BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

អភិបាលខេត្តកោះកុង បំផុសស្មារតីដល់មន្រ្តីរាជការ និងកីឡាករ ផ្សព្វផ្សាយដំណើរឆ្ពោះទៅកាន់ស៊ីហ្គេមឆ្នាំ២០២៣ខាងមុខ

កោះកុង៖ លោកជំទាវអភិបាលខេត្តកោះកុង បានបំផុសស្មារតីដល់មន្រ្តីរាជការ និងកីឡាករក្នុងខេត្តទាំងអស់ត្រូវផ្សព្វផ្សាយចែករំលែកព័ត៌មានឱ្យកាន់តែទូលំទូលាយ តាមរយៈបណ្តាញសង្គមពីដំណើរឆ្ពោះទៅស៊ីហ្គេមឆ្នាំ២០២៣ ខែឧសភាខាងមុខ។លោកជំទាវ មិថុនា ភូថង អភិបាលខេត្តធ្វើឡើងនៅពិធីបិទវគ្គការប្រកួតបាល់ទាត់ដណ្ដើមពានរង្វាន់ប្រចាំឆ្នាំ និងតបតាមការអំពាវនាវរបស់សម្តេចតេជោ ហ៊ុន សែន នាយករដ្ឋមន្រ្តី ដោយជំរុញឱ្យមានការផ្សព្វផ្សាយពីកីឡាស៊ីហ្គេមកាន់តែខ្លាំងក្លា។លោកជំទាវ មិថុនា ភូថង បានគូសបញ្ជាក់ កាលពីរសៀលថ្ងៃទី២៤ ខែមករា ឆ្នាំ២០២៣ថា យុទ្ធនាការជាតិរាប់ថយក្រោយ ១០០ថ្ងៃសម្រាប់ព្រឹត្តិការណ៍ស៊ីហ្គេម លើកទី៣២ ដែលកម្ពុជាធ្វើជាម្ចាស់ផ្ទះគឺផ្តើមចាប់ថ្ងៃទី២៥ ខែមករា នេះតទៅហើយ ដើម្បីគាំទ្រវិស័យកីឡាជាតិក្រោមពាក្យស្លោក«កីឡារស់ក្នុងសន្តិភាព»។ដើម្បីចូលរួមលើកកម្ពស់វិស័យកីឡាបាល់ទាត់ក្នុងខេត្តកោះកុង ឱ្យកាន់តែរីកចំរើនបន្ថែម លោកជំទាវអភិបាលខេត្ត ក៏ស្នើដល់លោកប្រធានមន្ទីរអប់រំ យុវជន និងកីឡាខេត្ត លោកប្រធានគណៈកម្មការក្លិបកីឡាបាល់ទាត់ អាជ្ញាធរក្រុងស្រុកពាក់ព័ន្ធ ត្រូវយកចិត្តទុកលើការហ្វឹកហាត់ ថែបំប៉ន កីឡាករ និងសូមលើកទឹកចិត្តដល់កីឡាករទាំងអស់។ ត្រូវរៀបចំឲ្យមានការប្រកួតឲ្យបានញឹកញាប់ ដើម្បីពង្រឹងសមត្ថភាពកីឡាករ និងបំផុសសកម្មភាពអប់រំកាយ និងកីឡាដល់សិស្សានុសិស្ស ឲ្យចូលរួមហាត់ប្រាណថែរក្សា និងបំប៉នសុខភាពផ្លូវកាយ ផ្លូវចិត្ត ផ្លូវបញ្ញា ឱ្យប្រកបដោយសីលធ៌ម ចៀសឆ្ងាញពីកាំរប្រព្រឹត្តនូវសកម្មភាពអសីលធម៌ អំពើ អបាយមុខផ្សេងៗ ជាពិសេសគឺការសេពគ្រឿងញៀនតែម្តង។ទាក់ទិននឹងការជំរុញបំផុសស្មារតីរបស់លោកជំទាវ មិថុនា ភូថង អភិបាលខេត្ត ត្រូវបានក្រុមកីឡាករ អះអាងថា ពួកគេនឹងចូលរួមផ្សព្វផ្សាយសារសំខាន់ពីការរាប់ថយក្រោយដំណើរការឆ្ពោះទៅកាន់ការធ្វើជាម្ចាស់ផ្ទះកីឡាស៊ីហ្គេមឆ្នាំ២០២៣ លើកទី៣២ ឱ្យកាន់តែទូលំទូលាយ ដើម្បីសាធារណជនបានដឹង និងជ្រាបជាព័ត៌មានគ្រប់មជ្ឈដ្ឋាន។គួរជម្រាបថា វិស័យកីឡា ក៏ជាវិស័យស្នូលសំខាន់មួយដែលរាជរដ្ឋាភិបាលបានខិតខំយកចិត្តទុកដាក់លើកកម្ពស់ និងបានចាត់ទុកវិស័យកីឡា បានដើរតួនាទីយ៉ាងសំខាន់ក្នុងការកសាងទំនាក់ទំនង ការពង្រឹងសាមគ្គីភាព និងមិត្តភាព ព្រមទាំងបានរួមចំណែកដល់ការបង្កើនមូលធនសង្គម និងការសម្រេចបានសុខដុមនីយកម្មក្នុងសង្គមជាតិ៕(អត្ថបទ៖ ឈឹម មករា)

Everton សម្រេចបញ្ចប់តំណែងអ្នកចាត់ការ Frank Lampard ក្រោយក្លិបធ្លាក់ដល់តំបន់គ្រោះថ្នាក់

បាល់ទាត់៖ ក្លិប Everton បានសម្រេចបញ្ចប់តំណែងអ្នកចាត់ការ Frank Lampard ហើយក្រោយដឹកនាំក្រុមមិនបានមួយឆ្នាំស្រួលបួលផងនៅ Goodison Park។ បរាជ័យក្រោមស្នាដៃ West Ham កាលពីថ្ងៃសៅរ៍គឺជាបរាជ័យទី៩ ក្នុង ១២ប្រកួតចុងក្រោយនៅ Premier League។ បច្ចុប្បន្នឈរលេខ ១៩ មាន ១៥ពិន្ទុស្មើជាមួយក្រុមបាតតារាង Southampton បន្ទាប់ពីការប្រកួតចំនួន ២០ប្រកួតរដូវកាលនេះ។ អតីតខ្សែបម្រើក្រុមជម្រើសជាតិអង់គ្លេសវ័យ ៤៤ឆ្នាំរូបនេះបានមកជំនួសតំណែងលោក Rafael Benitez កាលពីខែមករា ឆ្នាំ២០២២ នៅពេលដែល Everton ឈរលេខ ១៦ នៅពេលនោះ និងជួយ Everton រួចផុតពីការកាត់ចោល។ ក្រោមការដឹកនាំរបស់ Frank Lampard នៅ Everton សរុបចំនួន ៣៨ប្រកួតរួមមានឈ្នះ ៩ ស្មើ ៨ ចាញ់ ២១ ដែលជាស្ថិតិជាមធ្យមដ៏អាក្រក់មួយបើប្រៀបធៀបនឹងអ្នកចាត់ការមុនៗ។ Everton នៅពេលនេះកំពុងស្វែងរកអ្នកចាត់ការថ្មីជាចាំបាច់ ហើយមនុស្ស ៣នាក់ត្រូវបានគេរំពឹងថានឹងអាចក្លាយជាអ្នកចាត់ការបន្តពី Lampard រួមមាន Wayne Rooney, Marcelo Bielsa និង Sean Dyche៕អត្ថបទ៖នាង សុភាវុធ

លោក Ronald Koeman ត្រូវតែងតាំងជាគ្រូបង្វឹកក្រុមជម្រើសជាតិហូឡង់ផ្លូវការ

បាល់ទាត់៖ លោក Ronald Koeman បានវិលត្រលប់មកកាន់ការងារជាគ្រូបង្វឹកវិញ ក្រោយត្រូវប្រកាសតែងតាំងជាផ្លូវការដឹកនាំក្រុមជម្រើសជាតិហូឡង់បន្តតំណែងពីលោក Louis van Gaal។ លោក Ronald Koeman ដែលត្រូវបានប្រកាសថានឹងបន្តតំណែងលោក Van Gaal តាំងពីឆ្នាំមុននោះបាននិយាយថា លោកនឹងរៀបចំប្រព័ន្ធការពារ ៤នាក់វិញជំនួសពីការប្រើប្រាស់ខ្សែការពារត្រឹម ៣នាក់ក្រោមការដឹកនាំរបស់លោក Louis van Gaal រយៈពេល ១៨ខែកន្លងមក។ នេះជាប្រព័ន្ធដែលលោក Koeman រៀបចំអំឡុងពេលដឹកនាំក្រុមហូឡង់ដំបូងពីឆ្នាំ២០១៨ ដល់ ២០២០ មុនពេលលោកចាកចេញទៅដឹកនាំ Barcelona។ ហូឡង់បានឡើងដល់វគ្គ ៨ក្រុមចុងក្រោយ World Cup 2022 នៅកាតាឆ្នាំមុនដោយចាញ់ក្រុមជើងឯកអាហ្សង់ទីនដោយបាល់ ១១ម៉ែត្រកាត់សេចក្តី។ ការងាររបស់លោក Koeman គឺដឹកនាំក្រុមហូឡង់ប្រកួតជម្រុះបាល់ទាត់អឺរ៉ុបទល់នឹងក្រុមបារាំងនៅថ្ងៃទី២៤ ខែមីនាខាងមុខ ហើយហូឡង់ក៏នឹងត្រូវប្រជែងពាន UEFA Nations League ផងដែរដោយស្ថិតក្នុងពូលជាមួយក្រូអាស៊ី អ៊ីតាលី និងអេស្ប៉ាញ៕អត្ថបទ៖នាង សុភាវុធ

Magda Linette ទម្លាក់ Caroline Garcia ឡើងវគ្គ ៨នាក់ចុងក្រោយ Grand Slam លើកដំបូងក្នុងអាជីព

វាយកូនបាល់៖ កីឡាការិនីវាយកូនបាល់ប៉ូឡូញ Magda Linette បានឈានឡើងវគ្គ ៨នាក់ចុងក្រោយ Grand Slam លើកដំបូងក្នុងវ័យ ៣០ឆ្នាំក្រោយជ័យជំនះដ៏គួរឱ្យភ្ញាក់ផ្អើលលើកីឡាការិនីលំដាប់លេខ៤ Caroline Garcia នៅ Australian Open។ បច្ចុប្បន្នឈរលេខ ៤៥ ពិភពលោក Magda Linette បានយកឈ្នះកីឡាការិនីបារាំង Caroline Garcia ដោយលទ្ធផល ៧-៦(៧-៣) និង ៦-៤។ Magda Linette បាននិយាយថា នាងមិនជឿខ្លួនឯឡើយនូវអ្វីដែលបានកើតឡើងនៅពេលនេះ។ កីឡាការិនីវ័យ ៣០ឆ្នាំដែលមានកំណត់ត្រាផ្ទាល់ខ្លួនឡើងបានត្រឹមជុំទី៣ Grand Slam នោះនឹងបន្តដំណើរប្រកួត ដើម្បីកៅអីវគ្គពាក់កណ្តាលផ្តាច់ព្រ័ត្រដោយនឹងត្រូវជួបជាមួយកីឡាការិនី Karolina Pliskova។ កីឡាការិនីឆេក Karolina Pliskova បានយកឈ្នះកីឡាការិនីចិន Zhang Shuai ដោយលទ្ធផល ៦-០ និង ៦-៤ ដើម្បីឡើងវគ្គ ៨នាក់ចុងក្រោយ Grand Slam លើកទី ១១ ក្នុងអាជីព និងជាលើកទី៤ នៅ Australian Open។ ចំណែកលទ្ធផលផ្សេងទៀត កីឡាការិនីក្រូអាស៊ី Donna Vekic បានបន្តដំណើរឡើងវគ្គ ៨នាក់ចុងក្រោយផងដែរក្រោយយកឈ្នះកីឡាការិនីវ័យក្មេងឆែក Linda Fruhvirtova ដោយលទ្ធផល ៦-២ ១-៦ និង ៦-៣។ ក្នុងវ័យ ១៧ឆ្នាំ ២៧៣ថ្ងៃ Linda Fruhvirtova ចង់ក្លាយជាកីឡាការិនីវ័យក្មេងបំផុតដែលឡើងវគ្គ ៨នាក់ចុងក្រោយ Australian Open ក្នុងរយៈពេល ២៥ឆ្នាំបន្ទាប់ពី Martina Hingis វ័យ ១៧ឆ្នាំ ១២៤ថ្ងៃ និង Venus Williams ១៧ឆ្នាំ ២២៩ថ្ងៃដោយអ្នកទាំងពីរធ្វើបានបែបនេះកាលពីឆ្នាំ១៩៩៨៕អត្ថបទ៖នាង សុភាវុធ

Novak Djokovic ឡើងវគ្គ ៨នាក់ចុងក្រោយដោយទម្លាក់កីឡាករម្ចាស់ផ្ទះ Alex de Minaur

វាយកូនបាល់៖ កីឡាករវាយកូនបាល់ស៊ែប Novak Djokovic មិនធ្វើការធ្ងន់ឡើយដើម្បីបន្តដំណើរឡើងវគ្គ ៨នាក់ចុងក្រោយដោយបានយកឈ្នះកីឡាករក្តីសង្ឃឹមរបស់ម្ចាស់ផ្ទះអូស្ត្រាលី Alex de Minaur នៅ Grand Slam, Australian Open។ កីឡាករវ័យ ៣៥ឆ្នាំដែលនៅតែមានបញ្ហារបួសភ្លៅរបស់ខ្លួននៅឡើយ មិនបានបង្ហាញពីការរំខានដោយសាររបួសអ្វីឡើយ ផ្ទុយទៅវិញបែជាយកឈ្នះ Alex de Minaur មិនលំបាក ៣សិតផ្ទួនៗ ៦-២ ៦-១ និង ៦-២។ អតីតកីឡាករលំដាប់លេខ ១ ពិភពលោករូបនេះនឹងបន្តដំណើរស្វែងរកពាន Australian Open ជាកំណត់ត្រា ១០លើកដោយនឹងត្រូវជួបជាមួយកីឡាកររុស្ស៊ី Ruben Rublev នៅវគ្គ ៨នាក់ចុងក្រោយ។ Ruben Rublev បន្តឡើងវគ្គ ៨នាក់ចុងក្រោយបន្ទាប់ពីសង្គ្រោះពិន្ទុ Match Point ពីរលើករបស់កីឡាករដាណឹម៉ាក Holger Rune ពីការនាំមុខ ៥-០ នៅសិតកាត់សេចក្តីរហូតយកឈ្នះវិញ ៧-៦(១១-៩) មិនគួរឱ្យជឿ។ បន្ទាប់ពីបានដឹងថា ត្រូវជួបជាមួយ Djokovic នៅវគ្គ ៨នាក់ចុងក្រោយ Rublev និយាយថា គ្មាននរណាចង់ជួប Djokovic ឡើយ។ ងាកមកលទ្ធផលផ្សេងទៀត កីឡាករអាមេរិក Ben Shelton បន្តក្តីស្រមៃរបស់ខ្លួនក្រោយយកឈ្នះមិត្តរួមជាតិ JJ Wolf ដោយលទ្ធផលតានតឹង ៥សិត ៦-៧(៥-៧) ៦-២ ៦-៧(៤-៧) ៧-៦(៧-៤) និង ៦-២។ កីឡាករវ័យ ២០ឆ្នាំ Ben Shelton ដែលត្រូវជាកូនប្រុសបង្កើតរបស់ Bryan Shenton ទើបតែបង្ហាញខ្លួនលើកទី២ ប៉ុណ្ណោះនៅក្នុងព្រឹត្តិការណ៍ Grand Slam។ កីឡាករជំនាញដៃឆ្វេងរូបនេះមានចំណាត់ថ្នាក់ពិភពលោកលេខ ៥៦៩ កាលពីឆ្នាំមុន តែនៅពេលនេះឈរលេខ ៨៩។ ជុំបន្ត Ben Shelton នឹងត្រូវជួបជាមួយមិត្តរួមជាតិអាមេរិកម្នាក់ទៀតគឺ Tommy Paul ដែលបានយកឈ្នះកីឡាករអេស្ប៉ាញ Roberto Bautista Agut ៦-២ ៤-៦ ៦-២ និង ៧-៥៕អត្ថបទ៖នាង សុភាវុធ

Aston Villa ទិញបានខ្សែប្រយុទ្ធក្លិបអាមេរិក Chicago Fire, Jhon Duran តម្លៃ ១៨លានផោន

បាល់ទាត់៖ ក្លិប Aston Villa បានសំរេចក្នុងការនាំយកខ្សែប្រយុទ្ធកូឡុំប៊ី Jhon Duran ពីក្លិបអាមេរិក Chicago Fire ក្នុងតម្លៃផ្ទេរ ១៨លានផោនដើម្បីពង្រឹងតំបន់ប្រយុទ្ធរបស់ខ្លួន។ កីឡាករវ័យ ១៩ឆ្នាំរូបនេះបានស៊ុតបញ្ចូលទី ៨គ្រាប់ និងប៉ះបញ្ជូន ៦លើកក្នុងការបង្ហាញខ្លួន ២៨ប្រកួតឱ្យ Chicago Fire នៅក្របខណ្ឌអាមេរិក Major League Soccer។ Aston Villa នឹងត្រូវចំណាយនៅលើការផ្ទេរនេះ ១៤.៧៥លានផោន និងប្រាក់បន្ថែមផ្សេងៗ ៣.៣លានផោន។ Jhon Duran ដែលធ្លាប់បង្ហាញខ្លួន ៣លើកឱ្យក្រុមជម្រើសជាតិកូឡុំប៊ីនោះ បានក្លាយជាកីឡាករទី២ ដែលមកកាន់ Aston Villa ក្រោមការដឹកនាំរបស់លោក Unai Emery បន្ទាប់ពីការមកដល់របស់ Alex Moreno តម្លៃ ១៣.២លានផោនពី Real Betis កាលពីដើមខែមករានេះ។ Jhon Duran នឹងត្រូវប្រជែងតំណែងប្រយុទ្ធជាមួយ Ollie Watkins បន្ទាប់ពីការចាកចេញរបស់ Danny Ings ដែលផ្លាស់ទៅកាន់ West Ham។ Aston Villa បច្ចុប្បន្នឈរលេខ ១១ នៅ English Premier League បន្ទាប់ពីឈ្នះ ៣ ក្នុងចំណោម ៤ប្រកួតចុងក្រោយរបស់ខ្លួន។ ជាមួយគ្នានោះដែរក្រុមការពារជើងឯក Manchester City ក៏បាននាំយកកីឡាករចំនូលថ្មីមួយរូបដែរគឺខ្សែបម្រើ Maximo Parrone ផ្លាស់ពីក្លិបអាហ្សង់ទីន Velez Sarsfield តម្លៃ ៩លានផោនកិច្ចសន្យា ៥ឆ្នាំកន្លះ។ កីឡាករវ័យ ២០ឆ្នាំរូបនេះស៊ុតបញ្ចូលទីបាន ៣គ្រាប់ក្នុងការបង្ហាញខ្លួន ៣៣លើកឱ្យ Velez Sarsfield តាំងពីការបង្ហាញខ្លួនដំបូងនៅឆ្នាំ២០២០។ ចំណែកឯក្រុមកាំភ្លើងធំ Arsenal ក៏បានសំរេចក្នុងការនាំយកខ្សែការពារប៉ូឡូញ Jakub Kiwior ផងដែរពីក្លិបអ៊ីតាលី Spezia ក្នុងតម្លៃ ១៧.៦លានផោន។ កីឡាករវ័យ ២២ឆ្នាំនេះគឺជាគោលដៅរបស់លោក Mikel Arteta តាំងពីដើមរដូវកាល ដើម្បីចែករំលែកតំណែងការពារជាមួយកីឡាករប្រេស៊ីល Gabriel ដែលលេងពេញ ៩០នាទីរាល់ប្រកួតគ្មានពេលសម្រាក៕អត្ថបទ៖នាង សុភាវុធ

Mbappe ស៊ុតបញ្ចូលទី ៥គ្រាប់ក្នុងជ័យជំនះ ៧-០ របស់ PSG ឡើងវគ្គ ១៦ក្រុម French Cup

បាល់ទាត់៖ ខ្សែប្រយុទ្ធបារាំង Kylian Mbappe បានស៊ុតបញ្ចូលទីម្នាក់ឯង ៥គ្រាប់ក្នុងជ័យជំនះរបស់ Paris Saint Germain ៧-០ នៅទឹកដីក្រុមមកពីលីគទី ៦ បារាំង Pays de Cassel ឡើងវគ្គ ១៦ក្រុមចុងក្រោយ French Cup រឺ Coupe de France។ Pays de Cassel បានឈ្នះការប្រកួតចំនួន ៣ប្រកួតរួចមកហើយទំរាំឡើងមកដល់វគ្គ ៣២ក្រុមចុងក្រោយនេះ ហើយក៏បានទប់ស្មើទល់នឹង PSG ទៀតបាន ២៩នាទី មុនពេលដែល Kylian Mbappe ចាប់ផ្តើមរកគ្រាប់បាល់របស់ខ្លួនជាបន្តបន្ទាប់នៅនាទីទី២៩ និង Neymar នាទីទី៣៤។ បួនគ្រាប់ទៀតរបស់ Mbappe ធ្វើបាននៅនាទីទី៣៤ ៤០ ៥៦ និង ៧៩ ខណៈមួយគ្រាប់ទៀតធ្វើបានដោយ Carlos Soler។ Kylian Mbappe នៅពេលនេះស៊ុតបញ្ចូលទីបាន ២៣គ្រាប់ហើយគ្រប់ក្របខណ្ឌរដូវកាលនេះ។ នេះជាលើកដំបូងផងដែរសម្រាប់ Mbappe ដែលស៊ុតបញ្ចូលទីបាន ៥គ្រាប់ក្នុងមួយប្រកួតឱ្យ PSG។ Lionel Messi មិនបានចូលលេងទេក្នុងការប្រកួតនេះ ខណៈ Mbappe និង Neymar លេងពេញ ៩០នាទី ស្របពេលដែល PSG កំពុងស្វែងរកពាន Coupe de France លើកទី១៤៕អត្ថបទ៖នាង សុភាវុធ

ការប្រកួតបាល់ទាត់ពានរង្វាន់ Soccer League ឈានដល់វគ្គ ១៦ក្រុមចុងក្រោយស្អែកនេះ

បាល់ទាត់៖ ការប្រកួតកីឡាបាល់ទាត់ពានរង្វាន់ Soccer League ២០២៣ ឈានដល់ការប្រកួតចាញ់ធ្លាក់ហើយ ដោយវគ្គ ១៦ក្រុមចុងក្រោយត្រូវប្រកួតនៅថ្ងៃទី២៥ ខែមករានេះ។ ក្នុងនោះ ស៊ីយ៉ាប្រេនប្រកួតជាមួយសម្ព័ន្ធយុវជនមូស្លីមកម្ពុជា, ហនុមានអគ្គលេខាធិការដ្ឋានក្រសួងការពារជាតិប្រកួតជាមួយ ស ស យ ក ខេត្តកោះកុង, ស ស យ ក ខណ្ឌពោធិសែនជ័យប្រកួតជាមួយក្លិបយុវជនស្រឡាញ់សន្តិភាព និង Avatar FC ប្រកួតជាមួយ Khmer United FC។ ចំនែកថ្ងៃទី២៦ ខែមករា ក្រុម ស ស យ ក ខេត្តបាត់ដំបងប្រកួតជាមួយពិស្ណុការពិសិដ្ឋសុវណ្ណភូមិ, Royal Mayura Resort ប្រកួតជាមួយ TRY ALL FC, ស ស យ ក ខេត្តកណ្តាលប្រកួតជាមួយ ស ស យ ក ខេត្តស្វាយរៀង និងស៊ីសូផុន អេហ្វស៊ី ប្រកួតជាមួយ Zaitun FC។ វគ្គ ៨ក្រុមចុងក្រោយនឹងប្រកួតនៅថ្ងៃទី៣០ និង៣១ ខែមករា, វគ្គពាក់កណ្តាលផ្តាច់ព្រ័ត្រលេងនៅថ្ងៃទី៤ និងទី៥ ខែកុម្ភៈ ខណៈវគ្គផ្តាច់ព្រ័ត្រលេងនៅថ្ងៃទី១១ ខែកុម្ភៈខាងមុននេះ។ ចំនែកបាល់ទាត់នារីក៏រកឃើញក្រុមឡើងវគ្គពាក់កណ្តាលផ្តាច់ព្រ័ត្រថ្ងៃទី២៨ និង២៩ ខែមករា ក្រុម ស ស យ ក ស្អាងយើងស្អាត ប្រកួតជាមួយសុភីណា អេហ្វស៊ី និងភ្នំពេញក្រោនប្រកួតជាមួយ ស ស យ ក ខេត្តព្រៃវែង។ វគ្គផ្តាច់ព្រ័ត្របាល់ទាត់នារីលេងនៅថ្ងៃទី៧ ខែកុម្ភៈ៕អត្ថបទ៖ គង់ ហួន

មន្ដ្រីសហព័ន្ធការ៉ាតេប្រាប់អាជ្ញាកណ្ដាល-ចៅក្រមខ្លួនត្រូវប្រកាន់យុត្តិធម៌ជានិច្ច

ការ៉ាតេ៖ ឯកឧត្តម ណុប វណ្ណថារ៉ូ អគ្គលេខាធិការរងសហព័ន្ធកីឡាការ៉ាតេកម្ពុជា បានប្រាប់អាជ្ញាកណ្ដាល-ចៅក្រមរបស់ខ្លួនត្រូវប្រកាន់យុត្តិធម៌ជានិច្ចក្នុងការកាត់សេចក្ដី ដើម្បីជាផ្នែកមួយក្នុងការអភិវឌ្ឍន៍វិស័យកីឡាមួយនេះឲ្យកាន់តែរីកចម្រើន។ ការក្រើនរំលឹកនេះ បន្ទាប់ពីសហព័ន្ធបានបញ្ចប់វគ្គបណ្តុះបណ្តាលអាជ្ញាកណ្តាល-ចៅក្រម កីឡាការ៉ាតេថ្នាក់ជាតិ កម្រិត B និងទិន្នន័យកីឡាឆ្នាំ២០២៣ កាលពីចុងសប្ដាហ៍កន្លងទៅ ក្រោយដំណើរការសិក្សា ទាំងទ្រឹស្ដី និងការអនុវត្តផ្ទាល់រយៈពេល ៥ថ្ងៃកាលពីចុងសប្ដាហ៍កន្លងទៅ។ អគ្គលេខាធិការរងសហព័ន្ធរូបនេះបន្ដថា ធ្វើជាអាជ្ញាកណ្ដាល-ចៅក្រមត្រូវមានសុភវិនិច្ឆ័យលើខ្លួនឯង ផ្តល់នូវភាពយុត្តិធម៌ មិនត្រូវមានសម្ពាធឡើយ ព្រោះកាលណាបើមានសម្ពាធពីខាងក្រៅគឺមិនអាចធ្វើជាអាជ្ញាកណ្តាល-ចៅក្រមបានទេ។ តាមរយៈនេះ ឯកឧត្តមបានជំរុញឲ្យលើកកម្ពស់ស្មារតីទទួលខុសត្រូវខ្ពស់ ចំពោះវិជ្ជាជីវៈអាជ្ញាកណ្ដាល-ចៅក្រម ដោយប្រកាន់ភ្ជាប់នូវសច្ចៈ យុត្តិធម៌ ក្នុងការវិនិច្ឆ័យនៅពេលប្រកួត ដើម្បីរក្សានូវគុណតម្លៃវិជ្ជាជីវៈរបស់ខ្លួន ចៀសវាងការកាត់សេចក្ដីលម្អៀងដែលនាំឲ្យប៉ះពាល់ដល់អនាគតរបស់កីឡាករ-កីឡាការិនី។ ជាមួយគ្នាដែរលោក ទុយ វិច្ឆិកា ប្រធានការិយាល័យកីឡាទំនើបនៃក្រសួងអប់រំ យុវជន និងកីឡាបានកោតសរសើរចំពោះការរៀបចំវគ្គនេះឡើង ស្របតាមគោលការណ៍ និងកំណែទម្រង់របស់ក្រសួង ក្រោមការដឹកនាំរបស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដើម្បីផលិតបាននូវធនធានមន្ដ្រីបច្ចេកទេសកម្រិតខ្ពស់ ត្រៀមចូលរួមអភិវឌ្ឍន៍វិស័យកីឡាការ៉េតេកម្ពុជាឲ្យកាន់តែរីកចម្រើន ពិសេសត្រៀមស៊ីហ្គេមឆ្នាំ២០២៣ នាពេលឆាប់ៗខាងមុខ៕អត្ថបទ៖ លី ឈុនឡា

នាយបេសកកម្មអាស៊ានមកដល់កម្ពុជាបណ្ដើរៗត្រៀមប្រជុំ CDM មុនពិធីរាប់ ១០០ថ្ងៃឆ្ពោះទៅស៊ីហ្គេម២០២៣

ស៊ីហ្គេម៖ នាយបេសកកម្មនៃបណ្ដាប្រទេសអាស៊ីអាគ្នេយ៍ បានធ្វើដំណើរមកដល់កម្ពុជាជាបណ្ដើរៗហើយ ដើម្បីចូលរួមកិច្ចប្រជុំនាយបេសកកម្មស៊ីហ្គេម (CDM) ចាប់ពីថ្ងៃទី២៤ ដល់ថ្ងៃទី២៧ ខែមករាខាងមុខ ស្របពេលកម្ពុជាត្រៀមរៀបចំពិធីរាប់ថយក្រោយ ១០០ថ្ងៃឆ្ពោះទៅព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ នាថ្ងៃទី២៥ ខែមករាស្អែកនេះ។ កិច្ចប្រជុំ CDM គឺជាកិច្ចប្រជុំដ៏សំខាន់ចុងក្រោយ រវាងនាយបេសកកម្មបណ្ដាប្រទេសសមាជិកទាំងអស់ ដើម្បីទទួលបានព័ត៌មានពីម្ចាស់ផ្ទះក្នុងដំណើរការរៀបចំការប្រកួតកីឡាស៊ីហ្គេម គ្រាដែលកម្ពុជាបានត្រៀមខ្លួនរួចរាល់ក្នុងការផ្ដល់នូវសក្ខីកម្មជាក់លាក់អំពីការត្រៀមខ្លួនរួចរាល់ ១០០% ដើម្បីស្វាគមន៍ប្រតិភូកីឡាទាំងអស់ប្រកបដោយភាពកក់ក្ដៅមកប្រកួតស៊ីហ្គេមលើកទី៣២ នាខែឧសភាខាងមុខ។ ដំណាលគ្នានឹងការរៀបចំកិច្ចប្រជុំនេះ កម្ពុជាក៏នឹងអញ្ជើញនាយបេសកកម្ម និងប្រតិភូទាំងអស់ចូលរួមពិធីរាប់ថយក្រោយនាល្ងាចស្អែក នៅពហុកីឡដ្ឋានជាតិមរតកតេជោជាមួយការរៀបចំនូវទស្សនីយភាពជាច្រើនទៀតផង៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Everton សម្រេចបញ្ចប់តំណែងអ្នកចាត់ការ Frank Lampard ក្រោយក្លិបធ្លាក់ដល់តំបន់គ្រោះថ្នាក់

លោក Ronald Koeman ត្រូវតែងតាំងជាគ្រូបង្វឹកក្រុមជម្រើសជាតិហូឡង់ផ្លូវការ

Magda Linette ទម្លាក់ Caroline Garcia ឡើងវគ្គ ៨នាក់ចុងក្រោយ Grand Slam លើកដំបូងក្នុងអាជីព

Novak Djokovic ឡើងវគ្គ ៨នាក់ចុងក្រោយដោយទម្លាក់កីឡាករម្ចាស់ផ្ទះ Alex de Minaur

Aston Villa ទិញបានខ្សែប្រយុទ្ធក្លិបអាមេរិក Chicago Fire, Jhon Duran តម្លៃ ១៨លានផោន

Mbappe ស៊ុតបញ្ចូលទី ៥គ្រាប់ក្នុងជ័យជំនះ ៧-០ របស់ PSG ឡើងវគ្គ ១៦ក្រុម French Cup

ការប្រកួតបាល់ទាត់ពានរង្វាន់ Soccer League ឈានដល់វគ្គ ១៦ក្រុមចុងក្រោយស្អែកនេះ

មន្ដ្រីសហព័ន្ធការ៉ាតេប្រាប់អាជ្ញាកណ្ដាល-ចៅក្រមខ្លួនត្រូវប្រកាន់យុត្តិធម៌ជានិច្ច

នាយបេសកកម្មអាស៊ានមកដល់កម្ពុជាបណ្ដើរៗត្រៀមប្រជុំ CDM មុនពិធីរាប់ ១០០ថ្ងៃឆ្ពោះទៅស៊ីហ្គេម២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Everton សម្រេច​បញ្ចប់​តំណែង​អ្នកចាត់ការ Frank Lampard ក្រោយ​ក្លិប​ធ្លាក់​ដល់​តំបន់​គ្រោះថ្នាក់​

លោក Ronald Koeman ត្រូវ​តែងតាំង​ជា​គ្រូបង្វឹក​ក្រុម​ជម្រើសជាតិ​ហូ​ឡង់​ផ្លូវការ

Magda Linette ទម្លាក់ Caroline Garcia ឡើង​វគ្គ ៨នាក់​ចុងក្រោយ Grand Slam លើកដំបូង​ក្នុង​អាជីព

Novak Djokovic ឡើង​វគ្គ ៨នាក់​ចុងក្រោយ​ដោយ​ទម្លាក់​កីឡាករ​ម្ចាស់ផ្ទះ Alex de Minaur

Aston Villa ទិញ​បាន​ខ្សែប្រយុទ្ធ​ក្លិប​អាមេរិក Chicago Fire, Jhon Duran តម្លៃ ១៨លាន​ផោន

Mbappe ស៊ុត​បញ្ចូល​ទី ៥គ្រាប់​ក្នុង​ជ័យជំនះ ៧-០ របស់ PSG ឡើង​វគ្គ ១៦ក្រុម French Cup

ការប្រកួត​បាល់ទាត់​ពាន​រង្វាន់ Soccer League ឈានដល់​វគ្គ ​១៦​ក្រុម​ចុងក្រោយ​ស្អែក​នេះ

មន្ដ្រី​សហព័ន្ធ​កា​រ៉ា​តេ​ប្រាប់​អាជ្ញាកណ្ដាល​-​ចៅក្រម​ខ្លួន​ត្រូវ​ប្រកាន់​យុត្តិធម៌​ជានិច្ច​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Everton សម្រេចបញ្ចប់តំណែងអ្នកចាត់ការ Frank Lampard ក្រោយក្លិបធ្លាក់ដល់តំបន់គ្រោះថ្នាក់

លោក Ronald Koeman ត្រូវតែងតាំងជាគ្រូបង្វឹកក្រុមជម្រើសជាតិហូឡង់ផ្លូវការ

Magda Linette ទម្លាក់ Caroline Garcia ឡើងវគ្គ ៨នាក់ចុងក្រោយ Grand Slam លើកដំបូងក្នុងអាជីព

Novak Djokovic ឡើងវគ្គ ៨នាក់ចុងក្រោយដោយទម្លាក់កីឡាករម្ចាស់ផ្ទះ Alex de Minaur

Aston Villa ទិញបានខ្សែប្រយុទ្ធក្លិបអាមេរិក Chicago Fire, Jhon Duran តម្លៃ ១៨លានផោន

Mbappe ស៊ុតបញ្ចូលទី ៥គ្រាប់ក្នុងជ័យជំនះ ៧-០ របស់ PSG ឡើងវគ្គ ១៦ក្រុម French Cup

ការប្រកួតបាល់ទាត់ពានរង្វាន់ Soccer League ឈានដល់វគ្គ ១៦ក្រុមចុងក្រោយស្អែកនេះ

មន្ដ្រីសហព័ន្ធការ៉ាតេប្រាប់អាជ្ញាកណ្ដាល-ចៅក្រមខ្លួនត្រូវប្រកាន់យុត្តិធម៌ជានិច្ច