BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Almeida Guerreiro ឈ្នះដំណាក់កាលទី៤ ប្រណាំងកង់ Saudi Tour

ប្រណាំងកង់៖ កីឡាករព័រទុយហ្កាល់ Ruben Almeida Guerreiro បានប្រជែងឈ្នះដំណាក់កាលទី៤ នៃព្រឹត្តិការណ៍ប្រណាំងកង់កម្មវិធី Saudi Tour និងបានឡើងមកនាំមុខគេក្នុងតារាងពេលវេលារួមផងដែរ។កីឡាករវ័យ ២៨ឆ្នាំជិះឱ្យក្រុម Movistar រូបនេះបានយកឈ្នះនៅចំណុចគីឡូម៉ែត្រចុងក្រោយលើកីឡាករអ៊ីតាលី Davide Formolo និងកីឡាករកូឡុំប៊ី Santiago Buitrago Sanchez ដើម្បីបញ្ចប់ដំណាក់កាលដែលមានចម្ងាយផ្លូវ ១៦៣.៥គីឡូម៉ែត្រមកដល់ទីព្រ័ត្រមុនគេប្រើពេល ៣ម៉ោង ៤៥នាទី ១វិនាទី។ ជ័យជំនះនេះធ្វើឱ្យ Almeida Guerreiro កាន់ ៨វិនាទីនាំមុខគេក្នុងតារាងវេលារួមពីលើកីឡាករអ៊ីតាលី Formolo និង ៩វិនាទីពីលើ Buitrago Sanchez។ សម្រាប់ដំណាក់កាលទី៥ ថ្ងៃសុក្រនេះមានចម្ងាយផ្លូវ ១៤៣គីឡូម៉ែត្រ៕អត្ថបទ៖នាង សុភាវុធ

ពាន Soccer League ឈានដល់ការប្រកួតវគ្គពាក់កណ្ដាលផ្ដាច់ព្រ័ត្រចុងសប្ដាហ៍នេះ

បាល់ទាត់៖ ការប្រកួតបាល់ទាត់ដណ្ដើមពានរង្វាន់ Soccer League លើកទី៦ ឆ្នាំ២០២៣ នឹងឈានដល់វគ្គពាក់កណ្ដាលផ្ដាច់ព្រ័ត្រនាចុងសប្ដាហ៍នេះហើយ ក្រោយដំណើរការប្រកួតអស់រយៈពេលជិត ១ខែកន្លងមក។ សម្រាប់កម្មវិធី ក៏ដូចជាបេក្ខភាពប្រកួតវគ្គពាក់កណ្ដាលផ្ដាច់ព្រ័ត្រនេះ រួមមាននៅថ្ងៃទី០៤ ខែកុម្ភៈ ក្រុមហនុមានអគ្គលេខាធិការដ្ឋានក្រសួងការពារជាតិត្រូវជួបក្រុម Royal Mayura Resort នៅកីឡដ្ឋានស្ដាតចាស់ ខណៈ ១គូទៀតគឺក្រុម ស.ស.យ.ក ខណ្ឌពោធិ៍សែនជ័យត្រូវជួបក្រុម ស.ស.យ.ក ខេត្តកណ្ដាលនាថ្ងៃទី០៥ ខែកុម្ភៈនៅកីឡដ្ឋាន Smart RSN។ គួរដឹងថា មុនឡើងវគ្គពាក់កណ្ដាលផ្ដាច់ព្រ័ត្រ ក្រុម ស.ស.យ.ក ខណ្ឌពោធិ៍សែនជ័យបានទម្លាក់ក្រុម Khmer United ដោយលទ្ធផល ៤-២ ខណៈក្រុមហនុមានអគ្គលេខាធិការដ្ឋានក្រសួងការពារជាតិ បានយកឈ្នះក្រុមសម្ព័ន្ធយុវជនមុស្លីមកម្ពុជា ១-០។ ការប្រកួតវគ្គពាក់កណ្ដាលផ្ដាច់ព្រ័ត្រនឹងធ្វើឡើងតែ ១ជើងប៉ុណ្ណោះដើម្បីកាត់សេចក្ដីរកក្រុមឈ្នះឡើងទៅវគ្គផ្ដាច់ព្រ័ត្រ ដែលត្រូវប្រកួតកាត់សេចក្ដីរកបេក្ខភាពក្រុមជើងឯកនាថ្ងៃទី១១ ខែកុម្ភៈ ឆ្នាំ២០២៣ ខាងមុខ៕អត្ថបទ៖ លី ឈុនឡា

របួសកជើងធ្វើឲ្យខ្សែប្រយុទ្ធ Leeds, Rodrigo អវត្តមាន ២ខែ

បាល់ទាត់៖ ខ្សែប្រយុទ្ធ Leeds United, Rodrigo នឹងត្រូវអវត្តមានយ៉ាងហោចណាស់ ២ខែដោយសាររបួសកជើង។ កីឡាករជម្រើសជាតិអេស្ប៉ាញរូបនេះបានទទួលការវះកាត់ផងដែរ ក្រោយរងរបួសអំឡុងការប្រកួតកាលពីថ្ងៃសៅរ៍ពានរង្វាន់ FA Cup ដែល Leeds យកឈ្នះ Accrington Stanley។ កីឡាករវ័យ ៣១ឆ្នាំដែលបានផ្លាស់ពី Valencia ក្នុងតម្លៃ ២៦លានផោនកាលពីឆ្នាំ២០២០ គឺជាអ្នកស៊ុតបញ្ចូលទីច្រើនជាងគេនៅ Leeds បច្ចុប្បន្នមាន ១២គ្រាប់រដូវកាលនេះ។ ក្នុងចំណោម ២៦គ្រាប់ដែល Leeds ស៊ុតបញ្ចូលទីគូប្រកួតនៅ Premier League មាន Rodrigo ១០គ្រាប់ដែលធ្វើឱ្យគេឈរលេខ៥ ក្នុងតារាងអ្នកស៊ុតបញ្ចូលទីច្រើនជាងគេក្នុងលីគរដូវកាលនេះ។ ក្រុមរបស់លោក Jesse Marsch កំពុងឈរលេខ ១៥ ក្នុងតារាង មានគំលាតត្រឹម ១ពិន្ទុប៉ុណ្ណោះពីលើតំបន់ដែលត្រូវកាត់ចោល ខណៈចុងសប្តាហ៍នេះនឹងត្រូវធ្វើដំណើរទៅទឹកដី Nottingham Forest នៅថ្ងៃអាទិត្យ៕អត្ថបទ៖នាង សុភាវុធ

Raphael Varane សម្រេចចិត្តចូលនិវត្តន៍ពីក្រុមជម្រើសជាតិបារាំងត្រឹមវ័យ ២៩ឆ្នាំ

បាល់ទាត់៖ ខ្សែការពារក្រុមបិសាចក្រហម Manchester United, Raphael Varane បានសម្រេចចិត្តចូលនិវត្តន៍ពីក្រុមជម្រើសជាតិបារាំងហើយនៅត្រឹមវ័យ ២៩ឆ្នាំប៉ុណ្ណោះ។ អតីតខ្សែការពារ Real Madrid រូបនេះបង្ហាញខ្លួនឱ្យក្រុមបារាំងដំបូងនៅឆ្នាំ២០១៣ និងសរុប ៩៣ប្រកួតរកបាន ៥គ្រាប់ជួយបារាំងឈ្នះជើងឯកបាល់ទាត់ពិភពលោកនៅឆ្នាំ២០១៨។ Varane បង្ហាញខ្លួនចុងក្រោយបំផុតឱ្យក្រុមបារាំងគឺនៅវគ្គផ្តាច់ព្រ័ត្រ World Cup ២០២២ នៅកាតាដែលចាញ់អាហ្សង់ទីននៅវគ្គ ១១ម៉ែត្រកាត់សេចក្តី។ Raphael Varane ដែលផ្លាស់មកកាន់ Manchester United កាលពីខែសីហា ឆ្នាំ២០២១ គឺជាកីឡាករបារាំងម្នាក់ទៀតដែលប្រកាសចូលនិវត្តន៍ក្រោយពី World Cup បន្ទាប់ពីអ្នកចាំទី Spurs, Hugo Lloris ដែលសម្រេចចិត្តដូចគ្នានេះកាលពីដើមខែមករា៕អត្ថបទ៖នាង សុភាវុធ

Mbappe នឹងខកខានការប្រកួត UCL ទល់នឹង Bayern Munich ដោយសាររបួស

បាល់ទាត់៖ ខ្សែប្រយុទ្ធ Paris Saint Germain, Kylian Mbappe នឹងអវត្តមានពីការប្រកួតជើងទី១ វគ្គ ១៦ក្រុមចុងក្រោយ UEFA Champions League ទល់នឹង Bayern Munich ដោយសាររបួសភ្លៅ។ ខ្សែប្រយុទ្ធបារាំងរូបនេះបានរងរបួសភ្លៅអំឡុងជ័យជំនះ ៣-១ លើ Montpellier កាលពីយប់ថ្ងៃពុធដែលធ្វើឱ្យគេត្រូវសម្រាកពីការប្រកួត ៣សប្តាហ៍។ យប់ដែល Mbappe រងរបួសនោះជាយប់ដែលត្រូវបំភ្លេចសម្រាប់កីឡាករវ័យ ២៤ឆ្នាំរូបនេះ បន្ទាប់ពីស៊ុតបាល់ ១១ម៉ែត្រមិនចូលពីរលើក ហើយរងរបួសត្រូវដូរចេញតាំងពីនាទីទី២១។ Paris Saint Germain ត្រូវជួប Bayern Munich ជើងទី១ ថ្ងៃទី១៤ ខែកុម្ភៈនេះ ខណៈរបួសរបស់ Mbappe ក៏ត្រូវអវត្តមានពីការប្រកួតផ្សេងទៀតដែររួមមាន ពានរង្វាន់ French Cup ទល់នឹង Marseille ថ្ងៃទី៨ និងការប្រកួតក្របខណ្ឌបារាំង Ligue 1 ទល់នឹង Monaco ថ្ងៃទី១១។ សូមបញ្ជាក់ថា Kylian Mbappe បានស៊ុតបញ្ចូលទី ២៥គ្រាប់ហើយក្នុងការបង្ហាញខ្លួន ២៦ប្រកួតរដូវកាលនេះ៕អត្ថបទ៖នាង សុភាវុធ

ធនាគារជាតិ និងក្រសួងសង្គមកិច្ចស្គាល់ជ័យជម្នះក្នុងពានអន្ដរក្រសួង-ស្ថាប័នលើកទី៨

បាល់ទាត់៖ ក្រុមបាល់ទាត់ធនាគារជាតិនៃកម្ពុជា និងក្រសួមសង្គមកិច្ច អតីតយុទ្ធជន និងយុវនីតិសម្បទាបានទទួលជ័យជម្នះលើកដំបូងរៀងខ្លួន ក្នុងការប្រកួតពានរង្វាន់មិត្តយុវជនអន្ដរក្រសួង-ស្ថាប័នលើកទី៨ ឆ្នាំ២០២៣ កាលពីថ្ងៃទី០២ ខែកុម្ភៈម្សិលមិញនៅទីលាន The Blue Sport Arena។ សម្រាប់ក្រុមធនាគារជាតិនៃកម្ពុជាបានយកឈ្នះក្រុមសាលាដំបូងរាជធានីភ្នំពេញ ៣-២។ គ្រាប់បាល់ជ័យជម្នះនេះ ធ្វើសម្រេចដោយកីឡាករ ពយ គង់សំរិត, រដ្ឋា ផាណុច និងកីឡាករ មាស មាននិស្សិយ។ រីឯ ២គ្រាប់របស់សាលាដំបូងរាជធានីភ្នំពេញរកបានដោយកីឡាករ អ៊ីង ម៉េងហួន ទាំង ២គ្រាប់។ លទ្ធផលនេះបានធ្វើឲ្យក្រុមធនាគារជាតិនៃកម្ពុជារកបាន ៤ពិន្ទុឈរលេខ២ បណ្ដោះអាសន្នក្នុងពូល F។ ដោយឡែកក្រុមក្រសួមសង្គមកិច្ច អតីតយុទ្ធជន និងយុវនីតិសម្បទាបានយកឈ្នះក្រុមក្រសួងវប្បធម៌ និងវិចិត្រសិល្បៈ ៣-០ សម្រាប់ការប្រកួតដំបូងរបស់ខ្លួនក្នុងពូល G។ គ្រាប់បាល់ជ័យជម្នះនេះធ្វើសម្រេចដោយកីឡាករ ស ខេង, ស៊ិន សេរីមង្គល និងកីឡាករ ពៅ រដ្ឋា ដែលនាំឲ្យក្រុមក្រសួមសង្គមកិច្ច អតីតយុទ្ធជន និងយុវនីតិសម្បទាមាន ៣ពិន្ទុស្មើគ្នាជាមួយក្រសួងវប្បធម៌ និងវិចិត្រសិល្បៈដែរ៕អត្ថបទ៖ លី ឈុនឡា

កម្ពុជាមានអាជ្ញាកណ្ដាល-ចៅក្រមប្រដាល់សកលអន្ដរជាតិផ្កាយ១ គ្រប់គ្រាន់មុនស៊ីហ្គេមឆ្នាំ២០២៣

ប្រដាល់សកល៖ សហព័ន្ធកីឡាប្រដាល់សកលកម្ពុជាបានប្រកាសមន្ត្រីអាជ្ញាកណ្តាល-ចៅក្រមរបស់ខ្លួន ៨រូបបានប្រឡងជាប់វិញ្ញាបនបត្រអាជ្ញាកណ្ដាល-ចៅក្រមអន្ដរជាតិផ្កាយ១ នៃសមាគមកីឡាប្រដាល់សកលអន្ដរជាតិ(IBA) ដែលនាំឲ្យសហព័ន្ធមានធនធានមន្ដ្រីបច្ចេកទេសគ្រប់គ្រាន់ សម្រាប់ចូលរួមកាត់សេចក្ដី និងរៀបចំការប្រកួតកីឡាស៊ីហ្គេមលើកទី៣២ នៅកម្ពុជានាខែឧសភា ឆ្នាំ២០២៣ ខាងមុខ។ លោក ប៊ុយ សុភ័ណ្ឌ អគ្គលេខាធិការសហព័ន្ធបានឲ្យដឹងថា មន្ត្រីបច្ចេកទេសកម្ពុជាដែលបានប្រឡងជាប់អាជ្ញាកណ្ដាល-ចៅក្រមអន្ដរជាតិផ្កាយ១ នេះគឺមានលោក សួស លីនណា លោក ម៉ាក់ សាមឿន លោក ផល សុផាត លោក ណុប វ៉ាន់ថេត លោក ម៉ី រតនៈ លោក ជួន សំណាង លោក នួន វុទ្ធី និងកញ្ញា ឥន្ទ វិចិត្រ បន្ទាប់ពីអាជ្ញាកណ្ដាល-ចៅក្រមទាំង ៨រូបនេះបានឆ្លងកាត់វគ្គបណ្ដុះបណ្ដាលអាជ្ញាកណ្ដាល-ចៅក្រមអន្ដរជាតិផ្កាយ១ កាលពីខែធ្នូ ឆ្នាំ២០២២ កន្លងទៅ។ ថ្លែងក្រោយពិធីប្រគល់ និងទទួលវិញ្ញាបនបត្របញ្ជាក់ការសិក្សាដល់អាជ្ញាកណ្ដាល-ចៅក្រមអន្ដរជាតិផ្កាយ១ របស់កម្ពុជាកាលពីថ្ងៃទី២ ខែកុម្ភៈម្សិលមិញ លោក ប៊ុយ សុភ័ណ្ឌ បានសម្ដែងនូវសេចក្ដីរីករាយជាខ្លាំង បន្ទាប់ពីមន្ដ្រីបច្ចេកទេសកម្ពុជាបានប្រឡងជាប់ និងទទួលស្គាល់ដោយសមាគមកីឡាប្រដាល់សកលអន្ដរជាតិ។ នេះគឺជាកំណត់ត្រាប្រវត្តិសាស្ដ្រថ្មីមួយរបស់សហព័ន្ធ ដែលមានអាជ្ញាកណ្ដាល-ចៅក្រមអន្ដរជាតិផ្កាយ១ ដ្បិតកន្លងមកមានត្រឹមអាជ្ញាកណ្ដាល-ចៅក្រមថ្នាក់ជាតិប៉ុណ្ណោះ។ អគ្គលេខាធិការសហព័ន្ធដដែលពន្យល់ថា ការទទួលបានអាជ្ញាកណ្ដាល-ចៅក្រមអន្ដរជាតិនេះគឺជារឿងដ៏ល្អ ស្របពេលការប្រកួតស៊ីហ្គេមឆ្នាំ២០២៣ កាន់តែខិតជិតមកដល់។ ដូច្នេះក្នុងចំណោមអាជ្ញាកណ្ដាល-ចៅក្រមទាំង ៨រូបនឹងមាន ២រូបចូលរួមកាត់សេចក្តីក្នុងការប្រកួតកីឡាស៊ីហ្គេមជាប្រវត្ដិសាស្ដ្រនៅកម្ពុជា។ រីឯមន្ត្រីអាជ្ញាកណ្តាល-ចៅក្រម ៦រូបទៀតក៏នឹងចូលរួមជាមន្ត្រីបច្ចេកទេស សម្រាប់ការរៀបចំព្រឹត្តិការណ៍កីឡាប្រចាំតំបន់ ២ឆ្នាំម្ដងនេះផងដែរ៕ អត្ថបទ៖ លី ឈុនឡា

តារាបាល់ឱប NFL អាមេរិក Tom Brady ប្រកាសចូលនិវត្តន៍សាជាថ្មី

បាល់ឱប៖ កំពូលតារាបាល់ឱបអាមេរិក NFL រឺហៅថា Super Bowls កីឡាករ Tom Brady បានប្រកាសចូលនិវត្តន៍ពីអាជីពរយៈពេល ២៣រដូវកាលរបស់ខ្លួនហើយនៅក្នុងវ័យ ៤៥ឆ្នាំ។ កីឡាករដែលលេងឱ្យក្លិបបាល់ឱបនៅក្របខណ្ឌ NFL, The Tampa Bay Buccaneers ធ្លាប់ឈ្នះជើងឯក NFL Super Bowls ៧លើកនោះធ្លាប់បានប្រកាសថា ចូលនិវត្តន៍បែបនេះផងដែរកាលពីឆ្នាំមុន មុនពេលផ្លាស់ប្តូរចិត្តចូលប្រកួតវិញប៉ុន្មានសប្តាហ៍បន្ទាប់។ ក្នុងចំណោមជើងឯកទាំងនោះមាន ៦លើកគេឈ្នះជាមួយក្លិប New England Patriots មុននឹងឈ្នះចុងក្រោយបំផុតឆ្នាំមុនជាមួយ Tampa Bay។ ក្រៅពីជាឈ្នះជើងឯកកីឡាដែលមានប្រជាប្រិយបំផុតនៅសហរដ្ឋអាមេរិកមួយនេះ Tom Brady ធ្លាប់ឈ្នះជ័យលាភីកីឡាករឆ្នើមបំផុតប្រចាំ Super Bowls ៥លើក។ប្រកួតចុងក្រោយរបស់ Tom Brady ជាមួយ Tampa Bay គឺចាញ់ ៣០-២៧ ក្រោមថ្វីដៃ Los Angeles Rams។ សូមបញ្ជាក់ថា Tom Brady ក៏ស្ថិតក្នុងបញ្ជីអត្តពលិកដែលរកបានប្រាក់ចំណូលច្រើនបំផុតមួយរូបដែរនៅលើលោក តាមរយៈភាពជោគជ័យជាច្រើនលើវិថីកីឡាដែលមានប្រជាប្រិយភាពជាងគេ នៅសហរដ្ឋអាមេរិកមួយនេះ៕អត្ថបទ៖នាង សុភាវុធ

Joao Cancelo ចូលលេងប្រកួតដំបូងជាមួយ Bayern Munich យកឈ្នះ Mainz ៤-០

បាល់ទាត់៖ ខ្សែការពារព័រទុយហ្កាល់ Joao Cancelo ដែលទើបតែសម្រេចក្នុងការផ្លាស់ពី Manchester City មកកាន់ Bayern Munich ក្នុងកិច្ចសន្យាខ្ចីកាលពីថ្ងៃចន្ទនោះបានចូលលេងភ្លាមៗ ស្របពេល Bayern Munich យកឈ្នះ Mainz ៤-០ ឡើងវគ្គ ៨ក្រុមចុងក្រោយ German Cup។ កីឡាករវ័យ ២៨ឆ្នាំរូបនេះជាអ្នកប៉ះបញ្ជូនឱ្យមានក្រុមបាល់នាំមុខដំបូងដោយ Choupo-Moting មុនពេលដែល Jamal Musiala និង Leroy Sane រកបានម្នាក់មួយទៀតក្នុងវគ្គទី១ ខណៈដែល Alphonso Davies តែតបញ្ចូលទីគ្រាប់ចុងក្រោយនៅវគ្គទី២។ Mainz ក៏បាត់បង់កីឡាករម្នាក់ដែរដោយ Alexander Hack ទទួលបានកាតលឿងពីរលើកបណ្តេញចេញពីការប្រកួត ក្រោយកំហុសលើ Jamal Musiala។ Cancelo ត្រូវបានគេមើលឃើញថា ជាកីឡាករសំខាន់ក្នុងក្រុមរបស់លោក Pep តែក្រោយមកពី World Cup គេបង្ហាញខ្លួនបានតែ ៣លើកប៉ុណ្ណោះ ហើយក្នុងនោះ ២លើកក្នុងការប្រកួតដែល Manchester City ចាញ់ Manchester United និង Southampton។ នេះជាជ័យជំនះដំបូងសម្រាប់ Bayern Munich ក្នុងឆ្នាំ២០២៣ នេះបន្ទាប់ពីស្មើ ៣ប្រកួតជាប់គ្នាមកហើយ៕អត្ថបទ៖នាង សុភាវុធ

ថ្នាក់ដឹកនាំចុះពិនិត្យកន្លែងប្រកួតកីឡាស៊ីហ្គេម២០២៣ នៅរាជធានីភ្នំពេញ

ស៊ីហ្គេម៖ ដើម្បីឱ្យប្រាកដថាអ្វីៗទាក់ទងនឹងកន្លែងប្រកួតរួចរាល់ និងប្រឈមនឹងកង្វះខាតអ្វីខ្លះដែលបម្រើឱ្យការប្រកួតកីឡានីមួយៗ ប្រតិភូគណៈកម្មាធិការជាតិរៀបចំការប្រកួតស៊ីហ្គេម២០២៣ ដឹកនាំដោយឯកឧត្តម បណ្ឌិត ថោង ខុន អនុប្រធានអចិន្ត្រៃយ៍ បានចុះត្រួតពិនិត្យទីលានប្រកួតនានា ដោយផ្តើមចេញពីពហុកីឡដ្ឋានជាតិអូឡាំពិកកម្ពុជាព្រឹកថ្ងៃទី០២ ខែកុម្ភៈ ឆ្នាំ២០២៣។ ឯកឧត្តម អ៊ុក សិទ្ធិជាតិ អគ្គនាយកកីឡានៃអគ្គនាយកដ្ឋានកីឡា ក្រសួងអប់រំ យុវជន និងកីឡាកាលពីពេលថ្មីៗមានប្រសាសន៍ថា សម្រាប់ទីលានមានប្រាំរាជធានី-ខេត្ត ហើយសុទ្ធបានត្រៀមលក្ខណៈរួចរាល់សម្រាប់ការប្រកួតចូលមកដល់។ យោងតាមគណៈកម្មការរៀបចំការប្រកួត កីឡាដែលនឹងត្រូវលេងនៅក្នុងពហុកីឡដ្ឋានជាតិនេះមានកីឡាសូហ្វតិន្នីស កីឡាវាយកូនបាល់ កីឡាហែលទឹក កីឡាប្រដាល់ឃីកបុកស៊ីង គុនខ្មែរ កាយសម្ព័ន្ធ ប៉េតង់ សីដក់ និងបាល់ទះក្នុងសាល ក្រៅពីនោះលេងនៅពហុកីឡដ្ឋានជាតិមរតកតេជោ មជ្ឈមណ្ឌលសន្និបាតជ្រោងចង្វា (មានប្រដាល់សកល យូដូ ការ៉ាតេ តេក្វាន់ដូ WT វ៉ូវីណាម ល្បុក្កតោ អានីស ជូជិតស៊ូ បញ្ចសិលា ចំបាប់ និងកីឡាវូស៊ូ) និងសណ្ឋាគារសុខា (មានកីឡារាំ អុក និងប៊ីយ៉ាស្នូកឃ័រ), ខេត្តកែប (ទ្រីអាត្លុង), កំពត (ទូកប្រពៃណីអន្តរជាតិ កានូ កាយាក), ខេត្តព្រះសីហនុ (ម៉ូតូទឹក ទូកក្តោង បាល់ទះឆ្នេរខ្សាច់) និងខេត្តសៀមរាប (កីឡាប្រណាំងកង់ រត់ម៉ារ៉ាតុង)។ ស៊ីហ្គេម ២០២៣ នៅកម្ពុជាដំណើរការពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣។ ចំនែកអាស៊ានប៉ារ៉ាហ្គេមដំណើរការពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣៕ អត្ថបទ៖ គង់ ហួន

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Almeida Guerreiro ឈ្នះដំណាក់កាលទី៤ ប្រណាំងកង់ Saudi Tour

ពាន Soccer League ឈានដល់ការប្រកួតវគ្គពាក់កណ្ដាលផ្ដាច់ព្រ័ត្រចុងសប្ដាហ៍នេះ

របួសកជើងធ្វើឲ្យខ្សែប្រយុទ្ធ Leeds, Rodrigo អវត្តមាន ២ខែ

Raphael Varane សម្រេចចិត្តចូលនិវត្តន៍ពីក្រុមជម្រើសជាតិបារាំងត្រឹមវ័យ ២៩ឆ្នាំ

Mbappe នឹងខកខានការប្រកួត UCL ទល់នឹង Bayern Munich ដោយសាររបួស

ធនាគារជាតិ និងក្រសួងសង្គមកិច្ចស្គាល់ជ័យជម្នះក្នុងពានអន្ដរក្រសួង-ស្ថាប័នលើកទី៨

កម្ពុជាមានអាជ្ញាកណ្ដាល-ចៅក្រមប្រដាល់សកលអន្ដរជាតិផ្កាយ១ គ្រប់គ្រាន់មុនស៊ីហ្គេមឆ្នាំ២០២៣

តារាបាល់ឱប NFL អាមេរិក Tom Brady ប្រកាសចូលនិវត្តន៍សាជាថ្មី

Joao Cancelo ចូលលេងប្រកួតដំបូងជាមួយ Bayern Munich យកឈ្នះ Mainz ៤-០

ថ្នាក់ដឹកនាំចុះពិនិត្យកន្លែងប្រកួតកីឡាស៊ីហ្គេម២០២៣ នៅរាជធានីភ្នំពេញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Almeida Guerreiro ឈ្នះ​ដំណាក់កាល​ទី៤ ប្រណាំង​កង់ Saudi Tour

ពាន​ Soccer League ​ឈានដល់​ការប្រកួត​វគ្គ​ពាក់កណ្ដាល​ផ្ដាច់ព្រ័ត្រ​ចុង​សប្ដាហ៍​នេះ​

របួស​កជើង​ធ្វើឲ្យខ្សែប្រយុទ្ធ Leeds, Rodrigo អវត្តមាន ២ខែ

Raphael Varane សម្រេចចិត្ត​ចូលនិវត្តន៍​ពី​ក្រុម​ជម្រើសជាតិ​បារាំង​ត្រឹម​វ័យ ២៩​ឆ្នាំ

Mbappe នឹង​ខកខាន​ការប្រកួត UCL ទល់នឹង Bayern Munich ដោយសារ​របួស

ធនាគារ​ជាតិ និង​ក្រសួង​សង្គមកិច្ចស្គាល់​ជ័យជម្នះ​ក្នុង​ពាន​អន្ដរក្រសួង​-​ស្ថាប័ន​លើក​ទី​៨

កម្ពុ​ជាមាន​អាជ្ញាកណ្ដាល​-​ចៅក្រម​ប្រដាល់សកល​អន្ដរជាតិ​ផ្កាយ​១ គ្រប់គ្រាន់មុន​ស៊ី​ហ្គេម​ឆ្នាំ​២០២៣

តារា​បាល់ឱប NFL អាមេរិក Tom Brady ប្រកាស​ចូលនិវត្តន៍​សាជាថ្មី​

Joao Cancelo ចូល​លេង​ប្រកួត​ដំបូង​ជាមួយ Bayern Munich យកឈ្នះ Mainz ៤-០

ថ្នាក់ដឹកនាំ​ចុះ​ពិនិត្យ​កន្លែង​ប្រកួត​កីឡា​ស៊ី​ហ្គេម២០២៣ ​នៅ​រាជធានី​ភ្នំពេញ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Almeida Guerreiro ឈ្នះដំណាក់កាលទី៤ ប្រណាំងកង់ Saudi Tour

ពាន Soccer League ឈានដល់ការប្រកួតវគ្គពាក់កណ្ដាលផ្ដាច់ព្រ័ត្រចុងសប្ដាហ៍នេះ

របួសកជើងធ្វើឲ្យខ្សែប្រយុទ្ធ Leeds, Rodrigo អវត្តមាន ២ខែ

Raphael Varane សម្រេចចិត្តចូលនិវត្តន៍ពីក្រុមជម្រើសជាតិបារាំងត្រឹមវ័យ ២៩ឆ្នាំ

Mbappe នឹងខកខានការប្រកួត UCL ទល់នឹង Bayern Munich ដោយសាររបួស

ធនាគារជាតិ និងក្រសួងសង្គមកិច្ចស្គាល់ជ័យជម្នះក្នុងពានអន្ដរក្រសួង-ស្ថាប័នលើកទី៨

កម្ពុជាមានអាជ្ញាកណ្ដាល-ចៅក្រមប្រដាល់សកលអន្ដរជាតិផ្កាយ១ គ្រប់គ្រាន់មុនស៊ីហ្គេមឆ្នាំ២០២៣

តារាបាល់ឱប NFL អាមេរិក Tom Brady ប្រកាសចូលនិវត្តន៍សាជាថ្មី

Joao Cancelo ចូលលេងប្រកួតដំបូងជាមួយ Bayern Munich យកឈ្នះ Mainz ៤-០

ថ្នាក់ដឹកនាំចុះពិនិត្យកន្លែងប្រកួតកីឡាស៊ីហ្គេម២០២៣ នៅរាជធានីភ្នំពេញ