BTV NEWS

Eddie Howe លាលែងពីតំណែងអ្នកចាត់ការក្លិប Newcastle United ក្រោយដឹកនាំអស់រយៈពេល ៥ ឆ្នាំ

Chelsea ប្រកាសផ្ទេរ Maxence Lacroix ពី Crystal Palace តម្លៃ ៥២ លានផោន ជាមួយកិច្ចសន្យាដល់ឆ្នាំ២០៣២

អតីតគ្រូបង្វឹកក្រុមជម្រើសជាតិកូរ៉េ Hong Myung-bo សុំទោសក្រោយធ្លាក់ពី World Cup

តើការធ្វើពហិការរបស់ UEFA អាចមានផលប៉ះពាល់អ្វីខ្លះដល់ FIFA?

ព័ត៌មានកីឡា

មន្ត្រីអាជ្ញាកណ្តាលស្ត្រីមួយក្រុមនឹងដឹកនាំការប្រកួតនៅ World Cup ជាលើកដំបូងយប់នេះ

បាល់ទាត់៖ អាជ្ញាកណ្តាលជាស្ត្រីមួយក្រុមនឹងដឹកនាំការប្រកួតបុរសនៅ World Cup ជាលើកដំបូងយប់ថ្ងៃព្រហស្បតិ៍នេះក្នុងជំនួបរវាងកូស្តារីកាទល់នឹងអាល្លឺម៉ង់។ លោកស្រី Stephanie Frappart នឹងជាអាជ្ញាកណ្តាលស្ត្រីទី១ ដែលនឹងដឹកនាំការប្រកួតបុរសនៅ World Cup ផងដែរ។ អាជ្ញាកណ្តាលស្ត្រីសញ្ជាតិបារាំងរូបនេះក៏បានក្លាយជាមន្ត្រីអាជ្ញាកណ្តាលស្ត្រីទី១ ផងដែរដែលមានឈ្មោះជាមន្ត្រីទី៤ ក្នុងការប្រកួត World Cup ក្នុងជំនួបរវាងម៉ិកស៊ិក និងប៉ូឡូញកាលពីថ្ងៃអង្គារសប្តាហ៍មុនផងដែរ។ សម្រាប់ការប្រកួតរវាងអាល្លឺម៉ង់ និងកូស្តារីកាយប់នេះលោកស្ត្រី Stephanie Frappart នឹងត្រូវដឹកនាំការប្រកួតជាមួយអាជ្ញាកណ្តាលស្ត្រីបីនាក់ទៀតរួមមាន Neuza Back សញ្ជាតិប្រេស៊ីល និង Karen Diaz Medina សញ្ជាតិម៉ិកស៊ិក។រំលឹកថា លោកស្រី Frappart គឺជាអាជ្ញាកណ្តាលស្ត្រីទី១ ដែលដឹកនាំការប្រកួតបុរសក្របខណ្ឌ UEFA Champions League កាលពីឆ្នាំ២០២០។ ក្រៅពីអាជ្ញាកណ្តាលស្ត្រី ៣នាក់ខាងលើក៏មានអាជ្ញាកណ្តាលស្ត្រី ២នាក់ទៀតរួមមានលោកស្រី Salima Mukansangga សញ្ជាតិរ៉ូវ៉ាន់ដា និង Yoshimi Yamashita ផងដែរក្នុងចំណោមមន្ត្រីអាជ្ញាកណ្តាល ៣៦ ដែលមានឈ្មោះដឹកនាំការប្រកួតនៅ World Cup 2022 នៅប្រទេសកាតានេះ៕អត្ថបទ៖នាង សុភាវុធ

អូស្ត្រាលីឈ្នះដាណឺម៉ាកឡើងវគ្គ ១៦ក្រុម ខណៈទុយនេស៊ីឈ្នះបារាំងតែអត់បានឡើង

បាល់ទាត់៖ ក្រុមជម្រើសជាតិអូស្ត្រាលីបានឈានឡើងវគ្គ ១៦ក្រុមចុងក្រោយ World Cup ជាលើកដំបូងក្នុងរយៈពេល ១៦ឆ្នាំ បន្ទាប់ពីយកឈ្នះដាណឺម៉ាកប្រកួតចុងក្រោយក្នុងពូលគួរឱ្យភ្ញាក់ផ្អើល ១-០។ ដាណឺម៉ាកត្រូវការជ័យជំនះដាច់ខាតដើម្បីឡើងវគ្គបន្ត តែអូស្ត្រាលីធ្វើឱ្យអ្នកគាំទ្រដាណឺម៉ាកគាំងបាត់មាត់ តាមរយៈគ្រាប់បាល់ជ័យជំនះរបស់អូស្ត្រាលីនៅនាទីទី៦០ ដោយ Mathew Leckie។ អូស្ត្រាលីត្រូវបានគេមើលឃើញថាជាក្រុមលំដាប់ទាបជាងគេនៅក្នុងពូល D នេះមុន World Cup ចាប់ផ្តើម។ អូស្ត្រាលីឡើងវគ្គខ្វែងចុងក្រោយបំផុតតាំងពីឆ្នាំ២០០៦ World Cup នៅអាល្លឺម៉ង់ ជំនាន់របស់ Harry Kewell និង Tim Cahill តែធ្លាក់នៅវគ្គ ១៦ក្រុមក្រោមស្នាដៃរបស់អ៊ីតាលីនៅពេលនោះ។ នៅវគ្គ ១៦ក្រុមចុងក្រោយនៅកាតានេះ អូស្ត្រាលីនឹងឡើងជួបជាមួយអាហ្សង់ទីន។ងាកមកមួយក្រុមទៀតទុយនេស៊ីបានយកឈ្នះបារាំង ១-០ ផងដែរតែក្រុមមកពីអាហ្វ្រិកមួយនេះមិនបានឡើងវគ្គ ១៦ក្រុមចុងក្រោយឡើយ។ មួយគ្រាប់ជ័យជំនះរបស់ទុយនេស៊ីសំរេចបានដោយប្រធានក្រុម Wahbi Khazi នៅនាទីទី៥៨ ខណៈបារាំងមានគ្រាប់បាល់តាមស្មើវិញនៅចុងម៉ោងដោយ Antoine Griezmann តែអាជ្ញាកណ្តាលមិនឱ្យក្រោយមើល VAR។ ជ័យជំនះនេះធ្វើឱ្យបារាំងឡើងវគ្គ ១៦ក្រុមចុងក្រោយដោយនឹងត្រូវជួបជាមួយប៉ូឡូញ។ ពូល D នេះបារាំងឈរលើគេក្នុងពូលមាន ៦ពិន្ទុស្មើគ្នានឹងអូស្ត្រាលី ខណៈទុយនេស៊ីមាន ៤ពិន្ទុ និងដាណឺម៉ាកមានត្រឹម ១ពិន្ទុ៕អត្ថបទ៖នាង សុភាវុធ

អាហ្សង់ទីនឈ្នះប៉ូឡូញ តែក្រុមទាំងពីរឡើងវគ្គ ១៦ក្រុមចុងក្រោយ

បាល់ទាត់៖ ក្រុមជម្រើសជាតិអាហ្សង់ទីនទីបំផុតបានកែប្រែពីបរាជ័យប្រកួតដំបូងក្នុងពូល រហូតយកឈ្នះពីរប្រកួតចុងក្រោយដើម្បីឡើងវគ្គ ១៦ក្រុមចុងក្រោយនៅព្រឹត្តិការណ៍បាល់ទាត់ពិភពលោក FIFA World Cup 2022 នៅកាតា។ ប្រកួតកាត់សេចក្តីនៅយប់ថ្ងៃពុធម្សិលមិញ អាហ្សង់ទីនបានយកឈ្នះប៉ូឡូញ ២-០ ដើម្បីបញ្ចប់ការប្រកួតក្នុងពូលជាក្រុមលេខ ១ ដោយមាន ៦ពិន្ទុ។ Lionel Messi ត្រូវបានគេចាត់ទុកថា ជាតួអង្គសំខាន់ក្នុងការត្រួសត្រាយផ្លូវអាហ្សង់ទីនត្រលប់មកកាន់ជ័យជំនះ វិញតែខ្សែប្រយុទ្ធរបស់ PSG រូបនេះបែជាស៊ុតបាល់ពិន័យ ១១ម៉ែត្រមិនចូលនៅនាទីទី៣៩។ យ៉ាងណាក្តីអាហ្សង់ទីននៅតែមានប្រៀបលើប៉ូឡូញ ទាំងការគ្រប់គ្រងបាល់ និងឱកាសស៊ុតបញ្ចូលទីរហូតរកបានគ្រាប់នាំមុខនៅដើមវគ្គទី២ ដោយខ្សែបម្រើរបស់ Brighton, Alexis MacAllister នៅនាទីទី៤៦ និងខ្សែប្រយុទ្ធ Man City, Julian Alvarez នៅនាទីទី៦៧។ ជ័យជំនះនេះគ្រប់គ្រាន់សម្រាប់អាហ្សង់ទីនដើម្បីឡើងវគ្គបន្តជួបជាមួយអូស្ត្រាលី តែប៉ូឡូញក៏មិនធ្លាក់ដែរដោយមាន ៤ពិន្ទុឈរលេខ ២ ឈ្នះគ្រាប់បាល់ចំណេញលើម៉ិកស៊ិក។មួយគូទៀតក្នុងពូលនេះម៉ិកស៊ិកបានយកឈ្នះអារ៉ាប៊ីសាអ៊ូឌីត ២-១ ដើម្បីមាន ៤ពិន្ទុស្មើជាមួយប៉ូឡូញតែមិនអាចឡើងវគ្គបន្តបាន។ ម៉ិកស៊ិកបាននាំមុខ ២គ្រាប់មុនដោយ Henry Martin នាទីទី៤៧ និងមួយគ្រាប់ទៀតដោយ Luis Chavez។ គិតត្រឹម ២-០ នាំមុខនេះ ម៉ិកស៊ិកមានគ្រាប់បាល់ចំណេញស្មើគ្នានឹងប៉ូឡូញ តែនៅតែចាញ់ប៉ូឡូញបើគិតពីគោលការវិន័យ ដោយម៉ិកស៊ិកមានកាតលឿងតិចជាងម៉ិកស៊ិក។ យ៉ាងណាក្តីចុងក្រោយអារ៉ាប៊ីសាអ៊ូឌីតក៏រកបានគ្រាប់តាមពីក្រោយ ១-២ ដោយបាល់ពិន័យ ១១ម៉ែត្ររបស់ Salem Al Dawsari នាទីទី៩០+៥ មានន័យថា ម៉ិកស៊ិកមានគ្រាប់បាល់ចំណេញចាញ់ប៉ូឡូញ ១គ្រាប់។ ប៉ូឡូញនឹងត្រូវជួបជាមួយក្រុមការពារជើងឯកបារាំងនៅវគ្គ ១៦ក្រុមចុងក្រោយ៕អត្ថបទ៖នាង សុភាវុធ

កីឡាវាយកូនឃ្លីលើតុមានមន្ដ្រីបច្ចេកទេសគ្រប់គ្រាន់ត្រៀមស៊ីហ្គេម តែបារម្ភរឿងប្រជែងមេដាយ

កីឡាជាតិ៖ លោក ស៊ុន សុទ្ធារិទ្ធ អគ្គលេខាធិការសហព័ន្ធកីឡាវាយកូនឃ្លីលើតុកម្ពុជា បានវាយតម្លៃខ្ពស់ចំពោះដំណើរការរៀបចំការប្រកួតកីឡាជាតិលើកទី៣ ដែលដំណើរការដោយរលូន និងទទួលបានជោគជ័យ។ តាមរយៈនេះ លោកថា សហព័ន្ធមានធនធានមន្ដ្រីបច្ចេកទេសគ្រប់គ្រាន់ ទាំងអាជ្ញាកណ្ដាល-ចៅក្រម សម្រាប់ត្រៀមស៊ីហ្គេមឆ្នាំ២០២៣ តែអ្វីដែលសហព័ន្ធបារម្ភនោះគឺការប្រជែងមេដាយជូនជាតិ។ ការលើកឡើងនេះ បន្ទាប់ពីកីឡាវាយកូនឃ្លីលើតុបានបញ្ចប់ការប្រកួតក្នុងព្រឹត្តិការណ៍កីឡាជាតិលើកទី៣ ក្រោយដំណើរការប្រកួតរយៈពេល ៥ថ្ងៃចាប់ពីថ្ងៃទី២៥ ដល់ថ្ងៃទី២៩ ខែវិច្ឆិកា ឆ្នាំ២០២២ នៅពហុកីឡដ្ឋានជាតិ។ ពិធីបិទការប្រកួតកីឡាវាយកូនឃ្លីលើតុនេះ បានធ្វើឡើងក្រោមអធិបតីភាពឯកឧត្តមនាយឧត្តមសេនីយ៍ គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុកម្ពុជា។ អគ្គលេខាធិការសហព័ន្ធដដែលបន្ដថា ដោយមានការយកចិត្តទុកដាក់របស់ប្រធានសហព័ន្ធ បានឧបត្ថម្ភគាំទ្រឲ្យមានការបើកវគ្គបណ្ដុះបណ្ដាលអាជ្ញាកណ្ដាល ចៅក្រម ថ្នាក់ជាតិ និងអន្ដរជាតិជាបន្ដបន្ទាប់ រហូតថ្មីៗទើបសហព័ន្ធបានបញ្ចូនទៅប្រឡងជាប់អាជ្ញាកណ្ដាល ចៅក្រមអន្ដរជាតិ ៦រូប។ ដូច្នេះសហព័ន្ធមិនមានការបារម្ភរឿងមន្ដ្រីបច្ចេកទេសនោះទេ អ្វីបារម្ភគឺកម្រិតបច្ចេកទេសកីឡាករ-កីឡាការិនីដែលត្រូវប្រជែងមេដាយ។គួរដឹងថា កីឡាវាយកូនឃ្លីលើតុនៃកីឡាជាតិលើកទី៣ នេះមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ៣៩រូបមកពី ៧ក្រសួង និងរាជធានី-ខេត្ត។ រីឯផ្នែកកីឡាវាយកូនឃ្លីលើតុជនពិការគឺមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៤នាក់។ ចំពោះលទ្ធផលកីឡាកូនឃ្លីលើតុ (ជនមិនមានពិការភាព) ក្រសួងមហាផ្ទៃឈ្នះមេដាយច្រើនជាងគេរួមមានមេដាយមាស ៣ និងប្រាក់ ២ និងខេត្តប៉ៃលិនឈ្នះមេដាយមាស ១ និងប្រាក់ ២ ឈរលេខ២។ ចំណែកលទ្ធផលកីឡាវាយកូនឃ្លីលើតុជនពិការ គឺខេត្តព្រៃវែងឈ្នះមេដាយច្រើនជាងគេរួមមានមេដាយមាស ៣ និងប្រាក់ ១៕អត្ថបទ៖ លី ឈុនឡា

កីឡាប៊ីយ៉ា និងស្នូកឃ័របញ្ចប់ការប្រកួតក្នុងកីឡាជាតិលើកទី៣ ដោយជោគជ័យ

កីឡាជាតិ៖ ការប្រកួតកីឡាប៊ីយ៉ា និងស្នូកឃ័រក្នុងព្រឹត្តិការណ៍កីឡាជាតិលើកទី៣ ឆ្នាំ២០២២ បានបញ្ចប់ដោយជោគជ័យ ក្រោយដំណើរការប្រកួតរយៈ ៤ថ្ងៃចាប់ពីថ្ងៃទី២៦ ដល់ថ្ងៃទី២៩ ខែវិច្ឆិកាកន្លងទៅ។ លោក ម៉ារ៉ា សុជាតិ អគ្គលេខាធិការសហព័ន្ធបានបញ្ជាក់ថា ការបង្ហាញខ្លួនលើកដំបូងក្នុងកីឡាជាតិរបស់កីឡាប៊ីយ៉ា និងស្នូកឃ័រនេះគឺមានកីឡាករ ២៥រូបមកពី ៦ក្រសួង និងខេត្តចូលរួមដែលធ្វើការប្រកួតលើ ៦វិញ្ញាសា។ ចំពោះការប្រកួតបានដំណើរការរៀបចំយ៉ាងរលូន ទាំងមន្ដ្រីបច្ចេកទេសរៀបចំ អាជ្ញាកណ្ដាល ចៅក្រម កាត់សេចក្ដី និងការបង្ហាញសមត្ថភាពរបស់កីឡាករ ដែលសបញ្ជាក់ឲ្យឃើញភាពរីកចម្រើនថ្មីមួយទៀត សម្រាប់សហព័ន្ធត្រៀមឆ្ពោះទៅស៊ីហ្គេមឆ្នាំ២០២៣។សម្រាប់លទ្ធផលបច្ចេកទេសក្នុងការប្រកួតនេះ ក្រសួងមហាផ្ទៃដណ្ដើមបានមេដាយច្រើនជាងគេរួមមានមេដាយមាស ៣ ប្រាក់ ១ និងសំរឹទ្ធ ១ ខណៈខេត្តប៉ៃលិនឈរលេខ២ ឈ្នះមេដាយមាស ២ និងសំរឹទ្ធ ២ និងខេត្តកំពង់ចាមឈ្នះមេដាយមាស ១ និងសំរឹទ្ធ ១ ឈរលេខរៀងទី៣៕អត្ថបទ៖ លី ឈុនឡា

ប្រធានសហព័ន្ធកីឡាវាយសីជំរុញគ្រប់ភាគីពាក់ព័ន្ធបន្ដខំប្រឹង ដើម្បីរួមគ្នាសាងប្រវត្តិសាស្ត្រថ្មីនៅស៊ីហ្គេម

កីឡាជាតិ៖ ឯកឧត្តម លី កុសល ប្រធានសហព័ន្ធកីឡាវាយសីកម្ពុជាបានជំរុញគ្រប់ភាគីពាក់ព័ន្ធ ទាំងមន្ដ្រីបច្ចេកទេស គ្រូបង្វឹក និងកីឡាករ-កីឡាការិនីត្រូវបន្ដខិតខំប្រឹងប្រែង និងដុសខាតសមត្ថភាពឲ្យបានគ្រប់ជ្រុងជ្រោយ ដើម្បីរួមគ្នាសាងប្រវត្តិសាស្ដ្រថ្មី នៅពេលកម្ពុជាធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ នាឆ្នាំ២០២៣។ ការលើកឡើងនេះ បន្ទាប់ពីសហព័ន្ធបានបញ្ចប់ការប្រកួតរបស់ខ្លួនដោយជោគជ័យ ក្នុងព្រឹត្តិការណ៍កីឡាជាតិលើកទី៣ កាលពីថ្ងៃទី២៩ ខែវិច្ឆិកា។ ពិធីបិទនេះក៏មានការចូលរួមពីឯកឧត្តម វ៉ា ស៊ិនភីរម្យ ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជា ទទួលបន្ទុកបេសកម្មពិសេស និងជាទីប្រឹក្សាជាន់ខ្ពស់សហព័ន្ធកីឡាវាយសីកម្ពុជា ហើយឯកឧត្តមក៏បានឧបត្ថម្ភថវិកា ១ពាន់ដុល្លារដល់សហព័ន្ធសម្រាប់ប្រើប្រាស់ក្នុងការប្រកួតនេះផងដែរ។ ឯកឧត្តម លី កុសល បានកោតសរសើរ និងវាយតម្លៃខ្ពស់ចំពោះការខិតខំរៀបចំរបស់គណៈកម្មការបច្ចេកទេស ក៏ដូចជាការចូលរួមរបស់ប្រតិភូ គ្រូបង្វឹក និងកីឡាករ-កីឡាការិនីទាំងអស់ ទាំងកីឡាជនមិនមានពិការភាព និងជនពិការ។ លទ្ធផលទាំងនេះបានបង្ហាញពីភាពរីកចម្រើននៃវិស័យកីឡាវាយសីនៅកម្ពុជា ប៉ុន្ដែឯកឧត្តមបានផ្តាំផ្ញើដល់កីឡាករជ័យលាភី និងអ្នកមិនទាន់ដណ្តើមបានមេដាយកុំបាក់ទឹកចិត្ត ហើយត្រូវខិតខំជាប្រចាំដើម្បីអភិវឌ្ឍខ្លួនឲ្យក្លាយជាកីឡាករមានសិទ្ធផលខ្ពស់ទាំងកីឡាករ គ្រូបង្វឹក និងចៅក្រុមអាជ្ញាកណ្តាល ដើម្បីមានលទ្ធភាពគ្រប់គ្រាន់ រួមគ្នាសាងប្រវត្តិសាស្ត្រថ្មីក្នុងព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមនាឆ្នាំ២០២៣ និងការប្រកួតអន្ដរជាតិផ្សេងៗទៀត។ឯកឧត្តម ជាម សុភា អគ្គលេខាធិការសហព័ន្ធបានបញ្ជាក់ថា ឆ្លងកាត់ការរៀបចំ ៥ថ្ងៃលើប្រភេទកីឡាវាយសីគឺបានដំណើរការដោយរលូន ពិសេសគឺជាឱកាសល្អមួយសម្រាប់កីឡាករ-កីឡាការិនីវ័យក្មេង បន្ទាប់ពីក្រុមជម្រើសជាតិខកខានចូលរួមដោយសារការបោះជំរំហ្វឹកហាត់នៅចិន។ អ្វីដែលពិសេសគឺការអនុវត្តការងាររបស់មន្ដ្រីបច្ចេកទេសរៀបចំ និងដឹកនាំការប្រកួតតែម្ដង។ គួរបញ្ជាក់ថា កីឡាវាយសីបានចាប់ផ្ដើមការប្រកួតពីថ្ងៃទី២៥ ដល់ថ្ងៃទី២៩ ខែវិច្ឆិកា ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៤៩នាក់មកពី ១១ក្រសួង និងរាជធានី-ខេត្ត។ ជាលទ្ធផលគឺក្រសួងមហាផ្ទៃដណ្ដើមបានមេដាយច្រើនជាងគេគឺឈ្នះមេដាយមាស ៣គ្រឿង ខណៈក្រសួងសេដ្ឋកិច្ច និងហិរញ្ញវត្ថុឈ្នះមេដាយមាស ២ និងប្រាក់ ៤ ឈរលេខ២ និងខេត្តកណ្ដាលឈ្នះមេដាយមាស ២ ប្រាក់ ២ និងសំរឹទ្ធ ២ ឈរលេខ៣៕អត្ថបទ៖ លី ឈុនឡា

កីឡាករ-កីឡាការិនីការ៉ាតេឆ្នើមក្នុងកីឡាជាតិអាចមានឱកាសជាប់ជម្រើសជាតិ

កីឡាជាតិ៖ កីឡាករ-កីឡាការិនីការ៉ាតេឆ្នើមៗ ដែលធ្វើបានល្អក្នុងការប្រកួតកីឡាជាតិលើកទី៣ អាចនឹងមានឱកាសជាប់ជម្រើសជាតិ។ នេះបើយោងតាមរបាយការណ៍គណៈកម្មការរៀបចំការប្រកួត លោក ដែក ភារៈ ដែលជាគ្រូបង្វឹកក្រុមជម្រើសជាតិកម្ពុជាក្នុងពិធីបិទការប្រកួត ដែលធ្វើឡើងក្រោមអធិបតីភាពឯកឧត្តម សាមឺឌី ស៊ីវឌ្ឍនា អនុប្រធានសហព័ន្ធកាលពីល្ងាចថ្ងៃទី២៩ ខែវិច្ឆិកា ឆ្នាំ២០២២ ម្សិលមិញ។ បន្ទាប់ពីបញ្ចប់ការប្រកួតកីឡាជាតិ ថ្នាក់ដឹកនាំគណៈកម្មការរៀបចំការប្រកួត បានធ្វើការវាយតម្លៃខ្ពស់ចំពោះដំណើរការដោយរលូន កំឡុងការប្រកួតរយៈពេល ៤ថ្ងៃកន្លងមក ពិសេសគឺកម្រិតបច្ចេកទេសកីឡាករ-កីឡាការិនីចូលរួមភាគច្រើនមានការរីកចម្រើនជាងមុន ទាំងលើផ្នែកកាតា និងប្រយុទ្ធ ហើយគណៈកម្មការរៀបចំបានសហការគ្នាយ៉ាងល្អ ក្នុងការកាត់សេចក្ដីប្រកបដោយវីជ្ជាជីវៈ និងយុត្ដិធម៌។ តាមរយៈនេះ មន្ដ្រីជំនាញបានធ្វើការស្នើសុំថ្នាក់ដឹកនាំសហព័ន្ធ ដើម្បីជ្រើសរើសកីឡាករ-កីឡាការិនីដែលមានសមត្ថភាព និងមានឆន្ទៈខ្ពស់ចូលរួមក្នុងជម្រើសជាតិ ពិសេសចូលរួមជាមួយវិញ្ញាសាដែលត្រូវបានដាក់បញ្ចូលក្នុងស៊ីហ្គេម ដើម្បីត្រៀមលក្ខណៈឲ្យបានកាន់តែល្អប្រសើរ សម្រាប់ការប្រកួតព្រឹត្តិការណ៍ជាប្រវត្តិសាស្ដ្រ ដែលកម្ពុជានឹងធ្វើជាម្ចាស់ផ្ទះនាឆ្នាំ២០២៣។ ដូច្នេះនេះគឺជាឱកាសល្អមួយសម្រាប់កីឡាករ-កីឡាការិនីដែលធ្វើបានល្អក្នុងការប្រកួតកីឡាជាតិឆ្នាំនេះ។សូមបញ្ជាក់ថា ការប្រកួតកីឡាការ៉ាតេក្នុងកីឡាជាតិលើកទី៣ នេះគឺមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១០២នាក់មកពី ៦ក្រសួង និងរាជធានី-ខេត្ត ដែលបានចាប់ផ្ដើមដំណើរការប្រកួតកាលពីថ្ងៃទី២៦ ដល់ថ្ងៃទី២៩ ខែវិច្ឆិកា នៅសាលដំបូលទូកនៃសាកលវិទ្យាល័យភូមិន្ទភ្នំពេញ។ ជាលទ្ធផលអត្តពលិកមកពីក្រសួងសេដ្ឋកិច្ច និងហិរញ្ញវត្ថុ ដណ្ដើមបានមេដាយច្រើនជាងគេមានមេដាយមាស ៧ ប្រាក់ ១ និងសំរឹទ្ធ ៤ ខណៈខេត្តកំពង់ស្ពឺឈរលេខ២ ឈ្នះមេដាយមាស ២ ប្រាក់ ៤ និងសំរឹទ្ធ ២ គ្រាដែលក្រសួងការពារជាតិឈរលេខ៣ ឈ្នះមេដាយមាស ២ ប្រាក់ ២ និងសំរឹទ្ធ ៥ និងក្រសួងមហាផ្ទៃឈ្នះមេដាយមាស ១ ប្រាក់ ២ និងសំរឹទ្ធ ៣ ឈរលេខ៤៕អត្ថបទ លី ឈុនឡា

ការត្រៀមបានល្អរបស់ប្រដាល់គុនខ្មែរធ្វើឲ្យដំណើរការប្រកួតកីឡាជាតិបញ្ចប់ដោយជោគជ័យ

កីឡាជាតិ៖ ឯកឧត្តម តែម ម៉ឺន ប្រធានសហព័ន្ធកីឡាប្រដាល់គុនខ្មែរ បានវាយតម្លៃខ្ពស់ចំពោះការប្រកួតកីឡាជាតិលើកទី៣ ដែលដំណើរការដោយរលូន និងទទួលបានជោគជ័យ ដោយសារការត្រៀមខ្លួនបានយ៉ាងល្អរបស់សហព័ន្ធ ទាំងមន្ដ្រីបច្ចេកទេស អាជ្ញាកណ្ដាល ចៅក្រម និងកីឡាករ-កីឡាការិនីចូលរួម។ការបង្ហាញសុទិដ្ឋិនិយមនេះ បន្ទាប់ពីប្រដាល់គុនខ្មែរបានដំណើរការប្រកួតដោយជោគជ័យ ក្នុងព្រឹត្តិការណ៍ជាតិលើកទី៣ កាលពីថ្ងៃទី៣០ ខែវិច្ឆិកា ឆ្នាំ២០២២ បន្ទាប់ពីដំណើរការប្រកួតជាង ១សប្ដាហ៍កន្លងមក នៅវិមានកីឡដ្ឋាននៃពហុកីឡដ្ឋានកងយោធពលខេមរភូមិន្ទ(ស្ដាតចាស់)។ ឯកឧត្តមបន្ដថា ការប្រកួតកីឡាជាតិនេះគឺជាការផ្តល់ឱកាសដល់កីឡាករ-កីឡាការិនីបានបញ្ចេញទេពកោសល្យ សមត្ថភាព ក៏ដូចជាការវាស់ស្ទង់បច្ចេកទេស កីឡាករ-កីឡាការិនីម្នាក់ៗដែលបានហ្វឹកហាត់កន្លងមក ដើម្បីត្រៀមឆ្ពោះទៅប្រជែងមេដាយជូនជាតិ ក្នុងព្រឹត្តិការណ៍កីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា ហើយក៏ជាការពង្រឹងសមត្ថភាពមន្ដ្រីបច្ចេកទេសត្រៀមដឹកនាំ និងរៀបចំព្រឹត្តិការណ៍ជាប្រវត្តិសាស្ដ្រនេះផងដែរ។ការប្រកូតកីឡាប្រដាល់គុនខ្មែរនៃកីឡាជាតិលើកទី៣ បានចាប់ផ្ដើមដំណើរការប្រកួតកាលពីថ្ងៃទី២៦ ខែវិច្ឆិកា ដោយមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ១៧៤នាក់មកពី ១៣ក្រសួង និងរាជធានី-ខេត្ត។ ចំពោះលទ្ធផលបច្ចេកទេសគឺក្រសួងការពារជាតិឈរនៅចំណាត់ថ្នាក់លេខ១ ដណ្តើមបានមេដាយសរុប ១០គ្រឿងមានមេដាយមាស ៧ ប្រាក់២ និងសំរឹទ្ធ១។ ចំណែកក្រសួងមហាផ្ទៃឈរលេខ២ ដណ្ដើមបានមេដាយសរុប ៧គ្រឿងមានមេដាយមាស៤ ប្រាក់១ និងសំរឹទ្ធ២ ខណៈលេខ៣ ខេត្តកែបឈ្នះមេដាយប្រាក់៣ និងសំរឹទ្ធ ២៕អត្ថបទ៖ លី ឈុនឡា

មហាផ្ទៃឈ្នះមេដាយមាស ៦គ្រឿងលើ ៧វិញ្ញាសាក្នុងការប្រកួតសូហ្វតិន្នីសនៃកីឡាជាតិលើកទី៣

សូហ្វតិន្នីស៖ ការប្រកួតកីឡាសូហ្វតិន្នីសនៃកីឡាជាតិលើកទី៣ បានបញ្ចប់ដោយជោគជ័យ ដោយក្រុមអត្តពលិកក្រសួងមហាផ្ទៃដណ្ដើមបានមេដាយមាសស្ទើរគ្រប់វិញ្ញាសា ពោលគឺឈ្នះមេដាយមាស ៦គ្រឿងលើ ៧វិញ្ញាសាឈរចំណាត់ថ្នាក់លេខ១។ យោងតាមរបាយការណ៍សហព័ន្ធកីឡាសូហ្វតិន្នីសកម្ពុជា ការប្រកួតនេះមានប្រតិភូ គ្រូបង្វឹក និងកីឡាករ-កីឡាការិនីចូលរួមសរុប ៨១នាក់មកពី ៧ក្រសួង និងខេត្តដែលធ្វើការប្រកួតរយៈពេល ៥ថ្ងៃពីថ្ងៃទី២៣ ដល់ថ្ងៃទី២៧ ខែវិច្ឆិកានៅទីលានកីឡាសូហ្វតិន្នីសនៃពហុកីឡដ្ឋានជាតិ។ ជាលទ្ធផលក្រសួងមហាផ្ទៃដណ្ដើមបានមេដាយច្រើនជាងគេ រួមមានមេដាយមាស ៦ និងសំរឹទ្ធ ១ ខណៈខេត្តត្បូងឃ្មុំឈ្នះមេដាយមាស ១ និងសំរឹទ្ធ ២ ឈរលេខ២។ រីឯខេត្តកណ្ដាលឈ្នះមេដាយប្រាក់ ៣ និងសំរឹទ្ធ ១ ឈរលេខ៣, ក្រសួងការពារជាតិឈ្នះមេដាយប្រាក់ ២ ឈរលេខ៤, ខេត្តកំពង់ស្ពឺឈ្នះមេដាយប្រាក់ ១ និងសំរឹទ្ធ ២ ឈរលេខ៥, ខេត្តព្រៃវែងឈ្នះមេដាយប្រាក់ ១ ឈរលេខ៦ និងខេត្តកំពង់ឆ្នាំងឈ្នះមេដាយសំរឹទ្ធ ១ ឈរលេខ៧។ឯកឧត្តម សរ សិទ្ធ អនុរដ្ឋលេខាធិការក្រសួងមហាផ្ទៃ ទទួលជួយការងារដឹកនាំអគ្គលេខាធិការដ្ឋាននៃក្រុមប្រឹក្សាកីឡាក្រសួងមហាផ្ទៃ បានវាយតម្លៃខ្ពស់ចំពោះដំណើរការប្រកួតរយៈពេល ៥ថ្ងៃកន្លងមក ហើយឯកឧត្តមបានជំរុញ និងលើកទឹកចិត្តថ្នាក់ដឹកនាំ មន្ដ្រីបច្ចេកទេស និងកីឡាករ-កីឡាការិនីទាំងអស់ត្រូវបន្ដការខិតខំប្រឹងប្រែងបន្ថែមទៀត ដើម្បីដំណើរឆ្ពោះទៅរកភាពជោគជ័យនៃស៊ីហ្គេមឆ្នាំ២០២៣ ខាងមុខ៕ អត្ថបទ៖ លី ឈុនឡា

កីឡាជាតិ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួននៅថ្ងៃនេះ

ភ្នំពេញ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួន នៅក្នុងព្រឹត្តិការណ៍កីឡាជាតិ លើកទី៣ ដោយមានកីឡាករ ២៥រូប មកពី ៦ក្រសួង និងខេត្តចូលរួមប្រកួតលើ ៦វិញ្ញាសា។ ការប្រកួតគ្រោងធ្វើឡើង ៥ថ្ងៃ ចាប់ពីថ្ងៃទី២៦ ដល់ថ្ងៃទី៣០ ខែវិច្ឆិកា ឆ្នាំ២០២២។

បណ្ដាញសង្គម

ព័ត៌មានថ្មីៗ

ក្រុមគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យ ពិគ្រោះ ព្យាបាលជំងឺ ជូនប្រជាពលរដ្ឋក្នុងសង្កាត់ពញាពន់

សម្តេច ម៉ែន សំអន អញ្ជើញដឹកនាំកិច្ចប្រជុំគណៈបញ្ជាការយុទ្ធនាការបោះឆ្នោត គណៈកម្មាធិការបក្សខេត្តស្វាយរៀង

រដ្ឋបាលខេត្តពោធិ៍សាត់ផ្សព្វផ្សាយលក្ខន្តិកៈស្ដីពីគ្រូបង្រៀនជូនលោកគ្រូអ្នកគ្រូជាង ៥០០នាក់

មន្រ្តីសុខាភិបាលខេត្តតាកែវ អំពាវនាវឱ្យចូលរួមទប់ស្កាត់ការរីករាលដាលជំងឺអេដស៍ ខណៈអ្នកឆ្លងកើនឡើង

អនុប្រធានក្រុមការងារគណបក្សចុះជួយខេត្តស្វាយរៀងណែនាំមន្ត្រីបក្សត្រូវធ្វើគំរូដឹកនាំ និងអភិវឌ្ឍមូលដ្ឋាន

មន្ត្រីក្រសួងអប់រំ៖ ការសិក្សាមធ្យមសិក្សាជាស្ពានភ្ជាប់ផ្លូវជីវិត និងជាគ្រឹះសំខាន់សម្រាប់ការសិក្សាជាន់ខ្ពស់

ពលរដ្ឋភៀសសឹកចាប់ឆ្នោតជ្រើសរើសតូបលក់ដូរ នៅភូមិរង់ចាំ ជំហានដំបូងប្រមាណជា ៣០០តូប

តំណាងរាស្ត្រខេត្តត្បូងឃ្មុំ ជួបសំណេះសំណាលជាមួយអាជ្ញាធរមូលដ្ឋាន និងនិវត្តជនក្នុងស្រុកពញាក្រែក

មន្ទីរអប់រំរាជធានីភ្នំពេញប្រារព្ធខួបលើកទី២៧ ទិវាអន្តរជាតិសម្រាប់យុវជន ១២សីហា ឆ្នាំ២០២៦

មនុស្សបីនាក់ស្លាប់ បន្ទាប់ពីការបំផ្ទុះគ្រាប់បែកនៅភោជនីយដ្ឋានមួយក្នុងទីក្រុងមូស្គូ ប្រទេសរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

មន្ត្រីអាជ្ញាកណ្តាលស្ត្រីមួយក្រុមនឹងដឹកនាំការប្រកួតនៅ World Cup ជាលើកដំបូងយប់នេះ

អូស្ត្រាលីឈ្នះដាណឺម៉ាកឡើងវគ្គ ១៦ក្រុម ខណៈទុយនេស៊ីឈ្នះបារាំងតែអត់បានឡើង

អាហ្សង់ទីនឈ្នះប៉ូឡូញ តែក្រុមទាំងពីរឡើងវគ្គ ១៦ក្រុមចុងក្រោយ

កីឡាវាយកូនឃ្លីលើតុមានមន្ដ្រីបច្ចេកទេសគ្រប់គ្រាន់ត្រៀមស៊ីហ្គេម តែបារម្ភរឿងប្រជែងមេដាយ

កីឡាប៊ីយ៉ា និងស្នូកឃ័របញ្ចប់ការប្រកួតក្នុងកីឡាជាតិលើកទី៣ ដោយជោគជ័យ

កីឡាករ-កីឡាការិនីការ៉ាតេឆ្នើមក្នុងកីឡាជាតិអាចមានឱកាសជាប់ជម្រើសជាតិ

ការត្រៀមបានល្អរបស់ប្រដាល់គុនខ្មែរធ្វើឲ្យដំណើរការប្រកួតកីឡាជាតិបញ្ចប់ដោយជោគជ័យ

មហាផ្ទៃឈ្នះមេដាយមាស ៦គ្រឿងលើ ៧វិញ្ញាសាក្នុងការប្រកួតសូហ្វតិន្នីសនៃកីឡាជាតិលើកទី៣

កីឡាជាតិ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួននៅថ្ងៃនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

មន្ត្រី​អាជ្ញាកណ្តាល​ស្ត្រី​មួយក្រុម​នឹង​ដឹកនាំ​ការប្រកួត​នៅ World Cup ជា​លើកដំបូង​យប់​នេះ​

អូស្ត្រាលី​ឈ្នះ​ដា​ណឺ​ម៉ាក​ឡើង​វគ្គ ១៦​ក្រុម ​ខណៈ​ទុយ​នេ​ស៊ី​ឈ្នះ​បារាំង​តែ​អត់​បាន​ឡើង

អា​ហ្ស​ង់​ទីន​ឈ្នះ​ប៉ូឡូញ​ តែ​ក្រុម​ទាំងពីរ​ឡើង​វគ្គ ១៦​ក្រុម​ចុងក្រោយ

កីឡាវាយកូនឃ្លីលើតុ​មាន​មន្ដ្រី​បច្ចេកទេស​គ្រប់គ្រាន់​ត្រៀម​ស៊ី​ហ្គេម តែ​បារម្ភ​រឿង​ប្រជែង​មេដាយ​

កីឡា​ប៊ីយ៉ា និង​ស្នូកឃ័រ​បញ្ចប់​ការប្រកួត​ក្នុង​កីឡា​ជាតិ​លើក​ទី​៣ ដោយ​ជោគជ័យ

កីឡាករ​-​កីឡាការិនី​កា​រ៉ា​តេ​ឆ្នើម​ក្នុង​កីឡា​ជាតិ​អាច​មាន​ឱកាស​ជាប់​ជម្រើសជាតិ

ការត្រៀម​បានល្អ​របស់​ប្រដាល់​គុន​ខ្មែរធ្វើ​ឲ្យ​ដំណើរការ​ប្រកួត​កីឡា​ជាតិ​បញ្ចប់​ដោយ​ជោគជ័យ​

មហាផ្ទៃ​ឈ្នះ​មេដាយមាស ៦​គ្រឿងលើ ៧​វិញ្ញាសា​ក្នុង​ការ​ប្រកួត​សូ​ហ្វ​តិ​ន្នី​ស​នៃ​កីឡា​ជាតិ​លើក​ទី​៣

កីឡាជាតិ៖ កីឡាប៊ីយ៉ា និងស្នូកឃ័រកម្ពុជា ចាប់ផ្ដើមដំណើរការប្រកួតរបស់ខ្លួននៅថ្ងៃនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មន្ត្រីអាជ្ញាកណ្តាលស្ត្រីមួយក្រុមនឹងដឹកនាំការប្រកួតនៅ World Cup ជាលើកដំបូងយប់នេះ

អូស្ត្រាលីឈ្នះដាណឺម៉ាកឡើងវគ្គ ១៦ក្រុម ខណៈទុយនេស៊ីឈ្នះបារាំងតែអត់បានឡើង

អាហ្សង់ទីនឈ្នះប៉ូឡូញ តែក្រុមទាំងពីរឡើងវគ្គ ១៦ក្រុមចុងក្រោយ

កីឡាវាយកូនឃ្លីលើតុមានមន្ដ្រីបច្ចេកទេសគ្រប់គ្រាន់ត្រៀមស៊ីហ្គេម តែបារម្ភរឿងប្រជែងមេដាយ

កីឡាប៊ីយ៉ា និងស្នូកឃ័របញ្ចប់ការប្រកួតក្នុងកីឡាជាតិលើកទី៣ ដោយជោគជ័យ

កីឡាករ-កីឡាការិនីការ៉ាតេឆ្នើមក្នុងកីឡាជាតិអាចមានឱកាសជាប់ជម្រើសជាតិ

ការត្រៀមបានល្អរបស់ប្រដាល់គុនខ្មែរធ្វើឲ្យដំណើរការប្រកួតកីឡាជាតិបញ្ចប់ដោយជោគជ័យ

មហាផ្ទៃឈ្នះមេដាយមាស ៦គ្រឿងលើ ៧វិញ្ញាសាក្នុងការប្រកួតសូហ្វតិន្នីសនៃកីឡាជាតិលើកទី៣