BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Rafael Nadal ធ្លាក់ពី Australian Open ជាមួយរបួសក្នុងបរាជ័យក្រោមស្នាដៃកីឡាករអាមេរិក McDonald

វាយកូនបាល់៖ ជើងឯកវាយកូនបាល់ Grand Slam ២២លើក Rafael Nadal បានធ្លាក់ចេញពីព្រឹត្តិការណ៍ Grand Slam, Australian Open ហើយក្រោយបរាជ័យក្រោមស្នាដៃកីឡាករអាមេរិក Mackenzie McDonald ជាមួយនឹងរបួស។ កីឡាករអេស្ប៉ាញវ័យ ៣៦ឆ្នាំរូបនេះត្រូវបាន McDonald នាំមុខមុន ១សិតហើយក៏មានបញ្ហាត្រកៀក។ ក្រោយមកបន្ទាប់ពីបញ្ចប់សិតទី២ ដែលត្រូវបាន McDonald នាំមុខ ៦-៤ និង ៦-៣ នោះ Nadal ក៏ទទួលបានការពិនិត្យបឋមដោយក្រុមការងាររបស់ខ្លួន មុនពេលដែលបន្តការប្រកួតសិតចុងក្រោយចាញ់ ៧-៥ ទៀត។ នេះជាការចាកចេញពី Australian Open លឿនបំផុតតាំងពីឆ្នាំ២០១៦ សម្រាប់ Rafael Nadal ដែលធ្លាក់ត្រឹមជុំទី២ នេះ។ រំលឹកថា Rafael Nadal មានសមិទ្ធផលដ៏អស្ចារ្យរបស់ខ្លួនកាលពីឆ្នាំ២០២២ បន្ទាប់ពីជាពីរបួសដោយបានយកឈ្នះ Daniil Medvedev នៅវគ្គផ្តាច់ព្រ័ត្រ Australian Open និងបន្តឈ្នះពាន French Open មួយទៀតដែលធ្វើឱ្យពាន Grand Slam សរុបមាន ២២លើក។ ងាកទៅលទ្ធផលផ្សេងទៀតកីឡាករកាណាដា Felix Auger-Alliassime បានវាយបកពីបរាជ័យ ២សិតដំបូងរហូតយកឈ្នះបីសិតផ្ទួនៗវិញ ៣-៦ ៣-៦ ៦-៣ ៦-២ និង ៦-២ លើកីឡាករស្លូវ៉ាគី Alex Molcan។ ចំណែកកីឡាករអាមេរិក Frances Tiafoe គ្មានបញ្ហាឡើយសម្រាប់ជុំទី២ របស់ខ្លួនក្រោយយកឈ្នះកីឡាករចិន Shang Juncheng ៦-៤ ៦-៤ និង ៦-១ ដើម្បីបន្តជួបជាមួយកីឡាកររុស្ស៊ី Karen Khachanov៕អត្ថបទ៖នាង សុភាវុធ

សំបុត្រមាសទស្សនាការប្រកួតរវាង Ronaldo និង Messi មានតម្លៃដល់ទៅ ២.៦លានដុល្លារ

បាល់ទាត់៖ សំបុត្រមាសតែមួយសន្លឹកគត់សម្រាប់ទស្សនាការប្រកួតជំនួបរវាង Ronaldo និង Messi ត្រូវបានដេញថ្លៃបញ្ចប់ហើយដោយមានតម្លៃដល់ទៅ ២.៦លានដុល្លារអាមេរិកបានទៅអ្នកជំនួញអារ៉ាប៊ីសាអ៊ូឌីតមួយរូប។ Mushref Al-Ghamdi គឺជាអ្នកនាយកក្រុមហ៊ុនអចលនទ្រព្យ AqarOne នៅអារ៉ាប៊ីសាអ៊ូឌីតគឺជាអ្នកដេញថ្លៃបានសំបុត្រមាស រឺហៅថាសំបុត្រ “Beyond Imagination”។ ភាពអស្ចារ្យនៃសំបុត្រមាសដែលមានតម្លៃខ្ពស់បំផុតមិនធ្លាប់មាននេះ គឺអនុញ្ញាតឱ្យសេដ្ឋីអចលនទ្រព្យរូបនេះមានសិទ្ធចូលទីលានអបអរសាទរជ័យជំនះជាមួយកីឡាករបាន អាចថតរូបជាមួយតារាបាល់ទាត់ល្បីៗក្រោយចប់ការប្រកួតបានដែលគេនឹងឃើញមានវត្តមាន Cristiano Ronaldo Lionel Messi Kylian Mbappe Neymar និង Sergio Ramos ជាដើម។ មិនតែប៉ុណ្ណោះម្ចាស់សំបុត្រមាស ក៏អាចចូលក្នុងបន្ទប់ផ្លាស់សម្រៀកបំពាក់ក្រុមទាំងពីរបាន អាចជជែករឺថតរូបជាមួយតារាបាល់ទាត់ទាំងនោះបាន។ បើតាមការឱ្យពីអ្នករៀបចំថា ទឹកប្រាក់ដែលបានមកពីការលក់សំបុត្រមាសជាង ២លានដុល្លារនេះនឹងបញ្ជូនទៅអង្គការសប្បុរសធម៌ និងកិច្ចការងារជួយសង្គមផ្សេងៗ។ សូមបញ្ជាក់ថា Ronaldo និង Messi នឹងជួបគ្នាក្នុងការប្រកួតមិត្តភាពមួយនៅថ្ងៃនេះ នៅលើទឹកដីអារ៉ាប៊ីសាអ៊ូឌីតរវាងក្រុមតារាចម្រុះនៅទីក្រុង Riyadh ដែលមានការរួមបញ្ចូលរវាងក្លិបបាល់ទាត់ពីរ Al Hilal និង Al Nassr ដែលមានវត្តមាន Cristiano Ronaldo ជាប្រធានក្រុម ជួបជាមួយក្រុមបារាំង Paris Saint Germain។ ការប្រកួតមិត្តភាពនេះត្រូវបានគេដឹងថា មានការរង់ចាំទស្សនាច្រើនបំផុតមួយនៅជុំវិញពិភពលោក នៃជំនួបរវាងស្តេចបាល់ទាត់ទាំងពីរ ដែលគេអាចនិយាយបានថា ជាការប្រកួតចុងក្រោយដែល Ronaldo និង Messi ប្រឈមគ្នាមុនចូលនិវត្តន៍៕អត្ថបទ៖នាង សុភាវុធ

រកឃើញ ៤ក្រុមទៀតឡើងវគ្គ ១៦ក្រុមចុងក្រោយនៃពាន Soccer League 2023

បាល់ទាត់៖ ការប្រកួតបាល់ទាត់ដណ្ដើមពានរង្វាន់ Soccer League លើកទី៦ ឆ្នាំ២០២៣ បានរកឃើញបេក្ខភាពឡើងវគ្គ ១៦ក្រុមចុងក្រោយផ្នែកបុរស ៤ក្រុមទៀតហើយក្រោយដំណើរការប្រកួតបានជិត ២សប្ដាហ៍ រួមមានក្រុម ស.ស.យ.ក ខេត្តបាត់ដំបងមកពីពូល I, ក្រុម ស.ស.យ.ក ស្រុកខ្សាច់កណ្ដាលមកពីពូល J, ក្រុម Royal Mayura Resort មកពីពូល K និងក្រុម Try All FC មកពីពូល L។ សម្រាប់ក្រុម ស.ស.យ.ក ខេត្តបាត់ដំបង, ក្រុម ស.ស.យ.ក ស្រុកខ្សាច់កណ្ដាល និងក្រុម Royal Mayura Resort បានឡើងវគ្គបន្ដសុទ្ធតែរកបាន ៩ពិន្ទុពេញដូចគ្នា ក្រោយយកឈ្នះគូប្រកួត ៣ប្រកួតជាប់គ្នាក្នុងពូលរៀងៗខ្លួន ជាក់ស្ដែងការប្រកួតបញ្ចប់ពូលកាលពីថ្ងៃទី១៨ ខែមករាម្សិលមិញ ក្រុម ស.ស.យ.ក ខេត្តបាត់ដំបងបានយកឈ្នះក្រុមយុវជនឥន្ទ្រីខ្មៅ ១-០, ក្រុម ស.ស.យ.ក ស្រុកខ្សាច់កណ្ដាលយកឈ្នះក្រុមខ្មែរស្ដារ ១០-០ និងក្រុម Royal Mayura Resort យកឈ្នះក្រុមយុវជនសាមគមក្លិបបាល់ទាត់អគ្គិសនីកម្ពុជាដោយលទ្ធផល ៥-១។ ចំណែកក្រុម Try All FC បានឡើងវគ្គបន្ដទាំងប្រផិតប្រផើយ ក្រោយយកឈ្នះក្រុមលោកអ៊ុំអេហ្វស៊ី ៤-០។ ជ័យជម្នះនេះបានធ្វើឲ្យ Try All មាន ៦ពិន្ទុស្មើគ្នាជាមួយក្រុម ស.ស.យ.ក រាជធានីភ្នំពេញ តែដោយសារប្រវត្តិធ្លាប់ជួបគ្នាក្នុងពូល ក្រុម Try All ធ្លាប់យកឈ្នះក្រុម ស.ស.យ.ក រាជធានីភ្នំពេញ ទើបពួកគេមានឱកាសឈរកំពូលតារាង និងទទួលបានកៅអីវគ្គ ១៦ក្រុមចុងក្រោយ។ ដោយឡែកការប្រកួតផ្នែកនារីវិញ ក្រុមភ្នំពេញក្រោន និងសុភីណាអេហ្វស៊ីបានបន្ថែម ៣ពិន្ទុរៀងៗខ្លួនក្នុងពូល B បន្ទាប់ពីភ្នំពេញក្រោនយកឈ្នះក្រុមខេមរាជ័យ ៥-០ និងក្រុមសុភីណាអេហ្វស៊ីយកឈ្នះក្រុមសម្រស់ចំការលើ ១-០។ ជ័យជម្នះនេះបានធ្វើឲ្យក្រុមទាំងពីរឈរលេខ១ និងលេខ២ ដោយមាន ៧ពិន្ទុស្មើគ្នា ខណៈក្រុមសម្រស់ចំការលើ បានធ្លាក់មកឈរលេខ៣ ដោយរក្សា ៦ពិន្ទុក្នុងដៃ ក្រោយឆ្លងកាត់ ៣ប្រកួតដូចគ្នា៕អត្ថបទ៖ លី ឈុនឡា

Manchester United ខកដំណើរឡើងឈរលេខ២ ដោយបាល់ Freekick ចុងម៉ោងរបស់ Crystal Palace

បាល់ទាត់៖ ក្រុមបិសាចក្រហម Manchester United បានខកឱកាសបីពិន្ទុដើម្បីឡើងឈរលេខ២ ក្នុងតារាងនៅក្របខណ្ឌ English Premier League បន្ទាប់ពីបាល់ Freekick ចុងម៉ោងរបស់ Michael Olise តាមស្មើឱ្យ Crystal Palace។ Manchester United មុនមកដល់ការប្រកួតនេះគឺរកបានជ័យជំនះ ៩ប្រកួតជាប់គ្នារួចមកហើយ ខណៈដែល Bruno Fernandes ក៏បើកការនាំមុខមុននៅនាទីទី៤៣។ យ៉ាងណាក្តីបាល់ Freekick ដ៏អស្ចារ្យរបស់ Michael Olise ធ្វើឱ្យក្រុមរបស់លោក Erik ten Hag បាត់បង់បីពិន្ទុនៅចុងម៉ោង ទោះបី Casemiro មានឱកាសនៅនឹងមុខទីតែមិនបានសំរេច។ អ្នកចាត់ការ Manchester United លោក Erik ten Hag បានឱ្យដឹងក្រោយចប់ការប្រកួត ដោយគ្មានពាក្យអ្វីក្រៅពីខកចិត្ត និងចាត់ទុកថា គ្មានសំណាងនៅចុងម៉ោងដោយបាល់ Freekick របស់ Crystal Palace និងឱកាសរបស់ Casemiro។ ខ្សែបម្រើប្រេស៊ីល Casemiro នឹងអវត្តមានពីការប្រកួតនៅទឹកដី Arsenal ចុងសប្តាហ៍នេះក្រោយទទួលបានកាតលឿងសរុប ៥លើកដែលនេះជាក្តីបារម្ភសម្រាប់លោក Erik ten Hag ផងដែរ។ មួយពិន្ទុនេះធ្វើឱ្យ Manchester United ឡើងមកលេខ៣ ពីលើ Newcastle ១ពិន្ទុ និងស្មើពិន្ទុជាមួយក្រុមលេខ២ Manchester City៕អត្ថបទ៖នាង សុភាវុធ

ក្រុមបាល់ទះស្នងការនគរបាលខេត្តកោះកុងលើកពានរង្វាន់លោកជំទាវ មិថុនា ភូថង

បាល់ទះ៖ ក្រុមកីឡាបាល់ទះនៃស្នងការដ្ឋាននគរបាលខេត្តកោះកុងជាប់ជើងឯកលេខ១ ជាអ្នកលើកពានរង្វាន់របស់លោកជំទាវ មិថុនា ភូថង អភិបាលខេត្ត ក្រោយការប្រកួតយ៉ាងស្វិតស្វាញរយៈពេល ៦ថ្ងៃកន្លងទៅ។ នេះជាលើកដំបូងហើយដែលក្រុមកីឡាបាល់ទះនៃស្នងការនគរបាលដ្ឋានខេត្តកោះកុង បានជាប់ជ័យលាភីជើងឯកលើកពានរង្វាន់របស់លោកជំទាវ មិថុនា ភូថង បន្ទាប់ពីប្រកាសបង្កើតក្លិបកីឡាបាល់ទះខេត្តកាលពីថ្ងៃទី២៥ ខែសីហា ឆ្នាំ២០២២។ លោកឧត្តមសេនីយ៍ទោ គង់ មនោ ប្រធានក្លិបកីឡាបាល់ទះខេត្តកោះកុងលើកឡើងនៅរសៀលថ្ងៃទី១៨ ខែមករា ឆ្នាំ២០២៣ ថា ការប្រកួតប្រជែងដ៏ស្វិតស្វាញនេះមានក្រុមប្រកួតចំនួន ១២ក្រុមធ្វើឡើងរយៈពេល ៦ថ្ងៃមក ហើយទំរាំរកឃើញជើងឯកនៅថ្ងៃនេះ ដោយកីឡាករម្នាក់សុទ្ធតែបានប្រឹងប្រែងអស់កម្លាំងកាយចិត្ត ដើម្បីដណ្តើមជ័យជម្នះដោយបញ្ចេញសមត្ថភាពដែលខ្លួនមានពិតៗ។ បើតាមលោកឧត្តមសេនីយ៍ទោ គង់ មនោ ក្រុមកីឡាបាល់ទះជាប់ចំណាត់ថ្នាក់លេខ២ បានទៅលើអធិការដ្ឋាននគរបាលស្រុកបូទូមសាគរ និងក្រុមកីឡាបាល់ទះជាប់ចំណាត់ថ្នាក់លេខ៣ បានទៅលើអធិការដ្ឋាននគរបាលស្រុកស្រែអំបិល អមទៅដោយថវិកាមួយចំនួនធំផងដែរ។ លោកប្រធានក្លិបកីឡាបាល់ទះខេត្តកោះកុងសម្តែងនូវមោទនភាព និងកោតសរសើរយ៉ាងខ្លាំងចំពោះកិច្ចប្រឹងប្រែងប្រកបដោយសារត្មីសាមគ្គីភាពខ្ពស់បំផុត ហើយលោកជឿជាក់ថា ទៅថ្ងៃមុខវិស័យកីឡាបាល់ទះនៅក្នុងខេត្តកាន់តែរីកចម្រើនទ្វេរដងបន្ថែមទៀត ក្រោមម្លប់សុខសន្តិភាព។ សម្រាប់លោកជំទាវ មិថុនា ភូថង អភិបាលខេត្តកោះកុង ចាត់ទុកការទទួលជ័យជម្នះរបស់ក្រុមកីឡាបាល់ទះនៅពេលនេះថា ជាការបំផុសស្មារតីក្នុងពង្រឹងចំណេះដឹងសមត្ថភាពដល់អ្នកដែលមានចាប់អារម្មណ៍ ចូលរួមលេងកីឡាកាន់តែច្រើនតាំងពីថ្នាក់មូលដ្ឋាន រហូតដល់ឈានទៅប្រកួតប្រជែងកម្រិតថ្នាក់ជាតិ ព្រមទាំងអបអរសាទរកម្ពុជាធ្វើម្ចាស់ផ្ទះកីឡាស៊ីហ្គេមឆ្នាំ២០២៣ ខាងមុខនេះ។ដើម្បីសាទរដំណើរទៅកាន់កីឡាស៊ីហ្គេមឆ្នាំ២០២៣ លោកជំទាវអភិបាលខេត្តបានរំលេចទៀតដែរថា សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានជំរុញដល់ប្រព័ន្ធផ្សព្វផ្សាយព័ត៌មានទាំងអស់បំផុសចលនាស្មារតីគាំទ្រកីឡាជាតិឱ្យកាន់តែច្រើន ដោយសល់តែ ១០០ថ្ងៃទៀតប៉ុណ្ណោះកម្ពុជានឹងធ្វើជាម្ចាស់ផ្ទះជាផ្លូវការ ក្រោមពេលស្លោកកីឡារស់ក្រោមម្លប់សន្តិភាព។ លោកជំទាវអភិបាលខេត្តសង្កត់ធ្ងន់ថា ចំពោះក្រុមដែលមិនទាន់បានចំណាត់ថ្នាក់ល្អ មេត្តាពង្រឹងសមត្ថភាពបន្ថែមទៀត ដើម្បីទទួលលទ្ធផលល្អពេលប្រកួតលើកក្រោយៗ។ «ប្រសិនបើអ្នកមិនខិតខំបង្ហូរញើសនៅទីលានហ្វឹកហាត់នោះទេ អ្នកនឹងទទួលបរាជ័យនៅលើទីលានប្រកួត»៕អត្ថបទ៖ ឈឹម មករា

CAMSOC ប្រាប់អាជីវកម្មសណ្ឋាគារត្រៀមទទួលបដិសណ្ឋារកិច្ចឲ្យបានល្អក្នុងស៊ីហ្គេមឆ្នាំ២០២៣

ស៊ីហ្គេម៖ គណៈកម្មការជំនាញនៃគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានអំពាវនាវឲ្យអាជីវកម្មសណ្ឋាគារនានា ពិសេសសណ្ឋាគារដែលត្រូវបានជ្រើសរើសដោយគណៈកម្មការជំនាញ CAMSOC ត្រៀមលក្ខណៈបានល្អប្រសើរក្នុងការទទួលបដិសណ្ឋារកិច្ចប្រតិភូកីឡា និងភ្ញៀវជាតិ-អន្ដរជាតិ ដើម្បីលើកមុខមាត់ជាតិក្នុងព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ នាពេលឆាប់ៗខាងមុខ។នេះបើតាមការលើកឡើងរបស់ឯកឧត្តម សុង តុងហាប់ រដ្ឋលេខាធិការក្រសួងទេសចរណ៍ និងជាប្រធានគណៈកម្មការស្នាក់នៅ ហូបចុក និងដឹកជញ្ជូន បន្ទាប់ពីគណៈកម្មការជំនាញ CAMSOC មួយនេះបានអញ្ជើញតំណាងសេវាស្នាក់នៅប្រមាណ ៣០សណ្ឋាគារ ដែលភាគច្រើនជាសណ្ឋាគារលំដាប់ផ្កាយប្រាំ ផ្កាយបួន និងផ្កាយបី ចូលរួមកិច្ចប្រជុំផ្សព្វផ្សាយការត្រៀមទទួលបដិសណ្ឋារកិច្ចសេវាកម្មស្នាក់នៅ នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC) កាលពីល្ងាចថ្ងៃទី១៨ ខែមករា ឆ្នាំ០២៣។ ប្រធានគណៈកម្មការស្នាក់នៅ ហូបចុក និងដឹកជញ្ជូនដដែលបានគូសបញ្ជាក់ថា កិច្ចប្រជុំនេះរៀបចំឡើងដើម្បីផ្សព្វផ្សាយឲ្យសណ្ឋាគារទាំងអស់ ត្រៀមទទួលការស្នាក់នៅ ហូបចុក និងដឹកជញ្ជូនជូនគណៈប្រតិភូជាតិ និងអន្ដរជាតិក្នុងព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេមលើកដំបូងនៅកម្ពុជា ដែលនៅសល់ជាង ១០០ថ្ងៃទៀតប៉ុណ្ណោះ។គួរដឹងថា ការស្នាក់នៅ ហូបចុក និងដឹកជញ្ជូនគឺជាការងារដ៏សំខាន់មួយ ត្រូវបានថ្នាក់ដឹកនាំគណៈកម្មាធិការជាតិ CAMSOC យកចិត្តទុកដាក់ ពិសេសប្រមុខរាជរដ្ឋាភិបាល ក្រោមការចង្អុលបង្ហាញដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលជំរុញឲ្យផ្ដោតការយកចិត្តទុកដាក់ខ្ពស់ លើការទទួលបដិសណ្ឋារកិច្ចជាចម្បង ដើម្បីធានាបាននូវការផ្ដល់ភាពកក់ក្ដៅជូនដល់ប្រតិភូ កីឡាករ-កីឡាការិនី និងភ្ញៀវជាតិ-អន្ដរជាតិទាំងអស់ដែលនឹងចូលរួមព្រឹត្តិការណ៍ជាប្រវត្តិសាស្ដ្រ នៅកម្ពុជានាពេលឆាប់ៗខាងមុខនេះ៕អត្ថបទ លី ឈុនឡា

មន្ដ្រីជាន់ខ្ពស់កីឡាវាយកូនបាល់អាស៊ីរំពឹងកម្ពុជានឹងរៀបចំស៊ីហ្គេមដោយជោគជ័យ

វាយកូនបាល់៖ មន្ដ្រីជាន់ខ្ពស់សហព័ន្ធកីឡាវាយកូនបាល់អាស៊ី បានបង្ហាញជំនឿចិត្តយ៉ាងមុតមាំលើសហព័ន្ធកីឡាវាយកូនបាល់កម្ពុជា គឺមានលទ្ធភាពគ្រប់គ្រាន់ដើម្បីរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ នាពេលខាងមុខប្រកបដោយភាពជោគជ័យ។ នេះបើតាមការបញ្ជាក់របស់លោក Kitsombat Euammongkol ប្រធានសហព័ន្ធកីឡាវាយកូនបាល់អាស៊ី និងនាយកប្រតិបត្តិលោកស្រី Manpreet Kandhari បន្ទាប់ពីមន្ដ្រីជាន់ខ្ពស់ទាំង២ បានធ្វើដំណើរទស្សនកិច្ចដើម្បីពិនិត្យវឌ្ឍនភាពការងារត្រៀមរៀបចំស៊ីហ្គេមនៅកម្ពុជា។ ដំណើរទស្សនកិច្ចនេះដែរត្រូវបានលោក ទេព រិទ្ធីវិទ្ធ អគ្គលេខាធិការសហព័ន្ធកីឡាវាយកូនបាល់កម្ពុជារៀបចំសន្និសីទសារព័ត៌មាន ដើម្បីទទួលស្វាគមន៍យ៉ាងកក់ក្ដៅនៅទីស្នាក់ការរបស់សហព័ន្ធ ក្នុងពហុកីឡដ្ឋានជាតិកាលល្ងាចថ្ងៃទី១៨ ខែមករា ឆ្នាំ២០២៣ ម្សិលមិញ។ លោក Kitsombat Euammongkol បានបង្ហាញសេចក្ដីរីករាយជាខ្លាំង បន្ទាប់ពីកម្ពុជាទទួលបានសិទ្ធធ្វើម្ចាស់ផ្ទះស៊ីហ្គេម ហើយលោកក៏មានមោទនភាពចំពោះការអភិវឌ្ឍ និងភាពរីកចម្រើនរបស់កម្ពុជា ក្នុងការទទួលយកព្រឹត្តិការណ៍ប្រចាំតំបន់នេះ មករៀបចំជាលើកដំបូងក្រោយរង់ចាំអស់ជាយូរផងដែរ។ ក្នុងនាមប្រធានសហព័ន្ធកីឡាវាយកូនបាល់អាស៊ី លោករីករាយក្នុងការគាំទ្រ និងសហការរៀបចំការប្រកួតនេះ។ លោកទទួលស្គាល់ថា កីឡាវាយកូនបាល់ពិបាកក្នុងការស្វែងរកជ័យជម្នះ ដោយត្រូវហ្វឹកហាត់ខ្លាំង និងប្រកួតជាមួយបណ្ដាប្រទេសជាច្រើនទម្រាំទទួលបានមេដាយ។ តែលោករំពឹងថា កម្ពុជានឹងអាចឈ្នះមេដាយណាមួយ បើសិនកីឡាករ-កីឡាការិនីបន្ដការខំប្រឹងបន្ថែមទៀត។ ជាមួយគ្នានោះលោកស្រី Manpreet Kandhari ដែលទើបចូលរួមរៀបចំព្រឹត្តិការណ៍ស៊ីហ្គេមលើកទី៣១ នៅវៀតណាមកាលពីឆ្នាំមុនបានលើកឡើងថា កាលស៊ីហ្គេមនៅវៀតណាមពិតជាធ្វើបានល្អ ទាំងការទទួលបដិសណ្ឋារកិច្ច ការស្នាក់នៅ ហូបចុក និងដំណើរការរៀបចំការប្រកួត តែក៏នៅតែមានចំណុចខ្វះខាតដែរ។ ប៉ុន្ដែសម្រាប់ស៊ីហ្គេមនៅកម្ពុជា លោកសង្ឃឹមថានឹងធ្វើបានល្អ ព្រោះមានថ្នាក់ដឹកនាំសហព័ន្ធល្អ ពិសេសលោកអគ្គលេខាធិការ។ ម្យ៉ាងវិញទៀតកម្ពុជាក៏ធ្លាប់ទទួលធ្វើម្ចាស់ផ្ទះកិច្ចប្រជុំ សិក្ខាសាលា និងការប្រកួតអន្ដរជាតិផ្សេងៗ ហើយប្រទេសចូលរួមសុទ្ធតែបានកោតសរសើរថា កម្ពុជារៀបចំបានល្អ។ កត្ដាទាំងនេះបានធ្វើឲ្យលោកស្រីមានសុទិដ្ឋិយមថា មិនមានអ្វីជាឧបសគ្គសម្រាប់កម្ពុជា ក្នុងការរៀបចំធ្វើម្ចាស់ផ្ទះការប្រកួតកីឡាស៊ីហ្គេមនោះទេ៕អត្ថបទ៖ លី ឈុនឡា

Novak Djokovic ឈ្នះការប្រកួតជុំទី១ ក្នុងការវិលត្រលប់មកកាន់ Grand Slam, Australian Open វិញ

វាយកូនបាល់៖ កីឡាករវាយកូនបាល់ស៊ែប Novak Djokovic បានទទួលការទះដៃស្វាគមន៍យ៉ាងកក់ក្តៅពីអ្នកគាំទ្រនៅទឹកដីអូស្ត្រាលី ក្នុងការវិលត្រលប់របស់ខ្លួនមកកាន់ព្រឹត្តិការណ៍ Grand Slam, Australian Open បន្ទាប់ពីមិនត្រូវបានអនុញ្ញាតឱ្យចូលរួមការប្រកួតកាលពីឆ្នាំមុន។ អតីតកីឡាករលេខ ១ ពិភពលោករូបនេះបានយកឈ្នះកីឡាករអេស្ប៉ាញ Roberto Carballes Baena ដោយលទ្ធផល ៣សិតផ្ទួនៗ ៦-៣ ៦-៤ និង ៦-០។ Djokovic បានបង្ហាញអារម្មណ៍រីករាយដែលមានការលើកទឹកចិត្តពីអ្នកគាំទ្របែបនេះ និងបន្តស្ថិតិលេងមិនចាញ់របស់ខ្លួននៅ Australian Open ឡើងដល់ ៣៥ប្រកួត។ ជុំបន្ត Djokovic នឹងត្រូវជួបជាមួយកីឡាករបូលីវៀ Hugo Dellien រឺកីឡាករបារាំង Enzo Couacaud។ ចំណែកឯអតីតកីឡាករលេខ ១ ពិភពលោក Andy Murray ក៏បានបន្តដំណើរទៅមុខដែរ តែមានការលំបាកខ្លាំងទំរាំយកឈ្នះកីឡាករកំពូលរបស់អ៊ីតាលី Matteo Berrettini។ កីឡាករវ័យ ៣៥ឆ្នាំសញ្ជាតិស្កុតឡេនរូបនេះអាចនិយាយបានជាជ័យជំនះធំបំផុតរបស់ខ្លួន ក្នុងរយៈពេលប៉ុន្មានឆ្នាំចុងក្រោយនេះដែលបានយកឈ្នះកីឡាករលំដាប់លេខ ១៣ Berrettini ដោយលទ្ធផលតានតឹង ៥សិត ៦-៣ ៦-៣ ៤-៦ ៦-៧(៧-៩) និង ៧-៦(១០-៦)។ បច្ចុប្បន្នឈរលេខ ៦៦ ពិភពលោក Andy Murray រកបានជ័យជំនះដំបូងរបស់ខ្លួនទៅលើកីឡាករលំដាប់ Top20 ក្នុងព្រឹត្តិការណ៍ Grand Slam រាប់ពីឆ្នាំ២០១៧ ហើយនឹងបន្តជួបជាមួយកីឡាករអ៊ីតាលី Fabio Fognini រឺកីឡាករអូស្ត្រាលី Thanasi Kokkinakis នៅជុំទី ២៕អត្ថបទ៖នាង សុភាវុធ

Formula One បន្តកិច្ចសន្យាជាមួយទីលានប្រណាំងប្រទេសហូឡង់ដល់ឆ្នាំ២០២៥

ប្រណាំងរថយន្ត៖ ព្រឹត្តិការណ៍ប្រណាំងរថយន្ត Formula One នឹងបន្តមានវត្តមាននៅលើទឹកដីហូឡង់រហូតដល់ឆ្នាំ ២០២៥ បន្ទាប់ពីភាគីទាំងពីរបានឈានដល់កិច្ចព្រមព្រៀងនឹងគ្នា។ F1 នៅហូឡង់បានត្រលប់មកវិញកាលពីឆ្នាំ២០២១ ជាមួយនឹងការគាំទ្រខ្លាំងពីអ្នកគាំទ្រម្ចាស់ផ្ទះ ជាពិសេសតាមរយៈការឈ្នះជើងឯកពិភពលោក ២ឆ្នាំជាប់គ្នារបស់ Max Verstappen។ នៅឆ្នាំ២០២៣ ខាងមុខគេនឹងឃើញវត្តមានកីឡាករហូឡង់មួយរូបទៀត នៅលើទីលានគឺកីឡាករជើងឯកពិភពលោក Formula E, Nick de Vries នឹងប្រណាំងឱ្យក្រុម Williams។ ព្រឹត្តិការណ៍ Dutch Grand Prix នឹងធ្វើនៅថ្ងៃទី២៥-២៧ ខែសីហាឆ្នាំក្រោយ។ រំលឹកថា ទីលាន Zandvoort ធ្លាប់រៀបចំការប្រណាំង F1 ៣២លើករាប់ពីឆ្នាំ១៩៥០ ដល់ ១៩៨៥។ ឆ្នាំ២០២០ F1 ក៏បានប្រកាសដាក់ទីលានមួយនេះចូលក្នុងកាលវិភាគវិញ តែការប្រកួតក៏ត្រូវបានលុបចោលវិញដោយសារតែវិបត្តិកូវីដ-១៩៕អត្ថបទ៖នាង សុភាវុធ

Pablo Sarabia ផ្លាស់ពី PSG មកកាន់ Wolverhampton តម្លៃ ៤.៤លានផោន

បាល់ទាត់៖ ខ្សែបម្រើស្លាបអេស្ប៉ាញ Pablo Sarabia បានសម្រេចក្នុងការផ្លាស់ពីក្លិបបារាំង Paris Saint Germain មកចូលរួមជាមួយ Wolverhampton ក្នុងតម្លៃផ្ទេរ ៤.៤លានផោន។ កីឡាករវ័យ ៣០ឆ្នាំរូបនេះបានផ្លាស់មកកាន់កីឡដ្ឋាន Molineux ដែលកំពុងឈរលេខ ១៦ ក្នុងតារាង Premier League ដោយបានចុះហត្ថលេខារយៈពេល ២ឆ្នាំកន្លះ។ Pablo Sarabia បានចាកចេញពី Sevilla កាលពីឆ្នាំ២០១៩ ផ្លាស់ទៅកាន់ Paris Saint Germain ដោយស៊ុតបញ្ចូលទីបាន ១១គ្រាប់ក្នុងការបង្ហាញខ្លួន ៣៥លើកនៅក្លិបជើងឯកបារាំងមួយនេះ។ Sarabia ត្រូវបានកោះហៅចូលក្រុមជំរើសជាតិអេស្ប៉ាញ និងចូលលេងប្រកួតដំបូងកាលពីឆ្នាំ២០១៩ បង្ហាញខ្លួនបាន ២៦ប្រកួតស៊ុតបញ្ចូលទីបាន ៩គ្រាប់។ អតីតកីឡាកររបស់ Sevilla រូបនេះក៏ជាសមាជិកក្រុមជម្រើសជាតិអេស្ប៉ាញនៅ World Cup កាតាផងដែរ ដោយបានបង្ហាញខ្លួនមួយលើកក្នុងពេលផ្លាស់ប្តូរចូលពេលលេងទល់នឹងម៉ារ៉ុក។ មុនមកដល់ Wolves នេះ Sarabia បានចំណាយពេលពេញមួយរដូវកាល ២០២១-២២ នៅ Sporting Lisbon ខណៈការមកដល់ Wolves ជាការរួមការងារជាមួយគ្នាសារជាថ្មីជាមួយអ្នកចាត់ការ Julen Lopetegui ដែលធ្លាប់ដឹកនាំ Sevilla៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Rafael Nadal ធ្លាក់ពី Australian Open ជាមួយរបួសក្នុងបរាជ័យក្រោមស្នាដៃកីឡាករអាមេរិក McDonald

សំបុត្រមាសទស្សនាការប្រកួតរវាង Ronaldo និង Messi មានតម្លៃដល់ទៅ ២.៦លានដុល្លារ

រកឃើញ ៤ក្រុមទៀតឡើងវគ្គ ១៦ក្រុមចុងក្រោយនៃពាន Soccer League 2023

Manchester United ខកដំណើរឡើងឈរលេខ២ ដោយបាល់ Freekick ចុងម៉ោងរបស់ Crystal Palace

ក្រុមបាល់ទះស្នងការនគរបាលខេត្តកោះកុងលើកពានរង្វាន់លោកជំទាវ មិថុនា ភូថង

CAMSOC ប្រាប់អាជីវកម្មសណ្ឋាគារត្រៀមទទួលបដិសណ្ឋារកិច្ចឲ្យបានល្អក្នុងស៊ីហ្គេមឆ្នាំ២០២៣

មន្ដ្រីជាន់ខ្ពស់កីឡាវាយកូនបាល់អាស៊ីរំពឹងកម្ពុជានឹងរៀបចំស៊ីហ្គេមដោយជោគជ័យ

Novak Djokovic ឈ្នះការប្រកួតជុំទី១ ក្នុងការវិលត្រលប់មកកាន់ Grand Slam, Australian Open វិញ

Formula One បន្តកិច្ចសន្យាជាមួយទីលានប្រណាំងប្រទេសហូឡង់ដល់ឆ្នាំ២០២៥

Pablo Sarabia ផ្លាស់ពី PSG មកកាន់ Wolverhampton តម្លៃ ៤.៤លានផោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Rafael Nadal ធ្លាក់​ពី Australian Open ជាមួយ​របួស​ក្នុង​បរាជ័យ​ក្រោម​ស្នាដៃ​កីឡាករ​អាមេរិក McDonald

សំបុត្រ​មាស​ទស្សនា​ការប្រកួតរ​វាង Ronaldo និង Messi មានតម្លៃ​ដល់​ទៅ ២.៦​លាន​ដុល្លារ

រកឃើញ ៤​ក្រុម​ទៀត​ឡើង​វគ្គ ១៦​ក្រុម​ចុងក្រោយ​នៃ​ពាន​ Soccer League 2023

Manchester United ខកដំណើរ​ឡើងឈរ​លេខ​២ ដោយ​បាល់ Freekick ចុង​ម៉ោង​របស់ Crystal Palace

ក្រុម​បាល់ទះ​ស្នងការ​នគរបាល​ខេត្ត​កោះកុង​លើក​ពានរង្វាន់​លោកជំទាវ មិថុនា ភូ​ថង​

CAMSOC ប្រាប់​អាជីវកម្ម​សណ្ឋាគារ​ត្រៀម​ទទួល​បដិសណ្ឋារកិច្ច​ឲ្យ​បាន​ល្អ​ក្នុង​ស៊ី​ហ្គេម​ឆ្នាំ​២០២៣

មន្ដ្រីជាន់ខ្ពស់​កីឡា​វាយ​កូន​បាល់​អាស៊ី​រំពឹង​កម្ពុជា​នឹង​រៀបចំ​ស៊ី​ហ្គេម​ដោយ​ជោគជ័យ​

Novak Djokovic ឈ្នះ​ការប្រកួត​ជុំ​ទី១ ក្នុង​ការវិល​ត្រលប់​មកកាន់ Grand Slam, Australian Open វិញ

Formula One បន្ត​កិច្ចសន្យា​ជាមួយ​ទីលានប្រណាំង​ប្រទេស​ហូឡង់ដល់​ឆ្នាំ​២០២៥

Pablo Sarabia ផ្លាស់​ពី PSG មកកាន់ Wolverhampton តម្លៃ ៤.៤លាន​ផោន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Rafael Nadal ធ្លាក់ពី Australian Open ជាមួយរបួសក្នុងបរាជ័យក្រោមស្នាដៃកីឡាករអាមេរិក McDonald

សំបុត្រមាសទស្សនាការប្រកួតរវាង Ronaldo និង Messi មានតម្លៃដល់ទៅ ២.៦លានដុល្លារ

រកឃើញ ៤ក្រុមទៀតឡើងវគ្គ ១៦ក្រុមចុងក្រោយនៃពាន Soccer League 2023

Manchester United ខកដំណើរឡើងឈរលេខ២ ដោយបាល់ Freekick ចុងម៉ោងរបស់ Crystal Palace

ក្រុមបាល់ទះស្នងការនគរបាលខេត្តកោះកុងលើកពានរង្វាន់លោកជំទាវ មិថុនា ភូថង

CAMSOC ប្រាប់អាជីវកម្មសណ្ឋាគារត្រៀមទទួលបដិសណ្ឋារកិច្ចឲ្យបានល្អក្នុងស៊ីហ្គេមឆ្នាំ២០២៣

មន្ដ្រីជាន់ខ្ពស់កីឡាវាយកូនបាល់អាស៊ីរំពឹងកម្ពុជានឹងរៀបចំស៊ីហ្គេមដោយជោគជ័យ

Novak Djokovic ឈ្នះការប្រកួតជុំទី១ ក្នុងការវិលត្រលប់មកកាន់ Grand Slam, Australian Open វិញ

Formula One បន្តកិច្ចសន្យាជាមួយទីលានប្រណាំងប្រទេសហូឡង់ដល់ឆ្នាំ២០២៥

Pablo Sarabia ផ្លាស់ពី PSG មកកាន់ Wolverhampton តម្លៃ ៤.៤លានផោន