BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រិតឃីតកម្ពុជា និងសិង្ហបុរីប្រកួតមិត្តភាពត្រៀមស៊ីហ្គេម ២០២៣ ជាមួយក្តីសង្ឃឹមឈ្នះមេដាយពីរ រឺបី

ក្រិតឃីត៖ ក្រុមកីឡាក្រិតឃីតនារីជម្រើសជាតិកម្ពុជានាពេលថ្មីៗនេះ បានណាត់ប្រកួតមិត្តភាពអន្តរជាតិជាមួយជម្រើសជាតិនារីសិង្ហបុរី ត្រៀមលក្ខណៈសម្រាប់ការប្រកួតអាស៊ីអាគ្នេយ៍ ២០២៣ នៅព្រះរាជាណាចក្រកម្ពុជា នៅវិមានពហុកីឡដ្ឋានជាតិមរតកតេជោ។ តាមការបញ្ជាក់របស់លោក ម៉ានីស្ហ សាមាហ៍ នាយកប្រតិបត្តិសហព័ន្ធកីឡាក្រិតឃីតកម្ពុជាឱ្យដឹងថា ការប្រកួតនេះជាផ្នែកមួយនៃការអនុវត្តនូវអនុស្សារណៈដែលសហព័ន្ធប្រទេសទាំងពីរ កម្ពុជា-សិង្ហបុរីបានធ្វើរយៈពេលប្រាំឆ្នាំ។ លោកក៏បានអរគុណដល់សិង្ហបុរីដែលបានជួយវិស័យក្រិតឃីតកម្ពុជាយ៉ាងច្រើន ដើម្បីប្រកួតស៊ីហ្គេមលើកទី៣២ នេះព្រោះកីឡានេះថ្មីសម្រាប់កម្ពុជា។ លោកបន្ថែមថា ហេតុផលនៅពីក្រោយការប្រកួតរយៈពេល ៥ថ្ងៃនេះជាការត្រៀមសម្រាប់ការប្រកួតស៊ីហ្គេមចំពោះមុខ និងពិនិត្យមើលនូវទម្រង់ប្រកួតរបស់ជម្រើសជាតិកម្ពុជា បន្ទាប់ពីហ្វឹកហាត់យ៉ាងខ្លាំងជាប្រចាំ។ ហើយសង្ឃឹមថានឹងដណ្តើមបានមេដាយពីរ រឺបីគ្រឿងពីព្រឹត្តិការណ៍តំបន់នេះ។ លោកស្រី តេអូ ឡេឆេង អគ្គរដ្ឋទូតសិង្ហបុរីប្រចាំនៅកម្ពុជា បានសម្តែងនូវក្តីរីករាយដែលក្រុមជម្រើសជាតិប្រទេសទាំង២ ប្រកួតជាមួយគ្នាក្នុងពហុកីឡដ្ឋានដ៏ល្អអស្ចារ្យនេះ។ លោកស្រីបន្តថា កម្ពុជាបានធ្វើការងារដ៏ល្អក្នុងដំណើរធ្វើម្ចាស់ផ្ទះស៊ីហ្គេម។ ចំពោះការប្រកួតមិត្តភាពនេះពិតជាសំខាន់ ដើម្បីត្រៀមខ្លួនឱ្យបានល្អប្រកួតស៊ីហ្គេមចំពោះមុខ។ នេះជាលើកទី២ ដែលកីឡាក្រិតឃីតត្រូវដាក់បញ្ចូលក្នុងការប្រកួតព្រឹត្តិការណ៍ស៊ីហ្គេម ខណៈលើកទី១ ពេលម៉ាឡេស៊ីធ្វើម្ចាស់ផ្ទះឆ្នាំ២០១៧ ដោយមាន ៦ប្រទេសចូលរួម ហើយកាលនោះកម្ពុជាមិនមានក្រុមចូលរួមប្រកួតទេ។ ស៊ីហ្គេម ២០២៣ ក្រិតឃីតមាន ៨វិញ្ញាសា (បុរស ៤វិញ្ញាសា និងនារី ៤វិញ្ញាសា) ដំណើរការប្រកួតពីថ្ងៃទី០២ ដល់ថ្ងៃទី១៦ ខែឧសភា ឆ្នាំ២០២៣។ ក្រិតឃីតជាប្រភេទកីឡាថ្មីសម្រាប់កម្ពុជា តែយ៉ាងណាបច្ចុប្បន្នក៏មានការគាំទ្របច្ចេកទេស ពីប្រទេសដែលខ្លាំងៗខាងកីឡានេះផងដែរ ដូចជាឥណ្ឌា និងប៉ាគីស្ថានជាដើម៕អត្ថបទ៖ គង់ ហួន

Cristiano Ronaldo ស៊ុតបញ្ចូលទី ៤គ្រាប់ម្នាក់ឯងឱ្យ Al Nassr យកឈ្នះ Al Wehda ៤-០

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo បានស៊ុតបញ្ចូលទី ៤គ្រាប់ម្នាក់ឯងក្នុងជ័យជំនះរបស់ Al Nassr នៅទឹកដី Al Wehda ៤-០ យប់មិញនេះក្របខណ្ឌលីគកំពូលអារ៉ាប៊ីសាអ៊ូឌីត Saudi Pro League។ កីឡាករវ័យ ៣៨ឆ្នាំរូបនេះរកបានពីរគ្រាប់ក្នុងវគ្គទី១ នៅនាទីទី២១ និង ៤០ ខណៈពីរគ្រាប់ទៀតនៅវគ្គទី២ នាទីទី៥៣ ដោយបាល់ពិន័យ ១១ម៉ែត្រ និងគ្រាប់ចុងក្រោយនាទីទី៦១។ ម្ចាស់ជ័យលាភី Ballon d’Or ៥លើករូបនេះបានផ្លាស់មកកាន់ Al Nassr ពី Manchester United ដោយទទួលបានប្រាក់ឈ្នួលក្នុងមួយឆ្នាំប្រមាណ ២០០លានដុល្លារអាមេរិក។ Ronaldo ផ្លាស់មកកាន់ក្លិបថ្មីតែ ៣ប្រកួតដំបូងក៏មានការលំបាកក្នុងការរកគ្រាប់បាល់ដែរ ពោលគឺរកបានត្រឹម ១គ្រាប់ដោយបាល់ពិន័យ ១១ម៉ែត្រទៅទៀត។ នេះជាគ្រាប់ទី៥០៣ សម្រាប់ Cristiano Ronaldo ជាមួយក្លិបអាជីពចំនួន ៥ នៅលីគបាល់ទាត់ ៥ផ្សេងគ្នាផងដែរ។ Ronaldo បានស៊ុតបញ្ចូលទីសរុបឱ្យ Manchester United ១០៣គ្រាប់ក្នុងអាជីពចំនួន ២លើកនៅទឹកដីអង់គ្លេស ខណៈរកបាន ៣១១គ្រាប់ឱ្យ Real Madrid, ៨១គ្រាប់ឱ្យ Juventus និង ៣គ្រាប់ឱ្យក្លិបដំបូង Sporting Lisbon នៅព័រទុយហ្កាល់។ ជ័យជំនះរបស់ Al Nassr ក៏បានធានាឱ្យក្រុមរបស់លោក Rudi Garcia ត្រលប់មកកាន់កំពូលតារាងវិញស្មើពិន្ទុជាមួយក្រុមលេខ២ Al Shabab តែនៅសល់មួយប្រកួតនៅក្នុងដៃ៕អត្ថបទ៖នាង សុភាវុធ

ឯកឧត្តម វ៉ាត់ ចំរើន៖ ការយកតំបន់អង្គររៀបចំប្រកួតស៊ីហ្គេម និងសុំព្រះអគ្គីកីឡាមិនមែនរឿងចៃដន្យឡើយ

ស៊ីហ្គេម៖ ខេត្តសៀមរាប ពិសេសតំបន់អង្គរនឹងក្លាយជាផ្នែកមួយដ៏សំខាន់ នៃដំណើរការរៀបចំព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ទី១-ការរៀបចំព្រះរាជពិធីសុំភ្លើងព្រះអគ្គីកីឡា និងទី២-ការរៀបចំការប្រកួតកីឡាចំនួន ២ប្រភេទរួមមានកីឡាទេសចក្រយាន និងរត់ម៉ារ៉ាតុងចម្ងាយ ៤២គីឡូម៉ែត្រ។ ជាមួយការយកតំបន់បេតិកភណ្ឌពិភពលោក ដើម្បីរៀបចំកម្មវិធីសំខាន់ៗនេះមិនមែនជារឿងចៃដន្យនោះទេ តែជាការអនុវត្តតាមគោលការណ៍អន្ដរជាតិជាមួយហេដ្ឋារចនាសម្ព័ន្ធស្រាប់ ដែលបន្សល់ទុកពីបុព្វបុរសខ្មែរ ក៏ដូចជាការរៀបចំ និងកសាងបន្ថែមរបស់រាជរដ្ឋាភិបាលបច្ចុប្បន្ន។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ ឯកឧត្តមបានគូសបញ្ជាក់ថា ការយកតំបន់អង្គរដែលជាកន្លែងដ៏ស័ក្ដិសិទ្ធិ សម្រាប់រៀបចំពិធីសុំភ្លើងព្រះអគ្គីកីឡាគឺជារឿងដ៏ត្រឹមត្រូវមួយ។ ចំណែកការប្រកួតកីឡាមួយចំនួនក៏មិនខុសគ្នាដែរ ដ្បិតដូនតាខ្មែរបានបន្សល់នូវវង់តូចចម្ងាយ ២១គីឡូម៉ែត្រ និងវង់ធំចម្ងាយ ៤២គីឡូម៉ែត្រ ដែលអាចរៀបចំការប្រកួតបានងាយស្រួល ទាំងវិញ្ញាសារត់ម៉ារ៉ាតុង និងប្រកួតកង់គួក។ រីឯកង់ភ្នំក៏នឹងរៀបចំនូវតំបន់ប្រវត្តិសាស្ដ្រភ្នំគូលែនដែរ។ ម្យ៉ាងវិញទៀតការរៀបចំព្រឹត្តិការណ៍កីឡា ដើម្បីផ្សព្វផ្សាយវប្បធម៌ និងទេសចរណ៍គឺជាតួនាទីដ៏សំខាន់របស់ម្ចាស់ផ្ទះ ដើម្បីបង្ហាញពីលក្ខណៈសម្បត្តិ សក្ដានុពលវប្បធម៌ សេដ្ឋកិច្ច ទំនៀមទម្លាប់ និងអ្វីៗដែលជាអត្តសញ្ញាណជាតិឲ្យពិភពលោកបានឃើញ និងបានស្គាល់ ក្រោមស្មារតីខ្មែរតែមួយ ក្នុងការការពារ និងថែរក្សានូវរតនសម្បត្តិដ៏មានតម្លៃមិនអាចកាត់ថ្លៃបាន។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន។ សូមបញ្ជាក់ថា ក្រៅពីខេត្តសៀមរាប ដែលប្រជុំដោយប្រាសាទបុរាណ កម្ពុជានឹងមានរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមនៅរាជធានី-ខេត្ត ៤ផ្សេងទៀត រួមមានខេត្តព្រះសីហនុ ខេត្តកំពត ខេត្តកែប និងរាជធានីភ្នំពេញដែលប្រជុំការប្រកួតកីឡាដ៏ច្រើន ពិសេសនៅពហុកីឡដ្ឋានជាតិ និងពហុកីឡដ្ឋានជាតិមរតកតេជោតែម្ដង។ គិតត្រឹមថ្ងៃទី១០ ខែកុម្ភៈនេះ កម្ពុជានៅសល់ពេល ៨៤ថ្ងៃទៀតប៉ុណ្ណោះដើម្បីរៀបចំព្រឹត្តិការណ៍ប្រវត្តិសាស្ដ្រក្នុងរយៈពេល ៦៤ឆ្នាំ៕អត្ថបទ៖ លី ឈុនឡា

កីឡាតេក្វាន់ដូ ITF បញ្ចប់វគ្គបណ្ដុះបណ្ដាលស្ដីពីការប្រឆាំងដូភីងក្នុងវិស័យកីឡាដោយជោគជ័យ

តេក្វាន់ដូ៖ សហព័ន្ធកីឡាតេក្វាន់ដូ ITF កម្ពុជាបានបញ្ចប់វគ្គបណ្ដុះបណ្ដាល ស្ដីពីការប្រឆាំងដូភីងក្នុងវិស័យកីឡាជោគជ័យ បន្ទាប់ពីដំណើរការសិក្សារយៈពេល ៦ថ្ងៃចាប់ពីថ្ងៃទី០៤ ដល់ថ្ងៃទី០៩ ខែកុម្ភៈ ឆ្នាំ២០២៣ ដោយសិក្ខាកាមចូលរួមចំនួន ៣៤នាក់បានប្រឡងជាប់ជាស្ថាពរ សម្រាប់ការតេស្ដក្នុងប្រព័ន្ធ Anti-Doping E-Learning Certificate(ADEL)។ ឯកឧត្តម បួនហ៊ីង សុធីយ៉ា អគ្គលេខាធិការសហព័ន្ធបានគូសបញ្ជាក់ថា វគ្គនេះរៀបចំឡើងក្នុងគោលបំណងឲ្យគ្រូបង្វឹក កីឡាករ-កីឡាការិនី និងអ្នកពាក់ព័ន្ធបានយល់ច្បាស់អំពីអ្វីជាសារធាតុហាមឃាត់ក្នុងវិស័យកីឡា ដើម្បីកីឡាករ-កីឡាការិនីចៀសវាងក្នុងការប្រើប្រាស់ដែលនាំឲ្យខូចសុខភាព និងប៉ះពាល់ដល់កិត្តិយសជាតិទាំងមូល ប្រសិនបើរកឃើញកំឡុងការប្រកួត។ ចំពោះមេរៀនសំខាន់ៗដែលបានលើកយកមកចែករំលែកក្នុងវគ្គនេះ រួមមានការយល់ដឹងពីកាករប្រឆាំងដូភីង, ការរំលោភវិធានប្រឆាំងដូភីង និងការដាក់ពិន័យ, ទីសុំចតរបស់អត្តពលិក និងសិទ្ធិរបស់អត្តពលិក, ផ្សព្វផ្សាយបញ្ជីសារធាតុ និងវិធីសាស្ដ្រហាមឃាត់ក្នុងវិស័យកីឡា, ការប្រមូលសំណាកអត្តពលិកដើម្បីពិនិត្យ និងការលើកលែងប្រើប្រាស់ថ្នាំសម្រាប់ព្យាបាល និងការដោះស្រាយវិវាទដូប៉ាជាដើម ដែលក្រោយបញ្ចប់ការសិក្សា សិក្ខាកាមទាំងអស់សុទ្ធតែបានប្រឡងជាប់ជាស្ថាពរ។ បន្ថែមលើនេះ ឯកឧត្តម លឹម រតនៈ អនុប្រធានសហព័ន្ធក៏បានកោតសរសើរ និងវាយតម្លៃខ្ពស់ចំពោះការខិតខំយកចិត្តទុកដាក់សិក្សាស្វែងយល់របស់សិក្ខាកាម។ ក្នុងនាមប្រទេសសមាជិកនៃអង្គការប្រឆាំងសារធាតុហាមឃាត់ពិភពលោក “WADA” ឯកឧត្តមបានជំរុញឲ្យគ្រូបង្វឹក ពិសេសកីឡាករ-កីឡាការិនីត្រូវចៀសវាងឲ្យបានដាច់ខាត នូវការប្រើប្រាស់សារធាតុហាមឃាត់ទាំងអស់ ដើម្បីធានាបាននូវភាពស្អាតស្អំ និងអព្យាក្រឹត្យក្នុងវិស័យកីឡា ស្របតាមអនុសាសន៍ និងការណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា៕អត្ថបទ៖ លី ឈុនឡា

ប៊ែលហ្ស៊ិកតែងតាំងគ្រូបង្វឹកក្រុមជម្រើសជាតិថ្មីលោក Domenico Tedesco

បាល់ទាត់៖ អតីតអ្នកចាត់ការក្លិប RB Leipzig លោក Domenico Tedesco បានទទួលតំណែងជាគ្រូបង្វឹកថ្មីនៃក្រុមជម្រើសជាតិប៊ែលហ្ស៊ិកជំនួសលោក Roberto Martinez ដែលបានលាលែងពីតំណែង។ សហព័ន្ធបាល់ទាត់ប៊ែលហ្ស៊ិកបានឱ្យដឹងថា បុរសវ័យ ៣៧ឆ្នាំ Domenico Tedesco បានចុះហត្ថលេខាដឹកនាំក្រុមបិសាចក្រហមអឺរ៉ុបដល់បាល់ទាត់ជើងឯកអឺរ៉ុបឆ្នាំ២០២៤។ Domenico Tedesco ដែលកើតនៅលើទឹកដីអ៊ីតាលី តែធំធាត់ដឹងក្តីនៅអាល្លឺម៉ង់ ក៏ធ្លាប់ដឹកនាំក្លិបមួយចំនួនផ្សេងទៀតដែរដូចជា Schalke 04 និង Spartak Moscow។ ការនាំយកលោក Tedesco មកដឹកនាំក្រុមប៊ែលហ្សិកតាមពិតត្រូវបានសម្រេចលឿនជាងនេះ តែដោយសារកិច្ចសន្យាចាស់របស់លោក Tedesco នៅជាប់ពាក់ព័ន្ធជាមួយនឹងកិច្ចសន្យាចាស់ជាមួយ Leipzig ដែលត្រូវបានបញ្ចប់តំណែងកាលពីខែកញ្ញា។ កិច្ចការដំបូងរបស់លោក Tedesco គឺនឹងនាំប៊ែលហ្ស៊ិកជួបជាមួយម្ចាស់ស៊ុយអែតនៅថ្ងៃទី២៤ ខែក្រោយក្នុងការប្រកួតជំរុះ Euro 2024។ រំលឹកថា លោក Roberto Martinez បានចាកចេញពីតំណែងគ្រូបង្វឹកប៊ែលហ្ស៊ិក បន្ទាប់ពីដឹកនាំក្រុមឆ្លងមិនផុតវគ្គចែកពូលនៅ World Cup 2022 កន្លងទៅ មុនពេលលោកទៅទទួលតំណែងជាអ្នកចាត់ការក្រុមជម្រើសជាតិព័រទុយហ្កាល់៕អត្ថបទ៖នាង សុភាវុធ

Hugo Lloris ត្រូវអវត្តមានយ៉ាងហោចណាស់ ៨សប្តាហ៍ដោយសាររបួសជង្គង់

បាល់ទាត់៖ អ្នកចាំទី Spurs, Hugo Lloris នឹងត្រូវសម្រាករយៈពេលចន្លោះពី ៦ ទៅ ៨សប្តាហ៍ដោយសាររបួសជង្គង់។ អតីតកីឡាករជម្រើសជាតិបារាំងវ័យ ៣៦ឆ្នាំរូបនេះបានទទួលរងរបួសជង្គង់ អំឡុងការប្រកួតដែល Spurs យកឈ្នះ Manchester City ១-០ ក្របខណ្ឌ English Premier League កាលពីថ្ងៃអាទិត្យ។ Hugo Lloris ដែលជាប្រធានក្រុមរបស់បារាំងនៅ World Cup 2022 ចាញ់អាហ្សង់ទីននៅវគ្គផ្តាច់ព្រ័ត្រនោះ បានប្រកាសចូលនិវត្តន៍ពីក្រុមជម្រើសជាតិកាលពីខែមុន។ អ្នកចាំទីបម្រុងរបស់ Spurs គឺជាអតីតអ្នកចាំទី Southampton និងជម្រើសជាតិអង់គ្លេស Fraser Forster។ Spurs នៅមានអ្នកចាំទី ២នាក់ទៀតដែលចេញពីថ្នាលយុវជនរួមមាន Brandon Austin និង Alfie Whiteman តែអ្នកទាំងពីរនៅស្ទើរបទពិសោធន៍។ Spurs កំពុងឈរលេខ៥ នៅ Premier League បច្ចុប្បន្នកំពុងប្រជែងតំណែងលេខ៤ ដើម្បីឱកាស UCL ឆ្នាំក្រោយ។ ថ្ងៃសៅរ៍នេះ Spurs នឹងត្រូវជួប Leicester City មុនពេលជួប AC Milan នៅថ្ងៃអង្គារសប្តាហ៍ក្រោយជើងទី១ ក្របខណ្ឌ UEFA Champions League វគ្គ ១៦ក្រុមចុងក្រោយ៕អត្ថបទ៖នាង សុភាវុធ

Real Madrid បំបាក់ Al Ahly ៤-១ ឡើងវគ្គផ្តាច់ព្រ័ត្រ FIFA Club World Cup នៅម៉ារ៉ុក

បាល់ទាត់៖ ក្រុមជើងឯក UCL, Real Madrid បានបន្តដំណើរឡើងវគ្គផ្តាច់ព្រ័ត្រ FIFA Club World Cup នៅទឹកដីម៉ារ៉ុកហើយ ក្រោយយកឈ្នះក្រុមជើងឯកអាហ្វ្រិក Al Ahly របស់អេស៊ីប ៤-១។ Real Madrid អវត្តមានកីឡាករសំខាន់ៗមួយចំនួនផងដែរនៅពេលលេងទល់នឹង Al Ahly ដែលមានការរៀបចំល្អនៅតំបន់ការពារស្ទើរពេញមួយវគ្គទី១ មុនពេលដែល Real Madrid បំបែកពងមានបានសំរេចនៅនាទីទី៤២ ដោយ Vinicius Junior។ ឈានចូលវគ្គទី២ ក្រុមរបស់លោក Carlo Ancelotti មិនត្រលប់ក្រោយឡើយបន្ទាប់ពី Federico Valverde បន្ថែមការនាំមុខ ២-០ នៅនាទីទី៤៦។ Al Ahly ក៏តបបានមួយគ្រាប់វិញដោយបាល់ ១១ម៉ែត្ររបស់ Maaloul មុនពេលដែល Luka Modric ស៊ុតបាល់ពិន័យ ១១ម៉ែត្រមិនចូលនៅនាទីទី៨៧។ យ៉ាងណាក្តីក្នុងម៉ោងបន្ថែមដល់ទៅ ៨នាទី Real Madrid រកបានពីរគ្រាប់បន្ថែមដោយ Rodrygo និង Arribas។ Real Madrid ដែលឈ្នះជើងឯក FIFA Club World Cup នេះច្រើនជាងគេសរុប ៤លើក នឹងត្រូវជួបជាមួយក្រុមអារ៉ាប៊ីសាអ៊ូឌីត Al Hilal នៅទីក្រុង Rabat ថ្ងៃសៅរ៍នេះ បន្ទាប់ពីទំលាក់ក្រុមជើងឯកអាមេរិកខាងត្បូង Flamengo៕អត្ថបទ៖នាង សុភាវុធ

Royal Mayura វាយបកឈ្នះពោធិ៍សែនជ័យ ២-១ គ្រងលេខ៣ នៃពាន Soccer League 2023

បាល់ទាត់៖ ក្រុមបាល់ទាត់ Royal Mayura Resort បានទទួលចំណាត់ថ្នាក់លេខ៣ នៃពានរង្វាន់ Soccer League លើកទី៦ ឆ្នាំ២០២៣ បន្ទាប់ពីវាយបកយកឈ្នះក្រុម ស.ស.យ.ក ខណ្ឌពោធិ៍សែនជ័យដោយលទ្ធផល ២-១ ក្នុងជំនួបកាត់សេចក្ដីនៅកីឡដ្ឋានស្ដាតចាស់កាលពីល្ងាចថ្ងៃទី០៨ ខែកុម្ភៈម្សិលមិញ។ជំនួបដ៏ជក់ចិត្តនេះនៅចុងវគ្គ១ មានគ្រាប់បាល់ ២គ្រាប់បានកើតឡើងដោយផ្ដើមចេញពីខ្សែប្រយុទ្ធ រស់ ស៊ីចម្រើន ដែលរកបានគ្រាប់នាំមុខឲ្យក្រុម ស.ស.យ.ក ខណ្ឌពោធិ៍សែនជ័យនៅនាទី៤៤ តែត្រូវបានកីឡាករ កៅ លីហៃ រកបានគ្រាប់បាល់វាយបកតាមស្មើឲ្យក្រុម Royal Mayura Resort ភ្លាមៗនៅនាទី៤៥+១។ ចូលវគ្គទី២ ការប្រកួតកាន់តែស្វិតស្វាញ ហើយក៏មិនខុសពីវគ្គទី១ ដែរដោយការប្រកួតបានអូសបន្លាយរហូតដល់ចុងម៉ោង ទើបមានគ្រាប់បាល់កើតឡើយពោលគឺជាគ្រាប់បាល់របស់ក្រុម Royal Mayura Resort ដែលធ្វើសម្រេចដោយកីឡាករ ម៉េង សុធារិទ្ធ នៅនាទី៨៨ ហើយក៏ជាគ្រាប់បាល់ជ័យជម្នះ ជួយឲ្យក្រុមខ្លួនទទួលបានចំណាត់ថ្នាក់លេខ៣ ផងដែរ។ក្រឡេកទៅការប្រកួតវគ្គផ្ដាច់ព្រ័ត្រ ដើម្បីកំណត់ជោគវាសនាក្រុមជើងឯកពានរង្វាន់ Soccer League លើកទី៦ គ្រោងនឹងធ្វើឡើងនាថ្ងៃទី១១ ខែកុម្ភៈខាងមុខនៅកីឡដ្ឋាន Smart RSN រវាងក្រុមហនុមានអគ្គលេខាធិការដ្ឋានក្រសួងការពារជាតិ និងក្រុម ស.ស.យ.ក ខេត្តកណ្ដាល។ ការប្រកួតកាត់សេចក្ដីនេះនឹងធ្វើឡើងក្រោមអធិបតីភាពឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ដ្រីក្រសួងអប់រំ យុវជន និងកីឡា និងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជាផងដែរ៕អត្ថបទ៖ លី ឈុនឡា

ទិវារត់ប្រណាំងស្ដ្រីចម្ងាយ ១០គីឡូម៉ែត្រនឹងរៀបចំក្រោមប្រធានបទ «ស្ដ្រីក្នុងភាពជាអ្នកដឹកនាំ»

រត់ប្រណាំង៖ គណៈកម្មាធិការជាតិអូឡាំពិកកម្ពុជា សហការជាមួយក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ នឹងរៀបចំទិវារត់ប្រណាំងស្ដ្រីចម្ងាយ ១០គីឡូម៉ែត្រនាថ្ងៃទី០៨ ខែមីនាខាងមុខ ដើម្បីអបអរសាទរទិវាសិទ្ធិនារីអន្ដរជាតិក្រោមប្រធានបទ «ស្ដ្រីក្នុងភាពជាអ្នកដឹកនាំ»។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានបញ្ជាក់ក្នុងសន្និសីទសារព័ត៌មានកាលពីថ្ងៃទី០៨ ខែកុម្ភៈថា នេះគឺជាការចាប់ផ្ដើមឡើងវិញនៃកម្មវិធីរត់កម្សាន្ដសប្បាយប្រចាំឆ្នាំនេះ ដែលនឹងរៀបចំនៅបរិវេណខាងមុខសួនច្បារមុខវត្តបុទុមវតី បន្ទាប់ពីការប្រកួតនេះបានខកខានរៀបចំអស់រយៈពេល ២ឆ្នាំដោយសារជំងឺរាតត្បាលជាសកលកូវីដ-១៩។ ទន្ទឹមជាមួយគ្នា ឯកឧត្តមបានលើកទឹកចិត្តដល់ប្រជាពលរដ្ឋ និងយុវជន ទាំងបុរស-នារីចូលរួមទិវារត់ប្រណាំងស្ត្រីនេះឲ្យបានច្រើន ដើម្បីចូលរួមលើកកម្ពស់ដល់សិទ្ធិស្មើភាព និងអានុភាពរបស់ស្ត្រីក្នុងការចូលរួមសកម្មភាពសង្គមផង ក៏ដូចជាចូលរួមជំរុញលើកទឹកចិត្តអត្តពលិកកម្ពុជាទាំងអស់ មានការហ្វឹកហាត់ឲ្យកាន់តែខ្លាំងត្រៀមការប្រកួតកីឡាស៊ីហ្គេមឆ្នាំ២០២៣ នាពេលឆាប់ៗខាងមុខផង។ តាមការបញ្ជាក់របស់គណៈកម្មការរៀបចំ សម្រាប់កម្មវិធីប្រណាំងស្ដ្រីចម្ងាយ ១០គីឡូម៉ែត្រនេះក្រៅពីបង្កើតបរិកាយសប្បាយរីករាយ និងលើកកម្ពស់សុខភាព សម្រាប់ថវិកាចុះឈ្មោះនឹងត្រូវចូលរួមវិភាគទានចំនួន ៤ពាន់រៀល សម្រាប់ការចុះឈ្មោះម្នាក់ ដើម្បីផ្ដល់មូលនិធិដល់សកម្មភាពសង្គម តាមរយៈអង្គការក្រៅរាជរដ្ឋាភិបាលមួយចំនួនផងដែរ៕អត្ថបទ៖ លី ឈុនឡា

អត្តពលិកមានពិការភាពត្រូវហាត់យ៉ាងតិច ៥ម៉ោងក្នុងមួយថ្ងៃសម្រាប់ការប្រកួតអាស៊ានប៉ារ៉ាហ្គេម

អាស៊ានប៉ារ៉ាហ្គេម៖ គ្រប់អត្តពលិកដែលនឹងចូលរួមប្រកួតទាំងក្នុងស៊ីហ្គេម និងអាស៊ានប៉ារ៉ាហ្គេមគឺទាមទារជាចាំបាច់ក្នុងការហ្វឹកហាត់ពង្រឹងសមត្ថភាព។ ជាក់ស្ដែងសម្រាប់ក្រុមអត្តពលិកមានពិការភាពក៏ត្រូវហ្វឹកហាត់យ៉ាងតិច ៥ម៉ោងក្នុងមួយថ្ងៃដែរ។ បច្ចុប្បន្នក្រុមអត្តពលិកមានពិការភាពប្រមាណ ២៥០រូបកំពុងបន្តសកម្មភាពហ្វឹកហាត់យ៉ាងសកម្មនៅតាមទីតាំងផ្សេងគ្នាដែលបានរៀបចំ។ អត្តពលិកទាំង ២៥០រូបនេះជាអត្តពលលិកដែលត្រូវបានជ្រើសរើសដោយហ្មត់ចត់ សម្រាប់ការចូលរួមប្រកួតអាស៊ានប៉ារ៉ាហ្គេមក្នុងរយៈពេលជាង ១០០ថ្ងៃខាងមុខនេះ។ នេះជាការលើកឡើងរបស់ឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា។ ឯកឧត្តមបន្តថា ក្រោយការចម្រាញ់ជ្រើសរើសបេក្ខភាពទាំងនេះគឺជាការតម្រូវឱ្យហ្វឹកហាត់យ៉ាងតិច ៥ម៉ោងក្នុងមួយថ្ងៃ។ ក្នុងនាមឯកឧត្តមជាថ្នាក់ដឹកនាំមួយរូប ឯកឧត្តមពិតជាសប្បាយចិត្តដែលឃើញថា អត្តពលិកទាំងអស់ពិតជាមានការប្ដេជ្ញា គោរពពេលវេលាហ្វឹកហាត់ត្រឹមត្រូវ រឺពេលខ្លះហ្វឹកហាត់លលើសម៉ោងកំណត់ទៀតផង។ លោកសង្ឃឹមជឿជាក់ថា ការធ្វើជាម្ចាស់ផ្ទះរៀបចំព្រឹត្តិការណ៍កីឡានេះ កម្ពុជានឹងទទួលបានមេដាយកាន់តែច្រើនជាងការចូលរួមប្រកួតកន្លង ដែលកម្ពុជាធ្លាប់ចូលរួមប្រកួតនៅប្រទេសដទៃ។ចំពោះការហ្វឹកហាត់ បច្ចុប្បន្នគឺមានក្រុមអត្តពលិកមានពិការភាពចំនួន ៦ប្រភេទកីឡាកំពុងហ្វឹកហាត់នៅមជ្ឈមណ្ឌលជាតិនៃជនពិការ។ រីឯក្រុមអត្តពលិកចំនួន ៧ប្រភេទកីឡាផ្សេងទៀតកំពុងហ្វឹកហាត់នៅទីតាំងផ្សេងគ្នា។ អត្តពលិកកំពុងហ្វឹកហាត់នៅមជ្ឈមណ្ឌលជាតិនៃជនពិការ បង្ហាញការប្ដេជ្ញាចិត្តខ្ពស់ក្នុងការនាំយកកិត្តិយសជូនជាតិ សម្រាប់ការធ្វើជាម្ចាស់ផ្ទះការប្រកួត។ ពួកគេមិនខ្លាចនឿយហត់ចំពោះការហ្វឹកហាត់នោះទេ។ ព្រឹត្តិការណ៍អាស៊ានប៉ារ៉ាហ្គេមនឹងរៀបចំឡើង ក្រោយព្រឹត្តិការណ៍ស៊ីហ្គេមបានបិទបញ្ចប់។ ចំពោះប្រភេទកីឡាគឺមានចំនួន ១៣ប្រភេទក្នុងនោះរួមមាន៖ បាល់បោះជនពិការភ្នែក អត្តពលកម្មជនពិការ វាយសីជនពិការ បាល់ទាត់ចលករខួរក្បាល ប៊ូស្យា កីឡាអុកជនពិការ យូដូជនពិការ លើកទម្ងន់ជនពិការ បាល់ទះអង្គុយ ហែលទឹកជនពិការ វាយកូនឃ្លីលើតុជនពិការ បាល់ទះរទេះ និងបាល់ទាត់ជនពិការភ្នែក៕ អត្ថបទ៖ គឹមហុក

បណ្ដាញសង្គម

ព័ត៌មានថ្មីៗ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

របាយការណ៍៖ សហរដ្ឋអាមេរិក និងអ៊ីស្រាអែលមានផែនវាយប្រហារលើគោលដៅពាក់ព័ន្ធនឹងថាមពលនៅអ៊ីរ៉ង់

ភ្លើងចំហេះព្រៃកំពុងឆេះរាលដាលនៅទីក្រុង Montfort-sur-Argens នៃប្រទេសបារាំង

ការវាយប្រហាររបស់រុស្ស៊ីលើទីក្រុងគីវសម្លាប់មនុស្សយ៉ាងតិច ៩នាក់ ខណៈក្រុមពន្លត់អគ្គិភ័យកំពុងពន្លត់អគារដែលខូចខាត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រិតឃីតកម្ពុជា និងសិង្ហបុរីប្រកួតមិត្តភាពត្រៀមស៊ីហ្គេម ២០២៣ ជាមួយក្តីសង្ឃឹមឈ្នះមេដាយពីរ រឺបី

Cristiano Ronaldo ស៊ុតបញ្ចូលទី ៤គ្រាប់ម្នាក់ឯងឱ្យ Al Nassr យកឈ្នះ Al Wehda ៤-០

ឯកឧត្តម វ៉ាត់ ចំរើន៖ ការយកតំបន់អង្គររៀបចំប្រកួតស៊ីហ្គេម និងសុំព្រះអគ្គីកីឡាមិនមែនរឿងចៃដន្យឡើយ

កីឡាតេក្វាន់ដូ ITF បញ្ចប់វគ្គបណ្ដុះបណ្ដាលស្ដីពីការប្រឆាំងដូភីងក្នុងវិស័យកីឡាដោយជោគជ័យ

ប៊ែលហ្ស៊ិកតែងតាំងគ្រូបង្វឹកក្រុមជម្រើសជាតិថ្មីលោក Domenico Tedesco

Hugo Lloris ត្រូវអវត្តមានយ៉ាងហោចណាស់ ៨សប្តាហ៍ដោយសាររបួសជង្គង់

Real Madrid បំបាក់ Al Ahly ៤-១ ឡើងវគ្គផ្តាច់ព្រ័ត្រ FIFA Club World Cup នៅម៉ារ៉ុក

Royal Mayura វាយបកឈ្នះពោធិ៍សែនជ័យ ២-១ គ្រងលេខ៣ នៃពាន Soccer League 2023

ទិវារត់ប្រណាំងស្ដ្រីចម្ងាយ ១០គីឡូម៉ែត្រនឹងរៀបចំក្រោមប្រធានបទ «ស្ដ្រីក្នុងភាពជាអ្នកដឹកនាំ»

អត្តពលិកមានពិការភាពត្រូវហាត់យ៉ាងតិច ៥ម៉ោងក្នុងមួយថ្ងៃសម្រាប់ការប្រកួតអាស៊ានប៉ារ៉ាហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Cristiano Ronaldo ស៊ុត​បញ្ចូល​ទី ៤​គ្រាប់​ម្នាក់ឯង​ឱ្យ Al Nassr យកឈ្នះ Al Wehda ៤-០

កីឡា​តេ​ក្វាន់​ដូ​ ITF ​បញ្ចប់​វគ្គ​បណ្ដុះបណ្ដាលស្ដីពី​ការប្រឆាំង​ដូ​ភីង​ក្នុង​វិស័យ​កីឡា​ដោយ​ជោគជ័យ​

ប៊ែ​ល​ហ្ស៊ិ​ក​តែងតាំង​គ្រូបង្វឹក​ក្រុម​ជម្រើសជាតិ​ថ្មី​លោក Domenico Tedesco

Hugo Lloris ត្រូវ​អវត្តមាន​យ៉ាងហោចណាស់ ៨សប្តាហ៍​ដោយសារ​របួស​ជង្គង់

Real Madrid បំបាក់ Al Ahly ៤-១ ឡើង​វគ្គ​ផ្តាច់ព្រ័ត្រ FIFA Club World Cup នៅ​ម៉ា​រ៉ុ​ក

Royal Mayura ​វាយបក​ឈ្នះ​ពោធិ៍​សែន​ជ័យ ២-១ គ្រង​លេខ​៣ នៃ​ពាន​ Soccer League 2023

អត្តពលិក​មាន​ពិការភាព​ត្រូវ​ហាត់​យ៉ាងតិច ៥​ម៉ោង​ក្នុង​មួយថ្ងៃសម្រាប់​ការប្រកួត​អាស៊ាន​ប៉ា​រ៉ា​ហ្គេម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Cristiano Ronaldo ស៊ុតបញ្ចូលទី ៤គ្រាប់ម្នាក់ឯងឱ្យ Al Nassr យកឈ្នះ Al Wehda ៤-០

កីឡាតេក្វាន់ដូ ITF បញ្ចប់វគ្គបណ្ដុះបណ្ដាលស្ដីពីការប្រឆាំងដូភីងក្នុងវិស័យកីឡាដោយជោគជ័យ

ប៊ែលហ្ស៊ិកតែងតាំងគ្រូបង្វឹកក្រុមជម្រើសជាតិថ្មីលោក Domenico Tedesco

Hugo Lloris ត្រូវអវត្តមានយ៉ាងហោចណាស់ ៨សប្តាហ៍ដោយសាររបួសជង្គង់

Real Madrid បំបាក់ Al Ahly ៤-១ ឡើងវគ្គផ្តាច់ព្រ័ត្រ FIFA Club World Cup នៅម៉ារ៉ុក

Royal Mayura វាយបកឈ្នះពោធិ៍សែនជ័យ ២-១ គ្រងលេខ៣ នៃពាន Soccer League 2023

អត្តពលិកមានពិការភាពត្រូវហាត់យ៉ាងតិច ៥ម៉ោងក្នុងមួយថ្ងៃសម្រាប់ការប្រកួតអាស៊ានប៉ារ៉ាហ្គេម