BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Cody Gakpo ផ្លាស់មកកាន់ Liverpool ផ្លូវការក្នុងតម្លៃផ្ទេរ ៣៥លានផោន

បាល់ទាត់៖ ក្លិបហង្សក្រហម Liverpool បានប្រកាសពីការផ្ទេរផ្លូវការខ្សែប្រយុទ្ធហូឡង់ Cody Gakpo ពីក្លិបហូឡង់ PSV Eindhoven ក្នុងតម្លៃ ៣៥លានផោន។ កីឡាករវ័យ ២៣ឆ្នាំរូបនេះបានចុះហត្ថលេខារយៈពេល ៥ឆ្នាំកន្លះនៅទឹកដី Anfield ដែលតម្លៃនៃការផ្ទេរនេះអាចនឹងកើនដល់ ៤៤លានផោនអាស្រ័យលើលក្ខខណ្ឌដែលបានចង។ ការមកដល់របស់ Cody Gakpo នឹងជួយប៉ះប៉ូវតំបន់ប្រយុទ្ធរបស់ Liverpool ដែលបានបាត់បង់កីឡាករពីរនាក់ដោយសាររបួសរួមមាន Luiz Diaz និង Diogo Jota ដែលនឹងត្រូវសម្រាកយ៉ាងហោចណាស់ដល់ខែមីនា។ កីឡាករវ័យ ២៣ឆ្នាំរូបនេះមានទំរង់លេងគួរឱ្យកត់សំគាល់នៅ World Cup កាតាកន្លងមកជាមួយក្រុមជម្រើសជាតិហូឡង់ ដោយស៊ុតបញ្ចូលទីបាន ៣គ្រាប់នាំក្រុមហូឡង់ឡើងដល់វគ្គ ៨ក្រុមចុងក្រោយ។សូមបញ្ជាក់ថា Cody Gakpo មុន World Cup បានស៊ុតបញ្ចូលទី ៨គ្រាប់ ១២បាល់បញ្ជូនក្នុងការបង្ហាញខ្លួន ១៤ប្រកួតឱ្យ PSV រដូវកាលនេះ។ ជាមួយគ្នានោះដែរ Gakpo ក៏បានស៊ុតបញ្ចូលទី ៣គ្រាប់ ២បាល់បញ្ជូនផងដែរក្នុងការបង្ហាញខ្លួន ៥លើកនៅក្របខណ្ឌ UEFA Europa League៕អត្ថបទ៖នាង សុភាវុធ

Haaland ស៊ុតពីរគ្រាប់ឱ្យ Man City ឈ្នះ Leeds បំបែកកំណត់ត្រាទៀតហើយនៅ Premier League

បាល់ទាត់៖ ខ្សែប្រយុទ្ធន័រវេស Erling Haaland ជាថ្មីម្តងទៀតបានបំបែកកំណត់ត្រានៅ Premier League ដោយក្លាយជាកីឡាករក្មេងបំផុតរកបាន ២០គ្រាប់លឿនបំផុត បន្ទាប់ពីស៊ុតបញ្ចូលទីពីរគ្រាប់ម្នាក់ឯងឱ្យ Manchester City យកឈ្នះនៅទឹកដី Leeds United ៣-១។ ជាការប្រកួតដ៏តានតឹងក្នុងវគ្គទី១ ខណៈដែល Leeds ព្យាយាមទប់ធ្វើឱ្យ Manchester City តឹងចិត្ត ត្រូវរង់ចាំដល់នាទីទី៤៥+១ ចុងវគ្គទី១ ទើបក្រុមរបស់លោក Pep Guardiola រកបានគ្រាប់នាំមុខដោយ Rodri។ ឈានចូលវគ្គទី២ ភាពមិនលោភលន់របស់ Jack Grealish បានផ្តល់បាល់បញ្ចូលទីពីរគ្រាប់ឱ្យ Erling Haaland នៅនាទីទី៥១ និង ៦៤។ គិតត្រឹម ១៥ប្រកួតប៉ុណ្ណោះ Erling Haaland បានស៊ុតបញ្ចូលទី ២០គ្រាប់ហើយនៅ Premier League រដូវកាលនេះ ខណៈ Manchester City ត្រលប់មកឈរលេខ២ វិញតាមពីក្រោយកាំភ្លើងធំ Arsenal ៥ពិន្ទុ។ ប្រកួតបន្ទាប់ Manchester City ត្រូវទទួល Everton ខណៈ Leeds ទៅទឹកដី Newcastle ថ្ងៃឆ្លងឆ្នាំសកលទី៣១ ខែធ្នូ៕អត្ថបទ៖នាង សុភាវុធ

គុនល្បុក្កតោបើកការប្រកួតជើងឯកថ្នាក់ជាតិដោយមានកីឡាករ-កីឡាការិនីចូលរួម ១៧០នាក់

គុនល្បុក្កតោ៖ សហព័ន្ធកីឡាគុនល្បុក្កតោកម្ពុជាកាលពីល្ងាចថ្ងៃទី២៨ ខែធ្នូ បានរៀបចំការប្រកួតជ្រើសរើសជើងឯកថ្នាក់ជាតិឆ្នាំ២០២២ នៅសាកលវិទ្យាល័យភូមិន្ទភ្នំពេញ ដោយមានកីឡាករ-កីឡាការិនីចូលរួមសរុប ១៧០នាក់។ ពិធីបើកការប្រកួតនេះបានធ្វើឡើងក្រោមវត្តមានឯកឧត្តម កែវ រ៉េមី អនុប្រធានទី១ សហព័ន្ធ ហើយក៏មានការចូលរួមពីប្រតិភូ និងកម្លាំងស្ម័គ្រចិត្តជាច្រើនផងដែរ។ លោក អ៊ូ តារា អគ្គលេខាធិការរងសហព័ន្ធបានបញ្ជាក់ថា នេះគឺជាព្រឹត្តិការណ៍ប្រចាំឆ្នាំដែលគាំទ្រដោយក្រសួងអប់រំ យុវជន និងកីឡា។ តែដោយមានការគាំទ្របន្ថែមពីវិស័យឯកជន បានជំរុញឲ្យសហព័ន្ធរៀបចំការប្រកួតបានកាន់តែធំ និងអស្ចារ្យ ស្របតាមស្ដង់ដារបច្ចេកទេសត្រឹមត្រូវ ដើម្បីជាពិសោធន៍ត្រៀមឆ្ពោះទៅរៀបចំការប្រកួតកីឡាស៊ីហ្គេមឆ្នាំ២០២៣ នៅកម្ពុជា។ លោកថា ការប្រកួតនេះមានប្រតិភូ គណៈកម្មការ គ្រូបង្វឹក និងក្រុមការងារស្ម័គ្រចិត្តចូលរួមសរុប ២៨១នាក់ក្នុងនោះមានកីឡាករ ១០២នាក់ និងកីឡាការិនី ៦៨នាក់មកពី ២៥សាលាគុន និងមកពី ១០រាជធានី-ខេត្ត និងក្រសួងចំនួន ១។ ក្រោមការចង្អុលបង្ហាញរបស់ប្រធានសហព័ន្ធ ឯកឧត្តមបណ្ឌិតសភាចារ្យ ច័ន្ទ សារុន សហព័ន្ធក៏បានគិតគូរដល់ការធ្វើដំណើរ ហូបចុក និងស្នាក់នៅដល់អ្នកចូលរួមទាំងអស់ផងដែរ។ ឆ្លៀតឱកាសនោះ ឯកឧត្តម កែវ រ៉េមី បានកោតសរសើរ និងវាយតម្លៃខ្ពស់ចំពោះចលនាគាំទ្រក្បាច់គុនល្បុក្កតោ ទាំងរដ្ឋ និងវិស័យឯកជនដែលរួមចំណែកអភិវឌ្ឍន៍ក្បាច់គុនអត្តសញ្ញាណជាតិមួយនេះឲ្យកាន់តែរីកចម្រើន។ បន្ថែមលើនេះ ឯកឧត្តមបានអំពាវនាវដល់អាជ្ញាកណ្ដាល-ចៅក្រមត្រូវកាត់សេចក្ដីដោយអព្យាក្រឹត្យបំផុត ដើម្បីផ្តល់នូវយុត្តិធម៌ដល់កីឡាករ-កីឡាការិនី ពិសេសសម្រិតសម្រាំងបាននូវធនធានកីឡាករ-កីឡាការិនីមានសមត្ថភាពពិតប្រាកដ ដើម្បីជំរុញវិស័យកីឡាក្បាច់គុនរបស់បុព្វបុរសខ្មែរនេះឲ្យកាន់តែខ្លាំងក្លា និងល្បីសុះសាយលើឆាកអន្ដរជាតិបន្ថែមទៀត៕អត្ថបទ៖ លី ឈុនឡា

កីឡាកាយសម្ព័ន្ធទទួលបានផ្លែផ្កាគួរឲ្យកត់សម្គាល់ ក្រោយបើកវគ្គគ្រូជំនាញ និងបោះជំរំតាមខេត្ត

កាយសម្ព័ន្ធ៖ សហព័ន្ធកីឡាកាយសម្ព័ន្ធកម្ពុជាបានទទួលផ្លែផ្កាយ៉ាងល្អប្រសើរ ពីការរៀបចំវគ្គបណ្ដុះបណ្ដាលបច្ចេកទេសគ្រូបង្វឹកជំនាញ និងការបោះជំរំតាមខេត្ត ដែលជាសញ្ញាណមួយដ៏ល្អ ដើម្បីជំរុញការអភិវឌ្ឍវិស័យកីឡាមួយនេះឲ្យកាន់តែរីកចម្រើននាថ្ងៃអនាគត។ នេះបើតាមការបញ្ជាក់របស់លោក ណយ ផាណា អគ្គលេខាធិការសហព័ន្ធ បន្ទាប់ពីសហព័ន្ធបានរៀបចំវគ្គបណ្ដុះបណ្ដាលបច្ចេកទេសគ្រូជំនាញកម្រិត១ និងបោះជំរំ (Level 1 Class P4 + Training Camp) រយៈពេល ៥ថ្ងៃចាប់ពីថ្ងៃទី២៤ ដល់ថ្ងៃទី២៨ ខែធ្នូ ឆ្នាំ២០២២ កន្លងទៅ នៅសាលាបឋមសិក្សាសាលាលេខប្រាំ នៃស្រុកកំពង់ត្រឡាច ខេត្តកំពង់ឆ្នាំង។ លោកថា នេះគឺជាការផ្លាស់ប្ដូរថ្មីមួយ ស្របតាមបរិបថអន្ដរជាតិដែលតែងមានការបោះជំរំ ដើម្បីផ្លាស់ប្ដូរចំណេះដឹង និងបច្ចេកទេសផ្សេងៗ ជាក់ស្ដែងរយៈពេល ៣ឆ្នាំចុងក្រោយ បន្ទាប់ពីសហព័ន្ធបានអនុវត្តផែនការនេះ គឺឃើញមានការប្រែប្រួលគួរឲ្យកត់សម្គាល់ ក្នុងការផ្ដល់ និងចែករំលែកនូវចំណេះដឹងថ្មីៗ ដើម្បីផលិតបាននូវធនធានគ្រូប្រកបដោយសក្ដានុពល សម្រាប់ចូលរួមអភិវឌ្ឍន៍វិស័យកីឡាកាយសម្ព័ន្ធកម្ពុជា។ជាមួយការរៀបចំនូវគ្គបណ្ដុះបណ្ដាលគ្រូជំនាញ ក៏ដូចជាការបោះជំរំនេះដែរ ទាំងអាជ្ញាធរខេត្តកំពង់ឆ្នាំង និងសិក្ខាកាមចូលរួមបានសម្ដែងសេចក្ដីរីករាយជាខ្លាំង ដែលសហព័ន្ធបានរៀបចំកម្មវិធីនេះឡើង ធ្វើឲ្យសិក្ខាកាមទទួលបាននូវបទពិសោធន៍ និងចំណេះដឹងថ្មីៗ ដើម្បីរួមចំណែកវិស័យកីឡាមួយនេះ ហើយគ្រប់ភាគីពាក់ព័ន្ធបានបង្ហាញការតាំងចិត្តយ៉ាងមុតមាំក្នុងការផលិតធនធានល្អៗ ដើម្បីប្រកួតប្រជែងដណ្ដើមមេដាយ និងឧត្តមភាពជូនជាតិ។ គួរដឹងថា វគ្គបណ្ដុះបណ្ដាលបច្ចេកទេសគ្រូជំនាញកម្រិត១ និងបោះជំរំនេះគឺមានសិក្ខាកាមចូលរួម ២២នាក់មកពីរាជធានីភ្នំពេញ ខេត្តក្រចេះ ខេត្តកំពង់ចាម ក្រុមប្រឹក្សាកីឡាកងយោធពលខេមរភូមិន្ទ និងខេត្តកំពង់ឆ្នាំង។ ជាលទ្ធផលក្រោយបញ្ចប់ការសិក្សារយៈពេល ៥ថ្ងៃគឺមានសិក្ខាកាម ១០រូបទទួលបានិទ្ទេសល្អ ឬស្មើនឹង ៤៥,៤៥% ខណៈនិទ្ទេសល្អបង្គួរមាន ៨នាក់ ឬស្មើនឹង ៣៧,៣៦% និងនិទ្ទេសមធ្យមចំនួន ៤នាក់ ស្មើនឹង ១៨,១៨%។ សម្រាប់កម្មវិធីរៀបចំដោយសហព័ន្ធសហការជាមួយក្រសួងអប់រំ យុវជន និងកីឡានេះគឺដើម្បីពង្រឹងនូវគុណភាពបច្ចេកទេសជូនដល់គ្រូបង្វឹកកម្រិត១ ប្រភេទកីឡាកាយសម្ព័ន្ធឲ្យមានការយល់ដឹងកាន់តែប្រសើរ និងត្រៀមលក្ខណៈឲ្យបានល្អសម្រាប់ចំណេះជំនាញមួយនេះ ដើម្បីឆ្ពោះទៅរកភាពជោគជ័យក្នុងព្រឹត្តិការណ៍អន្ដរជាតិនានា ពិសេសស៊ីហ្គេមឆ្នាំ២០២៣ តែម្ដង៕អត្ថបទ៖ លី ឈុនឡា

Novak Djokovic វិលចូលទឹកដីអូស្ត្រាលីលើកដំបូង ១ឆ្នាំបន្ទាប់ពីត្រូវបណ្តេញចេញ

វាយកូនបាល់៖ កីឡាករវាយកូនបាល់ស៊ែប Novak Djokovic បានវិលត្រលប់មកកាន់ទឹកដីអូស្ត្រាលីសាជាថ្មី ១ឆ្នាំបន្ទាប់ពីត្រូវបណ្តេញចេញពីព្រលានយន្តដោយសារបញ្ហាកូវីដ-១៩។ កីឡាករវ័យ ៣៥ឆ្នាំរូបនេះនឹងត្រូវចូលរួមការប្រកួតកម្មវិធី Adelaide International ដែលជាកម្មវិធីមួយត្រៀមលក្ខណៈសំរាប់ព្រឹត្តិការណ៍ Grand Slam, Australian Open។ អតីតកីឡាករវាយកូនបាល់លេខ ១ ពិភពលោក Novak Djokovic ត្រូវបានអនុញ្ញាតឱ្យប្រកួតនៅព្រឹត្តិការណ៍ Grand Slam, Australian Open វិញ បន្ទាប់ពីត្រូវបានបញ្ជាឱ្យចាកចេញពីព្រលានយន្តហោះប្រទេសអូស្ត្រាលីកាលពីខែមករា ដោយសារតែការស្នើសុំទិដ្ឋការមិនមានភ្ជាប់ជាមួយលិខិតអះអាងថា បានចាក់វ៉ាក់សាំង។ ជាមួយគ្នានោះដែរ Djokovic ត្រូវបានអាជ្ញាធរអូស្ត្រាលីហាមមិនឱ្យជាន់ដីអូស្ត្រាលីដល់ឆ្នាំ២០២៥ តែក្រោយមកការសម្រេចចិត្តបានផ្លាស់ប្តូរ។ Novak Djokovic បានអវត្តមានពីការប្រកួត Grand Slam ពីរកម្មវិធីឆ្នាំនេះរួមមាន Australian Open និង US Open តែបានចូលលេងពីរ Grand Slam គឺ French Open ឡើងបានត្រឹមវគ្គ ៨នាក់ចុងក្រោយមុនពេលឈ្នះជើងឯក Wimbledon៕អត្ថបទ៖នាង សុភាវុធ

ខ្សែការពារហូឡង់ Daley Blind ចាកចេញពី Ajax ៦ខែមុនកិច្ចសន្យា

បាល់ទាត់៖ ខ្សែការពារក្រុមជម្រើសជាតិហូឡង់ Daley Blind បានសំរេចចិត្តបញ្ចប់កិច្ចសន្យាចាកចេញពីក្លិបហូឡង់ Ajax Amsterdam ៦ខែមុនកិច្ចសន្យា នេះបើតាមការបញ្ជាក់របស់ក្លិបនៅលីគកំពូលហូឡង់មួយនេះ។ កីឡាករវ័យ ៣២ឆ្នាំដែលជាថ្នាលយុវជនរបស់ Ajax តាំងពីអាយុ ៨ឆ្នាំបានបង្ហាញខ្លួនសរុប ៣៣៣ប្រកួតក្នុងអាជីពជាមួយ Ajax Amsterdam ពីរលើក ឈ្នះជើងឯកលីគកំពូលហូឡង់ ៧លើកស៊ុតបញ្ចូលទីសរុប ១៣គ្រាប់។ រំលឹកថា Daley Blind បានផ្លាស់ពី Ajax ទៅកាន់ក្រុមបិសាចក្រហម Manchester United នៅឆ្នាំ២០១៤ និងបានចំណាយពេល ៤ឆ្នាំនៅ Premier League មុនពេលត្រលប់មកកាន់ Ajax វិញ។ Daley Blind ជាសមាជិកក្រុមជម្រើសជាតិហូឡង់នៅ World Cup 2022 នៅកាតាផងដែរ និងបានស៊ុតបញ្ចូលទី ១គ្រាប់ ខណៈក្រុមហូឡង់ឡើងដល់វគ្គ ៨ក្រុមចុងក្រោយមុនពេលចាញ់អាហ្សង់ទីនដោយបាល់ ១១ម៉ែត្រកាត់សេចក្តី៕អត្ថបទ៖នាង សុភាវុធ

Norwich បណ្តេញអ្នកចាត់ការ Dean Smith ចេញពីតំណែង

បាល់ទាត់៖ ក្លិបបាល់ទាត់នៅក្របខណ្ឌ League Championship, Norwich City បានសំរេចបញ្ចប់តំណែងអ្នកចាត់ការ Dean Smith ហើយ ក្រោយដឹកនាំក្រុមឈ្នះតែ ៣ ក្នុងចំណោម ១៣ប្រកួតរដូវកាលនេះ។លោក Dean Smith ត្រូវបានតែងតាំងឱ្យដឹកនាំ Norwich កាលពីខែវិច្ឆិកា ឆ្នាំ២០២១ បន្តពីលោក Daniel Farke តែមិនជួយ Norwich គេចផុតពីការកាត់ចេញពី Premier League បាន។ រដូវកាលនេះកាលពីខែតុលា Norwich ឈរកំពូលតារាងនៅក្របខណ្ឌ League Championship តែនៅពេលនេះធ្លាក់ដល់លេខ៥។ បរាជ័យចុងក្រោយបំផុតរបស់ Norwich គឺចាញ់ Luton Town ដែលជាបរាជ័យ ៣ ក្នុងចំណោម ៤ប្រកួយចុងក្រោយ។ កាលពីថ្ងៃទី១៧ ខែធ្នូ Norwich ចាញ់ Blackburn ក្នុងទឹកដីខ្លួនឯង និងបាននិយាយថា ក្រុមរបស់លោកលេងបានល្អនៅក្រៅដីជាងក្នុងដី ដែលពាក្យសំដីនេះបានទទួលរងការរិះគន់ខ្លាំងពីអ្នកគាំទ្រ៕អត្ថបទ៖នាង សុភាវុធ

សហព័ន្ធកីឡាអត្តពលកម្មកម្ពុជាធ្វើមហាសន្និបាតបញ្ចប់អាណត្តិចាស់ និងត្រៀមឆ្ពោះទៅស៊ីហ្គេម ២០២៣

អត្តពលកម្ម៖ សហព័ន្ធខ្មែរអត្តពលកម្មស្ម័គ្រចិត្តត្រូវបានអនុម័តឲ្យប្រើប្រាស់ជាផ្លូវការជា «សហព័ន្ធកីឡាអត្តពលកម្មកម្ពុជា» នៅក្នុងមហាសន្និបាតបញ្ចប់អាណត្តិចាស់ និងបន្តអាណត្តិថ្មីទី៨ ពីឆ្នាំ២០២២-២០២៦ ខណៈថ្នាក់ដឹកនាំសហព័ន្ធថា ការបញ្ចូលសមាសភាពសមាជិកគណៈកម្មាធិការប្រតិបត្តិបន្ថែមសរុប ២៣រូបគឺស្របពេលដែលវិស័យកីឡាអត្តពលកម្មទាំងមូលកំពុងត្រូវការចាំបាច់ពង្រឹងក្បាលម៉ាស៊ីនដឹកនាំឲ្យរឹងមាំ ក្នុងគោលដៅអភិវឌ្ឍជំនាញកីឡានេះឲ្យរីកចម្រើន ជាពិសេសគោលដៅឆ្ពោះទៅស៊ីហ្គេមឆ្នាំ២០២៣។ ឯកឧត្តម សំហេង បុរស ប្រធានសហព័ន្ធកីឡាអត្តពលកម្មកម្ពុជាអាណត្តិថ្មីបានលើកឡើងថា នៅក្នុងអាណត្តិចាស់កន្លងទៅនេះ សហព័ន្ធបានធ្វើកំណែទម្រង់មួយចំនួន ព្រមទាំងកសាងបាននូវស្នាដៃជាច្រើន ក្នុងនោះការបណ្តុះបណ្តាលធនធានគ្រូបង្វឹក មន្ត្រីបច្ចេកទេស រួមទាំងបង្កើនបានធនធានកីឡាករ-កីឡាការិនីជម្រើសជាតិផងដែរ។ សម្រាប់អាណត្តិថ្មីនេះ ឯកឧត្តមក៏បានកោតសរសើរចំពោះឆន្ទៈ ការប្តេជ្ញាចិត្តខ្ពស់របស់សមាជិកប្រតិបត្តិចាស់ និងសមាជិកថ្មីៗជាច្រើនរូបមកចូលរួមជួយក្នុងសហព័ន្ធ ដើម្បីពិភាក្សាផ្លាស់ប្តូរយោបល់លើផែនការសកម្មភាពរបស់ខ្លួន សម្រាប់គោលដៅអភិវឌ្ឍឆ្ពោះទៅពេលខាងមុខ ជាពិសេសគោលដៅចម្បងចំពោះមុខគឺស៊ីហ្គេមលើកទី៣២ ឆ្នាំ២០២៣។ ឯកឧត្តមគូសបញ្ជាក់ថា «នៅសល់តែប៉ុន្មានថ្ងៃខាងមុខប៉ុណ្ណោះនឹងដាច់ឆ្នាំ២០២២ ឆ្លងចូលឆ្នាំ២០២៣ ដែលពេលវេលានៃការត្រៀមធ្វើម្ចាស់ផ្ទះស៊ីហ្គេម ២០២៣ កាន់តែខ្លីទៅៗ ដូច្នេះតាមរយៈការពេលវេលានៃការត្រៀមខ្លួននេះ យើងនឹងរៀបចំការប្រកួតកីឡាអត្តពលកម្មកម្រិតជាតិមួយទៀត មុនពេលដល់ស៊ីហ្គេមលើកទី៣២ ដើម្បីបង្កើនគុណភាពបច្ចេកទេសរបស់អត្តពលិកជម្រើសជាតិ ឲ្យកាន់តែរឹងមាំក្នុងបច្ចេកទេសផង និងផ្តល់ឱកាសឲ្យមន្ត្រីរៀបចំបច្ចេកទេសបានដកស្រង់បទពិសោធន៍ផង។ ឯកឧត្តម អ៊ុក សិទ្ធិជាតិ អគ្គនាយកកីឡានៃក្រសួងអប់រំយុវជន និងកីឡា និងជាអគ្គលេខាធិការរងគណៈកម្មាធិការជាតិ CAMSOC បានបង្ហាញជំហរគាំទ្រយ៉ាងពេញទំហឹងចំពោះស្មារតី ការប្តេជ្ញាចិត្តខ្ពស់របស់ថ្នាក់ដឹកនាំរបស់សហព័ន្ធ ដើម្បីពង្រឹងការអភិវឌ្ឍឲ្យកាន់តែរឹងមាំតទៅថ្ងៃអនាគត ពិសេសគឺស៊ីហ្គេមឆ្នាំ២០២៣ តែម្តង។ មហាសន្និបាតក៏បានអនុម័តរបាយការណ៍វឌ្ឍនភាពការងារ របាយការណ៍ហិរញ្ញវត្ថុរយៈពេល ៤ឆ្នាំបន្តនៃអាណត្តិថ្មី ២០២២-២០២៦ វិសោធនកម្មលក្ខន្តិកៈបោះឆ្នោតជ្រើសគណៈកម្មាធិការប្រតិបត្តិអាណត្តិថ្មី ដោយទទួលបានពីសំឡេងគាំទ្រ ១០០% ពីសមាជិកមានសិទ្ធិបោះឆ្នោត៕អត្ថបទ៖ លី ឈុនឡា

សាលី អ៊ូមើត នឹងចូលនិវត្តន៍ដោយគ្មានការសោកស្ដាយ បន្ទាប់ពីធនធានបន្ដវេនល្អៗ

កីឡាម៉ូតូទឹក៖ ម្ចាស់មេដាយមាសកីឡាអាស៊ីឆ្នាំ២០១៨ សាលី អ៊ូមើត បានអះអាងជាថ្មីថា ខ្លួននឹងចូលនិវត្តន៍ពីអាជីពកីឡាម៉ូតូទឹក ក្រោយបញ្ចប់បេសកកម្មស៊ីហ្គេមឆ្នាំ២០២៣។ ប៉ុន្ដែអ្វីដែលធ្វើឲ្យខ្លួនសម្រេចចិត្ដដោយគ្មានការសោកស្ដាយនោះ គឺការបណ្ដុះបាននូវធនធានបន្ដវេនប្រកបដោយសក្ដានុពល ដែលមានសមត្ថភាពមិនចាញ់ខ្លួនឡើយ។ ថ្លែងប្រាប់ក្រុមការងារ BTV កាលពីថ្មីៗ កីឡាករម៉ូតូទឹកដ៏ឆ្នើមរបស់កម្ពុជារូបនេះបានឲ្យដឹងថា គម្រោងចូលនិវត្តន៍ពីអាជីពនេះគឺមានតាំងពីយូរមកហើយ តែស្របពេលកម្ពុជាទទួលធ្វើម្ចាស់ផ្ទះស៊ីហ្គេមលើកដំបូង ទើបខ្លួនសម្រេចបន្ដប្រកួតរហូតដល់ឆ្នាំ២០២៣ ហើយទើបចូលនិវត្តន៍។ យ៉ាងណាមិញ អ៊ូមើត បានសម្ដែងការពេញចិត្តមុនខ្លួនចូលនិវត្តន៍ពីអាជីពកីឡាលើទឹកនេះ បានរកឃើញកីឡាករមានសមត្ថភាពជាច្រើនដើម្បីបន្ដវេនពីខ្លួន។ ជាការពិតក្រឡេកទៅចាប់អារម្មណ៍ធនធានបន្ដវេន គេឃើញដល់យុវជន ១ក្រុមដែលកើតចេញពីការផ្ដួចផ្ដើម និងឧបត្ថម្ភគាំទ្ររបស់កីឡាករ សាលី អ៊ូមើត ហើយបានចេញទៅប្រកួតអន្ដរជាតិជាហូរហែដូចជាកីឡាករ សាលី ហ្វីលីន, ម៉ីន មូស្ដាន, មីន អូស្មាន់ និងកីឡាករ កៃ វ៉ាន់ស៊ីដែន ជាដើម ជាពិសេស កៃ វ៉ាន់ស៊ីដែន ដែលទើបដណ្ដើមបានមេដាយមាសក្នុងព្រឹត្តិការណ៍ប្រណាំងម៉ូតូកម្រិតពិភពលោក Jet Ski World Series Season 2022 កាលពីខែតុលាកន្លងទៅ។ គួរដឹងថា កីឡាករខ្មែរ-ឥស្លាម សាលី អ៊ូមើត បានប្រកបអាជីពម៉ូតូទឹកជាច្រើនឆ្នាំមកហើយ ដោយធ្លាប់ចូលរួមព្រឹត្តិការណ៍អន្ដរជាតិ និងដណ្ដើមបានមេដាយក៏ដូចជាពានរង្វាន់ជាច្រើន។ អ្វីដែលធ្វើឲ្យប្រជាពលរដ្ឋខ្មែរចង់ចាំមិនភ្លេច គឺការរួមចំណែកបង្កើតប្រវត្តិសាស្ដ្រដណ្ដើមបានមេដាយមាសកីឡាអាស៊ីឆ្នាំ២០១៨ ចំនួន ២គ្រឿង ក្នុងនោះ ១គ្រឿងដណ្ដើមបានលើប្រភេទកីឡាម៉ូតូទឹកដោយវីរកីឡាករ សាលី អ៊ូមើត និង ១គ្រឿងទៀតដណ្ដើមបានដោយវីរកីឡាការិនី ខាន់ ចេសា លើកីឡាជឺជីតស៊ូតែម្ដង៕អត្ថបទ៖ លី ឈុនឡា

ប្រធានសហព័ន្ធកីឡាទោចក្រយានសរសើរការរៀបចំជើងឯកជាតិ និងចាត់ទុកជាសញ្ញាណវិជ្ជមានត្រៀមស៊ីហ្គេម

ទោចក្រយាន៖ ការប្រកួតកីឡាទោចក្រយានជ្រើសរើសជើងឯកថ្នាក់ជាតិឆ្នាំ២០២២ នៅខេត្តសៀមរាបបានបើកការប្រកួតផ្លូវការហើយកាលពីថ្ងៃទី២៧ ខែធ្នូម្សិលមិញ ដោយមានកីឡាករ-កីឡាការិនីចូលរួម ២៧៥នាក់ រួមទាំងប្រតិភូ និងគណៈកម្មការបច្ចេកទេសរៀបចំការប្រកួតសរុប ៤០៥នាក់។ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានសហព័ន្ធខ្មែរកីឡាទោចក្រយាន បានកោតសរសើរការប្រកួតរៀបចំនេះ ហើយបានចាត់ទុកជាសញ្ញាណដ៏ល្អ សម្រាប់ដំណើរឆ្ពោះទៅស៊ីហ្គេមឆ្នាំ២០២៣ ខាងមុខ។ ថ្លែងក្នុងពិធីបើកការប្រកួត ឯកឧត្តមប្រធានសហព័ន្ធបានណែនាំកីឡាករ-កីឡាការិនីទាំងអស់ត្រូវឈរលើស្មារតី កីឡាដើម្បីសុខភាព សន្តិភាព មិត្តភាព សាមគ្គីភាព និងបង្កើនគុណផលបច្ចេកទេស ព្រមទាំងត្រូវមានការយោគយល់គ្នា គោរពឱ្យបានត្រឹមត្រូវតាមបទបញ្ជាបច្ចេកទេសនៃការប្រកួត ដោយឈរលើស្មារតីទទួលខុសត្រូវខ្ពស់ មិនគិតតែពីការយកឈ្នះ-ចាញ់ឡើយ។ លើសពីនេះ ឯកឧត្តមបានស្នើដល់មន្ត្រីគណៈកម្មការបច្ចេកទេស ត្រូវខិតខំប្រឹងប្រែងយកអស់កម្លាំងកាយចិត្ត ប្រកបដោយស្មារតីទទួលខុសត្រូវខ្ពស់ក្នុងការរៀបចំព្រឹត្តិការណ៍ប្រកួត ជូនដល់កីឡាករ-កីឡាការិនីប្រកបដោយភាពយុតិ្តធម៌ មិនលម្អៀង និងគោរពបានតាមបទបញ្ជាបច្ចេកទេសនៃការប្រកួត ធ្វើឱ្យការប្រកួតប្រព្រឹត្តទៅដោយរលូន និងទទួលបានជោគជ័យជាផ្លែផ្កា។តាមរយៈការប្រកួតតេស្ដសាកល្បងថ្នាក់ជាតិលើកចុងក្រោយ មុនស៊ីហ្គេមមកដល់នេះ ឯកឧត្តម ប៉ាន សូរស័ក្តិ បានកោតសរសើរ និងវាយតម្លៃខ្ពស់ចំពោះកិច្ទសហការរៀបចំជើងឯកថ្នាក់ជាតិឆ្នាំនេះ ពិសេសក្រោមគម្រោងថវិកាគាំទ្ររបស់ក្រសួងអប់រំ យុវជន និងកីឡា និងវិស័យឯកជន ក៏ដូចជាអាជ្ញាធរខេត្តសៀមរាប ដើម្បីជំរុញការអភិវឌ្ឍវិស័យកីឡាមួយនេះឆ្ពោះទៅការប្រកួតកីឡាស៊ីហ្គេមលើកទី៣២ ឆ្នាំ២០២៣ ដែលកម្ពុជាទទួលធ្វើម្ចាស់ផ្ទះ។ ជាមួយគ្នានោះ ឯកឧត្តមរដ្ឋមន្ដ្រីក៏បានផ្ដាំផ្ញើរដល់កីឡាករ-កីឡាការិនីត្រូវគោរពឲ្យបានដាច់ខាត តាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី ទី១-ត្រូវធ្វើជាម្ចាស់ផ្ទះរៀបចំឱ្យបានល្អ ទោះមិនបានឈ្នះមេដាយ ឬឈ្នះមេដាយតិចក្តី និងទី២-ការឈ្នះមេដាយគឺត្រូវតែត្រឹមត្រូវ និងយុត្តិធម៌ មិនត្រូវចង់ឈ្នះមេដាយដោយរំលោភបំពានច្បាប់ ឬលក្ខន្តិកៈនៃការប្រកួតឡើយ។សូមបញ្ជាក់ថា ការប្រកួតកីឡាទោចក្រយានជ្រើសរើសជើងឯកថ្នាក់ជាតិឆ្នាំ២០២២ ប្រកួតលើ ២ប្រភេទគឺកង់គក់ និងកង់ភ្នំ។ សម្រាប់វិញ្ញាសាកង់គួករួមមាន៖ ១. កង់គួកបុរសថា្នលអាយុក្រោម ១៨ឆ្នាំ, ២. កង់គួកបុរសឈុតធំអាយុ ១៨ឆ្នាំឡើង និង៣. កង់គួកបុរសចាប់ពីអាយុ ៤០ឆ្នាំឡើង។ រីឯប្រភេទកង់ភ្នំរួមមាន ១. កង់ភ្នំបុរសថ្នាលអាយុក្រោម ១៨ឆ្នាំ, ២. កង់ភ្នំបុរសឈុតធំអាយុ ១៨ឆ្នាំឡើង, ៣. កង់ភ្នំនារីអាយុ ១៥ឆ្នាំឡើង និង៤. កង់ភ្នំបុរសអាយុ ៤០ឆ្នាំឡើង ។ ការប្រកួតនេះត្រូវបានរៀបចំនៅលើទីលាន ឬដងផ្លូវការដែលសហព័ន្ធបានត្រៀមរៀបចំការប្រកួតកីឡាស៊ីហ្គេម ឆ្នាំ២០២៣ ផ្ទាល់តែម្ដង ហើយក៏ជាឱកាសវាស់ស្ទង់ ដុសខាត និងពង្រឹងសមត្ថភាពក្រុមជម្រើសជាតិកម្ពុជា ត្រៀមព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានេះផងដែរ៕អត្ថបទ៖ ឈិត បូរ៉ាវី

បណ្ដាញសង្គម

ព័ត៌មានថ្មីៗ

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

កម្ពុជា-ឥណ្ឌូនេស៊ី សហការបើកសន្និសីទវេជ្ជសាស្ត្របេះដូងអន្តរជាតិលើកទី៣ ឆ្នាំ២០២៦

គណៈទន្ដពេទ្យកម្ពុជាធ្វើសិក្ខាសាលា ស្តីពីបច្ចេកវិទ្យាទន្តសាស្រ្តសម័យទំនើបនៅខេត្តសៀមរាប

លោក Trump និយាយថា លោកនឹងផ្អាកការវាយប្រហារថ្មីលើអ៊ីរ៉ង់ ក្នុងក្ដីសង្ឃឹមថានឹងទទួលបានកិច្ចព្រមព្រៀងរហ័ស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Cody Gakpo ផ្លាស់មកកាន់ Liverpool ផ្លូវការក្នុងតម្លៃផ្ទេរ ៣៥លានផោន

Haaland ស៊ុតពីរគ្រាប់ឱ្យ Man City ឈ្នះ Leeds បំបែកកំណត់ត្រាទៀតហើយនៅ Premier League

គុនល្បុក្កតោបើកការប្រកួតជើងឯកថ្នាក់ជាតិដោយមានកីឡាករ-កីឡាការិនីចូលរួម ១៧០នាក់

កីឡាកាយសម្ព័ន្ធទទួលបានផ្លែផ្កាគួរឲ្យកត់សម្គាល់ ក្រោយបើកវគ្គគ្រូជំនាញ និងបោះជំរំតាមខេត្ត

Novak Djokovic វិលចូលទឹកដីអូស្ត្រាលីលើកដំបូង ១ឆ្នាំបន្ទាប់ពីត្រូវបណ្តេញចេញ

ខ្សែការពារហូឡង់ Daley Blind ចាកចេញពី Ajax ៦ខែមុនកិច្ចសន្យា

Norwich បណ្តេញអ្នកចាត់ការ Dean Smith ចេញពីតំណែង

សហព័ន្ធកីឡាអត្តពលកម្មកម្ពុជាធ្វើមហាសន្និបាតបញ្ចប់អាណត្តិចាស់ និងត្រៀមឆ្ពោះទៅស៊ីហ្គេម ២០២៣

សាលី អ៊ូមើត នឹងចូលនិវត្តន៍ដោយគ្មានការសោកស្ដាយ បន្ទាប់ពីធនធានបន្ដវេនល្អៗ

ប្រធានសហព័ន្ធកីឡាទោចក្រយានសរសើរការរៀបចំជើងឯកជាតិ និងចាត់ទុកជាសញ្ញាណវិជ្ជមានត្រៀមស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Cody Gakpo ផ្លាស់​មកកាន់ Liverpool ផ្លូវការ​ក្នុងតម្លៃ​ផ្ទេរ ៣៥លាន​ផោន

Haaland ស៊ុត​ពីរ​គ្រាប់​ឱ្យ Man City ឈ្នះ Leeds បំបែក​កំណត់ត្រា​ទៀតហើយ​នៅ Premier League

គុន​ល្បុក្កតោ​បើក​ការប្រកួត​ជើងឯក​ថ្នាក់ជាតិដោយមាន​កីឡាករ​-​កីឡាការិនី​ចូលរួម ១៧០​នាក់

កីឡា​កាយសម្ព័ន្ធទទួលបាន​ផ្លែផ្កា​គួរ​ឲ្យ​កត់សម្គាល់ ក្រោយ​បើក​វគ្គ​គ្រូ​ជំនាញ និង​បោះជំរំ​តាម​ខេត្ត​

Novak Djokovic វិល​ចូល​ទឹកដី​អូស្ត្រាលី​លើកដំបូង ១​ឆ្នាំ​បន្ទាប់ពី​ត្រូវ​បណ្តេញចេញ​

ខ្សែការពារ​ហូ​ឡង់ Daley Blind ចាក​ចេញពី Ajax ៦​ខែ​មុន​កិច្ចសន្យា​

Norwich បណ្តេញ​អ្នកចាត់ការ Dean Smith ចេញពី​តំណែង

សហព័ន្ធ​កីឡាអត្តពលកម្ម​កម្ពុជា​ធ្វើ​មហាសន្និបាតបញ្ចប់​អាណត្តិ​ចាស់ និង​ត្រៀម​ឆ្ពោះទៅ​ស៊ី​ហ្គេម ២០២៣

សាលី អ៊ូ​មើ​ត នឹង​ចូលនិវត្តន៍​ដោយ​គ្មាន​ការសោកស្ដាយ បន្ទាប់ពី​ធនធាន​បន្ដវេន​ល្អៗ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Cody Gakpo ផ្លាស់មកកាន់ Liverpool ផ្លូវការក្នុងតម្លៃផ្ទេរ ៣៥លានផោន

Haaland ស៊ុតពីរគ្រាប់ឱ្យ Man City ឈ្នះ Leeds បំបែកកំណត់ត្រាទៀតហើយនៅ Premier League

គុនល្បុក្កតោបើកការប្រកួតជើងឯកថ្នាក់ជាតិដោយមានកីឡាករ-កីឡាការិនីចូលរួម ១៧០នាក់

កីឡាកាយសម្ព័ន្ធទទួលបានផ្លែផ្កាគួរឲ្យកត់សម្គាល់ ក្រោយបើកវគ្គគ្រូជំនាញ និងបោះជំរំតាមខេត្ត

Novak Djokovic វិលចូលទឹកដីអូស្ត្រាលីលើកដំបូង ១ឆ្នាំបន្ទាប់ពីត្រូវបណ្តេញចេញ

ខ្សែការពារហូឡង់ Daley Blind ចាកចេញពី Ajax ៦ខែមុនកិច្ចសន្យា

Norwich បណ្តេញអ្នកចាត់ការ Dean Smith ចេញពីតំណែង

សហព័ន្ធកីឡាអត្តពលកម្មកម្ពុជាធ្វើមហាសន្និបាតបញ្ចប់អាណត្តិចាស់ និងត្រៀមឆ្ពោះទៅស៊ីហ្គេម ២០២៣

សាលី អ៊ូមើត នឹងចូលនិវត្តន៍ដោយគ្មានការសោកស្ដាយ បន្ទាប់ពីធនធានបន្ដវេនល្អៗ