BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

CAMSOC លើកយកចំណុចអវិជ្ជមានពីកីឡាជាតិមកពិភាក្សា និងទុកជាមេរៀនត្រៀមស៊ីហ្គេម

កីឡាជាតិ៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានបើកកិច្ចប្រជុំពិសេសមួយ ដោយបានលើកយកនូវចំណុចអវិជ្ជមានទាំងអស់មកពិនិត្យ និងវាយតម្លៃ ដើម្បីទុកជាមេរៀនឆ្ពោះទៅរៀបចំការប្រកួតកីឡាស៊ីហ្គេមឆ្នាំ២០២៣ ឲ្យកាន់តែប្រសើរ។ នេះបើតាមប្រសាសន៍របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC ក្រោយបញ្ចប់កិច្ចប្រជុំដែលដឹកនាំដោយឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ និងអនុប្រធានអចិន្ដ្រៃយ៍ CAMSOC និងមានការចូលរួមពីគ្រប់ភាគីពាក់ព័ន្ធ នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីល្ងាចថ្ងៃទី០៣ ខែមករា ឆ្នាំ២០២៣។ ឯកឧត្តម វ៉ាត់ ចំរើន បានគូសបញ្ជាក់ថា កិច្ចប្រជុំនេះផ្ដោតសំខាន់តែលើចំណុចអវិជ្ជមាន ខណៈចំណុចវិជ្ជមានគឺមានច្រើនហើយ។ យ៉ាងណាក្ដីឯកឧត្តមបណ្ឌិត ថោង ខុន បានជំរុញឲ្យយកចិត្តទុកដាក់លើចំណុចអវិជ្ជមានគ្រប់ទិដ្ឋភាព ដើម្បីទុកជាមេរៀន និងជាបទពិសោធន៍ក្នុងការដោះស្រាយ សម្រាប់ឆ្ពោះទៅរៀបចំការប្រកួតកីឡាស៊ីហ្គេមលើកទី៣២ ឲ្យទទួលបានជោគជ័យ។ គួរដឹងថា កីឡាជាតិលើកទី៣ និងកីឡាជាតិជនពិការលើកទី១ ត្រូវបានរៀបចំតាមទម្រង់ស៊ីហ្គេម និងអាស៊ានប៉ារ៉ាហ្គេមកាលពីថ្ងៃទី១៩ ដល់ថ្ងៃទី៣០ ខែវិច្ឆិកា ឆ្នាំ២០២២ កន្លងទៅ។ ព្រឹត្តិការណ៍នេះត្រូវបានចាត់ទុកជាការតេស្ដសាកល្បងលើកចុងក្រោយ សម្រាប់កម្ពុជាត្រៀមធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រស៊ីហ្គេមលើកទី៣២ ពីថ្ងៃទី០៥ ដល់ថ្ងៃទី១៧ ខែឧសភាខាងមុខ និងការប្រកួតកីឡាអាស៊ានប៉ារ៉ាហ្គេមលើកទី១២ ចាប់ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខ៕អត្ថបទ៖ លី ឈុនឡា

Manchester United ឡើងមកលេខ៤ នៅ Premier League ក្រោយឈ្នះ Bournemouth

បាល់ទាត់៖ ក្រុមបិសាចក្រហម Manchester United បានបន្តជ័យជំនះរបស់ខ្លួនផ្ទួនៗដើម្បីឡើងមកឈរលេខ៤ នៅ English Premier League បន្ទាប់ពីយកឈ្នះ Bournemouth ៣-០ នៅ Old Trafford។ ខ្សែបម្រើប្រេស៊ីលតម្លៃ ៧០លានផោន Casemiro រកបានគ្រាប់ដំបូងរបស់ខ្លួននៅ Old Trafford ក្រោយទទួលបាល់ Freekick ពី Christian Eriksen។ វគ្គទី២ លេងបានត្រឹម ៤នាទីខ្សែការពារអង់គ្លេស Luke Shaw បន្ថែមការនាំមុខ ២-០ ឱ្យម្ចាស់ផ្ទះមុនពេលដែលខ្សែប្រយុទ្ធអង់គ្លេស Marcus Rashford រកបានគ្រាប់ចុងក្រោយនៅនាទីទី៨៦ ដែលជាគ្រាប់ទី៣ ក្នុងបីប្រកួតចុងក្រោយនៅ Old Trafford។ ជ័យជំនះនេះធ្វើឱ្យ Manchester United ឡើងមកលេខ៤ មាន ៣៥ពិន្ទុដាច់ Spurs ៥ពិន្ទុ និងស្មើជាមួយក្រុមលេខ៣ Newcastle។ Newcastle យប់មិញធ្វើដំណើរទៅទឹកដី Arsenal និងយកបានមួយពិន្ទុពី Emirate Stadium ក្រោយស្មើគ្នា ០-០។ មួយពិន្ទុនេះធ្វើឱ្យ Arsenal នឹងត្រូវកាត់មកបន្ថយការនាំមុខមកត្រឹម ៥ពិន្ទុវិញប្រសិន Manchester City ឈ្នះ Chelsea នៅ Stamford Bridge បាន។ លទ្ធផលផ្សេងទៀតរួមមាន Fulham ឈ្នះនៅទឹកដី Leicester City ១-០ ខណៈ Brighton បំបាក់ Everton ដល់ផ្ទះ ៤-១ បន្តដាក់សំពាធដល់អ្នកចាត់ការ Frank Lampard៕អត្ថបទ៖នាង សុភាវុធ

ខេត្តកណ្ដាលបន្ដរៀបចំការប្រកួតកីឡាបាល់ទាត់ និងប៉េតង់ ដើម្បីអបអរទិវាជ័យជម្នះ ៧មករា ខួបលើកទី៤៤

កណ្ដាល៖ ការិយាល័យអប់រំកាយ និងកីឡានៃមន្ទីរអប់រំ យុវជន និងកីឡាខេត្តកណ្ដាល បានប្រកាសនឹងរៀបចំការប្រកួតកីឡាបាល់ទាត់ និងប៉េតង់ដណ្ដើមពានរង្វាន់ ៧មករា ដើម្បីចូលរួមអបអរសាទរខួបលើកទី៤៤ នៃទិវាជ័យជម្នះ ៧មករា (៧ មករា ១៩៧៩ - ៧ មករា ២០២៣)។ លោក ពៅ វណ្ណា ប្រធានការិយាល័យអប់រំកាយ និងកីឡាបានថ្លែងក្នុងកិច្ចប្រជុំកាលពីថ្ងៃទី០៣ ខែមករាថា ព្រឹត្តិការណ៍ប្រចាំឆ្នាំនេះនឹងចាប់ផ្ដើមការប្រកួតជាផ្លូវការពីថ្ងៃទី០៥ ដល់ថ្ងៃទី០៩ ខែមករា ឆ្នាំ២០២៣ លើ ២ប្រភេទកីឡា រួមមានកីឡាបាល់ទាត់មាន ១៤ក្រុមចូលរួម និងកីឡាប៉េតង់មានក្រុមយុវជន យុវតី និងក្រុមវ័យចាស់ចូលរួមសរុប ២៨ក្រុម។ លោកបន្ដថា នេះគឺជាព្រឹត្តិការណ៍ប្រចាំឆ្នាំ ដែលការិយាល័យជំនាញនៃខេត្តកណ្ដាលតែងតែរៀបចំឡើង ដើម្បីរំលឹកគុណ និងការចងចាំសម្រាប់ប្រជាពលរដ្ឋ និងយុវជន ពិសេសដើម្បីអបអរសាទរព្រឹត្តិការណ៍ជាប្រវត្តិសាស្ដ្រគឺថ្ងៃជ័យជម្នះ ៧មករា ដែលជាថ្ងៃកំណើតទី២ របស់ប្រជាជនកម្ពុជា និងនាំមកនូវសន្ដិភាព ទើបធ្វើឲ្យយុវជន មានឱកាសជួបជុំគ្នាលេងកីឡាដើម្បីសុខភាព មិត្តភាព និងសាមគ្គីភាពដូចបច្ចុប្បន្ន។ លោក ពៅ វណ្ណា បន្ថែមថា ក្រៅពីការប្រកួតអបអរសាទរទិវាជ័យជម្នះ ៧មករា ការប្រកួតនេះក៏ជាឱកាសជ្រើសរើសកីឡាករ-កីឡាការិនីមានសមត្ថភាព និងទេពកោសល្យល្អសម្រាប់ត្រៀមចូលរួមការប្រកួតថ្នាក់ខេត្ត និងថ្នាក់ជាតិ ក៏ដូចជាជំរុញយុវជន និងប្រជាពលរដ្ឋក្នុងខេត្តឲ្យលេងកីឡា ស្របតាមយុទ្ធនាការជាតិដែលដាក់ចេញដោយសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា គឺ «ប្រជាជនម្នាក់ លេងកីឡាមួយមុខ» ដើម្បីគាំទ្រដំណើរឆ្ពោះទៅព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជាផងដែរ៕អត្ថបទ៖ លី ឈុនឡា

Keisuke Honda អស់តួនាទីជាមួយក្រុមជម្រើសជាតិកម្ពុជា តែសល់ភារកិច្ចជាមួយ U22

បាល់ទាត់៖ សហព័ន្ធកីឡាបាល់ទាត់កម្ពុជាបានប្រកាសថា លោក Keisuke Honda អ្នកចាត់ការទូទៅក្រុមជម្រើសជាតិកម្ពុជា អស់តួនាទីជាមួយក្រុមជម្រើសជាតិកម្ពុជា ឬក្រុមធំហើយ ក្រោយចំណាយពេលជិត ៤ឆ្នាំកន្លះ តែលោកនៅសល់ភារកិច្ចជាមួយក្រុមជម្រើសជាតិ U22 កម្ពុជា ដែលត្រូវដឹកនាំក្នុងការប្រកួតកីឡាស៊ីហ្គេមឆ្នាំ២០២៣ នៅកម្ពុជា។ ការប្រកាសនេះ ស្របពេលលោក Keisuke Honda ថ្លែងសារលាគ្នាជាមួយកូនក្រុម បន្ទាប់ពីលោកដឹកនាំក្រុមជម្រើសជាតិកម្ពុជាប្រកួតជាមួយក្រុមជម្រើសជាតិថៃ ក្នុងពានរង្វាន់បាល់ទាត់ជើងឯកអាស៊ីអាគ្នេយ៍ឆ្នាំ២០២២ កាលពីថ្មីៗ ដែលជាការដឹកនាំក្រុមធំលើកចុងក្រោយរបស់លោកក្នុងនាមអ្នកចាត់ការទូទៅ ក្រោយចំណាយពេលជិត ៤ឆ្នាំកន្លះ គិតចាប់ពីខែសីហា ឆ្នាំ២០១៨ ដល់ខែមករា ឆ្នាំ២០២៣។ យ៉ាងណាក្ដីអតីតកីឡាករជម្រើសជាតិជប៉ុនរូបនេះ នៅសល់ភារកិច្ចដ៏សំខាន់ចុងក្រោយមួយទៀត ក្នុងនាមគ្រូបង្វឹកក្រុមជម្រើសជាតិអាយុក្រោម ២២ឆ្នាំកម្ពុជា ដែលត្រូវធ្វើការប្រមូលផ្ដុំហ្វឹកហាត់នាខែកុម្ភៈខាងមុខ សម្រាប់ត្រៀមការប្រកួតកីឡាស៊ីហ្គេមលើកទី៣២ នាខែឧសភា ឆ្នាំ២០២៣ នៅកម្ពុជា។ នេះបើតាមការបញ្ជាក់លើទំព័រហ្វេសប៊ុកផ្លូវការ របស់សហព័ន្ធកីឡាបាល់ទាត់កម្ពុជាកាលពីម្សិលមិញ៕អត្ថបទ៖ លី ឈុនឡា

Ronaldo ថា ធ្លាប់ទទួលសំណើពីប្រេស៊ីល អាមេរិក អូស្ត្រាលី និងព័រទុយហ្កាល់ តែសម្រេចចិត្តមកកាន់ទឹកដីអាស៊ី

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo បានបង្ហាញខ្លួនជាផ្លូវការនៅចំពោះមុខអ្នកគាំទ្រក្លិបអារ៉ាប៊ីសាអ៊ូឌីត Al Nassr ប្រមាណ ២៥០០០នាក់នៅកីឡដ្ឋាន Mrsool Park។ កីឡាករវ័យ ៣៧ឆ្នាំរូបនេះបានផ្លាស់មកកាន់ Al Nassr ផ្លូវការកាលពីថ្ងៃសុក្រ ក្រោយចាកចេញពីក្លិបបិសាចក្រហម Manchester United បន្ទាប់ពីកិច្ចសម្ភាសន៍រិះគន់ក្លិបខ្លួនឯង។ មុនសម្រេចចិត្តផ្ទេរមកកាន់ Al Nassr នេះអតីតខ្សែប្រយុទ្ធ Real Madrid រូបនេះបាននិយាយថា គេបានទទួលសំណើពីក្លិបជាច្រើនជុំវិញពិភពលោករួមមានប្រេស៊ីល អូស្ត្រាលី អាមេរិក និងព័រទុយហ្កាល់ តែបានសម្រេចចិត្តមកកាន់ទីនេះដើម្បីការប្រកួតប្រជែងថ្មីមួយទៀតនៅលើទឹកដីអាស៊ី។ Ronaldo ត្រូវបានគេដឹងថា នឹងទទួលបានប្រាក់ឈ្នួលថ្លៃបំផុតក្នុងប្រវត្តិសាស្ត្របាល់ទាត់ប្រមាណជា ២០០លានដុល្លារក្នុងមួយឆ្នាំជាមួយនឹងកិច្ចសន្យាដល់ឆ្នាំ២០២៥។ ម្ចាស់ជ័យលាភី Ballon d’Or ៥លើករូបនេះបានទទួលការស្វាគមន៍យ៉ាងកក់ក្តៅ ពីសំណាក់អ្នកគាំទ្រអារ៉ាប៊ីសាអ៊ូឌីត។ គ្រូបង្វឹក Al Nassr លោក Rudi Garcia បានហៅការផ្លាស់របស់ Ronaldo ថាជារឿងអស្ចារ្យណាស់សម្រាប់បាល់ទាត់អារ៉ាប៊ីសាអ៊ូឌីត ហើយគោលដៅរបស់លោកនោះគឺនឹងធ្វើឱ្យ Ronaldo សប្បាយចិត្តនៅទីនេះ និងធ្វើឱ្យគាត់ពេញចិត្តនឹងការលេងបាល់នៅអាស៊ី និងឈ្នះពានបន្ថែមទៀតចូលក្នុងអាជីពរបស់គាត់។ Al Nassr នឹងត្រូវប្រកួតក្នុងលីគមួយប្រកួតនៅថ្ងៃព្រហស្បតិ៍ស្អែកនេះ ខណៈ Ronaldo ថា ត្រៀមខ្លួនរួចរាល់សម្រាប់ការប្រកួតនេះបើសិនគ្រូបង្វឹកគិតថា អាចដាក់គាត់ចូលលេងបាន។ Al Nassr កំពុងនាំមុខក្នុងតារាងជើងឯកលីគកំពូលអារ៉ាប៊ីសាអ៊ូឌីត Saudi Pro League ក្រោយលេងបាន ១១ប្រកួតមាន ២៦ពិន្ទុតាមពីក្រោយ ១ពិន្ទុដោយ Al-Shabab៕ អត្ថបទ៖នាង សុភាវុធ

ជើងចាស់ Venus Williams ចាប់ផ្តើមរដូវកាលទី៣០ នៃអាជីពជាមួយជ័យជំនះ

វាយកូនបាល់៖ កីឡាការិនីវាយកូនបាល់ជើងចាស់អាមេរិក Venus Williams បានចាប់ផ្តើមរដូវកាលទី៣០ នៃអាជីពរបស់ខ្លួនជាមួយនឹងជ័យជំនះលើមិត្តរួមជាតិអាមេរិក Katie Volynets នៃការប្រកួតជុំដំបូងកម្មវិធី ASB Classic នៅទីក្រុង Auckland ប្រទេសនូវែលហ្សេឡង់។កីឡាការិនីវ័យ ៤២ឆ្នាំរូបនេះបានយកឈ្នះ Volynets ដែលមានអាយុពាក់កណ្តាលនឹង Venus Williams ដោយលទ្ធផល ៧-៦(៧-៤) និង ៦-២ ដើម្បីបន្តជួបជាមួយកីឡាការិនីចិន Lin Zhu នៅជុំទី២។ អតីតកីឡាការិនីលំដាប់លេខ១ ពិភពលោក Venus Williams បានចាប់ផ្តើមអាជីពនៅកម្មវិធី Tour ដំបូងនៅខែតុលា ឆ្នាំ១៩៩៤។ កីឡាការិនីវាយកូនបាល់អាមេរិក Venus Williams ត្រូវបានទទួលការអញ្ជើញឱ្យចូលរួមការប្រកួតវាយកូនបាល់ Grand Slam, Australian Open នៅក្នុងវ័យ ៤២ឆ្នាំដែលនឹងចាប់ផ្តើមនៅពាក់កណ្តាលខែមករានេះ។រដូវកាលមុន Venus Williams ឈ្នះតែ ៣ប្រកួតប៉ុណ្ណោះក្នុងចំណោមការចូលរួមការប្រកួត ១៣កម្មវិធី តែមិនអាចបង្ហើបពីគម្រោងចូលនិវត្តន៍តាមប្អូនស្រីរបស់នាង Serena Williams។ បច្ចុប្បន្ន Venus Williams ឈរចំណាត់ថ្នាក់ពិភពលោកលេខ ១០០៧ ហើយការប្រកួតចុងក្រោយដែលនាងចូលរួមគឺបានត្រឹមជុំដំបូងនៅ US Open កាលពីខែសីហា និងបានចូលរួមការប្រកួតសរុបតែ ៤ព្រឹត្តិការណ៍ប៉ុណ្ណោះក្នុងឆ្នាំ២០២២៕អត្ថបទ៖នាង សុភាវុធ

Nadal ចាញ់ការប្រកួតទី៦ នៃ ៧ប្រកួតចុងក្រោយមុនចូលរួម Australian Open

វាយកូនបាល់៖ កីឡាករវាយកូនបាល់លេខ២ ពិភពលោក Rafael Nadal បានរងបរាជ័យ ២ប្រកួតផ្ទួនៗនៅការប្រកួតពានរង្វាន់ United Cup នៅប្រទេសអូស្ត្រាលី ក្រោយចាញ់កីឡាករម្ចាស់ផ្ទះ Alex de Minaur។ មុនមកជួបកីឡាករអូស្ត្រាលីរូបនេះ Nadal ទើបតែចាញ់កីឡាករអង់គ្លេស Cameron Norrie។ Alex De Minaur ដែលជាអ្នកចូលមកជំនួសកីឡាករ Nick Kyrgios ដែលមានរបួសនោះ រកបានជ័យជំនះធំបំផុតក្នុងអាជីពរបស់ខ្លួនទល់នឹង Rafael Nadal ដោយលទ្ធផល ៣-៦, ៦-១ និង ៧-៥។ ម្ចាស់ជើងឯក Grand Slam ២២លើក Rafael Nadal គិតមកដល់ពេលនេះឈ្នះតែ ១ប្រកួតប៉ុណ្ណោះក្នុងចំណោម ៧ប្រកួតចុងក្រោយរបស់ខ្លួន ពោលគឺឈ្នះមួយប្រកួតនោះនៅ ATP World Tour Finals លើកីឡាករន័រវេស Casper Ruud។ បរាជ័យផ្សេងទៀតរបស់ Nadal កន្លងមករួមមានចាញ់ Felix Auger-Aliassime, ចាញ់ Taylor Fritz, ចាញ់ Tommy Paul និងចាញ់ Frances Tiafoe៕អត្ថបទ៖នាង សុភាវុធ

Brighton សង្ឃឹមអាចរក្សាខ្សែបម្រើជើងឯកពិភពលោក Mac Allister មិនឲ្យចាកចេញក្នុងខែមករានេះ

បាល់ទាត់៖ ក្លិបអង់គ្លេស Brighton សង្ឃឹមថានឹងអាចរក្សាខ្សែបម្រើជយលាភី World Cup អាហ្សង់ទីន Alexis Mac Allister មិនឱ្យចាកចេញអំឡុងពេលទីផ្សារដោះដូរកីឡាករក្នុងខែមករានេះ។ កីឡាករវ័យ ២៤ឆ្នាំរូបនេះបានបង្ហាញទម្រង់លេងដ៏អស្ចារ្យរបស់ខ្លួន ក្នុងការបង្ហាញខ្លួនដំបូងឱ្យក្រុមជំរើសជាតិអាហ្សង់ទីននៅ World Cup ជាមួយនឹងការយកឈ្នះបារាំងដោយបាល់ ១១ម៉ែត្រកាត់សេចក្តីនៅវគ្គផ្តាច់ព្រ័ត្រ។ Brighton មកទល់ពេលនេះមិនទាន់បានទទួលសំណើផ្លូវការណាមួយនៅឡើយ តែសារព័ត៌មានជាច្រើនបានចុះផ្សាយពីការចង់បានរបស់ក្លិបធំៗនៅអឺរ៉ុបមានដូចជា Arsenal, Chelsea, Juventus និង Atletico Madrid។ Mac Allister ទើបតែចុះហត្ថលេខាបន្តកិច្ចសន្យាថ្មីជាមួយ Brighton កាលពីមុន World Cup មកដល់ក្នុងសុពលភាពដល់ឆ្នាំ២០២៥។ ជាមួយនឹងជោគជ័យរបស់ Mac Allister នៅ World Cup នៅកាតានោះ Brighton ត្រូវបានគេដឹងថាមិនចង់ដាក់តម្លៃផ្ទេរណាមួយលើកីឡាករវ័យ ២៤ឆ្នាំរូបនេះឡើយ ពោលគឺចង់រក្សារូបគេនៅ Amex Stadium បន្តទៀត៕អត្ថបទ៖នាង សុភាវុធ

Romelu Lukaku សង្ឃឹមបន្តស្នាក់នៅជាមួយ Inter Milan មិនត្រលប់ទៅ Chelsea វិញ

បាល់ទាត់៖ ខ្សែប្រយុទ្ធប៊ែលហ្ស៊ិក Romelu Lukaku សង្ឃឹមថានឹងអាចបន្តការស្នាក់នៅជាមួយ Inter Milan មិនផ្លាស់ត្រលប់ទៅកាន់ Chelsea វិញនៅពេលបញ្ចប់កិច្ចសន្យាខ្ចី។ Lukaku បានអវត្តមានពីការប្រកួតភាគច្រើននៅពាក់កណ្តាលរដូវកាលកន្លងមកជាមួយ Inter Milan មុនចាកចេញទៅ World Cup ជាមួយក្រុមជម្រើសជាតិប៊ែលហ្ស៊ិក តែបានត្រឹមធ្លាក់នៅវគ្គវិលជុំក្នុងពូល។ កីឡាករវ័យ ២៩ឆ្នាំរូបនេះបានផ្លាស់មកកាន់ Inter Milan ក្នុងកិច្ចសន្យាខ្ចីជើង តែការផ្លាស់មកកាន់ទឹកដីអ៊ីតាលីមានការលំបាកត្រង់ Chelsea បានចំណាយលុយដល់ទៅ ៩៧.៥លានផោននាំយក Lukaku ពីក្លិបនៅ Serie A កាលពីខែសីហា ឆ្នាំ២០២១ មានន័យថាការផ្លាស់មកកាន់ Inter Milan វិញក៏ត្រូវចំណាយលុយច្រើនដែរ។ យ៉ាងណាក្តីបញ្ហារបួសរបស់ Lukaku ក៏អាចធ្វើឱ្យការចរចាផ្ទេរអាចទៅរួចដែរ ខណៈដែល Chelsea ក៏ទំនងមិនត្រូវការ Lukaku ទៀតដែរ។ រំលឹកថា Romelu Lukaku ធ្លាប់ជាកីឡាកររបស់ Chelsea ដំបូងនៅឆ្នាំ២០១០ តែមិនជោគជ័យក៏ផ្លាស់ទៅកាន់ West Brom និង Everton ក្នុងលក្ខខណ្ឌខ្ចីមុនពេលទទួលបានកិច្ចសន្យាផ្លាស់ទៅ Verton ផ្លូវការនៅឆ្នាំ២០១៤។ ឆ្នាំ២០១៧ Lukaku ក៏បានផ្លាស់ទៅកាន់ Manchester United លេងដល់ឆ្នាំ២០១៩ ទើបផ្លាស់ទៅកាន់ Inter Milan មុនពេលដែល Chelsea ទិញយកមក Stamford Bridge វិញកាលពីឆ្នាំ២០២១ នោះក្នុងតម្លៃផ្ទេរជិត ១០០លានផោន៕អត្ថបទ៖នាង សុភាវុធ

គិតត្រឹមពេលនេះមានអ្នកចុះឈ្មោះប្រណាំងរថយន្តសន្តិភាពជិត ១០០នាក់ហើយ

ប្រណាំងរថយន្ត៖ ព្រឹត្តិការណ៍ប្រណាំងរថយន្តសន្តិភាពឆ្នាំ២០២៣ នៅទីលាន ១២ម៉ូទ័រផាកដែលរៀបចំដោយក្លឹប OFF ROAD គោព្រៃមណ្ឌលគិរី សហការជាមួយរដ្ឋបាលខេត្តមណ្ឌលគិរី គាំទ្រដោយក្លឹបមហាគ្រួសាររថយន្ត Off Road កម្ពុជា និងសហព័ន្ធកីឡាយានយន្តកម្ពុជាដែលគ្រោងធ្វើនាថ្ងៃទី១៣ ដល់ទី១៥ ខែមករា ឆ្នាំ២០២៣ ខាងមុខនេះ មានកីឡាករប្រណាំងរថយន្ត Off Road ជាតិ និងអន្តរជាតិចុះឈ្មោះចំនួន ៦៦នាក់មកពី ៤ប្រទេសមានប្រទេសថៃ វៀតណាម ឡាវ និងកម្ពុជាជាម្ចាស់ផ្ទះ។ នេះជាការបញ្ជាក់របស់លោក ព្រំ រស្មី ប្រធានគណៈកម្មការរៀបចំការប្រកួតប្រណាំងរថយន្ត Off Road សន្តិភាពឆ្នាំ២០២៣ នាទីលាន ១២ម៉ូទ័រផាកកាលពីពេលថ្មីៗនេះ។លោកបន្តថា គិតត្រឹមថ្ងៃទី៣០ ខែធ្នូ កីឡាករជាតិ និងអន្តរជាតិបានចុះឈ្មោះចំនួន ៦៦នាក់ស្មើនឹង៧០ ទៅ ៨០ នៃការរំពឹងទុកថានឹងទទួលបានពី ៨០ ទៅ ៩០រថយន្តចូលរួមមហាព្រឹត្តិការណ៍ប្រណាំងរថយន្ត Off Road សន្តិភាពឆ្នាំ២០២៣ ដើម្បីអបអរការសម្ពោធទីលានស្តង់ដារអន្តរជាតិធំជាងគេនៅកម្ពុជាគឺទីលាន ១២ម៉ូទ័រផាក ដែលសាងសង់លើផ្ទៃដីទំហំ ៩៣ហិចតានាខេត្តប៉ែកឦសាន្តនៃប្រទេសកម្ពុជា ជាមួយនឹងការប្រកួតកីឡាផ្សេងៗទៀតផងដែរ។ លោក ព្រំ រស្មី បន្ថែមថា ការប្រកួតរថយន្ត Off Road នេះចែកចេញជា ៣ Class មាន Class A សម្រាប់កីឡាករជំនាញ (Hard core),Class B កីឡាករមធ្យម (light core) និង Class C សម្រាប់កីឡាករចូលរួមដំបូង (Overland)។ ហើយសម្រាប់ Class A អ្នករៀបចំរូបនេះភ្ញាក់ផ្ញើលដោយមានអ្នកចុះឈ្មោះច្រើនរហូតជាង ៣០រថយន្ត រីឯ Class B និង C មានជាង ១០រថយន្តប៉ុណ្ណោះ។ជាមួយគ្នានេះលោក ព្រំ រស្មី បានបញ្ជាក់ថា ១២ម៉ូទ័រផាកគឺជាទីលានធំជាងគេ និងលេខ១ នៅកម្ពុជា មានផ្លូវប្រណាំងបែបធម្មជាតិ និងផ្លូវបែបកែច្នៃ និងមានផ្លូវជាង ១០ខ្សែដែលអាចប្រណាំងបាន មានគ្រប់ស្ថានភាពផ្លូវ គ្រប់រស់ជាតិ ថ្ម ទឹក ភក់ជាដើម ដែលអ្នកជំនាញប្រណាំងរថយន្ត Off Road រូបនេះធ្លាប់ឆ្លងកាត់ប្រណាំងជាច្រើនប្រទេសក្នុងតំបន់អាស៊ាន។ លោក ព្រំ រស្មី ក៏បានស្នើអោយគ្រួសាររថយន្ត Off Road ទាំងអស់ចូលរួមអោយបានគ្រប់ៗគ្នា ទៅតាមប្រភេទរថយន្ត និង Class ដែលគណៈកម្មការរៀបចំ កុំអោយមានការបារម្ភ រថយន្តធម្មតាមិនទាន់កែច្នៃក៏អាចប្រណាំងបាននៅ Class C , ចំនែកឯរថយន្តកែច្នៃកម្រិតមធ្យមប្រណាំងនៅ Class B កម្រិតមធ្យមដូចគ្នា រីឯកីឡាករខ្លាំងៗប្រណាំងជាមួយកីឡាករកម្រិតអន្តរជាតិនៅ Class A ដើម្បីប្រជែងយកពានរង្វាន់ការប្រណាំងរថយន្ត Off Road សន្តិភាពឆ្នាំ២០២៣។សូមបញ្ជាក់ថា ព្រឹត្តិការណ៍ប្រណាំងរថយន្ត Off Road សន្តិភាពឆ្នាំ២០២៣ នៅទីលាន ១២ម៉ូទ័រផាកក៏មានការប្រណាំងម៉ូតូ Super Cross និងប្រណាំងរថយន្ត Rally។ អ្វីដែលកាន់តែពិសេសទៀតនោះ កីឡាករដែលទទួលបានជយលាភីលេខ១ ទាំងអស់នឹងក្លាយជាអគ្គរាជទូតសុច្ឆន្ទៈរបស់ទីលាន ១២ម៉ូទ័រផាក ជាមួយនឹងប្រាក់ឧបត្ថម្ភប្រចាំ អមនឹងពានរង្វាន់១ និងប្រាក់លើកទឹកចិត្ត ដើម្បីអបអរពិធីសម្ពោធទីលានស្តង់ដារអន្តរជាតិធំជាងគេនៅកម្ពុជាផងដែរ៕

បណ្ដាញសង្គម

ព័ត៌មានថ្មីៗ

JBC កម្ពុជា បង្ហាញវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជា-ថៃជូនក្រុម AOT

សម្ដេចធិបតី ណែនាំឱ្យរៀបចំដំឡើងស័ក្តិ និងមេដាយពិសេសជូនវីរយុទ្ធជនការពារទឹកដីពីថៃឈ្លានពាន

ក្រសួងបរិស្ថាន ស្នើសុំការសហការពីរដ្ឋបាលរាជធានី-ខេត្ត ហាមឃាត់ការនាំចូលសំណល់អាគុយ និងបរិក្ខារអេឡិចត្រូនិកប្រើប្រាស់រួច ដើម្បីការពារសុខភាពសាធារណៈ និងបរិស្ថានកម្ពុជា

ការវាយប្រហាររបស់អ៊ីស្រាអែលបានសម្លាប់មនុស្ស ៤នាក់នៅហ្កាហ្សា ទោះលោក Trump ប្រកាសពីការរំសាយអាវុធក៏ដោយ

ធនាគារជាតិនៃកម្ពុជា បដិសេធព័ត៌មានក្លែងក្លាយ ស្តីពីការដាក់ឱ្យចរាចរក្រដាសប្រាក់រៀលប្រភេទថ្មី

ជនអន្តោប្រវេសន៍៖ភាពអត់ឃ្លាន និងអរិភាពជំរុញពួកគេឱ្យត្រឡប់មកពីទីក្រុងសេអ៊ូតា ប្រទេសអេស្ប៉ាញទៅកាន់ម៉ារ៉ុកវិញ

អ.ម.ត និងក្រសួងអប់រំចុះ MOU ដើម្បីលើកកម្ពស់កិច្ចសហប្រតិបត្តិការជួយនិស្សិតបន្តការសិក្សានៅថ្នាក់ឧត្តមសិក្សា

[UPDATE] ចំនួនអ្នកស្លាប់ពីគ្រោះរញ្ជួយដីនៅជប៉ុនឡើងដល់ជិត៤០នាក់ ខណៈមនុស្សជាង ៩ពាន់នាក់ស្នាក់នៅក្នុងជំរំបណ្ដោះអាសន្ន

មនុស្ស ១០នាក់ស្លាប់ក្នុងការវាយប្រហាររបស់រុស្ស៊ីលើរដ្ឋធានីគីវ ខណៈអ៊ុយក្រែនអំពាវនាវរកប្រព័ន្ធស្ទាក់ចាប់មីស៊ីលប៉ាទ្រីយ៉ូត

អ៊ីរ៉ង់គំរាមវាយប្រហារទីតាំងថាមពលរបស់ប្រទេសដទៃទៀត ប្រសិនបើអាមេរិកបើកការវាយប្រហារថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

CAMSOC លើកយកចំណុចអវិជ្ជមានពីកីឡាជាតិមកពិភាក្សា និងទុកជាមេរៀនត្រៀមស៊ីហ្គេម

Manchester United ឡើងមកលេខ៤ នៅ Premier League ក្រោយឈ្នះ Bournemouth

ខេត្តកណ្ដាលបន្ដរៀបចំការប្រកួតកីឡាបាល់ទាត់ និងប៉េតង់ ដើម្បីអបអរទិវាជ័យជម្នះ ៧មករា ខួបលើកទី៤៤

Keisuke Honda អស់តួនាទីជាមួយក្រុមជម្រើសជាតិកម្ពុជា តែសល់ភារកិច្ចជាមួយ U22

Ronaldo ថា ធ្លាប់ទទួលសំណើពីប្រេស៊ីល អាមេរិក អូស្ត្រាលី និងព័រទុយហ្កាល់ តែសម្រេចចិត្តមកកាន់ទឹកដីអាស៊ី

ជើងចាស់ Venus Williams ចាប់ផ្តើមរដូវកាលទី៣០ នៃអាជីពជាមួយជ័យជំនះ

Nadal ចាញ់ការប្រកួតទី៦ នៃ ៧ប្រកួតចុងក្រោយមុនចូលរួម Australian Open

Brighton សង្ឃឹមអាចរក្សាខ្សែបម្រើជើងឯកពិភពលោក Mac Allister មិនឲ្យចាកចេញក្នុងខែមករានេះ

Romelu Lukaku សង្ឃឹមបន្តស្នាក់នៅជាមួយ Inter Milan មិនត្រលប់ទៅ Chelsea វិញ

គិតត្រឹមពេលនេះមានអ្នកចុះឈ្មោះប្រណាំងរថយន្តសន្តិភាពជិត ១០០នាក់ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

CAMSOC ​លើក​យក​ចំណុច​អវិជ្ជមាន​ពី​កីឡា​ជាតិ​មក​ពិភាក្សា និង​ទុកជា​មេរៀន​ត្រៀម​ស៊ី​ហ្គេម​

Manchester United ឡើងមក​លេខ​៤ នៅ Premier League ក្រោយ​ឈ្នះ Bournemouth

Keisuke Honda ​អស់​តួនាទី​ជាមួយ​ក្រុម​ជម្រើសជាតិ​កម្ពុជា តែ​សល់​ភារកិច្ច​ជាមួយ​ U22

ជើងចាស់ Venus Williams ចាប់ផ្តើម​រដូវ​កាល​ទី​៣០ នៃ​អាជីព​ជាមួយ​ជ័យជំនះ​

Nadal ចាញ់​ការប្រកួត​ទី៦ នៃ ៧ប្រកួត​ចុងក្រោយ​មុន​ចូលរួម Australian Open

Brighton សង្ឃឹម​អាច​រក្សា​ខ្សែបម្រើ​ជើងឯក​ពិភពលោក Mac Allister មិនឲ្យចាកចេញ​ក្នុង​ខែមករា​នេះ

Romelu Lukaku សង្ឃឹម​បន្ត​ស្នាក់នៅ​ជាមួយ Inter Milan មិន​ត្រលប់​ទៅ Chelsea វិញ

គិត​ត្រឹម​ពេលនេះ​មាន​អ្នក​ចុះឈ្មោះ​ប្រណាំង​រថយន្ត​សន្តិភាព​ជិត ១០០​នាក់​ហើយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

CAMSOC លើកយកចំណុចអវិជ្ជមានពីកីឡាជាតិមកពិភាក្សា និងទុកជាមេរៀនត្រៀមស៊ីហ្គេម

Manchester United ឡើងមកលេខ៤ នៅ Premier League ក្រោយឈ្នះ Bournemouth

Keisuke Honda អស់តួនាទីជាមួយក្រុមជម្រើសជាតិកម្ពុជា តែសល់ភារកិច្ចជាមួយ U22

ជើងចាស់ Venus Williams ចាប់ផ្តើមរដូវកាលទី៣០ នៃអាជីពជាមួយជ័យជំនះ

Nadal ចាញ់ការប្រកួតទី៦ នៃ ៧ប្រកួតចុងក្រោយមុនចូលរួម Australian Open

Brighton សង្ឃឹមអាចរក្សាខ្សែបម្រើជើងឯកពិភពលោក Mac Allister មិនឲ្យចាកចេញក្នុងខែមករានេះ

Romelu Lukaku សង្ឃឹមបន្តស្នាក់នៅជាមួយ Inter Milan មិនត្រលប់ទៅ Chelsea វិញ

គិតត្រឹមពេលនេះមានអ្នកចុះឈ្មោះប្រណាំងរថយន្តសន្តិភាពជិត ១០០នាក់ហើយ