BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

កីឡាឧបសគ្គបង្កើតសហព័ន្ធផ្លូវការ ដើម្បីឆ្លើយតបការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣

កីឡាឧបសគ្គ៖ សហព័ន្ធកីឡាឧបសគ្គកម្ពុជាត្រូវបានបង្កើតជាផ្លូវការហើយ ក្រោយទទួលបានការគាំទ្រពីក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា(NOCC) ដើម្បីមានរចនាសម្ព័ន្ធគ្រប់គ្រង និងដឹកនាំត្រឹមត្រូវឆ្ពោះទៅរកការអភិវឌ្ឍ និងរីកចម្រើន ពិសេសត្រៀមទទួលធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ ឆ្នាំ២០២៣ នាពេលឆាប់ៗខាងមុខ។ នេះបើយោងតាមមហាសន្និបាតបោះឆ្នោតជ្រើសរើស សមាជិកគណៈកម្មាធិការប្រតិបត្តិអាណត្តិទី១ ឆ្នាំ២០២៣-២០២៧ របស់សហព័ន្ធកីឡាឧបសគ្គកម្ពុជាកាលពីចុងសប្ដាហ៍កន្លងទៅ ដោយមានការចូលរួមជាសក្ខីភាពពីឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំ យុវជន និងកីឡា និងលោក តែម ម៉ឺន អគ្គលេខាធិការរងគណៈកម្មាធិការជាតិអូឡាំពិកកម្ពុជា។ កីឡាឧបសគ្គ គឺជាប្រភេទកីឡាមួយក្នុងចំណោមកីឡា ៣៨ប្រទេស ដែលត្រូវបានអនុម័តដាក់ក្នុងការប្រកួតកីឡាស៊ីហ្គេមឆ្នាំ២០២៣។ ការណ៍នេះនាំឲ្យអាជ្ញាធរកីឡាដែលមានក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា ជាអាណាព្យាបាល ជំរុញឲ្យមានការបង្កើតសហព័ន្ធឡើង ស្របតាមយន្ដការជាតិ និងអន្ដរជាតិ ដើម្បីត្រៀមខ្លួនទទួលរៀបចំព្រឹត្តិការណ៍ស៊ីហ្គេមនាខែឧសភាខាងមុខ។ ចំពោះរចនាសម្ព័ន្ធថ្នាក់ដឹកនាំអាណត្តិទី១ នេះគឺមានសមាជិកគណៈកម្មាធិការប្រតិបត្តិចំនួន ១៣នាក់រួមមានឯកឧត្តម បួនហ៊ីង សុធីយ៉ា ជាប្រធានសហព័ន្ធ រួមទាំងលោក ខេស៊ី បាណេត, លោក ឌី សុវណ្ណា, លោក ជីម គីមហ៊ុយ, លោក ឃី សុភា និងលោក ខ្ចៅ សុភាព ជាអនុប្រធាន។ លោក សុទ្ធ រ៉ាដាកូ ជាអគ្គហេរញ្ញឹក និងមានលោក ធិន វិចិត្រ ជាអគ្គលេខាធិការ ព្រមទាំងអគ្គលេខាធិការរងម្នាក់ និងសមាជិក ៤រូបផ្សេងទៀត។ ឆ្លៀតឱកាសនោះ ឯកឧត្តម អ៊ុក សិទ្ធិជាតិ បានផ្ដល់អនុសាសន៍មួយចំនួន ដើម្បីរួមចំណែកអភិវឌ្ឍន៍វិស័យកីឡាមួយនេះឲ្យរីកចម្រើន។ ឯកឧត្តមបានក្រើនរំលឹកថា កីឡាឧបសគ្គក៏មានវត្តមានក្នុងស៊ីហ្គេមដែរ ហេតុនេះសហព័ន្ធមានភារកិច្ចជាច្រើនត្រូវធ្វើ ដ្បិតសល់រយៈពេលខ្លីសម្រាប់រៀបចំ ទាំងធនធានមន្ដ្រីបច្ចេកទេស និងកីឡាករ-កីឡាការិនីដើម្បីធានាបាននូវគុណផលកម្រិតខ្ពស់ ត្រៀមការប្រកួតក្នុងព្រឹត្តិការណ៍ជាប្រវត្តិសាស្ដ្រនេះ។ ចំពោះក្រសួងអប់រំគឺបានប្ដេជ្ញាគាំទ្រពេញទំហឹង ដូចសហព័ន្ធកីឡាដទៃដែរ។ ជាមួយគ្នានោះ ឯកឧត្តម បួនហ៊ីង សុធីយ៉ា ក្នុងនាមប្រធានសហព័ន្ធក្មេងខ្ចីនេះ បានធ្វើការប្ដេជ្ញាខិតខំអស់ពីកម្លាំងកាយចិត្ត ក្នុងការដឹកនាំ និងអភិវឌ្ឍន៍សហព័ន្ធឲ្យមានភាពរីកចម្រើន ទាំងហេដ្ឋារចនាសម្ព័ន្ធ និងធនធានមនុស្ស សម្រាប់ត្រៀមការប្រកួតថ្នាក់ជាតិ និងអន្ដរជាតិនានា ពិសេសបេសកកម្មដ៏សំខាន់ចំពោះមុខ ក្នុងនាមម្ចាស់ផ្ទះការប្រកួតកីឡាស៊ីហ្គេមលើកទី៣២ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំ៕អត្ថបទ៖ លី ឈុនឡា

Xavi ដឹកនាំ Barcelona លើកពានលើកដំបូងក្រោយឈ្នះ Real Madrid វគ្គផ្តាច់ព្រ័ត្រ Spanish Super Cup

បាល់ទាត់៖ អ្នកចាត់ការ និងជាអតីតខ្សែបម្រើ Xavi Hernandez បានដឹកនាំ Barcelona ឈ្នះពានជាលើកដំបូងក្នុងអាជីពជាអ្នកចាត់ការរបស់ខ្លួនក្រោយយកឈ្នះ Real Madrid នៅវគ្គផ្តាច់ព្រ័ត្រ Spanish Super Cup ៣-១ លើទឹកដីអារ៉ាប៊ីសាអ៊ូឌីត។ ក្រុមដែលកំពុងនាំមុខគេនៅ La Liga, Barcelona គឺជាក្រុមមានប្រៀបក្នុងការប្រកួតនេះតាមរយៈការនាំមុខដោយកីឡាករវ័យ ១៨ឆ្នាំ Gavi និង Robert Lewandowski នៅវគ្គទី១។ Real Madrid រកតែឱកាសស៊ុតឱ្យចំគោលដៅមិនបានសូម្បីមួយលើកនៅវគ្គទី១ ខណៈវគ្គទី២ បានត្រឹមព្យាយាមបិទមិនឱ្យរបូតគ្រាប់បាល់បន្ថែមប៉ុណ្ណោះ មុនពេលដែល Pedri ជាអ្នកស៊ុតគ្រាប់នាំមុខ ៣-០ ឱ្យ Barcelona តែ Real Madrid ក៏តបបានមួយគ្រាប់វិញនៅចុងម៉ោងដោយ Karim Benzema តែយឺតពេលទៅហើយ។ សូមបញ្ជាក់ថា នេះជាជើងឯក Spanish Super Cup លើកទី១៤ សម្រាប់ Barcelona និងនៅតែឈរលើគេជាក្រុមដែលឈ្នះជើងឯកនេះច្រើនជាងគេ ខណៈ Real Madrid ឈ្នះសរុប ១២លើក។ នេះជាការប្រកួតពាន Spanish Super Cup លើកទី៤ ដែលធ្វើនៅទឹកដីអារ៉ាប៊ីសាអ៊ូឌីតផងដែរ ខណៈបីលើកមុនៗ Real Madrid ឈ្នះ ២លើក និង Athletic Bilbao ឈ្នះមួយលើក៕អត្ថបទ៖នាង សុភាវុធ

សម្ដេចតេជោ ហ៊ុន សែន ជំរុញឲ្យបំផ្ទុះការផ្សព្វផ្សាយដំណើររាប់ថយក្រោយ ១០០ថ្ងៃឆ្ពោះទៅស៊ីហ្គេម២០២៣

ស៊ីហ្គេម៖ សម្តេចតេជោ ហ៊ុន សែន នាយរកដ្ឋមន្ត្រីនៃព្រះរាជាណាចក្រកម្ពុជា បានជំរុញដល់ប្រព័ន្ធផ្សព្វផ្សាយទាំងអស់បំផ្ទុះការផ្សព្វផ្សាយពីដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជានាខែឧសភាខាងមុខ ពិសេសក្នុងឱកាសនៅសល់ ១០០ថ្ងៃ គិតត្រឹមថ្ងៃទី២៥ ខែមករាខាងមុខ ដើម្បីបំផុសស្មារតីគាំទ្រវិស័យកីឡាជាតិក្រោមពាក្យស្លោក “កីឡារស់ក្នុងសន្ដិភាព”។ ការជំរុញរបស់សម្ដេចតេជោនាយករដ្ឋមន្ដ្រីធ្វើឡើងក្នុងពិធីជួបសំណេះសំណាល និងពិសាអាហារសាមគ្គីលើកទី៥ ជាមួយអ្នកសារព័ត៌មានប្រមាណជិត ៥ពាន់នាក់កាលពីថ្ងៃទី១៤ ខែមករា ឆ្នាំ២០២៣ កន្លងទៅ នៅសាលពិព័រណ៍កោះពេជ្រ។ សម្ដេចតេជោ ហ៊ុន សែន មានប្រសាសន៍ថា នៅថ្ងៃទី២៥ ខែមករា ឆ្នាំ២០២៣ ខាងមុខនេះ ប្រព័ន្ធផ្សព្វផ្សាយទាំងអស់សូមចូលរួមយុទ្ធនាការផ្សព្វផ្សាយការរាប់ថយក្រោយ ១០០ថ្ងៃនៃព្រឹត្តិការណ៍ប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា ឱ្យបានផុលផុសដើម្បីឲ្យប្រជាពលរដ្ឋ ទាំងក្នុង និងក្រៅប្រទេសបានដឹង និងបំផុសស្មារតីលើកទឹកចិត្តដល់កីឡាករ-កីឡាការិនីឲ្យខិតខំហ្វឹកហាត់ ដើម្បីទទួលបានមេដាយច្រើនក្នុងការប្រកួតនាពេលខាងមុខ។ គួរបញ្ជាក់ថា ស៊ីហ្គេមលើកទី៣២ នឹងប្រព្រឹត្តទៅពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ ខាងមុខ ដោយគិតត្រឹមថ្ងៃទី១៦ ខែមករានេះគឺនៅសល់រយៈពេល ១០៩ថ្ងៃ។ ប៉ុន្ដែនៅថ្ងៃទី២៥ ខែមករាខាងមុខ គណៈកម្មាធិការជាតិ CAMSOC ក្រោមការដឹកនាំរបស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ នឹងរៀបចំនូវកម្មវិធីរាប់ថយក្រោយ ១០០ថ្ងៃនៃដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា ហើយក៏ដើម្បីបង្ហាញថា កម្ពុជាបានត្រៀមខ្លួនរួចរាល់ ដើម្បីទទួលរៀបចំការប្រកួតកីឡាប្រចាំតំបន់ ២ឆ្នាំម្ដងនេះផងដែរ៕អត្ថបទ៖ លី ឈុនឡា

ក្រសួងវប្បធម៌ និងទីស្ដីការគណៈរដ្ឋមន្ដ្រីរកបាន ៣ពិន្ទុពីជំនួបបើកឆាកពានអន្ដរក្រសួង-ស្ថាប័ន

បាល់ទាត់៖ ពានរង្វាន់មិត្តភាពយុវជនអន្ដរក្រសួង-ស្ថាប័នលើកទី៨ បានបញ្ចប់ការប្រកួតសន្សំពិន្ទុជុំទី១ តាមពូលនីមួយៗ ហើយ ខណៈក្រុមក្រសួងវប្បធម៌ និងវិចិត្រសិល្បៈ និងក្រុមទីស្ដីការគណៈរដ្ឋមន្ដ្រីបានទទួល ៣ពិន្ទុពេញរៀងខ្លួនពីការប្រកួតបើកឆាកពូល G និងពូល H កាលពីចុងសប្ដាហ៍កន្លងទៅនៅទីលាន The Blue។ សម្រាប់ក្រុមក្រសួងវប្បធម៌ និងវិចិត្រសិល្បៈបានយកឈ្នះក្រុមក្រសួងធម្មការ និងសាសនាដោយលទ្ធផល ៥-០។ ៥គ្រាប់ដែលជួយឲ្យក្រុមក្រសួងវប្បធម៌ និងវិចិត្រសិល្បៈឈរកំពូលតារាងពូល G បណ្ដោះអាសន្ននេះធ្វើសម្រេចដោយកីឡាករ ញឹក ស៊ិយ៉ុង ៤គ្រាប់ និងកីឡាករ ខុន ច័ន្ធស៊ីណា ១គ្រាប់។ ចំណែកក្រុមទីស្ដីការគណៈរដ្ឋមន្ដ្រីបានយកឈ្នះក្រុមក្រសួងការបរទេស និងសហប្រតិបត្តិការអន្ដរជាតិដោយលទ្ធផល ២-០។ គ្រាប់បាល់ជ័យជម្នះបើកឆាកពូល H នេះ ធ្វើសម្រេចដោយកីឡាករ តែ ត្រានីត និងកីឡាករ យីត ស៊ុនណារោឧត្តម។ បន្ទាប់ពីការប្រកួតនេះ ក្រុមទទួលបានជ័យជម្នះទាំងពីរនឹងត្រូវធ្វើការប្រកួតទី២ ក្នុងពូលរបស់ខ្លួននាដើមខែកុម្ភៈខាងមុខ ដោយក្រុមក្រសួងវប្បធម៌ និងវិចិត្រសិល្បៈត្រូវជួបក្រុមក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រុមទីស្ដីការគណៈរដ្ឋមន្ដ្រីត្រូវជួបក្រុមក្រសួងសាធារណៈការ និងដឹកជញ្ជូន៕ អត្ថបទ៖ លី ឈុនឡា

Sebastian Loeb បន្តឈ្នះដំណាក់កាលទី១១ ទៀតនៅ Dakar Rally តែ Al-Attiyah នៅតែនាំមុខ

ប្រណាំងរថយន្ត៖ កីឡាករប្រណាំងរថយន្តបារាំង Sebastian Loeb នៅតែបន្តឈ្នះការប្រកួត ៤ដំណាក់កាលជាប់គ្នានៅព្រឹត្តិការណ៍ប្រណាំងយានយន្តចម្ងាយឆ្ងាយ Dakar Rally ក្រោយឈ្នះដំណាក់កាលទី១១ ថ្ងៃព្រហស្បតិ៍ម្សិលមិញ។ ដំណាក់កាលទី១១ ដែលមានចម្ងាយផ្លូវ ២៧៤គីឡូម៉ែត្រ ម្ចាស់ជើងឯក Rally ពិភពលោក ៩សម័យរូបនេះបានមកដល់ទីព្រ័ត្រមុនគេប្រើពេល ២ម៉ោង ៥៦នាទី ១៤វិនាទី តាមពីក្រោយដោយកីឡាករបារាំង Guerlain Chicherit យឺតជាង ២នាទី ១៦វិនាទី និងលេខ៣ កីឡាករស៊ុយអែត Mattias Ekstrom។ យ៉ាងណាក្តីកីឡាករជើងចាស់កាតា Nasser Al-Attiyah កាន់តែកៀកក្នុងការគ្រងជើងឯក Dakar Rally ផ្នែករថយន្តជាលើកទី៥ ក្នុងអាជីពក្រោយបញ្ចប់នៅចំណាត់ថ្នាក់លេខ៥ ក្នុងដំណាក់កាលទី១១ នេះបន្តនាំមុខគេក្នុងតារាងរួមចំណេញពេល ១ម៉ោង ២១នាទី ៤វិនាទីពីអ្នកលេខ២ កីឡាករប្រេស៊ីល Lucas Moraes និងលេខ Sebastian Loeb។ ងាកមកការប្រកួតផ្នែកម៉ូតូវិញ អ្នកឈ្នះក្នុងដំណាក់កាលទី១១ នេះបានទៅកីឡាករអាហ្សង់ទីន Kevin Benavides ខណៈអ្នកមុខរួមបែមកជាកីឡាករអាមេរិក Skyler Howes វិញចំណេញពេលត្រឹម ២៨វិនាទីប៉ុណ្ណោះទំលាក់កីឡាករអូស្ត្រាលី Toby Price ទៅលេខ២ វិញ។ សម្រាប់ដំណាក់កាលទី១២ ថ្ងៃសុក្រនេះមានចម្ងាយផ្លូវ ១៨៥គីឡូម៉ែត្រ៕អត្ថបទ៖នាង សុភាវុធ

Gustavo Alfaro លាលែងពីតំណែងគ្រូបង្វឹកក្រុមជំរើសជាតិអេក្វាដ័រ

បាល់ទាត់៖ លោក Gustavo Alfaro បានសំរេចចិត្តចាកចេញពីតំណែងគ្រូបង្វឹកក្រុមជម្រើសជាតិអេក្វាដ័រហើយ នេះបើតាមសេចក្តីប្រកាសរបស់សហព័ន្ធកីឡាបាល់ទាត់អេក្វាដ័រ។ អេក្វាដ័របានធ្លាក់ត្រឹមវគ្គវិលជុំក្នុងពូលកាលពី World Cup 2022 កន្លងទៅនៅកាតា ក្រោយចាញ់សេណេហ្កាល់ប្រកួតចុងក្រោយ ២-១។ បើតាមសារព័ត៌មានក្នុងស្រុកបានឱ្យដឹងថា សហព័ន្ធបាល់កីឡាបាល់ទាត់អេក្វាដ័រ FEF គ្រោងបន្តកិច្ចសន្យាដល់គ្រូបង្វឹកសញ្ជាតិអាហ្សង់ទីនរូបនេះ តែលោក Gustavo បដិសេធ។ រំលឹកថា បុរសវ័យ ៦០ឆ្នាំរូបនេះបានមកកាន់តំណែងដឹកនាំក្រុមអេក្វាដ័រកាលពីឆ្នាំ២០២០ ឆ្លងកាត់ការប្រកួតសរុប ៣៥ប្រកួតក្នុងតំណែង។ លោក Gustavo Alfaro បាននាំអេក្វាដ័រមានកៅអី World Cup ជាលើកទី៤ ក្នុងប្រវត្តិសាស្ត្រក្រោយបញ្ចប់នៅចំណាត់ថ្នាក់លេខ៤ ក្នុងការប្រកួតជម្រុះនៅតំបន់អាមេរិកឡាទីននៅពីក្រោមប្រេស៊ីល អាហ្សង់ទីន និងអ៊ុយរូហ្កាយ៕អត្ថបទ៖នាង សុភាវុធ

Manchester United ឈានដល់កិច្ចព្រមព្រៀងខ្ចីខ្សែប្រយុទ្ធហូឡង់ Wout Weghorst ពី Burnley

បាល់ទាត់៖ ក្រុមបិសាចក្រហម Manchester United បានឈានដល់កិច្ចព្រមព្រៀងហើយក្នុងការនាំយកខ្សែប្រយុទ្ធសញ្ជាតិហូឡង់ Wout Weghorst ពីក្លិបបាល់ទាត់ Burnley ដល់ចប់រដូវកាល។ កីឡាករវ័យ ៣០ឆ្នាំរបស់ Burnley រូបនេះបានចំណាយពេលពាក់កណ្តាលរដូវកាលកន្លងទៅ ក្នុងលក្ខខណ្ឌខ្ចីផងដែរនៅក្លិបទួរគី Besiktas តែនៅពេលនេះបានហោះហើរមកកាន់ទីក្រុង Manchester ដើម្បីពិនិត្យសុខភាពមុនពេលកិច្ចសន្យាខ្ចីបំពេញរួចរាល់ថ្ងៃនេះ។ កិច្ចសន្យាខ្ចីពី Burnley នៅពេលនេះមានន័យថា កិច្ចសន្យារបស់ Besiktas ត្រូវបានលុបចោលមុនកំណត់ បន្ទាប់ពីការចរចារវាងភាគីទាំងអស់ព្រមព្រៀងគ្នារួចរាល់។ ត្រឹមពាក់កណ្តាលរដូវកាលនៅទឹកដីទួរគី Wout Weghorst ស៊ុតបញ្ចូលទីបាន ៨គ្រាប់ និង ៤បាល់បញ្ជូនក្នុងការបង្ហាញខ្លួន ១៦លើកក្នុងលីគជាមួយ Besiktas។ កីឡាករវ័យ ៣០ឆ្នាំរូបនេះក៏ជាសមាជិករបស់ក្រុមជម្រើសជាតិហូឡង់នៅ World Cup ផងដែរ និងជាអ្នកស៊ុតបញ្ចូលទីតាមស្មើអាហ្សង់ទីននៅចុងម៉ោងវគ្គ ៨ក្រុមចុងក្រោយមុនពេលហូឡង់ចាញ់ដោយបាល់ ១១ម៉ែត្រកាត់សេចក្តី។ រំលឹកថា Wout Weghotst ត្រូវបាន Burnley ទិញក្នុងតម្លៃ ១២លានផោនពីក្លិបអាល្លឺម៉ង់ Wolfsburg កាលពីខែមករាឆ្នាំមុន និងបង្ហាញខ្លួនបាន ២០លើករកបាន ២គ្រាប់តែមិនអាចជួយ Burnley គេចផុតពីការកាត់ធ្លាក់ទៅក្របខណ្ឌ League Championship បាន៕អត្ថបទ៖នាង សុភាវុធ

Messi ស្ថិតក្នុងបញ្ជីឈ្មោះអាចឈ្នះជ័យលាភីកីឡាករឆ្នើមបំផុតប្រចាំឆ្នាំរបស់ FIFA

បាល់ទាត់៖ ខ្សែប្រយុទ្ធអាហ្សង់ទីន Lionel Messi ស្ថិតក្នុងបញ្ជីឈ្មោះចុងក្រោយ ដែលអាចឈ្នះជយលាភីកីឡាករឆ្នើមបំផុតប្រចាំឆ្នាំរបស់ FIFA បន្ទាប់ពីជួយក្រុមជម្រើសជាតិរបស់ខ្លួនឈ្នះជើងឯកពិភពលោកកាលពីខែធ្នូ។ ក្នុងបញ្ជីឈ្មោះនេះគេឃើញមានមិត្តរួមក្រុម Messi នៅ PSG, Kylian Mbappe រួមជាមួយកីឡាករអាហ្សង់ទីនផ្សេងទៀតដូចជាអ្នកចាំទី Emiliano Martinez និង Julian Alvarez ក៏ដូចជាខ្សែប្រយុទ្ធ Manchester City, Erling Haaland ផងដែរសុទ្ធតែស្ថិតក្នុងបញ្ជីឈ្មោះកីឡាករ ១៤នាក់ដែលអាចឈ្នះ។ ក្រៅពីនោះក៏មានឈ្មោះ Robert Lewandowski, Kevin de Bruyne, Mohamed Salah, Neymar និង Achraf Hakimi រួមជាមួយម្ចាស់ពាន Ballon D’Or, Karim Benzema ផងដែរ។ ចំណែកពានគ្រូបង្វឹកឆ្នើមវិញឃើញមានឈ្មោះគ្រូបង្វឹកអាហ្សង់ទីន Lionel Scaloni គ្រូបង្វឹក Real Madrid, Carlo Ancelotti គ្រូបង្វឹក Manchester City, Pep Guardiola គ្រូបារាំង Didier Deschamps និងគ្រូបង្វឹកម៉ារ៉ុក Walid Regragui។ អ្នកចាំទីឆ្នើមមានឈ្មោះ Alisson Becker របស់ Liverpool, Thibaut Courtois របស់ Real Madrid និងអ្នកចាំទី Aston Villa និងជម្រើសជាតិអាហ្សង់ទីន Emiliano Martinez។ នៅដើមខែកុម្ភៈខាងមុខ FIFA នឹងប្រកាសបញ្ជីឈ្មោះបីនាក់ចុងក្រោយ៕អត្ថបទ៖នាង សុភាវុធ

ធនាគារជាតិ និងក្រសួងរៀបចំដែនដីចែកគ្នា ១ពិន្ទុក្នុងប្រកួតដំបូងនៃពានអន្ដរក្រសួង-ស្ថាប័ន

បាល់ទាត់៖ ក្រុមបាល់ទាត់ធនាគារជាតិនៃកម្ពុជា និងក្រុមក្រសួងរៀបចំដែនដី នគរូបនីយកម្ម និងសំណង់បានចែកគ្នា ១ពិន្ទុម្នាក់ក្រោយប្រកួតស្មើគ្នា ៣-៣ ក្នុងការប្រកួតដំបូងនៃពានរង្វាន់ “មិត្តភាពយុវជនអន្ដរក្រសួង-ស្ថាប័ន” លើកទី៨ ឆ្នាំ២០២២-២០២៣ ពូល F។ ការប្រកួតនៅទីលាន The Blue Sports Arena នេះ ក្រុមធនាគារជាតិនៃកម្ពុជាបាននាំមុខ ១គ្រាប់មុននៅវគ្គទី១ ដែលធ្វើសម្រេចដោយកីឡាករ មាស មាននិស្ស័ត នៅនាទី១៨ មុនបន្ថែមគ្រាប់ទី២ ដោយកីឡាករ យិន សុខៃ នៅនាទី៥១ ។ បន្ទាប់មកក្រុមក្រសួងរៀបចំដែនដី នគរូបនីយកម្ម និងសំណង់ក៏បានវាយបកតាមស្មើភ្លាមៗដោយចំណាយពេលត្រឹម ៤នាទីរកបាន ២គ្រាប់ ដោយកីឡាករ ស្វាយ សុខរតនា និងកីឡាករ គីម ផល្លា នៅនាទី៦០ និងនាទី៦៣។ យ៉ាងណាក្ដី ៤នាទីក្រោយមកក្រុមធនាគារជាតិនៃកម្ពុជា បានរកបានគ្រាប់នាំមុខជាថ្មីដោយកីឡាករ រដ្ឋា ធាណុច នៅនាទី៦៧ តែការនាំមុខនេះមិនទាន់បានស្រួលបួលផង កីឡាករ គីម ផល្លា ក៏បានគ្រាប់តាមស្មើ ៣-៣ វិញនៅនាទី៧០ ហើយក៏បានរក្សាលទ្ធផលនេះដល់ចប់ការប្រកួតពេញម៉ោងតែម្ដង។ ជាមួយការចែកគ្នា ១ពិន្ទុម្នាក់នេះបានធ្វើឲ្យក្រុមទាំងពីរឈរលេខ២ និងលេខ៣ ក្នុងពូល F ជាបណ្ដោះអាសន្នតាមពីក្រុមក្រុមគណៈមេធាវីនៃព្រះរាជាណាចក្រកម្ពុជាដែលមាន ៣ពិន្ទុពេញ ក្រោយយកឈ្នះការប្រកួតដំបូងលើក្រុមសាលាដំបូងរាជធានីភ្នំពេញ ៤-២ កាលពីថ្មីៗកន្លងទៅ៕អត្ថបទ៖ លី ឈុនឡា

ថ្ងៃស៊យសម្រាប់ Joao Felix ចូលលេងប្រកួតដំបូងបានកាតក្រហម Chelsea ចាញ់នៅផ្ទះ Fulham

បាល់ទាត់៖ ជាថ្ងៃស៊យសម្រាប់ខ្សែប្រយុទ្ធព័រទុយហ្កាល់ Joao Felix តែទើបផ្លាស់មកកាន់តោខៀវ Chelsea ក្នុងលក្ខខណ្ឌខ្ចីពី Atletico Madrid ថ្មីៗ និងបានចូលលេងប្រកួតដំបូងយប់មិញនេះ ក៏ទទួលបានកាតក្រហមស្របពេល Chelsea ចាញ់នៅទឹកដី Fulham។ អតីតខ្សែបម្រើ Chelsea កីឡាករប្រេស៊ីល Willian ជាអ្នកបើកការនាំមុខមុនឱ្យ Fulham នៅនាទីទី២៥ តែខ្សែការពារ Kalidou Koulibaly ជាអ្នកតាមស្មើវិញឱ្យ Chelsea នៅនាទីទី៤៧ ដើមវគ្គទី២។ បន្ទាប់មក Joao Felix ដែលផ្លាស់មកកាន់ Chelsea ក្នុងតម្លៃ ៩.៧លានផោនក្រោមលក្ខខណ្ឌខ្ចីដល់ចប់រដូវកាលនោះ បែជាទទួលបានកាតក្រហមក្នុងប្រកួតដំបូងរបស់ខ្លួននៅពេលធ្វើឱ្យមានកំហុសលើខ្សែការពារ Fulham, Kenny Tete នៅនាទីទី៥៨ មានន័យថា Felix នឹងត្រូវជាប់ពិន័យ ៣ប្រកួត។ Fulham ក្រោយមកក៏រកបានគ្រាប់ជ័យជំនះរបស់ខ្លួននៅនាទីទី៧៣ ដោយ Carlos Vinicius និងជាបីពិន្ទុដ៏មានសារសំខាន់ដែលធ្វើឱ្យក្រុមរបស់លោក Marco Silva ឡើងមកឈរលេខ ៦ ក្នុងតារាង។ ប្រកួតបន្ទាប់របស់ក្រុមទាំងពីរគឺនៅថ្ងៃអាទិត្យខាងមុខនេះគឺ Fulham ទៅផ្ទះ Newcastle ខណៈ Chelsea ទទួល Crystal Palace៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាឧបសគ្គបង្កើតសហព័ន្ធផ្លូវការ ដើម្បីឆ្លើយតបការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣

Xavi ដឹកនាំ Barcelona លើកពានលើកដំបូងក្រោយឈ្នះ Real Madrid វគ្គផ្តាច់ព្រ័ត្រ Spanish Super Cup

សម្ដេចតេជោ ហ៊ុន សែន ជំរុញឲ្យបំផ្ទុះការផ្សព្វផ្សាយដំណើររាប់ថយក្រោយ ១០០ថ្ងៃឆ្ពោះទៅស៊ីហ្គេម២០២៣

ក្រសួងវប្បធម៌ និងទីស្ដីការគណៈរដ្ឋមន្ដ្រីរកបាន ៣ពិន្ទុពីជំនួបបើកឆាកពានអន្ដរក្រសួង-ស្ថាប័ន

Sebastian Loeb បន្តឈ្នះដំណាក់កាលទី១១ ទៀតនៅ Dakar Rally តែ Al-Attiyah នៅតែនាំមុខ

Gustavo Alfaro លាលែងពីតំណែងគ្រូបង្វឹកក្រុមជំរើសជាតិអេក្វាដ័រ

Manchester United ឈានដល់កិច្ចព្រមព្រៀងខ្ចីខ្សែប្រយុទ្ធហូឡង់ Wout Weghorst ពី Burnley

Messi ស្ថិតក្នុងបញ្ជីឈ្មោះអាចឈ្នះជ័យលាភីកីឡាករឆ្នើមបំផុតប្រចាំឆ្នាំរបស់ FIFA

ធនាគារជាតិ និងក្រសួងរៀបចំដែនដីចែកគ្នា ១ពិន្ទុក្នុងប្រកួតដំបូងនៃពានអន្ដរក្រសួង-ស្ថាប័ន

ថ្ងៃស៊យសម្រាប់ Joao Felix ចូលលេងប្រកួតដំបូងបានកាតក្រហម Chelsea ចាញ់នៅផ្ទះ Fulham

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡា​ឧបសគ្គ​បង្កើត​សហព័ន្ធ​ផ្លូវការ ដើម្បី​ឆ្លើយតប​ការ​ត្រៀម​ធ្វើ​ម្ចាស់ផ្ទះ​ស៊ី​ហ្គេម​ឆ្នាំ​២០២៣

Xavi ដឹកនាំ Barcelona លើក​ពាន​លើកដំបូង​ក្រោយ​ឈ្នះ Real Madrid វគ្គ​ផ្តាច់ព្រ័ត្រ Spanish Super Cup

ក្រសួង​វប្បធម៌ និង​ទីស្ដីការគណៈរដ្ឋមន្ដ្រី​រកបាន ៣​ពិន្ទុ​ពី​ជំនួប​បើកឆាក​ពាន​អន្ដរក្រសួង​-​ស្ថាប័ន​

Sebastian Loeb បន្ត​ឈ្នះ​ដំណាក់កាល​ទី​១១ ទៀត​នៅ Dakar Rally តែ Al-Attiyah នៅតែ​នាំមុខ​

Gustavo Alfaro លាលែង​ពី​តំណែង​គ្រូបង្វឹក​ក្រុម​ជំរើសជាតិ​អេ​ក្វា​ដ័​រ​

Manchester United ឈានដល់​កិច្ចព្រមព្រៀង​ខ្ចី​ខ្សែប្រយុទ្ធ​ហូ​ឡង់ Wout Weghorst ពី Burnley

Messi ស្ថិតក្នុង​បញ្ជី​ឈ្មោះ​អាច​ឈ្នះ​ជ័យលាភី​កីឡាករ​ឆ្នើម​បំផុត​ប្រចាំឆ្នាំ​របស់ FIFA

ធនាគារ​ជាតិ និង​ក្រសួង​រៀបចំ​ដែនដី​ចែក​គ្នា ១​ពិន្ទុ​ក្នុង​ប្រកួត​ដំបូង​នៃ​ពាន​អន្ដរក្រសួង​-​ស្ថាប័ន​

ថ្ងៃ​ស៊យ​សម្រាប់ Joao Felix ចូល​លេង​ប្រកួត​ដំបូង​បាន​កាត​ក្រហម Chelsea ចាញ់​នៅផ្ទះ Fulham

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាឧបសគ្គបង្កើតសហព័ន្ធផ្លូវការ ដើម្បីឆ្លើយតបការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣

Xavi ដឹកនាំ Barcelona លើកពានលើកដំបូងក្រោយឈ្នះ Real Madrid វគ្គផ្តាច់ព្រ័ត្រ Spanish Super Cup

ក្រសួងវប្បធម៌ និងទីស្ដីការគណៈរដ្ឋមន្ដ្រីរកបាន ៣ពិន្ទុពីជំនួបបើកឆាកពានអន្ដរក្រសួង-ស្ថាប័ន

Sebastian Loeb បន្តឈ្នះដំណាក់កាលទី១១ ទៀតនៅ Dakar Rally តែ Al-Attiyah នៅតែនាំមុខ

Gustavo Alfaro លាលែងពីតំណែងគ្រូបង្វឹកក្រុមជំរើសជាតិអេក្វាដ័រ

Manchester United ឈានដល់កិច្ចព្រមព្រៀងខ្ចីខ្សែប្រយុទ្ធហូឡង់ Wout Weghorst ពី Burnley

Messi ស្ថិតក្នុងបញ្ជីឈ្មោះអាចឈ្នះជ័យលាភីកីឡាករឆ្នើមបំផុតប្រចាំឆ្នាំរបស់ FIFA

ធនាគារជាតិ និងក្រសួងរៀបចំដែនដីចែកគ្នា ១ពិន្ទុក្នុងប្រកួតដំបូងនៃពានអន្ដរក្រសួង-ស្ថាប័ន

ថ្ងៃស៊យសម្រាប់ Joao Felix ចូលលេងប្រកួតដំបូងបានកាតក្រហម Chelsea ចាញ់នៅផ្ទះ Fulham