BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ជើងឯកចំបាប់អាស៊ាននឹងប្រកួតចុងសប្ដាហ៍នេះដោយមានប្រតិភូ និងអត្តពលិកចូលរួមជិត ២០០នាក់

ចំបាប់៖ ការប្រកួតកីឡាចំបាប់ជ្រើសរើសជើងឯកអាស៊ីអាគ្នេយ៍ឆ្នាំ២០២២ ដែលកម្ពុជាធ្វើម្ចាស់ផ្ទះគ្រោងនឹងធ្វើការប្រកួតផ្លូវការពីថ្ងៃទី១៦ ដល់ថ្ងៃទី១៨ ខែធ្នូចុងសប្ដាហ៍នេះ នៅសាលដំបូលទូកនៃសាកលវិទ្យាល័យភូមិន្ទភ្នំពេញ ដោយមានប្រតិភូ មន្ដ្រីបច្ចេកទេស អាជ្ញាកណ្ដាល-ចៅក្រម គ្រូបង្វឹក និងកីឡាករ-កីឡាការិនីចូលរួមសរុប ១៩១នាក់ ។ យោងតាមមន្ដ្រីសហព័ន្ធកីឡាចំបាប់កម្ពុជា ប្រតិភូ និងអត្តពលិកចូលរួមព្រឹត្តិការណ៍ដ៏ធំនៅកម្ពុជានេះ គឺមានរហូតដល់ ១៧ប្រទេសក្នុងនោះមានអត្តពលិកនៃបណ្ដាប្រទេសអាស៊ាន ដែលត្រូវចូលរួមប្រកួតចំនួន ៧ប្រទេសរួមមានម្ចាស់ផ្ទះកម្ពុជា ឡាវ សិង្ហបុរី ឥណ្ឌូនេស៊ី ហ្វីលីពីន ថៃ និងវៀតណាម។ ដោយឡែក ១០ប្រទេសផ្សេងទៀតគឺជាប្រតិភូ មន្ដ្រីបច្ចេកទេសរៀបចំការប្រកួត និងអាជ្ញាកណ្ដាល-ចៅក្រមដែលត្រូវបានសហព័ន្ធកីឡាចំបាប់អន្ដរជាតិបញ្ជូនមកជួយរៀបចំ និងកាត់សេចក្ដីក្នុងការប្រកួត ក្នុងនោះមានដូចជាមន្ដ្រីបច្ចេកទេស និងអាជ្ញាកណ្ដាល-ចៅក្រមមកពីប្រទេស្វីស អ៊ីរ៉ាក់ ឥណ្ឌា ទុយនេស៊ី ប៉ូឡូញ កូរ៉េ ស្រីលង្ការ កាហ្សាក់ស្ថាន បារាំង និងអាមេរិកជាដើម។តាមការគ្រោងទុកនៅថ្ងៃទី១៤ ខែធ្នូនេះ ប្រតិភូ និងអត្តពលិកទាំងអស់ចាប់ផ្ដើមធ្វើដំណើរមកដល់កម្ពុជាជាបន្ដបន្ទាប់ ពិសេសមន្ដ្រីបច្ចេកទេស និងអាជ្ញាកណ្ដាល-ចៅក្រមអន្ដរជាតិដែលមកដល់រាជធានីភ្នំពេញមុន ដើម្បីធ្វើការប្រជុំបច្ចេកទេស ហើយក៏មានអត្តពលិកបណ្ដាប្រទេសមួយចំនួន បានមកបោះជំរំហ្វឹកហាត់នៅកម្ពុជាមុនការប្រកួតកីឡាចំបាប់ជើងឯកអាស៊ាននេះផងដែរ។ គួរដឹងថា ព្រឹត្តិការណ៍នេះគឺជាផ្នែកមួយដ៏សំខាន់ សម្រាប់សហព័ន្ធត្រៀមខ្លួនទទួលរៀបចំការប្រកួតកីឡាចំបាប់ ក្នុងនាមម្ចាស់ផ្ទះនៃព្រឹត្តិការណ៍ស៊ីហ្គេមឆ្នាំ២០២៣ ខាងមុខ៕អត្ថបទ៖ លី ឈុនឡា

ដំណើរឆ្ពោះទៅអាស៊ានប៉ារ៉ាហ្គេម ២០២៣ ក៏កំពុងត្រៀមខ្លួនយ៉ាងល្អប្រសើរដូចស៊ីហ្គេមដែរ

អាស៊ានប៉ារ៉ាហ្គេម៖ សម្រាប់ការត្រៀមលក្ខណៈទទួលធ្វើម្ចាស់ផ្ទះ ការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ក៏មិនខុសពីការត្រៀមធ្វើម្ចាស់ផ្ទះព្រឹត្តិការណ៍ស៊ីហ្គេមលើកទី៣២ នាឆ្នាំ២០២៣ ដែរដោយកំពុងដំណើរការរៀបចំ និងត្រៀមបានយ៉ាងល្អប្រសើរដូចគ្នា ដើម្បីស្វាគមន៍ប្រតិភូ និងអត្តពលិកទាំងអស់មកប្រកួតនៅកម្ពុជានាឆ្នាំក្រោយ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ (CAMSOC/CAMAPGOC) បន្ទាប់ពីកោះប្រជុំជាមួយគ្រប់គណៈកម្មការជំនាញ និងសហព័ន្ធកីឡាជនពិការកាលពីថ្ងៃទី១៣ ខែធ្នូ ឆ្នាំ២០២២ ម្សិលមិញ នៅទីស្នាក់ការគណៈកម្មាធិការជាតិអូឡាំពិកកម្ពុជា។ ឯកឧត្តម វ៉ាត់ ចំរើន មានប្រសាសន៍ថា កិច្ចប្រជុំនេះដើម្បីត្រៀមរៀបចំកិច្ចប្រជុំគណៈកម្មការជំនាញ ជាមួយសហព័ន្ធកីឡាជនពិការអាស៊ាន (APSF) នាពចុងសប្ដាហ៍នេះ។ ដូចឃើញហើយថា សកម្មភាពរបស់ CAMSOC និង CAMAPGOC ដែលជាគណៈកម្មាធិការជាតិទទួលខុសត្រូវរៀបចំការប្រកួតស៊ីហ្គេម និងអាស៊ានប៉ារ៉ាហ្គេមនេះ ពីមួយថ្ងៃទៅមួយថ្ងៃកាន់តែមានការងារមមាញឹក ហើយជាមួយការមមាញឹកនេះគឺត្រូវមានកម្មវិធីការងារកាន់តែច្បាស់លាស់ពីមួយជំហានទៅមួយជំហាន ហើយការងារទាំងអស់នោះត្រូវធ្វើទន្ទឹមគ្នា ដោយមិនទុកចោលផ្នែកណាមួយនោះទេ គណៈកម្មការជំនាញទាំងអស់ត្រូវការរួមគ្នាទាំងស៊ីហ្គេម និងអាស៊ានប៉ារ៉ាហ្គេមឱ្យបានល្អប្រសើរបំផុត។សូមបញ្ជាក់ថា កិច្ចប្រជុំរវាងគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម និងសហព័ន្ធកីឡាជនពិការអាស៊ានគ្រោងនឹងធ្វើឡើងពីថ្ងៃទី១៥ ដល់ថ្ងៃទី១៧ ខែធ្នូនេះនៅរាជធានីភ្នំពេញ ក្រោយទទួលគោលការណ៍អនុញ្ញាតដ៏ខ្ពង់ខ្ពស់ពីសម្តេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ រួចមក៕អត្ថបទ៖ លី ឈុនឡា

អ្នកគាំទ្រអាហ្សង់ទីនរំពឹងឆ្លងកាត់គ្រោះធំក្រូអាស៊ីឡើងវគ្គផ្តាច់ព្រ័ត្រ

បាល់ទាត់៖ អ្នកគាំទ្រក្រុមបាល់ទាត់ជម្រើសជាតិអាហ្សង់ទីនរំពឹងយ៉ាងមុតមាំថា អាហ្សង់ទីននឹងអាចឆ្លងផុតគ្រោះធំក្រូអាស៊ីដើម្បីឡើងដល់វគ្គផ្តាច់ព្រ័ត្រ World Cup 2022 នៅកាតានេះ។ អ្នកគាំទ្រដែលមិនបានទៅកាតាផ្ទាល់នៅឯទីក្រុង Buenos Aires ប្រទេសអាហ្សង់ទីនបានត្រៀមលក្ខណៈក្នុងការទស្សនា ហ៊ោរគាំទ្រពីចម្ងាយ។ អ្នកគាំទ្របានរៀបចំខ្លួនសម្រាប់ការទស្សនាតាមរបៀបខុសៗគ្នា ដូចជាពាក់អាវក្រុមជម្រើសជាតិ ឯអ្នកគាំទ្រខ្លះទៀតឈានដល់សាក់រូប Lionel Messi ដែលធ្វើកាយវិការឌឺទៅកាន់គ្រូបង្វឹកហូឡង់ Louis van Gaal។ អាហ្សង់ទីនត្រូវបានគេចាត់ទុកថា ជាក្រុមដែលគេរំពឹងឈ្នះជើងឯក World Cup មួយផងដែរ តែពួកគេបានឆ្លងកាតព្យុះភ្លៀងជាច្រើនទំរាំមកដល់វគ្គនេះ ជាពិសេសការប្រឈមជាមួយក្រូអាស៊ីនៅវគ្គពាក់កណ្តាលផ្តាច់ព្រ័ត្រ ត្រូវបានគេរំពឹងថាគឺជាគ្រោះធំសម្រាប់អាហ្សង់ទីន។ ក្រូអាស៊ីជាក្រុមដែលមានបទពិសោធន៍ចាស់ទុំនៅ World Cup ក្នុងនាមជាជើងឯករងនៅរុស្ស៊ីបួនឆ្នាំមុន និងឡើងមកកាន់វគ្គនេះដោយទំលាក់ជប៉ុន និងជាពិសេសទំលាក់ជើងឯក ៥សម័យប្រេស៊ីលដោយបាល់ ១១ម៉ែត្រកាត់សេចក្តី៕អត្ថបទ៖នាង សុភាវុធ

កីឡាករវ័យចាស់របស់ FIFA ចូលរួមការប្រកួតមិត្តភាពជាមួយក្រុមការងារកម្មករកាតា

បាល់ទាត់៖ ប្រធាន FIFA លោក Gianni Infantino បានរៀបចំការប្រកួតមិត្តភាពរវាងអតីតកីឡាករអន្តរជាតិ និងក្រុមការងារកម្មករដែលមានមូលដ្ឋាននៅប្រទេសកាតានៅកីឡដ្ឋាន Al Thumama ក្នុងទីក្រុង Doha កាលពីថ្ងៃចន្ទ។ លោក Gianni Infantino បានដើរចូលទីលានជាមួយនឹងឯកសណ្ឋានពណ៌លឿង ជាឯកសណ្ឋានអាជ្ញាកណ្តាល ដឹកនាំការប្រកួតមិត្តភាពកម្សាន្តសប្បាយនេះ។ ភ្លាមៗបន្ទាប់ពីការទាត់បាល់ Infantino បានផ្តល់កាតលឿងដល់អតីតកីឡាករបាល់ទាត់អ៊ីតាលី Alessandro Del Piero។ អតីតកីឡាករជម្រើសជាតិអូស្ត្រាលី Tim Cahill និយាយថា នេះជាថ្ងៃដ៏ល្អមួយ ដែលពួកយើងជាកីឡាករចាស់ៗមានឱកាសលេងបាល់កម្សាន្តសប្បាយបែបនេះ។ អតីតអ្នកចាំទីជម្រើសជាតិអូម៉ង់ Ali Al Habsi បាននិយាយថា "វាគឺជាព្រឹត្តិការណ៍ដ៏អស្ចារ្យ និងសំខាន់សម្រាប់ពួកយើង ជាពិសេសនៅពេលដែលវិរៈបុរសបាល់ទាត់បានលេងបាល់ទាត់ជាមួយកម្មករ និងអ្នកស្ម័គ្រចិត្ត ក៏ដូចជាជាមួយមនុស្សដែលបានរួមចំណែកក្នុងការប្រកួត World Cup"។ កីឡាករមកពីជុំវិញពិភពលោក កីឡាករជើងចាស់នៃកីឡាមួយចំនួនបានចូលរួមនៅក្នុងការប្រកួត ដែលត្រូវបានប្រារព្ធឡើងដើម្បីឧទ្ទិសដល់កម្មកររាប់ពាន់នាក់ ដែលបាននៅពីក្រោយឆាកនៃព្រឹត្តិការណ៍កីឡាធំបំផុតលើលោកមួយនេះ។ កម្មករ អ្នកស្ម័គ្រចិត្ត និងអ្នកគាំទ្រត្រូវបានអញ្ជើញឱ្យទស្សនាការប្រកួតដែលមានរយៈពេល ៦០នាទី៕អត្ថបទ៖នាង សុភាវុធ

អេស្ប៉ាញបង្ហាញមុខផ្លូវការគ្រូបង្វឹកក្រុមជម្រើសជាតិបន្តពីលោក Luis Enrique

បាល់ទាត់៖ សហព័ន្ធបាល់ទាត់អេស្ប៉ាញបានបង្ហាញមុខជាផ្លូវការ គ្រូបង្វឹកក្រុមជម្រើសជាតិថ្មីគឺលោក Luis de la Fuente បន្តតំណែងពីលោក Luis Enrique ដែលចាកចេញពីតំណែងក្រោយអេស្ប៉ាញធ្លាក់ត្រឹមវគ្គ ១៦ក្រុមចុងក្រោយ។ គ្រូបង្វឹកវ័យ ៦១ឆ្នាំរូបនេះគ្រាន់តែត្រូវបានប្រកាសថានឹងក្លាយជាគ្រូបង្វឹកអេស្ប៉ាញ ក៏ទទួលបានការរិះគន់ភ្លាមៗដែរថា លោកខ្វះបទពិសោធដឹកនាំក្លិបធំៗ។ លោក Luis Fuente មុនមកទទួលបានតំណែងនេះ លោកធ្លាប់បានដឹកនាំក្រុមជម្រើសជាតិអេស្ប៉ាញជាច្រើនប្រភេទអាយុ និងចុងក្រោយបំផុតដឹកនាំក្រុមអាយុក្រោម ២១ឆ្នាំ។ លោក Fuente បានចាប់ផ្តើមដឹកនាំក្រុមអេស្ប៉ាញក្រោម ១៥ឆ្នាំនៅឆ្នាំ២០១៣ ដែលធ្លាប់បង្វឹកកីឡាករដូចជា Marco Asensio អ្នកចាំទី Unai Simon ខ្សែការពារ Eric Garcia, Pau Torres ខ្សែបម្រើ Barcelona បច្ចុប្បន្ន Pedri, Carlos Soler និង Dani Olmo ជាដើម។រំលឹកថា អេស្ប៉ាញបានធ្លាក់ពី World Cup ត្រឹមវគ្គ ១៦ក្រុមចុងក្រោយក្រោមស្នាដៃម៉ារ៉ុកដោយបាល់ ១១ម៉ែត្រកាត់សេចក្តី ហើយលោក Luis Enrique ក៏សម្រេចាកចេញពីតំណែងក្រោយចូលកាន់តំណែងតាំងពីឆ្នាំ២០១៨៕អត្ថបទ៖នាង សុភាវុធ

មុនជួបគ្នាវគ្គពាក់កណ្តាលផ្តាច់ព្រ័ត្រ World Cup បារាំងព្រួយពីរនាំងការពាររបស់ម៉ារ៉ុក

បាល់ទាត់៖ ក្រុមបារាំងបានបង្ហាញពីក្តីបារម្ភ និងកោតខ្លាចម៉ារ៉ុកពីទម្រង់លេងការពារ ដែលនឹងបង្កការលំបាកសម្រាប់ខ្សែប្រយុទ្ធបារាំងក្នុងការរកគ្រាប់បាល់ នៅវគ្គពាក់កណ្តាលផ្តាច់ព្រ័ត្រយប់ស្អែកនេះ។ ម៉ារ៉ុកបានឡើងមកកាន់វគ្គពាក់កណ្តាលផ្តាច់ព្រ័ត្រគួរឱ្យភ្ញាក់ផ្អើល តាមរយៈការយកឈ្នះអេស្ប៉ាញនៅវគ្គ ១៦ក្រុម និងបន្តយកឈ្នះព័រទុយហ្កាល់នៅវគ្គ ៨ក្រុម ហើយរបូតគ្រាប់បាល់តែមួយគ្រាប់គត់នៅ World Cup ឆ្នាំនេះ។ ខ្សែការពារបារាំង Raphael Varane បាននិយាយថា បារាំងមានសមត្ថភាព និងបទពិសោធន៍គ្រប់គ្រាន់ក្នុងការគេចពីអន្ទាក់របស់ម៉ារ៉ុក តាមរយៈការគ្រប់គ្រងផ្លូវចិត្តកុំឱ្យមានជំនឿលើខ្លួនឯងពេក ពីព្រោះថាម៉ារ៉ុកឡើងមកកាន់វគ្គនេះមិនមែនជារឿងសំណាងឡើយ។ ម៉ារ៉ុកការពារបានល្អណាស់ ដូច្នេះខ្សែប្រយុទ្ធបារាំងច្បាស់ណាស់ថានឹងពិបាករកគ្រាប់បាល់ តែគ្រប់គ្នាត្រៀមរួចរាល់ហើយក្នុងការប្រយុទ្ធដើម្បីវគ្គផ្តាច់ព្រ័ត្រ។សូមបញ្ជាក់ថា បារាំងឡើងមកកាន់វគ្គនេះក្រោយយកឈ្នះប៉ូឡូញនៅវគ្គ ១៦ក្រុមចុងក្រោយ និងយកឈ្នះអង់គ្លេសនៅវគ្គ ៨ក្រុម។ ក្រុមរបស់លោក Didier Deschamps កំពុងប៉ុនប៉ងឈ្នះជើងឯក World Cup ពីរលើកជាប់គ្នា បន្ទាប់ពីឈ្នះជើងឯក ៤ឆ្នាំមុននៅរុស្ស៊ីដែលយកឈ្នះក្រូអាស៊ីនៅវគ្គផ្តាច់ព្រ័ត្រ៕អត្ថបទ៖នាង សុភាវុធ

ប្រណាំងកង់ភ្នំជុំទី៤ មានកីឡាករ-កីឡាការិនីចូលរួមច្រើនលើសពីការរំពឹងទុក

ប្រណាំងកង់៖ ព្រឹត្តិការណ៍ប្រណាំងកង់ភ្នំ Wurkz Mountain Bike Series ឆ្នាំ២០២២ ជុំទី៤ ដែលបានរៀបចំនៅទីលានប្រណាំងកង់ព្រែកលៀប អាចនិយាយបានជាចំណែកមួយយ៉ាងសំខាន់ក្នុងការវាសស្ទង់កម្រិតសមត្ថភាពអត្តពលិកជម្រើសជាតិ បន្ទាប់ពីពួកគេបានហ្វឹកហាត់អស់រយៈពេលជាច្រើនខែ ជាពិសេសកំណើននៃកាចូលរួមលើសពីការរំពឹងទុកពីមួយជុំទៅមួយជុំ។ អ្នករៀបចំការប្រកួតលោក ព្យែ អ៊ីវកាត់ទ្រី បានបញ្ជាក់ថា ការប្រកួតកង់ភ្នំជុំទី៤ នេះពិតជាអស្ចារ្យ និងទទួលបានការចាប់អារម្មណ៍យ៉ាងខ្លាំងពីមហាជន ដែលបានមកគាំទ្រដល់ទីលានជាមួយនឹងកីឡាករ កីឡាការិនីជាតិ និងអន្តរជាតិសរុប ៥៣៣នាក់។ ស្ថាបនិកកង់ភ្នំរូបនេះបន្តថា ការប្រកួតនេះជាចំណែកមួយក្នុងការជួយបង្កើនសិទ្ធផលកីឡាករ កីឡាការិនីជម្រើសជាតិទាំងអស់បានដុសខាត់សមត្ថភាព វាសស្ទង់ និងពិនិត្យមើលពីចំណុចខ្វះខាតដើម្បីយកមកពង្រឹងបន្ថែម មិនត្រឹមតែប៉ុណ្ណោះក៏ជាឱកាសអោយគណៈកម្មការរៀបចំការប្រកួត បានត្រៀមខ្លួនអោយកាន់តែល្អ សម្រាប់ត្រៀមលក្ខណៈទទួលធ្វើជាម្ចាស់ផ្ទះ ព្រឹត្តិការណ៍កីឡាស៊ីហ្គេមលើកទី៣២ នាអំឡុងខែឧសភា ឆ្នាំ២០២៣ ខាងមុខនេះ។លោកបន្ថែមថា ការប្រកួតដំណើរការដោយរលូន ព្រោះយើងមានកីឡាករខ្លាំងៗចូលរួមប្រកួតប្រជែងយ៉ាងស្វិតស្វាញពោរពេញដោយសមត្ថភាព និងភាពសប្បាយរីករាយ ដោយមិនបង្កអោយកីឡាករ កីឡាការិនីណាម្នាក់គ្រោះថ្នាក់ បើទោះបីជាទីលានព្រែកលៀបនេះមានលក្ខណៈខ្លីក៏ពិតមែន តែយើងបានអោយពួកគាត់ប្រកួតច្រើនជុំ។ សូមបញ្ជាក់ថា សម្រាប់ជ័យលាភីចំណាត់ថ្នាក់លេខ១ Class A បានលើកីឡាករ សាំង សីហា, Class B1 លេខ១ បានលើកីឡាករ កែ រដ្ឋា, Class B2 លេខ១ បានលើកីឡាករ កែ សុផា។ Class Masters លេខ១ បានលើ Hector Rubala , Class E-Bike លេខ១ បានលើកីឡាករ អឿ ស៊ីផា, Class C3 លេខ១ បានលើកីឡាករ យី លាងម៉េង, Class C2 លេខ១ បានលើកីឡាករ ធីម លីម៉េង, Class C1 លេខ១ បានលើកីឡាករ នីត សីហាក់, Class Women លេខ១ បានលើកីឡាការិនី ខេន ម៉ាឡៃ។ ក្នុងនោះក៏មានចំណាត់ថ្នាក់សម្រាប់កុមារា និងកុមារីចូលរួមប្រកួតផងដែរ៕

កម្ពុជាបញ្ជូនប្រតិភូ និងអត្តពលិក ៣២នាក់ចូលរួមជើងឯកការ៉ាតេអាស៊ីនៅអូបេគីស្ថាន

ការ៉ាតេ៖ សហព័ន្ធកីឡាការ៉ាតេកម្ពុជាបានបញ្ជូនប្រតិភូ អាជ្ញាកណ្ដាល ចៅក្រម គ្រូបង្វឹក និងកីឡាករ-កីឡាការិនីសរុបចំនួន ៣២នាក់ចូលរួមព្រឹត្តិការណ៍ប្រកួតកីឡាការ៉ាតេជើងឯកអាស៊ីលើកទី១៨ (Asia Karate Federation Championship 2022) នៅទីក្រុង Tashkent ប្រទេសអូបេគីស្ថាន។ តាមការបញ្ជាក់របស់មន្ដ្រីសហព័ន្ធ ការប្រកួតជើងឯកអាស៊ីនេះនឹងប្រព្រឹត្តទៅពីថ្ងៃទី១៦ ដល់ថ្ងៃទី២០ ខែធ្នូខាងមុខ ដោយមានអត្តពលិកជាច្រើនប្រទេសចូលរួម ក្នុងនោះមានកីឡាករ-កីឡាការិនីកម្ពុជាផងដែរ។ លើសពីនេះក៏មានការប្រឡងយកសញ្ញាបត្រ អាជ្ញាកណ្ដាល ចៅក្រមកម្រិតអន្ដរជាតិ (AKF) ចំនួន ៥រូបពីកម្រិត B ឡើងទៅកម្រិត A ផងដែរ។ ដូច្នេះការចូលរួមនេះគឺជាការត្រៀមខ្លួនសម្រាប់សហព័ន្ធ ក្នុងការដុសខាតក៏ដូចជាពង្រឹងសមត្ថភាព និងបច្ចេកទេសបន្ថែមដល់កីឡាករ-កីឡាការិនី រួមទាំងមន្ដ្រីបច្ចេកទេស ទាំងអាជ្ញាកណ្ដាល និងចៅក្រមសម្រាប់ត្រៀមលក្ខណៈឆ្ពោះទៅទទួលរៀបចំ និងការប្រកួតកីឡាស៊ីហ្គេមឆ្នាំ២០២៣ ដែលកម្ពុជានឹងធ្វើម្ចាស់ផ្ទះនាឆ្នាំក្រោយ។ គួរដឹងថា កាលពីឆ្នាំ២០២១ សហព័ន្ធក៏បានបញ្ចូនប្រតិភូ និងអត្តពលិកជាច្រើនរូបចូលរួមប្រកួតព្រឹត្តិការណ៍នេះដែរ ដោយកម្ពុជាដណ្ដើមបានមេដាយសំរឹទ្ធ ២គ្រឿងនៅប្រទេសកាហ្សាក់ស្ថាន៕អត្ថបទ៖ លី ឈុនឡា

សហព័ន្ធកីឡាអុករំពឹង FIDE ទទួលស្គាល់កីឡាករកម្ពុជា ក្រោយរៀបចំពានអន្ដរជាតិ

កីឡាអុក៖ សហព័ន្ធកីឡាអុកកម្ពុជារំពឹងមានការទទួលស្គាល់កីឡាករកម្ពុជា ជាលក្ខណៈពិភពលោកពីសំណាក់សហព័ន្ធកីឡាអុកអន្ដរជាតិ “FIDE” បន្ទាប់ពីសហព័ន្ធបានរៀបចំការប្រកួតអុកពានរង្វាន់អន្ដរជាតិលើកដំបូងដែលមានឈ្មោះ 1st LY HOUT FIDE RATED CHESS INVITATIONAL 2022 កាលពីចុងសប្ដាហ៍កន្លងទៅ។ការប្រកួតនេះបានប្រព្រឹត្តិទៅរយៈពេល ២ថ្ងៃកាលពីថ្ងៃទី១០-១១ ខែធ្នូ ឆ្នាំ២០២២ ដោយមានអត្តពលិក ៣ប្រទេសចូលរួមក្នុងនោះមានកីឡាករ-កីឡាការិនីម្ចាស់ផ្ទះកម្ពុជា ១១នាក់ កីឡាករ-កីឡាការិនីម៉ាឡេស៊ី ១០នាក់ និងកីឡាករ-កីឡាការិនីថៃ ៥នាក់ គ្រាដែលពិធីបិទបានធ្វើឡើងក្រោមវត្តមានលោកឧកញ៉ា លី ហ៊ួត ប្រធានសហព័ន្ធកីឡាអុកកម្ពុជា។ លោក ឌី ជោត អគ្គលេខាធិការសហព័ន្ធ និងជាអ្នកសម្រលសម្រួលការប្រកួតអុកអន្តរជាតិពានរង្វាន់ លី ហ៊ួត លើកទី១ នៅកម្ពុជា បានបញ្ជាក់ថា គោលបំណងនៃការរៀបចំព្រឹត្តិការណ៍នេះ គឺដើម្បីឲ្យកីឡាករអុកអន្តរជាតិរបស់កម្ពុជាមានការទទួលស្គាល់ជាលក្ខណៈអន្ដរជាតិ ពោលគឺដើម្បីបញ្ចូលកីឡាករកម្ពុជាក្នុងបញ្ជីកីឡាករអុកពិភពលោកជាផ្លូវការ ឬ FIDE RATED ដែលជាប្រព័ន្ធដាក់ពិន្ទុជូនកីឡារ-កីឡាករីនី ហើយត្រូវបានទទួលស្គាល់ជុំវិញពិភពលោកចំពោះប្រភេទកីឡាអុកអន្តរជាតិ។លោកថា ដើម្បីទទួលបាន FIDE RATED កីឡាករកម្ពុជាត្រូវប្រកួតយ៉ាងហោចណាស់ស្មើ ១ប្រកួតជាមួយកីឡាករបរទេសមួយក្តាចំណោម ៥ក្តានៃការប្រកួតចំនួន ៧ជុំនៅក្នុងការប្រកួតអុកអន្តរជាតិពានរង្វាន់ លី ហ៊ួត លើកទី១ ឆ្នាំ២០២២ នេះ ដែលជាប្រព័ន្ទតាមលក្ខណៈស្ដង់ដារអន្ដរជាតិ ដើម្បីលើកមុខមាត់វិស័យកីឡាអុកអន្ដរជាតិកម្ពុជាឲ្យរីកចម្រើន និងមានការទទួលស្គាល់លើឆាកអន្ដរជាតិ។ បន្ទាប់ពីឆ្លងកាត់ការប្រកួតដ៏ស្វិតស្វាញ ២ថ្ងៃ ជាលទ្ធផលបច្ចេកទេសគឺកីឡាករម៉ាឡេស៊ី FADZIL MUHD IDRAKI បានគ្រងជយលាភីលេខ១ ទទួលបានប្រាក់រង្វាន់ ១ពាន់ដុល្លារ ខណៈកីឡាករកម្ពុជា HAK LAMBEAR ទទួលបានចំណាត់ថ្នាក់លេខ២ អមប្រាក់រង្វាន់ ៧០០ដុល្លារ និងលេខ៣ កីឡាករម៉ាឡេស៊ី IBNU IWAN SCHANI ទទួលបានប្រាក់រង្វាន់ ៣០០ដុល្លារ៕អត្ថបទ៖ លី ឈុនឡា

អ្នកការពារជើងឯកវាយសី Viktor Axelsen គ្រងជើងឯក BWF World Tour Finals នៅថៃ

វាយសី៖ កីឡាករវាយសីលំដាប់លេខ ១ ពិភពលោកសញ្ជាតិដាណឺម៉ាក Viktor Axelsen ទីបំផុតអាចការពារជើងឯករបស់ខ្លួនបាននៅពានរង្វាន់ BWF World Tour Finals ដែលរៀបចំនៅទីក្រុងបាងកកប្រទេសថៃ ក្រោយយកឈ្នះកីឡាករឥណ្ឌូនេស៊ី Anthony Sinisuka Ginting នៅវគ្គផ្តាច់ព្រ័ត្រ។ ដើម្បីគ្រងជើងឯកលើកនេះ Viktor Axelsen បានចំណាយពេលត្រឹម ៤១នាទីប៉ុណ្ណោះដើម្បីគ្រងជើងឯកពានទី៨ ក្នុងឆ្នាំ២០២២ នេះនៅកីឡដ្ឋាន Nimibutr Arena ជាមួយនឹងលទ្ធផល ២១-១៣ និង ២១-១៤។ ក្រឡេកមកការប្រកួតវាយគូបុរសនារីកីឡាករចិន Zheng Siwei និងកីឡាការិនី Huang Yaqiong បានយកឈ្នះពានមាសលើវិញ្ញាសានេះ ក្រោយយកឈ្នះដៃគូថៃកីឡាករ Dechapol Puavaranukroh និង Sapsiree Taerattanachai ដោយលទ្ធផល ២១-១៩, ១៨-២១ និង ២១-១៣ ចំណាយពេល ១ម៉ោង ១៣នាទី។នេះជាមេដាយមាសទី៣ សំរាប់ចិននៅក្នុងព្រឹត្តការណ៍ចុងក្រោយប្រចាំឆ្នាំមួយនេះ។ សូមបញ្ជាក់ថា សហព័ន្ធកីឡាវាយសីពិភពលោកបានសំរេចចិត្តលើកព្រឹត្តិការណ៍ដែលមានកញ្ចប់ប្រាក់រង្វាន់ ១.៥លានដុល្លារនេះមកធ្វើនៅទឹកដីថៃ បន្ទាប់ពីម្ចាស់ផ្ទះដើមចិនបានសម្រេចដកខ្លួន ដោយសារវិធានការបញ្ហាកូវីដ-១៩ ដ៏តឹងរ៉ឹង៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ជើងឯកចំបាប់អាស៊ាននឹងប្រកួតចុងសប្ដាហ៍នេះដោយមានប្រតិភូ និងអត្តពលិកចូលរួមជិត ២០០នាក់

ដំណើរឆ្ពោះទៅអាស៊ានប៉ារ៉ាហ្គេម ២០២៣ ក៏កំពុងត្រៀមខ្លួនយ៉ាងល្អប្រសើរដូចស៊ីហ្គេមដែរ

អ្នកគាំទ្រអាហ្សង់ទីនរំពឹងឆ្លងកាត់គ្រោះធំក្រូអាស៊ីឡើងវគ្គផ្តាច់ព្រ័ត្រ

កីឡាករវ័យចាស់របស់ FIFA ចូលរួមការប្រកួតមិត្តភាពជាមួយក្រុមការងារកម្មករកាតា

អេស្ប៉ាញបង្ហាញមុខផ្លូវការគ្រូបង្វឹកក្រុមជម្រើសជាតិបន្តពីលោក Luis Enrique

មុនជួបគ្នាវគ្គពាក់កណ្តាលផ្តាច់ព្រ័ត្រ World Cup បារាំងព្រួយពីរនាំងការពាររបស់ម៉ារ៉ុក

ប្រណាំងកង់ភ្នំជុំទី៤ មានកីឡាករ-កីឡាការិនីចូលរួមច្រើនលើសពីការរំពឹងទុក

កម្ពុជាបញ្ជូនប្រតិភូ និងអត្តពលិក ៣២នាក់ចូលរួមជើងឯកការ៉ាតេអាស៊ីនៅអូបេគីស្ថាន

សហព័ន្ធកីឡាអុករំពឹង FIDE ទទួលស្គាល់កីឡាករកម្ពុជា ក្រោយរៀបចំពានអន្ដរជាតិ

អ្នកការពារជើងឯកវាយសី Viktor Axelsen គ្រងជើងឯក BWF World Tour Finals នៅថៃ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជើងឯក​ចំបាប់​អាស៊ាន​នឹង​ប្រកួត​ចុង​សប្ដាហ៍​នេះ​ដោយមាន​ប្រតិភូ និង​អត្ត​ព​លិ​ក​ចូលរួម​ជិត ២០០​នាក់​

ដំណើរ​ឆ្ពោះទៅ​អាស៊ាន​ប៉ា​រ៉ា​ហ្គេម ២០២៣ ក៏​កំពុង​ត្រៀមខ្លួន​យ៉ាង​ល្អប្រសើរ​ដូច​ស៊ី​ហ្គេម​ដែរ​

អ្នកគាំទ្រ​អា​ហ្ស​ង់​ទីន​រំពឹង​ឆ្លងកាត់​គ្រោះ​ធំ​ក្រូ​អាស៊ី​ឡើង​វគ្គ​ផ្តាច់ព្រ័ត្រ

កីឡាករ​វ័យចាស់​របស់ FIFA ចូលរួម​ការប្រកួត​មិត្តភាព​ជាមួយ​ក្រុមការងា​រ​កម្មករ​កាតា

អេ​ស្ប៉ា​ញ​បង្ហាញមុខ​ផ្លូវការ​គ្រូបង្វឹក​ក្រុម​ជម្រើសជាតិ​បន្ត​ពី​លោក Luis Enrique

មុន​ជួបគ្នា​វគ្គ​ពាក់កណ្តាល​ផ្តាច់ព្រ័ត្រ World Cup បារាំង​ព្រួយ​ពី​រនាំង​ការពារ​របស់​ម៉ា​រ៉ុ​ក

ប្រណាំង​កង់​ភ្នំ​ជុំ​ទី​៤ មាន​កីឡាករ-កីឡាការិនី​ចូលរួម​ច្រើន​លើស​ពី​ការ​រំពឹងទុក​

កម្ពុជា​បញ្ជូន​ប្រតិភូ និង​អត្ត​ព​លិ​ក ៣២​នាក់​ចូលរួម​ជើងឯក​កា​រ៉ា​តេ​អាស៊ី​នៅ​អូ​បេ​គី​ស្ថាន​

សហព័ន្ធ​កីឡា​អុករំពឹង​ FIDE ​ទទួលស្គាល់​កីឡាករ​កម្ពុជា ក្រោយ​រៀបចំ​ពាន​អន្ដរជាតិ​

អ្នកការពារ​ជើងឯក​វាយ​សី Viktor Axelsen គ្រង​ជើងឯក BWF World Tour Finals នៅ​ថៃ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជើងឯកចំបាប់អាស៊ាននឹងប្រកួតចុងសប្ដាហ៍នេះដោយមានប្រតិភូ និងអត្តពលិកចូលរួមជិត ២០០នាក់

ដំណើរឆ្ពោះទៅអាស៊ានប៉ារ៉ាហ្គេម ២០២៣ ក៏កំពុងត្រៀមខ្លួនយ៉ាងល្អប្រសើរដូចស៊ីហ្គេមដែរ

អ្នកគាំទ្រអាហ្សង់ទីនរំពឹងឆ្លងកាត់គ្រោះធំក្រូអាស៊ីឡើងវគ្គផ្តាច់ព្រ័ត្រ

កីឡាករវ័យចាស់របស់ FIFA ចូលរួមការប្រកួតមិត្តភាពជាមួយក្រុមការងារកម្មករកាតា

អេស្ប៉ាញបង្ហាញមុខផ្លូវការគ្រូបង្វឹកក្រុមជម្រើសជាតិបន្តពីលោក Luis Enrique

មុនជួបគ្នាវគ្គពាក់កណ្តាលផ្តាច់ព្រ័ត្រ World Cup បារាំងព្រួយពីរនាំងការពាររបស់ម៉ារ៉ុក

ប្រណាំងកង់ភ្នំជុំទី៤ មានកីឡាករ-កីឡាការិនីចូលរួមច្រើនលើសពីការរំពឹងទុក

កម្ពុជាបញ្ជូនប្រតិភូ និងអត្តពលិក ៣២នាក់ចូលរួមជើងឯកការ៉ាតេអាស៊ីនៅអូបេគីស្ថាន

សហព័ន្ធកីឡាអុករំពឹង FIDE ទទួលស្គាល់កីឡាករកម្ពុជា ក្រោយរៀបចំពានអន្ដរជាតិ

អ្នកការពារជើងឯកវាយសី Viktor Axelsen គ្រងជើងឯក BWF World Tour Finals នៅថៃ