BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ជោគជ័យនៃការរៀបចំជើងឯកអុកចត្រង្គអាស៊ានលើកដំបូងគឺជាសញ្ញាណដ៏ល្អមុនស៊ីហ្គេម

អុកចត្រង្គ៖ ការប្រកួតកីឡាអុកចត្រង្គជ្រើសរើសជើងឯកអាស៊ីអាគ្នេយ៍លើកទី១ ឆ្នាំ២០២៣ បានបញ្ចប់ដោយជោគជ័យ ទាំងការរៀបចំ ដំណើរការប្រកួត និងការផ្សព្វផ្សាយពីបទបញ្ជាបច្ចេកទេសដល់បណ្ដាប្រទេសចូលរួម ដែលជាសញ្ញាណមួយដ៏ល្អសម្រាប់សហព័ន្ធត្រៀមលក្ខណៈធ្វើម្ចាស់ផ្ទះស៊ីហ្គេមឆ្នាំ២០២៣ នាខែឧសភាខាងមុខ។ ព្រឹត្តិការណ៍អុកចត្រង្គលក្ខណៈអន្ដរជាតិលើកដំបូងនៅកម្ពុជានេះ បានដំណើរការប្រកួតរយៈពេល ៦ថ្ងៃចាប់ពីថ្ងៃទី០៧ ដល់ថ្ងៃទី១២ ខែមករា ឆ្នាំ២០២៣ នេះនៅសាកលវិទ្យាល័យភូមិន្ទភ្នំពេញ ដោយមានប្រតិភូ និងអត្តពលិក ៥ប្រទេសចូលរួមគឺមានម្ចាស់ផ្ទះកម្ពុជា វៀតណាម ថៃ មីយ៉ាន់ម៉ា និងឡាវ។ ការប្រកួតមាន ៦វិញ្ញាសា ខណៈជាលទ្ធផលគឺក្រុមកីឡាអុកចត្រង្គកម្ពុជាដណ្ដើមបានមេដាយច្រើនជាងគេ។ ថ្លែងពិធីបិទការប្រកួត ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានកោតសរសើរ និងវាយតម្លៃខ្ពស់ចំពោះដំណើរការប្រកួតនេះ ពិសេសប្រទេសចូលរួមទោះបីជាការរៀបចំលើកដំបូងក្ដី។ លើសពីនេះ ប្រទេសចូលរួមទាំងអស់ហាក់មានកាយល់ដឹងច្បាស់ ពីបទបញ្ជាបច្ចេកទេសប្រកួតកីឡាអុកចត្រង្គរបស់កម្ពុជា ដែលជាមោទនភាព និងជាជោគជ័យមុនការប្រកួតស៊ីហ្គេមមកដល់។ ដោយឡែកឯកឧត្តម គុជ គីមឡុង ប្រធានសហព័ន្ធកីឡាអុកចត្រង្គកម្ពុជា បានបង្ហាញសុទិដ្ឋិនិយមស្រដៀងគ្នា សម្រាប់ជោគជ័យនៃការរៀបចំជើងឯកអាស៊ីអាគ្នេយ៍នេះ ដែលបានបញ្ចប់ការប្រកួតដោយស្វិតស្វាញ ទោះបីមានប្រទេសខ្លះពុំទទួលបានមេដាយ គ្រាដែលកម្ពុជាដណ្ដើមបានមេដាយច្រើនជាងគេក៏ដោយ។ ចំពោះលទ្ធផលបច្ចេកទេស ក្រោយដំណើរការប្រកួតជិត ១សប្ដាហ៍កន្លងមក គឺក្រុមកីឡាអុកចត្រង្គម្ចាស់ផ្ទះកម្ពុជាដណ្ដើមបានមេដាយច្រើនជាងគេ ពីការប្រកួតកីឡាអុកចត្រង្គជើងឯកអាស៊ីអាគ្នេយ៍លើកទី១ ឆ្នាំ២០២៣ នេះ ដោយដណ្ដើមបានមេដាយសរុប ៨គ្រឿង (មាស ៣ ប្រាក់ ២ និងសំរឹទ្ធ ៣) ខណៈវៀតណាមដណ្ដើមបានមេដាយសរុប ៧គ្រឿង (មាស២ ប្រាក់ ៣ និងសំរឹទ្ធ ២) និងមីយ៉ាន់ម៉ាឈ្នះមេដាយសរុប ៣គ្រឿង (មាស ១ និងសំរឹទ្ធ ២)។ រីឯថៃដណ្ដើមបានមេដាយ ៣គ្រឿង (ប្រាក់ ១ និងសំរឹទ្ធ ២) និងឡាវពុំទទួលបានមេដាយអ្វីឡើយ៕អត្ថបទ៖ លី ឈុនឡា

លទ្ធផលការប្រកួតទី២ ក្នុងពូល A, B, C និងពូល D នៃពានរង្វាន់ Soccer League លើកទី៦

បាល់ទាត់៖ ការប្រកួតបាល់ទាត់ដណ្ដើមពានរង្វាន់ Soccer League លើកទី៦ ឆ្នាំ២០២៣ បានឈានដល់ការប្រកួតទី២ នៃវគ្គជម្រុះតាមពូលហើយកាលពីថ្ងៃទី១២ ខែមករាម្សិលមិញ គ្រាដែលក្រុមមួយចំនួនបានរក្សាជ័យជម្នះជាប់គ្នា សម្រាប់ពូល A, B, C និងពូល D ផ្នែកបាល់ទាត់បុរស។ សម្រាប់លទ្ធផលការប្រកួតទី២ ក្នុងពូល A ក្រុមស៊ីយ៉ាប្រ៊េនយកឈ្នះក្លិបសិក្សាភាសាបរទេស ៩-១ និងក្រុម ស.ស.យ.ក ស្រុកកៀនស្វាយយកឈ្នះក្រុមរាជសីយ៍ខេត្តកំពត ៣-០។ ជ័យជម្នះនេះបានធ្វើឲ្យក្រុមទាំងពីរមាន ៦ពិន្ទុស្មើគ្នា ក្រោយឈ្នះ ២ប្រកួតផ្ទួនៗដូចគ្នា។ រីឯពូល B ក្រុមសម្ព័ន្ធយុវជនមុស្លីមកម្ពុជាបានបន្ដជ័យជម្នះរបស់ខ្លួន ដោយយកឈ្នះក្រុមសាលាបាល់ទាត់ពស់កេងកងដោយលទ្ធផល ៧-១ ដើម្បីមាន ៦ពិន្ទុគ្រងកំពូលតារាងបណ្ដោះអាសន្ន ស្របពេលក្រុមមិត្តចាស់កីឡាស្គាល់ជ័យជម្នះលើកដំបូងលើក្រុម Royal Bassac ក្នុងលទ្ធផល ៥-២។ សម្រាប់ពូល C ក្រុមហនុមានអគ្គលេខាធិការដ្ឋានក្រសួងការពារជាតិបានបន្ថែម ៣ពិន្ទុទៀត ក្រោយយកឈ្នះក្រុមសម្ព័ន្ធសិស្ស-និស្សិតជំនីក ៦-៣ ដើម្បីគ្រងកំពូលតារាងបណ្ដោះអាសន្ន គ្រាដែលក្រុម ស.ស.យ.ក ស្រុកពញាឮបានរកបាន ៣ពិន្ទុដំបូងក្រោយយកឈ្នះក្រុម Al Ahly FT ៤-២។ ចំណែកពូល D ក្រុម ស.ស.យ.ក ខេត្តកោះកុងបានបន្ដជ័យជម្នះរបស់ខ្លួនដូចគ្នាដោយបានយកឈ្នះក្រុម ស.ស.យ.ក ដំរីអង្គរ ២-១ ដើម្បីឈរកំពូលតារាងដោយមាន ៦ពិន្ទុពេញ។ ឯក្រុមតំបន់សេដ្ឋកិច្ចពិសេសបានយកឈ្នះក្រុមដៃឯកច្រាំងចំរេះ(២) ដោយលទ្ធផល ៤-១។ ដោយឡែកលទ្ធផលការប្រកួតផ្នែកនារីនៅក្នុងពូល B វិញ គឺក្រុមសម្រស់ចំការលើបានបន្ដជ័យជម្នះរបស់ខ្លួន ដោយយកឈ្នះក្រុមខេមរាជ័យក្នុងលទ្ធផល ៧-២ និងក្រុមភ្នំពេញក្រោនយកឈ្នះក្រុមស្ទាំងភ្លើងក្មេងវត្តក្ដីចាស់ ៣-០។ បច្ចុប្បន្នក្រុមកីឡាការិនីសម្រស់ចំការលើកំពុងឈរកំពូលតារាងមាន ៦ពិន្ទុ តាមពីក្រោយដោយក្រុមភ្នំពេញក្រោន និងសុភីណា អេហ្វស៊ី ដែលមាន ៤ពិន្ទុស្មើគ្នា៕ អត្ថបទ៖ លី ឈុនឡា

Sebastian Loeb ឈ្នះ ៣ដំណាក់កាលជាប់គ្នានៅ Dakar Rally តែ Nasser Al-Attiyah បន្តនាំមុខរួម

ប្រណាំងរថយន្ត៖ កីឡាករប្រណាំងរថយន្តបារាំង Sebastian Loeb បានបន្តប្រជែងឈ្នះ ៣ដំណាក់កាលជាប់គ្នាក្នុងព្រឹត្តិការណ៍ប្រណាំងយានយន្តចម្ងាយឆ្ងាយ Dakar Rally ក្រោយប្រជែងឈ្នះដំណាក់កាលទី១០ ម្សិលមិញ។ លើចម្ងាយផ្លូវ ១១៤គីឡូម៉ែត្រក្នុងដំណាក់កាលទី១០ Sebastian Loeb បានមកដល់ទីព្រ័ត្រមុនគេប្រើពេល ១ម៉ោង ៤៨នាទី ៣២វិនាទីតាមពីក្រោយដោយកីឡាករស៊ុយអែត Mattias Ekstrom យឺតជាង ៣នាទី និងលេខ៣ កីឡាករប្រេស៊ីល Lucas Moraes។ នេះជាជ័យជំនះ ៤ដំណាក់កាលសំរាប់ Sebastian Loeb ក្នុងឆ្នាំ២០២៣ នេះដែលធ្វើឱ្យម្ចាស់ជើងឯក Rally ពិភពលោក ៩សម័យរូបនេះឡើងមកឈរលេខ៣ ក្នុងតារាងរួម។ អ្នកនាំមុខគេផ្នែករថយន្តនេះនៅតែជាកីឡាករជើងចាស់កាតា Nasser Al Attiyah ដែលនាំមុខដាច់ដល់ទៅ ១ម៉ោង ២១នាទី ៣៤វិនាទីពីអ្នកលេខ២ Lucas Moraes។ ងាកមកការប្រកួតផ្នែកម៉ូតូវិញ ជ័យជំនះដំណាក់កាលទី១០ បានទៅកីឡាករមកពីប្រទេសបុតស្វាណា Ross Branch តែអ្នកនាំមុខគេក្នុងតារាងរួមបានផ្លាស់ប្តូរមកជាកីឡាករអាហ្សង់ទីន Kevin Benavides វិញមានវេលាចំណេញ ១នាទី ២៩វិនាទី ទម្លាក់កីឡាករអាមេរិក Skyler Howes ទៅលេខ២ វិញ។ សំរាប់ដំណាក់កាលទី១១ ថ្ងៃព្រហស្បតិ៍នេះមានចម្ងាយផ្លូវ ៤២៦គីឡូម៉ែត្រ ខណៈការប្រកួតនឹងបញ្ចប់ទាំងស្រុងនៅថ្ងៃអាទិត្យនេះ៕អត្ថបទ៖នាង សុភាវុធ

ប្រធានសហព័ន្ធបាល់ទាត់បារាំងនឹងឈរក្រៅតំណែងរហូតដល់ការធ្វើសវនកម្មបញ្ចប់

បាល់ទាត់៖ ប្រធានសហព័ន្ធកីឡាបាល់ទាត់បារាំង FFF លោក Noel le Graet នឹងឈរក្រៅតំណែងរហូតដល់ការស៊ើបអង្កេតលើការអះអាងពីការបៀតបៀនផ្លូវភេទ និងគំរាមកំហែងនៅក្នុងសហព័ន្ធបានបិទបញ្ចប់។ រដ្ឋាភិបាលបារាំងបានចាប់ផ្តើមធ្វើសវនកម្មកាលពីខែតុលា បន្ទាប់ពីបានដឹងអំពីការចោទប្រកាន់នេះដែល FFF បដិសេធ។ Le Graet ធ្លាប់ប្រឈមមុខនឹងការអះអាងពីការបៀតបៀនផ្លូវភេទ ដែលគាត់ធ្លាប់បានបដិសេធ។ ការសម្រេចចិត្តចាកចេញរបស់លោកក៏កើតមានឡើង បន្ទាប់ពីមានការអំពាវនាវឲ្យលោកលាលែងពីតំណែង ក្រោយប្រើពាក្យគ្មានគុណធម៌លើ Zinedine Zidane។ Le Graet អាយុ ៨១ឆ្នាំបាននិយាយថា គាត់នឹងមិនទទួលយកការពិចារណាឡើយ ប្រសិន Zidane ចង់ក្លាយជាអ្នកចាត់ការក្រុមជម្រើសជាតិបារាំង។ ប្រធានគណៈកម្មាធិការសីលធម៌របស់ FFF លោក Patrick Anton បានអំពាវនាវឱ្យ Le Graet លាលែងពីតំណែងកាលពីថ្ងៃអង្គារ ខណៈដែលខ្សែប្រយុទ្ធបារាំង Kylian Mbappe និងរដ្ឋមន្ត្រីកីឡា Amelie Oudea-Castera បានចោទប្រកាន់ថា ការប្រើពាក្យបែបនេះគឺខ្វះការគោរពចំពោះ Zidane ដែលជាបុគ្គលមានស្នាដៃរបស់ជាតិម្នាក់លើវិស័យបាល់ទាត់នេះ។ Le Graet បានចូលកាន់តំណែងក្នុងឆ្នាំ២០១១ ហើយមានអាណត្តិបន្តតួនាទីរបស់គាត់រហូតដល់ឆ្នាំ២០២៤។ សេចក្ដីថ្លែងការណ៍របស់ FFF បាននិយាយថា Le Graet បានយល់ព្រមជាមួយគណៈកម្មាធិការប្រតិបត្តិរបស់ស្ថាប័ន ដើម្បីឈរក្រៅតំណែងនៅកិច្ចប្រជុំបន្ទាន់មួយកាលពីថ្ងៃពុធ រហូតដល់ចុងបញ្ចប់នៃការស៊ើបអង្កេត ខណៈលទ្ធផលនៃសវនកម្មត្រូវបានរំពឹងទុកនៅចុងខែនេះ៕អត្ថបទ៖នាង សុភាវុធ

រឿងចរចាផ្ទេរ Enzo Fernandez រវាង Benfica និង Chelsea ត្រូវបិទបញ្ចប់

បាល់ទាត់៖ ការចរចាផ្ទេរខ្សែបម្រើអាហ្សង់ទីន Enzo Fernandez ពី Benfica ទៅកាន់តោខៀវ Chelsea បានបិទបញ្ចប់ហើយ នេះបើតាមការលើកឡើងរបស់អ្នកចាត់ការ Benfica លោក Roger Schmidt។ កីឡាករវ័យ ២១ឆ្នាំដែលជាកីឡាកររបស់ Benfica កាលពីខែសីហានោះមានតម្លៃទិញផ្តាច់កុងត្រា ១០៦លានផោន ហើយជាមួយគ្នានោះដែរក្លិបព័រទុយហ្កាល់មួយនេះបានដាក់តម្លៃលក់ Enzo Fernandez ក្នុងតម្លៃ ១២០លានផោន តែ Chelsea ហ៊ានឱ្យត្រឹមក្រោម ១០០លានផោនប៉ុណ្ណោះ។ ប្រសិន Chelsea ព្រមព្រៀងក្នុងតម្លៃរបស់ Benfica នឹងធ្វើឱ្យ Enzo Fernandez ក្លាយជាកីឡាករទិញចូលថ្លៃបំផុតនៅ Chelsea បំបែកកំណត់ត្រា Romelu Lukaku ៩៨លានផោន។ ក្រោមការវិនិយោគរបស់ថៅកែថ្មីលោក Todd Boehly តោខៀវ Chelsea បានចំណាយលុយទិញកីឡាករជិត ២០០លានផោន។ រំលឹកថា Enzo Fernandez ត្រូវបាន Benfica នាំយកពីក្លិបអាហ្សង់ទីន River Plate កាលពីដើមឆ្នាំ២០២២ ក្នុងតម្លៃ ១០លានអឺរ៉ូប៉ុណ្ណោះ៕អត្ថបទ៖នាង សុភាវុធ

Real Madrid ឈ្នះ Valencia បាល់ ១១ម៉ែត្រកាត់សេចក្តីឡើងវគ្គផ្តាច់ព្រ័ត្រអេស្ប៉ាញ Super Cup នៅអារ៉ាប់

បាល់ទាត់៖ ក្រុមជើងឯក La Liga, Real Madrid បានយកឈ្នះ Valencia ដោយបាល់ ១១ម៉ែត្រកាត់សេចក្តី ដើម្បីឡើងវគ្គផ្តាច់ព្រ័ត្រនៃពានរង្វាន់អេស្ប៉ាញ Super Cup ដែលធ្វើឡើងនៅទឹកដីអារ៉ាប៊ីសាអ៊ូឌីត។ គ្រាប់បាល់ពិន័យ ១១ម៉ែត្ររបស់ខ្សែប្រយុទ្ធបារាំង Karim Benzema បានធ្វើឱ្យ Real Madrid នាំមុខមុននៅកីឡដ្ឋាន King Fahd មុនពេលដែល Samuel Lino តាមស្មើវិញឱ្យ Valencia នៅវគ្គទី២។ បញ្ចប់ ៩០នាទីក្រុមទាំងពីរនៅតែស្មើគ្នា ១-១ និងបន្ថែម ១៥នាទីពីរដងទៀតនៅតែស្មើ។ ឈានដល់វគ្គ ១១ម៉ែត្រកាត់សេចក្តី Real Madrid បានយកឈ្នះដោយលទ្ធផល ៤-៣ បន្ទាប់ពីកីឡាករពីររូបរបស់ Valencia ស៊ុតមិនចូល។ ជ័យជំនះនេះធ្វើឱ្យ Real Madrid ឡើងវគ្គផ្តាច់ព្រ័ត្រដែលនឹងធ្វើឡើងនៅថ្ងៃអាទិត្យចុងសប្តាហ៍នេះ រង់ចាំជួបជាមួយក្រុមឈ្នះរវាង Real Betis និង Barcelona ដែលជួបគ្នារាត្រីនេះ។ សូមបញ្ជាក់ថា នេះជាឆ្នាំទី៤ ហើយដែលពានអេស្ប៉ាញ Super Cup ត្រូវបានរៀបចំក្នុងទំរង់ ៤ក្រុម និងជាឆ្នាំទី៣ ដែលរៀបចំនៅលើទឹកដីអារ៉ាប៊ីសាអ៊ូឌីត៕អត្ថបទ៖នាង សុភាវុធ

កីឡាករ ៦ប្រទេសចូលរួមការប្រកួតកីឡាប្រណាំងម៉ូតូនៃព្រឹត្តិការណ៍ប្រណាំងយានយន្តសន្តិភាព២០២៣

ប្រណាំងម៉ូតូ៖ គណៈកម្មការរៀបចំការប្រកួតបានឱ្យដឹងថា ពេលនេះអ្វីៗបានត្រៀមលក្ខណៈរួចរាល់ហើយ សម្រាប់ការប្រកួតប្រណាំងយានយន្តសន្តិភាព២០២៣ នៅទីលាន ១២ម៉ូទ័រផាក ខេត្តមណ្ឌលគីរី ទាំងប្រភេទម៉ូតូ រថយន្ត Off Road និងប្រណាំងរថយន្ត Rally។ គណៈកម្មការរៀបចំប្រណាំងម៉ូតូ Cross នៃព្រឹត្តិការណ៍នេះបញ្ជាក់ថា មកដល់ពេលនេះការចុះឈ្មោះចូលរួមប្រកួតលើផ្នែកម៉ូតូ Cross មានកីឡាករជាតិ-អន្តរជាតិចំនួន ១១៥នាក់ហើយដើម្បីត្រៀមចូលរួមប្រកួតប្រជែងលើ ៥ Class ពីថ្ងៃទី១៣-១៥ ខែមករា ឆ្នាំ២០២៣។ ក្នុងចំនួនកីឡាករ ១១៥នាក់នេះគឺមានកីឡាករជាតិ និងអន្តរជាតិដែលរស់នៅកម្ពុជា និងមកពីក្រៅប្រទេសដូចជាកីឡាករបារាំង ស្កុតលែន វៀតណម ថៃ កូរ៉េជាដើម ខណៈការប្រកួតត្រូវបានចែកចេញជា ៥ Class ដូចជា Class-A Class-B Class-C Class-VIP និងClass Lady-Kid។ អ្នករៀបចំការប្រកួតបន្តថា ថ្វីដ្បិតតែការរៀបចំព្រឹត្តិការណ៍ប្រណាំងយានយន្ត Off Road សន្តិភាពឆ្នាំ២០២៣ នៅទីលាន ១២ម៉ូទ័រផាក ខេត្តមណ្ឌលគិរីនេះនៅឆ្ងាយក៏ពិតមែន ប៉ុន្តែលោកមើលឃើញថា កីឡាករនានាមានការស្រឡាញ់ និងចង់ចូលរួមប្រកួតខ្លាំង ដោយពេលនេះទទួលបានការចុះឈ្មោះចូលរួមបានជាង ១០០នាក់។ សូមជម្រាបជូនថា ១២ម៉ូទ័រផាកគឺជាទីលានស្តង់ដាអន្តរជាតិមួយ ដែលក្នុងពេលធ្វើទីលាននេះមានការចូលរួមពីអ្នកជំនាញជាជនជាតិបារាំង ថៃ និងមានរយៈចម្ងាយ ១,៩គីឡូម៉ែត្រ។ ការចូលរួមប្រកួតនៅទីនេះគឺត្រូវតែស្វិតស្វាញ ដោយសារតែគោលការណ៍ទីលាន ១២ម៉ូទ័រផាកត្រូវការជ្រើសរើសធនធានកីឡាករល្អៗ ដែលមានសមត្ថភាពខ្ពស់ៗពិតប្រាកដ ដើម្បីសម្រិតសម្រាំងធនធានកីឡាករត្រៀមចេញទៅប្រកួតអន្តរជាតិ នៅក្រៅប្រទេសនាពេលខាងមុខ។ ព្រឹត្តិការណ៍កីឡាប្រណាំងយានយន្ត Off Road សន្តិភាពឆ្នាំ២០២៣ នៅទីលាន ១២ម៉ូទ័រផាក ខេត្តមណ្ឌលគិរី ចាប់ពីថ្ងៃទី១៣ ដល់ថ្ងៃទី១៥ ខែមករា ឆ្នាំ២០២៣៕អត្ថបទ៖ លី ឈុនឡា

ក្រុមបាល់ទះជម្រើសជាតិកម្ពុជានឹងប្រកួតមិត្តភាពជាមួយបារាំងនាខែក្រោយ

បាល់ទះ៖ ក្រុមបាល់ទះជម្រើសជាតិកម្ពុជានឹងធ្វើការប្រកួតមិត្តភាពអន្ដរជាតិ ជាមួយក្រុមជម្រើសជាតិអាយុក្រោម ១៩ឆ្នាំបារាំងនាពាក់កណ្ដាលខែកុម្ភៈ ឆ្នាំ២០២៣ ខាងមុខនៅរាជធានីភ្នំពេញ។ នេះបើតាមការបង្ហើបរបស់លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាកាលពីថ្មីៗ។ អគ្គលេខាធិការសហព័ន្ធដដែលបញ្ជាក់ថា នេះគឺជាជំនួបមិត្តភាពអន្ដរជាតិដ៏ធំមួយទៀតរបស់ក្រុមជម្រើសជាតិកម្ពុជា ដែលត្រូវជួបក្រុមលំដាប់ចំណាត់ថ្នាក់លេខ៤ ពិភពលោក ទោះបីជាកម្រិតយុវជន U19 ក៏ដោយដើម្បីជាឱកាសវាស់ស្ទង់ និងបង្កើនគុណផលដល់កីឡាករកម្ពុជាត្រៀមឆ្ពោះទៅស៊ីហ្គេមឆ្នាំ២០២៣ នាពេលឆាប់ៗខាងមុខ។ ក្រៅពីការប្រកួតមិត្តភាពជាមួយក្រុមជម្រើសជាតិ U19 បារាំង សហព័ន្ធក៏គ្រោងរៀបចំពានរង្វាន់លក្ខណៈមិត្តភាពមួយជាមួយក្រុមសិង្ហបុរី និងម៉ាឡេស៊ីដែលកំពុងស្នើសុំគោលការណ៍ និងការចេញទៅប្រកួតនៅបណ្ដាប្រទេសមួយចំនួនទៀត ដើម្បីត្រៀមលក្ខណៈគ្រប់ជ្រុងជ្រោយឆ្ពោះទៅប្រជែងមេដាយ ក្នុងព្រឹត្តិការណ៍ជាប្រវត្តិសាស្ដ្រនៅកម្ពុជានាខែឧសភាខាងមុខផងដែរ។ សូមបញ្ជាក់ថា មុនឈានដល់ការប្រកួតមិត្តភាពអន្ដរជាតិជាមួយបារាំង ក្រុមបាល់ទះជម្រើសជាតិកម្ពុជាក៏បានធ្វើការប្រកួតមិត្តភាពក្នុងដី ជាមួយក្រុមជម្រើសជាតិយុវជនគុយបាផងដែរកាលពីចុងខែតុលា ឆ្នាំ២០២២ កន្លងទៅ ដោយបានយកឈ្នះក្រុមលំដាប់ចំណាត់ថ្នាក់លេខ១២ ពិភពលោកនេះក្នុងលទ្ធផល ៣-១សិត បន្ទាប់ពីក្រុមបាល់ទះកម្ពុជា បានបំបែកកំណត់ត្រាប្រវត្តិសាស្ដ្រឈ្នះមេដាយសំរឹទ្ធស៊ីហ្គេម លើកដំបូងនៅប្រទេសវៀតណាមកាលពីពេលកន្លងទៅ៕អត្ថបទ៖ លី ឈុនឡា

អ្នករត់ចម្ងាយឆ្ងាយ គីម កុក រំភើបរីករាយ ក្រោយព្រឹត្តិការណ៍ Angkor Ultra Trail ត្រឡប់មកវិញ

រត់ប្រណាំង៖ អ្នករត់ចម្ងាយឆ្ងាយលោក គីម សារឿន ហៅ គីម កុក បានបង្ហាញសេចក្ដីរីករាយជាខ្លាំង បន្ទាប់ពីទិវារត់ប្រណាំងចម្ងាយឆ្ងាយនៅតំបន់អង្គរ ឬ Angkor Ultra Trail ត្រឡប់មកវិញ ក្រោយខកខានអស់ ២ឆ្នាំដោយសារវិបត្តិកូវីដ-១៩។ ការលើកឡើងនេះបន្ទាប់ពីក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជាសហការជាមួយក្រុមហ៊ុន Phoenix Voyages ត្រៀមរៀបចំព្រឹត្តិការណ៍ Angkor Ultra Trail លើកទី៦ នៅតំបន់អង្គរ ខេត្តសៀមរាបនាថ្ងៃទី០៤ ខែកុម្ភៈ ឆ្នាំ២០២៣ ខាងមុខ ក្រោយទទួលបានការអនុញ្ញាតពីរាជរដ្ឋាភិបាលកម្ពុជា។ បុរសវ័យ ៥៤ឆ្នាំរូបនេះបានលើកឡើងថា អ្នកទេសចរណ៍កំពុងរង់ចាំការចេញដំណើរជុំវិញពិភពលោក ក្រោយវិបត្តិកូវីដ-១៩ ហើយអ្នករត់ក៏ដូចគ្នា បន្ទាប់ពីជាប់គាំងជាង ២ឆ្នាំព្រោះជំងឺរាតត្បាតជាសកលនេះ។ ដូច្នេះលោកពិតជាមានមោទនភាព ដែលរាជរដ្ឋាភិបាលកម្ពុជាបើកប្រទេសឡើងវិញ ធ្វើឲ្យសកម្មភាពជាច្រើនដំណើរការធម្មតាឡើងវិញ ជាក់ស្ដែងព្រឹត្តិការណ៍រត់ចម្ងាយឆ្ងាយ Angkor Ultra Trail។ ជាមួយការរៀបចំឡើងវិញនៃព្រឹត្តិការណ៍រត់ចម្ងាយឆ្ងាយឆ្លងកាត់ឧបសគ្គនេះ ស្ថាបនិកក្លិបដើរ និងរត់ដើម្បីសុខភាព KKRC ដដែលបន្ដថា លោករឹតតែរំភើបនៅពេលមានកំណើនអ្នកចូលរួមច្រើន ពិសេសក្រុមអ្នករត់ខ្មែរដែលកើនឡើងរហូតដល់ជិត ២០០នាក់ឯណោះ ក្នុងនោះក៏មានអ្នករត់ចម្ងាយ ១០០គីឡូម៉ែត្រជនជាតិខ្មែរចំនួន ១៥នាក់ផងដែរ។ ទន្ទឹមជាមួយគ្នាដែរ លោក គីម កុក ក៏បានអំពាវនាវដល់ប្រជាពលរដ្ឋខ្មែរគ្រប់រូបនេះ ត្រូវឆ្លៀតពេលលេងកីឡា ពិសេសកីឡារត់ដើម្បីសុខភាព មិនថាចម្ងាយជិត ឬឆ្ងាយ ត្រូវព្យាយាម និងកុំបោះបង់ ដើម្បីទទួលបាននូវសុខភាពល្អផង និងបង្កើនទំនាក់ទំនងផង។ លោកសង្ឃឹមថា ឆ្នាំក្រោយៗនឹងមានអ្នកចូលរួមព្រឹត្តិការណ៍ Angkor Ultra Trail កាន់តែច្រើនថែមទៀត។ គួរដឹងថា លោក គីម កុក គឺជាអ្នករត់ចម្ងាយឆ្ងាយរបស់កម្ពុជាមួយរូប ដែលតែងចូលរួមព្រឹត្តិការណ៍រត់ចម្ងាយឆ្ងាយៗ បែបផ្សព្វព្រេង និងឆ្លងកាត់ឧបសគ្គ ទាំងក្នុង និងក្រៅស្រុកជាច្រើន។ អ្វីដែលពិសេសគឺលោកបានបំបែកកំណត់ត្រារត់ឡើងដល់កំពូលភ្នំឱរ៉ាល់ ក្នុងល្បឿនដ៏លឿនជាងគេដោយប្រើថវិវេលា ២ម៉ោង ២៦នាទី និង ៨វិនាទី ពោលគឺបានបំបែកកំណត់ត្រាចាស់របស់បុរសជនជាតិអាមេរិកលោក Jacob Sims និងមិត្តភក្ដិជនជាតិអូស្ដ្រាលីលោក Julien Brewster ដែលធ្វើបានក្នុងថេរវេលា ២ម៉ោង ២៦នាទី និង ៣៦វិនាទី កាលពីជិត ១០ឆ្នាំមុន។ រីឯព្រឹត្តិការណ៍ Angkor Ultra Trail នាដើមខែក្រោយនេះ លោកនឹងចូលរួមលើវិញ្ញាសារត់ ១០០គីឡូម៉ែទ្រផងដែរ៕ អត្ថបទ៖ លី ឈុនឡា

Southampton ទម្លាក់ Manchester City ឡើងវគ្គពាក់កណ្តាលផ្តាច់ព្រ័ត្រ Carabao Cup

បាល់ទាត់៖ ក្រុមបាល់ទាត់ដែលកំពុងដុនដាបនៅបាតតារាង English Premier League, Southampton បានធ្វើរឿងភ្ញាក់ផ្អើលមួយក្រោយយកឈ្នះ Manchester City ២-០ ឡើងវគ្គពាក់កណ្តាលផ្តាច់ព្រ័ត្រ Carabao Cup រឺ EFL Cup។ អ្នកចាត់ការ Southampton លោក Nathan Jones មានការលំបាកក្នុងការជួយស្រោចស្រង់ក្រុមតាំងពីទទួលតំណែងដឹកនាំដោយផ្ទេរពី Luton Town តែលើកនេះបែជាអាចយកឈ្នះក្រុមលេខ២ នៅ Premier League បាន។ Sekou Mara បើកការនាំមុខឱ្យ Southampton នៅនាទីទី២៣ មុនពេលដែល Moussa Djenepo បន្ថែមគ្រាប់ទីពីរ ៥នាទីបន្ទាប់ និងជាគ្រាប់បាល់តែពីរគ្រាប់គត់កើតឡើងក្នុងការប្រកួតនេះ។ អ្នកចាត់ការ Manchester City លោក Pep Guardiola បានដាក់ឱ្យកីឡាករសំខាន់ៗមួយចំនួនសម្រាកដូចជា Erling Haaland និង Kevin de Bruyne ជាដើមដើម្បីត្រៀមសម្រាប់ការប្រកួត Manchester Derby ទល់នឹង Manchester United នៅ Old Trafford ចុងសប្តាហ៍នេះ ខណៈដែលការប្រកួតនេះមានការគ្រប់គ្រងបាល់ច្រើន និងឱកាសស៊ុត ៧លើកមិនចំគោលដៅទាំងអស់។ យោងតាមលទ្ធផលនេះ Southampton នឹងបន្តឡើងវគ្គពាក់កណ្តាលផ្តាច់ព្រ័ត្រជួបជាមួយ Newcastle United ខណៈ Manchester United ត្រូវជួបជាមួយ Nottingham Forest ដែលយកឈ្នះ Wolves ដោយបាល់ ១១ម៉ែត្រកាត់សេចក្តីយប់មិញផងដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជោគជ័យនៃការរៀបចំជើងឯកអុកចត្រង្គអាស៊ានលើកដំបូងគឺជាសញ្ញាណដ៏ល្អមុនស៊ីហ្គេម

លទ្ធផលការប្រកួតទី២ ក្នុងពូល A, B, C និងពូល D នៃពានរង្វាន់ Soccer League លើកទី៦

Sebastian Loeb ឈ្នះ ៣ដំណាក់កាលជាប់គ្នានៅ Dakar Rally តែ Nasser Al-Attiyah បន្តនាំមុខរួម

ប្រធានសហព័ន្ធបាល់ទាត់បារាំងនឹងឈរក្រៅតំណែងរហូតដល់ការធ្វើសវនកម្មបញ្ចប់

រឿងចរចាផ្ទេរ Enzo Fernandez រវាង Benfica និង Chelsea ត្រូវបិទបញ្ចប់

Real Madrid ឈ្នះ Valencia បាល់ ១១ម៉ែត្រកាត់សេចក្តីឡើងវគ្គផ្តាច់ព្រ័ត្រអេស្ប៉ាញ Super Cup នៅអារ៉ាប់

កីឡាករ ៦ប្រទេសចូលរួមការប្រកួតកីឡាប្រណាំងម៉ូតូនៃព្រឹត្តិការណ៍ប្រណាំងយានយន្តសន្តិភាព២០២៣

ក្រុមបាល់ទះជម្រើសជាតិកម្ពុជានឹងប្រកួតមិត្តភាពជាមួយបារាំងនាខែក្រោយ

អ្នករត់ចម្ងាយឆ្ងាយ គីម កុក រំភើបរីករាយ ក្រោយព្រឹត្តិការណ៍ Angkor Ultra Trail ត្រឡប់មកវិញ

Southampton ទម្លាក់ Manchester City ឡើងវគ្គពាក់កណ្តាលផ្តាច់ព្រ័ត្រ Carabao Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជោគជ័យ​នៃ​ការរៀបចំ​ជើងឯក​អុកចត្រង្គ​អាស៊ាន​លើកដំបូង​គឺជា​សញ្ញាណ​ដ៏​ល្អ​មុន​ស៊ី​ហ្គេម​

លទ្ធផល​ការប្រកួត​ទី​២ ក្នុង​ពូ​ល​ A, B, C ​និង​ពូ​ល​ D ​នៃ​ពានរង្វាន់​ Soccer League ​លើក​ទី​៦

Sebastian Loeb ឈ្នះ ៣​ដំណាក់កាល​ជាប់​គ្នា​នៅ Dakar Rally តែ Nasser Al-Attiyah បន្ត​នាំមុខ​រួម​

ប្រធាន​សហព័ន្ធ​បាល់ទាត់​បារាំង​នឹង​ឈរ​ក្រៅ​តំណែង​រហូតដល់​ការ​ធ្វើ​សវនកម្ម​បញ្ចប់​

រឿង​ចរចា​ផ្ទេរ Enzo Fernandez រវាង Benfica និង Chelsea ត្រូវ​បិទ​បញ្ចប់

Real Madrid ឈ្នះ Valencia បាល់ ១១​ម៉ែត្រ​កាត់សេចក្តី​ឡើង​វគ្គ​ផ្តាច់ព្រ័ត្រ​អេ​ស្ប៉ា​ញ Super Cup នៅ​អារ៉ាប់

កីឡាករ​ ៦​ប្រទេស​ចូលរួម​ការប្រកួត​កីឡា​ប្រណាំង​ម៉ូតូ​នៃ​ព្រឹត្តិការណ៍​ប្រណាំង​យានយន្ត​សន្តិភាព​២០២៣

ក្រុម​បាល់ទះ​ជម្រើសជាតិ​កម្ពុជា​នឹង​ប្រកួត​មិត្តភាព​ជាមួយ​បារាំង​នា​ខែក្រោយ​

អ្នករត់ចម្ងាយឆ្ងាយ គីម កុក រំភើបរីករាយ ក្រោយព្រឹត្តិការណ៍ Angkor Ultra Trail ត្រឡប់មកវិញ

Southampton ទម្លាក់ Manchester City ឡើង​វគ្គ​ពាក់កណ្តាល​ផ្តាច់ព្រ័ត្រ Carabao Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជោគជ័យនៃការរៀបចំជើងឯកអុកចត្រង្គអាស៊ានលើកដំបូងគឺជាសញ្ញាណដ៏ល្អមុនស៊ីហ្គេម

លទ្ធផលការប្រកួតទី២ ក្នុងពូល A, B, C និងពូល D នៃពានរង្វាន់ Soccer League លើកទី៦

Sebastian Loeb ឈ្នះ ៣ដំណាក់កាលជាប់គ្នានៅ Dakar Rally តែ Nasser Al-Attiyah បន្តនាំមុខរួម

ប្រធានសហព័ន្ធបាល់ទាត់បារាំងនឹងឈរក្រៅតំណែងរហូតដល់ការធ្វើសវនកម្មបញ្ចប់

រឿងចរចាផ្ទេរ Enzo Fernandez រវាង Benfica និង Chelsea ត្រូវបិទបញ្ចប់

Real Madrid ឈ្នះ Valencia បាល់ ១១ម៉ែត្រកាត់សេចក្តីឡើងវគ្គផ្តាច់ព្រ័ត្រអេស្ប៉ាញ Super Cup នៅអារ៉ាប់

កីឡាករ ៦ប្រទេសចូលរួមការប្រកួតកីឡាប្រណាំងម៉ូតូនៃព្រឹត្តិការណ៍ប្រណាំងយានយន្តសន្តិភាព២០២៣

ក្រុមបាល់ទះជម្រើសជាតិកម្ពុជានឹងប្រកួតមិត្តភាពជាមួយបារាំងនាខែក្រោយ

Southampton ទម្លាក់ Manchester City ឡើងវគ្គពាក់កណ្តាលផ្តាច់ព្រ័ត្រ Carabao Cup