BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ផ្លូវការ Joao Felix ផ្លាស់មកកាន់ Chelsea ក្នុងលក្ខខណ្ឌខ្ចីជើងដល់ចប់រដូវកាល

បាល់ទាត់៖ ក្លិបតោខៀវ Chelsea បានសម្រេចជាផ្លូវការហើយក្នុងការនាំយកខ្សែប្រយុទ្ធព័រទុយហ្កាល់ Joao Felix ក្នុងលក្ខខណ្ឌខ្ចីជើងដល់ចប់រដូវកាល។ មិនមានការបង្ហាញជុំវិញព័ត៌មាននៃកិច្ចសន្យាខ្ចីនោះឡើយ តែសារព័ត៌មានអង់គ្លេសមួយបានចុះផ្សាយថា Chelsea ត្រូវផ្តល់ប្រាក់ប្រមាណ ១០លានអឺរ៉ូទៅកាន់ Atletico Madrid ហើយក្លិបនៅទីក្រុងឡុងដ៍មួយនេះគឺជារ៉ាប់រងប្រាក់ឈ្នួលទាំងស្រុងរបស់កីឡាករវ័យ ២៣ឆ្នាំរូបនេះ។ កីឡាករវ័យ ២៣ឆ្នាំរូបនេះបានធ្លាក់មកក្រៅជម្រើសនៅ Atletico Madrid ប៉ុន្មានខែចុងក្រោយនេះ។ កីឡាករដែលទិញចូលថ្លៃបំផុតក្នុងប្រវត្តិសាស្ត្រក្លិបតម្លៃ ១២០លានអឺរ៉ូរូបនេះបានមកដល់ Atletico Madrid នៅឆ្នាំ២០១៩ ដើម្បីបំពេញការចាកចេញរបស់ Antoine Griezmann នៅពេលនោះ។ យ៉ាងណាក្តី Felix មិនទាន់ឈានដល់កំរិតដែលក្លិបចប់បាននៅឡើយ ហើយទំនាក់ទំនងរបស់គេជាមួយអ្នកចាត់ការ Diego Simeone ត្រូវបានគេដឹងថាកំពុងបែកបាក់ប្រេះឆាផងដែរ។ បើតាមភ្នាក់ងាររបស់ Felix លោក Jorge Mendes ឱ្យដឹងថា Joao Felix ក៏កំពុងទទួលការចាប់អារម្មណ៍ពីក្លិបនៅ Premier League ផ្សេងទៀតរួមមាន Manchester United និង Arsenal ផងដែរ៕អត្ថបទ៖នាង សុភាវុធ

ស្អាងយើងស្អាត និងព្រៃវែងបន្ដជ័យជម្នះក្នុងពាន Soccer League ផ្នែកបាល់ទាត់នារី

បាល់ទាត់៖ ក្រុមបាល់ទាត់នារី ស.ស.យ.ក ស្អាងយើងស្អាត និងក្រុម ស.ស.យ.ក ខេត្តព្រៃវែងបានបន្ដជ័យជម្នះរៀងៗខ្លួនក្នុងការប្រកួតពានរង្វាន់ Soccer League លើកទី៦ សម្រាប់ការប្រកួតទី២ ពូល A កាលពីថ្ងៃទី១១ ខែមករា ឆ្នាំ២០២៣ ម្សិលមិញ។សម្រាប់ប្រកួតទី២ របស់ក្រុម ស.ស.យ.ក ស្អាងយើងស្អាតគឺបានយកឈ្នះក្រុមវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ ដោយលទ្ធផល ៨-០ គ្រាដែលប្រកួតទី២ របស់ក្រុម ស.ស.យ.ក ខេត្តព្រៃវែងគឺបានយកឈ្នះក្រុម ស.ស.យ.ក ខេត្តកោះកុង ១២-០ នៅទីលានវិទ្យាស្ថានជាតិអប់រំកាយ និងកីឡា។ ជ័យជម្នះនេះបានធ្វើឲ្យក្រុមទាំងពីរមាន ៦ពិន្ទុស្មើគ្នាដើម្បីគ្រងកំពូលតារាងពូល A បណ្ដោះអាសន្ន មុនក្រុមទាំងពីរត្រូវជួបគ្នាក្នុងពូលនាថ្ងៃទី១៣ ខែមករាស្អែក ។ រីឯក្រុមវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ នៅរក្សា ៣ពិន្ទុក្នុងដៃ ក្រោយឆ្លងកាត់ ២ប្រកួតឈ្នះ ១ និងចាញ់ ១ ខណៈក្រុម ស.ស.យ.ក ខេត្តកោះកុងមិនទាន់មានពិន្ទុរាប់នោះទេ ក្រោយចាញ់ ២ប្រកួតផ្ទួនៗ។ដោយឡែកទៅចាប់អារម្មណ៍ការប្រកួតផ្នែកបុរស ដែលជាការប្រកួតដំបូងសម្រាប់ ៤ពូលចុងក្រោយវិញរួមមាន៖ ពូល M ក្រុមព្រែកប្រាកីឡាយកឈ្នះក្រុមម៉ូលីអេហ្វស៊ី ១-០ និងក្រុម ស.ស.យ.ក ខេត្តកណ្ដាលយកឈ្នះក្រុម ស.ស.យ.ក ខេត្តព្រៃវែង ៦-១។ ពូល N ក្រុម ស.ស.យ.ក ស្វាយរៀងយកឈ្នះក្រុមយុវជនឬស្សីកែវ ៥-១ និងក្រុមយុវជន ៧មករាច្រះចំរេះ(០១) បានយកឈ្នះក្រុមសេនាអង្គរអេហ្វស៊ី ៨-២។ រីឯពូល O គឺក្រុមស៊ីសូផុនអេហ្វស៊ីយកឈ្នះក្រុម NL Galaxy FC ៨-១ និងក្រុមវ័យចាស់កងយោធពលខេមរភូមិន្ទ ប្រកួតស្មើសមាគមន៍បាល់ទាត់ អ.ម.ត ព្រះសីហនុ ៣-៣។ ពូល P ក្រុម ZAITUN FC យកឈ្នះក្រុមទីទុយខ្មៅ ៥-២ និងក្រុម RFL FC យកឈ្នះក្រុម Premium Lucky Legend ដោយលទ្ធផល ៣-០៕ អត្ថបទ៖ លី ឈុនឡា

កីឡាករ-កីឡាការិនីមានផ្ទុកកូវីដ-១៩ នៅតែអាចប្រកួតបាននៅ Australian Open

វាយកូនបាល៖ កីឡាករ-កីឡាការិនីនៅព្រឹត្តិការណ៍ Grand Slam, Australian Open នឹងមិនត្រូវធ្វើតេស្តរកមេរោគកូវីដ-១៩ ឡើយ ហើយពួកគេនៅតែអាចប្រកួតបានបើទោះជាមានវិជ្ជមានកូវីដ-១៩ ក៏ដោយ។ កាលពីឆ្នាំមុនកីឡាករ-កីឡាការិនីទាំងអស់ត្រូវតែធ្វើតេស្តជារៀងរាល់ថ្ងៃ និងត្រូវធ្វើចត្តាឡីស័កប្រសិនបើពួកគេមានវិជ្ជមានកូវីដ-១៩ និងត្រូវតែមានវ៉ាក់សាំងគ្រប់គ្រាន់ដាច់ខាត។ ជើងឯក ៩លើក Novak Djokovic ដែលមិនទទួលយកការចាក់វ៉ាក់សាំងនោះ ត្រូវបានតម្រូវឱ្យចាកចេញពីព្រលានយន្តហោះទីក្រុម Melbourne កាលពីឆ្នាំ២០២២ កន្លងទៅ មុនពេលការប្រកួតចាប់ផ្តើមដោយសារទិដ្ឋាការរបស់កីឡាករស៊ែបរូបនេះ មិនមានភ្ជាប់ជាមួយលិខិតបញ្ជាក់ការចាក់វ៉ាក់សាំង។ យ៉ាងណាក្តីអ្នករៀបចំ Australian Open ថ្វីបើអនុញ្ញាតឱ្យកីឡាករ-កីឡាការិនីប្រកួតទាំងមានវិជ្ជមានក្តី តែក៏ស្នើសុំឱ្យអ្នកដែលមានវិជ្ជមានទាំងនោះ កុំចូលរួមប្រសិនពួកគេមិនស្រួលខ្លួន និងចេញរោគសញ្ញា។ ព្រឹត្តិការណ៍វាយកូនបាល់ Grand Slam, Australian Open នឹងចាប់ផ្តើមនៅថ្ងៃចន្ទ ទី១៦ សប្តាហ៍ក្រោយនេះហើយនឹងបញ្ចប់នៅថ្ងៃទី២៩ ខែមករា៕អត្ថបទ៖នាង សុភាវុធ

Sebastian Loeb ឈ្នះដំណាក់កាលទី៩ ប្រណាំងយានយន្ត Dakar Rally តែ Al-Attiyah បន្តនាំមុខរួម

ប្រណាំងរថយន្ត៖ កីឡាករប្រណាំងរថយន្តបារាំង Sebastian Loeb បានប្រជែងឈ្នះដំណាក់កាលទី៩ នៃព្រឹត្តិការណ៍ប្រណាំងយានយន្តចម្ងាយឆ្ងាយ Dakar Rally តែអ្នកនាំមុខរួមនៅតែជាកីឡាករកាតា Nasser Al-Attiyah ដដែល។ ដំណាក់កាលទី៩ ដែលមានចម្ងាយផ្លូវ ៣៥៨គីឡូម៉ែត្រ កីឡាករដែលបើកបរឱ្យក្រុមប្រណាំង Prodrive រូបនេះបានចំណាយពេល ៣ម៉ោង ៧នាទី ២៤វិនាទីដើម្បីមកដល់ទីព្រ័ត្រមុនគេ តាមពីក្រោយដោយកីឡាករលីទុយអានី Vaidotas Zala យឺតជាង ៥៧វិនាទី និងលេខ៣ កីឡាករបារាំង Guerlain Chicherit យឺតជាង ២នាទី ៨នាទី។ នេះជាជ័យជំនះលើកទី៣ ដំណាក់កាលសម្រាប់ Sebastian Loeb នៅ Dakar Rally ឆ្នាំនេះ តែបើក្រឡេកមកតារាងវេលារួមវិញអ្នកនាំមុខគេនៅតែជាកីឡាករកាតា Nasser Al-Attiyah ដោយមានវេលាចំណេញពីលើអ្នកលេខ២ កីឡាករប្រេស៊ីល Lucas Moraes ១ម៉ោង ២១នាទី ៥៧វិនាទីឯណោះ។ ងាកមកការប្រកួតផ្នែកម៉ូតូវិញជ័យជំនះក្នុងដំណាក់កាលទី៩ នេះបានទៅកីឡាករអាហ្សង់ទីន Kevin Benavides តែអ្នកនាំមុខរួមនៅតែជាកីឡាករអាមេរិក Skyler Howes នាំមុខ ១នាទី ១៣វិនាទីពីលើ Benavises។ សម្រាប់ដំណាក់កាលទី១០ ថ្ងៃពុធនេះមានចម្ងាយផ្លូវ ៦២៣គីឡូម៉ែត្រ៕អត្ថបទ៖នាង សុភាវុធ

Al Nassr ច្រានចោលព័ត៌មានថា កុងត្រា Ronaldo មានភ្ជាប់ជាមួយការជួយអារ៉ាប៊ីសាអ៊ូឌីតដេញថ្លៃរៀបចំ World Cup 2030

បាល់ទាត់៖ ក្លិបអារ៉ាប៊ីសាអ៊ូឌីត Al Nassr បានចេញសេចក្ដីថ្លែងការណ៍ច្រានចោលព័ត៌មានទាំងឡាយណាដែលបានចុះផ្សាយថា កិច្ចសន្យារបស់ Cristiano Ronaldo គឺមានភ្ជាប់ជាមួយការជួយអារ៉ាប៊ីសាអ៊ូឌីតក្នុងការដេញថ្លៃធ្វើម្ចាស់ផ្ទះ World Cup 2030។ កិច្ចសន្យារបស់ Ronaldo ជាមួយ Al Nassr ដែលត្រូវបានគេដឹងថាមានតម្លៃដល់ទៅ ២០០លានអឺរ៉ូនោះ គឺអមជាមួយនឹងការជួយផ្សព្វផ្សាយយុទ្ធនាការដេញថ្លៃធ្វើម្ចាស់ផ្ទះ World Cup 2030 របស់អារ៉ាប៊ីសាអ៊ូឌីត។ តែក្លិបបានច្រានចោលថា នោះសុទ្ធតែជាព័ត៌មានមួលបង្កាច់ភូតកុហក ខណៈដែលគោលដៅរបស់កីឡាករព័រទុយហ្កាល់មានតែមួយមុខគត់ គឺផ្តោតលើអាជីពបាល់ទាត់របស់ខ្លួន ជួយមិត្តរួមក្រុម និងក្លិបទទួលបានជោគជ័យតែប៉ុណ្ណោះ។ សូមបញ្ជាក់ថា Cristiano Ronaldo បានផ្លាស់មកកាន់ Al Nassr នៅទឹកដីអារ៉ាប៊ីសាអ៊ូឌីតកាលពីខែមុន ក្រោយបញ្ចប់កិច្ចសន្យាមុនកំណត់ជាមួយ Manchester United បន្ទាប់ពីកីឡាករវ័យ ៣៧ឆ្នាំរូបនេះបញ្ចេញបទសម្ភាសន៍ជាមួយលោក Piers Morgan រិះគន់ក្លិបខ្លួនឯង។ Ronaldo មិនទាន់បានចូលលេងឱ្យ Al Nassr ផ្លូវការនៅឡើយ ពោលគឺត្រូវរង់ចាំដល់ថ្ងៃទី២២ ខែមករានេះដែលនឹងត្រូវទទួលស្វាគមន៍ Ettifaq ក្នុងទឹកដីរបស់ខ្លួន ហើយក៏នឹងអាចជួបជាមួយ Lionel Messi នៅពេល Paris Saint Germain ប្រកួតមិត្តភាពនៅទឹកដីអារ៉ាប៊ីសាអ៊ូឌីត។ អារ៉ាប៊ីសាអ៊ូឌីតត្រូវបានគេដឹងថា កំពុងពិចារណាក្នុងការដាក់ដេញថ្លៃរៀបចំធ្វើម្ចាស់ផ្ទះ World Cup 2030 ដែលមានគូប្រជែងក្រិក និងអេស៊ីប៕អត្ថបទ៖នាង សុភាវុធ

Rashford ស៊ុតពីរគ្រាប់ម្នាក់ឯងឱ្យ Man United ឈ្នះ Charlton ឡើងវគ្គពាក់កណ្តាលផ្តាច់ព្រ័ត្រ Carabao Cup

បាល់ទាត់៖ ខ្សែប្រយុទ្ធអង់គ្លេស Marcus Rashford នៅតែបន្តការស៊ុតបញ្ចូលទីរបស់ខ្លួនជាប់ប្រកួតគ្នាមិនដាច់ បន្ទាប់ពីរកបានពីរគ្រាប់ទៀតឱ្យ Manchester United យកឈ្នះ Charlton Athletic ៣-០ ឡើងវគ្គពាក់កណ្តាលផ្តាច់ព្រ័ត្រ Carabao Cup។ ខ្សែបម្រើប្រេស៊ីល Antony ជាអ្នកបើកការនាំមុខឱ្យ Manchester United នៅវគ្គទី១ ដែលជាការស៊ុតពីចំងាយកោងចូលទីយ៉ាងល្អ។ Marcus Rashford ដែលជាកីឡាករបម្រុងផ្លាស់ប្តូរចូលនៅវគ្គទី២ នោះគឺជាអ្នកធានាជ័យជំនះឱ្យក្រុមរបស់លោក Erik ten Hag ដោយរកបានពីរគ្រាប់ផ្ទួននៅនាទីទី៩០ និង ៩០+៤ បញ្ជូន Manchester United ឡើងវគ្គពាក់កណ្តាលផ្តាច់ព្រ័ត្រ Carabao Cup ពីជ័យជំនះលើក្រុមមកពីក្របខណ្ឌលីគទី៣ អង់គ្លេស Charlton។ នេះជាគ្រាប់បាល់ទី១៤ និង ១៥ សម្រាប់ Marcus Rashford ក្នុងរដូវកាលនេះ និងជាការស៊ុតបញ្ចូលទី ៦ប្រកួតជាប់គ្នាផងដែរ។ នេះជាជ័យជំនះ ៨ប្រកួតផ្ទួនៗផងដែរសម្រាប់ Manchester United ដែលខកខានធ្វើបានបែបនេះតាំងពីឆ្នាំ២០១៨-១៩ ក្រោមការដឹកនាំរបស់លោក Ole Gunnar Solskjaer។ ងាកទៅការប្រកួតមួយគូទៀត ក្រុមអ្នកមានថ្មី Newcastle United ក៏បានបន្តដំណើរឡើងវគ្គពាក់កណ្តាលផ្តាច់ព្រ័ត្រដែរ ក្រោយជ័យជំនះលើ Leicester City ២-០ នៅ St. James Park។ Newcastle ជាក្រុមមានប្រៀបតែគ្មានសំណាងនៅវគ្គទី១ ពោលគឺគ្រាប់បាល់ជ័យជំនះត្រូវរង់ចាំនៅវគ្គទី២ ដែលសម្រេចបានដោយ Dan Burn នាទីទី៦០ និង Joelinton នាទីទី៧២។ ពីរគូទៀតក្នុងវគ្គ ៨ក្រុមចុងក្រោយត្រូវប្រកួតយប់នេះរួមមាន Nottingham Forest ទទួល Wolves និង Southampton ទទួល Manchester City៕អត្ថបទ៖នាង សុភាវុធ

ក្លិបកីឡាវាយកូនឃ្លីលើតុថ្មីមួយរំពឹងរួមចំណែកអភិវឌ្ឍន៍ជាមួយសហព័ន្ធនាថ្ងៃអនាគត

វាយកូនឃ្លីលើតុ៖ ថ្នាក់ដឹកនាំក្លិបកីឡាវាយកូនឃ្លីលើតុ SCE រំពឹងផលិតបាននូវធនធានកីឡាករ-កីឡាការិនីល្អៗ ដើម្បីរួមចំណែកអភិវឌ្ឍន៍ជាមួយសហព័ន្ធកីឡាវាយកូនឃ្លីលើតុកម្ពុជា បន្ទាប់ពីក្លិបក្មេងខ្ចីមួយនេះបានបង្កើតជារូបរាងផ្លូវការ និងបានចូលរួមព្រឹត្តិការណ៍ថ្នាក់ជាតិលើកដំបូង ក្នុងការប្រកួតកីឡាវាយកូនឃ្លីតុជើងឯកថ្នាក់ជាតិឆ្នាំ២០២២ កាលពីសប្ដាហ៍កន្លងទៅ។ លោក ឃុន ផាន់និត គ្រូបង្វឹកប្រចាំក្លិបនេះបានឲ្យដឹងថា SCE មានចក្ខុវិស័យវែងឆ្ងាយក្នុងការអភិវឌ្ឍធនធានកីឡាករ-កីឡាការិនី។ បច្ចុប្បន្នក្លិបមានធនធានកីឡាករត្រឹម ៥រូប និងគ្រូ ២រូបប៉ុណ្ណោះ។ ប៉ុន្ដែលោកសង្ឃឹមថា នៅថ្ងៃអនាគតក្លិបនឹងផលិតបានកីឡាករ-កីឡាការិនីកាន់តែច្រើន ដើម្បីចូលរួមការប្រកួតថ្នាក់ជាតិ និងអន្ដរជាតិនានា។ សម្រាប់ការបង្ហាញខ្លួនលើកដំបូង ក្លិបកីឡាវាយកូនឃ្លីលើតុ SCE គឺដណ្ដើមបានមេដាយសរុប ៤គ្រឿងរួមមានមេដាយប្រាក់ ១ និងសំរឹទ្ធ ៣។ លោកសង្ឃឹមថា ការប្រកួតលើក្រោយៗ ក្លិបនឹងសម្រេចបានលទ្ធផលកាន់តែល្អប្រសើរបន្ថែមទៀត៕អត្ថបទ៖ លី ឈុនឡា

ស.ស.យ.ក ខេត្តស្វាយរៀងប្រកាសរៀបចំជើងឯក U15 លើកដំបូងនាដើមខែក្រោយ

បាល់ទាត់៖ សហភាពសហព័ន្ធយុវជនកម្ពុជាខេត្តស្វាយរៀង បានប្រកាសនឹងរៀបចំការប្រកួតបាល់ទាត់ពានរង្វាន់ ស្វាយរៀង ខាប់ យុវជនអាយុក្រោម ១៥ឆ្នាំលើកទី១ ឆ្នាំ២០២៣ នាដើមខែកុម្ភៈខាងមុខនៅទីលានបាល់ទាត់ខេត្តស្វាយរៀង។ យោងតាមសេចក្ដីជូនដំណឹងនៃគណៈកម្មការរៀបចំការប្រកួតនេះបានឲ្យដឹងថា ការលក់ពាក្យចូលរួមគឺចាប់ផ្ដើមពីថ្ងៃជូនដំណឹងនេះតទៅ ខណៈការចុះឈ្មោះនឹងចាប់ផ្ដើមទទួលពាក្យពីថ្ងៃទី១៦ ខែមករាដល់ថ្ងៃទី២៧ ខែមករា មុនការប្រកួតចាប់ផ្ដើមផ្លូវការនាថ្ងៃទី០២ ខែកុម្ភៈ ឆ្នាំ២០២៣។ សម្រាប់លក្ខខណ្ឌកីឡាករចូលរួមប្រកួត កីឡាករត្រូវមានអាយុចន្លោះពី ១៣ ទៅ ១៥ឆ្នាំជាជនជាតិខ្មែរ ហើយត្រូវមានទីលំនៅបច្ចុប្បន្ន ឬទីកន្លែងកំណើតក្នុងខេត្តស្វាយរៀង។ អ្វីដែលពិសេសគឺក្នុងមួយក្រុម អនុញ្ញាតឲ្យមានកីឡាករក្រៅពីខេត្តស្វាយរៀងតែ ៣រូបប៉ុណ្ណោះ។ ដោយហេតុនេះ សហភាពសហព័ន្ធយុវជនកម្ពុជាខេត្តស្វាយរៀង បានអំពាវនាវដល់ក្រុមបាល់ទាត់ទាំងអស់រួសរាន់ដាក់ពាក្យ និងត្រៀមលក្ខណៈឲ្យបានគ្រប់គ្រាន់ ដើម្បីចូលរួមប្រកួតព្រឹត្តិការណ៍បាល់ទាត់យុវជនលើកដំបូង នៅខេត្តស្វាយរៀងនេះឲ្យទទួលបានជោគជ័យ ដើម្បីរួមចំណែកអភិវឌ្ឍន៍វិស័យកីឡាបាល់ទាត់ជាតិនាថ្ងៃអនាគត៕ អត្ថបទ៖ លី ឈុនឡា

ថៃឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍លើកទី១០ ក្រោយឈ្នះម៉ាឡេស៊ី ៣-០

បាល់ទាត់៖ ក្រុមការពារតំណែងជើងឯកថៃបានឈានឡើងវគ្គផ្តាច់ព្រ័ត្រ ការប្រកួតបាល់ទាត់ជើងឯកអាស៊ីអាគ្នេយ៍ AFF Mitsubishi Electric Cup ជាលើកទី១០ ក្នុងប្រវត្តិសាស្ត្រក្រោយយកឈ្នះម៉ាឡេស៊ី ៣-០ ជើងទី២ វគ្គពាក់កណ្តាលផ្តាច់ព្រ័ត្រ។ បន្ទាប់ពីការប្រកួតជើងទី១ ដែលម៉ាឡេស៊ីយកឈ្នះ ១-០ នៅកីឡដ្ឋាន Bukit Jalil សប្តាហ៍មុន ត្រលប់មកកីឡដ្ឋាន Thamasat ទីក្រុងបាងកកប្រទេសថៃវិញ ម្ចាស់ផ្ទះថៃមិនរង់ចាំយូរទេដោយរកបានគ្រាប់នាំមុខនៅនាទីទី១៩ ដោយខ្សែប្រយុទ្ធ Teerasil Dangda ដែលជាគ្រាប់ទី៦ របស់គេក្នុងព្រឹត្តិការណ៍ឆ្នាំនេះ។ វគ្គទី២ ថៃនៅតែបន្តសម្រុក និងរកបានពីរគ្រាប់ទៀតដោយ Bordin Phala និង Adisak Kraisorn គ្រប់គ្រាន់ល្មមឱ្យក្រុមរបស់លោក Alexandre Polking ឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍នេះជាលើកទី១០ ក្នុងប្រវត្តិសាស្ត្រនៃព្រឹត្តិការណ៍ដែលបានចូលរួម ១៤លើកជួបជាមួយវៀតណាមនៅវគ្គផ្តាច់ព្រ័ត្រ។ ការប្រកួតវគ្គផ្តាច់ព្រ័ត្រជើងទី១ នឹងធ្វើឡើងនៅទឹកដីវៀតណាមថ្ងៃសុក្រ ទី១៣ ខែមករានេះ ខណៈជើងទី២ ត្រលប់ទៅទឹកដីថៃវិញថ្ងៃចន្ទ ទី១៦ ខែមករាដដែល។ ការប្រកួតទាំងពីរជើងនេះនឹងមានការផ្សាយផ្ទាល់នៅលើកញ្ចក់ទូរទស្សន៍ BTV នៅវេលាម៉ោង ៧ និង ៣០នាទីយប់ទាំងពីរជើង៕អត្ថបទ៖នាង សុភាវុធ

CAMSOC នឹងដាក់បទបញ្ជាដ៏ម៉ឺងម៉ាត់មួយក្នុងកិច្ចប្រជុំបូកសរុបការងារនាពេលខាងមុខ

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ត្រៀមដាក់ចេញនូវបទបញ្ជាការងារដ៏ម៉ឺងម៉ាត់មួយក្នុងកិច្ចប្រជុំបូកសរុបលទ្ធផល និងវឌ្ឍនភាពការងារឆ្នាំ២០២២ នាពេលខាងមុខ ដើម្បីធានាបាននូវប្រសិទ្ធភាពការងារបន្ថែមក្នុងដំណាក់ការ Games Time ឬពេលវេលាប្រតិបត្តិការស៊ីហ្គេម និងអាស៊ានប៉ារ៉ាហ្គេមឆ្នាំ២០២៣។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ក្រោយបញ្ចប់កិច្ចប្រជុំប្រចាំសប្ដាហ៍របស់គណៈអចិន្ដ្រៃយ៍ ដែលដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ដ្រៃយ៍នៃគណៈកម្មាធិការជាតិ CAMSOC កាលពីថ្ងៃទី១០ ខែមករាម្សិលមិញនៅទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តមបានបញ្ជាក់ថា កិច្ចប្រជុំនេះផ្ដោតលើការកិច្ចពិភាក្សាពីរបាយការណ៍ការងារ សម្រាប់ត្រៀមរៀបចំកិច្ចប្រជុំបូកសរុបសមិទ្ធផលប្រចាំឆ្នាំ ដែលគ្រោងធ្វើឡើងក្រោមអធិបតីភាពដ៏ខ្ពង់ខ្ពស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិ CAMSOC នាថ្ងៃទី២០ ខែមករាខាងមុខ ហើយសម្ដេចក៏នឹងប្រកាសនូវបទបញ្ជាការងារដ៏ម៉ឺងម៉ាត់មួយនាពេលនោះផងដែរ។ សូមបញ្ជាក់ថា ឆ្នាំ២០២៣ ត្រូវបានចាត់ទុកជាពេលវេលា Games Time ឬជាពេលត្រូវប្រតិបត្តិហ្គេម ស្របពេលកម្ពុជានៅសល់ ១១៤ថ្ងៃទៀតប៉ុណ្ណោះ សម្រាប់ការត្រៀមលក្ខណៈធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រលើកដំបូងនេះ ពោលគឺស៊ីហ្គេមលើកទី៣២ នឹងចាប់ផ្ដើមការប្រកួតពីថ្ងៃទី០៥ ដល់ថ្ងៃទី១៧ ខែឧសភា និងការប្រកួតកីឡាអាស៊ានប៉ារ៉ាហ្គេមលើកទី១២ នឹងចាប់ផ្ដើមពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

កូរ៉េខាងជើងថា ផែនការផ្គត់ផ្គង់ប្រេងឥន្ធនៈរបស់ NATO បង្ហាញថា សម្ព័ន្ធយោធានេះកំពុងត្រៀមរៀបចំធ្វើសង្គ្រាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ផ្លូវការ Joao Felix ផ្លាស់មកកាន់ Chelsea ក្នុងលក្ខខណ្ឌខ្ចីជើងដល់ចប់រដូវកាល

ស្អាងយើងស្អាត និងព្រៃវែងបន្ដជ័យជម្នះក្នុងពាន Soccer League ផ្នែកបាល់ទាត់នារី

កីឡាករ-កីឡាការិនីមានផ្ទុកកូវីដ-១៩ នៅតែអាចប្រកួតបាននៅ Australian Open

Sebastian Loeb ឈ្នះដំណាក់កាលទី៩ ប្រណាំងយានយន្ត Dakar Rally តែ Al-Attiyah បន្តនាំមុខរួម

Al Nassr ច្រានចោលព័ត៌មានថា កុងត្រា Ronaldo មានភ្ជាប់ជាមួយការជួយអារ៉ាប៊ីសាអ៊ូឌីតដេញថ្លៃរៀបចំ World Cup 2030

Rashford ស៊ុតពីរគ្រាប់ម្នាក់ឯងឱ្យ Man United ឈ្នះ Charlton ឡើងវគ្គពាក់កណ្តាលផ្តាច់ព្រ័ត្រ Carabao Cup

ក្លិបកីឡាវាយកូនឃ្លីលើតុថ្មីមួយរំពឹងរួមចំណែកអភិវឌ្ឍន៍ជាមួយសហព័ន្ធនាថ្ងៃអនាគត

ស.ស.យ.ក ខេត្តស្វាយរៀងប្រកាសរៀបចំជើងឯក U15 លើកដំបូងនាដើមខែក្រោយ

ថៃឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍លើកទី១០ ក្រោយឈ្នះម៉ាឡេស៊ី ៣-០

CAMSOC នឹងដាក់បទបញ្ជាដ៏ម៉ឺងម៉ាត់មួយក្នុងកិច្ចប្រជុំបូកសរុបការងារនាពេលខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ផ្លូវការ Joao Felix ផ្លាស់​មកកាន់ Chelsea ក្នុង​លក្ខខណ្ឌ​ខ្ចី​ជើង​ដល់​ចប់​រដូវ​កាល

ស្អាង​យើង​ស្អាត និង​ព្រៃវែង​បន្ដ​ជ័យជម្នះ​ក្នុង​ពាន​ Soccer League ​ផ្នែក​បាល់ទាត់​នារី​

កីឡាករ-កីឡាការិនី​មាន​ផ្ទុក​កូ​វីដ​-១៩ នៅតែ​អាច​ប្រកួត​បាន​នៅ Australian Open

Sebastian Loeb ឈ្នះ​ដំណាក់កាល​ទី​៩ ប្រណាំង​យានយន្ត Dakar Rally តែ Al-Attiyah បន្ត​នាំមុខ​រួម

Al Nassr ច្រានចោល​ព័ត៌មាន​ថា​ កុងត្រា Ronaldo មាន​ភ្ជាប់​ជាមួយ​ការ​ជួយ​អារ៉ាប៊ីសាអ៊ូឌីត​ដេញថ្លៃ​រៀបចំ World Cup 2030

Rashford ស៊ុត​ពីរ​គ្រាប់​ម្នាក់ឯង​ឱ្យ Man United ឈ្នះ Charlton ឡើង​វគ្គ​ពាក់កណ្តាល​ផ្តាច់ព្រ័ត្រ Carabao Cup

ក្លិប​កីឡាវាយកូនឃ្លីលើតុ​ថ្មី​មួយ​រំពឹង​រួមចំណែក​អភិវឌ្ឍន៍​ជាមួយ​សហព័ន្ធ​នា​ថ្ងៃ​អនាគត​

ស​.​ស​.​យ​.​ក ខេត្តស្វាយរៀង​ប្រកាស​រៀបចំ​ជើងឯក​ U15 ​លើកដំបូង​នា​ដើមខែ​ក្រោយ

ថៃ​ឡើង​វគ្គ​ផ្តាច់ព្រ័ត្រ​បាល់ទាត់​ជើងឯក​អាស៊ីអាគ្នេយ៍​លើក​ទី១០ ក្រោយ​ឈ្នះ​ម៉ាឡេស៊ី ៣-០

CAMSOC ​នឹងដាក់​បទបញ្ជា​ដ៏​ម៉ឺងម៉ាត់​មួយ​ក្នុង​កិច្ចប្រជុំ​បូកសរុប​ការងារ​នាពេលខាងមុខ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ផ្លូវការ Joao Felix ផ្លាស់មកកាន់ Chelsea ក្នុងលក្ខខណ្ឌខ្ចីជើងដល់ចប់រដូវកាល

ស្អាងយើងស្អាត និងព្រៃវែងបន្ដជ័យជម្នះក្នុងពាន Soccer League ផ្នែកបាល់ទាត់នារី

កីឡាករ-កីឡាការិនីមានផ្ទុកកូវីដ-១៩ នៅតែអាចប្រកួតបាននៅ Australian Open

Sebastian Loeb ឈ្នះដំណាក់កាលទី៩ ប្រណាំងយានយន្ត Dakar Rally តែ Al-Attiyah បន្តនាំមុខរួម

Al Nassr ច្រានចោលព័ត៌មានថា កុងត្រា Ronaldo មានភ្ជាប់ជាមួយការជួយអារ៉ាប៊ីសាអ៊ូឌីតដេញថ្លៃរៀបចំ World Cup 2030

Rashford ស៊ុតពីរគ្រាប់ម្នាក់ឯងឱ្យ Man United ឈ្នះ Charlton ឡើងវគ្គពាក់កណ្តាលផ្តាច់ព្រ័ត្រ Carabao Cup

ក្លិបកីឡាវាយកូនឃ្លីលើតុថ្មីមួយរំពឹងរួមចំណែកអភិវឌ្ឍន៍ជាមួយសហព័ន្ធនាថ្ងៃអនាគត

ស.ស.យ.ក ខេត្តស្វាយរៀងប្រកាសរៀបចំជើងឯក U15 លើកដំបូងនាដើមខែក្រោយ

ថៃឡើងវគ្គផ្តាច់ព្រ័ត្របាល់ទាត់ជើងឯកអាស៊ីអាគ្នេយ៍លើកទី១០ ក្រោយឈ្នះម៉ាឡេស៊ី ៣-០

CAMSOC នឹងដាក់បទបញ្ជាដ៏ម៉ឺងម៉ាត់មួយក្នុងកិច្ចប្រជុំបូកសរុបការងារនាពេលខាងមុខ