BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

អតីតខ្សែបម្រើ Man United, Shinji Kagawa ត្រលប់មកលេងបាល់នៅជប៉ុនវិញ ក្រោយចំណាយពេល ១៣ឆ្នាំនៅអឺរ៉ុប

បាល់ទាត់៖ អតីតកីឡាករជម្រើសជាតិជប៉ុន Shinji Kagawa បានបង្ហាញខ្លួនក្នុងសន្និសីទសារព័ត៌មានផ្លូវការម្សិលមិញ ក្នុងការប្រកាសជាកីឡាកររបស់ក្លិប Cerezo Osaka។ កីឡាករវ័យ ៣៣ឆ្នាំរូបនេះបានបញ្ចប់ការប្រកបអាជីពនៅលើទឹកដីអឺរ៉ុបអស់រយៈពេល ១៣ឆ្នាំឈ្នះជើងឯកអាល្លឺម៉ង់ Bundesliga ជាមួយ Dortmund ក្រោមការដឹកនាំរបស់លោក Jurgen Klopp។ Kagawa ក្រោយមកក៏បានក្លាយជាកីឡាករជប៉ុនដំបូងបង្អស់ ដែលផ្លាស់មកកាន់ក្រុមបិសាចក្រហម Manchester United និងបានក្លាយជាកីឡាករអាស៊ីដំបូងដែលស៊ុតបញ្ចូលទីបីគ្រាប់ម្នាក់ឯង (Hat-Trick) នៅ English Premier League នៅពេលជួប Norwich City កាលពីខែមីនា ឆ្នាំ២០១៣។ លើសពីនេះទៅទៀត Shinji Kagawa ក៏បានក្លាយជាកីឡាករជប៉ុនដំបូងដែលឈ្នះជើងឯក English Premier League ផងដែរនៅពេល Manchester United លើកពាននៅឆ្នាំ២០១៣ ក្នុងរជ្ជកាលរបស់ Sir Alex Ferguson។ ក្រោយមក Shinji Kagawa ក៏បានចំណាយពេលលេងនៅអេស្ប៉ាញជាមួយ Real Zaragoz នៅក្រិកជាមួយ PAOK និងនៅប៊ែលហ្ស៊ិកជាមួយ Sint Truiden។ នៅក្រុមជម្រើសជាតិជប៉ុនវិញ Kagawa ស៊ុតបញ្ចូលទីបាន ៣១គ្រាប់ក្នុងការបង្ហាញខ្លួន ៩៧លើកឈ្នះជើងឯក AFC Asian Cup នៅឆ្នាំ២០១១ និងបង្ហាញខ្លួននៅ World Cup ពីរលើកនៅឆ្នាំ២០១៤ និង ២០១៨។ ការមកដល់ Cerezo Osaka នេះគឺជាការផ្លាស់មកដោយគ្មានតំលៃផ្ទេរ និងជាការវិលមករួបរួមជាមួយក្លិបចាស់របស់ខ្លួនវិញដែលធ្លាប់ចាប់ផ្តើមអាជីពកាលពីឆ្នាំ២០០៦ និងជាអ្នកស៊ុតបញ្ចូលទីច្រើនជាងគេផងដែរកាលពីពេល Osaka នៅលេងលីគទី២៕អត្ថបទ៖នាង សុភាវុធ

Barcelona ឈ្នះ Sevilla ឡើងដាច់ ៨ពិន្ទុ ក្រោយ Real Madrid ចាញ់នៅផ្ទះ Mallorca

បាល់ទាត់៖ ក្រុមអ្នកមានបុណ្យ FC Barcelona បានឡើងនាំមុខគេដាច់ដល់ទៅ ៨ពិន្ទុហើយនៅក្របខណ្ឌអេស្ប៉ាញ La Liga ក្រោយយកឈ្នះ Sevilla ៣-០ និងស្របពេលដែល Real Madrid ចាញ់នៅទឹកដី Real Mallorca ១-០។ បីគ្រាប់នៅវគ្គទី២ ដោយ Jordi Alba Gavi និង Raphinha គ្រប់គ្រាន់ល្មមនឹងឱ្យ Barcelona ទទួលបានបីពិន្ទុពីក្រុមធ្លាក់ជើង Sevilla នៅទឹកដី Camp Nou។ Barcelona ថ្វីបើឈ្នះមែន ក៏មានបញ្ហារបួសកីឡាករដែរគឺប្រធានក្រុម Sergio Busquet លេងបានត្រឹម ៤នាទីក៏មានរបួសកជើងផ្លាស់ប្តូរចេញ។ ក្រោយលេងបាន ២០ពិន្ទុ Barcelona មានសរុប ៥៣ពិន្ទុដាច់ក្រុមលេខ២ Real Madrid ៨ពិន្ទុ ខណៈ Sevilla ធ្លាក់ដល់លេខ ៦ ក្នុងតារាងមានត្រឹម ២១ពិន្ទុ និងនៅពីលើតំបន់គ្រោះថ្នាក់ត្រឹម ២ពិន្ទុប៉ុណ្ណោះ។ ងាកមកក្រុមការពារតំណែងជើងឯក Real Madrid មានសប្តាហ៍ដ៏អាក្រក់របស់ខ្លួន ក្រោយបរាជ័យនៅទឹកដី Mallorca។ មួយគ្រាប់ជ័យជំនះរបស់ម្ចាស់ផ្ទះសម្រេចបានតាំងពីនាទីទី១៣ ដោយបាល់ចូលទីខ្លួនឯងរបស់ Nacho តែអ្វីដែលកាន់តែស៊យទៀតនោះគឺវគ្គទី២ មានឱកាសតាមស្មើដោយបាល់ពិន័យ ១១ម៉ែត្រ តែ Marco Asensio បែជាស៊ុតបញ្ចូលទីអតីតក្លិបខ្លួនឯងដែលធ្លាប់ប្រកបអាជីពមុនផ្លាស់មកកាន់ Real Madrid។ ក្នុងចំណោមជំនួប ១៤ប្រកួតរវាងក្រុមទាំងពីរនេះជាជ័យជំនះលើកទី២ ប៉ុណ្ណោះសម្រាប់ Mallorca លើ Real Madrid ដែលធ្វើឱ្យពួកគេឡើងមកដល់លេខ ១០ ក្នុងតារាងដាច់តំបន់គ្រោះថ្នាក់ ៩ពិន្ទុ។ ចំណែក Real Madrid បន្តឈរលេខ២ តាមពីក្រោយ Barcelona ដល់ទៅ ៨ពិន្ទុ តែដាច់ក្រុមលេខបី Real Sociedad ៦ពិន្ទុ៕អត្ថបទ៖នាង សុភាវុធ

ខេត្តកណ្តាលបើកការប្រកួតបាល់ទាត់នារីជ្រើសរើសជើងឯកថ្នាក់ខេត្តឆ្នាំ២០២៣

បាល់ទាត់៖ មន្ទីរអប់រំ យុវជន និងកីឡានៃខេត្តកណ្ដាល បានប្រកាសបើកការប្រកួតកីឡាបាល់ទាត់នារីជ្រើសរើសជើងឯកថ្នាក់ខេត្តឆ្នាំ២០២៣ ស្របតាមផែនការរបស់ខ្លួន ដើម្បីស្វែងរកកីឡាការិនីឆ្នើមចូលរួមការប្រកួតថ្នាក់ជាតិនានា។ លោក ពៅ វណ្ណា ប្រធានការិយាល័យកីឡានៃមន្ទីរអប់រំ យុវជន និងកីឡាខេត្តកណ្ដាលបានឲ្យដឹងថា ការប្រកួតគ្រោងធ្វើឡើងរយៈពេល ១សប្ដាហ៍ចាប់ពីថ្ងៃទី០៤ ដល់ថ្ងៃទី១០ ខែកុម្ភៈ ឆ្នាំ២០២៣ នៅទីលានខេត្តកណ្ដាលដោយមានបេក្ខភាព ៦ក្រុមចូលរួម។ លោកថា គោលបំណងសំខាន់នៃការប្រកួតនេះ គឺដើម្បីស្វែងរកកីឡាការិនីឆ្នើមប្រចាំឆ្នាំខេត្តកណ្តាល សម្រាប់តំណាងឲ្យខេត្តចូលរួមព្រឹត្តិការណ៍ទូទាំងប្រទេស ក៏ដូចជារួមចំណែកអភិវឌ្ឍន៍វិស័យកីឡាបាល់ទាត់ជាតិ ពិសេសកីឡាបាល់ទាត់នារីតែម្ដង។ សម្រាប់ការប្រកួតនេះក្នុងចំណោម ៦ក្រុមចូលរួមគឺបែងចែកជា ២ពូល ក្នុងនោះពូល A មានក្រុមយុវនារីស្រុកកណ្តាលស្ទឹង, ក្រុមស្អាងយើងស្អាត និងក្រុមកីឡាការិនីវិទ្យាល័យ ហ៊ុនសែន ពាំងរាំង។ ចំណែកពូល B មានក្រុមបាល់ទាត់នារីសាន់នីស្ពត, ក្រុមបាអនុវិទ្យាល័យគគីរ និងក្រុមកីឡាការិនីមីស្ទើលេងអេហ្វស៊ី៕អត្ថបទ៖ លី ឈុនឡា

Harry Kane ក្លាយជាអ្នកស៊ុតបញ្ចូលទីច្រើនបំផុតឱ្យ Spurs ក្រោយរកបានមួយគ្រាប់យកឈ្នះ Man City

បាល់ទាត់៖ ខ្សែប្រយុទ្ធក្រុមជម្រើសជាតិអង់គ្លេស Harry Kane បានក្លាយជាអ្នកស៊ុតបញ្ចូលទីច្រើនជាងគេហើយក្នុងប្រវត្តិសាស្ត្រក្លិប Tottenham Hotspur ក្រោយស៊ុតបញ្ចូលទីគ្រាប់ជ័យជំនះលើ Manchester City ១-០ យប់មិញនេះនៅក្របខណ្ឌ English Premier League។ ប្រធានក្រុមជម្រើសជាតិអង់គ្លេសរូបនេះសំរេចគ្រាប់ជ័យជំនះឱ្យ Spurs នៅនាទីទី១៥ ដែលជាគ្រាប់បាល់ទី២៦៧ ឱ្យ Spurs និងជាគ្រាប់ទី២៦០ នៅ Premier League។ Harry Kane រកបានសរុប ២៦៧គ្រាប់ក្នុងការបង្ហាញខ្លួនសរុប ៤១៦ប្រកួត ខណៈកំណត់ត្រាចាស់កាន់ដោយ Jimmy Greaves ដែលមានសរុប ២៦៦គ្រាប់ក្នុងចំណោមការបង្ហាញខ្លួន ៣៧៩ប្រកួត។ ជ័យជំនះនេះដែរក៏បានធ្វើឱ្យក្រុមរបស់លោក Antonio Conte ឡើងមកឈរលេខ៥ ក្នុងតារាងតាមពីក្រោយ Newcastle ១ពិន្ទុ និងតាមពីក្រោយ Manchester United ៣ពិន្ទុ។ ចំណែក Manchester City បានខកខានកាត់បន្ថយការនាំមុខរបស់ Arsenal ក្រោយបរាជ័យនេះ ស្របពេលដែល Arsenal ក៏ចាញ់ដែរកាលពីថ្ងៃសៅរ៍នៅទឹកដី Everton៕អត្ថបទ៖នាង សុភាវុធ

ក្រសួងការពារជាតិរក្សាភាពខ្លាំងក្នុងការប្រកួតកីឡាការ៉ាតេជើងឯកថ្នាក់ជាតិឆ្នាំ២០២២

ការ៉ាតេ៖ ការប្រកួតកីឡាការ៉ាតេជ្រើសរើសជើងឯកថ្នាក់ជាតិឆ្នាំ២០២២ បានបញ្ចប់ហើយក្រោយដំណើរការប្រកួត ៣ថ្ងៃចាប់ពីថ្ងៃទី៣ ដល់ថ្ងៃទី៥ ខែកុម្ភៈ ឆ្នាំ២០២៣ នៅសាលដំបូលទូកនៃសាកលវិទ្យាល័យភូមិន្ទភ្នំពេញ ដោយក្រុមកីឡាការ៉ាតេក្រសួងការពារជាតិបានរក្សាភាពខ្លាំងរបស់ខ្លួន ក្រោយដណ្ដើមបានមេដាយច្រើនជាងគេរហូតដល់ ១៩គ្រឿង។ ការប្រកួតប្រចាំឆ្នាំ ដែលឧបត្ថម្ភគាំទ្រដោយរាជរដ្ឋាភិបាល តាមរយៈក្រសួងអប់រំ យុវជន និងកីឡានេះ មានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ២៤៨នាក់មកពី ២១ក្លិប។ ជាលទ្ធផលក្លិបក្រសួងការពារជាតិបានរក្សាជើងឯង ក្នុងនាមក្លិបដណ្ដើមបានមេដាយច្រើនជាងគេសរុប ១៩គ្រឿងរួមមានមេដាយមាស ១០, ប្រាក់ ៥ និងសំរឹទ្ធ ៤។ ចំណែកក្រុមកីឡាករ-កីឡាការិនីកីឡាការ៉ាតេក្រសួងសេដ្ឋកិច្ច និងហិរញ្ញវត្ថុឈរលេខ២ ដណ្តើមមេដាយសរុប ១៣គ្រឿងរួមមានមេដាយមាស ៦, ប្រាក់ ១ និងសំរឹទ្ធ ៦។ ក្លិបហនុមានឈរលេខ៣ ឈ្នះមេដាយសរុប ២២គ្រឿង មានមេដាយមាស ៥, ប្រាក់ ៩ និងសំរឹទ្ធ ៨ និងក្លិបក្រសួងមហាផ្ទៃដណ្តើមមេដាយសរុប ១៤គ្រឿងមានមេដាយមាស ៤, ប្រាក់ ៤ និងសំរឹទ្ធ ៦ ឈរលេខ៤។ ឯកឧត្តម សាមឺឌី ស៊ីវឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហព័ន្ធកីឡាការ៉ាតេកម្ពុជា បានធ្វើកោតសរសើរ និងវាយតម្លៃខ្ពស់ចំពោះសមាគម/ក្លិប គ្រូបង្វឹក និងកីឡាករ-កីឡាការិនីចូលរួម ហើយឯកឧត្តមបានជំរុញឲ្យកីឡាករ-កីឡាការិនីទាំងអស់ត្រូវខិតខំហ្វឹកហាត់ និងស្វែងយល់បន្ថែមទៀតលើបច្ចេកទេស ដើម្បីលើកកម្ពស់សមត្ថភាពឆ្ពោះទៅដណ្ដើមមេដាយជូនក្លិប និងជាតិរបស់ខ្លួន ពិសេសការប្រកួតកីឡាស៊ីហ្គេមឆ្នាំ២០២៣ ឆាប់ៗខាងមុខ៕អត្ថបទ៖ លី ឈុនឡា

កីឡាគ្រីឃីតទទួលបានជំនួយ មុនការប្រកួតកីឡាស៊ីហ្គេមឆ្នាំ២០២៣

គ្រីឃីត៖ សហព័ន្ធកីឡាគ្រីឃីតកម្ពុជាកាលពីថ្ងៃទី០៣ ខែកុម្ភៈបានចុះអនុស្សារណៈយោគយល់គ្នា (MOU) ជាមួយក្រុមហ៊ុន AP Group ដើម្បីរួមចំណែកអភិវឌ្ឍន៍កីឡានេះ ពិសេសត្រៀមរៀបចំការប្រកួតកីឡាស៊ីហ្គេមលើកទី៣២ នៅកម្ពុជានាពេលឆាប់ៗខាងមុខ។ ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ បានបញ្ជាក់ថា គ្រីកឃីតគឺជាកីឡាមួយដ៏មានប្រជាប្រិយភាពលើពិភពលោក ហើយក៏ជាកីឡាមួយក្នុងចំណោម ៣៧ប្រភេទ ដែលកម្ពុជាបានដាក់ក្នុងស៊ីហ្គេមឆ្នាំ២០២៣ ផងដែរ។ ដូច្នេះការចាប់ដៃគូសហការជាមួយ AP Group គឺជារឿងមួយដ៏ល្អ ដើម្បីជំរុញការរៀបចំព្រឹត្តិការណ៍ប្រវត្តិសាស្ដ្រនេះឲ្យទទួលបានជោគជ័យ។ គួរដឹងថា ក្រោមកិច្ចសហការជាមួយនេះ AP Group បានផ្ដល់ការគាំទ្រដល់សហព័ន្ធ ដូចជាការរៀបចំទីលានថ្មី ស្អាត ស្ដង់ដារ សម្រាប់ត្រៀមរៀបចំការប្រកួតកីឡាស៊ីហ្គេមលើកទី៣២ ហើយបន្ទាប់ពីស៊ីហ្គេម ក្រុមហ៊ុនក៏នឹងបន្ដសហការជាមួយសហព័ន្ធ ដើម្បីជំរុញការអភិវឌ្ឍន៍វិស័យកីឡាគ្រីឃីតកម្ពុជាឲ្យកាន់តែរីកចម្រើនផងដែរ៕អត្ថបទ៖ លី ឈុនឡា

ព្រឹត្តិការណ៍ Angkor Ultra Trail បញ្ចប់ជោគជ័យ ខណៈអ្នករៀបចំភ្ញាក់ផ្អើលកំណើនអ្នករត់កម្ពុជា

រត់ប្រណាំង៖ ព្រឹត្តិការណ៍រត់ប្រណាំងចម្ងាយឆ្ងាយ Angkor Ultra Trail លើកទី៦ ឆ្នាំ២០២៣ នៅតំបន់អង្គរ ខេត្តសៀមរាបបានបញ្ចប់ដោយជោគជ័យ ក្រោយទាក់ទាញអ្នកចូលរួមរត់ចម្រុះជាតិសាសន៍យ៉ាងច្រើន ពិសេសកំណើនកីឡាករ-កីឡាការិនីកម្ពុជាដែលធ្វើឲ្យអ្នករៀបចំកម្មវិធីមានការភ្ញាក់ផ្អើលជាខ្លាំង។ ព្រឹត្តិការណ៍កីឡាទេសចរណ៍ដែលរត់ឆ្លងកាត់ឧបសគ្គបែបផ្សងព្រេងនេះ បានប្រារព្ធពិធីបិទការប្រកួតក្រោមអធិបតីភាពឯកឧត្ដមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ ប្រធានគណៈកម្មាធិការជាតិអូឡាំពិកកម្ពុជា(NOCC) និងជាអនុប្រធានអចិន្ដ្រៃយ៍ CAMSOC កាលពីល្ងាចថ្ងៃទី០៤ ខែកុម្ភៈនៅមជ្ឈមណ្ឌលសច្ចៈ បន្ទាប់ពីដំណើរការប្រកួតពេញ ១ថ្ងៃដោយចាប់ពីម៉ោង ៤ទាភ្លឺរហូតយប់ជ្រៅថ្ងៃដដែល។ ឯកឧត្តមបណ្ឌិត ថោង ខុន បានកោតសរសើរ និងវាយតម្លៃខ្ពស់ចំពោះគណៈកម្មការរៀបចំ និងអត្តពលិកចូលរួម ពិសេសឯកឧត្តមបានថ្លែងអំណរគុណរាជរដ្ឋាភិបាលកម្ពុជា ដែលបានអនុញ្ញាតឲ្យក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជា សហការជាមួយក្រុមហ៊ុន Phoenix Voyages រៀបចំព្រឹត្តិការណ៍រត់ចម្ងាយឆ្ងាយ Angkor Ultra Trail ឡើងវិញ បន្ទាប់ពីខកខាន ២ឆ្នាំដោយសារជំងឺរាតត្បាតជាសកលកូវីដ-១៩។ ឯកឧត្តមរដ្ឋមន្ដ្រីបន្ដថា ការរៀបចំឡើងវិញនៃព្រឹត្តិការណ៍នេះស្ដែងឲ្យឃើញពីសមត្ថភាព និងការយកចិត្ដទុកដាក់របស់រាជរដ្ឋាភិបាលក្នុងការប្រយុទ្ធប្រឆាំងជំងឺកូវីដ-១៩ ហើយក៏ជាសមិទ្ធផលដ៏អស្ចារ្យមួយដែលបង្ហាញពីសមត្ថភាពរបស់កម្ពុជា សម្រាប់ការត្រៀមលក្ខណៈធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នាពេលឆាប់ៗខាងមុខ ក្រោមប្រធានបទ “កីឡារស់ក្នុងសន្ដិភាព” ផងដែរ។ លោក Jean Claude Le Cornec តំណាងគណៈ កម្មការរៀបចំព្រឹត្តិការណ៍រត់ចម្ងាយលើទឹកដីអង្គរដដែលបានបញ្ជាក់ថា ឆ្នាំនេះមានកីឡាករ-កីឡាការិនីចូលរួមជិត ១ពាន់នាក់មកពី ៤៣ប្រទេសជុំវិញពិភពលោក។ លោកបានសម្ដែងសេចក្ដីរីករាយជាខ្លាំង ដែលការប្រកួតនេះមានកំណើនអ្នកចូលរួមច្រើន និងពោរពេញដោយស្មាមញញឹម ពិសេសកីឡាករ-កីឡាការិនីកម្ពុជាដែលចូលរួមច្រើន ផ្ទុយពីការប្រកួតដំបូងមានអ្នកចូលរួមត្រឹម ២០ ទៅ ៣០នាក់ប៉ុណ្ណោះ។ សូមបញ្ជាក់ថា ព្រឹត្តិការណ៍ Angkor Ultra Trail លើកទី៦ បានរៀបចំលើ ៦វិញ្ញាសា រួមមានរត់ចម្ងាយ ១០០គីឡូម៉ែត្រ, ៦៤គីឡូម៉ែត្រ, ៤២គីឡូម៉ែត្រ, ៣២គីឡូម៉ែត្រ, ១៦គីឡូម៉ែត្រ និង ៨គីឡូម៉ែត្រ ដោយគណៈកម្មការបានរៀបចំកន្លែងចេញដំណើរផ្សេងៗគ្នានៅតំបន់អង្គរ។ តែអ្វីដែលសំខាន់គឺវិញ្ញាសារត់ ១០០គីឡូម៉ែត្រដែលត្រូវរត់កាត់តំបន់ប្រាសាទនានា ភ្នំ វាលស្រែ និងផ្លូវតាមភូមិជាដើម ក្នុងគោលបំណងសំខាន់ ដើម្បីផ្សព្វផ្សាយពីតំបន់ទេសចរណ៍ឯករបស់កម្ពុជាទៅកាន់ពិភពលោកផង ក៏ដូចជាការជំរុញប្រជាពលរដ្ឋលេងកីឡាក្នុងន័យលើកកម្ពស់សុខភាពផង និងការរួមចំណែកជួយដល់ការងារសង្គមផងដែរ៕ អត្ថបទ៖ លី ឈុនឡា

ព្រំ សំណាង យកឈ្នះកីឡាករអង់គ្លេស Thomas Carpenter យកខ្សែក្រវាត់ពីសង្វៀន Thai Fight

ប្រដាល់៖ កីឡាករប្រដាល់គុនខ្មែរកម្ពុជា ព្រំ សំណាង ជាថ្មីម្តងទៀតបានធ្វើឱ្យប្រជាពលរដ្ឋខ្មែររីករាយរំភើប តាមរយៈជ័យជំនះលើកីឡាករអង់គ្លេស Thomas Carpenter យកខ្សែក្រវាត់មួយទៀតពីសង្វៀនលំដាប់កំពូលរបស់ថៃ Thai Fight។ បន្ទាប់ពី ធឿន ធារ៉ា ដែលធ្វើឱ្យបងប្អូនប្រជាពលរដ្ឋខ្មែររំភើបចិត្តស្ទើរស្រក់ទឹកភ្នែក ក្រោយយកឈ្នះកំពូលកីឡាករថៃ សៃយុគ ដោយវាយ សៃយុគ ឱ្យបែក អាជ្ញាកណ្តាលបញ្ឈប់ការប្រកួតកាលពីចុងឆ្នាំ២០២២ នោះ ព្រំ សំណាង ដែលមានអាជីពមួយទៀតជាជាងកាត់សក់នោះក៏មិនខុសពី ធារ៉ា ដែរដោយប្រើជង្គង់ផ្តួលកីឡាករអង់គ្លេស Thomas Carpenter ឱ្យបោះបង់ការប្រកួតនៅទឹកទី១។ ជ័យជំនះនេះបានធ្វើឱ្យប្រជាជនខ្មែរដែលរស់នៅទឹកដីថៃ និងធ្វើដំណើរទៅទស្សនា ក៏ដូចជាអ្នកតាមដាមពីទឹកដីកម្ពុជាទៅមានក្តីរំភើបជាខ្លាំងតាមរយៈជ័យជំនះបន្ថែមទៀត ក្នុងការលើកស្ទួយប្រដាល់គុនខ្មែរលើឆាកអន្តរជាតិបន្ថែមទៀត ស្របពេលដែលកម្ពុជានឹងធ្វើជាម្ចាស់ផ្ទះកីឡាស៊ីហ្គេមឆ្នាំនេះ ដែលប្រើវិញ្ញាសាគុនខ្មែរជាលើកដំបូង។ សូមបញ្ជាក់ថា ព្រំ សំណាង មុនពេលចេញដំណើរទៅប្រកួត ក៏មានការជួយឧបត្ថម្ភគាំទ្រយ៉ាងច្រើនពីប្រជាពលរដ្ឋខ្មែរបន្តិចម្នាក់ៗ រួមជាមួយនឹងការឧបត្ថម្ភពីសប្បុរសជនមួយចំនួនក្នុងការធ្វើដំណើរ ហើយក៏មានការឧបត្ថម្ភបន្ថែមទៀតតាមរយៈជ័យជំនះនេះផងដែរ៕ អត្ថបទ៖នាង សុភាវុធ

Jimmy White ឡើងវគ្គ ៨នាក់ចុងក្រោយស្នូកឃ័រ German Masters

បាល់ទាត់៖ កីឡាករអង់គ្លេស Jimmy White បានក្លាយជាកីឡាករស្នូកឃ័រទីមួយដែលមានវ័យ ៦០ឆ្នាំឈានឡើងវគ្គ ៨នាក់ចុងក្រោយនៃព្រឹត្តិការណ៍ស្នូកឃ័រលំដាប់ Ranking បន្ទាប់ពី Eddie Charlton ដែលធ្វើបាននៅព្រឹត្តិការណ៍ British Open នៅឆ្នាំ១៩៩២។អតីតជើងឯកកម្មវិធី Masters និង UK Championship, Jimmy White បានយកឈ្នះកីឡាករចិន Peng Yisong ដោយលទ្ធផល ៥-១ហ្វ្រេមដើម្បីឡើងវគ្គ ៨នាក់ចុងក្រោយកម្មវិធី German Masters នៅរៀបចំនៅទីក្រុង ប៊ែកឡាំងប្រទេសអាល្លឺម៉ង់។ ជុំបន្ទាប់ជើងឯករងពិភពលោក ៦លើក Jimmy White នឹងត្រូវជួបជាមួយ Jack Lisowski។ កីឡាករអង់គ្លេស Jack Lisowski ដែលជាជើងឯក German Masters ឆ្នាំ២០២១ នោះបានយកឈ្នះកីឡាករចិន Zhang Anda ៥-០ហ្វ្រេមដើម្បីឡើងជួប Jimmy White៕អត្ថបទ៖នាង សុភាវុធ

រឿងក្តីរំលោភរបស់ Mason Greenwood ត្រូវបានទម្លាក់ចុះ

បាល់ទាត់៖ មន្ត្រីនគរបាល និងព្រះរាជអាជ្ញាបាននិយាយកាលពីថ្ងៃព្រហស្បតិ៍ថា ខ្សែប្រយុទ្ធ Mason Greenwood របស់ក្រុម Manchester United ត្រូវបានទម្លាក់ចោលការចោទប្រកាន់ព្រហ្មទណ្ឌទាំងអស់។ កីឡាករវ័យ 21ឆ្នាំរូបនេះត្រូវបានចាប់ខ្លួនក្នុងខែមករា ឆ្នាំ២០២២ ចំពេលមានការចោទប្រកាន់ជុំវិញរូបភាព និងវីដេអូ។ ក្រោយមកគាត់ត្រូវបានចោទប្រកាន់ពីបទប៉ុនប៉ងចាប់រំលោភ បង្ខិតបង្ខំ និងវាយដំក្នុងឱកាសបង្កគ្រោះថ្នាក់ដល់រាងកាយពិតប្រាកដ។ អយ្យការអមតុលាការបានឱ្យដឹងថា ការចោទប្រកាន់ត្រូវបានបញ្ឈប់ បន្ទាប់ពីសាក្សីសំខាន់ៗបានដកការជាប់ពាក់ព័ន្ធរបស់ពួកគេ។ Greenwood បាននិយាយនៅក្នុងសេចក្តីថ្លែងការណ៍មួយថា "ខ្ញុំមានអារម្មណ៍ធូរស្រាលដែលបញ្ហានេះបានបញ្ចប់ហើយ ខ្ញុំសូមអរគុណដល់ក្រុមគ្រួសារ និងមិត្តភក្តិរបស់ខ្ញុំសម្រាប់ការគាំទ្រ។”ជុំវិញរឿងនេះ Manchester United ក៏បានចេញសេចក្តីថ្លែងការណ៍ខ្លីមួយដោយនិយាយថា ក្លឹបនឹង "ដំណើរការដោយខ្លួនឯង មុនពេលកំណត់ជំហានបន្ទាប់" ដោយបន្ថែមថា ខ្លួននឹងមិនធ្វើអត្ថាធិប្បាយបន្ថែមទេ រហូតដល់ដំណើរការក្តីនោះត្រូវបានបញ្ចប់ដាច់ស្រឡះ។ រំលឹកថា Mason Greenwood ជាកីឡាករដែលចេញពីថ្នាលយុវជនរបស់ Manchester United និងបានឡើងមកលេងក្រុមធំនៅឆ្នាំ២០១៩ ក្នុងវ័យ ១៧ឆ្នាំ។ Greenwood ក៏ជាសមាជិកសំខាន់ម្នាក់របស់ក្រុមកាលពីរដូវកាលមុនដែរ ដោយបង្ហាញខ្លួនបាន ១៨លើកនៅ Premier League និងប្រកួតចុងក្រោយបំផុតនៅថ្ងៃទី២២ ខែមករាទល់នឹង West Ham មុនពេលត្រូវបានឃាត់ខ្លួន៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អតីតខ្សែបម្រើ Man United, Shinji Kagawa ត្រលប់មកលេងបាល់នៅជប៉ុនវិញ ក្រោយចំណាយពេល ១៣ឆ្នាំនៅអឺរ៉ុប

Barcelona ឈ្នះ Sevilla ឡើងដាច់ ៨ពិន្ទុ ក្រោយ Real Madrid ចាញ់នៅផ្ទះ Mallorca

ខេត្តកណ្តាលបើកការប្រកួតបាល់ទាត់នារីជ្រើសរើសជើងឯកថ្នាក់ខេត្តឆ្នាំ២០២៣

Harry Kane ក្លាយជាអ្នកស៊ុតបញ្ចូលទីច្រើនបំផុតឱ្យ Spurs ក្រោយរកបានមួយគ្រាប់យកឈ្នះ Man City

ក្រសួងការពារជាតិរក្សាភាពខ្លាំងក្នុងការប្រកួតកីឡាការ៉ាតេជើងឯកថ្នាក់ជាតិឆ្នាំ២០២២

កីឡាគ្រីឃីតទទួលបានជំនួយ មុនការប្រកួតកីឡាស៊ីហ្គេមឆ្នាំ២០២៣

ព្រឹត្តិការណ៍ Angkor Ultra Trail បញ្ចប់ជោគជ័យ ខណៈអ្នករៀបចំភ្ញាក់ផ្អើលកំណើនអ្នករត់កម្ពុជា

ព្រំ សំណាង យកឈ្នះកីឡាករអង់គ្លេស Thomas Carpenter យកខ្សែក្រវាត់ពីសង្វៀន Thai Fight

Jimmy White ឡើងវគ្គ ៨នាក់ចុងក្រោយស្នូកឃ័រ German Masters

រឿងក្តីរំលោភរបស់ Mason Greenwood ត្រូវបានទម្លាក់ចុះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អតីត​ខ្សែបម្រើ Man United, Shinji Kagawa ត្រលប់​មកលេង​បាល់​នៅ​ជប៉ុន​វិញ ​ក្រោយ​ចំណាយពេល ១៣​ឆ្នាំ​នៅ​អឺរ៉ុប​

Barcelona ឈ្នះ Sevilla ឡើង​ដាច់ ៨ពិន្ទុ​ ក្រោយ Real Madrid ចាញ់​នៅផ្ទះ Mallorca

ខេត្ត​កណ្តាល​បើក​ការប្រកួត​បាល់ទាត់​នារី​ជ្រើសរើស​ជើងឯក​ថ្នាក់​ខេត្ត​ឆ្នាំ​២០២៣

Harry Kane ក្លាយជា​អ្នក​ស៊ុត​បញ្ចូល​ទី​ច្រើន​បំផុត​ឱ្យ Spurs ក្រោយ​រកបាន​មួយ​គ្រាប់​យកឈ្នះ Man City

ក្រសួងការពារជាតិ​រក្សា​ភាពខ្លាំង​ក្នុងការ​ប្រកួត​កីឡា​កា​រ៉ា​តេ​ជើងឯក​ថ្នាក់ជាតិ​ឆ្នាំ​២០២២

កីឡា​គ្រី​ឃី​ត​ទទួលបាន​ជំនួយ មុន​ការប្រកួត​កីឡា​ស៊ី​ហ្គេម​ឆ្នាំ​២០២៣

ព្រឹត្តិការណ៍​ Angkor Ultra Trail ​បញ្ចប់​ជោគជ័យ ខណៈ​អ្នករៀបចំ​ភ្ញាក់ផ្អើល​កំណើន​អ្នករត់​កម្ពុជា​

ព្រំ សំណាង​ យកឈ្នះ​កីឡាករ​អង់គ្លេស Thomas Carpenter យក​ខ្សែក្រវាត់​ពីស​ង្វៀន Thai Fight

Jimmy White ឡើង​វគ្គ ៨នាក់​ចុងក្រោយ​ស្នូកឃ័រ German Masters

រឿងក្តី​រំលោភ​របស់ Mason Greenwood ត្រូវបាន​ទម្លាក់​ចុះ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អតីតខ្សែបម្រើ Man United, Shinji Kagawa ត្រលប់មកលេងបាល់នៅជប៉ុនវិញ ក្រោយចំណាយពេល ១៣ឆ្នាំនៅអឺរ៉ុប

Barcelona ឈ្នះ Sevilla ឡើងដាច់ ៨ពិន្ទុ ក្រោយ Real Madrid ចាញ់នៅផ្ទះ Mallorca

ខេត្តកណ្តាលបើកការប្រកួតបាល់ទាត់នារីជ្រើសរើសជើងឯកថ្នាក់ខេត្តឆ្នាំ២០២៣

Harry Kane ក្លាយជាអ្នកស៊ុតបញ្ចូលទីច្រើនបំផុតឱ្យ Spurs ក្រោយរកបានមួយគ្រាប់យកឈ្នះ Man City

ក្រសួងការពារជាតិរក្សាភាពខ្លាំងក្នុងការប្រកួតកីឡាការ៉ាតេជើងឯកថ្នាក់ជាតិឆ្នាំ២០២២

កីឡាគ្រីឃីតទទួលបានជំនួយ មុនការប្រកួតកីឡាស៊ីហ្គេមឆ្នាំ២០២៣

ព្រឹត្តិការណ៍ Angkor Ultra Trail បញ្ចប់ជោគជ័យ ខណៈអ្នករៀបចំភ្ញាក់ផ្អើលកំណើនអ្នករត់កម្ពុជា

ព្រំ សំណាង យកឈ្នះកីឡាករអង់គ្លេស Thomas Carpenter យកខ្សែក្រវាត់ពីសង្វៀន Thai Fight

Jimmy White ឡើងវគ្គ ៨នាក់ចុងក្រោយស្នូកឃ័រ German Masters

រឿងក្តីរំលោភរបស់ Mason Greenwood ត្រូវបានទម្លាក់ចុះ