BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

មន្ដ្រី NOCC រំពឹងគម្រោងអភិវឌ្ឍន៍ប្រព័ន្ធកីឡាជាតិនឹងផ្ដល់ប្រយោជន៍រួមដល់គ្រប់សហព័ន្ធ

កីឡាជាតិ៖ ដោយទទួលបានជំនួយពីអង្គការសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា សហការជាមួយស្ថាប័នអត្តពលកម្មពិភពលោក World Athletics និងសហព័ន្ធខ្មែរកីឡាអត្តពលកម្មបានបន្ដរៀបចំគម្រោងសាមគ្គីអូឡាំពិក ស្តីពីការអភិវឌ្ឍប្រព័ន្ធកីឡាជាតិសម្រាប់កីឡាអត្តពលកម្ម ដើម្បីជំរុញការរៀបចំប្រព័ន្ធគ្រប់គ្រង ដឹកនាំ និងអភិវឌ្ឍន៍វិស័យកីឡាអត្តពលកម្មមួយនេះឲ្យរីកចម្រើន ស្របតាមស្ដង់ដារត្រឹមត្រូវ។លោក ប៊ុយ សុភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា (NOCC) បានថ្លែងក្នុងសន្និសីទសារព័ត៌មានកាលពីល្ងាចថ្ងៃអង្គារថា គម្រោងនេះមានរយៈពេល ១ឆ្នាំ គិតចាប់ពីខែសីហា ឆ្នាំ២០២២ ដល់ចុងខែកក្កដា ឆ្នាំ២០២៣។ ប៉ុន្ដែនេះជាលើកទី២ ហើយដែលអ្នកជំនាញអន្ដរជាតិលោក Oliver Scheer បានធ្វើទស្សនៈកិច្ចនៅកម្ពុជាចាប់ពីថ្ងៃទី២៦ ដល់ថ្ងៃទី៣១ ខែមករា ក្នុងគោលបំណងដើម្បីរៀបចំសិក្ខាសាលាស្តីពីវាយតម្លៃរចនាសម្ព័ន្ធ/យុទ្ធសាស្ត្រគម្រោង និងរៀបចំប្រព័ន្ធនៃការបង្វឹកដោយសហការជាមួយសហព័ន្ធ។ មន្ដ្រីគណៈកម្មាធិការជាតិអូឡាំពិកកម្ពុជាបន្ថែមថា គម្រោងនេះគឺមានសារៈសំខាន់ណាស់ មិនត្រឹមតែសហព័ន្ធខ្មែរកីឡាអត្តពលកម្មនោះទេ គឺផ្ដល់អត្ថប្រយោជន៍ជារួម ដែលសហព័ន្ធកីឡាជាតិដទៃក៏អាចយកទៅអនុវត្តបានដែរ ដើម្បីធានាបាននូវការរៀបចំរចនាសម្ព័ន្ធគ្រប់គ្រង ដឹកនាំ និងអភិវឌ្ឍន៍កីឡានីមួយៗឲ្យកាន់តែរីកចម្រើន ស្របតាមគោលការណ៍កីឡាអន្ដរជាតិ។ យ៉ាងណាមិញលោកថា ប្រសិនបើគម្រោងនេះទទួលបានជោគជ័យ NOCC គ្រោងនឹងស្នើសុំអង្គការសាមគ្គីអូឡាំពិក ដើម្បីរៀបចំដល់សហព័ន្ធកីឡាផ្សេងៗទៀតផងដែរ។ ទន្ទឹមជាមួយគ្នាលោក Oliver Scheer បានកោតសរសើរ និងវាយតម្លៃខ្ពស់ចំពោះកិច្ចសហការ និងការចូលរួមរបស់ថ្នាក់ដឹកនាំ ក៏ដូចជាភាគីពាក់ព័ន្ធរបស់សហព័ន្ធដែលជំរុញឲ្យគម្រោងសាមគ្គីអូឡាំពិក ស្តីពីការអភិវឌ្ឍប្រព័ន្ធកីឡាជាតិសម្រាប់កីឡាអត្តពលកម្ម ដែលផ្ដោតសំខាន់លើប្រភេទកីឡាអូឡាំពិកនេះ ដំណើរការដោយរលូន និងប្រកបដោយផ្លែផ្កា។ លោកសង្ឃឹមថា តាមរយៈគម្រោងនេះនឹងរួមចំណែកអភិវឌ្ឍន៍វិស័យកីឡាអត្តពលកកម្ពុជានាថ្ងៃអនាគត ពិសេសស្របតាមផែនការអភិវឌ្ឍន៍ឆ្នាំ២០៣០ របស់សហព័ន្ធតែម្ដង៕អត្ថបទ៖ លី ឈុនឡា

សម្ដេចពិជ័យសេនា ទៀ បាញ់ ជំរុញការសាងសង់ភូមិកីឡា និងត្រូវប្រគល់ត្រឹមចុងខែមីនា

ស៊ីហ្គេម៖ សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ បានជំរុញក្រុមហ៊ុនសាងសង់ភូមិកីឡាត្រូវពន្លឿនការសាងសង់ឲ្យបានទាន់ពេលវេលា និងត្រូវប្រគល់ត្រឹមចុងខែមីនា ដើម្បីធានាបាននូវការរៀបចំរួចរាល់សម្រាប់ទទួលស្វាគមន៍ប្រតិភូ និងអត្តពលិកប្រមាណ ៧ពាន់នាក់ដែលត្រូវស្នាក់នៅ និងហូបចុកនៅទីនោះ ដើម្បីចូលរួមការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ ការជំរុញនេះធ្វើឡើងក្នុងកិច្ចប្រជុំនៅថ្ងៃទី៣១ ខែមករា ឆ្នាំ២០២២៣ នេះ បន្ទាប់ពីសម្ដេចពិជ័យសេនា ទៀ បាញ់ អមដំណើរដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍គណៈកម្មាធិការរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ព្រមទាំងប្រតិភូ និងគណៈកម្មការពាក់ព័ន្ធបានចុះត្រួតពិនិត្យទីតាំងជាក់ស្ដែងនៃការសាងសង់ភូមិកីឡា និងហេដ្ឋារចនាសម្ព័ន្ធមួយចំនួនក្នុងពហុកីឡដ្ឋានជាតិមរតកតេជោ ។ ថ្លែងប្រាប់អ្នកសារព័ត៌មានក្រោយបញ្ចប់កិច្ចប្រជុំ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានបញ្ជាក់ថា បន្ទាប់ពីពិធីរាប់ថយក្រោយ ១០០ថ្ងៃគឺជាពេលវេលាត្រូវរន្ថើន និងពន្លឿនគ្រប់ការងារសេសសល់ ពិសេសការសាងសង់ភូមិកីឡា ដោយសម្ដេចពិជ័យសេនា បានជំរុញឲ្យគណៈកម្មការស្នាក់នៅ ហូបចុក និងដឹកជញ្ជូនត្រូវធ្វើការងារជាប់ជាមួយក្រុមហ៊ុនសាងសង់ ពោលគឺត្រូវតាមដាន និងផ្ដល់យោបល់រាល់ថ្ងៃ ដើម្បីធានាបាននូវការសាងសង់ភូមិកីឡាតាមការកំណត់។ ឯកឧត្តមបន្ដថា ភូមិកីឡានឹងត្រូវទទួលស្វាគមន៍ប្រតិភូកីឡាយ៉ាងហោច ៦ពាន់នាក់ក្នុងចំណោមជាង ៧ពាក់នាក់ ដែលត្រូវមកចូលរួមប្រកួតស៊ីហ្គេមនៅកម្ពុជា ហើយអត្តពលិកផ្សេងទៀត ខ្លះត្រូវប្រកួតតាមខេត្ត និងស្នាក់នៅតាមសណ្ឋាគារនានា។ ប៉ុន្ដែបច្ចុប្បន្នភូមិកីឡាទើបទទួលបានជាង ១,៨៣០គ្រែ និងខែកុម្ភៈនឹងទទួលបានជាង ២ពាន់គ្រែង ហើយខែមីនាដែលជាខែចុងក្រោយត្រូវទទួលគ្រប់ជាង ៦ពាន់គ្រែ។ ដូច្នេះការងារនេះត្រូវបានយកចិត្តទុកដាក់ខ្ពស់ ប្រសិនបើមិនទាន់ពេលវេលានឹងមានហានិភ័យខ្ពស់។ យ៉ាងណាមិញអ្នកឧកញ៉ា សៀ ឬទ្ធី ប្រធានក្រុមហ៊ុន World Bridge Sport Village ដែលជាក្រុមហ៊ុនទទួលបានសិទ្ធិសាងសង់បានអះអាង និងផ្ដល់សក្ខីកម្មជាថ្មី ដោយសន្យានឹងពន្លឿនការសាងសង់ឲ្យបានរួចរាល់តាមផែនការ ដ្បិតបច្ចុប្បន្នកម្លាំងកម្មករជិត ៣ពាន់នាក់ត្រូវបានសម្រុកចូលសាងសង់ភូមិកីឡា ហើយសង្ឃឹមថានឹងរួចរាល់ ក៏ដូចជាប្រគល់ជូនគណៈកម្មាធិការជាតិ CAMSOC នៅចុងខែមីនាខាងមុខ។ នេះបើតាមការបញ្ជាក់បន្ថែមរបស់ឯកឧត្តម វ៉ាត់ ចំរើន៕ អត្ថបទ៖ លី ឈុនឡា

Graham Arnold នឹងបន្តដឹកនាំក្រុមជម្រើសជាតិអូស្ត្រាលីដល់ឆ្នាំ២០២៦

បាល់ទាត់៖ លោក Graham Arnold នឹងក្លាយជាគ្រូបង្វឹកដំបូងដែលដឹកនាំក្រុមជម្រើសជាតិអូស្ត្រាលីបង្ហាញខ្លួននៅ World Cup ពីរព្រឹត្តិការណ៍ជាប់គ្នា បន្ទាប់ពីចុះហត្ថលេខាបន្តដឹកនាំអូស្ត្រាលី ៤ឆ្នាំបន្ថែមរហូតដល់ World Cup ២០២៦។ កិច្ចសន្យារបស់លោក Graham Arnold បានអស់សុពលភាពនៅពេលអូស្ត្រាលីបញ្ចប់បេសកកម្មនៅ World Cup 2022 នៅកាតាឆ្នាំមុន បន្ទាប់ពីតំណែងរបស់លោកក៏រសើបផងដែរមុន World Cup មកដល់នៅវគ្គជម្រុះ។ យ៉ាងណាក្តីបន្ទាប់ពីជួយអូស្ត្រាលីយកឈ្នះពែរូវគ្គ ១១ម៉ែត្រកាត់សេចក្តីដើម្បីកៅអី World Cup នោះ អូស្ត្រាលីក៏បន្តធ្វើបានល្អទៀតនៅ World Cup ដោយឈ្នះ ២ប្រកួតនៅក្នុងពូល មុនឡើងទៅវគ្គ ១៦ក្រុមចុងក្រោយចាញ់អាហ្សង់ទីន។ ថ្វីបើធ្លាក់មែន អូស្ត្រាលីឈ្នះ ២ប្រកួតក្នុងពូលនេះជាជ័យជំនះធំបំផុតក្នុងប្រវត្តិសាស្ត្រអូស្ត្រាលីនៅ World Cup ផងដែរ។ គោលដៅរបស់លោក Graham Arnold នាពេលបន្ទាប់គឺដណ្តើមជើងឯកបាល់ទាត់ទ្វីបអាស៊ីនៅខែមករា ឆ្នាំ២០២៤, ប្រកួតជម្រុះ World Cup ២០២៦ និងដាក់គោលដៅបន្តធ្វើឱ្យបានល្អជាង World Cup កន្លងទៅនៅកាតាថែមទៀត៕អត្ថបទ៖នាង សុភាវុធ

Arsenal ហ៊ានឲ្យថ្លៃដល់ទៅ ៧០លានផោនទិញ Moises Caicedo តែ Brighton នៅតែមិនព្រមលក់

បាល់ទាត់៖ ក្លិប Brighton ជាថ្មីម្តងទៀតបានបដិសេធសំណើ ៧០លានផោនពីកាំភ្លើងធំ Arsenal ដែលចង់បានខ្សែបម្រើអេក្វាដ័រ Moises Caicedo។ ក្លិបនៅ Premier League, Brighton បានបញ្ជាក់ថា កីឡាករវ័យ ២១ឆ្នាំរូបនេះមិនស្ថិតក្នុងគម្រោងលក់ចេញរបស់ក្លិបឡើយ។ Arsenal និង Chelsea ត្រូវបានគេដឹងថា សុទ្ធតែត្រូវបានបដិសេធដោយ Brighton ពីការចង់បានកីឡាករវ័យ ២១ឆ្នាំរូបនេះ។ Moises Caicedo ក៏បានបញ្ជាក់ទៅកាន់ក្លិបរបស់ខ្លួនផងដែរកាលពីសប្តាហ៍មុន ពីការចង់ចាកចេញតែត្រូវបាន Brighton ប្រាប់ឱ្យទុកពេលវេលាសម្រាកពីការហ្វឹកហាត់ ដល់ថ្ងៃបិទបញ្ចប់នៃទីផ្សារដោះដូរកីឡាករថ្ងៃអង្គារនេះ។ កាលពីថ្ងៃអាទិត្យ Brighton បានយកឈ្នះ Liverpool ឡើងជុំទី FA Cup ខណៈអ្នកចាត់ការលោក Roberto de Zerbi បាននិយាយថា លោកចង់ទុក Caicedo នៅជាមួយក្លិបដល់ចប់រដូវកាលនេះសិន។ Brighton កំពុងឈរលេខ ៦ នៅ Premier League ៥ពិន្ទុដេញពីក្រោយក្រុមលេខ ៥ Tottenham។ រំលឹកថា Moises Caicedo បានបង្ហាញខ្លួន ២៦ប្រកួតឱ្យ Brighton រដូវកាលនេះនៅ Premier League ស៊ុតបញ្ចូលទីបាន ២គ្រាប់ និងមានកិច្ចសន្យាជាមួយក្លិបដល់ឆ្នាំ២០២៥៕អត្ថបទ៖នាង សុភាវុធ

ប្រធានសហព័ន្ធជឺជីតស៊ូជំរុញកីឡាករ-កីឡាការិនីបន្ដខំប្រឹង ក្រោយធ្វើបានល្អក្នុងជើងឯកជាតិ

ជឺជីតស៊ូ៖ លោកបណ្ឌិត សេង ប៊ុនសុង ប្រធានសហព័ន្ធកីឡាជឺជីតស៊ូកម្ពុជា បានជំរុញឲ្យកីឡាករ-កីឡាការិនីកម្ពុជាគ្រប់វ័យត្រូវបន្ដការខំប្រឹងហ្វឹកហាត់បន្ថែមទៀត ដើម្បីសម្រួចគុណផលកម្រិតខ្ពស់ បន្ទាប់ពីពួកគេធ្វើបានល្អក្នុងការប្រកួតជើងឯកថ្នាក់ជាតិឆ្នាំ២០២២ កាលពីចុងសប្ដាហ៍កន្លងទៅ។ បន្ទាប់ពីបញ្ចប់ការប្រកួតប្រចាំឆ្នាំនេះ លោកបានវាយតម្លៃខ្ពស់ចំពោះសន្ទុះរីកចម្រើនរបស់កីឡាករ-កីឡាការិនីជឺជីតស៊ូកម្ពុជាដែលពួកគេធ្វើបានល្អ និងរីកចម្រើនច្រើនទាំងបច្ចេកទេស និងវិន័យ បើធៀបទៅនឹងការប្រកួតកីឡាជាតិ លើកទី៣ កាលពីជាង ២ខែមុន។ ដូច្នេះបើសិនពួកគេបន្ដការខំប្រឹងបន្ថែមទៀត លោកជឿជាក់ថា អនាគតវិស័យកីឡាមួយនេះនឹងកាន់តែរីកចម្រើន។ ដោយឡែកគណៈកម្មការរៀបចំក៏ដំណើរការរៀបចំយ៉ាងរលូន និងទទួលបានជោគជ័យផងដែរ។ តាមរយៈនេះលោកមានសុទិដ្ឋិនិយមថា វិស័យកីឡាជឺជីតស៊ូកម្ពុជាកំពុងរីកចម្រើនគួរឲ្យកត់សម្គាល់ ទាំងធនធានកីឡាករ-កីឡាការិនី និងមន្ដ្រីបច្ចេកទេសដែលជាកិត្តិយសមួយសម្រាប់សហព័ន្ធ ក្នុងការត្រៀមលក្ខណៈធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ ឆ្នាំ២០២៣ នាខែឧសភាខាងមុខ។ គួរដឹងថា ការប្រកួតកីឡាជឺជីតស៊ូជ្រើសរើសជើងឯកថ្នាក់ជាតិឆ្នាំ២០២២ បានធ្វើឡើងរយៈពេល ៣ថ្ងៃពីថ្ងៃទី២៧-២៩ ខែមករា ឆ្នាំ២០២៣ នៅពហុកីឡដ្ឋានជាតិ ដោយមានកីឡាករ-កីឡាការិនីចូលរួមសរុប ២៨នាក់មកពី ៧ក្លិប ក្រោមការឧបត្ថម្ភគាំទ្ររបស់ក្រសួងអប់រំ យុវជន និងកីឡា៕អត្ថបទ៖ លី ឈុនឡា

ក្រសួងអប់រំ, ព្រឹទ្ធសភា និងក្រសួងមុខងារសាធារណៈបន្ដជ័យជម្នះរៀងខ្លួននៃពានអន្ដរក្រសួង

បាល់ទាត់៖ ក្រុមបាល់ទាត់ក្រសួងអប់រំ យុវជន និងកីឡា, អគ្គលេខាធិការដ្ឋានព្រឹទ្ធសភា និងក្រុមក្រសួងមុខងារសាធារណៈបានបន្ថែម ៣ពិន្ទុពេញដូចគ្នាសម្រាប់ការប្រកួតទី២ ក្នុងពូល D និងពូល E នៃការប្រកួតបាល់ទាត់មិត្តភាពយុវជនអន្ដរក្រសួង-ស្ថាប័នលើកទី៨ ឆ្នាំ២០២៣។ សម្រាប់ក្រុមបាល់ទាត់ក្រសួងអប់រំ យុវជន និងកីឡាបានយកឈ្នះក្រសួងសេដ្ឋកិច្ច និងហិរញ្ញវត្ថុដោយលទ្ធផល ១-០ ដែលធ្វើសម្រេចដោយកីឡាករ លី ណារិទ្ធ។ ជ័យជម្នះនេះធ្វើឲ្យក្រសួងអប់រំឈរកំពូលតារាងពូល D មាន ៦ពិន្ទុពេញ គ្រាដែលរាជធានីភ្នំពេញស្គាល់ជ័យជម្នះលើកដំបូង ដោយយកឈ្នះក្រុមក្រសួងប្រៃសណីយ៍ និងទូរគមនាគមន៍ ៣-២ ដើម្បីមាន ៣ពិន្ទុស្មើគ្នាជាមួយក្រុមក្រសួងសេដ្ឋកិច្ច និងហិរញ្ញវត្ថុ។ ចំណែកក្រុមអគ្គលេខាធិការដ្ឋានព្រឹទ្ធសភា បានយកឈ្នះក្រុមអាជ្ញាធរសវនកម្មជាតិ ៥-០ និងក្រសួងមុខងារសាធារណៈយកឈ្នះក្រុមក្រសួងផែនការ ៣-១។ ជ័យជម្នះនេះដែរបានធ្វើឲ្យក្រុមអគ្គលេខាធិការដ្ឋានព្រឹទ្ធសភា និងក្រសួងមុខងារសាធារណៈរក្សាកំណត់ត្រាឈ្នះ និងឈរកៅអីកំពូលតារាងដោយមាន ៦ពិន្ទុស្មើគ្នា បន្ទាប់ពីទទួលបានជ័យជម្នះ ២ប្រកួតផ្ទួនៗ ខណៈក្រសួងផែនការ និងអាជ្ញាធរសវនកម្មជាតិមិនទាន់មានពិន្ទុរាប់នោះទេ៕អត្ថបទ៖ លី ឈុនឡា

Soccer League រកឃើញបេក្ខភាពវគ្គ ១/២ផ្ដាច់ព្រ័ត្រ ២ក្រុម ខណៈ ២ក្រុមទៀតប្រកួតថ្ងៃនេះ

បាល់ទាត់៖ ការប្រកួតបាល់ទាត់ដណ្ដើមពានរង្វាន់ Soccer League លើកទី៦ ឆ្នាំ២០២៣ បានរកឃើញបេក្ខភាពវគ្គពាក់កណ្ដាលផ្ដាច់ព្រ័ត្រចំនួន ២ក្រុមហើយរួមមានក្រុម ស.ស.យ.ក ខណ្ឌពោធិ៍សែនជ័យ និងក្រុមហនុមានអគ្គលេខាធិការដ្ឋានក្រសួងការពារជាតិ គ្រាដែល ២ក្រុមទៀតនឹងត្រូវប្រកួតកាត់សេចក្ដីល្ងាចនេះ។ សម្រាប់ក្រុម ស.ស.យ.ក ខណ្ឌពោធិ៍សែនជ័យបានយកឈ្នះក្រុម Khmer United ដោយលទ្ធផល ៤-២ នៅកីឡដ្ឋាន AIA ស្របពេលក្រុមហនុមានអគ្គលេខាធិការដ្ឋានក្រសួងការពារជាតិ បានយកឈ្នះសម្ព័ន្ធយុវជនមុស្លីមកម្ពុជា ១-០ នៅទីលាន AUPP កាលពីល្ងាចថ្ងៃទី៣០ ខែមករាម្សិលមិញក្នុងជំនួបវគ្គ ៨ក្រុមចុងក្រោយ។ ជ័យជម្នះនេះបានធ្វើឲ្យក្រុមទាំងពីរ ឡើងមកឈរចាំគូប្រកួតនៅវគ្គពាក់កណ្ដាលផ្ដាច់ព្រ័ត្រ ដែលត្រូវប្រកួតវគ្គ ៨ក្រុមចុងក្រោយល្ងាចនេះ រួមមានក្រុម ស.ស.យ.ក ស្រុកខ្សាច់កណ្ដាលជួបក្រុម Royal Mayura Resort ដោយក្រុមឈ្នះត្រូវជួបក្រុមហនុមានអគ្គលេខាធិការដ្ឋានក្រសួងការពារជាតិ និងក្រុម ស.ស.យ.ក ខេត្តកណ្ដាលជួបក្រុម Zaitun ដែលក្រុមឈ្នះនឹងត្រូវជួបក្រុម ស.ស.យ.ក ខណ្ឌពោធិ៍សែនជ័យ។សម្រាប់វគ្គពាក់កណ្ដាលផ្ដាច់ព្រ័ត្រនៃពានរង្វាន់ Soccer League 2023 គ្រោងនឹងធ្វើការប្រកួតនាថ្ងៃទី០៤ និងថ្ងៃទី០៥ ខែកុម្ភៈ និងវគ្គផ្ដាច់ព្រ័ត្រគ្រោងនឹងធ្វើឡើងនាថ្ងៃទី១១ ខែកុម្ភៈ ឆ្នាំ២០២៣ ខាងមុខ៕ អត្ថបទ៖ លី ឈុនឡា

Joao Cancelo អាចផ្លាស់ពី Man City ទៅកាន់ Bayern Munich ក្នុងលក្ខខណ្ឌខ្ចីជើង

បាល់ទាត់៖ ខ្សែការពារព័រទុយហ្កាល់ Joao Cancelo ត្រូវបានគេដឹងថា កំពុងស្ថិតក្រោមការចរចាជាមួយក្លិបអាល្លឺម៉ង់ Bayern Munich ពីលទ្ធភាពផ្លាស់ទៅកាន់ Bundesliga ក្នុងលក្ខខណ្ឌខ្ចីជើង។ សំណើផ្ទេរបស់កីឡាករវ័យ ២៨ឆ្នាំរូបនេះនៅមិនទាន់បំពេញសព្វគ្រប់នៅឡើយ តែក្នុងសំណើខ្ចីនោះមានភ្ជាប់ជាមួយលក្ខខណ្ឌទិញផ្តាច់នៅចប់រដូវកាលនេះក្នុងតម្លៃ ៧០លានអឺរ៉ូ។ កីឡាករវ័យ ២៨ឆ្នាំ Joao Cancelo បានផ្លាស់មកកាន់ Manchester City ពី Juventus កាលពីឆ្នាំ២០១៩ ក្នុងតំលៃ ៣៤លានផោន និងបានបង្ហាញខ្លួនសរុបនៅ Premier League ចំនួន ៩៨លើករួចមកហើយ និងឈ្នះជើងឯក English Premier League ពីរលើក រួមជាមួយ EFL Cup មួយលើកក្រោមការដឹកនាំរបស់លោក Pep Guardiola។ Cancelo ត្រូវបានគេមើលឃើញថា ជាកីឡាករសំខាន់ក្នុងក្រុមរបស់លោក Pep តែក្រោយមកពី World Cup គេបង្ហាញខ្លួនបានតែ ៣លើកប៉ុណ្ណោះ ហើយក្នុងនោះ ២លើកក្នុងការប្រកួតដែល Manchester City ចាញ់ Manchester United និង Southampton។ ការរីកលូតលាស់នៃកីឡាករយុវជន Rico Lewis និង Nathan Ake ធ្វើឱ្យលោក Pep Guardiola មានអារម្មណ៍គ្រប់គ្រាន់ហើយនៅតំបន់ការពារ និងអាចបំពេញចន្លោះនៃការចាកចេញរបស់ Joao Cancelo បាន៕អត្ថបទ៖នាង សុភាវុធ

Barcelona និង Real Madrid ត្រូវជួបគ្នាវគ្គពាក់កណ្តាលផ្តាច់ព្រ័ត្រ Copa del Rey

បាល់ទាត់៖ ក្លិបយក្សនៅអេស្ប៉ាញទាំងពីរ Barcelona និង Real Madrid នឹងត្រូវជួបគ្នានៅវគ្គពាក់កណ្តាលផ្តាច់ព្រ័ត្រ Copa del Rey បន្ទាប់ពីការចាប់ឆ្នោតវគ្គ ៤ក្រុមចុងក្រោយនៅថ្ងៃចន្ទម្សិលមិញ។ ជើងទី១ វគ្គពាក់កណ្តាលផ្តាច់ព្រ័ត្រនឹងធ្វើនៅកីឡដ្ឋាន Santiago Bernabeu មុនត្រលប់ទៅកាន់ទឹកដី Nou Camp វិញជើងទី២។ Osasuna និង Athletic Bilbao ជួបគ្នានៅវគ្គពាក់កណ្តាលផ្តាច់ព្រ័ត្រ ១គូទៀត។ ការប្រកួតជើងទី១ នឹងធ្វើនៅថ្ងៃទី២៨ ខែកុម្ភៈ ខណៈជើងទី២ លេងនៅសប្តាហ៍បន្ទាប់។ រំលឹកថា Barcelona ធ្លាប់ជួបគ្នានៅ Copa del Rey ចំនួន ៣៥លើក Real Madrid ឈ្នះ ១២ Barcelona ឈ្នះ ១៥ និងស្មើ ៨ ហើយជំនួបនៅចុងខែនេះដែរនឹងជាការជួបគ្នាលើកទី២៨៦ ក្នុងប្រវត្តិសាស្ត្រក្រុមទាំងពីរ៕អត្ថបទ៖នាង សុភាវុធ

Chelsea ងាកមក Enzo Fernandez ជាមួយនឹងសំណើ ១០៥លានផោនទៅកាន់ Benfica

បាល់ទាត់៖ ក្លិបតោខៀវ Chelsea បានត្រលប់មកកាន់ការចរចាជាមួយ Benfica សាជាថ្មីក្នុងការនាំយកខ្សែបម្រើជ័យលាភី World Cup ជាមួយអាហ្សង់ទីន Enzo Fernandez។ Fernandez ដែលជាកីឡាកររបស់ Benfica កាលពីខែសីហានោះមានតម្លៃទិញផ្តាច់កុងត្រា ១០៥លានផោន ហើយជាមួយគ្នានោះដែរក្លិបព័រទុយហ្កាល់មួយនេះបានដាក់តម្លៃលក់ Enzo Fernandez ក្នុងតម្លៃ ១២០លានផោន តែ Chelsea ហ៊ានឱ្យត្រឹមក្រោម ១០០លានផោនប៉ុណ្ណោះកាលពីដើមខែមករាកន្លងមក។ ស្របពេលដែលទីផ្សាដោះដូរកីឡាករក្នុងខែមករានេះនឹងបិទបញ្ចប់ត្រឹមយប់ថ្ងៃអង្គារនេះ Chelsea បានបញ្ចេញសំណើរបស់ខ្លួនសាជាថ្មីជាមួយនឹងតម្លៃ ១០៥លានផោន រង់ចាំតែការសម្រេចចិត្តរបស់ Benfica ប៉ុណ្ណោះ។ ប្រសិន Enzo Fernandez ផ្លាស់មកកាន់ Stamford Bridge បានសំរេចមែន មានន័យថាគេនឹងក្លាយជាកីឡាករដែលមានតម្លៃផ្ទេរថ្លៃបំផុតនៅចក្រភពអង់គ្លេស បំបែកកំណត់ត្រាចាស់ Jack Grealish ដែលផ្លាស់ពី Aston Villa ទៅកាន់ Manchester City តម្លៃ ១០០លានផោនកាលពីឆ្នាំ២០២១។ គិតមកដល់ពេលនេះ Chelsea បានចំណាយលុយនាំចូលកីឡាករថ្មីក្នុងខែមករានេះប្រមាណ ១៦០លានផោនមកហើយដែលរួមមាន Noni Madueke, Mykhailo Mudryk, David Dastro Fofana, Andrey Santos, Benoit Badiashile ខ្ចី Joao Felix ពី Atletico Madrid និង Malo Gusto ពី Lyon៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

មន្ដ្រី NOCC រំពឹងគម្រោងអភិវឌ្ឍន៍ប្រព័ន្ធកីឡាជាតិនឹងផ្ដល់ប្រយោជន៍រួមដល់គ្រប់សហព័ន្ធ

សម្ដេចពិជ័យសេនា ទៀ បាញ់ ជំរុញការសាងសង់ភូមិកីឡា និងត្រូវប្រគល់ត្រឹមចុងខែមីនា

Graham Arnold នឹងបន្តដឹកនាំក្រុមជម្រើសជាតិអូស្ត្រាលីដល់ឆ្នាំ២០២៦

Arsenal ហ៊ានឲ្យថ្លៃដល់ទៅ ៧០លានផោនទិញ Moises Caicedo តែ Brighton នៅតែមិនព្រមលក់

ប្រធានសហព័ន្ធជឺជីតស៊ូជំរុញកីឡាករ-កីឡាការិនីបន្ដខំប្រឹង ក្រោយធ្វើបានល្អក្នុងជើងឯកជាតិ

ក្រសួងអប់រំ, ព្រឹទ្ធសភា និងក្រសួងមុខងារសាធារណៈបន្ដជ័យជម្នះរៀងខ្លួននៃពានអន្ដរក្រសួង

Soccer League រកឃើញបេក្ខភាពវគ្គ ១/២ផ្ដាច់ព្រ័ត្រ ២ក្រុម ខណៈ ២ក្រុមទៀតប្រកួតថ្ងៃនេះ

Joao Cancelo អាចផ្លាស់ពី Man City ទៅកាន់ Bayern Munich ក្នុងលក្ខខណ្ឌខ្ចីជើង

Barcelona និង Real Madrid ត្រូវជួបគ្នាវគ្គពាក់កណ្តាលផ្តាច់ព្រ័ត្រ Copa del Rey

Chelsea ងាកមក Enzo Fernandez ជាមួយនឹងសំណើ ១០៥លានផោនទៅកាន់ Benfica

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

មន្ដ្រី NOCC រំពឹង​គម្រោង​អភិវឌ្ឍន៍​ប្រព័ន្ធ​កីឡា​ជាតិ​នឹង​ផ្ដល់​ប្រយោជន៍​រួម​ដល់​គ្រប់​សហព័ន្ធ​

សម្ដេច​ពិជ័យ​សេនា ទៀ បាញ់ ជំរុញ​ការសាងសង់​ភូមិ​កីឡា និង​ត្រូវ​ប្រគល់​ត្រឹម​ចុងខែ​មីនា

Graham Arnold នឹង​បន្ត​ដឹកនាំ​ក្រុម​ជម្រើសជាតិ​អូស្ត្រាលី​ដល់​ឆ្នាំ​២០២៦

Arsenal ហ៊ាន​ឲ្យ​ថ្លៃ​ដល់​ទៅ ៧០​លាន​ផោន​ទិញ Moises Caicedo តែ Brighton នៅតែ​មិន​ព្រម​លក់

ប្រធាន​សហព័ន្ធ​ជឺ​ជី​តស៊ូ​ជំរុញ​កីឡាករ​-​កីឡាការិនី​បន្ដ​ខំប្រឹង ក្រោយ​ធ្វើ​បានល្អ​ក្នុង​ជើងឯក​ជាតិ

ក្រសួង​អប់រំ​, ព្រឹទ្ធសភា និង​ក្រសួង​មុខងារ​សាធារណៈ​បន្ដ​ជ័យជម្នះ​រៀងខ្លួន​នៃ​ពាន​អន្ដរក្រសួង

Soccer League រកឃើញបេក្ខភាពវគ្គ ១/២ផ្ដាច់ព្រ័ត្រ ២ក្រុម ខណៈ ២ក្រុមទៀតប្រកួតថ្ងៃនេះ

Joao Cancelo អាច​ផ្លាស់​ពី Man City ទៅកាន់ Bayern Munich ក្នុង​លក្ខខណ្ឌ​ខ្ចី​ជើង

Barcelona និង Real Madrid ត្រូវ​ជួបគ្នា​វគ្គ​ពាក់កណ្តាល​ផ្តាច់ព្រ័ត្រ Copa del Rey

Chelsea ងាក​មក Enzo Fernandez ជាមួយនឹង​សំណើ ១០៥​លាន​ផោន​ទៅកាន់ Benfica

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ដ្រី NOCC រំពឹងគម្រោងអភិវឌ្ឍន៍ប្រព័ន្ធកីឡាជាតិនឹងផ្ដល់ប្រយោជន៍រួមដល់គ្រប់សហព័ន្ធ

សម្ដេចពិជ័យសេនា ទៀ បាញ់ ជំរុញការសាងសង់ភូមិកីឡា និងត្រូវប្រគល់ត្រឹមចុងខែមីនា

Graham Arnold នឹងបន្តដឹកនាំក្រុមជម្រើសជាតិអូស្ត្រាលីដល់ឆ្នាំ២០២៦

Arsenal ហ៊ានឲ្យថ្លៃដល់ទៅ ៧០លានផោនទិញ Moises Caicedo តែ Brighton នៅតែមិនព្រមលក់

ប្រធានសហព័ន្ធជឺជីតស៊ូជំរុញកីឡាករ-កីឡាការិនីបន្ដខំប្រឹង ក្រោយធ្វើបានល្អក្នុងជើងឯកជាតិ

ក្រសួងអប់រំ, ព្រឹទ្ធសភា និងក្រសួងមុខងារសាធារណៈបន្ដជ័យជម្នះរៀងខ្លួននៃពានអន្ដរក្រសួង

Joao Cancelo អាចផ្លាស់ពី Man City ទៅកាន់ Bayern Munich ក្នុងលក្ខខណ្ឌខ្ចីជើង

Barcelona និង Real Madrid ត្រូវជួបគ្នាវគ្គពាក់កណ្តាលផ្តាច់ព្រ័ត្រ Copa del Rey

Chelsea ងាកមក Enzo Fernandez ជាមួយនឹងសំណើ ១០៥លានផោនទៅកាន់ Benfica