BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ថៃ និងឥណ្ឌូនេស៊ីរកបានបីពិន្ទុរៀងខ្លួន ក្រោយឈ្នះហ្វីលីពីន និងព្រុយណេ

បាល់ទាត់៖ ក្រុមដំរីសឹកថៃបានបន្តរកបានបីពិន្ទុពីការប្រកួតទី២ របស់ខ្លួនតាមរយៈជ័យជំនះលើក្រុមហ្វីលីពីន ៤-០ ក្នុងការប្រកួតពានរង្វាន់បាល់ទាត់ជើងឯកអាស៊ាន AFF Mitsubishi Electric Cup 2022 ពូល A។ ក្រុមការពារតំណែងជើងឯកថៃបានបើកការនាំមុខតាំងពីនាទីទី៣ ដោយការតែតបញ្ចូលទីពីបាល់ Freekick របស់ Theeraton Boonmatan មុនពេលដែលខ្សែប្រយុទ្ធជើងចាស់រូបនេះដដែលបន្ថែមគ្រាប់ទី២ របស់ខ្លួនមុនចប់វគ្គទី១។ ក្រុមរបស់លោក Mano Polking មិនបង្អង់ដៃឡើយដោយរកបានពីរគ្រាប់ទៀតនៅវគ្គទី២ ដោយ Adisak Kraisorn និង Suphanan Bureerat។ នេះជាជ័យជំនះពីរប្រកួតផ្ទួនៗសម្រាប់ក្រុមការពារតំណែងជើងឯកថៃ ដើម្បីបន្តនាំមុខគេក្នុងពូល A នេះមាន ៦ពិន្ទុពេញ។ ចំណែកឯក្រុមជើងឯករង ៦សម័យឥណ្ឌូនេស៊ីក៏មិនខកបីពិន្ទុពីការប្រកួតទី២ របស់ខ្លួនដែរនៅពេលជួបជាមួយព្រុយណេដោយរកបានជ័យជំនះដោយលទ្ធផល ៧-០ ដល់ទឹកដី។ ឥណ្ឌូនេស៊ីបើកការនាំមុខនៅនាទីទី២០ ដោយ Syahrian Abimanyu មុនពេលដែលម្ចាស់ផ្ទះព្រុយណេសល់គ្នាតែ ១០នាក់នៅពេល Mohamad Alinur ទទួលបានកាតលឿងពីរដងបណ្តេញចេញពីការប្រកួត។ ឥណ្ឌូនេស៊ីក៏រកបានមួយគ្រាប់ទៀតមុនចប់វគ្គទី១ ដោយ Sulistyawan ខណៈវគ្គទី២ កាន់តែធ្ងន់សំរាប់ព្រុយណេនៅពេលឥណ្ឌូនេស៊ីបន្ថែម ៥គ្រាប់ទៀត។ ក្រុមរបស់លោក Shin Tae-yong ដែលជាជើងឯករងឆ្នាំមុនបន្តឈរលេខ២ ក្នុងពូល A នេះមាន ៦ពិន្ទុពេញដូចថៃដែរតាមពីក្រោយដោយកម្ពុជា និងហ្វីលីពីនមាន ៣ពិន្ទុដូចគ្នា ខណៈព្រុយណេក្រោមគេគ្មានពិន្ទុរាប់។ ប្រកួតបន្ទាប់ក្នុងពូលនេះឥណ្ឌូនេស៊ីត្រូវទទួលថៃ ខណៈកម្ពុជាទទួលព្រុយណេនៅថ្ងៃទីព្រហស្បតិ៍ ទី២៩ ខែធ្នូជាមួយគ្នា និងមានការផ្សាយផ្ទាល់ផងដែរពី BTV៕អត្ថបទ៖នាង សុភាវុធ

Claudio Ranieri ត្រលប់ទៅដឹកនាំ Cagliari ក្លិបដែលលោកធ្លាក់ដឹកនាំពេលចាប់ផ្តើមអាជីព ៣១ឆ្នាំមុន

បាល់ទាត់៖ អតីតអ្នកចាត់ការ Leicester City លោក Claudio Ranieri ត្រូវបានតែងតាំងជាអ្នកចាត់ការក្លិបអ៊ីតាលី Cagliari ដែលជាក្លិបលោកបានចាប់ផ្តើមអាជីពជាគ្រូបង្វឹកកាលពីឆ្នាំ ៣១ឆ្នាំមុន។ លោក Ranieri បានចាប់ផ្តើមអាជីពដំបូងដឹកនាំក្លិបនៅ Serie B មួយនេះតាំងពីឆ្នាំ១៩៨៨ ដល់ ១៩៩១ ដោយបាននាំក្រុមពីក្របខណ្ឌទី៣ Serie C ឡើងដល់ក្របខណ្ឌកំពូល Serie A។ ការត្រលប់មកកាន់ Cagliari វិញនេះគ្រូបង្វឹកវ័យ ៧១ឆ្នាំអ៊ីតាលីនេះរូបនេះបានចុះហត្ថលេខាដឹកនាំដល់ឆ្នាំ២០២៥ ដែលជាការងារដំបូងតាំងពីត្រូវបានបណ្តេញចេញពី Watford កាលពីខែមករា។ ការមកកាន់តំណែងនៅ Cagliari គឺជំនួសតំណែងលោក Fabio Liverani ដែលត្រូវបានបណ្តេញកាលពីសប្តាហ៍មុន បន្ទាប់ពីក្លិបធ្លាក់ដល់ចំណាត់ថ្នាក់លេខ ១៤ នៅក្របខណ្ឌទី២ Serie B។ រំលឹកថា អាជីពជោគជ័យបំផុតរបស់លោក Claudio Ranieri គឺនៅពេលដឹកនាំក្លិបអង់គ្លេស Leicester City លើកពាន English Premier League នៅរដូវកាល ២០១៦-១៦ ហើយលោកក៏ធ្លាប់ដឹកនាំក្លិបអង់គ្លេសផ្សេងទៀតដែរដូចជា Chelsea និង Fulham ជាដើម៕អត្ថបទ៖នាង សុភាវុធ

លោក Thomas Frank បន្តកិច្ចសន្យាដឹកនាំ Brentford ដល់ឆ្នាំ២០២៧

បាល់ទាត់៖ លោក Thomas Frank នឹងបន្តជាអ្នកចាត់ការក្លិប Brentford រហូតដល់ឆ្នាំ២០២៧។ បុរសវ័យ ៤៩ឆ្នាំរូបនេះទើបតែទទួលបានកិច្ចសន្យាថ្មីពីកាលខែមករាដើមឆ្នាំ២០២២ ដែលមានសុពលភាពដល់ឆ្នាំ២០២៥។ អ្នកចាត់ការសញ្ជាតិដាណឺម៉ាករូបនេះបានដឹកនាំ Brentford ឡើងមកកាន់ក្របខណ្ឌកំពូល English Premier League កាលពី ១៨ខែមុន ដោយបានបញ្ចប់ការទន្ទឹងរង់ចាំរបស់ Brentford ឡើងមកកាន់ក្របខណ្ឌកំពូលអង់គ្លេសរយៈពេល ៧៤ឆ្នាំ និងបានបញ្ចប់រដូវកាលមុននៅចំណាត់ថ្នាក់លេខ ១៣ ផងដែរ។ បច្ចុប្បន្ន Brentford កំពុងឈរលេខ ១០ ដោយនឹងត្រូវជួបជាមួយ Spurs នៅថ្ងៃទី២៦ ខែធ្នូនេះ។ រំលឹកថា លោក Thomas Frank បានចូលមកដឹកនាំ Brentford កាលពីឆ្នាំ២០១៨ ដោយបានចាកចេញពីតំណែងជំនួយការលោក Dean Smith នៅ Aston Villa៕អត្ថបទ៖នាង សុភាវុធ

Pele និងក្រុមគ្រួសារជួបជុំគ្នាអបអរគ្រីសស្មាសក្នុងមន្ទីរពេទ្យ

បាល់ទាត់៖ ក្រុមគ្រួសារវីរបុរសបាល់ទាត់ប្រេស៊ីលលោក Pele បានជួបជុំគ្នានៅក្នុងមន្ទីរពេទ្យដើម្បីអបអរថ្ងៃបុណ្យគ្រីសស្មាស ស្របពេលស្ថានភាពជំងឺរបស់លោក Pele ស្ថិតក្នុងស្ថានភាពវិវឌ្ឍកាន់តែអាក្រក់។ បុរសវ័យ ៨២ឆ្នាំរូបនេះត្រូវការការថែទាំសុខភាពរបស់គាត់យ៉ាងយកចិត្តទុកដាក់បំផុត ពីក្រុមជំនាញពេទ្យផ្នែកមហារីកនៅមន្ទីរពេទ្យ Albert Einstein ទីក្រុង Sao Paulo។ មិនត្រឹមតែបញ្ហាជំងឺមហារីកក្រពេញប្រូស្តាតទេលោក Pele ក៏មានបញ្ហាបេះដូងផងដែរ។ សារព័ត៌មានមួយចំនួនបានចុះផ្សាយថា ជំងឺមហារីករបស់លោក Pele កំពុងវិវឌ្ឍកាន់តែព្រួយបារម្ភ តែមិនទាន់ដល់ថ្នាក់សម្រាកក្នុងបន្ទប់សង្គ្រោះបន្ទាន់នៅឡើយទេ។ ដោយត្រូវបានគេចាត់ទុកថា ជាកីឡាករអស្ចារ្យបំផុតក្នុងប្រវត្តិសាស្ត្របាល់ទាត់លោក Pele ត្រូវបានបញ្ជូនមកកាន់មន្ទីរពេទ្យជាច្រើនលើករួចមកហើយក្នុងឆ្នាំ២០២២ នេះ។ ក្រុមគ្រួសាររបស់លោក Pele រួមមានកូនស្រីទាំងពីរនាក់ Kely Nascimento និង Flavia Arantes បានច្រានចោលព័ត៌មានដែលចុះផ្សាយថា ស្ថានភាពជំងឺរបស់ឪពុកខ្លួនឈានដល់ដំណាក់កាលចុងក្រោយនៃជីវិតហើយ៕អត្ថបទ៖នាង សុភាវុធ

Wolves ខ្ចីខ្សែប្រយុទ្ធប្រេស៊ីល Matheus Cunha ពី Atletico Madrid

បាល់ទាត់៖ ក្លិបអង់គ្លេស Wolverhampton Wanderers បានសំរេចក្នុងការចុះហត្ថលេខានាំយកខ្សែប្រយុទ្ធប្រេស៊ីល Matheus Cunha ពីក្លិបអេស្ប៉ាញ Atletico Madrid ក្នុងលក្ខខណ្ឌខ្ចីជើងដល់ចប់រដូវកាល។ កីឡាករវ័យ ២៣ឆ្នាំរូបនេះនឹងចូលរួមជាមួយ Wolves នៅពេលទីផ្សារដោះដូរកីឡាករបើកចំហរនៅថ្ងៃទី១ ខែមករាខាងមុខ ជាមួយនឹងកិច្ចសន្យាដែលចងភ្ជាប់ជាមួយនឹងលក្ខខណ្ឌទិញផ្តាច់ជាកីឡាកររបស់ Wolves ដល់ឆ្នាំ២០២៧។ Matheus Cunha បានចូលរួមជាមួយ Atletico Madrid នៅខែសីហា ឆ្នាំ២០២១ ស៊ុតបញ្ចូលទីបាន ៦គ្រាប់នៅ La Liga ក្នុងការបង្ហាញខ្លួន ៤០ប្រកួត តែភាគច្រើនជាងកីឡាករបម្រុងប៉ុណ្ណោះ។ មុនមកដល់ Atletico Madrid, Matheus Cunha ធ្លាប់ចំណាយពេលប្រកបអាជីពនៅទឹកដីអាល្លឺម៉ង់ក្របខណ្ឌ Bundesliga ជាមួយ RB Leipzig ពីឆ្នាំ២០១៨ ដល់ ២០២០ មុនផ្លាស់ទៅកាន់ Hertha Berlin។ Matheus Cunha ត្រូវបានកោះហៅចូលលេងឱ្យក្រុមជម្រើសជាតិប្រេស៊ីលដំបូងកាលពីខែកញ្ញា ឆ្នាំ២០២១ ក្នុងជំនួបដែលប្រេស៊ីលយកឈ្នះស៊ីលី ១-០ ក្នុងវគ្គជម្រុះ World Cup។ មួយខែក្រោយមក Cunha គឺជាអ្នកស៊ុតបញ្ចូលទីគ្រាប់បាល់ជ័យជំនះឱ្យក្រុម U23 ប្រេស៊ីលឈ្នះមេដាយមាសអូឡាំពិកនៅទីក្រុងតូក្យូប្រេស៊ីល៕អត្ថបទ៖នាង សុភាវុធ

អ្នកចាត់ការ Spurs មិនសប្បាយចិត្តដែល Premier League សម្រាកពី World Cup ឆាប់ពេក

បាល់ទាត់៖ អ្នកចាត់ការក្លិប Tottenham Hotspur លោក Antonio Conte បានរអ៊ូរទាំមិនសប្បាយចិត្តនៅពេលដែលកីឡាករមានពេលសម្រាកតិចពេក ក្រោយចប់បេសកកម្មរបស់ខ្លួននៅ World Cup។ លោក Conte បាននិយាយថា លោកប្រហែលជាត្រូវជ្រើសរើសកីឡាករដែលមិនបានលេង World Cup ឱ្យលេងទល់នឹង Brentford ក្នុងថ្ងៃ Boxing Day ថ្ងៃចន្ទនេះ។ កីឡាករដែលពាក់ព័ន្ធនឹងការប្រកួតវគ្គផ្តាច់ព្រ័ត្រ World Cup រវាងបារាំង និងអាហ្សង់ទីនដូចជាអ្នកចាំទីបារាំង Hugo Lloris និងខ្សែការពារ Cristian Romero ច្បាស់ណាស់នឹងអវត្តមានពីការប្រកួតនេះ។ អតីតអ្នកចាត់ការ Chelsea រូបនេះបន្តទៀតថា នេះជាលើកដំបូងដែល World Cup ត្រូវបានរៀបចំឡើងក្នុងចន្លោះរដូវកាល ដែលធ្វើឱ្យកីឡាករពិបាកនឹងប្រមូលអារម្មណ៍នៅពេលត្រលប់មកវិញ ហើយ Premier League គួរតែមានពេលសម្រាកយូរជាងនេះ។ កីឡាករសំខាន់ៗផ្សេងទៀតរបស់ Spurs ដែលនឹងអវត្តមានមានដូចជា Rodrigo Bentancur ដោយសាររបួស និងជាប់ពិន័យ ខណៈខ្សែប្រយុទ្ធប្រេស៊ីល Richarlison និង Luca Moura សុទ្ធតែមានរបួស។ Spurs បច្ចុប្បន្នកំពុងឈរលេខ៤ មាន ២៩ពិន្ទុតាមពីក្រោយ Newcastle ១ពិន្ទុនៅពីលើ Manchester United ៣ពិន្ទុ។ បន្ទាប់ពីជួប Brentford ថ្ងៃនេះ Spurs នឹងបន្តជួបជាមួយ Aston Villa ថ្ងៃទី១ ឆ្នាំថ្មី និងបីថ្ងៃបន្ទាប់ជួប Crystal Palace៕អត្ថបទ៖នាង សុភាវុធ

N’Golo Kante នឹងអវត្តមានពី Chelsea យ៉ាងហោចណាស់ដល់ខែមីនា

បាល់ទាត់៖ គ្រូបង្វឹក Chelsea លោក Graham Potter បង្ហើបថា ខ្សែបម្រើបារាំង N'Golo Kante ត្រូវបានគេរំពឹងថានឹងអវត្តមានរហូតដល់ខែមីនា។ កីឡាករវ័យ ៣១ឆ្នាំរូបនេះបានទទួលរងរបួសអំឡុងការប្រកួតដែល Chelsea ស្មើ Tottenham Hotspur ២-២ នៅ Stamford Bridge កាលពីថ្ងៃទី១៤ ខែសីហា ដែលធ្វើឱ្យគេខកខានមិនបានចូលរួមជាមួយក្រុមជម្រើសជាតិបារាំង នៅការប្រកួតបាល់ទាត់ពិភពលោកកន្លងទៅ។ របួសរបស់ Kante បានទទួលការវះកាត់រួចរាល់តាំងពីមុន World Cup តែតាមរយៈលោក Graham Potter ថា Kante នឹងបន្តសម្រាកយ៉ាងហោចណាស់ដល់ខែមីនាឯណោះ។ ក្រុមតោខៀវដែលឈរចំណាត់ថ្នាក់លេខ៨ នឹងត្រលប់មកការប្រកួត Premier League នៅថ្ងៃទី២៧ ខែធ្នូ នៅពេលដែលពួកគេជួបក្រុម Bournemouth នៅកីឡដ្ឋាន Stamford Bridge ហើយអាចនឹងមិនមានវត្តមានកីឡាករជម្រើសដំបូងយ៉ាងហោចណាស់ ៨នាក់។ Mateo Kovacic របស់ក្រូអាស៊ី និង Hakim Ziyech របស់ម៉ារ៉ុកនឹងមិនមានវត្តមានសម្រាប់ការប្រកួតទល់នឹង Bournemouth ឡើយដោយកំពុងសម្រាកពីការនឿយហត់នៅ World Cup។ Armando Broja ត្រូវបានគេរំពឹងថានឹងខកខានការប្រកួតដែលនៅសល់នៃរដូវកាលនេះ បន្ទាប់ពីបានទទួលការវះកាត់ដោយជោគជ័យសម្រាប់របួសសរសៃពួរផ្នែកខាងមុខ ក្នុងការប្រកួតមិត្តភាពពាក់កណ្តាលរដូវកាលរបស់ Chelsea ទល់នឹង Aston Villa៕អត្ថបទ៖នាង សុភាវុធ

អ្នកលេងគុនខ្មែរ ធឿន ធារ៉ា ធ្វើឲ្យកក្រើកសង្វៀន Thai Fight ក្រោយផ្ដួលជើងខ្លាំង Saiyok ត្រឹមទឹកទី១

គុនខ្មែរ៖ អ្នកលេងគុនខ្មែរ ធឿន ធារ៉ា ធ្វើឲ្យកក្រើកប្រទេសថៃ ក្រោយផ្ដួលកីឡាករលំដាប់កំពូលថៃ Saiyok Pumphanmuang ដោយអាជ្ញាកណ្ដាលបញ្ឈប់ការប្រកួតត្រឹមទឹកទី១ ដើម្បីគ្រងខ្សែក្រវាត់ និងពានរង្វាន់របស់ព្រះមហាក្សត្រថៃនៃព្រឹត្តិការណ៍ Thai Fight 100 Years Nakhon Ban កាលពីរាត្រីថ្ងៃទី២៤ ខែធ្នូកន្លងទៅ។ គូពិសេសប្រភេទទម្ងន់ ៧២គីឡូក្រាមកន្លះនេះ ធឿន ធារ៉ា ប្រើពេលប្រមាណ ១នាទីកន្លះប៉ុណ្ណោះដើម្បីយកឈ្នះកីឡាករជើងខ្លាំងថៃ Saiyok Pumphanmuang បន្ទាប់ពីជើងខ្លាំងកម្ពុជារូបនេះព្យាយាមសម្រុកប្រើកណ្ដាប់ដៃ ពិសេសការប្រើកែងធ្វើឲ្យ Saiyok បែកចិញ្ចើមផ្នែកកន្ទុយភ្នែកខាងស្ដាំយ៉ាងធំ ហើយក៏ត្រូវគ្រូពេទ្យប្រាប់អាជ្ញាកណ្ដាលឲ្យបញ្ឈប់ការប្រកួតតែម្ដង ដោយសាររបួសធំពេកមិនអាចបន្ដការប្រកួតបាន។តាមរយៈនេះបានធ្វើឲ្យអ្នកលេងពូថៅដៃ ធឿន ធារ៉ា ក្លាយជាអ្នកលេងគុនខ្មែរដំបូងដែលបានគ្រងជើងឯកនៃព្រឹត្តិការណ៍ដ៏ធំ Thai Fight ដោយទទួលបានខ្សែក្រវាត់ និងពានរង្វាន់របស់ព្រះមហាក្សត្រថៃ អមប្រាក់រង្វាន់ ៤សែនបាត អមប្រាក់រង្វាន់លើកទឹកចិត្តជាច្រើនទៀត ពិសេសសប្បុរសជនក្នុងស្រុកដែលបានប្រកាសឧបត្ថម្ភលើកទឹកចិត្ត ដល់អ្នកលេងគុនខ្មែររូបនេះជាបន្ដបន្ទាប់ទៀតផង។ ក្រឡេកទៅចាប់អារម្មណ៍អ្នកគាំទ្រ និងប្រជាជនថៃវិញក៏បានសម្ដែងការអបអរសាទរជ័យជម្នះរបស់កីឡាករ ធឿន ធារ៉ា ផងដែរ ទោះបីកីឡាករកម្ពុជារូបនេះបានផ្ដួលកីឡាករលំដាប់កំពូលថៃ Saiyok Pumphanmuang ក៏ដោយ៕អត្ថបទ៖ លី ឈុនឡា

AFF៖ កម្ពុជាបន្ដហ្វឹកហាត់ត្រៀមជួបប្រ៊ុយណេ ខណៈបេក្ខភាពពូល A ផ្សេងទៀតត្រូវប្រកួតថ្ងៃនេះ

បាល់ទាត់៖ ក្រុមជម្រើសជាតិកម្ពុជាបានបន្ដការប្រមូលផ្ដុំហ្វឹកហាត់របស់ខ្លួន ក្រោយត្រឡប់មកពីប្រទេសឥណ្ឌូនេស៊ីវិញដើម្បីត្រៀមការប្រកួតបន្ទាប់ នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Mistubishi Electric Cup 2022 ដោយនឹងត្រូវបើកទ្វារពហុកីឡដ្ឋានជាតិមរតកតេជោ ទទួលក្រុមជម្រើសជាតិប្រ៊ុយណេនាថ្ងៃទី២៩ ខែធ្នូ ឆ្នាំ២០២២ សប្ដាហ៍នេះ។ នេះគឺជាការប្រកួតទី៣ ក្នុងពូល A រវាងក្រុមទាំងពីរដែលត្រូវជួបគ្នាលើទឹកដីកម្ពុជា។ សម្រាប់ ២ប្រកួតដំបូងរបស់កម្ពុជាគឺបានយកឈ្នះហ្វីលីពីនក្នុងដី ៣-២ តែសោកស្ដាយបានចាញ់ម្ចាស់ផ្ទះឥណ្ឌូនេស៊ី ២-១។ រីឯ ២ប្រកួតរបស់ប្រ៊ុយណេគឺសុទ្ធតែបរាជ័យ រួមមានចាញ់ក្រុមភ្ញៀវថៃ ៥-០ និងចាញ់ម្ចាស់ផ្ទះហ្វីលីពីន ៥-១។ សម្រាប់ប្រកួតបន្ទាប់នេះគឺជាជំនួបដ៏សំខាន់របស់កម្ពុជា មុនធ្វើការងារធ្ងន់ដោយត្រូវហោះទៅប្រកួតបញ្ចប់ពូល ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ។ ២ប្រកួតចុងក្រោយនេះត្រូវការឈ្នះដាច់ខាត ដើម្បីមានឱកាសប្រជែងកៅអីវគ្គបន្ដនៃពានរង្វាន់បាល់ទាត់ជើងឯកអាស៊ីអាគ្នេយ៍ឆ្នាំ២០២២។ ប៉ុន្ដែមុនឈានដល់ការប្រកួតក្រុមគោព្រៃកម្ពុជា មានបេក្ខភាពក្នុងពូល A ចំនួន ២គូនឹងត្រូវធ្វើការប្រកួតនៅល្ងាចថ្ងៃទី២៦ ខែធ្នូនេះ រួមមានក្រុមខ្លាំងឥណ្ឌូនេស៊ីជួបក្រុមម្ចាស់ផ្ទះប្រ៊ុយណេ និងក្រុមការងារពារតំណែងជើងឯកថៃជួបក្រុមភ្ញៀវហ្វីលីពីន៕អត្ថបទ៖ លី ឈុនឡា

សិង្ហបុរីបើកការប្រកួតដំបូងរបស់ខ្លួនថ្ងៃនេះ ខណៈឡាវធ្វើដំណើរទៅជួបម៉ាឡេស៊ី

បាល់ទាត់៖ ល្ងាចនេះក្រុមបាល់ទាត់ជម្រើសជាតិសិង្ហបុរី ដែលឡើងដល់វគ្គពាក់កណ្តាលផ្តាច់ព្រ័ត្រឆ្នាំ២០២១ ត្រូវបើកយុទ្ធនាការប្រកួតពូល B ដោយត្រូវទទួលសហភាពមីយ៉ាន់ម៉ាម៉ោង ៥និង០០នាទីល្ងាចម៉ោងនៅកម្ពុជា ក្នុងការប្រកួតបាល់ទាត់ពានរង្វាន់តំបន់អាស៊ីអាគ្នេយ៍ ២០២២។ នេះជាការប្រកួតទី១ របស់សិង្ហបុរី ចំនែកសហភាពមីយ៉ាន់ម៉ានេះជាប្រកួតទីពីរ ខណៈប្រកួតទីមួយចាញ់ម៉ាឡេស៊ី ០ទល់នឹង១ ក្នុងដី។ ប្រកួតថ្ងៃនេះគ្រូបង្វឹកសញ្ជាតិជប៉ុន Takayuki Nishigaya របស់សិង្ហបុរីជួបបញ្ហាប្រឈមដោយកីឡាករឆ្នើមពីររូបគឺខ្សែប្រយុទ្ធ khsan Fandi រួមជាមួយខ្សែបម្រើ Adam Swandi មានរបួសមិនអាចលេងបាន។ ក្នុងសន្និសីទសារព័ត៌មានលោក Nishigaya លើកឡើងថា វាពិតជាខកចិត្តដែលកីឡាករទាំងពីររូបនេះរងរបួស ហើយមិនអាចបន្តការប្រកួតបាន។ ប៉ះជាមួយសហភាពមីយ៉ាន់ម៉ាជាការប្រកួតដំបូង ដូច្នោះត្រូវតែលេងឱ្យបានល្អ។ ចំនែកលោក Antoine Hey គ្រូបង្វឹកសហភាពមីយ៉ាន់ម៉ាសង្ឃឹមថា ក្រុមរបស់លើកអាចជួសជុលស្ថានការណ៍ក្រោយចាញ់ ០ទល់នឹង១ ក្រោមថ្វីបច្ចេកទេសម៉ាឡេស៊ី។ ប្រាំពីរប្រកួតចុងក្រោយសិង្ហបុរីឈ្នះ ៥ប្រកួត ស្មើ១ និងចាញ់១។ ថ្ងៃជាមួយគ្នានេះដែរ ម៉ាឡេស៊ីបើកពហុកីឡដ្ឋានជាតិ Bukil Jalil នៅទីក្រុងគួឡាឡាំពួទទួលក្រុមឡាវ។ ឡាវបើកការប្រកួតចាញ់វៀតណាម ០ទល់នឹង៦ ចំនែកម៉ាឡេស៊ីឈ្នះសហភាពមីយ៉ាន់ម៉ាយ៉ាងលំបាក ០ទល់នឹង១។ ជ័យជំនះការប្រកួតដំបូងបានធ្វើឱ្យលោក Kim Pan-gon គ្រូបង្វឹកម៉ាឡេស៊ីកាន់តែមានទំនុកចិត្តសម្រាប់ប្រកួតទីពីរនេះ។ ៦ប្រកួតចុងក្រោយ ឡាវមិនដែលឈ្នះក្រុមម៉ាឡេស៊ីនោះទេ។ សូមជម្រាបជូនថា ការប្រកួតទាំងពីរប្រកួតនេះ BTV News ផ្សាយផ្ទាល់ពីប្រទេសសិង្ហបុរី និងម៉ាឡេស៊ីជូនអ្នកគាំទ្រកីឡាបាល់ទាត់៕អត្ថបទ៖ គង់ ហួន

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ថៃ និងឥណ្ឌូនេស៊ីរកបានបីពិន្ទុរៀងខ្លួន ក្រោយឈ្នះហ្វីលីពីន និងព្រុយណេ

Claudio Ranieri ត្រលប់ទៅដឹកនាំ Cagliari ក្លិបដែលលោកធ្លាក់ដឹកនាំពេលចាប់ផ្តើមអាជីព ៣១ឆ្នាំមុន

លោក Thomas Frank បន្តកិច្ចសន្យាដឹកនាំ Brentford ដល់ឆ្នាំ២០២៧

Pele និងក្រុមគ្រួសារជួបជុំគ្នាអបអរគ្រីសស្មាសក្នុងមន្ទីរពេទ្យ

Wolves ខ្ចីខ្សែប្រយុទ្ធប្រេស៊ីល Matheus Cunha ពី Atletico Madrid

អ្នកចាត់ការ Spurs មិនសប្បាយចិត្តដែល Premier League សម្រាកពី World Cup ឆាប់ពេក

N’Golo Kante នឹងអវត្តមានពី Chelsea យ៉ាងហោចណាស់ដល់ខែមីនា

អ្នកលេងគុនខ្មែរ ធឿន ធារ៉ា ធ្វើឲ្យកក្រើកសង្វៀន Thai Fight ក្រោយផ្ដួលជើងខ្លាំង Saiyok ត្រឹមទឹកទី១

AFF៖ កម្ពុជាបន្ដហ្វឹកហាត់ត្រៀមជួបប្រ៊ុយណេ ខណៈបេក្ខភាពពូល A ផ្សេងទៀតត្រូវប្រកួតថ្ងៃនេះ

សិង្ហបុរីបើកការប្រកួតដំបូងរបស់ខ្លួនថ្ងៃនេះ ខណៈឡាវធ្វើដំណើរទៅជួបម៉ាឡេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ថៃ និង​ឥណ្ឌូនេស៊ី​រកបាន​បី​ពិន្ទុ​រៀងខ្លួន​ ក្រោយ​ឈ្នះ​ហ្វីលីពីន និង​ព្រុយ​ណេ

Claudio Ranieri ត្រលប់​ទៅ​ដឹកនាំ Cagliari ក្លិប​ដែល​លោក​ធ្លាក់​ដឹកនាំ​ពេល​ចាប់ផ្តើម​អាជីព ៣១ឆ្នាំមុន​

លោក Thomas Frank បន្ត​កិច្ចសន្យា​ដឹកនាំ Brentford ដល់​ឆ្នាំ​២០២៧

Pele និង​ក្រុមគ្រួសារ​ជួបជុំគ្នា​អបអរ​គ្រី​ស​ស្មាស​ក្នុង​មន្ទីរពេទ្យ

Wolves ខ្ចី​ខ្សែប្រយុទ្ធ​ប្រេ​ស៊ី​ល Matheus Cunha ពី Atletico Madrid

អ្នកចាត់ការ Spurs មិន​សប្បាយចិត្ត​ដែល Premier League សម្រាក​ពី World Cup ឆាប់​ពេក

N’Golo Kante នឹង​អវត្តមាន​ពី Chelsea យ៉ាងហោចណាស់​ដល់​ខែមីនា

អ្នកលេង​គុន​ខ្មែរ ធឿន ធារ៉ា ធ្វើ​ឲ្យ​កក្រើក​សង្វៀន Thai Fight ក្រោយ​ផ្ដួល​ជើង​ខ្លាំង Saiyok ត្រឹម​ទឹក​ទី​១

AFF៖ កម្ពុជា​បន្ដ​ហ្វឹកហាត់​ត្រៀម​ជួប​ប្រ៊ុយណេ ខណៈ​បេក្ខភាព​ពូ​ល A ផ្សេងទៀតត្រូវ​ប្រកួត​ថ្ងៃនេះ

សិង្ហ​បុរី​បើក​ការប្រកួត​ដំបូង​របស់ខ្លួន​ថ្ងៃនេះ ខណៈ​ឡាវ​ធ្វើដំណើរ​ទៅ​ជួប​ម៉ាឡេស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ថៃ និងឥណ្ឌូនេស៊ីរកបានបីពិន្ទុរៀងខ្លួន ក្រោយឈ្នះហ្វីលីពីន និងព្រុយណេ

Claudio Ranieri ត្រលប់ទៅដឹកនាំ Cagliari ក្លិបដែលលោកធ្លាក់ដឹកនាំពេលចាប់ផ្តើមអាជីព ៣១ឆ្នាំមុន

លោក Thomas Frank បន្តកិច្ចសន្យាដឹកនាំ Brentford ដល់ឆ្នាំ២០២៧

Pele និងក្រុមគ្រួសារជួបជុំគ្នាអបអរគ្រីសស្មាសក្នុងមន្ទីរពេទ្យ

Wolves ខ្ចីខ្សែប្រយុទ្ធប្រេស៊ីល Matheus Cunha ពី Atletico Madrid

អ្នកចាត់ការ Spurs មិនសប្បាយចិត្តដែល Premier League សម្រាកពី World Cup ឆាប់ពេក

N’Golo Kante នឹងអវត្តមានពី Chelsea យ៉ាងហោចណាស់ដល់ខែមីនា

អ្នកលេងគុនខ្មែរ ធឿន ធារ៉ា ធ្វើឲ្យកក្រើកសង្វៀន Thai Fight ក្រោយផ្ដួលជើងខ្លាំង Saiyok ត្រឹមទឹកទី១

AFF៖ កម្ពុជាបន្ដហ្វឹកហាត់ត្រៀមជួបប្រ៊ុយណេ ខណៈបេក្ខភាពពូល A ផ្សេងទៀតត្រូវប្រកួតថ្ងៃនេះ

សិង្ហបុរីបើកការប្រកួតដំបូងរបស់ខ្លួនថ្ងៃនេះ ខណៈឡាវធ្វើដំណើរទៅជួបម៉ាឡេស៊ី