BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Louis van Gaal និយាយពីការដឹកនាំក្រុមជម្រើសជាតិហូឡង់ និងការតតាំងជំងឺមហារីក

បាល់ទាត់៖ Louis van Gaal គឺជាគ្រូបង្វឹកបាល់ទាត់ដែលមានភាពជោគជ័យម្នាក់ តែការលំបាកបំផុតក្នុងជីវិតរបស់លោកគឺនៅក្រៅទីលានទៅវិញទេ ដោយលោកត្រូវតតាំងជាមួយជំងឺមហារីកតាំងពីរយៈពេលជិត ២ឆ្នាំមុន។ អ្នកចាត់ការក្រុមជម្រើសជាតិហូឡង់រូបនេះបានបង្ហើបកាលពីខែមេសាថា គាត់មានទម្រង់ធ្ងន់ធ្ងរនៃជំងឺមហារីកក្រពេញប្រូស្តាត ដែលគាត់បានលាក់បាំងពីកីឡាកររបស់គាត់ ក្នុងកិច្ចខិតខំប្រឹងប្រែងដើម្បីរក្សាការផ្តោតអារម្មណ៍របស់ពួកគេ មុនពេលការប្រកួតបាល់ទាត់ពិភពលោក។ លោក Van Gaal បានបាត់បង់ភរិយាដំបូងរបស់គាត់ឈ្មោះ Fernanda ដោយសារជំងឺមហារីកក្នុងឆ្នាំ១៩៩៤ នៅពេលមានអាយុ ៣៩ឆ្នាំ ហើយតាំងពីពេលនោះលោក Van Gaal តែងតែធ្វើអ្វីដើម្បីភាពជោគជ័យ ក្នុងការឧទ្ទិសទៅកាន់ភរិយារបស់លោកដែលបានចែកឋានទៅ ជាពិសេសគឺការផ្តោតអារម្មណ៍ចំពោះការប្រកួតទល់នឹងអាហ្សង់ទីនយប់នេះនៅវគ្គ ៨ក្រុមចុងក្រោយ។ លោក Louis van Gaal ត្រូវបានគេស្គាល់ថា ជាគ្រូបង្វឹកដែលមានភាពម៉ឺតម៉ាត់ តឹងរ៉ឹងក្នុងការដឹកនាំរបស់លោក ដែលធ្វើឱ្យកីឡាករក្នុងក្រុម ត្រូវម៉ត់ចត់ត្រង់ត្រាប់គោរពវិន័យជាកំហិត។ថ្វីបើអត្តចរិតម៉ឺងម៉ាត់តឹងរ៉ឹងបែបនេះមែន កីឡាករក្នុងក្រុមជម្រើសជាតិហូឡង់គ្រប់គ្នាសុទ្ធតែស្រលាញ់ និងចូលចិត្តលោក Van Gaal ជាក់ស្តែងដូចជាការលើកឡើងរបស់ Memphis Depay និង Daley Blind នៅក្នុងសន្និសីទសារព័ត៌មានជាដើម។ លោក Van Gaal ធ្លាប់ឈ្នះជើងឯកសរុប ២០ ក្នុងអាជីពរបស់ខ្លួនដោយបានឆ្លងការដឹកនាំក្លិបអាជីពដូចជា Barcelona Bayern Munich និង Manchester United និងក្រុមជម្រើសជាតិហូឡង់បីលើក។ ក្នុងវ័យ ៧១ឆ្នាំលោក Louis van Gaal គឺជាអ្នកចាត់ការវ័យចំណាស់បំផុតទី៣ ដែលដឹកនាំក្រុមនៅ World Cup។ សូមបញ្ជាក់ថា លោក Louis van Gaal មិនថា ក្នុងលទ្ធផលបែបណាលោក Louis van Gaal នឹងចាកចេញពីក្រុមជម្រើសជាតិហូឡង់ក្រោយចប់ World Cup ដោយលោក Ronald Koeman នឹងចូលមកដឹកនាំបន្តសម្រាប់វគ្គជម្រុះ Euro 2024៕អត្ថបទ៖នាង សុភាវុធ

ល្បីថា កីឡាករវ័យ ១៦ឆ្នាំប្រេស៊ីល Endrick ខិតជិតផ្លាស់ទៅកាន់ Real Madrid

បាល់ទាត់៖ សារព័ត៌មានប្រេស៊ីលបានចុះផ្សាយថា កីឡាករវ័យ ១៦ឆ្នាំរបស់ក្លិបប្រេស៊ីល Palmeiras, Endrick ខិតជិតផ្លាស់ទៅកាន់ក្លិបយក្សអេស្ប៉ាញ Real Madrid ហើយ។ សារព័ត៌មាន ESPN បានចុះផ្សាយថា Endrick ផ្លាស់ទៅកាន់ Real Madrid ផ្លូវការនៅឆ្នាំ២០២៤ ក្នុងតម្លៃផ្ទេរដល់ទៅ ៧២លានអឺរ៉ូឯណោះ។ Paris Saint Germain និងតោខៀវ Chelsea ត្រូវបានគេដឹងថាកំពុងតាមដានកីឡាករវ័យ ១៦ឆ្នាំរូបនេះដែរ។ ក្លិបអេស្ប៉ាញ Real Madrid បាននិយាយថា ពួកគេនឹងធ្វើរឿងនេះដូចពេលដែលនាំយក Vinicius Junior កាលពីឆ្នាំ២០០៧ នៅពេលដែល Real Madrid ចំណាយលុយ ៤៥លានអឺរ៉ូទៅកាន់ Flamengo។ Endrick នឹងអាចផ្លាស់ទៅកាន់ Real Madrid បាននៅខែកក្កដា ឆ្នាំ២០២៤ ឯណោះនៅពេលគេឈានដល់វ័យ ១៨ឆ្នាំសិន។ ត្រឹមវ័យ ១៦ឆ្នាំ Endrick Felipe ត្រូវបានក្លិប Palmeiras តម្លើងឱ្យមកលេងក្រុមធំនៅឆ្នាំ២០២២ នេះដោយបង្ហាញខ្លួនបាន ៧ប្រកួតរកបាន ២គ្រាប់។ Endrick ធ្លាប់បង្ហាញខ្លួនឱ្យក្រុមជម្រើសជាតិប្រេស៊ីលអាយុក្រោម ១៧ឆ្នាំលេងបាន ៤ប្រកួតរកបាន ៥គ្រាប់៕អត្ថបទ៖នាង សុភាវុធ

Raheem Sterling ហោះត្រលប់ទៅកាន់កាតាជួយក្រុមអង់គ្លេសវិញត្រៀមការប្រកួតទល់នឹងបារាំងស្អែក

បាល់ទាត់៖ ខ្សែប្រយុទ្ធស្លាប Chelsea, Raheem Sterling នឹងហោះហើរពីទីក្រុងឡុងដ៍ត្រលប់ទៅកាតាវិញ ដើម្បីជួយក្រុមជម្រើសជាតិអង់គ្លេសសម្រាប់ការប្រកួតវគ្គ ៨ក្រុមចុងក្រោយ World Cup ទល់នឹងបារាំងស្អែកនេះ។ កីឡាករវ័យ ២៨ឆ្នាំរូបនេះបានចាកចេញពីកាតា ទៅកាន់ទីក្រុងឡុងដ៍ចក្រភពអង់គ្លេសកាលពីថ្ងៃអាទិត្យ បន្ទាប់ពីមានដំណឹងថា មានជនដៃដល់វាយប្រហារចូលក្នុងផ្ទះប៉ុនប៉ងប្លន់យកទ្រព្យសម្បត្តិ។ ការចាកចេញរបស់ Sterling គឺដោយសារក្តីបារម្ភពីសុវត្ថិភាពរបស់ក្រុមគ្រួសារ ជាពិសេសគឺកូនចំនួនបីនាក់ក្នុងបន្ទុក។ Sterling បានអវត្តមានពីការប្រកួតរបស់អង់គ្លេសដែលយកឈ្នះសេណេហ្កាល់ ៣-០ នៅវគ្គ ១៦ក្រុមចុងក្រោយ។ អតីតខ្សែប្រយុទ្ធ Manchester City និង Liverpool រូបនេះក៏បានស៊ុតបញ្ចូលទីមួយគ្រាប់ផងដែរនៅ World Cup នេះពេលអង់គ្លេសយកឈ្នះអ៊ីរ៉ង់ ៦-២ នៅក្នុងពូល៕អត្ថបទ៖នាង សុភាវុធ

Luis Enrique ចាកចេញពីតំណែងគ្រូបង្វឹកក្រុមអេស្ប៉ាញជំនួសដោយអតីតគ្រូយុវជន

បាល់ទាត់៖ លោក Luis Enrique បានសំរេចចាកចេញពីតំណែងគ្រូបង្វឹកក្រុមជម្រើសជាតិអេស្ប៉ាញហើយ ក្រោយបរាជ័យត្រឹមវគ្គ ១៦ក្រុមចុងក្រោយ World Cup ក្រោមស្នាដៃម៉ារ៉ុក។ បុរសវ័យ ៥២ឆ្នាំរូបនេះបានចូលមកកាន់តំណែងគ្រូបង្វឹកអេស្ប៉ាញកាលពីឆ្នាំ២០១៨ និងដឹកនាំក្រុមឡើងដល់វគ្គពាក់កណ្តាលផ្តាច់ព្រ័ត្រ Euro 2020 ដែលចាញ់អ៊ីតាលីនៅពេលនោះ។ជាមួយនឹងការចាកចេញពីតំណែងនេះដែរ សហព័ន្ធកីឡាបាល់ទាត់អេស្ប៉ាញក៏បានប្រកាសអ្នកដែលនឹងចូលជំនួសតំណែងនេះដែរគឺលោក Luis de la Fuente ត្រូវឆ្លងកាត់ការសំរេចដោយគណៈកម្មាធិការប្រតិបត្តិនៅថ្ងៃចន្ទដើម សប្តាហ៍ក្រោយ។ អេស្ប៉ាញនៅ World Cup 2022 កាតាបានយកឈ្នះកូស្តារីកាប្រកួតដំបូងក្នុងពូល ៧-០ តែក្រោយមកក៏ស្មើអាល្លឺម៉ង់ ១-១ និងចាញ់ជប៉ុន ២-១ តែបានឡើងវគ្គ ១៦ក្រុមចុងក្រោយត្រឹមជាក្រុមលេខ ២ ក្នុងពូល មុនពេលចាញ់ម៉ារ៉ុកនៅវគ្គ ១៦ក្រុមចុងក្រោយដោយបាល់ ១១ម៉ែត្រកាត់សេចក្តី។តាំងពីឈ្នះជើងឯក Euro 2008 2012 និង World Cup 2010 អេស្ប៉ាញបានខកខានឈ្នះពានសំខាន់ៗរហូតមកដល់ពេលនេះ។ អាជីពរបស់លោក Luis Enrique ជោគជ័យបំផុតនោះគឺពេលលោកដឹកនាំក្លិបអាជីព Barcelona ចន្លោះឆ្នាំ ២០១៤ ដល់ ២០១៧ ដោយឈ្នះជើងឯក UEFA Champions League ២លើក, La Liga ២លើក, Copa del Rey ៣លើក, Super Cup FIFA Club World Cup និងអេស្ប៉ាញ Super Cup៕អត្ថបទ៖នាង សុភាវុធ

មន្ដ្រីជាន់ខ្ពស់ក្រសួងការពារជាតិជំរុញកីឡាកងទ័ពត្រូវត្រៀមខ្លួនរួចរាល់សម្រាប់ស៊ីហ្គេម ២០២៣

កីឡាកងទ័ព៖ ឯកឧត្តមនាយកឧត្តមសេនីយ៍ ឃឹម ប៊ុនសុង រដ្ឋលេខាធិការក្រសួងការពារជាតិ និងជាប្រធានក្រុមប្រឹក្សាកីឡាកងយោធពលខេមរភូមិន្ទ បានជំរុញថ្នាក់ដឹកនាំ និងកីឡាករ-កីឡាការិនីក្រោមឱវាទទាំងអស់ត្រូវត្រៀមខ្លួនឲ្យបានរួចរាល់ ដើម្បីត្រៀមទទួលស្វាគមន៍ធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ពិសេសស្វែងរកនូវមេដាយជូនជាតិក្នុងព្រឹត្តិការណ៍ជាប្រវត្តិសាស្ដ្រនេះ។ ការលើកឡើងនេះ ស្របពេលឯកឧត្តមបានអញ្ជើញជាអធិបតីភាព ក្នុងពិធីបូកសរុបលទ្ធផលការងារកីឡាកងយោធពលខេមរភូមិន្ទឆ្នាំ២០២២ និងទិសដៅអនុវត្តបន្ដឆ្នាំ២០២៣ កាលពីថ្ងៃទី០៨ ខែធ្នូ ឆ្នាំ២០២២ នៅទីស្ដីការក្រសួងការពារជាតិ។ មន្ដ្រីជាន់ខ្ពស់ក្រសួងការពារជាតិដដែលបានធ្វើការកោតសរសើរ និងវាយតម្លៃខ្ពស់ចំពោះសមិទ្ធផលសម្រេចបានក្នុងឆ្នាំ២០២២ របស់កីឡាកងយោធពលខេមរភូមិន្ទ ដោយដណ្ដើមបានមេដាយសរុប ២៧៣គ្រឿងទាំងក្នុងព្រឹត្តិការណ៍ជាតិ និងអន្ដរជាតិ បន្ទាប់ពីស្ថានភាពគូវីដ-១៩ ធូរស្រាល។ សមិទ្ធផលនេះសបញ្ជាក់ឲ្យឃើញពីការខិតខំប្រឹងប្រែងរួមគ្នាយ៉ាងសកម្ម ក្នុងការបំពេញតួនាទីភារកិច្ចប្រកបដោយស្មារតីទទួលខុសត្រូវ ដើម្បីសម្រេចបាននូវសមិទ្ធផលលើវិស័យកីឡាក្នុងប្រទេសកម្ពុជា។ ឆ្លៀតឱកាសនោះ ឯកឧត្តមបានអំពាវនាវដល់ថ្នាក់ដឹកនាំ មន្ដ្រី កីឡាករ-កីឡាការិនី នាយទាហាន នាយទាហានរង និងពលទាហានគ្រប់កងឯកភាពក្នុងកងយោធពលខេមរភូមិន្ទ បន្ដចូលរួមអនុវត្តឲ្យមានប្រសិទ្ធភាពនូវការផ្សព្វផ្សាយយុទ្ធនាជាតិស្ដីពី “ប្រជាជនម្នាក់ត្រូវលេងកីឡាមួយមុខប្រចាំជីវិត” និង “រួមគ្នាដើម្បីកម្ពុជាស្អាត បដិសណ្ឋារកិច្ចល្អ” “កាត់បន្ថយគ្រោះថ្នាក់ចរាចរណ៍ និងឥទ្ធិពលគ្រឿងញៀន” និងយុទ្ធនាការ “កីឡារស់ក្នុងសន្ដិភាព”។ដើម្បីលើកកម្ពស់វិស័យកីឡាកងយោធពលខេមរភូមិន្ទឲ្យកាន់តែរីកចម្រើន ត្រៀមការប្រកួតអន្ដរជាតិនានាពិសេសស៊ីហ្គេមឆ្នាំ២០២៣ ឯកឧត្តមនាយកឧត្តមសេនីយ៍ ឃឹម ប៊ុនសុង បានផ្ដល់នូវអនុសាសន៍ ៦ចំណុចរួមមាន៖១, ក្រុមប្រឹក្សាកីឡាកងយោធពលខេមរភូមិន្ទ មជ្ឈមណ្ឌលកីឡាកងយោធពលខេមរភូមិន្ទ និងកីឡាគ្រប់កងឯកភាពក្នុងកងយោធពលខេមរភូមិន្ទ ត្រូវយកចិត្តទុកដាក់អនុវត្តឲ្យមានប្រសិទ្ធភាពខ្ពស់ តាមអនុសាសន៍ណែនាំរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ថ្លែងក្នុងពិធីបិទព្រឹត្តិការណ៍កីឡាជាតិលើកទី៣ និងកីឡាជាតិជនពិការលើកទី១ កាលពីថ្ងៃទី៣០ ខែវិច្ឆិកាកន្លងទៅនៅពហុកីឡដ្ឋានជាតិមរតកតេជោ។២, ក្រុមប្រឹក្សាកីឡាកងយោធពលខេមរភូមិន្ទ បន្ដយកចិត្តទុកដាក់សហការឲ្យបានជិតស្និទ្ធជាមួយគណៈកម្មាធិការជាតិ CAMSOC គណៈកម្មាធិការជាតិអូឡាំពិកកម្ពុជា ក្រសួងអប់រំ យុវជន និងកីឡា និងសហព័ន្ធកីឡាជាតិ ដើម្បីរៀបចំផែនការការងារកីឡាឲ្យបានហ្មត់ចត់ និងត្រៀមខ្លួនឲ្យបានគ្រប់ជ្រុងជ្រោយជាស្រេច ដើម្បីធានាបាននូវជោគជ័យខ្ពស់ក្នុងការចូលរួមប្រកួតកីឡាអន្ដរជាតិដ៏ធំ និងជាព្រឹត្តិការណ៍ប្រវត្តិសាស្ដ្រជាតិនេះ។៣, អគ្គលេខាធិការដ្ឋាននៃក្រុមប្រឹក្សាកីឡាកងយោធពលខេមរភូមិន្ទ បន្ដរៀបចំកសាង និងអនុវត្តផែនការតាមកម្មវិធីដែលបានគ្រោងទុក។ ទន្ទឹមនឹងនេះត្រូវយកចិត្តទុកដាក់បណ្ដុះបណ្ដាល លើកកម្ពស់ សមត្ថភាពធនធានមនុស្ស មន្ដ្រីដឹកនាំគ្រប់គ្រងកីឡា មន្ដ្រីបច្ចេកទេស គ្រូបង្វឹក កីឡាករ-កីឡាការិនីសម្រាប់ឆ្ពោះទៅកាន់ព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ និងការប្រកួតកីឡាជាតិលើកទី៤ នាឆ្នាំ២០២៤ ឲ្យទទួលបានជោគជ័យ ដោយឈរលើស្មារតីរួមគ្នាជាធ្លុងមួយរក្សាឲ្យបាននូវសាមគ្គីភាពផ្ទៃក្នុង ដើម្បីធ្វើឲ្យវិស័យកីឡាកងយោធពលខេមរភូមិន្ទ កាន់តែរីកចម្រើនមួយកម្រិតថែមទៀត។៤, ពង្រឹងកិច្ចសហប្រតិបត្តិការជាមួយបណ្ដាប្រទេសជាមិត្ត ដើម្បីស្វែងរកការកៀរគរជួយគាំទ្រដល់ការកសាងហេដ្ឋារចនាសម្ព័ន្ធទាំងផ្នែកទន់ រឹង ជួយឧបករណ៍សម្ភារៈ និងមធ្យោបាយផ្សេងៗ សម្រាប់បម្រើដល់ការហ្វឹកហាត់ និងបញ្ជូនមន្ដ្រី កីឡាករ-កីឡាការិនីទៅហ្វឹកហាត់នៅក្រៅប្រទេស និងត្រៀមទទួលគណៈប្រតិភូបណ្ដាប្រទេសជាមិត្ត អញ្ជើញមកទស្សនកិច្ចនៅជម្ឈមណ្ឌលកីឡាកងយោធពលខេមរភូមិន្ទឲ្យបានល្អ តាមគម្រោងកិច្ចសហប្រតិបត្តិការដែលមានស្រាប់។៥, បន្ដលើកកម្ពស់សមត្ថភាព នាយទាហាន នាយទាហានរងទទួលបន្ទុកកិច្ចការរដ្ឋបាល ឲ្យកាន់តែប្រសើរឡើងថែមទៀតក្នុងការចរាចរឯកសារ ការរក្សាទុកឯកសារជាប្រវត្តិសាស្ដ្រ វិស័យកីឡាគឺជាការងារអាទិភាពសម្រាប់មនុស្សជំនាន់ក្រោយសិក្សារៀនសូត្រ ដកបទពិសោធន៍ការងារ។ ជាមួយគ្នាត្រូវយកចិត្តទុកដាក់រៀបចំទីកន្លែងបំពេញការងារដ្ឋបាលប្រចាំថ្ងៃ ឲ្យបានស័ក្ដិសមទៅនឹងសមត្ថភាព ស្នាដៃ កេរ្ដិ៍ឈ្មោះ ដែលវិស័យកីឡាកងយោធពលខេមរភូមិន្ទបាននឹងកំពុងវិវត្ដរីកចម្រើនជាបន្ដបន្ទាប់។៦, ថ្នាក់ដឹកនាំ មន្ដ្រី កីឡាករ-កីឡាការិនី នាយទាហាន នាយទាហានរង និងពលទាហានគ្រប់កងឯកភាពក្នុងកងយោធពលខេមរភូមិន្ទ ត្រូវរៀបចំឲ្យគ្រប់លក្ខណៈសម្បត្តិ ក្នុងនាមម្ចាស់ផ្ទះរង់ចាំទទួលស្វាគមន៍ប្រតិភូកីឡាអាស៊ីអាគ្នេយ៍ និងភ្ញៀវជាតិ អន្ដរជាតិ មកពីគ្រប់ទិសទីជុំវិញពិភពលោក ទទួលនូវស្នាមញញឹម រួសរាយរាក់ទាក់ជាមួយឥរិយាបថស្លូតបូត សុភាពរាបសា ថ្លៃថ្នូររបស់យើង ដែលកំពុងរស់នៅក្នុងសុខសន្ដិភាពពេញលេញ និងការអភិវឌ្ឍលើគ្រប់វិស័យ និងចូលរួមរៀបចំតុបតែង សម្អាតអនាម័យ លុបបំបាត់ភាពអសកម្មក្នុងសង្គម ដើម្បីលើកកម្ពស់កិត្តិយស កិត្យានុភាពជាតិ ក្នុងព្រឹត្តិការណ៍ប្រវត្តិសាស្ដ្រស៊ីហ្គេម-អាស៊ានប៉ារ៉ាហ្គេម ឆ្នាំ២០២៣។គួរដឹងថា ឆ្នាំ២០២២ កីឡាកងយោធពលខេមរភូមិន្ទដណ្ដើមបានមេដាយ ទាំងការប្រកួតថ្នាក់ជាតិ និងអន្ដរជាតិសរុប រួមមានមេដាយមាស ១២៣គ្រឿង, ប្រាក់ ៧៤គ្រឿង, សំរឹទ្ធ ៧៦គ្រឿង, ខ្សែក្រវាត់ចំនួន ៨ខ្សែ និងពានចំនួន ១០។ នេះបើយោងតាមរបាយការណ៍របស់ឯកឧត្តម តែម ម៉ឺន អគ្គលេខាធិការក្រុមប្រឹក្សាកីឡាកងយោធពលខេមរភូមិន្ទ និងជានាយកមជ្ឈមណ្ឌលកីឡាកងយោធពលខេមរភូមិន្ទ៕អត្ថបទ៖ លី ឈុនឡា

សហព័ន្ធបាល់ទាត់ព័រទុយហ្កាល់ច្រានចោលព័ត៌មាន Ronaldo ចង់ចាកចេញពីក្រុមជម្រើសជាតិ

បាល់ទាត់៖ សហព័ន្ធបាល់ទាត់ព័រទុយហ្កាល់ FPF បានច្រានចោលព័ត៌មានដែលថា ខ្សែប្រយុទ្ធ Cristiano Ronaldo ចង់ចាកចេញពីក្រុមជម្រើសជាតិនៅ World Cup នេះ។ សារព័ត៌មានមួយចំនួននៅអឺរ៉ុបបានចុះផ្សាយថា កីឡាករវ័យ ៣៧ឆ្នាំរូបនេះកំពុងគម្រាមចាកចេញពីក្រុម បន្ទាប់ពីមិនត្រូវដាក់ឱ្យលេងជម្រើសដំបូងពេលព័រទុយហ្កាល់យកឈ្នះស្វ៊ីស ៦-១ នៅវគ្គ ១៦ក្រុមចុងក្រោយ។ ជាមួយគ្នានោះដែរនៅពេលប្រកួតចុងក្រោយពូលដែលព័រទុយហ្កាល់ចាញ់កូរ៉េ ២-១ នោះក៏គេឃើញប្រធានក្រុមរូបនេះបង្ហាញអារម្មណ៍មួរម៉ៅផងដែរនៅពេលត្រូវប្តូរចេញ។ យ៉ាងណាក្តីសហព័ន្ធបាល់ទាត់ព័រទុយហ្កាល់បានចេញសេចក្តីថ្លែងការរបស់ខ្លួនភ្លាមៗ ច្រានចោលព័ត៌មានក្តៅគគុកនេះថាជារឿងមិនពិត ដែលព័ត៌មានប៉ះពាល់ដល់សតិអារម្មណ៍ និងការខិតខំប្រឹងប្រែងរបស់ក្រុមព័រទុយហ្កាល់ទាំងមូលនៅ World Cup។ រំលឹកថា Ronaldo បីប្រកួតនៅក្នុងពូលតែងតែជាជម្រើស ១១នាក់ដំបូង និងត្រូវបានផ្លាស់ចេញនៅរយៈពេលប្រមាណ ២០នាទីចុងក្រោយ តែការផ្លាស់ចេញពេលប៉ះកូរ៉េ គ្រូបង្វឹក Fernando Santo ធ្លាប់និយាយថា មិនចូលចិត្តកាយវិការរបស់ Ronaldo ឡើយ។ក្រោយមកគ្រូបង្វឹកព័រទុយហ្កាល់ដដែលបាននិយាយទៀតថា ការសម្រេចដាក់ Ronaldo ឱ្យបម្រុងពេលយកឈ្នះស្វ៊ីសគឺជាយុទ្ធសាស្ត្រក្រុម។ ខ្សែប្រយុទ្ធ Benfica, Goncalo Ramos ដែលជាជម្រើសដំបូង និងជាការលេង ១១នាក់ដំបូងក្នុងអាជីពជាមួយក្រុមជម្រើសជាតិដែរនោះក៏រកបាន ៣គ្រាប់ម្នាក់ឯង ដែលធ្វើឱ្យ Ronaldo កាន់តែមានការលំបាកបន្ថែមទៀតក្នុងការប្រជែងជម្រើស ១១នាក់ដំបូង។ ព័រទុយហ្កាល់នឹងត្រូវជួបម៉ារ៉ុកនៅថ្ងៃសៅរ៍ស្អែកនេះ ដើម្បីកៅអីវគ្គពាក់កណ្តាលផ្តាច់ព្រ័ត្រ World Cup៕អត្ថបទ៖នាង សុភាវុធ

កីឡាការិនី ពៅ សុខា ត្រូវបានអញ្ជើញចូលរួមវេទិកាយុវជនតំបន់អាស៊ាន-អង្គការសហប្រជាជាតិនៅថៃ

វ៉ូវីណាម៖ កីឡាការិនីជម្រើសជាតិវ៉ូវីណាមកម្ពុជា ពៅ សុខា តំណាងយុវជនកម្ពុជា ត្រូវបានអញ្ជើញចូលរួមវេទិកាយុវជនថ្នាក់តំបន់អាស៊ាន-អង្គការសហប្រជាជាតិស្ដីពីការទប់ស្កាត់អំពើហិង្សាជ្រុលនិយមតាមរយៈកីឡា (ASEAN-UN Reginal Youth Forum on Prevention Violet Extremism Through Sport) បានធ្វើឡើង ២ថ្ងៃនៅថ្ងៃទី០៨ និងថ្ងៃទី០៩ ខែធ្នូ ឆ្នាំ២០២២ នៅទីក្រុងបាងកក ប្រទេសថៃ។ ឯកឧត្តម អ៊ូ រតនា ប្រធានសហព័ន្ធកីឡាវ៉ូវីណាមកម្ពុជាបានមានប្រសាសន៍ថា ក្នុងនាមសហព័ន្ធពិតជាសប្បាយរីករាយចំពោះដំណឹងនេះ។ នេះសបញ្ជាក់ថា វិស័យកីឡានៅកម្ពុជាពិតជាមានការរីកចម្រើន។ នេះមិនមែនជាលើកដំបូងនោះដែលកីឡាការិនីដ៏ស្រស់សោភារបស់កម្ពុជារូបនេះ ត្រូវបានអន្ដរជាតិជ្រើសរើស និងអញ្ជើញចូលរួមចែករំលែកពីបទពិសោធន៍ និងចំណេះដឹងទូទៅពាក់ព័ន្ធកីឡាក្នុងវេទិកាអន្ដរជាតិ ជាក់ស្ដែងកាលពីចុងឆ្នាំ២០២១ កន្លងទៅ កញ្ញាក៏ត្រូវបានលេខាធិការដ្ឋានអាស៊ានអញ្ជើញចួលរួមកម្មវិធីជជែកពិភាក្ សាដើម្បីលើកកម្ពស់ការចូលរួមរបស់ស្ត្រីក្នុងវិស័យកីឡានៅអាស៊ាន និងការផ្តល់កិត្តិយសដល់ម្ចាស់មេដាយអូឡាំពិក និងប៉ារ៉ាឡាំពិកអាស៊ានតូក្យូ ២០២០ នៅទីក្រុងហ្សាកាតា ប្រទេសឥណ្ឌូនេស៊ី តាមរយៈសន្និសីទវីដេអូ ក្នុងនាមជាទូតសុច្ឆន្ទៈកីឡាស្ត្រីអាស៊ានរបស់ប្រទេសកម្ពុជា រួមជាមួយនឹងទូតសុច្ឆទៈកីឡាស្ត្រីអាស៊ានមកពីប្រទេស ៩ផ្សេងទៀតផងដែរ៕អត្ថបទ៖ លី ឈុនឡា

កម្ពុជាចង់ឈ្នះម៉ាឡេស៊ីយប់នេះ ដើម្បីជាទុនត្រៀមពាន AFF Mitsubishi Electric Cup 2022

បាល់ទាត់៖ ក្រុមបាល់ទាត់ជម្រើសជាតិកម្ពុជានឹងធ្វើការប្រកួតមិត្តភាពអន្ដរជាតិ ជាមួយក្រុមជម្រើសជាតិម៉ាឡេស៊ីនាវេលាម៉ោង ៨យប់ (ម៉ោងនៅកម្ពុជា) ថ្ងៃទី០៩ ខែធ្នូ ឆ្នាំ២០២២ នៅកីឡដ្ឋាន Bukit Jalil ប្រទេសម៉ាឡេស៊ី។ ថ្លែងក្នុងសន្និសីទសារព័ត៌មានមុនការប្រកួត លោក Hirose Ryu គ្រូបង្វឹកក្រុមជម្រើសជាតិកម្ពុជាបានបង្ហាញពីការត្រៀមខ្លួនរួចរាល់ សម្រាប់ការរៀបចំកូនក្រុមត្រៀមការប្រកួតមិត្តភាពនេះ ទោះបីមានរយៈពេលខ្លីក៏ដោយ។ គ្រូបង្វឹកជនជាតិជប៉ុនរូបនេះថា បន្ទាប់ពីលីគកំពូលកម្ពុជាបញ្ចប់កាលពីថ្ងៃសៅរ៍ចុងសប្ដាហ៍មុន ទើបកម្ពុជាធ្វើការប្រមូលផ្ដុំហ្វឹកហាត់ ១ថ្ងៃមុនធ្វើដំណើរទៅម៉ាឡេស៊ី។ វាពិតជាមានរយៈពេលខ្លី ប៉ុន្ដែលោកជឿជាក់ការរៀបចំបានយ៉ាងល្អ ដើម្បីធ្វើឲ្យប្រាកដថា យុទ្ធសាស្ដ្រ និងបច្ចេកទេសចម្បងឆ្ពោះទៅមុខដោយរលូន។ លោក Hirose Ryu បន្ថែមថា សម្រាប់ការប្រកួតដ៏សំខាន់សម្រាប់យប់នេះ ក្រុមគោព្រៃកម្ពុជាចង់ធ្វើឲ្យបានលទ្ធផលល្អ ក៏ដូចជាជ័យជម្នះ ដ្បិតការប្រកួតនេះគឺជាផ្នែកមួយនៃការរៀបចំ និងត្រៀមខ្លួនសម្រាប់ការប្រកួតពានរង្វាន់ AFF Mitsubishi Electric Cup 2022 នាពេលខាងមុខ ដែលទាមទារឲ្យកូនក្រុមខំប្រឹងប្រកួតឲ្យបានល្អបំផុត។គួរដឹងថា បន្ទាប់ពីប្រកួតមិត្តភាពអន្ដរជាតិជាមួយម្ចាស់ផ្ទះម៉ាឡេស៊ី កម្ពុជានឹងត្រឡប់មកមាតុភូមិវិញដើម្បីបន្ដប្រមូលផ្ដុំហ្វឹកហាត់ត្រៀមការប្រកួតបើកឆាក AFF Mitsubishi Electric Cup 2022 ដែលកម្ពុជាគឺស្ថិតក្នុងពូល A ខណៈការប្រកួតដំបូងកម្ពុជាត្រូវជួបក្រុមភ្ញៀវហ្វីលីពីននាថ្ងៃទី២០ ខែធ្នូ មុនជួបឥណ្ឌូនេស៊ីក្រៅដីនាថ្ងៃទី២៣ ខែធ្នូ។ បន្ទាប់មកនៅថ្ងៃទី២៩ ខែធ្នូ កម្ពុជានឹងត្រូវបើកទ្វារពហុកីឡដ្ឋានជាតិមរតកតេជោជាថ្មី ទទួលក្រុមប្រ៊ុយណេវិញម្ដង មុនការប្រកួតបញ្ចប់ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣។ ចំពោះការប្រកួតក្នុងដីរបស់ក្រុមគោព្រៃកម្ពុជា អគ្គនាយកដ្ឋានវិទ្យុ និងទូរទស្សន៍បាយ័ន និងទូរទស្សន៍ BTV-News បានទទួលសិទ្ធធ្វើការផ្សាយផ្ទាល់ ពីវិមានកីឡដ្ឋាននៃពហុកីឡដ្ឋានជាតិមរតកតេជោ ជូនដល់បងប្អូនប្រជាពលរដ្ឋបានទស្សនា។ កុំភ្លេចចូលរួមទស្សនា និងគាំទ្រក្រុមជម្រើសជាតិកម្ពុជាឲ្យបានច្រើនកុះករ៕អត្ថបទ៖ លី ឈុនឡា

Novak Djokovic នឹងវិលចូលទឹកដីអូស្ត្រាលីលើកដំបូង ១ឆ្នាំបន្ទាប់ពីត្រូវបណ្តេញចេញ

វាយកូនបាល់៖ កីឡាករវាយកូនបាល់ស៊ែប Novak Djokovic នឹងត្រូវទៅកាន់ទឹកដីអូស្ត្រាលីសាជាថ្មីនៅខែមករាខាងមុខ ១ឆ្នាំបន្ទាប់ពីត្រូវបណ្តេញចេញពីព្រលានយន្តហោះដោយសារបញ្ហាកូវីដ-១៩។ កីឡាករវ័យ ៣៥ឆ្នាំរូបនេះនឹងត្រូវចូលរួមការប្រកួតកម្មវិធី Adelaide International ដែលជាកម្មវិធីមួយត្រៀមលក្ខណៈសំរាប់ព្រឹត្តិការណ៍ Grand Slam, Australian Open។ អតីតកីឡាករវាយកូនបាល់លេខ ១ ពិភពលោក Novak Djokovic ត្រូវបានអនុញ្ញាតឱ្យប្រកួតនៅព្រឹត្តិការណ៍ Grand Slam, Australian Open វិញ បន្ទាប់ពីត្រូវបានបញ្ជាឱ្យចាកចេញពីព្រលានយន្តហោះប្រទេសអូស្ត្រាលីកាលពីខែមករា ដោយសារតែការស្នើសុំទិដ្ឋាការមិនមានភ្ជាប់ជាមួយលិខិតអះអាងថា បានចាក់វ៉ាក់សាំង។ជាមួយគ្នានោះដែរ Djokovic ត្រូវបានអាជ្ញាធរអូស្ត្រាលីហាមមិនឱ្យជាន់ដីអូស្ត្រាលីដល់ឆ្នាំ២០២៥ តែក្រោយមកការសម្រេចចិត្តបានផ្លាស់ប្តូរ។ Novak Djokovic បានអវត្តមានពីការប្រកួត Grand Slam ពីរកម្មវិធីឆ្នាំនេះរួមមាន Australian Open និង US Open តែបានចូលលេងពីរ Grand Slam គឺ French Open ឡើងបានត្រឹមវគ្គ ៨នាក់ចុងក្រោយមុនពេលឈ្នះជើងឯក Wimbledon៕អត្ថបទ៖នាង សុភាវុធ

Eden Hazard ប្រកាសចូលនិវត្តន៍ពីក្រុមជម្រើសជាតិប៊ែលហ្ស៊ិកហើយ

បាល់ទាត់៖ ប្រធានក្រុមប៊ែលហ្ស៊ិក Eden Hazard បានប្រកាសចូលនិវត្តន៍ពីក្រុមជម្រើសជាតិហើយនៅក្នុងវ័យ ៣១ឆ្នាំ បន្ទាប់ពីប៊ែលហ្ស៊ិលធ្លាក់ត្រឹមវគ្គវិលជុំក្នុងពូលនៅ World Cup។ កីឡាកររបស់ Real Madrid បានចូលលេងទាំង ៣ប្រកួតរបស់ប៊ែលហ្ស៊ិកនៅវគ្គចែកពូលតែរកគ្រាប់បាល់មិនបាន ខណៈប៊ែលហ្ស៊ិកយកឈ្នះកាណាដា ចាញ់ម៉ារ៉ុក និងស្មើក្រូអាស៊ី។ Hazard បានប្រកាសពីការចូលនិវត្តន៍របស់ខ្លួននៅបណ្តាញសង្គម Instagram ដោយនិយាយថា នេះជាការសំរេចចិត្តដ៏ត្រឹមត្រូវមួយ អ្នកបន្តវេនក៏មានរួចរាល់ដែរ អរគុណគ្រប់គ្នាសម្រាប់សេចក្តីស្រលាញ់ និងគាំទ្រកន្លងមក។Eden Hazard បានចូលលេងឱ្យក្រុមជម្រើសជាតិប៊ែលហ្ស៊ិកដំបូងនៅឆ្នាំ២០០៨ និងស៊ុតបញ្ចូលទីបាន ៣៣គ្រាប់ក្នុងការបង្ហាញខ្លួន ១២៦លើកជួយក្រុមឡើងដល់វគ្គពាក់កណ្តាលផ្តាច់ព្រ័ត្រ World Cup 2018 នៅរុស្ស៊ីចាញ់បារាំង និងឈ្នះអង់គ្លេសដណ្តើមបានចំណាត់ថ្នាក់លេខ៣។ សូមបញ្ជាក់ថា តាមរយៈបរាជ័យរបស់ប៊ែលហ្ស៊ិកនៅ World Cup នេះគ្រូបង្វឹក Roberto Martinez ក៏បានចាកចេញពីតំណែងផងដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Louis van Gaal និយាយពីការដឹកនាំក្រុមជម្រើសជាតិហូឡង់ និងការតតាំងជំងឺមហារីក

ល្បីថា កីឡាករវ័យ ១៦ឆ្នាំប្រេស៊ីល Endrick ខិតជិតផ្លាស់ទៅកាន់ Real Madrid

Raheem Sterling ហោះត្រលប់ទៅកាន់កាតាជួយក្រុមអង់គ្លេសវិញត្រៀមការប្រកួតទល់នឹងបារាំងស្អែក

Luis Enrique ចាកចេញពីតំណែងគ្រូបង្វឹកក្រុមអេស្ប៉ាញជំនួសដោយអតីតគ្រូយុវជន

មន្ដ្រីជាន់ខ្ពស់ក្រសួងការពារជាតិជំរុញកីឡាកងទ័ពត្រូវត្រៀមខ្លួនរួចរាល់សម្រាប់ស៊ីហ្គេម ២០២៣

សហព័ន្ធបាល់ទាត់ព័រទុយហ្កាល់ច្រានចោលព័ត៌មាន Ronaldo ចង់ចាកចេញពីក្រុមជម្រើសជាតិ

កីឡាការិនី ពៅ សុខា ត្រូវបានអញ្ជើញចូលរួមវេទិកាយុវជនតំបន់អាស៊ាន-អង្គការសហប្រជាជាតិនៅថៃ

កម្ពុជាចង់ឈ្នះម៉ាឡេស៊ីយប់នេះ ដើម្បីជាទុនត្រៀមពាន AFF Mitsubishi Electric Cup 2022

Novak Djokovic នឹងវិលចូលទឹកដីអូស្ត្រាលីលើកដំបូង ១ឆ្នាំបន្ទាប់ពីត្រូវបណ្តេញចេញ

Eden Hazard ប្រកាសចូលនិវត្តន៍ពីក្រុមជម្រើសជាតិប៊ែលហ្ស៊ិកហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Louis van Gaal និយាយពី​ការដឹកនាំ​ក្រុម​ជម្រើសជាតិ​ហូ​ឡង់ និង​ការ​តតាំង​ជំងឺ​មហារីក

ល្បី​ថា​ កីឡាករ​វ័យ ១៦​ឆ្នាំ​ប្រេ​ស៊ី​ល Endrick ខិតជិត​ផ្លាស់​ទៅកាន់ Real Madrid

Raheem Sterling ហោះ​ត្រលប់​ទៅកាន់​កាតា​ជួយ​ក្រុម​អង់គ្លេស​វិញ​ត្រៀម​ការប្រកួត​ទល់នឹង​បារាំង​ស្អែក​

Luis Enrique ចាក​ចេញពី​តំណែង​គ្រូបង្វឹក​ក្រុម​អេ​ស្ប៉ា​ញ​ជំនួស​ដោយ​អតីត​គ្រូ​យុវជន​

មន្ដ្រីជាន់ខ្ពស់​ក្រសួងការពារជាតិ​ជំរុញ​កីឡា​កងទ័ព​ត្រូវ​ត្រៀមខ្លួន​រួចរាល់​សម្រាប់​ស៊ី​ហ្គេម ២០២៣

សហព័ន្ធ​បាល់ទាត់​ព័រទុយហ្កាល់​ច្រានចោល​ព័ត៌មាន Ronaldo ចង់​ចាក​ចេញពី​ក្រុម​ជម្រើសជាតិ

កីឡាការិនី ពៅ សុខា ត្រូវ​បាន​អញ្ជើញ​ចូលរួម​វេទិកា​យុវជន​តំបន់​អាស៊ាន​-​អង្គការសហប្រជាជាតិ​នៅ​ថៃ​

កម្ពុជា​ចង់​ឈ្នះ​ម៉ាឡេស៊ី​យប់​នេះ ដើម្បី​ជា​ទុនត្រៀម​ពាន​ AFF Mitsubishi Electric Cup 2022

Novak Djokovic នឹង​វិល​ចូល​ទឹកដី​អូស្ត្រាលី​លើកដំបូង ១ឆ្នាំ​បន្ទាប់ពី​ត្រូវ​បណ្តេញចេញ​

Eden Hazard ប្រកាស​ចូលនិវត្តន៍​ពី​ក្រុម​ជម្រើសជាតិ​ប៊ែ​ល​ហ្ស៊ិ​ក​ហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Louis van Gaal និយាយពីការដឹកនាំក្រុមជម្រើសជាតិហូឡង់ និងការតតាំងជំងឺមហារីក

ល្បីថា កីឡាករវ័យ ១៦ឆ្នាំប្រេស៊ីល Endrick ខិតជិតផ្លាស់ទៅកាន់ Real Madrid

Raheem Sterling ហោះត្រលប់ទៅកាន់កាតាជួយក្រុមអង់គ្លេសវិញត្រៀមការប្រកួតទល់នឹងបារាំងស្អែក

Luis Enrique ចាកចេញពីតំណែងគ្រូបង្វឹកក្រុមអេស្ប៉ាញជំនួសដោយអតីតគ្រូយុវជន

មន្ដ្រីជាន់ខ្ពស់ក្រសួងការពារជាតិជំរុញកីឡាកងទ័ពត្រូវត្រៀមខ្លួនរួចរាល់សម្រាប់ស៊ីហ្គេម ២០២៣

សហព័ន្ធបាល់ទាត់ព័រទុយហ្កាល់ច្រានចោលព័ត៌មាន Ronaldo ចង់ចាកចេញពីក្រុមជម្រើសជាតិ

កីឡាការិនី ពៅ សុខា ត្រូវបានអញ្ជើញចូលរួមវេទិកាយុវជនតំបន់អាស៊ាន-អង្គការសហប្រជាជាតិនៅថៃ

កម្ពុជាចង់ឈ្នះម៉ាឡេស៊ីយប់នេះ ដើម្បីជាទុនត្រៀមពាន AFF Mitsubishi Electric Cup 2022

Novak Djokovic នឹងវិលចូលទឹកដីអូស្ត្រាលីលើកដំបូង ១ឆ្នាំបន្ទាប់ពីត្រូវបណ្តេញចេញ

Eden Hazard ប្រកាសចូលនិវត្តន៍ពីក្រុមជម្រើសជាតិប៊ែលហ្ស៊ិកហើយ