BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កម្មវិធីរាប់ថយក្រោយ ១០០ថ្ងៃឆ្ពោះទៅស៊ីហ្គេមស្អែកនេះនឹងរៀបចំឲ្យឱឡារិក និងមានអត្ថន័យ

ស៊ីហ្គេម៖ កម្មវិធីរាប់ថយក្រោយ ១០០ថ្ងៃឆ្ពោះទៅព្រឹត្តិការណ៍ស៊ីហ្គេមលើកទី៣២ ឆ្នាំ២០២៣ នៅថ្ងៃទី២៥ ខែមករាស្អែកនេះនឹងត្រូវរៀបចំឲ្យបានហ្មត់ចត់ ប្រកបដោយភាពឱឡារិក និងមានអត្ថន័យបំផុត ដើម្បីបំផុសស្មារតីគាំទ្រព្រឹត្តិការណ៍ជាប្រវត្តិសាស្ដ្រនេះ និងបញ្ជាក់ថា កម្ពុជាត្រៀមខ្លួនរួចរាល់ដើម្បីធ្វើជាម្ចាស់ផ្ទះ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) ក្រោយកិច្ចប្រជុំជាមួយភាគីពាក់ព័ន្ធនៃការរៀបចំកម្មវិធីរាប់ថយក្រោយ ១០០ថ្ងៃ កាលពីថ្ងៃទី២៣ ខែមករា ឆ្នាំ២០២៣ ម្សិលមិញ នៅទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តមមានប្រសាសន៍ថា ដោយគោរពតាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា គណៈកម្មាធិការជាតិ CAMSOC ដឹកនាំដោយសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងអនុប្រធានអចិន្ដ្រៃយ៍ឯកឧត្ដមបណ្ឌិត ថោង ខុន បានជំរុញឲ្យគណៈកម្មការជំរុញយកចិត្តទុកដាក់ខ្ពស់លើការរៀបចំកម្មវិធីដ៏មានអត្ថន័យនេះ ដើម្បីបំផុសការផ្សព្វផ្សាយឲ្យកាន់តែទូលំទូលាយ ជាមួយទស្សនីយភាពវប្បធម៌ សិល្បៈ តន្ដ្រី និងកីឡាផងដែរ នៅក្នុងបរិវេណពហុកីឡដ្ឋានជាតិមរតកតេជោ ដែលប្រជាពលរដ្ឋអាចចូលរួមទស្សនាបានដោយសេរី។គួរដឹងថា គិតត្រឹមថ្ងៃទី២៥ ខែមករារហូតដល់ថ្ងៃទី០៥ ខែឧសភា ឆ្នាំ២០២៣ ដែលជាថ្ងៃប្រារព្ធពិធីបើកការប្រកួតកីឡាស៊ីហ្គេមលើកទី៣២ គឺនៅសល់រយៈពេល ១០០ថ្ងៃគត់ សម្រាប់កម្ពុជាត្រៀមទទួលធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រលើកដំបូងនេះ បន្ទាប់ពីរង់ចាំអស់រយៈពេល ៦៤ឆ្នាំ។ ដំណាលគ្នានឹងការរៀបចំនូវពិធីរាប់ថយក្រោយនេះដែរ កម្ពុជាក្នុងនាមម្ចាស់ផ្ទះក៏នឹងដឹកនាំកិច្ចប្រជុំនាយបេសកកម្ម ជាមួយបណ្ដាប្រទេសអាស៊ីអាគ្នេយ៍ ដើម្បីជូនដំណឹង និងផ្ដល់ព័ត៌មានលម្អិត ពិសេសពាក់ព័ន្ធនឹងការត្រៀមខ្លួនរួចរាល់ ដើម្បីទទួលស្វាគមន៍ប្រតិភូកីឡា និងភ្ញៀវជាតិ-អន្ដរជាតិទាំងអស់តែម្ដង៕អត្ថបទ៖ លី ឈុនឡា

ថ្ងៃទី៨ Australian Open, Djokovic បន្តដំណើរស្វែងរកជើងឯកលើកទី១០ ដោយត្រូវជួប Alex De Minaur ជុំទី៤

វាយកូនបាល់៖ កីឡាករវាយកូនបាល់ស៊ែប Novak Djokovic នឹងត្រូវបន្តដំណើរស្វែងរកពាន Grand Slam, Australian Open លើកទី១០ ក្នុងអាជីពរបស់ខ្លួន ដោយនឹងត្រូវជួបជាមួយកីឡាករក្តីសង្ឃឹមរបស់ម្ចាស់ផ្ទះអូស្ត្រាលី Alex de Minaur នៅជុំទី៤ ថ្ងៃនេះ។ អតីតកីឡាករលំដាប់លេខ ១០ ពិភពលោករូបនេះបានជម្នះបញ្ហាសរសៃពួររបស់ខ្លួន រហូតយកឈ្នះកីឡាករប៊ុលហ្ការី Grigor Dimitrov ៣សិតផ្ទួនៗដែលជាជ័យជំនះ ២៤ប្រកួតជាប់គ្នានៅ Australian Open នេះកាលពីថ្ងៃសៅរ៍។ កីឡាករវ័យ ៣៥ឆ្នាំរូបនេះនឹងបង្ហាញខ្លួននៅវគ្គ ៨នាក់ចុងក្រោយ Australian Open លើកទី១៣ ថ្ងៃចន្ទនេះ បន្ទាប់ពីមិនដែលចាញ់សោះតាំងពីឆ្នាំ២០១៨។ ជ័យជំនះ ២៤ប្រកួតជាប់គ្នារបស់ Djokovic គឺនៅពេលដែលឈ្នះជើងឯកបីឆ្នាំជាប់គ្នា ២០១៩ ២០២០ និង ២០២១ មុនពេលដែលមិនអនុញ្ញាតឱ្យប្រកួតឆ្នាំមុន។ Djokovic នឹងអាចឡើងមកឈរលេខ ១ ពិភពលោកវិញបានប្រសិនបើគេឈ្នះជើងឯកឆ្នាំនេះ។ ក្រឡេកមកលទ្ធផលការប្រកួតផ្នែកបុរសម្សិលមិញ កីឡាករក្រិក Stefanos Tsitsipas បានយកឈ្នះកីឡាករអ៊ីតាលី Jannik Sinner យ៉ាងតានតឹង ៥សិត ៦-៤ ៦-៤ ៣-៦ ៤-៦ និង ៦-៣ ប្រើពេល ៣ម៉ោង ៥៩នាទី។ កីឡាករលំដាប់លេខ៤ ពិភពលោក Stefanos Tsitsipas នឹងបង្ហាញខ្លួននៅវគ្គ ៨នាក់ចុងក្រោយ Australian Open ឆ្នាំផ្ទួនៗដោយនឹងត្រូវជួបជាមួយកីឡាករឆេក Jiri Lehecka ដែលបានយកឈ្នះកីឡាករកាណាដា Auger-Aliassime។ Auger-Aliassime បានក្លាយជាកីឡាករក្នុងលំដាប់ Top10 ទី៦ ដែលធ្លាក់ចេញពី Australian Open ឆ្នាំនេះបន្ទាប់ពី Casper Ruud, Matteo Berrettini, Taylor Fritz និង Thanasi Kokkinakis៕អត្ថបទ៖នាង សុភាវុធ

Victoria Azarenka ឡើងវគ្គ ៨នាក់ចុងក្រោយ Australian Open លើកដំបូងក្នុងរយៈពេល ៧ឆ្នាំ

វាយកូនបាល់៖ កីឡាការិនីវាយកូនបាល់អតីតលេខ ១ ពិភពលោក Victoria Azarenka ទីបំផុតបានឈានឡើងវគ្គ ៨នាក់ចុងក្រោយ Grand Slam, Australian Open លើកដំបូងក្នុងរយៈពេល ៧ឆ្នាំបន្ទាប់ពីយកឈ្នះកីឡាការិនីចិន Zhu Lin។ Azarenka ដែលធ្លាប់ឈ្នះជើងឯក Australian Open នេះពីរលើកចាប់ផ្តើមការប្រកួតជុំទី៣ របស់ខ្លួនជាមួយនឹងបរាជ័យនៅសិតដំបូង ៤-៦ ក្រោមស្នាដៃកីឡាការិនីចិន Zhu Lin ដែលឡើងមកដល់វគ្គនេះក្រោយទំលាក់កីឡាការិនីលំដាប់លេខ ៦ Maria Sakkari។ យ៉ាងណាក្តីជើងឯកឆ្នាំ២០១២ និង ២០១៣ Victoria Azarenka បានប្រើបទពិសោធរបស់នាងរហូតយកឈ្នះ ២សិតផ្ទួនៗ ៦-១ និង ៦-៤ វិញ។ កីឡាការិនីវ័យ ៣៣ឆ្នាំ Victoria Azarenka នឹងបន្តដំណើររបស់ខ្លួននៅ Australian Open វគ្គ ៨នាក់ចុងក្រោយដោយនឹងត្រូវជួបជាមួយកីឡាការិនីលំដាប់លេខ ៣ Jessica Pegula។ កីឡាការិនីអាមេរិក Jessi Pegula ម្សិលមិញនេះដែរបានយកឈ្នះកីឡាការិនីឆេក Barbora Krejcikova ដែលជាជើងឯក French Open ឆ្នាំ២០២១។ ពីរសិតផ្ទួន Pegula បានយកឈ្នះដោយលទ្ធផល ៧-៥ និង ៦-២។ គូចុងក្រោយនេះកីឡាការិនីឡេតូនីអតីតជើងឯក French Open, Jelena Ostapenko បានយកឈ្នះកីឡាការិនីអាមេរិក Coco Gauff ៧-៥ និង ៦-៤។ Jelena Ostapenko ដែលឈ្នះជើងឯក Grand Slam ដំបូងក្នុងអាជីពកាលពីឆ្នាំ២០១៧ French Open នោះនឹងត្រូវជួបជាមួយកីឡាការិនីកាហ្សាក់ស្ថាន Elena Rybakina ដែលជាជើងឯក Wimbledon ឆ្នាំមុន៕អត្ថបទ៖នាង សុភាវុធ

Mark Allen យកឈ្នះ Judd Trump លើកពានស្នូកឃ័រ World Grand Prix

ស្នូកឃ័រ៖ កីឡាករស្នូកឃ័រសញ្ជាតិអៀកឡង់ខាងជើង Mark Allen បានយកឈ្នះកីឡាករអង់គ្លេស Judd Trump នៅវគ្គផ្តាច់ព្រ័ត្រដើម្បីលើកពានស្នូកឃ័រ World Grand Prix។ Mark Allen បាននាំមុខការប្រកួតក្នុងដំណាក់កាលដំបូងនៃវគ្គផ្តាច់ព្រ័ត្រដល់ទៅ ៦-២ហ្វ្រេម និងបន្ថែមការនាំមុខដល់ ៧-២ នៅដំណាក់កាលទី២។ តែ Judd Trump មិនរាថយឡើយ និងបានយកឈ្នះ ៦ហ្វ្រេមផ្ទួន ខណៈ Mark Allen ឈ្នះបាន ១ហ្វ្រេមធ្វើឱ្យអ្នកទាំងពីរស្មើគ្នា ៨-៨ហ្វ្រេមយ៉ាងតានតឹង។ វគ្គផ្តាច់ព្រ័ត្រដែលប្រកួតសរុប ១៩ហ្វ្រេមនោះ អ្នកទាំងពីរក៏បានយកឈ្នះម្នាក់មួយហ្វ្រេមទៀត ៩-៩ ឈានដល់ហ្វ្រេមកាត់សេចក្តីដែល Mark Allen យកឈ្នះហ្វ្រេមចុងក្រោយនោះសរុបលទ្ធផល ១០-៩ហ្វ្រេមដើម្បីទទួលបានប្រាក់រង្វាន់ ១០០,០០០ផោន។ រំលឹកថា ស្នូកឃ័រពានរង្វាន់ World Grand Prix នេះទើបតែបង្កើតឡើងនៅឆ្នាំ២០១៥ ហើយមានតែ Judd Trump ទេដែលឈ្នះជើងឯកច្រើនជាងគេសរុប ៣លើក ក្រៅពីនោះម្នាក់មួយលើករួមមាន Shaun Murphy, Barry Hawkins, Neil Robertson, Ronnie O’Sullivan ២លើក និងចុងក្រោយ Mark Allen៕អត្ថបទ៖នាង សុភាវុធ

Arsenal ត្រលប់មកនាំមុខ ៥ពិន្ទុវិញក្រោយឈ្នះ Manchester United

បាល់ទាត់៖ ក្រុមកំពូលតារាងកាំភ្លើងធំ Arsenal បានត្រលប់មកនាំមុខគេ ៥ពិន្ទុវិញនៅក្នុងតារាង English Premier League បន្ទាប់ពីជ័យជំនះលើ Manchester United ៣-២ នៅ Emirate Stadium។ Manchester United មកដល់ការប្រកួតនេះជាមួយនឹងជ័យជំនះ ៩ប្រកួតជាប់គ្នា ហើយក៏បាននាំមុខមុនទៀតនៅទឹកដី Arsenal ដោយការស៊ុតបញ្ចូលទីរបស់ខ្សែប្រយុទ្ធអង់គ្លេស Marcus Rashford ពីចំងាយយ៉ាងអស្ចារ្យ។ យ៉ាងណាក្តីក្រុមរបស់លោក Mikel Arteta ក៏បានវាយបកពីក្រោយរហូតនាំមុខ ២-១ វិញដោយ Eddie Nketiah និង Bukayo Saka។ ខ្សែការពារអាហ្សង់ទីន Lisandro Martinez ជាអ្នកតែតបញ្ចូលទីតាមស្មើវិញឱ្យ Manchester United ត្រឹមនាទីទី៥៩ មុនពេលដែល Eddie Nketiah ដដែលជាអ្នកសំរេចគ្រាប់បាល់ជ័យជំនះឱ្យ Arsenal នៅនាទីទី៩០។ ជ័យជំនះនេះធ្វើឱ្យ Arsenal ត្រលប់មកនាំមុខវិញ ៥ពិន្ទុពីក្រុមលេខ ២ Manchester City ដែលបានយកឈ្នះ Wolves ៣-០ ធ្វើបានដោយ Erling Haaland ៣គ្រាប់ម្នាក់ឯង។ គិតមកដល់ពេលនេះខ្សែប្រយុទ្ធន័រវេសរូបនេះរកបាន ២៥គ្រាប់ហើយក្នុងការបង្ហាញខ្លួន ២០ប្រកួតនៅ English Premier League។ Hat-Trick នេះជាលើកទី៤ សម្រាប់ Haaland ដែរធ្វើឱ្យគេតាមស្មើ Mohamed Salah បាត់ទៅហើយ នៅពីក្រោម Sergio Agureo ដែលធ្វើបាន Hat-Trick ១២លើក។ មានតែ Alan Shearer ទេដែលធ្វើបាន Hat-Trick ក្នុងរដូវកាលតែមួយច្រើនជាងគេសរុប ៥លើក៕អត្ថបទ៖នាង សុភាវុធ

ក្រសួងមហាផ្ទៃដណ្ដើមបានមេដាយជើងឯកតេក្វាន់ដូ WT ថ្នាក់ជាតិច្រើនជាងគេ

តេក្វាន់ដូ៖ ការប្រកួតកីឡាតេក្វាន់ដូ WT ជ្រើសរើសជើងឯកថ្នាក់ជាតិឆ្នាំ២០២២ បានបញ្ចប់ដោយជោគជ័យ ក្រោយដំណើរការប្រកួតរយៈពេល ៤ថ្ងៃកាលពីចុងសប្ដាហ៍កន្លងទៅនៅក្នុងពហុកីឡដ្ឋានជាតិ ដោយក្លិបតេក្វាន់ដូ WT ក្រសួងមហាផ្ទៃដណ្ដើមបានមេដាយច្រើនជាងគេ។ យោងតាមរបាយការណ៍ប្រកួតប្រចាំឆ្នាំនេះគឺមានកីឡាករ-កីឡាការិនីចូលរួមសរុប ៨៣នាក់មកពី ១៥ក្លិប តំណាងរាជធានី-ខេត្តចំនួន ៣ ក្នុងនោះមានក្លិបនៅរាជធានីភ្នំពេញ ១៣ក្លិប, ខេត្តកំពង់ចាម ១ក្លិប និងខេត្តបាត់ដំបង ១ក្លិប ដែលធ្វើការប្រកួតលើ ១២វិញ្ញាសា។ ជាលទ្ធផលបច្ចេកទេសនៃការប្រកួត គឺក្លិបក្រសួងមហាផ្ទៃដោយដណ្ដើមបានមេដាយច្រើនជាងគេសរុប ៦គ្រឿង (មាស ៥ និងប្រាក់ ១) គ្រាដែលអគ្គស្នងការដ្ឋាននគរបាលជាតិតាមពីក្រោយឈ្នះមេដាយសរុប ៦គ្រឿងដូចគ្នា តែមេដាយមាស ៣ ប្រាក់ ២ និងសំរឹទ្ធ ១។ រីឯក្លិបមិត្តភាពឈ្នះមេដាយមាស ២ និងសំរឹទ្ធ ២ ឈរលេខ៣, ក្លិបពិភពថ្មីឈរលេខ៤ ឈ្នះមេដាយមាស ១ ប្រាក់ ១ និងសំរឹទ្ធ១ និងក្លិប Mini Club ឈ្នះមេដាយមាស ១គ្រឿងផងដែរ។ ថ្លែងក្នុងពិធីបិទការប្រកួតលោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡាបានវាយតម្លៃខ្ពស់ ចំពោះការខិតខំប្រឹងប្រែងរបស់កីឡាករ-កីឡាការិនី ក៏ដូចជាគណៈកម្មការរៀបចំ។ លោកជំទាវបានជំរុញដល់កីឡាករ-កីឡាការិនីទាំងអ្នកទទួលបានជយលាភី និងពុំទទួលបានជយលាភីត្រូវបន្ដការខិតខំប្រឹងប្រែងបន្ថែមទៀត ពិសេសក្រុមជម្រើសជាតិដើម្បីត្រៀមស៊ីហ្គេមឆ្នាំ២០២៣ នាពេលឆាប់ៗខាងមុខ៕អត្ថបទ៖ លី ឈុនឡា

Ronaldo រកគ្រាប់មិនបានក្នុងការបង្ហាញខ្លួនដំបូងឱ្យ Al Nassr ឈ្នះ Al Ettifaq

បាល់ទាត់៖ កីឡាករប្រេស៊ីល Anderson Talisca គឺជាអ្នកតែតបញ្ចូលទីគ្រាប់ជ័យជំនះឱ្យ Al Nassr យកឈ្នះ Al Ettifaq ក្នុងទឹកដីរបស់ខ្លួននៃក្របខណ្ឌលីគកំពូលអារ៉ាប៊ីសាអ៊ូឌីត តែអ្នកគាំទ្របានត្រឹមខកបំណងក្រោយ Cristiano Ronaldo បង្ហាញខ្លួនប្រកួតដំបូងរកគ្រាប់បាល់មិនបាន។ក្តីរំពឹងមានខ្ពស់សម្រាប់អ្នកគាំទ្រ ដែលចង់ឃើញកីឡាករព័រទុយហ្កាល់រូបនេះមានគ្រាប់បាល់ ដូចដែលគេរកបាន ពេលប្រកួតមិត្តភាពទល់នឹង PSG កាលពីសប្តាហ៍មុន។ កីឡាករវ័យ ៣៧ឆ្នាំរូបនេះគឺជាប្រធានក្រុម Al Nassr តែម្តងក្នុងការបង្ហាញខ្លួនដំបូងយប់មិញ ខណៈសកម្មភាពរបស់គេជាមួយមិត្តរួមក្រុមថ្មីនៅមិនយល់ចិត្តគ្នានៅឡើយ។Anderson Talisca បានតែតបញ្ចូលទីគ្រាប់ជ័យជំនះឱ្យ Al Nassr នៅនាទីទី៣១ និងជាគ្រាប់បាល់មួយគ្រាប់គត់ដែលកើតឡើងក្នុងការប្រកួតនេះ។ ជ័យជំនះរបស់ Al Nassr នៅពេលនេះធ្វើឱ្យពួកគេត្រលប់ទៅកំពូលតារាងវិញមាន ៣៣ពិន្ទុពីការប្រកួត ១៤លើក៕អត្ថបទ៖នាង សុភាវុធ

កីឡាករ-កីឡាការិនីភាគច្រើនកើនសមត្ថភាព ក្រោយចប់ជើងឯកកីឡាហែលទឹកថ្នាក់ជាតិ

ហែលទឹក៖ ការប្រកួតកីឡាហែលទឹកជ្រើសរើសជើងឯកថ្នាក់ជាតិឆ្នាំ២០២២ បានបញ្ចប់ដោយជោគជ័យ ក្រោយដំណើរការប្រកួត ៣ថ្ងៃកាលពីចុងសប្ដាហ៍កន្លងទៅ ខណៈមន្ដ្រីជំនាញសហព័ន្ធបានមើលឃើញកីឡាករ-កីឡាការិនីចូលរួមភាគច្រើនកើនសមត្ថភាពគួរឲ្យកត់សម្គាល់ និងមានមួយចំនួននៅមានកម្រិត។ ការប្រកួតនៅអាងហែលទឹកនៃពហុកីឡដ្ឋានជាតិនេះ គឺមានកីឡាករ-កីឡាការិនីចូលរួមសរុប ១០៣នាក់មកពី ៨ក្លិប និងប្រកួតលើ ២០វិញ្ញាសា។ ពិធីបិទការប្រកួតបានធ្វើឡើងក្រោមវត្តមានឯកឧត្តម បុង ប៊ុនហួន រដ្ឋលេខាធិការក្រសួងសាធារណៈការ និងដឹកជញ្ជូន និងជាអនុប្រធានសហព័ន្ធខ្មែរ។ លោក ហែម គិរី អគ្គលេខាធិការសហព័ន្ធបានឲ្យដឹងថា ការប្រកួតនេះបានដំណើរការដោយរលូន ហើយអ្វីដែលជាបញ្ហាប្រឈមគឺកីឡាករ-កីឡាការិនីតាមរាជធានី-ខេត្តដែលបានដាក់ពាក្យចូលរួមនៅមានចំនួនតិចនៅឡើយ។ យ៉ាងណាក្ដី ក្នុងនាមសហព័ន្ធលោកបានវាយតម្លៃខ្ពស់ ចំពោះកីឡាករ-កីឡាការិនីចូលរួម ដែលភាគច្រើនមានការរីកចម្រើនគួរឲ្យកត់សម្គាល់ ក្នុងនោះមានកីឡាករ-កីឡាការិនីមួយចំនួនបានបំបែកថិរៈវេលាចាស់របស់ខ្លួន។ លើសពីនេះ ពួកគេបានខិតខំប្រឹងអស់ពីលទ្ធភាពក្នុងការប្រកួតប្រជែង ដោយគោរពតាមបទបញ្ជាប្រកួតយ៉ាងត្រឹមត្រូវ។ ចំពោះលទ្ធផលបច្ចេកទេសនៃការប្រកួតប្រចាំឆ្នាំនេះ គឺក្លិបហែលទឹកក្រសួងសាធារណៈការ និងដឹកជញ្ជូនដណ្ដើមបានមេដាយច្រើនជាងគេសរុប ២០គ្រឿងរួមមានមេដាយមាស ៩ ប្រាក់ ៩ និងសំរឹទ្ធ ២។ ក្រសួងមហាផ្ទៃឈរលេខ២ ឈ្នះមេដាយសរុប ១០គ្រឿងរួមមានមេដាយមាស ៨ និងសំរឹទ្ធ ២។ ក្លិបព្រឹទ្ធាចារ្យ ហែម ថុន ឈរលេខ៣ ឈ្នះមេដាយសរុប ១៣គ្រឿងរួមមានមេដាយមាស ២ ប្រាក់ ៥ និងសំរឹទ្ធ ៦ និងក្លិបក្រសួងសេដ្ឋកិច្ច និងហិរញ្ញវត្ថុឈរលេខ៤ ឈ្នះមេដាយសរុប ៩គ្រឿងរួមមានមេដាយមាស ១ ប្រាក់ ៤ និងសំរឹទ្ធ ៤៕អត្ថបទ៖ លី ឈុនឡា

កាន់តែកៀកថ្ងៃស៊ីហ្គេម សម្ដេចពិជ័យសេនា ទៀ បាញ់ ជំរុញគ្រប់ភាគីពាក់ព័ន្ធត្រូវខំប្រឹងកាន់តែខ្លាំង

ស៊ីហ្គេម៖ សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ បានកោតសរសើរ និងវាយតម្លៃខ្ពស់ចំពោះសមិទ្ធផលនៃការត្រៀមលក្ខណៈធ្វើម្ចាស់ផ្ទះរបស់កម្ពុជា ប៉ុន្ដែសម្ដេចបានជំរុញឲ្យគ្រប់ភាគីពាក់ព័ន្ធ ពិសេសគណៈកម្មការជំនាញត្រូវបន្ដការខំប្រឹងកាន់តែខ្លាំង ដើម្បីធានាបាននូវជោគជ័យក្នុងព្រឹត្តិការណ៍ជាប្រវត្តិសាស្ដ្រនេះ។ ថ្លែងក្នុងកិច្ចសម្ភាសន៍ពិសេសក្នុងកិច្ចប្រជុំបូកសរុបវឌ្ឍនភាពការងារឆ្នាំ២០២២ និងលើកទិសដៅឆ្នាំ២០២៣ ក្នុងដំណាក់កាល Games Time នៅទីស្ដីការក្រសួងការពារជាតិ សម្ដេចពិជ័យសេនា ទៀ បាញ់ មានប្រសាសន៍ថា កម្ពុជាកំពុងត្រៀមរៀបចំពិធីរាប់ថយក្រោយ ១០០ថ្ងៃនាថ្ងៃទី២៥ ខែមករាខាងមុខនេះ។ ដូច្នេះក្នុងរង្វង់នៅសល់ ១០០ថ្ងៃនេះ គឺជាដំណាក់កាលចុងក្រោយ ដែលទាំងអស់គ្នាត្រូវខំប្រឹងឲ្យអស់ពីលទ្ធភាព ដើម្បីទទួលបានជោគជ័យក្នុងនាមម្ចាស់ផ្ទះ។ ក្រោយបញ្ចប់កិច្ចប្រជុំនេះដែរ ឯកឧត្តម វ៉ាត់ ចំរើន អគ្គលេខាធិការ CAMSOC បានគូសបញ្ជាក់ថា សម្ដេចពិជ័យសេនា ទៀ បាញ់ ក៏ដូចជាឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍ CAMSOC បានផ្ដល់អនុសាន៍ណែនាំជាច្រើន ពិសេសក្នុងការរាប់ថយក្រោយ ១០០ថ្ងៃដែលជាការផ្ញើសារដល់បណ្ដាប្រទេសអាស៊ីអាគ្នេយ៍ និងពិភពលោកថា កម្ពុជាត្រៀមខ្លួនរួចរាល់ដើម្បីស្វាគមន៍ប្រតិភូ និងអត្តពលិកទាំងអស់មកចូលរួមប្រកួតស៊ីហ្គេមលើកទី៣២ នៅកម្ពុជា។ សូមរំលឹកថា គិតត្រឹមថ្ងៃទី២៣ ខែមករានេះ កម្ពុជានៅសល់ ១០២ថ្ងៃទៀតនៃដំណើរឆ្ពោះទៅធ្វើម្ចាស់ផ្ទះស៊ីហ្គេម លើកទី៣២។ ប៉ុន្ដែនៅថ្ងៃទី២៥ ខែមករាខាងមុខ CAMSOC នឹងរៀបចំពិធីរាប់ថយក្រោយ ១០០ថ្ងៃឆ្ពោះទៅព្រឹត្តិការណ៍ជាប្រវត្តិសាស្ដ្រ ៦៤ឆ្នាំនៃការទន្ទឹងរង់ចាំនេះនៅពហុកីឡដ្ឋានជាតិមរតកតេជោ ដោយនឹងមានទស្សនីយភាពជាច្រើន ក្នុងនោះក៏មានការអញ្ជើញចូលរួមពីនាយបេសកកម្មបណ្ដាប្រទេសសមាជិក ដើម្បីបង្ហាញថា កម្ពុជាបានត្រៀមខ្លួនរួចរាល់ផងដែរ៕អត្ថបទ៖ លី ឈុនឡា

Rafael Nadal ត្រូវសម្រាកព្យាបាលរបួសត្រគាកយ៉ាងហោចណាស់ ៨សប្តាហ៍

វាយកូនបាល់៖ កីឡាករវាយកូនបាល់លំដាប់លេខ ២ ពិភពលោក Rafael Nadal នឹងត្រូវខកខានការប្រកួតនានាយ៉ាងហោចណាស់ ៦ ទៅ ៨សប្តាហ៍បន្ទាប់ពីទទួលរងរបួសត្រគាកអំឡុងបរាជ័យជុំទី២ Australian Open កាលពីថ្ងៃយប់ថ្ងៃពុធ។ការការពារតំណែងជើងឯករបស់កីឡាករវាយកូនបាល់អេស្ប៉ាញរូបនេះ បានបញ្ចប់ដោយខកបំណងក្រោមស្នាដៃកីឡាករអាមេរិក Mackenzie McDonald ដោយលទ្ធផល ៦-៤ ៦-៤ និង ៧-៥។ កីឡាករវ័យ ៣៦ឆ្នាំរូបនេះបានទទួលការពិនិត្យ MRI ស្កេនផ្នែកជើងឆ្វេងទាំងស្រុងរបស់ខ្លួន និងបានបង្ហាញថា របួសត្រគាករបស់គេឈានដល់កម្រិតទី២។ ម្ចាស់ជើងឯក Grand Slam ២២លើករូបនេះបានមកដល់ទឹកដីអូស្ត្រាលីរកបានជ័យជំនះនៅជុំដំបូង និងជាជ័យជំនះលើកដំបូងផងដែរតាំងពី US Open កាលពីខែសីហាឆ្នាំមុន និងបានសម្រាកជាបន្តបន្ទាប់ដោយសាររបួសញាំញី។ រយៈពេលសម្រាក ៦-៨សប្តាហ៍នេះមានន័យថា Rafael Nadal អាចនឹងវិលមកកាន់ទីលានប្រកួតវិញមុនរដូវកាលវាយកូនបាល់លើដីក្រហម និងអាចត្រៀមខ្លួនផងដែរសម្រាប់ការការពារតំណែងជើងឯក French Open របស់ខ្លួនដែលនឹងចាប់ផ្តើមនៅខែឧសភា៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កម្មវិធីរាប់ថយក្រោយ ១០០ថ្ងៃឆ្ពោះទៅស៊ីហ្គេមស្អែកនេះនឹងរៀបចំឲ្យឱឡារិក និងមានអត្ថន័យ

ថ្ងៃទី៨ Australian Open, Djokovic បន្តដំណើរស្វែងរកជើងឯកលើកទី១០ ដោយត្រូវជួប Alex De Minaur ជុំទី៤

Victoria Azarenka ឡើងវគ្គ ៨នាក់ចុងក្រោយ Australian Open លើកដំបូងក្នុងរយៈពេល ៧ឆ្នាំ

Mark Allen យកឈ្នះ Judd Trump លើកពានស្នូកឃ័រ World Grand Prix

Arsenal ត្រលប់មកនាំមុខ ៥ពិន្ទុវិញក្រោយឈ្នះ Manchester United

ក្រសួងមហាផ្ទៃដណ្ដើមបានមេដាយជើងឯកតេក្វាន់ដូ WT ថ្នាក់ជាតិច្រើនជាងគេ

Ronaldo រកគ្រាប់មិនបានក្នុងការបង្ហាញខ្លួនដំបូងឱ្យ Al Nassr ឈ្នះ Al Ettifaq

កីឡាករ-កីឡាការិនីភាគច្រើនកើនសមត្ថភាព ក្រោយចប់ជើងឯកកីឡាហែលទឹកថ្នាក់ជាតិ

កាន់តែកៀកថ្ងៃស៊ីហ្គេម សម្ដេចពិជ័យសេនា ទៀ បាញ់ ជំរុញគ្រប់ភាគីពាក់ព័ន្ធត្រូវខំប្រឹងកាន់តែខ្លាំង

Rafael Nadal ត្រូវសម្រាកព្យាបាលរបួសត្រគាកយ៉ាងហោចណាស់ ៨សប្តាហ៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កម្មវិធី​រាប់​ថយក្រោយ ១០០​ថ្ងៃ​ឆ្ពោះ​ទៅ​ស៊ី​ហ្គេម​ស្អែក​នេះ​នឹង​រៀបចំ​ឲ្យ​ឱឡារិក និង​មាន​អត្ថន័យ​

ថ្ងៃទី៨ Australian Open, Djokovic បន្តដំណើរ​ស្វែងរក​ជើងឯក​លើក​ទី១០ ដោយ​ត្រូវ​ជួប Alex De Minaur ជុំ​ទី៤

Victoria Azarenka ឡើង​វគ្គ ៨នាក់​ចុងក្រោយ Australian Open លើកដំបូង​ក្នុង​រយៈពេល ៧ឆ្នាំ

Mark Allen យកឈ្នះ Judd Trump លើក​ពាន​ស្នូកឃ័រ World Grand Prix

Arsenal ត្រលប់មក​នាំមុខ ៥​ពិន្ទុ​វិញ​ក្រោយ​ឈ្នះ Manchester United

ក្រសួងមហាផ្ទៃ​ដណ្ដើម​បាន​មេដាយ​ជើងឯក​តេ​ក្វាន់​ដូ WT ថ្នាក់ជាតិ​ច្រើនជាងគេ​

Ronaldo រក​គ្រាប់​មិនបាន​ក្នុងការ​បង្ហាញខ្លួន​ដំបូង​ឱ្យ Al Nassr ឈ្នះ Al Ettifaq

កីឡាករ​-​កីឡាការិនី​ភាគច្រើន​កើន​សមត្ថភាព ក្រោយ​ចប់​ជើងឯក​កីឡាហែលទឹក​ថ្នាក់ជាតិ​

Rafael Nadal ត្រូវ​សម្រាក​ព្យាបាល​របួស​ត្រគាក​​យ៉ាងហោចណាស់ ៨​សប្តាហ៍​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កម្មវិធីរាប់ថយក្រោយ ១០០ថ្ងៃឆ្ពោះទៅស៊ីហ្គេមស្អែកនេះនឹងរៀបចំឲ្យឱឡារិក និងមានអត្ថន័យ

ថ្ងៃទី៨ Australian Open, Djokovic បន្តដំណើរស្វែងរកជើងឯកលើកទី១០ ដោយត្រូវជួប Alex De Minaur ជុំទី៤

Victoria Azarenka ឡើងវគ្គ ៨នាក់ចុងក្រោយ Australian Open លើកដំបូងក្នុងរយៈពេល ៧ឆ្នាំ

Mark Allen យកឈ្នះ Judd Trump លើកពានស្នូកឃ័រ World Grand Prix

Arsenal ត្រលប់មកនាំមុខ ៥ពិន្ទុវិញក្រោយឈ្នះ Manchester United

ក្រសួងមហាផ្ទៃដណ្ដើមបានមេដាយជើងឯកតេក្វាន់ដូ WT ថ្នាក់ជាតិច្រើនជាងគេ

Ronaldo រកគ្រាប់មិនបានក្នុងការបង្ហាញខ្លួនដំបូងឱ្យ Al Nassr ឈ្នះ Al Ettifaq

កីឡាករ-កីឡាការិនីភាគច្រើនកើនសមត្ថភាព ក្រោយចប់ជើងឯកកីឡាហែលទឹកថ្នាក់ជាតិ

Rafael Nadal ត្រូវសម្រាកព្យាបាលរបួសត្រគាកយ៉ាងហោចណាស់ ៨សប្តាហ៍