BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Novak Djokovic គ្រងជើងឯក Adelaide International បន្តស្ថិតិឈ្នះ ៣៤ប្រកួតជាប់គ្នាលើទឹកដីអូស្ត្រាលី

វាយកូនបាល់៖ កីឡាករវាយកូនបាល់ស៊ែប Novak Djokovic បានគ្រងជើងឯកការប្រកួតកម្មវិធី Adelaide International ក្រោយយកឈ្នះកីឡាករអាមេរិក Sebastian Korda នៅវគ្គផ្តាច់ព្រ័ត្រដើម្បីបន្តស្ថិតិឈ្នះ ៣៤ប្រកួតជាប់គ្នានៅលើទឹកដីអូស្ត្រាលី។បន្ទាប់ពីចាញ់សិតដំបូង ៦-៧(៨-១០) Novak Djokovic បានយកឈ្នះពីរសិតផ្ទួន ៧-៦(៧-៣) និង ៦-៤។ កីឡាករលំដាប់លេខ៥ ពិភពលោក Djokovic នៅពេលនេះបានឈ្នះជើងឯកនៅក្នុងក្របខណ្ឌ ATP សរុប ៩២ពានហើយ តាមស្មើកំណត់ត្រារបស់ Rafael Nadal។ មានតែ Jimmy Connors, Roger Federer និង Ivan Landl ប៉ុណ្ណោះដែលឈ្នះច្រើនជាងនេះ។ Adelaide International គឺជាកម្មវិធីដំបូងដែល Djokovic ចូលរួមនៅលើទឹកដីអូស្ត្រាលី តាំងពីត្រូវបានបណ្តេញចេញពីទឹកដីអូស្ត្រាលីកាលពីដើមឆ្នាំមុន ដោយសារបញ្ហាវ៉ាក់សាំងកូវីដ-១៩។ Djokovic នឹងអាចបន្តស្ថិតិឈ្នះជាប់គ្នានៅលើទឹកដីអូស្ត្រាលីបន្ថែមទៀត នៅពេលចូលរួមការប្រកួត Grand Slam, Australian Open ដែលនឹងចាប់ផ្តើមនៅថ្ងៃទី១៦ ខាងមុខនេះ ហើយប្រសិនឈ្នះជើងឯក Australian Open គេនឹងតាមស្មើ Rafael Nadal ឈ្នះជើងឯក Grand Slam សរុប ២២លើកដូចគ្នា។ចំណែកការប្រកួតផ្នែកនារីវិញកីឡាការិនីបេឡារុស Aryna Sabalenka បានក្លាយជាជើងឯក និងពានរង្វាន់ទី ១១ ក្នុងអាជីព បន្ទាប់ពីយកឈ្នះកីឡាការិនីវ័យ ១៨ឆ្នាំ Linda Noskova នៅវគ្គផ្តាច់ព្រ័ត្រ។ ការប្រកួតពានរង្វាន់ផ្សេងទៀត កីឡាការិនីអាមេរិកលំដាប់លេខ ៧ ពិភពលោក Coco Gauff បានគ្រងជើងឯកពានរង្វាន់ ASB Classic នៅទីក្រុង Auckland ប្រទេសនូវែស៊ីឡង់ ក្រោយយកឈ្នះកីឡាការិនីអេស្ប៉ាញ Rebeca Masarova៕អត្ថបទ៖នាង សុភាវុធ

លោក Didier Deschamps បន្តកិច្ចសន្យាដឹកនាំក្រុមជម្រើសជាតិបារាំងដល់ឆ្នាំ២០២៦

បាល់ទាត់៖ បន្ទាប់ពីដឹកនាំក្រុមជម្រើសជាតិបារាំងឡើងវគ្គផ្តាច់ព្រ័ត្រ ២លើកជាប់គ្នាលោក Didier Deschamps បានទទួលកិច្ចសន្យាថ្មីដែលបន្តដឹកនាំក្រុមជើងឯករង World Cup 2022 រហូតដល់ឆ្នាំ២០២៦ នេះបើតាមសេចក្តីប្រកាសរបស់សហព័ន្ធបាល់ទាត់បារាំងចុងសប្តាហ៍កន្លងទៅ។ លោក Didier Deschamps ដែលជាម្ចាស់ជ័យលាភី World Cup ទាំងជាកីឡាករ និងគ្រូបង្វឹករូបនេះបានចូលកាន់តំណែងដឹកនាំក្រុមបារាំងតាំងពីខែកក្កដា ឆ្នាំ២០១២ និងបាននាំក្រុមបារាំងឈ្នះជើងឯកពិភពលោក ២០១៨ នៅរុស្ស៊ីនៅពេលយកឈ្នះក្រូអាស៊ីនៅវគ្គផ្តាច់ព្រ័ត្រ។ ក្រោមការដឹកនាំរបស់លោក Deschamps ក្រុមបារាំងស្ទើតែក្លាយជាក្រុមទីពីរដែលអាចការពារតំណែងជើងឯកបាល់ទាត់ពិភពលោកបានទៅហើយ តែបានត្រឹមបរាជ័យនៅវគ្គផ្តាច់ព្រ័ត្រក្រោមស្នាដៃអាហ្សង់ទីនដោយបាល់ ១១ម៉ែត្រកាត់សេចក្តី។ អាហ្សង់ទីនបានគ្រងជើងឯកពិភពលោកលើកទី៣ ក្នុងប្រវត្តិសាស្ត្រដោយគ្រាប់របស់ Lionel Messi ២គ្រាប់ ខណៈបារាំង Kylian Mbappe ធ្វើបាន Hat-Trick តែបារាំងមិនអាចឈ្នះពានបាន។ សហព័ន្ធបាល់ទាត់បារាំងបញ្ជាក់ទៀតថា ដៃស្តាំរបស់លោក Deschamps គឺជំនួយការ Guy Stephan គ្រូបង្វឹកអ្នកចាំទី Franck Raviot និងគ្រូកាយសម្បទា Cyril Moine សុទ្ធតែបន្តកិច្ចសន្យាដូចគ្នា។ រំលឹកថា ១៣៩ប្រកួតក្រោមការដឹកនាំរបស់លោក Deschamps បារាំងឈ្នះសរុប ៨៩ប្រកួតស្មើ២៨ និងចាញ់តែ ២២ប្រកួតប៉ុណ្ណោះ ស៊ុតបញ្ចូលទីគូប្រកួតសរុប ២៧៩គ្រាប់ របូតគ្រាប់បាល់ ១១៩គ្រាប់៕អត្ថបទ៖នាង សុភាវុធ

សសយក ដំរីអង្គរ បើកការប្រកួតរកបានបីពិន្ទុ និងលទ្ធផលផ្សេងទៀតការប្រកួត Soccer League

បាល់ទាត់៖ ការប្រកួតកីឡាបាល់ទាត់ពានរង្វាន់ Soccer League លើកទី៦ ឆ្នាំ២០២៣ វិញ្ញាសាបាល់ទាត់បុរសបានដំណើរការប្រកួតហើយ ថ្ងៃទី៨ ខែមករា ឆ្នាំ២០២៣ ដោយចាប់ផ្តើមលេងពីពូល A ដល់ពូល D នៅទីលានបាល់ទាត់បួនផ្សេងគ្នាក្នុងរាជធានីភ្នំពេញ។នៅទីលានបាល់ទាត់វិទ្យាល័យបឹងកេងកង ពូល D ក្រុមបាល់ទាត សសយក ដំរីអង្គរ បានយកឈ្នះក្រុមបាល់ទាត់ដៃឯកច្រាំងចំរេះ ២ ក្នុងលទ្ធផល ៣ទល់នឹង១ ចំនែកក្រុមកីឡាបាល់ទាត់តំបន់សេដ្ឋកិច្ចពិសេស (United SEZ) ចាញ់ សសយក ខេត្តកោះកុង ២ទល់នឹង៣។ ប្រកួតបន្ទាប់ក្នុងពូល D នេះថ្ងៃទី១២ ខែមករា ក្រុមបាល់ទាត់ដៃឯកច្រាំងចំរេះ២ ប្រកួតជាមួយក្រុមកីឡាបាល់ទាត់តំបន់សេដ្ឋកិច្ចពិសេស (United SEZ) ឯ សសយក ខេត្តកោះកុងជួបជាមួយ សសយក ដំរីអង្គរ។ ថ្ងៃជាមួយគ្នានេះដែរក្នុងពូល B ដែលលេងនៅទីលានបាល់ទាត់វិទ្យាល័យបឹងត្របែក សម្ព័ន្ធយុវជនមុស្លីមកម្ពុជា ឈ្នះក្រុមមិត្តចាស់កីឡា ៣ទល់នឹង០ ចំនែកឯ Royal Bassac FC ចាញ់សាលាបាល់ទាត់ពស់កេងកង ១ទល់នឹង៣។ ពូល B ប្រកួតបន្ទាប់ថ្ងៃទី១២ ខែមករា មិត្តចាស់ជួប Royal Bassac FC ឯសាលាបាល់ទាត់ពស់កេងកងប្រកួតជាមួយសម្ព័ន្ធយុវជនមុស្លីមកម្ពុជា។ចំនែកលទ្ធផលផ្សេងទៀតពូល A លេងនៅសកលវិទ្យាល័យអាមេរិកាំង ភ្នំពេញ សសយក ស្រុកកៀនស្វាយ ឈ្នះក្លិបសិក្សាភាសាបរទេស ៦ទល០ និងស៊ីយ៉ាប៊្រេន ឈ្នះរាជសីហ៍ខេត្តកំពត ៣ទល់០។ ពូល C លេងនៅវិទ្យាស្ថានពាណិជ្ជសាស្ត្រអេស៊ីលីដា អាល់អាលី ចាញ់ហនុមានអគ្គលេខាធិការដ្ឋានក្រសួងការពារពារជាតិ ០ទល៣ និងសម្ព័ន្ធសិស្ស និស្សិតជំនីក ឈ្នះ សសយក ស្រុកពញាឮ ២ទល់នឹង១។ រសៀលនេះការប្រកួតមាន ៤ពូលទៀតសម្រាប់បាល់ទាត់បុរសដោយដំណើរការពីពូល E ដល់ពូល H។ សូមជម្រាបជូនថា ការប្រកួតបាល់ទាត់ពានរង្វាន់ Soccer League លើកទី៦ ២០២៣ នឹងបញ្ចប់នៅថ្ងៃទី១១ ខែកុម្ភៈ ឆ្នាំ២០២៣៕

ក្រុមបាល់ទាត់នារី សសយក ខេត្តព្រៃវែង បើកការប្រកួតរកបានបីពិន្ទុ ចំនែកពីរប្រកួតទៀតសុទ្ធតែស្មើក្នុងការប្រកួតពានរង្វាន់ Soccer League

បាល់ទាត់៖ ការប្រកួតបាល់ទាត់នារីក្នុងព្រឹត្តិការណ៍បាល់ទាត់ពានរង្វាន់ Soccer League ឆ្នាំ២០២៣ ផ្តើមប្រកួតក្នុងពូល B បន្តទៀត បន្ទាប់ពីមួយប្រកួតដំបូងក្នុងពូល A ដែល សសយក ខេត្តព្រៃវែង បានយកឈ្នះសេនាអង្គរ អេហ្វស៊ី ៣ទល់នឹង០ ថ្ងៃបើកការប្រកួតផ្លូវការ។ប្រកួតថ្ងៃទី៨ ខែមករា ឆ្នាំ២០២៣ ក្នុងពូល B ក្រុមបាល់ទាត់ សុភីណា អេហ្វស៊ី តាមពីក្រោយយកស្មើ ភ្នំពេញក្រោន ១ទល់នឹង១ ខណៈដែល ខេមរាជ័យ ត្រឹមស្មើ ២ទល់នឹង២ ជាមួយស្ទាំងភ្លើងក្មេងវត្តក្តីចាស់ នៅទីលានបាល់ទាត់វិទ្យាស្ថានជាតិអប់រំកាយ និងកីឡា (NIPEC)។ ការប្រកួតរសៀលនេះពូល A វិទ្យាល័យសម្តេចហ៊ុន សែន ប៊ុនរ៉ានី ច្បារអំពៅ ប្រកួតជាមួយសេនាអង្គរ និង សសយក ស្អាងយើងស្អាត ប្រកួតជាមួយ សសយក ខេត្តកោះកុង។ ចំនែកថ្ងៃទី១០ ខែមករាស្អែកពូល B ស្ទាំងភ្លើងក្មេងវត្តក្តីចាស់ ប្រកួតជាមួយសម្រស់ចម្ការលើ និងខេមរាជ័យប្រកួតជាមួយ សុភីណាអេហ្វស៊ី។ បាល់ទាត់នារីក្នុងព្រឹត្តិការណ៍ Soccer League និងបញ្ចប់នៅថ្ងៃទី៧ ខែកុម្ភៈ ឆ្នាំ២០២៣ ខាងមុខ៕

Ronaldo នឹងអាចចូលលេងប្រកួតដំបូងឲ្យ Al Nassr បាននៅថ្ងៃទី២២ ខែមករា

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo នឹងអាចបង្ហាញខ្លួនប្រកួតដំបូងឱ្យក្លិបអារ៉ាប៊ីសាអ៊ូឌីតបាននៅថ្ងៃទី២២ ខែមករាខាងមុខនេះ បន្ទាប់ពីក្លិប Al Nassr ចុះឈ្មោះកីឡាករវ័យ ៣៧ឆ្នាំរូបនេះរួចរាល់ នេះបើតាមប្រភពព័ត៌មានពីមន្ត្រីក្លិបប្រាប់សារព័ត៌មាន AFP។ Ronaldo បានបង្ហាញខ្លួនផ្លូវការនៅចំពោះអ្នកគាំទ្រ Al Nassr ប្រមាណ ២៥០០០នាក់កាលពីសប្តាហ៍មុន តែមិនទាន់អាចចុះបញ្ជីក្រុមនៅលីគអារ៉ាប៊ីសាអ៊ូឌីតបាន ដោយសារក្លិបលើសចំនួនកីឡាករបរទេសកំណត់។ Ronaldo ដែលមានប្រាក់ឈ្នួលប្រមាណ ២០០ដុល្លារក្នុងមួយឆ្នាំគឺជាកីឡាករបរទេសទី៩ របស់ Al Nassr ដែលនេះជាចំនួនលើសពីការកំណត់របស់សហព័ន្ធបាល់ទាត់អារ៉ាប៊ីសាអ៊ូឌីត ដែលអនុញ្ញាតត្រឹម ៨នាក់។ ខ្សែប្រយុទ្ធកាមេរូន Vincent Aboubakar ត្រូវបានគេដឹងថានឹងជាកីឡាករបរទេសដែលចាកចេញ ដើម្បីបើកផ្លូវឱ្យអតីតខ្សែប្រយុទ្ធ Manchester United ចុះបញ្ជីឈ្មោះបានជាផ្លូវការនៅលីគអារ៉ាប៊ីសាអ៊ូឌីត។ ជាមួយគ្នានោះដែរអតីតខ្សែប្រយុទ្ធ Porto, Vincent Aboubakar ត្រូវបានគេដឹងថា ព្រមព្រៀងផ្ទេរទៅកាន់ក្លិបបិសាចក្រហម Manchester United ផងដែរ។ ថ្ងៃទី២២ ខែមករាខាងមុខ Al Nassr នឹងត្រូវជួបជាមួយ Ettifag ក្នុងទឹកដីរបស់ខ្លួនដែលមានន័យថា Ronaldo អវត្តមានពីរប្រកួតនៅ Al Nassr តាមរយៈបណ្តឹងរបស់ FA អង់គ្លេសដែលពិន័យកីឡាករវ័យ ៣៧ឆ្នាំរូបនេះដែលបានបោកទូរស័ព្ទដៃរបស់អ្នកគាំទ្រ អំឡុងការប្រកួតរបស់ Manchester United ទល់នឹង Everton៕អត្ថបទ៖នាង សុភាវុធ

អគ្គលេខាធិការដ្ឋានព្រឹទ្ធសភា និងក្រសួងមុខងារសាធារណៈសុទ្ធតែឈ្នះដូចគ្នាថ្ងៃបើកឆាកការប្រកួតពូល E

បាល់ទាត់៖ ការប្រកួតបាល់ទាត់ពានរង្វាន់មិត្តភាពយុវជនអន្តរក្រសួង ស្ថាប័ន ឈានដល់ថ្ងៃប្រកួតទី៥ ហើយ ដោយក្នុងនោះជាការប្រកួតដំបូងក្នុងពូល E បន្ទាប់ពូល A ដល់ពូល D បញ្ចប់មួយប្រកួតម្នាក់ហើយនោះនៅទីលានបាល់ទាត់ Blue Sport។ ការប្រកួតល្ងាចថ្ងៃទី៨ ខែមករា ឆ្នាំ២០២៣ ក្រុមបាល់ទាត់អាជ្ញាធរសវនកម្មជាតិ (អាវពណ៌លឿង) ចាញ់ក្រុមក្រសួងមុខងារសាធារណៈ ២ទល់នឹង៨។ ជំនួបនេះកីឡាករ ឈឿង វណ្ណឌី ស៊ុតបញ្ចូលទី ៦គ្រាប់តែឯងនៅនាទីទី២៤, ២៧, ៣០, ៣៣, ៣៧ និងនាទីទី៤៤ ចំនែកពីរគ្រាប់ទៀតធ្វើបានសម្រេចដោយកីឡាករ ហោ ស៊ីណាត នៅនាទីទី២៩ និងមួយគ្រាប់ទៀតដោយកីឡាករ ម៉ុន ប៊ុនថេង នាទីទី៧០។ ឯពីរគ្រាប់របស់អាជ្ញាធរសវនកម្ពុជាកើតឡើដោយកីឡាករ ប៉ា សុផារ័ត្ន នាទីទី៣៨ និងកីឡាករ ងី វណ្ណឌី នាទីទី៦១។ ថ្ងៃជាមួយគ្នានេះដែរ ក្រុមបាល់ទាត់អគ្គលេខាធិការដ្ឋានព្រឹទ្ធសភាឯកសណ្ឋានពណ៌បៃតង បានយកឈ្នះក្រុមបាល់ទាត់ក្រសួងផែនការក្នុងលទ្ធផល ៤ទល់នឹង០។ លេងបាន ៩នាទីកីឡាករ លឹម សុគន្ធា តែតបញ្ចូលទីឱ្យអគ្គលេខាធិការដ្ឋានព្រឹទ្ធសភានាំមុខគូប្រកួត ១ទល់នឹង០។ បន្ទាប់មកនាទីទី៣០ កីឡាករ ប៊ុន សាន បន្ថែមមួយគ្រាប់ទៀត មុនពេលកីឡាករ ឆាយ ស៊ុនហាវ និង សុខ វិសាល ថែមម្នាក់មួយគ្រាប់ឱ្យក្រុមឈ្នះ ៤ទល់០។តាមរយៈលទ្ធផលនេះ ក្រសួងមុខងារសាធារណៈឈរនៅលេខ១ មាន ៣ពិន្ទុដូចគ្នានឹងក្រុមលេខ២ អគ្គលេខាធិការដ្ឋានព្រឹទ្ធសភា។ ប្រកួតបន្ទាប់ក្នុងពូល E នេះធ្វើនៅថ្ងៃទី២៩ ខែមករា ដោយក្រុមក្រសួងផែនការប្រកួតជាមួយក្រសួងមុខងារសាធារណៈ និងអាជ្ញាធរសវនកម្មជាតិប្រកួតជាមួយអគ្គលេខាធិការដ្ឋានព្រឹទ្ធសភា។ ប្រកួតថ្ងៃទី១០ ខែមករា ឆ្នាំ២០២៣ នេះពូល F សាលាដំបូងរាជធានីភ្នំពេញប្រកួតជាមួយគណៈមេធាវីនៃព្រះរាជាណាចក្រកម្ពុជា ចំណែកពូលជាមួយគ្នាថ្ងៃទី១២ ខែមការា ធនាគារជាតិនៃកម្ពុជាប្រកួតជាមួយក្រសួងរៀបចំដែនដី នគរូបនីយកម្ម និងសំណង់។ ថ្ងៃទី១៤ ខែមករា ពូល G ក្រសួងវប្បធម៌ និងវិចិត្រសិល្បៈប្រកួតជាមួយក្រសួងធម្មការ និងសាសនា និងពូល H ទីស្តីការគណៈរដ្ឋមន្ត្រីប្រកួតជាមួយក្រសួងការបរទេស និងសហប្រតិបត្តិការអន្តរជាតិ៕

ជើងឯកទូកក្ដោងថ្នាក់ជាតិពង្រឹងទាំងសមត្ថភាពកីឡាករ និងមន្ដ្រីបច្ចេកទេស

ទូកក្ដោង៖ សហព័ន្ធកីឡាទូកក្ដោងកម្ពុជាបានបញ្ចប់ការប្រកួតជ្រើសរើសជើងឯកថ្នាក់ជាតិឆ្នាំ២០២២ ដោយជោគជ័យ ក្រោយដំណើការប្រកួតរយៈពេល ៣ថ្ងៃកាលពីថ្ងៃទី០៥ ដល់ថ្ងៃទី០៧ ខែមករាចុងសប្ដាហ៍កន្លងទៅនៅឆ្នេររាម ខេត្តព្រះសីហនុ ដែលផ្ដោតសំខាន់ទាំងលើការពង្រឹងសមត្ថភាពកីឡាករ និងមន្ដ្រីបច្ចេកទេសរៀបចំការប្រកួត។ លោក សោម សុទ្ធរិទ្ធិពង្ស អគ្គលេខាធិការសហព័ន្ធបានឲ្យដឹងថា ការប្រកួតនេះគឺជាការប្រកួតដ៏មានសារៈសំខាន់មួយសម្រាប់ការបន្តកសាងសមត្ថភាព គុណភាព ទេពកោសល្យ និងវិជ្ជាជីវៈរបស់កីឡាករ-កីឡាការិនី ពិសេសគឺការវាស់ស្ទង់សមត្ថភាពរបស់មន្ត្រីបច្ចេកទេស អាជ្ញាកណ្ដាល-ចៅក្រមរបស់សហព័ន្ធក្រោមការជួយគាំទ្ររបស់ក្រសួងអប់រំ យុវជន និងកីឡា ដើម្បីជំរុញអភិវឌ្ឍន៍វិស័យកីឡាទូកក្ដោងនៅកម្ពុជា ក្នុងការត្រៀមខ្លួនរួចជាស្រេចឆ្ពោះទៅការប្រកួតកីឡាស៊ីហ្គេមលើកទី៣២ ឆ្នាំ២០២៣ នាពេលឆាប់ៗខាងមុខ។ សម្រាប់ការប្រកួតជើងឯកថ្នាក់ជាតិរយៈពេល ៣ថ្ងៃនេះមានកីឡាករ-កីឡាការិនី ២៧រូបចូលរួមដែលប្រកួតលើ ៦វិញ្ញាសា។ ជាលទ្ធផលក្រោយឆ្លងកាត់ការប្រកួតដ៏ស្វិតស្វាញលើផ្ទៃទឹកគឺកីឡាករ កែវ ភារុណ ជាប់លេខ១ លើវិញ្ញាសា Windsurfing Open, កីឡាករ គង់ សំរេង ជាប់លេខ១ លើវិញ្ញាសា Windsurfing Techno Open, កីឡាករ ញ៉ូវ ចាន់ ជាប់លេខ១ លើវិញ្ញាសា ILCA Open, កីឡាករ ចាន់ សុខវាសនា ជាប់លេខ១ លើវិញ្ញាសា Byte Boat Open និងកីឡាករ ទិត សុវណ្ណា ជាប់លេខ១ លើវិញ្ញាសា Optimist Open៕អត្ថបទ៖ លី ឈុនឡា

Manchester City បំបាក់ Chelsea ៤-០ ឡើងជុំទី៤ FA Cup

បាល់ទាត់៖ ក្រុមជើងឯក ៦សម័យ Manchester City បានបន្តដំណើរឡើងជុំទី៤ នៃការប្រកួតពានរង្វាន់ FA Cup អង់គ្លេសក្រោយបំបាក់តោខៀវ Chelsea ៤-០ នៅ Etihad Stadium។ City កាលពីសប្តាហ៍មុនទៅយកឈ្នះ Chelsea ១-០ នៅ Stamford Bridge ក្របខណ្ឌ English Premier League តែជំនួបលើកនេះហាក់មិនមានការប្រកួតប្រជែងដូចមុន។ Riyad Mahrez បានបើកការនាំមុខមុនដោយបាល់ Freekick នៅនាទីទី២៣ មុនពេលដែល Julian Alvarez ស៊ុតបាល់ពិន័យ ១១ម៉ែត្រនៅនាទីទី៣០ ហើយ Phil Foden បន្ថែមមួយគ្រាប់ទៀតនាទីទី៣៨។ ចូលវគ្គទី២ ក៏មិនមានអ្វីប្រសើរឡើងសម្រាប់ Chelsea ដែរខណៈក្រុមរបស់លោក Pep Guardiola បានបន្ថែមមួយគ្រាប់ទៀតដោយបាល់ពិន័យ ១១ម៉ែត្ររបស់ Riyad Mahrez ដែលជាគ្រាប់ទីពីររបស់គេក្នុងការប្រកួតនេះ។ ជុំទី៤ Manchester City នឹងត្រូវជួបជាមួយគ្នាជាមួយកាំភ្លើងធំ Arsenal រឺ Oxford។ សម្រាប់លទ្ធផលចាប់ឆ្នោតផ្សេងទៀត Reading ដែលដឹកនាំដោយលោក Paul Ince នឹងត្រលប់ទៅកាន់ទឹកដី Old Trafford ជួបក្រុមបិសាចក្រហម Manchester United អតីតក្រុមដែលធ្លាប់ប្រកបអាជីពកីឡាករ។ ចំណែក Brighton នឹងត្រូវជួប Liverpool រឺ Wolves ដែលពីរក្រុមនេះត្រូវប្រកួតមួយជើងទៀតនៅទឹកដី Wolves បន្ទាប់ពីស្មើគ្នានៅទឹកដី Anfield ២-២៕អត្ថបទ៖នាង សុភាវុធ

ការប្រកួតបាល់ទះមិត្តភាព All Star បង្កប់អត្ថន័យសំខាន់ៗ ពិសេសអបអរទិវាជ័យជម្នះ ៧មករា

បាល់ទះ៖ សហព័ន្ធកីឡាបាល់ទះកម្ពុជាកាលពីចុងសប្ដាហ៍កន្លងទៅ បានរៀបចំព្រឹត្តិការណ៍ដ៏មានអត្ថន័យមួយគឺការប្រកួតកីឡាបាល់ទះមិត្តភាព Cambodia Volleyball All Star ដែលបង្កប់នូវអត្ថន័យសំខាន់ៗជាច្រើនទៀត ពិសេសដើម្បីអបអរសាទរខួបអនុស្សាវរីយ៍លើកទី៤៤ នៃទិវាជ័យជម្នះ ៧មករា នៅសាលបាល់ទះនៃកីឡដ្ឋានព្រីនស៍។ លោកបណ្ឌិត អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាបានឲ្យដឹងថា នេះជាលើកដំបូងហើយ ដែលសហព័ន្ធបានកៀគរតារាបាល់ទះស្ទើរទូទាំងប្រទេស ដើម្បីចូលរួមព្រឹត្តិការណ៍នេះក្នុងគោលបំណងទី១ ដើម្បីអបអរសាទរទិវាជ័យជម្នះ ៧មករា ក៏ដូចជាការផ្ដល់ឱកាសដ៏កីឡាករឆ្នើមៗទាំងក្នុងប្រព័ន្ធ និងក្រៅប្រព័ន្ធ បានប្រមូលផ្ដុំជាក្រុមធ្វើការប្រកួតមិត្តភាពជាមួយក្រុមជម្រើសជាតិ ហើយក៏ជាការតេស្ដសមត្ថភាពក្រុមជម្រើសជាតិ ត្រៀមឆ្ពោះទៅស៊ីហ្គេមឆ្នាំ២០២៣ ផងដែរ។អគ្គលេខាធិការសហព័ន្ធដដែលបន្ដថា ក្រៅពីការប្រកួតមិត្តភាពកម្ពុជា All Star នេះ សហព័ន្ធក៏មានផែនការជាច្រើន ពិសេសការប្រកួតមិត្តភាពជាតិ-អន្ដរជាតិរបស់ក្រុមជម្រើសជាតិកម្ពុជា ដើម្បីដុសខាតសមត្ថភាព បច្ចេកទេស និងពង្រឹងគុណផលកម្រិតខ្ពស់ត្រៀមឆ្ពោះទៅប្រជែងមេដាយស៊ីហ្គេម ដែលជាព្រឹត្តិការណ៍ប្រវត្តិសាស្ដ្រលើកដំបូងនៅកម្ពុជា ក្រោយការទន្ទឹងររង់ចាំអស់រយៈពេល ៦៤ឆ្នាំនាខែឧសភា ឆ្នាំ០២៣ ខាងមុខនេះផងដែរ៕អត្ថបទ៖ លី ឈុនឡា

ព្រឹត្តិការណ៍រត់ចម្ងាយឆ្ងាយ Angkor Ultra Trail ត្រឡប់មកវិញដោយមានអ្នកចូលរួមទ្វេដង

រត់ប្រណាំង៖ ទិវារត់ប្រណាំងចម្ងាយឆ្ងាយនៅតំបន់អង្គរ ឬ Angkor Ultra Trail ដែលមានវិញ្ញាសារត់ដល់ទៅ ១០០គីឡូម៉ែត្របានត្រឡប់មកវិញហើយ ក្រោយខកខានរៀបចំ ២ឆ្នាំដោយសារជំងឺរាតត្បាតកូវីដ-១៩ ដែលគ្រោងនឹងរៀបចំនាថ្ងៃទី០៤ ខែកុម្ភៈ ឆ្នាំ២០២៣ ខាងមុខនៅតំបន់ និងជុំវិញតំបន់អង្គរ ខេត្តសៀមរាប ដោយមានអ្នកចូលរួមកើនឡើងទ្វេដង។ នេះបើតាមការបញ្ជាក់របស់ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា (NOCC) ក្នុងសន្និសីទសារព័ត៌មានកាលពីថ្ងៃទី០៦ ខែមករា បន្ទាប់ពីព្រឹត្តិការណ៍កីឡា និងទេសចរណ៍នេះបានទាក់ទាញអ្នកចូលរួមជាបណ្ដោះអាសន្នជាង ៨០០នាក់មកពី ៣៧ប្រទេសលើពិភពលោក ដែលចំនួននេះមានការកើនឡើងស្ទើរគុណនឹងពីរ បើធៀបព្រឹត្តិការណ៍មុនៗ។ លោក Edouard George ប្រធានក្រុមហ៊ុន Phoenix Voyages ដែលជាអ្នកបច្ចេកទេសទទួលបន្ទុករៀបចំព្រឹត្តិការណ៍នេះបានបញ្ជាក់ថា ដោយសារកត្ដាធំៗពីរ ទី១-ទីតាំងរៀបចំ ពោលគឺតំបន់អង្គរ និងជុំវិញអង្គរក្នុងខេត្តសៀមរាបគឺជាតំបន់ទេសចរណ៍ឯករបស់កម្ពុជា និងមានលក្ខណៈពិសេសមិនអាចធៀបនឹងប្រទេសផ្សេងៗបាន និងទី២-កម្ពុជាគឺគោលដៅទេសចរណ៍ដ៏មានសុវត្ថិភាព សន្ដិសុខ និងបរិយាកាសល្អ ទើបនាំឲ្យទាក់ទាញអ្នករត់ជុំវិញពិភពលោកចូលរួមដ៏ច្រើនបែបនេះ។ ឯកឧត្តម វ៉ាត់ ចំរើន បានគូសបញ្ជាក់ថា នេះគឺជាកត្ដាសំខាន់មួយ តែអ្វីដែលជាកត្ដារួមផ្សំមិនអាចកាត់ផ្ដាច់បានគឺការប្រែក្លាយវិបត្តិទៅជាឱកាស។ បន្ទាប់ពីកម្ពុជាធ្វើឲ្យពលរដ្ឋក្នុងប្រទេស រួមទាំងបរទេសមានការលេចធ្លោរជាងគេក្នុងការទប់ស្កាល់ជំងឺកូវីដ-១៩ និងមានអត្រាអ្នកស្លាប់តិចជាងគេ រហូតត្រូវបានអង្គការសុខភាពពិភពលោកដាក់កម្ពុជា គឺជាគោលដៅដែលអត់មានកូវីដ-១៩ មុនគេ និងជាគោលដៅសុវត្ថិភាពកូវីដ-១៩ ល្អជាងគេ ក៏ជាឥទ្ធិពលមួយទាក់ទាញភ្ញៀវទេសចរណ៍ជាតិ-អន្ដរជាតិមករត់ច្រើនដែរ។ សូមបញ្ជាក់ថា ទិវារត់ប្រណាំងចម្ងាយឆ្ងាយនៅតំបន់អង្គរនេះបានខកខានរៀបចំ ២ឆ្នាំមកហើយកាលពីឆ្នាំ២០២១ និងឆ្នាំ២០២២។ សម្រាប់ការត្រឡប់មកវិញនៃព្រឹត្តិការណ៍កីឡា និងទេសចរណ៍ឆ្នាំ២០២៣ នេះនឹងរៀបចំលើ ៦វិញ្ញាសារួមមានរត់ចម្ងាយ ១០០គីឡូម៉ែត្រ, ៦៤គីឡូម៉ែត្រ, ៤២គីឡូម៉ែត្រ, ៣២គីឡូម៉ែត្រ, ១៦គីឡូម៉ែត្រ និង ៨គីឡូម៉ែត្រ។ ចំពោះគោលបំណងសំខាន់ៗនៃការរៀបចំនេះ គឺដើម្បីផ្សព្វផ្សាយពីតំបន់ទេសចរណ៍ឯករបស់កម្ពុជាទៅកាន់ពិភពលោក ក៏ដូចជាការជំរុញប្រជាពលរដ្ឋលេងកីឡាដើម្បីលើកកម្ពស់សុខភាពល្អ ហើយដើម្បីរួមចំណែកជួយដល់ការងារសង្គមផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

អ៊ីរ៉ង់គំរាមវាយប្រហារទីតាំងថាមពលរបស់ប្រទេសដទៃទៀត ប្រសិនបើអាមេរិកបើកការវាយប្រហារថ្មី

អាមេរិកជំរុញឱ្យពលរដ្ឋរបស់ខ្លួននៅមជ្ឈិមបូព៌ាត្រៀមខ្លួនចាកចេញក្នុងករណីមានការកើនឡើងភាពតានតឹង

សហភាពអឺរ៉ុបកោះប្រជុំបន្ទាន់ ដើម្បីពិភាក្សាស្ដីពីវិបត្តិជនអន្តោប្រវេសន៍ពីម៉ារ៉ុកចូលទីក្រុង Ceuta របស់អេស្ប៉ាញ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Novak Djokovic គ្រងជើងឯក Adelaide International បន្តស្ថិតិឈ្នះ ៣៤ប្រកួតជាប់គ្នាលើទឹកដីអូស្ត្រាលី

លោក Didier Deschamps បន្តកិច្ចសន្យាដឹកនាំក្រុមជម្រើសជាតិបារាំងដល់ឆ្នាំ២០២៦

សសយក ដំរីអង្គរ បើកការប្រកួតរកបានបីពិន្ទុ និងលទ្ធផលផ្សេងទៀតការប្រកួត Soccer League

Ronaldo នឹងអាចចូលលេងប្រកួតដំបូងឲ្យ Al Nassr បាននៅថ្ងៃទី២២ ខែមករា

អគ្គលេខាធិការដ្ឋានព្រឹទ្ធសភា និងក្រសួងមុខងារសាធារណៈសុទ្ធតែឈ្នះដូចគ្នាថ្ងៃបើកឆាកការប្រកួតពូល E

ជើងឯកទូកក្ដោងថ្នាក់ជាតិពង្រឹងទាំងសមត្ថភាពកីឡាករ និងមន្ដ្រីបច្ចេកទេស

Manchester City បំបាក់ Chelsea ៤-០ ឡើងជុំទី៤ FA Cup

ការប្រកួតបាល់ទះមិត្តភាព All Star បង្កប់អត្ថន័យសំខាន់ៗ ពិសេសអបអរទិវាជ័យជម្នះ ៧មករា

ព្រឹត្តិការណ៍រត់ចម្ងាយឆ្ងាយ Angkor Ultra Trail ត្រឡប់មកវិញដោយមានអ្នកចូលរួមទ្វេដង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Novak Djokovic គ្រង​ជើងឯក Adelaide International បន្ត​ស្ថិតិ​ឈ្នះ ៣៤​ប្រកួត​ជាប់​គ្នា​លើទឹក​ដី​អូស្ត្រាលី​

លោក Didier Deschamps បន្ត​កិច្ចសន្យា​ដឹកនាំ​ក្រុម​ជម្រើសជាតិ​បារាំង​ដល់​ឆ្នាំ​២០២៦

សសយក ដំរីអង្គរ បើកការប្រកួតរកបានបីពិន្ទុ និងលទ្ធផលផ្សេងទៀតការប្រកួត Soccer League

Ronaldo នឹង​អាច​ចូល​លេង​ប្រកួត​ដំបូង​ឲ្យ Al Nassr បាន​នៅ​ថ្ងៃទី​២២ ខែមករា

ជើងឯក​ទូកក្ដោង​ថ្នាក់ជាតិ​ពង្រឹង​ទាំង​សមត្ថភាព​កីឡាករ និង​មន្ដ្រី​បច្ចេកទេស​

Manchester City បំបាក់ Chelsea ៤-០ ឡើង​ជុំ​ទី៤ FA Cup

ការប្រកួត​បាល់ទះ​មិត្តភាព​ All Star ​បង្កប់​អត្ថន័យ​សំខាន់ៗ ពិសេស​អបអរ​ទិវា​ជ័យជម្នះ ៧​មករា

ព្រឹត្តិការណ៍​រត់​ចម្ងាយ​ឆ្ងាយ​ Angkor Ultra Trail ​ត្រឡប់មកវិញ​ដោយមាន​អ្នកចូលរួម​ទ្វេដង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Novak Djokovic គ្រងជើងឯក Adelaide International បន្តស្ថិតិឈ្នះ ៣៤ប្រកួតជាប់គ្នាលើទឹកដីអូស្ត្រាលី

លោក Didier Deschamps បន្តកិច្ចសន្យាដឹកនាំក្រុមជម្រើសជាតិបារាំងដល់ឆ្នាំ២០២៦

Ronaldo នឹងអាចចូលលេងប្រកួតដំបូងឲ្យ Al Nassr បាននៅថ្ងៃទី២២ ខែមករា

ជើងឯកទូកក្ដោងថ្នាក់ជាតិពង្រឹងទាំងសមត្ថភាពកីឡាករ និងមន្ដ្រីបច្ចេកទេស

Manchester City បំបាក់ Chelsea ៤-០ ឡើងជុំទី៤ FA Cup

ការប្រកួតបាល់ទះមិត្តភាព All Star បង្កប់អត្ថន័យសំខាន់ៗ ពិសេសអបអរទិវាជ័យជម្នះ ៧មករា

ព្រឹត្តិការណ៍រត់ចម្ងាយឆ្ងាយ Angkor Ultra Trail ត្រឡប់មកវិញដោយមានអ្នកចូលរួមទ្វេដង