BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

CAMSOC កោះប្រជុំជាមួយសហព័ន្ធជាតិ ដើម្បីកំណត់តួនាទីត្រៀមស៊ីហ្គេមឆ្នាំ២០២៣

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣(CAMSOC) បានកោះប្រជុំជាមួយថ្នាក់ដឹកនាំ និងនាយបច្ចេកទេសសហព័ន្ធកីឡាជាតិទាំងអស់ ដើម្បីកំណត់តួនាទីភារកិច្ចត្រៀមការប្រកួតកីឡាស៊ីហ្គេម ដែលគិតត្រឹមថ្ងៃនេះគឺនៅសល់ ៨៥ថ្ងៃទៀតប៉ុណ្ណោះ។ កិច្ចប្រជុំនេះដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការជាតិ CAMSOC នៅវិមានកីឡដ្ឋាននៃពហុកីឡដ្ឋានជាតិមរកតេជោកាលពីថ្ងៃទី០៨ ខែកុម្ភៈម្សិលមិញ ។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានគូសបញ្ជាក់ថា កិច្ចប្រជុំនេះបានផ្ដោតសំខាន់លើការបញ្ជាក់ពីតួនាទីភារកិច្ច ការត្រៀមខ្លួន និងដោះស្រាយបញ្ហាសេសសល់ ដ្បិតពេលវេលាកាន់តែខើច ដែលតម្រូវឲ្យសហព័ន្ធត្រូវដឹងថា ខ្លួនឯងត្រូវធ្វើអ្វីខ្លះ? ដឹកនាំអ្វីខ្លះ? ក្រោមកិច្ចសហការជាមួយគណៈកម្មការជំនាញរបស់គណៈកម្មាធិការជាតិ CAMSOC និងសហព័ន្ធអន្ដរជាតិតាមប្រភេទកីឡានីមួយៗ ដើម្បីជំរុញឲ្យការរៀបចំព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ ប្រព្រឹត្តទៅដោយរលូន និងស្ដង់ដារ។ ឯកឧត្តមសង្កត់ធ្ងន់ថា សហព័ន្ធកីឡាជាតិទាំងអស់ត្រូវយល់ច្បាស់ពីលក្ខន្តិកៈ តម្រូវការច្បាស់លាស់តាមផ្នែកនីមួយៗ និងយល់ច្បាស់ពីយន្តការរបស់ហ្គេម ខុសពីយន្តការប្រកួតជើងឯកតាមប្រភេទកីឡាមួយៗ ដែលមានលក្ខណៈបុព្វសិទ្ធិ និងឯករាជ្យរបស់សហព័ន្ធកីឡាជាតិ ប៉ុន្តែហ្គេមត្រូវមានការទទួលខុសត្រូវលើបទបញ្ញត្តិហ្គេម ក្នុងការប្រកួតជាពហុកីឡាដើម្បីយកទៅអនុវត្តប្រកបដោយប្រសិទ្ធភាព ពិសេសការរៀបចំកម្លាំងគាំទ្រដល់ដំណើរការប្រកួត ដូចជាអ្នកស្ម័គ្រចិត្ត និងការរៀបចំពិធីការជាដើម ត្រូវបែងចែកភារកិច្ចគ្នារវាង CAMSOC និងសហព័ន្ធកីឡាជាតិ។ ម្យ៉ាងវិញទៀត ឯកឧត្តមបណ្ឌិត ថោង ខុន បានណែនាំឲ្យនាយកបច្ចេកទេសដែលបញ្ជូនមកពីសហព័ន្ធ និងត្រូវបានថ្នាក់ដឹកនាំ CAMSOC បញ្ចូលឈ្មោះជាមន្ត្រីរបស់គណៈកម្មាធិការជាតិ រៀបចំការប្រកួតកីឡាស៊ីហ្គេមឆ្នាំ២០២៣ ត្រូវធ្វើការលើផ្នែកបច្ចេកទេស ដឹកនាំលើការប្រកួតតាមប្រភេទកីឡានីមួយៗ ជាមួយសហព័ន្ធអន្តរជាតិដែលមានបច្ចេកទេសស្ដង់ដារ និងធ្វើឲ្យបន្ស៊ីគ្នាដើម្បីធានាបាននូវការរៀបចំ និងការប្រកួតប្រកបដោយតម្លាភាពក្នុងនាមម្ចាស់ផ្ទះ និងសម្រាប់បណ្ដាប្រទេសជាភ្ញៀវ ដែលមកចូលរួមការប្រកួតកីឡាថ្នាក់តំបន់លើកដំបូងនៅកម្ពុជានេះ។ លើសពីនេះ កិច្ចប្រជុំក៏បានជំរុញឲ្យសហព័ន្ធកីឡាជាតិត្រូវរៀបចំ និងអភិវឌ្ឍអត្តពលិក ក៏ដូចជាស្វះស្វែងរកកីឡាករ-កីឡាការិនីនៅក្រៅប្រទេសដែលមានឈាមជ័រជាខ្មែរទាំងអស់ ត្រៀមចូលជំរំហ្វឹកហាត់យ៉ាងយូរនៅចុងខែមេសា នៅភូមិកីឡាក្នុងពហុកីឡដ្ឋានជាតិមរកតេជោ ដើម្បីត្រៀមការប្រកួត ដ្បិតកីឡាមួយចំនូននឹងត្រូវចាប់ផ្ដើមការប្រកួតពីថ្ងៃទី២៩ ខែមេសា មុនពិធីបើកការប្រកួតផ្លូវការនាថ្ងៃទី០៥ ខែឧសភា ឆ្នាំ២០២៣។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងអគ្គលេខាធិការគណៈកម្មាធិការជាតិ CAMSOC៕អត្ថបទ៖ លី ឈុនឡា

ស្ត្រីសញ្ជាតិស៊ីលី Barbara Hernandez បង្កើតកំណត់ត្រាហែលឆ្លងកាត់ទឹកត្រជាក់ស្ទើរកកចម្ងាយ ២.៥គីឡូម៉ែត្រ

ហែលទឹក៖ ស្ត្រីសញ្ជាតិស៊ីលី Barbara Hernandez បានបង្កើតកំណត់ត្រាហែលទឹកឆ្ងាយបំផុតនៅសមុទ្រទឹកកកនៃទ្វីបអង់តាកទិក។ Hernandez បានហែលចម្ងាយជាង ២.៥គីឡូម៉ែត្រជាមួយនឹងឯកសណ្ឋានហែលទឹកធម្មតា នៅក្នុងទឹកសមុទ្រដែលមានសីតុណ្ហភាពត្រជាក់ស្ទើរកកត្រឹម ២.២អង្សារ និងប្រើពេលដល់ទៅជាង ៤៥នាទីក្នុងទឹកទម្រាំដល់គោលដៅ។ ជាមួយនឹងនោះដែរការបង្កើតកំណត់ត្រាថ្មីនេះ នៅកំពុងស្ថិតក្រោមការវាយតម្លៃនៅឡើយ។ Barbara Hernandez ដែលមានអាជីពជាគ្រូចិត្តសាស្ត្រ និងជាអ្នកហែលទឹកមួយរូបមានវ័យ ៣៧ឆ្នាំបាននិយាយថា មូលហេតុនៃការបង្កើតកំណត់ត្រាបែបនេះគឺដើម្បីចូលរួមការពារបរិស្ថាន និងអភិរក្សតំបន់សមុទ្រនៃទ្វីបទឹកកកអង់តាកទិក ក៏ដូចជាសមុទ្រខាងត្បូងទាំងមូល។ កាលពីឆ្នាំ២០២២ Barbara Hernandez ក៏ធ្លាប់បានបំបែកកំណត់ត្រា Guinness World Record ម្តងដែរដោយហែលឆ្លងចម្ងាយ ១គីឡូម៉ែត្រប្រើពេល ១៥នាទី ៣វិនាទី។ ជាមួយគ្នានោះដែរសមាគមកីឡាហែលទឹកពិភពលោក ក៏ធ្លាប់ផ្តល់កំណត់ត្រាមួយដែរទៅកាន់ Hernandez ដែលមនុស្សដំបូងដែលឆ្លងកាត់ទឹកត្រជាក់បែបនេះចម្ងាយ ៣គីឡូម៉ែត្រនៅតំបន់ចន្លោះមហាសមុទ្រប៉ាស៊ីហ្វិក និងមហាសមុទ្រអាត្លង់ទិកភាគខាងត្បូងប្រទេសស៊ីលីផងដែរ៕អត្ថបទ៖នាង សុភាវុធ

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

បាល់ទាត់៖ អាហ្សង់ទីន ស៊ីលី អ៊ុយរូហ្កាយ និងប៉ារ៉ាហ្កាយបានប្រកាសពីការរួបរួមគ្នា ក្នុងការដេញថ្លៃធ្វើម្ចាស់ផ្ទះព្រឹត្តិការណ៍បាល់ទាត់ពិភពលោកឆ្នាំ២០៣០។ អ៊ុយរូហ្កាយគឺជាម្ចាស់ផ្ទះដំបូងគេបង្អស់នៃពានរង្វាន់បាល់ទាត់ពិភពលោកតាំងពីឆ្នាំ១៩៣០ ខណៈដែលអ៊ុយរូហ្កាយចង់យក World Cup មករៀបចំម្តងទៀតដើម្បីអបអរខួប ១00ឆ្នាំគត់។ ប្រធានសហព័ន្ធបាល់ទាត់អាមេរិកខាងត្បូងលោក Alejandro Dominguez បាននិយាយថា នេះជាសុបិនរបស់ទ្វីបអាមេរិកខាងត្បូងទាំងមូល។ ១០០ឆ្នាំឆ្ងាយពីផ្ទះដូច្នេះ World Cup នឹងត្រលប់មកវិញនៅទឹកដីដែលព្រឹត្តិការណ៍បាន ចាប់ផ្តើមដំបូង។ ក្រៅពីអ៊ុយរូហ្កាយ ស៊ីលីក៏ធ្លាប់ធ្វើម្ចាស់ផ្ទះ World Cup ដែរកាលពីឆ្នាំ១៩៦២ ខណៈអាហ្សង់ទីនឆ្នាំ១៩៧៨។ World Cup 2022 ឆ្នាំនេះនឹងរៀបចំនៅប្រទេសកាតា ខណៈ World Cup បន្ទាប់ឆ្នាំ២០២៦ នឹងធ្វើនៅទឹកដីអាមេរិកខាងជើងមានសហរដ្ឋអាមេរិក កាណាដា និងម៉ិកស៊ិក។ យ៉ាងណាក្តី ៤ប្រទេសនេះត្រូវប្រជែងជាមួយបេក្ខភាពផ្សេងទៀត រួមមានអេស្ប៉ាញរួមគ្នាជាមួយព័រទុយហ្កាល់ ខណៈម៉ារ៉ុក និងអារ៉ាប៊ីសាអ៊ូឌីតក៏កំពុងពិចារណារួមគ្នាដាក់ដេញថ្លៃផងដែរ។ FIFA គ្រោងនឹងប្រកាសប្រទេសឈ្នះសិទ្ធិរៀបចំ World Cup 2030 នៅឆ្នាំ២០២៤៕អត្ថបទ៖នាង សុភាវុធ

Al Hilal ទម្លាក់ជើងឯកអាមេរិកខាងត្បូង Flamengo ឡើងវគ្គផ្តាច់ព្រ័ត្រ FIFA Club World Cup

បាល់ទាត់៖ ក្រុមបាល់ទាត់អារ៉ាប៊ីសាអ៊ូឌីត Al Hilal បានធ្វើឱ្យមានការភ្ញាក់ផ្អើល ក្រោយទំលាក់ក្រុមជើងឯកអាមេរិកខាងត្បូង Flamengo ដើម្បីឡើងវគ្គផ្តាច់ព្រ័ត្រពានរង្វាន់ FIFA Club World Cup នៅប្រទេសម៉ារ៉ុក។ ក្រុមជើងឯកទ្វីបអាស៊ី ៤សម័យ Al Hilal បានបើកការនាំមុខមុនតាំងពីនាទីទី៤ ដោយបាល់ពិន័យ ១១ម៉ែត្ររបស់ Salem Al Dawsari មុនពេលដែល Flamengo តាមស្មើវិញនៅនាទីទី២០ ដោយ Pedro។ ហៀបនឹងចប់វគ្គទី១ ទៅហើយ Flamengo ក៏បាត់បង់កីឡាករម្នាក់គឺកីឡាករប្រេស៊ីល Gerson ទទួលបានកាតក្រហមក្រោយកំហុសនៅក្នុងតំបន់គ្រោះ ដែលធ្វើឱ្យ Al Hilal រកបានគ្រាប់នាំមុខសាជាថ្មីដោយបាល់ពិន័យ ១១ម៉ែត្រមួយគ្រាប់ទៀតរបស់ Al Dawsari។ គ្នាតែដប់នាក់នៅវគ្គទី២ Falmengo ក៏ត្រូវបាន Al Hilal បន្ថែមការនាំមុខមួយគ្រាប់ទៀតនៅនាទីទី៧០ ដោយកីឡាករអាហ្សង់ទីន Luciano Vietto មុនពេលដែល Pedro ដដែលតាមបានមួយគ្រាប់វិញដែរឱ្យ Flamengo នាទីទី៩០+១ ទៅហើយធ្វើឱ្យ Flamengo ក្លាយជាក្រុមជើងឯកអាមេរិកខាងត្បូងទី៦ ប៉ុណ្ណោះក្នុងប្រវត្តិសាស្ត្រ ២៣ឆ្នាំ FIFA Club World Cup ដែលខកខានឡើងវគ្គផ្តាច់ព្រ័ត្រ។ ចំណែក Al Hilal ក៏បានក្លាយជាក្លិបអារ៉ាប៊ីសាអ៊ូឌីតដំបូងគេបង្អស់ដែលឡើងវគ្គផ្តាច់ព្រ័ត្រ ដោយនឹងត្រូវជួបជាមួយអ្នកឈ្នះរវាង Real Madrid រឺ Al Ahly ដែលនឹងជួបគ្នាយប់នេះ៕អត្ថបទ៖នាង សុភាវុធ

Carlos Queiroz ត្រូវតែងតាំងជាគ្រូបង្វឹកក្រុមជម្រើសជាតិកាតា

បាល់ទាត់៖ អតីតគ្រូបង្វឹកព័រទុយហ្កាល់ និង Real Madrid លោក Carlos Queiroz ត្រូវបានតែងតាំងជាគ្រូបង្វឹកក្រុមជម្រើសជាតិកាតាជំនួសតំណែងលោក Felix Sanchez។ បុរសវ័យ ៦៩ឆ្នាំរូបនេះបានចុះហត្ថលេខាដឹកនាំក្រុមម្ចាស់ផ្ទះ World Cup 2022 កាតារហូតដល់ឆ្នាំ២០២៦ World Cup នៅសហរដ្ឋអាមេរិក កាណាដា និងម៉ិកស៊ិក។អតីតជំនួយការ Sir Alex Ferguson នៅ Manchester United រូបនេះបានដឹកនាំក្រុមជម្រើសជាតិអ៊ីរ៉ង់នៅ World Cup ២០២២ កន្លងទៅ បន្ទាប់ពីចំណាយពេលដឹកនាំក្រុមជម្រើសជាតិមួយចំនួនទៀតរួមមាន អាហ្វ្រិកខាងត្បូង កូឡុំប៊ី និងអេស៊ីប។ រំលឹកថា កាតាបានបង្ហាញខ្លួនលើកដំបូង ក្នុងព្រឹត្តិការណ៍បាល់ទាត់ពិភពលោកក្នុងនាមជាម្ចាស់ផ្ទះ តែបានរងបរាជ័យទាំង ៣ប្រកួតក្រោមស្នាដៃអេក្វាដ័រ សេណេហ្កាល់ និងហូឡង់នៅក្នុងពូលក្រោមការដឹកនាំរបស់លោក Felix Sanchez៕អត្ថបទ៖នាង សុភាវុធ

ព្រឹត្តិការណ៍ម៉ារ៉ាតុងពិភពលោក ៧កម្មវិធីឆ្លងកាត់ ៧ប្រទេសរយៈពេល ៧ថ្ងៃបញ្ចប់នៅទីក្រុង Miami

ម៉ារ៉ាតុង៖ ព្រឹត្តិការណ៍ម៉ារ៉ាតុងពិភពលោក World Marathon Challenge បានបិទបញ្ចប់ហើយនៅទីក្រុង Miami រដ្ឋ Florida សហរដ្ឋអាមេរិកកាលពីថ្ងៃចន្ទ។ ព្រឹត្តិការណ៍នេះមានការចូលរួមពីអត្តពលិកជុំវិញពិភពលោក ក្នុងការប៉ុនប៉ងរត់ម៉ារ៉ាតុង ៧កម្មវិធីឆ្លងកាត់ ៧ប្រទេសរយៈពេលត្រឹម ៧ថ្ងៃ។ ឆ្នាំនេះការប្រកួតបានចេញដំណើរពី Novo តំបន់ទឹកកកអង់តាកទិកកាលពីថ្ងៃទី៣១ ខែមករា បន្តទៅទីក្រុង Cape Town ប្រទេសអាហ្វ្រិកខាងត្បូង Perth ប្រទេសអូស្ត្រាលី Dubai អារ៉ាប់រួម Madrid អេស្ប៉ាញ Fortaleza ប្រទេសប្រេស៊ីល និងចុងក្រោយ Miami សហរដ្ឋអាមេរិក។ ការកំណត់ជើងឯក World Marathon Challenge នេះគឺសម្រេចទៅលើកីឡាករដែលមានថេរវេលាជាមធ្យមល្អបំផុត បូកបញ្ចូលគ្នាពីម៉ារ៉ាតុងទាំង ៧ប្រទេសនេះ។ អ្នកឈ្នះបានទៅអត្តពលិកអាមេរិក David Kilgore ប្រើពេលថេរវេលាមធ្យម ២ម៉ោង ៥៦នាទី ទោះបីជាម៉ារ៉ាតុងដំបូងនៅអង់តាកទិកដែលមានសីតុណ្ហភាពត្រជាក់ខ្លាំងនោះប្រើពេលជាង ៣ម៉ោងក៏ដោយ។ ចំណែកជើងឯកផ្នែកនារីបានទៅកីឡាការិនីអាមេរិកដូចគ្នា Deidre Keane ខណៈក៏មានវត្តមានអ្នករត់ម៉ារ៉ារុងជើងចាស់វ័យដល់ទៅ ៨០ឆ្នាំ Dan Little ក៏បានវិលមកចូលរួមវិញដែរក្រោយអវត្តមាន ៤ឆ្នាំ៕អត្ថបទ៖នាង សុភាវុធ

Christian Atsu ដែលបាត់ខ្លួនក្រោយគ្រោះរញ្ជួយដីនៅទួរគីនោះត្រូវរកឃើញនៅរស់រានមានជីវិតនៅឡើយ

បាល់ទាត់៖ តារាបាល់ទាត់ដែលធ្លាប់ប្រកបអាជីពនៅ Newcastle United, Christian Atsu ត្រូវបានគេរកឃើញថានៅរស់រានមានជីវិតនៅឡើយ បន្ទាប់ពីបាត់ខ្លួនក្រោយហេតុការណ៍គ្រោះរញ្ជួយដីកម្រិត ៧.៨រ៉ិចទ័រនៅប្រទេសទួរគី។ កីឡាករវ័យ ៣១ឆ្នាំដែលប្រកបអាជីពនៅក្លិបទួរគី Hatayspor ត្រូវបានគេរកឃើញនៅក្រោមគំនរថ្ម និងមានរបួស តែសំណាងដែលមិនស្ថិតក្នុងចំណោមអ្នកស្លាប់ជាង ៥០០០នាក់ដោយសារគ្រោះរញ្ជួយដីនេះ។ Atsu បានស៊ុតបញ្ចូលទីគ្រាប់ជ័យជំនះនៅនាទីទី៩០+៧ នៅក្របខណ្ឌលីគកំពូលទួរគីឱ្យក្រុម Hatayspor កាលពីយប់ថ្ងៃអាទិត្យយកឈ្នះលើ Kasimpasa ១-០ តែបានប៉ុន្មានម៉ោងក្រោយមកក៏ត្រូវបានគេរាយការណ៍ថាបាត់ខ្លួន បន្ទាប់ពីហេតុការណ៍រញ្ជួយដីកំរិត ៧.៨រ៉ិចទ័រ ដែលបានលេបត្របាក់អគារស្នាក់មួយចំនួនធំនៅព្រំដែនទួរគី និងប្រទេសស៊ីរី។ ប្រធានក្លិប Hatayspor លោក Mustafa Ozat បានប្រាប់ទូរទស្សន៍ទួរគីថា Christian Atsu ស្ថិតក្នុងចំណោមជនរងគ្រោះដែលបាត់ខ្លួនទាំងអស់នោះ ខណៈកីឡាករ រួមជាមួយមន្ត្រីក្លិបមួយចំនួនត្រូវបានជួយសង្គ្រោះ។ រំលឹកថា Christian Atsu បច្ចុប្បន្នវ័យ ៣១ឆ្នាំធ្លាប់ចំណាយពេលលេងនៅ Premier League ជាមួយ Newcastle និង Everton ហើយក៏ធ្លាប់ផ្លាស់ទៅ Chelsea ក្នុងកិច្ចសន្យាខ្ចី មុនផ្លាស់ទៅកាន់ Hatayspor កាលពីខែកញ្ញាឆ្នាំមុន៕អត្ថបទ៖នាង សុភាវុធ

អគ្គនាយកដ្ឋានកីឡាជំរុញមន្ដ្រីអង្គភាពពាក់ព័ន្ធត្រូវចេះប្រើបច្ចេកវិទ្យាទំនើប ដើម្បីប្រតិបត្តិការងារ

ភ្នំពេញ៖ ឯកឧត្តម អ៊ុក សិទ្ធជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំ យុវជន និងកីឡាបានជំរុញឲ្យមន្ដ្រីអង្គភាពពាក់ព័ន្ធត្រូវចេះប្រើប្រាស់បច្ចេកវិទ្យាទំនើប ដើម្បីប្រតិបត្តិការងារឲ្យកាន់តែមានប្រសិទ្ធភាព និងរហ័សទាន់ពេលវេលា។ ការលើកឡើងនេះ បន្ទាប់ពីមជ្ឈមណ្ឌលជាតិព័ត៌មានវិទ្យា និងស្ថិតិកីឡានៃអគ្គនាយកដ្ឋានកីឡា បានបើកវគ្គបណ្តុះបណ្តាលស្តីពីការប្រើប្រាស់ព័ត៌មានវិទ្យាកម្រិត២ សម្រាប់ស្រង់ទិន្នន័យ និងស្ថិតិកីឡាកាលពីដើមសប្ដាហ៍កន្លងទៅ នៅសាលប្រជុំនាយកដ្ឋានអប់រំកាយ និងកីឡានៃពហុកីឡដ្ឋានជាតិ។ ឯកឧត្តម អ៊ុក សិទ្ធិជាតិ មានប្រសាសន៍ថា ការអភិវឌ្ឍវិស័យអប់រំកាយ និងកីឡាគឺជាការអភិវឌ្ឍការងារអប់រំកាយ និងកីឡា ឲ្យទៅជាចំណុចស្នូលនៃការកែទម្រង់ និងលើកកម្ពស់សុខភាព សមត្ថភាពជំនាញ និងបច្ចេកទេសអប់រំកាយ និងកីឡារបស់សិស្ស និស្សិត យុវជន និងមហាជនប្រកបដោយគុណភាព និងសិទ្ធិផលខ្ពស់ក្នុងការប្រកួតជាលក្ខណៈជាតិ និងអន្តរជាតិ ព្រមទាំងចូលរួមអភិវឌ្ឍសង្គម វប្បធម៌ និងសេដ្ឋកិច្ចជាតិផងដែរ។ តាមរយៈនេះ ឯកឧត្តមបានកោតសរសើរដល់មជ្ឈមណ្ឌលជាតិព័ត៌មានវិទ្យា និងស្ថិតិកីឡា ដែលបានមើលឃើញគុណតម្លៃនៃការប្រើប្រាស់បច្ចេកវិទ្យាទំនើប សម្រាប់ប្រតិបត្តិការការងារ និងបានរៀបចំវគ្គនេះបន្ថែមជាលើកទី២ ដើម្បីដុសខាត់ចំណេះជំនាញបច្ចេកវិទ្យាបន្ថែមទៀត ដល់មន្ត្រីតាមអង្គភាពទាំងអស់នៃអគ្គនាយកដ្ឋានកីឡា។ ដោយហេតុនេះ ឯកឧត្តមបានជំរុញ និងលើកទឹកចិត្តដល់សិក្ខាកាមទាំងអស់ត្រូវត្រង់ត្រាប់ និងកត់ត្រានៅចំណុចល្អដែលគ្រូឧទេ្ទសពន្យល់ និងណែនាំ ដើម្បីជាគុណប្រយោជន៍សម្រាប់ខ្លួនឯង និងដើម្បីបង្កើនប្រសិទ្ធភាពការងារតាមអង្គភាពរបស់ខ្លួន។ លោក អ៊ឹង វីរៈ អនុប្រធានមជ្ឈមណ្ឌលជាតិព័ត៌មានវិទ្យា និងស្ថិតិកីឡាបានបញ្ជាក់ថា វគ្គបណ្ដុះបណ្ដាលនេះគ្រោងរៀបចំ ៥ថ្ងៃដោយមានសិក្ខាកាមចូលរួម មកពីអង្គភាពក្រោមចំណុះអគ្គនាយកដ្ឋានកីឡា ក្នុងគោលបំណងបង្កើនការស្វែងយល់ពីបរិបទការងារថ្មីក្នុងសម័យ បច្ចេកវិទ្យាទំនើប ដូចជាការប្រើប្រាស់កម្មវិធីទំនាក់ទំនង និងការគ្រប់គ្រងការងារដោយសិក្សាលើការរៀបចំ និងចូលកិច្ចប្រជុំអនឡាញការ ស្វែងយល់ពីកម្រិតមូលដ្ឋាននៃសុវត្ថិភាពទិន្នន័យ ការប្រើប្រាស់បច្ចេកវិទ្យាដើម្បីគ្រប់គ្រងទិន្នន័យ ការប្រើប្រាស់ Excel និង google Sheet ក្នុងវិស័យស្ថិតិ ស្វែងយល់ពិធីចរចា និងសម្របសម្រួល ការកំណត់ប្រភេទទិន្នន័យសម្រិតសម្រាំងទិន្នន័យ និងចងក្រងទិន្នន័យ និងការសរសេរកម្រងសំណួរសម្រាប់ចុះស្រង់ស្ថិតិ ព្រមទាំងការវិភាគ និងពន្យល់លទ្ធផលស្ថិតិជាដើម៕អត្ថបទ៖ លី ឈុនឡា

សារព័ត៌មានត្រូវបានចាត់ទុកជាកញ្ចក់ឆ្លុះបញ្ចាំងកម្ពុជាបច្ចុប្បន្ន កំឡុងស៊ីហ្គេម២០២៣

ស៊ីហ្គេម៖ ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ និងអាស៊ានប៉ារ៉ាហ្គេមឆ្នាំ២០២៣ (CAMSOC/CAMAPGOC) បានចាត់ទុកវិស័យសារព័ត៌មាន ឬប្រព័ន្ធផ្សព្វផ្សាយគឺជាផ្នែកមួយដ៏សំខាន់ ក្នុងការធ្វើជាកញ្ចក់ឆ្លុះបញ្ចាំងពីកម្ពុជាបច្ចុប្បន្នទៅកាន់ពិភពលោក ក្នុងការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នាពេលឆាប់ៗខាងមុខ។ ថ្លែងក្រោយកិច្ចប្រជុំជាមួយគណៈកម្មការព័ត៌មាន និងផ្សព្វផ្សាយនៅដើមសប្ដាហ៍នេះ ឯកឧត្តមបានលើកឡើងថា បច្ចុប្បន្នពិភពលោកកំពុងផ្ដោតចក្ខុមកកម្ពុជា តាមរយៈមហាព្រឹត្តិការណ៍ដ៏អស្ចារ្យនេះ បន្ទាប់ពីកម្ពុជារង់ចាំអស់រយៈពេល ៦៤ឆ្នាំ ក្នុងនោះក៏ដោយសារការផ្សព្វផ្សាយយ៉ាងទូលំទូលាយរបស់សារព័ត៌មានជាតិ និងអន្ដរជាតិ។ ហេតុនេះ កម្ពុជាបានយកចិត្តទុកដាក់ខ្ពស់លើការរៀបចំប្រព័ន្ធផ្សព្វផ្សាយនានា ដើម្បីជំរុញការផ្សព្វផ្សាយពីព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមផង និងភាពរីកចម្រើនរបស់កម្ពុជាក្រោមម្លប់សន្ដិភាពផង។ យ៉ាងណាក្ដី មុនព្រឹត្តិការណ៍កីឡាថ្នាក់តំបន់ជាប្រវត្តិសាស្ដ្រលើកដំបូងនៅកម្ពុជាមកដល់ គណៈកម្មាធិការជាតិ CAMSOC ក៏គ្រោងនឹងកោះប្រជុំជាមួយបណ្ដាប្រព័ន្ធផ្សព្វផ្សាយទាំងអស់ ពិសេសគ្រប់ទូរទស្សន៍ក្នុងស្រុកដើម្បីពិភាក្សា និងស្វែងយល់ពីលទ្ធភាពក្នុងការផ្សព្វផ្សាយ។ លើសពីនេះ CAMSOC ក៏គ្រោងនឹងបើកវគ្គបណ្ដុះបណ្ដាលពីវិជ្ជាជីវសារព័ត៌មានកីឡា និងការផ្ដិតយករូបភាពកីឡា ដែលជំរុញដល់ការផ្សព្វផ្សាយឲ្យកាន់តែមានគុណភាពប្រសើរ ស្របតាមនិយាមកីឡាអន្ដរជាតិទៀតផង។ សូមបញ្ជាក់ថា គិតត្រឹមថ្ងៃទី០៨ ខែកុម្ភៈនេះ កម្ពុជានៅសល់ ៨៦ថ្ងៃទៀតប៉ុណ្ណោះ សម្រាប់ការត្រៀមធ្វើម្ចាស់ផ្ទះព្រឹត្តិការណ៍ស៊ីហ្គេមលើកទី៣២ ដែលនឹងប្រព្រឹត្តទៅពីថ្ងៃទី០៥ ដល់ថ្ងៃទី១៧ ខែឧសភា មុនបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ដែលនឹងប្រព្រឹត្តទៅពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ។ ចំពោះការចុះឈ្មោះសារព័ត៌មានជាតិ-អន្ដរជាតិ និងប្រព័ន្ធផ្សព្វផ្សាយនានា សម្រាប់ចូលរួមព្រឹត្តិការណ៍ប្រវត្តិសាស្ដ្រនេះគ្រោងនឹងចាប់ផ្ដើមនៅខែមីនាខាងមុខ៕អត្ថបទ៖ លី ឈុនឡា

Leeds បញ្ចប់តំណែងលោក Jesse Marsch ក្រោយក្លិបធ្លាក់ដល់លេខ ១៧ ក្នុងលីគ

បាល់ទាត់៖ ក្លិប Leeds United បានសំរេចបញ្ចប់តំណែងអ្នកចាត់ការលោក Jesse Marsch ហើយក្រោយដឹកនាំបានមួយឆ្នាំ។ Leeds United ចាញ់ Nottingham Forest ចុងក្រោយបំផុត ១-០ កាលពីថ្ងៃអាទិត្យ ដែលជាប្រកួតទី៧ នៅ Premier League មិនដែលឈ្នះ ពោលគឺឈ្នះចុងក្រោយបំផុតតាំងពីថ្ងៃទី៥ ខែវិច្ឆិកា។បច្ចុប្បន្ន Leeds ធ្លាក់មកដល់លេខ ១៧ ក្នុងតារាងនៅឈរពីលើតំបន់គ្រោះថ្នាក់ ដោយសារគ្រាប់បាល់ចំណេញប៉ុណ្ណោះ។ គិតជារួមក្នុងរដូវកាលនេះ Leeds ឈ្នះតែ ៤ប្រកួតប៉ុណ្ណោះក្នុងចំណោម ២០ប្រកួតនៅ Premier League ក្រៅពីនោះស្មើ ៦ ចាញ់ ១០។ រំលឹកថា អ្នកចាត់ការសញ្ជាតិអាមេរិក Jesse Marsch បានចូលមកកាន់តំណែងជំនួសលោក Marcelo Bielsa កាលពីខែកុម្ភៈឆ្នាំមុននៅពេល Leeds ឈរលេខ ១៦ ក្នុងតារាង និងជួយសង្គ្រោះ Leeds ពីការកាត់ចោលរដូវកាលមុនក្រោយឈ្នះ Brentford សប្តាហ៍ចុងក្រោយ។ក្រៅពីការដកតំណែងលោក Jesse Marsch នោះ Leeds ក៏បានបញ្ចប់តំណែងគ្រូបង្វឹក Rene Maric រួមជាមួយនឹងជំនួយការពីរនាក់ទៀត។ Leeds នឹងត្រូវទៅទឹកដី Manchester United យប់ថ្ងៃពុធនេះ និងជួប Manchester United ម្តងទៀតនៅថ្ងៃអាទិត្យក្នុងទឹកដីរបស់ខ្លួន៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

របាយការណ៍៖ សហរដ្ឋអាមេរិក និងអ៊ីស្រាអែលមានផែនវាយប្រហារលើគោលដៅពាក់ព័ន្ធនឹងថាមពលនៅអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

CAMSOC កោះប្រជុំជាមួយសហព័ន្ធជាតិ ដើម្បីកំណត់តួនាទីត្រៀមស៊ីហ្គេមឆ្នាំ២០២៣

ស្ត្រីសញ្ជាតិស៊ីលី Barbara Hernandez បង្កើតកំណត់ត្រាហែលឆ្លងកាត់ទឹកត្រជាក់ស្ទើរកកចម្ងាយ ២.៥គីឡូម៉ែត្រ

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

Al Hilal ទម្លាក់ជើងឯកអាមេរិកខាងត្បូង Flamengo ឡើងវគ្គផ្តាច់ព្រ័ត្រ FIFA Club World Cup

Carlos Queiroz ត្រូវតែងតាំងជាគ្រូបង្វឹកក្រុមជម្រើសជាតិកាតា

ព្រឹត្តិការណ៍ម៉ារ៉ាតុងពិភពលោក ៧កម្មវិធីឆ្លងកាត់ ៧ប្រទេសរយៈពេល ៧ថ្ងៃបញ្ចប់នៅទីក្រុង Miami

Christian Atsu ដែលបាត់ខ្លួនក្រោយគ្រោះរញ្ជួយដីនៅទួរគីនោះត្រូវរកឃើញនៅរស់រានមានជីវិតនៅឡើយ

អគ្គនាយកដ្ឋានកីឡាជំរុញមន្ដ្រីអង្គភាពពាក់ព័ន្ធត្រូវចេះប្រើបច្ចេកវិទ្យាទំនើប ដើម្បីប្រតិបត្តិការងារ

សារព័ត៌មានត្រូវបានចាត់ទុកជាកញ្ចក់ឆ្លុះបញ្ចាំងកម្ពុជាបច្ចុប្បន្ន កំឡុងស៊ីហ្គេម២០២៣

Leeds បញ្ចប់តំណែងលោក Jesse Marsch ក្រោយក្លិបធ្លាក់ដល់លេខ ១៧ ក្នុងលីគ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

CAMSOC ​កោះប្រជុំ​ជាមួយ​សហព័ន្ធ​ជាតិ ដើម្បី​កំណត់​តួនាទី​ត្រៀម​ស៊ី​ហ្គេម​ឆ្នាំ​២០២៣

ស្ត្រី​សញ្ជាតិ​ស៊ី​លី Barbara Hernandez បង្កើត​កំណត់ត្រា​ហែល​ឆ្លង​កាត់ទឹក​ត្រជាក់​ស្ទើរ​កក​ចម្ងាយ ២.៥​គីឡូម៉ែត្រ​

បួន​ប្រទេស​នៅ​អាមេរិក​ខាងត្បូង​រួមគ្នា​ដេញថ្លៃ​ធ្វើ​ម្ចាស់ផ្ទះ World Cup 2030

Al Hilal ទម្លាក់​ជើងឯក​អាមេរិក​ខាងត្បូង Flamengo ឡើង​វគ្គ​ផ្តាច់ព្រ័ត្រ FIFA Club World Cup

Carlos Queiroz ត្រូវ​តែងតាំង​ជា​គ្រូបង្វឹក​ក្រុម​ជម្រើសជាតិ​កាតា​

ព្រឹត្តិការណ៍​ម៉ា​រ៉ា​តុង​ពិភពលោក ៧កម្មវិធី​ឆ្លងកាត់ ៧ប្រទេស​រយៈពេល ៧ថ្ងៃ​បញ្ចប់​នៅ​ទីក្រុង Miami

Christian Atsu ដែល​បាត់​ខ្លួន​ក្រោយ​គ្រោះ​រញ្ជួយ​ដី​នៅ​ទួរគី​នោះ​ត្រូវ​រកឃើញ​នៅ​រស់រាន​មានជីវិត​នៅ​ឡើយ

សារព័ត៌មាន​ត្រូវ​បាន​ចាត់ទុកជា​កញ្ចក់​ឆ្លុះបញ្ចាំង​កម្ពុជា​បច្ចុប្បន្ន កំឡុង​ស៊ី​ហ្គេម២០២៣

Leeds បញ្ចប់​តំណែង​លោក Jesse Marsch ក្រោយ​ក្លិប​ធ្លាក់​ដល់​លេខ ១៧ ក្នុង​លី​គ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

CAMSOC កោះប្រជុំជាមួយសហព័ន្ធជាតិ ដើម្បីកំណត់តួនាទីត្រៀមស៊ីហ្គេមឆ្នាំ២០២៣

ស្ត្រីសញ្ជាតិស៊ីលី Barbara Hernandez បង្កើតកំណត់ត្រាហែលឆ្លងកាត់ទឹកត្រជាក់ស្ទើរកកចម្ងាយ ២.៥គីឡូម៉ែត្រ

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

Al Hilal ទម្លាក់ជើងឯកអាមេរិកខាងត្បូង Flamengo ឡើងវគ្គផ្តាច់ព្រ័ត្រ FIFA Club World Cup

Carlos Queiroz ត្រូវតែងតាំងជាគ្រូបង្វឹកក្រុមជម្រើសជាតិកាតា

ព្រឹត្តិការណ៍ម៉ារ៉ាតុងពិភពលោក ៧កម្មវិធីឆ្លងកាត់ ៧ប្រទេសរយៈពេល ៧ថ្ងៃបញ្ចប់នៅទីក្រុង Miami

Christian Atsu ដែលបាត់ខ្លួនក្រោយគ្រោះរញ្ជួយដីនៅទួរគីនោះត្រូវរកឃើញនៅរស់រានមានជីវិតនៅឡើយ

សារព័ត៌មានត្រូវបានចាត់ទុកជាកញ្ចក់ឆ្លុះបញ្ចាំងកម្ពុជាបច្ចុប្បន្ន កំឡុងស៊ីហ្គេម២០២៣

Leeds បញ្ចប់តំណែងលោក Jesse Marsch ក្រោយក្លិបធ្លាក់ដល់លេខ ១៧ ក្នុងលីគ