BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ប្រធាន AFC ជាប់ឆ្នោតមួយអាណត្តិទៀត ខណៈអារ៉ាប៊ីសាអ៊ូឌីតគឺជាម្ចាស់ផ្ទះជើងឯកអាស៊ីឆ្នាំ២០២៧

បាល់ទាត់៖ ព្រះអង្គម្ចាស់ Sheikh Salman bin Ebrahim Al Khalifa នឹងបន្តតួនាទីជាប្រធានសហព័ន្ធបាល់ទាត់អាស៊ីជាផ្លូវការ សម្រាប់អាណត្តិចុងក្រោយរយៈពេលបួនឆ្នាំនៅថ្ងៃពុធ ខណៈអារ៉ាប៊ីសាអូឌីតត្រូវបានបញ្ជាក់ថា ជាម្ចាស់ផ្ទះការប្រកួតបាល់ទាត់ជើងឯកទ្វីបអាស៊ី AFC Asian Cup ឆ្នាំ២០២៧។ បុរសបារ៉ែនរូបនេះបានចូលកាន់តំណែងជាប្រធាន AFC កាលពីឆ្នាំ២០១៣ នៅពេលដែលគាត់ត្រូវបានជ្រើសរើសឱ្យបញ្ចប់រយៈពេល ២ឆ្នាំដែលនៅសល់នៃរជ្ជកាលរបស់អតីតប្រធាន Mohammed bin Hammam។ អាណត្តិថ្មីរយៈពេល ៤ឆ្នាំថ្មីទៅមុខនេះនឹងជាអាណត្តិចុងក្រោយ ហើយបុរសវ័យ ៥៧ឆ្នាំរូបនេះនឹងគ្រប់គ្រងបាល់ទាត់អាស៊ីរយៈពេល ១៤ឆ្នាំនៅពេលការបញ្ចប់អាណត្តិរបស់គាត់នៅឆ្នាំ២០២៧។ Sheikh Salman បានប្រាប់ក្រុមប្រតិភូថា "ខ្ញុំចង់អរគុណអ្នកទាំងអស់គ្នា សម្រាប់ការដាក់ជំនឿរបស់អ្នកមកលើខ្ញុំសម្រាប់អាណត្តិបួនឆ្នាំទៀត។” Sheikh Salman បានចូលកាន់តំណែងជាប្រធាន AFC ក្នុងរយៈពេលពីរឆ្នាំចុងក្រោយនៃអាណត្តិរបស់លោក Mohammed bin Hamman បន្ទាប់ពីបុរសសញ្ជាតិកាតារូបនេះត្រូវបានហាមឃាត់ពេញមួយជីវិត ពីសកម្មភាពបាល់ទាត់ទាំងអស់តាមរយៈការជាប់ពាក់ព័ន្ធរបស់គាត់នៅក្នុងរឿងអាស្រូវពុករលួយ។ សមាជិកនៃគ្រួសាររាជវង្សបារ៉ែន Sheikh Salman ជាលើកដំបូងបានលេចធ្លោនៅក្នុងរង្វង់បាល់ទាត់ក្នុងឆ្នាំ២០០៩ នៅពេលដែលគាត់បានប្រឈមមុខនឹង Bin Hammam សម្រាប់កៅអីនៅក្នុងស្ថាប័នធ្វើការសម្រេចចិត្តរបស់ FIFA ដែលជាសន្លឹកឆ្នោតដែលគាត់បានចាញ់តែមួយសំឡេងគត់។ ទន្ទឹមនឹងនោះ អារ៉ាប៊ីសាអូឌីតត្រូវបានបញ្ជាក់ថា ជាម្ចាស់ផ្ទះនៃព្រឹត្តិការណ៍ AFC Asian Cup ឆ្នាំ២០២៧ ខណៈដែលសមាជបានផ្តល់សច្ចាប័នលើការជ្រើសរើសរបស់ពួកគេ បន្ទាប់ពីប្រទេសឥណ្ឌា អ៊ីរ៉ង់ កាតា និងអ៊ូសបេគីស្ថានបានដកខ្លួនចេញពីដំណើរការដេញថ្លៃមុននេះ៕អត្ថបទ៖នាង សុភាវុធ

អាយុ ៥៦ឆ្នាំ Kazuyoshi Miura នៅតែបន្តលេងបាល់អាជីព ក្រោយផ្លាស់ទៅក្លិបនៅលីគទី២ ព័រទុយហ្កាល់

បាល់ទាត់៖ អបអរខួបកំណើតចូលវ័យ ៥៦ឆ្នាំ Kazuyoshi Miura នៅមិនទាន់គិតគូរពីរឿងចូលនិវត្តន៍នៅឡើយ ដោយនៅតែបន្តលេងឱ្យក្លិបបាល់ទាត់អាជីពនៅឡើយ។ Miura ដែលឈានចូលការប្រឡូកអាជីពទសវត្សរ៍ទី៥ នៃអាជីពនោះបានផ្លាស់ទៅកាន់ក្លិបនៅលីគទីពីរព័រទុយហ្កាល់ Oliveirense ក្នុងកិច្ចសន្យាខ្ចីពីក្លិបជប៉ុន Yokohama FC។ ការផ្លាស់លើកនេះធ្វើឱ្យ Miura ឈានដល់ប្រទេសទី៦ ដែលបានប្រកបអាជីព បន្ទាប់ពីការចំណាយពេលពីមុននៅប្រេស៊ីល ជប៉ុន អ៊ីតាលី ក្រូអាស៊ី និងអូស្ត្រាលី។ បើតាមការបង្ហើបរបស់ Kazuyoshi Miura ថា គាត់នឹងបន្តលេងបាល់អាជីពដល់វ័យ ៦០ឆ្នាំ។ បុរសវ័យ ៥៦ឆ្នាំរូបនេះបានចំណាយពេលក្នុងកិច្ចសន្យាខ្ចីជើងរដូវកាលមុននៅក្លិប Suzuka Point Getters ស៊ុតបញ្ចូលទីបាន ២គ្រាប់ក្នុងការបង្ហាញខ្លួន ១៨ប្រកួតនៅក្លិបបាល់ទាត់នៅលីគទី៤ ជប៉ុនមួយនេះដែលស្ថិតក្រោមការដឹកនាំដោយបងប្រុសរបស់ខ្លួនលោក Yasutoshi Miura។ រំលឹកថា Miura បានចាប់ផ្តើមអាជីពដំបូងរបស់ខ្លួនតាំងពីឆ្នាំ១៩៨៦ នៅក្លិបប្រេស៊ីល Santos ក្រោយមកលោកបានក្លាយជាកីឡាករវ័យចំណាស់បំផុតដែលស៊ុតបញ្ចូលទី នៅលីគបាល់ទាត់ជប៉ុនកាលពីឆ្នាំ២០១៧ ក្នុងវ័យ ៥០ឆ្នាំ ១៤ថ្ងៃ។ Miura ធ្លាប់បង្ហាញខ្លួនឱ្យក្រុមជម្រើសជាតិជប៉ុន ៨៩លើកស៊ុតបញ្ចូលទីបាន ៥៥គ្រាប់៕អត្ថបទ៖នាង សុភាវុធ

Manchester United ឈ្នះ Nottingham ឡើងជួប Newcastle វគ្គផ្តាច់ព្រ័ត្រ Carabao Cup

បាល់ទាត់៖ ក្រុមបិសាចក្រហម Manchester United បានបន្តយកឈ្នះ Nottingham Forest នៅជើងទីពីរ ២-០ ទៀតសរុបទាំងពីរជើង ៥-០ ឡើងវគ្គផ្តាច់ព្រ័ត្រ Carabao Cup ជួបជាមួយសារិកាព្រៃ Newcastle។ បន្ទាប់ពីឈ្នះ ៣-០ នៅទឹកដី City Ground របស់ Nottingham Forest សប្តាហ៍មុន Manchester United រកបានពីរគ្រាប់បន្ថែមនៅវគ្គទី២ ដោយ Anthony Martial និង Fred។ កីឡាករចំនូលថ្មី Marcel Sabitzer ដែលទើបខ្ចីពី Bayern Munich ក៏បានអង្គុយទស្សនាការប្រកួតនេះដែរ មានន័យថា គេបាំងតែមួយប្រកួតទៀតប៉ុណ្ណោះនឹងអាចឈ្នះពានដំបូងនៅ Manchester United តែម្តង។ ក៏មានការវិលត្រលប់ចូលលេងវិញពី Jadon Sancho ផងដែរក្រោយអវត្តមានតាំងពីខែតុលា។ ជ័យជំនះនេះមានន័យថា Manchester United នឹងជួបជាមួយ Newcastle នៅវគ្គផ្តាច់ព្រ័ត្រ បន្ទាប់ពីក្រុមរបស់លោក Eddie Howe បានយកឈ្នះ Southampton នៅវគ្គពាក់កណ្តាលផ្តាច់ព្រ័ត្រផងដែរ។ ការប្រកួតវគ្គផ្តាច់ព្រ័ត្រនឹងធ្វើឡើងនៅថ្ងៃទី២៦ ខែកុម្ភៈនេះនៅកីឡដ្ឋាន Wembley នឹងជាជំនួបវគ្គផ្តាច់ព្រ័ត្រដណ្តើមពានលើកដំបូងរបស់ក្រុមទាំងពីរគិតតាំងពីឆ្នាំ១៩៩៩ ដែល Manchester United យកឈ្នះនៅវគ្គផ្តាច់ព្រ័ត្រ FA Cup លើកពានបីក្នុងមួយរដូវកាលនៅពេលនោះ៕អត្ថបទ៖នាង សុភាវុធ

បាល់ទះកម្ពុជាប្រកួតជាមួយបារាំង មុនលេងពានមិត្តភាពក្នុងតំបន់ត្រៀមស៊ីហ្គេម២០២៣

បាល់ទះ៖ ក្រុមបាល់ទះជម្រើសជាតិកម្ពុជា នឹងប្រកួតបាល់ទះមិត្តភាពអន្តរជាតិជាមួយក្រុមខ្លាំងមកពីអឺរ៉ុប ដើម្បីត្រៀមលក្ខណៈឱ្យរៀបរយសម្រាប់ការប្រកួតបាល់ទះក្នុងព្រឹត្តិការណ៍ស៊ីហ្គេម ២០២៣ នៅព្រះរាជាណាចក្រកម្ពុជា កំឡុងខែឧសភាខាងមុខ។លោកបណ្ឌិត អាំង សេរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានប្រាប់ឱ្យដឹងថា ការប្រកួតមិត្តភាពជាមួយក្រុមយុវជនជម្រើសជាតិបារាំងអាយុក្រោម ១៩ឆ្នាំធ្វើនៅថ្ងៃទី១៨ និងថ្ងៃទី២២ ខែកុម្ភៈ ឆ្នាំ២០២៣ នេះដើម្បីដកស្រង់បច្ចេកទេសសម្រាប់ស៊ីហ្គេមខាងមុខនេះ។ នេះជាការប្រកួតមិត្តភាពអន្តរជាតិទីបីរបស់កម្ពុជា បន្ទាប់ពីធ្វើបានល្អជាមួយសិង្ហបុរី និងយុវជនមកពីតំបន់អាមេរិក គុយបា មុនស៊ីហ្គេម ២០២៣មកដល់។ លោកអគ្គលេខាធិការបានបន្តទៀតថា បន្ទាប់មកជម្រើសជាតិកម្ពុជានឹងប្រកួតបាល់ទះមិត្តភាពពានតូចមួយ ដែលមាន ៣ប្រទេសចូលរួមគឺកម្ពុជា ម៉ាឡេស៊ី និងសិង្ហបុរី ដោយលេងនៅម៉ាឡេស៊ី។សូមជម្រាបជូនថា ក្រុមបាល់ទះជម្រើសជាតិកម្ពុជាបានបង្កើតឯតទគ្គកម្មឈ្នះមេដាយស៊ីហ្គេម បន្ទាប់ពីឈ្នះថៃក្នុងវគ្គដណ្តើមមេដាយសំរឹទ្ធ។ តាំងពីពេលនោះសហព័ន្ធបាល់ទះកម្ពុជាបានពង្រឹងជាបន្ថែមទៀត ក្នុងន័យឈ្នះមេដាយខ្ពស់ជាងនេះក្នុងនាមម្ចាស់ផ្ទះស៊ីហ្គេម២០២៣។ តាមការគ្រោងទុក ប្រភេទកីឡាបាល់ទះ (ក្នុងសាល) នៃស៊ីហ្គេមកម្ពុជានឹងដំណើរការប្រកួតពីថ្ងៃទី០៣ ដល់ថ្ងៃទី១៦ ខែឧសភា ឆ្នាំ២០២៣៕អត្ថបទ៖ គង់ ហួន

ស.ស.យ.ក ប្ដេជ្ញារួមចំណែករៀបចំស៊ីហ្គេម-អាស៊ានប៉ារ៉ាហ្គេមឲ្យជោគជ័យ និងបន្សល់អនុស្សាវរីយ៍ដ៏ល្អសម្រាប់កម្ពុជា

ស៊ីហ្គេម៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) បានប្ដេជ្ញារួមចំណែកចូលរួមរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ឲ្យទទួលបានជោគជ័យ និងបន្សល់នូវអនុស្សាវរីយ៍ដ៏ល្អសម្រាប់ភ្ញៀវទេសចរ ពិសេសសម្រាប់ម្ចាស់ផ្ទះកម្ពុជាដែលទើបទទួលបានសិទ្ធធ្វើម្ចាស់ផ្ទះ ព្រឹត្តិការណ៍កីឡាប្រចាំតំបន់លើកដំបូងក្រោយរង់ចាំអស់រយៈពេល ៦៤ឆ្នាំ។ ការលើកឡើងនេះធ្វើឡើងក្នុងសន្និសីទសារព័ត៌មាន ស្ដីពីការជ្រើសរើសអ្នកស្ម័គ្រចិត្តព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ នៅរសៀលថ្ងៃទី០១ ខែកុម្ភៈ ដោយមានការអញ្ជើញចូលរួមពីឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ នៃគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ផងដែរ។ ឯកឧត្តម ហ៊ុន ម៉ានី បានផ្ដល់អនុសាសន៍ ៣ចំណុចដើម្បីរួមចំណែកក្នុងការងាររៀបចំស៊ីហ្គេម និងអាស៊ានប៉ារ៉ាហ្គេមក្នុងនាម ស.ស.យ.ក គឺជាដៃគូរបស់គណៈកម្មការជំនាញចំនួន ៣ ពិសេសឯកឧត្តមបានសង្កត់ធ្ងន់លើអ្នកស្ម័គ្រចិត្ត ដែលក្រៅពីការងារសម្របសម្រួលឲ្យដំណើរការប្រកួតប្រព្រឹត្តទៅដោយរលូន និងជោគជ័យ ពួកគេក៏ជាយុវជនសុច្ឆន្ទៈដើម្បីផ្សព្វផ្សាយពីសក្ដានុពល និងបច្ចុប្បភាពរបស់កម្ពុជាផងដែរ។ ទន្ទឹមជាមួយគ្នា ឯកឧត្តមបណ្ឌិត ថោង ខុន បានថ្លែងអំណរគុណថ្នាក់ដឹកនាំ និងក្រុមការងារយុវជន ស.ស.យ.ក ទាំងអស់ដែលបានចូលរួមជាមួយគណៈកម្មការអ្នកស្ម័គ្រចិត្ត ដើម្បីផ្ដល់នូវយុវជនស្ម័គ្រចិត្តប្រកបដោយឆន្ទៈ សម្រាប់ចូលរួមរៀបចំព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ ដ្បិតអ្នកស្ម័គ្រចិត្តគឺជា DNA ដ៏សំខាន់ដើម្បីជំរុញការរៀបចំ និងការប្រកួតឲ្យទទួលបានជោគជ័យ។ គួរដឹងថា សម្រាប់ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ កម្ពុជាត្រូវការកម្លាំងអ្នកស្ម័គ្រចិត្តប្រមាណ ៧ពាន់នាក់សម្រាប់បម្រើឲ្យការងារផ្សេងៗជាមួយគណៈកម្មការជំនាញទាំង ១៤ របស់ CAMSOC ពិសេសគណៈកម្មការអ្នកស្ម័គ្រចិត្ត។ បច្ចុប្បន្នគណៈកម្មការអ្នកស្ម័គ្រចិត្តមានជនបង្គោលប្រមាណ ៥០០នាក់ហើយ មុនបើកទទួលអ្នកស្ម័គ្រចិត្តឲ្យចុះឈ្មោះចាប់ពីថ្ងៃទី០១ ខែកុម្ភៈរហូតដល់ថ្ងៃទី០១ ខែមីនាខាងមុខ។ អ្នកស្ម័គ្រចិត្តអាចចុះឈ្មោះបានតាមបណ្ដាការចុះផ្សាយតាមសាកលវិទ្យាល័យ បណ្ដាញទំនាក់ទំនងសង្គម និងគេហទំព័រផ្លូវការរបស់ស៊ីហ្គេមគឺ Cambodia2023.com/en/volunteer-register ៕អត្ថបទ៖ លី ឈុនឡា

Christian Eriksen រងរបួសកជើងត្រូវសម្រាកដល់ចុងខែមេសា

បាល់ទាត់៖ ខ្សែបម្រើក្រុមបិសាចក្រហម Manchester United, Christian Eriksen នឹងត្រូវសម្រាកយ៉ាងហោចណាស់ដល់ដំណាច់ខែមេសាដោយសារបញ្ហារបួសកជើង។ កីឡាករវ័យ ៣០ឆ្នាំរូបនេះបានរងរបួសកជើងអំឡុងការប្រកួតដែល Manchester United យកឈ្នះ Reading ៣-១ និងត្រូវបានផ្លាស់ចេញនៅនាទីទី៥៧ ក្រោយការប៉ះទង្គិចជាមួយ Andy Carroll។ Carroll ក្រោយមកក៏ទទួលបានកាតក្រហមក្រោយកំហុសពីរលើកលើ Tyrell Malacia និង Casemiro។ Christian Eriksen គឺជាកម្លាំងសំខាន់របស់ Erik ten Hag ចាប់តាំងពីផ្លាស់ពី Brentford និងបានបង្ហាញខ្លួនសរុប ៣១ប្រកួតហើយឱ្យ Manchester United រដូវកាលនេះគ្រប់ក្របខណ្ឌ។ Manchester United នឹងត្រូវជួប Nottingham Forest យប់នេះជើងទី២ វគ្គពាក់កណ្តាលផ្តាច់ព្រ័ត្រ EFL Cup បន្ទាប់ពីឈ្នះជើងទី១ នៅទឹកដី Nottingham ៣-០ សប្តាហ៍មុន៕អត្ថបទ៖នាង សុភាវុធ

ថ្ងៃបិទទីផ្សារទិញដូរកីឡាករ Nottingham Forest យកបានកីឡាករថ្មី ៣នាក់ទៀត

បាល់ទាត់៖ ក្លិបអង់គ្លេស Nottingham Forest នៅតែបន្តបើកខ្ទង់ចំណាយនាំចូលកីឡាករថ្មីបន្ថែមទៀត ខណៈថ្ងៃបិទទីផ្សារទិញដូរកីឡាករចុងក្រោយសំរេចបានការនាំចូល ៣នាក់ទៀត។ ខ្សែបម្រើ Newcastle, Jonjo Shelvey បានផ្លាស់មកកាន់ Nottingham Forest ក្នុងតម្លៃផ្ទេរបិទជិតមួយ។ កីឡាករវ័យ ៣០ឆ្នាំដែលបង្ហាញខ្លួនបានតែ ៣ប្រកួតប៉ុណ្ណោះរដូវកាលនេះនៅ Newcastle ក្រោមការដឹកនាំរបស់លោក Eddie Howe នោះបានចុះហត្ថលេខារយៈពេល ២ឆ្នាំកន្លះ។ ជាមួយគ្នានោះដែរ Forest ក៏បាននាំយកខ្សែការពារប្រេស៊ីល Felipe ផងដែរក្នុងកិច្ចសន្យា ១ឆ្នាំ បន្ទាប់ពីមិនសូវបានលេងនៅក្លិបអេស្ប៉ាញ Atletico Madrid។ ចំណែកឯអ្នកចាំទីចាស់វស្សា Keylor Navas បានផ្លាស់ពី PSG មកកាន់ Forest ផងដែរក្នុងកិច្ចសន្យាខ្ចីដើម្បីបំពេញចន្លោះអ្នកចាំទី Dean Henderson ដែលមានរបួសភ្លៅ។ Nottingham Forest ក្នុងខែមករានេះក៏បាននាំយកខ្សែប្រយុទ្ធ Chris Wood ពី Newcastle ផងដែរក្នុងកិច្ចសន្យាខ្ចី រួមជាមួយនឹងខ្សែបម្រើប្រេស៊ីល Danilo ១៦លានផោន និង Gustavo Scarpa ពី Palmeiras៕អត្ថបទ៖នាង សុភាវុធ

Enzo Fernandez ផ្លាស់មកកាន់ Chelsea ផ្លូវការក្នុងតម្លៃផ្ទេរបំបែកកំណត់ត្រាក្លិបអង់គ្លេស

បាល់ទាត់៖ ទីបំផុតក្លិបតោខៀវ Chelsea បានសំរេចហើយក្នុងការនាំយកខ្សែបម្រើអាហ្សង់ទីន Enzo Fernandez ពី Benfica ក្នុងតម្លៃផ្ទេរ ១០៦លានផោនថ្លៃបំផុតបំបែកកំណត់ត្រានៅអង់គ្លេស។ តម្លៃ ១០៦លានផោននេះបានបំបែកកំណត់ត្រាចាស់ ១០០លានផោនដែល Manchester City ទិញ Jack Grealish ពី Aston Villa កាលពីឆ្នាំ២០២១ និងឈរលេខ ៦ នៅលើពិភពលោក ក្នុងបញ្ជីឈ្មោះកីឡាករដែលមានតម្លៃផ្ទេរខ្ពស់បំផុតបន្ទាប់ពី Neymar, Kylian Mbappe, Philippe Coutinho, Ousmane Dembele, Joao Felix និង Antoine Greizmann។ Enzo Fernandez ដែលចូលរួមជាមួយ Benfica កាលពីឆ្នាំមុនក្នុងតម្លៃមិនដល់ ១០លានផោនផងនោះ ត្រូវបានជ្រើសរើសជាកីឡាករវ័យក្មេងឆ្នើមបំផុតប្រចាំព្រឹត្តិការណ៍បាល់ទាត់ពិភពលោក ២០២២ នៅកាតា ក្រោយជួយអាហ្សង់ទីនលើកពាន។ គិតមកដល់ពេលនេះ Chelsea បានចំណាយលុយនាំចូលកីឡាករថ្មីក្នុងខែមករានេះប្រមាណ ១៦០លានផោនមកហើយដែលរួមមាន Noni Madueke, Mykhailo Mudryk, David Dastro Fofana, Andrey Santos, Benoit Badiashile ខ្ចី Joao Felix ពី Atletico Madrid និង Malo Gusto ពី Lyon៕អត្ថបទ៖នាង សុភាវុធ

Manchester United ខ្ចីខ្សែបម្រើអូទ្រីស Marcel Sabitzer ពី Bayern Munich

បាល់ទាត់៖ ក្លិបបិសាចក្រហម Manchester United បានសំរេចក្នុងការនាំយកខ្សែបម្រើអូទ្រីស Marcel Sabitzer ពី Bayern Munich ក្នុងកិច្ចសន្យាខ្ចីដល់ចប់រដូវកាល។ កីឡាករវ័យ ២៨ឆ្នាំរូបនេះបានផ្លាស់មកកាន់ទឹកដី Old Trafford ដើម្បីបំពេញចន្លោះខ្សែបម្រើដាណឺម៉ាក Christian Eriksen ដែលមានរបួសកជើង និង Scott McTominay។ Marcel Sabitzer បានបង្ហាញខ្លួនសរុប ៥៤លើកតាំងពីផ្លាស់មកកាន់ Bayern Munich នៅឆ្នាំ២០២១។ Sabitzer ដែលជាអតីតកីឡាកររបស់ Leipzig នោះមានបទពិសោធលេងនៅក្លិបអឺរ៉ុប ៤៤៣ប្រកួត និងបង្ហាញខ្លួនឱ្យក្រុមជំរើសជាតិអូទ្រីស ៦៨លើកផងដែររកបាន ៦គ្រាប់។ សូមបញ្ជាក់ថា Manchester United បច្ចុប្បន្នមានខ្សែបម្រើកណ្តាលតែ ២នាក់ប៉ុណ្ណោះដែលនៅសល់រួមមាន Casemiro និង Fred បន្ទាប់ពី Christian Eriksen មានរបួសជង្គង់ដែលត្រូវសម្រាកដោយចុងខែមេសា។ Marcel Sabitzer ជាកីឡាករទី២ ដែលមកកាន់ Manchester United ក្នុងខែមករានេះបន្ទាប់ពីខ្សែប្រយុទ្ធហូឡង់ Wout Weghorst ផ្ទេរពី Burnley ក្នុងលក្ខខណ្ឌខ្ចីផងដែរ។ ងាកទៅកីឡាករសំខាន់ៗដែលផ្ទេររួចរាល់ក្នុងថ្ងៃចុងក្រោយមានដូចជា៖ Jorginho ផ្លាស់ពី Chelsea ទៅកាន់ Arsenal ក្នុងតម្លៃ ១២លានផោន។ ខ្សែការពារអេស្ប៉ាញ Pedro Porro ផ្លាស់ពី Sporting Lisbon មកកាន់ Tottenham Hotspur ក្នុងកិច្ចសន្យាខ្ចីជាមួយនឹងជម្រើសទិញផ្តាច់ ៤០លានផោន។ Leicester City ទិញបានខ្សែការពារអូស្ត្រាលី Harry Souttar ពី Stoke City តម្លៃ ១៥លានផោន។ Southampton ទិញបានខ្សែប្រយុទ្ធហ្កាណា Kamaldeen Sulemana ពី Rennes ក្នុងតម្លៃ ២២លានផោនបំបែកកំណត់ត្រាក្លិប៕អត្ថបទ៖នាង សុភាវុធ

គណៈមេធាវីបន្ដជ័យជម្នះក្នុងជុំទី២ នៃពានរង្វាន់អន្ដរក្រសួង-ស្ថាប័នលើកទី៨

បាល់ទាត់៖ ក្រុមបាល់ទាត់គណៈមេធាវីនៃព្រះរាជាណាចក្រកម្ពុជាបន្ថែម ៣ពិន្ទុទៀតហើយក្នុងការប្រកួតជុំទី២ ពូល F នៃពានរង្វាន់មិត្តភាពយុវជនអន្ដរក្រសួង-ស្ថាប័នលើកទី៨ ឆ្នាំ២០២៣ ក្រោយយកឈ្នះក្រុមក្រសួងរៀបចំដែនដី នគរូបនីយកម្ម និងសំណង់ ដោយលទ្ធផល ១-០ កាលពីថ្ងៃទី៣១ ខែមករាម្សិលមិញ។ ជំនួបនៅទីលាន The Blue Sports Arena នេះ ក្រុមទាំងពីរធ្វើបានយ៉ាងល្អរៀងៗខ្លួនដែលស្ទើរតែគ្មានគ្រាប់បាល់កើតឡើងនោះទេ គ្រាដែលគ្រាប់បាល់ជ័យជម្នះរបស់ក្រុមគណៈមេធាវី គឺជាគ្រាប់បាល់ភ្លាត់ចូលទីខ្លួនឯងដែលបង្កកំហុសដោយខ្សែកាករពារក្រុមក្រសួងរៀបចំដែនដី នគរូបនីយកម្ម និងសំណង់ កីឡាករ វ៉ា ផារិទ្ធ នៅនាទី១៣ ហើយបានរក្សាដល់ចប់ការប្រកួតពេញម៉ោងតែម្ដង។ជ័យជម្នះនេះនាំឲ្យក្រុមគណៈមេធាវីនៃព្រះរាជាណាចក្រកម្ពុជា បន្ដឈរកំពូលតារាងពូល F និងរកបាន ៦ពិន្ទុពេញ បន្ទាប់ពីទទួលបានជ័យជម្នះ ២ប្រកួតផ្ទួនៗនៃពានរង្វាន់មិត្តភាពយុវជនអន្ដរក្រសួង-ស្ថាប័នលើកទី៨។ រីឯក្រុមក្រសួងរៀបចំដែនដី នគរូបនីយកម្ម និងសំណង់បានធ្លាក់មកឈរលេខ៣ ក្នុងពូលដោយរក្សា ១ពិន្ទុក្នុងដៃស្មើក្រុមធនាគារជាតិនៃកម្ពុជាដដែល៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ប្រធាន AFC ជាប់ឆ្នោតមួយអាណត្តិទៀត ខណៈអារ៉ាប៊ីសាអ៊ូឌីតគឺជាម្ចាស់ផ្ទះជើងឯកអាស៊ីឆ្នាំ២០២៧

អាយុ ៥៦ឆ្នាំ Kazuyoshi Miura នៅតែបន្តលេងបាល់អាជីព ក្រោយផ្លាស់ទៅក្លិបនៅលីគទី២ ព័រទុយហ្កាល់

Manchester United ឈ្នះ Nottingham ឡើងជួប Newcastle វគ្គផ្តាច់ព្រ័ត្រ Carabao Cup

បាល់ទះកម្ពុជាប្រកួតជាមួយបារាំង មុនលេងពានមិត្តភាពក្នុងតំបន់ត្រៀមស៊ីហ្គេម២០២៣

Christian Eriksen រងរបួសកជើងត្រូវសម្រាកដល់ចុងខែមេសា

ថ្ងៃបិទទីផ្សារទិញដូរកីឡាករ Nottingham Forest យកបានកីឡាករថ្មី ៣នាក់ទៀត

Enzo Fernandez ផ្លាស់មកកាន់ Chelsea ផ្លូវការក្នុងតម្លៃផ្ទេរបំបែកកំណត់ត្រាក្លិបអង់គ្លេស

Manchester United ខ្ចីខ្សែបម្រើអូទ្រីស Marcel Sabitzer ពី Bayern Munich

គណៈមេធាវីបន្ដជ័យជម្នះក្នុងជុំទី២ នៃពានរង្វាន់អន្ដរក្រសួង-ស្ថាប័នលើកទី៨

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ប្រធាន AFC ជាប់ឆ្នោត​មួយ​អាណត្តិ​ទៀត ​ខណៈ​អារ៉ាប៊ីសាអ៊ូឌីត​គឺជា​ម្ចាស់ផ្ទះ​ជើងឯក​អាស៊ី​ឆ្នាំ​២០២៧

អាយុ ៥៦ឆ្នាំ Kazuyoshi Miura នៅតែ​បន្ត​លេង​បាល់​អាជីព​ ក្រោយ​ផ្លាស់​ទៅ​ក្លិប​នៅ​លី​គ​ទី២ ព័រទុយហ្កាល់​

Manchester United ឈ្នះ Nottingham ឡើង​ជួប Newcastle វគ្គ​ផ្តាច់ព្រ័ត្រ Carabao Cup

បាល់ទះ​កម្ពុជា​ប្រកួត​ជាមួយ​បារាំង មុន​លេង​ពាន​មិត្តភាព​ក្នុង​តំបន់​ត្រៀម​ស៊ី​ហ្គេម​២០២៣

Christian Eriksen រងរបួស​កជើង​ត្រូវ​សម្រាក​ដល់​ចុងខែ​មេសា

ថ្ងៃ​បិទ​ទីផ្សារ​ទិញដូរ​កីឡាករ Nottingham Forest យកបាន​កីឡាករ​ថ្មី ៣នាក់​ទៀត​

Enzo Fernandez ផ្លាស់​មកកាន់ Chelsea ផ្លូវការ​ក្នុងតម្លៃ​ផ្ទេរ​បំបែក​កំណត់ត្រា​ក្លិប​អង់គ្លេស

Manchester United ខ្ចី​ខ្សែបម្រើ​អូទ្រីស Marcel Sabitzer ពី Bayern Munich

គណៈមេធាវី​បន្ដ​ជ័យជម្នះ​ក្នុង​ជុំ​ទី​២ នៃ​ពានរង្វាន់​អន្ដរក្រសួង​-​ស្ថាប័ន​លើក​ទី​៨

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធាន AFC ជាប់ឆ្នោតមួយអាណត្តិទៀត ខណៈអារ៉ាប៊ីសាអ៊ូឌីតគឺជាម្ចាស់ផ្ទះជើងឯកអាស៊ីឆ្នាំ២០២៧

អាយុ ៥៦ឆ្នាំ Kazuyoshi Miura នៅតែបន្តលេងបាល់អាជីព ក្រោយផ្លាស់ទៅក្លិបនៅលីគទី២ ព័រទុយហ្កាល់

Manchester United ឈ្នះ Nottingham ឡើងជួប Newcastle វគ្គផ្តាច់ព្រ័ត្រ Carabao Cup

បាល់ទះកម្ពុជាប្រកួតជាមួយបារាំង មុនលេងពានមិត្តភាពក្នុងតំបន់ត្រៀមស៊ីហ្គេម២០២៣

Christian Eriksen រងរបួសកជើងត្រូវសម្រាកដល់ចុងខែមេសា

ថ្ងៃបិទទីផ្សារទិញដូរកីឡាករ Nottingham Forest យកបានកីឡាករថ្មី ៣នាក់ទៀត

Enzo Fernandez ផ្លាស់មកកាន់ Chelsea ផ្លូវការក្នុងតម្លៃផ្ទេរបំបែកកំណត់ត្រាក្លិបអង់គ្លេស

Manchester United ខ្ចីខ្សែបម្រើអូទ្រីស Marcel Sabitzer ពី Bayern Munich

គណៈមេធាវីបន្ដជ័យជម្នះក្នុងជុំទី២ នៃពានរង្វាន់អន្ដរក្រសួង-ស្ថាប័នលើកទី៨