពីក្លិបអេស្ប៉ាញ Getafe រូបនេះបានប្រកាសបែបនេះនៅលើបណ្តាញសង្គម Twitter កាលពីយប់ថ្ងៃចន្ទម្សិលមិញ។ Jabuk Jankto បានចូលលេងឱ្យក្រុមជម្រើសជាតិឆែកនៅឆ្នាំ២០១៧ ស៊ុតបញ្ចូលទីបាន ៤គ្រាប់ក្នុងការបង្ហាញខ្លួន ៤៥លើក។ Jakub Jankto ធ្លាប់ប្រកបអាជីពច្រើនឆ្នាំនៅអ៊ីតាលីរួមមាននៅ Udinese Ascoli និង Sampdoria មុនពេលផ្លាស់ទៅកាន់ Getafe នៅឆ្នាំ២០២១។ មុន Jankto ក៏មានកីឡាករដែលបានប្រកាសខ្លួនថា ភេទទី៣ ដែរដូចជាកីឡាកររបស់ក្លិប Blackpool, Jake Daniels កាលពីឆ្នាំមុន, Justin Fashanu នៅឆ្នាំ១៩៩០ ក៏ដូចជាកីឡាកររបស់ក្លិបអូស្ត្រាលី Adelaide United, Josh Cavallo ដែលបានប្រកាសកាលពីខែតុលាឆ្នាំមុនជាដើម៕អត្ថបទ៖នាង សុភាវុធ

Erling Haaland មិនទាន់ច្បាស់ថា ចូលលេងបានរឺអត់ពេល Man City ទៅផ្ទះ Arsenal យប់ស្អែក

បាល់ទាត់៖ ខ្សែប្រយុទ្ធន័រវេស Erling Haaland កំពុងស្ថិតក្នុងមន្ទិលនៅឡើយថា តើអាចបង្ហាញខ្លួនបានរឺអត់នៅពេល Manchester City ធ្វើដំណើរទៅទឹកដីក្រុមកំពូលតារាងកាំភ្លើងធំ Arsenal យប់ស្អែកនេះដោយសារបញ្ហារបួស។ Haaland ដែលស៊ុតបញ្ចូលទី ២៥គ្រាប់រួចមកហើយនៅ English Premier League រដូវកាលនេះ ត្រូវបានផ្លាស់ប្តូរចេញក្រោយចប់វគ្គទី១ ពេល Manchester City យកឈ្នះ Aston Villa កាលពីថ្ងៃអាទិត្យ។ អ្នកចាត់ការ City លោក Pep Guardiola បានឱ្យដឹងថា Haaland បានប៉ះទង្គិចក្នុងវគ្គទី១ ហើយកុំឱ្យស្ថានភាពធ្ងន់លើសពីនោះ លោកសម្រេចចិត្តប្តូរឱ្យគេសម្រាក។ ជ័យជំនះរបស់ Manchester City លើ Aston Villa ៣-១ ស្របពេល Arsenal ស្មើ Brentford ធ្វើឱ្យគំលាតក្រុមទាំងពីរមានត្រឹម ៣ពិន្ទុ តែបើ City ឈ្នះនៅទឹកដី Arsenal ស្អែកនេះមានន័យថា ក្រុមរបស់លោក Pep Guardiola នឹងឡើងកំពូលតារាងវិញតែ Arsenal នៅសល់មួយប្រកួតក្នុងដៃ៕អត្ថបទ៖នាង សុភាវុធ

សិង្ហបុរីគ្រោងបញ្ជូនអត្តពលិកជាង ៥០០នាក់មកចូលរួមស៊ីហ្គេម ២០២៣ នៅកម្ពុជា

ស៊ីហ្គេម៖ គណៈកម្មាធិការអូឡាំពិកនៃប្រទេសសិង្ហបុរី គ្រោងនឹងបញ្ជូនអត្តពលិករបស់ខ្លួនប្រមាណជាង ៥០០នាក់មកចូលរួមព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ ដែលរៀបចំនៅប្រទេសកម្ពុជានៅខែឧសភាខាងមុខនេះ។ បញ្ជីឈ្មោះរបស់អត្តពលិកសិង្ហបុរីនៅពេលនេះមានសរុប ៥១៧នាក់ តែសម្រាប់ចំនួនជាក់ស្តែងនឹងត្រូវប្រកាសនៅពេលព្រឹត្តិការណ៍ជិតចាប់ផ្តើម។ គណៈកម្មាធិការជ្រើសរើស SNOC ដែលដឹកនាំដោយប្រធាន Tan Chuan-Jin បានធ្វើការសម្រេចចិត្ត បន្ទាប់ពីបានពិគ្រោះជាមួយសមាគមកីឡាជាតិ។ រំលឹកថា កាលពីការប្រកួតកីឡាអាស៊ីអាគ្នេយ៍នៅទីក្រុងហាណូយឆ្នាំ២០២១ ប្រទេសសិង្ហបុរីបានបញ្ជូនអត្តពលិកចំនួន ៤២៤នាក់។ សិង្ហបុរីបញ្ចប់ក្នុងចំណាត់ថ្នាក់លេខ៥ លើតារាងមេដាយនៅពេលនោះដោយដណ្តើមបានមេដាយសរុប ១៦៦គ្រឿង។ ស៊ីហ្គេម ២០២៣ នឹងជាលើកទី១ សម្រាប់ប្រទេសកម្ពុជាក្នុងការធ្វើជាម្ចាស់ផ្ទះនៃការប្រកួតកីឡាថ្នាក់តំបន់ចំនួន ១១ប្រទេសក្នុងប្រវត្តិសាស្ត្ររយៈពេល ៦៤ឆ្នាំរបស់ខ្លួនដែលមានតាំងពីឆ្នាំ១៩៥៩។ ព្រឹត្តិការណ៍ស៊ីហ្គេមលើកទី៣២ នៅកម្ពុជានឹងចាប់ផ្តើមពីថ្ងៃទី៥ ដល់ថ្ងៃទី១៧ ខែឧសភា៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ការវាយប្រហាររបស់រុស្ស៊ីលើទីក្រុងគីវសម្លាប់មនុស្សយ៉ាងតិច ៩នាក់ ខណៈក្រុមពន្លត់អគ្គិភ័យកំពុងពន្លត់អគារដែលខូចខាត

ប្រព័ន្ធផ្សព្វផ្សាយ៖ មនុស្ស ២នាក់បានស្លាប់ ក្នុងការវាយប្រហាររបស់ជនសកម្មប្រយុទ្ធនៅតំបន់កាស្មៀររបស់ឥណ្ឌា

ប្រធានាធិបតីលីបង់ព្រមានថា ការវាយប្រហាររបស់អ៊ីស្រាអែលកំពុងគំរាមកំហែងកិច្ចចរចាក្របខណ្ឌ មុនជំនួបនៅទីក្រុងរ៉ូម

ប្រមុខUN ៖ ផែនទីបង្ហាញផ្លូវនៃការរំសាយអាវុធនៅតំបន់ហ្កាហ្សា ត្រូវតែអនុវត្តតាម

UN៖ ការខូចខាតហេដ្ឋារចនាសម្ព័ន្ធនៅភាគខាងត្បូងលីបង់ ធ្វើឲ្យប៉ះពាល់ដល់ការវិលត្រឡប់របស់ប្រជាពលរដ្ឋ

វិស័យអប់រំបោះជំហានទៅមុខលើការបណ្ដុះយុវជនឱ្យខិតខំអភិវឌ្ឍជំនាញនិងការច្នៃប្រឌិតថ្មី

ក្រុមហ៊ូទី អះអាងថាបានបង្ខំឱ្យនាវាដឹកប្រេងអារ៉ាប៊ីសាអ៊ូឌីតចំនួន៨គ្រឿងផ្លាស់ប្តូរទិសដៅ

ទេសចរក្នុងស្រុកដាក់ផែនការទៅទស្សនាខេត្តសៀមរាប កំឡុងការបញ្ចុះតម្លៃសេវាស្នាក់រហូតដល់៥០%

រដ្ឋមន្រ្តីសុខាភិបាល «ការព្យាបាល និងស្ដារនីតិសម្បទាអ្នកញៀនគ្រឿងញៀន មិនមែនគ្រាន់តែជាការចូលរួមប្រយុទ្ធប្រឆាំងគ្រឿងញៀនប៉ុណ្ណោះទេ ប៉ុន្តែជាការចូលរួមអភិវឌ្ឍមូលធនមនុស្ស»

ជំនាញបច្ចេកទេសចំនួន៦ នៅវិទ្យាស្ថាន ITI ត្រូវនឹងទីផ្សារការងារទាំងពេលបច្ចុប្បន្ននិងអនាគត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុម​កំពុង​ស្រុត​ទម្រង់​លេង​ខ្លាំង Chelsea ធ្វើដំណើរ​ទៅ​ទឹកដី Dortmund យប់​នេះ​

Bayern Munich និង AC Milan កាន់​មួយ​គ្រាប់​ចំណេញ​ដូចគ្នា​នៅ​ជើង​ទី១ វគ្គ ១៦ក្រុម​ចុងក្រោយ UCL

CAMSOC ​និង​វិស័យ​ឯកជន​បង្កើត​មូលនិធិ​មហាជន ដើម្បី​គាំទ្រ​ក្រុម​កម្ពុជា​

ស៊ី​ហ្គេម ២០២៣៖​ ម៉ាឡេស៊ី​ពេញចិត្ត​នឹង​ការរៀបចំ និង​ការ​ត្រៀម​ធ្វើ​ស៊ី​ហ្គេម​របស់​កម្ពុជា

វត្តមាន​ក្រុម​ U19 ​បារាំង​បង្ហាញ​ពី​សក្ដានុពល​វិស័យ​កីឡាបាល់ទះ​កម្ពុជា​លើ​ឆាក​អន្ដរជាតិ​

Ronnie O’Sullivan និង​អ្នកការពារ​ជើងឯក Joe Perry ឆ្លង​ផុត​ជុំ​ទី១ ស្នូកឃ័រ Welsh Open

ក្រុមហ៊ុន​វិនិយោគ​កាតា​នឹងដាក់​សំណើ​ទិញ​ក្លិប​បិសាច​ក្រហម Manchester United ក្នុង​សប្តាហ៍​នេះ

ខ្សែបម្រើ​ក្រុម​ជម្រើសជាតិ​ឆែក Jakub Jankto ប្រកាសថា ​ខ្លួន​ជា​មនុស្ស​ស្រលាញ់​ភេទ​ដូចគ្នា​

Erling Haaland មិនទាន់​ច្បាស់​ថា ​ចូល​លេង​បាន​រឺ​អត់​ពេល Man City ទៅផ្ទះ Arsenal យប់​ស្អែក

សិង្ហ​បុរី​គ្រោង​បញ្ជូន​អត្ត​ព​លិ​កជាង ៥០០​នាក់មក​ចូលរួម​ស៊ី​ហ្គេម ២០២៣ នៅ​កម្ពុជា​