BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Manchester City រងការចោទប្រកាន់រឿងគ្រប់គ្រងហិរញ្ញវត្ថុប្រឈមកាត់ពិន្ទុ រឺកាត់ចេញពី Premier League

បាល់ទាត់៖ ក្របខណ្ឌបាល់ទាត់អង់គ្លេស Premier League បានសម្រេចដាក់ពិន័យក្លិប Manchester City ក្រោមការចោទប្រកាន់ពីការគ្រប់គ្រងហិរញ្ញវត្ថុដែលបំពានច្បាប់របស់ Premier League ជាង ១០០ករណី។ Premier League បានធ្វើការស៊ើបអង្កេតអស់រយៈពេល ៤ឆ្នាំ និងរកឃើញពីការចំណាយលើប្រាក់កម្រៃជើងផ្សារ ដែលបំពានដល់ច្បាប់ចាយវាយចន្លោះឆ្នាំ២០០៩ ដល់ ២០១៨។ រឿងមួយទៀតនោះ Manchester City ក៏ត្រូវបានចោទប្រកាន់ពីការមិនសហការស៊ើបអង្កេតដែលចាប់ផ្តើមតាំងពីខែធ្នូ ឆ្នាំ២០១៨ មកម្ល៉េះ។ រដូវកាលមុន Manchester City បានគ្រងជើងឯក English Premier League លើកទី៦ ចាប់តាំងពីការចាប់វិនិយោគដោយ Abu Dhabi United Group។ តាមរយៈការចោទប្រកាន់ និងដាក់ពិន័យនេះ រួមមានការពិន័យជាទឹកប្រាក់ ការកាត់ពិន្ទុ រឺក៏ឈានដល់កាត់ចេញពីក្របខណ្ឌ Premier League ទៀតផង។ បើតាមសេចក្តីថ្លែងការរបស់ Premier League ថា City បានបំពានពីគោលការណ៍ ដែលតម្រូវឱ្យពួកគេផ្តល់ព័ត៌មានឱ្យច្បាស់លាស់ជុំវិញការចំណាយរបស់ខ្លួន និងត្រឹមត្រូវតាមច្បាប់របស់ Premier League។ ការចំណាយរបស់ City ដែលតម្រូវឱ្យផ្តល់ព័ត៌មានជាក់លាក់ និងច្បាស់លាស់នោះគឺរួមមានដូចជាចំណូលចំណាយរបស់ក្លិប ការចំណាយទូទៅលើការគ្រប់គ្រងក្លិប និងប្រាក់ចំណូលបានពីដៃគូឧបត្តម្ភជាដើម។ រំលឹកថា កាលពីឆ្នាំ ២០២០ Manchester City ក៏បានរងការដាក់ពិន័យដោយ UEFA ផងដែរជុំវិញការគ្រប់គ្រងហិរញ្ញវត្ថុរបស់ខ្លួនចន្លោះឆ្នាំ ២០១២- ២០១៦ ដែលឈានដល់ការដាក់ពិន័យមិនឱ្យចូលរួមការប្រកួតក្របខណ្ឌអឺរ៉ុប តែក្រោយមកក៏ត្រូវបានលុបចោលវិញមួយឆ្នាំក្រោយមកដោយតុលាការមជ្ឈត្តការកីឡា CAS មួយឆ្នាំក្រោយមក៕អត្ថបទ៖នាង សុភាវុធ

មិនធម្មតា! ឈប់លេងបាល់មកលេងកូនគោល Gareth Bale បានលេខ ១៦ នៅកម្មវិធី Pebble Beach Pro-Am

វាយកូនគោល៖ អតីតកីឡាករក្រុមជម្រើសជាតិវែល Gareth Bale ដែលបានចូលនិវត្តន៍ពីអាជីពបាល់ទាត់ទៅហើយនោះ បានចូលរួមការប្រកួតវាយកូនគោលពាក់កណ្តាលអាជីពមួយនៅរដ្ឋកាលីហ្វនីញ៉ាសហរដ្ឋអាមេរិក និងទទួលបានលទ្ធផលល្អផងដែរ។ការប្រកួតពាក់កណ្តាលអាជីព Pebble Beach Pro-Am ត្រូវបានកាត់បន្ថយមកត្រឹម ៥៤ឡូដោយសារបញ្ហាអាកាសធាតុ ខណៈដែល Gareth Bale និងដៃគូរបស់គេ Joseph Bramlett ទទួលបានចំនាត់ថ្នាក់លេខ ១៦ ក្នុងកម្មវិធីនេះដោយធ្វើបាន ១៦អាន់ឌើផា។ សម្រាប់ជើងឯកកម្មវិធីនេះបានទៅកីឡាករអង់គ្លេស Justin Rose ដែលបានបញ្ចប់ជាមួយនឹងលទ្ធផល ១៥អាន់ឌើផា តាមពីក្រោយមួយស្ត្រូកដោយកីឡាករអាមេរិក Peter Malnati និងលេខ៣ កីឡាករអាមេរិករូបទៀត Denny McCarthy។រំលឹកថា Bale ស្រឡាញ់កីឡាវាយកូនគោលត្រូវបានគេស្គាល់យ៉ាងច្បាស់ ជាពិសេសអំឡុងពេលដែលគេនៅជាមួយ Real Madrid ជាកន្លែងដែលបានឈ្នះពានរង្វាន់ Champions League ចំនួន ៥ដង ដោយធ្លាប់បានបង្ហោះសារបែបឌីដងមកកាន់ក្លិបនៅពេលស្ថិតក្រៅជម្រើស ១១នាក់មួយរយៈពេល។ សូមបញ្ជាក់ថា ការប្រកួតកម្មវិធី AT&T Pebble Beach Pro-Am មានអ្នកចូលរួមចំនួន ១៥៦នាក់ចូលរួមចាប់ពីថ្ងៃទី២ ដល់ទី៥ ខែកុម្ភៈ រួមជាមួយវត្តមានជើងឯក US Open, Matt Fitzpatrick និងកីឡាករលំដាប់លេខ៣ ពិភពលោក Patrick Cantlay ជាដើម៕អត្ថបទ៖នាង សុភាវុធ

អតីតម្ចាស់ខ្សែក្រវាត់ពិភពលោក ២សម័យ Anthony Joshua ប្រកាសឡើងសង្វៀនវិញនៅខែមេសា

ប្រដាល់៖ កីឡាករប្រដាល់ទម្ងន់ធ្ងន់អង់គ្លេស Anthony Joshua ដែលជាអតីតម្ចាស់ខ្សែក្រវាត់ទម្ងន់ពិភពលោក ២សម័យនោះបានប្រកាសពីគម្រោងឡើងសង្វៀនប្រកួតវិញនៅខែមេសាខាងមុខ ដោយនឹងត្រូវជួបជាមួយកីឡាករអាមេរិក Jermaine Franklin នេះបើតាមការបញ្ជាក់របស់ក្រុមដឹកនាំកីឡាករ Matchroom និង DAZN។ការប្រកួតនឹងធ្វើឡើងនៅថ្ងៃទី១ ខែមេសានៅកីឡដ្ឋាន O2 Arena ទីក្រុងឡុងដ៍ចក្រភពអង់គ្លេស ដែលនឹងជាប្រកួតដំបូងក្នុងរយៈពេលជិត ៧ឆ្នាំដែល Anthony Joshua ប្រកួតមិនមានការដណ្តើម រឺការពារខ្សែក្រវាត់។ កីឡាករអង់គ្លេសរូបនេះបានខកខានប្រកួតក្រោយចាញ់ ២ប្រកួតផ្ទួនៗក្រោមស្នាដៃកីឡាករអ៊ុយក្រែន Oleksandr Usyk ដែលជាម្ចាស់ខ្សែក្រវាត់ WBA, WBO, IBF និង IBO កាលពីខែសីហាឆ្នាំមុននៅអារ៉ាប៊ីសាអ៊ូឌីត។សម្រាប់គូប្រកួតរបស់ Joshua នៅខែមេសាខាងមុខ Jermaine Franklin មានកំណត់ត្រាប្រកួត ២១លើក ចាញ់ ១ ឈ្នះ ២០ ផ្តួលគូប្រកួតឱ្យបោះបង់ ១៤លើក ហើយមួយប្រកួតដែលចាញ់នោះគឺចាញ់កីឡាករអង់គ្លេស Dillian Whyte នៅកីឡដ្ឋាន Wembley កាលពីខែវិច្ឆិកាឆ្នាំមុន៕អត្ថបទ៖នាង សុភាវុធ

អតីតខ្សែបម្រើ Newcastle, Atsu បាត់ខ្លួន ក្រោយហេតុការណ៍គ្រោះរញ្ជួយដីធ្ងន់ធ្ងរនៅទួរគី

បាល់ទាត់៖ ខ្សែបម្រើជំរើសជាតិហ្កាណា Christian Atsu ស្ថិតក្នុងចំណោមមនុស្សដែលបាត់ខ្លួន ក្រោយហេតុការណ៍គ្រោះរញ្ជួយដីដ៏ធ្ងន់ធ្ងរមួយនៅប្រទេសទួរគីកាលពីថ្ងៃចន្ទ។ អតីតខ្សែបម្រើក្រុម Newcastle រូបនេះរស់នៅក្នុងអគារលំនៅដ្ឋានមួយនៅទីក្រុង Hatay ប្រទេសទួរគីដែលបានបាក់រលំដោយសារការរញ្ជួយដីនេះ។ Atsu បានស៊ុតបញ្ចូលទីគ្រាប់ជ័យជំនះនៅនាទីទី៩០+៧ នៅក្របខណ្ឌលីគកំពូលទួរគីឱ្យក្រុម Hatayspor កាលពីយប់ថ្ងៃអាទិត្យយកឈ្នះលើ Kasimpasa ១-០ តែបានប៉ុន្មានម៉ោងក្រោយមកក៏ត្រូវបានគេរាយការណ៍ថាបាត់ខ្លួន បន្ទាប់ពីហេតុការណ៍រញ្ជួយដីកម្រិត ៧.៨រ៉ិចទ័រដែលបានលេបត្របាក់អគារស្នាក់នៅមួយចំនួនធំនៅព្រំដែនទួរគី និងប្រទេសស៊ីរី។ ប្រធានក្លិប Hatayspor លោក Mustafa Ozat បានប្រាប់ទូរទស្សន៍ទួរគីថា Christian Atsu ស្ថិតក្នុងចំណោមជនរងគ្រោះដែលបាត់ខ្លួនទាំងអស់នោះ ខណៈកីឡាករ រួមជាមួយមន្ត្រីក្លិបមួយចំនួនត្រូវបានជួយសង្គ្រោះ។ រំលឹកថា Christian Atsu បច្ចុប្បន្នវ័យ ៣១ឆ្នាំធ្លាប់ចំណាយពេលលេងនៅ Premier League ជាមួយ Newcastle និង Everton ហើយក៏ធ្លាប់ផ្លាស់ទៅ Chelsea ក្នុងកិច្ចសន្យាខ្ចី មុនផ្លាស់ទៅកាន់ Hatayspor កាលពីខែកញ្ញាឆ្នាំមុន៕អត្ថបទ៖នាង សុភាវុធ

សហព័ន្ធតេក្វាន់ដូ ITF បើកវគ្គបណ្ដុះបណ្ដាលស្ដីពីការប្រឆាំងដូភីងដល់គ្រូ និងអត្តពលិកខ្លួន

តេក្វាន់ដូ៖ សហព័ន្ធកីឡាតេក្វាន់-ដូ ITF កម្ពុជាបានរៀបចំវគ្គបណ្តុះបណ្តាលស្តីពីការប្រឆាំងដូភីងក្នុងវិស័យកីឡាឆ្នាំ២០២៣ ជូនដល់គ្រូបង្វឹក គ្រូជំនួយ និងក្រុមកីឡាករ-កីឡាការិនីជម្រើសជាតិរបស់ខ្លួន ដើម្បីបានសិក្សា និងស្វែងយល់សម្រាប់ត្រៀមប្រឡងយកសញ្ញបត្រ និងចូលរួមការប្រកួតអន្តជាតិនាពេលខាងមុខ។ ឯកឧត្តម បួនហ៊ីង សុធីយ៉ា អគ្គលេខាធិការសហព័ន្ធកីឡាតេក្វាន់-ដូ ITF កម្ពុជាមានប្រសាសន៍ថា វគ្គនេះរៀបចំឡើងជិត ១សប្ដាហ៍ចាប់ពីថ្ងៃទី០៤ ដល់ថ្ងៃទី០៩ ខែកុម្ភៈ ឆ្នាំ២០២៣ នេះនៅនាយកដ្ឋានរៀបចំ និងគ្រប់គ្រងព្រឹត្តិការណ៍កីឡា ក្នុងគោលបំណងចង់ឲ្យមន្ដ្រីបច្ចេកទេស គ្រូបង្វឹក និងកីឡាករ-កីឡាការិនីរបស់ខ្លួនបានយល់ច្បាស់ពីផលប៉ះពាល់នៃសារធាតុហាមឃាត់ដូភីងក្នុងវិស័យកីឡា ស្របតាមការយកចិត្តទុកដាក់ដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា។ គួរដឹងថា បច្ចុប្បន្នកម្ពុជាគឺជាសមាជិកនៃអង្គការប្រឆាំងសារធាតុហាមឃាត់ពិភពលោក “WADA”។ ហេតុនេះទើបសហព័ន្ធកីឡាតេក្វាន់ដូ ITF កម្ពុជារៀបចំវគ្គបណ្ដុះបណ្ដាលនេះឡើង ហើយសង្ឃឹមថា គ្រូបង្វឹក និងកីឡាករ-កីឡាការិនីទាំងអស់នឹងបានស្វែងយល់ច្បាស់ ហើយចេះការពារខ្លួនពីសារធាតុហាមឃាត់ទាំងអស់ ដើម្បីចៀសវាងការនាំឲ្យប៉ះពាល់ដល់សុខភាព និងមុខមាត់ជាតិជាដើម៕អត្ថបទ៖ លី ឈុនឡា

ខេត្តកណ្តាលឡើងវគ្គផ្តាច់ព្រ័ត្រពានរង្វាន់ Soccer League ចុងសប្តាហ៍នេះ

បាល់ទាត់៖ ក្រុមបាល់ទាត់ ស ស យ ក ខេត្តកណ្តាល ឡើងទៅវគ្គផ្តាច់ព្រ័ត្របាល់ទាត់ពានរង្វាន់ Soccer League លើកទី៦ ឆ្នាំ២០២៣ ក្រោយឈ្នះអតីតជើងឯក ស ស យ ក ខណ្ឌពោធិ៍សែនជ័យ ៤ទល់នឹង៣ ដោយបាល់កាត់សេចក្តី ១១ម៉ែត្រ ក្រោយក្រុមទាំងពីរស្មើគ្នា ១ទល់១ ក្នុងម៉ោង ៩០នាទី។ ជំនួបនេះលេងបានត្រឹមតែ ៩នាទី យឹម ណារ៉ាន់ រកគ្រាប់បាល់បើកការនាំមុខឱ្យពោធិ៍សែនជ័យ ប៉ុន្តែនៅនាទីទី៣១ ស ស យ ក ខេត្តកណ្តាលវាយបបានមួយគ្រាប់វិញដោយគ្រាប់ពិន័យ ១១ម៉ែត្ររបស់កីឡាករជើងចាស់ ជិន ជុំ។ វគ្គទី២គ្មានក្រុមណាមួយរកគ្រាប់បាល់បាននោះទេ។ ចប់ការប្រកួតក្រុមទាំងពីរស្មើគ្នា ១ទល់១។ ដើម្បីសម្រេចក្រុមណាឡើងទៅវគ្គដណ្តើមពាន ការស៊ុតបាល់ ១១ម៉ែត្រកាត់សេចក្តីត្រូវធ្វើឡើង ហើយ ស ស យ ក ខេត្តកណ្តាលធ្វើបានសម្រេច ៤ទល់នឹង៣ ឡើងទៅវគ្គផ្តាច់ព្រ័ត្រ។ ឯកឧត្តម ធុល នាង ថ្នាក់ដឹកនាំក្រុម ស ស យ ក ខេត្តកណ្តាល បានបង្ហាញការគោរពដល់គូប្រកួតហនុមានអគ្គលេខាធិការដ្ឋានក្រសួងការពារជាតិ ដែលពោរពេញដោយកីឡាករក្មេងៗ តែយ៉ាងណាក្លិបរបស់លោកត្រូវរៀបចំយុទ្ធសាស្ត្រដើម្បីក្លាយជាជើងឯក។ ឯកឧត្តមបន្តថា ការប្រកួត Soccer League ឆ្នាំនេះមានការផុសផុលដោយមានក្រុមចូលរួមច្រើន ពិសេសក្រុមដែលមានកីឡាករវ័យក្មេង អ្វីដែលពិសេសគឺមានការប្រកួតបាល់ទាត់នារីថែមទៀត។ ខណៈនោះលោកក៏បានអំពាវនាវឱ្យគាំទ្រដល់ការប្រកួតប្រកួតស៊ីហ្គេម ២០២៣ នៅកម្ពុជា ពិសេសកីឡាករ កីឡាការិនីលេងតំណាងជាតិប្រឹងប្រែងឱ្យអស់ពីសមត្ថភាព។ តំណាងកីឡាករ ស ស យ ក ខេត្តកណ្តាល ពុធ សុធារ៉ា បានបង្ហាញក្តីរីករាយដែលខ្លួន ក៏ដូចជាមិត្តរួមក្រុមបានជួយក្រុមឡើងទៅវគ្គផ្តាច់ព្រ័ត្រ ហើយសម្រាប់វគ្គផ្តាច់ព្រ័ត្រ ហនុមានជាក្រុមមួយដែលមានកីឡាករក្មេងៗ និងពោរពេញដោយកម្លាំង តែយ៉ាងណាត្រូវព្យាយាមហាត់ឱ្យខ្លាំងបន្ថែមទៀត។ កីឡាករូបនេះបានបង្ហាញការពេញចិត្តដែលរៀបចំឱ្យមានការប្រកួតនេះឡើង។ ចំពោះមុខដែលកម្ពុជាត្រូវធ្វើម្ចាស់ផ្ទះស៊ីហ្គេម ធារ៉ា ក៏បានអំពាវនាវឱ្យយុវជនងាកមកលេងកីឡាឱ្យបានច្រើន។ វគ្គផ្តាច់ព្រ័ត្រនៅថ្ងៃទី១១ ខែកុម្ភៈ ឆ្នាំ២០២៣ ខាងមុខ ស ស យ ក ខេត្តកណ្តាលត្រូវប្រកួតជាមួយហនុមានអគ្គលេខាធិការដ្ឋានក្រសួងការពារជាតិ ដែលបានយកឈ្នះមយូរ៉ា រីសត ៤ទល់នឹង០។ ថ្ងៃទី៨ ស្អែកនេះ មយូរ៉ារីសត ប្រកួតជាមួយ ស ស យ ក ខណ្ឌពោធិ៍សែនជ័យដណ្តើមចំណាត់ថ្នាក់លេខបី៕ អត្ថបទ៖ គង់ ហួន

ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ទទួលបានដៃគូឧបត្ថម្ភថ្មី ខណៈក្រុមហ៊ុនជាច្រើនកំពុងចរចា

ស៊ីហ្គេម៖ ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ នៅកម្ពុជា កំពុងមានការចាប់អារម្មណ៍ និងទាក់ទាញដៃគូឧបត្ថម្ភជាច្រើន ជាក់ស្ដែងព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះ បានទទួលដៃគូឧបត្ថម្ភធំថ្មីមួយទៀតគឺក្រុមហ៊ុនជប៉ុន Ajinomoto ដែលបានចុះហត្ថលេខាកាលពីថ្ងៃទី០៦ ខែកុម្ភៈម្សិលមិញនៅទីស្នាក់ការគណៈកម្មាធិការជាតិអូឡាំពិកកម្ពុជា។ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ បានឲ្យដឹងថា Ajinomoto គឺជាក្រុមហ៊ុនទី៤ ដែលបានចុះហត្ថលេខាលើភាពជាដៃគូឧបត្ថម្ភធំដល់ការប្រកួតកីឡាស៊ីហ្គេម-អាស៊ានប៉ារ៉ាហ្គេមនៅកម្ពុជា បន្ទាប់ពីធនាគារ ABA ឧបត្ថម្ភក្នុងនាមវិស័យហេរញ្ញវត្ថុ និងធនាគារ, ក្រុមហ៊ុន AIA ឧបត្ថម្ភក្នុងនាមវិស័យធានារ៉ាប់រងអាយុជីវិត និងក្រុមហ៊ុន FBT ដែលផ្ដល់ការឧបត្ថម្ភសម្លៀកបំពាក់រាប់ម៉ឺនសម្រាប់ដល់ដំណើរការរៀបចំការប្រកួត។រដ្ឋលេខាធិការក្រសួងទេសចរណ៍ដដែលបន្ថែមថា បច្ចុប្បន្នព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមនៅកម្ពុជា កាន់តែល្បី កាន់តែមានប្រជាប្រិយ បន្ទាប់ពីមានការផ្សព្វផ្សាយកាន់តែទូលំទូលាយ ពិសេសការយកចិត្តទុកដាក់ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា តាមរយៈការអំពាវនាវគ្រប់វេទិកា ធ្វើឲ្យគុណតម្លៃព្រឹត្តិការណ៍នេះកាន់តែរីកធំឡើងៗ និងមានភាពទាក់ទាញកាន់តែខ្លាំង។ ការណ៍នេះបានធ្វើឲ្យវិស័យឯកជនជាច្រើនបានចាប់អារម្មណ៍ ហើយក្រៅពីក្រុមហ៊ុនទាំង ៤ ដែលបានចុះហត្ថលេខារួច ក៏មានក្រុមហ៊ុនជាច្រើនទៀតកំពុងចរចា ហើយអាចឈានដល់ការព្រមព្រៀងក្នុងពេលឆាប់ៗផងដែរ ដូចជាក្រុមហ៊ុនភេសជ្ជៈ និងសេវាកម្មផ្សេងៗជាដើម៕អត្ថបទ៖ លី ឈុនឡា

ពលរដ្ឋថៃអបអរសាទរជ័យជម្នះអ្នកលេងគុនខ្មែរ ព្រំ សំណាង លើសង្វៀន Thai Fight

គុនខ្មែរ៖ ថ្នាក់ដឹកនាំសហព័ន្ធកីឡាប្រដាល់គុនខ្មែរ និងកីឡាករ ព្រំ សំណាង ផ្ទាល់បានសម្ដែងការភ្ញាក់ផ្អើលចំពោះការសាទររបស់ប្រជាពលរដ្ឋថៃយ៉ាងច្រើន បន្ទាប់ពីអ្នកលេងគុនខ្មែររូបនេះបានផ្ដួលកីឡាករអង់គ្លេស Thomas Carpenter ត្រឹមទឹកទី១ លើសង្វៀន Thai Fight ប្រទេសថៃកាលពីរាត្រីថ្ងៃទី០៥ ខែកុម្ភៈកន្លងទៅ។ ឯកឧត្តម ហេង សុខឃន អគ្គលេខាធិការសហព័ន្ធបានថ្លែងប្រាប់ក្រុមការងារ BTV ក្រោយដឹកនាំប្រតិភូ និងកីឡាករ អមជ័យជម្នះមកដល់មាតុភូមិនៅថ្ងៃច័ន្ទដើមសប្ដាហ៍នេះថា ទាំងអ្នករៀបចំព្រឹត្តិការណ៍ Thai Fight ទាំងអ្នកគាំទ្រ ក៏មិនខុសពីអ្នកគាំទ្រកម្ពុជាដែរសុទ្ធតែបានគាំទ្រកីឡាករគុនខ្មែរ ពិសេសជ័យជម្នះរបស់កីឡាករ ព្រំ សំណាង លើកីឡាករអង់គ្លេសតែម្ដង។ ដោយឡែកកីឡាករ ព្រំ សំណាង វិញបានសម្ដែងការសប្បាយចិត្តជាខ្លាំងដែលខ្លួនបានទទួលជ័យជម្នះ ស្របពេលស្ថានភាពកំពុងតានតឹងរវាងអ្នកគាំទ្រគុនខ្មែរ និង Muay Thai។ នេះគឺជាដើមហេតុដ៏សំខាន់ដែលជំរុញឲ្យម្ចាស់មេដាយសំរឹទ្ធស៊ីហ្គេមរូបនេះ ព្យាយាមផ្ដួលកីឡាករ Thomas Carpenter ដោយប្រើពេលត្រឹម ២នាទីប៉ុណ្ណោះ។យ៉ាងណាមិញ អ្នកលេងគុនខ្មែររូបនេះក៏មានការភ្ញាក់ផ្អើល និងងៀងឆ្ងល់ បន្ទាប់ពីរូបគេទទួលបានការគោរពស្រលាញ់ និងគាំទ្រពីប្រជាពលរដ្ឋថៃ។ តាមរយៈនេះ សំណាង សង្ឃឹមថា អ្នកគាំទ្រទាំងអស់នឹងរក្សាចិត្តឲ្យត្រជាក់ៗ ហើយបន្ដគាំទ្រកីឡាដែលផ្ដោតសំខាន់លើមិត្តភាព និងសាមគ្គីភាព។ គួរដឹងថា ក្រោយត្រឡប់ពីការប្រកួតស៊ីហ្គេម លើកទី៣១ នៅវៀតណាម គិតមកទល់ពេលនេះ ព្រំ សំណាង បានប្រកួត ១០លើកគត់ដោយទទួលបានជ័យជម្នះទាំងអស់ ក្នុងនោះមាន ៩លើកបានផ្ដួលគូប្រកួតឲ្យសន្លប់ រួមទាំងកីឡាករអង់គ្លេស Thomas Carpenter ផងដែរ។ ជោគជ័យនេះបានធ្វើឲ្យរូបគេកាន់តែមានទំនុកចិត្ត និងការខំប្រឹងប្រែងបន្ថែមទៀត ដើម្បីឆ្ពោះទៅប្រជែងមេដាយមាសស៊ីហ្គេមឆ្នាំ២០២៣ នៅកម្ពុជានាខែឧសភាខាងមុខ៕អត្ថបទ៖ លី ឈុនឡា

កីឡាករអង់គ្លេស Ali Carter គ្រងជើងឯកស្នូកឃ័រ German Masters លើកដំបូង

ស្នូកឃ័រ៖ កីឡាករស្នូកឃ័រអង់គ្លេស Ali Carter បានក្លាយជាជើងឯកស្នូកឃ័រពានរង្វាន់ German Masters និងជាជើងឯកក្នុងកម្មវិធីលំដាប់ Ranking លើកដំបូងក្នុងអាជីព ក្រោយយកឈ្នះកីឡាករមិត្តរួមជាតិ Tom Ford នៅវគ្គផ្តាច់ព្រ័ត្រ។ កីឡាករវ័យ ៤៣ឆ្នាំ Ali Carter បានយកឈ្នះ Tom Ford នៅវគ្គផ្តាច់ព្រ័ត្រដោយលទ្ធផល ១០-៣ហ្វ្រេម ដែលក្នុងនោះមាន ៦ហ្វ្រេម Ali Carter ធ្វើបានមួយឈើលើសពី ១០០ពិន្ទុ។ ទម្រាំឡើងមកដល់វគ្គនេះ Ali Carter បានយកឈ្នះកីឡាករចិន Li Hang នៅជុំដំបូង, យកឈ្នះកីឡាករអង់គ្លេស Louis Heathcote នៅជុំទី២, យកឈ្នះកីឡាករចិនមួយរូបទៀត Pang Junxu នៅវគ្គ ៨នាក់ចុងក្រោយ និងយកឈ្នះកីឡាករអង់គ្លេស Robert Milkins នៅវគ្គពាក់កណ្តាលផ្តាច់ព្រ័ត្រ។ ជើងឯក German Masters នេះផងដែរធ្វើឱ្យ Ali Carter ឡើងមកឈរតំណែងលេខ១៥ ពិភពលោកផងដែរ៕អត្ថបទ៖នាង សុភាវុធ

Bayern Munich ស្គាល់ជ័យជំនះដំបូងក្នុងឆ្នាំ២០២៣

បាល់ទាត់៖ ក្រុមជើងឯកអាល្លឺម៉ង់ Bayern Munich ទីបំផុតស្គាល់ជ័យជំនះលើកដំបូងក្នុងឆ្នាំ២០២៣ នេះក្រោយយកឈ្នះនៅទឹកដី Wolfsburg ៤-២ សប្តាហ៍ទី១៩ ក្របខណ្ឌអាល្លឺម៉ង់ Bundesliga។ បន្ទាប់ពីស្មើ ៣ប្រកួតជាប់គ្នា Bayern Munich ចាប់ផ្តើមការប្រកួតដោយរកបាន ៣គ្រាប់ក្នុងចន្លោះពេល ១០នាទីដោយ Kingsley Coman ពីរគ្រាប់ម្នាក់ឯងនាទីទី៩ និង ១៤ ខណៈ Thomas Muller រកបាននៅនាទីទី១៩ មុនពេលដែលម្ចាស់ផ្ទះតបបានមួយគ្រាប់វិញនាទីទី៤៤ ដោយ Jakub Kaminski។ ឈានដល់វគ្គទី២ Bayern Munich ក៏នៅសល់គ្នាត្រឹម ១០នាទីនៅពេលខ្សែបម្រើអាល្លឺម៉ង់ Joshua Kimmich ទទួលបានកាតក្រហមបណ្តេញចេញនៅនាទីទី៥៤។ យ៉ាងណាក្តីក្រុមរបស់លោក Julen Nagelsman នៅតែអាចរកគ្រាប់បាល់បានទៀតដោយ Jamal Musiala នៅនាទីទី៧៣ មុនពេលដែល Wolfsburg តាមបានមួយគ្រាប់វិញចុងម៉ោងដោយ Mattias Svanberg។ ជ័យជំនះនេះធ្វើឱ្យ Bayern Munich ត្រលប់មកនាំមុខគេក្នុងតារាងវិញមាន ៤០ពិន្ទុពីលើពីក្រុមលេខ២ Union Berlin ១ពិន្ទុ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

របាយការណ៍៖ សហរដ្ឋអាមេរិក និងអ៊ីស្រាអែលមានផែនវាយប្រហារលើគោលដៅពាក់ព័ន្ធនឹងថាមពលនៅអ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Manchester City រងការចោទប្រកាន់រឿងគ្រប់គ្រងហិរញ្ញវត្ថុប្រឈមកាត់ពិន្ទុ រឺកាត់ចេញពី Premier League

មិនធម្មតា! ឈប់លេងបាល់មកលេងកូនគោល Gareth Bale បានលេខ ១៦ នៅកម្មវិធី Pebble Beach Pro-Am

អតីតម្ចាស់ខ្សែក្រវាត់ពិភពលោក ២សម័យ Anthony Joshua ប្រកាសឡើងសង្វៀនវិញនៅខែមេសា

អតីតខ្សែបម្រើ Newcastle, Atsu បាត់ខ្លួន ក្រោយហេតុការណ៍គ្រោះរញ្ជួយដីធ្ងន់ធ្ងរនៅទួរគី

សហព័ន្ធតេក្វាន់ដូ ITF បើកវគ្គបណ្ដុះបណ្ដាលស្ដីពីការប្រឆាំងដូភីងដល់គ្រូ និងអត្តពលិកខ្លួន

ខេត្តកណ្តាលឡើងវគ្គផ្តាច់ព្រ័ត្រពានរង្វាន់ Soccer League ចុងសប្តាហ៍នេះ

ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ទទួលបានដៃគូឧបត្ថម្ភថ្មី ខណៈក្រុមហ៊ុនជាច្រើនកំពុងចរចា

ពលរដ្ឋថៃអបអរសាទរជ័យជម្នះអ្នកលេងគុនខ្មែរ ព្រំ សំណាង លើសង្វៀន Thai Fight

កីឡាករអង់គ្លេស Ali Carter គ្រងជើងឯកស្នូកឃ័រ German Masters លើកដំបូង

Bayern Munich ស្គាល់ជ័យជំនះដំបូងក្នុងឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Manchester City រង​ការចោទប្រកាន់​រឿង​គ្រប់គ្រង​ហិរញ្ញវត្ថុ​ប្រឈម​កាត់​ពិន្ទុ រឺ​កាត់​ចេញពី Premier League

មិនធម្មតា​! ឈប់​លេង​បាល់​មកលេង​កូនគោល Gareth Bale បាន​លេខ ១៦ នៅ​កម្មវិធី Pebble Beach Pro-Am

អតីត​ម្ចាស់​ខ្សែក្រវាត់​ពិភពលោក ២​សម័យ Anthony Joshua ប្រកាសឡើង​សង្វៀន​វិញ​នៅ​ខែមេសា​

អតីត​ខ្សែបម្រើ Newcastle, Atsu បាត់​ខ្លួន​ ក្រោយ​ហេតុការណ៍​គ្រោះ​រញ្ជួយ​ដី​ធ្ងន់ធ្ងរ​នៅ​ទួ​រគី

ខេត្តកណ្តាល​ឡើង​វគ្គ​ផ្តាច់ព្រ័ត្រ​ពានរង្វាន់ Soccer League ចុង​សប្តាហ៍​នេះ​

ពលរដ្ឋ​ថៃ​អបអរសាទរ​ជ័យជម្នះ​អ្នកលេង​គុន​ខ្មែរ ព្រំ សំណាង លើស​ង្វៀន​ Thai Fight

កីឡាករ​អង់គ្លេស Ali Carter គ្រង​ជើងឯក​ស្នូកឃ័រ German Masters លើកដំបូង​

Bayern Munich ស្គាល់​ជ័យជំនះ​ដំបូង​ក្នុង​ឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Manchester City រងការចោទប្រកាន់រឿងគ្រប់គ្រងហិរញ្ញវត្ថុប្រឈមកាត់ពិន្ទុ រឺកាត់ចេញពី Premier League

មិនធម្មតា! ឈប់លេងបាល់មកលេងកូនគោល Gareth Bale បានលេខ ១៦ នៅកម្មវិធី Pebble Beach Pro-Am

អតីតម្ចាស់ខ្សែក្រវាត់ពិភពលោក ២សម័យ Anthony Joshua ប្រកាសឡើងសង្វៀនវិញនៅខែមេសា

អតីតខ្សែបម្រើ Newcastle, Atsu បាត់ខ្លួន ក្រោយហេតុការណ៍គ្រោះរញ្ជួយដីធ្ងន់ធ្ងរនៅទួរគី

ខេត្តកណ្តាលឡើងវគ្គផ្តាច់ព្រ័ត្រពានរង្វាន់ Soccer League ចុងសប្តាហ៍នេះ

ពលរដ្ឋថៃអបអរសាទរជ័យជម្នះអ្នកលេងគុនខ្មែរ ព្រំ សំណាង លើសង្វៀន Thai Fight

កីឡាករអង់គ្លេស Ali Carter គ្រងជើងឯកស្នូកឃ័រ German Masters លើកដំបូង

Bayern Munich ស្គាល់ជ័យជំនះដំបូងក្នុងឆ្នាំ២០២៣