BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ក្រុមការពារជើងឯកបារាំងបញ្ចប់ដំណើរផ្សេងព្រេងរបស់ម៉ារ៉ុកឡើងវគ្គផ្តាច់ព្រ័ត្រជួបអាហ្សង់ទីន

បាល់ទាត់៖ ក្រុមការពារតំណែងជើងឯកបារាំង បានបញ្ចប់ដំណើរផ្សេងព្រេងរបស់ម៉ារ៉ុកក្រោយជ័យជំនះ ២-០ ដើម្បីឡើងវគ្គផ្តាច់ព្រ័ត្រ World Cup ថ្ងៃអាទិត្យនេះជួបអាហ្សង់ទីន។ ក្រុមអាហ្វ្រិកដំបូងដែលបានឡើងមកកាន់វគ្គពាក់កណ្តាលផ្តាច់ព្រ័ត្រ ចាប់ផ្តើមការប្រកួតដោយត្រូវបានបារាំងនាំមុខតាំងពីដើមទីនាទីទី៥ ដោយខ្សែការពារ Theo Hernandez។ បារាំងដែលមានបទពិសោធន៍ពេញលេញលើឆាកអន្តរជាតិ ជាពិសេសនៅ World Cup បានគ្រប់គ្រងស្ថានការណ៍ទាំងស្រុង បើទោះបីម៉ារ៉ុកព្យាយាមវាយសម្រុក និងគ្រប់គ្រងបាល់ ៦១% លើបារាំង។ ឱកាសស៊ុត ១៣លើករបស់ម៉ារ៉ុកចំគោល ៣លើកតែមិនសម្រេចឡើយ ខណៈបារាំងមានឱកាសស៊ុត ១៤លើកចំគោលដៅ ៣ និងសម្រេចទីបានមួយគ្រាប់ទៀតនៅនាទីទី៧៩ ដោយកីឡាករបម្រុង Randal Kolo Muani។បារាំងនៅពេលនេះនៅខ្វះតែមួយជំហ៊ានទៀតប៉ុណ្ណោះ ក្នុងការក្លាយជាក្រុមដំបូងដែលអាចការពារជើងឯក World Cup បានក្នុងរយៈពេល ៦០ឆ្នាំបន្ទាប់ពីប្រេស៊ីលដែលធ្វើបានពីរលើកជាប់គ្នានៅឆ្នាំ១៩៥៨ និង ១៩៦២។ វគ្គផ្តាច់ព្រ័ត្របារាំងនឹងត្រូវជួបជាមួយអាហ្សង់ទីននៅកីឡដ្ឋាន Lusail ថ្ងៃអាទិត្យនេះ និងជាជំនួបសងសឹកសម្រាប់អាហ្សង់ទីនដែលធ្លាប់ចាញ់បារាំង ៤-៣ កាលពីបួនឆ្នាំមុននៅរុស្ស៊ី៕អត្ថបទ៖នាង សុភាវុធ

កីឡាករកម្ពុជាភាគច្រើនឈ្នះ និងឡើងទៅវគ្គបន្តការប្រកួតជើងឯកឃីកបុកស៊ីងអាស៊ី២០២២

ឃីកបុកស៊ីង៖ កីឡាករ-កីឡាការិនីឃីកបុកស៊ីងកម្ពុជាបានបញ្ចប់ការប្រកួតទៅតាមវិញ្ញាសារបស់ខ្លួន និងមួយចំនួនទៀតឡើងទៅវគ្គបន្ត និងផ្តើមប្រកួតក្នុងព្រឹត្តិការណ៍ជើងឯកឃីកបុកស៊ីងអាស៊ី ២០២២ នៅទីក្រុងបាងកកប្រទេសថៃ។ ប្រធានសហព័ន្ធ ឯកឧត្តម ហេង សុខឃន បានប្រាប់ពីទីក្រុងបាងកកថា ចំពោះលទ្ធផលថ្ងៃទី១៣ និងទី១៤ ខែធ្នូនេះ កីឡាករ ឈុត សេរីវ៉ាន់ថង ចាញ់កីឡាករមកពីប្រទេសកៀហ្ស៊ីស៊ីស្ថាន, កីឡាករ សៃនី ស៊ីណេត ឈ្នះកីឡាករឥណ្ឌា, ផុន ចានី ឈ្នះកៀហ្ស៊ីស៊ីស្ថាន, លន បញ្ញា ចាញ់កីឡាករឥណ្ឌូនេស៊ី, កីឡាការិនី វីស្រី ឆាយ ចាញ់កីឡាការិនីប៉ាឡេស្ទីន, ស៊ន រ៉ាឃីម ឈ្នះកីឡាករមកពីឆាយនីសតៃប៉ិ, ឈឿង ល្វៃ ឈ្នះកីឡាករកាហ្សាក់ស្ថាន, ប៊ន ពន្លិច ឈ្នះកីឡាករឥណ្ឌូនេស៊ី, ភួន ឡាំងកូស៊ីន ឈ្នះកីឡាករឥណ្ឌា និងកីឡាការិនី នូវ ស្រីពៅ ចាញ់កីឡាការិនីឥណ្ឌូនេស៊ី។ឯកឧត្តមបន្តថា ថ្ងៃនេះកីឡាករ កីឡាការិនីកម្ពុជា ៨រូបទៀតនឹងបន្តការប្រកួតដោយក្នុងនោះកីឡាករ សាន រ៉ាឃីម ប្រកួតជាមួយកីឡាករម្ចាស់ផ្ទះថៃ ឆាលីមលាភ, កីឡាករ លី លីសាន ប្រកួតជាមួយកីឡាករគុយវ៉ែត សេហាំ សៃនី, សៃណេត ប្រកួតជាមួយ យូ តាត ហ្វៃ មកពីហុងកុង, ភណ្ឌ ចាន្ធី ប្រកួតជាមួយ សេរីកបុល មកពីកាហ្សាក់ស្ថាន, សុខ រីទ្ធ ប្រកួតជាមួយកីឡាករអ៊ីរ៉ាក់ ណាសាអ៊ីហ្វ, វន គឹមឆេង ប្រកួតជាមួយកីឡាករឥណ្ឌូនេស៊ី តូនី គ្រីស្ទាន, ទូច រ៉ាឆាន់ ប្រកួតជាមួយកីឡាករថៃ អារុននូ ស៊ីវ៉ាផាន និងកីឡាករ បូរិន ប្រកួតជាមួយកីឡាករវៀតណាម ចាន់ មិញហាវ។ សូមជម្រាបជូនថា ការប្រកួតប្រដាល់ឃីកបុកស៊ីងជើងឯកអាស៊ីនឹងបញ្ចប់នៅថ្ងៃទី១៨ ខែធ្នូចុងសប្តាហ៍នេះ៕ អត្ថបទ៖ គង់ ហួន

ក្រុម Impunity KH នាំមកនូវក្ដីសង្ឃឹមសម្រាប់ស៊ីហ្គេម ក្រោយឈ្នះមេដាយសំរឹទ្ធពិភពលោក

អេឡិចត្រូនិក៖ ក្រុមកីឡាអេឡិចត្រូនិកកម្ពុជា Impunity KH បានក្លាយជាក្ដីសង្ឃឹមថ្មីមួយសម្រាប់សហព័ន្ធក្នុងដំណើរឆ្ពោះទៅស៊ីហ្គេមឆ្នាំ២០២៣ បន្ទាប់ពីពួកគេបានបើកទំព័រប្រវត្តិសាស្ដ្រដណ្ដើមបានមេដាយសំរឹទ្ធលើកដំបូង នៅក្នុងការប្រកួតកីឡាអេឡិចត្រូនិកជើងឯកពិភពលោកលើកទី១៤ (14TH IESF World Esport Championship) ឆ្នាំ២០២២ កាលពីសប្ដាហ៍កន្លងទៅ។ លោក លន់ សាមាឌី អគ្គលេខាធិការសហព័ន្ធកីឡាអេឡិចត្រូនិកកម្ពុជាបានឲ្យដឹងថា ព្រឹត្តិការណ៍រៀបចំដោយសហព័ន្ធកីឡាអេឡិចត្រូនិកអន្តរជាតិបានធ្វើនៅកោះបាលី ប្រទេសឥណ្ឌូនេស៊ី ដោយចំណាយពេលជាង ១សប្ដាហ៍ ទើបរកឃើញក្រុមជ័យលាភី។ ចំពោះការប្រកួតគឺចែកចេគជា ៦វិញ្ញាសារួមមានវិញ្ញាសា eFootball, Dota2, Tekken, CS: Go, Mobile Legends: Bang Bang និង PUBG Mobile ដែលមានអត្តពលិកអេឡិចត្រូនិកមកពីទូទាំងពិភពលោកជាង ៧០០នាក់ចូលរួមមកពី ១០៧ប្រទេស ក្នុងនោះក៏មានវត្តមានក្រុមតំណាងកម្ពុជា ១ក្រុមដែរគឺក្រុម Impunity KH ដែលប្រកួតវិញ្ញាសា Mobile Legends: Bang Bang។ជាលទ្ធផលការប្រកួត ក្រុម Impunity KH របស់កម្ពុជាបានឆ្លងកាត់ ៤ប្រកួតគឺឈ្នះ ២ប្រកួត និងចាញ់ ២ប្រកួតក្នុងនោះប្រកួតទី១ ក្រុមកម្ពុជាឈ្នះក្រុមជម្រើសជាតិណាមីប៊ី ២-០, ប្រកួតទី២ ឈ្នះក្រុមម៉ាឡេស៊ី ២-១ ប៉ុន្តែចាញ់ឥណ្ឌូនេស៊ី ២-១ នៅវគ្គពាក់កណ្តាលផ្តាច់ព្រ័ត្រកម្រិតខ្ពស់ និងចាញ់ហ្វីលីពីន ២-០ នៅវគ្គពាក់កណ្តាលផ្តាច់ព្រ័ត្រកម្រិតទាប ដែលនាំឲ្យក្រុមកម្ពុជាទទួលបានចំណាត់ថ្នាក់លេខ៣ ឬមេដាយសំរឹទ្ធ អមប្រាក់រង្វាន់ ២ម៉ឺនដុល្លារ ខណៈក្រុមម្ចាស់ផ្ទះឥណ្ឌូនេស៊ីឈ្នះមេដាយមាស អមប្រាក់រង្វាន់ ៥ម៉ឺនដុល្លារ និងក្រុមហ្វីលីពីនឈ្នះមេដាយប្រាក់ អមប្រាក់រង្វាន់ ៣ម៉ឺនដុល្លារ។អគ្គលេខាធិការសហព័ន្ធបានបន្ដថា ទោះបីក្រុមកម្ពុជាទទួលបានត្រឹមមេដាយសំរឹទ្ធ តែសមិទ្ធផលនេះស្ដែងឲ្យឃើញភាពរីកចម្រើនរបស់ក្រុមកីឡាអេឡិចត្រូនិកកម្ពុជាលើវិញ្ញាសា Mobile Legends: Bang Bang។ នេះគឺជាជោគជ័យដ៏ធំធេងសម្រាប់សហព័ន្ធក្នុងរយៈពេល ៤-៥ឆ្នាំចុងក្រោយ ដែលក្រុមកីឡាអេឡិចត្រូនិកកម្ពុជាដណ្ដើមបានមេដាយសំរឹទ្ធកម្រិតពិភពលោកផ្លូវលើកដំបូង ហើយក៏ជាក្ដីសង្ឃឹមសម្រាប់សហព័ន្ធ ក៏ដូចជាក្រុមកីឡាអេឡិចត្រូនិកកម្ពុជា សម្រាប់ការត្រៀមធ្វើម្ចាស់ផ្ទះ និងប្រជែងមេដាយនៃការប្រកួតកីឡាស៊ីហ្គេមលើកទី៣២ នាឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

Richarlison ប្រឈមអវត្តមានដល់ខែមករាដោយសាររបួសសរសៃពួរ

បាល់ទាត់៖ ខ្សែប្រយុទ្ធប្រេស៊ីល និង Tottenham Hotspur, Richarlison នឹងត្រូវសម្រាកនៅក្រៅទីលានយ៉ាងហោចណាស់ ១ខែដោយសាររបួសសរសៃពួរតាំងពីពេលប្រេស៊ីលចាញ់ក្រូអាស៊ីនៅ World Cup វគ្គ ៨ក្រុមចុងក្រោយ។ Spurs រំពឹងថា Richarlison នឹងសម្រាកប្រហែលពីររឺបីសប្តាហ៍ប៉ុណ្ណោះ តែនៅរង់ចាំការវិភាគពីអ្នកក្រុមគ្រូពេទ្យ។ កីឡាករវ័យ ២៥ឆ្នាំរូបនេះត្រូវបានផ្លាស់ចេញនៅនាទីទី៨៤ ក្នុងការប្រកួតដែលប្រេស៊ីលចាញ់ក្រូអាស៊ី ៤-២ ដោយបាល់ ១១ម៉ែត្រកាត់សេចក្តី តែរកបាន ៣គ្រាប់ក្នុងការបង្ហាញខ្លួន ៤ប្រកួតនៅ World Cup ឆ្នាំនេះ។ Richarlison បានក្លាយជាកីឡាកររបស់ Spurs មួយរូបទៀតដែលមានរបួសក្នុងរដូវកាលនេះ បន្ទាប់ពី Dejan Kulusevski, Cristian Romero និង Heung-min Son។ របួសរបស់ Richarlison មានន័យថា Harry Kane នឹងមិនមានពេលសម្រាកក្រោយចប់ World Cup ឡើយ ខណៈ Spurs ត្រូវទៅទឹកដី Brentford នៅថ្ងៃទី២៦ ខែធ្នូនៅពេល Premier League ត្រលប់មកវិញ។ រំលឹកថា Richarlison បានអវត្តមាន ៦ប្រកួតរួចហើយជាមួយ Spurs មុន World Cup ដោយសាររបួសកំភួនជើង៕អត្ថបទ៖នាង សុភាវុធ

មោទនភាពសម្រាប់ប្រទេសអារ៉ាប់ អ្នកគាំទ្រម៉ារ៉ុកត្រៀមរួចរាល់ដើម្បីហ៊ោគាំទ្រការប្រកួតយប់នេះ

បាល់ទាត់៖ ទង់ជាតិ អាវក្រុមជម្រើស និងផ្ទាំងប៉ាណូដែលមានរូបកីឡាករដាក់តាំងបង្ហាញពេញទីក្រុង Rabat មុនការប្រកួតវគ្គពាក់កណ្តាលផ្តាច់ព្រ័ត្រ World Cup របស់ម៉ារ៉ុកទល់នឹងបារាំងយប់នេះ ប៉ុន្តែក្រុមនឹងមានការគាំទ្រច្រើនពីចម្ងាយជាក្រុមអារ៉ាប់ ឬអាហ្វ្រិកដំបូងគេដែលឡើងមកកាន់វគ្គនេះ។ នៅក្នុងប្រទេសអារ៉ាប់ ការបង្កើតប្រវត្តិសាស្ត្រនៅ World Cup របស់ម៉ារ៉ុកបានចាប់យកការស្រមើស្រមៃរបស់ប្រជាជនអារ៉ាប់អំឡុង World Cup លើកដំបូងនៅលើទឹកដីអារ៉ាប់។ ម៉ារ៉ុកបានធ្វើរឿងហួសពីការរំពឹងទុកនៅ World Cup ដោយបានយកឈ្នះក្រុមកំពូលៗលើលោក ដូចជាឈ្នះប៊ែលហ្ស៊ិកនៅក្នុងពូល ឈ្នះអេស្ប៉ាញនៅវគ្គ ១៦ក្រុម និងឈ្នះព័រទុយហ្កាល់វគ្គ ៨ក្រុម។ ប៉ុន្តែទង់ជាតិម៉ារ៉ុកក៏កំពុងលក់អស់ពាសពេញទ្វីបអាហ្វ្រិកខាងជើង និងមជ្ឈិមបូព៌ា ខណៈដែលអ្នកគាំទ្រប្រញាប់ប្រញាល់ស្វែងរកវត្ថុអនុស្សាវរីយ៍ ដើម្បីលើកទឹកចិត្តក្រុម។ Karim Mohammed Qotb អ្នកលក់តាមចិញ្ចើមផ្លូវនៅទីក្រុងគែរប្រទេសអេស៊ីបបាននិយាយថា មានតម្រូវការចង់បានទង់ជាតិម៉ារ៉ុកជាច្រើននៅទីនេះ ទោះបីពួកគេមិនមែនជាជនជាតិម៉ារ៉ុកក្តី ព្រោះម៉ារ៉ុកប្រទេសអារ៉ាប់ដំបូងគេដែលឈានដល់វគ្គពាក់កណ្តាលផ្តាច់ព្រ័ត្រ។នៅតំបន់ហ្គាហ្សាប៉ាឡេស្ទីន លោក Eyad Abu Teir កំពុងដើរទិញឥវ៉ាន់ដើម្បីគាំទ្រម៉ារ៉ុក។ គាត់បាននិយាយថា "ជ័យជម្នះរបស់ម៉ារ៉ុកគឺជាជ័យជម្នះសម្រាប់ប្រជាជាតិអារ៉ាប់ទាំងមូល ហើយយើងជាប្រជាជនអារ៉ាប់ទាំងអស់គួរតែរួបរួមគ្នាតែមួយពេលនេះ"។ សូម្បីតែទៅដល់ប្រទេសអ៊ីរ៉ាក់ ប្រជាជននៅទីនោះបាននិយាយថា ពួកគេរំភើបចិត្តលើសការរំពឹងទុក មិននឹកស្មានថាប្រទេសអារ៉ាប់ធ្វើបានល្អបែបនេះ។ Salam Rabiea វិស្វករនៅទីក្រុងបាកដាដបាននិយាយថា "វាគឺជាការប្រកួតល្អបំផុតរបស់ជនជាតិអារ៉ាប់ ដែលយើងមិនធ្លាប់បានឃើញក្នុងនាមជាអ្នកគាំទ្របាល់ទាត់ និងជាសមិទ្ធិផលដ៏អស្ចារ្យ"។ ជំនួបរវាងម៉ារ៉ុក និងបារាំងយប់នេះត្រូវបានគេដឹងថា នឹងមានការតាមដានច្រើនលើសពីការរំពឹងទុក តាមរយៈការគាំទ្រក្រុមម៉ារ៉ុកគ្រប់ទិសទីទាំងនៅអាហ្វ្រិក និងអារ៉ាប់៕អត្ថបទ៖នាង សុភាវុធ

គ្រូបង្វឹកបារាំងថា ខ្សែការពារម៉ារ៉ុកឈរលំដាប់កំពូលនៅ World Cup តែលោកមានដំណោះស្រាយ

បាល់ទាត់៖ គ្រូបង្វឹកក្រុមជម្រើសជាតិបារាំងលោក Didier Deschamps បានហៅខ្សែការពារក្រុមម៉ារ៉ុកថាល្អបំផុតនៅ World Cup នេះ មុនការប្រកួតយប់នេះវគ្គពាក់កណ្តាលផ្តាច់ព្រ័ត្រ។ម៉ារ៉ុកគិតមកដល់ពេលនេះរបូតគ្រាប់តែមួយគ្រាប់ប៉ុណ្ណោះ ហើយមួយគ្រាប់នោះគឺជាគ្រាប់ចូលទីខ្លួនឯងទៅទៀត នៅ World Cup ឆ្នាំនេះ តែលោក Didier Deschamps បានសង្កត់ធ្ងន់ថា បារាំងនឹងមានដំណោះស្រាយដើម្បីជំនះជញ្ជាំងរបស់ម៉ារ៉ុក។ “ខ្ញុំគិតថា ខ្សែការពារម៉ារ៉ុកល្អជាងក្រុមណាៗទាំងអស់ ពួកគេរៀបចំបានល្អ ពួកយើងបានធ្វើការវិភាគការប្រកួតរបស់ពួកគេកន្លងមក តែមិនមែនបានន័យថាយើងដើរដល់ផ្លូវទាល់ទេ អ្វីៗតែងតែមានដំណោះស្រាយ ”។បុរសដែលបានជួយក្រុមជម្រើសជាតិបារាំង លើកពានបាល់ទាត់ពិភពលោកទាំងពេលជាកីឡាករ និងគ្រូបង្វឹករូបនេះបានបន្តថា៖ “ខ្ញុំបានប្រាប់កូនក្រុមថា ការប្រកួតនឹងមានអ្នកគាំទ្រម៉ារ៉ុកច្រើន ពួកគេពិតជាមានមោទនភាព ដូច្នេះពួកយើងត្រូវតែប្រុងប្រយ័ត្ន កុំគិតថាក្រុមខ្លួនឯងមានប្រៀប រឺជាក្រុមដែលគេរំពឹងឈ្នះ”។ ក្រុមដែលឈ្នះពីការប្រកួតរាត្រីនេះ នឹងត្រូវបន្តជួបជាមួយអាហ្សង់ទីនដែលបានយកឈ្នះក្រូអាស៊ី ៣-០ ខណៈការប្រកួតវគ្គផ្តាច់ព្រ័ត្រនឹងធ្វើឡើងនៅថ្ងៃទី១៨ ខែធ្នូនេះនៅកីឡដ្ឋាន Lusail៕អត្ថបទ៖នាង សុភាវុធ

គ្រូបង្វឹកថា គ្មានគម្រោងពិសេសដើម្បីចាប់ Mbappe ទេ

បាល់ទាត់៖ ម៉ារ៉ុកនឹងគ្មានគម្រោងការអ្វីពិសេសទេក្នុងការតាមបិទខ្សែប្រយុទ្ធ PSG, Kylian Mbappe មុនជួបគ្នាយប់នេះនៅវគ្គពាក់កណ្តាលផ្តាច់ព្រ័ត្រ World Cup នេះជាសំដីរបស់គ្រូបង្វឹកក្រុមជម្រើសជាតិម៉ារ៉ុក Walid Regragui។ Kylian Mbappe គឺជាអ្នកស៊ុតបញ្ចូលទីច្រើនជាងគេនៅ World Cup ឆ្នាំនេះមានសរុប ៥គ្រាប់។ និយាយក្នុងសន្និសីទសារព័ត៌មានមុនជួបគ្នាយប់នេះគ្រូបង្វឹកម៉ារ៉ុក Walid Regragui ឱ្យដឹងថា លោកគ្មានគម្រោងការពិសេសដើម្បីតាមចាប់ Mbappe តែម្នាក់នោះទេ បារាំងមានកីឡាករដែលបង្កគ្រោះថ្នាក់ច្រើនជាពិសេស Antoine Griezmann ក៏ដូចជា Ousmane Dembele ដែលសុទ្ធតែជាអ្នកបង្កើតឱ្យ Mbappe មានគ្រាប់បាល់។ លោកបន្តថា បើសិនជាត្រូវផ្តោតលើ Mbappe តែម្នាក់ពួកយើងនឹងមានកំហុស ពួកគេជាក្រុមការពារជើងឯក កីឡាករជើងឯកដែលបានមកជាក្រុម ដូច្នេះអ្វីដែលត្រូវផ្តោតគឺក្រុមទាំងមូលមិនមែនម្នាក់។ យប់នេះ Mbappe នឹងត្រូវប្រឈមជាមួយមិត្តរួមក្រុម PSG ខ្សែការពារស្លាបស្តាំម៉ារ៉ុក Achraf Hakimi ជុំវិញរឿងនេះគ្រូបង្វឹកម៉ារ៉ុកនិយាយថា Hakimi ស្គាល់ Mbappe ច្រើនជាង ដូច្នេះលោកគិតថា Hakimi នឹងមានវិធីផ្ទាល់ខ្លួនរួចហើយ។ សូមបញ្ជាក់ថា ម៉ារ៉ុកបានឡើងមកកាន់វគ្គនេះក្រោយយកឈ្នះអេស្ប៉ាញនៅវគ្គ ១៦ក្រុម និងយកឈ្នះព័រទុយហ្កាល់នៅវគ្គ ៨ក្រុមក្លាយជាប្រទេសអាហ្វ្រិក រឺប្រទេសអារ៉ាប់ទី១ ដែលឡើងមកកាន់វគ្គពាក់កណ្តាលផ្តាច់ព្រ័ត្រនេះ៕អត្ថបទ៖នាង សុភាវុធ

ប្រមុខកីឡាលើកទម្ងន់ជំរុញគ្រូបង្វឹកត្រូវច្បាស់ទាំងការបង្ហាត់ និងបទបញ្ជាការប្រកួត

លើកទម្ងន់៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាប្រធានសហព័ន្ធកីឡាលើកទម្ងន់កម្ពុជា បានជំរុញដល់គ្រូបង្វឹកកម្ពុជាទាំងអស់ត្រូវខិតខំសិក្សាស្វែងយល់ឲ្យបានច្បាស់ ទាំងបច្ចេកទេសនៃការបង្ហាត់ និងបទបញ្ជាការប្រកួត ដើម្បីធានាបាននូវការបណ្ដុះបណ្ដាលធនធានកីឡាករ-កីឡាការិនីប្រកបដោយសក្ដានុពលត្រៀមការប្រកួតអន្ដរជាតិនានា។ ការលើកឡើងនេះ បន្ទាប់ពីសហព័ន្ធបានរៀបចំសិក្ខាសាលាវគ្គសាមគ្គីអូឡាំពិក ស្ដីពីការបណ្ដុះបណ្ដាលគ្រូបង្វឹកកីឡាលើកទម្ងន់ ដែលឧបត្ថម្ភដោយអង្គការសាមគ្គីអូឡាំពិក តាមរយៈគណៈកម្មាធិការជាតិអូឡាំពិកកម្ពុជា ដែលគ្រោងធ្វើឡើយរយៈពេល ៥ថ្ងៃចាប់ពីថ្ងៃទី១៣ ដល់ថ្ងៃទី១៧ ខែធ្នូ ឆ្នាំ២០២២ ខាងមុខ ក្រោមការបង្រៀនរបស់គ្រូឧទ្ទេសអន្ដរជាតិលោក Minieash Pandoo មកពីសហព័ន្ធកីឡាលើកទម្ងន់អន្តរជាតិ។ ថ្លែងក្នុងពិធីបើកវគ្គ ឯកឧត្តម វ៉ាត់ ចំរើន បានចាត់ទុកវគ្គនេះគឺមានសារៈសំខាន់ណាស់សម្រាប់សិក្ខាកាម ពោលគឺជាឱកាសមាស-ឱកាសប្រាក់ សម្រាប់ការធ្វើការរួមកម្លាំងគ្នា ក្នុងន័យជំរុញការអភិវឌ្ឍន៍សមត្ថភាពបន្ថែមដល់គ្រូបង្វឹក ក៏ដូចជាមន្ដ្រីបច្ចេកទេស ដើម្បីត្រៀមទទួលរៀបចំព្រឹត្តិការណ៍ស៊ីហ្គេមឆ្នាំ២០២៣ ខាងមុខ។ ហេតុនេះសិក្ខាកាមទាំងអស់ត្រូវយកចិត្តទុកដាក់ខ្ពស់ក្នុងការសិក្សា ទាំងទ្រឹស្ដី និងការអនុវត្តផ្ទាល់។ឯកឧត្តមបានគូសបញ្ជាក់ថា កីឡាលើកទម្ងន់គឺជាប្រភេទកីឡាអូឡាំពិក ដែលមានក្រឹត្យក្រមច្បាប់ច្បាស់លាស់ សម្រាប់អនុវត្តតាម ហើយទាមទារឲ្យអ្នកដឹកនាំ ពិសេសគ្រូបង្វឹក និងមន្ដ្រីបច្ចេកទេសត្រូវស្វែងយល់ច្បាស់ពីបទបញ្ជាទាំងអស់នោះ ទើបជំរុញឲ្យជំនាញកាន់តែគត់មុត និងមានប្រសិទ្ធខ្ពស់ក្នុងការចែករំលែកដល់កូនសិស្ស ចៀសវាងការភាន់ច្រឡំ ឬការរំលោភលក្ខខណ្ឌណាមួយកំឡុងពេលប្រកួតជាក់ស្ដែង។ អាស្រ័យហេតុនេះ ឯកឧត្តមសង្ឃឹម និងជឿជាក់ថា សិក្ខាកាមទាំងអស់នឹងផ្លាស់ប្តូរយោបល់ សួរនូវចំណុចសង្ស័យ របៀបនៃការដាក់ពិន្ទុ របៀរបបនៃការផ្តល់ពេលវេលា គេធ្វើយ៉ាងម៉េច? ហើយការប្រកួតនីមួយៗ គេរៀបចំរបៀបណា? លើសពីនេះត្រូវប្រកាន់ខ្ជាប់នូវសីលធម៌ការងារ និងវិន័យដើម្បីក្លាយជាអ្នកដឹកនាំល្អ និងយកចំណេះដឹងទៅចែករំលែកឲ្យមានប្រសិទ្ធភាព និងសក្តានុពលប្រកបដោយគុណធម៌សម្រាប់កីឡាលើកទម្ងន់កម្ពុជា។សូមបញ្ជាក់ថា វគ្គបណ្ដុះបណ្ដាលគ្រូបង្វឹកកីឡាលើកទម្ងន់កម្រិតអន្ដរជាតិនេះមានសិក្ខាកាម ២៥នាក់ចូលរួម ដែលធ្វើឡើងក្នុងគោលបំណងរួមចំណែកកែតម្រូវបច្ចេកទេស កម្រិតជំនាញនៃកីឡាលើកទម្ងន់ ពង្រឹងសមត្ថភាពផ្ទាល់ខ្លួនឲ្យបានច្បាស់លាស់ ឈានឆ្ពោះទៅជាគ្រូបង្វឹក ១រូបដែលមានលក្ខណសម្បត្តិគ្រប់គ្រាន់ យល់ដឹងលើការគ្រប់គ្រងក្លឹប សមាគមរាជធានី-ខេត្ត និងសាមីខ្លួនផ្ទាល់ ពិសេសការរៀបចំផែនការបង្ហាត់រយៈពេលខ្លី មធ្យម និងវែង សម្រាប់ត្រៀមចូលរួមការប្រកួតកីឡាស៊ីហ្គេមឆ្នាំ២០២៣ ខាងមុខ៕អត្ថបទ៖ លី ឈុនឡា

Messi និង Alvarez នាំអាហ្សង់ទីនឡើងវគ្គផ្តាច់ព្រ័ត្រ World Cup ក្រោយឈ្នះក្រូអាស៊ី ៣-០

បាល់ទាត់៖ ក្រុមជម្រើសជាតិអាហ្សង់ទីនទីបំផុតអាចសងសឹកគំនុំចាស់កាលពី ៤ឆ្នាំមុនបានសំរេចក្រោយយកឈ្នះក្រូអាស៊ី ៣-០ វិញឡើងវគ្គផ្តាច់ព្រ័ត្រ FIFA World Cup 2022 នៅកាតា។ ក្រុមរបស់លោក Zlatko Dalic ធ្លាប់បានយកឈ្នះអាហ្សង់ទីន ៣-០ កាលពីបួនឆ្នាំមុននៅរុស្ស៊ី ខណៈក្រូអាស៊ីឡើងដល់វគ្គផ្តាច់ព្រ័ត្រនៅពេលនោះតែចាញ់បារាំង ៤-២។ Lionel Messi ជាថ្មីម្តងទៀតគឺជាអ្នកស៊ុតបញ្ចូលទីបើកការនាំមុខដោយបាល់ពិន័យ ១១ម៉ែត្រ តែខ្សែប្រយុទ្ធ Manchester City, Julian Alvarez មានការប្រកួតដ៏អស្ចារ្យរបស់ខ្លួនក្នុងការបង្ហាញខ្លួននៅ World Cup តាមរយៈការស៊ុតបញ្ចូលទី ២គ្រាប់ម្នាក់ឯងនៃវគ្គនីមួយៗ។ ងាកទៅមើលការអបអរសាទររបស់អ្នកគាំទ្រអាហ្សង់ទីន បានប្រមូលផ្តុំគ្នាពេញរដ្ឋធានី Buenos Aires ប្រទេសអាហ្សង់ទីន ក៏ដូចជាបន្តការអបអរនៅខាងក្រៅកីឡដ្ឋាននៅកាតាផងដែរ។ ចំណែកក្រុមក្រូអាស៊ីថ្វីបើចាញ់ អ្នកគាំទ្ររបស់ខ្លួននៅតែសម្តែងការអបអរសាទរក្រុមរបស់ខ្លួន សប្បាយរីករាយជួបជុំគ្នានៅទីក្រុង Zagreb។ អ្នកគាំទ្រក្រូអាស៊ីដែលចាកចេញពីកីឡដ្ឋានម្នាក់បានសម្តែងអារម្មណ៍សោកស្តាយ តែមានមោទនភាពចំពោះក្រុម។ ជ័យជំនះនេះធ្វើឱ្យអាហ្សង់ទីនឡើងវគ្គផ្តាច់ព្រ័ត្រលើកទី៦ ក្នុងប្រវត្តិសាស្ត្ររបស់ខ្លួន និងជាការស្វែងរកជើងឯកទី៣ បន្ទាប់ពីឈ្នះពីរដងចុងក្រោយតាំងពីឆ្នាំ១៩៧៨ និង ១៩៨៦។ Lionel Messi នៅបាំងតែមួយប្រកួតទៀតប៉ុណ្ណោះនឹងដឹងថាអាចជាជើងឯក រឺអត់ក្នុងអាជីពដ៏អស្ចារ្យរបស់ខ្លួន តែខ្សែបម្រើ Real Madrid, Luka Modric ដែលត្រូវបានប្តូរចេញនៅវគ្គទី២ នោះបានទទួលការទះដៃពីរអ្នកគាំទ្រក្រុមទាំងពីរ ដោយការគោរពចំពោះអាជីពរបស់គេដែលបង្ហាញខ្លួនចុងក្រោយនៅ World Cup ជាមួយក្រុមក្រូអាស៊ី៕អត្ថបទ៖នាង សុភាវុធ

សហព័ន្ធកីឡាសូហ្វតិន្នីសកម្ពុជារុះរើថ្នាក់ដឹកនាំថ្មី

សូហ្វតិន្នីស៖ សហព័ន្ធកីឡាសូហ្វតិន្នីសកម្ពុជាបានធ្វើការរុះរើសក្បាលម៉ាស៊ីនសហព័ន្ធថ្មីទៀតហើយ ដោយសមាជិកគណៈកម្មាធិការប្រតិបត្តិសហព័ន្ធបានបោះឆ្នោតគាំទ្រឯកឧត្តម សរ សិទ្ធិ អនុរដ្ឋលេខាធិការក្រសួងមហាផ្ទៃទទួលជួយការងារដឹកនាំ អគ្គលេខាធិការដ្ឋាននៃក្រុមប្រឹក្សាកីឡាក្រសួងមហាផ្ទៃ ធ្វើជាប្រធានសហព័ន្ធថ្មី គ្រាដែលប្រធានសហព័ន្ធមុន ឯកឧត្តម ប្រាក់ ផល្លា រដ្ឋលេខាធិការទីស្ដីការគណៈរដ្ឋមន្ដ្រី ត្រូវបានតែងតាំងជាប្រធានកិត្តិយសសហព័ន្ធ។ ការបោះឆ្នោត និងរៀបចំរចនាសម្ព័ន្ធដឹកនាំថ្មីនេះ ធ្វើឡើងក្នុងអង្គមហាសន្និបាតវិសាមញ្ញសហព័ន្ធកីឡាសូហ្វតិន្នីសកម្ពុជា បូកសរុបសកម្មភាពការងារឆ្នាំ២០២២ និងលើកទិសដៅការងារសម្រាប់ឆ្នាំ២០២៣ និងកែសម្រួលសមាសភាពគណៈកម្មាធិការប្រតិបត្តិ អាណត្តិទី៣ ឆ្នាំ២០២២-២០២៦ ដែលរៀបចំនៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) កាលពីថ្ងៃទី១៣ ខែធ្នូម្សិលមិញ ហើយក៏មានការចូលរួមជាសាក្សីពីតំណាងក្រសួងអប់រំ យុវជន និងកីឡា និងតំណាងគណៈកម្មាធិការជាតិអូឡាំពិកកម្ពុជាផងដែរ។ ប្រធានថ្មីមានប្រសាសន៍ថា បន្ទាប់ពីការខិតខំប្រឹងប្រែងរបស់ថ្នាក់ដឹកនាំសហព័ន្ធមុនៗអស់ជាច្រើនឆ្នាំកន្លងមក ឆ្នាំ២០២៣ ខាងមុខនេះគឺជាពេលវេលាកំណត់ និងជាព្រឹត្តិការណ៍ប្រវត្តិសាស្ត្រ ដែលកម្ពុជាធ្វើជាម្ចាស់ផ្ទះស៊ីហ្គេមលើកទី៣២ និងការប្រកួតអន្ដរជាតិនានា។ ដូចនេះសហព័ន្ធបានត្រៀមរៀបចំនូវទិសដៅអនុវត្តផែនការ សកម្មភាពការងារ និងបង្កើនការយកចិត្តទុកដាក់ដល់ក្រុមជម្រើសជាតិ ក្នុងការប្រមូលផ្តុំហាត់ហ្វឹកហ្វឺនត្រៀមចូលរួមប្រកួត ក្នុងព្រឹត្តិការណ៍ធំៗឲ្យបានច្រើនតាមអាចធ្វើទៅបានក្នុងបំណងបង្កើននូវសមត្ថភាពបច្ចេកទេស ក៏ដូចជាការដណ្តើមមេដាយជូនជាតិមាតុភូមិ។ លោកបង្ហើបថា ចំពោះមុខ មុនឈានដល់ស៊ីហ្គេមឆ្នាំ២០២៣ សហព័ន្ធនឹងរៀបចំការប្រកួតសូហ្វតិន្នីសជើងឯកអាស៊ីអាគ្នេយ៍លើកទី៣ ឆ្នាំ២០២៣ ដែលគ្រោងរៀបចំរយៈពេល ៧ថ្ងៃនៅពហុកីឡដ្ឋានជាតិដោយមានប្រទេសចូលរួមដូចជា ថៃ ឡាវ វៀតណាម ហ្វីលីពីន ឥណ្ឌូនេស៊ី និងម៉ាឡេស៊ីជាដើម។ដូច្នេះនេះគឺជាការងារមួយដ៏សំខាន់ សម្រាប់សហព័ន្ធត្រៀមខ្លួនទទួលធ្វើម្ចាស់ផ្ទះស៊ីហ្គេម ទាំងធនធានមន្ដ្រីបច្ចេកទេស អាជ្ញាកណ្ដាល-ចៅក្រម និងកីឡាករ-កីឡាការិនីផងដែរ។ ក្រឡេកមកសមាសភាពថ្នាក់ដឹកនាំ និងគណៈកម្មាធិការប្រតិបត្តិសហព័ន្ធអាណត្តិទី៣ គឺមានចំនួន ២៩រូបដោយមានឯកឧត្តម សរ សិទ្ធិ ប្រធាន និងលោក តុង សុផល ជាអនុប្រធានទី១ ព្រមទាំងអនុប្រធានសហព័ន្ធ ៣រូបទៀត។ ចំណែកលោក យិត ភីរៈ ជាអគ្គលេខាធិការ រួមជាមួយអគ្គលេខាធិការរង ៤រូប។ លោក អ៊ាន សុភ័ក្ដ្រ ជាអគ្គហេរញ្ញិក និងអគ្គហេរញ្ញិករង ៤រូប ព្រមទាំងសមាជិក ១៤រូបផងដែរ៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមការពារជើងឯកបារាំងបញ្ចប់ដំណើរផ្សេងព្រេងរបស់ម៉ារ៉ុកឡើងវគ្គផ្តាច់ព្រ័ត្រជួបអាហ្សង់ទីន

កីឡាករកម្ពុជាភាគច្រើនឈ្នះ និងឡើងទៅវគ្គបន្តការប្រកួតជើងឯកឃីកបុកស៊ីងអាស៊ី២០២២

ក្រុម Impunity KH នាំមកនូវក្ដីសង្ឃឹមសម្រាប់ស៊ីហ្គេម ក្រោយឈ្នះមេដាយសំរឹទ្ធពិភពលោក

Richarlison ប្រឈមអវត្តមានដល់ខែមករាដោយសាររបួសសរសៃពួរ

មោទនភាពសម្រាប់ប្រទេសអារ៉ាប់ អ្នកគាំទ្រម៉ារ៉ុកត្រៀមរួចរាល់ដើម្បីហ៊ោគាំទ្រការប្រកួតយប់នេះ

គ្រូបង្វឹកបារាំងថា ខ្សែការពារម៉ារ៉ុកឈរលំដាប់កំពូលនៅ World Cup តែលោកមានដំណោះស្រាយ

គ្រូបង្វឹកថា គ្មានគម្រោងពិសេសដើម្បីចាប់ Mbappe ទេ

ប្រមុខកីឡាលើកទម្ងន់ជំរុញគ្រូបង្វឹកត្រូវច្បាស់ទាំងការបង្ហាត់ និងបទបញ្ជាការប្រកួត

Messi និង Alvarez នាំអាហ្សង់ទីនឡើងវគ្គផ្តាច់ព្រ័ត្រ World Cup ក្រោយឈ្នះក្រូអាស៊ី ៣-០

សហព័ន្ធកីឡាសូហ្វតិន្នីសកម្ពុជារុះរើថ្នាក់ដឹកនាំថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាករ​កម្ពុជា​ភាគច្រើន​ឈ្នះ និង​ឡើង​ទៅ​វគ្គ​បន្ត​ការប្រកួត​ជើងឯក​ឃី​ក​បុក​ស៊ី​ង​អាស៊ី​២០២២

ក្រុម​ Impunity KH ​នាំមក​នូវ​ក្ដីសង្ឃឹម​សម្រាប់​ស៊ី​ហ្គេម ក្រោយ​ឈ្នះ​មេដាយ​សំរឹទ្ធ​ពិភពលោក​

Richarlison ប្រឈម​អវត្តមាន​ដល់​ខែមករា​ដោយសារ​របួស​សរសៃ​ពួរ​

គ្រូបង្វឹក​បារាំង​ថា​ ខ្សែការពារ​ម៉ា​រ៉ុ​ក​ឈរ​លំដាប់​កំពូល​នៅ World Cup តែ​លោក​មាន​ដំណោះស្រាយ

គ្រូបង្វឹក​ថា ​គ្មាន​គម្រោង​ពិសេស​ដើម្បី​ចាប់ Mbappe ទេ​

ប្រមុខ​កីឡា​លើក​ទម្ងន់​ជំរុញ​គ្រូបង្វឹក​ត្រូវ​ច្បាស់​ទាំង​ការ​បង្ហាត់ និង​បទបញ្ជា​ការប្រកួត​

Messi និង Alvarez នាំ​អា​ហ្ស​ង់​ទីន​ឡើង​វគ្គ​ផ្តាច់ព្រ័ត្រ World Cup ក្រោយ​ឈ្នះ​ក្រូ​អាស៊ី ៣-០

សហព័ន្ធ​កីឡា​សូ​ហ្វ​តិ​ន្នី​ស​កម្ពុជា​រុះរើ​ថ្នាក់ដឹកនាំ​ថ្មី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាករកម្ពុជាភាគច្រើនឈ្នះ និងឡើងទៅវគ្គបន្តការប្រកួតជើងឯកឃីកបុកស៊ីងអាស៊ី២០២២

ក្រុម Impunity KH នាំមកនូវក្ដីសង្ឃឹមសម្រាប់ស៊ីហ្គេម ក្រោយឈ្នះមេដាយសំរឹទ្ធពិភពលោក

Richarlison ប្រឈមអវត្តមានដល់ខែមករាដោយសាររបួសសរសៃពួរ

គ្រូបង្វឹកបារាំងថា ខ្សែការពារម៉ារ៉ុកឈរលំដាប់កំពូលនៅ World Cup តែលោកមានដំណោះស្រាយ

គ្រូបង្វឹកថា គ្មានគម្រោងពិសេសដើម្បីចាប់ Mbappe ទេ

ប្រមុខកីឡាលើកទម្ងន់ជំរុញគ្រូបង្វឹកត្រូវច្បាស់ទាំងការបង្ហាត់ និងបទបញ្ជាការប្រកួត

Messi និង Alvarez នាំអាហ្សង់ទីនឡើងវគ្គផ្តាច់ព្រ័ត្រ World Cup ក្រោយឈ្នះក្រូអាស៊ី ៣-០

សហព័ន្ធកីឡាសូហ្វតិន្នីសកម្ពុជារុះរើថ្នាក់ដឹកនាំថ្មី