BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Aryna Sabalenka និង Caroline Garcia បន្តដំណើរឡើងជុំទី៣ Australian Open

វាយកូនបាល់៖ កីឡាការិនីបេឡារុស Aryna Sabalenka បានបន្តដំណើរឡើងជុំទី៣ ហើយនៃព្រឹត្តិការណ៍ Grand Slam, Australian Open ក្រោយយកឈ្នះកីឡាការិនីអាមេរិកគ Shelby Rogers ដោយលទ្ធផល ៦-៣ និង ៦-១។ កីឡាការិនីលំដាប់លេខ ៥ Sabalenka បានបន្តស្ថិតិប្រកួតមិនចាញ់របួសខ្លួនក្នុងឆ្នាំ២០២៣ នេះបន្ទាប់ពីយកឈ្នះការប្រកួតនេះដោយប្រើពេល ១ម៉ោង ២៧នាទី ដើម្បីកក់កៅអីនៅជុំទី៣ ជាលើកទី៤ ក្នុងអាជីព និងបន្តជួបជាមួយកីឡាការិនីប៊ែលហ្ស៊ិក Elise Mertens។ ជាមួយគ្នានោះដែរកីឡាការិនីបារាំង Caroline Garcia បានយកឈ្នះកីឡាការិនីកាណាដា Leylah Fernandez ដោយលទ្ធផលតានតឹង ៧-៦(៧-៥) និង ៧-៥។ កីឡាការិនីលំដាប់លេខ ៤ Caroline Garcia នឹងបន្តជួបជាមួយកីឡាការិនីអាល្លឺម៉ង់ Laura Siegemund។ លទ្ធផលសំខាន់ៗផ្សេងទៀតមានដូចជាកីឡាការិនីអេស្តូនី Anett Kontaveit បានរងបរាជ័យក្រោមស្នាដៃកីឡាការិនីប៉ូឡូញ Magda Linette ដែលនឹងត្រូវបន្តជួបជាមួយ Ekaterina Alexandrova។ កីឡាការិនីលំដាប់លេខ ៩ Veronica Kudermetova ក៏ធ្លាក់ពីការប្រកួតដែរក្រោយចាញ់កីឡាករវ័យ ២១ឆ្នាំអាមេរិក Katie Volynets៕អត្ថបទ៖នាង សុភាវុធ

Novak Djokovic ឈ្នះការប្រកួតជុំទី២ Australian Open ទាំងរបួស

វាយកូនបាល់៖ កីឡាករវាយកូនបាល់ស៊ែប Novak Djokovic បានជំនះរបួសរបស់ខ្លួនរហូតយកឈ្នះកីឡាករបារាំង Enzo Couacaud ដើម្បីបន្តដំណើរឡើងជុំទី៣ នៃព្រឹត្តិការណ៍ Grand Slam, Australian Open។ កីឡាករវ័យ ៣៥ឆ្នាំរូបនេះកំពុងប៉ុនប៉ងស្វែងរកជើងឯក ដើម្បីពន្លាតកំណត់ត្រាឈ្នះជើងឯក Australian Open នេះច្រើនជាងគេសរុប ១០លើក។ Djokovic បានយកឈ្នះដោយលទ្ធផល ៦-១ ៦-៧(៥-៧) ៦-២ និង ៦-០ ទោះបីជាមានរបួសសរសៃពួរដែលទទួលបានការសម្រួលពីក្រុមជំនាញកាយសម្បទា។ ជុំបន្តជើងឯក Grand Slam ២១លើក Novak Djokovic នឹងត្រូវជួបជាមួយកីឡាករប៊ុលហ្ការី Grigor Dimitrov។ ផ្ទុយពី Djokovic គេឃើញមានកីឡាករលំដាប់ Top10 មួយចំនួនបានជ្រុះចេញពីការប្រកួតត្រឹមជុំទី២ រួមមានកីឡាករលំដាប់លេខ ២ ក្នុងកម្មវិធីពោលគឺជាជើងឯករងឆ្នាំមុន Casper Ruud រងបរាជ័យក្រោមស្នាដៃកីឡាករអាមេរិក Jenson Brooksby ដោយលទ្ធផល ៦-៣ ៧-៥ ៦-៦(៤-៧) និង ៦-២។ មកទស្សនាអតីតកីឡាករលេខ ១ ពិភពលោក Andy Murray ក៏បានបន្តដំណើរទៅជុំទី៣ ដែរតែត្រូវប្រើពេលដល់ទៅជិត ៦ម៉ោង និងបញ្ចប់នៅម៉ោង ៤ព្រឹកម៉ោងនៅប្រទេសអូស្ត្រាលីទើបរកចាញ់ឈ្នះឃើញ។ កីឡាករស្កុតឡេនរូបនេះបានយកឈ្នះកីឡាករអូស្ត្រាលី Thanasi Kokkinakis ដោយលទ្ធផល ៥ សិត ៤-៦ ៦-៧(៤-៧) ៧-៦(៧-៥) ៦-៣ និង ៧-៥ ដែលជាការប្រកួតប្រើពេលយូរបំផុតក្នុងអាជីពរបស់កីឡាករវ័យ ៣៥ឆ្នាំ Andy Murray ដែលនឹងបន្តជួបជាមួយកីឡាករអេស្ប៉ាញ Roberto Bautista Agut នៅជុំទី៣។ ចំណែកកីឡាករអាមេរិកលំដាប់លេខ ៨ Taylor Fritz ក៏ធ្លាក់ដែរក្រោយចាញ់កីឡាករម្ចាស់ផ្ទះអូស្ត្រាលី Alexei Popyrin។ ចុងក្រោយនេះកីឡាករអាល្លឺម៉ង់ម្ចាស់មេដាយមាសអូឡាំពិកទីក្រុងតូក្យូ Alexander Zverev ក៏ធ្លាក់ដែរដោយចាញ់ Michael Mmoh។ កីឡាករអាមេរិក Michael Mmoh បាននិយាយក្រោយចប់ការប្រកួតថា គេបានកក់សំបុត្រយន្តហោះត្រលប់ទៅស្រុកកំណើតវិញ ក្រោយចប់ការប្រកួតទល់នឹង Zverev ដោយគិតថាគេនឹងចាញ់៕អត្ថបទ៖នាង សុភាវុធ

CAMSOC ត្រៀមរៀបចំកម្មវិធីជាច្រើនដើម្បីអបអរពិធីរាប់ថយក្រោយ ១០០ថ្ងៃឆ្ពោះទៅស៊ីហ្គេមនាថ្ងៃទី២៥-មករា

ស៊ីហ្គេម៖ នៅថ្ងៃទី២៥ ខែមករាខាងមុខគឺជាពេលវេលានៅសល់ ១០០ថ្ងៃគត់នៃដំណើរឆ្ពោះទៅធ្វើម្ចាស់ផ្ទះការប្រកួតកីឡាស៊ីហ្គេមឆ្នាំ២០២៣ របស់កម្ពុជា ខណៈគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានត្រៀមរៀបចំកម្មវិធីជាច្រើន ដើម្បីអបអរសាទរពិធីរាប់ថយក្រោយនៃព្រឹត្តិការណ៍ជាប្រវត្តិសាស្ដ្រនេះ នៅក្នុងបរិវេណនៃពហុកីឡដ្ឋានជាតិមរតកតេជោ។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC បានឲ្យដឹងថា ដោយមានការចង្អុលបង្ហាញពីសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC នឹងរៀបចំនូវពិធីរាប់ថយក្រោយ ១០០ថ្ងៃឆ្ពោះទៅស៊ីហ្គេមឆ្នាំ២០២៣ នាល្ងាចថ្ងៃទី២៥ ខែមករាខាងមុខដោយនឹងមានរៀបចំនូវទស្សនីយភាពជាច្រើន ក្នុងនោះក៏មានកិច្ចប្រជុំជាមួយនាយបេសកកម្មបណ្ដាប្រទេសអាស៊ីអាគ្នេយ៍ ដើម្បីជូនដំណឹងពីការត្រៀមខ្លួនរួចរាល់របស់កម្ពុជាផងដែរ។ គួរដឹងថា កាលពីថ្មីៗ ស្របពេលកម្ពុជាកាន់តែខិតជិតដល់ពេលធ្វើម្ចាស់ផ្ទះស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ សម្តេចតេជោ ហ៊ុន សែន នាយរកដ្ឋមន្ត្រីនៃព្រះរាជាណាចក្រកម្ពុជា បានជំរុញដល់ប្រព័ន្ធផ្សព្វផ្សាយទាំងអស់ចូលរួមបំផ្ទុះការផ្សព្វផ្សាយ ពីដំណើរឆ្ពោះទៅរកព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះ ពិសេសពិធីរាប់ថយក្រោយនាថ្ងៃទី២៥ ខែមករា ឆ្នាំ២០២៣ ខាងមុខ ដើម្បីបំផុសស្មារតីគាំទ្រវិស័យកីឡាជាតិក្រោមពាក្យស្លោក “កីឡារស់ក្នុងសន្ដិភាព”។ការជំរុញរបស់សម្ដេចតេជោនាយករដ្ឋមន្ដ្រី ធ្វើឡើងក្នុងពិធីជួបសំណេះសំណាល និងពិសាអាហារសាមគ្គីលើកទី៥ ជាមួយអ្នកសារព័ត៌មានប្រមាណជិត ៥ពាន់នាក់កាលពីថ្ងៃទី១៤ ខែមករាកន្លងទៅ។ សម្ដេចតេជោ ហ៊ុន សែន មានប្រសាសន៍ថា ប្រព័ន្ធផ្សព្វផ្សាយទាំងអស់ សូមចូលរួមយុទ្ធនាការផ្សព្វផ្សាយការរាប់ថយក្រោយ ១០០ថ្ងៃនៃព្រឹត្តិការណ៍ប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា ឱ្យបានផុលផុសដើម្បីឲ្យប្រជាពលរដ្ឋទាំងក្នុង និងក្រៅប្រទេសបានដឹង និងបំផុសស្មារតីលើកទឹកចិត្តដល់កីឡាករ-កីឡាការិនីឲ្យខិតខំហ្វឹកហាត់ ដើម្បីទទួលបានមេដាយច្រើនក្នុងការប្រកួតនាពេលខាងមុខ៕អត្ថបទ៖ លី ឈុនឡា

Messi និង Ronaldo ស៊ុតបញ្ចូលទីរៀងខ្លួនក្នុងការប្រកួតមិត្តភាពលើទឹកដីអារ៉ាប៊ីសាអ៊ូឌីត

បាល់ទាត់៖ Cristiano Ronaldo និង Lionel Messi បាននាំអ្នកគាំទ្រត្រលប់មកវិញក្នុងពេលវេលារួមគ្នា ក្នុងការសាទរអាជីពដ៏អស្ចារ្យរបស់ពួកគេជាមួយនឹងការប្រកួតមិត្តភាព មិនអាចបំភ្លេចបានមួយនៅលើទឹកដីអារ៉ាប៊ីសាអ៊ូឌីត ដែលជាផ្ទះថ្មីរបស់ខ្សែប្រយុទ្ធព័រទុយហ្កាល់ និងអាចជាការប្រកួតចុងក្រោយដែលស្តេចបាល់ទាត់ទាំង២ ជួបគ្នាលើទីលានតែមួយ។ ម្ចាស់ជ័យលាភី World Cup ជាមួយក្រុមអាហ្សង់ទីន Lionel Messi បានបើកការនាំមុខឱ្យ PSG មុន ខណៈដែល Cristiano Ronaldo ស៊ុតបញ្ចូលទី ២គ្រាប់ក្នុងវគ្គទី១ ដែលបញ្ចប់ដោយលទ្ធផលស្មើគ្នា ២-២ រវាង PSG និងក្រុម Riyadh All Stars។ កីឡាករទាំងពីរ Ronaldo និង Messi ត្រូវបានផ្លាស់ប្តូរចេញដូចគ្នាក្រោយលេងបាន ១ម៉ោង ខណៈ PSG បានយកឈ្នះការប្រកួតដោយលទ្ធផលចុងក្រោយ ៥-៤ ដែលរួមមានគ្រាប់ធានាជ័យជំនះរបស់ Hugo Ekitike ខណៈ PSG មានកីឡាករទទួលបានកាតក្រហមម្នាក់គឺ Juan Bernat។ សូមបញ្ជាក់ថា ការប្រកួតមិត្តភាពដ៏កម្ររវាងក្រុមដែលមានសមាសភាពស្តេចបាល់ទាត់ទាំងពីរ Ronaldo និង Messi នៅលើទឹកដីអារ៉ាប៊ីសាអ៊ូឌីត មានការបញ្ជាទិញសំបុត្រចូលទស្សនាដល់ទៅជាង ២លានដងនៅលើប្រព័ន្ធអនឡាញ ហើយក្នុងនោះសំបុត្រមាស រឺហៅថាសំបុត្រ “Beyond Imagination” ត្រូវបានដេញថ្លៃក្នុងតម្លៃដល់ទៅ ២.៦លានដុល្លារអាមេរិកដែលបានទៅម្ចាស់ក្រុមហ៊ុនអចលទ្រព្យម្នាក់។ នេះជាប្រកួតដំបូងរបស់ Cristiano Ronaldo តាំងពីផ្លាស់មកកាន់ទឹកដីអារ៉ាប៊ីសាអ៊ូឌីតជាក្រុម Al Nassr ពោលគឺគេបានរង់ចាំការប្រកួតផ្លូវការរបស់ខ្លួន ដោយទទួលការពិន័យ ២ប្រកួតបន្តពី FA អង់គ្លេសដែលពិន័យកីឡាករវ័យ ៣៧ឆ្នាំរូបនេះក្រោយបោកទូរស័ព្ទដៃអ្នកគាំទ្រអំឡុងការប្រកួតឱ្យ Manchester United នៅទឹកដី Everton កាលពីខែមេសាឆ្នាំមុន។ ថ្ងៃអាទិត្យនេះ Ronaldo នឹងមានមុខផ្លូវការក្នុងការប្រកួតដំបូងនៅលីគកំពូលអារ៉ាប៊ីសាអ៊ូឌីតដោយ Al Nassr ត្រូវទទួលស្វាគមន៍ Ettifaq៕អត្ថបទ៖នាង សុភាវុធ

ប្រធានសហព័ន្ធកីឡាវ៉ូវីណាមវាយតម្លៃខ្ពស់ ចំពោះការរៀបចំជើងឯកយុវជនលើកដំបូង

វ៉ូវីណាម៖ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាបានវាយតម្លៃខ្ពស់ ចំពោះការប្រកួតកីឡាវ៉ូវីណាមជ្រើសរើសជើងឯកយុវជនគិរីសួគ៌ឆ្នាំ២០២៣ ដែលបញ្ចប់ការប្រកួតដោយជោគជ័យ ប្រកបដោយគុណផលខ្ពស់ឆ្ពោះទៅរកអ្នកបន្ដវេនសម្រាប់ថ្ងៃអនាគត។ ការលើកឡើងនេះ បន្ទាប់ពីការប្រកួតជើងឯកយុវជននេះបានដំណើរការប្រកួត ១ថ្ងៃពេញកាលពីថ្ងៃទី១៩ ខែមករាម្សិលមិញនៅមជ្ឈមណ្ឌលជាតិហ្វឹកហ្វឺនកីឡា ក្រោមវត្តមានឯកឧត្តម ម៉ុង គឹមហេង រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានកិត្តិយសសហព័ន្ធ ហើយក៏មានការចូលរួមពីលោក ឈរ រិទ្ធី នាយប្រតិបត្តិក្រុមហ៊ុនគិរីសួគ៌ដែលចូលរួមសហការរៀបចំការប្រកួតនេះផងដែរ។ ប្រធានសហព័ន្ធដដែលបានគូសបញ្ជាក់ថា ជើងឯកយុវជននេះរៀបចំឡើងដើម្បីរួមចំណែកអភិវឌ្ឍន៍វិស័យកីឡា ពិសេសយុវជន ក្នុងន័យស្វែងរកធនធានបន្ដវេន ស្របតាមទិសដៅរបស់ក្រសួងអប់រំ យុវជន និងកីឡាដែលជាសេនាធិការរបស់រាជរដ្ឋាភិបាល។ ឆ្លងកាត់ការប្រកួតដ៏ស្វិតស្វាញ ឯកឧត្តមបានកោតសរសើរចំពោះបច្ចេកទេស និងវិន័យរបស់កីឡាករ-កីឡាការិនីទាំងអស់ដែលធ្វើបានយ៉ាងល្អក្នុងការប្រកួត។ ដោយឡែកលោក ឈរ រិទ្ធី ក៏បានសម្ដែងនូវមោទនភាព និងសេចក្ដីរីករាយដែលបានចូលរួមសហការរៀបចំការប្រកួតជើងឯកយុវជននេះ ហើយលោកប្ដេជ្ញានឹងបន្ដការគាំទ្រជាថែមទៀត ទាំងកីឡាវ៉ូវីណាម និងកីឡាផ្សេងៗ ដើម្បីរួមចំណែកអភិវឌ្ឍន៍វិស័យកីឡាជាតិ ពិសេសត្រៀមស៊ីហ្គេមឆ្នាំ២០២៣ ខាងមុខ។ គួរដឹងថា ការប្រកួតកីឡាវ៉ូវីណាមជើងឯកយុវជនគិរីសួគ៌ឆ្នាំ២០២៣ គឺមានកីឡាករ-កីឡាការិនីចូលរួម ៥២នាក់មកពី ១១សមាគម/ក្លិបដែលប្រកួតលើក ១០វិញ្ញាសា។ ជាលទ្ធផលក្លិបក្រសួងមហាផ្ទៃ ដណ្ដើមបានមេដាយច្រើនជាងគេសរុប ៧គ្រឿង រួមមានមេដាយមាស ៣ ប្រាក់ ៣ និងសំរឹទ្ធ ១ ខណៈក្លិបវ៉ូវីណាមសែនសុខឈរលេខ២ ឈ្នះមេដាយមាស ៣ និងសំរឹទ្ធ ២ គ្រាដែលក្លិបក្រសួងការពារជាតិឈរលេខ៣ ឈ្នះមេដាយមាស ១ ប្រាក់ ៣ និងសំរឹទ្ធ ២គ្រឿង៕ អត្ថបទ៖ លី ឈុនឡា

ពាន Soccer League 2023 បានរកឃើញក្រុមឡើងវគ្គ ១៦ក្រុមចុងក្រោយអស់ហើយ

បាល់ទាត់៖ ការប្រកួតបាល់ទាត់ដណ្ដើមពានរង្វាន់ Soccer League លើកទី៦ ឆ្នាំ២០២៣ បានរកឃើញក្រុមឡើងវគ្គ ១៦ក្រុមចុងក្រោយអស់ហើយ ក្រោយចាប់ផ្ដើមការប្រកួតជម្រុះតាមពូលកាលពីថ្ងៃទី០៧ ខែមករាកន្លងទៅ។ សម្រាប់បេក្ខភាព ៥ក្រុមចុងក្រោយដែលទើបបញ្ចប់ការប្រកួតតាមពូលរបស់ខ្លួនកាលពីថ្ងៃទី១៩ ខែមករាម្សិលមិញ រួមមានពូល H ក្រុម Khmer United បានឈរកំពូលតារាងរកបាន ៧ពិន្ទុក្រោយយកឈ្នះក្រុម ស.ស.យ.ក ស្រុកមុខកំពូល ៣-០។ ពូល M ក្រុម ស.ស.យ.ក ខេត្ដកណ្ដាល បានឈរកំពូលតារាងដោយរកបាន ៩ពិន្ទុពេញក្រោយយកឈ្នះក្រុមម៉ូលីអេហ្វស៊ី ៥-២។ ពូល N ក្រុម ស.ស.យ.ក ខេត្ដស្វាយរៀង ឈរកំពូលតារាងដោយរកបាន ៩ពិន្ទុពេញដូចគ្នា ក្រោយយកឈ្នះក្រុមយុវជន ៧មករាច្រាំងចំរេះ(១) ដោយលទ្ធផល ៧-០។ ពូល O ក្រុមស៊ីសូផុនអេហ្វស៊ី បានយកឈ្នះក្រុមវ័យចាស់ក្រសួងការពារជាតិ ៣-១ ដើម្បីឈរកំពូលតារាង និងរកបាន ៩ពិន្ទុ គ្រាដែលក្រុម Zaitun FC បានយកឈ្នះក្រុម RFL FC ដោយលទ្ធផល ៣-២ ដើម្បីធានាកៅអីវគ្គបន្ដក្រោយរកបាន ៩ពិន្ទុពេញដូចគ្នាដើម្បីឈរកំពូលតារាង។ សម្រាប់ការប្រកួតវគ្គ ១៦ក្រុមចុងក្រោយគ្រោងនឹងធ្វើការប្រកួតនាថ្ងៃទី២៥ និងថ្ងៃទី២៦ ខែមករាខាងមុខ ដោយកម្មវិធីប្រកួតរួមមានថ្ងៃទី២៥-មករា៖ ក្រុមស៊ីយ៉ាប្រែនជួបក្រុមសម្ព័ន្ធយុវជនមុស្លីមកម្ពុជា, ក្រុមហនុមានអគ្គលេខាធិការដ្ឋានក្រសួងការពារជាតិជួបក្រុមស.ស.យ.ក ខេត្តកោះកុង, ក្រុម ស.ស.យ.ក ខណ្ឌពោធិ៍សែនជ័យជួបក្រុមយុវជនស្រលាញ់សន្ដិភាព និងក្រុម Avatar ជួបក្រុម Khmer United។ ដោយឡែកនៅថ្ងៃទី២៦ ខែមករា រួមមានក្រុម ស.ស.យ.ក ខេត្តបាត់ដំបងជួបក្រុម ស.ស.យ.ក ស្រុកខ្សាច់កណ្ដាល, ក្រុម Royal Mayura Resort ជួបក្រុម Try All FC, ក្រុម ស.ស.យ.ក ខេត្តកណ្ដាលជួបក្រុម ស.ស.យ.ក ខេត្តស្វាយរៀង និងក្រុមស៊ីសូផុន អេហ្វស៊ី ជួបក្រុម Zaitun FC។ ចំពោះព្រឹត្តិការណ៍បាល់ទាត់ពាក់កណ្ដាលអាជីព ដែលផ្ដួចផ្ដើមគំនិតរៀបចំដោយឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជានេះគ្រោងនឹងបញ្ចប់នាថ្ងៃទី១១ ខែកុម្ភៈ ឆ្នាំ២០២៣ ខាងមុខ៕ អត្ថបទ៖ លី ឈុនឡា

ប្រធានកីឡាវាយកូនបាល់អាស៊ីវាយតម្លៃទីលានកម្ពុជាមានលក្ខណៈគ្រប់គ្រាន់ ដើម្បីរៀបចំស៊ីហ្គេម

វាយកូនបាល់៖ លោក Kitsombat Euammongkol ប្រធានសហព័ន្ធកីឡាវាយកូនបាល់អាស៊ី អមដំណើរដោយនាយកប្រតិបត្តិលោកស្រី Manpreet Kandhari បានវាយតម្លៃខ្ពស់ថា ទីលានកីឡាវាយកូនបាល់កម្ពុជាគឺមានលក្ខណៈគ្រប់គ្រាន់ ដើម្បីទទួលរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ នាពេលខាងមុខ។ ការលើកឡើងនេះ បន្ទាប់ពីមន្ដ្រីជាន់ខ្ពស់កីឡាវាយកូនបាល់អាស៊ី បានចុះពិនិត្យទីលានវាយកូនបាល់នៅពហុកីឡដ្ឋានជាតិមរតកតេជោ ក្រោមការសម្របសម្រួលរបស់លោក ទេព រិទ្ធីវិទ្ធ អគ្គលេខាធិការសហព័ន្ធកីឡាវាយកូនបាល់កម្ពុជាកាលពីថ្ងៃទី១៩ ខែមករាម្សិលមិញ។ ក្នុងឱកាសនោះក៏មានជំនួបសំណេះសំណាលរយៈពេលខ្លីរវាងឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ជាមួយលោក Kitsombat Euammongkol ផងដែរ។ នាឱកាសចុះពិនិត្យ និងវាយតម្លៃនោះ ប្រធានសហព័ន្ធ ក៏ដូចជានាយកប្រតិបត្តិសហព័ន្ធកីឡាវាយកូនបាល់អាស៊ីដដែលបានលើកឡើងថា ទីលានកីឡាវាយកូនបាល់របស់កម្ពុជា ត្រៀមទទួលកីឡាស៊ីហ្គេមនាខែឧសភាខាងមុខនេះ គឺមានលក្ខណៈស្តង់ដាគ្រប់គ្រាន់ ទាំងបន្ទប់ផ្លាស់សម្លៀកបំពាក់ បន្ទប់ទទួលភ្ញៀវ បន្ទប់ទឹក និងកន្លែងអង្គុយទស្សនាជាដើមគឺមានភាពរៀបរយអស់ហើយ នៅឡើយទីលានដែលត្រូវមានការកែលម្អបន្ដិចបន្ដួចទៀត នឹងស្របតាមស្ដង់ដារអន្ដរជាតិដើម្បីរៀបចំការប្រកួតដោយមោទនភាពតែម្ដង។ ជុំវិញការដំណើរទស្សនកិច្ចនេះដែរ លោក ទេព រិទ្ធីវិទ្ធ បានអបអរសាទរ និងស្វាគមន៍ដោយសេចក្ដីរីករាយចំពោះការត្រួតពិនិត្យ វាយតម្លៃ និងផ្ដល់ជាយោបល់ល្អៗ សម្រាប់ជាធាតុចូបន្ថែមដល់សហព័ន្ធក្នុងការត្រៀមខ្លួន និងរៀបចំឲ្យកាន់តែល្អប្រសើរថែមទៀត ក្នុងការត្រៀមទទួលស្វាគមន៍ព្រឹត្តិការណ៍ប្រវត្តិស៊ីហ្គេមលើកទី៣២ នាឧសភាខាងមុខ បន្ទាប់ពីកម្ពុជារង់ចាំអស់រយៈពេល ៦៤ឆ្នាំ។ លោកអះអាងថា រាល់ចំណុចខ្វះខាតពាក់ព័ន្ធនឹងទីលានប្រកួត ភាគីទទួលបន្ទុកទីលានរបស់គណៈកម្មាធិការជាតិ CAMSOC នឹងធ្វើការកែលម្អ ដើម្បីឆ្លើយតបតាមការវាយតម្លៃរបស់អ្នកជំនាញមកពីសហព័ន្ធអាស៊ី៕អត្ថបទ៖ លី ឈុនឡា

សម្ដេចពិជ័យសេនា ទៀ បាញ់ ជួបសំណេះសំណាលជាមួយកងកម្លាំងជាង ៤ពាន់នាក់ត្រៀមស៊ីហ្គេម២០២៣

ស៊ីហ្គេម៖ សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ នៅថ្ងៃទី១៩ ខែមករានេះ បានអញ្ជើញត្រួតពិនិត្យ និងសំណេះសំណាលកងកម្លាំងនៃគណៈកម្មការសន្ដិសុខ និងសណ្ដាប់ធ្នាប់ចំនួន ៤,៣៧៤នាក់ដើម្បីត្រៀមការពារ និងផ្ដល់សុវត្ថិភាពជូនប្រតិភូកីឡា ភ្ញៀវជាតិ-អន្ដរជាតិក្នុងព្រឹត្តិការណ៍ប្រវត្តិសាស្ដ្រនាពេលឆាប់ៗខាងមុខ។ ឯកឧត្តមនាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ និងជាប្រធានគណៈកម្មការសន្ដិសុខ និងសណ្ដាប់ធ្នាប់នៃគណៈកម្មាធិការជាតិ CAMSOC បានឲ្យដឹងថា កងកម្លាំងរបស់ខ្លួនបានត្រៀមរួចរាល់ដើម្បីការពារសន្ដិសុខ សុវត្ថិភាព និងសណ្ដាប់ធ្នាប់ដល់ឥស្សរជន មន្ដ្រីជាន់ខ្ពស់ ប្រតិភូកីឡា និងកីឡាករ-កីឡាការិនី ក៏ដូចជាភ្ញៀវជាតិ-អន្ដរជាតិ ក្រោមកិច្ចសហការយ៉ាងល្អជាមួយក្រសួង-ស្ថាប័នពាក់ព័ន្ធក៏ដូចជាអន្ដរជាតិ ជាក់ស្ដែងមានបណ្ដាប្រទេសជាមិត្តចំនួន ៨ ក៏បានគាំទ្រដល់គណៈកម្មការសន្ដិសុខ និងសណ្ដាប់ធ្នាប់ក្នុងការត្រៀមទទួលរៀបចំព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ នេះផងដែរ។ បន្ទាប់ពីស្ដាប់នូវរបាយការណ៍របស់គណៈកម្មការជំនាញរួច សម្ដេចពិជ័យសេនា ទៀ បាញ់ បានធ្វើការវាយតម្លៃខ្ពស់ ចំពោះការខិតខំប្រឹងប្រែងរបស់គណៈកម្មការសន្ដិសុខ និងសណ្ដាប់ធ្នាប់ ដែលបានសហការជាមួយគណៈកម្មការពាក់ព័ន្ធនៃគណៈកម្មាធិការជាតិ CAMSOC ក្នុងការយកចិត្តទុកដាក់រៀបចំផែនការការពារ ទាំងកម្លាំងសរុប មធ្យោបាយ សម្ភារៈ និងកិច្ចសហការជាមួយក្រសួង-ស្ថាប័ននានា។ សម្ដេចពិជ័យសេនាមានប្រសាសន៍ថា គិតត្រឹមថ្ងៃទី១៩ ខែមករានេះ ស៊ីហ្គេមនៅ ១០៦ថ្ងៃទៀតប៉ុណ្ណោះ។ តាមរយៈពេលវេលាសេសសល់នេះ CAMSOC ចង់បង្ហាញ និងផ្សព្វផ្សាយឱ្យមតិសាធារណជាតិ និងអន្តរជាតិបានជ្រាបថា កម្ពុជាត្រៀមខ្លួនរួចជាស្រេចក្នុងការធ្វើម្ចាស់ផ្ទះរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមតាមរយៈការត្រៀមកម្លាំង មធ្យោបាយ ឧបករណ៍សម្ភារៈគ្រប់ប្រភេទ សម្រាប់ធានានូវសុខសុវត្ថិភាព និងភាពកក់ក្ដៅជូនដល់ប្រតិភូកីឡា ប្រមុខរដ្ឋ ប្រមុខរដ្ឋាភិបាលទាំង ១១ប្រទេស មន្ដ្រី កីឡាអន្តរជាតិមកពីជុំវិញពិភពលោក ថ្នាក់ដឹកនាំចលនាអូឡាំពិកពិភពលោក និងអ្នកគាំទ្រទេសចរណ៍រាប់ម៉ឺននាក់មកចូលរួមនៅកម្ពុជាដែលកំពុងរស់នៅក្រោមម្លប់សន្ដិភាព។ ក្នុងនាមថ្នាក់ដឹកនាំ CAMSOC គណៈកម្មការជំនាញពាក់ព័ន្ធបានប្តេជ្ញាចិត្តគោរពយ៉ាងម៉ឺងម៉ាត់ នូវអនុសាសន៍ណែនាំដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី ដែលបានថ្លែងក្នុងពិធីបិទព្រឹត្តិការណ៍កីឡាជាតិលើកទី៣ និងកីឡាជាតិជនពិការលើកទី១ កាលពីថ្ងៃទី៣០ ខែវិច្ឆិកា ឆ្នាំ២០២២ និងពិធីជួបជុំលើកទី៥ ជាមួយអ្នកសារព័ត៌មានកាលពីថ្ងៃទី១៤ ខែមករា ឆ្នាំ២០២៣ ដើម្បីធានាអនុវត្តភារកិច្ចការពារសន្តិសុខ សណ្ដាប់ធ្នាប់ឲ្យមានប្រសិទ្ធភាព និងជំរុញឲ្យព្រឹត្តិការណ៍ជាប្រវត្តិសាស្ដ្រនេះដំណើរការដោយរលូន និងទទួលបានជោគជ័យ។ នេះបើតាមការសង្កត់ធ្ងន់របស់សម្ដេចពិជ័យសេនា ទៀ បាញ់៕ អត្ថបទ៖ លី ឈុនឡា

Inter Milan ឈ្នះ AC Milan ៣-០ លើកពាន Italian Super Cup នៅអារ៉ាប៊ីសាអ៊ូឌីត

បាល់ទាត់៖ ក្រុមបាល់ទាត់ Inter Milan បានយកឈ្នះក្រុមរួមទីក្រុង AC Milan ៣-០ ដើម្បីលើកពាន Italian Super Cup ដែលរៀបចំនៅទឹកដីអារ៉ាប៊ីសាអ៊ូឌីត។ Federico Dimarco ជាអ្នកបើកការនាំមុខលើក្រុមជើងឯក Serie A នៅនាទីទី១០ មុនពេលដែលខ្សែប្រយុទ្ធជើងចាស់ Edin Dzeko បន្ថែមការនាំមុខមួយគ្រាប់ទៀតឱ្យ Inter Milan មុនចប់វគ្គទី ១។ វគ្គទី ២ ជ័យលាភីជើងឯក World Cup ជាក្រុមអាហ្សង់ទីន Lauraro Martinez បន្ថែមគ្រាប់ចុងក្រោយឱ្យ Inter Milan យកឈ្នះ AC Milan ៣-០។ សូមបញ្ជាក់ថា Italian Super Cup ជាការប្រកួតដើម្បីពានរវាងជើងឯកអ៊ីតាលី Serie A និង Coppa Italia រដូវកាលមុនដូចពានរង្វាន់ FA Community Shield នៅទឹកដីអង់គ្លេសដែរ។ នេះជាលើកដំបូងដែល Inter Milan យកឈ្នះ AC Milan នៅវគ្គផ្តាច់ព្រ័ត្រ បន្ទាប់ពីធ្លាប់ចាញ់ពីរលើកនៅវគ្គផ្តាច់ព្រ័ត្រ Coppa Italia ឆ្នាំ ១៩៧៧ និង ២០១១ ពាន Italian Super Cup នេះ៕អត្ថបទ៖នាង សុភាវុធ

Emma Raducanu ធ្លាក់ត្រឹមជុំទី២ Australian Open ក្រោយចាញ់ Coco Gauff

វាយកូនបាល់៖ កីឡាការិនីលំដាប់កំពូលរបស់អង់គ្លេស Emma Raducanu បានធ្លាក់ចេញពីព្រឹត្តិការណ៍ Grand Slam, Australian Open ហើយនៅត្រឹមជុំទី២ ប៉ុណ្ណោះក្រោយរងបរាជ័យក្រោមស្នាដៃកីឡាការិនីអាមេរិក Coco Gauff។ បច្ចុប្បន្នឈរចំណាត់ថ្នាក់លេខ ៧៧ ពិភពលោក Raducanu មុនឈានមកដល់ Australian Open នេះបានរងរបួសកជើង ១១ថ្ងៃមុនការប្រកួតចាប់ផ្តើម។ Coco Gauff ដែលបច្ចុប្បន្នកំពុងឈរលេខ ៧ ពិភពលោកបានក្រសោបយកជ័យជំនះដោយលទ្ធផល ២សិតផ្ទួនៗ ៦-៣ និង ៧-៦(៧-៤) ដែលធ្វើឱ្យកីឡាការិនីវ័យ ២០ឆ្នាំ Raducanu ឡើងមិនដល់ជុំទី៣ Grand Slam តាំងពីឈ្នះជើងឯក US Open នៅឆ្នាំ២០២១។ កីឡាការិនីវ័យក្មេងអាមេរិក Coco Gauff ក៏ជាបេក្ខភាពឈានមុខគេមួយរូបផងដែរដែលគេគិតថានឹងអាចឈ្នះជើងឯក Australian Open ឆ្នាំនេះ។ ងាកមកកីឡាការិនីអាមេរិក Madison Keys បានបន្តដំណើរឡើងជុំទី៣ ក្រោយយកឈ្នះកីឡាការិនីចិន Wang Xinyu ដោយលទ្ធផល ៦-៣ និង ៦-២។ ធ្លាប់ឡើងដល់វគ្គពាក់កណ្តាលផ្តាច់ព្រ័ត្រ Australian Open នេះពីរលើក Madison Keys នឹងបន្តជួបជាមួយអ្នកឈ្នះរវាង Nadia Podoroska រឺក៏ Victoria Azarenka នៅជុំទី៣។ ចំណែកឯកីឡាការិនីឡេតូនី Yelena Ostapenko បានយកឈ្នះកីឡាការិនីហុងគ្រី Anna Bondar ៧-៦(៧-៥) ៥-៧ និងសិតចុងក្រោយ ៦-០។ កីឡាការិនីលំដាប់លេខ ១៧ រូបនេះនឹងបន្តជួបជាមួយកីឡាការិនីលំដាប់លេខ ៩៥ ពិភពលោក Kateryna Baindl៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Aryna Sabalenka និង Caroline Garcia បន្តដំណើរឡើងជុំទី៣ Australian Open

Novak Djokovic ឈ្នះការប្រកួតជុំទី២ Australian Open ទាំងរបួស

CAMSOC ត្រៀមរៀបចំកម្មវិធីជាច្រើនដើម្បីអបអរពិធីរាប់ថយក្រោយ ១០០ថ្ងៃឆ្ពោះទៅស៊ីហ្គេមនាថ្ងៃទី២៥-មករា

Messi និង Ronaldo ស៊ុតបញ្ចូលទីរៀងខ្លួនក្នុងការប្រកួតមិត្តភាពលើទឹកដីអារ៉ាប៊ីសាអ៊ូឌីត

ប្រធានសហព័ន្ធកីឡាវ៉ូវីណាមវាយតម្លៃខ្ពស់ ចំពោះការរៀបចំជើងឯកយុវជនលើកដំបូង

ពាន Soccer League 2023 បានរកឃើញក្រុមឡើងវគ្គ ១៦ក្រុមចុងក្រោយអស់ហើយ

ប្រធានកីឡាវាយកូនបាល់អាស៊ីវាយតម្លៃទីលានកម្ពុជាមានលក្ខណៈគ្រប់គ្រាន់ ដើម្បីរៀបចំស៊ីហ្គេម

សម្ដេចពិជ័យសេនា ទៀ បាញ់ ជួបសំណេះសំណាលជាមួយកងកម្លាំងជាង ៤ពាន់នាក់ត្រៀមស៊ីហ្គេម២០២៣

Inter Milan ឈ្នះ AC Milan ៣-០ លើកពាន Italian Super Cup នៅអារ៉ាប៊ីសាអ៊ូឌីត

Emma Raducanu ធ្លាក់ត្រឹមជុំទី២ Australian Open ក្រោយចាញ់ Coco Gauff

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Aryna Sabalenka និង Caroline Garcia បន្តដំណើរ​ឡើង​ជុំ​ទី៣ Australian Open

Novak Djokovic ឈ្នះ​ការប្រកួត​ជុំ​ទី២ Australian Open ទាំង​របួស​

Messi និង Ronaldo ស៊ុត​បញ្ចូល​ទី​រៀងខ្លួន​ក្នុងការ​ប្រកួត​មិត្តភាព​លើទឹក​ដី​អារ៉ាប៊ីសាអ៊ូឌីត

ប្រធាន​សហព័ន្ធ​កីឡា​វ៉ូ​វី​ណា​ម​វាយតម្លៃ​ខ្ពស់ ចំពោះ​ការរៀបចំ​ជើងឯក​យុវជន​លើកដំបូង​

ពាន​ Soccer League 2023 ​បាន​រក​ឃើញ​ក្រុម​ឡើង​វគ្គ ១៦​ក្រុម​ចុងក្រោយ​អស់ហើយ​

សម្ដេច​ពិជ័យ​សេនា ទៀ បាញ់ ជួប​សំណេះសំណាល​ជាមួយកងកម្លាំង​ជាង ៤​ពាន់​នាក់​ត្រៀម​ស៊ី​ហ្គេម២០២៣

Inter Milan ឈ្នះ AC Milan ៣-០ លើក​ពាន Italian Super Cup នៅ​អារ៉ាប៊ីសាអ៊ូឌីត​

Emma Raducanu ធ្លាក់​ត្រឹម​ជុំ​ទី២ Australian Open ក្រោយ​ចាញ់ Coco Gauff

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Aryna Sabalenka និង Caroline Garcia បន្តដំណើរឡើងជុំទី៣ Australian Open

Novak Djokovic ឈ្នះការប្រកួតជុំទី២ Australian Open ទាំងរបួស

Messi និង Ronaldo ស៊ុតបញ្ចូលទីរៀងខ្លួនក្នុងការប្រកួតមិត្តភាពលើទឹកដីអារ៉ាប៊ីសាអ៊ូឌីត

ប្រធានសហព័ន្ធកីឡាវ៉ូវីណាមវាយតម្លៃខ្ពស់ ចំពោះការរៀបចំជើងឯកយុវជនលើកដំបូង

ពាន Soccer League 2023 បានរកឃើញក្រុមឡើងវគ្គ ១៦ក្រុមចុងក្រោយអស់ហើយ

សម្ដេចពិជ័យសេនា ទៀ បាញ់ ជួបសំណេះសំណាលជាមួយកងកម្លាំងជាង ៤ពាន់នាក់ត្រៀមស៊ីហ្គេម២០២៣

Inter Milan ឈ្នះ AC Milan ៣-០ លើកពាន Italian Super Cup នៅអារ៉ាប៊ីសាអ៊ូឌីត

Emma Raducanu ធ្លាក់ត្រឹមជុំទី២ Australian Open ក្រោយចាញ់ Coco Gauff