BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ជើងឯកកីឡាអុកចត្រង្គអាស៊ីអាគ្នេយ៍ផ្តោតសំខាន់លើការត្រៀមស៊ីហ្គេមឆ្នាំ២០២៣

អុកចត្រង្គ៖ ការប្រកួតកីឡាអុកចត្រង្គជើងឯកអាស៊ីអាគ្នេយ៍ (SEA OUK CHAKTRANG Championship) ឆ្នាំ២០២៣ នៅរាជធានីភ្នំពេញបានចាប់ផ្ដើមការប្រកួតជាផ្លូវការហើយ ដោយផ្តោតសំខាន់លើការត្រៀមលក្ខណៈឆ្ពោះទៅស៊ីហ្គេមឆ្នាំ២០២៣ នៅកម្ពុជានាខែឧសភាខាងមុខ។ ថ្លែងក្នុងពិធីបើកការប្រកួតព្រឹត្តិការណ៍ថ្នាក់តំបន់ ឯកឧត្តមបានសម្ដែងស្វាគមន៍យ៉ាងកក់ក្ដៅចំពោះវត្តមានប្រតិភូ អាជ្ញាកណ្ដាល-ចៅក្រម និងកីឡាករ-កីឡាការិនីទាំងអស់ដែលបានចូលរួមព្រឹត្តិការណ៍នេះ រួមមានអត្តពលិកមកពីប្រទេសវៀតណាម ថៃ មីយ៉ាន់ម៉ា ឡាវ និងម្ចាស់ផ្ទះកម្ពុជា។ ឯកឧត្តមបន្ដថា នេះជាលើកដំបូងហើយដែលសហព័ន្ធ បានរៀបចំធ្វើម្ចាស់ផ្ទះការប្រកួតថ្នាក់តំបន់ ក្រោមការឧបត្ថម្ភគាំទ្ររបស់ក្រសួងអប់រំ យុវជន និងកីឡា និងគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣(CAMSOC) ដោយផ្ដោតសំខាន់លើការផ្សព្វផ្សាយពីបទបញ្ជាបច្ចេកទេសដល់ប្រទេសទាំងអស់ មុនឈានដល់ការប្រកួតផ្លូវការនៅស៊ីហ្គេមឆ្នាំ២០២៣។ លោក ប៊ិន គាសេង អគ្គលេខាធិការរងសហព័ន្ធ និងជានាយកបច្ចេកទេសសហព័ន្ធបានឲ្យដឹងថា ការប្រកួតកីឡាអុកចត្រង្គជើងឯកអាស៊ីអាគ្នេយ៍លើកដំបូងនៅកម្ពុជានេះ គឺធ្វើការប្រកួតលើ ៦វិញ្ញាសាចាប់ពីថ្ងៃទី០៧ ដល់ថ្ងៃទី១៣ ខែមករា ឆ្នាំ២០២៣ ដោយមានប្រតិភូ និងអត្តពលិកចូលរួមសរុប ៦២នាក់រួមមានម្ចាស់ផ្ទះកម្ពុជា ១៦នាក់, វៀតណាម ១៦នាក់, ថៃ ១៦នាក់, មីយ៉ាន់ម៉ា ៧នាក់ និងឡាវ ៧នាក់៕អត្ថបទ៖ លី ឈុនឡា

Nasser Al-Attiyah បង្កើនការនាំមុខនៅ Dakar Rally ជាង ២០នាទីក្រោយឈ្នះដំណាក់កាលទី៥

ប្រណាំងរថយន្ត៖ កីឡាករប្រណាំងរថយន្តជើងចាស់កាតា Nasser Al-Attiyah បានពន្លាតការនាំមុខក្នុងតារាងរួមនៅព្រឹត្តិការណ៍ប្រណាំងយានយន្តចម្ងាយឆ្ងាយ Dakar Rally ជាង ២០នាទីហើយក្រោយឈ្នះដំណាក់កាលទី៥ ថ្ងៃព្រហស្បតិ៍ម្សិលមិញ។ ដំណាក់កាលទី៥ ដែលមានចម្ងាយផ្លូវ ៦៤៦គីឡូម៉ែត្រ កីឡាករដែលជិះរថយន្តតូយ៉ូតារូបនេះបានមកដល់ទីព្រ័ត្រដោយចំណាយពេល ៤ម៉ោង ១៣នាទី ២៣វិនាទី តាមពីក្រោយដោយកីឡាករអេស្ប៉ាញ Carlos Sainz យឺតជាងជិត ២នាទី និងលេខ៣ កីឡាករបារាំងរបស់ក្រុម Audi, Stephane Peterhansel។ ជ័យជំនះដំណាក់កាលទី៥ បានធ្វើឱ្យ Nasser Al-Attiyah ពន្លាតការនាំមុខក្នុងតារាងវេលារួមដល់ ២២នាទី ៣៦វិនាទីពីអ្នកលេខ២ Stephane Peterhansel ដែលទំលាក់កីឡាករម្ចាស់ផ្ទះអារ៉ាប៊ីសាអ៊ូឌីតទៅលេខ៣ វិញ។ ចំណែកការប្រកួតផ្នែកម៉ូតូវិញ ជ័យជំនះបានទៅកីឡាករបារាំង Adrien Van Beveren តែអ្នកនាំមុខរួមនៅតែជាកីឡាករអាមេរិក Skyler Howes នាំមុខអ្នកលេខ២ កីឡាករអូស្ត្រាលី Toby Price ២នាទី ៧វិនាទី និងលេខ៣ កីឡាករអាហ្សង់ទីន Kevin Benavides។ សំរាប់ដំណាក់កាលទី៦ ថ្ងៃសុក្រនេះមានចម្ងាយផ្លូវ ៧៦៧គីឡូម៉ែត្រ៕អត្ថបទ៖នាង សុភាវុធ

Novak Djokovic ឡើងវគ្គ ៨នាក់ចុងក្រោយ Adelaide International នៅអូស្ត្រាលី

វាយកូនបាល់៖ កីឡាករវាយកូនបាល់ស៊ែប Novak Djokovic បានបន្តដំណើរឡើងវគ្គ ៨នាក់ចុងក្រោយហើយនៃការប្រកួតកម្មវិធី Adelaide International នៅប្រទេសអូស្ត្រាលីថ្ងៃព្រហស្បតិ៍ម្សិលមិញ។ អតីតកីឡាករលំដាប់លេខ ១ ពិភពលោករូបនេះបានយកឈ្នះកីឡាករបារាំង Quentin Halys ដោយលទ្ធផលតានតឹងផងដែរ ៧-៦(៧-៣) និង ៧-៦(៧-៥)។ ជុំបន្ត Djokovic នឹងជួបជាមួយកីឡាករកាណាដា Denis Shapovalov ក្នុងការប្រកួតកម្មវិធីដែលជាការត្រៀមលក្ខណៈសម្រាប់ព្រឹត្តិការណ៍ Grand Slam, Australian Open។ ងាកមកការប្រកួតផ្នែកនារីនៅកម្មវិធី ASB Classic លើទឹកដីអូស្ត្រាលីផងដែរនោះ កីឡាការិនីអង់គ្លេស Emma Raducanu បានបង្ខំចិត្តដើរចេញពីការប្រកួតដោយសាររបួស។ កីឡាករវ័យ ២០ឆ្នាំអតីតជើងឯក Wimbledon រូបនេះបានយកឈ្នះសិតដំបូង ៦-០ លើកីឡាការិនីស្លូវ៉ាគី Viktoria Kuzmova តែចាញ់សិតទីពីរ ៧-៥ វិញ។ មុនចាប់ផ្តើមសិតទី៣ Raducanu បានទទួលការពិនិត្យពីក្រុមពេទ្យដែរ មុនប្រកាសដកខ្លួនដោយសាររបួសកជើង។ Emma Raducanu បានដើរចេញពីទីលានទាំងទឹកភ្នែក ខណៈព្រឹត្តិការណ៍ Grand Slam, Australian Open នឹងចូលមកដល់នៅរយៈពេល ១០ថ្ងៃខាងមុខ៕អត្ថបទ៖នាង សុភាវុធ

Chelsea ទិញបានខ្សែការពារបារាំង Benoit Badiashile ពី Monaco តម្លៃ ៣៥លានផោន

បាល់ទាត់៖ ក្លិបតោខៀវ Chelsea បានសំរេចក្នុងការនាំយកខ្សែការពារបារាំង Benoit Badiashile ពីក្លិបនៅលីគបារាំង AS Monaco ក្នុងតម្លៃ ៣៥លានផោនជាមួយនឹងកិច្ចសន្យារយៈពេលវែងដល់ទៅ ៧ឆ្នាំកន្លះ។ កីឡាករវ័យ ២១ឆ្នាំរូបនេះបានចំណាយពេល ៥រដូវកាលនៅក្របខណ្ឌលីគកំពូលបារាំង Ligue 1 និងបានបង្ហាញខ្លួនសរុប ១៣៥ប្រកួតជាមួយ Monaco។ ខ្សែការពារកណ្តាលរូបនេះធ្លាប់បានបង្ហាញខ្លួន ២ប្រកួតជាមួយក្រុមជំរើសជាតិបារាំងកាលពីខែកញ្ញាឆ្នាំមុន ពេលជួបជាមួយអូទ្រីស។ Benoit Badiashile បានផ្លាស់ទៅកាន់ Monaco កាលពីឆ្នាំ២០១៦ និងចូលលេងប្រកួតដំបូងទល់នឹង Paris Saint Germain កាលពីខែវិច្ឆិកា ឆ្នាំ២០១៨ ដែល Monaco នៅពេលនោះស្ថិតក្រោមការដឹកនាំរបស់អតីតខ្សែប្រយុទ្ធបារាំង Thierry Henry។ ការមកដល់របស់ Badiashile ស្របពេលដែល Chelsea កំពុងប្រឈមនឹងបញ្ហាខ្សែការពារដែលមានកីឡាករជាច្រើនកំពុងមានរបួសរួមមាន៖ Wesley Fofana, Reece James និង Ben Chilwell។ Chelsea កំពុងឈរលេខ ១០ នៅ Premier League បន្ទាប់ពីចាញ់ Manchester City ក្នុងដីខ្លួនឯងយប់មិញ ១-០៕អត្ថបទ៖នាង សុភាវុធ

ចាកចេញពី Ajax, Daley Blind ផ្លាស់ទៅ Bayern Munich ដោយគ្មានតម្លៃផ្ទេរ

បាល់ទាត់៖ ខ្សែការពារក្រុមជម្រើសជាតិហូឡង់ Daley Blind បានចុះហត្ថលេខាលេងឱ្យក្លិបអាល្លឺម៉ង់ Bayern Munich ក្នុងកិច្ចសន្យារយៈពេលខ្លីត្រឹមចប់រដូវកាលនេះ ក្រោយចាកចេញពី Ajax Amsterdam កាលពីខែមុន។ ខ្សែការពារឆ្វេងវ័យ ៣២ឆ្នាំរូបនេះបានព្រមព្រៀងជាមួយនឹង Ajax កាលពីខែធ្នូក្នុងការបញ្ចប់កិច្ចសន្យាមុនកាលកំណត់ដែលនៅសល់ ៦ខែទៀត។ កីឡាករវ័យ ៣២ឆ្នាំដែលជាថ្នាលយុវជនរបស់ Ajax តាំងពីអាយុ ៨ឆ្នាំបានបង្ហាញខ្លួនសរុប ៣៣៣ប្រកួតក្នុងអាជីពជាមួយ Ajax Amsterdam ពីរលើក ឈ្នះជើងឯកលីគកំពូលហូឡង់ ៧លើកស៊ុតបញ្ចូលទីសរុប ១៣គ្រាប់។ រំលឹកថា Daley Blind បានផ្លាស់ពី Ajax ទៅកាន់ក្រុមបិសាចក្រហម Manchester United នៅឆ្នាំ២០១៤ និងបានចំណាយពេល ៤ឆ្នាំនៅ Premier League មុនពេលត្រលប់មកកាន់ Ajax វិញ។ Daley Blind ជាសមាជិកក្រុមជម្រើសជាតិហូឡង់នៅ World Cup 2022 នៅកាតាផងដែរ និងបានស៊ុតបញ្ចូលទី ១គ្រាប់ ខណៈក្រុមហូឡង់ឡើងដល់វគ្គ ៨ក្រុមចុងក្រោយ មុនពេលចាញ់អាហ្សង់ទីនដោយបាល់ ១១ម៉ែត្រកាត់សេចក្តី៕អត្ថបទ៖នាង សុភាវុធ

រដ្ឋបាលខេត្តកំពង់ចាម បើកការប្រកួតកីឡាមហាជនជ្រើសរើសជើងឯកថ្នាក់ខេត្ត ប្រចាំឆ្នាំ២០២៣ ដើម្បីអបអរសាទរទិវាជ័យជម្នះ ៧ មករា

កំពង់ចាម៖ នៅថ្ងៃទី៦ ខែមករា ឆ្នាំ២០២២ រដ្ឋបាលខេត្តកំពង់ចាម បើកការប្រកួតកីឡាមហាជនជ្រើសរើសជើងឯកថ្នាក់ខេត្ត ប្រចាំឆ្នាំ២០២៣ ដើម្បីអបអរសាទរទិវា ជ័យជម្នះ ៧ មករា ខួបលើកទី៤៤ (១៩៧៩-២០២៣) ដែលប្រជាពលរដ្ឋកម្ពុជាទាំងអស់ ទទួលបានជីវិតទី២ ក្រោមស្មារតីរដោះជាតិ។ ក្នុងឱកាសនោះ លោកស្រី ប៉ាង ដានី អភិបាលរងខេត្តកំពង់ចាម តំណាងឯកឧត្ដម អ៊ុន ចាន់ដា អភិបាលខេត្តកំពង់ចាម លើកឡើងថា ការប្រកួតកីឡាមហាជនជ្រើសរើសជើងឯកថ្នាក់ខេត្ត ប្រចាំឆ្នាំ២០២៣ ក្នុងក្រមខណ្ឌថ្នាក់ខេត្តនេះ ធ្វើឡើងក្នុងគោល ដៅសំខាន់ ដើម្បីអបអរសាទរ ថ្ងៃជ័យជម្នះ៧ ខួបលើកទី៤៤ ឆ្នាំ ដែលប្រជាពលរដ្ឋកម្ពុជាទាំងអស់រួមទាំង លោកស្រីផ្ទាល់ទទួលបានការរស់រៀនជាលើកទី២។ កីឡាមិនត្រឹមជួយថែរក្សាសុខភាព បង្កើតនូវក្តីស្រឡាញ់ និងទំនាក់ទំនងមិត្តភាព ប៉ុណ្ណោះនោះទេ, ប៉ុន្តែក៏បានចូលរួមបង្កើនស្មារតីសាមគ្គីភាព យោគយល់ និងអធ្យាស្រ័យគ្នា ផងដែរ។ ចំពោះការប្រកួតថ្ងៃនេះ ទោះបីមានការឈ្នះ ចាញ់ គឺជាការប្រកួតមិត្តភាព ប្រកួតអស់ពីសមត្ថភាព ក្នុងស្មារតីទទួលខុសត្រូវខ្ពស់ មិនស្អប់គ្នានោះទេ ផ្ទុយទៅវិញយើងត្រូវបង្អុលបង្ហាញ់នូវចំណុច ខ្វះខាត និង ភាពខ្សោយរបស់យើងឲ្យគ្នា ទៅវិញទៅមក បង្កើនហ្វឹកហាត់បន្ថែមទៀត។ លោកស្រី ក៍បានអំពាវនាវ ដល់ យុវជនដែលជាកីឡាករ ក៏ដូចជា ប្រជាពលរដ្ឋ ទាំងអស់ សូមចូលរួមលេងកីឡាឲ្យបានគ្រប់គ្នាដើម្បីសុខភាព និងសាមគ្គីភាព ។ លោក លី ម៉េងសាន ប្រធានមន្ទីរអប់រំយុវជននិងកីឡាខេត្តកំពង់ចាម បានឲ្យដឹងថា ក្នុងការប្រកួតកីឡាមហាជនជ្រើសរើសជើងឯកថ្នាក់ខេត្ត ប្រចាំឆ្នាំ២០២៣ នៅខេត្តកំពង់ចាម ពេលនេះ មានប្រភេទកីឡាជាច្រើនដូចជា កីឡាបាល់ទាត់,កីឡាបាល់ទះ, កីឡាបេតង់, កីឡាវាយកូនឃ្លីលើតុ, និងកីឡាបាល់បោះ៕ អត្ថបទ៖ សីហា

Ronaldo មិនទាន់លេងឲ្យ Al Nassr បានដោយសារក្លិបលើសចំនួនកំណត់កីឡាករបរទេស

បាល់ទាត់៖ តារាបាល់ទាត់ព័រទុយហ្កាល់ Cristiano Ronaldo ទំនងជាមិនអាចបង្ហាញខ្លួនប្រកួតដំបូងឱ្យ Al Nassr បានឡើយ ដោយសារក្លិបអារ៉ាប៊ីសាអ៊ូឌីតមួយនេះលើសចំនួនកំណត់កីឡាករបរទេស នេះបើតាមប្រភពព័ត៌មានពី AFP។ នៅពេលដែលអតីតខ្សែប្រយុទ្ធ Manchester United រូបនេះបង្ហាញខ្លួនកាលពីថ្ងៃអង្គារនៅចំពោះមុខអ្នកគាំទ្រ កីឡាករវ័យ ៣៧ឆ្នាំរូបនេះចង់ចូលលេងកាន់តែឆាប់កាន់តែល្អ ជាពិសេសការប្រកួតរបស់ Al Nassr ទល់នឹង Al Ta’ee ក្នុងដីរបស់ខ្លួនថ្ងៃនេះ។ តែ Ronaldo ដែលមានប្រាក់ឈ្នួលប្រមាណ ២០០ដុល្លារក្នុងមួយឆ្នាំគឺជាកីឡាករបរទេសទី៩ របស់ Al Nassr ដែលនេះជាចំនួនលើសពីការកំណត់ របស់សហព័ន្ធបាល់ទាត់អារ៉ាប៊ីសាអ៊ូឌីតដែលអនុញ្ញាតត្រឹម ៨នាក់។ ការប្រកួតរបស់ Al Nassr គ្រោងធ្វើឡើងនៅថ្ងៃព្រហស្បតិ៍ម្សិលមិញ តែត្រូវលើកមកថ្ងៃសុក្រនេះវិញដោយសារបញ្ហាអគ្គិសនីបណ្តាលមកពីភ្លៀងធ្លាក់ខ្លាំង។ មន្ត្រីក្លិប Al Nassr ម្នាក់សុំមិនបញ្ចេញឈ្មោះបានបញ្ជាក់ថា Al Nassr មិនទាន់បានចុះឈ្មោះ Ronaldo នៅឡើយ ពោលគឺតម្រូវឱ្យកីឡាករបរទេសម្នាក់របស់ក្លិបចាកចេញសិន។ កីឡាកររបស់បរទេសរបស់ Al Nassr រួមមានអ្នកចាំទីកូឡុំប៊ី David Ospina, ខ្សែបម្រើប្រេស៊ីល Luiz Gustavo, ខ្សែប្រយុទ្ធប្រេស៊ីល Anderson Talisca និងខ្សែប្រយុទ្ធកាមេរូន Vincent Aboubakar ជាដើម។ សារព័ត៌មានអារ៉ាប៊ីសាអ៊ូឌីតមួយបានចុះផ្សាយថា ខ្សែបម្រើអ៊ូសប៊ែគីស្ថាន Jaloliddin Masharipov ទំនងជាកីឡាករដែលត្រូវចាកចេញបើកផ្លូវឱ្យម្ចាស់ជ័យលាភី Ballon d’Or ៥លើករូបនេះ៕អត្ថបទ៖នាង សុភាវុធ

សហព័ន្ធកីឡាវាយកូនឃ្លីលើតុយកការប្រកួតជើងឯកជាតិ ដើម្បីអបអរទិវាជ័យជម្នះ ៧មករា

វាយកូនឃ្លីលើតុ៖ ការប្រកួតកីឡាវាយកូនឃ្លីលើតុជ្រើសរើសជើងឯកថ្នាក់ជាតិ និងពានរង្វាន់សហព័ន្ធកីឡាវាយកូនឃ្លីលើតុកម្ពុជាលើកទី២ ឆ្នាំ២០២២ បានបញ្ចប់ដោយជោគជ័យ ក្រោយដំណើរការប្រកួតអស់រយៈពេល ៤ថ្ងៃ ខណៈសហព័ន្ធបានយកវេទិការប្រកួតថ្នាក់ជាតិនេះ ដើម្បីអបអរសាទរខួបលើកទី៤៤ នៃទិវាជ័យជម្នះ ៧មករា ឆ្នាំ១៩៧៩ ឆ្នាំ២០២៣ នាចុងសប្ដាហ៍នេះផងដែរ។ លោក ស៊ុន សុធារិទ្ធ អគ្គលេខាធិការសហព័ន្ធបានឲ្យដឹងថា ព្រឹត្តិការណ៍ប្រចាំឆ្នាំ២០២២ និងលើកមករៀបចំនៅដើមឆ្នាំ២០២៣ នេះបានដំណើរការប្រកួតរយៈពេល ៤ថ្ងៃពីថ្ងៃទី០២ ដល់ថ្ងៃទី០៥ ខែមករា ដោយមានកីឡាករ-កីឡាការិនីជិត ១០០នាក់មកពី ១៥សមាគម/ក្លិបទូទាំងប្រទេសចូលរួម ដែលធ្វើការប្រកួតលើ ៨វិញ្ញាសានៅសាលដំបូលទូកក្នុងពហុកីឡដ្ឋានជាតិ។ ថ្លែងក្នុងពិធីបិទការប្រកួតនេះ ឯកឧត្តមនាយឧត្តមសេនីយ៍ គៀត ច័ន្ទថារិទ្ធ បានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់កីឡាករ-កីឡាការិនី ក៏ដូចជាគណៈកម្មការរៀបចំការប្រកួត។ អ្វីដែលគួរឲ្យកត់សម្គាល់គឺការប្រកួតឆ្នាំនេះ មានសមាគម/ក្លិបថ្មីៗចូលរួមច្រើនដែលជាសញ្ញាណមួយដ៏ល្អ សម្រាប់វិស័យកីឡាវាយកូនឃ្លីលើតុកម្ពុជា ពិសេសដំណើរឆ្ពោះទៅស៊ីហ្គេមនាពេលខាងមុខ។ ឯកឧត្តមបន្ដថា គោលដៅសំខាន់នៃការរៀបចំការប្រកួតប្រចាំឆ្នាំនេះ មានអត្ថន័យ ២ ទី១-ការប្រកួតជើងឯកថ្នាក់ជាតិ ដើម្បីវាស់ស្ទង់សមត្ថភាព និងបច្ចេកទេសកីឡាករ-កីឡាការិនីផង និងមន្ដ្រីបច្ចេកទេសផង និងទី២-ដើម្បីអបរសាទរទិវាជ័យជម្នះ ៧មករាផង ព្រោះបើគ្មានថ្ងៃជ័យជម្នះនេះទេ ក៏គ្មានថ្ងៃនេះ ហើយក៏គ្មានការជួបសប្បាយ និងលេងកីឡានេះដែរ។ ដូច្នេះថ្ងៃ ៧មករាគឺជាថ្ងៃដ៏សំខាន់បំផុតដែលត្រូវចងចាំ និងដឹងគុណ។ទន្ទឹមជាមួយគ្នាក្នុងនាមប្រធានសហព័ន្ធ និងក្រោមម្លប់សន្ដិភាពនៃសម័យតេជោ ឯកឧត្តមបានប្ដេជ្ញាខិតខំបន្ដដឹកនាំ និងអភិវឌ្ឍន៍វិស័យកីឡាមួយនេះឲ្យកាន់តែរីកចម្រើន ពិសេសផែនការចំពោះមុខដែលសហព័ន្ធនឹងពង្រីកសកម្មភាពឲ្យកាន់តែផុសផុលតាមវិទ្យាល័យនានា។ អ្វីដែលរឹតតែអស្ចារ្យគឺការត្រៀមទទួលធ្វើម្ចាស់ផ្ទះស៊ីហ្គេមលើកទី៣២ នាពេលដ៏ខ្លីខាងមុខ ធ្វើយ៉ាងណាឲ្យការប្រកួតនេះទទួលបានជោគជ័យ ទាំងការរៀបចំ និងសមិទ្ធផលជូនជាតិក្នុងនាមម្ចាស់ផ្ទះ បន្ទាប់ពីកម្ពុជារង់ចាំអស់រយៈពេល ៦៤ឆ្នាំ៕អត្ថបទ៖ លី ឈុនឡា

ការប្រកួតកីឡាអុកចត្រង្គជើងឯកអាស៊ីអាគ្នេយ៍លើកដំបូងនៅកម្ពុជានឹងចាប់ផ្ដើមស្អែកនេះ

អុកចត្រង្គ៖ ដោយទទួលបានការអនុញ្ញាត និងមានការគាំទ្រពីគណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) សហព័ន្ធកីឡាអុកចត្រង្គកម្ពុជានឹងរៀបចំការប្រកួតកីឡាអុកចត្រង្គជើងឯកអាស៊ីអាគ្នេយ៍ (SEA OUK CHAKTRANG Championship) ឆ្នាំ២០២៣ ចាប់ពីថ្ងៃទី០៧ ដល់ថ្ងៃទី១៣ ខែមករា ខាងមុខនេះ នៅសាលដំបូលទូកនៃសាកលវិទ្យាល័យភូមិន្ទភ្នំពេញ។ លោក ប៊ិន គាសេង អគ្គលេខាធិការរងសហព័ន្ធបានឲ្យដឹងថា ព្រឹត្តិការណ៍អន្ដរជាតិលើកដំបូងនៅកម្ពុជានេះគឺមានអត្តពលិក ៥ប្រទេសចូលរួម រួមមានម្ចាស់ផ្ទះកម្ពុជា វៀតណាម មីយ៉ាន់ម៉ា ថៃ និងឡាវ។ ប៉ុន្ដែក្រៅពីការប្រកួត សហព័ន្ធក៏មានការរៀបចំវគ្គបណ្ដុះបណ្ដាលអាជ្ញាកណ្ដាល-ចៅក្រម ដើម្បីបញ្ជ្រាបការយល់ដឹងបន្ថែមដល់បណ្ដាប្រទេស ដែលត្រៀមចូលរួមការប្រកួតកីឡាស៊ីហ្គេមឆ្នាំ២០២៣ នៅកម្ពុជាផងដែរ។ នាយកបច្ចេកទេសរបស់សហព័ន្ធដដែលបន្ដថា ទោះបីសហព័ន្ធពុំធ្លាប់មានបទពិសោធន៍រៀបចំការប្រកួតអន្ដរជាតិពីមុនក្ដី តែថ្នាក់ដឹកនាំ និងគ្រប់ភាគីពាក់ព័ន្ធបានប្ដេជ្ញានឹងរៀបចំ ការប្រកួតជើងឯកអាស៊ីអាគ្នេយ៍នេះឲ្យទទួលបានជោគជ័យ ដើម្បីធានាបាននូវការត្រៀមលក្ខណៈសម្បត្តិរួចរាល់ ក្នុងនាមម្ចាស់ផ្ទះ និងឆ្ពោះទៅរកជោគជ័យក្នុងព្រឹត្តិការណ៍ជាប្រវត្តិសាស្ដ្រ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនពេលខាងមុខ។ គួរដឹងថា អុកចត្រង្គគឺជាប្រភេទកីឡាប្រពៃណីរបស់កម្ពុជាមួយ ដែលត្រូវបានដាក់បញ្ចូលរួចរាល់ក្នុងវិញ្ញាសាប្រកួតកីឡាស៊ីហ្គេមឆ្នាំ២០២៣។ តែដោយសារជាបទពិសោធន៍លើកដំបូង ទើបគណៈកម្មាធិការជាតិ CAMSOC បានផ្ដល់ការគាំទ្រដល់សហព័ន្ធ ដើម្បីរៀបចំការប្រកួតជាលក្ខណៈ Pre-SEA Games នេះឡើងក្នុងគោលបំណងជំរុញការត្រៀមលក្ខណៈឲ្យកាន់តែល្អប្រសើរ ឆ្ពោះទៅរៀបចំការប្រកួតផ្លូវការក្នុងព្រឹត្តិការណ៍ស៊ីហ្គេមលើកទី៣២ ដែលនៅសល់រយៈពេល ១១៩ថ្ងៃទៀតប៉ុណ្ណោះ៕អត្ថបទ៖ លី ឈុនឡា

Nasser Al-Atiiyah ពន្លាតការនាំមុខក្នុងការប្រណាំងយានយន្ត Dakar Rally

ប្រណាំងរថយន្ត៖ កីឡាករប្រណាំងរថយន្តកាតា Nasser Al-Attiyah បានពន្លាតការនាំមុខក្នុងតារាង ទោះជ័យជំនះការប្រណាំង Dakar Rally ដំណាក់កាលទី៤ ថ្ងៃពុធម្សិលមិញនេះបានទៅកីឡាករបារាំង Sebastien Loeb ក៏ដោយ។ ដំណាក់កាលទី៤ ដែលមានចម្ងាយផ្លូវ ៥៧៣គីឡូម៉ែត្រ កីឡាករបារាំងអតីតអ្នកប្រណាំងរថយន្ត Rally ពិភពលោកបានប្រជែងឈ្នះក្នុងដំណាក់កាល និងជាជ័យជំនះ ១៧ដំណាក់កាលដំបូងអាជីពនៅ Dakar Rally នេះក្រោយមកដល់ទីព្រ័ត្រចំណាយពេល ៤ម៉ោង ១១នាទី ៣៤វិនាទី តាមពីក្រោយដោយមិត្តរួមជាតិ Stephane Peterhansel និងលេខ៣ កីឡាករអេស្ប៉ាញ Carlos Sainz។ សំរាប់កីឡាករកាតា Nasser Al-Attiyah ដែលជិះរថយន្តតូយ៉ូតានៅតែបន្តការនាំមុខរួម និងបង្កើនពេលវេលានាំមុខដល់ ១៨នាទី ១៨វិនាទីពីលើអ្នកលេខ២ កីឡាករម្ចាស់ផ្ទះអារ៉ាប៊ីសាអ៊ូឌីត Yazeed Al-Rajhi និងលេខ៣ Stephane Peterhansel។ ការប្រកួតផ្នែកម៉ូតូវិញ កីឡាករអេស្ប៉ាញ Joan Barreda គឺជាអ្នកឈ្នះក្នុងដំណាក់កាលទី៤ នេះ និងជាជ័យជំនះសរុប ២៩ដំណាក់កាលនៅ Dakar Rally។ យ៉ាងណាក្តីអ្នកនាំមុខគេផ្នែកម៉ូតូនៅតែជាកីឡាករអូស្ត្រាលី Daniel Sanders មានថេរវេលាចំណេញពីអ្នកលេខ២ កីឡាករអាមេរិក Skyler Howes ៣នាទី ៣៣វិនាទី និងលេខ៣ កីឡាករអាហ្សង់ទីន Kevin Benavides។ សម្រាប់ដំណាក់កាលទី៥ ថ្ងៃព្រហស្បតិ៍នេះមានចម្ងាយផ្លូវ ៦៤៦គីឡូម៉ែត្រ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

[UPDATE] ចំនួនអ្នកស្លាប់ពីគ្រោះរញ្ជួយដីនៅជប៉ុនឡើងដល់ជិត៤០នាក់ ខណៈមនុស្សជាង ៩ពាន់នាក់ស្នាក់នៅក្នុងជំរំបណ្ដោះអាសន្ន

មនុស្ស ១០នាក់ស្លាប់ក្នុងការវាយប្រហាររបស់រុស្ស៊ីលើរដ្ឋធានីគីវ ខណៈអ៊ុយក្រែនអំពាវនាវរកប្រព័ន្ធស្ទាក់ចាប់មីស៊ីលប៉ាទ្រីយ៉ូត

អ៊ីរ៉ង់គំរាមវាយប្រហារទីតាំងថាមពលរបស់ប្រទេសដទៃទៀត ប្រសិនបើអាមេរិកបើកការវាយប្រហារថ្មី

អាមេរិកជំរុញឱ្យពលរដ្ឋរបស់ខ្លួននៅមជ្ឈិមបូព៌ាត្រៀមខ្លួនចាកចេញក្នុងករណីមានការកើនឡើងភាពតានតឹង

សហភាពអឺរ៉ុបកោះប្រជុំបន្ទាន់ ដើម្បីពិភាក្សាស្ដីពីវិបត្តិជនអន្តោប្រវេសន៍ពីម៉ារ៉ុកចូលទីក្រុង Ceuta របស់អេស្ប៉ាញ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជើងឯកកីឡាអុកចត្រង្គអាស៊ីអាគ្នេយ៍ផ្តោតសំខាន់លើការត្រៀមស៊ីហ្គេមឆ្នាំ២០២៣

Nasser Al-Attiyah បង្កើនការនាំមុខនៅ Dakar Rally ជាង ២០នាទីក្រោយឈ្នះដំណាក់កាលទី៥

Novak Djokovic ឡើងវគ្គ ៨នាក់ចុងក្រោយ Adelaide International នៅអូស្ត្រាលី

Chelsea ទិញបានខ្សែការពារបារាំង Benoit Badiashile ពី Monaco តម្លៃ ៣៥លានផោន

ចាកចេញពី Ajax, Daley Blind ផ្លាស់ទៅ Bayern Munich ដោយគ្មានតម្លៃផ្ទេរ

Ronaldo មិនទាន់លេងឲ្យ Al Nassr បានដោយសារក្លិបលើសចំនួនកំណត់កីឡាករបរទេស

សហព័ន្ធកីឡាវាយកូនឃ្លីលើតុយកការប្រកួតជើងឯកជាតិ ដើម្បីអបអរទិវាជ័យជម្នះ ៧មករា

ការប្រកួតកីឡាអុកចត្រង្គជើងឯកអាស៊ីអាគ្នេយ៍លើកដំបូងនៅកម្ពុជានឹងចាប់ផ្ដើមស្អែកនេះ

Nasser Al-Atiiyah ពន្លាតការនាំមុខក្នុងការប្រណាំងយានយន្ត Dakar Rally

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជើងឯក​កីឡា​អុកចត្រង្គ​អាស៊ីអាគ្នេយ៍​ផ្តោត​សំខាន់​លើ​ការត្រៀម​ស៊ី​ហ្គេម​ឆ្នាំ​២០២៣

Nasser Al-Attiyah បង្កើន​ការនាំ​មុខ​នៅ Dakar Rally ជាង ២០​នាទី​ក្រោយ​ឈ្នះ​ដំណាក់កាល​ទី​៥

Novak Djokovic ឡើង​វគ្គ ៨​នាក់​ចុងក្រោយ Adelaide International នៅ​អូស្ត្រាលី​

Chelsea ទិញ​បាន​ខ្សែការពារ​បារាំង Benoit Badiashile ពី Monaco តម្លៃ ៣៥លាន​ផោន

ចាក​ចេញពី Ajax, Daley Blind ផ្លាស់​ទៅ Bayern Munich ដោយ​គ្មាន​តម្លៃ​ផ្ទេរ

Ronaldo មិនទាន់​លេង​ឲ្យ Al Nassr បាន​ដោយសារ​ក្លិប​លើស​ចំនួន​កំណត់​កីឡាករ​បរទេស​

សហព័ន្ធ​កីឡាវាយកូនឃ្លីលើតុយក​ការប្រកួត​ជើងឯក​ជាតិ ដើម្បី​អបអរ​ទិវា​ជ័យជម្នះ ៧​មករា​

ការប្រកួត​កីឡា​អុកចត្រង្គ​ជើងឯក​អាស៊ីអាគ្នេយ៍​លើកដំបូង​នៅ​កម្ពុជា​នឹង​ចាប់ផ្ដើម​ស្អែក​នេះ

Nasser Al-Atiiyah ពន្លាត​ការនាំ​មុខ​ក្នុងការប្រណាំង​យានយន្ត Dakar Rally

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជើងឯកកីឡាអុកចត្រង្គអាស៊ីអាគ្នេយ៍ផ្តោតសំខាន់លើការត្រៀមស៊ីហ្គេមឆ្នាំ២០២៣

Nasser Al-Attiyah បង្កើនការនាំមុខនៅ Dakar Rally ជាង ២០នាទីក្រោយឈ្នះដំណាក់កាលទី៥

Novak Djokovic ឡើងវគ្គ ៨នាក់ចុងក្រោយ Adelaide International នៅអូស្ត្រាលី

Chelsea ទិញបានខ្សែការពារបារាំង Benoit Badiashile ពី Monaco តម្លៃ ៣៥លានផោន

ចាកចេញពី Ajax, Daley Blind ផ្លាស់ទៅ Bayern Munich ដោយគ្មានតម្លៃផ្ទេរ

Ronaldo មិនទាន់លេងឲ្យ Al Nassr បានដោយសារក្លិបលើសចំនួនកំណត់កីឡាករបរទេស

សហព័ន្ធកីឡាវាយកូនឃ្លីលើតុយកការប្រកួតជើងឯកជាតិ ដើម្បីអបអរទិវាជ័យជម្នះ ៧មករា

ការប្រកួតកីឡាអុកចត្រង្គជើងឯកអាស៊ីអាគ្នេយ៍លើកដំបូងនៅកម្ពុជានឹងចាប់ផ្ដើមស្អែកនេះ

Nasser Al-Atiiyah ពន្លាតការនាំមុខក្នុងការប្រណាំងយានយន្ត Dakar Rally