BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

FFC និង FIFA សម្ពោធទីលាន និងសាលាតម្រង់ទិស ព្រមទាំងកម្មវិធីអភិវឌ្ឍន៍បាល់ទាត់ ២៥រាជធានី-ខេត្ត

បាល់ទាត់៖ សហព័ន្ធកីឡាបាល់ទាត់កម្ពុជា (FFC) និងសហព័ន្ធកីឡាបាល់ទាត់អន្ដរជាតិ (FIFA) នៅព្រឹកថ្ងៃទី១៧ ខែមករា ឆ្នាំ២០២៣ នេះបានរៀបចំពិធីសម្ពោធទីលាន និងសាលាតម្រង់ទិសកីឡាបាល់ទាត់រាជធានី-ខេត្តទាំង ២៥ និងកម្មវិធីអភិវឌ្ឍន៍បាល់ទាត់តាមសាលាទាំង ២៥រាជធានី-ខេត្ត ដើម្បីជំរុញការអភិវឌ្ឍន៍វិស័យកីឡាបាល់ទាត់កម្ពុជាឲ្យកាន់តែរីកចម្រើននាថ្ងៃអនាគត។ កម្មវិធីសម្ពោធទីលាន និងសាលាតម្រង់ទិសរួមនេះធ្វើឡើងនៅទីលាន និងសាលាតម្រង់ទិសកីឡាបាល់ទាត់នៃវិទ្យាល័យអង្គរ ខេត្តសៀមរាប ក្រោមវត្តមានឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា និងលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា ហើយក៏មានការចូលរួមពីលោកស្រី Fatimata Sidibe ប្រតិភូតំណាង FIFA ផងដែរ។ លោក កែវ សារ៉េត បានគូសបញ្ជាក់ថា កម្មវិធីនេះរៀបចំឡើង បន្ទាប់ពីគម្រោងអភិវឌ្ឍន៍ទីលាន និងសាលាតម្រង់ទិសកីឡាបាល់ទាត់ ២៥រាជធានី-ខេត្តបានបញ្ចប់ជាស្ថាពរក្រោមគម្រោងអភិវឌ្ឍន៍របស់ FIFA ដែលដំណើរការតាំងពីឆ្នាំ២០១៧ រហូតខែឧសភា ឆ្នាំ២០២១។ តែដោយសារជំងឺរាតត្បាតជាសកលកូវីដ-១៩ ទើបសហព័ន្ធ និង FIFA ពន្យាពេលរៀបចំពិធីសម្ពោធរួមរហូតដល់ថ្ងៃទី១៧ ខែមករា ឆ្នាំ២០២៣ នេះ។ លោកបន្ដថា ការគាំទ្រនូវគម្រោងសាងសង់ទីលាន និងសាលាតម្រង់ទិសនេះ ពិតជាបានរួមចំណែកយ៉ាងសំខាន់ សម្រាប់អនាគតបាល់ទាត់កម្ពុជា ជាក់ស្ដែងកន្លងមកបន្ទាប់ពីសាលាតម្រង់ទិសទាំង ២៥រាជធានី-ខេត្តត្រូវបានសម្ពោធដាក់ឲ្យប្រើប្រាស់ជាបន្ដបន្ទាប់ សហព័ន្ធក៏បានសម្រិតសម្រាំងយុវជនល្អៗជាច្រើន មកបណ្ដុះបណ្ដាលក្នុងមជ្ឈមណ្ឌលរួមនៃមជ្ឈមណ្ឌល និងសាលាបាល់ទាត់ជាតិបាទី រហូតទទួលបាននូវធនធានកីឡាករល្អៗជាច្រើន ដែលធ្វើឲ្យមហាជនភ្ញាក់ផ្អើល ទាំងថ្នាក់ជាតិ និងអន្ដរជាតិ។ ការណ៍ស្របពេលកម្ពុជាមានទីលាន និងសាលាតម្រង់ទិសគ្រប់រាជធានី-ខេត្ដហើយនោះ ក្នុងពិធីសម្ពោធរួមដែលមានការចូលរួមពីមន្ដ្រីជាន់ខ្ពស់ FIFA នេះដែរ សហព័ន្ធក៏បានភ្ជាប់ជាមួយនូវការសម្ពោធកម្មវិធី Football For School ឬកម្មវិធីអភិវឌ្ឍន៍បាល់ទាត់តាមសាលាទាំង ២៥រាជធានី-ខេត្ត សម្រាប់យុវជនថ្នាលពីអាយុ ៦ឆ្នាំដល់ ១២ឆ្នាំ ដើម្បីជំរុញការអភិវឌ្ឍន៍វិស័យកីឡាមួយនេះឲ្យកាន់តែរីកចម្រើនទៀតផង។ នេះបើតាមការបញ្ជាក់របស់លោក កែវ សារ៉េត។ ជាមួយគ្នាដែរលោកស្រី Fatimata Sidibe បានសម្ដែងនូវការអបអរសាទរ ចំពោះសមិទ្ធផលថ្មីរបស់សហព័ន្ធកីឡាបាល់ទាត់កម្ពុជា ពិសេសលោកស្រីបានកោតសរសើរ ចំពោះកិច្ចខិតខំប្រឹងប្រែងរបស់ថ្នាក់ដឹកនាំសហព័ន្ធ និងគ្រប់ភាគីពាក់ព័ន្ធដែលជំរុញឲ្យសាលាតម្រង់ទិសលេចវត្តមាននៅគ្រប់រាជធានី-ខេត្ត។ លោកស្រីមានសុទិដ្ឋិនិយមថា ទីលាន និងសាលាតម្រង់ទិសទាំងអស់នោះនឹងរួមចំណែកយ៉ាងសំខាន់ ដើម្បីផលិតបាននូវធនធានកីឡាករល្អៗ ឆ្ពោះទៅរកការប្រកួតប្រជែងដោយស្មើមុខមាត់លើឆាកអន្ដរជាតិ៕ អត្ថបទ៖ លី ឈុនឡា

ថៃលើកពានជើងឯកអាស៊ីអាគ្នេយ៍លើកទី៧ ក្រោយឈ្នះវៀតណាមសរុបទាំងពីរជើង ៣-២

បាល់ទាត់៖ ក្រុមជម្រើសជាតិថៃទីបំផុតអាចការពារតំណែងជើងឯករបស់ខ្លួនបាន ក្រោយយកឈ្នះវៀតណាម ១-០ នៅជើងទី២ និងសរុបទាំងពីរជើង ៣-២ លើកពានបាល់ទាត់ជើងឯកអាស៊ីអាគ្នេយ៍លើកទី៧ ក្នុងប្រវត្តិសាស្ត្រ។ ក្រុមរបស់លោក Mano Polking បានកាន់គ្រាប់បាល់ចំណេញក្រៅដី ២គ្រាប់បន្ទាប់ពីស្មើគ្នាជើងទី១ នៅទីក្រុង ហាណូយ ២-២។ គ្រាប់បាល់ជ័យជំនះរបស់ថៃសម្រេចបាននៅនាទីទី២៤ ដោយខ្សែការពារឆ្វេង Theerathon Bunmathan។ ថៃគឺជាជើងឯកព្រឹត្តិការណ៍បាល់ទាត់ ២ឆ្នាំម្តងនេះកាលពីឆ្នាំមុននៅទឹកដីសិង្ហបុរី ក្រោយឈ្នះឥណ្ឌូនេស៊ីក្នុងការប្រកួតដែលត្រូវបានពន្យាពេល ១២ខែដោយសារវិបត្តិកូវីដ-១៩។ Theerathon Bunmathan ត្រូវបានប្រកាសជាកីឡាករឆ្នើមបំផុតប្រចាំព្រឹត្តិការណ៍ Mitsubishi Electric Cup 2022 នេះ ស្របពេលដែលខ្សែប្រយុទ្ធថៃ Teerasil Dangda និងខ្សែប្រយុទ្ធវៀតណាម Nguyen Tien Linh ឈ្នះជ័យលាភីកីឡាករស៊ុតបញ្ចូលទីច្រើនជាងគេសរុប ៦គ្រាប់ដូចគ្នា។ សូមបញ្ជាក់ថា តាំងពីបង្កើតឡើងនៃពានបាល់ទាត់ជើងឯកអាស៊ីអាគ្នេយ៍នេះតាំងពីឆ្នាំ១៩៩៦ មានតែថៃទេឈ្នះជើងឯកច្រើនជាងគេសរុប ៧លើកតាមពីក្រោយដោយសិង្ហបុរី ៤លើក, វៀតណាម ២លើក និងម៉ាឡេស៊ី ១លើក៕អត្ថបទ៖នាង សុភាវុធ

ប្រមុខកីឡាសូហ្វតិន្នីសថា មន្ដ្រីបច្ចេកទេសយល់ច្បាស់ពីច្បាប់ធ្វើឲ្យកីឡាករប្រកួតដោយទំនុកចិត្ត

សូហ្វតិន្នីស៖ ឯកឧត្តម សរ សិទ្ធិ អនុរដ្ឋលេខាធិការក្រសួងមហាផ្ទៃ ទទួលជួយការងារដឹកនាំអគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ និងជាប្រធានសហព័ន្ធកីឡាសូហ្វតិន្នីសកម្ពុជា បានចាត់ទុកមន្ដ្រីបច្ចេកទេស ក៏ដូចជាគ្រូបង្វឹកគឺជាផ្នែកមួយដ៏សំខាន់ក្នុងការបង្កើនទំនុកចិត្តដល់កីឡាករ-កីឡាការិនី តាមរយៈការយល់ច្បាស់ពីបទបញ្ជាបច្ចេកទេសនៃការប្រកួត។ ការលើកឡើងនេះធ្វើឡើងក្នុងពិធីបិទវគ្គបណ្តុះបណ្តាលមន្ត្រីបច្ចេកទេស និងអាជ្ញាកណ្តាលថ្នាក់ជាតិឆ្នាំ២០២៣ កាលពីថ្ងៃទី១៦ ខែមករាម្សិលមិញ បន្ទាប់ពីដំណើរការសិក្សា ទាំងទ្រឹស្ដី និងការអនុវត្ដផ្ទាល់រយៈពេល ៥ថ្ងៃកាលពីសប្ដាហ៍មុននៅមជ្ឈមណ្ឌលកីឡាក្នុងពហុកីឡដ្ឋានជាតិ ក្រោមការឧបត្ថម្ភគាំទ្ររបស់ក្រសួងអប់រំ យុវជន និងកីឡា។ ប្រមុខសហព័ន្ធដដែលបញ្ជាក់ថា ក្នុងនាមមន្ដ្រីបច្ចេកទេសដែលមានទាំងអាជ្ញាកណ្ដាល-ចៅក្រម រួមទាំងគ្រូបង្វឹក ក្រៅពីការបង្ហាត់បង្រៀននូវបច្ចេកទេសកីឡាគឺត្រូវយល់ដឹងច្បាស់ពីច្បាប់ប្រកួត តាមរយៈការសិក្សាស្វែងយល់ឲ្យទាន់តាមសភាពការណ៍អន្ដរជាតិ ដើម្បីចែករំលែកបទពិសោធន៍ និងចំណេះដឹងទាំងអស់នោះដល់កីឡាករ-កីឡាការិនីរបស់ខ្លួន។ ដូច្នេះនៅពេលកីឡាករ-កីឡាការិនីយល់ដឹងពីច្បាប់ ឬគោលការណ៍នានា ដល់ពេលប្រកួតក៏មានទំនុកចិត្តខ្ពស់ផងដែរ ពិសេសនៅពេលមានការកាត់សេចក្ដីខុសណាមួយ គឺមានមូលដ្ឋានច្បាប់គ្រប់គ្រាន់ដើម្បីតវ៉ា។ ផ្ទុយទៅវិញ ប្រសិនបើកីឡាករ-កីឡាការិនីខ្វះការយល់ដឹង ពួកគេនឹងត្រូវប្រកួតដោយស្រពេចស្រពិល ហើយអាចឈានដល់ការបាក់ទឹកចិត្តទៀតផង។ ដោយហេតុនេះ ឯកឧត្តមជំរុញ និងលើកទឹកចិត្ដដល់សិក្ខាកាមទាំងអស់ ក្រោយបញ្ចប់វគ្គបណ្ដុះបណ្ដាលថ្នាក់ជាតិនេះ ត្រូវបន្ដខិតខំសិក្សាស្រាវជ្រាវបន្ថែមពាក់ព័ន្ធនឹងច្បាប់អន្ដរជាតិ ពិសេសត្រូវបន្ដទំនាក់ទំនងជាប់ជាមួយគ្រូឧទ្ទេស ដើម្បីអភិវឌ្ឍន៍សមត្ថភាពរបស់ខ្លួនឆ្ពោះទៅរកការចែករំលែក និងបណ្ដុះបណ្ដាលធនធានកីឡាករ-កីឡាការិនី ប្រកបដោយសក្ដានុពលត្រៀមការប្រកួតអន្ដរជាតិនានា ពិសេសការប្រកួតកីឡាស៊ីហ្គេមលើកទី៣២ ឆ្នាំ២០២៣ នាពេលឆាប់ៗខាងមុខ។ ឯកឧត្តម យិត ភីរ: អគ្គលេខាធិការសហព័ន្ធបានបញ្ជាក់ថា វគ្គបណ្ដុះបណ្ដាលនេះមានសិក្ខាកាមចូលរួម ៣៦នាក់ដែលបង្ហាត់បង្រៀនគ្រូឧទ្ទេស ២រូបគឺអ្នកជំនាញជនជាតិជប៉ុនលោក OGIWARA Masato និងមន្ដ្រីបច្ចេកទេសកម្ពុជាលោក យី សារិន។ លោកបានវាយតម្លៃខ្ពស់ចំពោះលទ្ធផលនៃការសិក្សា ដោយមានសិក្ខាកាមទទួលបាននិទ្ទេសល្អរហូតដល់ ៧០% និទ្ទេសល្អបង្គួរ ២០% និងនិទ្ទេសមធ្យម ១០% ប៉ុណ្ណោះ៕ អត្ថបទ៖ លី ឈុនឡា

ក្លិបបាល់ទះខេត្តកោះកុងបើកការប្រកួតដណ្តើមពានរង្វាន់លោកជំទាវ មិថុនា ភូថង

បាល់ទះ៖ ក្លិបបាល់ទះនៅខេត្តកោះកុងបានបើកការប្រកួត ដណ្តើមពានរង្វាន់របស់លោកជំទាវ មិថុនា ភូថង អភិបាលខេត្ត ក្នុងន័យលើកស្ទួយវិស័យកីឡាបាល់ទះថ្នាក់មូលដ្ឋានឱ្យបានកាន់តែច្រើន។ លោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុងបានឱ្យដឹងរសៀលថ្ងៃទី១៣ ខែមករា ឆ្នាំ២០២៣ ថា ដំណើរការប្រកួតនេះចាប់ផ្តើមពីថ្ងៃទី១៣ រហូតដល់ថ្ងៃទី១៨ ខែមករា ឆ្នាំ២០១៣ ដើម្បីស្វែងរកជើងឯកដោយមានក្រុមចូលរួមប្រកួតចំនួន ១២ក្រុម។ ក្នុងពិធីបើកការប្រកួតដណ្តើមពានរង្វាន់កីឡាបាល់ទះរបស់លោកជំទាវ មិថុនា ភូថង លោកស្នងការនគរបាលខេត្តគូសបញ្ជាក់ថា ការដែលផ្តួចផ្តើមឱ្យជាការប្រកួតបាល់ទះនេះឡើងគឺក្នុងគោលបំណង ដើម្បីរួមចំណែកលើកស្ទួយវិស័យកីឡាបាល់ទះឱ្យមានការទទួលស្គាល់ពីគ្រប់មជ្ឈដ្ឋាន ចៀសវាងអំពើអបាយមុខផ្សេងៗជំនួយមកវិញនូវសាមគ្គីភាព និងសុខភាពរឹងមាំល្អជាដើម។ លោក គង់ មនោ ប្រធានក្លិបកីឡាបាល់ទះខេត្តបន្ថែមទៀតដែរថា ការលេងកីឡាក៏ជាចំណែកមួយពង្រឹងសមត្ថភាព គៀងគរលើកស្ទួយវិស័យលេងកីឡាបាល់ទះនៅថ្នាក់មូលដ្ឋានកាន់តែច្រើន ដើម្បីសុខភាព និងឈានដល់ចូលរួមប្រកួតប្រជែងកម្រិតជាតិ។ កាលពីថ្ងៃទី២៥ ខែសីហា ឆ្នាំ២០២២ កន្លងទៅ លោកជំទាវ មិថុនា ភូថង អភិបាលខេត្តកោះកុង ក៏ធ្លាប់បានបំផុសស្មារតីដល់ប្រធានក្លិបកីឡាបាល់ទះខេត្ត ចាំបាច់បង្កើនការពង្រឹងចំណេះដឹងសមត្ថភាព ដល់អ្នកដែលមានចាប់អារម្មណ៍ចូលរួមលេងកីឡាកាន់តែច្រើន តាំងពីថ្នាក់មូលដ្ឋានរហូតដល់ឈានទៅប្រកួតប្រជែងកម្រិតថ្នាក់ជាតិ ឬកីឡាស៊ីហ្គេមឆ្នាំ២០២៣ ខាងមុខ។ លោកជំទាវអភិបាលខេត្តសង្កត់ធ្ងន់ថា ប្រសិនបើអ្នកមិនខិតខំបង្ហូរញើសនៅទីលានហ្វឹកហាត់នោះទេ អ្នកនឹងទទួលបរាជ័យនៅលើទីលានប្រកួត។ គួរកត់សម្គាល់ថា ៤ឆ្នាំចុងក្រោយនេះ វិស័យកីឡានៅខេត្តកោះកុងទទួលបានភាពរីកចម្រើនជាខ្លាំង ហើយទាំងទទួលបានមេដាយសំខាន់ៗ ក្នុងការចូលរួមប្រកួតប្រជែងថ្នាក់ជាតិផងដែរ ដូចជាកីឡាបាល់ទាត់ កីឡាទាត់សីស្លាប កីឡាតៃក្វាដូ និងកីឡាប្រណាំងម៉ូតូទឹកជាដើម៕អត្ថបទ៖ ឈឹម មករា

Judd Trump គ្រងជើងឯកស្នូកឃ័រ Masters លើកទី២ ក្រោយឈ្នះ Mark Williams តានតឹង

ស្នូកឃ័រ៖ កីឡាករស្នូកឃ័រអង់គ្លេស Judd Trump បានគ្រងជើងឯកនៃការប្រកួតពានរង្វាន់ Masters ជាលើកទី២ ក្នុងអាជីពក្រោយយកឈ្នះកីឡាករវែល Mark Williams តានតឹងដោយលទ្ធផល ១០-៨ហ្វ្រេមនៅវគ្គផ្តាច់ព្រ័ត្រ។ នេះជាជើងឯកលើកទី២ របស់ Judd Trump ដែលធ្លាប់ឈ្នះលើកដំបូងនៅឆ្នាំ២០១៩ និងបានក្លាយជាកីឡាករទី១១ ដែលឈ្នះជើងឯក Masters នេះលើសពីម្តង។ Judd Trump បាននាំមុខការប្រកួត ៥-៣ហ្វ្រេមនៅដំណាក់កាលដំបូងពេលព្រឹក តែភាពតានតឹងគឺនៅពេលល្ងាចដំណាក់កាលទី២ បន្ទាប់ពី Mark Williams វាយបកមកនាំមុខពីរលើក ៧-៦ និង ៨-៧ហ្វ្រេម មុនពេលដែលចុងក្រោយ Judd Trump ឈ្នះ ៣ហ្វ្រេមផ្ទួនៗ និងបញ្ចប់ដោយលទ្ធផល ១០-៨ហ្វ្រេម។ ជើងឯក Masters នេះ Judd Trump ទទួលបានប្រាក់រង្វាន់ ២៥០,០០០ផោន ខណៈជើងឯករង Mark Williams ទទួលបាន ១០០,០០០ផោន។ មុនការប្រកួតនេះកីឡាករវែល Mark Williams បានប៉ុនប៉ងចង់ឈ្នះជើងឯក និងក្លាយជាកីឡាករវ័យចំណាស់បំផុតដែលឈ្នះជើងឯក Masters ក្នុងវ័យ ៤៧ឆ្នាំ ៣០០ថ្ងៃ។ កីឡាករវែលរូបនេះខកខានឈ្នះជើងឯក Masters នេះរយៈពេល ២០ឆ្នាំមកហើយ៕អត្ថបទ៖នាង សុភាវុធ

Leeds ទិញខ្សែប្រយុទ្ធ Hoffenheim, Georgino Rutter ក្នុងតម្លៃផ្ទេរបំបែកកំណត់ត្រាក្លិប

បាល់ទាត់៖ ក្លិប Leeds United បានសម្រេចក្នុងការនាំយកខ្សែប្រយុទ្ធក្លិបអាល្លឺម៉ង់ Hoffenheim, Georgino Rutter ក្នុងតម្លៃផ្ទេរបំបែកកំណត់ត្រាក្លិប។ កីឡាករវ័យ ២០ឆ្នាំសញ្ជាតិបារាំងរូបនេះបានផ្លាស់មកកាន់ទឹកដី Elland Road ដោយចុះហត្ថលេខារយៈពេល ៥ឆ្នាំកន្លះក្នុងតម្លៃផ្ទេរបំបែកកំណត់ត្រាដល់ទៅ ៣៦លានផោន។Rutter បានស៊ុតបញ្ចូលទី ១១គ្រាប់ក្នុងការបង្ហាញខ្លួន ៦៤ប្រកួតនៅក្របខណ្ឌ Bundesliga បន្ទាប់ពីផ្លាស់ពីក្លិបបារាំង Rennes កាលពីឆ្នាំ២០២១។ Rutter បានក្លាយជាកីឡាករទីពីរដែលផ្លាស់មកកាន់ Leeds ក្នុងខែមករានេះ បន្ទាប់ពីខ្សែការពារ Max Wober ដែលផ្លាស់មកពីក្លិបអូទ្រីស RB Salzburg ក្នុងតម្លៃប្រមាណ ១០លានផោន។ កីឡាករក្រុមជម្រើសជាតិអាយុក្រោម ២០ឆ្នាំរូបនេះនឹងមិនអាចបង្ហាញខ្លួនភ្លាមៗឱ្យ Leeds បានឡើយនៅពេលជួបជាមួយ Cardiff City ថ្ងៃពុធនេះពាន FA Cup តែនឹងអាចបង្ហាញខ្លួនដំបូងនៅ Premier League នៅពេល Leeds ទទួល Brentford ថ្ងៃទី២២ ខែមករានេះ៕អត្ថបទ៖នាង សុភាវុធ

Chelsea នាំយកខ្សែប្រយុទ្ធអ៊ុយក្រែន Mykhailo Mudryk ផ្លូវការពី Shakhtar Donetsk តម្លៃ ៨៩លានផោន

បាល់ទាត់៖ ក្លិបតោខៀវ Chelsea បានសំរេចក្នុងការនាំយកខ្សែប្រយុទ្ធអ៊ុយក្រែន Mykhailo Mudryk ជាផ្លូវការពីក្លិបអ៊ុយក្រែន Shakhtar Donetsk ក្នុងតម្លៃ ៨៩លានផោន។ ការមកដល់របស់កីឡាករវ័យ ២២ឆ្នាំរូបនេះក៏បានបញ្ចប់ការប៉ុនប៉ងចង់បានរបស់ក្រុមកាំភ្លើងធំ Arsenal ផងដែរ តែនៅពេលនេះបានក្លាយជាកីឡាកររបស់ក្រុមតោខៀវ Chelsea ផ្លូវការក្រោយចុះកិច្ចសន្យារយៈពេល ៨ឆ្នាំកន្លះ និងបានបង្ហាញខ្លួននៅចំពោះមុខអ្នកគាំទ្រផងដែរមុនការប្រកួតដែល Chelsea ឈ្នះ Crystal Palace យប់មិញ ១-០។ Mykhailo Mudryk បានស៊ុតបញ្ចូលទី ៧គ្រាប់ និងប៉ះបញ្ជូន ៧បាល់ក្នុងការបង្ហាញខ្លួន ១២លើកក្នុងលីគរដូវកាលនេះឱ្យ Shakhtar Donetsk បូកបញ្ចូលទាំង ៣គ្រាប់នៅ UEFA Champions League ផងដែរ។ Mudryk បានក្លាយជាកីឡាករទី៥ ដែលមកកាន់ Stamford Bridge ក្នុងខែមករានេះបន្ទាប់ពី Joao Felix ពី Atletico Madrid ក្នុងកិច្ចសន្យាខ្ចី រួមជាមួយនឹង Benoit Badiashile, David Dastro Fofana និង Andrey Santos។ តាំងពីផ្លាស់ប្តូរក្បាលម៉ាស៊ីនមក Chelsea បានចំណាយលុយជាង ៤០០លានផោនហើយក្នុងការនាំចូលកីឡាករថ្មី ក្រោមការវិនិយោគរបស់អ្នកជំនួញអាមេរិក Todd Boehly កាលពីខែឧសភា ឆ្នាំ២០២២៕អត្ថបទ៖នាង សុភាវុធ

Nasser Al-Attiyah គ្រងជើងឯក Dakar Rally លើកទី៥

ប្រណាំងរថយន្ត៖ កីឡាករប្រណាំងរថយន្តជើងចាស់សញ្ជាតិកាតា Nasser Al-Attiyah បានគ្រងជើងឯកការប្រណាំងរថយន្តចម្ងាយឆ្ងាយ Dakar Rally ជាលើកទី៥ ក្នុងអាជីព ស្របពេលកីឡាករអាហ្សង់ទីនឈ្នះជើងឯកផ្នែកម៉ូតូ។ Al-Attiyah ដែលជាអ្នកការពារតំណែងជើងឯកជាមួយនឹងជំនួយការសញ្ជាតិបារាំង Mathieu Baumel បើកបររថយន្តតូយ៉ូតា បានបញ្ចប់ការប្រកួតដំណាក់កាលចុងក្រោយនៅចំណាត់ថ្នាក់លេខ ១៤ តែនៅក្នុងតារាងចំណាត់ថ្នាក់រួម មានវេលាចំណេញពីអ្នកលេខ២ កីឡាករបារាំងជើងឯក Rally ពិភពលោក ៩សម័យ Sebastien Loeb ដល់ទៅ ១ម៉ោង ២០នាទី។ កីឡាករសញ្ជាតិកាតាដែលនាំមុខគេតាំងពីដំណាក់កាលទី៣ បច្ចុប្បន្នឈរលេខ២ ក្នុងតារាងអ្នកដែលឈ្នះជើងឯក Dakar Rally ច្រើនជាងគេលើផ្នែករថយន្តតាមពីក្រោយកីឡាករបារាំង Stephane Peterhansel ដែលឈ្នះសរុបដល់ទៅ ៨លើក។ ងាកមកការប្រកួតផ្នែកម៉ូតូវិញ កីឡាករអាហ្សង់ទីន Kevin Benavides បានយកឈ្នះប្រជែងឈ្នះកីឡាករអូស្ត្រាលី Toby Price នៅដំណាក់កាលចុងក្រោយដោយមកដល់ទីព្រ័ត្រមុនគេ ៥៥វិនាទី និងបានក្លាយជាជើងឯកផ្នែកម៉ូតូក្រោយមានវេលាចំណេញពី Toby Price ៤៣វិនាទីដែលដំបូងឡើយជាអ្នកនាំមុខគេ។ ផ្នែកម៉ូតូកង់បួនកីឡាករបារាំង Alexander Giroud គឺជាជើងឯកពីរឆ្នាំជាប់គ្នា ខណៈផ្នែករថយន្តធំកីឡាករហូឡង់ Janus Van Kasteren ប្រើប្រាស់រថយន្ត Ivesco និងបានបញ្ចប់ដំណើរជោគជ័យរបស់រថយន្ត Kamaz ដែលកាន់កាប់ជើងឯកតាំងពីឆ្នាំ២០១៧៕អត្ថបទ៖នាង សុភាវុធ

ក្រសួងការងារបន្ដជ័យជម្នះក្នុងពានអន្ដរក្រសួង ខណៈក្រសួងពាណិជ្ជកម្មរកបាន ៣ពិន្ទុដំបូង

បាល់ទាត់៖ ក្រុមបាល់ទាត់ក្រសួងការងារ និងបណ្ដុះបណ្ដាលវិជ្ជាជីវៈ បានបន្ដជ័យជម្នះរបស់ខ្លួនក្នុងពានរង្វាន់មិត្តភាពយុវជនអន្ដរក្រសួង-ស្ថាប័នលើកទី៨ ដើម្បីគ្រងកំពូលតារាងពូល A បណ្ដោះអាសន្ន ស្របពេលក្រុមក្រសួងពាណិជ្ជកម្ម រកបាន ៣ពិន្ទុដំបូងក្នុងការប្រកួតសន្សំពិន្ទុតាមពូលជុំទី២ កាលពីចុងសប្ដាហ៍កន្លងទៅ។ សម្រាប់ក្រុមការពារតំណែងជើងឯក ក្រុមបាល់ទាត់ក្រសួងការងារ និងបណ្ដុះបណ្ដាលវិជ្ជាជីវៈបានយកឈ្នះក្រុមក្រសួងកសិកម្ម រុក្ខាប្រមាញ់ និងនេសាទដោយលទ្ធផល ៦-០។ ជ័យជម្នះនេះបានធ្វើឲ្យក្រសួងការងារមាន ៦ពិន្ទុពេញ បន្ទាប់ពីប្រកួតបើកឆាកឈ្នះក្រុមក្រសួងពាណិជ្ជកម្មដោយលទ្ធផល ៣-១ កាលពីថ្មីៗ។ ចំណែកក្រសួងពាណិជ្ជកម្មបានទទួលជ័យជម្នះក្នុងការប្រកួតទី២ របស់ខ្លួនលើក្រុមក្រសួងរ៉ែ និងថាមពលដោយលទ្ធផល ៧-២។ ជ័យជម្នះលើកដំបូងនេះបានធ្វើឲ្យក្រសួងពាណិជ្ជកម្មឡើងឈរលេខ២ បណ្ដោះអាសន្នក្នុងពូល A ដោយមាន ៣ពិន្ទុស្មើគ្នាជាមួយក្រុមក្រសួងកសិកម្ម រុក្ខាប្រមាញ់ និងនេសាទ ក្រោយឆ្លងកាត់ ២ប្រកួតដូចគ្នា៕អត្ថបទ៖ លី ឈុនឡា

Arsenal ឡើងនាំមុខដាច់ ៨ពិន្ទុក្រោយឈ្នះនៅទឹកដី Spurs ២-០

បាល់ទាត់៖ ក្រុមកាំភ្លើងធំ Arsenal បានបន្តទម្រង់អស្ចារ្យរបស់ខ្លួនក្នុងរដូវកាលនេះ ក្រោយយកឈ្នះនៅទឹកដី Tottenham Hotspur ២-០ ដើម្បីពន្លាតការនាំមុខនៅ Premier League ដល់ ៨ពិន្ទុពី Manchester City។ ក្រុមរបស់លោក Mikel Arteta នៅតែជាក្រុមមានប្រៀបនៅចំពោះមុខអ្នកគាំទ្រ Spurs និងបានបើកការនាំមុខមុននៅនាទីទី១៤ ដែលជាការស៊ុតរបស់ Martin Odegaard តែបុកអ្នកចាំទី Hugo Lloris ផ្លាតចូលទី និងត្រូវចាត់ទុកថាជាគ្រាប់បាល់ចូលទីខ្លួនឯងដោយអ្នកចាំទីបារាំង។ ក្រោយមកខ្សែបម្រើន័រវេសដដែលនេះ ក៏រកបានគ្រាប់របស់ខ្លួនទាល់តែបាននៅនាទីទី៣៦ ដែលជាការស៊ុតពីចំងាយយ៉ាងល្អ។ អ្នកចាំទី Arsenal, Aaron Ramsdale គឺជាតួអង្គសំខាន់ក្នុងការប្រកួតនេះដែរ តាមរយៈការជួយសង្គ្រោះបាល់សំខាន់ៗជាច្រើន និងត្រូវបានជ្រើសរើសជាកីឡាករឆ្នើមប្រចាំការប្រកួតផងដែរ។ ជ័យជំនះនេះធ្វើឱ្យ Arsenal ឡើងមកនាំមុខដាច់ដល់ទៅ ៨ពិន្ទុពីក្រុមលេខ២ Manchester City ដែលចាញ់នៅទឹកដី Manchester United ២-១ កាលពីថ្ងៃសៅរ៍។ ប្រកួតបន្ទាប់ Arsenal ត្រូវទទួល Manchester United នៅថ្ងៃអាទិត្យទី២២ ខណៈ Spurs ត្រូវទៅទឹកដី Manchester City យប់ថ្ងៃព្រហស្បតិ៍៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

FFC និង FIFA សម្ពោធទីលាន និងសាលាតម្រង់ទិស ព្រមទាំងកម្មវិធីអភិវឌ្ឍន៍បាល់ទាត់ ២៥រាជធានី-ខេត្ត

ថៃលើកពានជើងឯកអាស៊ីអាគ្នេយ៍លើកទី៧ ក្រោយឈ្នះវៀតណាមសរុបទាំងពីរជើង ៣-២

ប្រមុខកីឡាសូហ្វតិន្នីសថា មន្ដ្រីបច្ចេកទេសយល់ច្បាស់ពីច្បាប់ធ្វើឲ្យកីឡាករប្រកួតដោយទំនុកចិត្ត

ក្លិបបាល់ទះខេត្តកោះកុងបើកការប្រកួតដណ្តើមពានរង្វាន់លោកជំទាវ មិថុនា ភូថង

Judd Trump គ្រងជើងឯកស្នូកឃ័រ Masters លើកទី២ ក្រោយឈ្នះ Mark Williams តានតឹង

Leeds ទិញខ្សែប្រយុទ្ធ Hoffenheim, Georgino Rutter ក្នុងតម្លៃផ្ទេរបំបែកកំណត់ត្រាក្លិប

Chelsea នាំយកខ្សែប្រយុទ្ធអ៊ុយក្រែន Mykhailo Mudryk ផ្លូវការពី Shakhtar Donetsk តម្លៃ ៨៩លានផោន

Nasser Al-Attiyah គ្រងជើងឯក Dakar Rally លើកទី៥

ក្រសួងការងារបន្ដជ័យជម្នះក្នុងពានអន្ដរក្រសួង ខណៈក្រសួងពាណិជ្ជកម្មរកបាន ៣ពិន្ទុដំបូង

Arsenal ឡើងនាំមុខដាច់ ៨ពិន្ទុក្រោយឈ្នះនៅទឹកដី Spurs ២-០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

FFC ​និង​ FIFA ​សម្ពោធ​ទីលាន និង​សាលា​តម្រង់​ទិស ព្រមទាំង​កម្មវិធី​អភិវឌ្ឍន៍​បាល់ទាត់ ២៥​រាជធានី​-​ខេត្ត​

ថៃ​លើក​ពាន​ជើងឯក​អាស៊ីអាគ្នេយ៍​លើក​ទី​៧ ក្រោយ​ឈ្នះ​វៀតណាម​សរុប​ទាំងពីរ​ជើង ៣-២

ក្លិប​បាល់ទះ​ខេត្ត​កោះកុង​បើក​ការប្រកួត​ដណ្តើម​ពាន​រង្វាន់​លោកជំទាវ មិថុនា ភូ​ថង

Judd Trump គ្រង​ជើងឯក​ស្នូកឃ័រ Masters លើក​ទី២ ក្រោយ​ឈ្នះ Mark Williams តានតឹង​

Leeds ទិញ​ខ្សែប្រយុទ្ធ Hoffenheim, Georgino Rutter ក្នុងតម្លៃ​ផ្ទេរ​បំបែក​កំណត់ត្រា​ក្លិប​

Chelsea នាំយក​ខ្សែប្រយុទ្ធ​អ៊ុយ​ក្រែ​ន Mykhailo Mudryk ផ្លូវការ​ពី Shakhtar Donetsk តម្លៃ ៨៩​លាន​ផោន​

Nasser Al-Attiyah គ្រង​ជើងឯក Dakar Rally លើក​ទី​៥

ក្រសួង​ការងារ​បន្ដ​ជ័យជម្នះ​ក្នុង​ពាន​អន្ដរក្រសួង ខណៈ​ក្រសួងពាណិជ្ជកម្ម​រក​បាន ៣​ពិន្ទុ​ដំបូង

Arsenal ឡើង​នាំ​មុខដាច់ ៨​ពិន្ទុ​ក្រោយ​ឈ្នះ​នៅ​ទឹកដី Spurs ២-០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

FFC និង FIFA សម្ពោធទីលាន និងសាលាតម្រង់ទិស ព្រមទាំងកម្មវិធីអភិវឌ្ឍន៍បាល់ទាត់ ២៥រាជធានី-ខេត្ត

ថៃលើកពានជើងឯកអាស៊ីអាគ្នេយ៍លើកទី៧ ក្រោយឈ្នះវៀតណាមសរុបទាំងពីរជើង ៣-២

ក្លិបបាល់ទះខេត្តកោះកុងបើកការប្រកួតដណ្តើមពានរង្វាន់លោកជំទាវ មិថុនា ភូថង

Judd Trump គ្រងជើងឯកស្នូកឃ័រ Masters លើកទី២ ក្រោយឈ្នះ Mark Williams តានតឹង

Leeds ទិញខ្សែប្រយុទ្ធ Hoffenheim, Georgino Rutter ក្នុងតម្លៃផ្ទេរបំបែកកំណត់ត្រាក្លិប

Chelsea នាំយកខ្សែប្រយុទ្ធអ៊ុយក្រែន Mykhailo Mudryk ផ្លូវការពី Shakhtar Donetsk តម្លៃ ៨៩លានផោន

Nasser Al-Attiyah គ្រងជើងឯក Dakar Rally លើកទី៥

ក្រសួងការងារបន្ដជ័យជម្នះក្នុងពានអន្ដរក្រសួង ខណៈក្រសួងពាណិជ្ជកម្មរកបាន ៣ពិន្ទុដំបូង

Arsenal ឡើងនាំមុខដាច់ ៨ពិន្ទុក្រោយឈ្នះនៅទឹកដី Spurs ២-០