BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Everton តែងតាំងអ្នកចាត់ការថ្មីលោក Sean Dyche ផ្លូវការ ក្រោយមិនត្រូវរ៉ូវជាមួយ Marcelo Bielsa

បាល់ទាត់៖ ក្លិបដែលកំពុងដុនដាបនៅ Premier League, Everton បានប្រកាសតែងតាំងអ្នកចាត់ការថ្មីលោក Sean Dyche ផ្លូវការ បន្ទាប់ពីការចរចាមិនត្រូវរ៉ូវគ្នាជាមួយលោក Marcelo Bielsa។ ក្លិបស្ករគ្រាប់ Everton បានបញ្ចប់តំណែងលោក Frank Lampard កាលពីសប្តាហ៍មុន ខណៈ Everton ធ្លាក់ដល់លេខ ១៩ នៅ Premier League នៅពីក្រោមតំបន់សុវត្ថិភាព ២ពិន្ទុ។ បុរសវ័យ ៥១ឆ្នាំ Sean Dyche បានចុះហត្ថលេខានៅទឹកដី Goodison Park រយៈពេល ២ឆ្នាំកន្លះ បន្ទាប់ពីនៅទំនេរពីការងារតាំងពីខែមេសាមុនក្រោយពេល Burnley បញ្ចប់តំណែង។ មុនឈានដល់ការតែងតាំងលោក Dyche នេះ Everton បានចរចាជាមួយអតីតអ្នកចាត់ការ Leeds លោក Marcelo Bielsa មុន តែមិនត្រូវរ៉ូវគ្នា។ កិច្ចការដំបូងរបស់លោក Sean Dyche នៅ Everton គឺទទួលស្វាគមន៍ក្រុមកំពូលតារាង Arsenal ចុងសប្តាហ៍នេះ៕អត្ថបទ៖នាង សុភាវុធ

Chris Wakelin គ្រងជើងឯកស្នូកឃ័រ Shoot Out លើកដំបូងក្នុងអាជីព

ស្នូកឃ័រ៖ កីឡាករស្នូកឃ័រអង់គ្លេស Chris Wakelin បានគ្រងជើងឯកស្នូកឃ័រដែលរាប់បញ្ចូលក្នុង Ranking ជាលើកដំបូងក្នុងអាជីពតាមរយៈការឈ្នះជើងឯក Shoot Out។ កីឡាករវ័យ ៣០ឆ្នាំអង់គ្លេសរូបនេះបានយកឈ្នះការប្រកួតនៅវគ្គផ្តាច់ព្រ័ត្រ លើគូប្រកួតវ័យក្មេងសញ្ជាតិប៊ែលហ្ស៊ិក Julien Leclercq ដោយវាយមួយឈើបានដល់ទៅ ១១៩ពិន្ទុ ខ្ពស់បំផុតក្នុងការប្រកួតកម្មវិធីទាំងមូលដែលរៀបចំនៅទីក្រុង Leicester ឆ្នាំនេះ។ បច្ចុប្បន្នឈរលេខ ៤៧ ពិភពលោក Chris Wakelin ទទួលបានប្រាក់រង្វាន់ ៥០០០០ផោនក្នុងនាមជាជើងឯក និង ៥០០០ផោនផ្សេងទៀតជារង្វាន់ដែលវាយ ១ឈើបានច្រើនពិន្ទុជាងគេក្នុងព្រឹត្តិការណ៍។ សូមបញ្ជាក់ថា ការប្រកួតស្នូកឃ័រ Shoot Out ខុសពីការប្រកួតស្នូកឃ័រផ្សេងទៀត ពោលគឺកីឡាករទាំងអស់ត្រូវលេងតែហ្វ្រេមប៉ុណ្ណោះ ជាមួយនឹងពេលវេលាកំណត់ត្រឹម ១០នាទី ហើយ ៥នាទីដំបូងកីឡាករមានពេលគិតត្រឹម ១៥វិនាទីដើម្បីវាយគ្រាប់ប៊ី ហើយ ៥នាទីចុងក្រោយមានពេលត្រឹម ១០វិនាទីប៉ុណ្ណោះ។ តាំងពីរាប់បញ្ចូលក្នុងលំដាប់ Ranking នៅឆ្នាំ២០១៧ ស្នូកឃ័រ Shoot Out មានអ្នកឈ្នះជើងឯកផ្សេងៗគ្នារួមមាន Anthony McGill, Michael Georgiou, Thepchaiya Un-Nooh, Michael Holt, Ryan Day, Hossein Vafaei និង Chris Wakelin ឆ្នាំនេះ៕អត្ថបទ៖នាង សុភាវុធ

Kieran Trippier បន្តកិច្ចសន្យានៅជាមួយ Newcastle ដល់ឆ្នាំ២០២៥

បាល់ទាត់៖ ខ្សែការពារអង់គ្លេស Kieran Trippier បានសម្រេចចុះកិច្ចសន្យាថ្មីជាមួយ Newcastle United ដែលនឹងរក្សារូបគេនៅ St James Park ដល់ឆ្នាំ២០២៥។ កីឡាករវ័យ ៣២ឆ្នាំរូបនេះបានផ្លាស់មកកាន់ Newcastle ពី Atletico Madrid កាលពីឆ្នាំមុន។ Kieran Trippier ជាសមាជិកដ៏សំខាន់របស់លោក Eddie Howe នៅតំបន់ការពារដ៏រឹងមាំរបស់ Newcastle រដូវកាលនេះដែលរក្សាសំណាញ់ទីបានដល់ទៅ ១៦ប្រកួតគ្រប់ក្របខណ្ឌ។ Kieran Trippier បានចាត់ទុកទម្រង់លេងរបស់ខ្លួនបច្ចុប្បន្នស្ថិតក្នុងកម្រិតខ្ពស់ និងជោគជ័យបំផុតនៃអាជីពរបស់ខ្លួន។ Newcastle របូតគ្រាប់បាល់ត្រឹម ១១គ្រាប់ប៉ុណ្ណោះរដូវកាលនេះតាមរយៈប្រព័ន្ធការពារដ៏រឹងមាំ បូករួមជាមួយនឹងអ្នកចាំទីអង់គ្លេស Nick Pope ផងដែរ។ Newcastle បានឈានឡើងដល់វគ្គពាក់កណ្តាលផ្តាច់ព្រ័ត្រ Carabao Cup និងបានយកឈ្នះ Southampton នៅជើងទី១ ហើយក៏កំពុងឈរលេខ៣ នៅ Premier League ផងដែរស្មើពិន្ទុគ្នាជាមួយក្រុមលេខ៤ Manchester United៕អត្ថបទ៖នាង សុភាវុធ

Newcastle ព្រមព្រៀងទិញខ្សែបម្រើ Anthony Gordon តម្លៃ ៤៥លានផោនពី Everton

បាល់ទាត់៖ ក្រុមសារិកាព្រៃ Newcastle បានឈានដល់កិច្ចព្រមព្រៀងហើយក្នុងការនាំយកខ្សែប្រយុទ្ធអង់គ្លេស Anthony Gordon ពី Everton ក្នុងតម្លៃផ្ទេរ ៤៥លានផោន។ មួយរយៈចុងក្រោយនេះ Gordon បានអវត្តមានពីការហ្វឹកហាត់ជាមួយ Everton និងទើបតែត្រលប់មកហ្វឹកហាត់វិញកាលពីថ្ងៃសុក្រ។ ខ្សែបម្រើវ័យ ២១ឆ្នាំរូបនេះក៏ជាគោលដៅរបស់ Chelsea ផងដែរកាលពីដើមរដូវកាល តែនៅពេលនោះ Everton ទាថ្លៃដល់ទៅ ៦០លានផោនធ្វើឱ្យ Chelsea ដកខ្លួន។ Anthony Gordon គឺជាកីឡាករយុវជនថ្នាលរបស់ Everton តាំងពីឆ្នាំ២០១២ និងបានឡើងមកលេងក្រុមធំនៅឆ្នាំ២០២០ បង្ហាញខ្លួនបាន ៦៥ប្រកួតមកទល់ពេលនេះរកបាន ៧គ្រាប់។ Anthony Gordon មិនបានបង្ហាញខ្លួនទៀតឡើយតាំងពីចូលលេងចុងក្រោយបំផុតមុនឆ្លងឆ្នាំ ហើយក៏ខកខានរកគ្រាប់បាល់តាំងពីថ្ងៃទី២២ ខែតុលានៅពេល Everton ឈ្នះ Crystal Palace ៣-០ និងជាជ័យជំនះចុងក្រោយរបស់ Everton ផងដែរដែលធ្លាក់មកដល់លេខ ១៩ នៅ Premier League សព្វថ្ងៃ៕អត្ថបទ៖នាង សុភាវុធ

សហរដ្ឋអាមេរិកនឹងធ្វើជាម្ចាស់ផ្ទះបាល់ទាត់ជើងឯកអាមេរិកខាងត្បូង Copa America ២០២៤

បាល់ទាត់៖ សហរដ្ឋអាមេរិកនឹងធ្វើជាម្ចាស់ផ្ទះ រៀបចំព្រឹត្តិការណ៍បាល់ទាត់ជើងឯកអាមេរិកខាងត្បូង Copa America ឆ្នាំ២០២៤ ដែលនឹងមានក្រុមចូលរួមសរុប ១៦ក្រុម។ អាមេរិកជាម្ចាស់ផ្ទះក៏មានន័យថាជាលើកទី២ ហើយដែល Copa America ត្រូវរៀបចំក្រៅទ្វីបអាមេរិកខាងត្បូង ហើយក៏ជាលើកទី២ ដែរសម្រាប់សហរដ្ឋអាមេរិក។ អេក្វាដ័រជាប្រទេសដែលគ្រោងរៀបចំព្រឹត្តិការណ៍នៅឆ្នាំ២០២៤ នេះ តែរដ្ឋាភិបាលប្រទេសនេះបានបញ្ជាក់កាលពីថ្ងៃវិច្ឆិកាឆ្នាំមុនថា អេក្វាដ័រមិនអាចរៀបចំបានឡើយ។ កាលពីឆ្នាំ២០២១ Copa America ត្រូវបានរៀបចំនៅប្រេស៊ីល និងអាហ្សង់ទីនជាជើងឯក។ ជាធម្មតា Copa America មានក្រុមចូលរួមសរុបត្រឹម ១០ប្រទេសក្នុងតំបន់អាមេរិកខាងត្បូងប៉ុណ្ណោះ តែឆ្នាំ២០២៤ នឹងបង្កើនក្រុមចូលរួមដល់ ១៦ក្រុមដែលបូកបញ្ចូលទាំង ៦ក្រុមមកពីតំបន់អាមេរិកខាងជើង អាមេរិកកណ្ដាល និងការ៉ាអ៊ីប ដែលទាំង ៦ក្រុមនោះត្រូវឆ្លងវគ្គជម្រុះតាមរយៈការប្រកួតក្របខណ្ឌ CONCACAF Nations League មានន័យថា ប្រទេសម្ចាស់ផ្ទះអាមេរិកក៏មានទាន់ប្រាកដថាបានចូលលេងរឺអត់។ រំលឹកថា សហរដ្ឋអាមេរិកធ្លាប់រៀបចំព្រឹត្តិការណ៍ពិសេសរបស់ Copa America កាលពីឆ្នាំ២០១៦ ផងដែរ៕អត្ថបទ៖នាង សុភាវុធ

Chelsea ទិញបានខ្សែការពារវ័យក្មេងបារាំង Malo Gusto តម្លៃ ៣៥លានអឺរ៉ូ

បាល់ទាត់៖ ក្លិបតោខៀវ Chelsea បានសំរេចក្នុងការនាំយកខ្សែការពារវ័យ ១៩ឆ្នាំបារាំង Malo Gusto ពីក្លិបបារាំង Olympique Lyon ក្នុងតម្លៃ ៣៥លានអឺរ៉ូ។ Gusto បានចុះហត្ថលេខារយៈពេល ៧ឆ្នាំតែត្រូវ Chelsea អនុញ្ញាតឱ្យលេងនៅ Lyon ដល់ចប់រដូវកាល។ Malo Gusto ជាកីឡាករដែលចេញពីថ្នាលយុវជនរបស់ Lyon មុនពេលមានឱកាសឡើងមកលេងក្រុមធំនៅខែមករាឆ្នាំ២០២១។ រដូវកាលនេះ Gusto បង្ហាញខ្លួនបាន ១៥លើកក្នុងលីគជាមួយ Lyon ដែលកំពុងឈរលេខ៩។ គិតមកដល់ពេលនេះ Chelsea បានចំណាយលុយនាំចូលកីឡាករថ្មីក្នុងខែមករានេះប្រមាណ ១៦០លានផោនមកហើយដែលរួមមាន Noni Madueke, Mykhailo Mudryk, David Dastro Fofana, Andrey Santos, Benoit Badiashile និងខ្ចី Joao Felix ពី Atletico Madrid៕អត្ថបទ៖នាង សុភាវុធ

Aryna Sabalenka វាយបកយកឈ្នះ Elena Rybakina លើកពាន Grand Slam លើកដំបូងក្នុងអាជីព

វាយកូនបាល់៖ កីឡាការិនីវាយកូនបាល់បេឡារុស Aryna Sabalenka បានវាយបកយកឈ្នះកីឡាការិនីកាហ្សាក់ស្ថានដើម្បីក្លាយជាជើងឯក Australian Open និងជាពាន Grand Slam លើកដំបូងក្នុងអាជីព។ ជាការប្រកួតដ៏តានតឹងទោះបីជាការប្រកួតផ្នែកនារី តែកីឡាការិនីទាំង២ បានបង្ហាញពីកម្លាំងខ្លាំងក្លាមិនចាញ់បុរសឡើយក្នុងការចេញសេវារៀងៗខ្លួន។ Rybakina ដែលជាជើងឯក Wimbledon បាននាំមុខមួយសិតមុន ៦-៤ មុនពេលដែល Sabalenka វាយបកយកឈ្នះពីរសិតផ្ទួនៗវិញ ៦-៣ និង ៦-៤។ នេះមិនមែនជាលើកដំបូងឡើយដែល Sabalenka ចាញ់សិតដំបូងហើយវាយបកយកឈ្នះវិញ ២សិតចុងក្រោយនោះ ពោលគឺឆ្នាំមុនរាលការប្រកួតដែលនាងចាញ់សិតដំបូងចំនួន ៦ប្រកួត សុទ្ធតែវាយបកយកឈ្នះវិញបានទាំងអស់នៅ Grand Slam។ Aryna Sabalenka បានចាប់ផ្តើមរដូវកាល ២០២៣ របស់ខ្លួនជាមួយនឹងជ័យជំនះ ១០ប្រកួតជាប់គ្នាដែលរួមមានឈ្នះជើងឯក Adelaide Open និង Australian Open នេះ៕អត្ថបទ៖នាង សុភាវុធ

Djokovic តាមស្មើកំណត់ត្រា Nadal ឈ្នះ Grand Slam ២២លើក ក្រោយលើកពាន Australian Open លើកទី១០

វាយកូនបាល់៖ កីឡាករវាយកូនបាល់ស៊ែប Novak Djokovic បានពន្លាតកំណត់ត្រាឈ្នះជើងឯក Australian Open លើកទី១០ ក្នុងអាជីពក្រោយយកឈ្នះកីឡាករក្រិក Stefanos Tsitsipas នៅវគ្គផ្តាច់ព្រ័ត្រ។ ជ័យជំនះនេះដែរក៏បានធ្វើឱ្យ Novak Djokovic តាមស្មើកំណត់ត្រារបស់ Rafael Nadal ផងដែរដែលឈ្នះជើងឯក Grand Slam សរុប ២២លើកដូចគ្នា។ កីឡាករវ័យ ៣៥ឆ្នាំរូបនេះបានយកឈ្នះដោយលទ្ធផល ៦-៣ ៧-៦(៧-៤) និង ៧-៦(៧-៥) លើ Stefanos Tsitsipas ដែលបន្តស្វែងរកជើងឯក Grand Slam មិនបាន។ កីឡាករក្រិករូបនេះក៏ធ្លាប់ចាញ់ Djokovic ម្តងដែរនៅវគ្គផ្តាច់ព្រ័ត្រ French Open កាលពីឆ្នាំ២០២១ ដែលជាលើកដំបូងក្នុងអាជីពរបស់គេឡើងដល់វគ្គផ្តាច់ព្រ័ត្រ Grand Slam នៅពេលនោះ។ ជ័យជំនះនេះដែរក៏បានធ្វើឱ្យ Novak Djokovic បន្តកំណត់ត្រាមិនចាញ់សោះនៅ Australian Open ឡើងដល់ ២៨ប្រកួត។ សម្រាប់ផ្នែកបុរស Novak Djokovic និង Rafael Nadal ឈ្នះជើងឯក Grand Slam ស្មើគ្នា ២២លើក តែបើគិតជារួមជាមួយផ្នែកនារីដែរ ពួកគេនៅតាមពីក្រោយ Serena Williams ដែលឈ្នះសរុប ២៣លើក និង Margaret Court ដែលឈ្នះសរុប ២៤លើក៕អត្ថបទ៖នាង សុភាវុធ

បាល់ទាត់ពានរង្វាន់ Soccer League ដំណើរការប្រកួតវគ្គ ៨ក្រុមចុងក្រោយថ្ងៃនេះ ខណៈបាល់ទាត់នារីរកឃើញក្រុមឡើងវគ្គផ្តាច់ព្រ័ត្រ

បាល់ទាត់៖ ការប្រកួតកីឡាបាល់ទាត់ពានរង្វាន់ Soccer League លើកទី៦ ឆ្នាំ២០២៣ ផ្នែកបុរសដំណើរការប្រកួតវគ្គ ១/៤ផ្តាច់ព្រ័ត្រថ្ងៃនេះហើយ ខណៈបាល់ទាត់នារីរកឃើញក្រុមឡើងវគ្គផ្តាច់ព្រ័ត្រផងដែរ។ការប្រកួតថ្ងៃទី៣០ ខែមករាមានពីរប្រកួត ដោយក្រុមបាល់ទាត់ក្រុមសម្ព័ន្ធយុវជនមុស្លីមកម្ពុជា ត្រូវជួបក្រុមហនុមានអគ្គលេខាធិការដ្ឋានក្រសួងការពារជាតិនៅទីលាន AUPP និងក្រុម ស.ស.យ.ក ខណ្ឌពោធិ៍សែនជ័យជួបក្រុម Khmer United នៅកីឡដ្ឋាន AIA ដោយគូនេះ ប៊ីធីវីផ្សាយផ្ទាល់។ រីឯថ្ងៃទី៣១-មករា ក្រុម ស.ស.យ.ក ស្រុកខ្សាច់កណ្ដាលត្រូវជួបក្រុម Royal Mayura Resort នៅកីឡដ្ឋានស្ដាតចាស់ និងក្រុម ស.ស.យ.ក ខេត្តកណ្ដាល និងក្រុម Zaitun FC នៅកីឡដ្ឋាន RSN គូនេះផ្សាយផ្ទាល់ដោយ BTV News។ ៤ក្រុមដែលឈ្នះការប្រកួតនេះឡើងទៅវគ្គផ្តាច់ព្រ័ត្រ ថ្ងៃទី៤ និងទី៥ ខែកុម្ភៈ មុនរកឃើញក្រុមខ្លាំងបំផុតពីរក្រុមឡើងវគ្គផ្តាច់ព្រ័ត្រថ្ងៃទី១១ ខែកុម្ភៈខាងមុខ។មកចាប់អារម្មណ៍បាល់ទាត់នារីដែលបង្ហាញខ្លួនលើកដំបូងក្នុង Soccer League រដូវកាលនេះ ក្រុមបាល់ទាត់នារីសុភីណា អេហ្វស៊ី ឈ្នះ ស ស យ ក ស្អាងយើងស្អាត ៤ទល់០ ឡើងទៅជួបភ្នំពេញក្រោនដែលបានយកឈ្នះ ស ស យ ក ខេត្តព្រៃវែង ១១ទល់នឹង១។ វគ្គផ្តាច់ព្រ័ត្របាល់ទាត់នារីត្រូវលេងនៅថ្ងៃទី៧ ខែកុម្ភៈ ឆ្នាំ២០២៣៕

កុមារ និងយុវជនជាង ១០០០នាក់ចូលរួមប្រកួតពាន AIA-ISF Youth League 2023

បាល់ទាត់៖ ការប្រកួតរដូវកាលថ្មីនៃព្រឹត្តិការណ៍បាល់ទាត់កុមារ និងយុវជន AIA-ISF Youth League 2023 បានចាប់ផ្ដើមហើយកាលពីថ្ងៃទី២៩ ខែមករា ដោយមានកីឡាករ-កីឡាការិនីចូលរួមសរុប ១១៩៤នាក់ស្មើនឹង ៧២ក្រុមចូលរួមប្រកួត។ ការប្រកួតនេះរៀបចំដោយអង្គការផ្កាយសមុទ្រ សហការជាមួយក្រុមហ៊ុនធានារ៉ាប់រងអាយុជីវិត AIA Cambodia នៅកីឡដ្ឋាន AIA KMH Park។ អ្នកស្រី ជួប វិច្ឆិកា ប្រធានអង្គការផ្កាយសុមទ្របានឲ្យដឹងថា កុមារ និងយុវជនដែលចូលរួមការប្រកួតនៅមណ្ឌលភ្នំពេញឆ្នាំនេះ ភាគច្រើនជាកុមារ និងយុវជននៅរាជធានីភ្នំពេញ ដែលត្រូវធ្វើការប្រកួតលើវិញ្ញាសាអាយុក្រោម ១០ឆ្នាំ, អាយុក្រោម ១៤ឆ្នាំ, អាយុក្រោម ១៦ឆ្នាំ និងអាយុក្រោម ១៨ឆ្នាំ។ នេះជាលើកទី៦ ដែលអង្គការបានសហការជាមួយដៃគូរៀបចំព្រឹត្តិការណ៍នេះឡើង ដើម្បីរួមចំណែកអភិវឌ្ឍន៍បាល់ទាត់តាមមូលដ្ឋាន ក៏ដូចជាផ្ដល់ឱកាសដល់កុមារ និងយុវជនក្រីក្របានបង្ហាញសមត្ថភាពរបស់ខ្លួន។ គួរដឹងថា ព្រឹត្តិការណ៍បាល់ទាត់កុមារ និងយុវជន AIA-ISF Youth League 2023 នឹងរៀបចំតែ ២រាជធានី-ខេត្តប៉ុណ្ណោះ ពោលគឺក្រោយបញ្ចប់ការប្រកួតនៅរាជធានីភ្នំពេញនៅថ្ងៃទី១២ ខែកុម្ភៈខាងមុខ ការប្រកួតនេះនឹងត្រូវរៀបចំនៅទីរួមខេត្តកំពង់ធំ ដោយគ្រោងនឹងមានក្រុមបាល់ទាត់កុមារ និងយុវជនចូលរួមសរុប ៣០ក្រុម។ បន្ទាប់មកក្រុមទទួលបានជ័យជម្នះនៅរាជធានីភ្នំពេញ និងខេត្តតាមកម្រិតអាយុនីមួយៗ នឹងចូលរួមប្រកួតវគ្គផ្ដាច់ព្រ័ត្រ AIA-ISF Grand Championship នាខែឧសភា ឆ្នាំ២០២៣ ខាងមុខ៕ អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Everton តែងតាំងអ្នកចាត់ការថ្មីលោក Sean Dyche ផ្លូវការ ក្រោយមិនត្រូវរ៉ូវជាមួយ Marcelo Bielsa

Chris Wakelin គ្រងជើងឯកស្នូកឃ័រ Shoot Out លើកដំបូងក្នុងអាជីព

Kieran Trippier បន្តកិច្ចសន្យានៅជាមួយ Newcastle ដល់ឆ្នាំ២០២៥

Newcastle ព្រមព្រៀងទិញខ្សែបម្រើ Anthony Gordon តម្លៃ ៤៥លានផោនពី Everton

សហរដ្ឋអាមេរិកនឹងធ្វើជាម្ចាស់ផ្ទះបាល់ទាត់ជើងឯកអាមេរិកខាងត្បូង Copa America ២០២៤

Chelsea ទិញបានខ្សែការពារវ័យក្មេងបារាំង Malo Gusto តម្លៃ ៣៥លានអឺរ៉ូ

Aryna Sabalenka វាយបកយកឈ្នះ Elena Rybakina លើកពាន Grand Slam លើកដំបូងក្នុងអាជីព

Djokovic តាមស្មើកំណត់ត្រា Nadal ឈ្នះ Grand Slam ២២លើក ក្រោយលើកពាន Australian Open លើកទី១០

កុមារ និងយុវជនជាង ១០០០នាក់ចូលរួមប្រកួតពាន AIA-ISF Youth League 2023

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Everton តែងតាំង​អ្នកចាត់ការ​ថ្មី​លោក Sean Dyche ផ្លូវការ​ ក្រោយ​មិន​ត្រូវរ៉ូវ​ជាមួយ Marcelo Bielsa

Chris Wakelin គ្រង​ជើងឯក​ស្នូកឃ័រ Shoot Out លើកដំបូង​ក្នុង​អាជីព​

Kieran Trippier បន្ត​កិច្ចសន្យា​នៅ​ជាមួយ Newcastle ដល់​ឆ្នាំ២០២៥

Newcastle ព្រមព្រៀង​ទិញ​ខ្សែបម្រើ Anthony Gordon តម្លៃ ៤៥លាន​ផោន​ពី Everton

សហរដ្ឋអាមេរិក​នឹងធ្វើ​ជា​ម្ចាស់ផ្ទះ​បាល់ទាត់​ជើងឯក​អាមេរិក​ខាងត្បូង Copa America ២០២៤

Chelsea ទិញ​បាន​ខ្សែការពារ​វ័យក្មេង​បារាំង Malo Gusto តម្លៃ ៣៥​លាន​អឺរ៉ូ

Aryna Sabalenka វាយបក​យកឈ្នះ Elena Rybakina លើក​ពាន Grand Slam លើកដំបូង​ក្នុង​អាជីព​

Djokovic តាម​ស្មើ​កំណត់ត្រា Nadal ឈ្នះ Grand Slam ២២លើក​ ក្រោយ​លើក​ពាន Australian Open លើក​ទី១០

កុមារ និង​យុវជន​ជាង ១០០០​នាក់​ចូលរួម​ប្រកួត​ពាន​ AIA-ISF Youth League 2023

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Everton តែងតាំងអ្នកចាត់ការថ្មីលោក Sean Dyche ផ្លូវការ ក្រោយមិនត្រូវរ៉ូវជាមួយ Marcelo Bielsa

Chris Wakelin គ្រងជើងឯកស្នូកឃ័រ Shoot Out លើកដំបូងក្នុងអាជីព

Kieran Trippier បន្តកិច្ចសន្យានៅជាមួយ Newcastle ដល់ឆ្នាំ២០២៥

Newcastle ព្រមព្រៀងទិញខ្សែបម្រើ Anthony Gordon តម្លៃ ៤៥លានផោនពី Everton

សហរដ្ឋអាមេរិកនឹងធ្វើជាម្ចាស់ផ្ទះបាល់ទាត់ជើងឯកអាមេរិកខាងត្បូង Copa America ២០២៤

Chelsea ទិញបានខ្សែការពារវ័យក្មេងបារាំង Malo Gusto តម្លៃ ៣៥លានអឺរ៉ូ

Aryna Sabalenka វាយបកយកឈ្នះ Elena Rybakina លើកពាន Grand Slam លើកដំបូងក្នុងអាជីព

Djokovic តាមស្មើកំណត់ត្រា Nadal ឈ្នះ Grand Slam ២២លើក ក្រោយលើកពាន Australian Open លើកទី១០

កុមារ និងយុវជនជាង ១០០០នាក់ចូលរួមប្រកួតពាន AIA-ISF Youth League 2023