BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

យ៉ាងហោចណាស់មនុស្សម្នាក់ស្លាប់ និងម្នាក់រងរបួសធ្ងន់អំឡុងការអបអរដង្ហែពានរបស់អាហ្សង់ទីន

បាល់ទាត់៖ ការអបអរសាទរ ភាពសប្បាយរីករារបស់អាហ្សង់ទីនដែលលើកពានបាល់ទាត់ពិភពលោក ២០២២ នៅកាតា ត្រូវបានបង្អាក់ដោយការបាត់បង់ជីវិតរបស់អ្នកគាំទ្រម្នាក់វ័យ ២៤ឆ្នាំអំឡុងពេលដង្ហែពានរបស់អាហ្សង់ទីននៅរដ្ឋធានី Buenos Aires។ Lionel Messi រួមជាមួយមិត្តរួមក្រុម និងគ្រូបង្វឹក Lionel Scaloni បានចេញមកអបអរដង្ហែពានបាល់ទាត់ពិភពលោករបស់ខ្លួននៅរថយន្តក្រុមចំហរដំបូល ក្រោមការសាទរពីប្រជាជនអាហ្សង់ទីនប្រមាណជាជាង ៤លាននាក់នៅរដ្ឋធានី Buenos Aires។ ក្រោយមកការអបអររបស់អាហ្សង់ទីនត្រូវបានកាត់ផ្តាច់ ខណៈកីឡាកររបស់អាហ្សង់ទីនទាំងអស់ត្រូវបានជម្លៀសឡើងឧទ្ធម្ភាគចក្រ ដោយសារស្ថានភាពនៃការអបអររបស់អ្នកគាំទ្រ ហាក់ពុះកញ្ជ្រោលឈានដល់ភាពអនាធិបតេយ្យ បាត់បង់ម្ចាស់ការ។ រដ្ឋមន្ត្រីសុខាភិបាលអាហ្សង់ទីនបានឱ្យដឹងថា អ្នកគាំទ្រម្នាក់ដែលលោតពីលើស្ពានថ្មើរជើង មកលើរថយន្តក្រុងអបអររបស់អាហ្សង់ទីនតែបែជាធ្លាក់ដល់ដី ហើយក៏បានស្លាប់នៅមន្ទីរពេទ្យដោយសារប៉ះពាល់ដល់ក្បាល។ ចំណែកក្មេងប្រុសម្នាក់ទៀតវ័យទើបតែ ៥ឆ្នាំក៏កំពុងស្ថិតក្នុងការសង្គ្រោះបន្ទាន់ផងដែរ ដោយសាររបួសក្បាលធ្ងន់ធ្ងរអំឡុងពេលអបអរជាមួយឪពុកម្តាយរបស់ខ្លួន៕អត្ថបទ៖នាង សុភាវុធ

Robert Lewandowski ឈ្នះពានជ័យលាភីបាតជើងមាសដែលជាការរៀបចំឡើងឆ្នាំទី២០

បាល់ទាត់៖ ខ្សែប្រយុទ្ធ Barcelona និងក្រុមជម្រើសជាតិប៉ូឡូញ Robert Lewandowski បានក្លាយជាម្ចាស់ពានជ័យលាភី Golden Foot នៅ Monaco កាលពីថ្ងៃពុធម្សិលមិញ។ Lewandowski ដែលជួយប៉ូឡូញឡើងវគ្គ ១៦ក្រុមនៅ World Cup មុនពេលទំលាក់ដោយក្រុមជើងឯករងបារាំងបានផ្លាស់មកកាន់ Barcelona ពី Bayern Munich កាលពីដើមរដូវកាល និងស៊ុតបញ្ចូលទីបានសរុប ១៣គ្រាប់ឈរលើគេនៅក្របខណ្ឌអេស្ប៉ាញ La Liga។ ពានរង្វាន់ប្រចាំឆ្នាំ Golden Foot នេះត្រូវបានប្រគល់ជូនសំរាប់កីឡាករឆ្នើមដែលមានវ័យលើសពី ២៨ឆ្នាំដែលមានទេពកោសល្យ និងស្នាដៃក្រោមការបោះឆ្នោតដោយអ្នកគាំទ្រនៅលើប្រព័ន្ធអ៊ីនធើណេត ហើយម្នាក់មានឱកាសឈ្នះតែមួយលើកប៉ុណ្ណោះ។ Mohamed Salah ជាម្ចាស់ពាននេះឆ្នាំមុន ខណៈដែល Lionel Messi ដែលទើបជួយអាហ្សង់ទីនឈ្នះពានបាល់ទាត់ពិភពលោក កាលពីថ្ងៃអាទិត្យបែជាមិនឈ្នះទៅវិញ។បង្កើតឡើងដំបូងនៅឆ្នាំ២០០៣ ពានរង្វាន់បានប្រគល់ជូនដំបូងគេដល់ខ្សែប្រយុទ្ធអ៊ីតាលី Roberto Baggio មុនពេលបន្តឈ្នះដោយ Pavel Nedved, Andriy Shevchenko, Ronaldo, Alessandro Del Piero និង Roberto Carlos។ សម្រាប់អ្នកដែលធ្លាប់ឈ្នះផ្សេងទៀតរួមមាន៖ Ronaldinho, Francesco Totti, Ryan Giggs, Zlatan Ibrahimovic, Didier Drogba, Andres Iniesta, Samuel Eto’o, Gianluigi Buffon, Iker Casillas, Edinson Cavani, Luka Modric, Cristiano Ronaldo និង Mohamed Salah ឆ្នាំមុន៕អត្ថបទ៖នាង សុភាវុធ

ព័ត៌មានមិនទាន់ផ្លូវការថា Messi បន្តកិច្ចសន្យាជាមួយ PSG

បាល់ទាត់៖ ម្ចាស់ជ័យលាភីបាល់ទាត់ពិភពលោកថ្មី Lionel Messi បានឈានដល់កិច្ចព្រមព្រៀងហើយក្នុងការបន្តកិច្ចសន្យាជាមួយក្លិបជើងឯកបារាំង Paris Saint Germain ដែលនឹងមានសុពលភាពដល់បញ្ចប់រដូវកាល ២០២៣-២៤ នេះបើតាមការចុះផ្សាយរបស់សារព័ត៌មានបារាំង Le Parisien កាលពីថ្ងៃពុធម្សិលមិញ។ ខ្សែប្រយុទ្ធវ័យ ៣៥ឆ្នាំ ម្ចាស់ជ័យលាភី Ballon d’Or ៧លើកទើបតែជួយក្រុមជំរើសជាតិអាហ្សង់ទីនលើកពានបាល់ទាត់ពិភពលោកជាលើកទី៣ ក្នុងប្រវត្តិសាស្ត្រ ជាលើកដំបូងក្នុងរយៈពេល ៣៦ឆ្នាំ និងជាលើកទី១ ក្នុងអាជីពរបស់ Messi។ សារព័ត៌មានដដែលនេះបានសរសេរថា កិច្ចព្រមព្រៀងរវាង Messi និង PSG ក្នុងការបន្តកិច្ចសន្យានោះត្រូវរ៉ូវគ្នាតាំងពីដើមខែធ្នូ អំឡុងព្រឹត្តិការណ៍បាល់ទាត់ពិភពលោកម្ល៉េះ។ ជាមួយគ្នានោះដែរប្រធានក្លិប PSG លោក Nasser Al-Khelaifi ធ្លាប់និយាយដែរថា Messi សប្បាយចិត្តនឹងរស់នៅទឹកដីបារាំង ហើយរឿងបន្តកិច្ចសន្យានឹងនិយាយក្រោយចប់ World Cup។ មិនមានការឆ្លើយតបណាមួយពីភាគីក្លិប PSG និង Messi ឡើយ ខណៈដែលអតីតខ្សែប្រយុទ្ធ Barcelona រូបនេះកំពុងចំណាយពេលអបអរសាទរពានរង្វាន់បាល់ទាត់ពិភពលោករបស់ខ្លួន នៅទឹកដីកំណើតនៅឡើយ។ រំលឹកថា Messi ដែលស៊ុតបញ្ចូលទីបាន ១២គ្រាប់ ១៤ បាល់បញ្ជូនឱ្យ PSG រដូវកាលនេះបានផ្លាស់មកកាន់ PSG ពី Barcelona កាលពីឆ្នាំ២០២១ ជាមួយនឹងកិច្ចសន្យា ២ឆ្នាំដែលនឹងអស់សុពលភាពត្រឹមដំណាច់រដូវកាលនេះ៕អត្ថបទ៖នាង សុភាវុធ

យុវជនអាស៊ាន និងមន្ដ្រី UN ចាប់អារម្មណ៍បទបង្ហាញកីឡាការិនី ពៅ សុខា ក្នុងប្រធានបទ “កីឡារស់ក្នុងសន្ដិភាព”

វ៉ូវីណាម៖ កីឡាការិនីជម្រើសជាតិវ៉ូវីណាមកម្ពុជា ពៅ សុខា តំណាងយុវជនកម្ពុជាកាលពីថ្មីៗត្រូវបានអញ្ជើញចូលរួមវេទិកាយុវជនថ្នាក់តំបន់អាស៊ាន-អង្គការសហប្រជាជាតិ (UN) ស្ដីពីការទប់ស្កាត់អំពើហិង្សាជ្រុលនិយមតាមរយៈកីឡា (ASEAN-UN Reginal Youth Forum on Prevention Violet Extremism Through Sport) ដែលធ្វើនៅទីក្រុងបាងកក ប្រទេសថៃ។ បន្ទាប់ពីចូលរួមវេទិការអន្ដរជាតិ កញ្ញាបានបង្ហាញនូវសេចក្ដីសោមនស្សរីករាយក្រៃលែង ដោយក្នុងចំណោមយុវជនអាស៊ានភាគច្រើនដែលជាអ្នកមានបទពិសោធន៍ផ្នែកការងារសង្គម ឬអង្គការក្រៅរាជរដ្ឋាភិបាល ផ្ទុយពីខ្លួនជាអ្នកកីឡា តែបានធ្វើបទបង្ហាញចែករំលែកពីទិដ្ឋភាពជាក់ស្ដែងនៅកម្ពុជា ក្រោមដំបូលសន្ដិភាព ពុំមានហិង្សាអ្វីគួរឲ្យកត់សម្គាល់ ដូចបណ្ដាប្រទេសមួយចំនួន។ អ្វីដែលពិសេសគឺកីឡាការិនីស្រស់សោភារូបនេះ បានលើកយកប្រធានបទ “កីឡារស់ក្នុងសន្ដិភាព” ទៅបង្ហាញក្នុងវេទិកាសាធារណៈនេះ រហូតមានការចាប់អារម្មណ៍ពីបណ្ដាយុវជនអាស៊ាន និងមន្ដ្រី UN ដ្បិតកញ្ញាយល់ថា ច្បាស់ណាស់ កីឡាមិនត្រឹមតែនាំមុខសុខភាព មិត្តភាព សាមគ្គីភាពនោះទេ ថែមទាំងនាំមកនូវកិត្តិយសជូនជាតិ និងសុខសន្ដិភាពថែមទៀត។ គួរដឹងថា កន្លងមកកីឡាការិនី ពៅ សុខា ក៏ត្រូវបានអន្ដរជាតិជ្រើសរើស និងអញ្ជើញចូលរួមចែករំលែកពីបទពិសោធន៍ និងចំណេះដឹងទូទៅពាក់ព័ន្ធកីឡាក្នុងវេទិកាអន្ដរជាតិ ជាក់ស្ដែងកាលពីចុងឆ្នាំ២០២១ កន្លងទៅ កញ្ញាក៏ត្រូវបានលេខាធិការដ្ឋានអាស៊ាន អញ្ជើញចួលរួមកម្មវិធីជជែកពិភាក្សាដើម្បីលើកកម្ពស់ការចូលរួមរបស់ស្ត្រី ក្នុងវិស័យកីឡានៅអាស៊ាន និងការផ្តល់កិត្តិយសដល់ម្ចាស់មេដាយអូឡាំពិក និងប៉ារ៉ាឡាំពិកអាស៊ានតូក្យូ ២០២០ នៅទីក្រុងហ្សាកាតា ប្រទេសឥណ្ឌូនេស៊ី តាមរយៈសន្និសីទវីដេអូ ក្នុងនាមជាទូតសុច្ឆន្ទៈកីឡាស្ត្រីអាស៊ានរបស់ប្រទេសកម្ពុជា រួមជាមួយ និងទូតសុច្ឆន្ទៈកីឡាស្ត្រីអាស៊ានមកពីប្រទេស ៩ផ្សេងទៀតផងដែរ៕ អត្ថបទ៖ លី ឈុនឡា

កីឡាវាយសីជំរុញការហ្វឹកហាត់ទាំងមុន និងក្រោយស៊ីហ្គេម ដើម្បីនិរន្ដរភាពនៃការអភិវឌ្ឍ

វាយសី៖ ឯកឧត្តម លី កុសល ប្រធានសហព័ន្ធកីឡាវាយសីកម្ពុជាបានលើកឡើងថា សហព័ន្ធបានខិតខំជំរុញការហ្វឹកហាត់ទាំងមុន និងក្រោយស៊ីហ្គេមឆ្នាំ២០២៣ ដើម្បីរក្សាបាននូវនិរន្ដរភាពនៃការអភិវឌ្ឍ ឆ្ពោះទៅរកការប្រកួតដោយស្មើមុខមាត់ជាមួយប្រទេសក្នុងតំបន់ និងនៅលើឆាកអន្ដរជាតិ។ ការគូសបញ្ជាក់នេះធ្វើឡើងក្នុងពិធីបិទវគ្គសាមគ្គីអូឡាំពិក ស្ដីពីគ្រូបង្វឹកកីឡាវាយសីកម្រិត១ ឆ្នាំ២០២២ ក្រោយដំណើរការរៀបចំអស់រយៈពេល ៦ថ្ងៃចាប់ពីថ្ងៃទី១៦-២១ ខែធ្នូនេះ ក្រោមគម្រោងថវិការបស់អង្គការសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា ដែលបង្រៀនដោយគ្រូឧទ្ទេសកម្រិតខ្ពស់លោក Sambenthan Sivaperumal មកពីសហព័ន្ធកីឡាវាយសីអាស៊ី (BA)។ ឯកឧត្តមប្រធានសហព័ន្ធបានវាយតម្លៃខ្ពស់ចំពោះការរៀបចំវគ្គនេះឡើង ដើម្បីផលិតធនធានគ្រូបង្វឹកកីឡាវាយសីកម្ពុជាឲ្យកាន់តែមានគុណភាពខ្ពស់ ហើយរួមចំណែកក្នុងការអភិវឌ្ឍវិស័យកីឡាមួយនេះឲ្យកាន់តែរីកចម្រើន ពិសេសការបណ្ដុះបណ្ដាលកីឡាករ-កីឡាការិនីដែលពឹងផ្អែកលើគ្រូបង្វឹកមានគុណវុឌ្ឍិខ្ពស់។ ដូច្នេះមិនថាការត្រៀមស៊ីហ្គេម ឬក្រៅស៊ីហ្គេមនោះទេ សហព័ន្ធគឺមានផែនការច្បាស់លាស់ ដើម្បីពង្រឹង និងពង្រីកការអភិវឌ្ឍវិស័យកីឡាវាយសីកម្ពុជាឲ្យកាន់តែខ្លាំងក្លាបន្ថែមទៀត។ឯកឧត្តម ជាម សុភា អគ្គលេខាធិការសហព័ន្ធបានឲ្យដឹងថា វគ្គនេះមានសិក្ខាកាមចូលរួមសរុប ២៥នាក់ (ស្រី ៦នាក់) មកពី ១១ក្លិប-សមាគម និងរាជធានី-ខេត្តដែលសិក្សាចាប់ពីថ្ងៃទី១៦-២១ ខែធ្នូនេះ។ ជាលទ្ធផលមានសិក្ខាកាមទទួលបាននិទ្ទេសល្អមានចំនួន ៥០% និទ្ទេសមធ្យម ២០% និងនិទ្ទេសខ្សោយ ២០%។ ក្រោយពីបញ្ចប់វគ្គនេះ ឯកឧត្ដមសង្ឃឹមថា សិក្ខាកាមទាំងអស់ប្តេជ្ញាចិត្តយកចំណេះដឹងទាំងនេះ ទៅអភិវឌ្ឍន៍ធនធានមនុស្សក្នុងវិស័យកីឡាវាយសីនៅតាមក្លិប និងបណ្តាខេត្តនានាឲ្យមានសក្តានុពល ដូចបណ្តាប្រទេសជិតខាងនៅក្នុងតំបន់៕អត្ថបទ៖ លី ឈុនឡា

វៀតណាមបើកទំព័រ AFF Mitsubishi Electric Cup ជាមួយនឹងជ័យជំនះ ៦-០ នៅទឹកដីឡាវ

បាល់ទាត់៖ ក្រុមការពារជើងឯកបាល់ទាត់អាស៊ីអាគ្នេយ៍ឆ្នាំ២០១៨ វៀតណាមបានបើកទំព័រប្រកួតដំបូងរបស់ខ្លួននៅពានរង្វាន់ AFF Mitsubishi Electric Cup 2022 ជាមួយនឹងជ័យជំនះធំធេង ៦-០ នៅទឹកដីឡាវ។ Nguyen Tien Linh បានបើកការនាំមុខឱ្យវៀតណាមនៅនាទីទី១៥ មុនពេលដែល Do Hung Dung បន្ថែមមួយគ្រាប់ទៀតមុនចប់វគ្គទី១។ ឈានចូលវគ្គទី២ ម្ចាស់ផ្ទះឡាវគ្មានអ្វីតដៃឡើយ មានតែក្រុមជើងឯក ២សម័យវៀតណាមបង្កើនការនាំមុខ ៤គ្រាប់បន្ថែមទៀតដោយកីឡាករ ៤នាក់រួមមាន Ho Tan Tai, Doan Van Hau, Nguyen Van Toan និង Vu Van Thanh។ លទ្ធផលនេះមានន័យថា ក្រុមរបស់លោក Park Han Seo ឈរលេខ១ ក្នុងពូល B ជាមួយនឹងគ្រាប់ចំណេញ ៦គ្រាប់។ ឡាវប្រកួតបន្ទាប់ត្រូវទទួលសិង្ហបុរីនៅថ្ងៃអង្គារសប្តាហ៍ក្រោយ ខណៈវៀតណាមត្រូវទទួលភ្ញៀវម៉ាឡេស៊ី។ ក្រឡេកមកម៉ាឡេស៊ីក៏ទទួលបាន ៣ពិន្ទុពីប្រកួតដំបូងរបស់ខ្លួនដែរ តាមរយៈជ័យជំនះតានតឹងនៅទឹកដីមីយ៉ាន់ម៉ា ១-០។ ការប្រកួតនៅទីក្រុង Yangon ប្រទេសមីយ៉ាន់ម៉ា ក្រុមជើងឯកឆ្នាំ២០១០ ម៉ាឡេស៊ីហាក់មានការលំបាកទំរាំរកបានគ្រាប់បាល់ត្រូវរង់ចាំដល់នាទីទី៥២ ដោយ Faisal Halim។ ក្រុមម្ចាស់ផ្ទះមីយ៉ាន់ម៉ាគួរតែបានមួយពិន្ទុពីការប្រកួតដំបូងនេះ នៅពេលដែលអាជ្ញាកណ្តាលផ្តល់ពិន័យ ១១ម៉ែត្រក្រោយកំហុសរបស់ Sharul Nazeem ក្នុងប្រអប់គ្រោះថ្នាក់ តែកីឡាករមីយ៉ាន់ម៉ា Win Naing Tun ស៊ុតមិនបានសំរេច សង្គ្រោះបានដោយអ្នកចាំទីម៉ាឡេស៊ី Syihan Hazmi នៅនាទីទី៩០+៤។ ម៉ាឡេស៊ីប្រកួតបន្ទាប់ត្រូវជួបជាមួយឡាវនៅថ្ងៃសៅរ៍ ខណៈមីយ៉ាន់ម៉ាត្រូវទៅទឹកដីសិង្ហបុរីថ្ងៃជាមួយគ្នា៕អត្ថបទ៖នាង សុភាវុធ

AFF៖ កម្ពុជាស្ទើរគ្មានពេលសម្រាក មុនជួបម្ចាស់ផ្ទះឥណ្ឌូនេស៊ីដែលត្រូវប្រកួតដំបូង

បាល់ទាត់៖ ក្រុមបាល់ទាត់ជម្រើសជាតិកម្ពុជា បានធ្វើដំណើរទៅដល់ប្រទេសឥណ្ឌូនេស៊ីហើយកាលពីរាត្រីថ្ងៃពុធ ដើម្បីត្រៀមការប្រកួតបន្ទាប់ជាមួយក្រុមម្ចាស់ផ្ទះ នៃពានរង្វាន់បាល់ទាត់ជើងឯកអាស៊ីអាគ្នេយ៍ AFF Mistubishi Electric Cup 2022 នាថ្ងៃទី២៣ ខែធ្នូស្អែកនេះ បន្ទាប់ពីកម្ពុជាបានយកឈ្នះក្រុមភ្ញៀវហ្វីលីពីន ៣-២ ក្នុងជំនួបបើកឆាកពូល A កាលពីល្ងាចថ្ងៃអង្គារកន្លងទៅ។ ដំណើរដ៏តក់ក្រហល់នេះ បានធ្វើឲ្យក្រុមគោព្រៃកម្ពុជាស្ទើរគ្មានពេលសម្រាកឡើយ មុនជួបក្រុមជម្រើសជាតិឥណ្ឌូនេស៊ីដែលត្រូវធ្វើការប្រកួតដំបូងរបស់ខ្លួនក្នុងពូល។ ជាក់ស្ដែងដោយសារកំឡុងពេលធ្វើដំណើរ ជើងហោះហើរត្រូវបានពន្យារពេលចំនួន ២លើកទៀត បានធ្វើឲ្យក្រុមជម្រើសជាតិកម្ពុជាធ្វើដំណើរដល់ប្រទេសឥណ្ឌូនេស៊ីនៅម៉ោង ១០៖៤៥នាទី មុនបន្ដដំណើរទៅសណ្ឋាគារស្នាក់នៅដល់យប់ជ្រៅ។ ការណ៍នេះបានធ្វើឲ្យក្រុមកម្ពុជាខកខានការហ្វឹកហាត់ ១លើកកាលពីល្ងាចមិញ ពោលគឺនៅសល់តែការហ្វឹកហាត់ផ្លូវការតែម្ដងប៉ុណ្ណោះនៅល្ងាចថ្ងៃទី២២ ខែធ្នូនេះ ដើម្បីត្រៀមការប្រកួតជាមួយក្រុមម្ចាស់ផ្ទះឥណ្ឌូនេស៊ីនាថ្ងៃស្អែក។ ជាការពិតជាមួយកម្មវិធីប្រកួតដ៏មមាញឹកនេះបានធ្វើឲ្យលោក Keisuke Honda អ្នកចាត់ការទូទៅក្រុមជម្រើសជាតិកម្ពុជាមិនពេញចិត្តឡើយ ដោយលោកពិបាកនឹងទទួលយក ព្រោះកាលវិភាគស្ទើរតែធ្វើឲ្យកូនក្រុមគ្មានពេលសម្រាក បន្ទាប់ពីជួបហ្វីលីពីននៅថ្ងៃទី២០-ធ្នូ ត្រូវធ្វើដំណើរទៅឥណ្ឌូនេស៊ីនៅថ្ងៃទី២១-ធ្នូ ហើយបានហ្វឹកហាត់ម្ដងគត់នៅថ្ងៃទី២២-ធ្នូ មុនការប្រកួតផ្លូវការជាមួយឥណ្ឌូនេស៊ីនាថ្ងៃទី២៣-ធ្នូ ទាំងតែឥណ្ឌូនេស៊ីគឺជាការប្រកួតដំបូង ហើយត្រូវប្រកួតក្នុងផ្ទះពួកគេថែមទៀត។ គួរដឹងថា បច្ចុប្បន្នកម្ពុជាកំពុងកាន់ ៣ពិន្ទុស្មើក្រុមដំរីសឹកថៃ ក្រោយយកឈ្នះការប្រកួតដំបូងរៀងៗខ្លួនក្នុងពូល A នៃពានរង្វាន់បាល់ទាត់ជើងឯកអាស៊ីអាគ្នេយ៍នេះ ក្នុងនោះកម្ពុជាបានយកឈ្នះហ្វីលីពីន ៣-២ ខណៈថៃបានយកឈ្នះប្រ៊ុយណេ ៥-០។ ក្រោយជួបឥណ្ឌូនេស៊ីកម្ពុជាត្រូវរង់ចាំដល់ថ្ងៃទី២៩ ខែធ្នូ ដើម្បីបើកទ្វារពហុកីឡដ្ឋានជាតិមរកតេជោ ទទួលក្រុមជម្រើសជាតិប្រ៊ុយណេវិញម្ដង មុនការប្រកួតបញ្ចប់ពូលជាមួយថៃនាថ្ងៃទី០២ ខែមករា ឆ្នាំ២០២៣ ខាងមុខ៕អត្ថបទ៖ លី ឈុនឡា

ពានរង្វាន់ការប្រកួតវាយកូនបាល់ថ្មី United Cup ត្រូវបានបង្ហាញនៅប្រទេសអូស្ត្រាលី

វាយកូនបាល់៖ ពានរង្វាន់នៃការប្រកួតវាយកូនបាល់ថ្មីសន្លាងមួយ United Cup ត្រូវបានដាក់បង្ហាញនៅទីក្រុង Perth ប្រទេសអូស្ត្រាលីនៅថ្ងៃអង្គារ មុនការចាប់ផ្តើមការប្រកួតថ្មីមួយនៅក្នុងកាលវិភាគ របស់ការប្រកួតវាយកូនបាល់អន្តរជាតិប្រចាំឆ្នាំ។ United Cup នឹងនឹងប្រមូលផ្តុំជាការប្រកួតក្រុមតំណាងឱ្យប្រទេស ដែលមានទាំងកីឡាករ និងកីឡាការិនីរួមបញ្ចូលគ្នាជាលើកដំបូង។ កន្លងមកការប្រកួតតំណាងប្រទេស ត្រូវបានបែងចែកដាច់ដោយឡែកពីគ្នារវាងកីឡាករ និងកីឡាការិនីដោយកីឡាករត្រូវលេងពាន Davis Cup ឯកីឡាការិនីត្រូវលេងពាន Fed Cup ពីមុន និងបច្ចុប្បន្នហៅថាពាន Billie Jean King Cup។ សម្រាប់ United Cup នឹងមានកីឡាករ-កីឡាការិនីលំដាប់កំពូលប្រកួតតំណាងប្រទេស ដែលចូលរួមសរុប ១៨ប្រទេសដែលមានកញ្ចប់ទឹកប្រាក់ដល់ទៅ ១៥លានដុល្លារអាមេរិក។ Rafael Nadal, Alexander Zverev, Casper Ruud, Iga Swiatek, Caroline Garcia និង Madison Keys សុទ្ធតែមានឈ្មោះក្នុងការប្រកួតនេះ។ United Cup នឹងចាប់ផ្តើមពីថ្ងៃទី២៩ ខែធ្នូចុងឆ្នាំបញ្ចប់នៅថ្ងៃទី៨ ខែមករាដើមឆ្នាំ២០២៣ នៅទីក្រុង Brisbane Perth និង Sydney ខណៈព្រឹត្តិការណ៍ Grand Slam, Australian Open នឹងចាប់ផ្តើមនៅចុងខែមករា៕អត្ថបទ៖នាង សុភាវុធ

Ivan Toney រងការពិន័យរឿងភ្នាល់ ៣០ករណីបន្ថែមទៀត

បាល់ទាត់៖ ខ្សែប្រយុទ្ធ Brentford, Ivan Toney បានទទួលរងការពិន័យដោយសមាគមបាល់ទាត់អង់គ្លេស FA ក្រោយរកឃើញពាក់ព័ន្ធរឿងភ្នាល់ ៣០ករណីបន្ថែមទៀត។ កីឡាករវ័យ ២៦ឆ្នាំរូបនេះទើបតែត្រូវពិន័យដោយ FA កាលពីខែមុនពាក់ព័ន្ធនឹងរឿងភ្នាល់នេះដែលមានដល់ទៅ ២៣២ករណី។ Ivan Toney បានស៊ុតបញ្ចូលទី ១០គ្រាប់រដូវកាលនេះ តែមិនជាប់ឈ្មោះទៅ World Cup ជាមួយក្រុមជម្រើសជាតិអង់គ្លេសឡើយ។ Ivan Toney មានពេលដល់ថ្ងៃទី៤ ខែមករាដើម្បីឆ្លើយតបជាមួយ FA វិញចំពោះការបំពានច្បាប់របស់ FA នៅចំនុច E8 ដែលបានហាមឃាត់មិនឱ្យកីឡាករអាជីព មិនឱ្យពាក់ព័ន្ធនឹងការភ្នាល់ល្បែងស៊ីសង រឺផ្តល់ព័ត៌មានសំងាត់របស់ក្រុមទៅខាងក្រៅក្នុងគោលបំណងនៃការភ្នាល់។ Ivan Toney ប្រឈមនឹងការដាក់ពិន័យច្រើនសប្តាហ៍មិនឱ្យពាក់ព័ន្ធបាល់ទាត់ និងពិន័យជាទឹកប្រាក់បន្ថែមទៀត ប្រសិនបើរកឃើញថាពិតមែន។ រំលឹកថា ខ្សែការពារអង់គ្លេស Kieran Trippier ធ្លាក់រងពិន័យ ១០សប្តាហ៍ដោយ FA កាលពីខែធ្នូ ឆ្នាំ២០២០ ដែលបានផ្តល់ព័ត៌មានទៅខាងក្រៅដើម្បីធ្វើការភ្នាល់ពីការផ្ទេររបស់ខ្លួនពី Tottenham Hotspur ទៅកាន់ Ateltico Madrid។ កាលពីឆ្នាំ២០១៧ អ្នកចាត់ការ និងជាអតីតកីឡាករជម្រើសជាតិអង់គ្លេស Joey Barton ត្រូវបាន FA ពិន័យ ៥ខែបន្ទាប់ពីត្រូវបានគេរកឃើញថាបានភ្នាល់បាល់ ១២៦០លើកក្នុងរយៈពេល ១០ឆ្នាំចុងក្រោយ៕អត្ថបទ៖នាង សុភាវុធ

រូបថតមួយសន្លឹករបស់ Messi លើកពាន World Cup មានអ្នកចូលចិត្តច្រើនបំផុតនៅ Instagram បំបែកកំណត់ត្រា

បាល់ទាត់៖ រូបថតមួយសន្លឹករបស់ Lionel Messi លើកពានរង្វាន់បាល់ទាត់ពិភពលោក បានក្លាយជារូបថតដែលមានអ្នកចូលចិត្តច្រើនបំផុតបំបែកកំណត់ត្រានៅបណ្តាញសង្គម Instagram។ រូបថតបាល់ទាត់របស់កីឡាករវ័យ ៣៥ឆ្នាំរូបនេះលើកពានបាល់ទាត់ពិភពលោកលើកដំបូង របស់ក្រុមជម្រើសជាតិអាហ្សង់ទីនក្នុងរយៈពេល ៣៦ឆ្នាំបានទទួលការចូលចិត្តចុច (Like) នៅលើបណ្តាញសង្គម Instagram ដល់ទៅជាង ៦២លានគណនី។ អាហ្សង់ទីនបានយកឈ្នះបារាំងនៅវគ្គផ្តាច់ព្រ័ត្រកាលពីថ្ងៃអាទិត្យដោយបាល់ ១១ម៉ែត្រកាត់សេចក្តីដើម្បីលើពាន World Cup ជាលើកទី៣ ក្នុងប្រវត្តិសាស្ត្រ។ រូបថតមួយសន្លឹកនេះបានបំបែកកំណត់ត្រាមានអ្នកចូលចិត្តច្រើនបំផុតនៅលើ IG ដែលកាន់កាប់ដោយរូបថតមួយសន្លឹកដែលមានរូបពងមាន់មួយដែលមានអ្នក Like ដល់ ៥២.៨លានគណនី។ Cristiano Ronaldo ឈរលេខ៣ ជារូបភាពដែលអង្គុយលេងអុកជាមួយ Messi ដែលមានអ្នក Like ចំនួន ៤២.១លានគណនី។ រូបថតមួយសន្លឹកទៀតរបស់ Messi ដែលគេងឱបពាន World Cup នៅលើយន្តហោះឈរលេខ៤ មានអ្នក Like សរុប ៣៦.៥លានគណនី៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

យ៉ាងហោចណាស់មនុស្សម្នាក់ស្លាប់ និងម្នាក់រងរបួសធ្ងន់អំឡុងការអបអរដង្ហែពានរបស់អាហ្សង់ទីន

Robert Lewandowski ឈ្នះពានជ័យលាភីបាតជើងមាសដែលជាការរៀបចំឡើងឆ្នាំទី២០

ព័ត៌មានមិនទាន់ផ្លូវការថា Messi បន្តកិច្ចសន្យាជាមួយ PSG

យុវជនអាស៊ាន និងមន្ដ្រី UN ចាប់អារម្មណ៍បទបង្ហាញកីឡាការិនី ពៅ សុខា ក្នុងប្រធានបទ “កីឡារស់ក្នុងសន្ដិភាព”

កីឡាវាយសីជំរុញការហ្វឹកហាត់ទាំងមុន និងក្រោយស៊ីហ្គេម ដើម្បីនិរន្ដរភាពនៃការអភិវឌ្ឍ

វៀតណាមបើកទំព័រ AFF Mitsubishi Electric Cup ជាមួយនឹងជ័យជំនះ ៦-០ នៅទឹកដីឡាវ

AFF៖ កម្ពុជាស្ទើរគ្មានពេលសម្រាក មុនជួបម្ចាស់ផ្ទះឥណ្ឌូនេស៊ីដែលត្រូវប្រកួតដំបូង

ពានរង្វាន់ការប្រកួតវាយកូនបាល់ថ្មី United Cup ត្រូវបានបង្ហាញនៅប្រទេសអូស្ត្រាលី

Ivan Toney រងការពិន័យរឿងភ្នាល់ ៣០ករណីបន្ថែមទៀត

រូបថតមួយសន្លឹករបស់ Messi លើកពាន World Cup មានអ្នកចូលចិត្តច្រើនបំផុតនៅ Instagram បំបែកកំណត់ត្រា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

យ៉ាងហោចណាស់​មនុស្សម្នា​ក់​ស្លាប់ និង​ម្នាក់​រងរបួស​ធ្ងន់​អំឡុង​ការអបអរ​ដង្ហែ​ពាន​របស់​អា​ហ្ស​ង់​ទីន

Robert Lewandowski ឈ្នះ​ពាន​ជ័យលាភី​បាតជើង​មាស​ដែល​ជាការ​រៀបចំឡើង​ឆ្នាំ​ទី​២០

ព័ត៌មាន​មិនទាន់​ផ្លូវការ​ថា Messi បន្ត​កិច្ចសន្យា​ជាមួយ PSG

កីឡា​វាយ​សី​ជំរុញ​ការហ្វឹកហាត់ទាំង​មុន និង​ក្រោយ​ស៊ី​ហ្គេម ដើម្បី​និរន្ដរភាព​នៃ​ការអភិវឌ្ឍ

វៀតណាម​បើក​ទំព័រ AFF Mitsubishi Electric Cup ជាមួយនឹង​ជ័យជំនះ ៦-០ នៅ​ទឹកដី​ឡាវ

AFF៖ កម្ពុជា​ស្ទើរ​គ្មាន​ពេល​សម្រាក មុន​ជួប​ម្ចាស់ផ្ទះ​ឥណ្ឌូនេស៊ី​ដែល​ត្រូវ​ប្រកួត​ដំបូង​

ពានរង្វាន់ការប្រកួត​វាយ​កូន​បាល់​ថ្មី​ United Cup ត្រូវបាន​បង្ហាញ​នៅ​ប្រទេស​អូស្ត្រាលី​

Ivan Toney រង​ការពិន័យ​រឿង​ភ្នាល់ ៣០ករណី​បន្ថែមទៀត​

រូបថត​មួយ​សន្លឹក​របស់ Messi លើក​ពាន World Cup មាន​អ្នក​ចូលចិត្ត​ច្រើន​បំផុត​នៅ Instagram បំបែក​កំណត់ត្រា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

យ៉ាងហោចណាស់មនុស្សម្នាក់ស្លាប់ និងម្នាក់រងរបួសធ្ងន់អំឡុងការអបអរដង្ហែពានរបស់អាហ្សង់ទីន

Robert Lewandowski ឈ្នះពានជ័យលាភីបាតជើងមាសដែលជាការរៀបចំឡើងឆ្នាំទី២០

ព័ត៌មានមិនទាន់ផ្លូវការថា Messi បន្តកិច្ចសន្យាជាមួយ PSG

កីឡាវាយសីជំរុញការហ្វឹកហាត់ទាំងមុន និងក្រោយស៊ីហ្គេម ដើម្បីនិរន្ដរភាពនៃការអភិវឌ្ឍ

វៀតណាមបើកទំព័រ AFF Mitsubishi Electric Cup ជាមួយនឹងជ័យជំនះ ៦-០ នៅទឹកដីឡាវ

AFF៖ កម្ពុជាស្ទើរគ្មានពេលសម្រាក មុនជួបម្ចាស់ផ្ទះឥណ្ឌូនេស៊ីដែលត្រូវប្រកួតដំបូង

ពានរង្វាន់ការប្រកួតវាយកូនបាល់ថ្មី United Cup ត្រូវបានបង្ហាញនៅប្រទេសអូស្ត្រាលី

Ivan Toney រងការពិន័យរឿងភ្នាល់ ៣០ករណីបន្ថែមទៀត

រូបថតមួយសន្លឹករបស់ Messi លើកពាន World Cup មានអ្នកចូលចិត្តច្រើនបំផុតនៅ Instagram បំបែកកំណត់ត្រា