BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

Nottingham Forest នាំយកខ្សែបម្រើប្រេស៊ីលម្នាក់ដោយមិនអស់ថ្លៃផ្ទេរ

បាល់ទាត់៖ ក្លិបអង់គ្លេស Nottingham Forest បានចុះហត្ថលេខានាំយកខ្សែបម្រើប្រយុទ្ធប្រេស៊ីល Gustavo Scarpa ដោយគ្មានតម្លៃផ្ទេរដែលជាកីឡាករទី២៣ មកកាន់ក្លិបឡើងថ្មីមួយនេះ។ កីឡាករវ័យ ២៨ឆ្នាំរូបនេះនឹងផ្លាស់មកកាន់ទឹកដីអង់គ្លេសលើកិច្ចសន្យា ៣ឆ្នាំកន្លះនៅថ្ងៃទី១ ខែមករាខាងមុខបន្ទាប់ពីផុតកិច្ចសន្យាជាមួយក្លិបប្រេស៊ីល Palmeiras។ Gustavo Scarpa បានស៊ុតបញ្ចូលទីសរុប ៣៧គ្រាប់ក្នុងការបង្ហាញខ្លួនសរុបឱ្យក្លិបប្រេស៊ីល ២១១លើក និងជាសមាជិករបស់ Palmeiras ដែលឈ្នះពានលីគកំពូលប្រេស៊ីលកាលពីខែមុន។ Scarpa នឹងចូលរួមជាមួយ Nottingham Forest ក្នុងការបោះជំរំហ្វឹកហាត់នៅប្រទេសក្រិកសប្តាហ៍ក្រោយ ដោយក្រុមរបស់លោក Steve Cooper នឹងត្រូវប្រកួតមិត្តភាពជាមួយក្លិបក្នុងស្រុក Olympiakos និង Atromitos។ Nottingham Forest នឹងជួបជាមួយ Blackburn Rovers ជុំទី៣ ពានរង្វាន់ Carabao Cup នៅថ្ងៃទី២១ ខែធ្នូនេះ មុនពេលបន្តការប្រកួតក្របខណ្ឌ English Premier League ឡើងវិញដោយនឹងត្រូវធ្វើដំណើរទៅទឹកដី Manchester United នៅថ្ងៃទី២៧៕អត្ថបទ៖នាង សុភាវុធ

Tyson Fury ផ្តួល Derek Chisora រក្សាខ្សែក្រវាត់ទំងន់ធ្ងន់ពិភពលោក WBC

ប្រដាល់៖ កីឡាករប្រដាល់អង់គ្លេស Tyson Fury បានផ្តួលមិត្តរួមជាតិ Derek Chisora ដើម្បីការពារខ្សែក្រវាត់ទំងន់ធ្ងន់ពិភពលោកក្របខណ្ឌ WBC បានសំរេចចុងសប្តាហ៍កន្លងទៅ។ កីឡាករវ័យ ៣៤ឆ្នាំ Tyson Fury បន្តរក្សាកំណត់ត្រាមិនដែលចាញ់របស់ខ្លួនក្នុងអាជីពប្រដាល់ ក្រោមក្រសែភ្នែកទស្សនិកជន ៥៩៧៦៩នាក់នៅកីឡដ្ឋាននៃក្លឹបបាល់ទាត់ Tottenham Hotspur។ កីឡាករវ័យ ៣៨ឆ្នាំ Derek Chisora ត្រូវបាន Fury វាយសន្ធឹកស្ទើរគ្រប់ទឹកមុនពេលដែលអាជ្ញាកណ្តាលសំរេចបញ្ឈប់ត្រឹមទឹកទី ១០។ នេះជាបរាជ័យលើកទី១៣ សម្រាប់ Derek Chisora ក្នុងចំណោមការប្រកួត ៤៦ និងជាបរាជ័យលើកទី៤ ក្នុងចំណោម ៥លើកចុងក្រោយ។ចំណែក Tyson Fury ត្រូវបានគេដឹងថានឹងជួបជាមួយគូប្រកួតធំកីឡាករអ៊ុយក្រែន Oleksandr Usyk នៅពេលបន្ទាប់ តែមិនទាន់កំណត់បានពេលវេលាជាក់លាក់នៅឡើយ។ Oleksandr Usyk ដែលបានចូលរួមទស្សនាការប្រកួតរបស់ Fury និង Chisora ដែរនោះ បច្ចុប្បន្នកំពុងគ្រប់គ្រងខ្សែក្រវាត់ទំងន់ធ្ងន់ពិភពលោក ៤ស្ថាប័នរួមមាន IBF IBO WBO និង WBA៕អត្ថបទ៖នាង សុភាវុធ

Raheem Sterling ចាកចេញពីក្រុមជម្រើសជាតិអង់គ្លេសដោយសារបញ្ហាគ្រួសារ

បាល់ទាត់៖ ខ្សែប្រយុទ្ធ Chelsea, Raheem Sterling បានចាកចេញពីក្រុមជម្រើសជាតិអង់គ្លេសនៅ World Cup កាតាហើយ ដើម្បីត្រលប់ទៅកាន់ទីក្រុងឡុងដ៍បន្ទាប់ពីមានបញ្ហានៅក្នុងក្រុមគ្រួសារ។ បើតាមសារព័ត៌មានអង់គ្លេសឱ្យដឹងថា មានជនដៃដល់សម្រុកចូលផ្ទះរបស់ Sterling ដើម្បីប្លន់យកទ្រព្យសម្បត្តិកាលពីយប់ថ្ងៃសៅរ៍ ខណៈដែលកូនរបស់ Sterling បីនាក់ស្ថិតនៅក្នុងផ្ទះដែរ។ អ្នកចាត់ការអង់គ្លេសលោក Gareth Southgate បាននិយាយក្នុងសន្និសីតសារព័ត៌មាន ក្រោយអង់គ្លេសឈ្នះសេណេហ្កាល់ ៣-០ ឡើងវគ្គ ៨ក្រុមចុងក្រោយថា ពេលខ្លះបាល់ទាត់ទោះបីដើម្បីប្រទេសជាតិក៏មិនមានជារឿងសំខាន់ដែរ ក្នុងពេលដែលគ្រួសារកំពុងមានបញ្ហា ពួកយើងចង់ផ្តល់ពេលវេលាឱ្យគាត់បានដោះស្រាយ ហើយយើងសង្ឃឹមថាអ្វីៗនឹងល្អប្រសើរឡើងវិញ ពួកយើងចាំដំណឹងពីគាត់ជានិច្ច។កាលពីឆ្នាំ២០១៨ ក៏ធ្លាប់មានជនដៃដល់ព្យាយាមវាយប្រហារសម្រុកចូលផ្ទះរបស់ Sterling បែបនេះដែរដើម្បីប្លន់យកទ្រព្យសម្បត្តិតែត្រូវឃាត់ខ្លួន។ Raheem Sterling បានក្លាយជាកីឡាករទី២ របស់អង់គ្លេសដែលបានចាកចេញពីកាតា បន្ទាប់ពីខ្សែការពារ Arsenal, Ben White ដែលបានចាកចេញកាលពីថ្ងៃទី៣០ ខែវិច្ឆិកាកន្លងទៅដោយសារបញ្ហាផ្ទាល់ខ្លួន៕អត្ថបទ៖នាង សុភាវុធ

Neymar ជាពីរបួស និងអាចចូលលេងបានពេលប្រេស៊ីលជួបកូរ៉េយប់នេះ

បាល់ទាត់៖ គ្រូបង្វឹកក្រុមជម្រើសជាតិប្រេស៊ីលលោក Tite បានបញ្ជាក់ថា Neymar នឹងអាចចូលលេងវិញបានរាត្រីនេះពេលប្រេស៊ីលជួបកូរ៉េវគ្គ ១៦ក្រុមចុងក្រោយ World Cup។ ខ្សែប្រយុទ្ធវ័យ ៣០ឆ្នាំរូបនេះអវត្តមានពីក្រុមប្រេស៊ីល ២ប្រកួតក្នុងពូល បន្ទាប់ពីមានរបួសកជើងអំឡុងជ័យជំនះស៊ែប ២-០ ប្រកួតដំបូងក្នុងពូល។ ខ្សែប្រយុទ្ធ PSG រូបនេះត្រូវបានផ្លាស់ប្តូរចេញនៅនាទីទី៨០ បន្ទាប់ពីការប៉ះទង្គិចជាមួយ Nikola Milenkovic របស់ស៊ែប។ មិនមែនជាលើកដំបូងឡើយដែល Neymar មានបញ្ហារបួសកជើងខាងស្តាំនេះ ពោលគឺប៉ុន្មានឆ្នាំចុងក្រោយនេះរបួសកជើងបានធ្វើឱ្យគេខកខានការប្រកួតសំខាន់ៗមួយចំនួន ដូចជាអវត្តមានពីការប្រកួត Copa America កាលពីឆ្នាំ២០១៩ និងអវត្តមានជាច្រើនខែកាលពីឆ្នាំ២០២១ ដោយសាររបួសដូចគ្នានេះ។ប្រេស៊ីលដែលជាក្រុមគេរំពឹងថាឈ្នះជើងឯកឆ្នាំនេះនោះបានធានាកៅអីវគ្គ ១៦ក្រុមចុងក្រោយបន្ទាប់ពីឈ្នះ ២ប្រកួតដំបូង ហើយចាញ់កាមេរូនប្រកួតចុងក្រោយតែឈរលេខ ១ ក្នុងពូល។ ប្រេស៊ីលជួបកូរ៉េយប់នេះនឹងជាជំនួបទី៨ តែជាលើកដំបូងក្នុងការប្រកួតព្រឹត្តិការណ៍បែបនេះ ដោយប្រេស៊ីលធ្លាប់ឈ្នះ ៦ និងចាញ់ ១។ ចំណែកកូរ៉េនឹងបង្ហាញខ្លួននៅវគ្គ ១៦ក្រុមចុងក្រោយ World Cup លើកដំបូងរាប់ពីឆ្នាំ២០១០ ដែលចាញ់អ៊ុយរូហ្កាយនៅវគ្គនេះ៕អត្ថបទ៖នាង សុភាវុធ

Henderson Kane Saka រកបានម្នាក់មួយគ្រាប់ឱ្យអង់គ្លេសឈ្នះសេណេហ្កាល់ឡើងវគ្គ ៨ក្រុម

បាល់ទាត់៖ ក្រុមជម្រើសជាតិអង់គ្លេសបានបន្តកំណត់ត្រាមិនចាញ់ក្រុមមកពីអាហ្វ្រិក បន្ទាប់ពីយកឈ្នះសេណេហ្កាល់ ៣-០ ដើម្បីឡើងវគ្គ ៨ក្រុមចុងក្រោយ FIFA World Cup 2022 នៅកាតានេះ។ សេណេហ្កាល់ចាប់ផ្តើមបានល្អដោយមានឱកាសស៊ុតលើអង់គ្លេសមុន តែអ្នកចាំទី Everton, Jordan Pickford ជួយសង្គ្រោះបាន មុនពេលដែលខ្សែបម្រើ Liverpool, Jordan Henderson បើកការនាំមុខបានសំរេចនៅនាទីទី៣៨ បន្ទាប់ពីទទួលបាល់យ៉ាងល្អពី Jude Bellingham។ វគ្គទី១ ដដែលនាទីទី៤៥+៣ ទីបំផុតប្រធានក្រុមអង់គ្លេស Harry Kane រកគ្រាប់បាល់បាននៅ World Cup លើកនេះបន្ទាប់ពីទទួលបាល់ពី Phil Foden ដែលធ្វើឱ្យគ្រាប់បាល់សរុបឱ្យក្រុមជម្រើសជាតិអង់គ្លេសឡើងដល់ ៥២គ្រាប់ដេញពីក្រោយ Wayne Rooney ដែលស៊ុតបានច្រើនជាងគេសរុប ៥៣គ្រាប់។ក្រុមរបស់លោក Gareth Southgate បន្តការវាយសម្រុកនៅវគ្គទី២ ទៀត និងរកបានគ្រាប់ទី៣ ដោយ Bukayo Saka នៅនាទីទី៥៧។ អង់គ្លេសនឹងបន្តជួបជាមួយក្រុមការពារតំណែងជើងឯកបារាំងនៅវគ្គ ៨ក្រុមចុងក្រោយថ្ងៃសៅរ៍ចុងសប្តាហ៍នេះ៕អត្ថបទ៖នាង សុភាវុធ

បារាំងឡើងវគ្គ ៨ក្រុម ខណៈ Giroud ក្លាយជាកីឡាករស៊ុតបញ្ចូលទីឱ្យក្រុមជម្រើសជាតិបារាំងច្រើនជាងគេ

បាល់ទាត់៖ ក្រុមការពារតំណែងជើងឯកបារាំងបានកក់កៅអីនៅវគ្គ ៨ក្រុមចុងក្រោយហើយនៃព្រឹត្តិការណ៍បាល់ទាត់ពិភពលោក FIFA World Cup បន្ទាប់ពីយកឈ្នះក្រុមប៉ូឡូញ ៣-១។ ខ្សែប្រយុទ្ធ AC Milan, Olivier Giroud គឺអ្នករកបានគ្រាប់នាំមុខឱ្យបារាំងនៅនាទីទី៤៤ មុនចប់វគ្គទី១ ដែលមួយគ្រាប់នេះធ្វើឱ្យកីឡាករវ័យ ៣៦ឆ្នាំរូបនេះមានគ្រាប់បាល់ស៊ុតបញ្ចូលទីឱ្យបារាំងសរុប ៥២គ្រាប់ច្រើនជាងគេឡើងពីលើ Thierry Henry ដែលមានសរុប ៥១គ្រាប់។ ក្រុមរបស់លោក Didier Deschamps មើលទៅមិនមានការលំបាកខ្លាំងឡើយនៅពេលជួបប៉ូឡូញនៅវគ្គនេះ បន្ទាប់ពីខ្សែប្រយុទ្ធ PSG, Kylian Mbappe ស៊ុតបញ្ចូលទីពីរគ្រាប់ម្នាក់ឯងបន្ថែមទៀតនៅនាទីទី៧៤ និង ៩០+១។Kylian Mbappe នៅពេលនេះមានគ្រាប់បាល់នៅ World Cup សរុប ៧គ្រាប់បូកពី World Cup 2018 នៅរុស្ស៊ី ធ្វើឱ្យគេក្លាយជាកីឡាករទី១ ដែលរកបាន ៧គ្រាប់នៅ World Cup មុនអាយុ ២៤ឆ្នាំបំបែកកំណត់ត្រារបស់ Pele។ ក្រុមប៉ូឡូញក៏តបបានមួយគ្រាប់ដែរដោយបាល់ពិន័យ ១១ម៉ែត្ររបស់ Robert Lewandowski នាទីទី៩០+៧ តែមិនគ្រប់គ្រាន់ឡើយ។ បារាំងបន្តដំណើរឡើងវគ្គ ៨ក្រុមចុងក្រោយ World Cup ដោយនឹងជួបជាមួយអង់គ្លេសនៅថ្ងៃសៅរ៍ចុងសប្តាហ៍នេះ៕អត្ថបទ៖នាង សុភាវុធ

កីឡាករខ្មែរ-ជប៉ុនប្រមាណ ៥០នាក់នឹងចូលរួមប្រណាំងម៉ូតូលើវាលរាបចុងសប្ដាហ៍នេះ

ប្រណាំងម៉ូតូ៖ កីឡាករប្រណាំងម៉ូតូកម្ពុជា និងជប៉ុនប្រមាណ ៥០នាក់នឹងចូលរួមព្រឹត្តិការណ៍ប្រណាំងម៉ូតូលើវាលរាប elf Cup Race Endurance ឆ្នាំ២០២២ នៅទីលាន Yamamoto Circuit Cambodia ខេត្តកំពង់ស្ពឺចាប់ពីថ្ងៃទី០៩ ដល់ថ្ងៃទី១១ ខែធ្នូ ឆ្នាំ២០២២ ចុងសប្ដាហ៍នេះ។ នេះបើតាមការបញ្ជាក់របស់លោក ពៅ តិចឡេង អគ្គនាយកក្រុមហ៊ុនភ្នាក់ងាររៀបចំការ៉ាកម្ពុជា (KARA) ថ្លែងក្នុងសន្និសីទសារព័ត៌មានកាលពីចុងសប្ដាហ៍កន្លងទៅ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) បន្ទាប់ពី KARA សម្រេចរៀបចំព្រឹត្តិការណ៍នេះឡើងវិញ ក្រោយខកខាន ៣ឆ្នាំដោយសារវិបត្តិកូវីដ-១៩។ លោកថា ការប្រកួតនេះនឹងមានការចូលរួមប្រកួតពីកីឡាករខ្មែរ ៤៧នាក់ និងកីឡាករជប៉ុនម្នាក់សរុប ៤៨នាក់ដោយចែកចេញជា ៥កម្រិតលើចម្ងាយផ្លូវ ១៦០០ម៉ែត្រក្នុងនោះមានផ្លូវបត់កាច់កោងសរុប ១៣។ សម្រាប់កម្រិត A មានកីឡាករចូលរួមប្រកួតប្រជែង ៩នាក់, កម្រិត B ២៩នាក់, កម្រិត C ១០នាក់ និងកម្រិត D ខណៈផ្នែក Endurance មានកីឡាករចូលរួមសរុប ២០នាក់ស្មើនឹង ១០ក្រុម។ ចំពោះក្រុមបច្ចេកទេសមានចំនួន ៤៣នាក់។សម្រាប់ប្រាក់រង្វាន់ជយលាភីផ្នែក Endurance ម្ចាស់ជ័យលាភីជើងឯកទទួលបាន ៤លានរៀល, លេខ២ ទទួលបាន ៣លានរៀល និងលេខ៣ ទទួលបាន ២លានរៀល។ ចំណែកប្រាក់រង្វាន់សម្រាប់កម្រិត A B C D នឹងទទួលបានប្រាក់រង្វាន់លេខ១ ចំនួន ២លានរៀល, លេខ២ ចំនួន ១លាន ២សែនរៀល និងលេខ៣ ទទួលបាន ៨០ម៉ឺនរៀល។ លោក ពៅ តិចឡេង បានអំពាវនាវដល់កីឡាករ និងអ្នកគាំទ្រវិស័យកីឡាយានយន្ត សូមបន្តចូលរួមលើកស្ទួយវិស័យកីឡានៅកម្ពុជាឱ្យកាន់តែរីកចម្រើនបន្ថែមទៀត បន្ទាប់ពីព្រឹត្តិការណ៍កីឡាប្រណាំងម៉ូតូលើវាលរាបបានខកខានចំនួន ២ឆ្នាំ ដោយសារវិបត្តិជំងឺកូវីដ-១៩។ នៅឆ្នាំក្រោយ KARA ប្តេជ្ញារៀបចំព្រឹត្តិការណ៍ដូចគ្នានេះឱ្យបាន ២ដងក្នុង ១ឆ្នាំដើម្បីជំរុញឱ្យជំនាញកីឡាមួយនេះកាន់តែមាន ការអភិវឌ្ឍឱ្យកាន់តែល្អប្រសើរបន្ថែមទៀត៕អត្ថបទ៖ លី ឈុនឡា

កម្ពុជាបង្ហាញកីឡាករត្រៀមជួបម៉ាឡេស៊ី និងលេងពាន AFF ខណៈទូរទស្សន៍ BTV និងបាយ័នផ្សាយផ្ទាល់

បាល់ទាត់៖ សហព័ន្ធកីឡាបាល់ទាត់កម្ពុជាបានបង្ហាញបញ្ជីឈ្មោះកីឡាករ នៃក្រុមជម្រើសជាតិកម្ពុជាផ្លូវការហើយដោយមានបេក្ខភាព ២៤រូបសម្រាប់ធ្វើការប្រមូលផ្ដុំហ្វឹកហាត់ត្រៀមការប្រកួតមិត្តភាពអន្តរជាតិ ជាមួយក្រុមជម្រើសជាតិម៉ាឡេស៊ីនាថ្ងៃទី០៩ ខែធ្នូ និងត្រៀមការប្រកួតពានរង្វាន់ជើងឯកអាស៊ីអាគ្នេយ៍ AFF Mitsubishi Electric Cup 2022 ចាប់ពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៦ ខែមករា ឆ្នាំ២០២៣ ខាងមុខ។ សម្រាប់កីឡាករ ២៤រូបដែលត្រូវបានសម្រេច និងជ្រើសរើសដោយអ្នកចាត់ការទូទៅលោក Keisuke Honda នេះ រួមមានសមាជិកក្លិបភ្នំពេញក្រោន ៥រូបគឺកីឡាករ ជួន ចាន់ចាវ, សឿត បារាំង, យ៉ើ ម៊ូស្លីម, អ៊ន ចាន់ប៉ូលីន និង លឹម ពិសុទ្ធ។ សមាជិកវិសាខា ១០រូបគឺមាន កែវ សុខសិលា, វីរៈ ដារ៉ា, ឆេង ម៉េង, ទេស សម្បត្តិ, អ៊ុក សុវណ្ណ, អ៊ិន សូដាវីដ, ធារី ចន្ថាប៊ីន, កែវ សុខផេង, សារ ទី និង រ៉ឹង ប៊ុនហៀង។ សមាជិកក្លិបព្រះខ័នរាជស្វាយរៀង ២រូបគឺខ្សែការពារ សារ៉េត គ្រីយ៉ា និង សឿយ វិសាល។ សមាជិកក្រុមបឹងកេត ៤រូបគឺមាន ហ៊ុល គឹមហ៊ុយ, តាំង ប៊ុនឆៃ, ម៉ាត់ នូរុណ និង សៀយ ចន្ធា។ សមាជិកក្លិបណាហ្គាវើលដ៏ម្នាក់គឺកីឡាករ សុះ ស៊ូហាណា និងកីឡាករប្រកបអាជីពក្រៅស្រុក ២រូបគឺកីឡាករខ្មែរ-បារាំង កុក បូរីស លេងនៅក្លិបម៉ាឡេស៊ី Sarawak United និងកីឡាករខ្មែរ-អាមេរិក ថេឡរ នីកូឡា ឌឿង លេងនៅក្លិបអាមេរិក Orlando City។បន្ទាប់ពីការបង្ហាញបញ្ជីឈ្មោះនេះ ក្រុមគោព្រៃកម្ពុជាគ្រោងនឹងធ្វើការប្រមូលផ្ដុំហ្វឹកហាត់នៅដើមសប្ដាហ៍នេះ ដើម្បីធ្វើការប្រកួតមិត្តភាពអន្ដរជាតិ និងដកស្រង់បច្ចេកទេសជាមួយក្រុមជម្រើសជាតិម៉ាឡេស៊ី នៅទឹកដីម៉ាឡេស៊ីនាថ្ងៃទី០៩ ខែធ្នូខាងមុខ ដែលជាការប្រកួតដកស្រង់បច្ចេកទេសត្រៀមឆ្ពោះទៅរកការប្រកួតពានរង្វាន់ AFF Mitsubishi Electric Cup 2022 រវាងក្រុមទាំងពីរ។ សម្រាប់បេសកកម្មប្រកួតបាល់ទាត់ជើងឯកអាស៊ីអាគ្នេយ៍វិញកម្ពុជាគឺស្ថិតក្នុងពូល A ខណៈកម្មវិធីប្រកួតរួមមានថ្ងៃទី២០ ខែធ្នូ កម្ពុជាត្រូវបើកទ្វារផ្ទះទទួលហ្វីលីពីនមុនគេ មុនជួបឥណ្ឌូនេស៊ីក្រៅដីនាថ្ងៃទី២៣ ខែធ្នូខាងមុខ។ បន្ទាប់មកនៅថ្ងៃទី២៩ ខែធ្នូ កម្ពុជានឹងត្រូវបើកទ្វារពហុកីឡដ្ឋានជាតិមរតកតេជោជាថ្មីទទួលក្រុមប្រ៊ុយណេវិញម្ដង មុនការប្រកួតបញ្ចប់ជាមួយក្រុមម្ចាស់ផ្ទះថៃនាថ្ងៃទី០២ ខែមករា ឆ្នាំ២០២៣ ខាងមុខ។ គួរដឹងថា សម្រាប់ការប្រកួតក្នុងដីរបស់ក្រុមគោព្រៃកម្ពុជា គឺអគ្គនាយកដ្ឋានវិទ្យុ និងទូរទស្សន៍បាយ័ន និងទូរទស្សន៍ BTV-News បានទទួលសិទ្ធធ្វើការផ្សាយផ្ទាល់ ពីវិមានកីឡដ្ឋាននៃពហុកីឡដ្ឋានជាតិមរតកតេជោជូនដល់បងប្អូនប្រជាពលរដ្ឋបានទស្សនា។ កុំភ្លេចចូលរួមទស្សនា និងគាំទ្រក្រុមជម្រើសជាតិកម្ពុជាឲ្យបានច្រើនកុះករ៕អត្ថបទ៖ លី ឈុនឡា

ការរត់ម៉ារ៉ាតុង និងជិះកង់កម្សាន្តក្រោមម្លប់សន្តិភាព សម្រាប់អបអសាទរពិធីអុំទូក នៅក្រុងកំពង់ឆ្នាំង

កំពង់ឆ្នាំង ៖ នៅព្រឹកថ្ងៃទី០២ ខែធ្នូ ឆ្នាំ២០២២នេះ គឺជាព្រឹត្តិការណ៍ដែលពុំធ្លាប់មាននៅខេត្តកំពង់ឆ្នាំង ដែលរដ្ឋបាលខេត្តបានរៀបចំពិធីអុំទូក បាញ់កាំជ្រួច ហើយនៅថ្ងៃដំបូង នៃពិធីគឺការជិះកង់ និងរត់កម្សាន្តក្រោមម្លប់សុខសន្តិភាព និងមានការចេញដំណើរពីសាលាខេត្ត ទៅតាមផ្លូវទៅផ្សារក្រោម សង្កាត់ផ្សារឆ្នាំង ក្រុងកំពង់ឆ្នាំង និងវិលមកទីតាំអសាលាខេត្តវិញ ដោយមានយុវជនចូលរួមប្រមាណជាង ៥០០នាក់។ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងបានថ្លែងថា៖ ថ្ងៃនេះ គឺជាព្រឹត្តិការណ៍ដែលពុំធ្លាប់មាននៅខេត្តកំពង់ឆ្នាំងយើង បន្ទាប់ពីរាជរដ្ឋាភិបាលបានអនុញ្ញាតឱ្យរាជធានីខេត្តទាំងអស់ ប្រារព្ធពិធី អុំទូក បាញ់កាំជ្រួចនៅតាមខេត្តរៀងៗខ្លួន។ ក្នុងនោះក៏មានទូកមកពីតាមខេត្តមួយចំនួនជុំវិញបឹងទន្លេសាប បានមកចូលរួមប្រណាំងរួមមានខេត្តកែប កំពង់ចាម កំពង់ស្ពឺ ស្វាយរៀង ពោធិ៍សាត់ បន្ទាយមានជ័យ កំពង់ធំ និងខេត្តកណ្តាល ។តំណាងយុវជនក្នុងខេត្តបានបញ្ជាក់ថា៖ នេះគឺជាវប្បធម៌ថ្មីមួយរវាងខេត្ត និងខេត្ត ដើម្បីរក្សាវប្បធម៌ប្រពៃណីខ្មែរ ក្រោមម្លប់សុខសន្តិភាព ធ្វើយ៉ាងណាអោយប្រជាពលរដ្ឋមានភាពសប្បាយរីករាយ ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានធ្វើឲ្យប្រទេសជាតិយើងមាន សុខសន្តិភាព ស្ថេរភាពនយោបាយ និងការអភិវឌ្ឍន៍លើគ្រប់វិស័យ រីឯប្រជាពលរដ្ឋរស់នៅមានសុខសាន្តគ្រប់គ្នា ។ នៅក្នុងព្រឹត្តិការណ៍អុំទូករយៈពេល២ថ្ងៃនេះ មានការប្រណាំងទូក រត់ម៉ារ៉ាតង់ ប្រណាំងកង់ ប្រដាល់សេរី ល្បុកក្តតោ ពិសេសគឺតំបន់ត្រជាក់ ស្តង់លក់ទំនិញគ្រប់ប្រភេទ កន្លែងសម្រាប់កម្សាន្តសប្បាយជាច្រើនទៀត និងមានការប្រគុំតន្រ្តីចំនួន៤ទីតាំងធំៗផងដែរ ៕ ហុង វាស្នា

Massimiliano Allegri នឹងបន្តដឹកនាំ Juventus ទោះមានការរុះរើក្បាលដំបូលក្លិបទាំងស្រុង

បាល់ទាត់៖ លោក Massimiliano Allegri នឹងនៅតែបន្តតំណែងអ្នកចាត់ការក្លិបសេះបង្កង់ Juventus ដដែលទោះបីក្លិបយក្សអ៊ីតាលីមួយនេះ មានការរុះរើក្បាលដំបូលក្លិបគួរឱ្យភ្ញាក់ផ្អើលកាលពីថ្ងៃចន្ទក៏ដោយ។ តំណែងប្រធានក្លិបរបស់លោក Andrea Agnelli នឹងត្រូវជំនួសដោយលោក John Elkann ហើយប្រធានក្លិបថ្មីរូបនេះគឺជាធានាអះអាងតំណែងរបស់លោក Allegri។ កាលពីថ្ងៃចន្ទក្លិបយក្សអ៊ីតាលីមួយនេះ បានប្រកាសពីការលាលែងតំណែងគួរឱ្យភ្ញាក់ផ្អើលរបស់ជួរថ្នាក់ដឹកនាំក្លិប ដែលរួមមានប្រធានក្លិបលោក Andrea Agnelli, អនុប្រធានក្លិបលោក Pavel Nedved និងនាយកប្រតិបត្តិ Maurizio Arrivabene ជាដើម។ ការលាលែងតំណែងជាក្រុមនេះត្រូវបានគេដឹងថា ពាក់ព័ន្ធនឹងការខាតបង់ប្រាក់ចំណូលដល់ទៅជាង ២០០លានផោន នៅពេលដែល Juventus បញ្ចប់រដូវកាលនៅចំណាត់ថ្នាក់លេខ ៤ ក្របខណ្ឌកំពូលអ៊ីតាលី Serie A។រំលឹកថា លោក Massimiliano Allegri ធ្លាប់ឈ្នះជើងឯក Serie A ៥លើកជាមួយសេះបង្កង់ Juventus បូករួមទាំង Italian Cup ៤លើក, Italian Super Cup ២លើក និងឡើងវគ្គផ្តាច់ព្រ័ត្រ UEFA Champions League ២លើក។ Juventus បច្ចុប្បន្នកំពុងឈរលេខ ៣ នៅ Serie A ក្រោយឈ្នះ ៦ប្រកួតជាប់គ្នាមុន World Cup នេះនៅពីលើក្រុមលេខ ៤ Lazio ១ពិន្ទុ តែតាមពីក្រោយក្រុមកំពូលតារាង Napoli ១០ពិន្ទុ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Nottingham Forest នាំយកខ្សែបម្រើប្រេស៊ីលម្នាក់ដោយមិនអស់ថ្លៃផ្ទេរ

Tyson Fury ផ្តួល Derek Chisora រក្សាខ្សែក្រវាត់ទំងន់ធ្ងន់ពិភពលោក WBC

Raheem Sterling ចាកចេញពីក្រុមជម្រើសជាតិអង់គ្លេសដោយសារបញ្ហាគ្រួសារ

Neymar ជាពីរបួស និងអាចចូលលេងបានពេលប្រេស៊ីលជួបកូរ៉េយប់នេះ

Henderson Kane Saka រកបានម្នាក់មួយគ្រាប់ឱ្យអង់គ្លេសឈ្នះសេណេហ្កាល់ឡើងវគ្គ ៨ក្រុម

បារាំងឡើងវគ្គ ៨ក្រុម ខណៈ Giroud ក្លាយជាកីឡាករស៊ុតបញ្ចូលទីឱ្យក្រុមជម្រើសជាតិបារាំងច្រើនជាងគេ

កីឡាករខ្មែរ-ជប៉ុនប្រមាណ ៥០នាក់នឹងចូលរួមប្រណាំងម៉ូតូលើវាលរាបចុងសប្ដាហ៍នេះ

កម្ពុជាបង្ហាញកីឡាករត្រៀមជួបម៉ាឡេស៊ី និងលេងពាន AFF ខណៈទូរទស្សន៍ BTV និងបាយ័នផ្សាយផ្ទាល់

ការរត់ម៉ារ៉ាតុង និងជិះកង់កម្សាន្តក្រោមម្លប់សន្តិភាព សម្រាប់អបអសាទរពិធីអុំទូក នៅក្រុងកំពង់ឆ្នាំង

Massimiliano Allegri នឹងបន្តដឹកនាំ Juventus ទោះមានការរុះរើក្បាលដំបូលក្លិបទាំងស្រុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Nottingham Forest នាំយក​ខ្សែបម្រើ​ប្រេ​ស៊ី​ល​ម្នា​ក់​ដោយ​មិន​អស់​ថ្លៃ​ផ្ទេរ​

Tyson Fury ផ្តួល Derek Chisora រក្សា​ខ្សែក្រវាត់​ទំងន់​ធ្ងន់​ពិភពលោក WBC

Raheem Sterling ចាក​ចេញពី​ក្រុម​ជម្រើសជាតិ​អង់គ្លេស​ដោយសារ​បញ្ហា​គ្រួសារ​

Neymar ជា​ពីរ​បួស ​និង​អាច​ចូល​លេង​បាន​ពេល​ប្រេ​ស៊ី​ល​ជួប​កូរ៉េ​យប់​នេះ​

Henderson Kane Saka រកបាន​ម្នាក់​មួយគ្រា​ប់​ឱ្យ​អង់គ្លេស​ឈ្នះ​សេ​ណេ​ហ្កា​ល់​ឡើង​វគ្គ ៨ក្រុម

កីឡាករ​ខ្មែរ​-​ជប៉ុន​ប្រមាណ ៥០​នាក់​នឹងចូលរួម​ប្រណាំង​ម៉ូតូ​លើ​វាលរាប​ចុង​សប្ដាហ៍​នេះ​

កម្ពុជា​បង្ហាញ​កីឡាករ​ត្រៀម​ជួប​ម៉ាឡេស៊ី និង​លេង​ពាន​ AFF ​ខណៈ​ទូរទស្សន៍​ BTV ​និង​បាយ័នផ្សាយ​ផ្ទាល់​

ការរត់ម៉ារ៉ាតុង និងជិះកង់កម្សាន្តក្រោមម្លប់សន្តិភាព សម្រាប់អបអសាទរពិធីអុំទូក នៅក្រុងកំពង់ឆ្នាំង

Massimiliano Allegri នឹង​បន្ត​ដឹកនាំ Juventus ទោះ​មានការ​រុះរើ​ក្បាល​ដំបូល​ក្លិប​ទាំងស្រុង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Nottingham Forest នាំយកខ្សែបម្រើប្រេស៊ីលម្នាក់ដោយមិនអស់ថ្លៃផ្ទេរ

Tyson Fury ផ្តួល Derek Chisora រក្សាខ្សែក្រវាត់ទំងន់ធ្ងន់ពិភពលោក WBC

Raheem Sterling ចាកចេញពីក្រុមជម្រើសជាតិអង់គ្លេសដោយសារបញ្ហាគ្រួសារ

Neymar ជាពីរបួស និងអាចចូលលេងបានពេលប្រេស៊ីលជួបកូរ៉េយប់នេះ

Henderson Kane Saka រកបានម្នាក់មួយគ្រាប់ឱ្យអង់គ្លេសឈ្នះសេណេហ្កាល់ឡើងវគ្គ ៨ក្រុម

កីឡាករខ្មែរ-ជប៉ុនប្រមាណ ៥០នាក់នឹងចូលរួមប្រណាំងម៉ូតូលើវាលរាបចុងសប្ដាហ៍នេះ

កម្ពុជាបង្ហាញកីឡាករត្រៀមជួបម៉ាឡេស៊ី និងលេងពាន AFF ខណៈទូរទស្សន៍ BTV និងបាយ័នផ្សាយផ្ទាល់

Massimiliano Allegri នឹងបន្តដឹកនាំ Juventus ទោះមានការរុះរើក្បាលដំបូលក្លិបទាំងស្រុង