BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ហ្វីលីពីនដណ្តើមបានបីពិន្ទុក្រោយឈ្នះព្រុយណេ ៥ទល់១ បាល់ទាត់ពានរង្វាន់តំបន់អាស៊ាន

បាល់ទាត់៖ ក្រោយចាញ់កម្ពុជាប្រកួតដំបូង ហ្វីលីពីនបានយកឈ្នះព្រុយណេដារ៉ូសាឡឹម ៥ទល់នឹង១ វិញនៅពហុកីឡដ្ឋាន Rizal Memorial រដ្ឋធានីម៉ានីល ប្រទេសហ្វីលីពីន ការប្រកួតបាល់ទាត់ពានរង្វាន់តំបន់អាស៊ីអាគ្នេយ៍ពូល A។ ជំនួបនេះលេងបានត្រឹម ៧នាទីកីឡាករ Kenshiro Daniels បើកការស៊ុតបញ្ចូលទីគ្រាប់នាំមុខឱ្យហ្វីលីពីន បន្ទាប់ពីមានជួយជ្រោមជ្រែងពីកីឡាករ Pocholo Bugas។ ៥នាទីបន្ទាប់ហ្វីលីពីននាំមុខបន្ថែមទៀតដោយគ្រាប់បាល់កីឡាករ Sandro Reyes ពេលកីឡាករ Mark Hartmann បោះបាល់ឱ្យ។ ចប់តង់ទី១ ហ្វីលីពីននាំមុខព្រុយណេ ២ទល់នឹង០។ ក្នុងតង់ទី២ ហ្វីលីពីននៅតែដាក់សម្ពាធបន្ថែមលើគូប្រកួត ជាក់ស្តែងនៅនាទីទី៥០ កីឡាករ Jesus Melliza បន្ថែមគ្រាប់ទីបីឱ្យម្ចាស់ផ្ទះ បន្ទាប់ពីកីឡាករ Sebastian Rasmussen បញ្ចួនបាល់ឱ្យ។ មួយនាទីបន្ទាប់ Sebastian Rasmussenខ្លួនឯងស៊ុតបញ្ចូលទីគ្រាប់ទីបួនឱ្យហ្វីលីពីន មុនពេលកីឡាករ Razimie ramlli ស៊ុតបានមួយគ្រាប់វិញឱ្យព្រុយណេនាទីទី៧០ ក្រោយ Hakeme Said បញ្ជួនបាល់។ យ៉ាងណាក៏ដោយពីរនាទីមុនចប់ការប្រកួត Sebastian Rasmussen បន្ថែមគ្រាប់ទីប្រាំឱ្យហ្វីលីពីនពេល Oliver Bias បោះបាល់ឱ្យ។ តាមរយៈលទ្ធផលនេះ ហ្វីលីពីនឈរនៅចំណាត់ថ្នាក់លេខ២ មាន ៣ពិន្ទុដូចគ្នានឹងក្រុមលេខ ១ ដែលមានថៃ ឥណ្ឌូនេស៊ី និងកម្ពុជា។ ប្រកួតបន្ទាប់ហ្វីលីពីនត្រូវធ្វើដំណើរជួបថៃថ្ងៃទី២៦ ខែធ្នូ មុនជួបឥណ្ឌូនេស៊ីប្រកួតចុងក្រោយក្នុងពូលថ្ងៃទី០២ ខែមករា ឆ្នាំ២០២៣៕អត្ថបទ៖ គង់ ហួន

កម្ពុជាចាញ់ឥណ្ឌូនេស៊ីការប្រកួតទី២ របស់ខ្លួនក្នុងពូល A បាល់ទាត់តំបន់អាស៊ាន

បាល់ទាត់៖ នៅពីមុខអ្នកគាំទ្រជាង ២០០០០នាក់ និងពីមុខប្រធានាធិបតី Joko Widodo ក្រុមបាល់ទាត់ជម្រើសជាតិឥណ្ឌូនេស៊ីបានយកឈ្នះក្រុមជម្រើសជាតិកម្ពុជា ២ទល់នឹង១ ការប្រកួតកីឡាបាល់ទាត់ពានរង្វាន់តំបន់អាស៊ីអាគ្នេយ៍ នៅពហុកីឡដ្ឋាន Gelora Bung Karno ទីក្រុងហ្សាការតាល្ងាចថ្ងៃទី២៣ ខែធ្នូ ឆ្នាំ២០២២។ ដោយទើបតែប្រកួតដំបូងក្នុងពូល A ម្ចាស់ផ្ទះឥណ្ឌូនេស៊ីបើកការនាំមុខ បន្ទាប់ពីលេងបានត្រឹមតែ ៧នាទីប៉ុណ្ណោះពីការស៊ុតបញ្ចូលទីរបស់កីឡាករ Egy Maulana បន្ទាប់ពីកីឡាករ Pratama Arhan បញ្ជួនបាល់ឱ្យ។ មួយគ្រាប់នេះធ្វើឱ្យអ្នកគាំទ្រឥណ្ឌូនេស៊ីរីករាយយ៉ាងខ្លាំង។ ក្រោយមកភាពរីករាយត្រូវបានស្ងប់ស្ងាត់ទៅវិញ បន្ទាប់ពីគោព្រៃកម្ពុជាតាមស្មើនៅនាទីទី១៦ ពេលដែលកីឡាករ សឿត បារាំង បញ្ជួនបាល់ចេញពីជ្រុញឱ្យ លឹម ពិសុទ្ធ ហើយ ពិសុទ្ធ ក៏បញ្ជួនឱ្យ បារាំង វិញ រួចបញ្ជួនទៅឱ្យ សារ៉េត គ្រីយ៉ា តែតបញ្ចូលទីបានសម្រេច។ យ៉ាងណាក៏ដូចឥណ្ឌូនេស៊ីដាក់សម្ពាធបន្ថែមរហូតរកបានគ្រាប់បាល់នាំមុខជាថ្មីនាទីទី៣៥ ដោយកីឡាករ Witan Sulaeman ពេលដែលកីឡាករ Marselino Ferdinan បញ្ជួនបាល់ឱ្យ។ ចប់តង់ទី១ ឥណ្ឌូនេស៊ីនាំមុខកម្ពុជា ២ទល់នឹង១។ ការប្រកួតតង់ទី២ ទាំងម្ចាស់ផ្ទះ និងភ្ញៀវសុទ្ធមានឱកាសរៀងៗខ្លួន តែធ្វើមិនបានសម្រេច។ ចប់ការប្រកួត គ្រុឌឥណ្ឌូនេស៊ីឈ្នះគោព្រៃកម្ពុជា ២ទល់នឹង១។ អ្នកចាំទីកម្ពុជា កែង សុខសិលា បញ្ជាក់ថា ការប្រកួតនេះពិតជាតានតឹង តែត្រូវឱ្យបានល្អជាងនេះសម្រាប់ប្រកួតបន្ទាប់។ ប្រកួតបន្ទាប់ថ្ងៃទី២៦ ខែធ្នូ ព្រុយណេទទួលឥណ្ឌូនេស៊ី ខណៈកម្ពុជាត្រូវទទួលព្រុយណេដែរនៅថ្ងៃទី២៩ ខែធ្នូ ឆ្នាំ២០២២ នៅពហុកីឡដ្ឋានជាតិមរតកតេជោ រាជធានីភ្នំពេញ៕អត្ថបទ៖ គង់ ហួន

លោក Czeslaw Michniewicz នឹងចាកចេញពីតំណែងអ្នកចាត់ការប៉ូឡូញ

បាល់ទាត់៖ លោក Czeslaw Michniewicz នឹងចាកចេញពីតំណែងអ្នកចាត់ការក្រុមជម្រើសជាតិប៉ូឡូញចុងឆ្នាំនេះ ក្រោយចំណាយពេល ១១ខែក្នុងតំណែង។ សហព័ន្ធបាល់ទាត់ប៉ូឡូញ PZPN បានសំរេចចិត្តមិនបន្តកិច្ចសន្យាដល់អ្នកចាត់ការវ័យ ៥២ឆ្នាំរូបនេះឡើយ ក្រោយបរាជ័យនៅ World Cup។ ប៉ូឡូញបើកឆាក World Cup ស្មើជាមួយម៉ិកស៊ិក ឈ្នះអារ៉ាប៊ីសាអ៊ូឌីត និងចាញ់អាហ្សង់ទីន ហើយបានឡើងវគ្គ ១៦ក្រុមចុងក្រោយតែធ្លាក់ដោយសារបារាំងត្រឹមវគ្គនោះ។ លោក Michniewicz ត្រូវបានតែងតាំងឱ្យដឹកនាំក្រុមជម្រើសជាតិប៉ូឡូញកាលពីខែមករាឆ្នាំ ២០២២ នេះបន្តតំណែងពីលោក Paulo Sousa ដែលត្រូវបានបណ្តេញចេញកាលពីខែធ្នូឆ្នាំមុន៕អត្ថបទ៖នាង សុភាវុធ

ប្រធានក្លិប Barcelona ថា Frenkie de Jong ជាកីឡាករសំខាន់មិនអាចលក់

បាល់ទាត់៖ ខ្សែបម្រើហូឡង់ Frenkie de Jong គឺជាកីឡាករសំខាន់បំផុតរបស់ក្លិប និងមិនដែលមានគម្រោងលក់ចេញឡើយ នេះជាការលើកឡើងរបស់ប្រធានក្លិប Barcelona លោក Joan Laporta។ កីឡាករហូឡង់វ័យ ២៥ឆ្នាំរូបនេះមានទំនាក់ទំនងផ្ទេរកាន់ក្រុម Manchester United ដែលបច្ចុប្បន្នក្រោមការដឹកនាំរបស់អ្នកចាត់សញ្ជាតិហូឡង់ Erik ten Hag។ លោក Laporta បានបន្តថា Frenkie de Jong គឺជាកីឡាករសំខាន់បំផុតម្នាក់របស់ក្លិប ជាកីឡាករវ័យក្មេងដែលមានទេពកោសល្យម្នាក់ ហើយជាកីឡាករដែលក្លិបព្យាយាមរក្សាទុកជាមួយនឹងអនាគតរបស់ក្លិប និងគ្មានគម្រោងលក់ចេញ។ យ៉ាងណាក្តីលោក Laporta បន្តថា ក្លិបនឹងធ្វើគ្រប់យ៉ាងដើម្បីរក្សាកីឡាករវ័យ ២៥ឆ្នាំរូបនេះនៅកីឡដ្ឋាន Camp Nou តែក៏មិនដឹងថា សាមីខ្លួនចង់បន្តនៅ រឺចាកចេញនៅខែមករាខាងមុខរឺអត់នៅឡើយ។ រំលឹកថា Frenkie de Jong បានមកដល់ Barcelona ពី Ajax Amsterdam កាលពីឆ្នាំ២០១៩ នៅពេល Ajax ស្ថិតក្រោមការដឹកនាំរបស់លោក Erik ten Hag។ ជាមួយគ្នានោះដែរសារព័ត៌មានអេស្ប៉ាញបានចុះផ្សាយថា ប្រធានក្រុម Barcelona, Sergio Busquet ដែលទើបចូលនិវត្តន៍ពីក្រុមជំរើសជាតិអេស្ប៉ាញនោះ នឹងចាកចេញទៅកាន់ក្របខណ្ឌអាមេរិក Major League Soccer ក្រោយចំណាយពេល ១៥រដូវកាលជាមួយ Barcelona ឈ្នះពានសំខាន់ៗសរុប ៣៣ពាន៕អត្ថបទ៖នាង សុភាវុធ

Alphonso Davies ឈ្នះពានជ័យលាភីកីឡាករឆ្នើមរបស់កាណាដា ៤ឆ្នាំជាប់គ្នា

បាល់ទាត់៖ ខ្សែបម្រើ Bayern Munich, Alphonso Davies បានក្លាយជាម្ចាស់ពានជ័យលាភីកីឡាករឆ្នើមប្រចាំឆ្នាំរបស់កាណាដា ៤ឆ្នាំជាប់គ្នា បន្ទាប់ពីជួយក្រុមកាណាដាបង្ហាញខ្លួននៅ World Cup ជាលើកដំបូងក្នុងរយៈពេល ៣៦ឆ្នាំ។ កីឡាករវ័យ ២២ឆ្នាំរូបនេះក៏បានស៊ុតបញ្ចូលទី ១គ្រាប់ផងដែរឱ្យកាណាដានៅ World Cup។ នៅ World Cup 2022 កាតា Davies គឺជាកីឡាករលេចធ្លោម្នាក់គត់របស់កាណាដានៅជួរមុខប្រយុទ្ធ និងស៊ុតបញ្ចូលទី ១គ្រាប់ពេលលេងទល់នឹងបក្រូអាស៊ីនោះគឺជាគ្រាប់ដំបូងរបស់ខ្លួន និងរបស់កាណាដាក្នុងប្រវត្តិសាស្ត្រ World Cup។ ក្រៅពី World Cup កីឡាករវ័យ ២២ឆ្នាំរូបនេះក៏បានរួមចំណែកជួយក្លិបអាជីពរបស់ខ្លួន Bayern Munich ឈ្នះពាន Bundesliga និង EFL Supercup ផងដែរក្នុងឆ្នាំ២០២២ នេះ។ សរុបរួម Alphonso Davies បង្ហាញខ្លួនឱ្យក្រុមជម្រើសជាតិកាណាដា ៣៣លើកស៊ុតបញ្ចូលទីបាន ១៣គ្រាប់ ១៦បាល់បញ្ជូន៕អត្ថបទ៖នាង សុភាវុធ

Manchester City ទំលាក់ក្រុមការពារជើងឯក Liverpool ត្រឹមវគ្គ ១៦ក្រុម Carabao Cup

បាល់ទាត់៖ ក្រុមជើងឯកអង់គ្លេស Manchester City បានទំលាក់ក្រុមការពារជើងឯក Liverpool ត្រឹមវគ្គ ១៦ក្រុមចុងក្រោយនៃពានរង្វាន់ Carabao Cup ជាមួយនឹងជ័យជំនះ ៣-២។ ជាការប្រកួតវាយសម្រុកគ្នាទៅវិញទៅមករវាងក្រុមទាំងពីរ ខណៈក្រុមម្ចាស់ផ្ទះ Manchester City បាននាំមុខមុនរហូតពោលគឺគ្រាប់ដំបូងសំរេចបានដោយខ្សែប្រយុទ្ធន័រវេស Erling Haaland នាទីទី១០ មុនពេលដែល Liverpool តាមស្មើវិញដោយ Fabio Cavalho ១០នាទីក្រោយមក។ ឈានដល់វគ្គទី២ ក្រុមទាំងពីរនៅតែបន្តទំរង់ប្រយុទ្ធដដែលខណៈម្ចាស់ផ្ទះ Manchester City នាំមុខសាជាថ្មីដោយ Riyad Mahrez នាទីទី៤៧។ តែមិនបានប៉ុន្មាន Liverpool ក៏តាមស្មើសាជាថ្មីមួយនាទីបន្ទាប់ដោយ Mohamed Salah មុនពេលដែល Nathan Ake ជាអ្នកសម្រេចគ្រាប់ជ័យជំនះឱ្យ Manchester City នាទីទី៥៨។ ក្រុមរបស់លោក Pep Guardiola នឹងបន្តជួបជាមួយម្ចាស់ផ្ទះ Southampton នៅវគ្គ ៨ក្រុមចុងក្រោយនៅថ្ងៃទី៩ ខែមករា ឆ្នាំ២០២៣ ខាងមុខ។ សម្រាប់ ៨ក្រុមនៅវគ្គ ១/៤ ផ្តាច់ព្រ័ត្ររកឃើញអស់ហើយរួមមាន Southampton ទទួល Manchester City, Manchester United ទទួល Charlton Athletic, Nottingham Forest ទទួល Wolverhampton និង Newcastle ទទួល Leicester City៕អត្ថបទ៖នាង សុភាវុធ

កីឡា ១៣ប្រភេទ និងកីឡាសម្ដែង ១ បានអនុម័តរួចរាល់សម្រាប់អាស៊ានប៉ារ៉ាហ្គេមឆ្នាំ២០២៣

អាស៊ានប៉ារ៉ាហ្គេម៖ ការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នៅកម្ពុជា បានអនុម័តប្រភេទកីឡារួចរាល់ហើយដោយសម្រេចយកកីឡា ១៣ប្រភេទបូកកីឡាសម្ដែង ១ប្រភេទ។ នេះបើតាមការបញ្ជាក់របស់ឯកឧត្តម យី វាសនា អគ្គលេខាធិការរងនៃគណៈកម្មាធិការជាតិ រៀបចំការប្រកួតកីឡាអាស៊ានប៉ារ៉ាហ្គេមលើកទី១២ (CAMAPGOC) ក្រោយបញ្ចប់កិច្ចប្រជុំជាមួយសហព័ន្ធកីឡាជនពិការអាស៊ាន (APSF) កាលពីថ្មីៗ។ ឯកឧត្តមមានប្រសាសន៍ថា កាលពីកិច្ចប្រជុំក្រុមប្រឹក្សាអភិបាលកីឡាជនពិការអាស៊ាននៅឥណ្ឌូនេស៊ី គឺបានអនុម័តកីឡាចំនួន ១២ប្រភេទ តែមានកីឡាមួយត្រូវបន្ថែម ហើយពេលនេះបានឯកភាពលើកីឡាមួយទៀត ដែលនាំឲ្យមានការសម្រេចចុងក្រោយគឺកំណត់យកកីឡា ១៣ប្រភេទសម្រាប់ការប្រកួតកីឡាអាស៊ានប៉ារ៉ាហ្គេមឆ្នាំ២០២៣ បូកទាំងកីឡាសម្ដែង ១ប្រភេទដែលកំណត់យកកីឡាអេឡិចត្រូនិក (E-Sports) តែមិនរ៉ាប់បញ្ចូលមេដាយឡើយ។ អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជាអគ្គលេខាធិការរង CAMAPGOC ដដែលបានឲ្យដឹងថា កីឡា ១៣ប្រភេទដែលត្រូវបានអនុម័តរួចរាល់ រួមមានកីឡាអត្តពលកម្មជនពិការ, កីឡាហែលទឹកជនពិការ, កីឡាវាយសីជនពិការ, កីឡាបាល់ទាត់ ៥ម្ខាង, កីឡាបាល់ទាត់ ៧ម្ខាង, កីឡាលើកទម្ងន់ជនពិការ, កីឡាបូស្យាជនពិការ, កីឡាវាយកូនឃ្លីលើតុជនពិការ, កីឡាយូដូជនពិការ, កីឡាបាល់បោះរទេះជនពិការ, កីឡាបាល់បោះជនពិការភ្នែក, កីឡាបាល់ទះអង្គុយ និងកីឡាអុក។ ឯកឧត្តម យី វាសនា បន្ថែមថា ១៣ប្រភេតកីឡានេះបានសម្រេចរួចហើយ ហើយការរៀបចំឲ្យចេញជាព្រឹត្តិការណ៍កីឡា ឬវិញ្ញាសាប្រកួតតាមប្រភេទកីឡានីមួយៗត្រូវរៀបចំការរៀបចំជាក់ស្ដែង។ ប៉ុន្ដែបើតាមការគ្រោងទុកជាបទពិសោធន៍ កាលពីអាស៊ានប៉ារ៉ាហ្គេមលើកទី១១ នៅឥណ្ឌូនេស៊ីគឺមានវិញ្ញាសាទាំងអស់ប្រមាណជាង ៤០០វិញ្ញាសា លើ ១៤កីឡា ហើយនៅកម្ពុជាមាន ១៣ប្រភេតកីឡា។ ដូច្នេះវិញ្ញាសាដែលគ្រោងរៀបចំមិនទាន់កំណត់ជាក់លាក់នោះទេ ប៉ុន្ដែអាចក្នុងរង្វង់ជាង ៤០០វិញ្ញាសា។ ចំណែកដំណើរការចុះឈ្មោះចូលរួមវិញ ឯកឧត្តមបានពន្យល់ថា មាន ៣ដំណាក់កាលក្នុងដំណាក់កាលទី១ បានបញ្ចប់ហើយ គឺជាការចុះឈ្មោះប្រទេសទៅតាមប្រភេទកីឡានីមួយៗ។ រីឯដំណាក់កាលទី២ គឺជាការចុះឈ្មោះចំនួនប្រតិភូ មន្ដ្រី និងកីឡាករ-កីឡាការិនីសរុបប៉ុន្មាននាក់ដែលត្រូវបញ្ចប់ត្រឹមខែមករា ឆ្នាំ២០២៣ និងដំណាក់កាលទី៣ គឺការចុះឈ្មោះតាមឯកត្តបុគ្គលនីមួយៗ ឧទាហរណ៍ការបញ្ជាក់ឈ្មោះប្រតិភូដឹកនាំ និងឈ្មោះកីឡាករ-កីឡាការិនីច្បាស់ៗទៅតាមប្រភេទវិញ្ញាសាខ្លួនចូលរួមប្រកួត ដែលគ្រោងនឹងបញ្ចប់នៅកំឡុងខែកុម្ភៈ មុនឈានដល់ការប្រកួតពីថ្ងៃទី០៣-០៩ ខែមិថុនា ឆ្នាំ២០២៣ ខាងមុខ៕អត្ថបទ៖ លី ឈុនឡា

កម្ពុជានឹងលេងដោយមានការប្រុងប្រយ័ត្នខ្ពស់ពេលប៉ះឥណ្ឌូនេស៊ីរសៀលនេះ

បាល់ទាត់៖ ក្រុមបាល់ទាត់ជម្រើសជាតិកម្ពុជាត្រូវប្រកួតទី២ របស់ខ្លួនក្នុងពូល A ពានរង្វាន់បាល់ទាត់តំបន់អាស៊ីអាគ្នេយ៍២០២២ ថ្ងៃទីនេះ ដោយត្រូវជួបជាមួយជើងឯករងច្រើនជាងគេឥណ្ឌូនេស៊ីនៅពហុកីឡដ្ឋាន Gelora Bung Karno ក្នុងទីក្រុងហ្សាការតា ប្រទេសឥណ្ឌូនេស៊ីម៉ោង ៤និង៣០នាទីរសៀលម៉ោងនៅព្រះរាជាណាចក្រកម្ពុជា។ ការប្រកួតនេះផ្សាយផ្ទាល់តាមទូរទស្សន៍បាយ័ន។ មុនការប្រកួតនៅលើពហុកីឡដ្ឋានដែលអាចផ្ទុកអ្នកគាំទ្របានជិត ៨០០០០នាក់ កម្ពុជាបើកការប្រកួតដំបូងក្នុងពូល ដោយបានយកឈ្នះហ្វីលីពីន ៣ទល់នឹង២ ដោយគ្រាប់បាល់ពីរគ្រាប់តែឯងរបស់កីឡាករ រ៉ឹង ប៊ុនហៀង និងមួយគ្រាប់ទៀតដោយកីឡាករ អន ចាន់ប៉ូលីន។ ចំនែកឥណ្ឌនេស៊ីសម្រាកនេះជាការប្រកួតដំបូងរបស់គេ។ គ្រូបង្វឹកជម្រើសជាតិកម្ពុជាលោក Ryu Hirose បញ្ជាក់ថា ទោះបីជាយើងត្រៀមខ្លួនបានល្អសម្រាប់ការប្រកួត ក្នុងអំឡុងពេលប្រមូលផ្តុំនៅកម្ពុជា ប៉ុន្តែដូចដឹងយើងមានកាលវិភាគដ៏លំបាកបំផុតមួយ។ លោកបន្តថា ឥណ្ឌូនេស៊ីជាក្រុមមួយដែលលេងបានល្អមានកីឡាករលេងនៅក្រៅស្រុក និងល្អៗច្រើន។ ដូច្នោះយើងនឹងលេងដោយបង្កើនការប្រុងប្រយ័ត្នខ្ពស់។ ចំនែកគ្រូបង្វឹកជម្រើសជាតិឥណ្ឌូនេស៊ីលោក Shin Tae-yong លើកឡើងថា លោកមិនបារម្ភពីក្រុមផ្សេងក្រៅពូលទេ ចំពោះមុខផ្តោតតែកូនក្រុម និងការត្រៀមខ្លួន។ ទាក់ទងនឹងជ័យជំនះកម្ពុជា ៣ទល់នឹង២ លើក្រុមជម្រើសជាតិហ្វីលីពីន គ្រូបង្វឹកសញ្ជាតិជប៉ុនរូបនេះបន្ថែមថា ជម្រើសជាតិកម្ពុជាកំពុងមានលក្ខខណ្ឌល្អប្រសើរ ហើយនឹងបង្ករភាពលំបាកសម្រាប់ឥណ្ឌូនេស៊ីក្នុងការស្វែងរកពិន្ទុ។ ប៉ុន្តែយើងបានត្រៀមខ្លួនយ៉ាងល្អ ព្រមទាំងនឹងធ្វើអ្វីដើម្បីឈ្នះការប្រកួត។ ក្នុងប្រវត្តិបាល់ទាត់តំបន់អាស៊ីអាគ្នេយ៍តាំងពីបង្កើតឡើងក្នុងឆ្នាំ១៩៩៦ ឥណ្ឌូនេស៊ីមិនដែលឈ្នះពាននេះទេ ប៉ុន្តែឥណ្ឌូនេស៊ីក្រុមដែលឡើងដល់វគ្គផ្តាច់ព្រ័ត្រច្រើនជាងគេដូចថៃ និងបញ្ចប់នៅចំណាត់ថ្នាក់លេខ២ ប្រាំមួយដង ហើយចុងក្រោយនេះបញ្ចប់ត្រឹមលេខទី២ ទៀត ក្រោយចាញ់ថៃ ៦ទល់នឹង២ ទាំងពីរជើង។ សូមរំលឹកថា ៧ប្រកួតដែលក្រុមទាំងពីរធ្លាប់ជួបគ្នា ឥណ្ឌូនេស៊ីឈ្នះទាំង ៧ប្រកួត តាំងពីឆ្នាំ២០០១ ក្នុងនោះឥណ្ឌូនេស៊ីទាត់ចូលទីជម្រើសជាតិកម្ពុជា ២៦គ្រាប់ ខណៈកម្ពុជាទាត់ចូលឥណ្ឌូនេស៊ីវិញ ២គ្រាប់គឺក្នុងការប្រកួតពាននេះឆ្នាំ២០២០ លើកមកប្រកួតឆ្នាំ២០២១ នៅប្រទេសសិង្ហបុរី៕ អត្ថបទ៖ គង់ ហួន

សុខភាពវីរបុរសបាល់ទាត់ប្រេស៊ីល Pele កាន់តែលំបាក

បាល់ទាត់៖ វីរបុរសបាល់ទាត់ប្រេស៊ីលលោក Pele នឹងចំណាយពេលក្នុងឱកាសបុណ្យគ្រីសស្មាសនៅក្នុងមន្ទីរពេទ្យ នេះបើតាមការបញ្ជាក់របស់ក្រុមគ្រូពេទ្យ ស្របពេលដែលសុខភាពរបស់លោក Pele កាន់តែអាក្រក់ទៅៗ។ បុរសវ័យ ៨២ឆ្នាំរូបនេះត្រូវការការថែទាំសុខភាពរបស់គាត់យ៉ាងយកចិត្តទុកដាក់បំផុត ពីក្រុមជំនាញពេទ្យផ្នែកមហារីកនៅមន្ទីរពេទ្យ Albert Einstein ទីក្រុង Sao Paulo។ មិនត្រឹមតែបញ្ហាជំងឺមហារីកក្រពេញប្រូស្តាតទេលោក Pele ក៏មានបញ្ហាបេះដូងផងដែរ។ មានសារព័ត៌មានមួយចំនួនបានចុះផ្សាយថា ជំងឺមហារីករបស់លោក Pele កំពុងវិវឌ្ឍកាន់តែព្រួយបារម្ភ តែមិនទាន់ដល់ថ្នាក់សម្រាកក្នុងបន្ទប់សង្គ្រោះបន្ទាន់នៅឡើយទេ។ដោយត្រូវបានគេចាត់ទុកថា ជាកីឡាករអស្ចារ្យបំផុតក្នុងប្រវត្តិសាស្ត្របាល់ទាត់លោក Pele ត្រូវបានបញ្ជូនមកកាន់មន្ទីរពេទ្យជាច្រើនលើករួចមកហើយក្នុងឆ្នាំ២០២២ នេះ។ ក្រុមគ្រួសាររបស់លោក Pele រួមមានកូនស្រីទាំងពីរនាក់ Kely Nascimento និង Flavia Arantes បានច្រានចោលព័ត៌មានដែលចុះផ្សាយថា ស្ថានភាពជំងឺរបស់ឪពុកខ្លួនឈានដល់ដំណាក់កាលចុងក្រោយនៃជីវិតហើយ៕អត្ថបទ៖នាង សុភាវុធ

ខ្សែបម្រើអេស្ប៉ាញ Isco ចែកផ្លូវគ្នាជាមួយ Sevilla មុនកិច្ចសន្យាកំណត់

បាល់ទាត់៖ អតីតខ្សែបម្រើ Real Madrid, Isco Alcaron បានឈានដល់កិច្ចព្រមព្រៀងចែកផ្លូវគ្នាជាមួយក្លិប Sevilla មុនកិច្ចសន្យាកំណត់ដែលមានសុពលភាពដល់ឆ្នាំ២០២៤។ កីឡាករវ័យ ៣០ឆ្នាំរូបនេះបានប្រកាសពីការចាកចេញរបស់ខ្លួននៅថ្ងៃពុធម្សិលមិញ ដែលមានន័យថា គេមានសិទ្ធិផ្លាស់ទៅកាន់ក្លិបថ្មីនៅខែមករាខាងមុខ តាមសំណើរបស់ក្លិបដែលខ្លួនចង់ទៅ។ Isco ត្រូវបានគេដឹងថា មានទំនាក់ទំនងមិនល្អជាមួយនាយកបច្ចេកទេសក្លិប Sevilla លោក Monchi ក្រោយមកក៏ធ្វើការហ្វឹកហាត់ដាច់ដោយឡែក ដោយសារបញ្ហារបួសកជើងមុនពេល World Cup មកដល់។ Isco បានចាកចេញពី Real Madrid ក្រោយកិច្ចសន្យារបស់គេអស់សុពលភាព និងផ្លាស់មកកាន់ Sevilla តាមរយៈការចរចារបស់លោក Julen Lupetegui កាលពីដើមរដូវកាល។ តែក្រោយមកលោក Julen Lupetegui ក៏ត្រូវបានបណ្តេញចេញពីតំណែងកាលពីខែតុលា ក្រោយ Sevilla ចាប់ផ្តើមរដូវកាលមិនបានល្អ និងជំនួសដោយលោក Jorge Sampaoli ហើយ Isco ក៏បាត់បង់ជម្រើសដំបូងតាំងពីពេលនោះមក។ រំលឹកថា Isco មានរដូវកាលដ៏ជោគជ័យនៅ Malaga និង Real Madrid ចន្លោះឆ្នាំ២០១២-២០១៧។ យ៉ាងណាក្តីទំរង់លេងធ្លាក់ចុះ បូករួមទាំងរបួសញាំញីធ្វើឱ្យកីឡាករវ័យ ៣០ឆ្នាំរូបនេះស្ថិតក្រៅជម្រើសរបស់លោក Carlo Ancelotti ហើយ Isco ក៏ចាកចេញពី Real Madrid ក្រោយចំណាយពេល ៩ឆ្នាំនៅទីនោះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ហ្វីលីពីនដណ្តើមបានបីពិន្ទុក្រោយឈ្នះព្រុយណេ ៥ទល់១ បាល់ទាត់ពានរង្វាន់តំបន់អាស៊ាន

កម្ពុជាចាញ់ឥណ្ឌូនេស៊ីការប្រកួតទី២ របស់ខ្លួនក្នុងពូល A បាល់ទាត់តំបន់អាស៊ាន

លោក Czeslaw Michniewicz នឹងចាកចេញពីតំណែងអ្នកចាត់ការប៉ូឡូញ

ប្រធានក្លិប Barcelona ថា Frenkie de Jong ជាកីឡាករសំខាន់មិនអាចលក់

Alphonso Davies ឈ្នះពានជ័យលាភីកីឡាករឆ្នើមរបស់កាណាដា ៤ឆ្នាំជាប់គ្នា

Manchester City ទំលាក់ក្រុមការពារជើងឯក Liverpool ត្រឹមវគ្គ ១៦ក្រុម Carabao Cup

កីឡា ១៣ប្រភេទ និងកីឡាសម្ដែង ១ បានអនុម័តរួចរាល់សម្រាប់អាស៊ានប៉ារ៉ាហ្គេមឆ្នាំ២០២៣

កម្ពុជានឹងលេងដោយមានការប្រុងប្រយ័ត្នខ្ពស់ពេលប៉ះឥណ្ឌូនេស៊ីរសៀលនេះ

សុខភាពវីរបុរសបាល់ទាត់ប្រេស៊ីល Pele កាន់តែលំបាក

ខ្សែបម្រើអេស្ប៉ាញ Isco ចែកផ្លូវគ្នាជាមួយ Sevilla មុនកិច្ចសន្យាកំណត់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ហ្វីលីពីន​ដណ្តើមបាន​បី​ពិន្ទុក្រោយ​ឈ្នះ​ព្រុយ​ណេ ៥​ទល់​១ បាល់ទាត់​ពានរង្វាន់​តំបន់​អាស៊ាន

កម្ពុជាចាញ់​ឥណ្ឌូនេស៊ីការប្រកួត​ទី​២ ​របស់ខ្លួន​ក្នុង​ពូ​ល A បាល់ទាត់​តំបន់​អាស៊ាន​

លោក Czeslaw Michniewicz នឹង​ចាក​ចេញពី​តំណែង​អ្នកចាត់ការ​ប៉ូឡូញ​

ប្រធាន​ក្លិប Barcelona ថា Frenkie de Jong ជា​កីឡាករ​សំខាន់​មិនអាច​លក់

Alphonso Davies ឈ្នះ​ពាន​ជ័យលាភី​កីឡាករ​ឆ្នើម​របស់​កាណាដា ៤​ឆ្នាំ​ជាប់​គ្នា

Manchester City ទំលាក់​ក្រុម​ការពារ​ជើងឯក Liverpool ត្រឹម​វគ្គ ១៦​ក្រុម Carabao Cup

កីឡា ១៣​ប្រភេទ និង​កីឡា​សម្ដែង ១ បានអនុម័ត​រួចរាល់​សម្រាប់​អាស៊ាន​ប៉ា​រ៉ា​ហ្គេមឆ្នាំ២០២៣

កម្ពុជា​នឹង​លេង​ដោយមាន​ការប្រុងប្រយ័ត្ន​ខ្ពស់​ពេល​ប៉ះ​ឥណ្ឌូនេស៊ី​រសៀល​នេះ​

សុខភាព​វីរបុរស​បាល់ទាត់​ប្រេ​ស៊ី​ល Pele កាន់តែ​លំបាក​

ខ្សែបម្រើ​អេ​ស្ប៉ា​ញ Isco ចែកផ្លូវ​គ្នា​ជាមួយ Sevilla មុន​កិច្ចសន្យា​កំណត់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ហ្វីលីពីនដណ្តើមបានបីពិន្ទុក្រោយឈ្នះព្រុយណេ ៥ទល់១ បាល់ទាត់ពានរង្វាន់តំបន់អាស៊ាន

កម្ពុជាចាញ់ឥណ្ឌូនេស៊ីការប្រកួតទី២ របស់ខ្លួនក្នុងពូល A បាល់ទាត់តំបន់អាស៊ាន

លោក Czeslaw Michniewicz នឹងចាកចេញពីតំណែងអ្នកចាត់ការប៉ូឡូញ

ប្រធានក្លិប Barcelona ថា Frenkie de Jong ជាកីឡាករសំខាន់មិនអាចលក់

Alphonso Davies ឈ្នះពានជ័យលាភីកីឡាករឆ្នើមរបស់កាណាដា ៤ឆ្នាំជាប់គ្នា

Manchester City ទំលាក់ក្រុមការពារជើងឯក Liverpool ត្រឹមវគ្គ ១៦ក្រុម Carabao Cup

កីឡា ១៣ប្រភេទ និងកីឡាសម្ដែង ១ បានអនុម័តរួចរាល់សម្រាប់អាស៊ានប៉ារ៉ាហ្គេមឆ្នាំ២០២៣

កម្ពុជានឹងលេងដោយមានការប្រុងប្រយ័ត្នខ្ពស់ពេលប៉ះឥណ្ឌូនេស៊ីរសៀលនេះ

សុខភាពវីរបុរសបាល់ទាត់ប្រេស៊ីល Pele កាន់តែលំបាក

ខ្សែបម្រើអេស្ប៉ាញ Isco ចែកផ្លូវគ្នាជាមួយ Sevilla មុនកិច្ចសន្យាកំណត់