BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

AFF៖ កម្ពុជានឹងព្យាយាមបង្កើតអ្វីមួយក្នុងជំនួបជាមួយម្ចាស់ផ្ទះថៃយប់នេះ

បាល់ទាត់៖ ក្រុមជម្រើសជាតិកម្ពុជានឹងត្រូវប្រកួតបញ្ចប់ពូល A នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Mitsubishi Electric Cup 2022 ដោយត្រូវជួបក្រុមម្ចាស់ផ្ទះថៃនាវេលាម៉ោង ៧៖៣០នាទីយប់នេះនៅកីឡដ្ឋាន Thammasat ។ ថ្លែងក្នុងសន្និសីទសារព័ត៌មានមុនការប្រកួត គ្រូបង្វឹកក្រុមទាំងពីរសុទ្ធតែបានចាត់ទុកការប្រកួតនេះគឺជាជំនួបដ៏សំខាន់ ដើម្បីប្រជែងកៅអីវគ្គពាក់កណ្ដាលផ្ដាច់ព្រ័ត្រនៃព្រឹត្តិការណ៍ប្រចាំតំបន់នេះ ស្របពេលលោក Ryu Hirose គ្រូបង្វឹកក្រុមគោព្រៃកម្ពុជាថា នឹងព្យាយាមបង្កើតអ្វីមួយក្នុងជំនួបដ៏ធំនេះ។ គ្រូបង្វឹកជនជាតិជប៉ុនរូបនេះបានទទួលស្គាល់ថា បើក្រឡេកមើលតារាងចំណាត់ថ្នាក់ពិភពលោក ឬ FIFA Ranking ក៏ដូចជាបទពិសោធន៍កន្លងមក គឺក្រុមជម្រើសជាតិថៃធ្វើបានល្អជាងកម្ពុជា។ តែយ៉ាងណាលោកថា វានឹងក្លាយជាការប្រកួតមួយដ៏សំខាន់សម្រាប់ក្រុមទាំងពីរ។ អ្វីដែលពិសេសលោក Ryu Hirose បានសង្កត់ធ្ងន់ថា លោកមិនចង់ឲ្យគ្រប់គ្នាគិតថា វានឹងជាការប្រកួតដ៏ងាយស្រួលសម្រាប់ក្រុមឡើយ ស្របពេលក្រុមគោព្រៃប្ដេជ្ញានឹងព្យាយាមធ្វើឲ្យមួយឲ្យកើតឡើង ក្នុងការប្រកួតដ៏សំខាន់នេះ។ ចំណែកលោក Alexandre Polking គ្រូបង្វឹកក្រុមដំរីសឹកថៃវិញបានលើកឡើងថា ទោះបីក្រុមទាំងមូលក៏ដូចជាកូនក្រុម បានដាក់គោលដៅឈ្នះក្នុងការប្រកួតដ៏សំខាន់នេះ តែលោកក៏មានក្ដីបារម្ភខ្លះដែរ ដ្បិតក្រោយជួបក្រុមម្ចាស់ផ្ទះឥណ្ឌូនេស៊ី ពួកគេមានពេលហាត់ពេញបានតែ ២ថ្ងៃប៉ុណ្ណោះ។ ដូច្នេះលោកចង់ផ្លាស់ប្ដូរកីឡាករមួយចំនួន ដើម្បីលេងជាមួយកម្ពុជា។ ក្នុងការប្រកួតជាមួយក្រុមម្ចាស់ផ្ទះថៃនេះដែរ សម្រាប់បងប្អូនអ្នកគាំទ្រដែលមានបំណងចង់ចូលរួមទស្សនា និងលើកទឹកចិត្តក្រុមគោព្រៃកម្ពុជាផ្ទាល់ សហព័ន្ធកីឡាបាល់ទាត់កម្ពុជាក៏មានរៀបចំសំបុត្រចូលទស្សនាផងដែរ ដោយគ្រាន់តែ Comment ដើម្បីក្រុមការងារសហព័ន្ធធ្វើការទាក់ទង និងផ្ដល់សំបុត្រចូលទស្សនាដោយឥតគិតថ្លៃតែម្ដង។សូមបញ្ជាក់ថា បច្ចុប្បន្នកម្ពុជាកំពុងឈរលេខ៣ ក្នុងពូល A ដោយមាន ៦ពិន្ទុចាញ់ប្រៀបក្រុមថៃ និងឥណ្ឌូនេស៊ី ១ពិន្ទុ ខណៈក្រុមនីមួយៗនៅសល់ ១ប្រកួតក្នុងដៃដែលត្រូវប្រកួតចុងក្រោយថ្ងៃនេះ។ ដូច្នេះការជួបថៃយប់នេះកម្ពុជាត្រូវការឈ្នះដាច់ខាត ដើម្បីមានឱកាឡើងទៅវគ្គពាក់កណ្ដាលផ្ដាច់ព្រ័ត្រនៃពានរង្វាន់ AFF Mitsubishi Electric Cup 2022។ ការប្រកួតនេះក៏នឹងមានផ្សាយបន្ដផ្ទាល់លើកញ្ចក់ទូរទស្សន៍បាយ័នផងដែរ៕អត្ថបទ៖ លី ឈុនឡា

បាត់ដំណឹងពីការរៀបចំប្រណាំង F1 នៅប្រទេសវៀតណាម

ប្រណាំងរថយន្ត៖ របងបិទជិតពោរពេញដោយកាកសំណល់ប្លាស្ទិក ទីលានប្រណាំង F1 នៅទីក្រុងហាណូយប្រទេសវៀតណាមត្រូវបានគេបោះបង់ចោល ខណៈដែលក្តីសង្ឃឹមចង់រៀបចំ F1 លើកដំបូងនៅកណ្តាលរដ្ឋធានីនៃប្រទេសវៀតណាម ត្រូវរលាយសាបសូន្យបាត់ដំណឹងសូន្យឈឹង។ ទីក្រុងហាណូយគ្រោងនឹងធ្វើជាម្ចាស់ផ្ទះរៀបចំការប្រណាំង F1 ជាលើកដំបូងក្នុងប្រវត្តិសាស្ត្រកាលពីឆ្នាំ២០២០ តែក៏ត្រូវបានលុបចោលវិញដោយសារវិបត្តិនៃជំងឺរាតត្បាតជាសកលកូវីដ-១៩ ហើយតាំងពីពេលនោះមកក៏គេមិនដែលបានដឹងពីដំណឹងនៃការរៀបចំ F1 នៅទៀតឡើយ។ មកទល់ពេលនេះ កន្លែងអង្គុយទស្សនាជុំវិញទីលានត្រូវបានគេយកចេញ ហើយក៏មានសំរាមខ្លះដែលចោលដោយមនុស្សដែលចូលតាមរបងចំហ។ បើតាមគម្រោងទីលាន F1 នៅទីក្រុងហាណូយប្រទេសវៀតណាម គឺត្រូវប្រណាំងនៅលើផ្លូវសាធារណតែម្តង ដែលរួមមានផ្លូវបត់ 22 ចំងាយមួយជុំ 5.565km នឹងក្លាយជាទីលាន F1 លើផ្លូវសាធារណៈទីបួនបន្ទាប់ពីម៉ូណាកូ សិង្ហបុរី និងអាស៊ែបៃសង់។ ការរចនាទីលាននេះធ្វើឡើងដោយលោក Hermann Tilke ដែលនឹងមានផ្លូវត្រង់ 1.5km ដែលនឹងឃើញរថយន្តប្រើល្បឿនអតិបរមាដល់ទៅ 335km/h។ ព្រឹត្តិការណ៍ F1 នៅប្រទេសវៀតណាមនឹងក្លាយជា Grand Prix ទីបីនៅលើទឹកដីអាស៊ីអាគ្នេយ៍បន្ទាប់ពីសិង្ហបុរី និងម៉ាឡេស៊ី៕អត្ថបទ៖នាង សុភាវុធ

បុគ្គលបាល់ទាត់សំខាន់ៗនៅលើពិភពលោកផ្ញើសាររំលែកទុក្ខមរណភាពរបស់លោក Pele

បាល់ទាត់៖ ពិភពលោកបានបាត់បង់បុគ្គលសំខាន់ មនុស្សដែលគេចាត់ទុកថាជាកំពូលកីឡាករបាល់ទាត់គឺលោក Pele ដែលបានទទួលមរណភាពកាលពីយប់មិញនៅក្នុងវ័យ ៨២ឆ្នាំ។ ស្នាដៃរាប់មិនអស់ដែលសាងនៅក្នុងអាជីពរបស់ខ្លួន កិត្តិយសដែលបានផ្តល់ជូនជាតិរបស់ខ្លួន និងស្នាដៃដែលរកអ្នកផ្ទឹមពុំបានលោក Pele ត្រូវបានគេចាត់ទុកថាជាកំពូលកីឡាករបាល់ទាត់ និងជាវីរបុរសបាល់ទាត់នៅក្នុងប្រវត្តិសាស្ត្របាល់ទាត់។ មរណភាពរបស់លោក Pele មិនត្រឹមតែជាការបាត់បង់សមាជិកនៅក្នុងក្រុមគ្រួសាររបស់លោក តែជាការបាត់បង់បុគ្គលសំខាន់របស់ពិភពលោកទាំងមូល។ "យើងក្រឡេកទៅមើលប្រតិកម្មរបស់តារាបាល់ទាត់ល្បីៗនៅលើពិភពលោកវិញ សមាគមបាល់ទាត់ទ្វីបអឺរ៉ុប UEFA បានបង្ហោះសាររំលែកទុក្ខថា “យើងចូលរួមជាមួយអ្នកគាំទ្រជុំវិញពិភពលោកក្នុងការកាន់ទុក្ខ Pele ដែលជាកីឡាករដ៏អស្ចារ្យបំផុតក្នុងប្រវត្តិសាស្ត្របាល់ទាត់ ដែលបានដើរតួនាទីត្រួសត្រាយធ្វើឱ្យកីឡាបាល់ទាត់ក្លាយជាកីឡាដ៏ពេញនិយមបំផុតរបស់ពិភពលោក។" ខ្សែប្រយុទ្ធប្រេស៊ីល Neymar បានបង្ហោះថា លោក Pele បានកែប្រែគ្រប់យ៉ាងមិនត្រឹមតែបាល់ទាត់ លោកបានចាកចេញទៅហើយ តែស្នាដៃដែលបន្សល់ទុក គ្រប់គ្នាមិនអាចបំភ្លេចបានឡើយ។ ខ្សែប្រយុទ្ធព័រទុយហ្កាល់ Cristiano Ronaldo បានបង្ហោះនៅលើ Instagram របស់ខ្លួនថា សូមចូលរួមរំលែកទុក្ខដល់ប្រជាជាតិប្រេស៊ីលទាំងមូល និងក្រុមគ្រួសារ។ ទេពកោសល្យរបស់ Pele បានជំរុញទឹកចិត្តកីឡាករបាល់ទាត់ មនុស្សជុំវិញពិភពលោក។ ចំណែកឯខ្សែប្រយុទ្ធបារាំង Kylian Mbappe ដែលតែងទទួលការកោតសរសើរផ្ទាល់មាត់ពីលោក Pele នោះបានសរសេរថា ស្តេចបាល់ទាត់បានចាកចេញហើយ តែស្នាដៃរបស់គាត់នៅដិតដាមមិនអាចបំភ្លេចបាន។ រីឯនៅប្រទេសប្រេស៊ីលវិញ រដ្ឋាភិបាលប្រេស៊ីលបានប្រកាសពីការកាន់ទុក្ខមរណភាពរបស់លោក Pele រយៈពេល ៣ថ្ងៃផងដែរ៕អត្ថបទ៖នាង សុភាវុធ

ស្នាដៃមិនអាចបំភ្លេចបានរបស់លោក Pele ក្នុងប្រវត្តិសាស្ត្របាល់ទាត់

បាល់ទាត់៖ វីរបុរសប្រេស៊ីលលោក Pele ដែលបានទទួលមរណភាពក្នុងវ័យ ៨២ឆ្នាំកាលពីយប់ថ្ងៃព្រហស្បតិ៍ ត្រូវបានគេចាត់ទុកថាជាកំពូលកីឡាករបាល់ទាត់នៅក្នុងប្រវត្តិសាស្ត្របាល់ទាត់។ លោក Pele បានស៊ុតបញ្ចូលទីសរុប ១២៨១គ្រាប់ក្នុងការបង្ហាញខ្លួន ១៣៦៣ប្រកួតកាន់កំណត់ត្រាពិភពលោក និងឈ្នះពានសំខាន់ៗជាច្រើនក្នុងអាជីព ២១ឆ្នាំជាកីឡាករបាល់ទាត់។ Pele បានចាប់ផ្តើមលេងបាល់ក្នុងក្រុមយុវជន Bauru FC នៅរដ្ឋ Sao Paulo ប្រេស៊ីល មុនពេលផ្លាស់មកកាន់ក្រុមយុវជន Santos ហើយក៏មិនចំណាយពេលយូរដែរក្នុងការឡើងមកលេងក្រុមធំក្នុងវ័យ ១៥ឆ្នាំនៅថ្ងៃទី៧ ខែកញ្ញា ឆ្នាំ១៩៥៦ និងបានស៊ុតបញ្ចូលទីគ្រាប់ដំបូងបំផុតក្នុងអាជីពនៅពេលយកឈ្នះ Corinthians Santo Andre ៧-១។ ជាមួយក្លិបអាជីព Santos លោក Pele បានជួយក្រុមឈ្នះជើងឯក Copa Libertadores ដែលជាពានដូចគ្នានឹង UEFA Champions League នៅអឺរ៉ុបក្នុងឆ្នាំ១៩៦២ និង ១៩៦៣។ ជាមួយគ្នានោះដែរលោក Pele ក៏បានជួយក្រុម Santos ឈ្នះពានលីគកំពូលប្រេស៊ីលសរុប ៦លើក, Intercontinental Cup ២លើក, Intercontinental Supercup ១លើក, Campeonato Paulista ១០លើក និង Torneio Rio-Sao Paulo ៤លើក។ បន្ទាប់ពីចាកចេញពី Santos នៅឆ្នាំ១៩៧៤ លោក Pele ក៏បានសំរេចចិត្តផ្លាស់ទៅក្លិបអាមេរិក New York Cosmos នៅឆ្នាំ១៩៧៥ ហើយក៏បន្តឈ្នះជើងឯក ២លើកទៀតនៅលីគអាមេរិក។ ស្នាដៃដែលមិនអាចបំភ្លេចបាននៅក្នុងប្រវត្តិសាស្ត្របាល់ទាត់របស់លោក Pele នោះគឺលោកបានជួយក្រុមជម្រើសជាតិប្រេស៊ីលឈ្នះពានជើងឯកពិភពលោក ៣លើកនៅឆ្នាំ១៩៥៨ ១៩៦២ និង ១៩៧០។ Edson Arantes do Nascimento ដែលគេស្គាល់ថា Pele បានជួយប្រេស៊ីលឈ្នះជើងឯកបាល់ទាត់ពិភពលោកនៅ ១៩៥៨ នៅប្រទេសស៊ុយអែតនៅក្នុងវ័យ ១៧ឆ្នាំប៉ុណ្ណោះ។ លោកបានស៊ុតបញ្ចូលទី ១គ្រាប់ក្នុងជ័យជំនះលើវែល ១-០ នៅវគ្គ ៨ក្រុមចុងក្រោយ ស៊ុតបញ្ចូលទី ៣គ្រាប់ទល់នឹងបារាំងនៅវគ្គពាក់កណ្តាលផ្តាច់ព្រ័ត្រ និងស៊ុតបញ្ចូលទី ២គ្រាប់ទៀតនៅវគ្គផ្តាច់ព្រ័ត្រក្នុងជ័យជំនះ ៥-២ លើម្ចាស់ផ្ទះស៊ុយអែត។ ឆ្នាំ១៩៦២ ប្រេស៊ីលក្លាយជាប្រទេសដំបូងដែលអាចការពារតំណែងជើងឯកបាល់ទាត់ពិភពលោកបាន ខណៈលោក Pele នៅតែជាសមាជិកសំខាន់ដែលរួមចំណែកឱ្យប្រេស៊ីលឈ្នះជើងឯកនៅពេលនោះ។ ឆ្នាំ១៩៧០ បាល់ទាត់ពិភពលោកនៅប្រទេសម៉ិកស៊ិកលោក Pele បានស៊ុតបញ្ចូលទី ១គ្រាប់ក្នុងជ័យជំនះ ៤-១ លើអ៊ីតាលីនៅវគ្គផ្តាច់ព្រ័ត្រ។ សរុបអាជីពជាមួយក្រុមជម្រើសជាតិពីឆ្នាំ១៩៥៧ ដល់ ១៩៧១ លោក Pele បង្ហាញខ្លួនបាន ៩២លើករកបាន ៧៧គ្រាប់ ក្នុងនោះមាន ១២គ្រាប់នៅក្នុងព្រឹត្តិការណ៍បាល់ទាត់ពិភពលោកសរុប ៤លើកដែលលោកបានចូលរួម។ នេះជាស្នាដៃដែលលោកបានជួយក្លិបអាជីព និងក្រុមជម្រើសជាតិដែលធ្វើឱ្យគ្រប់គ្នាមិនអាចបំភ្លេចបាន ជាពិសេសគឺការឈ្នះជើងឯកបាល់ទាត់ពិភពលោកដល់ទៅ ៣លើក។ ចំណែកស្នាដៃឯកជនរបស់លោក Pele វិញច្រើនរាប់មិនអស់ឡើយ៕អត្ថបទ៖នាង សុភាវុធ

ក្រសួងមហាផ្ទៃដណ្ដើមបានមេដាយច្រើនជាងគេក្នុងជើងឯកប្រដាល់សកលថ្នាក់ជាតិឆ្នាំ២០២២

ប្រដាល់សកល៖ ក្រុមកីឡាប្រដាល់សកលក្រសួងមហាផ្ទៃបានឈ្នះមេដាយច្រើនជាងគេ ក្នុងការប្រកួតជ្រើសរើសជើងឯកថ្នាក់ជាតិឆ្នាំ២០២២ បន្ទាប់ពីដំណើរការប្រកួតអស់រយៈពេល ៤ថ្ងៃកន្លងទៅចាប់ពីថ្ងៃទី២៦ ដល់ថ្ងៃទី២៩ ខែធ្នូ នៅពហុកីឡដ្ឋានជាតិ។ ពិធីបិទការប្រកួតបានធ្វើឡើងក្រោមវត្តមានលោកសាស្ដ្រាចារ្យវេជ្ជបណ្ឌិត ឆឹង យ៉ៅយ៉េន ប្រធានសហព័ន្ធកីឡាប្រដាល់សកលកម្ពុជា។ លោក ប៊ុយ សុភ័ណ្ឌ បានឲ្យដឹងថា ជើងឯកប្រដាល់សកលថ្នាក់ជាតិឆ្នាំនេះមានកីឡាករ-កីឡាការិនីចូលរួមសរុប ៩១នាក់មកពី ១៦សមាគម/ក្លិប រាជធានី-ខេត្ត និងក្រសួងចូលរួម។ ជាលទ្ធផលក្រសួងមហាផ្ទៃឈរកំពូលតារាងមេដាយ ដណ្ដើមបានមេដាយសរុប ៩គ្រឿង (មាស ៣ ប្រាក់ ៤ និងសំរឹទ្ធ ២) គ្រាដែលក្លិបប្រដាល់អារុណរៈខេត្តកណ្ដាលឈរលេខ២ ឈ្នះមេដាយសរុប ៨គ្រឿង (មាស ២ ប្រាក់ ៤ និងសំរឹទ្ធ២)។ ចំណែករាជធានីភ្នំពេញ និងក្រសួងសេដ្ឋកិច្ច និងហិរញ្ញវត្ថុដណ្ដើមបានមេដាយមាស ២គ្រឿងស្មើគ្នាឈរលេខ៣ និងលេខ៤ ខណៈក្លិបសរសីកីឡាឈ្នះមេដាយមាស ១ និងសំរឹទ្ធ ១ ឈរលេខ៥ និងក្រសួងការពារជាតិដណ្ដើមបានមេដាយមាស ១ ឈរលេខ៦ ។ ក្រៅពីនេះក៏មានក្លិបមួយចំនួនទៀតដណ្ដើមបានមេដាយប្រាក់ និងសំរឹទ្ធក្នុងចំណោម ១១វិញ្ញាសាដែលសហព័ន្ធបានរៀបចំក្នុងការប្រកួតប្រចាំឆ្នាំនេះផងដែរ។ អគ្គលេខាធិការសហព័ន្ធដដែលបន្ដថា ឆ្លងកាត់ការប្រកួត ៤ថ្ងៃកន្លងមក សហព័ន្ធបានវាយតម្លៃខ្ពស់ចំពោះសមត្ថភាពរបស់កីឡាករ-កីឡាការិនីចូលរួម ដែលមានការប្រកួតប្រជែងដ៏ស្វិតស្វាញ ស្របតាមយុទ្ធសាស្ដ្រអភិវឌ្ឍន៍ធនធានកីឡាករ-កីឡាការិនី ដើម្បីឈ្ពោះទៅរកភាពជោគជ័យសម្រាប់ការប្រកួតកីឡាស៊ីហ្គេមឆ្នាំ២០២៣ នាពេលដ៏ខ្លីខាងមុខ។ រីឯការបំពេញតួនាទីភារកិច្ចរបស់មន្ដ្រីបច្ចេកទេសអាជ្ញាកណ្ដាល-ចៅក្រមក៏មានលក្ខណៈល្អប្រសើរផងដែរ។ ជាមួយគ្នានោះ ប្រមុខសហព័ន្ធលោកសាស្ដ្រាចារ្យវេជ្ជបណ្ឌិត ឆឹង យ៉ៅយ៉េន បានថ្លែងអំណរគុណក្រសួងអប់រំ យុវជន និងកីឡា ក៏ដូចជាគ្រប់ភាគីពាក់ព័ន្ធដែលតែងគាំទ្រ និងចូលរួមព្រឹត្តិការណ៍ប្រចាំឆ្នាំនេះក្នុងន័យដើម្បីដកស្រង់ វាស់ស្ទង់ និងបង្កើនសមត្ថភាព បច្ចេកទេសរបស់កីឡាករ-កីឡាការិនី ពិសេសក្រុមជម្រើសជាតិឆ្ពោះទៅរកការអភិវឌ្ឍសមត្ថភាពកម្រិតខ្ពស់ និងត្រៀមព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាឆ្នាំ២០២៣ ខាងមុខ៕អត្ថបទ៖ លី ឈុនឡា

វីរបុរសបាល់ទាត់ប្រេស៊ីល Pele ទទួលមរណភាពក្នុងវ័យ ៨២ឆ្នាំ

បាល់ទាត់៖ វីរបុរសបាល់ទាត់ប្រេស៊ីលលោក Pele បានទទួលមរណភាពហើយនៅក្នុងវ័យ ៨២ឆ្នាំដោយសាររោគាពាធ។ លោក Pele មានបញ្ហាក្រលៀន និងក្រពេញប្រូស្តាស ដែលធ្វើឱ្យសុខភាពរបស់លោកបានធ្លាក់ចុះខ្លាំងប៉ុន្មានឆ្នាំចុងក្រោយ ជាពិសេសនៅក្នុងឆ្នាំ២០២២ នេះ។ លោក Pele ធ្លាប់បានទទួលការវះកាត់យកដុំគីសនៅក្នុងពោះវៀនធំកាលពីខែកញ្ញា ឆ្នាំ២០២១ នៅមន្ទីរពេទ្យ Albert Einstein ទីក្រុង Sao Paulo តែមិនចប់សព្វគ្រប់ឡើយ ស្ថានភាពជំងឺរបស់លោក Pele មិនបានធូរស្បើយទេ ហើយក៏ត្រូវបញ្ជូនត្រលប់មកមន្ទីរពេទ្យវិញនៅចុងខែវិច្ឆិកាកន្លងទៅមកទល់ពេលនេះ។ កូនស្រីរបស់លោក Pele, Nely Nascimento តែងតែធ្វើបច្ចុប្បន្នភាពសុខភាពឪពុករបស់ខ្លួនជាប្រចាំនៅលើបណ្តាញសង្គម ខណៈក្រុមគ្រួសារបានចំណាយពេលរួមគ្នានៅជាមួយលោក Pele នៅក្នុងមន្ទីរពេទ្យអំឡុងបុណ្យគ្រីសស្មានកន្លងទៅនេះ។ មន្ទីរពេទ្យបានបញ្ជាក់ពីមរណភាពរបស់លោក Pele ដោយសារជំងឺមហារីកពោះវៀនធំ។ Edson Arantes do Nascimento ដែលគេស្គាល់ថា Pele បានចាប់ផ្តើមអាជីពបាល់ទាត់របស់ខ្លួនតាំងពីវ័យ ១៧ឆ្នាំ និងបានជួយប្រេស៊ីលឈ្នះជើងឯកបាល់ទាត់ពិភពលោកនៅ ១៩៥៨ នៅប្រទេសស៊ុយអែត។ លោកបានស៊ុតបញ្ចូលទី ១គ្រាប់ក្នុងជ័យជំនះលើវែល ១-០ នៅវគ្គ ៨ក្រុមចុងក្រោយ ស៊ុតបញ្ចូលទី ៣គ្រាប់ទល់នឹងបារាំងនៅវគ្គពាក់កណ្តាលផ្តាច់ព្រ័ត្រ និងស៊ុតបញ្ចូលទី ២គ្រាប់ទៀតនៅវគ្គផ្តាច់ព្រ័ត្រក្នុងជ័យជំនះ ៥-២ លើម្ចាស់ផ្ទះស៊ុយអែត៕អត្ថបទ៖នាង សុភាវុធ

ជួន ចាន់ចាវ៖ កម្ពុជាអាចឈ្នះប្រ៊ុយណេលើសពី ៥គ្រាប់ បើសិនមិនខ្ជះខ្ជាយឱកាសនៅវគ្គទី១

បាល់ទាត់៖ ក្រុមបាល់ទាត់ជម្រើសជាតិកម្ពុជាបានយកឈ្នះក្រុមភ្ញៀវប្រ៊ុយណេ ៥-១ នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Mistubishi Electric Cup 2022 កាលពីល្ងាចថ្ងៃទី២៩ ខែធ្នូនៅពហុកីឡដ្ឋានជាតិមរតកតេជោ។ ប៉ុន្ដែទោះទទួលបាន ៣ពិន្ទុបន្ថែមយ៉ាងណាក្ដី ក៏ខ្សែការពារ ជួន ចាន់ចាវ ថា វគ្គទី១ ក្រុមខ្លួនធ្វើពុំបានល្អឡើយ។ ការប្រកួតទី៣ ក្នុងពូល A នេះ ប្រ៊ុយណេបានបើកការនាំមុខម្ចាស់ផ្ទះកម្ពុជា ១គ្រាប់មុនដែលរកបានដោយកីឡាករ Nurikhwan Othman នៅនាទី២១ មុនខ្សែការពារ ជួន ចាន់ចាវ តែតបញ្ចប់ទីគ្រាប់តាមស្មើ ១-១ ឲ្យក្រុមគោព្រៃវិញ ក្រោយការបញ្ជូនបាល់យ៉ាងល្អរបស់កីឡាករ ទេស សម្បត្តិ នៅនាទី៣១។ ចូលវគ្គទី២ កម្ពុជាបានព្យាយាមដាក់សម្ពាធខ្លាំងលើគូប្រកួតដោយរកបាន ៤គ្រាប់ជាបន្ដបន្ទាប់ដោយខ្សែប្រយុទ្ធខ្មែរ-អាមេរិក Taylor Goeung Nicolas នៅនាទី៥០, កីឡាករ កែវ សុខផេង នៅនាទី៧៣ និង ២គ្រាប់ចុងក្រោយរកបានដោយកីឡាករ លឹម ពិសុទ្ធ នៅនាទី៨០ និងនាទី៨៨ ដើម្បីធានាជ័យជម្នះឲ្យកម្ពុជាតែម្ដង។ ក្រោយចប់ការប្រកួត ជួន ចាន់ចាវ លើកឡើងថា ការប្រកួតនេះប្រសិនបើក្រុមរបស់ខ្លួនមិនសូវខ្ជះខ្ជាយឱកាសនៅវគ្គទី១ កម្ពុជាអាចនឹងរកបានគ្រាប់បាល់លើសពី ៥គ្រាប់។ យ៉ាងណាគេរីករាយនឹងជ័យជម្នះនេះ ហើយប្ដេជ្ញានឹងធ្វើឲ្យបានល្អប្រសើរនៅការប្រកួតចុងក្រោយជាមួយថៃ ដើម្បីមានឱកាសឡើងទៅវគ្គបន្ដ។ សូមបញ្ជាក់ថា បច្ចុប្បន្នកម្ពុជា ឈរលេខ៣ និងមាន ៦ពិន្ទុចាញ់ប្រៀបថៃ និងឥណ្ឌូនេស៊ី ១ពិន្ទុ។ យ៉ាងណាក្ដីកម្ពុជានៅសល់ ១ប្រកួតទៀតដោយត្រូវជួបក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ ដោយកម្ពុជាត្រូវការជ័យជម្នះដាច់ខាត ដើម្បីមានឱកាសឡើងទៅវគ្គបន្ដនៃពានរង្វាន់ជើងឯកអាស៊ីអាគ្នេយ៍នេះ៕ អត្ថបទ៖ លី ឈុនឡា

Mbappe ស៊ុត ១១ម៉ែត្រចុងម៉ោងឲ្យ PSG ឈ្នះ Strasbourg ២-១ តែ Neymar បានកាតក្រហម

បាល់ទាត់៖ ខ្សែប្រយុទ្ធបារាំង Kylian Mbappe គឺជាអ្នកស៊ុតបញ្ចូលទីគ្រាប់បាល់ជ័យជំនះ ១១ម៉ែត្រនៅចុងវគ្គទី២ ជួយឱ្យ Paris Saint Germain យកឈ្នះ Strasbourg ទាំងលំបាក ២-១ ក្របខណ្ឌលីគកំពូលបារាំងសប្តាហ៍ទី១៦។ បន្ទាប់ពីខ្សែការពារប្រេស៊ីល Marquinhos បើកការនាំមុខតាំងពីនាទីទី១៤ Marquinhos ដដែលក៏ភ្លាត់ស្នៀតចូលទីខ្លួនឯងធ្វើឱ្យ Strasbourg តាមស្មើវិញ ១-១។ ក្រុមម្ចាស់ផ្ទះកាន់តែលំបាកនៅពេល Neymar ទទួលបានកាតលឿងទី២ បណ្តេញចេញពីការប្រកួត តែសំណាងនៅចុងម៉ោងវិញនៅពេលខ្សែការពារ Strasbourg, Gerzino Nyamsi ធ្វើឱ្យមានកំហុសលើ Mbappe ក្នុងប្រអប់គ្រោះថ្នាក់។ Mbappe ដែលទើបខូចចិត្តចាញ់អាហ្សង់ទីននៅវគ្គផ្តាច់ព្រ័ត្រ World Cup នោះគឺជាអ្នកស៊ុតបញ្ចូលទីគ្រាប់បាល់ ១១ម៉ែត្រយកបីពិន្ទុឱ្យ PSG ទាំងលំបាក។ បីពិន្ទុបន្ថែមនេះធ្វើឱ្យ PSG បន្តការនាំមុខនៅក្របខណ្ឌបារាំង Ligue 1 ដាច់ ៨ពិន្ទុពីក្រុម Lens ដែលមានការប្រកួតយប់នេះ៕អត្ថបទ៖នាង សុភាវុធ

សហព័ន្ធបាល់ទាត់ជប៉ុនបន្តកិច្ចសន្យាឲ្យលោក Hajime Moriyasu ដឹកនាំក្រុមជម្រើសជាតិដល់ឆ្នាំ២០២៦

បាល់ទាត់៖ លោក Hajime Moriyasu នឹងបន្តជាគ្រូបង្វឹកក្រុមជម្រើសជាតិជប៉ុនរហូតដល់ World Cup 2026 នេះបើតាមការសេចក្តីប្រកាសរបស់សហព័ន្ធបាល់ទាត់ជប៉ុននៅថ្ងៃពុធម្សិលមិញ។ បុរសវ័យ ៥៤ឆ្នាំរូបនេះបាននាំក្រុមជម្រើសជាតិជប៉ុនឡើងទៅវគ្គ ១៦ក្រុមចុងក្រោយ World Cup នៅកាតានាពេលកន្លងទៅ តែអ្វីដែលគួរកត់សំគាល់នោះគឺជប៉ុនបានយកឈ្នះក្រុមយក្សរបស់អឺរ៉ុបទាំង២ នៅក្នុងពូលរួមមានអាល្លឺម៉ង់ និងអេស្ប៉ាញ។ យ៉ាងណាក្តីក្រុមសាមូរ៉ៃពណ៌ខៀវមួយនេះក៏បានធ្លាក់ត្រឹមវគ្គ ១៦ក្រុមក្រោមស្នាដៃក្រុមជើងឯករង ២០១៨ ក្រូអាស៊ីដោយបាល់ ១១ម៉ែត្រកាត់សេចក្តី។ លោក Hajime Moriyasu នឹងក្លាយជាគ្រូបង្វឹកជប៉ុនទី១ ដែលនៅតែកាន់តំណែងក្រោយចប់ World Cup។ រំលឹកថាលោក Moriyasu គឺជាអតីតកីឡាករខ្សែបម្រើជម្រើសជាតិជប៉ុន និងធ្លាប់ដឹកនាំក្លិប Sanfrecce Hiroshima ឈ្នះជើងឯក J-League ៣លើកមុនពេលចូលដឹកនាំក្រុម U23 ជប៉ុន និងឈានឡើងមកដឹកនាំក្រុមធំនៅឆ្នាំ២០១៨៕អត្ថបទ៖នាង សុភាវុធ

របួសជង្គង់ម្តងទៀត Reece James ត្រូវសម្រាកយ៉ាងហោចណាស់ ១ខែទៀត

បាល់ទាត់៖ ខ្សែការពារ Chelsea, Reece James នឹងត្រូវអវត្តមានពីការប្រកួតយ៉ាងហោចណាស់ ៤សប្តាហ៍ដោយសាររបួសជង្គង់ អំឡុងការប្រកួតកាលពីថ្ងៃអង្គារពេល Chelsea យកឈ្នះ Bournemouth ២-០។ ខ្សែការពារអង់គ្លេសដែលខកខានមិនបានជួយក្រុមជម្រើសជាតិនៅ World Cup រូបនេះបានរងរបួសជង្គង់ដដែល និងត្រូវបានផ្លាស់ប្តូរចេញនៅនាទីទី៥៣។ នេះជាប្រកួតដំបូងដែល Reece James ចូលលេងបន្ទាប់ពីអវត្តមានច្រើនសប្តាហ៍មកហើយដោយសាររបួសជង្គង់ដូចគ្នានេះ។ James បានបង្ហោះសារនៅលើគណនី Twitter របស់ខ្លួនថា ឆ្នាំ២០២២ ជាឆ្នាំដ៏តានតឹងសំរាប់គេ។ អ្នកចាត់ការ Chelsea, Graham Potter និយាយថា លោកសង្ឃឹមថារបួសនេះនឹងមិនធ្ងន់ធ្ងរជាងនេះ និងឆាប់បានជាសះស្បើយត្រលប់មកជួយក្រុមវិញ។ ខែមករាខាងមុខនេះ Chelsea មានការប្រកួតសរុប ៦ប្រកួតដោយចាប់ពីថ្ងៃទី១ ខែមករាតទៅធ្វើដំណើរទៅទឹកដី Nottingham Forest មុនត្រលប់មកទទួល Manchester City វិញនៅថ្ងៃទី៦៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

កម្ពុជា-ឥណ្ឌូនេស៊ី សហការបើកសន្និសីទវេជ្ជសាស្ត្របេះដូងអន្តរជាតិលើកទី៣ ឆ្នាំ២០២៦

គណៈទន្ដពេទ្យកម្ពុជាធ្វើសិក្ខាសាលា ស្តីពីបច្ចេកវិទ្យាទន្តសាស្រ្តសម័យទំនើបនៅខេត្តសៀមរាប

លោក Trump និយាយថា លោកនឹងផ្អាកការវាយប្រហារថ្មីលើអ៊ីរ៉ង់ ក្នុងក្ដីសង្ឃឹមថានឹងទទួលបានកិច្ចព្រមព្រៀងរហ័ស

សម្ដេចធីបតីបញ្ជាក់ពីការប្តេជ្ញាចិត្តដោះស្រាយបញ្ហាព្រំដែនដោយសន្តិវិធីប្រាប់អ្នករាយការណ៍ពិសេស UN

ចំនួនអ្នកស្លាប់ដោយសារទឹកជំនន់នៅរដ្ឋអាសាំប្រទេសឥណ្ឌា កើនឡើងដល់ជាង ៨០នាក់

JBC កម្ពុជា បង្ហាញវឌ្ឍនភាពនៃការងារខណ្ឌសីមា និងបោះបង្គោលព្រំដែនរវាងកម្ពុជា-ថៃជូនក្រុម AOT

សម្ដេចធិបតី ណែនាំឱ្យរៀបចំដំឡើងស័ក្តិ និងមេដាយពិសេសជូនវីរយុទ្ធជនការពារទឹកដីពីថៃឈ្លានពាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

AFF៖ កម្ពុជានឹងព្យាយាមបង្កើតអ្វីមួយក្នុងជំនួបជាមួយម្ចាស់ផ្ទះថៃយប់នេះ

បាត់ដំណឹងពីការរៀបចំប្រណាំង F1 នៅប្រទេសវៀតណាម

បុគ្គលបាល់ទាត់សំខាន់ៗនៅលើពិភពលោកផ្ញើសាររំលែកទុក្ខមរណភាពរបស់លោក Pele

ស្នាដៃមិនអាចបំភ្លេចបានរបស់លោក Pele ក្នុងប្រវត្តិសាស្ត្របាល់ទាត់

ក្រសួងមហាផ្ទៃដណ្ដើមបានមេដាយច្រើនជាងគេក្នុងជើងឯកប្រដាល់សកលថ្នាក់ជាតិឆ្នាំ២០២២

វីរបុរសបាល់ទាត់ប្រេស៊ីល Pele ទទួលមរណភាពក្នុងវ័យ ៨២ឆ្នាំ

ជួន ចាន់ចាវ៖ កម្ពុជាអាចឈ្នះប្រ៊ុយណេលើសពី ៥គ្រាប់ បើសិនមិនខ្ជះខ្ជាយឱកាសនៅវគ្គទី១

Mbappe ស៊ុត ១១ម៉ែត្រចុងម៉ោងឲ្យ PSG ឈ្នះ Strasbourg ២-១ តែ Neymar បានកាតក្រហម

សហព័ន្ធបាល់ទាត់ជប៉ុនបន្តកិច្ចសន្យាឲ្យលោក Hajime Moriyasu ដឹកនាំក្រុមជម្រើសជាតិដល់ឆ្នាំ២០២៦

របួសជង្គង់ម្តងទៀត Reece James ត្រូវសម្រាកយ៉ាងហោចណាស់ ១ខែទៀត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

AFF៖ កម្ពុជា​នឹង​ព្យាយាម​បង្កើត​អ្វីមួយ​ក្នុង​ជំនួប​ជាមួយ​ម្ចាស់ផ្ទះ​ថៃ​យប់​នេះ​

បាត់​ដំណឹង​ពី​ការរៀបចំ​ប្រណាំង F1 នៅ​ប្រទេស​វៀតណាម​

បុគ្គល​បាល់ទាត់​សំខាន់ៗ​នៅលើ​ពិភពលោក​ផ្ញើ​សារ​រំលែក​ទុក្ខ​មរណភាព​របស់លោក Pele

ស្នាដៃ​មិនអាច​បំភ្លេចបាន​របស់លោក Pele ក្នុង​ប្រវត្តិសាស្ត្រ​បាល់ទាត់

ក្រសួងមហាផ្ទៃ​ដណ្ដើម​បាន​មេដាយ​ច្រើន​ជាង​គេ​ក្នុង​ជើងឯក​ប្រដាល់​សកល​ថ្នាក់​ជាតិ​ឆ្នាំ​២០២២

វីរបុរស​បាល់ទាត់​ប្រេ​ស៊ី​ល Pele ទទួលមរណភាព​ក្នុង​វ័យ ៨២ឆ្នាំ

ជួន ចាន់​ចាវ​៖ កម្ពុជា​អាច​ឈ្នះ​ប្រ៊ុយណេ​លើស​ពី ៥​គ្រាប់ បើ​សិន​មិន​ខ្ជះខ្ជាយ​ឱកាស​នៅ​វគ្គ​ទី​១

Mbappe ស៊ុត ១១ម៉ែត្រ​ចុង​ម៉ោង​ឲ្យ PSG ឈ្នះ Strasbourg ២-១ តែ Neymar បាន​កាត​ក្រហម​

សហព័ន្ធ​បាល់ទាត់​ជប៉ុន​បន្ត​កិច្ចសន្យាឲ្យលោក Hajime Moriyasu ដឹកនាំ​ក្រុម​ជម្រើសជាតិ​ដល់​ឆ្នាំ២០២៦

របួស​ជង្គង់​ម្តងទៀត Reece James ត្រូវ​សម្រាក​យ៉ាងហោចណាស់ ១​ខែ​ទៀត​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

AFF៖ កម្ពុជានឹងព្យាយាមបង្កើតអ្វីមួយក្នុងជំនួបជាមួយម្ចាស់ផ្ទះថៃយប់នេះ

បាត់ដំណឹងពីការរៀបចំប្រណាំង F1 នៅប្រទេសវៀតណាម

បុគ្គលបាល់ទាត់សំខាន់ៗនៅលើពិភពលោកផ្ញើសាររំលែកទុក្ខមរណភាពរបស់លោក Pele

ស្នាដៃមិនអាចបំភ្លេចបានរបស់លោក Pele ក្នុងប្រវត្តិសាស្ត្របាល់ទាត់

ក្រសួងមហាផ្ទៃដណ្ដើមបានមេដាយច្រើនជាងគេក្នុងជើងឯកប្រដាល់សកលថ្នាក់ជាតិឆ្នាំ២០២២

វីរបុរសបាល់ទាត់ប្រេស៊ីល Pele ទទួលមរណភាពក្នុងវ័យ ៨២ឆ្នាំ

ជួន ចាន់ចាវ៖ កម្ពុជាអាចឈ្នះប្រ៊ុយណេលើសពី ៥គ្រាប់ បើសិនមិនខ្ជះខ្ជាយឱកាសនៅវគ្គទី១

Mbappe ស៊ុត ១១ម៉ែត្រចុងម៉ោងឲ្យ PSG ឈ្នះ Strasbourg ២-១ តែ Neymar បានកាតក្រហម

សហព័ន្ធបាល់ទាត់ជប៉ុនបន្តកិច្ចសន្យាឲ្យលោក Hajime Moriyasu ដឹកនាំក្រុមជម្រើសជាតិដល់ឆ្នាំ២០២៦

របួសជង្គង់ម្តងទៀត Reece James ត្រូវសម្រាកយ៉ាងហោចណាស់ ១ខែទៀត