BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កីឡាសូរីនហ្ស៊ិកាំប៉ូរកឃើញជើងខ្លាំងក្នុងការប្រកួតជើងឯកថ្នាក់ជាតិឆ្នាំ២០២២

សូរីនហ្ស៊ិកាំប៉ូ៖ ការប្រកួតកីឡាសូរីនហ្ស៊ិកាំប៉ូជ្រើសរើសជើងឯកថ្នាក់ជាតិឆ្នាំ២០២២ បានបញ្ចប់ និងរកឃើញជើងខ្លាំងប្រចាំឆ្នាំហើយ ក្រោយដំណើរការប្រកួតរយៈពេល ៤ថ្ងៃចាប់ពីថ្ងៃទី២៦ ដល់ថ្ងៃទី២៩ ខែមករា ឆ្នាំ២០២៣ នៅមជ្ឈមណ្ឌលកីឡាប្រយុទ្ធកម្ពុជា-ជប៉ុន។ ពិធីបិទការប្រកួតនេះបានធ្វើឡើងក្រោមវត្តមានលោកស្រី ងិន ហេមាល័យ ប្រធានសហព័ន្ធកីឡាសូរីនហ្ស៊ិកាំប៉ូកម្ពុជា។ យោងតាមរបាយការណ៍នៃការប្រកួតជើងឯកថ្នាក់ជាតិនេះ គឺមានកីឡាករ-កីឡាការិនីចូលរួមសរុប ៥២នាក់មកពីក្លិបសមាជិកសហព័ន្ធចំនួន ៦ រួមមានក្លិបក្រសួងមហាផ្ទៃ, ក្លិប ៦០ម៉ែត្រ, ក្លិបយុវជន, ក្លិបមជ្ឈមណ្ឌលកីឡាប្រយុទ្ធកម្ពុជា-ជប៉ុន, ខេត្តតាកែវ និងក្លិបសូរីនហ្ស៊ិកាំប៉ូជម្រើសជាតិដែលធ្វើការប្រកួតលើ ៨វិញ្ញាសា។ ជាលទ្ធផលបច្ចេកទេសមានកីឡាករ-កីឡាការិនី ២ក្លិបប៉ុណ្ណោះដែលដណ្ដើមបានមេដាយមាស ក្នុងនោះក្លិបក្រសួងមហាផ្ទៃឈរចំណាត់ថ្នាក់លេខ១ ដែលដណ្ដើមបានមេដាយច្រើនជាងគេរួមមានមេដាយមាស ៥ ប្រាក់ ២ និងសំរឹទ្ធ ១ សរុប ៨គ្រឿង និងក្លិបសូរីនហ្ស៊ិកាំប៉ូ ៦០ម៉ែត្រឈ្នះមេដាយមាស ៣ ប្រាក់ ៣ និងសំរឹទ្ធ ៣ សរុប ៩គ្រឿងឈរលេខ២។ លោកស្រី ងិន ហេមាល័យ បានវាយតម្លៃខ្ពស់ចំពោះដំណើរការប្រកួតជើងឯកថ្នាក់ជាតិនេះ ដែលប្រព្រឹត្តទៅដោយរលូន ពិសេសការបង្ហាញសមត្ថភាពរបស់កីឡាករ-កីឡាការិនី។ ឆ្លៀតឱកាសនោះលោកស្រីបានជំរុញឲ្យកីឡាករ-កីឡាការិនីត្រូវបន្ដការខិតខំប្រឹងប្រែងហ្វឹកហាត់ ដុសខាតសមត្ថភាព និងបច្ចេកទេសបន្ថែម ដើម្បីមានឱកាសចូលរួមប្រកួតលើឆាកអន្ដរជាតិ និងដណ្ដើមមេដាយជូនជាតិមាតុភូមិ៕ អត្ថបទ៖ លី ឈុនឡា

សហព័ន្ធវ៉ូវីណាមចែកសៀវភៅ “កូនប្រុសច្បងនាយករដ្ឋមន្ដ្រី ដំណើរឆ្ពោះទៅការបន្ដវេន ហ៊ុន ម៉ាណែត” ដល់កីឡាករ-កីឡាការិនីខ្លួន

វ៉ូវីណាម៖ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាកាលពីថ្ងៃទី២៦ ខែមករា បានធ្វើការចែកសៀវភៅ “កូនប្រុសច្បងនាយករដ្ឋមន្ត្រី ដំណើរឆ្ពោះទៅការបន្តវេន ហ៊ុន ម៉ាណែត” ដល់សមាជិកគណៈកម្មាធិការប្រតិបត្តិសហព័ន្ធ គ្រូបង្វឹក និងកីឡាករ-កីឡាការិនីរបស់ខ្លួនសរុបជិត ១០០ក្បាលនៅក្នុងមជ្ឈមណ្ឌលជាតិហ្វឹកហ្វឺនកីឡា។ ប្រធានសហព័ន្ធដដែលបន្ដថា ការចែកសៀវភៅថ្នាក់ដឹកនាំនេះគឺជាអំណោយដ៏ថ្លៃថ្លារបស់ឯកឧត្ដមបណ្ឌិត ហ៊ុន ម៉ាណែត តបតាមការស្នើសុំរបស់កីឡាករ-កីឡាការិនីតាមរយៈសហព័ន្ធ ដើម្បីបានអាន និងស្វែងយល់អំពីអត្ថន័យនៃសៀវភៅនេះ។ ក្នុងនាមសហព័ន្ធ ឯកឧត្តមបានថ្លែងអំណរគុណឯកឧត្តមបណ្ឌិត ហ៊ុន ម៉ាណែត ដែលបានផ្ដល់នូវសៀវភៅអនុស្សាវរីយ៍ដ៏មានតម្លៃនេះ។ ជាមួយគ្នាដែរ ឯកឧត្តម អ៊ូ រតនា ក៏បានបញ្ជាក់ដែរថា បច្ចុប្បន្នកីឡាវ៉ូវីណាមកម្ពុជា ពិសេសក្រុមជម្រើសជាតិកម្ពុជា កំពុងតែខិតខំប្រឹងប្រែងហ្វឹកហាត់ជាខ្លាំង ដើម្បីសម្រួចទិសដៅឆ្ពោះទៅស៊ីហ្គេមលើកទី៣២ នាពេលខាងមុខ ដែលគិតត្រឹមថ្ងៃទី២៧ ខែមករានេះគឺនៅសល់ ៩៨ថ្ងៃទៀតប៉ុណ្ណោះសម្រាប់ដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រនេះ ដើម្បីធ្វើការប្រកួតប្រជែងដណ្ដើមបានមេដាយមាសឲ្យបានច្រើនជូនជាតិមាតុភូមិ៕

Gareth Bale ប្រកាសចូលរួមប្រកួតវាយកូនគោលក្នុងកម្មវិធីមួយនៅក្របខណ្ឌ PGA Tour

វាយកូនគោល៖ អាជីពបាល់ទាត់របស់ Gareth Bale អាចនិយាយបានថាបញ្ចប់ ប៉ុន្តែអាជីពវាយកូនហ្គោលរបស់គាត់ប្រហែលជាទើបតែចាប់ផ្តើម។ អតីតតារាបាល់ទាត់វែល Real Madrid និង Tottenham ដែលបានប្រកាសចូលនិវត្តន៍កាលពីដើមខែនេះ បានបញ្ជាក់ថានឹងចូលរួមការប្រកួតវាយកូនគោលកម្មវិធី AT&T Pebble Beach Pro-Am នៅក្របខណ្ឌ PGA Tour នាពេលខាងមុខ។ Bale នឹងចូលរួមជាមួយតារាល្បីៗមួយចំនួនទៀតដែលប្រកួតប្រជែងនៅក្នុងព្រឹត្តិការណ៍នេះ ជាមួយនឹងកីឡាករវាយកូនគោលអាជីពកំពូលមួយចំនួនរបស់ពិភពលោក។ Bale ស្រឡាញ់កីឡាវាយកូនគោលត្រូវបានគេស្គាល់យ៉ាងច្បាស់ ជាពិសេសអំឡុងពេលដែលគេនៅជាមួយ Real Madrid ជាកន្លែងដែលបានឈ្នះពានរង្វាន់ Champions League ចំនួន ៥ដង ដោយធ្លាប់បានបង្ហោះសារបែបឌឺដងមកកាន់ក្លិបនៅពេលស្ថិតក្រៅជម្រើស ១១នាក់មួយរយៈពេល។ ការប្រកួតកម្មវិធី AT&T Pebble Beach Pro-Am នឹងមានអ្នកចូលរួមចំនួន ១៥៦នាក់ចូលរួមដែលចាប់ពីថ្ងៃទី២ ដល់ទី៥ ខែកុម្ភៈ រួមជាមួយវត្តមានជើងឯក US Open, Matt Fitzpatrick និងកីឡាករលំដាប់លេខ ៣ ពិភពលោក Patrick Cantlay ជាដើម៕អត្ថបទ៖នាង សុភាវុធ

មេធាវីរបស់ Messi នឹងជួយការពារក្តី Dani Alves ដែលត្រូវចោទប្រកាន់ពីបទរំលោភបំពានផ្លូវភេទ

បាល់ទាត់៖ មេធាវីដែលធ្វើការឱ្យ Lionel Messi ក្នុងសំណុំរឿងក្លែងបន្លំពន្ធរបស់ខ្លួន ត្រូវបានបន្ថែមទៅក្នុងក្រុមមេធាវីការពារក្តីឱ្យអតីតខ្សែការពារក្រុម Barcelona កីឡាករ Dani Alves ដែលប្រឈមមុខនឹងការចោទប្រកាន់ពីបទរំលោភបំពានផ្លូវភេទ។ មេធាវីដ៏ល្បីល្បាញ Cristóbal Martell នឹងព្យាយាមជួយ Alves ក្នុងការការពាររបស់គាត់ប្រឆាំងនឹងការចោទប្រកាន់ពីបទរំលោភផ្លូវភេទដោយស្ត្រីម្នាក់ដែល Alves បានជួបនៅក្លឹបរាត្រីមួយក្នុងទីក្រុង Barcelona កាលពីថ្ងៃទី៣០ ខែធ្នូ។ Martell គឺជាផ្នែកមួយនៃក្រុមការពារក្តីនៅពេលដែល Messi ត្រូវបានគេរកឃើញថាមានពិរុទ្ធពីបទក្លែងបន្លំពន្ធ ហើយត្រូវបានកាត់ទោសឱ្យជាប់គុក ២១ខែក្នុងឆ្នាំ២០១៦ នៅក្នុងប្រទេសអេស្ប៉ាញ ទោះបីជាការកាត់ទោសនេះត្រូវបានព្យួរ ហើយតារាអាហ្សង់ទីនមិនចាំបាច់ចំណាយពេលនៅក្នុងឃុំក៏ដោយ។ Dani Alves ត្រូវបានឃាត់ខ្លួនតាំងពីថ្ងៃសុក្រ បន្ទាប់ពីចៅក្រមបានបញ្ជាឱ្យឃុំខ្លួនដោយគ្មានលទ្ធភាពនៅក្រៅឃុំ បន្ទាប់ពីការផ្តល់សក្ខីកម្មពីដើមចោទ និងសាក្សី ទោះបីបានបដិសេធរាល់ការប្រព្រឹត្តខុសក៏ដោយ។ Alves បានឈ្នះពានចំនួន ៤២ ក្នុងអាជីពបាល់ទាត់របស់ខ្លួនរួមមាន Champions League បីជាមួយ Barcelona និង Copa America ពីរជាមួយប្រេស៊ីល។ Alves បានបង្ហាញខ្លួននៅ World Cup លើកទីបីក្នុងអាជីពនៅប្រទេសកាតាផងដែរ៕អត្ថបទ៖នាង សុភាវុធ

Marcus Rashford បន្តស្ថិតិស៊ុតបញ្ចូលទីគ្រប់ការប្រកួតតាំងពីបញ្ចប់ World Cup

បាល់ទាត់៖ ខ្សែប្រយុទ្ធអង់គ្លេស Marcus Rashford បានបន្តស្ថិតិស៊ុតបញ្ចូលទីរាល់ការប្រកួតតាំងពីបញ្ចប់ World Cup បន្ទាប់ពីរកបានមួយគ្រាប់ទៀតក្នុងជ័យជំនះរបស់ក្រុមបិសាចក្រហម Manchester United លើក្រុមម្ចាស់ផ្ទះ Nottingham Forest ៣-០ ជើងទី១ វគ្គពាក់កណ្តាលផ្តាច់ព្រ័ត្រ EFL Cup រឺ Carabao Cup។ គ្រាប់បាល់មួយគ្រាប់របស់ Rashford គឺជាការអូសពីក្រោមមកម្នាក់ឯងញាក់ដាច់ខ្សែការពារ រហូតស៊ុតបញ្ចូលទីនាំមុខឱ្យ Manchester United តាំងពីនាទីទី៦ ដែលជាគ្រាប់ទី ១០ របស់គេតាំងពីចប់បេសកកម្មជាមួយក្រុមជម្រើសជាតិអង់គ្លេសនៅ World Cup និងជាគ្រាប់ទី៥ នៅ EFL Cup ផងដែរ។ គ្រាប់ទីពីររបស់ Manchester United ធ្វើបានដោយកីឡាករចំនូលថ្មី Wout Weghorst ខណៈ Bruno Fernandes ជាអ្នកសំរេចគ្រាប់ចុងក្រោយ។ ក្រុមទាំងពីរនឹងជួបគ្នាម្តងទៀតនៅសប្តាហ៍ក្រោយនៅទឹកដី Old Trafford វិញម្តង ខណៈ Newcastle ទទួល Southampton នៅ St. James Park បន្ទាប់ពីជើងទី១ កាលពីយប់ថ្ងៃអង់គ្លេស Newcastle ឈ្នះនៅទឹកដី Southampton ១-០៕អត្ថបទ៖នាង សុភាវុធ

ក្រុមកីឡាករប្តេជ្ញាប្រឹងឱ្យអស់ពីសមត្ថភាពដើម្បីទទួលបានជោគជ័យក្នុងព្រឹត្តិការណ៍ស៊ីហ្គេមលើកទី៣២

ភ្នំពេញ៖ ដើម្បីលើកស្ទួយវិស័យកីឡា និងកិត្តិយសប្រទេសកម្ពុជាឱ្យកាន់តែមានឈ្មោះល្បីល្បាញបន្ថែមទៀត នៅលើឆាកអន្តរជាតិ ក្រុមកីឡាករជម្រើសជាតិ បានប្តេជ្ញាប្រឹងប្រែងឱ្យអស់ពីសមត្ថភាព ដើម្បីទទួលបានជោគជ័យក្នុងព្រឹត្តិការណ៍ស៊ីហ្គេម លើកទី៣២ ដែលប្រទេសកម្ពុជា ត្រូវធ្វើជាម្ចាស់ផ្ទះ ។ក្នុងពេលចូលរួមក្នុងពិធីរាប់ថយក្រោយ១០០ថ្ងៃ ឆ្ពោះទៅព្រឹត្តិការណ៍ស៊ីហ្គេមលើកទី៣២ ដែល ត្រូវបានធ្វើឡើងនៅពហុកីឡដ្ឋានជាតិមរតកតេជោ កាលពីរសៀលថ្ងៃទី២៥ ខែមករា នេះ ក្រុមកីឡាករ បានបញ្ជាក់អំពីការខិតខំប្រឹងប្រែងហ្វឹកហាត់ជាមួយគ្រូជាប់ជាប្រចាំ នាពេលបច្ចុប្បន្នេះ ដើម្បីត្រៀមខ្លួន សម្រាប់ការប្រកួតចូលមកដល់ ។ចំណែកប្រជាពលរដ្ឋ បានបង្ហាញក្តីរំភើបរីករាយ នៅពេលដែលប្រទេសកម្ពុជា មានលទ្ធភាពធ្វើជា ម្ចាស់ផ្ទះព្រឹត្តិការណ៍ស៊ីហ្គេមនៅឆ្នាំនេះ ព្រោះថា ប្រទេសកម្ពុជា បានរង់ចាំឱកាសនេះ ជាច្រើនទសវត្សរ៍ មកហើយប្រជាពលរដ្ឋប្ដេជ្ញាជួយគាំទ្រ ដោយចូលរួមរាប់ថយក្រោយ និងទៅមើលការប្រកួតកីឡាផងដែរ។ការធ្វើជាម្ចាស់ផ្ទះកីឡាស៊ីហ្គេម នៅឆ្នាំ២០២៣ គឺជាព្រឹត្តិការណ៍ប្រវត្តិសាស្ត្រថ្មីមួយទៀត សម្រាប់ ប្រទេសកម្ពុជា ក្រោមការដឹកនាំរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្សនិងជានាយករដ្ឋមន្រ្តី ។ព្រឹត្តិការណ៍ស៊ីហ្គេមឆ្នាំនេះ ដែលនឹងចាប់ផ្ដើមពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ នឹង មានកីឡាចំនួន៣៨ប្រភេទ រួមមាន ប៉េតង់ តេក្វាន់ដូ ប្រដាល់គុនខ្មែរ បាល់ទាត់ បាល់ទះ បាល់បោះ គុន ល្បុក្កតោ និងកាយវប្បកម្មជាដើម ៕អត្ថបទ៖ ទូច សោភ័ណ

កីឡាការិនីប៉ូឡូញ Magda Linette បន្តក្តីស្រមៃឡើងដល់វគ្គពាក់កណ្តាលផ្តាច់ព្រ័ត្រ Australian Open លើកដំបូង

វាយកូនបាល់៖ កីឡាការិនីវាយកូនបាល់ប៉ូឡូញ Magda Linette បានបន្តក្តីស្រមៃរបស់ខ្លួនដោយឡើងដល់វគ្គពាក់កណ្តាលផ្តាច់ព្រ័ត្រជាលើកដំបូងក្នុងអាជីព បន្ទាប់ពីយកឈ្នះកីឡាការិនីឆេក Karolina Pliskova។ បច្ចុប្បន្នឈរលំដាប់ថ្នាក់លេខ ៤៥ ពិភពលោក Magda Linette មិនដែលឆ្លងផុតជុំទី៣ ឡើយរាល់ការចូលរួមការប្រកួត Grand Slam កន្លងមក។ តែលើកនេះកីឡាការិនីវ័យ ៣០ឆ្នាំរូបនេះបានយកឈ្នះបេក្ខភាពវគ្គផ្តាច់ព្រ័ត្រ ២លើក Karolina Pliskova ដោយលទ្ធផល ៦-៣ និង ៧-៥។ គូប្រកួតបន្តរបស់ Linette គឺកីឡាការិនីបេឡារុស Aryna Sabalenka ដែលបានយកឈ្នះកីឡាករក្រូអាស៊ី Donna Vekic ៦-៣ និង ៦-២។ Aryna Sabalenka នឹងបង្ហាញខ្លួននៅវគ្គពាក់កណ្តាលផ្តាច់ព្រ័ត្រ Grand Slam លើកទី៤ ក្នុងអាជីព។ Sabalenka និង Vekic មុនជួបគ្នា អ្នកទាំងពីរមិនដែលចាញ់ឡើយនៅក្នុងឆ្នាំ២០២៣ នេះ។ Donna Vekic ធ្លាប់បាននិយាយមុនការប្រកួតថា នាងធ្លាប់គិតចង់ចូលនិវត្តន៍ ២លើកបន្ទាប់ពីមានរបួសជង្គង់នៅឆ្នាំ២០២១។ សម្រាប់គូប្រកួតនៅវគ្គពាក់កណ្តាលផ្តាច់ព្រ័ត្រមួយគូទៀតគឺជើងឯក ២សម័យ Victoria Azarenka នឹងត្រូវជួបជាមួយជើងឯក Wimbledon, Elena Rybakina៕អត្ថបទ៖នាង សុភាវុធ

Djokovic យកឈ្នះ Ruben Rublev ឡើងវគ្គពាក់កណ្តាលផ្តាច់ព្រ័ត្រ Australian Open

វាយកូនបាល់៖ ជើងឯក ៩សម័យ Novak Djokovic បានបន្តដំណើរឡើងវគ្គពាក់កណ្តាលផ្តាច់ព្រ័ត្រហើយនៃព្រឹត្តិការណ៍ Grand Slam, Australian Open ក្រោយយកឈ្នះគូប្រកួតរុស្ស៊ី Ruben Rublev មិនលំបាក។ កីឡាករវ័យ ៣៥ឆ្នាំ Novak Djokovic នៅតែបន្តរុំជើងឆ្វេងរបស់ខ្លួនបញ្ជាក់ថា បញ្ហាភ្លៅរបស់គេនៅមិនទាន់ជាសះស្បើយ ១០០% នៅឡើយ ខណៈគូប្រកួតដែលប្រឈមគឺជាកីឡាករដែលមានលំដាប់ថ្នាក់ខ្ពស់បំផុតដែល Djokovic ជួបនៅ Australian Open ឆ្នាំនេះ។ យ៉ាងណាក្តី Djokovic ហាក់មិនបានបង្ហាញពីការលំបាកក្នុងការយកឈ្នះកីឡាករលំដាប់លេខ ៦ មកពីរុស្ស៊ីរូបនេះឡើយក្រោយយកឈ្នះ ៣សិតផ្ទួនៗ ៦-១ ៦-២ និង ៦-៤។ បាំងតែពីរប្រកួតទៀតប៉ុណ្ណោះ Novak Djokovic នឹងអាចក្លាយជាជើងឯក Australian Open ដើម្បីពន្លាតកំណត់ត្រា ១០លើកក្នុងអាជីព។ ការប្រកួតដណ្តើមកៅអីផ្តាច់ព្រ័ត្រ Djokovic នឹងត្រូវជួបជាមួយកីឡាករអាមេរិក Tommy Paul។ Tommy Paul បានក្លាយជាកីឡាករអាមេរិកដំបូងតាំងពីឆ្នាំ២០០៩ ដែលឡើងវគ្គពាក់កណ្តាលផ្តាច់ព្រ័ត្រ បន្ទាប់ពីកីឡាករវ័យ ២៥ឆ្នាំរូបនេះយកឈ្នះមិត្តរួមជាតិ Ben Shelton ដោយលទ្ធផល ៧-៦(៨-៦) ៦-៣ ៥-៧ និង ៦-៤។ បន្ទាប់ពីមានកីឡាករអាមេរិកដល់ទៅ ៣នាក់ឡើងមកដល់វគ្គ ៨នាក់ចុងក្រោយ Australian Open លើកដំបូងតាំងពីឆ្នាំ២០០០ Tommy Paul គឺជាកីឡាករទីអាមេរិក ១ ដែលឡើងវគ្គពាក់កណ្តាលផ្តាច់ព្រ័ត្រ Australian Open រាប់ពីឆ្នាំ២០០៩ ដែលធ្វើបានដោយ Andy Roddick និងជាកីឡាករទីអាមេរិក៣ ដែលនៅបន្តអាជីពបច្ចុប្បន្នឡើងទៅកាន់វគ្គ ៤នាក់ចុងក្រោយផងដែរបន្ទាប់ពី John Isner និង Frances Tiafoe៕អត្ថបទ៖នាង សុភាវុធ

ចាប់ឆ្នោត UEFA Nations League វគ្គពាក់កណ្តាលផ្តាច់ព្រ័ត្រហូឡង់ជួបក្រូអាស៊ី អ៊ីតាលីជួបអេស្ប៉ាញ

បាល់ទាត់៖ ក្រុមម្ចាស់ផ្ទះហូឡង់នឹងប្រកួតជាមួយក្រូអាស៊ីក្នុងវគ្គពាក់កណ្តាលផ្តាច់ព្រ័ត្រ UEFA Nations League បន្ទាប់ពីការចាប់ឆ្នោតធ្វើឡើងកាលពីថ្ងៃពុធ។ ក្រុមជម្រើសជាតិហូឡង់ដែលស្ថិតក្រោមការដឹកនាំរបស់គ្រូបង្វឹកថ្មីលោក Ronald Koeman នឹងត្រូវជួបប្រកួតជាមួយបេក្ខភាពវគ្គពាក់កណ្តាលផ្តាច់ព្រ័ត្រ World Cup កាតា ក្រូអាស៊ីនៅថ្ងៃទី១៤ ខែមិថុនានៅទីក្រុង Rotterdam នៅកីឡដ្ឋាន De Kuip របស់ក្លិប Feyenoord។ នៅវគ្គពាក់កណ្តាលផ្តាច់ព្រ័ត្រផ្សេងទៀត អេស្ប៉ាញនឹងប្រកួតជាមួយម្ចាស់ជើងឯកអឺរ៉ុបអ៊ីតាលីនៅថ្ងៃទី១៥ ខែមិថុនាក្នុងទីក្រុង Enschede ទឹកដីរបស់ក្លិប Twente។ ការប្រកួតវគ្គផ្តាច់ព្រ័ត្រនឹងរៀបចំនៅទីក្រុង Rotterdam ខណៈការប្រកួតចំណាត់ថ្នាក់លេខ៣ នៅទីក្រុង Enschede ត្រូវបានគ្រោងធ្វើនៅថ្ងៃទី១៨ ខែមិថុនា។ UEFA Nations League ដែលរៀបចំឡើងពីរឆ្នាំម្តង ព័រទុយហ្កាល់ជាជើងឯកឆ្នាំ២០១៩ និងបារាំងជាជើងឯកឆ្នាំ២០២១៕អត្ថបទ៖នាង សុភាវុធ

ប្រជាពលរដ្ឋខេត្តត្បូងឃ្មុំសម្តែងក្តីរីករាយ មោទកភាពដែលកម្ពុជាធ្វើជាម្ចាស់ផ្ទះការប្រកួតកីឡាស៊ីហ្គេម

ស៊ីហ្គេម៖ ការប្រកួតកីឡាស៊ីហ្គេមនឹងរៀបចំធ្វើនៅក្នុងប្រទេសកម្ពុជាដែលគិតពីថ្ងៃទី២៥ ខែមករាតទៅគឺនៅសល់ ១០០ថ្ងៃទៀត ខណៈការទទួលបានសិទ្ធិធ្វើជាម្ចាស់ផ្ទះនេះ ត្រូវបានប្រជាពលរដ្ឋក្នុងខេត្តត្បូងឃ្មុំសម្តែងក្តីរីករាយ និងបានលើកឡើងថា វាជាមោទកភាពជាតិមួយយ៉ាងខ្លាំង ក្រោមការដឹកនាំប្រកបដោយគតិបណ្ឌិតរបស់សម្តេចតេជោ។ ដើម្បីឲ្យព្រឹត្តិការណ៍ប្រកួតកីឡានេះបានជ្រួលជ្រាបដល់ប្រជាជនទូទៅ និងបងប្អូនប្រជាពលរដ្ឋដែលចូលចិត្តលេងកីឡា កាលពីរសៀលថ្ងៃទី២៥ ខែមករា ឆ្នាំ២០២៣ ឯកឧត្តម នៅ សារី ប្រធានគណៈកម្មការរៀបចំពានរង្វាន់ឯកឧត្តម បណ្ឌិត ហ៊ុន ម៉ាណែត បានរៀបចំការប្រកួតបាល់ទាត់មិត្តភាពមួយដើម្បីបំផុសឲ្យប្រជាពលរដ្ឋ ពិសេសយុវជនបានចូលរួមយុទ្ធនាការរាប់ថយក្រោយតាមការបំផុសរបស់សម្តេចតេជោ ពិសេសដើម្បីឲ្យបងប្អូនប្រជាពលរដ្ឋបានយល់កាន់តែច្បាស់ពីសារៈសំខាន់ និងផលប្រយោជន៍ដែលប្រទេសកម្ពុជាធ្វើជាម្ចាស់ផ្ទះការប្រកួតកីឡាស៊ីហ្គេមនេះ។ជាចំណាប់អារម្មណ៍បងប្អូនប្រជាពលរដ្ឋបានលើកឡើងប្រហាក់ប្រហែលគ្នាថា វាជាមោទកភាពជាតិ ពិសេសគឺធ្វើឲ្យពិភពលោកស្គាល់ខ្មែរកាន់តែច្បាស់ នោះគឺកម្ពុជាជាប្រទេសមានសុខសន្តិភាពយ៉ាងពិតប្រាកដ។ ការប្រកួតកីឡាស៊ីហ្គេម និងអាស៊ានប៉ារ៉ាហ្គេមដែលកម្ពុជាធ្វើជាម្ចាស់ផ្ទះនឹងចាប់ផ្តើមពីថ្ងៃទី០៥ ខែឧសភា ពោលគឺចាប់ពីថ្ងៃទី២៦ ខែមករានេះតទៅនៅសល់ ៩៩ថ្ងៃទៀត។

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាសូរីនហ្ស៊ិកាំប៉ូរកឃើញជើងខ្លាំងក្នុងការប្រកួតជើងឯកថ្នាក់ជាតិឆ្នាំ២០២២

Gareth Bale ប្រកាសចូលរួមប្រកួតវាយកូនគោលក្នុងកម្មវិធីមួយនៅក្របខណ្ឌ PGA Tour

មេធាវីរបស់ Messi នឹងជួយការពារក្តី Dani Alves ដែលត្រូវចោទប្រកាន់ពីបទរំលោភបំពានផ្លូវភេទ

Marcus Rashford បន្តស្ថិតិស៊ុតបញ្ចូលទីគ្រប់ការប្រកួតតាំងពីបញ្ចប់ World Cup

ក្រុមកីឡាករប្តេជ្ញាប្រឹងឱ្យអស់ពីសមត្ថភាពដើម្បីទទួលបានជោគជ័យក្នុងព្រឹត្តិការណ៍ស៊ីហ្គេមលើកទី៣២

កីឡាការិនីប៉ូឡូញ Magda Linette បន្តក្តីស្រមៃឡើងដល់វគ្គពាក់កណ្តាលផ្តាច់ព្រ័ត្រ Australian Open លើកដំបូង

Djokovic យកឈ្នះ Ruben Rublev ឡើងវគ្គពាក់កណ្តាលផ្តាច់ព្រ័ត្រ Australian Open

ចាប់ឆ្នោត UEFA Nations League វគ្គពាក់កណ្តាលផ្តាច់ព្រ័ត្រហូឡង់ជួបក្រូអាស៊ី អ៊ីតាលីជួបអេស្ប៉ាញ

ប្រជាពលរដ្ឋខេត្តត្បូងឃ្មុំសម្តែងក្តីរីករាយ មោទកភាពដែលកម្ពុជាធ្វើជាម្ចាស់ផ្ទះការប្រកួតកីឡាស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡា​សូ​រី​ន​ហ្ស៊ិ​កាំ​ប៉ូ​រកឃើញ​ជើង​ខ្លាំង​ក្នុងការ​ប្រកួត​ជើងឯក​ថ្នាក់ជាតិ​ឆ្នាំ​២០២២

Gareth Bale ប្រកាស​ចូលរួម​ប្រកួត​វាយកូនគោល​ក្នុង​កម្មវិធី​មួយ​នៅ​ក្របខណ្ឌ PGA Tour

មេធាវី​របស់ Messi នឹង​ជួយ​ការពារ​ក្តី Dani Alves ដែល​ត្រូវ​ចោទប្រកាន់​ពីបទ​រំលោភបំពាន​ផ្លូវភេទ​

Marcus Rashford បន្ត​ស្ថិតិ​ស៊ុត​បញ្ចូល​ទី​គ្រប់ការ​ប្រកួត​តាំងពី​បញ្ចប់ World Cup

ក្រុមកីឡាករប្តេជ្ញាប្រឹងឱ្យអស់ពីសមត្ថភាពដើម្បីទទួលបានជោគជ័យក្នុងព្រឹត្តិការណ៍ស៊ីហ្គេមលើកទី៣២

កីឡាការិនី​ប៉ូឡូញ Magda Linette បន្ត​ក្តី​ស្រមៃ​ឡើងដល់​វគ្គ​ពាក់កណ្តាល​ផ្តាច់ព្រ័ត្រ Australian Open លើកដំបូង

Djokovic យកឈ្នះ Ruben Rublev ឡើង​វគ្គ​ពាក់កណ្តាល​ផ្តាច់ព្រ័ត្រ Australian Open

ចាប់ឆ្នោត UEFA Nations League វគ្គ​ពាក់កណ្តាល​ផ្តាច់ព្រ័ត្រ​ហូ​ឡង់​ជួប​ក្រូ​អាស៊ី អ៊ីតាលី​ជួប​អេ​ស្ប៉ា​ញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាសូរីនហ្ស៊ិកាំប៉ូរកឃើញជើងខ្លាំងក្នុងការប្រកួតជើងឯកថ្នាក់ជាតិឆ្នាំ២០២២

Gareth Bale ប្រកាសចូលរួមប្រកួតវាយកូនគោលក្នុងកម្មវិធីមួយនៅក្របខណ្ឌ PGA Tour

មេធាវីរបស់ Messi នឹងជួយការពារក្តី Dani Alves ដែលត្រូវចោទប្រកាន់ពីបទរំលោភបំពានផ្លូវភេទ

Marcus Rashford បន្តស្ថិតិស៊ុតបញ្ចូលទីគ្រប់ការប្រកួតតាំងពីបញ្ចប់ World Cup

កីឡាការិនីប៉ូឡូញ Magda Linette បន្តក្តីស្រមៃឡើងដល់វគ្គពាក់កណ្តាលផ្តាច់ព្រ័ត្រ Australian Open លើកដំបូង

Djokovic យកឈ្នះ Ruben Rublev ឡើងវគ្គពាក់កណ្តាលផ្តាច់ព្រ័ត្រ Australian Open

ចាប់ឆ្នោត UEFA Nations League វគ្គពាក់កណ្តាលផ្តាច់ព្រ័ត្រហូឡង់ជួបក្រូអាស៊ី អ៊ីតាលីជួបអេស្ប៉ាញ