BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Kylian Mbappe ត្រលប់មកហ្វឹកហាត់វិញមុន PSG ជួប Bayern Munich យប់នេះ

បាល់ទាត់៖ ខ្សែប្រយុទ្ធបារាំង Kylian Mbappe បានត្រលប់មកហ្វឹកហាត់វិញជាមួយ Paris Saint Germain មុនការប្រកួតទល់នឹង Bayern Munich រាត្រីនេះក្របខណ្ឌ UEFA Champions League វគ្គ ១៦ក្រុមចុងក្រោយជើងទី១។ កីឡាករវ័យ ២៤ឆ្នាំរូបនេះត្រូវបានគេរំពឹងថានឹងត្រូវអវត្តមានយ៉ាងហោចណាស់ ៣សប្តាហ៍ក្រោយរករបួសកាលពីដើមខែ។ គ្រូបង្វឹក PSG លោក Christophe Galtier បាននិយាយថា ជុំវិញរឿង Mbappe អាចចូលលេងបានរឺអត់យប់នេះត្រូវចាំមើលសិន តែជាក់ស្តែងយើងរីករាយដែល Mabppe ត្រលប់មកហ្វឹកហាត់ជាមួយក្រុមវិញ។ Paris Saint Germain កំពុងធ្លាក់ទម្រង់លេងខ្លាំងក្នុងឆ្នាំ២០២៣ នេះ បន្ទាប់ពីចាញ់ Monaco ៣-១ នៅក្របខណ្ឌបារាំង Ligue 1 កាលពីថ្ងៃសៅរ៍ដែលជាបរាជ័យលើកទី៤ ក្នុងឆ្នាំ២០២៣ នេះ។ ជាមួយគ្នានោះដែរ Lionel Messi ដែលមានបញ្ហារបួសសរសៃពួរដែរនោះ ក៏គេឃើញមានឈ្មោះក្នុងបញ្ជីកីឡាករ ប្រកួតទល់នឹង Bayern Munich ផងដែរ។ ផ្ទុយពី PSG ដែលធ្លាក់ចុះទម្រង់លេង Bayern Munich វិញមិនទាន់ចាញ់ឡើយ ១៧ប្រកួតជាប់គ្នារាប់តាំងពីថ្ងៃទី១៧ ខែកញ្ញា។ ជំនួបយប់នេះនឹងជាការរំលឹកឡើងវិញនៃជំនួបក្រុមទាំងពីរនៅវគ្គផ្តាច់ព្រ័ត្រ UCL កាលពីឆ្នាំ២០២០ ដោយនៅពេលនោះ Bayern Munich ឈ្នះ ១-០ លើកពានជើងឯកអឺរ៉ុបលើកទី៦៕អត្ថបទ៖នាង សុភាវុធ

Liverpool ឈ្នះ Everton ២-០ ជាជ័យជំនះដំបូងក្នុងឆ្នាំ២០២៣

បាល់ទាត់៖ ក្រុមហង្សក្រហម Liverpool ទីបំផុតរកបានជ័យជំនះដំបូងរបស់ខ្លួនក្នុងឆ្នាំ២០២៣ នេះ បន្ទាប់ពីយកឈ្នះក្រុមរួមទីក្រុង Everton ២-០ នៅ Anfield។ បន្ទាប់ពីមានឱកាសជាច្រើនក្នុងការរកគ្រាប់បាល់ ក្រុមរបស់លោក Jurgen Klopp ទីបំផុតអាចបំប៉ោងសំណាញ់ទីបាននៅនាទីទី៣៦ ដោយការលេងវាយបក និងស៊ុតបញ្ចូលទីដោយ Mohamed Salah។ ឈានចូលវគ្គទី២ ខ្សែប្រយុទ្ធចំនូលថ្មី Cody Gakpo ទីបំផុតរកបានគ្រាប់បាល់ដំបូងរបស់ខ្លួននៅ Liverpool តាំងពីផ្លាស់ពី PSV ក្នុងតម្លៃ ៣៧លានផោនកាលពីខែមករា។ មុនមកដល់ការប្រកួតនេះ Liverpool បានរងបរាជ័យ ៣ប្រកួតក្នុងចំណោម ៤ប្រកួតចុងក្រោយក្នុងលីគ ពោលគឺស៊ុតបញ្ចូលទីបានតែ ១គ្រាប់របូត ៩គ្រាប់។ ជ័យជនះដំបូងក្នុងឆ្នាំ២០២៣ នេះបានធ្វើឱ្យ Liverpool ឡើងមកលេខ៩ មាន ៣២ពិន្ទុពីការប្រកួត ២១លើក ស្របពេល Everton ដែលទើបផ្លាស់ប្តូរគ្រូនោះឈរលេខ ១៨ មាន ១៨ពិន្ទុពីការប្រកួត ២២លើក៕អត្ថបទ៖នាង សុភាវុធ

គុនខ្មែរត្រៀមលើកស្លាកសហព័ន្ធនៅចិន ដើម្បីជំរុញការអភិវឌ្ឍ និងផ្សព្វផ្សាយបន្ថែម

គុនខ្មែរ៖ កម្ពុជាត្រៀមលើកស្លាកសហព័ន្ធកីឡាប្រដាល់គុនខ្មែរ នៅប្រទេសចិននាពេលឆាប់ៗខាងមុខ បន្ទាប់ពីទទួលបានភ្លើងខៀវពីភាគីចិនដើម្បីជំរុញការអភិវឌ្ឍ និងផ្សព្វផ្សាយក្បាច់គុនរបស់បុព្វបុរសខ្មែរនេះឲ្យកាន់តែល្បីសុះសាយថែមទៀត។នេះបើតាមការបញ្ជាក់របស់ឯកឧត្តម ហេង សុខឃន អគ្គលេខាធិការសហព័ន្ធកីឡាប្រដាល់គុនខ្មែរ និងជាប្រធានសហព័ន្ធកីឡាឃីកបុកស៊ីងកម្ពុជា ក្រោយពីដឹកនាំកីឡាករ លន បញ្ញា ចូលរួមប្រកួតលក្ខណៈមិត្តភាពអន្ដរជាតិនៅប្រទេសចិនកាលពីថ្មីៗ។ ឯកឧត្តម ហេង សុខឃន បានបញ្ជាក់ថា ដំណើរទៅប្រទេសចិនលើកនេះទទួលបានផ្លែផ្កាជាច្រើន ពិសេសភាគីចិនបានទទួលសំណើរកម្ពុជា ក្នុងការរួមចំណែកជួយអភិវឌ្ឍន៍វិស័យកីឡាគុនខ្មែរ និងឃីកបុកស៊ីងកម្ពុជា តាមរយៈជំរុញឲ្យមានការផ្លាស់ប្ដូរការប្រកួត ព្រមទាំងការសិក្សាពីគម្រោងសាងសង់សង្វៀងអន្ដរជាតិ និងសារមន្ទីរគុនខ្មែរនៅក្នុងបរិវេណកីឡដ្ឋានកងយោធពលខេមរភូមិន្ទទៀតផង។បើតាមគម្រោងផែនការនៃកិច្ចសហប្រតិបត្តិការរវាងស្ថាប័នកីឡាកម្ពុជា និងចិន ដើម្បីលើកកម្ពស់ការអភិវឌ្ឍគុនខ្មែរនេះនឹងចាប់ផ្ដើមក្រោយចប់ស៊ីហ្គេមលើកទី៣២ នៅកម្ពុជានាខែឧសភាខាងមុខ។ មិនតែប៉ុណ្ណោះភាគីកម្ពុជាក៏ត្រៀមបញ្ជូនគ្រូបង្វឹកទៅចែករំលែកស្នៀតពិសេសៗរបស់ក្បាច់គុនបុរាណខ្មែរ ពិសេសស្នៀត “កែង” ដល់កីឡាករ-កីឡាការិនីចិនផងដែរ៕អត្ថបទ៖ លី ឈុនឡា

កីឡាហាប់គីដូបន្ដបញ្ជ្រាបបច្ចេកទេសពិសេសៗដល់កងកម្លាំង ដើម្បីបម្រើការងារបង្ក្រាបផ្សេងៗ

ហាប់គីដូ៖ ក្រោមកិច្ចសហការល្អជាមួយសាលាបណ្ឌិតសភានគរបាលកម្ពុជា សហព័ន្ធខ្មែរកីឡាហាប់គីដូបានបើកវគ្គបណ្ដុះបណ្ដាលដល់គ្រូបង្វឹកដែលជាមន្ដ្រីនគរបាលចំនួន ១០រូបសម្រាប់យកទៅបង្ហាត់ និងបម្រើក្នុងការងារប្រតិបត្តិការបង្ក្រាបបទល្មើស ឬមុខសញ្ញាផ្សេងៗ។ គ្រូបង្គោលហាប់គីដូដែលទើបទទួលបានការបណ្ដុះបណ្ដាលពីគ្រូជំនាញ នៃសហព័ន្ធខ្មែរកីឡាហាប់គីដូ រួមមានលោក នុត សុខលី, អៀវ ប៊ុនណា, អ៊ុក ទិត, សាត់ សុធា, លាង សុខហេង, ឈិញ ផល, កេត កិត្យារ៉ា, ជឹម រ៉ន, តិន សុវណ្ណរា និងកញ្ញា សំ ថារ័ត្ន ដែលបានទទួលវិញ្ញាបនបត្របញ្ជាក់ការសិក្សាកាលពីចុងសប្ដាហ៍កន្លងទៅ។ លោក គង់ ចាន់ធីណា អគ្គលេខាធិការសហព័ន្ធបានឲ្យដឹងថា វគ្គនេះមានរយៈពេល ៣ខែដោយសហព័ន្ធបានច្បិចយកបច្ចេកទេសពិសេសៗរបស់កីឡាហាប់គូដូ ស្របតាមបេសកកម្មរបស់កងកម្លាំង សម្រាប់ចែករំលែកដល់សិក្ខាកាមមកពីសាលាបណ្ឌិតសភានគរបាលកម្ពុជា។ លោកបានចាត់ទុកវគ្គនេះគឺជាវគ្គដ៏សារៈសំខាន់មួយ ដើម្បីរួមចំណែកជាមួយកម្លាំងនគរបាលជាតិ ក៏ដូចជាពង្រីកការផ្សព្វផ្សាយប្រភេទកីឡានេះឲ្យកាន់តែទូលំទូលាយថែមទៀត។ លោក គួច ហុងជៀក អនុប្រធានសហព័ន្ធបានកោតសរសើរ និងវាយតម្លៃខ្ពស់ ចំពោះគ្រូបង្គោលទាំងអស់ដែលបានប្រឹងប្រែងហ្វឹកហាត់ ដើម្បីក្លាយធនធានដ៏សំខាន់ក្នុងការផ្ទេរចំណេះវិជ្ជាដល់យុវជនជំនាន់ក្រោយៗ ដើម្បីអ្នកហាត់រៀនក្បាច់គុនមួយនេះមានសុខភាពល្អទាំងរាងកាយ និងបញ្ញាស្មារតី ពិសេសសម្រាប់កងកម្លាំងយកទៅអនុវត្តក្នុងការងារឲ្យមានប្រសិទ្ធភាពខ្ពស់ និងមិនសូវបង្ករបួសស្នាមជាដើម៕អត្ថបទ៖ លី ឈុនឡា

កីឡាករប៊ីយ៉ា និងស្នូកឃ័រកម្ពុជាកាន់តែមានទំនុកចិត្តត្រៀមស៊ីហ្គេម ក្រោយហ្វឹកហាត់ក្រៅប្រទេស

ស្នូកឃ័រ៖ ក្រុមកីឡាករជម្រើសជាតិប៊ីយ៉ា និងស្នូកឃ័រកម្ពុជា ៨រូបដែលបោះជំរំហ្វឹកហាត់រយៈពេលខ្លីនៅប្រទេសថៃ បានត្រឡប់មកដល់មាតុភូមិវិញហើយកាលពីចុងសប្ដាហ៍កន្លងទៅ ដោយពួកគេបានបង្ហាញនូវទំនុកចិត្តកាន់តែខ្ពស់ សម្រាប់ត្រៀមការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ ថ្លែងប្រាប់ក្រុមការងារ BTV ក្រោយត្រឡប់ពីហ្វឹកហាត់ ២សប្ដាហ៍នៅប្រទេសថៃ កីឡាករ សេង ពិសាខបូព្រឹក និងកីឡាករ លឹម ចុងអៀវ បានគូសបញ្ជាក់ថា ការហ្វឹកហាត់ក្រៅស្រុកពិតជាបានធ្វើឲ្យពួកគេកើនសមត្ថភាព តែយ៉ាងណាមិនទាន់គ្រាប់គ្រាន់នោះទេ ដែលទាមទារឲ្យពួកគេខិតខំប្រឹងប្រែងបន្ថែមទៀត ដើម្បីត្រៀមការប្រកួតស៊ីហ្គេមនាពេលខាងមុខ។ លោក ម៉ារ៉ា សុជាតិ អគ្គលេខាធិការសហព័ន្ធកីឡាប៊ីយ៉ា និងស្នូកឃ័រកម្ពុជាបានឲ្យដឹងដែលថា បច្ចុប្បន្នសហព័ន្ធកំពុងខិតខំពង្រឹងការប្រមូលផ្ដុំហ្វឹកហាត់ ទាំងក្នុង និងក្រៅស្រុក ដើម្បីជំរុញគុណផលកម្រិតខ្ពស់ដល់កីឡាករ។ ក្រៅពីការហ្វឹកហាត់នៅថៃ ក៏មានកីឡាករ-កីឡាការិនីមួយចំនួនកំពុងហ្វឹកហាត់នៅសាធារណៈរដ្ឋកូរ៉េ បារាំង និងវៀតណាមផងដែរ។ គួរដឹងថា កីឡាប៊ីយ៉ា និងស្នូកឃ័រគឺជាប្រភេទកីឡាមួយក្នុងចំណោមកីឡា ៣៧ប្រភេទ ដែលត្រូវបានកំណត់ក្នុងកម្មវិធីប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ កីឡានេះបានកំណត់វិញ្ញាសាចំនួន ១០ សម្រាប់ដំណើរការប្រកួតពីថ្ងៃទី៧ ដល់ថ្ងៃទី១៥ ខែឧសភា ឆ្នាំ២០២៣ ខាងមុខនៅសណ្ឋាគារសុខា ខណៈសហព័ន្ធរំពឹងដណ្ដើមបានមេដាយយ៉ាងហោច ១គ្រឿងក្នុងនាមម្ចាស់ផ្ទះ៕ អត្ថបទ៖ លី ឈុនឡា

Ott Tanak ឈ្នះការប្រកួត Rally នៅប្រទេសស៊ុយអែតឡើងមកនាំមុខគេក្នុងតារាងជើងឯក

ប្រណាំងរថយន្ត៖ កីឡាករអេស្តូនី Ott Tanak បានប្រជែងឈ្នះការប្រកួតនៅប្រទេសស៊ុយអែត ដើម្បីឡើងមកនាំមុខគេក្នុងតារាងជើងឯកពិភពលោកប្រណាំងរថយន្ត Rally។ កីឡាកររបស់ក្រុមប្រណាំង M-Sport Ford រូបនេះបានបញ្ចប់ការប្រកួតនៅប្រទេសស៊ុយអែតនេះជាមួយថេរវេលាល្អជាងអ្នកលេខ២ Craig Breen ជិះឱ្យក្រុម Hyundai ១៨វិនាទី ៧។ ជ័យជំនះនេះដែរបានធ្វើឱ្យ Ott Tanak ឡើងមកនាំមុខគេក្នុងតារាងជើងឯកពិភពលោក ក្រោយប្រកួតបាន ២ទីលានក្នុងចំណោម ១៣ទីលានរដូវកាល ២០២៣ នេះ។ រំលឹកថា Ott Tanak ធ្លាប់ជាកីឡាកររបស់ក្រុម M-Sport Ford ចន្លោះឆ្នាំ ២០១១-២០១៧ មុនពេលចាកចេញទៅចូលរួមជាមួយ Toyota និង Hyundai។ ក្រោយមក Tanak ក៏បានត្រលប់មកកាន់ M-Sport Ford វិញរដូវកាល ២០២៣ នេះ និងបានជួយក្រុមឱ្យឈ្នះការប្រកួត Rally លើកដំបូងក្នុងរយៈពេល ៣៨៥ថ្ងៃពីជ័យជំនះចុងក្រោយរបស់ក្រុមនៅ Monte Carlo។ លេខ៣ នៅស៊ុយអែតនេះបានទៅកីឡាករប៊ែលហ្ស៊ិក Thierry Neuville ដែលកំពុងឈរលេខ៣ ក្នុងតារាងជើងឯកពិភពលោកផងដែរពីក្រោយអ្នកលេខ២ កីឡាករហ្វាំងឡង់ Kalle Rovanpera ៦ពិន្ទុ ខណៈ Ott Tanak មាន ៤១ពិន្ទុល្អជាងអ្នកលេខពីរ ៣ពិន្ទុ។ ជុំបន្ត Rally World Championship នឹងបន្តទៅទឹកដីម៉ិកស៊ិកពីថ្ងៃទី១៦ ដល់ថ្ងៃទី១៩ ខែមីនា៕អត្ថបទ៖នាង សុភាវុធ

Belinda Bencic គ្រងជើងឯកវាយកូនបាល់ Abu Dhabi Championship នៅអារ៉ាប់រួម

វាយកូនបាល់៖ កីឡាការិនីស្វីស Belinda Bencic បានក្លាយជាជើងឯកនៃការប្រកួតវាយកូនបាល់កម្មវិធី Abu Dhabi Championship នៅអារ៉ាប់រួម ក្រោយយកឈ្នះកីឡាការិនីរុស្ស៊ី Liudmila Samsonova នៅវគ្គផ្តាច់ព្រ័ត្រ។ កីឡាការិនីលំដាប់លេខ២ ក្នុងកម្មវិធី Belinda Bencic ត្រូវបាន Samsonova នាំមុខសិតដំបូង ៦-១ មុនពេលសង្គ្រោះគ្រាប់បាល់ជ័យជំនះ ៣លើករបស់ Samsonova រហូតយកឈ្នះវិញ ២សិតផ្ទួនៗ ៧-៦(១០-៨) និង ៦-៤។ ជ័យជំនះនេះបានធ្វើឱ្យ Belinda Bencic ឡើងឈរលើគេវិញក្នុងនាមជាអ្នកឈ្នះច្រើនប្រកួតជាងគេក្នុងឆ្នាំ២០២៣ នេះនៅក្របខណ្ឌ Tour សរុប ១២ប្រកួតឡើងពីលើជើងឯក Australian Open, Aryna Sabalenka ដែលឈ្នះ ១១ប្រកួតក្នុងឆ្នាំ២០២៣។ ងាកមកការប្រកួតមួយកម្មវិធីទៀត កីឡាការិនីរុស្ស៊ី Anastasia Potapova បានគ្រងជើងឯកពានរង្វាន់ Upper Austria Ladies Linz នៅប្រទេសអូទ្រីស ក្រោយយកឈ្នះកីឡាការិនី Petra Martic នៅវគ្គផ្តាច់ព្រ័ត្រ ៦-៣ និង ៦-១។ នេះជាពាននៅក្របខណ្ឌ WTA Tour លើកទី២ ប៉ុណ្ណោះក្នុងអាជីពរបស់ Potapova បន្ទាប់ពីឈ្នះលើកដំបូងនៅទីក្រុង Istanbul ប្រទេសទួរគីឆ្នាំមុន៕អត្ថបទ៖នាង សុភាវុធ

Wu Yibing ក្លាយជាកីឡាករចិនដំបូងឈ្នះជើងឯកនៅក្របខណ្ឌ ATP Tour

វាយកូនបាល់៖ កីឡាករវាយកូនបាល់ Wu Yibing បានក្លាយជាកីឡាករចិនទី១ ដែលឈ្នះជើងឯកនៅក្របខណ្ឌ ATP Tour បន្ទាប់ពីជ័យជំនះលើកីឡាករម្ចាស់ផ្ទះអាមេរិក John Isner លើកពាន Dallas Open។ កីឡាករវ័យ ២៣ឆ្នាំចិនបច្ចុប្បន្នឈរចំណាត់ថ្នាក់លេខ៩៧ ពិភពលោកបានយកឈ្នះកីឡាករសេវាខ្លាំង John Isner ដោយលទ្ធផលតានតឹង ៦-៧(៤-៧) ៧-៦(៧-៣) និង ៧-៦(១៤-១២) ដែលប្រើពេលដល់ទៅជិត ៣ម៉ោងទើបរកចាញ់ឈ្នះឃើញ។ Yibing បានសង្គ្រោះគ្រាប់បាល់ជ័យជំនះរបស់ Isner ដល់ទៅ ៣លើកនៅសិតចុងក្រោយ ដើម្បីយកឈ្នះនៅសិតចុងក្រោយទាំងប្រផុតប្រផើយ។ Wu Yibing នឹងឡើងមកឈរលំដាប់លេខ៥៨ ពិភពលោកនៅថ្ងៃចន្ទនេះ ហើយក៏នឹងក្លាយជាកីឡាករចិនទី១ ដែលមានលំដាប់ថ្នាក់ល្អបំផុតនៅក្នុងប្រវត្តិសាស្ត្រ ATP Ranking ផងដែរ។ រំលឹកថា Wu Yibing បានខកខានការប្រកួតពីខែមីនា ឆ្នាំ២០១៩ ដល់ខែកុម្ភៈ ឆ្នាំ២០២២ ដោយសាររបួស ហើយនេះគឺជាការបង្ហាញខ្លួននៅវគ្គផ្តាច់ព្រ័ត្រលើកដំបូងប៉ុណ្ណោះ។ មុនមកដល់ព្រឹត្តិការណ៍នេះ Wu Yibing ឈ្នះតែ ៦ប្រកួតប៉ុណ្ណោះ ដែលក្នុងនោះមានឈ្នះកីឡាករកំពូលរបស់អាមេរិក Taylor Fritz និងកីឡាករកាណាដា Denis Shapovalov ផងដែរដើម្បីឡើងមកកាន់វគ្គផ្តាច់ព្រ័ត្រ។ ដោយឡែកងាកទៅការប្រកួតផ្នែកបុរសមួយកម្មវិធីទៀតកីឡាករអ៊ីតាលី Jannik Sinner បានគ្រងជើងឯក Open Sud de France នៅទីក្រុង Montpellier ប្រទេសបារាំង។ Jannik Sinner បានយកឈ្នះកីឡាករអាមេរិក Maxime Cressy នៅវគ្គផ្តាច់ព្រ័ត្រ ៧-៦(៧-៣) និង ៦-៣ ដើម្បីលើកពានទី៧ ក្នុងអាជីពនៅក្របខណ្ឌ ATP Tour៕អត្ថបទ៖នាង សុភាវុធ

Southampton បញ្ចប់តំណែងអ្នកចាត់ការ Nathan Jones ក្រោយដឹកនាំបានត្រឹម ៣ខែ

បាល់ទាត់៖ ក្លិប Southampton បានសំរេចបញ្ចប់តំណែងអ្នកចាត់ការលោក Nathan Jones ហើយក្រោយដឹកនាំក្រុមបានត្រឹម ៣ខែ។ អតីតអ្នកចាត់ការ Luton Town វ័យ ៤៩ឆ្នាំរូបនេះត្រូវបានដកតំណែង បន្ទាប់ពី Southampton ចាញ់ក្រុមដែលមានគ្នាតែ ១០នាក់ Wolverhampton ១-២ ក្នុងទឹកដីខ្លួនឯងកាលពីថ្ងៃសៅរ៍ និងបានធ្លាក់ដល់បាតតារាងនៃក្របខណ្ឌ English Premier League ក្រោយលេងបាន ២២ប្រកួត។ បន្ទាប់ពីតែងតាំងនៅថ្ងៃទី១០ ខែវិច្ឆិកា អ្នកចាត់ការសញ្ជាតិវែលរូបនេះបានដឹកនាំ Southampton ចាញ់ ៩ ក្នុងចំណោម ១៤ប្រកួតក្នុងតំណែងនៅក្របខណ្ឌ ដែលក្នុងនោះរួមមានចាញ់នៅ Premier League ៨ ក្នុងចំណោម ៩ប្រកួត។ ការប្រកួតកាលពីថ្ងៃសៅរ៍ Southampton បាននាំមុខ Wolves ១-០ មុន មុនពេលដែលក្រុមភ្ញៀវ Wolves សល់គ្នាតែ ១០នាក់តែអាចវាយបករហូតយកឈ្នះវិញ។ លោក Nathan Jones បានបន្តតំណែងពីលោក Ralph Hassenhuttl ជាមួយនឹងកិច្ចសន្យា ៣ឆ្នាំកន្លះ។ មកដល់ភ្លាម Southampton ចាញ់ ៤ប្រកួតក្នុងចំណោម ៥ប្រកួតដំបូង ឈ្នះតែមួយប្រកួតប៉ុណ្ណោះគឺឈ្នះ Lincoln នៅក្របខណ្ឌទីបី ២-១ នៅក្របខណ្ឌ EFL Cup មុនពេលដែល Southampton បែជាឈ្នះ ៣ប្រកួតក្នុងរយៈពេល ១សប្តាហ៍ដែលរួមមានឈ្នះ Crystal Palace នៅ FA Cup, ឈ្នះ Manchester City នៅ EFL Cup និងឈ្នះ Everton នៅ Premier League៕អត្ថបទ៖នាង សុភាវុធ

អតីតគ្រូ Brighton, Chris Hughton ត្រូវតែងតាំងជាគ្រូបង្គោលក្រុមជម្រើសជាតិហ្កាណា

បាល់ទាត់៖ អតីតអ្នកចាត់ការក្លិបបាល់ទាត់ Brighton លោក Chris Hughton ត្រូវបានប្រកាសតែងតាំងជាគ្រូបង្គោល នៃក្រុមជម្រើសជាតិហ្កាណាហើយនៅថ្ងៃអាទិត្យចុងសប្តាហ៍កន្លងទៅ។ បុរសវ័យ ៦៤ឆ្នាំរូបនេះគឺជាទីប្រឹក្សាបច្ចេកទេសរបស់ក្រុមជម្រើសជាតិហ្កាណាតាំងពីខែកុម្ភៈ ឆ្នាំ២០២២។ លោក Hughton នឹងជំនួសតំណែងលោក Otto Addo ដែលបានលាលែងពីតំណែងក្រោយចប់ World Cup 2022 កន្លងទៅដែលហ្កាណាធ្លាក់ត្រឹមវគ្គវិលជុំក្នុងពូល ជាក្រុមឈរក្រោមគេផងដែរទោះឈ្នះ ១ ក្នុងចំណោម ៣ប្រកួតក្នុងពូលក៏ដោយ។ សម្រាប់ Chris Hughton ការដឹកនាំក្រុមជម្រើសជាតិហ្កាណា ក៏នឹងជាការងាអ្នកចាត់ការដំបូងផងដែរតាំងពីត្រូវបានបណ្តេញចេញពីតំណែងនៅ Nottingham Forest កាលពីខែកញ្ញា ឆ្នាំ២០២១។ លោក Hughton ពីមុនក៏ធ្លាប់ដឹកនាំក្លិបបាល់ទាត់មួយចំនួនដែរនៅអង់គ្លេសរួមមាន Newcastle, Birmingham និង Norwich មុនចំណាយពេល ៥ឆ្នាំដឹកនាំ Brighton ឡើងមកកាន់ English Premier League៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

របាយការណ៍៖ សហរដ្ឋអាមេរិក និងអ៊ីស្រាអែលមានផែនវាយប្រហារលើគោលដៅពាក់ព័ន្ធនឹងថាមពលនៅអ៊ីរ៉ង់

ភ្លើងចំហេះព្រៃកំពុងឆេះរាលដាលនៅទីក្រុង Montfort-sur-Argens នៃប្រទេសបារាំង

ការវាយប្រហាររបស់រុស្ស៊ីលើទីក្រុងគីវសម្លាប់មនុស្សយ៉ាងតិច ៩នាក់ ខណៈក្រុមពន្លត់អគ្គិភ័យកំពុងពន្លត់អគារដែលខូចខាត

ប្រព័ន្ធផ្សព្វផ្សាយ៖ មនុស្ស ២នាក់បានស្លាប់ ក្នុងការវាយប្រហាររបស់ជនសកម្មប្រយុទ្ធនៅតំបន់កាស្មៀររបស់ឥណ្ឌា

ប្រធានាធិបតីលីបង់ព្រមានថា ការវាយប្រហាររបស់អ៊ីស្រាអែលកំពុងគំរាមកំហែងកិច្ចចរចាក្របខណ្ឌ មុនជំនួបនៅទីក្រុងរ៉ូម

ប្រមុខUN ៖ ផែនទីបង្ហាញផ្លូវនៃការរំសាយអាវុធនៅតំបន់ហ្កាហ្សា ត្រូវតែអនុវត្តតាម

UN៖ ការខូចខាតហេដ្ឋារចនាសម្ព័ន្ធនៅភាគខាងត្បូងលីបង់ ធ្វើឲ្យប៉ះពាល់ដល់ការវិលត្រឡប់របស់ប្រជាពលរដ្ឋ

វិស័យអប់រំបោះជំហានទៅមុខលើការបណ្ដុះយុវជនឱ្យខិតខំអភិវឌ្ឍជំនាញនិងការច្នៃប្រឌិតថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Kylian Mbappe ត្រលប់មក​ហ្វឹកហាត់​វិញ​មុន PSG ជួប Bayern Munich យប់​នេះ

Liverpool ឈ្នះ Everton ២-០ ជា​ជ័យជំនះ​ដំបូង​ក្នុង​ឆ្នាំ២០២៣

គុន​ខ្មែរ​ត្រៀម​លើក​ស្លាក​សហព័ន្ធ​នៅ​ចិន ដើម្បី​ជំរុញ​ការអភិវឌ្ឍ និង​ផ្សព្វផ្សាយ​បន្ថែម​

កីឡា​ហាប់​គី​ដូ​បន្ដ​បញ្ជ្រាប​បច្ចេកទេស​ពិសេសៗ​ដល់​កងកម្លាំង ដើម្បី​បម្រើ​ការងារ​បង្ក្រាប​ផ្សេងៗ​

កីឡាករ​ប៊ីយ៉ា និង​ស្នូកឃ័រ​កម្ពុជា​កាន់​តែមាន​ទំនុកចិត្ត​ត្រៀម​ស៊ី​ហ្គេម ក្រោយ​ហ្វឹកហាត់​ក្រៅប្រទេស

Ott Tanak ឈ្នះ​ការប្រកួត Rally នៅ​ប្រទេស​ស៊ុយអែត​ឡើងមក​នាំមុខគេ​ក្នុង​តារាង​ជើងឯក​

Belinda Bencic គ្រង​ជើងឯក​វាយ​កូន​បាល់ Abu Dhabi Championship នៅ​អារ៉ាប់​រួម​

Wu Yibing ក្លាយជា​កីឡាករ​ចិន​ដំបូង​ឈ្នះ​ជើងឯក​នៅ​ក្របខណ្ឌ ATP Tour

Southampton បញ្ចប់​តំណែង​អ្នកចាត់ការ Nathan Jones ក្រោយ​ដឹកនាំ​បាន​ត្រឹម ៣​ខែ​

អតីត​គ្រូ Brighton, Chris Hughton ត្រូវ​តែងតាំង​ជា​គ្រូ​បង្គោល​ក្រុម​ជម្រើសជាតិ​ហ្កា​ណា