BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ជំនាញការកីឡាលើកទម្ងន់អន្ដរជាតិស្វាគមន៍ស្រាយចម្ងល់ និងការចែករំលែកចំណេះដឹងដល់គ្រូកម្ពុជា

លើកទម្ងន់៖ លោក Aveenash Pandoo អ្នកជំនាញអន្ដរជាតិមកពីសហព័ន្ធកីឡាលើកទម្ងន់ពិភពលោក បានបង្ហាញសេចក្ដីសោមនស្សរីករាយក្នុងការស្រាយចម្ងល់ ក៏ដូចជាការចែករំលែកចំណេះដឹងដល់គ្រូបង្វឹកកម្ពុជា រាល់ពេលមានចម្ងល់ផ្សេងៗ។ ការបើកភ្លើងខៀវពីជំនាញការអន្ដរជាតិនេះ ក្រោយវគ្គបណ្ដុះបណ្ដាលគ្រូបង្វឹកកីឡាលើកទម្ងន់ថ្នាក់ជាតិ ក្រោមគម្រោងសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា(NOCC) បានបញ្ចប់ដោយជោគជ័យ បន្ទាប់ពីដំណើរការអស់រយៈពេល ៥ថ្ងៃកាលពីចុងសប្ដាហ៍កន្លងទៅ ដោយមានសិក្ខាកាម ២៧នាក់ចូលរួមនៅទីស្នាក់ការគណៈកម្មាធិការជាតិអូឡាំពិកកម្ពុជា។ បុរសជនជាតិម៉ូរីសរូបនេះបានសម្ដែងនូវសេចក្ដីរីករាយជាខ្លាំង ដែលបានមកធ្វើការ ក៏ដូចជាចែករំលែកចំណេះដឹងដល់សិក្ខាកាម ដែលជាគ្រូបង្វឹកកីឡាលើកទម្ងន់របស់កម្ពុជា ហើយលោកសង្ឃឹមថា ការណ៍នេះគឺជាការរួមចំណែកមួយ ដើម្បីអភិវឌ្ឍន៍វិស័យកីឡាលើកទម្ងន់កម្ពុជា។ ប៉ុន្ដែលោកថា បើសិក្ខាកាមចូលរួមវគ្គនេះនៅមានចម្ងល់នានា លោករីករាយក្នុងការឆ្លើយតប និងចែករំលែកនូវចំណេះដឹងថ្មីៗ ទោះតាមរយៈអនឡាញក៏ដោយ។ឆ្លៀតឱកាសនោះដែរ លោក សំ សុខយី អគ្គលេខាធិការសហព័ន្ធកីឡាលើកទម្ងន់កម្ពុជា បានជំរុញសិក្ខាកាមជាគ្រូបង្វឹកកីឡាលើកទម្ងន់ទាំងអស់ ត្រូវរក្សាទំនាក់ទំនងល្អជាមួយអ្នកជំនាញអន្ដរជាតិ ដើម្បីទទួលបាននូវចំណេះដឹងថ្មីៗ ក៏ដូចជាស្វែងយល់បន្ថែមពីចំណុចខ្វះខាត។ ហេតុនេះសហព័ន្ធលើកទឹកចិត្តឲ្យសិក្ខាកាមដែលនៅមានចម្ងល់ ឬមិនទាន់ច្បាស់នូវចំណុចណាគឺអាចសួរនាំបន្ថែមផ្ទាល់ទៅលោក Aveenash Pandoo ដើម្បីអភិវឌ្ឍន៍សមត្ថភាព និងចំណេះដឹងបន្ថែមឆ្ពោះទៅរកកម្រិតខ្ពស់ សម្រាប់ការងារបណ្ដុះបណ្ដាលកាន់តែមានប្រសិទ្ធភាព ពិសេសការរួមចំណែកផលិតធនធានត្រៀមការប្រកួតកីឡាស៊ីហ្គេមឆ្នាំ២០២៣ ខាងមុខនៅកម្ពុជា។ជាមួយគ្នាលោក ប៊ុយ សុភ័ណ្ឌ ទីប្រឹក្សា NOCC បានសម្ដែងការសាទរចំពោះការបញ្ចប់វគ្គសាមគ្គីអូឡាំពិក ស្ដីពីការបណ្ដុះបណ្ដាលគ្រូបង្វឹកកីឡាលើកទម្ងន់ដោយជោគជ័យ។ លោកសង្ឃឹមថា បន្ទាប់ពីចប់វគ្គនេះ សិក្ខាកាមជាគ្រូបង្វឹកទាំងអស់នឹងនាំយកចំណេះដឹងទៅប្រើប្រាស់ប្រកបដោយប្រសិទ្ធភាពខ្ពស់ ក្នុងការបណ្ដុះបណ្ដាលធនធានកីឡាករ-កីឡាការិនី ក៏ដូចជាវិស័យកីឡាលើកទម្ងន់កម្ពុជាឲ្យកាន់តែរីកចម្រើនបន្ថែមទៀត៕អត្ថបទ៖ លី ឈុនឡា

កាតារៀបចំពិធីដង្ហែពាន World Cup របស់អាហ្សង់ទីនទាំងយប់នៅទីក្រុងដូហា

បាល់ទាត់៖ ក្រុមជើងឯកពិភពលោកអាហ្សង់ទីន បានចូលរួមក្នុងពិធីដង្ហែពានជើងឯក FIFA World Cup របស់ខ្លួន ប៉ុន្មានម៉ោងប៉ុណ្ណោះបន្ទាប់ពីបញ្ចប់ការប្រកួតវគ្គផ្តាច់ព្រ័ត្រ។ ទាំងយប់អាធ្រាត្រឈានចូលថ្ងៃចន្ទទៅហើយ ជាលើកដំបូងដែលមានពិធីដង្ហែពាននៅខាងក្រៅកីឡដ្ឋានរបស់ប្រទេសម្ចាស់ផ្ទះនៅមហាវិថី Lusail ក្បែរកីឡដ្ឋាន និងជាការអបអរក្នុងឱកាសថ្ងៃបុណ្យជាតិរបស់កាតា។ អាហ្សង់ទីនបានគ្រងជើងឯកពិភពលោកដោយយកឈ្នះក្រុមការពារជើងឯកបារាំង ៤-២ នៅវគ្គ ១១ម៉ែត្រកាត់សេចក្តី បន្ទាប់ពីបញ្ចប់ការប្រកួត ១២០នាទីស្មើគ្នា ៣-៣ មិនគួរឱ្យជឿ។ អ្នកចាំទីអាហ្សង់ទីន Emiliano Martinez សង្គ្រោះបាល់ ១១ម៉ែត្ររបស់ Kingley Coman ខណៈដែល Aurelien Tchouameni ស៊ុតខុសទីធ្វើឱ្យអាហ្សង់ទីនឈ្នះពាន World Cup លើកទី៣ និងជាលើកដំបូងតាំងពីឆ្នាំ១៩៨៦។ ក្រុមអាហ្សង់ទីននឹងចាកចេញពីទឹកដីកាតានៅថ្ងៃចន្ទនេះទៅកាន់ទីក្រុង Buenos Aires ប្រទេសអាហ្សង់ទីន ខណៈការអបអរសាទរនឹងបន្តមាននៅប្រទេសកំណើត៕អត្ថបទ៖នាង សុភាវុធ

អាហ្សង់ទីនគ្រងជើងឯកពិភពលោកលើកទី៣ និងជាលើកដំបូងសម្រាប់ Messi

បាល់ទាត់៖ ក្រុមជម្រើសជាតិអាហ្សង់ទីនទីបំផុតបានក្លាយជាជើងឯកពិភពលោក FIFA World Cup 2022 នៅកាតាបន្ទាប់ពីយកឈ្នះក្រុមការពារជើងឯកបារាំងដោយបាល់ ១១ម៉ែត្រកាត់សេចក្តី។ អាចនិយាយបានថា ជាការប្រកួតវគ្គផ្តាច់ព្រ័ត្រដ៏អស្ចារ្យបំផុតក្នុងប្រវត្តិសាស្ត្របាល់ទាត់ពិភពលោក តាមរយៈការ ប្រយុទ្ធដោយពីក្រុមទាំងពីរ និងជាពិសេសដោយតារាបាល់ទាត់កំពូលរបស់ PSG ទាំងពីរនាក់ Lionel Messi និង Kylian Mbappe។ ចាប់ផ្តើមដំបូងអាហ្សង់ទីនជាក្រុមមានប្រៀប និងរកបានគ្រាប់នាំមុខមុនពីរគ្រាប់ដោយ Lionel Messi និង Angel Di Maria។ ក្រុមបារាំងហាក់បាត់បង់ម្ចាស់ការនៅក្នុងវគ្គទី១ នេះមុនពេលដែលប្រព័ន្ធលេងត្រូវបានកែប្រែវិញនៅវគ្គទី២ តាមរយៈការផ្លាស់ប្តូរកីឡាករពីរនាក់ចូលនៅចុងវគ្គទី១ រួមមាន Marcus Thuram និង Randal Kolo Muani។ អាហ្សង់ទីននៅខ្វះតែ ១០នាទីទៀតនឹងក្លាយជាជើងឯកទៅហើយតែមិត្តរួមក្រុម Messi នៅ PSG, Kylian Mbappe រកបានពីរគ្រាប់ក្នុងរយៈពេល ៣នាទីដោយបាល់ ១១ម៉ែត្រមួយគ្រាប់ និងការស៊ុតកាប់ចានដ៏អស្ចារ្យនាំឱ្យក្រុមទាំងពីរបន្តដំណើរទៅម៉ោងបន្ថែមកាត់សេចក្តី។ ប្រយុទ្ធមិនឈប់ឡើយ Lionel Messi ក៏ស៊ុតគ្រាប់នាំមុខសាជាថ្មីឱ្យអាហ្សង់ទីននៅនាទីទី១០៨ តែជាថ្មីម្តងទៀត Mbappe ក៏ស៊ុតតាមស្មើវិញដោយបាល់ ១១ម៉ែត្រ និងជាគ្រាប់ទី៣ របស់ខ្លួនក្លាយជាកីឡាករដំបូងរកបាន Hat-Trick នៅវគ្គផ្តាច់ព្រ័ត្ររាប់ពីឆ្នាំ១៩៦៦។ បីគ្រាប់ម្នាក់ឯងជួយសង្គ្រោះបារាំងបានទៅវគ្គ ១១ម៉ែត្រកាត់សេចក្តី Mbappe ក៏ជាអ្នកស៊ុត ១១ម៉ែត្រមុនគេបានសម្រេចទៀតតែមិត្តរួមក្រុមពីរនាក់រួមមាន Kingsley Coman និង Aurelian Tchouameni ស៊ុតមិនបានសំរេចដោយជួយសង្គ្រោះដោយអ្នកចាំទី Aston Villa, Emiliano Martinez មួយគ្រាប់ និងខុសទីមួយគ្រាប់ មុនពេលដែល Gonzalo Montiel ជាអ្នកស៊ុតគ្រាប់ចុងក្រោយឱ្យអាហ្សង់ទីនយកឈ្នះបារាំង ៤-២ ដោយបាល់ ១១ម៉ែត្រ។ ការប្រកួតបញ្ចប់ទៅដោយ Lionel Messi ទីបំផុតបានសម្រេចគោលបំណងឈ្នះជើងឯក World Cup របស់ខ្លួនដែលចាត់ទុកជាការបង្ហាញខ្លួនចុងក្រោយក្នុងព្រឹត្តិការណ៍។ រំលឹកដែរថា នេះជាជើងឯកលើកទី៣ ក្នុងចំណោមការឈានឡើងវគ្គផ្តាច់ព្រ័ត្រ ៦លើកសម្រាប់អាហ្សង់ទីន តែជាលើកដំបូងរាប់ពីការឈ្នះពីរលើកចុងក្រោយនៅឆ្នាំ១៩៧៨ និង ១៩៨៦៕អត្ថបទ៖នាង សុភាវុធ

កម្ពុជាបង្កើតកំណត់ត្រាថ្មីក្នុងព្រឹត្តិការណ៍អន្តរជាតិ ក្រោយឈ្នះមេដាយចំបាប់ជើងឯកអាស៊ាន ១៩គ្រឿង

ចំបាប់៖ ក្រុមកីឡាចំបាប់កម្ពុជាបានបង្កើតកំណត់ត្រាថ្មី ក្រោយដណ្ដើមបានមេដាយដ៏ច្រើនក្នុងការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២២ រហូត ១៩គ្រឿង។ នេះបើតាមការបញ្ជាក់របស់លោក ខេស៊ី បាណេត អនុប្រធានសហព័ន្ធកីឡាចំបាប់កម្ពុជា និងជាប្រធានសហព័ន្ធកីឡាចំបាប់អាស៊ីអាគ្នេយ៍ ក្រោយព្រឹត្តិការណ៍ប្រចាំតំបន់នេះបានបញ្ចប់ការប្រកួតដោយរលូន បន្ទាប់ពីដំណើរការប្រកួត ៣ថ្ងៃពេញកាលពីថ្ងៃទី១៦ ដល់ថ្ងៃទី១៨ ខែធ្នូចុងសប្ដាហ៍កន្លងទៅ។ គួរដឹងថា ការប្រកួតចំបាប់ជើងឯកអាស៊ាននេះមានប្រតិភូ និងអត្តពលិកចូលរួមជិត ២០០នាក់ចូលរួម ក្នុងនោះមានកីឡាករ-កីឡាការិនីក្នុងតំបន់ចូលរួមចំនួន ៧ប្រទេសរួមមានម្ចាស់ផ្ទះកម្ពុជា ឥណ្ឌូនេស៊ី វៀតណាម ថៃ សិង្ហបុរី ឡាវ និងហ្វីលីពីន។ ជាលទ្ធផលម្ចាស់ផ្ទះកម្ពុជាឈរលេខ៣ ក្នុងតារាងមេដាយ ដោយដណ្ដើមបានមេដាយសរុប ១៩គ្រឿង (មាស ៣ ប្រាក់ ៣ និងសំរឹទ្ធ ១៣) គ្រាដែលវៀតណាមឈរកំពូលតារាងឈ្នះមេដាយសរុប ៣០គ្រឿង (មាស ១៨ ប្រាក់ ១១ និងសំរឹទ្ធ ១)។ លោក ខេស៊ី បាណេត បានលើកឡើងថា នេះជាលើកដំបូងក្នុងប្រវត្តិសាស្ដ្ររបស់សហព័ន្ធ ដែលកីឡាចំបាប់កម្ពុជាដណ្ដើមបានមេដាយដ៏ច្រើនក្នុងការប្រកួតអន្ដរជាតិ ជាក់ស្ដែងកាលពីស៊ីហ្គេមឆ្នាំ២០១៣ នៅមីយ៉ាន់ម៉ា គឺកម្ពុជាដណ្ដើមបានមេដាយសរុប ១០គ្រឿង ខណៈស៊ីហ្គេមចុងក្រោយនៅវៀតណាមគឺឈ្នះមេដាយត្រឹម ៦គ្រឿងប៉ុណ្ណោះ។ តាមរយៈនេះគឺជាសញ្ញាណមួយដ៏ល្អ សម្រាប់កីឡាចំបាប់កម្ពុជាក្នុងដំណើរឆ្ពោះទៅព្រឹត្តិការណ៍ប្រវត្តិសាស្ដ្រស៊ីហ្គេមនាឆ្នាំ២០២៣ ខាងមុខ។គួរដឹងថា ការប្រកួតកីឡាចំបាប់ជើងឯកអាស៊ីអាគ្នេយ៍នេះ ត្រូវបានចាត់ទុកជាការប្រកួតមុនព្រឹត្តិការណ៍ស៊ីហ្គេម ឬ Pre-SEA Games ដើម្បីពង្រឹងសមត្ថភាពរបស់សហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣ ទាំងធនធានមន្ដ្រីបច្ចេកទេស អាជ្ញាកណ្ដាល-ចៅក្រម និងកីឡាករ-កីឡាការិនី ពិសេសបទពិសោធន៍ធ្វើម្ចាស់ផ្ទះការប្រកួតលក្ខណៈអន្ដរជាតិ ដើម្បីធានាបាននូវជោគជ័យក្នុងនាមម្ចាស់ផ្ទះព្រឹត្តិការណ៍ប្រវត្តិសាស្ដ្រលើកដំបូងនាឆ្នាំក្រោយ បន្ទាប់ពីកម្ពុជារង់ចាំអស់រយៈពេល ៦៤ឆ្នាំ៕អត្ថបទ៖ លី ឈុនឡា

កម្ពុជានឹងមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង

កីឡាអេឡិចត្រូនិក៖ កីឡាអេឡិចត្រូនិកកម្ពុជានឹងមានមជ្ឈមណ្ឌលអន្ដរជាតិលើកដំបូង ដើម្បីជំរុញការអភិវឌ្ឍន៍វិស័យកីឡាមួយនេះឲ្យកាន់តែរីកចម្រើនបន្ថែមទៀត។ នេះបើតាមការបញ្ជាក់របស់ថ្នាក់ដឹកនាំសហព័ន្ធកីឡាអេឡិចត្រូនិកកម្ពុជា និងក្រុមហ៊ុន T.Y Media បន្ទាប់ពីភាគីទាំងពីរបានចុះអនុស្សារណៈនៃការយោគយល់គ្នា (MOU) នៅទីស្ដីការក្រសួងព័ត៌មានកាលពីថ្ងៃទី១៨ ខែធ្នូ ឆ្នាំ២០២២ ម្សិលមិញ។ លោក ធី វ៉ាយ អគ្គនាយកក្រុមហ៊ុន T.Y Media បានសម្ដែងសេចក្ដីរីករាយជាខ្លាំងដែលបានក្លាយជាដៃគូសហការ និងរួមចំណែកអភិវឌ្ឍន៍ផ្លូវការជាមួយសហព័ន្ធ។ ក្នុងនាមក្រុមហ៊ុនរៀបចំ និងគ្រប់គ្រងព្រឹត្តិការណ៍កីឡាអេឡិចត្រូនិកនៅកម្ពុជា លោកបានប្ដេជ្ញានឹងខិតខំបង្កើនការអភិវឌ្ឍន៍កីឡាមួយនេះ ឲ្យកាន់តែមានសក្ដានុពលខ្លាំងក្លាបន្ថែមទៀត ក្នុងកម្រិតជាតិ និងតំបន់ ពិសេសការត្រៀមធ្វើម្ចាស់ផ្ទះស៊ីហ្គេមឆ្នាំ២០២៣។ អ្វីដែលពិសេសគឺនៅឆ្នាំ២០២៣ ខាងមុខ លោកនឹងបង្កើតមជ្ឈមណ្ឌល T.Y Media E-Sport Center សម្រាប់រៀបចំការប្រកួតកីឡាអេឡិចត្រូនិកគ្រប់វិញ្ញាសាទាំងអស់ ទាំងថ្នាក់ជាតិ និងថ្នាក់អន្តរជាតិ ព្រមទាំងរៀបចំកន្លែងបណ្តុះបណ្តាលកីឡាករ-កីឡាការិនីកម្ពុជាក្រោមកិច្ចសហការជាមួយសហព័ន្ធដោយប្រើកម្មវិធី System Training Sibo ពីអន្តរជាតិឲ្យមានសមត្ថភាពកាន់តែខ្លាំងក្នុងការចូលរួមប្រកួតលើឆាកអន្តរជាតិ ដើម្បីដណ្តើមមេដាយជូនជាតិមាតុភូមិទៀតផង។ជាមួយកិច្ចសហការ និងការតាំងចិត្តរបស់ក្រុមហ៊ុនដៃគូនេះដែរ ឯកឧត្តម ជា ច័ន្ទបរិបូរណ៍ រដ្ឋលេខាធិការក្រសួងព័ត៌មាន និងជាប្រធានសហព័ន្ធកីឡាអេឡិចត្រូនិកកម្ពុជា (EFC) បានបង្ហាញការគាំទ្រពេញទំហឹង ចំពោះចក្ខុវិស័យដ៏ច្បាស់លាស់របស់ក្រុមហ៊ុនដៃគូ ពិសេសគម្រោងបង្កើតមជ្ឈមណ្ឌល E-Sport Center ព្រោះជាការរួមចំណែកដ៏ធំជាមួយសហព័ន្ធ ដ្បិតកន្លងមករាល់ការប្រកួតនានាដែលរៀបចំដោយសហព័ន្ធ តែងធ្វើនៅកន្លែងផ្សេងៗ។ ឯកឧត្តមបន្ដថា នេះគឺជាលើកដំបូងហើយ ដែលកម្ពុជាមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង ដែលជាចក្ខុវិស័យ ជាមូលដ្ឋានគ្រឹះ និងជាផ្លូវមួយ សម្រាប់ឲ្យវិស័យកីឡា E-Sports របស់កម្ពុជាដើរឲ្យលឿនទាន់បណ្ដាប្រទេសក្នុងតំបន់ និងពិភពលោក៕អត្ថបទ៖ លី ឈុនឡា

កម្ពុជាដណ្តើមបានមេដាយមាស ប្រាក់ និងសំរឹទ្ធ ពីការប្រកួតប្រដាល់ឃីកបុកស៊ីងជើងឯកអាស៊ី២០២២

បាងកក៖ អត្តពលិកប្រដាល់ឃីកបុកស៊ីងកម្ពុជា បានបញ្ចប់បេសកកម្មប្រកួតប្រដាល់ឃីកបុកស៊ីងអាស៊ី ២០២២ ហើយនៅថ្ងៃទី១៨ ខែធ្នូនេះ ដោយដណ្តើមបានមេដាយ ១២គ្រឿង ក្នុងនោះ មាស ០២គ្រឿង ប្រាក់ ០៥គ្រឿង និងសំរឹទ្ធ ០៥គ្រឿង បន្ទាប់ពីបានចូលរួមព្រឹត្តិការណ៍ប្រដាល់ដ៏ធំប្រចាំតំបន់អាស៊ីនេះ តាំងពីថ្ងៃទី១០ ខែធ្នូ ឆ្នាំ២០២២កន្លងទៅនេះ។កីឡាករ ឃួន ឡាំងកូស៊ីន ក្លាយជាកីឡាករទី២របស់កម្ពុជា ដែលដណ្តើមបានមេដាយមាសជូនជាតិពីការប្រកួតជើងឯកអាស៊ី ២០២២ ថ្ងៃទី១៨ ខៃធ្នូនេះ ក្រោយយកឈ្នះកីឡាករប្រទេសកាហ្សាក់ស្ថាន Duisenov Dulat ដោយពិន្ទុ ក្នុងវិញ្ញាសា Low Kick ប្រភេទទំងន់-៥៧គីឡូក្រាម។ ចំណែកមេដាយមាសទី១របស់កម្ពុជា ធ្វើបានសម្រេចដោយកីឡាករ សុខ រិទ្ធ កាលពីថ្ងៃទី១៧ ខែធ្នូ ក្រោយយកឈ្នះកីឡាករ Muboev Sherali មកពីប្រទេសអ៊ូសបេគីស្ថាន ដោយពិន្ទុ។ ចំណែកមេដាយប្រាក់ ០៥គ្រឿង ធ្វើបានដោយកីឡាករ ឈឿង ល្វៃ ទិត សោភ័ណ្ឌ ទូច រ៉ាឆាន់ (បឺត សង្ឃឹម) ប៊ន ពន្លឹក និងកីឡាករ សៃនី សៃណេត។ ដោយឡែកកីឡាករ កីឡាការិនីដែលដណ្តើមបានមេដាយសំរឹទ្ធមាន កីឡាការិនី លី លីសាន កីឡាករ វន គឹមចេង សាន រ៉ាគីម ម៉េត បូរិន្ទ និងកីឡាករ ភ័ណ្ឌ ចន្ធី (ហៅកូនខ្លា)។ សូមជម្រាបជូនថា សហព័ន្ធកីឡាឃីកបុកស៊ីងកម្ពុជាបានបញ្ជួនកីឡាការិនី ០៣រូប កីឡាករ ១៤រូប រួមជាមួយប្រតិភូ គ្រូបង្វឹក គ្រូជំនួយ មន្ត្រីបច្ចេកទេស និងក្រុមគ្រូពេទ្យ១១នាក់ ដែលដឹកនាំដោយឯកឧត្តម ហេង សុខឃន ប្រធានសហព័ន្ធ ចូលរួមប្រកួតប្រដាល់ឃីកបុកស៊ីងជើងឯកអាស៊ី ២០២២ នៅទីក្រុងបាងកក ប្រទេសថៃ ពីថ្ងៃទី១០ ដល់ថ្ងៃទី១៨ ខែធ្នូ ឆ្នាំ២០២២ ដោយមាន១៨ប្រទេសក្នុងទ្វីបអាស៊ីចូលរួម៕

Lusail កីឡដ្ឋានសម្រាប់ការប្រកួតវគ្គផ្តាច់ព្រ័ត្រ World Cup

បាល់ទាត់៖ កីឡដ្ឋានដែលផ្ទុកទស្សនិកជនបាន ៨០,០០០នាក់ Lusail Stadium នឹងជាកន្លែងសម្រាប់ទទួលការប្រកួតវគ្គផ្តាច់ព្រ័ត្រ FIFA World Cup 2022 រវាងអាហ្សង់ទីន និងបារាំងនៅថ្ងៃអាទិត្យចុងសប្តាហ៍នេះ។ ការប្រកួតនៅថ្ងៃអាទិត្យនេះនឹងជាការប្រកួតទី៥ របស់អាហ្សង់ទីននៅកីឡដ្ឋានមួយនេះ តែបារាំងនឹងជាការប្រកួតលើកដំបូង។ កីឡដ្ឋានមួយនេះជាកន្លែងដែលអារ៉ាប៊ីសាអ៊ូឌីតយកឈ្នះអាហ្សង់ទីន ២-១ មុនពេលដែលអាហ្សង់ទីនយកឈ្នះម៉ិកស៊ិក ហូឡង់ និងក្រូអាស៊ីដើម្បីឡើងមកកាន់វគ្គផ្តាច់ព្រ័ត្រ។ កីឡដ្ឋានមួយនេះត្រូវបានរចនាម៉ូតដោយជនជាតិអង់គ្លេស ដែលធ្វើឡើងសម្រាប់តែការប្រកួត World Cup នេះ។ មានទីតាំងចម្ងាយ ២០គីឡូម៉ែត្រពីប្រជុំជនទីក្រុងដូហា ទទួលការប្រកួតចំនួន ៦ប្រកួតក្នុងពូល។រូបរាងចានរបស់ពហុកីឡាដ្ឋាន និងការរចនាដ៏ប្រណិត ចំពោះគំនូរតុបតែងដែលមាននៅលើចាននៅទូទាំងពិភពអារ៉ាប់។ ការប្រកួតនៅថ្ងៃអាទិត្យចាប់ផ្តើមនៅម៉ោង ១៨ម៉ោងក្នុងស្រុកត្រូវនឹងម៉ោង ២២ម៉ោងនៅកម្ពុជា៕អត្ថបទ៖នាង សុភាវុធ

អាជ្ញាកណ្តាលសញ្ជាតិប៉ូឡូញ Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup

បាល់ទាត់៖ អាជ្ញាកណ្តាលសញ្ជាតិប៉ូឡូញលោក Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup រវាងអាហ្សង់ទីន និងបារាំងថ្ងៃអាទិត្យនេះ នេះបើតាមការឱ្យពីសហព័ន្ធបាល់ទាត់ប៉ូឡូញ។ បុរសវ័យ ៤១ឆ្នាំរូបនេះនឹងក្លាយជាអាជ្ញាកណ្តាលសញ្ជាតិប៉ូឡូញទី១ ដែលដឹកនាំការប្រកួតវគ្គផ្តាច់ព្រ័ត្រ និងចាប់ផ្តើមដឹកនាំការប្រកួតនៅ World Cup ដំបូងនៅឆ្នាំ២០១៨ លើទឹកដីរុស្ស៊ីបួនឆ្នាំមុន។ លោក Szymon នឹងមានជំនួយការអាជ្ញាកណ្តាលពីរនាក់ជាជនជាតិប៉ូឡូញដែរគឺលោក Pawel Sokolnicki និង Tomasz Listkiewicz។ ចំណែកការប្រកួតដណ្តើមចំណាត់ថ្នាក់លេខ៣ អាជ្ញាកណ្តាលដឹកនាំជនជាតិកាតាលោក Abdulrahman Al Jassim រវាងការប្រកួតរបស់ក្រូអាស៊ី និងម៉ារ៉ុកនៅកីឡដ្ឋាន Khalifa International Stadium នៅថ្ងៃសៅរ៍ស្អែកនេះ៕អត្ថបទ៖នាង សុភាវុធ

គ្រូបង្វឹកព័រទុយហ្កាល់ Fernando Santos ចាកចេញពីតំណែងក្រោយខកចិត្តនៅ World Cup

បាល់ទាត់៖ គ្រូបង្វឹកក្រុមជម្រើសជាតិព័រទុយហ្កាល់លោក Fernando Santos បានសំរេចលាលែងពីតំណែងហើយ ក្រោយដឹកនាំក្រុមមិនបានល្អនៅ World Cup។ បុរសវ័យ ៦៨ឆ្នាំរូបនេះចាកចេញ បន្ទាប់ពីព័រទុយហ្កាល់ចាញ់ក្រោមស្នាដៃម៉ារ៉ុកនៅវគ្គ ៨ក្រុមចុងក្រោយ។ លោក Fernando Santos បានចំណាយពេល ៨ឆ្នាំដឹកនាំព័រទុយហ្កាល់ដោយបានជួយក្រុមឈ្នះជើងឯកអឺរ៉ុបឆ្នាំ ២០១៦ ក៏ដូចជាពាន UEFA Nations League ក្នុងឆ្នាំដំបូងនៃការបង្កើតឡើង។ យ៉ាងណាក្តីប្រកួតចុងក្រោយក្រោមការដឹកនាំរបស់លោក Santos ពេញដោយការស្តីបន្ទោសពីការទំលាក់ Cristiano Ronaldo ឱ្យបម្រុង។ លោក Santos បានសម្រេចឱ្យកីឡាករវ័យ ៣៧ឆ្នាំរូបនេះបម្រុងពេលយកឈ្នះស្វ៊ីស ៦-១ បន្ទាប់ពីកាយវិការមិនសមរម្យពេលផ្លាស់ចេញ នៅពេលព័រទុយហ្កាល់ចាញ់កូរ៉េប្រកួតចុងក្រោយក្នុងពូល។ជំនួបទល់នឹងស្វ៊ីសអ្នកមកជំនួស Ronaldo គឺខ្សែប្រយុទ្ធ Benfica, Goncalo Ramos ដែលចូលមករកបានបីគ្រាប់ម្នាក់ឯងតែម្តង ដែលធ្វើឱ្យលោក Santos សម្រេចដាក់ឱ្យជាជម្រើសដំបូងទៀតពេលចាញ់ម៉ារ៉ុក និងទម្លាក់ Ronaldo ដដែល។ ព័រទុយហ្កាល់បានចេញសេចក្តីថ្លែងអំនរគុណចំពោះការលះបង់របស់លោក Fernando Santos កន្លងមក ដែលធ្វើឱ្យកីឡាករ និងប្រជាជនព័រទុយហ្កាល់សប្បាយរីករាយក្នុងរយៈពេល ៨ឆ្នាំនេះ។ ព័រទុយហ្កាល់នឹងប្រកាសឈ្មោះអ្នកចាត់ការថ្មីនៅសប្តាហ៍ក្រោយ ស្របពេលព័រទុយហ្កាល់ត្រៀមលក្ខណៈសម្រាប់ការប្រកួតជម្រុះ Euro 2024៕អត្ថបទ៖នាង សុភាវុធ

អ្នកគាំទ្រនៅស្រុកកំណើត Messi សង្ឃឹមថា អាហ្សង់ទីនត្រលប់មកវិញជាមួយពាន World Cup

បាល់ទាត់៖ ប្រជាជនរស់នៅទីក្រុង Rosario ដែលជាស្រុកកំណើតរបស់ Lionel Messi មានក្តីសង្ឃឹមខ្ពស់ថា Messi នឹងវិលត្រលប់មកប្រទេសកំណើតវិញជាមួយនឹងពានបាល់ទាត់ពិភពលោក។ បុរសវ័យ ២៣ឆ្នាំឈ្មោះថា Niv Resnik ដែលជាអ្នកទេសចរអ៊ីស្រាអែលបាននិយាយថា រូបគេជាអ្នកគាំទ្រ Barcelona និង Messi តាំងពីតូច ហើយការមកធ្វើដំណើរទេសចរនៅប្រទេសអាហ្សង់ទីន គឺដើម្បីមកទស្សនាទឹកដីកំណើតរបស់ Messi និងសង្ឃឹមថា Messi ត្រលប់មកទីនេះជាមួយនឹងពានពិភពលោក។ ទីក្រុង Rosario ដែលមានចំងាយផ្លូវ ៣០០គីឡូម៉ែត្រភាគខាងជើងរដ្ឋធានី Buenos Aires ត្រូវបានគេប្រទះឃើញរូបភាព Messi ជាច្រើនកន្លែង ជាពិសេសនៅតំបន់ La Bajada ដែលជាកន្លែងរស់នៅ និងធំធាត់របស់ Messi មុនចាកចេញទៅ Barcelona។ លោក Fernanda Quiroga វ័យ ៣៥ឆ្នាំដែលជាអតីតអ្នកជិតខាងរបស់ Messi បាននិយាយថា “ពួកយើងពិតជាមួយមានរអារម្មណ៍ភ័យព្រួយ ពួកយើងរង់ចាំ Messi មកវិញជាមួយពានរង្វាន់ នេះជាពានរង្វាន់របស់គាត់ ពួកយើងកាន់តែកៀកនឹងជើងឯក ពួកយើងសប្បាយ តែកាត់តែភ័យ”។ ចំណែកលោក Andrea Sosa វ័យ ៥៥ឆ្នាំ និងធ្លាប់ជាគ្រូបង្រៀនរបស់ Messi កាលពីតូចនិយាយថា លោកពិតជាចង់ឱ្យអាហ្សង់ទីនឈ្នះជើងឯក ជាពិសេសគឺចង់ឱ្យ Messi ឈ្នះជើងឯកដើម្បីតបស្នងការខិតខំប្រឹងប្រែងក្នុងអាជីពដ៏ជោគជ័យរបស់គាត់។ ពានអ្វីៗក៏ដោយក៏ Messi ទទួលបានរួចអស់ដែរមិនថាពានផ្ទាល់ខ្លួន ជាមួយក្លិបអាជីព គឺនៅបាំងតែ World Cup មួយទៀតប៉ុណ្ណោះអ្វីៗនឹងសម្រេចទាំងអស់។ Messi បានចូលលេងឱ្យក្រុមជម្រើសជាតិអាហ្សង់ទីននៅឆ្នាំ២០០៥ ក្នុងវ័យ ១៨ឆ្នាំបង្ហាញខ្លួនមកទល់ពេលនេះបាន ១៧២ប្រកួតរកបាន ៩៧គ្រាប់៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជំនាញការកីឡាលើកទម្ងន់អន្ដរជាតិស្វាគមន៍ស្រាយចម្ងល់ និងការចែករំលែកចំណេះដឹងដល់គ្រូកម្ពុជា

កាតារៀបចំពិធីដង្ហែពាន World Cup របស់អាហ្សង់ទីនទាំងយប់នៅទីក្រុងដូហា

អាហ្សង់ទីនគ្រងជើងឯកពិភពលោកលើកទី៣ និងជាលើកដំបូងសម្រាប់ Messi

កម្ពុជាបង្កើតកំណត់ត្រាថ្មីក្នុងព្រឹត្តិការណ៍អន្តរជាតិ ក្រោយឈ្នះមេដាយចំបាប់ជើងឯកអាស៊ាន ១៩គ្រឿង

កម្ពុជានឹងមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង

កម្ពុជាដណ្តើមបានមេដាយមាស ប្រាក់ និងសំរឹទ្ធ ពីការប្រកួតប្រដាល់ឃីកបុកស៊ីងជើងឯកអាស៊ី២០២២

Lusail កីឡដ្ឋានសម្រាប់ការប្រកួតវគ្គផ្តាច់ព្រ័ត្រ World Cup

អាជ្ញាកណ្តាលសញ្ជាតិប៉ូឡូញ Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup

គ្រូបង្វឹកព័រទុយហ្កាល់ Fernando Santos ចាកចេញពីតំណែងក្រោយខកចិត្តនៅ World Cup

អ្នកគាំទ្រនៅស្រុកកំណើត Messi សង្ឃឹមថា អាហ្សង់ទីនត្រលប់មកវិញជាមួយពាន World Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជំនាញការ​កីឡា​លើក​ទម្ងន់​អន្ដរជាតិ​ស្វាគមន៍​ស្រាយ​ចម្ងល់ និង​ការចែករំលែក​ចំណេះដឹង​ដល់​គ្រូ​កម្ពុជា​

កាតា​រៀបចំ​ពិធី​ដង្ហែ​ពាន World Cup របស់​អា​ហ្ស​ង់​ទីន​ទាំងយប់​នៅ​ទីក្រុងដូហា

អា​ហ្ស​ង់​ទីន​គ្រង​ជើងឯក​ពិភពលោក​លើក​ទី​៣ និង​ជា​លើកដំបូង​សម្រាប់ Messi

កម្ពុជា​នឹងមាន​មជ្ឈមណ្ឌល​កីឡា​អេឡិចត្រូនិក​ស្ដង់ដារ​អន្ដរជាតិ​លើកដំបូង​

កម្ពុជាដណ្តើមបានមេដាយមាស ប្រាក់ និងសំរឹទ្ធ ពីការប្រកួតប្រដាល់ឃីកបុកស៊ីងជើងឯកអាស៊ី២០២២

Lusail កីឡដ្ឋាន​សម្រាប់​ការប្រកួត​វគ្គ​ផ្តាច់ព្រ័ត្រ World Cup

អាជ្ញាកណ្តាល​សញ្ជាតិ​ប៉ូឡូញ Szymon Marciniak នឹង​ដឹកនាំ​ការប្រកួត​វគ្គ​ផ្តាច់ព្រ័ត្រ World Cup

គ្រូបង្វឹក​ព័រទុយហ្កាល់ Fernando Santos ចាក​ចេញពី​តំណែង​ក្រោយ​ខកចិត្ត​នៅ World Cup

អ្នកគាំទ្រ​នៅ​ស្រុកកំណើត Messi សង្ឃឹមថា ​អា​ហ្ស​ង់​ទីន​ត្រលប់​មកវិញ​ជាមួយ​ពាន World Cup

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជំនាញការកីឡាលើកទម្ងន់អន្ដរជាតិស្វាគមន៍ស្រាយចម្ងល់ និងការចែករំលែកចំណេះដឹងដល់គ្រូកម្ពុជា

កាតារៀបចំពិធីដង្ហែពាន World Cup របស់អាហ្សង់ទីនទាំងយប់នៅទីក្រុងដូហា

អាហ្សង់ទីនគ្រងជើងឯកពិភពលោកលើកទី៣ និងជាលើកដំបូងសម្រាប់ Messi

កម្ពុជានឹងមានមជ្ឈមណ្ឌលកីឡាអេឡិចត្រូនិកស្ដង់ដារអន្ដរជាតិលើកដំបូង

Lusail កីឡដ្ឋានសម្រាប់ការប្រកួតវគ្គផ្តាច់ព្រ័ត្រ World Cup

អាជ្ញាកណ្តាលសញ្ជាតិប៉ូឡូញ Szymon Marciniak នឹងដឹកនាំការប្រកួតវគ្គផ្តាច់ព្រ័ត្រ World Cup

គ្រូបង្វឹកព័រទុយហ្កាល់ Fernando Santos ចាកចេញពីតំណែងក្រោយខកចិត្តនៅ World Cup

អ្នកគាំទ្រនៅស្រុកកំណើត Messi សង្ឃឹមថា អាហ្សង់ទីនត្រលប់មកវិញជាមួយពាន World Cup