BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Burn X Flash ត្រៀមខ្លួនជាស្រេច ដើម្បីចូលរួមប្រកួតកីឡាអេឡិចត្រូនិកកម្រិតពិភពលោក M4

កីឡាអេឡិចត្រូនិក៖ ក្រុមកីឡាអេឡិចត្រូនិកកម្ពុជា Burn X Flash បានបង្ហាញការត្រៀមខ្លួនរួចរាល់ ដើម្បីចូលរួមប្រកួតជើងឯកកីឡាអេឡិចត្រូនិកកម្រិតពិភពលោក M4 World Championship សម្រាប់វិញ្ញាសា Mobile Legends: Bang Bang នាខែមករា ឆ្នាំ២០២៣ ខាងមុខនៅប្រទេសឥណ្ឌូនេស៊ី។ ការបញ្ជាក់នេះធ្វើឡើងក្នុងសន្និសីទសារព័ត៌មានតាមអនឡាញមួយ ស្ដីពីក្រុម Burn X Flash ចូលរួមព្រឹត្តិការណ៍ជើងឯកកីឡាអេឡិចត្រូនិកពិភពលោកកាលពីល្ងាចថ្ងៃទី១៩ ខែធ្នូ ឆ្នាំ២០២២ ក្រោមការសម្របសម្រួលរបស់ក្រុមការងារ Mooton ដែលជាក្រុមហ៊ុនរៀបចំរៀបចំព្រឹត្តិការណ៍អន្ដរជាតិដ៏ធំនេះ។ តំណាងក្រុមជើងឯកលីគអាជីព MPL-KH League 2022 នេះបានឲ្យដឹងថា បច្ចុប្បន្នក្រុមខ្លួនបានត្រៀមរួចរាល់ ដើម្បីចូលរួមការប្រកួតប្រជែងកម្រិតពិភពលោកនេះ។ ពួកគេទទួលស្គាល់បេក្ខភាពក្នុងពូលជាមួយគ្នា សុទ្ធតែជាក្រុមខ្លាំងៗលំដាប់ពិភពលោក តែពួកគេប្ដេជ្ញានឹងព្យាយាមធ្វើឲ្យបានល្អបំផុតដើម្បីឈានទៅវគ្គបន្ដបន្ទាប់ ក៏ដូចជាដណ្តើមបាននូវលទ្ធផលល្អជូនជាតិ។ សមាជិកក្រុម Burn X Flash ដដែលបន្ដថា ការប្រកួតនេះពិតជាធំ និងអស្ចារ្យ។ ប៉ុន្ដែថ្មីៗនេះក្រុមកីឡាអេឡិចត្រូនិកកម្ពុជា ក៏ទើបដណ្ដើមបានមេដាយសំរឹទ្ធជាប្រវត្តិសាស្ដ្រ ក្នុងការប្រកួតកម្រិតពិភពលោក 14TH IESF World Esport Championship នៅប្រទេសឥណ្ឌូនេស៊ីដែរគឺក្រុម Impunity KH។ ដូច្នេះជោគជ័យនេះគឺជាសញ្ញាណវិជ្ជមានមួយសម្រាប់ក្រុមខ្លួនក្នុងការប្រកួត M4 World Championship នាពេលខាងមុខ ហើយពួកគេប្ដេជ្ញានឹងធ្វើឲ្យបានល្អជាងក្រុម Impunity KH ទៀតផង។ សូមបញ្ជាក់ថា ការប្រកួតជើងឯកកីឡាអេឡិចត្រូនិកកម្រិតពិភពលោក M4 World Championship នឹងចាប់ផ្ដើមការប្រកួតពីថ្ងៃទី០១ ដល់ថ្ងៃទី០៤ ខែមករា ឆ្នាំ២០២៣ សម្រាប់វគ្គសន្សំពិន្ទុក្នុងពូល និងវគ្គចាញ់ធ្លាក់ ខណៈក្រុមឈ្នះឡើងរហូតដល់វគ្គផ្ដាច់ព្រ័ត្រចាប់ពីថ្ងៃទី០៧ ដល់ថ្ងៃទី១៧ ខែមករាដដែលនៅប្រទេសឥណ្ឌូនេស៊ី។ ព្រឹត្តិការណ៍នេះ មានក្រុមខ្លាំងៗទូទាំងពិភពលោកចូលរួមសរុប ១៦ក្រុម និងចែកចេញជា ៤ពូលក្នុងមួយពូលមាន ៤ក្រុម។ សម្រាប់ក្រុម Burn X Flash គឺស្ថិតក្នុងពូល A ជាមួយក្រុមខ្លាំងហ្វីលីពីន Blacklist International, ក្រុម Falcon Esports របស់មីយ៉ាន់ម៉ា និងក្រុម Incendio Supremacy របស់ទួរគី។ ឯពូល B មានក្រុម Malvinas Games (អាហ្សង់ទីន), MDH Esports (វៀតណាម), ONIC Esports (ឥណ្ឌូនេស៊ី) និង TODAK (ម៉ាឡេស៊ី)។ ពូល C មានក្រុម ECHO (ហ្វីលីពីន), Occupy Thrones (អេហ្ស៊ីប), RRQ Hoshi (ឥណ្ឌូនេស៊ី) និងក្រុម RSG Singapore (សិង្ហបុរី) និងពូលD មានក្រុម RRQ Akira (ប្រេស៊ីល), S11 Gaming Angentina (ប៊ូឡាវី), Team HAQ (ម៉ាឡេស៊ី) និងក្រុម The Valley (អាមេរិកខាងជើង)។ ការប្រកួតដ៏ធំនេះគឺមានប្រាក់រង្វាន់សរុប ៨០ម៉ឺនដុល្លារ។ គេចាំបានថា កាលពីឆ្នាំ២០២១ ពោលគឺការប្រកួត M3 នៅសិង្ហបុរី កម្ពុជាក៏បានបញ្ជូនក្រុម See You Soon ចូលរួមប្រកួតដែរដោយទទួលបានចំណាត់ថ្នាក់លេខ៩ ក្នុងចំណោម ១៦ក្រុម អមប្រាក់រង្វាន់ ១៥,០០០ដុល្លារ ខណៈក្រុមហ្វីលីពីន Blacklist International បានឈ្នះជើងឯក អមប្រាក់រង្វាន់ ៣០ម៉ឺនដុល្លារ៕អត្ថបទ៖ លី ឈុនឡា

លោក Gareth Southgate នឹងបន្តដឹកនាំអង់គ្លេសដល់ឆ្នាំ២០២៤

បាល់ទាត់៖ អ្នកចាត់ការអង់គ្លេសលោក Gareth Southgate នឹងបន្តដឹកនាំក្រុមជម្រើសជាតិអង់គ្លេសរហូតដល់ព្រឹត្តិការណ៍បាល់ទាត់ទ្វីបអឺរ៉ុបឆ្នាំ២០២៤ នេះបើតាមសេចក្តីប្រកាសរបស់សមាគមបាល់ទាត់អង់គ្លេស FA។ លោក Gareth Southgate កិច្ចសន្យារបស់លោកនឹងអស់សុពលភាពនៅឆ្នាំ២០២៤ ដោយធ្លាប់បាននិយាយថា លោកមិនទាន់ច្បាស់ពីអនាគតរបស់ខ្លួន បន្ទាប់ពីធ្លាក់ត្រឹមវគ្គ ៨ក្រុមចុងក្រោយ World Cup ដោយសារបារាំង។ បុរសវ័យ ៥២ឆ្នាំរូបនេះត្រូវបានតែងតាំងឱ្យដឹកនាំអង់គ្លេសនៅឆ្នាំ២០១៦ ដោយបាននាំក្រុមតោបីអង់គ្លេសឡើងដល់វគ្គពាក់កណ្តាលផ្តាច់ព្រ័ត្រ World Cup ២០១៨ នៅរុស្ស៊ី និងឡើងដល់វគ្គផ្តាច់ព្រ័ត្រ Euro ២០២១។ រំលឹកថា លោក Gareth Southgate ដំបូងឡើងត្រូវបានតែងតាំងឱ្យដឹកនាំអង់គ្លេសបណ្តោះអាសន្នប៉ុណ្ណោះ ក្រោយការចាកចេញរបស់លោក Sam Allardyce មុនពេលដែលទទួលបានកិច្ចសន្យាដឹកនាំផ្លូវការនៅខែវិច្ឆិកា ឆ្នាំ២០១៦។ ក្រោមការដឹកនាំរបស់លោក Gareth Southgate ៨១ប្រកួតអង់គ្លេសឈ្នះ ៦១ប្រកួត ចាញ់១៤ ស្មើ៦។ អង់គ្លេសរយៈពេល ៤៨ឆ្នាំកន្លងមកមានតែលោក Gareth Southgate ដែលបានដឹកនាំក្រុមឈ្នះនៅវគ្គចាញ់ធ្លាក់ពានរង្វាន់ធំៗសរុប ៦លើក ច្រើនជាងអ្នកចាត់ការមុនៗទាំងអស់៕អត្ថបទ៖នាង សុភាវុធ

មន្ដ្រីជាន់ខ្ពស់ UWW មានសុទិដ្ឋិនិយមខ្ពស់ចំពោះដំណើរធ្វើម្ចាស់ផ្ទះស៊ីហ្គេម និងយុវជនអាស៊ីរបស់កម្ពុជា

កីឡាចំបាប់៖ លោកស្រី Niamkey Deqa នាយិកាផ្នែកអភិវឌ្ឍធនធាននៃសហព័ន្ធកីឡាចំបាប់ពិភពលោក (UWW) បានបង្ហាញសុទិដ្ឋិនិយមខ្ពស់ចំពោះដំណើរការត្រៀមធ្វើម្ចាស់ផ្ទះ ការប្រកួតកីឡាស៊ីហ្គេមលើកទី៣២ ឆ្នាំ២០២៣ និងការប្រកួតកីឡាយុវជនអាស៊ីលើកទី៥ នាឆ្នាំ២០២៩ បន្ទាប់ពីលោកស្រីបានឃើញពីចំណុចវិជ្ជមានជាច្រើនរបស់កម្ពុជា ពិសេសសហព័ន្ធកីឡាចំបាប់កម្ពុជា។ ការគូសបញ្ជាក់នេះ បន្ទាប់ពីសហព័ន្ធកីឡាចំបាប់ពិភពលោកបានកោះអញ្ជើញអ្នកជំនាញ មន្ដ្រីបច្ចេកទេស និងអាជ្ញាកណ្ដាល-ចៅក្រមអន្ដរជាតិមកពីបណ្ដាប្រទេសនានា ចូលរួមសិក្ខាសាលាមួយកំឡុងការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២២ នៅកម្ពុជាកាលពីចុងសប្ដាហ៍កន្លងទៅ។ មន្ដ្រីជាន់ខ្ពស់ UWW រូបនេះបន្ដថា កំឡុងការប្រកួតចំបាប់ជើងឯកអាស៊ានលើកដំបូងនៅកម្ពុជា សហព័ន្ធកីឡាចំបាប់ពិភពលោកបានសហការជាមួយម្ចាស់ផ្ទះ រៀបចំវគ្គបណ្ដុះបណ្តាលអាជ្ញាកណ្តាល-ចៅក្រម គ្រូបង្វឹក ក៏ដូចជាវគ្គបច្ចេកវិទ្យាគ្រប់គ្រងព្រឹត្តិការណ៍ ដែលដំណើរការយ៉ាងរលូនមុនការប្រកួត។ តាមរយៈនេះសបញ្ជាក់ថា កម្ពុជាបានត្រៀមលក្ខណៈយ៉ាងល្អដើម្បីទទួលរៀបចំស៊ីហ្គេមឆ្នាំ២០២៣ និងកីឡាយុវជនអាស៊ីឆ្នាំ២០២៩។នេះជាការមើលឃើញនូវទស្សនៈវិស័យរបស់លោកស្រី Niamkey Deqa ដែលជាមន្ដ្រីជាន់ខ្ពស់សហព័ន្ធកីឡាចំបាប់ពិភពលោក ចំពោះឆន្ទៈខ្ពស់របស់ស្ថាប័នកីឡាកម្ពុជាក្រោមការដឹកនាំរបស់រាជរដ្ឋាភិបាល ដែលកំពុងមានការប្តេជ្ញាចិត្តខ្ពស់ក្នុងការកសាងហេដ្ឋារចនាសម្ព័ន្ធ ការអភិវឌ្ឍធនធានមន្ត្រី កីឡាករ-កីឡាការិនីឲ្យកាន់តែរីកចម្រើនបន្ថែមទៀត ជាក់ស្ដែងកីឡាចំបាប់ដែលមានធនធានមន្ដ្រីបច្ចេកទេស អាជ្ញាកណ្ដាល-ចៅក្រមអន្ដរជាតិ និងកីឡាករ-កីឡាការិនីគ្រប់គ្រាន់ដើម្បីចូលរួមរៀបចំ និងការប្រកួតអន្ដរជាតិនានា៕អត្ថបទ៖ លី ឈុនឡា

Karim Benzema ប្រកាសចូលនិវត្តន៍ពីក្រុមជម្រើសជាតិបារាំងក្នុងថ្ងៃកំណើតរបស់ខ្លួន

បាល់ទាត់៖ ខ្សែប្រយុទ្ធ Real Madrid, Karim Benzema បានប្រកាសចូលនិវត្តន៍ពីក្រុមជម្រើសជាតិបារាំងហើយ ក្រោយខកខានមិនបានជួយក្រុមបារាំងនៅ World Cup 2022 នៅកាតា។ កីឡាករវ័យ ៣៥ឆ្នាំរូបនេះបានអវត្តមានពី World Cup 2022 កន្លងទៅ ទោះបីមានឈ្មោះក្នុងបញ្ជីក្រុមជំរើសជាតិបារាំងក្តី បន្ទាប់ពីមានរបួសមុនព្រឹត្តិការណ៍ចាប់ផ្តើម។ Benzema បានសរសេរនៅលើបណ្តាញសង្គម Twitter ពីគោលបំណងចូលនិវត្តន៍នៅក្នុងថ្ងៃកំណើតរបស់ខ្លួនតែម្តងនៅថ្ងៃចន្ទ ទី១៩ ម្សិលមិញនេះ។ ខ្សែប្រយុទ្ធ Real Madrid រូបនេះបង្ហាញខ្លួនសរុបឱ្យក្រមជម្រើសជាតិបារាំង ៩៧លើកស៊ុតបញ្ចូលទីបាន ៣៧គ្រាប់តែក៏ធ្លាប់ខកខានបង្ហាញខ្លួនជិត ៦ឆ្នាំបន្ទាប់ពីមានរឿងអាស្រូវគម្រាមអតីតមិត្តរួមក្រុម Mathieu Valbuena មុនពេលដែលត្រូវបានកោះហៅចូលក្រុមឡើងវិញមុន Euro 2020។ Karim Benzema មានអាជីពដ៏ជោគជ័យជាមួយក្លិប Real Madrid ជាពិសេសរដូវកាលចុងក្រោយកន្លងទៅដែល Real Madrid ឈ្នះជើងឯក UEFA Champions League និងត្រូវបោះឆ្នោតជាកីឡាករឆ្នើមប្រចាំឆ្នាំរបស់ Ballon d’Or ផងដែរ៕អត្ថបទ៖នាង សុភាវុធ

ប្រធានសហព័ន្ធបាល់ឱបជំរុញក្រុមកីឡាករ-កីឡាការិនីបន្ដការខំប្រឹង ក្រោយបញ្ចប់ជើងឯកថ្នាក់ជាតិ

បាល់ឱប៖ លោកជំទាវ ស៊ុំ សុខា ប្រធានសហព័ន្ធកីឡាបាល់ឱបកម្ពុជា បានជំរុញដល់ក្រុមកីឡាករ-កីឡាការិនីទាំងអស់ត្រូវបន្ដការខំប្រឹងហ្វឹកហាត់ឲ្យកាន់តែខ្លាំង ដើម្បីអភិវឌ្ឍន៍សមត្ថភាពឆ្ពោះទៅរកការប្រកួតកម្រិតខ្ពស់ និងការប្រកួតអន្ដរជាតិនានា។ ការលើកឡើងនេះ បន្ទាប់ពីសហព័ន្ធបានបញ្ចប់ការប្រកួតកីឡាបាល់ឱប 7s ជ្រើសរើសជើងឯកថ្នាក់ជាតិឆ្នាំ២០២២ ដោយជោគជ័យកាលចុងសប្ដាហ៍កន្លងទៅនៅកីឡដ្ឋានស្ដាតចាស់។ ការប្រកួតនេះមាន ១០ក្រុមចូលរួម និងបែងចែកជា ៣វិញ្ញាសា ក្នុងនោះវិញ្ញាសាបុរសក្រុមធំមានបេក្ខភាព ៥ក្រុមចូលរួម គ្រាដែលផ្នែកបាល់ឱបនារីមានវិញ្ញាសាអាយុក្រោម ២០ឆ្នាំ ៣ក្រុម និងអាយុក្រោម ១៦ឆ្នាំ ២ក្រុម។ ជាលទ្ធផលក្រោយឆ្លងកាត់ការប្រកួតដ៏ស្វិតស្វាញ ១ថ្ងៃពេញសម្រាប់វិញ្ញាសាបាល់ឱបបុរសក្រុមធំ សមាគមកីឡាបាល់ឱបកងយោធពលខេមរភូមិន្ទគ្រងតំណែងជើងឯក ខណៈក្រុមកីឡាបាល់ឱបក្របីព្រៃទទួលបានចំណាត់ថ្នាក់លេខ២ និងក្រុមកីឡាបាល់ឱបព្រះស៊ីសុវត្ថិទទួលបានចំណាត់ថ្នាក់លេខ៣។ រីឯផ្នែកបាល់ឱបនារី ក្រុមកីឡាការិនីបាល់ឱបក្របីព្រៃបានគ្រងជើងឯកលើវិញ្ញាសាអាយុក្រោម ២០ឆ្នាំ និងក្រុមបាល់ឱបផ្កាឈូក ព្រះស៊ីសុវត្ថិ គ្រងជើងឯកលើវិញ្ញាសាអាយុក្រោម ១៦ឆ្នាំ។លោកជំទាវ ស៊ុំ សុខា បានវាយតម្លៃខ្ពស់ចំពោះការប្រកួតនេះ ទាំងគណៈកម្មការរៀបចំ ពិសេសការចូលរួមរបស់កីឡាករ-កីឡាការិនីគ្រប់វ័យ ដែលជាសញ្ញាណមួយដ៏ល្អសម្រាប់វិស័យកីឡាបាល់ឱបកម្ពុជា ឆ្ពោះទៅរកការអភិវឌ្ឍ និងរីកចម្រើនបន្ថែមទៀត។ តាមរយៈនេះ លោកជំទាវបានជំរុញដល់ក្រុម និងកីឡាករ-កីឡាការិនីទាំងអស់ បន្ទាប់ពីចប់ការប្រកួតនេះ ទាំងក្រុមទទួលបានជយលាភី និងពុំទទួលបានជយលាភីត្រូវបន្ដការខិតខំប្រឹងប្រែងហ្វឹកហាត់ឲ្យបានជាប់លាប់ ដើម្បីអភិវឌ្ឍន៍សមត្ថភាពឆ្ពោះទៅរកគុណផលខ្ពស់ ត្រៀមចូលរួមការប្រកួតអន្ដរជាតិនានា និងដណ្ដើមមេដាយជូនជាតិមាតុភូមិ៕អត្ថបទ៖ លី ឈុនឡា

សហព័ន្ធកីឡាទោចក្រយាននឹងដំឡើងប្រាក់រង្វាន់ជ័យលាភីជើងឯកថ្នាក់ជាតិឆ្នាំនេះ

ទោចក្រយាន៖ សហព័ន្ធកីឡាទោចក្រយានកម្ពុជាបានប្រកាសដំឡើងប្រាក់រង្វាន់ជ័យលាភី នៃការប្រកួតទោចក្រយានជ្រើសរើសជើងឯកថ្នាក់ជាតិឆ្នាំ២០២២ ច្រើនជាងមុន បន្ទាប់ពីទទួលបានការឧបត្ថម្ភទ្វេដងពីក្រុមហ៊ុនដៃគូ។ នេះបើតាមការបញ្ជាក់របស់លោក នូ ចំរើន អគ្គលេខាធិការសហព័ន្ធ។ការប្រកាសនេះធ្វើឡើងក្នុងសន្និសីទសារព័ត៌មាន ស្ដីពីការប្រកួតកីឡាទោចក្រយានជើងឯកថ្នាក់ជាតិ ដែលគ្រោងនឹងធ្វើឡើងពីថ្ងៃទី២៦ ដល់ថ្ងៃទី២៨ ខែធ្នូ ឆ្នាំ២០២២ ខាងមុខនៅខេត្តសៀមរាប ស្របពេលសហព័ន្ធបានទទួលការឧបត្ថម្ភនូវថវិកាចំនួន ៤២,៧៥០ដុល្លារពីក្រុមហ៊ុន Herbalife សម្រាប់ដំណើរការរៀបចំព្រឹត្តិការណ៍ប្រចាំឆ្នាំនេះ។ លោក នូ ចំរើន អគ្គលេខាធិការសហព័ន្ធ បានចាត់ទុការរួមចំណែកពីវិស័យឯកជននេះគឺជាផ្នែកមួយដ៏សំខាន់ ដើម្បីជំរុញការរៀបចំឲ្យកាន់តែមានស្ដង់ខ្ពស់ ពិសេសសហព័ន្ធក៏នឹងធ្វើការដំឡើងនូវប្រាក់រង្វាន់ជ័យលាភីបន្ថែម ដល់កីឡាករ-កីឡាការិនីជ័យលាភីទៀតផង។ ទន្ទឹមជាមួយគ្នាលោក អឿ ឌីណា តំណាងក្រុមហ៊ុនដៃគូសហការរបស់សហព័ន្ធ បានសម្ដែងនូវសេចក្ដីរីករាយដែលបានរួមចំណែកគាំទ្រ និងអភិវឌ្ឍន៍វិស័យកីឡាទោចក្រយានកម្ពុជា ពិសេសដើម្បីរួមចំណែកជាមួយសហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជាតែម្ដង។គួរដឹងថា ការចុះឈ្មោះចូលរួមប្រកួតកីឡាទោចក្រយានជើងឯកថ្នាក់ជាតិឆ្នាំ២០២២ នៅសល់ ១ថ្ងៃទៀតប៉ុណ្ណោះនឹងត្រូវបញ្ចប់ ពោលគឺឈប់ទទួលពាក្យនៅថ្ងៃទី២១ ខែធ្នូស្អែកនេះ ខណៈជាបណ្ដោះអាសន្នមកទល់ពេលនេះការចុះឈ្មោះចូលរួមទទួលបានជាង ២៥០នាក់ហើយ គ្រាដែលក្ដីរំពឹងរបស់សហព័ន្ធសង្ឃឹមថា ការប្រកួតឆ្នាំនេះនឹងមានអ្នកចូលរួមប្រមាណ ៣៥០នាក់។ សម្រាប់វិញ្ញាសាប្រកួតវិញគឺបែងចែកជាកង់គួក និងកង់ភ្នំ ក្នុងនោះវិញ្ញាសាកង់គួករួមមាន៖ ១. កង់គួកបុរសថា្នល, ២. កង់គួកបុរសក្រុមធំ និង៣. កង់គួកបុរស។ រីឯប្រភេទកង់ភ្នំរួមមាន ១. កង់ភ្នំបុរសថ្នាល, ២. កង់ភ្នំបុរសក្រុមធំ, ៣. កង់ភ្នំនារី និង៤. កង់ភ្នំបុរស៕អត្ថបទ៖ លី ឈុនឡា

អ្នកគាំទ្របារាំងក្រៀមក្រំ ខណៈមានការប៉ះទង្គិចនៅទីក្រុង Lyon

បាល់ទាត់៖ អ្នកគាំទ្រក្រុមបាល់ទាត់ជំរើសជាតិបារាំងបានបង្ហាញអារម្មណ៍ក្រៀមក្រំ សោកសង្រេង ក្រោយចាញ់ការប្រកួតវគ្គផ្តាច់ព្រ័ត្រ World Cup មិនអាចការពារតំណែងជើងឯកបាន។ ជាការប្រកួតវគ្គផ្តាច់ព្រ័ត្រដែលធ្វើឱ្យអ្នកចាញ់មិនអស់ចិត្តឡើយ តាមរយៈការលេងសម្រុកគ្នាទៅវិញទៅមក ជាពិសេសបារាំងដែលតាមស្មើពីរគ្រាប់ និងបន្តតាមស្មើវិញបានទៀតនៅម៉ោងបន្ថែមកាត់សេចក្តី មុនចាញ់នៅវគ្គ ១១ម៉ែត្រកាត់សេចក្តីចុងក្រោយ។ អ្នកគាំទ្របារាំងនៅទឹកដីកាតា ថ្វីបើបារាំងចាញ់ក្តីបានលើកឡើងថា លោកសោកស្តាយដែលបារាំងចាញ់ តែក៏អបអរ Messi ដែរគាត់បានសមបំណងគាត់ហើយ សមនឹងអាជីពដ៏ជោគជ័យស្ទើរពេញមួយជីវិតនេះហើយ។ អ្នកគាំទ្រនៅប្រទេសបារាំងបានលើកឡើងពីការខកចិត្តរបស់ខ្លួន ដោយសារតែបារាំងធ្វើបានល្អនៅចុងក្រោយ ទោះមិនល្អនៅវគ្គទី១ តែក៏សរសើរអាហ្សង់ទីនដែលមានការប្រកួតវគ្គផ្តាច់ព្រ័ត្រដ៏អស្ចារ្យ។ អ្នកគាំទ្រខ្លះបាននិយាយថា នេះជាការប្រកួតវគ្គផ្តាច់ព្រ័ត្រដ៏អស្ចារ្យបំផុតហើយក្នុងប្រវត្តិសាស្ត្រ តែសោកស្តាយដែលក្រុមរបស់ខ្លួននៅស្ថិតនៅខាងភាគីបរាជ័យ។ ជាមួយនឹងការខកបំណង ក៏គេឃើញមានកើតឡើងអំពើហិង្សាដែរនៅទីក្រុង Lyon ដោយមានអ្នកគាំទ្រខិលខូចមួយចំនួនបង្កចលាចល បំផ្លិចបំផ្លាញទ្រព្យសម្បត្តិអ្នកដទៃ ដែលធ្វើឱ្យឈានដល់ការអន្តរាគមន៍ពីមន្ត្រីនគរបាល៕អត្ថបទ៖នាង សុភាវុធ

Lionel Messi ឈ្នះពានកីឡាករឆ្នើមប្រចាំព្រឹត្តិការណ៍ ខណៈ Kylian Mbappe ឈ្នះស្បែកជើងមាស

បាល់ទាត់៖ ខ្សែប្រយុទ្ធអាហ្សង់ទីន Lionel Messi ត្រូវបានជ្រើសរើសជាកីឡាករឆ្នើមបំផុតប្រចាំព្រឹត្តិការណ៍ FIFA World Cup 2022 នៅកាតានេះ បន្ទាប់ពីជួយអាហ្សង់ទីនឈ្នះពាន World Cup លើកទី៣ និងជាលើកដំបូងក្នុងរយៈពេល ៣៦ឆ្នាំ។ កីឡាករវ័យ ៣៥ឆ្នាំរូបនេះបានស៊ុតបញ្ចូលទី ២គ្រាប់នៅវគ្គផ្តាច់ព្រ័ត្រ និងមួយគ្រាប់ក្នុងវគ្គ ១១ម៉ែត្រកាត់សេចក្តីក្នុងជ័យជំនះលើក្រុមការពារជើងឯកបារាំង។ នៅក្នុងព្រឹត្តិការណ៍ឆ្នាំនេះ Messi ស៊ុតបញ្ចូលទីបាន ៧គ្រាប់ និងបានក្លាយជាកីឡាករទី១ ដែលអាចស៊ុតបញ្ចូលទីបាននៅគ្រប់វគ្គទាំងអស់ រាប់តាំងពីវគ្គចែកពូលដល់វគ្គចាញ់ធ្លាក់ និងផ្តាច់ព្រ័ត្រ។ Messi ក៏បានក្លាយជាកីឡាករទីមួយដែរ ដែលឈ្នះពានកីឡាករឆ្នើមប្រចាំព្រឹត្តិការណ៍ (បាល់មាស) ២លើក បូករួមទាំងលើកដំបូងនៅឆ្នាំ២០១៤ ដែលអាហ្សង់ទីនចាញ់អាល្លឺម៉ង់នៅវគ្គផ្តាច់ព្រ័ត្រ។ ងាកមកបារាំង ខ្សែប្រយុទ្ធឆ្នើម Kylian Mbappe បានឈ្នះពានកីឡាករដែលស៊ុតបញ្ចូលទីច្រើនជាងគេប្រចាំព្រឹត្តិការណ៍ (ស្បែកជើងមាស) ក្រោយរកបានសរុប ៨គ្រាប់បូកទាំង Hat-Trick នៅវគ្គផ្តាច់ព្រ័ត្រនេះ។ កីឡាករវ័យ ២៣ឆ្នាំរូបនេះបានក្លាយជាកីឡាករដំបូងដែលធ្វើបាន Hat-Trick នៅវគ្គផ្តាច់ព្រ័ត្ររាប់ពីឆ្នាំ១៩៦៦ ដែលធ្វើឱ្យបានដោយកីឡាករអង់គ្លេស Sir Geoff Hurst នៅពេលអង់គ្លេសលើកពានដោយយកឈ្នះអាល្លឺម៉ង់ខាងលិច។ សរុបមកវិញ Kylian Mbappe វ័យទើបតែ ២៣ឆ្នាំបង្ហាញខ្លួននៅ World Cup បានពីរលើកឈ្នះពានមួយលើក ហើយ Mbappe ក៏ជាកីឡាករដំបូងដែរដែលស៊ុតបញ្ចូលទីនៅវគ្គផ្តាច់ព្រ័ត្រសរុបបាន ៤គ្រាប់បូកបញ្ចូលទាំងមួយគ្រាប់ពេលបារាំងយកឈ្នះក្រូអាស៊ីកាលពី ៤ឆ្នាំមុននៅរុស្ស៊ី។ ពីរព្រឹត្តិការណ៍ ១២គ្រាប់ Kylian Mbappe បានក្លាយជាកីឡាករវ័យក្មេងបំផុតដំបូងគេដែលធ្វើបានបែបនេះ។ ជ័យលាភីផ្សេងទៀតគឺអ្នកចាំទីអាហ្សង់ទីន Emiliano Martinez ក្លាយជាកីឡាករអ្នកចាំទីឆ្នើមបំផុតប្រចាំព្រឹត្តិការណ៍ទទួលបានពានស្រោមដៃមាស។ អ្នកចាំទី Aston Villa រូបនេះគឺជាសមាជិកដែលមិនអាចរំលងបាន ក្នុងការនាំផ្លូវអាហ្សង់ទីនមកឈ្នះពាននៅពេលនេះតាមរយៈការជួយសង្គ្រោះបាល់ ១១ម៉ែត្រកាត់សេចក្តីរបស់ Kingsley Coman និងពេលយកឈ្នះហូឡង់។ ដោយឡែកខ្សែបម្រើអាហ្សង់ទីនរបស់ Benfica, Enzo Fernandez វ័យ ២១ឆ្នាំឈ្នះពានកីឡាករវ័យក្មេងឆ្នើមបំផុតប្រចាំព្រឹត្តិការណ៍ ខណៈក្រុមជម្រើសជាតិអង់គ្លេសឈ្នះពាន Fair Play ក្រោយមានកាតតិចបំផុត៕អត្ថបទ៖នាង សុភាវុធ

អ្នកគាំទ្រអាហ្សង់ទីនអបអរជ័យជំនះជើងឯក World Cup គ្រប់ទិសទីជុំវិញពិភពលោក

បាល់ទាត់៖ អ្នកគាំទ្រក្រុមបាល់ទាត់អាហ្សង់ទីនបាននាំគ្នាអបអរសាទរ ពានបាល់ទាត់ពិភពលោកគ្រប់ទិសទីជុំវិញពិភពលោក និងមិនអាចបញ្ចប់បានមិនថាយប់រឺថ្ងៃ។ ដំបូងគេយើងទៅមើលអ្នកគាំទ្រនៅទីក្រុង Buenos Aires ប្រទេសអាហ្សង់ទីន ប្រជាជនអាហ្សង់ទីនបានជួបជុំគ្នានៅកណ្តាលទីក្រុង ដើម្បីអបអរសាទរដោយមានចំនួនច្រើនណែនណាន់តាន់តាប់រាប់មិនអស់។ Matias Cardinalli ដែលជាអ្នកគាំទ្រអាហ្សង់ទីនម្នាក់បានលើកឡើងថា រូបលោករស់នៅបារាំងនៅពេលបារាំងលើកពាន ១៩៩៨ និងជាពេលដំបូងដែលចាប់ផ្តើមមើល World Cup ហើយពេលនេះក៏បានឃើញអាហ្សង់ទីនឈ្នះពាន បើនិយាយពីក្តីរីករាយ មិនអាចបរិយាយបាន។ អ្នកគាំទ្រភាគច្រើនបាននិយាយថា ពួកគេបានឃើញ និងកើតទាន់អាហ្សង់ទីនឈ្នះពាន World Cup លើកដំបូងក្នុងឆ្នាំនេះ ហើយនេះជាក្តីរីករាយឥតឧបមា មិនអាចពន្យល់បាន នេះជាការលើកឡើងរបស់បុរសវ័យ ៣៤ឆ្នាំ Santiago Cutaia។ មិនត្រឹមតែនៅទីក្រុង Buenos Aires ប្រទេសអាហ្សង់ទីនទេ អ្នកគាំទ្រនៅកាតាផ្ទាល់មិនបានសម្រាកឡើយ ដោយបន្តជប់លៀងអបអរជើងឯករបស់អាហ្សង់ទីនទល់ភ្លឺ បូករួមទាំងអ្នកគាំទ្រជុំវិញពិភពលោកដូចជាប៉ាគីស្ថាន បង់ក្លាដែស អេស្ប៉ាញជាដើម៕អត្ថបទ៖នាង សុភាវុធ

Messi ថានឹងបន្តលេងឱ្យអាហ្សង់ទីនមិនទាន់ចូលនិវត្តន៍ឡើយ

បាល់ទាត់៖ វិរៈបុរសបាល់ទាត់របស់អាហ្សង់ទីន Lionel Messi និយាយថា នឹងមិនទាន់ចូលនិវត្តន៍ពីក្រុមជម្រើសជាតិឡើយ ដោយនឹងបន្តលេងឱ្យអាហ្សង់ទីនមួយរយៈទៀត បន្ទាប់ជួយអាហ្សង់ទីនឈ្នះពានបាល់ទាត់ពិភពលោកលើកដំបូងក្នុងរយៈពេល ៣៦ឆ្នាំ។ ខ្សែប្រយុទ្ធ Paris Saint Germain រូបនេះត្រូវបានចោទសួរដោយសារព័ត៌មាន TyCSports ពីអនាគតរបស់ខ្លួន និងបានឆ្លើយតបថា រូបគេនៅតែសប្បាយចិត្តក្នុងការលេងបាល់ទាត់ឱ្យក្រុមជម្រើសជាតិនៅឡើយ និងចង់បន្តស្វែងរកជ័យជំនះឱ្យអាហ្សង់ទីនបន្ថែមទៀតក្នុងនាមជាក្រុមជើងឯកពិភពលោក។ នេះជាការបង្ហាញខ្លួននៅព្រឹត្តិការណ៍ World Cup លើកទី៥ សម្រាប់ Lionel Messi និងបានស៊ុតបញ្ចូលទី ២គ្រាប់ម្នាក់ឯងនៅវគ្គផ្តាច់ព្រ័ត្រ និងមួយគ្រាប់នៅបាល់ ១១ម៉ែត្រកាត់សេចក្តី។ Messi ដែលនឹងឈានដល់វ័យ ៣៩ឆ្នាំនៅ World Cup បន្ទាប់នៅឆ្នាំ២០២៦ នោះធ្លាប់បានបង្ហើបថា World Cup នៅកាតានឹងជាព្រឹត្តិការណ៍ចុងក្រោយរបស់ខ្លួន។ យ៉ាងណាក្តីគ្រូបង្វឹកអាហ្សង់ទីន Lionel Scaloni និយាយថា ចង់ឱ្យ Messi បន្តលេងឱ្យអាហ្សង់ទីនដល់ World Cup 2026 ទៀតដែលនឹងធ្វើឡើងនៅសហរដ្ឋអាមេរិក កាណាដា និងម៉ិកស៊ិក៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Burn X Flash ត្រៀមខ្លួនជាស្រេច ដើម្បីចូលរួមប្រកួតកីឡាអេឡិចត្រូនិកកម្រិតពិភពលោក M4

លោក Gareth Southgate នឹងបន្តដឹកនាំអង់គ្លេសដល់ឆ្នាំ២០២៤

មន្ដ្រីជាន់ខ្ពស់ UWW មានសុទិដ្ឋិនិយមខ្ពស់ចំពោះដំណើរធ្វើម្ចាស់ផ្ទះស៊ីហ្គេម និងយុវជនអាស៊ីរបស់កម្ពុជា

Karim Benzema ប្រកាសចូលនិវត្តន៍ពីក្រុមជម្រើសជាតិបារាំងក្នុងថ្ងៃកំណើតរបស់ខ្លួន

ប្រធានសហព័ន្ធបាល់ឱបជំរុញក្រុមកីឡាករ-កីឡាការិនីបន្ដការខំប្រឹង ក្រោយបញ្ចប់ជើងឯកថ្នាក់ជាតិ

សហព័ន្ធកីឡាទោចក្រយាននឹងដំឡើងប្រាក់រង្វាន់ជ័យលាភីជើងឯកថ្នាក់ជាតិឆ្នាំនេះ

អ្នកគាំទ្របារាំងក្រៀមក្រំ ខណៈមានការប៉ះទង្គិចនៅទីក្រុង Lyon

Lionel Messi ឈ្នះពានកីឡាករឆ្នើមប្រចាំព្រឹត្តិការណ៍ ខណៈ Kylian Mbappe ឈ្នះស្បែកជើងមាស

អ្នកគាំទ្រអាហ្សង់ទីនអបអរជ័យជំនះជើងឯក World Cup គ្រប់ទិសទីជុំវិញពិភពលោក

Messi ថានឹងបន្តលេងឱ្យអាហ្សង់ទីនមិនទាន់ចូលនិវត្តន៍ឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Burn X Flash ​ត្រៀមខ្លួន​ជាស្រេច ដើម្បី​ចូលរួម​ប្រកួត​កីឡា​អេឡិចត្រូនិក​កម្រិត​ពិភពលោក​ M4

លោក Gareth Southgate នឹង​បន្ត​ដឹកនាំ​អង់គ្លេស​ដល់​ឆ្នាំ​២០២៤

Karim Benzema ប្រកាស​ចូលនិវត្តន៍​ពី​ក្រុម​ជម្រើសជាតិ​បារាំង​ក្នុង​ថ្ងៃកំណើត​របស់ខ្លួន

ប្រធាន​សហព័ន្ធ​បាល់ឱប​ជំរុញ​ក្រុម​កីឡាករ​-​កីឡាការិនី​បន្ដ​ការ​ខំប្រឹង ក្រោយ​បញ្ចប់​ជើងឯក​ថ្នាក់ជាតិ​

សហព័ន្ធ​កីឡា​ទោចក្រយាន​នឹង​ដំឡើង​ប្រាក់រង្វាន់​ជ័យលាភី​ជើងឯក​ថ្នាក់ជាតិ​ឆ្នាំនេះ

អ្នកគាំទ្រ​បារាំង​ក្រៀមក្រំ ខណៈ​មានការ​ប៉ះទង្គិច​នៅ​ទីក្រុង Lyon

Lionel Messi ឈ្នះ​ពាន​កីឡាករ​ឆ្នើម​ប្រចាំ​ព្រឹត្តិការណ៍ ខណៈ​ Kylian Mbappe ឈ្នះ​ស្បែកជើង​មាស

អ្នកគាំទ្រ​អា​ហ្ស​ង់​ទីន​អបអរ​ជ័យជំនះ​ជើងឯក World Cup គ្រប់ទិសទី​ជុំវិញ​ពិភពលោក

Messi ថា​នឹង​បន្ត​លេង​ឱ្យ​អា​ហ្ស​ង់​ទីន​មិនទាន់​ចូលនិវត្តន៍​ឡើយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Burn X Flash ត្រៀមខ្លួនជាស្រេច ដើម្បីចូលរួមប្រកួតកីឡាអេឡិចត្រូនិកកម្រិតពិភពលោក M4

លោក Gareth Southgate នឹងបន្តដឹកនាំអង់គ្លេសដល់ឆ្នាំ២០២៤

Karim Benzema ប្រកាសចូលនិវត្តន៍ពីក្រុមជម្រើសជាតិបារាំងក្នុងថ្ងៃកំណើតរបស់ខ្លួន

ប្រធានសហព័ន្ធបាល់ឱបជំរុញក្រុមកីឡាករ-កីឡាការិនីបន្ដការខំប្រឹង ក្រោយបញ្ចប់ជើងឯកថ្នាក់ជាតិ

សហព័ន្ធកីឡាទោចក្រយាននឹងដំឡើងប្រាក់រង្វាន់ជ័យលាភីជើងឯកថ្នាក់ជាតិឆ្នាំនេះ

អ្នកគាំទ្របារាំងក្រៀមក្រំ ខណៈមានការប៉ះទង្គិចនៅទីក្រុង Lyon

Lionel Messi ឈ្នះពានកីឡាករឆ្នើមប្រចាំព្រឹត្តិការណ៍ ខណៈ Kylian Mbappe ឈ្នះស្បែកជើងមាស

អ្នកគាំទ្រអាហ្សង់ទីនអបអរជ័យជំនះជើងឯក World Cup គ្រប់ទិសទីជុំវិញពិភពលោក

Messi ថានឹងបន្តលេងឱ្យអាហ្សង់ទីនមិនទាន់ចូលនិវត្តន៍ឡើយ