BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ផ្លូវការលោក Roberto Martinez ត្រូវតែងតាំងជាគ្រូបង្វឹកក្រុមជម្រើសជាតិព័រទុយហ្កាល់

បាល់ទាត់៖ អតីតអ្នកចាត់ការក្រុមជម្រើសជាតិប៊ែលហ្ស៊ិក និង Everton លោក Roberto Martinez ត្រូវបានតែងតាំងជាគ្រូបង្វឹកក្រុមជម្រើសជាតិព័រទុយហ្កាល់ជាផ្លូវការហើយ។ បុរសសញ្ជាតិអេស្ប៉ាញវ័យ ៤៩ឆ្នាំរូបនេះបានចូលមកជំនួសតំណែងលោក Fernando Santos ដែលបានចាកចេញពីតំណែង ក្រោយព័រទុយហ្កាល់ចាញ់ម៉ារ៉ុកនៅវគ្គ ៨ក្រុមចុងក្រោយ World Cup។ លោក Roberto Martinez ក៏ទើបតែចាកចេញពីតំណែងដឹកនាំក្រុមជម្រើសជាតិប៊ែលហ្ស៊ិក ដែលលោកបានចំណាយពេលអស់ ៦ឆ្នាំផងដែរ បន្ទាប់ពីប៊ែលហ្ស៊ិកធ្លាក់ត្រឹមវគ្គវិលជុំក្នុងពូលនៅ World Cup។ រំលឹកថា លោក Martinez ត្រូវបានតែងតាំងឱ្យដឹកនាំក្រុមប៊ែលហ្ស៊ិកកាលពីឆ្នាំ២០១៦។ ក្រោមការដឹកនាំរបស់បុរសវ័យ ៤៩ឆ្នាំរូបនេះប៊ែលហ្ស៊ិកបានឈរលេខ ១ ក្នុងតារាងចំណាត់ថ្នាក់ពិភពលោករបស់ FIFA តាំងពីឆ្នាំ២០១៨ ដល់ឆ្នាំ២០២២។ អតីតអ្នកចាត់ការ Wigan និង Swansea រូបនេះត្រូវបានតែងតាំងឱ្យដឹកនាំប៊ែលហ្ស៊ិកត្រឹម ៣ខែប៉ុណ្ណោះបន្ទាប់ពីត្រូវបានបណ្តេញចេញដោយ Everton កាលពីឆ្នាំ២០១៦ នោះ។ លោក Martinez បានមកបន្តតំណែងលោក Marc Wilmot ដែលបានដឹកនាំប៊ែលហ្ស៊ិកឡើងឈរលេខ ១ ពិភពលោកជាលើកដំបូងពីខែវិច្ឆិកា ឆ្នាំ២០១៥ ដល់ខែមេសា ឆ្នាំ២០១៦៕អត្ថបទ៖នាង សុភាវុធ

Hugo Lloris ប្រកាសចូលនិវត្តន៍ពីក្រុមជម្រើសជាតិបារាំងក្នុងវ័យ ៣៦ឆ្នាំ

បាល់ទាត់៖ អ្នកចាំទីបារាំង Hugo Lloris បានសម្រេចចិត្តចូលនិវត្តន៍ពីក្រុមជម្រើសជាតិហើយនៅក្នុងវ័យ ៣៦ឆ្នាំ។ ប្រធានក្រុមនៃក្លិប Tottenham Hotspur រូបនេះបានសម្រេចចិត្តចូលនិវត្តន៍ ៣សប្តាហ៍ បន្ទាប់ពីបារាំងចាញ់អាហ្សង់ទីននៅវគ្គផ្តាច់ព្រ័ត្រ FIFA World Cup ដោយបាល់ ១១ម៉ែត្រកាត់សេចក្តី តែ Lloris គឺជាប្រធានក្រុមបារាំងដែលឈ្នះជើងឯក World Cup កាលពី ៤ឆ្នាំមុននៅទឹកដីរុស្ស៊ី។Hugo Lloris ត្រូវបានកោះហៅចូលក្រុមជម្រើសជាតិបារាំង និងចូលលេងប្រកួតដំបូងនៅក្នុងវ័យ ២១ឆ្នាំក្នុងការប្រកួតមិត្តភាពទល់នឹងអ៊ុយរូហ្កាយកាលពីខែវិច្ឆិកា ឆ្នាំ២០០៨។ តាំងពីពេលនោះមកកីឡាករវ័យ ៣៦ឆ្នាំរូបនេះបង្ហាញខ្លួនសរុបបាន ១៤៥លើក ជាកីឡាករដែលបង្ហាញខ្លួនបានច្រើនបំផុតឱ្យក្រុមជម្រើសជាតិបារាំង ហើយក្នុងចំណោម ១៤៥លើកនោះមាន ១២១ប្រកួតជាប្រធានក្រុមក៏ជាកំណត់ត្រាដែរ។ ការសម្រេចចិត្តចូលនិវត្តន៍របស់ Lloris ក៏បានបើកផ្លូវឱ្យអ្នកចាំទីវ័យក្មេងៗបន្តបន្ទាប់ មានឱកាសបង្ហាញខ្លួនឱ្យក្រុមបារាំងដែលកំពុងត្រៀមខ្លួនប្រកួតជំរុះ Euro 2024 ដែលស្ថិតក្នុងពូលជាមួយហ្ស៊ីប្រាល់តា ក្រិក ហូឡង់ និងសាធារណអៀកឡង់៕អត្ថបទ៖នាង សុភាវុធ

Gareth Bale ប្រកាសចូលនិវត្តន៍ពីអាជីពកីឡាករបាល់ទាត់ត្រឹមវ័យ ៣៣ឆ្នាំ

បាល់ទាត់៖ ប្រធានក្រុមជម្រើសជាតិវែល Gareth Bale បានប្រកាសចូលនិវត្តន៍ពីអាជីពកីឡាករបាល់ទាត់របស់ខ្លួនហើយនៅក្នុងវ័យ ៣៣ឆ្នាំ។ កីឡាករដែលបង្ហាញខ្លួន និងស៊ុតបញ្ចូលច្រើនជាងគេឱ្យក្រុមជម្រើសជាតិវែលរូបនេះ ប្រកាសការសំរេចចិត្តរបស់ខ្លួននៅលើបណ្តាញសង្គមយ៉ាងដូច្នេះថា៖ បន្ទាប់ពីការពិចារណាដ៏ល្អិតល្អន់ ខ្ញុំសូមសម្រេចចិត្តចូលនិវត្តន៍ពីអាជីពបាល់ទាត់ទាំងនៅក្រុមជម្រើសជាតិ និងក្លិបអាជីព ខ្ញុំមានអារម្មណ៍ថា ពេញចិត្ត ស្កប់ស្កល់ដែលបានបំពេញតាមសុបិនដែលចង់លេងកីឡាដែលខ្ញុំស្រលាញ់។ កើតនៅទីក្រុង Cardiff, Gareth Bale បានចាប់ផ្តើមអាជីពនៅ Southampton មុនពេលផ្លាស់ទៅកាន់ Tottenham Hotspur។ ក្រោយមក Bale ក៏បានផ្លាស់ទៅកាន់ក្រុមអធិរាជស Real Madrid ក្នុងតម្លៃផ្ទេរខ្ពស់បំផុតនៅឆ្នាំ២០១៣ ក្នុងតម្លៃ ៨៥.៣លានផោន និងចុងក្រោយផ្លាស់ទៅកាន់ទឹកដីអាមេរិកជាមួយ Los Angeles FC កាលពីខែមិថុនា ឆ្នាំ២០២២។ Gareth Bale ជាសមាជិកសំខាន់របស់ក្រុមជម្រើសជាតិវែល ដែលបានសាងប្រវត្តិសាស្ត្រជាច្រើនដូចជាបានចូលលេងជើងឯកអឺរ៉ុប ២០១៦ និង ២០២០ និងនាំវែលបង្ហាញខ្លួននៅ World Cup លើកដំបូងតាំងពីឆ្នាំ១៩៥៨ ដោយបង្ហាញខ្លួនសរុបបាន ១១១លើករកបាន ៤១គ្រាប់។ Bale ធ្លាប់ជាកីឡាករឆ្នើមបំផុតពីរលើកកាលពីនៅ Tottenham Hotspur ពីររដូវកាលជាប់គ្នាមុនផ្លាស់ទៅ Real Madrid។ នៅអេស្ប៉ាញ Bale ឈ្នះជើងឯក La Liga ៣លើកជាមួយ Real Madrid, ជើងឯក UEFA Champions League ៥លើករួមជាមួយនឹង Club World Cup ៣លើក, UEFA Super Cup ៣លើក និង Copa del Rey មួយលើក៕អត្ថបទ៖នាង សុភាវុធ

Arsenal យកឈ្នះ Oxford ៣-០ ឡើងជួប Manchester City ជុំទី៤ FA Cup

បាល់ទាត់៖ អធិរាជ FA Cup កាំភ្លើងធំ Arsenal បានបន្តដំណើរឡើងជុំទី៤ នៃពានរង្វាន់ទីពីរនៅអង់គ្លេស FA Cup ក្រោយយកឈ្នះក្រុមមកពីលីគលំដាប់៣ អង់គ្លេស Oxford United ៣-០ នៅកីឡដ្ឋាន Kassam របស់ Oxford។ បន្ទាប់ពីវគ្គទី១ គ្មានគ្រាប់បាល់ ក្រុមកាំភ្លើងធំ Arsenal ក៏រកបានគ្រាប់នាំមុខបានសំរេចនៅនាទីទី៦៣ ដោយ Mohamed Elneny មុនពេលដែល Eddie Nketiah រកបានពីរគ្រាប់ម្នាក់ឯងនៅនាទីទី៧០ និង ៧៦។ Nketiah នៅពេលនេះរកបាន ៥គ្រាប់ហើយក្នុងការបង្ហាញខ្លួន ៦ប្រកួតចុងក្រោយ បន្ទាប់ពីអវត្តមានរបស់ខ្សែប្រយុទ្ធប្រេស៊ីល Gabriel Jesus ដែលមានរបួស។ ជ័យជំនះនេះធ្វើឱ្យក្រុមរបស់លោក Mikel Arteta ត្រូវប្រឈមជាមួយលោក Pep Guardiola, Manchester City នៅជុំទី៤ FA Cup។ សូមបញ្ជាក់ថា Arsenal ជាក្រុមដែលឈ្នះជើងឯក FA Cup ច្រើនជាងសរុប ១៤លើក និងឈ្នះចុងក្រោយបំផុតនៅឆ្នាំ២០២០៕អត្ថបទ៖នាង សុភាវុធ

Soccer League ផ្នែកនារី៖ ច្បារអំពៅ និងស្អាងយើងស្អាត រកបាន ៣ពិន្ទុពេញពីការប្រកួតដំបូងក្នុងពូល A

បាល់ទាត់៖ ក្រុមកីឡាការិនីវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ និងក្រុម ស.ស.យ.ក ស្អាងយើងស្អាត បានទទួល ៣ពិន្ទុពេញរៀងៗខ្លួនពីការប្រកួតដំបូងក្នុងពូល A នៃព្រឹត្តិការណ៍បាល់ទាត់ Soccer League លើកទី៦ ឆ្នាំ២០២៣ លើវិញ្ញាសាបាល់ទាត់នារីកាលពីថ្ងៃទី០៩ ខែមករា។សម្រាប់ក្រុមបាល់ទាត់នារីវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ គឺបានយកឈ្នះក្រុមបាល់ទាត់នារីសេនាអង្គរដោយលទ្ធផល ៣-០ មុនពេលក្រុម ស.ស.យ.ក ស្អាងយើងស្អាត បានយកឈ្នះក្រុម ស.ស.យ.ក ខេត្តកោះកុង ដោយលទ្ធផល ១០-០ នៅទីលានវិទ្យាស្ថានជាតិអប់រំកាយ និងកីឡាដូចគ្នា។ លទ្ធផលនេះបានធ្វើឲ្យបេក្ខភាព ៣ក្រុមក្នុងពូល A រកបាន ៣ពិន្ទុស្មើគ្នាក្នុងចំណោម ៥ក្រុម រួមមានក្រុមវិទ្យាល័យសម្ដេច ហ៊ុន សែន-ប៊ុន រ៉ានី ច្បារអំពៅ, ក្រុម ស.ស.យ.ក ស្អាងយើងស្អាត និងក្រុម ស.ស.យ.ក ខេត្តព្រៃវែងដែលបានយកឈ្នះក្រុមបាល់ទាត់នារីសេនាអង្គរ ៣-០ កាលពីថ្ងៃបើកឆាកកន្លងទៅ។គួរដឹងថា សម្រាប់ព្រឹត្តិការណ៍ Soccer League លើកទី៦ ឆ្នាំ២០២៣ គឺមានទាំងវិញ្ញាសាបាល់ទាត់បុរស និងនារី។ ចំពោះវិញ្ញាសាបាល់ទាត់នារីមាន ១០ក្រុមចូលរួម និងបែងចែកជា ២ពូលដើម្បីធ្វើការប្រកួតសន្សំពិន្ទុ ហើយក្រុមានពិន្ទុខ្ពស់ជាងគេ ២ក្រុមនៃពូលនីមួយៗ នឹងបានឡើងវគ្គពាក់កណ្ដាលផ្ដាច់ព្រ័ត្រ។ រីឯបេក្ខភាព ៥ក្រុមនៅពូល B គឺមានក្រុសម្រស់ចំការលើ, ក្លិបភ្នំពេញក្រោន, ក្រុមសុភីណាអេហ្វស៊ី, ក្រុមស្ទាំងភ្លើងក្មេងវត្តក្ដីចាស់ និងក្រុម Khemara Chey៕ អត្ថបទ៖ លី ឈុនឡា

ខេត្តកណ្តាលរៀបចំការប្រកួតកីឡាអបអរទិវាជ័យជម្នះ ៧មករា ទទួលបានការគាំទ្រខ្លាំងពីមហាជន

កណ្ដាល៖ ការប្រកួតកីឡាអបអរទិវាថ្ងៃជ័យជម្នះ ៧មករា ទទួលបានការគាំទ្រខ្លាំងពីមហាជនដែលបានចូលរួម ក្រោយដំណើការប្រកួតតាំងពីថ្ងៃទី៥ នឹងបានធ្វើពិធីបិទនាល្ងាចថ្ងៃទី៩ ខែមករា ឆ្នាំ២០២៣ នៅទីលានបាល់ទាត់ក្រុងតាខ្មៅ ខេត្តកណ្តាល។ បើតាមរបាយការណ៍របស់គណៈកម្មាធិការរៀបចំការប្រកួតបានឲ្យដឹងថា ដោយទទួលបានការអនុញ្ញាតពីឯកឧត្តមអភិបាលនៃគណៈអភិបាលខេត្តកណ្តាល មន្ទីរអប់រំយុវជន និងកីឡាខេត្តបានរៀបចំការប្រកួតកីឡាប៉េតង់ និងកីឡាបាល់ទាត់អបអរសាទរខួបអនុស្សាវរីយ៍លើកទី៤៤ ទិវាជ័យជម្នះ ៧មករា ឆ្នាំ១៩៧៩ - ២០២៣ ដែលកម្មវិធីប្រកួតជាផ្លូវចាប់ផ្ដើមពីថ្ងៃទី៥ ដល់ថ្ងៃទី៩ ខែមករា ឆ្នាំ២០២៣ ដោយមានក្រុមបានដាក់ពាក្យចូលរួមប្រកួតរួមមាន៖ កីឡាបាល់ទាត់មានចំនួន ១៤ក្រុមស្មើនឹង ២៨០នាក់ កីឡាប៉េតង់មានចំនួន ២៨ក្រុមស្មើនឹង ១១២នាក់ ស្រី ២០នាក់។ ក្នុងនោះការប្រកួតកីឡាប៉េតង់ចែកចេញជាបីវិញ្ញាសារួមមាន៖ វិញ្ញាសាវ័យចាស់ វិញ្ញាសាយុវជន និងវិញ្ញាសានារី ដោយបានធ្វើការប្រកួត ១នាក់ទល់ ១នាក់ និង ៣នាក់ទល់ ៣នាក់។ ក្នុងឱកាសនោះលោក ប៊ុន ផេង អភិបាលរងនៃគណៈអភិបាលខេត្តកណ្តាលបានមានប្រសាសន៍ថា ការប្រកួតនេះ រៀបចំឡើងក្នុងគោលបំណងអបអរសាទរថ្ងៃជ័យជម្នះ ដ៏ធំធេងក្នុងប្រវត្តិសាស្ត្រកម្ពុជា ដែលបានរំដោះប្រជាជនកម្ពុជាចេញពីរណ្ដៅឈាម និងទឹកភ្នែក និងដើម្បីបន្តផ្សព្វផ្សាយដល់យុវជនជំនាន់ក្រោយ ដែលមិនបានឆ្លងកាត់របបវាលពិឃាតនេះបានយល់ដឹងកាន់តែច្បាស់ នូវអនុស្សាវរីយ៍ដ៏ជូរចត់ដែលប្រជាជនកម្ពុជាពិតជាមិនអាចបំភ្លេចបាន នូវស្នាមអតីតកាលក្រោមរបបប្រល័យពូជសាសន៍របស់ពួក ប៉ុល ពត ដ៏ឃោរឃៅយង់ឃ្នងបំផុតដែលមិនធ្លាប់មានក្នុងប្រវត្តិសាស្ត្រមនុស្សជាតិ។ តាមរយៈការប្រកួតនេះ លោកអភិបាលរងយល់ឃើញថា កីឡាករ កីឡាការិនីទាំងអស់បានបង្ហាញនូវបច្ចេកទេសដ៏ប៉ិនប្រសប់របស់ខ្លួន ដើម្បីយកជ័យជម្នះជូនក្រុម ជាពិសេសការចូលរួមប្រកួតនេះបានបង្ហាញស្មារតីគោរពស្រឡាញ់ ថ្ងៃ៧មករា ដែលជាថ្ងៃកំណើតទី២ របស់យើងទាំងអស់គ្នា ដោយតែងតែចូលរួមក្នុងកម្មវិធីប្រកួតអបអរនេះជារៀងរាល់ឆ្នាំ។ ចំពោះលទ្ធផលផ្នែកប៉េតង់នារី វិញ្ញាសា ១ទល់១នាក់ ចំណាត់ថ្នាក់លេខ១ បានលើកីឡាការិនី គិន កញ្ញជនា មកពីក្លិបព្រែកហូរ, វិញ្ញាសា ៣ទល់៣នាក់ ចំណាត់ថ្នាក់លេខ១ បានលើក្លិបអមរៈ។ ផ្នែកយុវជន ១ទល់១នាក់ លេខ១ បានលើកីឡាករ សុខ តុលា មកពីក្លិបយុវជនក្រុងតាខ្មៅ១, ៣ទល់៣នាក់ លេខ១ បានលើក្លិបយុវជនក្រុងតាខ្មៅ១។ ផ្នែកវ័យចាស់ ១ទល់១នាក់ លេខ១ បានលើកីឡាករ យឹម សោភ័ណ ក្លិបក្រុងតាខ្មៅ, ៣ទល់៣នាក់ លេខ១ បានលើក្លិប អាកាសចរណ៍។ រីឯប្រភេទកីឡាបាល់ទាត់ចំណាត់ថ្នាក់លេខ១ បានលើក្រុមយុវជនខេត្តកណ្តាល៕

វៀតណាមយកឈ្នះឥណ្ឌូនេស៊ីឡើងវគ្គផ្តាច់ព្រ័ត្រជើងឯកអាស៊ីអាគ្នេយ៍លើកទី៤

បាល់ទាត់៖ ក្រុមបាល់ទាត់ជម្រើសជាតិវៀតណាមបានយកឈ្នះឥណ្ឌូនេស៊ី ២-០ នៅជើងទី២ វគ្គពាក់កណ្តាលផ្តាច់ព្រ័ត្រនៃពានរង្វាន់ AFF Mitsubishi Electric Cup 2022 ដែលមានការផ្សាយផ្ទាល់ពីទូរទស្សន៍ BTV យប់មិញ ដើម្បីឡើងវគ្គផ្តាច់ព្រ័ត្រជើងឯកអាស៊ីអាគ្នេយ៍នេះជាលើកទី៤។ បន្ទាប់ពីគ្មានគ្រាប់បញ្ចូលទី ០-០ កាលពីជើងទី១ នៅទីក្រុង Jakarta ប្រទេសឥណ្ឌូនេស៊ីសប្តាហ៍មុន វិលត្រលប់មកទឹកដីវៀតណាមវិញក្រុមម្ចាស់ផ្ទះត្រូវការពេលត្រឹម ៣នាទីប៉ុណ្ណោះដើម្បីរកគ្រាប់បាល់នាំមុខដែលធ្វើបានដោយ Nguyen Tien Linh។ ចូលវគ្គទី២ បានតែ ២នាទី Nguyen Tien Linh ដដែលរកបានគ្រាប់ទីពីររបស់ខ្លួនដែលជាការតែតបញ្ចូលទី។ ក្រុមភ្ញៀវឥណ្ឌូនេស៊ីបានបញ្ចប់ការប្រកួតដោយស៊ុតមិនចំគោលដៅសូម្បីមួយលើក។ វៀតណាមដែលជាជើងឯកអាស៊ីអាគ្នេយ៍ ២លើកនឹងត្រូវជួបជាមួយអ្នកឈ្នះរវាងថៃ រឺម៉ាឡេស៊ីដែលជួបគ្នាជើងទី២ រាត្រីនេះនៅទីក្រុងបាងកកបន្ទាប់ពីជើងទី១ ម៉ាឡេស៊ីយកឈ្នះ ១-០។ ការប្រកួតវគ្គពាក់កណ្តាលផ្តាច់ព្រ័ត្រជើងទី២ រវាងថៃ និងម៉ាឡេស៊ីរាត្រីនេះក៏នឹងមានការផ្សាយផ្ទាល់ពីទូរទស្សន៍ BTV ផងដែរនៅវេលាម៉ោង ៧ និង ៣០នាទីយប់នេះ៕អត្ថបទ៖នាង សុភាវុធ

កីឡាវ៉ូវីណាមប្រកាសរៀបចំព្រឹត្តិការណ៍ថ្មី ដើម្បីពង្រឹងយុវជនថ្នាលតាមបណ្ដាក្លិបនានា

វ៉ូវីណាម៖ សហព័ន្ធកីឡាវ៉ូវីណាមកម្ពុជាបានប្រកាសរៀបចំព្រឹត្តិការណ៍ថ្មីមួយ គឺការប្រកួតកីឡាវ៉ូវីណាមជ្រើសរើសជើងឯកយុវជន គិរីសួគ៌ ឆ្នាំ២០២៣ ដើម្បីជំរុញការអភិវឌ្ឍ និងពង្រឹងយុវជនថ្នាលតាមបណ្ដាក្លិបនានា។ យោងតាមសេចក្ដីជូនដំណឹងរបស់សហព័ន្ធ ព្រឹត្តិការណ៍នេះនឹងប្រព្រឹត្តទៅនាថ្ងៃទី១៩ ខែមករា ឆ្នាំ២០២៣ ខាងមុខ នៅអគារបាល់បោះនៃមជ្ឈមណ្ឌលជាតិហ្វឹកហ្វឺនកីឡាក្នុងពហុកីឡដ្ឋានជាតិ។ សម្រាប់វិញ្ញាសាប្រកួតរួមមានវិញ្ញាសាសម្ដែង និងមេគុនអាយុក្រោម ១៦ឆ្នាំបុរស និងនារី និងវិញ្ញាសាប្រយុទ្ធអាយុក្រោម ១៦ឆ្នាំ។ ចំពោះគោលបំណងនៃការប្រកួតជើងឯកយុវជននេះ គឺដើម្បីពង្រឹងសមត្ថភាពយុវជនថ្នាលដែលកំពុងហ្វឹកហាត់នៅតាមក្លិបនានា និងដើម្បីចូលរួមផ្សព្វផ្សាយពីព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នៅកម្ពុជា ក្រោមកិច្ចសហការរៀបចំរវាងសហព័ន្ធជាមួយកសិដ្ឋានគិរីសួគ៌។ សម្រាប់ការចុះឈ្មោះចូលរួមប្រកួត ចាប់ផ្ដើមទទួលពាក្យពីថ្ងៃជូនដំណឹងនេះរហូតដល់ថ្ងៃទី១៥ ខែមករាខាងមុខទើបបញ្ចប់ នៅទីស្នាក់ការសហព័ន្ធកីឡាវ៉ូវីណាមកម្ពុជា នៅអគារមជ្ឈមណ្ឌលជាតិហ្វឹកហ្វឺនកីឡាក្នុងពហុកីឡដ្ឋានជាតិ មុនកិច្ចប្រជុំចាប់ឆ្នោតនាថ្ងៃទី១៨ ខែមករាខាងមុខ៕អត្ថបទ៖ លី ឈុនឡា

ក្រុមសាកលវិទ្យាល័យ ២ រកបាន ៣ពិន្ទុដូចគ្នាក្នុងប្រកួតដំបូងនៃពាន Soccer League 2023

បាល់ទាត់៖ ក្រុមបាល់ទាត់សាកលវិទ្យាល័យចំនួន ២ រួមមានសាកលវិទ្យាល័យកម្ពុជា និងសាកលវិទ្យាល័យភូមិន្ទកសិកម្ម បានទទួលជ័យជម្នះរៀងៗខ្លួនក្នុងជំនួបបើកឆាកពូល F នៃព្រឹត្តិការណ៍បាល់ទាត់ Soccer League លើកទី៦ ឆ្នាំ២០២៣ លើវិញ្ញាសាបាល់ទាត់បុរសកាលពីថ្ងៃទី០៩ ខែមករា។ ប្រកួតនៅទីលានវិទ្យាល័យបឹងត្របែក ក្រុមបាល់ទាត់សាកលវិទ្យាល័យកម្ពុជាបានយកឈ្នះក្រុមយុវជនអ្នកតាវាំង ដោយលទ្ធផល ៣-១ គ្រាដែលសាកលវិទ្យាល័យភូមិន្ទកសិកម្ម បានយកឈ្នះក្រុមយុវជនស្រលាញ់សន្ដិភាពដោយលទ្ធផល ២-១ ដែលធ្វើឲ្យក្រុមទាំងពីរទទួលបាន ៣ពិន្ទុពេញដូចគ្នា។ ក្រៅពីការប្រកួតពូល F នេះក៏មាន ៣ពូលផ្សេងទៀតបានចាប់ផ្ដើមការប្រកួតដំបូងរបស់ខ្លួនដែរ ក្នុងនោះមានតែ ១ប្រកួតប៉ុណ្ណោះដែលបញ្ចប់ដោយលទ្ធផលស្មើគ្នា គឺក្រុម Khmer United ស្មើក្រុមសុភីណាអេហ្វស៊ី ០-០ ក្នុងពូល H ស្របពេលក្រុម ស.ស.យ.ក ស្រុកមុខកំពូល បានយកឈ្នះក្រុមមិត្តកីឡា ៥-១ ក្នុងពូលជាមួយគ្នា។ រីឯកពូល E វិញ ក្រុមឈើពណ៌ អេហ្វស៊ី យកឈ្នះក្រុម AM ENG FC ៥-១ និងក្រុម ស.ស.យ.ក ខណ្ឌពោធិ៍សែនជ័យ យកឈ្នះក្រុម Chamkamorn Lion FC ២-០។ ចំណែកពូល G ក្រុមយុវជនវត្តវារិន្ទព្រែកលាប យកឈ្នះក្រុមអគ្គនាយកដ្ឋានរតនាគារជាតិ ២-០ និងក្រុម Avatar យកឈ្នះក្រុមយុវជនអាយុក្រោម ១៨ឆ្នាំ ISI ដង្កោសែនជ័យ ៤-០៕ អត្ថបទ៖ លី ឈុនឡា

Naomi Osaka ដកខ្លួនពី Australian Open ដោយមិនដឹងមូលហេតុ

វាយកូនបាល់៖ ជើងឯក Grand Slam, Australian Open ពីរលើក Naomi Osaka បានដកខ្លួនចេញពីការប្រកួត Grand Slam ដើមឆ្នាំនៅអូស្ត្រាលី មួយសប្តាហ៍មុនព្រឹត្តិការណ៍ចាប់ផ្តើមដោយមិនដឹងមូលហេតុ។ នេះជាដំណឹងអាក្រក់មួយទៀតសម្រាប់ Australian Open ដែលអវត្តមានតារាវាយកូនបាល់សំខាន់ៗ បន្ទាប់ពីកីឡាករលេខ ១ ពិភពលោក Carlos Alcaraz ក៏បានដកខ្លួនផងដែរដោយសាររបួសជើងស្តាំ។ ជើងឯក Australian Open ឆ្នាំ២០១៩ និង ២០២១ Naomi Osaka មិនទាន់បានចូលលេងការប្រកួតណាមួយឡើយ តាំងពីដកខ្លួនពីការប្រកួតនៅកម្មវិធី Tokyo Open កាលពីខែកញ្ញា និងបានធ្លាក់ចំណាត់ថ្នាក់ពិភពលោកដល់លេខ ៤២។ ជើងឯក Grand Slam ៤លើក Naomi Osaka ធ្លាប់លើកឡើងពីបញ្ហាផ្លូវចិត្តកាលពីឆ្នាំ២០២២ និងបានបរាជ័យត្រឹមជុំទី១ នៅ French Open និង US Open ហើយក៏បានដកខ្លួនមិនចូលរួម Wimbledon ផងដែរដោយសាររបួស។ បើតាមគណនីនៅបណ្តាញសង្គមរបស់ Naomi Osaka គេឃើញកីឡាការិនីជប៉ុនរូបនេះបានធ្វើដំណើរកម្សាន្តនៅអឺរ៉ុប ជាមួយនឹងមិត្តប្រុសដែលជាតារារ៉េប Cordae៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សហភាពអឺរ៉ុបកោះប្រជុំបន្ទាន់ ដើម្បីពិភាក្សាស្ដីពីវិបត្តិជនអន្តោប្រវេសន៍ពីម៉ារ៉ុកចូលទីក្រុង Ceuta របស់អេស្ប៉ាញ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

នាយករដ្ឋមន្ត្រីកាតា និងមេដឹកនាំក្រុមហាម៉ាស ពិភាក្សាតាមទូរស័ព្ទអំពីការអនុវត្តបទឈប់បាញ់នៅតំបន់ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ផ្លូវការលោក Roberto Martinez ត្រូវតែងតាំងជាគ្រូបង្វឹកក្រុមជម្រើសជាតិព័រទុយហ្កាល់

Hugo Lloris ប្រកាសចូលនិវត្តន៍ពីក្រុមជម្រើសជាតិបារាំងក្នុងវ័យ ៣៦ឆ្នាំ

Gareth Bale ប្រកាសចូលនិវត្តន៍ពីអាជីពកីឡាករបាល់ទាត់ត្រឹមវ័យ ៣៣ឆ្នាំ

Arsenal យកឈ្នះ Oxford ៣-០ ឡើងជួប Manchester City ជុំទី៤ FA Cup

Soccer League ផ្នែកនារី៖ ច្បារអំពៅ និងស្អាងយើងស្អាត រកបាន ៣ពិន្ទុពេញពីការប្រកួតដំបូងក្នុងពូល A

ខេត្តកណ្តាលរៀបចំការប្រកួតកីឡាអបអរទិវាជ័យជម្នះ ៧មករា ទទួលបានការគាំទ្រខ្លាំងពីមហាជន

វៀតណាមយកឈ្នះឥណ្ឌូនេស៊ីឡើងវគ្គផ្តាច់ព្រ័ត្រជើងឯកអាស៊ីអាគ្នេយ៍លើកទី៤

កីឡាវ៉ូវីណាមប្រកាសរៀបចំព្រឹត្តិការណ៍ថ្មី ដើម្បីពង្រឹងយុវជនថ្នាលតាមបណ្ដាក្លិបនានា

ក្រុមសាកលវិទ្យាល័យ ២ រកបាន ៣ពិន្ទុដូចគ្នាក្នុងប្រកួតដំបូងនៃពាន Soccer League 2023

Naomi Osaka ដកខ្លួនពី Australian Open ដោយមិនដឹងមូលហេតុ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ផ្លូវការ​លោក Roberto Martinez ត្រូវ​តែងតាំង​ជា​គ្រូបង្វឹក​ក្រុម​ជម្រើសជាតិ​ព័រទុយហ្កាល់

Hugo Lloris ប្រកាស​ចូលនិវត្តន៍​ពី​ក្រុម​ជម្រើសជាតិ​បារាំង​ក្នុង​វ័យ ៣៦​ឆ្នាំ​

Gareth Bale ប្រកាស​ចូលនិវត្តន៍​ពី​អាជីព​កីឡាករ​បាល់ទាត់​ត្រឹម​វ័យ ៣៣​ឆ្នាំ

Arsenal យកឈ្នះ Oxford ៣-០ ឡើង​ជួប Manchester City ជុំ​ទី៤ FA Cup

Soccer League ​ផ្នែក​នារី​៖ ច្បារអំពៅ និង​ស្អាង​យើង​ស្អាត រកបាន ៣​ពិន្ទុ​ពេញ​ពី​ការប្រកួត​ដំបូង​ក្នុង​ពូ​ល ​A

ខេត្ត​កណ្តាល​រៀបចំ​ការប្រកួត​កីឡា​អបអរ​ទិវា​ជ័យ​ជម្នះ​ ៧​មករា ទទួលបាន​ការគាំទ្រ​ខ្លាំង​ពី​មហាជន​

វៀតណាម​យកឈ្នះ​ឥណ្ឌូនេស៊ី​ឡើង​វគ្គ​ផ្តាច់ព្រ័ត្រ​ជើងឯក​អាស៊ីអាគ្នេយ៍​លើក​ទី​៤

កីឡា​វ៉ូ​វី​ណា​ម​ប្រកាស​រៀបចំ​ព្រឹត្តិការណ៍​ថ្មី ដើម្បី​ពង្រឹង​យុវជន​ថ្នាល​តាម​បណ្ដា​ក្លិប​នានា​

ក្រុម​សាកលវិទ្យាល័យ ២ រកបាន ៣​ពិន្ទុ​ដូចគ្នាក្នុង​ប្រកួត​ដំបូងនៃ​ពាន​ Soccer League 2023

Naomi Osaka ដកខ្លួន​ពី Australian Open ដោយ​មិនដឹង​មូលហេតុ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ផ្លូវការលោក Roberto Martinez ត្រូវតែងតាំងជាគ្រូបង្វឹកក្រុមជម្រើសជាតិព័រទុយហ្កាល់

Hugo Lloris ប្រកាសចូលនិវត្តន៍ពីក្រុមជម្រើសជាតិបារាំងក្នុងវ័យ ៣៦ឆ្នាំ

Gareth Bale ប្រកាសចូលនិវត្តន៍ពីអាជីពកីឡាករបាល់ទាត់ត្រឹមវ័យ ៣៣ឆ្នាំ

Arsenal យកឈ្នះ Oxford ៣-០ ឡើងជួប Manchester City ជុំទី៤ FA Cup

Soccer League ផ្នែកនារី៖ ច្បារអំពៅ និងស្អាងយើងស្អាត រកបាន ៣ពិន្ទុពេញពីការប្រកួតដំបូងក្នុងពូល A

ខេត្តកណ្តាលរៀបចំការប្រកួតកីឡាអបអរទិវាជ័យជម្នះ ៧មករា ទទួលបានការគាំទ្រខ្លាំងពីមហាជន

វៀតណាមយកឈ្នះឥណ្ឌូនេស៊ីឡើងវគ្គផ្តាច់ព្រ័ត្រជើងឯកអាស៊ីអាគ្នេយ៍លើកទី៤

កីឡាវ៉ូវីណាមប្រកាសរៀបចំព្រឹត្តិការណ៍ថ្មី ដើម្បីពង្រឹងយុវជនថ្នាលតាមបណ្ដាក្លិបនានា

ក្រុមសាកលវិទ្យាល័យ ២ រកបាន ៣ពិន្ទុដូចគ្នាក្នុងប្រកួតដំបូងនៃពាន Soccer League 2023

Naomi Osaka ដកខ្លួនពី Australian Open ដោយមិនដឹងមូលហេតុ