BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

អាល្លឺម៉ង់បន្តផ្តល់សេចក្តីទុកចិត្តលើគ្រូបង្គោល Hansi Flick ទោះបរាជ័យនៅ World Cup

បាល់ទាត់៖ គ្រូបង្វឹកក្រុមជម្រើសជាតិអាល្លឺម៉ង់លោក Hansi Flick នឹងបន្តស្ថិតក្នុងតំណែងដដែលទោះបីបរាជ័យនៅ World Cup ក៏ដោយ នេះបើតាមសេចក្តីថ្លែងការរបស់សហព័ន្ធបាល់ទាត់អាល្លឺម៉ង់ DFB។ លោក Hansi Flick និងអ្នកចាត់ការទូទៅ Olivier Bierhoff បានទទួលរងការរិះគន់ខ្លាំង បន្ទាប់ពីអាល្លឺម៉ង់ធ្លាក់ពី World Cup ត្រឹមវគ្គវិលជុំក្នុងពូលពីរព្រឹត្តិការណ៍ជាប់គ្នា។ ក្នុងនោះដែរលោក Olivier Bierhoff ក៏បានចាកចេញពីតំណែងមុនកិច្ចសន្យាបញ្ចប់ តែលោក Hansi Flick នឹងបន្តស្ថិតក្នុងតំណែង។ DFB បានឱ្យដឹងថា អាល្លឺម៉ង់នឹងបន្តដាក់គោលដៅជោគជ័យនៅ Euro 2024 ហើយសហព័ន្ធមានទំនុកចិត្ត ១០០% លើលោក Hansi Flick។ អាល្លឺម៉ង់បានធ្លាក់ត្រឹមវគ្គចែកពូលនៅ World Cup 2022 កាតានេះបន្ទាប់ពីចាញ់ជប៉ុន ស្មើអេស្ប៉ាញ និងឈ្នះកូស្តារីកា តែជប៉ុន និងអេស្ប៉ាញបានឡើងជុំបន្ត។កាលពី World Cup 2018 នៅរុស្ស៊ីអាល្លឺម៉ង់ក៏ធ្លាក់ត្រឹមវគ្គចែកពូលដែរ ដែលនៅពេលនោះគឺជាប្រវត្តិសាស្ត្រនៅ World Cup សម្រាប់អាល្លឺម៉ង់រយៈពេល ៨០ធ្លាក់ក្នុងវគ្គចែកពូល។ មិនតែប៉ុណ្ណោះអាល្លឺម៉ង់នៅ Euro 2020 ក៏មិនអាចឡើងវគ្គ ១៦ក្រុមចុងក្រោយផងដែរ៕អត្ថបទ៖នាង សុភាវុធ

ជម្រើសជាតិប្រដាល់សកល ៨រូបនឹងចេញទៅបោះជំរំហ្វឹកហាត់នៅកាហ្សាក់ស្ថានត្រៀមស៊ីហ្គេម

ប្រដាល់សកល៖ សហព័ន្ធកីឡាប្រដាល់សកលកម្ពុជានឹងបញ្ជូនកីឡាករជម្រើសជាតិ ៨រូបទៅបោះជំរំហ្វឹកហាត់នៅប្រទេសកាហ្សាក់ស្ថានរយៈពេល ២សប្ដាហ៍ចាប់ពីថ្ងៃទី០៩ ដល់ថ្ងៃទី២៣ ខែធ្នូ ឆ្នាំ២០២២ ខាងមុខ ដើម្បីពង្រឹងសមត្ថភាព និងបច្ចេកទេសត្រៀមការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ កីឡាករជម្រើសជាតិប្រដាល់សកលកម្ពុជា ដែលត្រៀមចេញបោះជំរំហ្វឹកហាត់ក្រៅស្រុកនេះរួមមានកីឡាករ នៅ សុខទី, សៅ រង្សី, ទូច ដេវីត, វ៉ែន រដ្ឋា, ពេញ វណ្ណថង, អាន់វ៉ា ណាស្រេឌីនូវ, អុង ភារាក់ និងកីឡាករ រ៉ាចាពៅ អាប់ឌុលឡា ។ លោក ប៊ុយ សុភ័ណ្ឌ អគ្គលេខាធិការសហព័ន្ធបានឲ្យដឹងថា ការបោះជំរំនេះគឺជាឱកាសមួយដ៏សំខាន់បន្ថែមលើការប្រមូលផ្ដុំហ្វឹកហាត់ និងការប្រកួតនាពេលកន្លងមក សម្រាប់កីឡាករធ្វើការពង្រឹងសមត្ថភាព បច្ចេកទេស ឆ្ពោះទៅរកគុណផលកម្រិតខ្ពស់ សម្រាប់ត្រៀមប្រកួតប្រជែងដណ្ដើមមេដាយជូនជាតិ ក្នុងព្រឹត្តិការណ៍ស៊ីហ្គេមឆ្នាំ២០២៣។លោកថា កំឡុងពេលហ្វឹកហាត់ ក្រុមជម្រើសជាតិកម្ពុជាក៏នឹងប្រកួតដកស្រង់បច្ចេកទេសជាមួយជម្រើសជាតិគុយបា កាហ្សាក់ស្ថាន ក៏ដូចជាជើងខ្លាំងមួយចំនួនទៀតមកពីជុំវិញពិភពលោកទៀតផង។ លើសពីនេះ សហព័ន្ធក៏មានគម្រោងបញ្ជូនក្រុមជម្រើសជាតិប្រដាល់សកលកម្ពុជា ចូលរួមបោះជំរំហ្វឹកហាត់ និងការប្រកួតអន្ដរជាតិផ្សេងៗទៀត មុនឈានដល់ការប្រកួតកីឡាស៊ីហ្គេមឆ្នាំ២០២៣ ដែលជាគោលដៅដ៏សំខាន់បំផុតរបស់សហព័ន្ធ សម្រាប់ផែនការឆ្នាំ២០២៣ ផងដែរ ។ នេះបើតាមការបញ្ជាក់បន្ថែមរបស់លោក ប៊ុយ សុភ័ណ្ឌ៕អត្ថបទ៖ លី ឈុនឡា

Kyle Walker៖ ខ្សែការពារអង់គ្លេសនឹងមិនក្រាលកម្រាលព្រំឲ្យ Mbappe ស៊ុតស្រួលៗទេ

បាល់ទាត់៖ ក្រុមបាល់ទាត់ជម្រើសជាតិអង់គ្លេស នឹងត្រូវប្រឈមជាមួយក្រុមការពារតំណែងជើងឯកពិភពលោកបារាំងនៅវគ្គ ៨ក្រុមចុងក្រោយនៅថ្ងៃសៅរ៍ចុងសប្តាហ៍នេះ។ ការប្រកួតនៅថ្ងៃសៅរ៍នេះនឹងជាជំនួបដំបូងរវាងក្រុមទាំងពីរ នៅលើព្រឹត្តិការណ៍បាល់ទាត់ធំៗ។ ខ្សែប្រយុទ្ធបារាំងវ័យ ២៣ឆ្នាំ Kylian Mbappe គឺជាអ្នកស៊ុតបញ្ចូលទីច្រើនជាងគេនៅ World Cup ឆ្នាំនេះមានសរុប ៥គ្រាប់ពីការប្រកួត ៤លើកកន្លងមក។ មុនជួបគ្នាខ្សែការពារ Manchester City, Kyle Walker បាននិយាយក្នុងសន្និសីទសារព័ត៌មានថា គ្រប់គ្នាសុទ្ធតែដឹងពីសមត្ថភាពរបស់ Mbappe ជាកីឡាករដែលមានទេពកោស្យ ដូច្នេះវាមិនមែនជារឿងងាយស្រួលទេសំរាប់ខ្សែការពារអង់គ្លេស តែអង់គ្លេសក៏មិនក្រាលកម្រាលព្រំឱ្យស៊ុតចូលទីងាយៗឡើយ។សូមបញ្ជាក់ថា Kyle Walker និង Kylian Mbappe ស្ថិតក្នុងតួនាទីដែលត្រូវប្រឈមគ្នារវាងប្រយុទ្ធ និងការពារ ជាក់ស្តែងអ្នកទាំងពីរបានប្រឈមគ្នានៅ UEFA Champions League ពីររដូវកាលមកហើយនៅពេល Manchester City ជួប Paris Saint Germain។ Man City ឈ្នះ ៣ ចាញ់ ១ ក្នុងការប្រកួតទល់នឹង PSG ដែលមានវត្តមានកីឡាករទាំងពីរ។ រំលឹកថា មុនមកដល់វគ្គនេះអង់គ្លេសបានយកឈ្នះសេណេហ្កាល់ ៣-០ នៅវគ្គ ១៦ក្រុម ខណៈបារាំងយកឈ្នះប៉ូឡូញ ៣-១៕អត្ថបទ៖នាង សុភាវុធ

២៧ឆ្នាំនៃទិវារត់ពាក់កណ្ដាលម៉ារ៉ាតុងអន្ដរជាតិអង្គរបានរួមចំណែកសំខាន់ក្នុងកំណើនទេសចរណ៍ និងសេដ្ឋកិច្ច

ម៉ារ៉ាតុង៖ គិតត្រឹមឆ្នាំ២០២២ ទិវារត់ប្រណាំងពាក់កណ្ដាលម៉ារ៉ាតុងអន្ដរជាតិនៅអង្គរវត្ត ខេត្តសៀមរាប ដែលរៀបចំដោយក្រសួងទេសចរណ៍ សហការជាមួយគណៈកម្មាធិការជាតិអូឡាំពិកកម្ពុជា(NOCC) គឺមានរយៈពេល ២៧ឆ្នាំមកហើយ ដោយព្រឹត្តិការណ៍នេះបានរួមចំណែកយ៉ាងសំខាន់ក្នុងកំណើនទេសចរណ៍ និងសេដ្ឋកិច្ច។ នេះបើតាមការបញ្ជាក់របស់ឯកឧត្តម វ៉ាត់ ចំរើន រដ្ឋលេខាធិការគណៈកម្មាធិការជាតិអូឡាំពិកកម្ពុជា និងជាគណៈកម្មាធិការជាតិអូឡាំពិកកម្ពុជា បន្ទាប់ពីបុរេព្រឹត្តិការណ៍កីឡា និងទេសចរណ៍នេះត្រូវបានរៀបចំ និងបើកឲ្យមានការចូលរួមដោយសេរីដោយមានអ្នកចូលរួមសរុប ៧,៥៤៣នាក់នៅតំបន់អង្គរកាលពីថ្មីៗកន្លងទៅ។ ឯកឧត្តមបានគូសបញ្ជាក់ថា ទេសចរណ៍ និងកីឡាបានក្លាយជារបត់ថ្មីមួយរបស់ពិភពលោក ដើម្បីទាក់ទាញភ្ញៀវទេសចរណ៍ ហើយរៀងរាល់ឆ្នាំ អង្គការទេសចរណ៍ពិភពលោកបានវាយតម្លៃមានទេសចរណ៍កីឡាប្រមាណ ១២ ទៅ ១៥លាននាក់បានដើរកម្សាន្តគ្រប់ទីកន្លែង ក្នុងនោះកម្ពុជាក៏មានចំណែកពី ១០ ទៅ ១៥ភាគរយនៃចំនួនភ្ញៀវទេសចរណ៍ផងដែរ។គួរដឹងថា ទិវារត់ប្រណាំងពាក់កណ្ដាលម៉ារ៉ាតុងអន្ដរជាតិនៅអង្គរវត្ត បានបង្កើតឡើងដំបូងកាលពីឆ្នាំ១៩៩៦ ដោយមានអ្នកចូលរួមប្រមាណ ៥០០នាក់ប៉ុណ្ណោះ តែដោយមានការជំរុញ និងគាំទ្រពីរាជរដ្ឋាភិបាល ក្រសួងទេសចរណ៍ និងគណៈកម្មាធិការជាតិអូឡាំពិកកម្ពុជារួមជាមួយដៃគូ បានបន្ដរៀបចំព្រឹត្តិការណ៍នេះរហូតដល់ទទួលបានជោគជ័យ ពិសេសមុនផ្ទុះកូវីដ-១៩ ឆ្នាំ២០១៩ ព្រឹត្តិការណ៍នេះបានទាក់ទាញអ្នកចូលរួមរហូតដល់ជាង ១៣,០០០នាក់ឯណោះ។ គោលបំណងសំខាន់ៗនៃព្រឹត្តិការណ៍នេះ ក្រៅពីបំផុសប្រជាពលរដ្ឋលេងកីឡាដើម្បីសុខភាព និងរួមចំណែកវិស័យទេសចរណ៍ ក៏ដូចជាផ្សព្វផ្សាយតំបន់បេតិកភណ្ឌ ប្រាង្គប្រាសាទនៃតំបន់អង្គរ ខេត្តសៀមរាប ក៏ដើម្បីផ្សារភ្ជាប់ជាមួយសកម្មភាពមនុស្សធម៌ ដោយការស្វែងរកមូលនិធិជួយដល់កាកបាទក្រហមកម្ពុជា មន្ទីរពេទ្យគន្ធបុប្ផា និងអង្គការមនុស្សធម៌ជាតិ-អន្ដរជាតិមួយចំនួនទៀត។ ម្យ៉ាងក៏ដើម្បីផ្សព្វផ្សាយពីព្រឹត្តិការណ៍ប្រវត្តិសាស្ដ្រស៊ីហ្គេម និងអាស៊ានប៉ារ៉ាហ្គេមនៅកម្ពុជានាឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

ក្រូអាស៊ីត្រៀមខ្លួនរួចរាល់ក្នុងការបញ្ចប់បេក្ខភាពឈានមុខគេប្រេស៊ីល

បាល់ទាត់៖ ក្រុមបាល់ទាត់ជម្រើសជាតិក្រូអាស៊ីត្រៀមខ្លួនរួចរាល់ ក្នុងការបញ្ចប់បេក្ខភាពឈានមុខគេដែលគេគិតថា ឈ្នះជើងឯក World Cup ឆ្នាំនេះប្រេស៊ីលត្រឹមវគ្គ ៨ក្រុមចុងក្រោយ នេះបើតាមការលើកឡើងរបស់គ្រូបង្វឹកក្រូអាស៊ីលោក Zlatko Dalic។ លោក Zlatko Dalic បាននិយាយថា ប្រេស៊ីលជាបេក្ខភាពឈានមុខគេតាមរយៈបទពិសោធរបស់ពួកគេ សមត្ថភាព និងទេពកោសល្យរបស់កីឡាករដែលត្រូវបានជ្រើសរើស ទាំងអស់នេះច្បាស់ថាពួកគេជាក្រុមមានប្រៀប។ តែទាំងអស់នេះមិនមែនជារឿងដែលក្រុមរបស់លោកត្រូវកោតខ្លាច តែត្រូវប្រឈមគេចមិនផុត ពួកយើងត្រូវតែមានជំនឿចិត្តលើខ្លួនឯង។ រំលឹកថា ក្រុមរបស់លោក Dalic ឆ្លងកាត់វគ្គ ១១ម៉ែត្រកាត់សេចក្តី ៣លើកនៅ World Cup 2018 បួនឆ្នាំមុននៅរុស្ស៊ីដើម្បីឡើងវគ្គផ្តាច់ព្រ័ត្ដតែចាញ់បារាំង ៤-១។មកដល់កាតាឆ្នាំ២០២២ នេះបទពិសោធជោគជាំក្នុងការទាត់បាល់ ១១ម៉ែត្រកាត់សេចក្តីក៏បានទំលាក់ជប៉ុននៅវគ្គ ១៦ក្រុមចុងក្រោយ។ ក្រូអាស៊ីប្រសិនឈ្នះប្រេស៊ីលនឹងត្រូវជួបជាមួយអាហ្សង់ទីន រឺហូឡង់នៅវគ្គពាក់កណ្តាលផ្តាច់ព្រ័ត្រ៕អត្ថបទ៖នាង សុភាវុធ

Gabriel Jesus វះកាត់ជង្គង់រួចរាល់ និងមិនអាចត្រលប់មកជួយប្រេស៊ីលវិញឡើយនៅ World Cup

បាល់ទាត់៖ ខ្សែប្រយុទ្ធក្រុមកាំភ្លើងធំ Arsenal, Gabriel Jesus បានទទួលការវះកាត់ជង្គង់ដោយជោគជ័យហើយ តែនឹងមិនអាចត្រលប់មកជួយក្រុមជម្រើសជាតិប្រេស៊ីលនៅ World Cup វិញបានឡើយ។ កីឡាករវ័យ ២៥ឆ្នាំរូបនេះរួមជាមួយមិត្តរួមក្រុម Alex Telles បានទទួលរងរបួសជង្គង់ដូចគ្នា អំឡុងការប្រកួតចុងក្រោយក្នុងពូលដែលប្រេស៊ីលចាញ់កាមេរូន ១-០។ ការប្រកួតកាលពីថ្ងៃសុក្រនោះគឺជាប្រកួតដំបូងដែល Jesus ចាប់ផ្តើម ១១នាក់ដំបូងនៅ World Cup បន្ទាប់ពីពីរប្រកួតដំបូងបានត្រឹមជាកីឡាករបម្រុងដូរចូល។ ជុំវិញរបួសនេះក្លិបកាំភ្លើងធំ Arsenal មិនបានបញ្ជាក់ថា រយៈពេលដែល Gabriel Jesus ត្រូវសម្រាកឡើយ។Gabriel Jesus រកបានប្រាំគ្រាប់ឱ្យ Arsenal នៅ Premier League រដូវកាលនេះតាំងពីផ្លាស់ពី Manchester City កាលពីដើមរដូវកាល។ ប្រេស៊ីលនឹងត្រូវជួបជាមួយក្រូអាស៊ីវគ្គ ៨ក្រុមចុងក្រោយ World Cup នៅថ្ងៃសុក្រនេះបន្ទាប់ពីយកឈ្នះកូរ៉េ ៤-១ នៅវគ្គ ១៦ក្រុមចុងក្រោយ៕អត្ថបទ៖នាង សុភាវុធ

គ្រូពេទ្យប្រេស៊ីលបញ្ជាក់ថា ស្ថានភាពសុខភាពរបស់លោក Pele ល្អប្រសើរជាងមុន

បាល់ទាត់៖ វីរបុរសបាល់ទាត់ប្រេស៊ីលលោក Pele កំពុងបង្ហាញពីភាពប្រសើរឡើងវិញនៃសុខភាពរបស់ខ្លួន បន្ទាប់ពីបុរសអាយុ ៨២ឆ្នាំរូបនេះត្រូវបានបញ្ជូនទៅមន្ទីរពេទ្យកាលពីសប្តាហ៍មុន ដើម្បីវាយតម្លៃឡើងវិញនូវការព្យាបាលរបស់គាត់ចំពោះជំងឺមហារីកពោះវៀន នេះបើយោងតាមរបាយការណ៍វេជ្ជសាស្ត្រចេញផ្សាយកាលពីថ្ងៃអង្គារ។ បុគ្គលិកពេទ្យនៅមន្ទីរពេទ្យ Albert Einstein នៃទីក្រុង Sao Paulo បានប្រាប់អ្នកយកព័ត៌មានថា Pele ក៏កំពុងត្រូវបានព្យាបាលការឆ្លងមេរោគផ្លូវដង្ហើម ស្នាក់នៅក្នុងបន្ទប់មន្ទីរពេទ្យធម្មតាជាមួយនឹងសញ្ញាសំខាន់ៗ និងដឹងខ្លួន។ លោក Pele ធ្លាប់បានវះយកដុំសាច់ចេញពីពោះវៀនធំរបស់គាត់កាលពីខែកញ្ញាឆ្នាំមុន ហើយបានទទួលការថែទាំសុខភាពសម្រាប់ជំងឺនេះជាប្រចាំ។ វេជ្ជបណ្ឌិតបាននិយាយនៅក្នុងសេចក្តីថ្លែងការណ៍មួយថា "អ្នកជំងឺនៅតែបន្តបង្ហាញភាពប្រសើរឡើងជាលំដាប់នៅក្នុងស្ថានភាពទូទៅរបស់គាត់ ជាពិសេសការឆ្លងមេរោគផ្លូវដង្ហើម"។ កាលពីថ្ងៃចន្ទលោក Pele បានប្រើប្រព័ន្ធផ្សព្វផ្សាយសង្គម ដើម្បីបង្ហាញពីការគាំទ្ររបស់គាត់ចំពោះក្រុមជម្រើសជាតិប្រេស៊ីល ក្នុងការប្រកួត World Cup ក្នុងពេលដែលប្រេស៊ីលយកឈ្នះកូរ៉េ ៤-១ នៅវគ្គ ១៦ក្រុមចុងក្រោយដោយលោកទស្សនាការប្រកួតនេះពីមន្ទីរពេទ្យ។អំឡុងពេលប្រកួតកីឡាកររបស់ប្រេស៊ីលបានលាតផ្ទាំងបដានៅលើទីលាន ជាមួយនឹងរូបថតបាល់ទាត់ដ៏អស្ចារ្យអំឡុងពេលការឈ្នះពានរង្វាន់បាល់ទាត់ពិភពលោកឆ្នាំ១៩៧០ របស់លោក Pele។ អតីតខ្សែប្រយុទ្ធរូបនេះបានលេងឱ្យក្រុមប្រេស៊ីល និងក្លឹប Santos និង New York Cosmos ដោយបានជួយដឹកនាំប្រទេសរបស់គាត់ឱ្យឈ្នះជើងឯក World Cup ចំនួនបីក្នុងឆ្នាំ១៩៥៨, ១៩៦២ និង ១៩៧០ ដែលជាស្នាដៃគ្មានកីឡាករណាផ្សេងទៀតសម្រេចបានឡើយ៕អត្ថបទ៖នាង សុភាវុធ

Ronaldo ច្រានចោលព័ត៌មានថា ខ្លួនព្រមផ្លាស់ទៅក្លិបអារ៉ាប៊ីសាអ៊ូឌីត Al-Nassr

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo ថ្វីបើមានវ័យខិតជិតចូល ៣៨ឆ្នាំក្តីត្រូវបានក្លិបបាល់ទាត់អារ៉ាប៊ីសាអ៊ូឌីត Al-Nassr ហ៊ានដាក់សំណើដែលមានតម្លៃខ្ពស់បំផុតមិនធ្លាប់មាន។ បើតាមសារព័ត៌មានជាច្រើនបានចុះផ្សាយថា Al-Nassr ហ៊ានផ្តល់ប្រាក់ឈ្នួលដល់ទៅប្រមាណជា ២០០លានដុល្លារអាមេរិកក្នុងមួយឆ្នាំ ជាមួយនឹងកិច្ចសន្យាបីឆ្នាំក្នុងសំណើរបស់ខ្លួនទៅកាន់អតីតខ្សែប្រយុទ្ធ Manchester United រូបនេះ។ ធ្លាប់ផ្តល់កិច្ចសម្ភាសន៍ពីមុន Ronaldo ធ្លាប់លើកឡើងថា បានបដិសេធសំណើ ៣០៥លានផោនពីក្លិបអារ៉ាប៊ីសាអ៊ូឌីតមួយនេះកាលពីរដូវក្តៅកន្លងទៅ ហើយជាថ្មីម្តងទៀតកីឡាករវ័យ ៣៧ឆ្នាំរូបនេះក៏បានច្រានចោលព័ត៌មានដែលបានចុះផ្សាយព្រោងព្រាតពីអនាគតរបស់ខ្លួន និងច្រានចោលថានេះជាព័ត៌មានមិនពិត ហើយចាត់ទុកជារឿងអត់ប្រយោជន៍។Cristiano Ronaldo នៅតែរក្សាគោលជំហររបស់ខ្លួនមិនគិតពីអ្វីទាំងអស់ ក្រៅពីផ្តោតអារម្មណ៍ជួយក្រុមជម្រើសជាតិព័រទុយហ្កាល់នៅ World Cup។ យ៉ាងណាក្តីការប្រកួតកាលពីយប់ថ្ងៃអង្គារកន្លងទៅ Cristiano Ronaldo ត្រូវបានគ្រូបង្វឹក Fernando Santos ដាក់ឱ្យបម្រុងក្នុងការប្រកួតដែលព័រទុហ្កាល់យកឈ្នះស្វ៊ីស ៦-១ ឡើងវគ្គ ៨ក្រុមចុងក្រោយ៕អត្ថបទ៖នាង សុភាវុធ

ម្ចាស់មេដាយកីឡាកាយសម្ព័ន្ធជើងឯកអាស៊ីទទួលបានប្រាក់រង្វាន់ពីរាជរដ្ឋាភិបាលសរុប ២៣៦លានរៀល

កាយសម្ព័ន្ធ៖ កីឡាករ-កីឡាការិនីកាយសម្ព័ន្ធដែលដណ្ដើមបានជ័យលាភី នៃការប្រកួតជើងឯកអាស៊ីកីឡាកាយសម្ព័ន្ធអាអេរ៉ូប៊ិកលើកទី៧ (Aerobic Gymnastics Asian Championship 2022) នៅប៉ាតាយ៉ា ប្រទេសថៃកាលពីថ្មីៗ បានទទួលប្រាក់រង្វាន់លើកទឹកចិត្តពីរាជរដ្ឋាភិបាលកម្ពុជាហើយ ដែលមានទឹកប្រាក់សរុប ២៣៦លានរៀល។ ពិធីប្រគល់ប្រាក់រង្វាន់រាជរដ្ឋាភិបាលនេះបានធ្វើឡើង នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីល្ងាចថ្ងៃទី០៦ ខែធ្នូ ឆ្នាំ២០២២ ក្រោមវត្តមានឯកឧត្តម វ៉ាត់ ចំរើន តំណាងឯកឧត្តមបណ្ឌិត ថោង ខុន រដ្ឋមន្ដ្រីក្រសួងទេសចរណ៍ អនុប្រធានអចិន្ដ្រៃយ៍គណៈកម្មាធិការជាតិ CAMSOC ប្រធានគណៈកម្មាធិការជាតិអូឡាំពិកកម្ពុជា និងជាប្រធានសហព័ន្ធកីឡាកាយសម្ព័ន្ធកម្ពុជា។ លោក ណយ ផាណា អគ្គលេខាធិការសហព័ន្ធបានបញ្ជាក់ថា ជើងឯកអាស៊ីកីឡាកាយសម្ព័ន្ធអាអេរ៉ូប៊ិកលើកទី៧ ដែលប្រកួតនៅថៃកាលពីថ្ងៃទី៣១ ខែសីហា ដល់ថ្ងៃទី០៦ ខែកញ្ញា ឆ្នាំ២០២២ កន្លងទៅ សហព័ន្ធបានបញ្ចូនប្រតិភូ គ្រូបង្វឹក និងកីឡាករ-កីឡាការិនី ១៨នាក់ចូលរួម ក្រោយមានការអនុញ្ញាតដ៏ខ្ពង់ខ្ពស់ពីសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិ CAMSOC។ចំពោះលទ្ធផលកម្ពុជាដណ្ដើមបានមេដាយលើ ៣វិញ្ញាសារួមមានមេដាយប្រាក់ ២ ទី១- មេដាយប្រាក់លើវិញ្ញាសាគូ មានកីឡាករ ស្រ៊ាន វួចទ្រី និងកីឡាការិនី ឈួន ស្រីនាត ស្មើនឹង ២គ្រឿង និងទី២-មេដាយប្រាក់លើវិញ្ញាសាអាអេរ៉ូប៊ិកជាក្រុម ៥នាក់មានកីឡាការិនី ឌឹម អ៊នធីតា, សួស ស្រីពៅ, ឈួន សុវណ្ណបញ្ញា, ស៊ីវ ចន្ថា និងកីឡាការិនី ណេម សុខហេង ស្មើនឹង ៥គ្រឿង។ មួយទៀតគឺមេដាយសំរឹទ្ធ ១ លើវិញ្ញាសាទ្រីយ៉ូជាក្រុមមានកីឡាករ ស្រ៊ាន វួចទ្រី, កីឡាការិនី ច្រឹង ចាន់ត្រា និងកីឡាការិនី ឈួន ស្រីនាត ស្មើនឹង ៣គ្រឿង។ យោងតាមគោលការណ៍របស់រាជរដ្ឋាភិបាល សម្រាប់ការប្រកួតជើងឯកអាស៊ីនេះ សម្រាប់មេដាយប្រាក់ក្នុង ១គ្រឿងទទួលបាន ២០លានរៀល ខណៈមេដាយសំរឹទ្ធក្នុង ១គ្រឿង ១៦លានរៀល។ ចំណែកគ្រូបង្វឹកទទួលបានប្រាក់រង្វាន់លើកទឹកចិត្ត ១០០% ស្មើនឹងមេដាយខ្ពស់បំផុតរបស់កីឡាករ-កីឡាការិនី និងគ្រូជំនួយក៏ទទួលបាន ៧០% នៃមេដាយរបស់កីឡាករ-កីឡាការិនីផងដែរ។ ដូច្នេះប្រាក់រង្វាន់ដែលរាជរដ្ឋាភិបាល់ជូនជ័យលាភី ជើងឯកអាស៊ីកីឡាកាយសម្ព័ន្ធអាអេរ៉ូប៊ិកលើកទី៧ សរុបមានចំនួន ២៣៦លានរៀល។ឆ្លៀតឱកាសនោះក្នុងនាមអាជ្ញាធរកីឡា ឯកឧត្តម វ៉ាត់ ចំរើន អគ្គលេខាធិការ CAMSOC និង NOCC បានថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា ពិសេសក្រោមការដឹកនាំរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលតែងគិតគូរ និងយកចិត្តទុកដាក់វិស័យកីឡាគ្រប់សហព័ន្ធកីឡាជាតិ ដែលជាការផ្ដល់នូវភាពកក់ក្ដៅ និងការជំរុញលើកទឹកចិត្តដ៏សំខាន់ សម្រាប់កីឡាករ-កីឡាការិនីខិតខំប្រឹងប្រែង និងធ្វើការប្រកួតប្រជែងដណ្ដើមមេដាយជូនជាតិពីព្រឹត្តិការណ៍អន្ដរជាតិនានា។ បន្ថែមលើនេះ ឯកឧត្តមបានជំរុញឲ្យកីឡាករ-កីឡាការិនីទាំងអស់បន្ដការខិតខំប្រឹងប្រែងកាន់តែខ្លាំងបន្ថែមទៀត ពិសេសកីឡាកាយសម្ព័ន្ធដែលកំពុងមានសន្ទុះរីកចម្រើនគួរឲ្យកត់សម្គាល់ ដើម្បីធានាបាននូវគុណផលកម្រិតខ្ពស់ ឆ្ពោះទៅរកមេដាយឲ្យកាន់តែល្អប្រសើរជាងស៊ីហ្គេមលើកទី៣១ នៅទីក្រុងហាណូយ ពោលគឺការស្វែងមេដាយមាសយ៉ាងតិច ១គ្រឿង ស្របតាមសន្ទស្សន៍មេដាយដែលគណៈកម្មាធិការជាតិ CAMSOC បានដាក់ចេញនៅក្នុងព្រឹត្តិការណ៍ប្រវត្តិសាស្ដ្រស៊ីហ្គេមឆ្នាំ២០២៣ ខាងមុខ៕អត្ថបទ៖ លី ឈុនឡា

ព័រទុយហ្កាល់ឡើងវគ្គ ៨ក្រុមចុងក្រោយលើកដំបូងក្នុងរយៈពេល ១៦ឆ្នាំ

បាល់ទាត់៖ ក្រុមបាល់ទាត់ជម្រើសជាតិព័រទុយហ្កាល់បានកក់កៅអីនៅវគ្គ ៨ក្រុមចុងក្រោយ World Cup ជាលើកដំបូងក្នុងរយៈពេល ១៦ឆ្នាំបន្ទាប់ពីជ័យជំនះធំធេង ៦-១ លើស្វ៊ីស។ គ្រូបង្វឹកព័រទុយហ្កាល់លោក Fernando Santos បានសំរេចដាក់ឱ្យ Ronaldo បម្រុងជំនួសដោយខ្សែប្រយុទ្ធវ័យ ២១ឆ្នាំ Goncalo Ramos ចាប់ផ្តើម ១១នាក់ដំបូងជាលើកដំបូងឱ្យក្រុមជម្រើសជាតិ។ មិនឱ្យគ្រូខកបំណងឡើយខ្សែប្រយុទ្ធ Benfica រូបនេះរកបានបីគ្រាប់ម្នាក់ឯងក្នុងការប្រកួត និងបានក្លាយជាកីឡាករទី១ នៅ World Cup 2022 នៅកាតានេះដែលស៊ុតបញ្ចូលទីបីគ្រាប់ម្នាក់ (Hat-Trick)។ គ្រាប់ដំបូង Ramos ធ្វើបាននៅនាទីទី១៧ ខណៈខ្សែការពារ Pepe ជាអ្នករកបានគ្រាប់ទីពីរនាំមុខ ២-០ ក្នុងវគ្គទី១។ វគ្គទី២ Ramos ក៏រកបានគ្រាប់ទីពីររបស់ខ្លួននៅនាទីទី៥១ មុនពេលដែល Raphael Guerrero បន្ថែមគ្រាប់នាំមុខ ៤-០ នៅនាទីទី៥៥។ ខ្សែការពារ Man City, Manuel Akanji ក៏តបមួយគ្រាប់វិញឱ្យស្វ៊ីសតែ Goncalo Ramos ក៏រកបានគ្រាប់ទីបីរបស់ខ្លួននៅនាទីទី៦៧ មុនពេលដែលខ្សែប្រយុទ្ធ AC Milan, Rafael Leao បន្ថែមគ្រាប់ចុងក្រោយនាទីទី៩០+២ ឱ្យព័រទុយហ្កាល់យកឈ្នះស្វ៊ីស ៦-១ ឡើងវគ្គ ៨ក្រុមចុងក្រោយ។អ្នកគាំទ្រព័រទុយហ្កាល់បានដើរចេញពីកីឡដ្ឋានពេញដោយភាពរីករាយ ហ៊ោរកញ្ជ្រៀវ ខណៈអ្នកគាំទ្រមួយចំនួននៅតែបង្ហាញក្តីគោរពស្រលាញ់លើ Cristiano Ronaldo ដែលមិនបានចូលលេង ១១នាក់ដំបូង និងលើកសរសើរ Goncalo Ramos ថាជាវិរៈបុរសរបស់ពួកគេ។ ព័រទុយហ្កាល់នឹងបន្តជួបម៉ារ៉ុក ដើម្បីកៅអីវគ្គពាក់កណ្តាលផ្តាច់ព្រ័ត្រនៅថ្ងៃសៅរ៍ចុងសប្តាហ៍នេះ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

អាល្លឺម៉ង់បន្តផ្តល់សេចក្តីទុកចិត្តលើគ្រូបង្គោល Hansi Flick ទោះបរាជ័យនៅ World Cup

ជម្រើសជាតិប្រដាល់សកល ៨រូបនឹងចេញទៅបោះជំរំហ្វឹកហាត់នៅកាហ្សាក់ស្ថានត្រៀមស៊ីហ្គេម

Kyle Walker៖ ខ្សែការពារអង់គ្លេសនឹងមិនក្រាលកម្រាលព្រំឲ្យ Mbappe ស៊ុតស្រួលៗទេ

២៧ឆ្នាំនៃទិវារត់ពាក់កណ្ដាលម៉ារ៉ាតុងអន្ដរជាតិអង្គរបានរួមចំណែកសំខាន់ក្នុងកំណើនទេសចរណ៍ និងសេដ្ឋកិច្ច

ក្រូអាស៊ីត្រៀមខ្លួនរួចរាល់ក្នុងការបញ្ចប់បេក្ខភាពឈានមុខគេប្រេស៊ីល

Gabriel Jesus វះកាត់ជង្គង់រួចរាល់ និងមិនអាចត្រលប់មកជួយប្រេស៊ីលវិញឡើយនៅ World Cup

គ្រូពេទ្យប្រេស៊ីលបញ្ជាក់ថា ស្ថានភាពសុខភាពរបស់លោក Pele ល្អប្រសើរជាងមុន

Ronaldo ច្រានចោលព័ត៌មានថា ខ្លួនព្រមផ្លាស់ទៅក្លិបអារ៉ាប៊ីសាអ៊ូឌីត Al-Nassr

ម្ចាស់មេដាយកីឡាកាយសម្ព័ន្ធជើងឯកអាស៊ីទទួលបានប្រាក់រង្វាន់ពីរាជរដ្ឋាភិបាលសរុប ២៣៦លានរៀល

ព័រទុយហ្កាល់ឡើងវគ្គ ៨ក្រុមចុងក្រោយលើកដំបូងក្នុងរយៈពេល ១៦ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

អាល្លឺម៉ង់​បន្ត​ផ្តល់​សេចក្តីទុកចិត្ត​លើ​គ្រូ​បង្គោល Hansi Flick ទោះ​បរាជ័យ​នៅ World Cup

ជម្រើសជាតិ​ប្រដាល់សកល ៨​រូប​នឹង​ចេញទៅ​បោះជំរំ​ហ្វឹកហាត់​នៅ​កា​ហ្សា​ក់​ស្ថាន​ត្រៀម​ស៊ី​ហ្គេម

Kyle Walker៖ ខ្សែការពារ​អង់គ្លេស​នឹងមិន​ក្រាលកម្រាល​ព្រំ​ឲ្យ Mbappe ស៊ុត​ស្រួលៗ​ទេ

ក្រូ​អាស៊ី​ត្រៀមខ្លួន​រួចរាល់​ក្នុងការ​បញ្ចប់​បេក្ខភាព​ឈានមុខ​គេ​ប្រេ​ស៊ី​ល

Gabriel Jesus វះកាត់​ជង្គង់​រួចរាល់ ​និង​មិនអាច​ត្រលប់មក​ជួយ​ប្រេ​ស៊ី​ល​វិញ​ឡើយ​នៅ World Cup

គ្រូពេទ្យ​ប្រេ​ស៊ី​ល​បញ្ជាក់ថា ​ស្ថានភាព​សុខភាព​របស់លោក Pele ល្អប្រសើរ​ជាង​មុន

Ronaldo ច្រានចោល​ព័ត៌មាន​ថា ​ខ្លួន​ព្រម​ផ្លាស់​ទៅ​ក្លិប​អារ៉ាប៊ីសាអ៊ូឌីត Al-Nassr

ម្ចាស់​មេដាយ​កីឡា​កាយសម្ព័ន្ធ​ជើងឯក​អាស៊ីទទួលបាន​ប្រាក់រង្វាន់​ពី​រាជរដ្ឋាភិបាល​សរុប ២៣៦​លាន​រៀល​

ព័រទុយហ្កាល់​ឡើង​វគ្គ ៨ក្រុម​ចុងក្រោយ​លើកដំបូង​ក្នុង​រយៈពេល ១៦ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាល្លឺម៉ង់បន្តផ្តល់សេចក្តីទុកចិត្តលើគ្រូបង្គោល Hansi Flick ទោះបរាជ័យនៅ World Cup

ជម្រើសជាតិប្រដាល់សកល ៨រូបនឹងចេញទៅបោះជំរំហ្វឹកហាត់នៅកាហ្សាក់ស្ថានត្រៀមស៊ីហ្គេម

Kyle Walker៖ ខ្សែការពារអង់គ្លេសនឹងមិនក្រាលកម្រាលព្រំឲ្យ Mbappe ស៊ុតស្រួលៗទេ

ក្រូអាស៊ីត្រៀមខ្លួនរួចរាល់ក្នុងការបញ្ចប់បេក្ខភាពឈានមុខគេប្រេស៊ីល

Gabriel Jesus វះកាត់ជង្គង់រួចរាល់ និងមិនអាចត្រលប់មកជួយប្រេស៊ីលវិញឡើយនៅ World Cup

គ្រូពេទ្យប្រេស៊ីលបញ្ជាក់ថា ស្ថានភាពសុខភាពរបស់លោក Pele ល្អប្រសើរជាងមុន

Ronaldo ច្រានចោលព័ត៌មានថា ខ្លួនព្រមផ្លាស់ទៅក្លិបអារ៉ាប៊ីសាអ៊ូឌីត Al-Nassr

ម្ចាស់មេដាយកីឡាកាយសម្ព័ន្ធជើងឯកអាស៊ីទទួលបានប្រាក់រង្វាន់ពីរាជរដ្ឋាភិបាលសរុប ២៣៦លានរៀល

ព័រទុយហ្កាល់ឡើងវគ្គ ៨ក្រុមចុងក្រោយលើកដំបូងក្នុងរយៈពេល ១៦ឆ្នាំ