BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Taylor Fritz យកឈ្នះ Daniil Medvedev លើកពានវាយកូនបាល់នៅអារ៉ាប៊ីសាអ៊ូឌីត

វាយកូនបាល់៖ កីឡាករអាមេរិក Taylor Fritz បានយកឈ្នះអ្នកការពារតំណែងជើងឯក Daniil Medvedev ដើម្បីគ្រងជើងឯកការប្រកួតវាយកូនបាល់ពានរង្វាន់ Diriyah Tennis Cup នៅអារ៉ាប៊ីសាអ៊ូឌីត។ការប្រកួតដែលចំណាយពេលដល់ជិតពីរម៉ោង កីឡាករទាំងពីរភាគច្រើនបានចាញ់ក្នុងការចេញសេវារបស់ខ្លួន តែកីឡាករលេខ ៩ ពិភពលោក Taylor Fritz ជាអ្នកមានសំណាងជាងនៅចុងសិតនៅមួយៗដែលឈានដល់ Tiebreak ដោយយកឈ្នះទាំងពីរសិតលទ្ធផលពិន្ទុ ៧-៦(៧-៥) និង ៧-៦(៧-៣)។ នេះជាបរាជ័យដំបូងសំរាប់ Daniil Medvedev នៅលើទឹកដីអារ៉ាប៊ីសាអ៊ូឌីតនេះ បន្ទាប់ពីគ្រងជើងឯកកម្មវិធីនេះក្នុងពេលបង្កើតឡើងដំបូងនៅឆ្នាំ២០១៩ មុនពេលត្រូវផ្អាកពីរឆ្នាំដោយសារកូវីដ-១៩។ រីឯកីឡាករវ័យ ២៥ឆ្នាំ Taylor Fritz តាមរយៈជ័យជំនះនេះគេទទួលបានប្រាក់រង្វាន់ ១លានដុល្លារ ខណៈជើងឯករង Daniil Medvedev ទទួលបាន ៥សែនដុល្លារ៕អត្ថបទ៖នាង សុភាវុធ

Erik ten Hag៖ Manchester United កំពុងស្វែងរកខ្សែប្រយុទ្ធជួរមុខជំនួស Ronaldo

បាល់ទាត់៖ អ្នកចាត់ការក្រុមបិសាចក្រហម Manchester United លោក Erik ten Hag បាននិយាយថា ក្រុមរបស់លោកកំពុងស្វែករកខ្សែប្រយុទ្ធជួរមុខថ្មីម្នាក់ដើម្បីជំនួសតំណែង Cristiano Ronaldo ដែលចាកចេញពីក្លិប។ និយាយក្នុងកិច្ចសម្ភាសន៍ជាមួយ TalkTV លោក Ten Hag ថា ក្លិបបាននឹងកំពុងស្វែងរកខ្សែប្រយុទ្ធជួរមុខ មិនថាតែពេលនេះទេគឺតាំងពីតែពីពេល Ronaldo មិនទាន់ចាកចេញម្ល៉េះ។ កីឡាករជាច្រើនស្ថិតក្នុងបញ្ជីតាមទិញរបស់ក្លិប តែពួកគេម្នាក់ៗសុទ្ធតែជាប់កិច្ចសន្យា។ អតីតអ្នកចាត់ការ Ajax រូបនេះមិនអាចបញ្ជាក់ឈ្មោះថា ខ្សែប្រយុទ្ធថ្មីជានរណាខ្លះទេ តែលោកនឹងប្រាប់នៅពេលមានសញ្ញាវិជ្ជមាន។ កីឡាករក្នុងបញ្ជីតាមទិញរបស់ Manchester United ត្រូវបានគេដឹងថា មានដូចជាមិត្តរួមជាតិរបស់ Ronaldo, Joao Felix និង Goncalo Ramos ជាដើម។រំលឹកថា Cristiano Ronaldo បានផ្តល់កិច្ចសម្ភាសន៍ជាមួយលោក Piers Morgan ថា គេមានអារម្មណ៍ថា ក្លិបកំពុងក្បត់ និងអស់ការគោរពចំពោះលោក Erik ten Hag។ ក្រោយមក Manchester United ក៏បានចេញសេចក្តីប្រកាសពីការចាកចេញរបស់ Ronaldo ផ្លូវការ និងបញ្ចប់កិច្ចសន្យាមុនការកំណត់។ Manchester United នឹងត្រូវទទួលស្វាគមន៍ Burnley ពាន EFL Cup នៅថ្ងៃទី២១ ខែធ្នូក្រោយ World Cup បញ្ចប់៕អត្ថបទ៖នាង សុភាវុធ

NOCC ចាត់ទុកជោគជ័យកីឡាក្នុងបុណ្យសមុទ្រជាសញ្ញាណល្អសម្រាប់ស៊ីហ្គេម ពិសេសគុនខ្មែរជើងឯកអាស៊ាន

ព្រះសីហនុ៖ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) បានគូសបញ្ជាក់ថា សកម្មភាពកីឡាដើម្បីអបអរពិធីបុណ្យសមុទ្រលើកទី៩ (ជុំទី៣) នៅខេត្តព្រះសីហនុរយៈពេល ៣ថ្ងៃកាលពីចុងសប្ដាហ៍កន្លងទៅបានបញ្ចប់ដោយជោគជ័យ ហើយផ្លែផ្កានេះគឺជាសញ្ញាណមួយដ៏ល្អសម្រាប់ត្រៀមស៊ីហ្គេមឆ្នាំ២០២៣ ពិសេសការប្រកួតប្រដាល់គុនខ្មែរជ្រើសរើសជើងឯកអាស៊ីអាគ្នេយ៍តែម្ដង។ ការគូសបញ្ជាក់នេះ បន្ទាប់ពីគណៈកម្មាធិការជាតិអូឡាំពិកកម្ពុជា ដោយទទួលបានការអនុញ្ញាតពីក្រសួងទេសចរណ៍ សហការជាមួយអាជ្ញាធរខេត្តព្រះសីហនុ បានរៀបចំសកម្មភាពកីឡាមួយចំនួនដូចជារត់កម្សាន្ដ ៣គីឡូម៉ែត្រ និង ៥គីឡូម៉ែត្រ, ប្រណាំងកង់ចម្ងាយ ១៥គីឡូម៉ែត្រ, ២០គីឡូម៉ែត្រ និង ៤០គីឡូម៉ែត្រ, ការសម្ដែងកីឡាទូកក្ដោង ពិសេសការប្រកួតកីឡាប្រដាល់គុនខ្មែរជើងឯកអាស៊ី ដែលមានការចូលរួមយ៉ាងច្រើនកុះករ ទាំងការចូលរួមលេងកម្សាន្ដ និងការទស្សនាលើកទឹកចិត្ត។ រដ្ឋលេខាធិការក្រសួងទេសចរណ៍ដដែលបានបញ្ជាក់ថា ការរៀបចំកីឡាមួយចំនួន ពិសេសការប្រកួតប្រដាល់គុនខ្មែរជើងឯកអាស៊ីអាគ្នេយ៍ គឺផ្តោតសំខាន់ឆ្ពោះទៅទទួលរៀបចំធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ ឆ្នាំ២០២៣ ជាប្រវត្តិសាស្ត្រដំបូងរបស់កម្ពុជា ហើយរយៈពេល ៣ថ្ងៃ នៃការរៀបចំពីថ្ងៃទី០៩ ដល់ថ្ងៃទី១១ ខែធ្នូ ឆ្នាំ២០២២ ទាំងគណៈកម្មការ អាជ្ញាកណ្ដាល-ចៅក្រម សុទ្ធតែបានអនុវត្តតួនាទីភារកិច្ចយ៉ាងល្អប្រសើរ ស្របតាមបទបញ្ជាការប្រកួតគុនខ្មែរ ដោយយោងតាមគោលការណ៍ប្រដាល់ Muay ដែលមានចែងក្នុងធម្មនុញ្ញស៊ីហ្គេម។តាមរយៈនេះ ឯកឧត្តមបានវាយតម្លៃខ្ពស់ចំពោះការប្រកួត ដ្បិតលទ្ធផលឈ្នះ-ចាញ់របស់កីឡាករ-កីឡាការិនីសុទ្ធតែបានឆ្លងកាត់ការប្រកួតដ៏ស្វិតស្វាញ ដែលសបញ្ជាក់ថា ការរៀបចំនេះពិតជាបង្ហាញឲ្យឃើញការត្រៀមខ្លួនបានយ៉ាងល្អរបស់កម្ពុជា សម្រាប់ទទួលរៀបចំការប្រកួតប្រដាល់គុនខ្មែរនៅក្នុងព្រឹត្តិការណ៍ស៊ីហ្គេមឆ្នាំ២០២៣ ខាងមុខ និងបំផុសចលនាមហាជនបានត្រៀមខ្លួនរួចរាល់ ដើម្បីចូលរួមគាំទ្រដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំផងដែរ៕ អត្ថបទ៖ លី ឈុនឡា

ប្រធានក្រុមក្រូអាស៊ីថា Messi មិនមែនជាគោលដៅគ្រោះថ្នាក់តែម្នាក់ទេ គឺក្រុមទាំងមូល

បាល់ទាត់៖ មុនជួបគ្នានៅវគ្គពាក់កណ្តាលផ្តាច់ព្រ័ត្រ World Cup ស្អែកនេះខ្សែប្រយុទ្ធក្រូអាស៊ី Bruno Petkovic បាននិយាយថា ក្រូអាស៊ីនឹងមិនផ្តោតតែលើ Messi តែម្នាក់ទេតែត្រូវផ្តោតលើក្រុមទាំងមូល។ ក្រូអាស៊ីកំពុងព្យាយាមឡើងឱ្យដល់វគ្គផ្តាច់ព្រ័ត្រ World Cup ពីរព្រឹត្តិការណ៍ជាប់គ្នា បន្ទាប់ពីឡើងវគ្គផ្តាច់ព្រ័ត្រ ៤ឆ្នាំមុននៅរុស្ស៊ីចាញ់បារាំង ៤-២។ មុនឡើងមកដល់វគ្គនេះ ក្រូអាស៊ីបានទម្លាក់ក្រុមបេក្ខភាពឈានមុខគេប្រេស៊ីលដោយបាល់ ១១ម៉ែត្រកាត់សេចក្តី។ និយាយក្នុងសន្និសីទសារព័ត៌មានមុនជួបគ្នាស្អែក អ្នកស៊ុតបញ្ចូលទីតាមស្មើពេលជួបប្រេស៊ីល Bruno Petkovic បាននិយាយថា ក្រុមរបស់ខ្លួនមិនមានគោលដៅចាប់កីឡាករ Playmaker រូបណាតែម្នាក់ទេ កន្លងមកគឺពួកយើងតែងតែផ្តោតលើកីឡាករទាំងក្រុម ពីព្រោះថាក្រុមដូចជាអាហ្សង់ទីន Messi មិនមែនជាមនុស្សគ្រោះថ្នាក់តែម្នាក់ទេ។ម្ចាស់ជ័យលាភី Ballon D’Or ៧លើក Lionel Messi បានដើរតួរយ៉ាងសំខាន់ក្នុងការនាំអាហ្សង់ទីនឡើងមកកាន់វគ្គនេះ ហើយ Messi ក៏ជាអ្នកទាត់បាល់ ១១ម៉ែត្រកាត់សេចក្តីមួយគ្រាប់ដែរពេលយកឈ្នះហូឡង់នៅវគ្គ ៨ក្រុម។ សម្រាប់ក្រុមក្រូអាស៊ី គ្មានកីឡាករជាប់បម្រាម គ្មានកីឡាកររបួសឡើយ ខណៈក្រុមរបស់លោក Zlatko Dalic ត្រៀមខ្លួនរួចរាល់ដើម្បីយកកៅអីវគ្គផ្តាច់ព្រ័ត្រ៕អត្ថបទ៖នាង សុភាវុធ

អ្នកលេងឃីកបុកស៊ីង ១៨ប្រទេសត្រូវប្រជែងគ្នាដណ្តើមជើងឯកអាស៊ី ២០២២ នៅថៃ

ឃីកបុកស៊ីង៖ ក្នុងសប្តាហ៍នេះ អ្នកលេងឃីកបុកស៊ីងមកពី ១៨ប្រទេសជួបជុំគ្នានៅទីក្រុងបាងកកប្រទេសថៃ ចូលរួមប្រកួតប្រជែងជើងឯកឃីកបុកស៊ីងអាស៊ីឆ្នាំ២០២២ ក្នុងនោះកម្ពុជាក៏បានបញ្ជួនអត្តពលិកមិនតិចនោះទេ។ ឯកឧត្តម ហេង សុខឃន ប្រធានសហព័ន្ធកីឡាឃីកបុកស៊ីងកម្ពុជា បានប្រាប់ឱ្យដឹងមុនជូនដំណើរកីឡាករនៅអាកាសយានដ្ឋានអន្តរជាតិភ្នំពេញថ្មីៗនេះថា កម្ពុជាបានបញ្ជួនកីឡាករ-កីឡាការិនីលើប្រភេទកីឡានេះ ១៧នាក់ចូលរួមប្រកួត រួមជាមួយគ្រូបង្វឹក និងមន្ត្រីបច្ចេកទេសជាច្រើនរួមទៀតក្នុងន័យសម្រួច ក៏ដូចជារៀនសូត្រលើកឆាកអន្តរជាតិឆ្ពោះទៅប្រកួតស៊ីហ្គេម ២០២៣ នៅកម្ពុជា។ឯកឧត្តមបន្តថា ការប្រកួតនេះមិនប៉ះពាល់ដល់កីឡាករសម្រាប់ប្រកួតស៊ីហ្គេមនោះទេ ដោយសារតែយើងមានបទពិសោធន៍មួយចំនួនពីការប្រកួតនៅវៀតណាមកន្លងទៅថ្មីៗនេះ ហើយពិសេសការទៅចូលរួមនេះមានការគាំទ្រពីផ្នែកពាក់ព័ន្ធផងដែរ។ សូមជម្រាបជូនថា ការប្រកួតកីឡាឃីកបុកស៊ីងជើងឯកអាស៊ី ២០២២ ដំណើរការពីថ្ងៃទី១០ ដល់ថ្ងៃទី១៨ ខែធ្នូ ឆ្នាំ២០២២ នៅមជ្ឈមណ្ឌលយុវជនថៃ-ជប៉ុននៅទីក្រុងបាងកកប្រទេសថៃ៕ អត្ថបទ៖ គង់ ហួន

ព្រឹត្តិការណ៍ប្រណាំងម៉ូតូលើវាលរាបជោគជ័យលើសការរំពឹង រហូតមានការសាទរពីអាជ្ញាធរ និងពលរដ្ឋ

ប្រណាំងម៉ូតូ៖ ព្រឹត្តិការណ៍ប្រណាំងម៉ូតូលើវាលរាប elf Cup Race Endurance ឆ្នាំ២០២២ នេះបានបញ្ចប់ដោយជោគជ័យជាមួយការសាទរពីអាជ្ញាធរ និងប្រជាពលរដ្ឋទៀតហើយ បន្ទាប់ពីដំណើរការប្រកួតដ៏ស្វិតស្វាញ់អស់រយៈពេល ៣ថ្ងៃចាប់ពីថ្ងៃទី០៩ ដល់ថ្ងៃទី១១ ខែធ្នូកន្លងទៅនៅទីលាន Yamamoto Circuit Cambodia ខេត្តកំពង់ស្ពឺ។ ពិធីបិទការប្រកួតនេះបានធ្វើឡើងក្រោមវត្តមានឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ។ លោក ហូ សិទ្ធិគុណ តំណាងគណៈកម្មការរៀបចំ និងភ្នាក់ងាររៀបចំការ៉ាកម្ពុជា(KARA) បានឲ្យដឹងថា ការប្រកួតរយៈពេល ៣ថ្ងៃនៅតំបន់អភិវឌ្ឍន៍កសិទេសចរណ៍ ម៉ុង ឬទ្ធី សែន ជ័យ នេះមានកីឡាករ-កីឡាការិនីចូលរួមប្រមាណ ៥០នាក់ និងប្រកួតលើ ៥វិញ្ញាសា។ មុនការប្រកួតគណៈកម្មការ ក៏ដូចជាកីឡាករសុទ្ធតែមានការព្រួយបារម្ភ បន្ទាប់ពីខកខានរៀបចំច្រើនឆ្នាំដោយសារកូវីដ-១៩ តែក្រោយដំណើរការប្រកួតគឺបានរលូន និងជោគជ័យលើសពីការរំពឹងទុក ។ ដោយឡែកកីឡាករ វុធ វេងហួរ ជ័យលាភីលេខ១ លើវិញ្ញាសារ Class-B ក៏ដូចជាកីឡាករជប៉ុនលោក Kentaro Noda ដែលចូលរួមព្រឹត្តិការណ៍នេះបានកោតសរសើរ ទាំងការរៀបចំ និងការប្រកួតប្រជែង ទោះបីព្រឹត្តិការណ៍នេះ បានខកខានរៀបចំច្រើនឆ្នាំនេះ តែការរៀបចំក៏ល្អ ហើយកីឡាករចូលរួមក៏មានសមត្ថភាពខ្ពស់ ធ្វើឲ្យមានការប្រកួតប្រជែងខ្លាំងទម្រាំស្វែងរកម្ចាស់ជ័យលាភី។ចំណែកប្រជាពលរដ្ឋ ក៏ដូចជាយុវជនជិតឆ្ងាយដែលបានចូលរួមទស្សនាការប្រកួតនេះ ក៏បានសម្ដែងនូវសេចក្ដីរីករាយ ដែលកម្ពុជាមានព្រឹត្តិការណ៍ប្រណាំងម៉ូតូស្ដង់ដារបែបនេះ ហើយពួកគេសុទ្ធតែបានចាត់ទុកការប្រកួតនេះ គឺជាការរួមចំណែកមួយដ៏សង្គម ក្នុងការផ្ដល់ឱកាសដល់អ្នកស្នេហាវិស័យកីឡាមួយនេះ បានចូលរួមប្រកួត បង្ហាញសមត្ថភាព និងទេសកោលសល្យ ជាជាងការប្រកួតប្រជែងលើផ្លូវសាធារណៈ បង្កផលប៉ះពាល់ដល់សណ្ដាប់ធ្នាប់សង្គម។ ជាមួយគ្នានោះ ឯកឧត្តម វ៉ី សំណាង ក៏បានគាំទ្រការរៀបចំព្រឹត្តិការណ៍ប្រណាំងម៉ូតូលើវាលរាបនេះដែរ ដ្បិតជាការរួមចំណែកថ្មីមួយទៀតជាមួយខេត្តក្នុងការលើកកម្ពស់វិស័យកីឡា ហើយឯកឧត្តមថែមទាំងអំពាវនាវដល់យុវជនដែលស្រលាញ់ និងនិយមលេងកីឡានេះ ចូលរួមប្រកួតប្រជែងលើទីលានស្ដង់ដារ និងការរៀបចំត្រឹមត្រូវដែលមានលក្ខណៈសុវត្ថិភាពខ្ពស់នេះទៀតផង។ក្រឡេកទៅចាប់អារម្មណ៍លទ្ធផលនៃការប្រកួតវិញ សម្រាប់វិញ្ញាសារ Class-A ចំណាត់ថ្នាក់លេខ១ បានទៅកីឡាករ គីម ទី, លេខ២ កីឡាករ សៀក ពេជ្រ និងលេខ៣ កីឡាករ សួន សុចិត្រា។ វិញ្ញាសា Class-B ចំណាត់ថ្នាក់លេខ១ កីឡាករ វុធ វេងហួរ, លេខ២ កីឡាករ បូ ធេង និងលេខ៣ កីឡាករ ស្រ៊ុន ហួងហ្វី។ រីឯជ័យលាភីលើវិញ្ញាសា Class-C ចំណាត់ថ្នាក់លេខ១ កីឡាករជប៉ុន Kentaro Noda, លេខ២ កីឡាករ ស្រ៊ុន ហួងហ្វី និងលេខ៣ កីឡាករ លី ថៃ។ ក្រៅពីនេះក៏មានការប្រកួតផ្នែក Endurance ផងដែរ។ អ្វីដែលគួរឲ្យកត់សម្គាល់ ព្រឹត្តិការណ៍នេះគឺមានកីឡាការិនីម្នាក់គត់ចូលរួមគឺកីឡាការិនីដ៏ស្រស់សោភា ហេង សុគន្ធនីតា ដែលប្រកួតលើវិញ្ញាសា Class-B៕អត្ថបទ៖ លី ឈុនឡា

អង់គ្លេសចាកចេញពីទឹកដីកាតាក្រោយធ្លាក់ត្រឹមវគ្គ ៨ក្រុម

បាល់ទាត់៖ ក្រុមជម្រើសជាតិអង់គ្លេសបានធ្វើដំណើរចាកចេញពីទឹកដីកាតាហើយ ក្រោយបញ្ចប់ភារកិច្ចបន្ទាប់ពីធ្លាក់ត្រឹមវគ្គ ៨ក្រុមចុងក្រោយ FIFA World Cup។ កីឡាកររបស់លោក Gareth Southgate បានចាកចេញពីសណ្ឋាគារនៅ Al Wakrah ភាគខាងត្បូងទីក្រុងដូហា តែគេមិនឃើញវត្តមានខ្សែប្រយុទ្ធ Harry Kane ឡើយ។ ខ្សែប្រយុទ្ធ Spurs រូបនេះស៊ុតបញ្ចូលទីបាល់ ១១ម៉ែត្រមួយគ្រាប់តាមស្មើបារាំង តែបាល់ ១១ ម៉ែត្រតាមស្មើលើកទី២ ស៊ុតមិនចូល។ មួយគ្រាប់នោះធ្វើឱ្យ Harry Kane តាមស្មើកំណត់ត្រាស៊ុតបញ្ចូលទីច្រើនបំផុតឱ្យក្រុមជម្រើសជាតិអង់គ្លេសសរុប ៥៣គ្រាប់ស្មើនឹង Wayne Rooney។ នេះជាលើកទី៧ ដែលអង់គ្លេសធ្លាក់ត្រឹមវគ្គ ៨ក្រុមចុងក្រោយ World Cup បន្ទាប់ពីឡើងដល់វគ្គពាក់កណ្តាលផ្តាច់ព្រ័ត្រ ៤ឆ្នាំមុននៅរុស្ស៊ី។ អ្នកចាត់ការអង់គ្លេសលោក Gareth Southgate និយាយថា លោកត្រូវការពេលវេលាបន្ថែមទៀតដើម្បីសម្រេចចិត្ត នឹងបន្តដឹកនាំក្រុមអង់គ្លេសរឺអត់៕អត្ថបទ៖នាង សុភាវុធ

កម្ពុជាប្រកាសលក់សំបុត្រទស្សនាការប្រកួត AFF នៅពហុកីឡដ្ឋានជាតិមរតកតេជោ

បាល់ទាត់៖ សហព័ន្ធកីឡាបាល់ទាត់កម្ពុជាបានប្រកាសលក់សំបុត្រ ចូលរួមទស្សនាការប្រកួតពានរង្វាន់បាល់ទាត់ជើងឯកអាស៊ីអាគ្នេយ៍ AFF Mitsubishi Electric Cup 2022 ហើយនៅដើមសប្ដាហ៍នេះ ស្របពេលក្រុមជម្រើសជាតិកម្ពុជានឹងត្រូវប្រកួតបើកឆាលពូល A ដោយត្រូវបើកទ្វារពហុកីឡដ្ឋានជាតិមរតកតេជោ ស្វាគមន៍ក្រុមជម្រើសជាតិហ្វីលីពីនមុនគេនាថ្ងៃទី២០ ខែធ្នូខាងមុខ។ យោងតាមការជូនដំណឹងរបស់សហព័ន្ធ សំបុត្រចូលទស្សនាការប្រកួតរវាងកម្ពុជា និងហ្វីលីពីននេះនឹងមានលក់នៅ ៤ទីតាំងផ្សេងគ្នាចាប់ពីថ្ងៃនេះតទៅ រួមមាននៅច្រកទ្វារធំនៃពហុកីឡដ្ឋានជាតិ(ស្ដាតអូឡាំពិក), នៅ The Blue Sports Center, នៅហាង Double H និងហាងកីឡា Fan Sport។ គួរដឹងថា មុនការប្រកួតផ្លូវការនៃពានរង្វាន់ AFF Mitsubishi Electric Cup 2022 កម្ពុជាក៏បានធ្វើការប្រកួតមិត្តភាពអន្ដរជាតិមួយដែរ ដោយបានរងបរាជ័យក្រោមថ្វីជើងក្រុមជម្រើសជាតិម៉ាឡេស៊ីក្រៅដីក្នុងលទ្ធផល ៤-០ កាលពីចុងសប្ដាហ៍កន្លងទៅ។ក្រឡេកមកចាប់អារម្មណ៍ព្រឹត្តិការណ៍បាល់ទាត់ជើងឯកអាស៊ាននេះដែរ កម្ពុជាគឺស្ថិតក្នុងពូល A ខណៈការប្រកួតដំបូងកម្ពុជាត្រូវជួបក្រុមភ្ញៀវហ្វីលីពីននាថ្ងៃទី២០ ខែធ្នូ មុនជួបឥណ្ឌូនេស៊ីក្រៅដីនាថ្ងៃទី២៣ ខែធ្នូ។ បន្ទាប់មកនៅថ្ងៃទី២៩ ខែធ្នូ កម្ពុជានឹងត្រូវបើកទ្វារពហុកីឡដ្ឋានជាតិមរតកតេជោជាថ្មីទទួលក្រុមប្រ៊ុយណេវិញម្ដង មុនការប្រកួតបញ្ចប់ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣។ ចំពោះការប្រកួតក្នុងដីរបស់ក្រុមគោព្រៃកម្ពុជា អគ្គនាយកដ្ឋានវិទ្យុ និងទូរទស្សន៍បាយ័ន និងទូរទស្សន៍ BTV-News បានទទួលសិទ្ធធ្វើការផ្សាយផ្ទាល់ ពីវិមានកីឡដ្ឋាននៃពហុកីឡដ្ឋានជាតិមរតកតេជោជូនដល់បងប្អូនប្រជាពលរដ្ឋបានទស្សនា។ កុំភ្លេចចូលរួមទស្សនា និងគាំទ្រក្រុមជម្រើសជាតិកម្ពុជាឲ្យបានច្រើនកុះករ៕អត្ថបទ៖ លី ឈុនឡា

បុរសប្រេស៊ីលម្នាក់ប៉ុនប៉ងបំបែកកំណត់ត្រាត្រិះបាល់ ៤៨ម៉ោងមិនឱ្យធ្លាក់ដល់ដី

បាល់ទាត់៖ ស្រមៃមើលការត្រិះបាល់ (បាល់ទាត់) រយៈពេល ៤៨ម៉ោងជាប់ៗគ្នាមិនសម្រាក ខណៈពេលដែលកំពុងថែរក្សាតម្រូវការប្រចាំថ្ងៃផ្សេងទៀតរបស់អ្នក ដូចជាការញ៉ាំ ការប្រើបន្ទប់ទឹក និងសូម្បីតែដុសធ្មេញរបស់អ្នក និងកោរពុកមាត់ដោយមិនឱ្យបាល់ប៉ះដី។ នោះហើយជាអ្វីដែលអ្នកកាន់កំណត់ត្រាបច្ចុប្បន្នគឺ Ricardo Neves ដែលគេស្គាល់ថា 'Ricardinho das Embaixadinhas' ដែលបកប្រែប្រហែលទៅនឹង 'Ricardinho the Juggler' មានបំណងធ្វើអំឡុងពេលព្រឹត្តិការណ៍បាល់ទាត់ពិភពលោកនៅកាតា។ នៅថ្ងៃទី១៣ និង ១៤ ខែធ្នូ លោក Neves នឹងមានបំណងពង្រីកកំណត់ត្រាបច្ចុប្បន្នរបស់ខ្លួនដែលកំពុងគ្រប់គ្រង ៣៤ម៉ោង និង ៥នាទី ឱ្យដល់ ៤៨ម៉ោងក្នុងការធ្វើតេស្តដ៏ស្វិតស្វាញនៃកម្លាំងរាងកាយ និងផ្លូវចិត្ត។ Neves និយាយថា ប្រសិនបើគាត់អាចឆ្លងកាត់ ៣០នាទីដំបូងគាត់នឹងអាចបន្តសម្រាប់រយៈពេល ៣៣ម៉ោងកន្លះដែលនៅសល់។លោក Neves បានបន្តថា ការប៉ុនប៉ងនេះយើងត្រូវប្រឈមនឹងឧបសគ្គជាច្រើន ជាពិសេសដំណេកដែលធ្វើឱ្យប៉ះពាល់ដល់សុខភាពផ្លូវការ និងចិត្ត។ កាលពីពេលបញ្ចប់កំណត់ត្រាចុងក្រោយរបស់គាត់នៅឆ្នាំ២០២១ គាត់ស្ទើរតែដួលសន្លប់ភ្លាមៗ។ លោក Neves បាននិយាយទៀតថា នឹងបរិច្ចាគបាល់ដែលគាត់ប្រើប្រាស់ដើម្បីបំបែកកំណត់ត្រានេះទៅកាន់ប្រទេសកាតា ដើម្បីទុកជាប្រវត្តិសាស្ត្រនៃព្រឹត្តិការណ៍បាល់ទាត់ពិភពលោកឆ្នាំ២០២២ នៅលើទឹកដីអារ៉ាប់មួយនេះ៕អត្ថបទ៖នាង សុភាវុធ

គ្រូបង្វឹកអាហ្សង់ទីនថា ចង់បញ្ចប់ការប្រកួតយ៉ាងយូរត្រឹម ១២០នាទីមិនឱ្យដល់ ១១ម៉ែត្រកាត់សេចក្តី

បាល់ទាត់៖ ក្រុមបាល់ទាត់អាហ្សង់ទីននឹងជួបជាមួយក្រុមទឹកក្រូចហូឡង់រាត្រីនេះនៅវគ្គ ៨ក្រុមចុងក្រោយ FIFA World Cup ២០២២ នៅកាតា។ ខ្សែប្រយុទ្ធ Lionel Messi នឹងត្រូវប្រឈមជាមួយខ្សែការពារ Virgil van Dijk ស្របពេលគ្រូបង្វឹកវ័យក្មេងបំផុតនៅ World Cup, Lionel Scaloni នឹងត្រូវប្រឈមជាមួយគ្រូបង្វឹកចាស់បំផុតនៅ World Cup, Louis van Gaal។ គ្រូបង្វឹកអាហ្សង់ទីនលោក Lionel Scaloni បាននិយាយថា ការប្រកួតយប់នេះនឹងជាការប្រកួតដ៏ល្អមើលមួយ។ ក្រុមទាំងពីរចូលចិត្តលេងប្រយុទ្ធ តែរក្សាការពារពេញលេញដូចគ្នា។ បាល់ទាត់គឺបែបនេះ បើអ្នកប្រយុទ្ធអ្នកនឹងអាចរកគ្រាប់បាល់បាន។ ជុំវិញសំនួររបស់អ្នកសារព័ត៌មានថា ត្រូវជ្រើសរើសកីឡាករ ៥នាក់ត្រៀមស៊ុតបាល់ ១១ម៉ែត្រគ្រូបង្វឹកវ័យ ៤៤ឆ្នាំរូបនេះឆ្លើយតបថា នោះជារឿងក្រោយយើងចង់លេងឱ្យចប់ត្រឹម ៩០នាទី រឺយ៉ាងយូរ ១២០នាទី ដូច្នេះទើបយើងលេងប្រយុទ្ធ ឯរឿង ១១ម៉ែត្រកាត់សេចក្តីចាំមើលជាក់ស្តែងថាអ្នកណាស៊ុត។សូមបញ្ជាក់ថា ក្រុមទាំងពីរធ្លាប់ជួបគ្នានៅ World Cup នៅវគ្គផ្តាច់ព្រ័ត្រឆ្នាំ១៩៧៨ ដែលអាហ្សង់ទីនឈ្នះជើងឯក និងចុងក្រោយបំផុតនៅវគ្គ ១៦ក្រុមចុងក្រោយឆ្នាំ១៩៩៨ ដែលហូឡង់ឈ្នះ ១-០ ដោយកគ្រាប់បាល់របស់ Dennis Bergkamp៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Taylor Fritz យកឈ្នះ Daniil Medvedev លើកពានវាយកូនបាល់នៅអារ៉ាប៊ីសាអ៊ូឌីត

Erik ten Hag៖ Manchester United កំពុងស្វែងរកខ្សែប្រយុទ្ធជួរមុខជំនួស Ronaldo

NOCC ចាត់ទុកជោគជ័យកីឡាក្នុងបុណ្យសមុទ្រជាសញ្ញាណល្អសម្រាប់ស៊ីហ្គេម ពិសេសគុនខ្មែរជើងឯកអាស៊ាន

ប្រធានក្រុមក្រូអាស៊ីថា Messi មិនមែនជាគោលដៅគ្រោះថ្នាក់តែម្នាក់ទេ គឺក្រុមទាំងមូល

អ្នកលេងឃីកបុកស៊ីង ១៨ប្រទេសត្រូវប្រជែងគ្នាដណ្តើមជើងឯកអាស៊ី ២០២២ នៅថៃ

ព្រឹត្តិការណ៍ប្រណាំងម៉ូតូលើវាលរាបជោគជ័យលើសការរំពឹង រហូតមានការសាទរពីអាជ្ញាធរ និងពលរដ្ឋ

អង់គ្លេសចាកចេញពីទឹកដីកាតាក្រោយធ្លាក់ត្រឹមវគ្គ ៨ក្រុម

កម្ពុជាប្រកាសលក់សំបុត្រទស្សនាការប្រកួត AFF នៅពហុកីឡដ្ឋានជាតិមរតកតេជោ

បុរសប្រេស៊ីលម្នាក់ប៉ុនប៉ងបំបែកកំណត់ត្រាត្រិះបាល់ ៤៨ម៉ោងមិនឱ្យធ្លាក់ដល់ដី

គ្រូបង្វឹកអាហ្សង់ទីនថា ចង់បញ្ចប់ការប្រកួតយ៉ាងយូរត្រឹម ១២០នាទីមិនឱ្យដល់ ១១ម៉ែត្រកាត់សេចក្តី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Taylor Fritz យកឈ្នះ Daniil Medvedev លើក​ពាន​វាយ​កូន​បាល់​នៅ​អារ៉ាប៊ីសាអ៊ូឌីត​

Erik ten Hag៖ Manchester United កំពុង​ស្វែងរក​ខ្សែប្រយុទ្ធ​ជួរមុខ​ជំនួស Ronaldo

ប្រធាន​ក្រុម​ក្រូ​អាស៊ី​ថា Messi មិនមែនជា​គោលដៅ​គ្រោះថ្នាក់​តែ​ម្នាក់​ទេ​ គឺ​ក្រុម​ទាំងមូល

អ្នកលេង​ឃី​ក​បុក​ស៊ី​ង​ ១៨​ប្រទេស​ត្រូវ​ប្រជែង​គ្នា​ដណ្តើម​ជើងឯក​អាស៊ី ២០២២ ​នៅ​ថៃ​

ព្រឹត្តិការណ៍​ប្រណាំង​ម៉ូតូ​លើ​វាលរាប​ជោគជ័យ​លើស​ការរំពឹង រហូត​មានការ​សាទរ​ពី​អាជ្ញាធរ និង​ពលរដ្ឋ​

អង់គ្លេស​ចាកចេញ​ពី​ទឹកដី​កាតា​ក្រោយ​ធ្លាក់​ត្រឹម​វគ្គ ៨ក្រុម

កម្ពុជា​ប្រកា​សលក់​សំបុត្រ​ទស្សនា​ការប្រកួត​ AFF ​នៅ​ពហុ​កីឡដ្ឋាន​ជាតិ​ម​រតក​តេ​ជោ

បុរស​ប្រេ​ស៊ី​ល​ម្នាក់​ប៉ុនប៉ង​បំបែក​កំណត់ត្រា​ត្រិះ​បាល់ ៤៨​ម៉ោង​មិន​ឱ្យ​ធ្លាក់​ដល់​ដី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Taylor Fritz យកឈ្នះ Daniil Medvedev លើកពានវាយកូនបាល់នៅអារ៉ាប៊ីសាអ៊ូឌីត

Erik ten Hag៖ Manchester United កំពុងស្វែងរកខ្សែប្រយុទ្ធជួរមុខជំនួស Ronaldo

ប្រធានក្រុមក្រូអាស៊ីថា Messi មិនមែនជាគោលដៅគ្រោះថ្នាក់តែម្នាក់ទេ គឺក្រុមទាំងមូល

អ្នកលេងឃីកបុកស៊ីង ១៨ប្រទេសត្រូវប្រជែងគ្នាដណ្តើមជើងឯកអាស៊ី ២០២២ នៅថៃ

ព្រឹត្តិការណ៍ប្រណាំងម៉ូតូលើវាលរាបជោគជ័យលើសការរំពឹង រហូតមានការសាទរពីអាជ្ញាធរ និងពលរដ្ឋ

អង់គ្លេសចាកចេញពីទឹកដីកាតាក្រោយធ្លាក់ត្រឹមវគ្គ ៨ក្រុម

កម្ពុជាប្រកាសលក់សំបុត្រទស្សនាការប្រកួត AFF នៅពហុកីឡដ្ឋានជាតិមរតកតេជោ

បុរសប្រេស៊ីលម្នាក់ប៉ុនប៉ងបំបែកកំណត់ត្រាត្រិះបាល់ ៤៨ម៉ោងមិនឱ្យធ្លាក់ដល់ដី