BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

ម៉ារ៉ុកក្លាយជាប្រទេសអារ៉ាប់ទីមួយឡើងវគ្គ ៨ក្រុមចុងក្រោយ World Cup

បាល់ទាត់៖ ក្រុមបាល់ទាត់ជម្រើសជាតិម៉ារ៉ុកបានបន្តដំណើរជោគជ័យរបស់ខ្លួន និងការបង្កើតប្រវត្តិសាស្ត្រនៅ World Cup បន្ទាប់ពីយកឈ្នះអេស្ប៉ាញដោយបាល់ ១១ម៉ែត្រកាត់សេចក្តីឡើងវគ្គ ៨ក្រុមចុងក្រោយ World Cup ជាលើកដំបូង។ ការប្រកួត ៩០នាទីពេញគ្មានក្រុមណារកគ្រាប់បាល់បាន ហើយថែម ១៥នាទីពីរដងទៀតនៅតែរកមិនបាន។ អ្វីៗត្រូវសម្រេចដោយបាល់ ១១ម៉ែត្រ តែអេស្ប៉ាញក៏ជាន់ដាមបរាជ័យ ដូចពេលចាញ់អ៊ីតាលីនៅវគ្គពាក់កណ្តាលផ្តាច់ព្រ័ត្រ Euro 2020 ដោយបាល់ ១១ម៉ែត្រកាត់សេចក្តីនេះដែរ។ កីឡាករបីនាក់របស់អេស្ប៉ាញរួមមាន Pablo Sarabia, Carlos Soler និង Sergio Busquet សុទ្ធតែស៊ុតមិនចូលបីគ្រាប់ដំបូង ខណៈម៉ារ៉ុកគ្មានបញ្ហាឡើយដោយបញ្ចប់គ្រាប់ចុងក្រោយដោយខ្សែការពារ PSG, Achraf Hakimi។ អ្នកចាំទី Sevilla, Yassine Bounou គឺជាអ្នកសង្គ្រោះគ្រាប់បាល់របស់ Soler និង Busquet ខណៈ Sarabi ស៊ុតបុករបាទី។គ្រូបង្វឹកអេស្ប៉ាញ Luis Enrique បាននិយាយថា លោកទទួលខុសត្រូវទាំងស្រុងសម្រាប់បរាជ័យនេះ ពីព្រោះលោកគឺជាអ្នករើសកីឡាករឱ្យស៊ុត ហើយសូមសរសើរ Yassine Bounou គាត់ធ្វើបានល្អណាស់ថ្ងៃនេះ។ ជ័យជំនះនេះធ្វើឱ្យម៉ារ៉ុកបានឈានឡើងវគ្គ ៨ក្រុមចុងក្រោយជាលើកដំបូងនៅ World Cup បន្ទាប់ពីធ្លាប់ឡើងត្រឹមវគ្គ ១៦ក្រុមចុងក្រោយនៅឆ្នាំ១៩៨៦ ហើយក៏ក្លាយជាប្រទេសអារ៉ាប់ទីមួយផងដែរដែលឡើងដល់វគ្គ ៨ក្រុមចុងក្រោយ។ ក្រឡេកទៅមើលរដ្ឋធានី Casablanca អ្នកគាំទ្រម៉ារ៉ុកបាននាំគ្នាអបអរសាទរ ចំពោះជ័យជំនះលើក្រុមជើងឯកពិភពលោកឆ្នាំ២០១០ អេស្ប៉ាញ ខណៈនៅតាមដងផ្លូវពេញដោយសំឡេងហ៊ោរកញ្ជ្រៀវ។ ម៉ារ៉ុកគឺជាប្រទេសអាហ្វ្រិកតែមួយគត់ដែលនៅសល់នៅ World Cup ឆ្នាំនេះ ខណៈការបង្ហាញខ្លួននៅវគ្គ ៨ក្រុមចុងក្រោយនឹងជាប្រទេសអាហ្វ្រិកទី១ ដែរឡើងដល់វគ្គនេះក្នុងរយៈពេល ១២ឆ្នាំ បន្ទាប់ពីហ្កាណាធ្វើបានដូចគ្នានេះកាលពីឆ្នាំ២០១០ នៅអាហ្វ្រិកខាងត្បូង៕អត្ថបទ៖នាង សុភាវុធ

CAMSOC ជំរុញការត្រៀមខ្លួនគ្រប់ជ្រុងជ្រោយ មុនពេល ១០០ថ្ងៃនៃស៊ីហ្គេមឆ្នាំ២០២៣

ស៊ីហ្គេម៖ គណៈអចិន្ត្រៃយ៍នៃគណៈកម្មាធិការជាតិ រៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣(CAMSOC) នៅថ្ងៃទី០៦ ខែធ្នូ ឆ្នាំ២០២២ បានបើកកិច្ចប្រជុំប្រចាំសប្ដាហ៍របស់ខ្លួនជាមួយគណៈកម្មការជំនាញនានា ក្នុងការត្រៀមលក្ខណៈសម្បត្តិឲ្យបានគ្រប់ជ្រុងជ្រោយ មុនពេល ១០០ថ្ងៃចូលមកដល់នៃដំណើរឆ្ពោះទៅទទួលរៀបចំធ្វើម្ចាស់ផ្ទះកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។ ឯកឧត្តម វ៉ា់ត់ ចំរើន អគ្គលេខាធិការ គណៈកម្មាធិការជាតិ CAMSOC មានប្រសាសន៍ថា កិច្ចប្រជុំនេះមានលទ្ធផលល្អប្រសើរ ដោយគណៈកម្មការជំនាញក្រោមឱវាទរបស់ខ្លួន បានជ្រាបច្បាស់អំពីតួនាទី ភារកិច្ចរៀងៗខ្លួន ដើម្បីពន្លឿនផែនការត្រៀមឆ្ពោះទៅធ្វើម្ចាស់ផ្ទះស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ ឲ្យមានដំណើរការដោយរលូន មុនពេលមកដល់ ១០០ថ្ងៃនាថ្ងៃទី២៥ ខែមករា ឆ្នាំ២០២៣ ខាងមុខដែលនឹងមានការងារថ្មីៗជាច្រើនទៀតត្រូវធ្វើ។ ជុំវិញកិច្ចប្រជុំនេះ ឯកឧត្តមបានសង្កត់ធ្ងន់លើ ២ចំណុចសំខាន់ៗ ទី១. យកចិត្តទុកដាក់លើកិច្ចការរដ្ឋបាល និងការទទួលខុសត្រូវលើធនធានមនុស្ស ដោយត្រៀមប្រមូលផ្តុំធ្វើការនៅមជ្ឈមណ្ឌលប្រតិបត្តិការរួម និងទី២ គឺការត្រួតពិនិត្យឡើងវិញនូវកិច្ចការដែលបានធ្វើ និងអ្វីដែលមិនទាន់បានធ្វើ ហើយអ្វីដែលមិនទាន់បានបំពេញនឹងត្រូវជំរុញឲ្យបំពេញបន្ថែមលើកិច្ចការទាំងនោះឲ្យបានទាន់ពេលវេលា និងឲ្យបានរួចរាល់មុនថ្ងៃទី២៥ ខែមករា ឆ្នាំ២០២៣ ដែលជាការរាប់ថយក្រោយ ១០០ថ្ងៃនៃដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេម ២០២៣។រដ្ឋលេខាធិការក្រសួងទេសចរណ៍ដដែលបានគូសបញ្ជាក់ថា សម្រាប់រយៈពេលនៅសល់នេះត្រូវតែមានសក្តានុពលអំពីការត្រៀមលក្ខណៈឲ្យបានគ្រប់ជ្រុងជ្រោយ ដើម្បីបញ្ជ្រាបការផ្សព្វផ្សាយជូនដល់ប្រជាពលរដ្ឋជាម្ចាស់ផ្ទះ និងបណ្តាប្រទេសនានានៃអាស៊ាន ដែលត្រៀមមកចូលរួមប្រកកួតប្រជែងមេដាយនាស៊ីហ្គេម ២០២៣។ ក្នុងអំឡុងរយៈពេលសល់ ១០០ថ្ងៃ គណៈកម្មាធិការជាតិ CAMSOC នឹងរៀបចំផ្សព្វផ្សាយឲ្យបានខ្លាំងក្លានូវកម្មវិធីសំខាន់ៗទាំងអស់ជាមួយនឹងកម្មវិធីប្រារព្ធពិធី ១០០ថ្ងៃ បូកជាមួយនឹងកិច្ចប្រជុំនាយបេសកកម្មស៊ីហ្គេមនៃ ១១ប្រទេសក្នុងអាស៊ានជាដើម។ គួរបញ្ជាក់ថា ស៊ីហ្គេមលើកទី៣២ ដែលកម្ពុជាធ្វើម្ចាស់ផ្ទះនឹងប្រារព្ធពិធីបើកការប្រកួតនាថ្ងៃទី០៥ ខែឧសភា និងបិទនាថ្ងៃទី១៧ ខែឧសភា ឆ្នាំ២០២៣ ដែលគិតត្រឹមថ្ងៃនេះនៅសល់រយៈពេល ១៤៩ថ្ងៃទៀតប៉ុណ្ណោះ។ បន្ទាប់មកកម្ពុជានឹងបន្ដរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ពីថ្ងៃទី០៣-០៩ ខែមិថុនា ឆ្នាំ២០២៣ បន្ដទៀត៕អត្ថបទ៖ លី ឈុនឡា

គោព្រៃកម្ពុជាចាប់ផ្ដើមហ្វឹកហាត់ត្រៀមជួបម៉ាឡេស៊ី និងលេងពាន AFF Mitsubishi Electric Cup 2022

បាល់ទាត់៖ ក្រុមបាល់ទាត់ជម្រើសជាតិកម្ពុជាបានចាប់ផ្ដើមប្រមូលផ្ដុំហ្វឹកហាត់ហើយ បន្ទាប់ពីបង្ហាញបញ្ជីឈ្មោះកីឡាករ ២៤នាក់។ ការហ្វឹកហាត់ថ្ងៃដំបូងនេះបានធ្វើឡើងនៅទីលានហ្វឹកហាត់ក្លិបព្រះខ័នរាជស្វាយរៀង ជិតពហុកីឡដ្ឋានជាតិមរតកតេជោ តែអ្វីដែលគួរឲ្យកត់សម្គាល់គឺពុំមានវត្តមានអ្នកចាត់ការទូទៅក្រុមជម្រើសជាតិលោក Keisuke Honda នោះទេ។ ការប្រមូលផ្ដុំហ្វឹកហាត់នេះធ្វើឡើង ១ថ្ងៃមុនក្រុមគោព្រៃកម្ពុជាត្រូវធ្វើដំណើរទៅប្រទេសម៉ាឡេស៊ី ដែលគ្រោងចាកចេញពីមាតុភូមិនារាត្រីថ្ងៃទី០៧ ខែធ្នូនេះ ដើម្បីធ្វើការប្រកួតមិត្តភាពជាមួយក្រុមជម្រើសជាតិម៉ាឡេស៊ីនាថ្ងៃទី០៩ ខែធ្នូខាងមុខ ដើម្បីដកស្រង់បទពិសោធន៍ និងបច្ចេកទេសត្រៀមការប្រកួតពានរង្វាន់ជើងឯកអាស៊ីអាគ្នេយ៍ AFF Mitsubishi Electric Cup 2022។ សូមបញ្ជាក់ថា កីឡាករ ២៤រូបដែលត្រូវបានកោះហៅប្រមូលផ្ដុំហ្វឹកហាត់ត្រៀមការប្រកួតមិត្តភាព និងពានរង្វាន់ជើងឯកអាស៊ានឆ្នាំនេះ រួមមានសមាជិកក្លិបភ្នំពេញក្រោន ៥រូប, ព្រះខ័នរាជស្វាយរៀង ២រូប, បឹងកេត ៤រូប, វិសាខា ១០រូប, ក្លិបណាហ្គាវើលដ៏ម្នាក់ រួមជាមួយកីឡាករប្រកបអាជីពក្រៅស្រុក ២រូបគឺកីឡាករខ្មែរ-បារាំង កុក បូរីស លេងនៅក្លិបម៉ាឡេស៊ី Sarawak United និងកីឡាករខ្មែរ-អាមេរិក ថេឡរ នីកូឡា ឌឿង លេងនៅក្លិបអាមេរិក Orlando City។សម្រាប់បេសកកម្មប្រកួតពានរង្វាន់ AFF Mitsubishi Electric Cup 2022 កម្ពុជាគឺស្ថិតក្នុងពូល A ខណៈកម្មវិធីប្រកួត រួមមានថ្ងៃទី២០ ខែធ្នូ កម្ពុជាត្រូវបើកទ្វារផ្ទះទទួលហ្វីលីពីនមុនគេ មុនជួបឥណ្ឌូនេស៊ីក្រៅដីនាថ្ងៃទី២៣ ខែធ្នូខាងមុខ ។ បន្ទាប់មកនៅថ្ងៃទី២៩ ខែធ្នូ កម្ពុជានឹងត្រូវបើកទ្វារពហុកីឡដ្ឋានជាតិមរតកតេជោជាថ្មី ទទួលក្រុមប្រ៊ុយណេវិញម្ដង មុនការប្រកួតបញ្ចប់ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ។ ចំពោះការប្រកួតក្នុងដីរបស់ក្រុមគោព្រៃកម្ពុជា អគ្គនាយកដ្ឋានវិទ្យុ និងទូរទស្សន៍បាយ័ន និងទូរទស្សន៍ BTV-News បានទទួលសិទ្ធធ្វើការផ្សាយផ្ទាល់ ពីវិមានកីឡដ្ឋាននៃពហុកីឡដ្ឋានជាតិមរតកតេជោ ជូនដល់បងប្អូនប្រជាពលរដ្ឋបានទស្សនា។ កុំភ្លេចចូលរួមទស្សនា និងគាំទ្រក្រុមជម្រើសជាតិកម្ពុជាឲ្យបានច្រើនកុះករ៕អត្ថបទ៖ លី ឈុនឡា

អារ៉ាប៊ីសាអ៊ូឌីតនឹងជាម្ចាស់ផ្ទះបាល់ទាត់ជើងឯកអាស៊ីឆ្នាំ២០២៧ ក្រោយឥណ្ឌាដកខ្លួន

បាល់ទាត់៖ ប្រទេសអារ៉ាប៊ីសាអ៊ូឌីតនឹងត្រូវប្រកាសជាម្ចាស់ផ្ទះ ព្រឹត្តិការណ៍បាល់ទាត់ជើងឯកអាស៊ីឆ្នាំ២០២៧ AFC Asian Cup 2027 បន្ទាប់ពីបេក្ខភាពប្រជែងគឺប្រទេសឥណ្ឌាប្រកាសដកខ្លួន នេះបើតាមការបញ្ជាក់របស់សហព័ន្ធបាល់ទាត់ទ្វីបអាស៊ី AFC កាលពីថ្ងៃចន្ទ។ គណៈកម្មាធិការប្រតិបត្តិរបស់ AFC បានទទួលពាក្យដេញថ្លៃធ្វើម្ចាស់ផ្ទះ AFC Asian Cup 2027 ពីប្រទេសឥណ្ឌា និងអារ៉ាប៊ូសាអ៊ូឌីតកាលពីខែតុលា បន្ទាប់ពីកាតាប្រកាសដកខ្លួនមករៀបចំ AFC Asian Cup 2023 ជំនួសចិនវិញ។ ការដេញថ្លៃរបស់អារ៉ាប៊ីសាអ៊ូឌីតមកកាន់ AFC គឺជាបេក្ខភាពតែមួយគត់ដែលនឹងធ្វើបទបង្ហាញមកកាន់ AFC ក្នុងសមាជរបស់ AFC នៅខែកុម្ភៈឆ្នាំក្រោយនៅលើទឹកដីបារ៉ែន។ រំលឹកថា អារ៉ាប៊ីសាអ៊ូឌីតធ្លាប់ឈ្នះជើងឯកអាស៊ី ៣លើកតែមិនធ្លាប់ធ្វើម្ចាស់ផ្ទះឡើយ។ កាលពីដើមឆ្នាំសហព័ន្ធបាល់ទាត់អារ៉ាប៊ីសាអ៊ូឌីត ក៏បានដាក់ពាក្យដេញថ្លៃធ្វើម្ចាស់ផ្ទះបាល់ទាត់ស្ត្រីជើងឯកអាស៊ីឆ្នាំ២០២៦ ផងដែរ៕អត្ថបទ៖នាង សុភាវុធ

កាតានឹងរុះរើកីឡដ្ឋាន 974 បន្ទាប់ពីទទួលប្រកួតចុងក្រោយនៅ World Cup យប់មិញ

បាល់ទាត់៖ កីឡដ្ឋានបាល់ទាត់ 974 នឹងត្រូវរុះរើចេញក្រោយទទួលការប្រកួតចុងក្រោយនៅ World Cup កាលពីយប់មិញក្នុងជំនួបដែលប្រេស៊ីលយកឈ្នះកូរ៉េ 4-1។ កីឡដ្ឋាន 974 ត្រូវបានសាងសង់ឡើងដោយការផ្គុំចូលគ្នានូវទូកុងតឺន័រចំនួន 974ប្រអប់។ ដូចដែលបានលើកឡើងពេលសាងសង់ កីឡដ្ឋានមួយនេះនឹងត្រូវបានរុះរើចេញវិញ និងយកគ្រឿងបរិក្ខាទាំងអស់នោះផ្តល់ជូនទៅប្រទេសដែលត្រូវការ ក្នុងការសាងសង់ហេដ្ឋារចនាសម្ព័ន្ធផ្សេងៗ។ សូមបញ្ជាក់ថា កីឡដ្ឋាន 974 ជាកីឡដ្ឋានតែមួយគត់នៅកាតាដែលមិនបានបំពាក់ម៉ាស៊ីនត្រជាក់ ហើយរាល់ការប្រកួតនៅកីឡដ្ឋានមួយនេះតែងតែធ្វើឡើងនៅពេលយប់ស្មើនឹងម៉ោង ២ រំលងអាធ្រាត្រនៅកម្ពុជាដោយសារសីតុណ្ហភាពក្តៅនៅកាតា។ រំលឹកថា កីឡដ្ឋាន 974 បានទទួលការប្រកួតសរុប ៧ប្រកួតនៅ World Cup។ កីឡដ្ឋានមួយនេះអាចផ្ទុកទស្សនិកជនបាន ៤៤០៨៩នាក់មានទីតាំងនៅតំបន់ Ras Abu Aboud ទីក្រុងដូហាប្រទេសកាតា៕អត្ថបទ៖នាង សុភាវុធ

គ្រូបង្វឹកកូរ៉េ Paulo Bento ចាកចេញពីតំណែងក្រោយកូរ៉េចាញ់ប្រេស៊ីល

បាល់ទាត់៖ គ្រូបង្វឹកក្រុមបាល់ទាត់ជម្រើសជាតិកូរ៉េលោក Paulo Bento បានសំរេចចាកចេញពីតំណែងហើយ ក្រោយកូរ៉េចាញ់ប្រេស៊ីល ៤-១ ត្រឹមវគ្គ ១៦ក្រុមចុងក្រោយ World Cup 2022 នៅកាតា។ បុរសវ័យ ៥៣ឆ្នាំសញ្ជាតិព័រទុយហ្កាល់រូបនេះត្រូវបានតែងតាំងឱ្យដឹកនាំកូរ៉េកាលពីខែសីហា ឆ្នាំ២០១៨។ លោក Bento បាននិយាយក្នុងសន្និសីទសារព័ត៌មានក្រោយចប់ការប្រកួតថា លោកបានប្រាប់កីឡាករក្នុងក្រុមទាំងអស់ ក៏ដូចជាប្រធានសហព័ន្ធបាល់ទាត់កូរ៉េរួចរាល់ហើយ ហើយនេះគឺជាការសំរេចចិត្តរបស់លោកតាំងពីខែកញ្ញាម្ល៉េះ។ លោកសូមអរគុណអ្នករាល់គ្នាសម្រាប់ការគាំទ្រ អរគុណកីឡាករក្នុងក្រុមទាំងអស់ លោកពិតជាមានមោទកភាពលើពួកគេ ហើយរូបលោកក៏មានមោទកភាពដែរដែលបានឈរជើងជាគ្រូបង្គោលក្រុមកូរ៉េ និងទទួលបានការទុកចិត្តអស់រយៈពេល ៤ឆ្នាំកន្លងមក។ សូមបញ្ជាក់ថា កូរ៉េឡើងមកកាន់វគ្គ ១៦ក្រុមចុងក្រោយនេះ ក្រោយយកឈ្នះព័រទុយហ្កាល់ប្រកួតចុងក្រោយក្នុងពូល ២-១ ដើម្បីឈរលេខ២ ក្នុងពូល H មុនជួបប្រេស៊ីលកាលពីយប់មិញនេះ៕អត្ថបទ៖នាង សុភាវុធ

ព័រទុយហ្កាល់នឹងជួបស្វីសលើកទី២៦ រាត្រីនេះដើម្បីកៅអីវគ្គ ៨ក្រុមចុងក្រោយ World Cup

បាល់ទាត់៖ យប់ថ្ងៃអង្គារនេះ ក្រុមបាល់ទាត់ព័រទុយហ្កាល់ និងស្វីសនឹងជួបគ្នានៅកីឡដ្ឋាន Lusail Iconic Stadium ដើម្បីកៅអីនៅវគ្គ ៨ក្រុមចុងក្រោយ FIFA World Cup 2022 នៅកាតា។ នឹងជាជំនួបលើកទី២៦ រវាងក្រុមទាំងពីរនៅរាត្រីនេះ ហើយក្នុងឆ្នាំ២០២២ នេះពួកគេក៏ធ្លាប់ជួបគ្នាពីរលើកដែរកាលពីដើមឆ្នាំ។ ការប្រកួតនៅក្របខណ្ឌ UEFA Nations League ព័រទុយហ្កាល់បានបំបាក់ស្វ៊ីស ៤-០ ក្នុងទឹកដីរបស់ខ្លួនដោយក្នុងនោះ Cristiano Ronaldo ស៊ុតបញ្ចូលទីពីរគ្រាប់ម្នាក់ឯង។ តែមួយសប្តាហ៍ក្រោយមកស្វ៊ីសក៏បានសងសឹកវិញយកឈ្នះ ១-០ នៅទីក្រុងហ្សែណែវដោយគ្រាប់បាល់ជ័យជំនះរបស់ Haris Seferovic។ ក្នុងចំណោម ២៥លើកកន្លកមកព័រទុយហ្កាល់បានយកឈ្នះសរុប ១១លើកស្វីសឈ្នះ ៩លើក និងស្មើ ៥លើក។ ព័រទុយហ្កាល់ឡើងមកកាន់វគ្គ ១៦ក្រុមចុងក្រោយនេះជាក្រុមលេខ ១ ក្នុងពូលទោះបីចាញ់កូរ៉េប្រកួតចុងក្រោយ ២-១ ក៏ដោយ ខណៈដែលស្វីសជាក្រុមលេខ២ ក្នុងពូលក្រោយឈ្នះស៊ែប ៣-២ ប្រកួតចុងក្រោយក្នុងពូល។ សូមបញ្ជាក់ថា ស្វីសធ្លាប់ឡើងមកកាន់វគ្គចាញ់ធ្លាក់នៅ World Cup ៤លើកក្នុងចំណោម ៥លើកចុងក្រោយ តែឆ្លងមិនផុតដល់វគ្គ ៨ក្រុមឡើយតាំងពីឆ្នាំ១៩៥៤ ដែលខ្លួនជាម្ចាស់ផ្ទះ៕អត្ថបទ៖នាង សុភាវុធ

ម៉ារ៉ុកជាក្រុមមកពីអាហ្វ្រិកតែមួយគត់នៅសល់ មុនជួបអេស្ប៉ាញយប់នេះនៅ World Cup

បាល់ទាត់៖ ក្រុមជម្រើសជាតិម៉ារ៉ុកគឺជាក្រុមមកពីទ្វីបអាហ្វ្រិកតែមួយគត់ដែលនៅសល់នៅ World Cup 2022 កាតាគិតត្រឹមវគ្គ ១៦ក្រុមចុងក្រោយ មុនជួបអេស្ប៉ាញយប់នេះ។ ក្តីសង្ឃឹមរបស់ប្រជាជនអាហ្វ្រិកស្រមៃចង់ឈ្នះជើងឯក World Cup កាន់តែខើចទៅៗ បន្ទាប់ពីសេណេហ្កាល់ចាញ់អង់គ្លេសកាលពីយប់ថ្ងៃអាទិត្យ។ ក្រឡេកទៅអ្នកគាំទ្រម៉ារ៉ុកនៅឯទីក្រុងរ៉ាបាត់វិញ ម្នាក់ៗសុទ្ធតែបានបង្ហាញក្តីសង្ឃឹមរៀងៗខ្លួន ហើយខ្លះទៀតថា បានត្រៀមភ្លើង កាំជ្រួចរួចហើយដើម្បីអុជអបអរសាទរជ័យជំនះលើអេស្ប៉ាញយប់នេះ។ ម៉ារ៉ុកមិនត្រឹមជាក្តីសង្ឃឹមរបស់តែមួយគត់របស់អាហ្វ្រិកទេ តែជាក្តីសង្ឃឹមតែមួយគត់របស់ប្រទេសអារ៉ាប់ផងដែរ។ ម៉ារ៉ុកឡើងមកដល់វគ្គ ១៦ក្រុមចុងក្រោយ World Cup ជាលើកទី២ ប៉ុណ្ណោះក្នុងប្រវត្តិសាស្ត្រ បន្ទាប់ពីលើកដំបូងតាំងពីឆ្នាំ១៩៨៦។ ម៉ារ៉ុកក៏ជាប្រទេសអារ៉ាប់ដំបូងដែលឡើងមកកាន់វគ្គចាញ់ធ្លាក់ពីរលើកផងដែរ បន្ទាប់ពីកន្លងមកអារ៉ាប៊ីសាអ៊ូឌីតធ្វើបាននៅឆ្នាំ១៩៩៤ និងអាល់ហ្សេរីឆ្នាំ២០១៤៕អត្ថបទ៖នាង សុភាវុធ

ក្រូអាស៊ីតាមពីក្រោយយកឈ្នះជប៉ុនដោយបាល់ ១១ម៉ែត្រកាត់សេចក្តីឡើងវគ្គ ៨ក្រុមចុងក្រោយ

បាល់ទាត់៖ បេសកកម្មរបស់ក្រុមសាមូរ៉ៃជប៉ុននៅ World Cup 2022 កាតាបានបិទបញ្ចប់ហើយ ក្រោយបរាជ័យក្រោមស្នាដៃក្រុមជើងឯករងកាលពីបួនឆ្នាំក្រូអាស៊ីដោយបាល់ ១១ម៉ែត្រកាត់សេចក្តី។ ជប៉ុនជាក្រុមមានប្រៀបជាងក្នុងការប្រកួតនេះតាមរយៈការបង្កើតឱកាសច្រើននៅវគ្គទី១ និងរកបានគ្រាប់នាំមុខមុនដោយ Daizen Maeda នៅនាទីទី៤៣។តែវគ្គទី២ លេងបាន ១០នាទីខ្សែបម្រើ Spurs, Ivan Perisic គឺជាអ្នកតែតបញ្ចូលទីតាមស្មើវិញឱ្យក្រូអាស៊ីនៅនាទីទី៥៥។ គ្មានក្រុមណាអាចរកបានគ្រាប់បាល់ទៀតឡើយ សម្រាប់វេលាដែលនៅសល់ និងឈានដល់ការបន្ថែម ១៥នាទីពីរដងទៀតក្តី។ អ្វីៗត្រូវសម្រេចដោយបាល់ ១១ម៉ែត្រកាត់សេចក្តីអ្នកចាំទីក្រូអាស៊ី Dominik Livakovic បានក្លាយជាវីរបុរសរបស់ក្រូអាស៊ីតាមរយៈការជួយសង្គ្រោះបាល់ ១១ម៉ែត្រពីរគ្រាប់ដំបូងរបស់ជប៉ុន មុនពេលដែលសង្គ្រោះបានមួយគ្រាប់ទៀតរបស់ Maya Yoshida ហើយ Mario Pasalic គឺជាអ្នកសំរេចគ្រាប់ចុងក្រោយឱ្យក្រូអាស៊ីយកឈ្នះជប៉ុន។ ក្រុមរបស់លោក Zlatko Dalic ដែលចាញ់បារាំងនៅវគ្គផ្តាច់ព្រ័ត្រកាលពីនៅរុស្ស៊ី ៤ឆ្នាំមុននឹងបន្តជួបជាមួយក្រុមជើងឯក ៥សម័យប្រេស៊ីលនៅវគ្គបន្ត។ងាកមកអ្នកគាំទ្រជប៉ុនដែលបានចាកចេញពីកីឡដ្ឋាន បានបង្ហាញអារម្មណ៍ខកចិត្តដែលក្រុមរបស់ខ្លួនចាកចេញពី ព្រឹត្តិការណ៍ដោយបាល់ ១១ម៉ែត្រកាត់សេចក្តីបែបនេះ តែសរសើរក្រុមជប៉ុនដែលធ្វើបានល្អនៅ World Cup លើកនេះ។ ចំណែកឯអ្នកគាំទ្រក្រូអាស៊ីបាននិយាយថា គោលដៅបន្តទៅមុខទៀតគឺលើកពាន World Cup ដោយមិនខ្វល់ថា ត្រូវជួបក្រុមខ្លាំងដូចជាប្រេស៊ីលឡើយ ហើយក៏បានលើកសរសើរជប៉ុនដែរថា ជាគូប្រកួតដ៏តានតឹងសម្រាប់ក្រុមដែលសម្បូរបទពិសោធន៍នៅ World Cup ដូចជាក្រូអាស៊ី៕អត្ថបទ៖នាង សុភាវុធ

ប្រេស៊ីលបញ្ចប់ក្តីសង្ឃឹមក្រុមអាស៊ីនៅ World Cup ក្រោយយកឈ្នះកូរ៉េ ៤-១

បាល់ទាត់៖ ក្តីសង្ឃឹមរបស់ក្រុមអាស៊ីនៅ World Cup 2022 កាតាបានបិទបញ្ចប់ត្រឹមយប់មិញ បន្ទាប់ក្រុមជើងឯកប្រាំសម័យប្រេស៊ីលយកឈ្នះកូរ៉េ ៤-១។ កូរ៉េ ជប៉ុន និងអូស្ត្រាលីជាក្រុមដែលមកពីសហព័ន្ធបាល់ទាត់ទ្វីបអាស៊ី AFC ដែលនៅសល់ត្រឹមវគ្គ ១៦ក្រុមចុងក្រោយនេះ តែអូស្ត្រាលីក៏បានចាញ់អាហ្សង់ទីន ខណៈជប៉ុនក៏ចាញ់ក្រូអាស៊ី។ ការលេងយ៉ាងស៊ីចង្វាក់គ្នានៅវគ្គទី១ ដោយក្រុមជើងឯកឆ្នាំ២០០២ ប្រេស៊ីលធ្វើឱ្យក្រុមរបស់លោករបស់លោក Tite រកបានគ្រាប់នាំមុខដល់ទៅ ៤គ្រាប់ដោយកីឡាករ ៤នាក់ផ្សេងគ្នារួមមាន Vinicius Junior, Neymar, Richarlison និង Lucas Paqueta។ ក្រុមរបស់លោក Paulo Bento ក៏រកបានមួយគ្រាប់វិញដែរនៅវគ្គទី២ ដោយ Paik Seung-ho នាទីទី៧៦ តែមិនគ្រប់គ្រាន់ឡើយ ខណៈការប្រកួតបញ្ចប់ទៅដោយប្រេស៊ីលយកឈ្នះ ៤-១។ ប្រេស៊ីលដែលគេចាត់ទុកជាបេក្ខភាពឈានមុខគេដែលអាចឈ្នះជើងឯកឆ្នាំនេះនោះ នឹងបន្តជួបជាមួយក្រុមជើងឯករងបួនឆ្នាំមុនក្រូអាស៊ីនៅវគ្គ ៨ក្រុមចុងក្រោយ។ក្រឡេកទៅមើលអ្នកគាំទ្រនៅទីក្រុងសេអ៊ូលប្រទេសកូរ៉េ បានបង្ហាញអារម្មណ៍រីករាយទោះបីជាចាញ់ក្តី ការឈានឡើងដល់វគ្គ ១៦ក្រុមចុងក្រោយគឺជារឿងល្អទៅហើយសម្រាប់កូរ៉េ ហើយការជួបជាមួយប្រេស៊ីលគ្រប់គ្នាដឹងហើយថា កូរ៉េមានសង្ឃឹមតិច។ ចំណែកអ្នកគាំទ្រប្រេស៊ីលក៏បានជប់លៀង ហ៊ោរស្រែកច្រៀងដែរ និងបាននិយាយថា ពួកគេជឿជាក់ថា ប្រេស៊ីលនឹងឆ្លងផុតវគ្គនេះ តែមិននឹកស្មានថាលទ្ធផលដល់ទៅ ៤-១ ដែលបានផ្តល់ក្តីសង្ឃឹមខ្ពស់ដល់ក្រុមសម្រាប់ប្រកួតបន្ទាប់ទៀត។ សូមបញ្ជាក់ថា ជ័យជំនះនេះធ្វើឱ្យប្រេស៊ីលបន្តឈានឡើងវគ្គ ៨ក្រុមចុងក្រោយ World Cup ៨លើកជាប់គ្នាដោយនឹងត្រូវជួបជាមួយក្រុមក្រូអាស៊ីនៅថ្ងៃអាទិត្យ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ម៉ារ៉ុកក្លាយជាប្រទេសអារ៉ាប់ទីមួយឡើងវគ្គ ៨ក្រុមចុងក្រោយ World Cup

CAMSOC ជំរុញការត្រៀមខ្លួនគ្រប់ជ្រុងជ្រោយ មុនពេល ១០០ថ្ងៃនៃស៊ីហ្គេមឆ្នាំ២០២៣

គោព្រៃកម្ពុជាចាប់ផ្ដើមហ្វឹកហាត់ត្រៀមជួបម៉ាឡេស៊ី និងលេងពាន AFF Mitsubishi Electric Cup 2022

អារ៉ាប៊ីសាអ៊ូឌីតនឹងជាម្ចាស់ផ្ទះបាល់ទាត់ជើងឯកអាស៊ីឆ្នាំ២០២៧ ក្រោយឥណ្ឌាដកខ្លួន

កាតានឹងរុះរើកីឡដ្ឋាន 974 បន្ទាប់ពីទទួលប្រកួតចុងក្រោយនៅ World Cup យប់មិញ

គ្រូបង្វឹកកូរ៉េ Paulo Bento ចាកចេញពីតំណែងក្រោយកូរ៉េចាញ់ប្រេស៊ីល

ព័រទុយហ្កាល់នឹងជួបស្វីសលើកទី២៦ រាត្រីនេះដើម្បីកៅអីវគ្គ ៨ក្រុមចុងក្រោយ World Cup

ម៉ារ៉ុកជាក្រុមមកពីអាហ្វ្រិកតែមួយគត់នៅសល់ មុនជួបអេស្ប៉ាញយប់នេះនៅ World Cup

ក្រូអាស៊ីតាមពីក្រោយយកឈ្នះជប៉ុនដោយបាល់ ១១ម៉ែត្រកាត់សេចក្តីឡើងវគ្គ ៨ក្រុមចុងក្រោយ

ប្រេស៊ីលបញ្ចប់ក្តីសង្ឃឹមក្រុមអាស៊ីនៅ World Cup ក្រោយយកឈ្នះកូរ៉េ ៤-១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ម៉ា​រ៉ុ​ក​ក្លាយជា​ប្រទេស​អារ៉ាប់​ទីមួយ​ឡើង​វគ្គ ៨ក្រុម​ចុងក្រោយ World Cup

CAMSOC ​ជំរុញ​ការត្រៀមខ្លួន​គ្រប់​ជ្រុងជ្រោយ មុនពេល ១០០​ថ្ងៃ​នៃ​ស៊ី​ហ្គេម​ឆ្នាំ​២០២៣

គោព្រៃ​កម្ពុជាចាប់ផ្ដើម​ហ្វឹកហាត់​ត្រៀម​ជួប​ម៉ាឡេស៊ី និង​លេង​ពាន​ AFF Mitsubishi Electric Cup 2022

អារ៉ាប៊ីសាអ៊ូឌីត​នឹង​ជា​ម្ចាស់ផ្ទះ​បាល់ទាត់​ជើងឯក​អាស៊ី​ឆ្នាំ​២០២៧ ក្រោយ​ឥណ្ឌា​ដក​ខ្លួន​

កាតា​នឹង​រុះរើ​កីឡដ្ឋាន 974 បន្ទាប់ពី​ទទួល​ប្រកួត​ចុងក្រោយ​នៅ World Cup យប់មិញ

គ្រូបង្វឹក​កូរ៉េ Paulo Bento ចាក​ចេញពី​តំណែង​ក្រោយ​កូរ៉េ​ចាញ់​ប្រេ​ស៊ី​ល​

ព័រទុយហ្កាល់​នឹង​ជួប​ស្វីស​លើក​ទី​២៦ រាត្រី​នេះ​ដើម្បី​កៅអី​វគ្គ ៨​ក្រុម​ចុងក្រោយ World Cup

ម៉ា​រ៉ុ​ក​ជា​ក្រុម​មកពី​អាហ្វ្រិក​តែមួយគត់​នៅសល់ មុន​ជួប​អេ​ស្ប៉ា​ញ​យប់​នេះ​នៅ World Cup

ក្រូ​អាស៊ី​តាម​ពីក្រោយ​យកឈ្នះ​ជប៉ុន​ដោយ​បាល់ ១១​ម៉ែត្រ​កាត់សេចក្តី​ឡើង​វគ្គ ៨​ក្រុម​ចុងក្រោយ

ប្រេ​ស៊ី​ល​បញ្ចប់​ក្តីសង្ឃឹម​ក្រុម​អាស៊ី​នៅ World Cup ក្រោយ​យកឈ្នះ​កូរ៉េ ៤-១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ម៉ារ៉ុកក្លាយជាប្រទេសអារ៉ាប់ទីមួយឡើងវគ្គ ៨ក្រុមចុងក្រោយ World Cup

CAMSOC ជំរុញការត្រៀមខ្លួនគ្រប់ជ្រុងជ្រោយ មុនពេល ១០០ថ្ងៃនៃស៊ីហ្គេមឆ្នាំ២០២៣

គោព្រៃកម្ពុជាចាប់ផ្ដើមហ្វឹកហាត់ត្រៀមជួបម៉ាឡេស៊ី និងលេងពាន AFF Mitsubishi Electric Cup 2022

អារ៉ាប៊ីសាអ៊ូឌីតនឹងជាម្ចាស់ផ្ទះបាល់ទាត់ជើងឯកអាស៊ីឆ្នាំ២០២៧ ក្រោយឥណ្ឌាដកខ្លួន

កាតានឹងរុះរើកីឡដ្ឋាន 974 បន្ទាប់ពីទទួលប្រកួតចុងក្រោយនៅ World Cup យប់មិញ

គ្រូបង្វឹកកូរ៉េ Paulo Bento ចាកចេញពីតំណែងក្រោយកូរ៉េចាញ់ប្រេស៊ីល

ព័រទុយហ្កាល់នឹងជួបស្វីសលើកទី២៦ រាត្រីនេះដើម្បីកៅអីវគ្គ ៨ក្រុមចុងក្រោយ World Cup

ម៉ារ៉ុកជាក្រុមមកពីអាហ្វ្រិកតែមួយគត់នៅសល់ មុនជួបអេស្ប៉ាញយប់នេះនៅ World Cup

ក្រូអាស៊ីតាមពីក្រោយយកឈ្នះជប៉ុនដោយបាល់ ១១ម៉ែត្រកាត់សេចក្តីឡើងវគ្គ ៨ក្រុមចុងក្រោយ

ប្រេស៊ីលបញ្ចប់ក្តីសង្ឃឹមក្រុមអាស៊ីនៅ World Cup ក្រោយយកឈ្នះកូរ៉េ ៤-១