BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កម្ពុជាទទួលបានទំនុកចិត្តបន្ថែម ក្រោយកិច្ចប្រជុំនាយបេសកកម្មស៊ីហ្គេមលើកទី១

ស៊ីហ្គេម៖ កិច្ចប្រជុំនាយបេសកកម្មស៊ីហ្គេម (CDM) លើកទី១ នៅកម្ពុជា បានដំណើរការយ៉ាងរលូនកាលពីថ្ងៃទី២៥ ខែមករា ឆ្នាំ២០២៣ ដោយបានផ្ដល់នូវទំនុកចិត្តបន្ថែមទៀត សម្រាប់ម្ចាស់ផ្ទះកម្ពុជាក្នុងការត្រៀមរៀបចំព្រឹត្តិការណ៍ជាប្រវត្តិសាស្ដ្រស៊ីហ្គេមលើកទី៣២ ឆ្នាំ២០២៣ នាខែឧសភាខាងមុខ។កិច្ចប្រជុំថ្ងៃដំបូងនៅសណ្ឋាគារហ្គាឌិនស៊ីធីនេះ មានការចូលរួមពីនាយបេសកកម្ម និងប្រតិភូគ្រប់បណ្ដាប្រទេសមាជិក ក្រោមការដឹកនាំរបស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) និងជាអគ្គលេខាធិការគណៈកម្មាធិការជាតិអូឡាំពិកកម្ពុជា។ ឯកឧត្តម វ៉ាត់ ចំរើន មានប្រសាសន៍ថា កិច្ចប្រជុំនេះបានផ្ដើមជាមួយប្រធានបទសំខាន់ៗ ពាក់ព័ន្ធនឹងការទទួលបដិសណ្ឋារកិច្ច, ពិធីបើក-បិទ, ការស្នាក់នៅ ហូបចុក និងដឹកជញ្ជូន, វេជ្ជសាស្ដ្រកីឡា និងដូភីង, ពិធីការ និងហ្គេមព័ត៌មានវិទ្យាជាដើម ដែលរាល់ការធ្វើបទបង្ហាញនីមួយៗសុទ្ធតែទទួលបានការគាំទ្រពីបណ្ដាប្រតិភូចូលរួម និងជាការផ្ដល់នូវភាពកក់ក្ដៅបន្ថែមទៀត សម្រាប់ប្រតិភូ និងអត្តពលិកទាំងអស់ដែលនឹងត្រូវមកប្រកួតកីឡាស៊ីហ្គេមនៅកម្ពុជាផងដែរ។ទន្ទឹមជាមួយគ្នា នាយបេសកកម្មនៃប្រទេសសមាជិកបានសម្ដែងការសាទរ និងកោតសរសើរកម្ពុជាក្នុងការត្រៀមខ្លួនបានយ៉ាងល្អ ដើម្បីរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ជាក់ស្ដែងនាយបេសកកម្មវៀតណាម មីយ៉ាន់ម៉ា និងប្រ៊ុយណេជាដើមដែលបានបង្ហាញសុទិដ្ឋិនិយមខ្ពស់ថា កម្ពុជានឹងអាចធ្វើបាន ហើយទទួលបានជោគជ័យជាក់ជាពុំបាន ទោះបីជាការរៀបចំធ្វើម្ចាស់ផ្ទះលើកដំបូងយ៉ាងណាក៏ដោយ។ គួរដឹងថា កិច្ចប្រជុំរយៈពេល ៣ថ្ងៃនេះ បន្ទាប់ពីកិច្ចប្រជុំនាយបេសកកម្មស៊ីហ្គេមនៅព្រឹកថ្ងៃដំបូង ក៏ដូចជាការចូលរួមពិធីរាប់ថយក្រោយ ១០០ថ្ងៃនៃដំណើរឆ្ពោះទៅព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ នាពហុកីឡដ្ឋានជាតិមរតកតេជោ នាយបេសកកម្មទាំងអស់ក៏នឹងមានការធ្វើដំណើរទស្សនកិច្ច ទីលានប្រកួតនៅពហុកីឡដ្ឋានជាតិមរតកតេជោ និងពហុកីឡដ្ឋានជាតិ រួចនឹងបន្តទៅទស្សនកិច្ចទីលានប្រកួតនៅខេត្តព្រះសីហនុ មុនមាតុភូមិនិវត្តទៅកាន់បណ្ដាប្រទេសរៀងៗខ្លួនវិញនាថ្ងៃទី២៧ ខែមករាផងដែរ៕ អត្ថបទ៖ លី ឈុនឡា

សុបិន ៦៤ឆ្នាំរបស់កម្ពុជាក្នុងការរៀបចំស៊ីហ្គេមជិតក្លាយជាការពិត ខណៈពលរដ្ឋរីករាយជាខ្លាំង

ស៊ីហ្គេម៖ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការបកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានមានប្រសាសន៍ថា សុបិន ៦៤ឆ្នាំរបស់កម្ពុជាក្នុងការរៀបចំព្រឹត្តិការណ៍កីឡាដ៏ធំប្រចាំតំបន់នេះកាន់តែខិតជិតក្លាយជាការពិត ស្របពេលប្រជាពលរដ្ឋបានសាទរ និងសប្បាយរីករាយជាខ្លាំង បន្ទាប់ពីកម្ពុជាបានរៀបចំពិធីរាប់ថយក្រោយ ១០០ថ្ងៃនៃដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជាកាលពីល្ងាចថ្ងៃទី២៥ ខែមករាម្សិលមិញ។ ថ្លែងក្នុងពិធីរាប់ថយក្រោយ ១០០ថ្ងៃដែលមានថ្នាក់ដឹកនាំ មន្ដ្រីកីឡាករ និងកីឡាករ-កីឡាការិនីជាច្រើន ពិសេសវត្តមាននាយបេសកកម្មស៊ីហ្គេមនៃបណ្ដាប្រទេសអាស៊ីអាគ្នេយ៍ចូលរួម សម្ដេចពិជ័យសេនា ទៀ បាញ់ បានថ្លែងអំរគុណសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលជានិច្ចកាលតែងតែផ្ដល់អនុសាសន៍ណែនាំដ៏ខ្ពង់ខ្ពស់ក្នុងវេទិកានានា ជុំវិញការត្រៀមរៀបចំការប្រកួតនេះ ពិសេសក្នុងថ្ងៃរាប់ថយក្រោយ ១០០ថ្ងៃដោយស្នើឲ្យប្រព័ន្ធផ្សព្វផ្សាយទាំងអស់ចូលរួមយុទ្ធនាការនេះឲ្យបានផុសផុល ដើម្បីឲ្យប្រជាពលរដ្ឋទាំងក្នុង និងក្រៅប្រទេសបានដឹង និងបំផុសស្មារលើកទឹកចិត្តកីឡាករ-កីឡាការិនីឆ្ពោះទៅរកភាពជោគជ័យដ៏ត្រចះត្រចង់ក្នុងនាមម្ចាស់ផ្ទះ។ សម្តេចពិជ័យសេនា ទៀ បាញ់ បានគូសបញ្ជាក់ថា កម្ពុជាបានរង់ចាំរយៈពេល ៦៤ឆ្នាំទើបបានសម្រេចចិត្តយកឆ្នាំ២០២៣ ធ្វើជាម្ចាស់ផ្ទះកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ ក្នុងនាមជាម្ចាស់ផ្ទះ កម្ពុជាតែងតែឈរលើជំហរយ៉ាងមុតមាំលើគោលការណ៍កិច្ចសហប្រតិបត្តិការ សន្តិសហវិជ្ជមាន ស្មើមុខស្មើមាត់ និងបម្រើផលប្រយោជន៍គ្នាទៅវិញទៅមកប្រកបដោយសុឆន្ទៈរួម ដើម្បីកសាងជោគវាសនារួមគឺសុខសន្តិភាព និងការអភិវឌ្ឍក្នុងតំបន់។ ជាក់ស្តែងដើម្បីធានាការរៀបចំឲ្យទទួលបានជោគជ័យ និងបន្សល់កេរ្តិ៍ឈ្មោះល្អ រាជរដ្ឋាភិបាល ក្រសួង ស្ថាប័នពាក់ព័ន្ធ អាជ្ញាធររាជធានី ខេត្ត ពិសេសក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិ បានផ្ដុំកម្លាំងមហាសាមគ្គីជាតិប្តេជ្ញាចិត្តប្រកបដោយឆន្ទៈ និងស្មារតីទទួលខុសត្រូវខ្ពស់ក្នុងការរៀបចំធ្វើជាម្ចាស់ផ្ទះ ដោយគោរពយ៉ាងម៉ឺងម៉ាត់តាមបទប្បញ្ញត្តិស្ដង់ដារកីឡាអន្តរជាតិ។ លើសពីនេះ កម្ពុជាមានមហិច្ឆតាទទួលស្វាគមន៍ប្រកបដោយភាពកក់ក្តៅ ធ្វើបដិសណ្ឋារកិច្ច និងផ្តល់សេវាល្អដល់គ្រប់ប្រតិភូកីឡា និងភ្ញៀវជាតិ អន្តរជាតិលើការងារពិធីការ ដឹកជញ្ជូន ស្នាក់នៅ ហូបចុក ការពារសន្តិសុខ សណ្តាប់ធ្នាប់ សុខាភិបាល និងផ្ដល់ភាពសប្បាយរីករាយ ភាពរួសរាយរាក់ទាក់ ពោរពេញដោយស្នាមញញឹមចេញពីបេះដូង របស់ប្រជាជនខ្មែរគ្រប់រូប ដើម្បីផ្ដល់នូវភាពកក់ក្តៅដល់ភ្ញៀវកីឡាមកពីគ្រប់ទិសទីជុំវិញពិភពលោក និងបន្សល់ទុកនូវមរតកស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ដល់ម្ចាស់ផ្ទះកម្ពុជា។ នេះបើតាមការសង្កត់ធ្ងន់របស់សម្ដេចពិជ័យសេនា។ ទន្ទឹមជាមួយគ្នា បងប្អូនប្រជាពលរដ្ឋ និងយុវជនដែលចូលរួមអបអរសាទរក្នុងពិធីរាប់ថយក្រោយ ១០០ថ្ងៃបានសម្ដែងការសប្បាយរីករាយ ដែលព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជានេះកាន់តែខិតជិតមកដល់។ ហេតុនេះប្រជាពលរដ្ឋបានអំពាវនាវឲ្យមានការចូលរួមយុទ្ធការដ៏មានអត្ថន័យនេះកាន់តែច្រើនថែមទៀត ដើម្បីឆ្ពោះទៅរកភាពជោគជ័យទាំងអស់គ្នា។ គួរដឹងថា គិតត្រឹមថ្ងៃទី២៦ ខែមករានេះ កម្ពុជានៅសល់ ៩៩ថ្ងៃគត់នៃដំណើរឆ្ពោះទៅស៊ីហ្គេម លើកទី៣២ ដែលនឹងដំណើរការការប្រកួតពីថ្ងៃទី០៥-១៧ ខែឧសភាខាងមុខ និងការប្រកួតកីឡាអាស៊ានប៉ារ៉ាហ្គេម លើកទី១២ នាថ្ងៃទី០៣-០៩ ខែមិថុនា ឆ្នាំ២០២៣៕ អត្ថបទ៖ លី ឈុនឡា

Bournemouth ព្រមព្រៀងទិញខ្សែប្រយុទ្ធសេណេហ្កាល់ Nicolas Jackson ពី Villarreal តម្លៃ ២៣លានអឺរ៉ូ

បាល់ទាត់៖ ក្លិប Bournemouth បានឈានដល់កិច្ចព្រមព្រៀងហើយ ក្នុងការនាំយកខ្សែប្រយុទ្ធសញ្ជាតិសេណេហ្កាល់ Nicolas Jackson ពីក្លិបអេស្ប៉ាញ Villarreal ក្នុងតម្លៃ ២៣លានអឺរ៉ូ។ Jackson ដែលអាចលេងតំបន់ខាងលើទាំង ៣តំណែង បានស៊ុតបញ្ចូលទី ៣គ្រាប់ក្នុងការបង្ហាញខ្លួន ២៤ប្រកួតគ្រប់ក្របខណ្ឌរដូវកាលនេះជាមួយ Villarreal។ កីឡាករវ័យ ២១ឆ្នាំរូបនេះនឹងក្លាយជាសមាជិកទី២ ដែលមកកាន់ Bournemouth ក្នុងខែមករានេះ បន្ទាប់ពីការមកដល់របស់ Dango Ouattara តម្លៃ ២០លានផោនពីក្លិបបារាំង Lorient។ Nicolas Jackson បានចាប់ផ្តើមអាជីពនៅក្លិបសេណេហ្កាល់ Casa Sports មុនពេលផ្លាស់មកកាន់ Villarreal នៅឆ្នាំ២០១៩ តែបានត្រឹមលេងឱ្យក្រុមបម្រុង ហើយក៏ទទួលបានកៅអីក្រុមធំនៅខែតុលា ឆ្នាំ២០២១។ Jackson ក៏ជាសមាជិករបស់ក្រុមសេណេហ្កាល់នៅ World Cup 2022 កន្លងមកដែរ និងបានបង្ហាញខ្លួនពេលជួបហូឡង់។ Bournemouth ក្រោមការវិនិយោគដោយថៅកែថ្មីជាអ្នកជំនួញអាមេរិក Bill Foley កំពុងចំណាយលុយ ព្យាយាមយ៉ាងណាឱ្យក្លិបរក្សាខ្លួនផុតពីតំបន់គ្រោះថ្នាក់នៅក្របខណ្ឌ English Premier League។ Bournemouth បច្ចុប្បន្នឈរលេខ១៨ នឹងត្រូវទៅទឹកដី Brighton នៅថ្ងៃសៅរ៍ ទី៤ ខែកុម្ភៈ៕អត្ថបទ៖នាង សុភាវុធ

Joshua Kimmich សង្គ្រោះ Bayern Munich ពីបរាជ័យក្នុងផ្ទះខ្លួនឯង

បាល់ទាត់៖ ខ្សែបម្រើអាល្លឺម៉ង់ Joshua Kimmich បានស៊ុតបញ្ចូលទីគ្រាប់បាល់ចុងម៉ោងដើម្បីសង្គ្រោះក្រុមកំពូលតារាង Bayern Munich ពីបរាជ័យក្នុងទឹកដីខ្លួនឯងពេលទទួល FC Cologne យប់មិញសប្តាហ៍ទី១៧ នៃក្របខណ្ឌអាល្លឺម៉ង់ Bundesliga។ Ellyse Skhiri បានស៊ុតបញ្ចូលទីបើកការនាំមុខឱ្យក្រុមភ្ញៀវ Cologne តាំងពីនាទីទី៤ ហើយក៏រំពឹងថានឹងបាន ៣ពិន្ទុដ៏កម្រពីទឹកដី Bayern Munich ផងដែរ ខណៈការប្រកួតហៀបនឹងចប់ទៅហើយនោះ។ ផ្ទុយទៅវិញការស៊ុតពីក្រៅប្រអប់គ្រោះថ្នាក់ពីចម្ងាយរបស់ Joshua Kimmich នៅនាទីទី៩០ បានសង្គ្រោះ Bayern Munich ពីបរាជ័យក្នុងផ្ទះខ្លួនឯង។ Bayern Munich នៅតែបន្តនាំមុខគេក្នុងតារាងដដែលមាន ៣៦ពិន្ទុដាច់ក្រុមលេខ២ RB Leipzig ៤ពិន្ទុ។ Leipzig យប់មិញបានបំបាក់ក្រុមបាតតារាង Schalke ដោយលទ្ធផលធំធេង ៦-១ ដើម្បីឡើងមកលេខ២។ Andre Silva រកបានពីរគ្រាប់ម្នាក់ឯងក្នុងការប្រកួតនេះ ខណៈបួនគ្រាប់ទៀតរកបានដោយកីឡាករបួននាក់ផ្សេងគ្នារួមមាន Benjamin Henrichs, Timo Werner, Dani Olmo និង Yussuf Poulsen។ ក្រុមលេខ៣ និងលេខ៤ Frankfurt និង Union Berlin ដែលមាន ៣០ពិន្ទុស្មើគ្នាត្រូវប្រកួតយប់នេះដោយ Frankfurt ទៅផ្ទះ Freiburg ឯ Union Berlin ទៅផ្ទះ Werder Bremen៕អត្ថបទ៖នាង សុភាវុធ

Victoria Azarenka ឡើងវគ្គពាក់កណ្តាលផ្តាច់ព្រ័ត្រ Australian Open ក្រោយទម្លាក់ Jessica Pegula

វាយកូនបាល់៖ កីឡាការិនីវាយកូនបាល់បេឡារុស Victoria Azarenka បានបន្តដំណើរស្វែងរកពាន Grand Slam លើកទី៣ ក្នុងអាជីព ក្រោយយកឈ្នះកីឡាការិនីអាមេរិក Jessica Pegula នៅវគ្គ ៨នាក់ចុងក្រោយ។ កីឡាករវ័យ ៣៣ឆ្នាំឈរលំដាប់លេខ ២៤ ក្នុងកម្មវិធី Azarenka បានយកឈ្នះដោយលទ្ធផល ២សិតផ្ទួនៗ ៦-៤ និង ៦-១។ Jessica Pegula គឺជាកីឡាការិនីដែលមានចំណាត់ថ្នាក់ខ្ពស់បំផុតដែលនៅសល់នៅ Australian Open នេះ។ ជុំបន្ត Victoria Azarenka នឹងត្រូវជួបជាមួយជើងឯក Wimbledon, Elena Rybakina ដែលបានទម្លាក់កីឡាការិនីកាហ្សាក់ស្ថាន Jelena Ostapenko។ Rybakina បច្ចុប្បន្នវ័យ ២៣ឆ្នាំធ្វើបានយ៉ាងល្អក្នុងការប្រកួតម្សិលមិញនេះ ជាមួយនឹងការយកពិន្ទុបានពីការវាយសេវាចេញ ១១លើកដើម្បីយកឈ្នះលើ Ostapenko ៦-២ និង ៦-៤។ ការប្រកួតរវាងអ្នកទាំងពីរចំណាយពេល ១ម៉ោង ១៩នាទីបន្ទាប់ពីបានពន្យារពេលដោយសារភ្លៀងធ្លាក់៕អត្ថបទ៖នាង សុភាវុធ

Stefanos Tsitsipas ឡើងជួប Karen Khachanov វគ្គពាក់កណ្តាលផ្តាច់ព្រ័ត្រ Australian Open

វាយកូនបាល់៖ កីឡាករវាយកូនបាល់ក្រិក Stefanos Tsitsipas នឹងត្រូវជួបជាមួយកីឡាកររុស្ស៊ី Karen Khachanov នៅវគ្គពាក់កណ្តាលផ្តាច់ព្រ័ត្រ Grand Slam, Australian Open។ កីឡាករក្រិកលំដាប់លេខ៣ Tsitsipas បានយកឈ្នះកីឡាករក្រិក Jiri Lehecka ៣សិតផ្ទួនៗ ៦-៣ ៧-៦(៧-២) និង ៦-៤ ដើម្បីឡើងវគ្គបួននាក់ចុងក្រោយ Australian Open លើកទី៤ ក្នុងរយៈពេល ៥ឆ្នាំចុងក្រោយ។ សម្រាប់កីឡាករឆែក Jiri Lehecka បានឡើងមកកាន់វគ្គនេះដោយបានទម្លាក់កីឡាករលំដាប់ Top10 ពីរនាក់ និងជាបេក្ខភាពភ្ញាក់ផ្អើលម្នាក់ឡើងមកកាន់វគ្គនេះ។ ងាកមកមួយគូទៀតកីឡាកររុស្ស៊ី Karen Khachanov ក៏បានឈានឡើងវគ្គពាក់កណ្តាលផ្តាច់ព្រ័ត្រ Australian Open ជាលើកដំបូងក្នុងអាជីពផងដែរ ក្រោយពេលគូប្រកួតរបស់ខ្លួន Sebastian Korda ដកខ្លួនដោយសាររបួសកដៃ។ Khachanov បាននាំមុខការប្រកួត ៧-៦(៧-៥) ៦-៣ និងសិតទីបី ៣-០ មុនពេលដែល Korda បានរងរបួសកដៃមិនអាចបន្តការប្រកួតបាន។ វគ្គ ៨នាក់ចុងក្រោយពីរគូទៀតថ្ងៃនេះកីឡាករអាមេរិក Ben Shelton ជួប Tommy Paul និង Novak Djokovic ជួបកីឡាកររុស្ស៊ី Andrey Rublev៕អត្ថបទ៖នាង សុភាវុធ

ប៉ូឡូញប្រកាសតែងតាំងអតីតអ្នកចាត់ការព័រទុយហ្កាល់ Fernando Santos ជាអ្នកចាត់ការក្រុមជម្រើសជាតិ

បាល់ទាត់៖ អតីតអ្នកចាត់ការក្រុមជម្រើសជាតិព័រទុយហ្កាល់លោក Fernando Santos បានក្លាយជាអ្នកចាត់ការក្រុមជម្រើសជាតិប៉ូឡូញជាផ្លូវការ ក្នុងសន្និសីទសារព័ត៌មាននៅទីក្រុងវ៉ាសឺវីប្រទេសប៉ូឡូញថ្ងៃអង្គារម្សិលមិញនេះ។ បុរសវ័យ ៦៨ឆ្នាំរូបនេះបានចាកចេញពីតំណែងក្រុមជម្រើសជាតិព័រទុយហ្កាល់ ក្រោយចាញ់ម៉ារ៉ុកនៅវគ្គ ៨ក្រុមចុងក្រោយ World Cup 2022 នៅកាតាឆ្នាំមុន។ លោក Fernando Santos ត្រូវបានគេរិះគន់ភាគច្រើនពីកំហុសដែលដាក់ឱ្យ Cristiano Ronaldo នៅអង្គុយកៅអីបម្រុងក្នុងបរាជ័យ ១-០ ក្រោមស្នាដៃម៉ារ៉ុក។ លោក Fernando Santos បានចូលមកដឹកនាំព័រទុយហ្កាល់កាលពីឆ្នាំ២០១៤ និងបានដឹកនាំក្រុមសរុប ១០៩ប្រកួតទទួលសមិទ្ធផលឈ្នះជើងឯកទ្វីបអឺរ៉ុបកាលពីឆ្នាំ២០១៦ និងឈ្នះជើងឯក UEFA Nations League ឆ្នាំ២០១៩។ លោក Santos ក៏ធ្លាប់បានដឹកនាំក្រុមជម្រើសជាតិក្រិកផងដែរអំឡុងឆ្នាំ២០១០-១៤ ដោយបាននាំក្រិកបង្ហាញខ្លួនជើងឯកទ្វីបអឺរ៉ុប និង World Cup តែធ្លាក់ត្រឹមវគ្គ ១៦ក្រុមចុងក្រោយដូចគ្នា៕អត្ថបទ៖នាង សុភាវុធ

កីឡាប្រដាល់សកលបង្កើតកំណត់ត្រាថ្មីក្នុងជើងឯកកម្រិតអាស៊ីមុនស៊ីហ្គេម២០២៣

ប្រដាល់សកល៖ កីឡាប្រដាល់សកលកម្ពុជាបានបង្កើតកំណត់ត្រាថ្មី ក្នុងការប្រកួតជើងឯកកម្រិតអាស៊ី ASCB Boxing Championship Thailand 2023 បន្ទាប់ពីមានកីឡាករ ២រូបក្នុងនោះម្នាក់ឡើងវគ្គផ្ដាច់ព្រ័ត្រ និងម្នាក់ទៀតទទួលបានមេដាយសំរឹទ្ធ មុនការប្រកួតកីឡាស៊ីហ្គេមលើកទី៣២ នៅកម្ពុជានាខែឧសភាខាងមុខ។ ចំពោះកីឡាករដែលត្រៀមប្រកួតដណ្ដើមមេដាយមាស នៅវគ្គផ្ដាច់ព្រ័ត្រក្នុងព្រឹត្តិការណ៍នេះគឺកីឡាករកូនកាត់ រ៉ាចាពៅ អាប់ដុលឡា ដែលបានយកឈ្នះកីឡាករគីជីស្ថាន Toktosun UULU Pakyt ដោយពិន្ទុក្នុងវគ្គពាក់កណ្ដាលផ្ដាច់ព្រ័ត្រ។ វគ្គផ្ដាច់ព្រ័ត្រ រ៉ាចាពៅ នឹងត្រូវជួបកីឡាករអ៊ុយបូគីស្ថាន Tokhirov Nusratbek ឆាប់ៗនេះនៅថៃ។ ចំណែកកីឡាករ ពេញ វណ្ណថង បានទទួលមេដាយសំរឹទ្ធក្នុងវិញ្ញាសាទម្ងន់ ៦៧គីឡូក្រាម។ បន្ទាប់ពីឆ្លងផុតវគ្គជម្រុះ វណ្ណថង បានឡើងវគ្គពាក់កណ្ដាលផ្ដាច់ព្រ័ត្រដោយជួបកីឡាករកាហ្សាក់ស្ថាន Serik Abzal តែសោកស្ដាយរូបគេបានចាញ់ មិនអាចបន្ដឡើងវគ្គផ្ដាច់ព្រ័ត្រដោយទទួលបានត្រឹមមេដាយសំរឹទ្ធតែម្ដង។ លោក ប៊ុយ សុភ័ណ្ឌ អគ្គលេខាធិការសហព័ន្ធកីឡាប្រដាល់សកលកម្ពុជាបានឲ្យដឹងថា ព្រឹត្តិការណ៍នេះសហព័ន្ធបានបញ្ជូនកីឡាករ-កីឡាការិនី ៤រូបចូលរួមរួមមានកីឡាករ ពេញ វុណ្ណថង, រ៉ាចាពៅ អាប់ឌុលឡា, ហ៊ុន គឹមហ៊ាង និងកីឡាការិនី វី ស្រីស្រស់។ ការប្រកួតនេះត្រូវបានចាត់ទុកជាការវាស់ស្ទង់សមត្ថភាពចុងក្រោយរបស់កីឡាករ-កីឡាការិនីកម្ពុជា ដើម្បីត្រៀមការប្រកួតកីឡាស៊ីហ្គេមលើកទី៣២ នាខែឧសភា ឆ្នាំ២០២៣ ខាងមុខ៕អត្ថបទ៖ លី ឈុនឡា

ពលរដ្ឋខេត្តកំពង់ចាមពិតជាមានមោទកភាព ខណៈកម្ពុជាទទួលធ្វើជាម្ចាស់ផ្ទះស៊ីហ្គេមឆ្នាំ២០២៣

កំពង់ចាម៖ ពលរដ្ឋខេត្តកំពង់ចាមបានបង្ហាញអារម្មណ៍សប្បាយរីករាយ និងមោទកភាពបំផុតពេលដែលកម្ពុជាទទួលធ្វើជាម្ចាស់ផ្ទះស៊ីហ្គេមឆ្នាំ២០២៣ នេះដោយសារកម្ពុជាមានសន្តិភាពពេញលេញ។ ប្រជាពលរដ្ឋ និងក្រុមកីឡាករក្នុងខេត្តកំពង់ចាមបានបង្ហាញចំណាប់អារម្មណ៍ថា ពិតជារំភើប និងមោទកភាពមែនទែនក្រោមការដឹកនាំរបស់សម្តេចតេជោ ហ៊ុន សែន បានធ្វើឲ្យនាវាកម្ពុជាគេទទួលស្គាល់ពេញពិភពលោក ស្របពេលឆ្នាំ២០២៣ នេះកម្ពុជាទទួលធ្វើជាម្ចាស់ផ្ទះស៊ីហ្គេម។ ប្រជាពលរដ្ឋបន្ថែមទៀតថា កម្ពុជាពិតជាមានការរីកចម្រើន ទាំងផ្នែកសេដ្ឋកិច្ច ហេដ្ឋារចនាសម្ព័ន្ធនានា ដែលធ្វើឲ្យការប្រកួតកីឡាមួយនេះបានយ៉ាងល្អ និងអាចទទួលស្គាល់ពីអន្តរជាតិថា កម្ពុជាពិតជាមានសមត្ថភាពក្នុងការទទួលរៀបចំកីឡាដ៏ធំមួយនេះ។នៅសល់ ១០០ថ្ងៃទៀតការប្រកួតស៊ីហ្គេមនឹងមកដល់ ពួកគេគាំទ្រ និងពេញចិត្តចូលរួមរាប់ថយក្រោយចាប់ពីថ្ងៃទី២៥ នេះរហូតដល់ថ្ងៃប្រកួត។ សូមបញ្ជាក់ថា ការប្រកួតស៊ីហ្គេមឆ្នាំ២០២៣ នឹងប្រព្រឹត្តិទៅចាប់ពីថ្ងៃទី៥ ខែឧសភាដល់ថ្ងៃទី១៧ ខែឧសភា ឆ្នាំ២០២៣ ខាងមុខនេះ៕

ពលរដ្ឋនាំគ្នាផ្ញើសារអបអរសាទរការរាប់ថយក្រោយ ១០០ថ្ងៃនៃព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម

ភ្នំពេញ៖ ចាប់រាប់ពីថ្ងៃទី២៥មករានេះតទៅនៅសល់តែ ១០០ថ្ងៃទៀតប៉ុណ្ណោះ ព្រឹត្តិការណ៍កីឡាស៊ីហ្គេមរួមនឹងព្រឹត្តិការណ៍កីឡាអាស៊ានប៉ារ៉ាហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះនឹងចាប់ផ្តើមជាផ្លូវការ ហើយសម្រាប់ព្រឹត្តិការណ៍កីឡានេះត្រូវបានសម្តេចតេជោ ហ៊ុន សែន បានប្រកាសឱ្យប្រជាពលរដ្ឋទូទាំងប្រទេស នាំគ្នាចូលរួមអបអរសាទររាប់ថយក្រោយឱ្យបានផុលផុសបំផុត។ ជាមួយនឹងការរាប់ថយក្រោយ ១០០ថ្ងៃនៃព្រឹត្តិការណ៍កីឡាស៊ីហ្គេមនេះដែរ បងប្អូនប្រជាពលរដ្ឋបានបង្ហាញសារអបអរសាទរនៅលើបណ្តាញសង្គម Facebook យ៉ាងច្រើនកុះករផងដែរ។ ដោយឡែកសម្រាប់ពលរដ្ឋ និងយុវជនបានឱ្យដឹងថា ពួកគេពិតជាមានមោទកភាពបំផុតដែលកម្ពុជាបានធ្វើម្ចាស់ផ្ទះ រៀបចំព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ហើយទាំងអស់នេះសម្រាប់កម្ពុជាជាលើកទី១ ប៉ុណ្ណោះដែលបានរៀបចំធ្វើម្ចាស់ផ្ទះ ដូចនេះក្នុងនាមជាពលរដ្ឋ និងយុវជនពិតជាសប្បាយចិត្ត និងសូមចូលរួមអបអរសាទររាប់ថយក្រោយនៃព្រឹត្តិការណ៍កីឡាស៊ីហ្គេមទាំងអស់គ្នា ហើយសង្ឃឹមថា បងប្អូនប្រជាពលរដ្ឋទាំងប្រទេសនឹងចូលរួមរាប់ថយក្រោយឱ្យបានផុលផុសបំផុត ដើម្បីលើកមុខមាត់ប្រទេសកម្ពុជា។ គួរបញ្ជាក់ថា ព្រឹត្តិការណ៍កីឡាស៊ីហ្គេមដែលកម្ពុជាធ្វើជាម្ចាស់ផ្ទះ នឹងចាប់ផ្តើមជាផ្លូវការចាប់ពីថ្ងៃទី៥ ខែឧសភារហូតដល់ថ្ងៃទី១៧ ខែឧសភាដែលមានរយៈពេល ១៣ថ្ងៃ ហើយព្រឹត្តិការណ៍កីឡាមួយនេះនឹងមាន ៣៨ប្រភេទកីឡាចូលរួមប្រកួត ដែលមកពី ១១ប្រទេសក្នុងតំបន់អាស៊ានរួមនឹងទីម័រ៕ អត្ថបទ៖ គង់ រ៉េន

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កម្ពុជាទទួលបានទំនុកចិត្តបន្ថែម ក្រោយកិច្ចប្រជុំនាយបេសកកម្មស៊ីហ្គេមលើកទី១

សុបិន ៦៤ឆ្នាំរបស់កម្ពុជាក្នុងការរៀបចំស៊ីហ្គេមជិតក្លាយជាការពិត ខណៈពលរដ្ឋរីករាយជាខ្លាំង

Bournemouth ព្រមព្រៀងទិញខ្សែប្រយុទ្ធសេណេហ្កាល់ Nicolas Jackson ពី Villarreal តម្លៃ ២៣លានអឺរ៉ូ

Joshua Kimmich សង្គ្រោះ Bayern Munich ពីបរាជ័យក្នុងផ្ទះខ្លួនឯង

Victoria Azarenka ឡើងវគ្គពាក់កណ្តាលផ្តាច់ព្រ័ត្រ Australian Open ក្រោយទម្លាក់ Jessica Pegula

Stefanos Tsitsipas ឡើងជួប Karen Khachanov វគ្គពាក់កណ្តាលផ្តាច់ព្រ័ត្រ Australian Open

ប៉ូឡូញប្រកាសតែងតាំងអតីតអ្នកចាត់ការព័រទុយហ្កាល់ Fernando Santos ជាអ្នកចាត់ការក្រុមជម្រើសជាតិ

កីឡាប្រដាល់សកលបង្កើតកំណត់ត្រាថ្មីក្នុងជើងឯកកម្រិតអាស៊ីមុនស៊ីហ្គេម២០២៣

ពលរដ្ឋខេត្តកំពង់ចាមពិតជាមានមោទកភាព ខណៈកម្ពុជាទទួលធ្វើជាម្ចាស់ផ្ទះស៊ីហ្គេមឆ្នាំ២០២៣

ពលរដ្ឋនាំគ្នាផ្ញើសារអបអរសាទរការរាប់ថយក្រោយ ១០០ថ្ងៃនៃព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កម្ពុជា​ទទួលបាន​ទំនុកចិត្ត​បន្ថែម ក្រោយ​កិច្ចប្រជុំ​នាយ​បេសកកម្ម​ស៊ី​ហ្គេមលើក​ទី​១

សុបិន ៦៤​ឆ្នាំ​របស់​កម្ពុជា​ក្នុងការ​រៀបចំ​ស៊ី​ហ្គេម​ជិត​ក្លាយ​ជា​ការពិត ខណៈ​ពលរដ្ឋ​រីករាយ​ជាខ្លាំង​

Bournemouth ព្រមព្រៀង​ទិញ​ខ្សែប្រយុទ្ធ​សេ​ណេ​ហ្កា​ល់ Nicolas Jackson ពី Villarreal តម្លៃ ២៣លាន​អឺរ៉ូ​

Joshua Kimmich សង្គ្រោះ Bayern Munich ពី​បរាជ័យ​ក្នុងផ្ទះ​ខ្លួនឯង​

Victoria Azarenka ឡើង​វគ្គ​ពាក់កណ្តាល​ផ្តាច់ព្រ័ត្រ Australian Open ក្រោយ​ទម្លាក់ Jessica Pegula

Stefanos Tsitsipas ឡើង​ជួប Karen Khachanov វគ្គ​ពាក់កណ្តាល​ផ្តាច់ព្រ័ត្រ Australian Open

ប៉ូឡូញ​ប្រកាស​តែងតាំង​អតីត​អ្នកចាត់ការ​ព័រទុយហ្កាល់ Fernando Santos ជា​អ្នកចាត់ការ​ក្រុម​ជម្រើសជាតិ

កីឡា​ប្រដាល់​សកល​បង្កើត​កំណត់ត្រា​ថ្មី​ក្នុង​ជើងឯក​កម្រិត​អាស៊ី​មុន​ស៊ី​ហ្គេម​២០២៣

ពលរដ្ឋ​ខេត្ត​កំពង់ចាម​ពិត​ជាមាន​មោទកភាព ខណៈ​កម្ពុជា​ទទួល​ធ្វើជា​ម្ចាស់ផ្ទះ​ស៊ី​ហ្គេម​ឆ្នាំ​២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្ពុជាទទួលបានទំនុកចិត្តបន្ថែម ក្រោយកិច្ចប្រជុំនាយបេសកកម្មស៊ីហ្គេមលើកទី១

សុបិន ៦៤ឆ្នាំរបស់កម្ពុជាក្នុងការរៀបចំស៊ីហ្គេមជិតក្លាយជាការពិត ខណៈពលរដ្ឋរីករាយជាខ្លាំង

Bournemouth ព្រមព្រៀងទិញខ្សែប្រយុទ្ធសេណេហ្កាល់ Nicolas Jackson ពី Villarreal តម្លៃ ២៣លានអឺរ៉ូ

Joshua Kimmich សង្គ្រោះ Bayern Munich ពីបរាជ័យក្នុងផ្ទះខ្លួនឯង

Victoria Azarenka ឡើងវគ្គពាក់កណ្តាលផ្តាច់ព្រ័ត្រ Australian Open ក្រោយទម្លាក់ Jessica Pegula

Stefanos Tsitsipas ឡើងជួប Karen Khachanov វគ្គពាក់កណ្តាលផ្តាច់ព្រ័ត្រ Australian Open

ប៉ូឡូញប្រកាសតែងតាំងអតីតអ្នកចាត់ការព័រទុយហ្កាល់ Fernando Santos ជាអ្នកចាត់ការក្រុមជម្រើសជាតិ

កីឡាប្រដាល់សកលបង្កើតកំណត់ត្រាថ្មីក្នុងជើងឯកកម្រិតអាស៊ីមុនស៊ីហ្គេម២០២៣

ពលរដ្ឋខេត្តកំពង់ចាមពិតជាមានមោទកភាព ខណៈកម្ពុជាទទួលធ្វើជាម្ចាស់ផ្ទះស៊ីហ្គេមឆ្នាំ២០២៣