BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

មន្ដ្រីខេត្តកណ្ដាលវាយតម្លៃខ្ពស់ចំពោះការប្រកួតជើងឯកនារីឆ្នាំ២០២៣

បាល់ទាត់៖ លោកស្រី ឃុន សុខុម អនុប្រធានមន្ទីរអប់រំ យុវជន និងកីឡាខេត្តកណ្ដាល បានវាយតម្លៃខ្ពស់ចំពោះការរៀបចំព្រឹត្តិការណ៍បាល់ទាត់នារីជ្រើសរើសជើងឯកថ្នាក់ខេត្តឆ្នាំ២០២៣ ដែលស្ដែងឲ្យឃើញពីភាពរីកចម្រើននៃវិស័យកីឡាក្នុងខេត្ត ក៏ដូចជាការចូលរួមរបស់ស្ដ្រីក្នុងវិស័យកីឡា ស្របតាមនិយាមកីឡាទំនើបផងដែរ។ ការលើកឡើងនេះបន្ទាប់ពីមន្ទីរអប់រំ យុវជន និងកីឡាខេត្តកណ្ដាល បានដំណើរការរៀបចំការប្រកួតបាល់ទាត់នារីរយៈពេល ១សប្ដាហ៍ដែលទើបបញ្ចប់កាលពីចុងសប្ដាហ៍កន្លងទៅ ដោយក្រុមបាល់ទាត់នារីស្អាងយើងស្អាតបានគ្រងតំណែងជើងឯក បន្ទាប់ពីយកឈ្នះក្រុមនារីស្រុកកណ្ដាលស្ទឹងក្នុងវគ្គផ្ដាច់ព្រ័ត្រដោយលទ្ធផល ១១-១។ លោកស្រីបន្ដថា ការប្រកួតនេះបានបង្ហាញឲ្យឃើញថា វិស័យកីឡាក្នុងខេត្តកណ្ដាលមានការរីកចម្រើនគួរឲ្យកត់សម្គាល់ ពិសេសការចូលរួមពីសំណាក់យេនឌ័រក្នុងវិស័យកីឡា ក្រោមការយកចិត្តទុកដាក់ខ្ពស់របស់ថ្នាក់ដឹកនាំខេត្ត និងមន្ទីរ ដែលបានខិតខំគាំទ្រយ៉ាងពេញទំហឹងទាំងផ្នែកស្មារតី សម្ភារៈ និងថវិកា ក្នុងនោះការិយាល័យ អប់រំកាយ និងកីឡាក៏បានយកចិត្តទុកដាក់រៀបចំផែនការ សកម្មភាពជាអាទិភាពផ្តោតលើសក្តានុពល និងធនធានលើប្រភេទកីឡាមានក្នុងខេត្ត ដើម្បីធានានូវគុណតម្លៃ ការបង្កលក្ខណៈ និងការផ្ដល់សិទ្ធិឲ្យស្ត្រីមានឱកាស និងលទ្ធភាពក្នុងការចូលរួមលេងកីឡាផងដែរ។ បន្ថែមលើនេះ លោកស្រីបានកោតសរសើរចំពោះក្រុមកីឡាការិនីទាំងអស់ ដែលបានយកស្មារតីសាមគ្គីភាព និងមានសីលធម៌ប្រកបដោយការទទួលខុសត្រូវខ្ពស់ មកអនុវត្តក្នុងការប្រកួតនេះបានល្អប្រសើរ ទាំងសាមគ្គីក្នុងក្រុម និងពីក្រុមមួយទៅក្រុមមួយទៀត ធ្វើឲ្យការប្រកួតនេះទទួលបានលទ្ធផលល្អគួរជាទីមោទនៈ។ ដោយឡែកក្រុមទទួលបានជ័យជម្នះ ត្រូវបានលោកស្រីជំរុញឲ្យបន្ដការខិតខំប្រឹងប្រែងបន្ថែមទៀត សម្រាប់ត្រៀមការប្រកួតក្រោយៗទៀត ទាំងថ្នាក់ខេត្ត និងថ្នាក់ជាតិ ដើម្បីរួមចំណែកអភិវឌ្ឍន៍អភិវឌ្ឍន៍វិស័យកីឡាជាតិឲ្យកាន់តែរីកចម្រើន៕អត្ថបទ៖ លី ឈុនឡា

សហព័ន្ធបាល់ទាត់ប្រេស៊ីលបដិសេធព័ត៌មានលោក Carlo Ancelotti ព្រមព្រៀងដឹកនាំក្រុមជម្រើសជាតិ

បាល់ទាត់៖ សហព័ន្ធបាល់ទាត់ប្រេស៊ីលបានច្រានចោលព័ត៌មានដែលចុះផ្សាយថា អ្នកចាត់ការ Real Madrid បច្ចុប្បន្នលោក Carlo Ancelotti បានព្រមព្រៀងដឹកនាំក្រុមជម្រើសជាតិប្រេស៊ីល។ Carlo Ancelotti ដែលមានវ័យ ៦៣ឆ្នាំទើបតែបានដឹកនាំក្រុម Real Madrid លើកពាន UEFA Champions League លើកទី ១៤ ក្នុងប្រវត្តិសាស្ត្រក្លិប និងឈ្នះជើងឯក FIFA Club World Cup កាលពីថ្ងៃសៅរ៍ក្រោយឈ្នះ Al Hilal ៥-៣ នៅវគ្គផ្តាច់ព្រ័ត្រ។ អតីតអ្នកចាត់ការ AC Milan ដែលមានធ្លាប់មានទំនាក់ទំនងល្អជាមួយកីឡាករប្រេស៊ីល និងប្រមុខដឹកនាំរបស់សហព័ន្ធបាល់ទាត់ប្រេស៊ីលនាពេលកន្លងមក បាននិយាយក្នុងសន្និសីទសារព័ត៌មានកាលពីថ្ងៃសៅរ៍ថា ស្ថានភាពរបស់លោកគឺច្បាស់លាស់ណាស់ លោកមានកិច្ចសន្យាជាមួយ Real Madrid ដល់ឆ្នាំ២០២៤ គ្មានអ្វីលើសពីនេះ។ ប្រេស៊ីលតាំងពីបញ្ចប់ World Cup 2022 នៅកាតាមិនទាន់មានគ្រូបង្គោលនៅឡើយទេ ក្រោយលោក Tite លាលែងពីតំណែងនៅពេលប្រេស៊ីលធ្លាក់ត្រឹមវគ្គ ៨ក្រុមចុងក្រោយក្រោមស្នាដៃក្រូអាស៊ីដោយបាល់ ១១ម៉ែត្រកាត់សេចក្តី។ សារព័ត៌មានកីឡានៅប្រេស៊ីលជាច្រើនបានចុះផ្សាយផងដែរថា សហព័ន្ធបាល់ទាត់ប្រេស៊ីលបានធ្វើទំនាក់ទំនងមកកាន់អ្នកចាត់ការកំពូលៗនៅអឺរ៉ុបមួយចំនួនដូចជា Luis Enrique, Pep Guardiola, Zinedine Zidane និង Jose Mourinho ជាដើម៕អត្ថបទ៖នាង សុភាវុធ

មានយុវជនអ្នកស្ម័គ្រចិត្តចុះឈ្មោះជាង ៦០០០នាក់ហើយសម្រាប់ស៊ីហ្គេម២០២៣

ស៊ីហ្គេម៖ គិតត្រឹមចុងសប្តាហ៍កន្លងទៅមានយុវជនស្ម័គ្រចិត្ត បានចុះឈ្មោះចូលរួមបម្រើការប្រកួតកីឡាស៊ីហ្គេម និងអាស៊ានប៉ារ៉ាហ្គេមជាង ៦០០០នាក់ហើយតាំងពីថ្ងៃប្រកាសឱ្យចុះឈ្មោះ។ ក្នុងពិធីបិទការប្រកួតកីឡាបាល់ទាត់ពានរង្វាន់ Soccer League កាលពីថ្ងៃទី១១ ខែកុម្ភៈ ឆ្នាំ២០២៣ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជាបានមានប្រសាសន៍ថា កម្ពុជាបានត្រៀមរួចរាល់ គ្រប់គ្រាន់ដើម្បីស្វាគមន៍មិត្តភ័ក្ដិបរទេស ក៏ដូចជាកីឡាករ កីឡាការិនី ហើយមកដល់ពេលនេះមានអ្នកចុះឈ្មោះចូលរួមជាអ្នកស្ម័គ្រចិត្ត សម្រាប់ព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ប្រមាណជាង ៦០០០នាក់ហើយ។ ក្នុងសន្និសីទសារព័ត៌មានស្តីពីការជ្រើសរើសយុវជនស្ម័គ្រចិត្តថ្មីនេះ CAMSOC ត្រូវការយុវជនស្ម័គ្រចិត្តប្រមាណ ៧០០០នាក់ ដូច្នោះនេះសបញ្ជាក់ថា ចំនួនអ្នកស្ម័គ្រចិត្តសម្រាប់ព្រឹត្តិការណ៍ជាប្រវត្តិសាស្ដ្រនេះជិតគ្រប់ចំនួនហើយ បន្ទាប់ពីគណៈកម្មការអ្នកស្ម័គ្រចិត្តរបស់ CAMSOC បានប្រកាសបើកទទួលការចុះឈ្មោះជិតកន្លះខែកន្លងទៅ។ យុវជន យុវនារីដែលបានមកចុះឈ្មោះប្រាប់ឱ្យដឹងថា កត្តាដែលខ្លួនសម្រេចចិត្តចុះឈ្មោះធ្វើជាអ្នកស្ម័គ្រចិត្ត ព្រោះស៊ីហ្គេមជាព្រឹត្តិការណ៍កីឡាដ៏ធំ និងចង់បង្កើនជំនាញ និងសមត្ថភាពរបស់ខ្លួនក្នុងកិច្ចការស្ម័គ្រចិត្តនេះ។ ហើយប្រសិនត្រូវបានជ្រើសរើសនឹងប្តេជ្ញាចិត្តធ្វើឱ្យបានល្អ ដើម្បីមុខមាត់ប្រទេសជាតិ។ ថ្មីនេះៗឯកឧត្តមបណ្ឌិត ថោង ខុន អនុប្រធានអចិន្ត្រៃយ៍ CAMSCO បានថ្លែងអរអំណរគុណថ្នាក់ដឹកនាំ និងក្រុមការងារយុវជន ស.ស.យ.កទាំងអស់ដែលបានចូលរួមជាមួយគណៈកម្មការអ្នកស្ម័គ្រចិត្ត ដើម្បីផ្ដល់នូវយុវជនស្ម័គ្រចិត្តប្រកបដោយឆន្ទៈ សម្រាប់ចូលរួមរៀបចំព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ ដ្បិតអ្នកស្ម័គ្រចិត្តគឺជា DNA ដ៏សំខាន់ដើម្បីជំរុញការរៀបចំ និងការប្រកួតឲ្យទទួលបានជោគជ័យ។ ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ កម្ពុជាត្រូវការកម្លាំងអ្នកស្ម័គ្រចិត្តប្រមាណ ៧០០០នាក់សម្រាប់បម្រើឲ្យការងារផ្សេងៗ ជាមួយគណៈកម្មការជំនាញទាំង ១៤ របស់ CAMSOC ពិសេសគណៈកម្មការអ្នកស្ម័គ្រចិត្ត។ បច្ចុប្បន្នគណៈកម្មការអ្នកស្ម័គ្រចិត្តមានជនបង្គោលប្រមាណ ៥០០នាក់ហើយ មុនបើកទទួលអ្នកស្ម័គ្រចិត្តឲ្យចុះឈ្មោះចាប់ពីថ្ងៃទី០១ ខែកុម្ភៈ រហូតដល់ថ្ងៃទី០១ ខែមីនាខាងមុខ ។ ស៊ីហ្គេម ២០២៣ ដំណើរការពីថ្ងៃទី៥ ដល់ថ្ងៃទី១៧ ខែឧសភា ចំនែក អាស៊ានប៉ារ៉ាហ្គេម ដំណើរការពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣៕អត្ថបទ៖ គង់ ហួន

វគ្គបណ្ដុះបណ្ដាលស្ដីពីការប្រើប្រាស់ព័ត៌មានកម្រិត២ ក្នុងវិស័យកីឡាបញ្ចប់ដោយជោគជ័យ

ភ្នំពេញ៖ វគ្គបណ្ដុះបណ្ដាលស្ដីពីការប្រើប្រាស់ព័ត៌មានវិទ្យាកម្រិត២ សម្រាប់ការស្រង់ទិន្នន័យ និងស្ថិតិកីឡាដែលរៀបចំដោយមជ្ឈមណ្ឌលជាតិព័ត៌មានវិទ្យា និងស្ថិតិកីឡានៃអគ្គនាយកដ្ឋានកីឡាបានបញ្ចប់ដោយជោគជ័យ ក្រោយដំណើរការរៀបចំ ៥ថ្ងៃចាប់ពីថ្ងៃទី០៦ ដល់ថ្ងៃទី១០ ខែកុម្ភៈ ឆ្នាំ២០២៣ នេះនៅសាលប្រជុំនាយកដ្ឋានអប់រំកាយ និងកីឡានៃពហុកីឡដ្ឋានជាតិ។ លោក អ៊ុង វីរៈ អនុប្រធានមជ្ឈមណ្ឌល និងជាគ្រូឧទ្ទេសបានវាយតម្លៃខ្ពស់ចំពោះការរៀបចំវគ្គនេះឡើង ដោយលោកបានកត់សម្គាល់ឃើញថា សិក្ខាកាមទាំងអស់បានយកចិត្តទុកដាក់ ស្គាល់ និងយល់ដឹងច្រើនពីការប្រើប្រាស់ព័ត៌មានវិទ្យា ការស្រង់ទិន្នន័យ និងស្ថិតិកីឡា បន្ទាប់ពីការប្រាស្រ័យគ្នាតាមរយៈសំណួរ និងចម្លើយដ៏ផុសផុល ប្រកបដោយភាពហ្មត់ចត់ ច្បាស់លាស់ និងចំចំណុច ព្រមទាំងការប្រើប្រាស់កុំព្យូទ័រផងដែរ។ ជាមួយគ្នាអនុប្រធានទទួលបន្ទុករួមរបស់មជ្ឈមណ្ឌលលោក ធិន វិចិត្រ បានលើកឡើងថា ការបណ្ដុះបណ្ដាលចំណេះ និងជំនាញឌីជីថលដល់ធនធានមន្ដ្រីក្នុងវិស័យកីឡាគឺជាតួអង្គមួយដ៏សំខាន់ ដែលទាំងអស់គ្នាត្រូវយកចិត្តទុកដាក់រៀបចំជាប្រចាំឲ្យបានទាន់បច្ចុប្បន្នភាព ស្របពេលបច្ចេកវិទ្យាលើសកលលោកកំពុងមានការអភិវឌ្ឍយ៉ាងសកម្ម មិនថាក្នុងវិស័យកីឡាឡើយ។ ក្នុងនាមប្រធានគ្រប់គ្រងវគ្គ លោកសង្ឃឹមថា ក្រោយចប់វគ្គនេះ សិក្ខាកាមទាំងអស់នឹងខិតខំប្រែងប្រែងក្រេបជញ្ជក់ នូវពុទ្ធិឌីជីថលតាមបែបប្រព័ន្ធបច្ចេកវិទ្យាទំនើបថ្មីៗបន្ថែមទៀត ដើម្បីយកចំណេះ ជំនាញទាំងអស់នោះទៅចែករំលែកតាមអង្គភាពរបស់ខ្លួន ពិសេសដើម្បីចូលរួមអភិវឌ្ឍន៍កីឡាជាតិឲ្យកាន់តែរីកចម្រើន និងឆ្ពោះទៅរកភាពជោគជ័យក្នុងព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នាពេលឆាប់ៗខាងមុខ៕អត្ថបទ៖ លី ឈុនឡា

រាជរដ្ឋាភិបាលផ្ដល់ប្រាក់រង្វាន់ ២៨៦លានរៀលដល់ជយលាភីកីឡាការ៉ាតេជើងឯកអាស៊ី និងជើងឯកអាស៊ាន

ការ៉ាតេ៖ រាជរដ្ឋាភិបាលកម្ពុជាតាមរយៈក្រសួងអប់រំ យុវជន និងកីឡាកាលពីថ្ងៃទី១០ ខែកុម្ភៈបានផ្ដល់ប្រាក់រង្វាន់ដល់ជយលាភីកីឡារ៉ាតេ ២ព្រឹត្តិការណ៍គឺការប្រកួតកីឡាការ៉ាតេជ្រើសរើសជើងឯកអាស៊ីលើកទី១៧ ឆ្នាំ២០២១ នៅទីក្រុងអាល់ម៉ានី ប្រទេសកាហ្សាក់ស្ថាន និងការប្រកួតកីឡាការ៉ាតេជ្រើសជើងឯកអាស៊ីអាគ្នេយ៍លើកទី៩ ឆ្នាំ២០២២ នៅរាជធានីភ្នំពេញដែលមានទឹកប្រាក់សរុបចំនួន ២៨៦លានរៀល។ ពិធីប្រគល់ប្រាក់រង្វាន់លើកទឹកចិត្តរបស់រាជរដ្ឋាភិបាលកម្ពុជានេះ ធ្វើឡើងនៅទីស្នាក់ការគណៈកម្មាធិការជាតិអូឡាំពិកកម្ពុជានៅថ្ងៃទី១០ ខែកុម្ភៈ ឆ្នាំ២០២៣ នេះ ក្រោមវត្តមានឯកឧត្តម សាមឺឌី ស៊ីវឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហព័ន្ធកីឡាការ៉ាតេកម្ពុជា តំណាងដ៏ខ្ពង់ខ្ពស់របស់ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្ដ្រី រដ្ឋមន្ដ្រីក្រសួងអប់រំ យុវជន និងកីឡា និងជាប្រធានសហព័ន្ធ។ យោងតាមរបាយការណ៍សហព័ន្ធសម្រាប់ការប្រកួតជើងឯកអាស៊ីលើកទី១៧ នៅទីក្រុងអាល់ម៉ានីកាលពីចុងឆ្នាំ២០២១ ទទួលបានមេដាយសំរឹទ្ធ ២គ្រឿង ដោយកីឡាការិនី លឹម សុខវិច្ឆិកា និងកីឡាការិនី ឆន ស្រីភា លើវិញ្ញាសាប្រយុទ្ធឯកត្តជន។ សម្រាប់មេដាយសំរឹទ្ធកម្រិតអាស៊ីនេះក្នុង ១គ្រឿងទទួលបាន ១៦លានរៀល ខណៈគ្រូបង្វឹកទទួលបាន ១០០% ស្មើកីឡាករ-កីឡាការិនីជយលាភី និងគ្រូជំនួយទទួលបាន ៧០%។ ដូច្នេះព្រឹត្តិការណ៍នេះ រាជរដ្ឋាភិបាល បានផ្ដល់ប្រាក់រង្វាន់សរុបចំនួន ៨១លាន និង ៦០ម៉ឺនរៀល។ ដោយឡែកការប្រកួតកីឡាការ៉ាតេជើងឯកអាស៊ីអាគ្នេយ៍លើកទី៩ នៅកម្ពុជាកាលពីខែមីនា ឆ្នាំ២០២២ វិញ ក្រុមអត្តពលិកកីឡាការ៉ាតេកម្ពុជាដណ្ដើមបានមេដាយសរុប ៧គ្រឿងលើ ៧វិញ្ញាសា រួមមានមេដាយមាស ១ ប្រាក់ ១ និងសំរឹទ្ធ ៥ លើវិញ្ញាសាប្រយុទ្ធឯកត្ដជន និងប្រយុទ្ធជាក្រុម។ សម្រាប់ជយលាភីការប្រកួតជើងឯកអាស៊ាននេះ មេដាយមាស ទទួលបាន ១២លានរៀល, មេដាយប្រាក់ទទួលបាន ១០លានរៀល និងសំរឹទ្ធទទួលបាន ៨លានរៀល។ រីឯគ្រូបង្វឹកទទួលបាន ១០០% ស្មើកីឡាករ-កីឡាការិនីជយលាភី និងគ្រូជំនួយក៏បានទទួល ៧០% ផងដែរ។ សរុបប្រាក់រង្វាន់រាជរដ្ឋាភិបាលផ្ដល់ជូនម្ចាស់ជយលាភីក្នុងព្រឹត្តិការណ៍នេះគឺមានចំនួន ២០៤លាន និង ៤០ម៉ឺនរៀល។ ដូច្នេះសរុបទាំង ២ព្រឹត្ដិការណ៍អន្ដរជាតិនេះ រាជរដ្ឋាភិបាលបានផ្ដល់ប្រាក់រង្វាន់លើកទឹកចិត្តដល់កីឡាករ-កីឡាការិនីជយលាភី និងគ្រូបង្វឹក គ្រូជំនួយសរុបចំនួន ២៨៦លានរៀល។ បន្ថែមលើនេះ ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ក្នុងនាមប្រធានសហព័ន្ធក៏បានឧបត្ថម្ភថវិកាផ្ទាល់ខ្លួន ដល់គ្រូបង្វឹក គ្រូជំនួយ និងអាជ្ញាកណ្ដាល-ចៅក្រមប្រឡងជាប់កម្រិត A និងកម្រិត B និងកីឡាករ-កីឡាការិនីជយលាភីក្នុងការប្រកួតជើងឯកអាស៊ីលើកទី១៧ នៅប្រទេសកាហ្សាក់ស្ថានផងដែរ ដែលសរុបថវិកាលើកទឹកចិត្តរបស់ប្រធានសហព័ន្ធគឺមានចំនួន ៣១លានរៀល។ ជាមួយការផ្ដល់ប្រាក់រង្វាន់លើកទឹកចិត្តនេះ ពិសេសថវិការបស់រាជរដ្ឋាភិបាលក្នុងនាមសហព័ន្ធ ឯកឧត្តម សាមឺឌី ស៊ីវឌ្ឍនា បានសម្ដែងការអរគុណចំពោះការយកចិត្តទុកដាក់ដ៏ខ្ពង់ខ្ពស់របស់ថ្នាក់ដឹកនាំលើគ្រប់វិស័យកីឡា ពិសេសកីឡាការ៉ាតេ។ ឯកឧត្តមបានចាត់ទុកការឧបត្ថម្ភគាំទ្រនេះ គឺជាកម្លាំងចិត្ដមួយដ៏សំខាន់សម្រាប់កីឡាករ-កីឡាការិនី សម្រាប់ការខិតខំប្រឹងប្រែងប្រកួតប្រជែងដណ្ដើមមេដាយជូនជាតិ ពិសេសក្នុងការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជានាពេលឆាប់ៗខាងមុខ៕អត្ថបទ៖ លី ឈុនឡា

អត្តពលិកកម្ពុជានឹងទទួលបានបទពិសោធន៍បន្ថែមទៀតពីជប៉ុន ដើម្បីឈ្នះមេដាយមាសអាស៊ានប៉ារ៉ាហ្គេម

កម្ពុជា៖ ក្រុមបាល់បោះរទេះជនពិការកម្ពុជា នឹងធ្វើដំណើរទស្សនៈកិច្ចទៅកាន់ប្រទេសជប៉ុន សប្តាហ៍ក្រោយ ហើយថ្នាក់ដឹកនាំកំពូលកីឡាប្រភេទនេះរំពឹងថា អត្តពលិកនឹងទទួលបានបទពិសោធន៍ថ្មីបន្ថែមទៀតពីក្រុមជប៉ុន ដើម្បីដណ្តើមមេដាយមាសការប្រកួតអាស៊ានប៉ារ៉ាហ្គេម ២០២៣ ពេលដែលកម្ពុជាធ្វើម្ចាស់ផ្ទះនៅដើមខែមិថុនាខាងមុខ។នេះជាការបញ្ជាក់របស់ ឯកឧត្តម លី ធុច អនុប្រធានទី១ អាជ្ញាធរមីន និងជាប្រធានសហព័ន្ធកីឡាបាល់បោះរទេះជនពិការកម្ពុជា ក្នុងពិធីជូនដំណើរអត្តពលិកបាល់បោះរទេះជនពិការកម្ពុជា ទៅដោះដូរបទពិសោធន៍នៅជប៉ុនដែលរៀបចំដោយស្ថានទូតជប៉ុន ប្រចាំនៅព្រះរាជាណាចក្រកម្ពុជារសៀលថ្ងៃទី១០ ខែកុម្ភៈ ឆ្នាំ២០២៣។ឯកឧត្តម បានប្រាប់អ្នកសារព័ត៌មានថា កម្មវិធីទស្សនកិច្ចទៅប្រទេសជប៉ុននេះ ពិតជាមានសារៈសំខាន់ដើម្បីប្រមូលបានបទពិសោធន៍ ត្រៀមប្រកួតដណ្តើមមេដាយមាសក្នុងការប្រកួតអាស៊ានប៉ារ៉ាហ្គេមខាងមុខនេះ។ឯកឧត្តម អ៊ុអិណុ អាត្សឹស៊ី ឯកអគ្គរដ្ឋទូតជប៉ុនប្រចាំនៅកម្ពុជា បានជូនពរកម្ពុជាក្នុងការធ្វើម្ចាស់ផ្ទះស៊ីហ្គេម និងអាស៊ានប៉ារ៉ាហ្គេម ឱ្យទទួលបានជោគជ័យ។ ខណៈនោះឯកឧត្តមបានបន្តថា អត្តពលិកដែលទៅជប៉ុននឹងចូលរួមសិក្ខាសាលា ដែលរៀបចំដោយសហព័ន្ធកីឡាប៉ារ៉ាជប៉ុន ស្តីពីសកម្មភាពកីឡាប៉ារ៉ានៅជប៉ុន ព្រមទាំងមានកម្មវិធី ហ្វឹកហាត់រួមគ្នាជាមួយក្រុមជប៉ុនផងដែរ។ បាល់បោះរទេះជនពិការ មានការពេញនិយមនៅក្នុងប្រទេសជប៉ុនយូរណាស់មកហើយ ប៉ុន្តែមានការចាប់អារម្មណ៍ខ្លាំងពេលក្រុមបុរសបាល់បោះរទេះជនពិការជប៉ុនឈ្នះមេដាយប្រាក់អូឡាំពិក។ ឯកឧត្តម រំពឹងថាអាស៊ានប៉ារ៉ាហ្គេមខាងមុខនេះ នឹងលើកកម្ពស់ការយល់ដឹងអំពីកីឡាបាល់បោះរទេះជនពិការនៅកម្ពុជា ហើយវានឹងក្លាយជាឱកាសសម្រាប់មនុស្សជាច្រើន ចាប់អារម្មណ៍លើកីឡាប្រភេទនេះ។ឯកឧត្ត ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា បានថ្លែងអំណរអរគុណដល់ស្ថានទូតជប៉ុននៅកម្ពុជាដែលបង្ករលក្ខណៈដល់អត្តពលិកកម្ពុជា ហើយបានបញ្ជាក់ថានេះជាផ្នែកមួយ ក្នុងចំណោមផ្នែកជាច្រើនដែលជប៉ុនបានជួយ។អត្តពលិកបាល់បោះរទេះជនពិការកម្ពុជា នឹងធ្វើដំណើរទៅកាន់ប្រទេសជប៉ុន ពីថ្ងៃទី១៥ ដល់ថ្ងៃទី២០ ខែកុម្ភៈ ឆ្នាំ២០២៣ខាងមុខនេះ ក្នុងកម្មវិធី បណ្តាញផ្លាស់ប្តូរនិស្សិត និងយុវជនជប៉ុន អាស៊ីបូព៌ា ក្រោមប្រធានបទ ជប៉ុន កម្ពុជា ដោះដូរបទពិសោធន៍កីឡាប៉ារ៉ា។ហើយនឹងប្រើប្រាស់បទពិសោធន៍ដែលទទួលបាននៅជប៉ុន ដើម្បីសម្រេចនូវ លទ្ធផលដ៏ល្អនៅក្នុងព្រឹត្តិការណ៍កីឡាអាស៊ានប៉ារ៉ាហ្គេម ២០២៣ដើមខែមិថុនា។ទាក់ទងនឹងដំណើរទៅកាន់ប្រទេសជប៉ុន កីឡាការិនី សៀង សុខចាន់ បានបង្ហាញក្តីរីករាយយ៉ាងខ្លាំងដែលស្ថានទូតជប៉ុន ផ្តល់ឱកាស ក្នុងការដោះដូរបទពិសោធន៍ជាមួយក្រុមជប៉ុន ក្នុងន័យពង្រឹងសមត្ថភាព លើសពីនេះក៏នឹងផ្លាស់ប្តូរវប្បធម៌ ទៅវិញទៅមក។សូមរំលឹកថា អាស៊ានប៉ារ៉ាហ្គេមលើកទី១១ ឆ្នាំ២០២២នៅទីក្រុងសូឡូ ឥណ្ឌូនេស៊ី បាល់បោះរទេះជនពិការនារីកម្ពុជា វិញ្ញាសា ៣នាក់ទល់៣នាក់ ឈ្នះមេដាយមាស និងឈ្នះមេដាយប្រាក់លើវិញ្ញាសាជាក្រុម។ ចំនែកបាល់បោះបុរស កម្ពុជា ដណ្តើមបានមេដាយប្រាក់ វិញ្ញាសា ៥នាក់ទល់នឹង៥នាក់៕ អត្ថបទ៖ គង់ ហួន

បុរសសញ្ជាតិអាល្លឺម៉ង់ម្នាក់រត់ Ultramarathon រាល់ថ្ងៃសរុប ៨៦ថ្ងៃជាប់គ្នាបញ្ចប់ដោយជោគជ័យ

រត់៖ អត្តពលិកអាល្លឺម៉ង់ និងជាអ្នកចូលចិត្តផ្សងព្រេង Savas Coban បានបំពេញក្តីស្រមៃរបស់ខ្លួនក្នុងការរត់ Ultramarathon ជារៀងរាល់ថ្ងៃសរុប ៨៦ថ្ងៃជាប់គ្នាបញ្ចប់ដោយជោគជ័យនៅទីក្រុង Lima ប្រទេសប៉េរូ។ Savas Coban បានរត់ជាងរៀងរាល់ថ្ងៃជាមធ្យមចម្ងាយ ៦០គីឡូម៉ែត្រជិត ៣ខែ និងសរុបចម្ងាយជារួម ៥១៧០គីឡូម៉ែត្រ ជុំវិញប្រទេសប៉េរូប្រឈមនឹងបម្រែបម្រួលអាកាសធាតុជាច្រើនតំបន់។ Coban បានរត់ឆ្លងកាត់តំបន់សមុទ្រខ្សាច់ ឆ្នេរសមុទ្រ ព្រៃ ភ្នំ និងព្រិលធ្លាក់ជាដើម និងពេលខ្លះឡើងដល់ចំណោតកម្ពស់ដល់ទៅជាង ៥០០០ម៉ែត្រក៏មាន។ បុរសសញ្ជាតិអាល្លឺម៉ង់រូបនេះបានចេញដំណើរផ្សងព្រេងរបស់ខ្លួនកាលពីថ្ងៃទី១៣ ខែវិច្ឆិកាពីទីក្រុង Lima ឆ្ពោះទៅភាគខាងត្បូងនៃប្រទេសប៉េរូរហូតទៅដល់ព្រំប្រទល់ប្រទេសស៊ីលី។ Coban បានរត់ឆ្លងកាត់តំបន់ទេសចរសំខាន់របស់ប្រទេសប៉េរូដូចជា Nazca Lines បឹង Titicaca, Cusco ដែលសុទ្ធតែតំបន់ព្រៃភ្នំអភិរក្ស ក៏ដូចជាធ្វើដំណើរទៅតាមតំបន់ខ្ពង់រាបនៃប្រទេស មុនត្រលប់មកកាន់ទីក្រុង Lima វិញដែលជាទីបញ្ចប់។ Savas Coban បាននិយាយថា ឧបសគ្គនៃការបំពេញក្តីស្រមៃរបស់ខ្លួនគឺមានតែបញ្ហាសុខភាពប៉ុណ្ណោះ ដែលរូបគេតែងតែប្រឈមនឹងព្យាយាមជំនះឱ្យជារៀងរាល់ថ្ងៃ តាមរយៈការរក្សាកម្លាំង រក្សាតុល្យភាពចំណីអាហារជាដើម៕អត្ថបទ៖នាង សុភាវុធ

ក្រុមហ៊ុនវិនិយោគរបស់កាតាគ្រោងទិញភាគហ៊ុនក្រុមបិសាចក្រហម Manchester United

បាល់ទាត់៖ ក្រុមហ៊ុនវិនិយោគរបស់កាតា Qatar Sports Investments (QSI) ត្រូវបានគេដឹងថា កំពុងមានគម្រោងទិញភាគហ៊ុនក្លិបបិសាចក្រហម Manchester United មកគ្រប់គ្រង នេះបើតាមការចុះផ្សាយរបស់សារព័ត៌មាន Daily Mail។ របាយការណ៍ព័ត៌មានបានឱ្យដឹងថា ក្រុមហ៊ុនវិនិយោគមួយនេះប្រមូលផ្តុំដោយអ្នកមានស្តុកស្តម្ភរបស់កាតាដែលជាម្ចាស់ World Cup 2022 កន្លងទៅ។ Manchester United បានបដិសេធមិនឆ្លើយតបឡើយ ក្រោយមានការទាក់ទងសួរបញ្ជាក់ពីសារព័ត៌មាន Reuters។ លោក Jim Ratcliffe ដែលជាប្រធានក្រុមហ៊ុន INEOS របស់អង់គ្លេស ជាមនុស្សមុនដែលប្រកាសដំណើរការចរចាទិញភាគហ៊ុន Manchester United កាលពីខែមុន បន្ទាប់ពីម្ចាស់ភាគហ៊ុនធំគ្រួសារត្រកូល Glazers របស់អាមេរិក បាននិយាយកាលពីខែវិច្ឆិកាក្នុងការលក់ភាគហ៊ុនរបស់ខ្លួន។ សូមបញ្ជាក់ថា អ្នកគាំទ្រ Manchester United បានស្រែកទទូចរកម្ចាស់ក្លិបថ្មី និងឈានដល់ការធ្វើបាតុកម្មប្រឆាំងម្ចាស់ក្លិបបច្ចុប្បន្នផងដែរ ជុំវិញការវិនិយោគរបស់ក្លិបដែលខកខានលើកពានតាំងពី Europa League ឆ្នាំ២០១៧។ បច្ចុប្បន្ន Manchester United ស្ថិតក្រោមការដឹកនាំរបស់អ្នកចាត់ការ Erik ten Hag កំពុងឈរលេខ៣ ក្នុងតារាងនៅក្របខណ្ឌ English Premier League៕អត្ថបទ៖នាង សុភាវុធ

អតីតកីឡាករវាយកូនបាល់ម៉ារ៉ុកម្នាក់ត្រូវដាក់ពិន័យមួយជីវិត ក្រោយពាក់ព័ន្ធនឹងរឿងរៀបចំលទ្ធផលទុក ១៣៥ប្រកួត

វាយកូនបាល់៖ អតីតកីឡាករវាយកូនបាល់ម៉ារ៉ុក Younes Rachidi ត្រូវបានដាក់ពិន័យមិនឱ្យពាក់ព័ន្ធនឹងកីឡាវាយកូនបាល់ពេញមួយជីវិត ក្រោយត្រូវបានរកឃើញពីអំពើពុករលួយរៀបចំលទ្ធផលទុកជាមុនសរុប ១៣៥ប្រកួត ច្រើនបំផុតជាកំណត់ត្រាដោយក្រុមភ្នាក់ងារសុចរិតភាពកីឡាវាយកូនបាល់អន្តរជាតិ ITIA។ បុរសវ័យ ៣៦ឆ្នាំរូបនេះមានពាក់ព័ន្ធនឹងអំពើពុករលួយនេះ ជាមួយកីឡាករសញ្ជាតិអាល់ហ្សេរីពីររូបទៀតដែលត្រូវបានដាក់ពិន័យមុននេះដោយ ITIA ផងដែរ។ Younes Rachidi ដែលជាកីឡាករវាយគូធ្លាប់មានចំណាត់ថ្នាក់ពិភពលោកលេខ ៤៧៣ ចាប់ពីពេលនេះទៅនឹងមិនអនុញ្ញាតឱ្យលេងកីឡាវាយកូនបាល់ រឺការងារជាគ្រូបង្វឹក គ្រូជំនួសផ្សេង បូករួមទាំងមិនឱ្យចូលទស្សនាការប្រកួតថែមទៀត៕អត្ថបទ៖នាង សុភាវុធ

បន្ទាប់ពី Mbappe នៅពេលនេះ Messi ម្នាក់ទៀតមិនទាន់ច្បាស់ថា លេងបានរឺអត់ពេលជួប Bayern Munich

បាល់ទាត់៖ បញ្ហារបួសរបស់ក្រុមបារាំង Paris Saint Germain នៅតំបន់ប្រយុទ្ធកាន់តែអាក្រក់ បន្ទាប់ពីខ្សែប្រយុទ្ធអាហ្សង់ទីន Lionel Messi កំពុងមានបញ្ហាសរសៃពួរ និងមិនទាន់ច្បាស់ថា អាចចូលលេងបានរឺអត់នៅពេលជួប Bayern Munich ជើងទី១ វគ្គ ១៦ក្រុមចុងក្រោយ UEFA Champions League ពាក់កណ្តាលសប្តាហ៍ក្រោយនេះ។ ក្រុមជើងឯកបារាំងមួយនេះក៏កំពុងប្រឈមនឹងអវត្តមានខ្សែប្រយុទ្ធបារាំង Kylian Mbappe ម្នាក់ទៅហើយដែលមានរបួសភ្លៅ។ ចំណែករបួសរបស់ Messi ត្រូវបានគេដឹងបានកើតឡើងអំឡុងការប្រកួតដែល PSG ចាញ់នៅទឹកដី Marseille ធ្លាក់ពីពានរង្វាន់ Coupe de France កាលពីថ្ងៃពុធ។ សារព័ត៌មានបារាំង L’Equipe ក៏បានចុះផ្សាយដែរថា Messi នឹងអវត្តមានពីការប្រកួតរបស់ PSG ទល់នឹង Monaco ចុងសប្តាហ៍នេះផងដែរ។ Paris Saint Germain នឹងទទួលស្វាគមន៍ Bayern Munich នៅទីក្រុងប៉ារីសនៅថ្ងៃអង្គារសប្តាហ៍ក្រោយនេះ មុនពេលត្រលប់ទៅទឹកដីអាល្លឺម៉ង់វិញថ្ងៃទី៨ ខែមីនា៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

របាយការណ៍៖ សហរដ្ឋអាមេរិក និងអ៊ីស្រាអែលមានផែនវាយប្រហារលើគោលដៅពាក់ព័ន្ធនឹងថាមពលនៅអ៊ីរ៉ង់

ភ្លើងចំហេះព្រៃកំពុងឆេះរាលដាលនៅទីក្រុង Montfort-sur-Argens នៃប្រទេសបារាំង

ការវាយប្រហាររបស់រុស្ស៊ីលើទីក្រុងគីវសម្លាប់មនុស្សយ៉ាងតិច ៩នាក់ ខណៈក្រុមពន្លត់អគ្គិភ័យកំពុងពន្លត់អគារដែលខូចខាត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

មន្ដ្រីខេត្តកណ្ដាលវាយតម្លៃខ្ពស់ចំពោះការប្រកួតជើងឯកនារីឆ្នាំ២០២៣

សហព័ន្ធបាល់ទាត់ប្រេស៊ីលបដិសេធព័ត៌មានលោក Carlo Ancelotti ព្រមព្រៀងដឹកនាំក្រុមជម្រើសជាតិ

មានយុវជនអ្នកស្ម័គ្រចិត្តចុះឈ្មោះជាង ៦០០០នាក់ហើយសម្រាប់ស៊ីហ្គេម២០២៣

វគ្គបណ្ដុះបណ្ដាលស្ដីពីការប្រើប្រាស់ព័ត៌មានកម្រិត២ ក្នុងវិស័យកីឡាបញ្ចប់ដោយជោគជ័យ

រាជរដ្ឋាភិបាលផ្ដល់ប្រាក់រង្វាន់ ២៨៦លានរៀលដល់ជយលាភីកីឡាការ៉ាតេជើងឯកអាស៊ី និងជើងឯកអាស៊ាន

អត្តពលិកកម្ពុជានឹងទទួលបានបទពិសោធន៍បន្ថែមទៀតពីជប៉ុន ដើម្បីឈ្នះមេដាយមាសអាស៊ានប៉ារ៉ាហ្គេម

បុរសសញ្ជាតិអាល្លឺម៉ង់ម្នាក់រត់ Ultramarathon រាល់ថ្ងៃសរុប ៨៦ថ្ងៃជាប់គ្នាបញ្ចប់ដោយជោគជ័យ

ក្រុមហ៊ុនវិនិយោគរបស់កាតាគ្រោងទិញភាគហ៊ុនក្រុមបិសាចក្រហម Manchester United

អតីតកីឡាករវាយកូនបាល់ម៉ារ៉ុកម្នាក់ត្រូវដាក់ពិន័យមួយជីវិត ក្រោយពាក់ព័ន្ធនឹងរឿងរៀបចំលទ្ធផលទុក ១៣៥ប្រកួត

បន្ទាប់ពី Mbappe នៅពេលនេះ Messi ម្នាក់ទៀតមិនទាន់ច្បាស់ថា លេងបានរឺអត់ពេលជួប Bayern Munich

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

មន្ដ្រី​ខេត្តកណ្ដាលវាយតម្លៃ​ខ្ពស់ចំពោះ​ការប្រកួត​ជើងឯក​នារីឆ្នាំ​២០២៣

សហព័ន្ធ​បាល់ទាត់​ប្រេ​ស៊ី​ល​បដិសេធ​ព័ត៌មាន​លោក Carlo Ancelotti ព្រមព្រៀង​ដឹកនាំ​ក្រុម​ជម្រើស​ជាតិ

មាន​យុវជន​អ្នក​ស្ម័គ្រ​ចិត្ត​ចុះឈ្មោះ​ជាង ៦០០០​នាក់​ហើយ​សម្រាប់​ស៊ី​ហ្គេម​២០២៣

វគ្គ​បណ្ដុះបណ្ដាល​ស្ដីពី​ការប្រើប្រាស់​ព័ត៌មាន​កម្រិត​២ ក្នុង​វិស័យ​កីឡាបញ្ចប់​ដោយ​ជោគជ័យ​

រាជរដ្ឋាភិបាលផ្ដល់ប្រាក់​រង្វាន់ ២៨៦​លាន​រៀលដល់​ជយលាភី​កីឡា​កា​រ៉ា​តេ​ជើងឯក​អាស៊ី និង​ជើងឯក​អាស៊ាន

អត្តពលិកកម្ពុជានឹងទទួលបានបទពិសោធន៍បន្ថែមទៀតពីជប៉ុន ដើម្បីឈ្នះមេដាយមាសអាស៊ានប៉ារ៉ាហ្គេម

បុរស​សញ្ជាតិ​អាល្លឺម៉ង់​ម្នាក់​រត់ Ultramarathon រាល់ថ្ងៃ​សរុប ៨៦ថ្ងៃ​ជាប់​គ្នា​បញ្ចប់​ដោយ​ជោគជ័យ​

ក្រុមហ៊ុន​វិនិយោគ​របស់​កាតា​គ្រោង​ទិញ​ភាគហ៊ុន​ក្រុម​បិសាច​ក្រហម Manchester United

បន្ទាប់ពី Mbappe នៅពេលនេះ Messi ម្នាក់ទៀត​មិនទាន់​ច្បាស់​ថា​ លេង​បាន​រឺ​អត់​ពេល​ជួប Bayern Munich

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ដ្រីខេត្តកណ្ដាលវាយតម្លៃខ្ពស់ចំពោះការប្រកួតជើងឯកនារីឆ្នាំ២០២៣

សហព័ន្ធបាល់ទាត់ប្រេស៊ីលបដិសេធព័ត៌មានលោក Carlo Ancelotti ព្រមព្រៀងដឹកនាំក្រុមជម្រើសជាតិ

មានយុវជនអ្នកស្ម័គ្រចិត្តចុះឈ្មោះជាង ៦០០០នាក់ហើយសម្រាប់ស៊ីហ្គេម២០២៣

វគ្គបណ្ដុះបណ្ដាលស្ដីពីការប្រើប្រាស់ព័ត៌មានកម្រិត២ ក្នុងវិស័យកីឡាបញ្ចប់ដោយជោគជ័យ

រាជរដ្ឋាភិបាលផ្ដល់ប្រាក់រង្វាន់ ២៨៦លានរៀលដល់ជយលាភីកីឡាការ៉ាតេជើងឯកអាស៊ី និងជើងឯកអាស៊ាន

បុរសសញ្ជាតិអាល្លឺម៉ង់ម្នាក់រត់ Ultramarathon រាល់ថ្ងៃសរុប ៨៦ថ្ងៃជាប់គ្នាបញ្ចប់ដោយជោគជ័យ

ក្រុមហ៊ុនវិនិយោគរបស់កាតាគ្រោងទិញភាគហ៊ុនក្រុមបិសាចក្រហម Manchester United

បន្ទាប់ពី Mbappe នៅពេលនេះ Messi ម្នាក់ទៀតមិនទាន់ច្បាស់ថា លេងបានរឺអត់ពេលជួប Bayern Munich