BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Manchester United ឈ្នះ Nottingham Forest ៣-០ បន្តប្រដេញតំបន់ Top4

បាល់ទាត់៖ ក្រុមបិសាចក្រហម Manchester United រកបានបីពិន្ទុមិនលំបាកក្នុងទឹកដីរបស់ខ្លួនតាមរយៈជ័យជំនះ ៣-០ លើ Nottingham Forest ដើម្បីបន្តប្រដេញតំបន់ Top4។ ខ្សែប្រយុទ្ធអង់គ្លេស Marcus Rashford បានបើកការនាំមុខនៅនាទីទី១៩ មុនពេលដែលខ្សែប្រយុទ្ធបារាំង Anthony Martial បន្ថែមការនាំមុខ ២-០ បីនាទីបន្ទាប់។ មុនចប់ការប្រកួតនាទីទី៨៧ ខ្សែបម្រើប្រេស៊ីលទាំងពីរ Casemiro បញ្ជូនបាល់ឱ្យ Fred ស៊ុតបញ្ចូលទីឱ្យ Manchester United យកឈ្នះ Nottingham Forest ៣-០។ ជ័យជំនះនេះធ្វើឱ្យក្រុមរបស់លោក Erik ten Hag កាន់តែកៀកហក់ចូលក្នុងតំបន់ Top4 ដោយកំពុងឈរលេខ៥ មាន ២៩ពិន្ទុដេញពីក្រោយ Spurs ១ពិន្ទុដែលប្រកួតលើស Manchester United ១ប្រកួត។ ចំណែកតោខៀវ Chelsea ក៏រកបានបីពិន្ទុពីការប្រកួតក្នុងទឹកដីរបស់ខ្លួនផងដែរតាមរយៈជ័យជំនះ ២-០ លើក្រុមភ្ញៀវ AFC Bournemouth។ ពីរគ្រាប់ក្នុងវគ្គទី១ ដោយ Kai Havertz និង Mason Mount គ្រប់គ្រាន់ល្មមសម្រាប់ក្រុមរបស់លោក Graham Potter ទទួលបានបីពិន្ទុឡើងមកឈរលេខ៨ មាន ២៤ពិន្ទុស្មើជាមួយក្រុមលេខ៧ Brighton៕អត្ថបទ៖នាង សុភាវុធ

សិង្ហបុរីឈ្នះឡាវ ខណៈវៀតណាមយកឈ្នះម៉ាឡេស៊ីបន្តនាំមុខក្នុងពូល B

បាល់ទាត់៖ ក្រុមជើងឯក ៤សម័យសិង្ហបុរីបន្តការចាប់ផ្តើមរបស់ខ្លួនបានយ៉ាងល្អ នៅការប្រកួតពានរង្វាន់បាល់ទាត់ជើងឯកអាស៊ីអាគ្នេយ៍ AFF Mitsubishi Electric Cup ពូល B បន្ទាប់ពីយកឈ្នះឡាវ ២-០។ Irfan Fandi បានបើកការនាំមុខឱ្យសិង្ហបុរីនៅនាទីទី៣២ ដែលជាការតែតបញ្ចូលទីពីបាល់ Freekick របស់ Zulfahmi Arifin។ សិង្ហបុរីត្រូវរង់ចាំដល់ម៉ោងបានបង្គ្រប់ ៩០+៤ ទើបអាចរកគ្រាប់ទីពីរធានាបីពិន្ទុបានដោយ Shawal Anuar។ នេះជាជ័យជំនះពីរប្រកួតជាប់គ្នាសំរាប់សិង្ហបុរី បន្ទាប់ពីយកឈ្នះម៉ាឡេស៊ី ៣-២ ប្រកួតទី១។ ចំណែកឡាវនេះជាបរាជ័យ ៣ប្រកួតផ្ទួនៗរបស់ខ្លួន និងអស់ឱកាសទៅវគ្គបន្តហើយ។ ងាកមកការប្រកួតមួយគូទៀត ក្រុមជើងឯកឆ្នាំ២០១៨ វៀតណាមក៏រកបានជ័យជំនះទី២ របស់ខ្លួនដែរទៅលើម៉ាឡេស៊ី ៣-០ នៅកីឡដ្ឋាន My Dinh ទីក្រុងហាណូយ។ ក្រុមរបស់លោក Park Hang-seo បានបើកការនាំមុខនៅនាទីទី២៨ ដោយ Nguyen Tien Linh ខណៈពីរគ្រាប់ទៀតសំរេចបាននៅវគ្គទី២ ដោយបាល់ពិន័យ ១១ម៉ែត្ររបស់ Que Ngoc Hai នាទីទី៦៤ និង Nguyen Hoang Duc នាទីទី៨៣។ មិនខុសពីសិង្ហបុរីឡើយ នេះជាជ័យជំនះទីពីររបស់វៀតណាមមាន ៦ពិន្ទុពេញឈរលើគេក្នុងពូល B នេះខណៈដែលម៉ាឡេស៊ីឈរលេខ២ មាន ៦ពិន្ទុដែរតែប្រកួតបានបីលើកឈ្នះ ២ ចាញ់មួយ ខណៈសិង្ហបុរីឈរលេខ៣ តែលេងទើបបាន ២ប្រកួតឈ្នះទាំងពីរ។ ប្រកួតបន្ទាប់ក្នុងពូលនេះមីយ៉ាន់ម៉ាជួបឡាវ និងសិង្ហបុរីជួបវៀតណាម៕អត្ថបទ៖នាង សុភាវុធ

កម្ពុជាត្រូវការឈ្នះព្រុយណេដើម្បីរក្សាក្តីសង្ឃឹមឡើងទៅវគ្គបន្តពានរង្វាន់ AFF

បាល់ទាត់៖ ក្រុមបាល់ទាត់ជម្រើសជាតិកម្ពុជាមកដល់ពេលនេះនៅមានឱកាសច្រើន ក្នុងការឡើងទៅវគ្គបន្តនៃការប្រកួតកីឡាបាល់ទាត់ពានរង្វាន់តំបន់អាស៊ីអាគ្នេយ៍ ២០២២ ត្បិតពីរប្រកួតឈ្នះមួយ និងចាញ់មួយ តែហ្វីលីពីនបីប្រកួតឈ្នះមួយប្រកួត និងចាញ់ពីរប្រកួត។ ដើម្បីរក្សាក្តីសង្ឃឹមនេះ គោព្រៃត្រូវឈ្នះព្រុយណេក្នុងបរិមាណគ្រាប់បាល់ច្រើនមិនតិចជាង ១០គ្រាប់សម្រាប់ការប្រកួតទី៣ ក្នុងពូល A ដែលដំណើរការប្រកួតនៅល្ងាចថ្ងៃទី២៩ ខែធ្នូ ឆ្នាំ២០២២នេះ នៅវិមានពហុកីឡដ្ឋានជាតិមរតកតេជោម៉ោង ៥និង០០នាទីល្ងាច។ ជំនួបរវាងកម្ពុជា និងព្រុយណេ ៦លើក កម្ពុជាឈ្នះ ៤ដង ចាញ់មួយដង និងស្មើម្តង ហើយកម្ពុជាឈ្នះព្រុយណេច្រើនគ្រាប់បំផុតត្រឹមតែ ៦ទល់នឹង១ ការប្រកួតមិត្តភាពអន្តរជាតិឆ្នាំ២០១៥។ ក្នុងពូល A នេះ ប្រសិនបើកម្ពុជាឈ្នះព្រុយណេ កម្ពុជានៅមានឧបសគ្គធំមួយទៀតគឺក្រុមដំរីសឹកថៃ ដែលត្រូវជួបគ្នាថ្ងៃទី០២ ខែមករា ឆ្នាំ២០២៣ ការប្រកួតចុងក្រោយក្នុងពូល។ ម្ស៉ាងវិញទៀតក្តីសង្ឃឹមកៅវគ្គពាក់កណ្តាលផ្តាច់ព្រ័ត្ររបស់កម្ពុជា ក៏ត្រូវស្ថិតនៅលើលទ្ធផលរវាងឥណ្ឌូនេស៊ី និងថៃ នៅថ្ងៃទី២៩ ខែធ្នូ នេះដែរ។ ក្រុមទាំងពីរនេះបើស្មើក៏នៅតែមានសង្ឃឹមដដែល ខណៈកម្ពុជាត្រូវឈ្នះការប្រកួតនៅសល់ទាំងអស់។ សូមជម្រាបជូនថា មកដល់ពេលនេះក្នុងពូល A ឆ្លងកាត់ពីរប្រកួត ថៃឈរនៅលេខ១ មាន ៦ពិន្ទ គ្រាប់បាល់ចំណេញ ៩គ្រាប់ ឥណ្ឌូនេស៊ីលេខ២ មាន ៦ពិន្ទុដែរ តែគ្រាប់បាល់ចំណេញ ៨គ្រាប់ កម្ពុជាលេខ៣ មាន ៣ពិន្ទុគ្មានគ្រាប់បាល់ចំណេញ ហ្វីលីពីនលេខ៤ មាន ៣ពិន្ទុ គ្រាប់បាល់ចំណេញ ដក១ និងព្រុយណេ ក្រោយលេងបីប្រកួតគ្មានពិន្ទុនោះទេ។ ការប្រកួតបាល់ទាត់ពានរង្វាន់អាស៊ាននឹងបញ្ចប់ផ្លូវការថ្ងៃទី១៦ ខែមករា ឆ្នាំ២០២៣ខាងមុខ៕អត្ថបទ៖ គង់ ហួន

លោក Hajime Moriyasu នឹងបន្តដឹកនាំក្រុមជម្រើសជាតិជប៉ុន

បាល់ទាត់៖ លោក Hajime Moriyasu នឹងបន្តដឹកនាំក្រុមជម្រើសជាតិជប៉ុន នេះបើតាមការចុះផ្សាយរបស់ភ្នាក់ងារព័ត៌មានជប៉ុន Kyodo។ ប្រភពព័ត៌មានពី Kyodo ឱ្យដឹងថា ការប្រកាសពីការបន្តដឹកនាំរបស់លោក Moriyasu នឹងត្រូវធ្វើឡើងក្នុងកិច្ចប្រជុំគណៈកម្មាធិការប្រតិបត្តិរបស់សហព័ន្ធបាល់ទាត់ជប៉ុននាពេលខាងមុខ ហើយនឹងជាលើកដំបូងក្នុងប្រវត្តិសាស្ត្របាល់ទាត់ជប៉ុន ដែលគ្រូបង្វឹកក្រុមជម្រើសជាតិបន្តដឹកនាំក្រោយចប់ World Cup។ បុរសវ័យ ៥៤ឆ្នាំរូបនេះបាននាំក្រុមជម្រើសជាតិជប៉ុនឡើងទៅវគ្គ ១៦ក្រុមចុងក្រោយ World Cup នៅកាតានាពេលកន្លងទៅ តែអ្វីដែលគួរកត់សំគាល់នោះគឺជប៉ុនបានយកឈ្នះក្រុមយក្សរបស់អឺរ៉ុបទាំង២ នៅក្នុងពូលរួមមានអាល្លឺម៉ង់ និងអេស្ប៉ាញ។ យ៉ាងណាក្តីក្រុមសាមូរ៉ៃពណ៌ខៀវមួយនេះក៏បានធ្លាក់ត្រឹមវគ្គ ១៦ក្រុមក្រោមស្នាដៃក្រុមជើងឯករង២០១៨ ក្រូអាស៊ីដោយបាល់ ១១ម៉ែត្រកាត់សេចក្តី។ រំលឹកថា លោក Moriyasu គឺជាអតីតកីឡាករខ្សែបម្រើជម្រើសជាតិជប៉ុន និងធ្លាប់ដឹកនាំក្លិបបាល់ទាត់ Sanfrecce Hiroshima ឈ្នះជើងឯក J-League ៣លើកមុនពេលចូលដឹកនាំក្រុម U23 ជប៉ុន និងឈានឡើងមកដឹកនាំក្រុមធំនៅឆ្នាំ២០១៨៕អត្ថបទ៖នាង សុភាវុធ

Chelsea ចរចាខ្ចី Joao Felix ពី Ateltico Madrid អមជាមួយកិច្ចសន្យាទិញផ្តាច់

បាល់ទាត់៖ បើតាមការចុះផ្សាយរបស់សារព័ត៌មាន Telegraph ឱ្យដឹងថា ក្លិបតោខៀវ Chelsea បានឈានជើងចូលក្នុងការចរចាខ្ចីជើងខ្សែប្រយុទ្ធព័រទុយហ្កាល់ Joao Felix ពីក្លិបអេស្ប៉ាញ Atletico Madrid នៅខែមករាខាងមុខនេះ។ កិច្ចសន្យាដែល Chelsea គ្រោងផ្តល់ទៅឱ្យ Atletico Madrid នោះគឺការខ្ចីដល់ចប់រដូវកាល អមជាមួយនឹងលក្ខខណ្ឌទិញផ្តាច់។ កីឡាករវ័យ ២៣ឆ្នាំរូបនេះបានធ្លាក់មកក្រៅជម្រើសនៅ Atletico Madrid ប៉ុន្មានខែចុងក្រោយនេះ។ កីឡាករដែលទិញចូលថ្លៃបំផុតក្នុងប្រវត្តិសាស្ត្រក្លិបតម្លៃ ១២០លានអឺរ៉ូរូបនេះបានមកដល់ Atletico Madrid នៅឆ្នាំ២០១៩ ដើម្បីបំពេញការចាកចេញរបស់ Antoine Griezmann នៅពេលនោះ។ យ៉ាងណាក្តី Felix មិនទាន់ឈានដល់កំរិតដែលក្លិបចប់បាននៅឡើយ ហើយទំនាក់ទំនងរបស់គេជាមួយអ្នកចាត់ការ Diego Simeone ត្រូវបានគេដឹងថា កំពុងបែកបាក់ប្រេះឆាផងដែរ។ បើតាមភ្នាក់ងាររបស់ Felix លោក Jorge Mendes ឱ្យដឹងថា Joao Felix ក៏កំពុងទទួលការចាប់អារម្មណ៍ពីក្លិបនៅ Premier League ផ្សេងទៀតរួមមាន Manchester United និង Arsenal ផងដែរ៕អត្ថបទ៖នាង សុភាវុធ

Arsenal នាំមុខដាច់ ៧ពិន្ទុក្រោយវាយបកយកឈ្នះ West Ham ៣-១

បាល់ទាត់៖ ក្រុមកាំភ្លើងធំ Arsenal បានបន្តនាំមុខគេក្នុងក្របខណ្ឌ English Premier League និងនាំមុខដាច់ដល់ ៧ពិន្ទុពីក្រុមលេខ២ ក្រោយវាយបកយកឈ្នះ West Ham ៣-១ នៅ Emirate Stadium។ បន្ទាប់ពីបាល់ ១១ម៉ែត្ររបស់ West Ham នាំមុខដោយ Said Benrahma ក្រុមរបស់លោក Mikel Arteta ក៏បានវាយបកវិញនៅវគ្គទី២ ដោយរកបានបីគ្រាប់ធ្វើបានដោយ Bukayo Saka, Gabriel Martinelli និង Eddie Nketiah។ ជ័យជំនះនេះធ្វើឱ្យ Arsenal ឡើងនាំមុខដាច់គេដល់ទៅ ៧ពិន្ទុពីក្រុមលេខ២ Newcastle ដែលបានយកឈ្នះនៅទឹកដី Leicester City ៣-០ យប់មិញ។ ក្រុមអ្នកមានថ្មី Newcastle នៅតែបន្តទម្រង់លេងល្អក្រោយ World Cup ខណៈបីគ្រាប់ជ័យជំនះរបស់ពួកគេសំរេចបានក្នុងវគ្គទី១ ទាំងអស់ដោយ Chris Wood, Almiron និង Joelinton។ បើនិយាយតាំងពីមុន World Cup ក្រុមរបស់លោក Eddie Howe បានយកឈ្នះគូប្រកួតជាប់ៗគ្នារួមមាន Everton, Spurs, Aston Villa, Southampton និង Chelsea។ Manchester City ឈរលេខ៣ ក្នុងតារាងនឹងត្រូវជួបជាមួយ Leeds United យប់នេះ ប្រសិនឈ្នះនឹងឡើងមកឈរលេខ២ វិញកាត់បន្ថយការនាំមុខរបស់ Arsenal មកត្រឹម ៥ពិន្ទុវិញ។ លទ្ធផលផ្សេងទៀតយប់មិញរួមមាន Liverpool ឈ្នះនៅដី Aston Villa ៣-១ Fulham ឈ្នះនៅដី Crystal Palace ៣-០ Wolves ឈ្នះនៅដី Everton ២-១ និង Brighton ឈ្នះនៅដី Southampton ៣-១៕អត្ថបទ៖នាង សុភាវុធ

ពលរដ្ឋខ្មែររស់នៅខេត្តសូរិនអញ្ជើញអ្នកជំនាញគុនល្បុក្កតោទៅផ្សព្វផ្សាយ ដ្បិតចង់អភិរក្សក្បាច់គុនជាតិនេះ

ល្បុក្កតោ៖ សហព័ន្ធកីឡាគុនល្បុក្កតោកម្ពុជាកាលពីចុងសប្ដាហ៍កន្លងទៅ បានបញ្ជូនមន្ត្រីជំនាញរបស់ខ្លួនទៅរៀបចំសិក្ខាសាលា និងវគ្គបណ្ដុះបណ្ដាលដល់ពលរស់ខ្មែររស់នៅខេត្តសូរិន ប្រទេសថៃ ដើម្បីផ្សព្វផ្សាយពីក្បាច់គុនអត្តសញ្ញាណជាតិ ដ្បិតពលរដ្ឋខ្មែរនៅទីនោះបានបង្ហាញឆន្ទៈយ៉ាងមុតមាំ ដើម្បីចូលរួមអភិវឌ្ឍន៍ និងអភិរក្សក្បាច់គុនបុរាណរបស់បុព្វបុរសខ្មែរមួយនេះ។ លោក អ៊ូ តារា អគ្គលេខាធិការរងសហព័ន្ធបានឲ្យដឹងថា ដោយមានការចង្អុលបង្ហាញរបស់ឯកឧត្តមបណ្ឌិតសភាចារ្យ ច័ន្ទ សារុន សមាជិករដ្ឋសភាព និងជាប្រធានសហព័ន្ធ ក៏ដូចជាឯកឧត្តម វ៉ាត់ ចំរើន អគ្គលេខាធិការសហព័ន្ធបានចាត់បញ្ជូនរូបលោក ដឹកនាំប្រតិភូ និងអ្នកជំនាញគុនល្បុក្កតោកម្ពុជាផ្សេងទៀត ទៅចូលរួមសិក្ខាសាលាស្ដីពីគុនល្បុក្កតោ នៅខេត្តសូរិន តបតាមការអញ្ជើញរបស់ពលរដ្ឋខ្មែររស់នៅទីនោះ។ លោកថា សិក្ខាសាលាក៏ដូចជាវគ្គបណ្ដុះបណ្ដាលអាជ្ញាកណ្ដាល-ចៅក្រមនេះធ្វើឡើងរយៈពេល ៣ថ្ងៃចាប់ពីថ្ងៃទី២៣ ដល់ថ្ងៃទី២៥ ខែធ្នូ ឆ្នាំ២០២២ ដោយមានសិក្ខាកាមចូលរួម ៣០រូប។ អ្វីដែលពិសេស ការរៀបចំនេះត្រូវបានគាំទ្រដោយអាជ្ញាធរថៃ ហើយមានការចូលរួមពីអភិបាលរងខេត្តសូរិន និងមានការគាំទ្រពីថ្នាក់ដឹកនាំនៃសាកលវិទ្យាល័យ Surindra Rajabhat University ខណៈក្រោយចប់វគ្គ ក៏មានការផ្ដល់នូវសញ្ញាបត្រដល់សិក្ខាកាមចូលរួមទៀតផង។ អគ្គលេខាធិការរងសហព័ន្ធដដែលបន្ដថា នេះគឺជាការចាប់ផ្ដើមមួយដ៏ល្អ សម្រាប់សហព័ន្ធក្នុងការជំរុញការផ្សព្វផ្សាយគុនល្បុក្កតោទៅដល់ប្រជាពលរដ្ឋគ្រប់រូបនេះទាំងក្នុង និងក្រៅប្រទេស ពិសេសពលរដ្ឋខ្មែររស់នៅខេត្តសូរិន ដែលមានការចាប់អារម្មណ៍ និងចង់ចូលរួមថែរក្សានូវសម្បត្តិវប្បធម៌ជាតិមួយនេះក្នុងតំបន់របស់ខ្លួន នៅក្នុងតំបន់ខេត្តសូរិន ស្របពេលគណៈកម្មាធិការជាតិ CAMSOC បានដាក់បញ្ចូលក្បាច់គុនអត្តសញ្ញាណជាតិនេះ ទៅក្នុងព្រឹត្តិការណ៍ស៊ីហ្គេមឆ្នាំ២០២៣ ក៏ដូចជាការចុះបញ្ជីបេតិកភណ្ឌវប្បធម៌អរូបីយនៃមនុស្សជាតិរបស់អង្គការ UNESCO កាលពីថ្មីៗ។ លើសពីនេះ ពលរដ្ឋខ្មែររស់នៅខេត្តសូរិនក៏មានបំណងចូលរួមហ្វឹកហាត់ ក៏ដូចជាការបណ្ដុះបណ្ដាលគ្រូបង្វឹក អាជ្ញាកណ្ដាល-ចៅក្រម ដើម្បីមានលទ្ធភាពរៀបចំការប្រកួតជើងឯកក្នុងតំបន់ខ្លួនរស់នៅ នាថ្ងៃអនាគតទៀតផង។ នេះបើតាមការបញ្ជាក់បន្ថែមរបស់លោក អ៊ូ តារា៕ អត្ថបទ៖ លី ឈុនឡា

Liverpool ឈានដល់កិច្ចព្រមព្រៀងនាំយកខ្សែប្រយុទ្ធហូឡង់ Cody Gakpo

បាល់ទាត់៖ ក្លិបហង្សក្រហម Liverpool បានឈានដល់កិច្ចព្រមព្រៀងក្នុងការនាំយកខ្សែប្រយុទ្ធហូឡង់ Cody Gakpo មកកាន់ Anfield ហើយ នេះបើតាមការបញ្ជាក់របស់សាមីក្លិប PSV Eindhoven។ កីឡាករវ័យ ២៣ឆ្នាំរូបនេះមានទំរង់លេងគួរឱ្យកត់សំគាល់នៅ World Cup កាតាកន្លងមកជាមួយក្រុមជម្រើសជាតិហូឡង់ ដោយស៊ុតបញ្ចូលទីបាន ៣គ្រាប់នាំក្រុមហូឡង់ឡើងដល់វគ្គ ៨ក្រុមចុងក្រោយ។ តម្លៃនៃការផ្ទេររបស់កីឡាករហូឡង់រូបនេះត្រូវបានគេដឹងថា នៅចន្លោះ ៤០ ទៅ ៥០លានអឺរ៉ូ។ PSV បានបញ្ជាក់ថា Cody Gakpo នឹងហោះហើរទៅកាន់ទឹកដីអង់គ្លេសដើម្បីបំពេញឱ្យរួចរាល់កិច្ចសន្យាផ្ទេរ ដែលនឹងជាការផ្ទេរដែលមានតម្លៃខ្ពស់បំផុតមួយរបស់ក្លិប។ ការសំរេចស្វែងរកខ្សែប្រយុទ្ធបន្ថែមមកកាន់ Anfield ដោយសារ Liverpool កំពុងអវត្តមានកីឡាករតំបន់ប្រយុទ្ធពីរនាក់រួមមាន Luiz Diaz និង Diogo Jota។ សូមបញ្ជាក់ថា Cody Gakpo មុន World Cup បានស៊ុតបញ្ចូលទី ៨គ្រាប់ ១២បាល់បញ្ជូនក្នុងការបង្ហាញខ្លួន ១៤ប្រកួតឱ្យ PSV រដូវកាលនេះ។ ជាមួយគ្នានោះដែរ Gakpo ក៏បានស៊ុតបញ្ចូលទី ៣គ្រាប់ ២បាល់បញ្ជូនផងដែរក្នុងការបង្ហាញខ្លួន ៥លើកនៅក្របខណ្ឌ UEFA Europa League៕អត្ថបទ៖នាង សុភាវុធ

សមិទ្ធផលផលស៊ីហ្គេមបង្ហាញពីឆន្ទៈដ៏មោះមុតរបស់រាជរដ្ឋាភិបាលក្នុងការជំរុញវិស័យកីឡាជាតិ

ស៊ីហ្គេម៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានចាត់ទុកសមិទ្ធផលមេដាយមាស ប្រាក់ និងសំរឹទ្ធរបស់កម្ពុជា ដែលដណ្តើមបានក្នុងការប្រកួតកីឡាស៊ីហ្គេមលើកទី៣១ ឆ្នាំ២០២២ ពិតជាបានបង្ហាញនូវឆន្ទៈដ៏មោះមុតរបស់រាជរដ្ឋាភិបាល ក្នុងការជំរុញវិស័យកីឡាកម្ពុជាឲ្យបានស្មើមុខស្មើមាត់ទាំងក្នុងតំបន់ និងលើឆាកអន្តរជាតិ។ ការលើកឡើងនេះ បន្ទាប់ពីសម្ដេចពិជ័យសេនាតំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីប្រគល់ប្រាក់រង្វាន់រាជរដ្ឋាភិបាលជូនគ្រូបង្វឹក គ្រូជំនួយ និងកីឡាករ-កីឡាការិនីជយលាភីមេដាយមាស ប្រាក់ និងសំរឹទ្ធ នៃការប្រកួតកីឡាស៊ីហ្គេមលើកទី៣១ នៅទីស្តីការក្រសួងការពារជាតិនៅថ្ងៃទី២៦ ខែធ្នូ ឆ្នាំ២០២២ បន្ទាប់ពីអត្តពលិកកម្ពុជាបានបំបែកកំណត់ត្រាប្រវត្តិសាស្ដ្រដណ្ដើមបានមេដាយសរុប ៦៣គ្រឿង (មាស៩ ប្រាក់១៣ និងសំរឹទ្ធ៤១) ក្នុងព្រឹត្តិការណ៍ប្រចាំតំបន់នេះកាលពីខែឧសភាកន្លងទៅ។ក្នុងនាមរាជរដ្ឋាភិបាលកម្ពុជា សម្តេចពិជ័យសេនា ទៀ បាញ់ ពិតជាមានសេចក្តីសោមនស្សរីករាយក្រៃលែង ដែលក្នុងនាមតំណាងដ៏ខ្ពង់ខ្ពស់សម្តេចតេជោនាយករដ្ឋមន្ដ្រី បានពាំនាំនូវប្រាក់រង្វាន់លើកដល់អ្នកទទួលបានជយលាភី។ លើសពីនេះសម្ដេចបានកោតសរសើរ និងវាយតម្លៃខ្ពស់បំផុតចំពោះការខិតខំប្រឹងប្រែងរបស់ក្រសួងអប់រំ យុវជន និងកីឡា ក្រសួងសេដ្ឋកិច្ច និងហិរញ្ញវត្ថុ និងគណៈកម្មាធិការជាតិអូឡាំពិកកម្ពុជា (NOCC) សហព័ន្ធកីឡាជាតិ ពិសេសគ្រូបង្វឹក កីឡាករ-កីឡាការិនីជម្រើសជាតិកម្ពុជាទាំងអស់ ដែលបានរួមកម្លាំងគ្នា រួមស្មារតីគ្នា និងការប្តេជ្ញាចិត្តខ្ពស់ ដែលសម្រេចបាននូវសមិទ្ធផលគួរជាទីសាទរជូនជាតិមាតុភូមិ។ជាមួយគ្នានោះដែរ សម្តេចពិជ័យសេនា ទៀ បាញ់ បានផ្ដល់អនុសាសន៍ ៥ចំណុចដើម្បីជំរុញឲ្យគ្រប់ភាគីពាក់ព័ន្ធបន្ដអនុវត្ត និងយកចិត្តទុកដាក់ដើម្បីឆ្ពោះទៅជោគជ័យនៅស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ រួមមាន៖១. ក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិបន្តពង្រីកកិច្ចសហការល្អ ហ្វឹកហ្វឺនក្រុមអត្តពលិកជម្រើសជាតិក្នុង និងក្រៅប្រទេស ដើម្បីបង្កើនគុណផលចូលរួមប្រកួតកីឡាស៊ីហ្គេមលើកទី៣២ ដណ្ដើមមេដាយឲ្យបានច្រើន ពិសេសមន្ត្រីបច្ចេកទេសរៀបចំ និងកាត់សេចក្ដីការប្រកួត។ ជាមួយគ្នានេះ ក្រសួងបន្តផ្ដល់ថវិកាគាំទ្រដល់សហព័ន្ធកីឡាជាតិ ដើម្បីពន្លឿនការអភិវឌ្ឍឆ្ពោះទៅការប្រកួតកីឡាស៊ីហ្គេមឆ្នាំ២០២៣។២. សហព័ន្ធកីឡាជាតិត្រូវប្រើប្រាស់ថវិកាគាំទ្ររបស់ក្រសួងអប់រំ យុវជន និងកីឡាឲ្យបានត្រឹមត្រូវ តម្លាភាព និងមានប្រសិទ្ធភាព ព្រមទាំងកៀរគរថវិកាដៃគូឯកជនបំពេញការខ្វះខាត ដើម្បីលើកកម្ពស់កាអភិវឌ្ឍប្រភេទកីឡារបស់ខ្លួនឲ្យបានកាន់តែរីកចម្រើន និងមាននិរន្តរភាព។៣. គណៈកម្មការជំនាញទាំង១៤ នៃគណៈកម្មាធិការជាតិ CAMSOC ត្រូវសហការគ្នាឲ្យបានល្អ ខិតខំពន្លឿនការងាររបស់ខ្លួនតាមតួនាទីភារកិច្ច ជំរុញការត្រៀមខ្លួនឲ្យបានគ្រប់ជ្រុងជ្រោយជាស្រេច ទៅតាមក្របខ័ណ្ឌពេលវេលាកំណត់ ដើម្បីធានាបានជោគជ័យខ្ពស់ក្នុងការធ្វើជាម្ចាស់ផ្ទះ រៀបចំការប្រកួតកីឡាកម្រិតអន្តរជាតិដ៏ធំជាប្រវត្តិសាស្ត្រនេះ។ បន្តពង្រឹងការប្រកួតជើងឯកជាតិ និងការប្រកួតកីឡាជាតិឲ្យកាន់តែមានគុណភាព ឈានទៅរកស្ដង់ដាតំបន់ ដើម្បីយកការប្រកួតកីឡាអន្តរជាតិមករៀបចំនៅកម្ពុជា។៤. គ្រប់ក្រសួងស្ថាប័នពាក់ព័ន្ធ និងអាជ្ញាធររាជធានី-ខេត្តត្រូវពង្រឹងកិច្ចសហការឲ្យបានជិតស្និទ្ធប្រកបដោយស្មារតីទទួលខុសត្រូវខ្ពស់ និងស្របតាមអភិក្រម “ជវភាពនៃប្រព័ន្ធតួអង្គតែមួយ” ដើម្បីដោះស្រាយនូវរាល់បញ្ហាប្រឈមនានាជាបន្ទាន់ សំដៅធានាបានប្រសិទ្ធភាពក្នុងការដឹកនាំ គ្រប់គ្រង និងរៀបចំព្រឹត្តិការណ៍ប្រកួតកីឡាដ៏ធំនៅឆ្នាំ២០២៣។៥. សូមអំពាវនាវដល់វិស័យឯកជន ក្រុមហ៊ុន សហគ្រាស និងសប្បុរសជនទាំងអស់សូមចូលរួមដល់មូលនិធិកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ដើម្បីរួមចំណែកដល់ភាពជោគជ័យនៃការរៀបចំប្រកួតកីឡាកម្រិតអន្តរជាតិនេះ។ សូមអំពាវនាវដល់អាជ្ញាធររាជធានី-ខេត្ត និងប្រជាជនទាំងអស់ សូមប្រកាន់ខ្ជាប់នូវស្មារតី “ប្រជាជនម្នាក់ជាម្ចាស់ផ្ទះម្នាក់” ពិសេសប្រជាជននៅតាមរាជធានី-ខេត្តដែលត្រូវត្រៀមទទួលរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ សូមរៀបចំអនាម័យ ថែរក្សាបរិស្ថានឲ្យបានល្អ និងរៀបចំតុបតែងលម្អ ដើម្បីលើកកម្ពស់សោភ័ណភាពមូលដ្ឋានរបស់ខ្លួន សំដៅលើកមុខមាត់កម្ពុជា និងទាក់ទាញការចាប់អារម្មណ៍របស់ប្រតិភូកីឡា និងភ្ញៀវអន្តរជាតិទាំងអស់ ដែលនឹងអញ្ជើញមកចូលរួមការប្រកួតនៅកម្ពុជានៅឆ្នាំ២០២៣ ខាងមុខនេះ។សូមបញ្ជាក់ថា ប្រាក់រង្វាន់របស់រាជរដ្ឋាភិបាលផ្ដល់ជូនដល់ជយលាភីមេដាយស៊ីហ្គេមលើកទី៣១ សម្រាប់មេដាយមាសទទួលបាន ៤០លានរៀល, មេដាយប្រាក់ ៣០លានរៀល និងមេដាយសំរឹទ្ធ ១៦លានរៀល។ រីឯគ្រូបង្វឹកទទួលបាន ១០០% ស្នើប្រាក់រង្វាន់មេដាយកូនសិស្សរបស់ខ្លួន ខណៈគ្រូជំនួយទទួលបាន ៧០% នៃប្រាក់រង្វាន់មេដាយកូនសិស្សរបស់ខ្លួន។ ដូច្នេះប្រាក់រង្វាន់លើកទឹកចិត្តរបស់រាជរដ្ឋាភិបាល ដែលបានប្រគល់ជូនគ្រូបង្វឹក គ្រូជំនួយ និងកីឡាករ-កីឡាការិនីជយលាភីមេដាយស៊ីហ្គេមលើកទី៣១ គឺសរុបចំនួន ៣,៤៥៨,២០០,០០០រៀល (បីប៊ីលាន បួយរយហាសិបប្រាំបីលាន ពីររយពាន់រៀលគត់)៕ អត្ថបទ៖ លី ឈុនឡា

កីឡាវាយសីគ្រោងបញ្ជូនអត្តពលិកជនពិការទៅហាត់ក្រៅប្រទេសត្រៀមអាស៊ានប៉ារ៉ាហ្គេម២០២៣

វាយសី៖ លោក ព្រំ សារ៉ាវុធ គ្រូបង្វឹកកីឡាវាយសីជនពិការជម្រើសជាតិកម្ពុជាបានឲ្យដឹងថា ក្រោយឆ្លងកាត់ការប្រកួតកីឡាជាតិជនពិការលើកទី១ ឆ្នាំ២០២២ កាលពីថ្មីៗ សិទ្ធផលរបស់កីឡាករមានការកើនឡើងគួរឲ្យកត់សម្គាល់ ប៉ុន្តែកីឡាការិនីមានកម្រិតដែលត្រូវពង្រឹងបន្ថែម តាមរយៈការចេញទៅហ្វឹកហាត់នៅក្រៅប្រទេស ដើម្បីត្រៀមការប្រកួតកីឡាអាស៊ានប៉ារ៉ាហ្គេមឆ្នាំ២០២៣ នៅកម្ពុជា។ គ្រូបង្វឹកដដែលបន្ដថា ការប្រកួតកីឡាជាតិជនពិការមានសារសំខាន់ណាស់សម្រាប់សហព័ន្ធ និងគណៈកម្មាធិការជាតិប៉ារ៉ាឡាំពិកកម្ពុជា ដោយសារសហព័ន្ធខ្វះធនធានកីឡាករ-កីឡាការិនីជនពិការលើប្រភេទកីឡាវាយសីច្រើន ដូច្នេះព្រឹត្តិការណ៍នេះគឺជាឱកាសក្នុងការជ្រើសរើស និងស្វែងរកអត្តពលិកជនពិការយកមកហ្វឹកហាត់ ត្រៀមការប្រកួតប្រចាំតំបន់នេះពេលខាងមុខ។ និយាយពីគុណផលសម្រាប់កីឡាការិនីនៅមានកម្រិត ដោយសារតែទើបជ្រើសរើសយកមកហ្វឹកហាត់ ដូច្នេះបទពិសោធន៍ និងបច្ចេកទេសមានតិចតួច។ ចំពោះកីឡាករវិញគឺមានគុណផលខ្ពស់ ព្រោះធ្លាប់ហ្វឹកហាត់ និងធ្លាប់ឆ្លងកាត់ការប្រកួតអន្តរជាតិ ដូចជាអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី ឆ្នាំ២០២២ ជាដើម។ តាមរយៈបទពិសោធន៍ពីអន្តរជាតិ និងការប្រកួតកីឡាជាតិជនពិការ រួមជាមួយការយកចិត្តទុកដាក់របស់ប្រធានសហព័ន្ធ លោកជឿជាក់ថា កីឡាករ-កីឡាការិនីវាយសីជនពិការកម្ពុជានឹងមានការរីកចម្រើនច្រើនទាំងសិទ្ធផល និងបច្ចេកទេស សម្រាប់ត្រៀមការប្រកួតអាស៊ានប៉ារ៉ាហ្គេមនាពេលខាងមុខ។ លោក ព្រំ សារ៉ាវុធ បន្ដទៀតថា អ្វីដែលពិសេសនោះ នៅដើមឆ្នាំ២០២៣ ខាងមុខ សហព័ន្ធកីឡាវាយសីកម្ពុជានឹងបញ្ជូនអត្តពលិកជនពិការ ទៅហ្វឹកហាត់នៅប្រទេសថៃរយៈពេលវែង ឬនៅប្រទេសម៉ាឡេស៊ីតាមរយៈការសម្របសម្រួលពីលោក Sambenthan Sivaperumal នាយកប្រតិបត្តិផ្នែកវាយសីអភិវឌ្ឍន៍អាស៊ី ដែលមកពីសហព័ន្ធកីឡាវាយសីអាស៊ី។ នេះគឺជាការយកចិត្តទុកដាក់ និងជាឱកាសល្អមួយទៀតសម្រាប់អត្តពលិកជនពិការកម្ពុជា ដើម្បីពង្រឹងសមត្ថភាព បច្ចេកទេសឆ្ពោះទៅរកកម្រិតខ្ពស់ មុនការប្រកួតមកដល់។ សូមបញ្ជាក់ថា សម្រាប់ព្រឹត្តិការណ៍អាស៊ានប៉ារ៉ាហ្គេម លើកទី១២ ឆ្នាំ២០២៣ សហព័ន្ធបានត្រៀមកីឡាករ-កីឡាការិនីកីឡាវាយសីជនពិការ ៨នាក់ ប្រកួតតាមវិញ្ញាសា ដែលវាយតម្លៃតាមពិការភាពរបស់អត្តពលិក ដើម្បីធ្វើការប្រកួតប្រជែងមេដាយជូនជាតិក្នុងឋានៈជាម្ចាស់ផ្ទះ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

កម្ពុជា-ឥណ្ឌូនេស៊ី សហការបើកសន្និសីទវេជ្ជសាស្ត្របេះដូងអន្តរជាតិលើកទី៣ ឆ្នាំ២០២៦

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Manchester United ឈ្នះ Nottingham Forest ៣-០ បន្តប្រដេញតំបន់ Top4

សិង្ហបុរីឈ្នះឡាវ ខណៈវៀតណាមយកឈ្នះម៉ាឡេស៊ីបន្តនាំមុខក្នុងពូល B

កម្ពុជាត្រូវការឈ្នះព្រុយណេដើម្បីរក្សាក្តីសង្ឃឹមឡើងទៅវគ្គបន្តពានរង្វាន់ AFF

លោក Hajime Moriyasu នឹងបន្តដឹកនាំក្រុមជម្រើសជាតិជប៉ុន

Chelsea ចរចាខ្ចី Joao Felix ពី Ateltico Madrid អមជាមួយកិច្ចសន្យាទិញផ្តាច់

Arsenal នាំមុខដាច់ ៧ពិន្ទុក្រោយវាយបកយកឈ្នះ West Ham ៣-១

ពលរដ្ឋខ្មែររស់នៅខេត្តសូរិនអញ្ជើញអ្នកជំនាញគុនល្បុក្កតោទៅផ្សព្វផ្សាយ ដ្បិតចង់អភិរក្សក្បាច់គុនជាតិនេះ

Liverpool ឈានដល់កិច្ចព្រមព្រៀងនាំយកខ្សែប្រយុទ្ធហូឡង់ Cody Gakpo

សមិទ្ធផលផលស៊ីហ្គេមបង្ហាញពីឆន្ទៈដ៏មោះមុតរបស់រាជរដ្ឋាភិបាលក្នុងការជំរុញវិស័យកីឡាជាតិ

កីឡាវាយសីគ្រោងបញ្ជូនអត្តពលិកជនពិការទៅហាត់ក្រៅប្រទេសត្រៀមអាស៊ានប៉ារ៉ាហ្គេម២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Manchester United ឈ្នះ Nottingham Forest ៣-០ បន្ត​ប្រដេញ​តំបន់ Top4

សិង្ហ​បុរី​ឈ្នះ​ឡាវ​ ខណៈ​វៀតណាម​យកឈ្នះ​ម៉ាឡេស៊ី​បន្ត​នាំមុខ​ក្នុង​ពូ​ល B

កម្ពុជា​ត្រូវការ​ឈ្នះ​ព្រុយ​ណេ​ដើម្បី​រក្សា​ក្តី​សង្ឃឹម​ឡើង​ទៅ​វគ្គ​បន្ត​ពានរង្វាន់ AFF

លោក Hajime Moriyasu នឹង​បន្ត​ដឹកនាំ​ក្រុម​ជម្រើសជាតិ​ជប៉ុន

Chelsea ចរចា​ខ្ចី Joao Felix ពី Ateltico Madrid អម​ជាមួយ​កិច្ចសន្យា​ទិញ​ផ្តាច់​

Arsenal នាំមុខ​ដាច់ ៧​ពិន្ទុ​ក្រោយ​វាយបក​យកឈ្នះ West Ham ៣-១

Liverpool ឈានដល់​កិច្ចព្រមព្រៀង​នាំយក​ខ្សែប្រយុទ្ធ​ហូឡង់ Cody Gakpo

សមិទ្ធផល​ផល​ស៊ី​ហ្គេម​បង្ហាញ​ពី​ឆន្ទៈ​ដ៏​មោះមុត​របស់​រាជរដ្ឋាភិបាល​ក្នុង​ការ​ជំរុញ​វិស័យ​កីឡា​ជាតិ

កីឡា​វាយ​សី​គ្រោង​បញ្ជូន​អត្ត​ព​លិ​ក​ជនពិការ​ទៅ​ហាត់​ក្រៅប្រទេស​ត្រៀម​អាស៊ាន​ប៉ា​រ៉ា​ហ្គេម២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Manchester United ឈ្នះ Nottingham Forest ៣-០ បន្តប្រដេញតំបន់ Top4

សិង្ហបុរីឈ្នះឡាវ ខណៈវៀតណាមយកឈ្នះម៉ាឡេស៊ីបន្តនាំមុខក្នុងពូល B

កម្ពុជាត្រូវការឈ្នះព្រុយណេដើម្បីរក្សាក្តីសង្ឃឹមឡើងទៅវគ្គបន្តពានរង្វាន់ AFF

លោក Hajime Moriyasu នឹងបន្តដឹកនាំក្រុមជម្រើសជាតិជប៉ុន

Chelsea ចរចាខ្ចី Joao Felix ពី Ateltico Madrid អមជាមួយកិច្ចសន្យាទិញផ្តាច់

Arsenal នាំមុខដាច់ ៧ពិន្ទុក្រោយវាយបកយកឈ្នះ West Ham ៣-១

Liverpool ឈានដល់កិច្ចព្រមព្រៀងនាំយកខ្សែប្រយុទ្ធហូឡង់ Cody Gakpo

សមិទ្ធផលផលស៊ីហ្គេមបង្ហាញពីឆន្ទៈដ៏មោះមុតរបស់រាជរដ្ឋាភិបាលក្នុងការជំរុញវិស័យកីឡាជាតិ

កីឡាវាយសីគ្រោងបញ្ជូនអត្តពលិកជនពិការទៅហាត់ក្រៅប្រទេសត្រៀមអាស៊ានប៉ារ៉ាហ្គេម២០២៣